Barrios 54

O Club Deportivo Arenteiro celebra este sábado, 28 de abril, 60 anos de historia [Páx. 8]

CIDADE

Páx.2

Aprobado o proxecto de orzamento de 2018 á espera das emendas

CIDADE

Páx.3

Concello e CHMS abordan proxectos para o saneamento e limpeza dos ríos

O CARBALLIÑO Páx.8

DEPORTES

Pax.11

O Carballiño presenta as actividades para celebrar as Letras Galegas 2018

A Unión Deportiva Ourense colle o liderato da Rexional Preferente

CULTURA

Páx. 14

Este domingo, as rúas de Ourense conmemoran o Día Internacional da Danza

Saída no Vinteún do VIII Correndo por Ourense

A AVV As Termas reclama a mellora dun muro derrubado na rúa de acceso ao Tinteiro [Páx. 12] Centos de atletas na saída da proba absoluta do “Correndo por Ourense” disputado no Vinteún. // Estado do muro da rúa Camiño Campo de Santiago./RAMSÉS.

Número: 54 - Ano: XI - 26 de abril de 2018 - Depósito Legal: OU 142-2014 - Periódico semanal de distribución gratuíta www.periodicobarrios.com - Se quere anunciarse consulte no 685 800 190

[Páx. 7]

Barrios 26 de abril 2018

TEMA DA SEMANA

Rotas as negociacións entre a Xunta e os funcionarios de Xustiza por 12 euros 4 Cando un preacordo entre o Goberno galego e catro dos sindicatos convocantes semellaba poñer fin ao conflito, unha contraoferta inesperada, proposta polos representantes dos funcionarios, puxo fin á reunión.

Redacción O pasado mércores 18 de abril a Xunta e o comité de folga de Xustiza reuníanse na que semellaba ser a xuntanza definitiva antes de acadar un acordo para poñer fin ao paro indefinido do sector en Galicia, pero non puido ser. Xa se suman ata agora máis de dous meses de folga.

Dende Vicepresidencia confesaron, antes desta reunión, que lograran un preacordo con UXT, CCOO, USO e CSIF coa idea de que despois desa cita se someterá ás asembleas de traballadores. Pero os outros tres sindicatos incluídos nesta folga –CIG, STEJ e CUT- manifestaron o seu rexeitamento e o fin desta historia volve semellar de novo lonxe.

Este comezo de acordo, detallado nun documento, plantexaba unha subida de 140 euros para os médicos forenses, 133 para xestores, 127 para tramitadores e 122 para auxilios xudiciais. Ademais, o incremento sería progresivo nos próximos tres anos, nun 50% en 2018, un 30% en 2019 e un 20% en 2020. Así mesmo, incluía unha cláusula pola que Xunta e sindicatos se reunirían no terceiro trimestre de cada ano para examinar se estes funcionarios perdían posición en relación ao resto de comunidades co fin de correxilo.

Tamén se establecía un prazo de tres meses para dar forma a un plan que recuperase o 80% dos actos xudiciais que quedaron pendentes pola folga.

Polo que a través de horas extraordinarias os folguistas poderían recuperar a

parte do salario descontado neste tempo. Ademais, a Xunta comprometíase a prorratear ao longo deste ano as cantidades pendentes de desconto.

Pero CIG, STEJ e CUT non estiveron de acordo e reclamaron unha mellora na oferta económica. Polo que a Xunta deu por rematada a reunión ao sentirse “traicionada”.

O vicepresidente, Alfonso Rueda, manifestou a súa “indignación” e explicou que o preacordo foi “torpedeado incomprensiblemente” pola que se considera o ala máis radical do comité.

Tras estas discrepancias, Rueda detallou as esixencias dos voceiros sindicais, como que o Goberno galego abone “sen máis, un 10% do poder adquisitivo perdido durante a folga”, ou que os plans de recuperación do traballo se restrinxan “sen control” aos funcionarios que se sumaron á protesta.

Pola súa banda, dende os sindicatos acusan a Vicepresidencia de negarse a negociar a contraoferta sindical, que, segundo din, só se distanciaba da da Xunta en 12 euros.

Dimete o presidente do comité de folga O presidente do comité de folga dos funcionarios de Xustiza de Galicia, Manuel Tejada Vidal (SPJ-USO) vén de renunciar ao seu cargo por “motivos persoais”. Tejada explicou que o abandono da liberación sindical da que gozaba por parte do seu sindicato levouno a deixar tamén o comité.

O seu sustituto será o seu compañeiro Carlos Dacal Insúa.

O alcalde de Ourense, Jesús Vázquez, nun acto xunto á conselleira de Infraestruturas, Ethel Vázquez.

Aprobado o proxecto de orzamento de 2018 4 Comeza o prazo de presentación de emendas polos partidos da oposición.

Redacción

Alfonso Rueda, vicepresidente da Xunta e conselleiro de Xustiza, estase a encargar persoalmente das negociacións co comité de folga.

Acampada Os sete sindicatos convocantes desta folga iniciaron o pasado luns 23 de abril unha acampada diante da sede administrativa da Xunta no barrio compostelán de San Caetano, co fin de demandar así que o Goberno galego retome as

negociacións, rotas trala reunión do 18 de abril.

Pola súa banda, Alfonso Rueda condicionou a celebración dunha nova xuntanza a que o comité de folga acepte a última oferta da Xunta e deixe que a voten os traballadores.

4 CSIF propón a mediación O sindicato CSIF vén de dar un paso para lograr poñer fin definitivamente a esta folga indefinida dos funcionarios de Xustiza que se está a rexistrar en Galicia dende febreiro. O sindicato vén de proporlle ás demais organizacións que forman parte do comité (SPJ-USO, UGT, CC.OO., CIG, CUT e STAJ) e á Xunta poñer o conflito en mans dun mediador, que logre desblo-

quear esta situación.

O candidato proposto é Agustín Azparren Lucas, maxistrado en excedencia, profesor universitario e expresidente en España do Grupo Europeo de Maxistrados pola Mediación (GEMME).

CSIF comprometeuse a levar a resolución de Azparren ás asembleas de traballadores para que a voten, co fin de que esta sexa “a saída definitiva ao conflito”.

O proxecto de orzamento do Concello de Ourense para o exercicio 2018 foi aprobado na Xunta de Goberno extraordinaria celebrada este mércores 25 de abril.

Unha vez recibido o informe que restaba para completar este documento, o emitido pola Intervención Municipal, o Goberno Municipal vén de aprobar o documento para continuar coa tramitación deste expediente.

Así, nese mesmo día o expediente completo foi remitido aos grupos políticos para que presenten, se así o consideran, as súas emendas ao documento para poder continuar coa tramitación administrativa.

Segundo o goberno popular “o informe emitido pola Intervención Municipal en ningún momento sinala, como sí fixera en exercicios económicos anteriores con outros orzamentos, causa algunha de nulidade, anulabilidade ou impugnación”.

Así, dende o PP aseguran seguir traballando a prol de conseguir aprobar “uns orzamentos axeitados á realidade actual da cidade”, calificando estes como “os máis sociais da

historia de Ourense”, contemplando un incremento dun 21% nas partidas adicadas á area social, e por elo solicítalle o apoio aos grupos políticos para a súa aprobación en pleno no menor prazo posible.

Oposición Tras darse a coñecer esta aprobación, dende a oposición non se fixeron agardar as primeiras valoracións.

Dende Democracia Ourensana resaltaron que neste proxecto figure o aumento dun 5% do soldo do alcalde de Ourense.

“Parécenos unha tomadura de pelo por dous motivos. Un polo improcedente, restando un ano de mandato, e outro porque ao comezo deste o propio alcalde fartouse de propagandear que se baixaba o soldo un 5%, cantidade que agora se sobe”.

Pola súa banda, Ourense en Común denunciou que “Jesús Vázquez pretende agochar a vergoña de non ter aprobado uns orzamentos en tres anos levando agora a pleno un proxecto cun informe desfavorable do interventor municipal”.

