Norðurslóðarannsóknir hafa aukist talsvert á Íslandi undanfarinn áratug og hefur rannsóknastyrkjum til norðurslóðaverkefna einnig fjölgað. Í skýrslunni er að finna yfirlit um norðurslóðastefnu íslenskra stjórnvalda og lýsingu á íslenskum aðilum sem stunda norðurslóðarannsóknir, en þeirra á meðal eru háskólar, stofnanir, fyrirtæki og fleiri. Meginefni skýrslunnar er greining sem gerð var á innlendum og erlendum sjóðum sem hafa veitt styrki til íslenskra aðila til norðurslóðarannsókna. Megináhersla er lögð á að greina styrki Rannsóknasjóðs sem úthlutað hefur verið til norðurslóðarannsókna, svo og styrki sem hafa fengist til málaflokksins úr rannsóknaáætlunum Evrópusambandsins, einkum Horizon 2020. Þá er gerð grein fyrirvöldum rannsóknaverkefnum með íslenskum þátttakendum auk alþjóðlegra vettvanga sem þjóna málefnum norðurslóða.
