leak sanur (IGG Djelantik Santha

Pamahbah

léak sanur

IGG Djelantik Santha

Waluya kadi bukit ejohin sami kanten lungid rawit ring Bali ngadén léak Sasak sakti ring Jawa ngadén léak Bali luwih ring Sasak kasub ngundang begig ring Jawa pascat ngadu santét ring Bali léak pangiwa ngendih sujatinné sami wantah bukit ejohin. Duk jaman perang nguni Belanda tedun ring Sanur Jepang madaret ring Benua serdaduné sami ngandet buang ngalih lonté sakama-kama asal lua bilang bajang kaplegandang

ngawé resres bajang Dénpasar kaparikosa keni peluru nyasar. Léak Sanur nésti dados caru

nyuti rupa dados istri jalir jegég ngolér matandang begér dagang nasi mimbuh laklak di pasisi di bongkol pandané tan tulak asal iserdadu wadih pasti kalilih bajangé selamet iserdadu lemet léak déstiné siteng maguet Bajang lan istriné sami nganjali matur suksma Ratu Lingsir Istri saktiné kadi Cadu Sakti

Catetan: Puisi puniki kaambil saking cakepan Dénpasar lan Donpasar