Esta formación destacou, entre outros aspectos, que este orzamento “vulnera a Lei de emprego público de Galicia, o principio de suficiencia orzamentaria e a Ordenanza xeral de subvencións”.

CIDADE

Barrios 26 de abril 2018

Concello e CHMS abordan proxectos comúns 4 Para o saneamento e limpeza dos ríos da cidade.

R. Torres

O socialista Gonzalo Caballero, na súa visita ao barrio do Vinteún en Ourense.

Gonzalo Caballero critica o goberno popular na cidade de Ourense 4 Di que “vai a peor e perde forza”.

R. Torres O secretario xeral do Partido Socialista de Galicia, Gonzalo Caballero, visitou esta semana a cidade de Ourense; concretamente os barrios da Ponte e do Vinteún. Foi neste último onde se achegou ata os terreos onde se tiña proxectado a construción dun centro de saúde para os veciños dese barrio.

Durante a visita estivo acompañado por representantes do partido na cidade e provincia. “A cidade en Ourense vai a peor cos gobernos do Partido Popular.

Cando coincide no Goberno de Estado, na Xunta, na Deputación e no Concello de Ourense, vai a peor e perde forza”, esas foron as

“O tempo pasa e o barrio segue sen ter devandito centro de saúde”, denunciou

primeiras palabras ante os xornalistas. E continuou acusando ao PP de deixar un “balance nefasto e de retroceso para a cidadanía”.

Sobre o compromiso de facer un centro de saúde neste barrio advertiu que o tempo “pasa e o barrio segue sen ter devandito centro”, sendo este un “compromiso histórico cos veciños da zona”.

Ademais, recordou que outra das demandas no Vinteún, e que se segue sen resolver, é a do Centro Cívico.

Por todo elo, asegurou que a xestión do alcalde, Jesús Vázquez, “é insuficiente, incapaz e nefasta”.

En canto ao AVE, Caballero dixo que o tramo de Taboadela a Ourense “aínda está sen planificar, ademais de non ter elaborado o da intermodal”.

O socialista lembrou que o rexedor “non foi que de orzamentar presupostos

“A xestión do alcalde é insuficiente, incapaz e nefasta”, dixo nesta lexislatura”.

Vázquez Barquero O portavoz socialista no Concello de Ourense, José Ángel Vázquez Barquero, tamén aproveitou a ocasión para cargar contra o goberno municipal. “Que utilice os mecanismos legais para desenvolver a iniciativa de centro de saúde. A iniciativa legal é esa lei exprés que o Parlamento de Galicia aprobou a principios de 2016”, lembrou.

E aconselloulle aos populares que “igual que impoñen, coa lei exprés, unha estación intermodal que non pasou polo pleno, pois que a utilicen para desenvolver este proxecto”.

O Concello de Ourense e a Confederación Hidrográfica Miño - Sil abordan proxectos en común para o saneamento e limpeza dos ríos da cidade.

O alcalde de Ourense, Jesús Vázquez Abad, e o presidente da Confederación, Francisco Marín, ademais do concelleiro de Medio Ambiente, José Araújo, reuníronse para avanzar nos mesmos.

Acordaron levar a pleno municipal varios convenios.

Convenios Un deles é o da execución do proxecto de mellora do saneamento de Velle; procedéndose á substitución do sistema actual de fosas sépticas por un sistema que evite verteduras á canle do Miño, actuación demandada desde hai moitos anos polos veciños de Velle, e cuxo investimento ascende a 3 millóns de euros que será sufragado ao 50% entre ambas Ad-

ministracións.

O segundo será o de ampliar en cinco quilómetros o carreiro peonil que discorre pola marxe dereita do Miño entre Outariz e a N-120 en Ourense. Este investimento ascenderá aos 500.000 euros e será financiado a partes iguais entre os dous entes.

Por outra banda, tamén se acometerá a instalación dun tamiz automático que evitará a presenza de sólidos e flotantes que orixinan episodios de contaminación no aliviadoiro de Ponte Lebrona (río Barbaña). O investimento desta acción superará os 60.000 euros sendo a CHMS a que se faga cargo de todo o custe.

Implicación Ao longo do mes de maio comezarán a traballar varias brigadas de limpeza de ríos na provincia, nas que se quere contar coa colaboración e implicación veciñal. A este respecto, acordaron fixar un encontro cos colectivos veciñais para solicitar a súa colaboración.

Ao longo do mes de maio comezarán a traballar varias brigadas de limpeza de ríos na provincia “Ao gozar a diario das canles e os seus carreiros fai que sexan os propios veciños a nosa mellor gardería fluvial e as súas suxestións serán de gran axuda ao labor que desempeña a Confederación Hidrográfica na mellora dos ríos” explicou Francisco Marín.

A este respecto, acordaron fixar un encontro cos colectivos veciñais para solicitar a súa colaboración. “Esta cuestión xorde despois dunha reunión que mantiven con varios membros da directiva da Federación Limiar, a proposta destes, que, entre outros temas, comprometéronse a coordinar as solicitudes que poidan recibir dos seus asociados” concluiu o presidente.

Reunión entre o presidente da CHMS, Francisco Marín, e o alcalde de Ourense, Jesús Vázquez, xunto ao concelleiro de Medio Ambiente, José Araújo.

Barrios 26 de abril 2018

EMPRESA

O grupo de comerciais que atenderán ao público nestes “Días de Ocasión” no concesionario./M.REJO.

PSA Retail celebra os “Días de Ocasión” en Ourense 4 Só o 26, 27 y 28 de abril máis de 100 coches con prezos incríbles nos distintos modelos Peugeot.

Redacción O concesionario oficial Peugeot en Ourense organiza os vindeiros tres días,

26, 27 e 28 de abril, os “Días de Ocasión”.

Nestes tres días máis dun cento de vehículos da marca Peugeot estarán dispoñi-

bles nas instalacións. Trátase de vehículos seminovos, demostración, xerencia ou km. 0.

Atoparás case todola

gama da marca gala, dende os clásicos 108, 208 e 308, chegando aos 508 e pasando polos SUV 3008 e 5008.

E se eres empresario ou autónomo tamén podes achegarte polas instalacións de PSA Retail porque atoparás importantes ofertas en vehículos industriais.

Son os que estas vendo, pois se che interesa xa o podes levar no mesmo momento. Fan a tasación do teu vehículo no acto e disporás de condicións especiais para financiar a túa compra. Ademáis, pola compra nestes días dun coche de ocasión regalaranche unha tarxeta combustible. Se o que liches che pareceu interesante podelo comprobar achegándote a rúa Seixalbo 20 en Ourense, en horario ininterrompido de dez da mañá ata as oito do serán, ou pedindo cita no teléfono 900 103 660.

Coa compra do teu coche obsequiaranTe cunha tarxeta de carburante

Día sen IVE en Muebles FyM Redacción Este sábado 28 de abril Muebles FyM axúdate a trocar os mobles da túa casa.

Nos seus máis de 5000 metros cadrados de exposición dispostos en dúas prantas mal será que non atopes o sofá, dormitorio, moble de salón, mesas e cadeiras, zapateiros ou mesmo colchóns.

Neste “Día sen IVE” Mobles FyM desconta na compra dos teus mobles o 21 % pero só nos mobles que se atopan en exposición ou stock, os que estás vendo na tenda ou dispón del no almacén.

Lembra, o “Día sen IVE” será só este sábado 28 de abril. Apúntao ben.

Se estás pensando en trocar de mobles achégate a Muebles FyM na estrada de Madrid N-525 km.

234, xunto a entrada da autovía A-52 e a Opel en horario de mañá e tarde este sábado.

CIDADE

O Concello abre o prazo das axudas escolares 4 Para a compra de libros e comedores escolares.

Redacción O Concello de Ourense convoca as axudas para a compra de libros e comedores escolares para o curso 2018/2019. As familias poderanas solicitar ata o día 16 de maio. A dotación económica é a mesma contía que a do ano pasado. Dos 243.348,47 euros, 20.000 serán para axudas a libros de texto e material escolar e 223.348,47 euros para comedores escolares.

