Drama

Waguchima Bunachi: Tu rhidixhjëë' Bi' Yësa Xusbe' Xhnaa'be' Bi' zanbe' Ga rhaka: Nu' yu'u kosin, rha'nchila Tu rkin: Gayeta, xhiga', yë'n, mesa, machete, bchhichi, lu'u, tapa siya, rhë'ë.

Xhtsei: Gachhi minuto …..................................................................................................................................................................

Tu rhidixhjëë': Xunu' iza chi yu'be' Yësa ornaa'.

Tu dza guzee' xusbe' guyeje Lula'.

Buikiaj dza na' guzee' buchhine', rhasibe' labe' ornaa' koma rhelayela na' buchhine'.

Bayën bubanbe' buikiaj zila.

(Bi' Yësa rsalajbe' yu'u, na' chi zebe' rha'yu'u rhirhusabe') Bi' Yësa: ¡Nana xhixhi' guxa!

Tsaj na'garha ki ulidza'nu xhnaa'.

(Bi' Yësa rbiga'be' rha'yabe, naa' rhunaa'be') Tu rhidixhjëë': Buchhi gudibi loo'be' guyajtebe' nu' yu'u kosin ga rhëë'nu xhnaa'be'.

Bi' Yësa: ¡Diuxh naa'! ¿Ba zuu' chhia'?

Xhnaa'be': ¡Diuxh xhi'ni! ¿We'ju lati kafee?

Bi' Yësa: Waka naa', buzaa lachhu kia' tu rhua' doo'.

(Bi' Yësa rhajchëë'be' lu mesa, xhnaa'be' rbiga'nu rha'dëë, rga'nu kafee rhaj'je'tenu labe' lei) Xhnaa'be': Ni de, butse'i le'o doo' xhi'ni.

Bi' Yësa: ¡Xhkalenu' naa'!

(Buchhi bee'nube' kafee naa' yajxi'tenu bchhichi doo' yu' nu' gaa' doo' zee ikiaj'ju'u.

Rhulidzanu bi' Yësa)

Xhnaa'be': Ni de tu doo' sunue' kiele' xusle'.

Bi' Yësa: ¿Bixh tua' na' naa'?

Xhnaa'be': Gayeta doo' na' sunue' kiele' xusle'.

Tu rhidixhjëë': Bi' Yësa gudela'be' gayeta naa' gudagube'.

Chi blirha le'ebe' kati

bëasabe' lu mesa. (xhgichi yu'nu xhna'be', lanu rhulidzabe') Bi' Yësa: ¡Tibirha gawa' xhila waka naa'! Chi bli rha le'a.

Xhnaa'be': Waka xhi'ni, guyajkiu' rha' ru'u, yaj'yen xhdanu'. (rhurhuajbe' yu'u, lëa' naa' rdaabe' rxhiti'be') Tu rhidixhjëë': Rha' yu'u rdabe' rhixiti'be' lubëë kati' guzlo rhakabe' wichi. baño perhu tibi bi gude.

Naa' guzlodzga rhudia' le'be'.

Guyajbe'

(Ga zesbe' rha'chila naa' gurhëchhiya'be') Bi' Yësa: ¡Le'a rhudia' naa'!

Tu rhidixhjëë': Tibi nu buikiaj ulidza labe'.

Urhu'n beba sa'yajnu xhnaabe' nache'tenu kabe' bi' nigula kienu.

Kabirha rxhikiejbe' yela'rhudia' naa', kun guslobe' rbëchhibe'. Lë'a Rhëbe' rbichhi lenbe' le'be kati buchhine' xusbe', suze' guyeje uyubechhi.

(Xhusbe' rbige' gana' rhëë'be', rgabie' ya'xhikiajbe') Xu sb e': ¿Bi rhekinu' xhi'ni? ¿Bixh ke rbëchhu?

Bi' Yësa: Le'a rhudia' dada.

Xu sb e': ¿Bixhke na' cha, kabi rhëë'tsa bela rhegi' le'o, xhi'ni?

Tu rhidixhjëë': Ornaa' bulenhnu xhnaa'be' su'zaa'nu lenkabe' nigula kienu. (kame rhulidzanu lee'e)

Xhnaa'be': Kades gayeta gudagube', yela waguchima naa' na' rhudia' le'be'.

Xu sb e': ¡Aaa! Tua' na' cha. gunrhu' lii'i rmedi.

(rhulidzebe' bi' Yësa).

Tibi këchhu' xhi'ni, na' te

Tu rhidixhjëë': Xusbe' bi' Yësa naa' gudele'be' bunide'be' su'wëajteke' nu' yu'u kosin dzage' kabi' nigula naa' len nigula kiee'.

Lu mesa gurhë'e ki gawe' xhsila. (yuguteke' tabë'e lu mesa, tsani' rhawe' xhsila xusbe') Xu sb e': Tibi rhala' gunle' kaa' gaguchimale' yugu' tu xhixi.

Danio ba rhun ta' kierhu', len tibi naka ta' parha xënrhu'. Tibi xënle' chhia' cha' rhagule' purhu lei, len' tibi balor gapale' gunle' chhin.

Bi' Yësa: xhkalenu' rnoo' kaa'. Nis selo gudawa' gayeta, tsas gulida' lei kani guka kia'.

Tu rhidixhjëë': Kaa' guka guxhibe' konsejo, naa' yajni'be' ki tibi naka bën ka yugu' tua'. Orni' guli'be' gayeta, ni' yetaxhtila kabirha guna kiebe' gagube'.