Dirixidas a unidades de convivencia en desvantaxe social e con menor poder adquisitivo con nenos ao seu cargo que estuden en centros públicos ou concertados.

Información Toda a información sobre as axudas (requisitos, bases e convocatoria) están na web do Concello: https://www. ourense.gal/gl/areas/ asuntos-sociais/blog-asuntos-sociais/3905-aprobacion-da-convocatoriade-axudas-de-libros-ecomedor-escolar-para-ocurso-2018-2019.

As solicitudes poden presentarse no Rexistro Xeral do Concello ou por calquera medio dos establecidos no artigo 16.4 da Lei 39/2015, do 1 de outubro, do procedemento administrativo común das administracións públicas.

A xeotermia como aposta de futuro en Ourense 4 La Molinera acolleu unha xornada para coñecer esta enerxía renovable.

Redacción Preto de 40 persoas asistiron á primeira xornada para coñecer a riqueza da xeotermia local.

Este ciclo desenvólvese no marco do proxecto Geoatlantic, primeiro proxecto do programa Espazo Atlántico que aposta pola xeotermia como enerxía final de uso público e privado e o seu achegamento á sociedade.

Nesta primeira xornada, os asistentes coñeceron os principais usos que a xeotermia pode ter a nivel local tanto como uso enerxético como de saúde.

O ciclo de talleres ten como fin incentivar o

uso da enerxía xeotérmica entre cidadáns, prescriptores ou empresas de instalación enerxética, así como dentro da administración pública.

O obxectivo desta xornada é ensinar aos veciños de Ourense as vantaxes no uso enerxético desta enerxía renovable.

O edil de promoción económica, Jorge Pumar, destacou a importancia desta enerxía a nivel estratéxico para a aposta do futuro renovable da cidade e o potencial que está energia pode ter para o emprego e o desenvolvemento económico da mesma.

Barrios 26 de abril 2018

EN BREVE 4 China O alcalde de Ourense, Jesús Vázquez, viaxará a China, do 25 de maio ao 2 de xuño, para promocionar a cidade como destino turístico de patrimonio e de investimentos, no marco do International Mayor’s Forum on Tourism.

4 UVIGO Manuel Reigosa é o novo reitor da Universidade de Vigo. A ourensá Esther de Blas Varela acompañaraa no seu grupo de traballo como a nova vicerreitora.

4 Aspamadis

A xornada tivo lugar en La Molinera.

Aspamadis, o centro especial de emprego para persoas discapacitadas, presentou a súa nova furgoneta, adquirida en colaboración con La Caixa. Con ela poderá transportar a empregados e material necesario para mantemento de parques e xardíns.

Barrios 26 de abril 2018

EN BREVE 4 Democracia Ourensana Unha das mocións que Democracia Ourensana levará ao pleno do día 4 de maio, será a de eliminar as “prebendas” dos funcionarios do Concello.

Desde a formación aseguran que o motivo é que o actual convenio regulador das condicións dos empregados públicos do concello é ilegal. Ademais din que o convenio atópase caduco desde decembro de 2013.

Outras das mocións de DO é a de suprimir as novas macro pantallas dixitais que se instalaron en beirarrúas da cidade. Tamén pedirán a supresión inmediata dos bolardos.

4 Ciudadanos A formación Ciudadanos, sen representación no Concello de Ourense, denuncia a parálise de obra pública. O seu portavoz, Alberto Rodríguez, afirma que “Ourense é a única das sete cidades galegas que non ten licitación de obra pública no primeiro trimestre do ano”.

CIDADE

A reforma do xardín do Posío, a pleno en maio 4 OUeC está a recoller as queixas dos veciños a través de “A voz do barrio”.

Redacción A iniciativa “A voz do barrio”, de Ourense en Común, está recollendo as inquedanzas da veciñanza por diferentes áreas da cidade e visitaba o pasado 7 de abril a contorna do xardín do Posío, detectando unha ampla demanda entre as residentes nesta zona referida ao “abandono histórico” do xardín.

Cos comentarios e suxerencias veciñais, o grupo defenderá a través dunha moción, no pleno de maio, a petición para que o goberno municipal acometa “de forma urxente” accións de se-

guridade, accesibilidade, rehabilitación e posta en valor deste espazo.

Xullo 2017 A corporación xa aprobara por unanimidade no pleno de xullo de 2017 unha iniciativa neste camiño, pero coa abstención do goberno do PP para comprometer nos vindeiros Orzamentos Municipais unha partida económica para a súa execución.

Segundo OueC, o propio edil popular responsable da área de Infraestruturas, José Araújo, admitía en xunta de área “ser consciente da problemática”, pero escú-

4 Adelante Adelante Ourense pide ao Concello máis transparencia na calidade dos servizos públicos municipais. Solicita que os cidadáns teñan acceso aos informes anuais de control de calidade.

Vista do xardín do Posío. /RAMSÉS.

dase na falta de fondos para realizar as obras; unha cuestión “de fácil solución” para Ourense en Común, xa que podería xestionarse mediante a figura da modificación orzamentaria “como o fan para o que necesitan, como o fracasado plan de obras”, remataban desde a formación.

A corporación xa aprobara no pleno de xullo de 2017 unha iniciativa neste camiño, coa abstención do PP

O PSOE aposta por un pacto local 4 Na loita pola conciliación laboral e familiar.

Redacción O PSOE de Ourense aposta por un pacto local para a conciliciación laboral e familiar no Concello de Ourense. Os socialistas apostan por “restablecer e crear” novos programas municipais que melloren de xeito real e efectivo a situación “das familias da nosa cidade” ante o desmantelamento social “exercido dende a chegada ao Goberno do PP” en 2015.

Os socialistas fanse eco do debate que se está a ter sobre este tema nos últimos tempos, aínda que consideran que non se focaliza como debe por parte das administracións públicas, sendo estas, aseguran, as que teñen que levar a cabo medidas efectivas para acadar melloras reais e efectivas. Ademais, recordan que é un tema abordado no Concello a través de distintas iniciativas por partes dos diferentes grupos políticos tanto dende o Goberno como dende a oposición; incluso se chegaron a aprobar algunhas iniciativas como a gratuidade da acollida temperá, a re-

dución de taxas a familias monoparentais, a apertura de colexios fóra do horario lectivo, a elaboración dun Plan Municipal para a Conciliación ou a realización de actividades de lecer adaptadas á diversidade. Porén para o grupo da oposición estas iniciativas non se viron traducidas en resultados, acusando ao PP de promover unha xestión de mentiras e recortes nas áreas de benestar social e igualdade.

Os acusan de suprimir o Programa de Atención a Familias Monoparentais, o de Reforzo Escolar nos Centros Cívicos, o Banco do Tempo, o Coeduca, ademais de recurtes no de Intervención Socioeducativa na Escola e supresión da Comisión Técnica de Absentismo Escolar.

Actuación Deste xeito, instarán ao Goberno, no pleno de maio a que constitúa unha Mesa de Traballo Municipal co fin de redactar e aprobar un Pacto Local pola Conciliación Laboral e Familiar.

Na mesa queren que estean todos os grupos políticos, técnicos municipais das concellerías implicadas e colectivos sociais.

CIDADE

Peliquín formouse contra a vespa velutina Redacción Os veciños de Peliquín participaron nunha charla informativa sobre a vespa velutina organizada pola Asociación de Veciños

Peliquín - Catrocamiños.

Esta charla foi posible grazas a colaboración coa Agrupación Apícola de Galicia, Bombeiros de Ourense e Concello de Ourense. Á mesma asistiu un nutrido número de veciños interesados no tema a tratar, tan á orde do día nos últimos tempos.

As Termas solicita ao Concello actuar sobre un muro derrubado 4 Situado na rúa Camiño Campo de Santiago, acceso ao Tinteiro, Campo da Feira e pavillón de deportes.

Redacción

Momento da charla sobre a vespa velutina celebrada na sede da AVV Peliquín.

Áreas verdes municipais Redacción Desde Ourense en Común piden “programación e previsión” no mantemento das áreas verdes municipais ao grupo de goberno municipal. As últimas chuvias fixeron que a vexetación extendérase “sen control” o que leva a que den unha “imaxe de abandono persistente”. Por iso, piden ao concelleiro responsable de Medio Ambiente,

Jose Araujo, a “poñerse a traballar e asumir as súas competencias” para abordar a recurrente problemática que acusan os solares municipais e áreas verdes, “devoradas pola vexetación incontrolada”. O grupo pide “máis previsión” na limpeza das ribeiras dos ríos, áreas de lecer, e camiños.

Miguel Doval, edil de Ourense en Común, fai fincapé en que “é precisa outra estratexia”, xa que “coa desidia deste goberno, os parques parecen un monte”.

A Asociación de Veciños As Termas continúa coas súas reivindicacións que mes a mes trasladan ao Concello de Ourense.

Nesta ocasión, a asociación con sede na praza 200 -xunto a estación de autobuses- solicita ao ente local que se tomen medidas urxentes para sinalizar e realizar as obras necesarias nun muro na rúa Camiño Campo de Santiago, co fin de garantir a seguridade de peóns e vehículos. E é que veciños do barrio alertaron do perigoso estado no que se atopa a rúa tralo derrube do muro. Este feito fai que os peóns teñan que circular pola calzada, sendo perigoso, sobre todo, cando se achegan á curva. Este camiño da acceso á zona termal do Tinteiro, ao Campo da Feira e ao pavillón de Deportes.

Praza Outras das peticións da asociación ao Concello é que se tomen as medidas oportunas para a limpeza das xardineiras e bordillos da praza 200. Consideran que desde que se instalou o mobiliario con motivo do 20 aniversario do barrio, este,

Muro derrubado que As Termas solicita que arranxe o Concello de Ourense. non recibiu ningún tipo de mantemento. Ademais piden que se renove algunha das plantas e que se valore a proposta de accións conxuntas entre Concello e A.VV. para a conciencia sobre o coidado do barrio.

AECC Por outra banda, xa son cinco anos os que asociación veciñal e Asociación Española Contra o Cancro manteñen unha estreita relación. Charlas de sensibilización son algunha das accións conxuntas. Outras das actividades foi a dun obradoiro de risoterapia que tivo lugar durante os meses de marzo e abril.

Nos últimos tempos As Termas vén colaborando con entidades como: Asociación Cultural Vía

Vella de Ponte Canedo, Cruz Vermella Ourense, AECC-OURENSE, Renacer DCA, AFAOR, Asociación de Técnicos en Emerxencias Sanitarias en beneficio das veciñas e veciños barrio Dende a agrupación marcanse o obxectivo de consolidar e ampliar as actividades e servizos as veciñas e veciños do barrio, apostando por un Programa de Envellecemento activo e saudable que permita non só dinamizar a convivencia no barrio senón ser ferramenta de prevención da dependencia e a soidade.

En definitiva, unha colaboración que permita mellorar a convivencia e o benestar entre os veciños.

Barrios 26 de abril 2018

Senda peonil de Reza Redacción O local da Asociación de Veciños Quince de Agosto acolleu unha charla, a cargo de técnicos da Xunta de Galicia, na que explicaron o proxecto, aos veciños de Reza, da senda peonil anunciada pola Xunta de Galicia.

O motivo foi que moitos veciños quixeron información de primeira mán sobre as expropiacións.

Desde a asocación indican que o pobo de Reza recibiu “con sorpresa o proxecto que a Xunta anunciou fai unhas semanas para construir unha senda peonil.

Os veciños de Reza lamentan a falta de información sobre un proxecto que eles non pediron e que consideran unha medida aislada” dicían desde a asociación. E seguían, “un percorrido para bicis só de dous quilómetros nin será de gran utilidade polos afeccionados á bici, nin permitirá as veciñas acceder as súas vivendas con comodidade ao eliminar a zona para aparcar, sen ter en conta a accesibilidade das persoas maiores” aseguraban. E remataban afirmando que “non estamos en contra das sendas ciclistas nin de calquera mellora para o pobo, pero si que non vemos ben que haxa un proxecto sin contar coa opinión da xente”. Nos últimos días moitos veciños viñeron preguntar polas expropiacións que lles afectará pola construcción da senda.

Barrios 26 de abril 2018

Reforma da biblioteca pública Redacción O proxecto de reforma da Biblioteca Pública Municipal, que ascenderá a preto de 200.000 euros, contará cunha subvención da consellería de Educación e Cultura da Xunta de Galicia de 70.000 euros. Así o confirmou o concelleiro de Educación e Cultura, Diego Fernández, durante a súa presentación. O poxecto consiste na mellora do sistema enerxético, así como na reestruturación e modernización dos diferentes espazos e seccións.

Executarase en diversas fases, compaxinando as obras coa prestación do servizo, mentres non supoña inseguridade ou un ruído excesivo para os usuarios da biblioteca.

Prazos O concelleiro asegurou co proxecto tardará un ano en executarse na súa totalidade, e mentras intentarase manter aberto o servizo.

Tamén dixo que a nova relación de postos de traballo do concello contempla a praza de bibliotecario, polo que quedarían subsanados os problemas de falla de persoal que se levan arrastrando dende hai anos.

especial O CARBALLIÑO

O C.D. Arenteiro celebra o seu 60 aniversario 4 Os actos centraranse este sábado, 28 de abril, no Carballiño.

Redacción O Club Deportivo Arenteiro vai celebrar, por todo o alto, os 60 anos que pasaron desde a súa creación. Para elo, desenvolverase un programa de actos que terán lugar o sábado, 28 de abril. Este programa foi presentado polo alcalde do Carballiño, Francisco Fumega; o concelleiro de Deportes, Manuel Dacal; o presidente do club, Xan Fernández Pinal; o vicepresidente, Manuel Sotelo; e Paco Cachorro.

Ese día, ás 12:30 horas, inaugurarase na casa do concello unha exposición fotográfica e de material

4 As suxestións dos asistentes pecharon o evento.

Rematou no Concello do Carballiño o seu networking. O conselleiro de Economía, Emprego e Industria, Francisco Conde, clausurouno, xunto ao alcalde da localidade, Francisco Fumega, e con empresarios e comerciantes da zona no que se de-

acollerá un xantar de confraternidade (a un prezo de 25 euros).

Partido Xa pola tarde, os actos trasládanse a Espiñendo.

A TVG retransmitirá íntegramente o encontro entre “os verdes” e o Boiro.

O Arenteiro lucirá unha camiseta conmemorativa, en claro homenaxe á da primeira etapa.

O partido entre Arenteiro e Boiro será retransmitido pola TVG a partir das 16:30 horas

Presentación dos actos conmemorativos do 60 aniversario de CD Arenteiro.

Remate do networking do Carballiño

Redacción

histórico de C.D. Arenteiro, que consta de oito paneis. Esta exposición permanecerá ata o 4 de maio, e a partir desa data colocarase de forma permanente no túnel da entrada de Espiñedo. Acto seguido desenvolverase na propia casa do Concello un acto institucional ao que están invitados todos os afeccionados que queiran asistir, ademáis de autoridades, xogadores e directivos; no mesmo, estrearase o himno do aniversario, con letra de Emilio Rodríguez e música de Cristian Casas, que será interpretado polo Orfeón do Carballiño.

Sobre as dúas da tarde, o restauraunte A Fuchela

ron a coñecer as medidas que a Xunta impulsa para crear novas oportunidades laborais e empresariais, ao tempo que os asistentes aportaron as súas suxestións. A iniciativa enmárcase dentro dunha rolda de encontros que a Consellería de Economía, Emprego e Industria está a realizar por toda a xeografía gale-

ga.

Os asistentes puideron coñecer en detalle as axudas do Igape para impulsar na comunidade galega a actividade empresarial, con liñas de apoios desde o nacemento dunha idea ata a decisión de crear unha compañía, e para a súa

consolidación e posterior internacionalización.

O Carballiño é un dos Concellos Emprendedores, para colaborar na captación de investimentos para Galicia, un acordo enmarcado dentro da nova Lei de implantación empresarial.

Autoridades clausurando o networking do Carballiño.

Actividades para celebrar as Letras Galegas no Carballiño 4 Carlos Blanco e a RomaríaRock serán os pratos fortes.

Redacción O concelleiro de Educación e Cultura, do Concello do Carballiño, Diego Fernández presentou a programación que ten preparada a vila para celebrar as Letras Galegas.

Máis dunha vintena de actividades culturáis desenvolveranse no Carballiño durante o mes de maio. Teatro, obradoiros, concertos, exposicións fotográficas, animación á lectura, así como sesións de cine club, sucederanse durante todo o mes no auditorio, na biblioteca, na Casa da Cultura e ao aire libre, ademáis doutro tipo de actividades, como a edición dun marcapáxinas conmemorando á escritora homenaxeada, María Victoria Moreno Márquez, pola festividade das Letras Galegas.

De todos eles, destacan dous eventos. O monólogo de Carlos Blanco, que terá lugar o sábado, 12 de maio, ás 21 horas, no auditorio municipal, e o festival RomaríaRock Arenteiro 2018, que se desenvolverá o 26 de maio na finca As Barcias do parque municipal.

Carlos Blanco está a ter moita relevancia nestas datas polo seu traballo, como Laureano Oubiña, na exitosa serie Fariña. A RomaríaRock, pola súa banda, celebra a súa primeira edición con grupos como El Último ke Zierre, Dakidarria, ou Susie q’s, entre outros.

Carlos Blanco actuará no auditorio municipal o sábado, 12 de maio, ás 21 horas

Máis actividades En canto ás representacións teatrais, destacar a Mostra de Teatro da Escola Municipal de Teatro, o sábado, 5 de maio; a compañía de teatro Matrioska, coa obra “Señora que pasea pola rúa con dous cans preciosos”, o domingo, 5 de maio; A compañía Títeresficcións, coa obra teatral para bebés “Chove”, o domingo, 13 de maio; a compañía de teatro Malasombra, coa obra “D.E.P. Unha comedia de morte”, o sábado, 19 de maio.

Todas as representacións terán lugar no auditorio municipal.

O coservatorio de música ofrecerá, o 15 de maio, un concerto polas Letras Galegas, e a Escola Municipal de Danza realizará unha mostra de danza o domingo, 27 de maio. Ambos eventos no auditorio.

As seccións infantil e xuvenil da Biblioteca desenvolverán dez actividades con contacontos e obradoiros, e o cine club Carballiño terá os venres as habituais proxeccións cinematográficas.

Asemade, a asociación fotográfica O´Potiños desenvolverá un obradoiro e diversas exposicións.

O concelleiro Diego Fernández presentando o programa de actividades polas Letras Galegas.

PROVINCIA

100 anos do nacemento de Pura Vázquez 4 A Deputación de Ourense conmemorará o centenario da escritora ourensá.

Fernández, Agullana, Baltar e Gómez durante a reunión.

Redacción

A Deputación, especialista en deporte acuático

A Deputación de Ourense está a ultimar os actos conmemorativos do centenario da escritora e mestra Pura Vázquez, nacida en 1918 no Polvorín da cidade. Así o confirmou o presidente da Deputación, Manuel Baltar, quen afirma que este “é un recoñecemento da provincia de Ourense para quen deu todo da súa intelectualidade en favor da súa terra: docencia, creatividade e saberes culturais, que van máis aló das letras, pois Pura Vázquez

4 Exporá a súa experiencia nas xornadas sobre encoros, economía e territorio.

Redacción A Deputación de Ourense exporá a súa experiencia de éxito como provincia especializada en deporte acuático, nas xornadas sobre encoros, economía e territorio.

O presidente da Deputación de Ourense, Manuel Baltar, acompañado polo vicepresidente da institución provincial, Rosendo Fernández, reuniuse no Pazo Provincial co secretario xeral e o coordinador da federación nacional de asociacións e municipios con centrais hidroeléctricas e encoros, José María Agullana e Francisco Gómez, para analizar as potencialidades dos encoros e as repercusións económicas que a actividade hidroeléctrica supón para os concellos.

A provincia de Ourense conta con 43 concellos

“Provincia Intelixente” Redacción A Deputación de Ourense foi premiada pola Asociación Premios Cidadáns, polo seu proxecto de “Provincia Intelixente”, un galardón que recoñece esta iniciativa coa que o ente provincial pretende “converterse no “Concello de Concellos”, cunha xestión da información dos municipios desde un pun-

afectados por presas e encoros, dos cales 19 teñen centrais hidroeléctricas, sendo 23 o total de presas e encoros existentes na provincia. Para debater sobre a importancia do retorno económico que esta actividade hidroeléctrica ten para os concellos, Manuel Baltar confirmou que a Deputación de Ourense participará nas primeiras xornadas técnicas sobre esta temática, que se desenvolverán en Badaxoz en xuño próximo, sendo o tema central do debate: “O encoro como motor económico do territorio”.

A Deputación de Ourense participará nestas xornadas con relatorios técnicos, expoñendo as experiencias existentes ao respecto na provincia de Ourense, entre as que Manuel Baltar destacou a aposta do goberno provincial polo de-

porte náutico, aproveitando a idoneidade das augas da provincia de Ourense para practicar disciplinas deportivas como o remo ou o piragüismo, e salientou ao Cerlac, o Centro de Adestramento de Remo e Piragüismo situado en Laias, como “un referente para equipos e seleccións internacionais destas disciplinas deportivas, instalacións polas que pasaron xa as seleccións de España, Australia, Holanda, Bielorrusia, Ucraína, e equipos que virán, como México, China ou Francia, para realizar aquí os seus períodos preparatorios”.

to de vista único con tres obxectivos: cooperación, optimación de recursos e redución de custes, dialogando e xerando interfaces válidas e dinámicas entre o público e o privado e un equilibro entre a política e a tecnoloxía”, explican desde a asociación.

O vicepresidente segundo da Deputación de Ourense, Jorge Pumar foi o encargado de recoller o galardón en nome da institución, no Salón de actos da Secretaría de Estado para a Sociedade da

Información e Axenda Dixital, en Madrid. Jorge Pumar explicou que este proxecto galardoado é “un dos catro obxectivos específicos do Plan de Mandato “Ourense 15-19”, e desenvólvese en tres liñas principais: a administración electrónica provincial, a intelixencia de información provincial e a toma de decisións intelixentes”.

A Deputación comparte galardón con outras entidades do ámbito privado como Samsung.

As xornadas terán lugar en Badajoz no mes de xuño

era o sentimento feito palabra pola súa Ourense, a autora por excelencia da literatura para nenos e mozos

Barrios 26 de abril 2018

na nosa lingua”, destaca o presidente Baltar.

O goberno provincial está a planificar as diferentes actividades que se levarán a cabo para destacar o legado persoal e intelectual de Pura Vázquez, entre conferencias, actos de homenaxe e xornadas que analizarán en detalle os aspectos académicos, pedagóxicos e culturais da escritora ourensá.

A súa prolífica obra abrangue un total de 45 títulos de poesía, narrativa e teatro.

Manuel Baltar con premiados na edición anterior dos Premios Pura e Dora Vázquez.

10

Barrios 26 de abril 2018

PROVINCIA

A Xunta ten activados na provincia seis plans de emprego

Axuda solidaria en San Xoán de Río Redacción A Asociación Cultural RíoMola, en nome dos veciños de San Xoán de Río, para axudar a Estrella e o seu fillo Luis.

O pasado venres, 13 de abril, nos Cerdeiros, na parroquia das Cabanas, concello de San Xoán de Río, Estrella, unha persoa de avanzada idade e o seu fillo Luis, víronse sorprendidos por un incendio que calcinou a súa vivenda e todas as súas pertenzas. Trala catástrofe, os veciños de San Xoán de Río organizaron unha resposta solidaria abrindo unha conta bancaria para que todo aquel que o desexe poda aportar cartos para reconstruír a súa casa calcinada polas lapas.

Número de conta Piden unha axuda solidaria que se podería realizar mediante unha achega ao número de conta do Banco Santander (IBAN): ES54 0049 2616 0427 1402 4537. A intención é rehabilitar a vivenda e conseguir que Estrella e Luis poidan voltar o antes posible a súa vida normal.

CEIP O Castiñeiro de Laza Redacción A Consellería de Cultura, Educación e Ordenación Universitaria vén de anunciar un investimento de arredor de 15.000 euros para a instalación dun novo chan no ximnasio do CEIP O Castiñeiro, na localidade ourensán de Laza.

A actuación, que se executará ao longo deste o verán, consistirá na colocación de tarima flotante sobre o terrazo existente na zona destinada ao ximnasio, que ten unha superficie de 300 m2. Tamén se continuará coa substitución do valado exterior de malla soldada por unha nova.

4 Co fin de incrementar as oportunidades laborais a 500 persoas.

Os alumnos puideron subirse ás motos da Garda Civil.

Escolares de Coles aprenden educación vial 4 Nunhas xornadas para alumnos do CPI Antonio Faílde de Cambeo.

Redacción Os escolares do CPI Antonio Faílde de Cambeo participaron nunhas xornadas sobre educación vial que foron inauguradas polo subdelegado do Goberno en Ourense, Roberto Castro, e o Xefe Provincial de Tráfico, David Llorente.

Organizadas pola Dirección Xeral de Tráfico, estas xornadas constan de charlas aos escolares do centro por parte da coordinadora de educación vial da DXT Ourense; a instalación dun circuíto para os alumnos e alumnas con material de Tráfico (montado por Protección Civil) onde os escolares circularon coas súas bicicletas, patinetes... e una

exhibición de medios para os menores (vehículos de Tráfico, Urxencias, e a presenza do helicóptero Pegasus da DXT de Galicia).

Estas xornadas son o colofón a unha serie de actuacións conxuntas da DXT, Fomento e Educación, que posibilitou que a N-525 entre Ourense e Cambeo, noutrora a zona máis conflitiva en sinistralidade da provincia, sexa na actualidade unha zona sen accidentes graves.

Medidas Á mellora da seguridade vial neste treito contribuíron a adopción de diferentes medidas como o establecemento do radar fixo sentido Ourense e de tramo sentido Santiago, una vixilancia policial máis in-

tensa, a instalación dunha sinalización máis explícita nas inmediacións do centro escolar, e o incremento das actividades de educación vial no centro educativo de Cambeo. A este cambio de tendencia tamén axudou o reasfaltado do firme na zona, o reforzo da sinalización vertical e horizontal do tramo, e as obras no interior do centro para facilitar a entrada e saída de autocares ao centro escolar.

Realizouse unha exhibición de medios como o helicóptero Pegasus da DXT

Redacción A Xunta de Galicia ten activados na provincia de Ourense seis plans integrados de emprego.

Neles, inviste case 1,2 millóns de euros e o que pretende é incrementar as oportunidades laborais de máis de 500 persoas sen emprego.

Esta actuación forma parte da Axenda 20 para o Emprego, a planificación do Goberno galego en materia laboral para impulsar o traballo estable e de calidade e coa que se pretende en 2020 reducir a taxa de paro ata o 10% coa creación de, polo menos, 80.000 novos empregos.

Mulleres A Consellería de Economía, Emprego e Industria reservou este ano, por primeira vez, unha porcentaxe do orzamento destinado aos programas integrados de emprego para o desenvolvemento de plans específicos para as mulleres. Un destes cursos é o que desenvolve na provincia de Ourense a entidade CIMO con 85 alumnas. Un investimento total de 255.000 euros, dos que o departamento autonómico dirixido por Francisco Conde achega

204.000 euros, permite activar unha das medidas do plan Emprega en feminino, para impulsar a inserción das mulleres no mercado de traballo.

No programa, denominado Impulsa-T, participan 85 mulleres que levan a cabo técnicas para mellorar a busca de emprego e a realización de entrevistas de traballo, ao tempo que desenvolven accións específicas de formación naquelas materias que escollan entre as ofertadas como técnicas de venda e almacenaxe ou operacións de cociña. Na actualidade estase a impartir o módulo de formación na especialidade de limpeza de superficies e mobiliario en edificios e locais que suma un total de 230 horas e da que obterán o certificado de profesionalidade as 11 alumnas que elixiron esta especialidade formativa.

Recibirán durante un ano formación para incrementar as súas oportunidades laborais e coa que se prevé que un 45% das participantes acaden a inserción no mercado de traballo.

Cada plan integrado inclúe accións personalizadas de diversa natureza -como información, orientación, asesoramento e formacióncombinadas con prácticas laborais.

Presentación na Deputación da 55ª Feira do Viño do Ribeiro. /RAMSÉS.

Chega a 55ª Feira do Viño do Ribeiro Do 28 de abril ao 1 de maio Ribadavia celebrará a 55ª edición da Feira do Viño do Ribeiro. O recinto da Alameda será o epicentro da actividade na que participarán un total de 36 adegas que ofrecerán máis de 100 variedades de viños. Unha cata popular, os Food Trucks ou a visita nocturna teatralizada do Castelo, serán outros dos atractivos desta feira.

A delegada da Xunta en Ourense, Marisol Díaz, visitando ás alumnas do curso de limpeza de superficies e mobiliario en edificios e locais. /RAMSÉS.

DEPORTES

Barrios 26 de abril 2018

11

O COB xogará un ano máis en LEB Ouro 4 Maila derrota ante o Palma.

Era cuestión de tempo aínda que se fixo de rogar máis do esperado. O Rio Ourense Termal volverá a ser un ano máis equipo de LEB Ouro. A pesar do mal inicio de curso e dun final de tempada ao que chegaron xustos mentalmente o conxunto ourensán logrou o obxectivo de manter a categoría. Lonxe quedan as primeira xornadas nas que se vaticinaba o peor dos escenarios. Pero o equipo soupo recompoñerse, e da man do seu corpo técnico -con Gonzalo García de Vitoria á cabeza- e dos reforzos de Jhornan Zamora e Davis Rozitis sumado ao paso adiante dalgún dos

xogadores que estaban na plantilla desde o inicio, o COB foi sumando vitorias o que lle valeu para saír da zona de descenso.

Isto fixo que se marcaran obxectivos máis ambiciosos -entrar en play-offpero xa non puido ser. Ter que saír dun pozo no que estaban moi afundidos vaciou aos xogadores física e psicoloxicamente polo que, a pesar de tocalo cos dedos, non foron quen de meterse na promoción polo ascenso.

No partido contra Palma os ourensáns non tiveron opcións de vitoria ante un conxunto isleño que se está a xogar a permanencia. O ex do COB Rafa Huertas foi o mellor dun partido que se levou Palma por 73 a 86.

García de Vitoria quere que se lle valore o feito nestes anos de cara á renovación

Vindeira tempada Case sen tempo para o descanso toca pensar na tempada 2018-19. E iso tería que pasar por facer un proxecto estable no económico e no deporti-

R. Torres

Alfredo en pugna polo balón ante un xogador do Gondomar. /RAMSÉS.

A Unión Deportiva Ourense colle o liderato 4 Os de Fernando Currás golearon ao Gondomar por 5 a 0.

R.T. Nos malos momentos da tempada estivo a piques de desengancharse na loita polo ascenso. Pero a falta de cinco xornadas para o remate da liga na Rexional Preferente, e tras golear ao Gondomar (5-0) nesta xornada, os de Fernando Currás collen o liderato; eso sí, empatados a puntos (66) con Estradense e Porriño. Non só esta goleada e o motivo desta situación senon que a ela chegouse, tamén, despois de levar dous meses sen encaixar un gol; a última vez que Pato tivo que recoller o balón da rede foi contra o Marcón Atlético (os ourensáns perderan dous a un).

Con cinco xornadas por disputar os unionistas están na mellor posición posible pero cun calendario bastante complicado. A próxima fin de semana visita ao Moaña, equipo que

Arenteiro e Barbadás buscan manterse en Terceira

non se quere descolgar das primeiras posicións.

Bande O Bande viuse freado fronte ao Porriño. A derrota por 2 a 1 nese partido vital deixa tocado ao equipo de Iván González distanciándose a seis puntos do ascenso. Reciben a Beluso nesta xornada.

Por abaixo, nin Nogueira nin Ribeiro son quen de saír do pozo. Os segundos xa están virtualmente descendidos nunha liga que ía ser moi complicada. O Nogueira tenta apurar as súas opción pero, estas, cada vez son menos. Tralo empate na casa do Caselas (1-1) reciben a Porriño.

Terceira división Na Terceira o Barco, cada xornada que pasa perde opcións de xogar a promoción de ascenso a Segunda B. A derrota diante do Arousa o deixa a tres puntos da promoción. Esta fin de semana visita ao Alondras co que está empatado. O único conxunto ourensán que pasará as catro últimas

xornadas sen agobios é o Ourense Club de Fútbol.

Con 49 puntos está na zona tranquila da táboa coa salvación asegurada.

Cultural Areas será o seu próximo rival.

Arenteiro e Barbadás si que terán un final de infarto. Os de Carballiño está fóra da zona de descenso, pero os arrastres da Segunda B poden facer que baixen algún equipo máis dos catro que o farán seguro. O Arenteiro que empatou co Vilalbés esta xornada recibe ao Boiro na seguinte.

E o Barbadás ten poucas opcións de salvación. O empate ante o Negreira o deixa nunha situación delicada pero con opcións de non perder a categoría. Se non temos en conta os arrastres, os de Vilachá están a tres puntos da salvación. Contando cun só arrastre, que é máis que probable, manter a categoría está entón a sete puntos. Nesta liga faltan catro xornadas por disputar.

Johnson trata de deixar atrás ao seu par no encontro ante Palma. /RAMSÉS.

vo. O presidente, Camilo Álvarez, xa se encargou de afirmar que o club non ten perigo de desaparecer, ademais dixo que o orzamento sería maior co deste ano. Con estas afirmacións falta asentar as bases dun proxecto deportivo. Eso suporía manter ao adestrador; García de Vitoria xa comunicou que quere que se lle valore o feito nestes anos no club polo que haberá negociacións despois de que remate a tempada. O outro punto sería o de manter a algún xogador deste ano.

De seguro que o club o tentará pero moitos deles revalorizáronse este ano polo que será complicado que continúen na disciplina cobista un ano máis.

O mínimo que debería esixírselle ao club é que non chegue o último ao mercado como nas últimas tempadas. Última xornada A última xornada ten varios frentes abertos. O do título e ascenso directo queda para o Breogán que consumou o cambio de categoría con dúas xornadas de antelación ao final do campionato.

Prat, Manresa, Oviedo e Melilla xogarán o playoff co factor cancha a favor na primeira rolda; mentre que Castelló, Palencia, e Leyma Coruña xogarán sen esa, a priori, vantaxe.

A última praza será para Valladolid, Cáceres ou Araberri. Os casteláns suman 15 vitorias, polas 14 de estremeños e vascos.

Nesta derradeira xornada, Araberri recibe a Sammic, que xógase non descender; Valladolid visita a un necesitado Palma; e Cáceres a Palencia. O COB remata a Liga na cancha de Huesca.

12

Barrios 26 de abril 2018

DEPORTES

detes.

Pepe Márquez entrando na meta con José M. Corral ao fondo. /RAMSÉS.

Márquez impón a súa lei 4 Vence na primeira carreira do “Correndo por Ourense”.

R. Torres Día perfecto o deste domingo, 22 de abril, para a práctica do atletismo en ruta polas rúas de Ourense.

O barrio do Vinteún daba a benvida á oitava edición do circuíto de carreiras populares “Correndo por Ourense”. Entre todas as carreiras foron arredor de 800 as persoas que participaron nesta xornada atlética, sen contar o público presente que estivo

animando, sobre todo, nas inmediacións de meta.

Os pitufos deron o pistoletazo de saída deste circuíto; unha vez máis, debido ao gran número de inscritos, tiveron que saír en dúas tandas. Con eles inaugurouse un evento que levará aos deportistas por seis barrios da cidade das Burgas (O Couto, Centro, As Lagoas, A Ponte, A Carballeira, e o xa visitado Vinteún).

Despois foi o turno dos

sub 10 (benxamín) e sub 12 (alevín); Miguel Carbajales e Iria Solera foron os alevíns máis rápidos, mentres que Iago Cruz e Carmen Cabot chegaron primeiros entre os benxamíns.

Posteriormente chegaba o turno dos sub 14 (infantís) e sub 16 (cadetes).

Héctor Rodríguez e Mar Barreiro lograron a vitoria en categoría infantil sendo Brais Mosquera e Clara Mijangos os primeiros ca-

Absoluta E para o final quedaba a carreira absoluta. Na categoría masculina había un grupo de favoritos para lograr a vitoria no Vinteún.

Pronto formouse un grupo de tres corredores na cabeza de carreira; José M. Corral, Pepe Márquez e Luís Iglesias saíron con gañas de dar batalla desde os primeiros metros.

Iglesias (Atletismo Arenteiro) non puido manter o forte ritmo e pouco a pouco foi perdendo a estela dos seus compañeiros de fuga, incluso foi adiantado antes de chegar a meta por

Alex Montero (Ourense Atletismo) que remataría terceiro. Así, que a vitoria era cousas de dous. O cambio de ritmo a metade da proba de Pepe Márquez (ADAS) fixo que collera unha vantaxe suficiente para alzar os brazos en señal de vitoria.

O seu tempo foi de 19 minutos e 38 segundos.

Corral (Atletismo Arenteiro) teríase que conformar co segundo posto, a catro segundos do vencedor.

En mulleres, Begoña Domínguez (Atletismo Arenteiro) non tivo rival e cruzou a liña de meta cun tempo de 25 minutos e 28 segundos. Segunda era Inés Valentís (Ourense

Atletismo) a 25 segundos, e terceira, Silvia Teijeiro (Ourense Atletismo) a máis dun minuto da primeira.

O Couto Rematada a carreira do Vinteún toca repor forzas e adestrar para a seguinte cita do circuíto. O 26 de maio, sábado, trasládase ao barrio do Couto sendo unha proba nocturna, xa que as probas comezarán as dez da noite.

A seguinte parada será no barrio do Couto o día 22 de maio

Voluntarios e Protección Civil son unha peza fundamental do “CxO”. /RAMSÉS.

DEPORTES

Colomo vence en dúas probas do Nacional 4 Na categoría máster de natación.

Redacción Cristina García Colomo, do Club Natación Pabellón Ourense, proclamouse campioa de España (na categoría de máis de 55 anos) nas distancias de 800 e 3.000 metros.

García Colomo. /CEDIDA.

As probas celebráronse esta fin de semana en Cádiz; onde se desprazaron os nadadores Ángel Blanco e Cristina García Colomo representando ao CNPO. Ángel participou en 1.500 e en 800 (+50) mellorando as súas marcas, con postos 13º e 15º mentres que Cristina participou nas probas citadas anteriormente.

Sendo primeira en ambas as distancias.

Seguintes citas Agora participará no Campionato de Galicia de verán, o 2 e 3 de xuño, en Ourense e no Campionato de España, en Reus, do 5 ao 8 de xullo.

Murcia; será unha boa oportunidade para que a afección exprese ás xogadoras que están con elas.

As xogadoras do Cidade facendo piña tralo remate dun partido nos Remedios /RAMSÉS.

O Cidade consuma o descenso 4 O Envialia empata co líder.

R. Torres A cinco xornadas para o final da liga en Primeira división, o Cidade das Burgas certificou o seu descenso. Unha mala noticia para a cidade que o ano que vén só contará cun club na máxima categoría (Ourense Envialia).

O equipo que dirixe, desde fai 10 anos, Manolo Codeso non foi quen de

superar as baixas de xogadoras contrastadas que se foron marchando nas últimas tempadas e a inexperiencia doutras que teñen moito camiño por percorrer. Agora lles toca superar a decepción e coller as táboas necesarias para que o regreso á elite do fútbol sala sexa o antes posible.

Esta fin de semana reciben nos Remedios, ás 17 horas do sábado, ao UCAM

Envialia O Envialia logrou un empate co líder o que fai que a parte de arriba se compríma. Son tres equipos (Futsi, Burela e Alicante) os que lideran a clasificación con 60 puntos. Esto supón a Liga máis emocionante dos últimos anos. As de Chipi viaxarán a Leganés nesta xornada. As ourensás agardan o remate do curso para comezar coa Copa na que teñen a aspiración de revalidar o título.

Sala Ourense O Sala Ourense está a moi pouco de alzarse co triunfo na Terceira división. A vitoria fronte o Casas supón aventaxar en 8 puntos ao seu máximo perseguidor, A Estrada, cando quedan 12 puntos por disputarse.

Esta semana reciben ao Vilalba nos Remedios.

Barrios 26 de abril 2018

13

EN BREVE 4 Fútbol gaélico Rematou a liga para o equipo feminino do Auriense cunha derrota na Coruña. O resultado foi de 4-13(25) - 4-03(15) para o Ártabras. Unha gran tempada para as ourensás que remataron na cuarta posición.

4 Xadrez O xadrecista Iván Salgado capitaneou ao Xadrez Ourense na última xornada da División de Honra. O “efecto Salgado” serviu para vencer ao Xaquedrum Lucense o que lle valeu para a pesar da súa derrota individual.

Os ourensáns son segundos. O Liceo, pola súa banda, superou ao Padrón e teñen algunhas opción de permanencia. Este sábado dispútase a derradeira xornada.

4 Voleibol O xuvenil do Dompavoley logrou o ascenso á 1ª Division autonómica ao vencer ao Pontevedra.

14

Barrios 26 de abril 2018

4AXENDA

AXENDA / OCIO E CULTURA

4ARQUIVO VISUAL OURENSÁN

Teatro - Do 12 ao 28 de abril - 23ª Miteu - Auditorio, Teatro Principal, Campus de Ourense e Paseo - 28 de abril - Teatro “Plastic-Paula Quintas” - 20.30 h - Auditorio Municipal de Ourense - 29 de abril - Teatro infantil “Erori - Cair Circo” - 12 h - Auditorio Municipal de Ourense Exposicións - Ata o 29 de abril - Exposición de Baldomero Moreiras “O eco das amazonas” - Centro Ánxel Valente - Ata o 6 de maio Exposición de Christian Villamide “Hortus Conclusus” - Centro Cultural Marcos Valcárcel - Ata o 3 de xuño - Exposición de varios artistas “Sonoro Empeño” - Sala de exposicións Afundación (Ourense) Música - 27 de abril - Concerto folk de “Sangre de Muerdago” - 20.30 h - Liceo de Ourense - 27 de abril - Concerto de “Aldaolado” - 22 h A Arca da Noe (Vilar de Santos) - 29 de abril - Concerto de “Ethnos Atramo” - s/ c - A Arca da Noe (Vilar de Santos) - 30 de abril - Jam Session Rock - 22 horas Café Cultural Auriense - 2 de mayo - Concerto de “Morgan Air” - 21 h - Teatro principal Deportes - 28 de abril - Arenteiro.- Boiro. Terceira división - 16.30 h - Espiñedo - 28 de abril - Bande SD - Beluso. Rexional Preferente - 17 h. - O Outeiro.

- 28 de abril - Ourense CF - Cultural Areas. Terceira División - 18 h. - O Couto.

Outros - 27 de abril - Cine “Perfectos Desconocidos” - 20 e 22.30 h - Auditorio Municipal Manuel María (O Carballiño) - 1 de maio - Ciclo de conferencias: Introducción á Astronomía - 20 h.

- Centro Cultural Marcos Valcárcel - 4 de maio - Cine “Sin Amor - Loveless” - 20 e 22.30 h - Auditorio Municipal Manuel María (O Carballiño) www.periodicobarrios.com

Ourense celebra Día Internacional da Danza 4 Conmemórase este domingo 29 de abril.

Redacción

O urbano, Ramón González (Fondevila), dirixindo o tráfico.

A Policía Urbana En outubro de 1946, acórdase substituir a denominación “Guardia Municipal” pola de ”Policía Urbana Municipal” para eliminar todo vínculo castrense, innecesario nunha organización de tipo civil. Altérase tamén o organigrama existente, resultando: un comisario xefe, un subinspector segundo xefe, dous subinspectores de primeira e seis subinspectores de segunda, ademáis dos axentes.

Para o ingreso na Policía Urbana de Ourense, os aspirantes debían gozar de boa condición física, ter servido durante polo menos un ano no

exército, dispoñer de cultura xeral, boa presenza e unha estatura mínima de 1,67 metros.

Abolido o requisito de posuir un poboado mostacho, incluído en convocatorias anteriores, a institución manifestaba o firme desexo de modernizarse.

Máis de 70 anos despois, visítanme as palabras do filósofo, sentenciando a imposible convivencia entre autoridade e ecuanimidade, condenando, sen aval nin fianza, á ética a perpetuidade.

Convocado o Premio Blanco Amor

12) a unha soa cara e a dous espazos, ou de 75 folios mecanografados ou escritos en ordenador (fonte Times New Roman, tamaño de fonte 12) a dúas caras e a dous espazos. Ademais, as obras presentadas terán que ser inéditas.

O prazo de admisión dos orixinais rematará o venres 14 de setembro de 2018, cento vinte e un aniversario do nacemento, en Ourense, de Eduardo Blanco-Amor..

O premio estará dotado con 15.000 € e unha obra escultórica e será entregado nun acto literario, o sábado 1 de decembro de 2018.

Redacción A Deputación de Ourense aprobou as bases da XXXVII edición do Premio Blanco-Amor de novela longa.

Nel poderán participar todos os autores e as autoras que presenten unha ou varias obras escritas en lingua galega segundo a normativa oficial, cunha extensión mínima de 150 folios mecanografados ou escritos en ordenador (fonte Times New Roman, tamaño de fonte

Fernando Valcárcel Membro do Arquivo Visual Ourensán

O Concello de Ourense sumarase este domingo, 29 de abril, á conmemoración do Día Internacional da Danza convertendo os espazos públicos da cidade nun escenario para os alumnos de oito escolas de danza no que está previsto que participen máis de 500 persoas.

O alcalde Jesús Vázquez salientou este martes durante a presentación do programa de actividades xunto a concelleira de Cultura, Belén Iglesias e os representantes das oito escolas, que a actuación de medio milleiro de par-

ticipantes suporá “un espectáculo nunca visto” na cidade e protagonizado por persoas “dende tres anos en adiante”.

Trala primeira edición, celebrada o ano pasado na Praza de San Martiño con grande éxito, este ano a Concellería de Cultura amplía a programación e ofrecerá espectáculos ao longo de toda a xornada.

Programa O programa conta coa participación das escolas de baile Nati Fleta-Copelia; Sabrosura, Fussión; Tics, Estilo Libre; Don’t Stop; Cuatro Pasos e Enka, que ofrecerán coreografías ba-

seadas en distintos estilos musicais como o flamenco, a danza contemporánea, o hip hop, as danzas orientais e o baile latino.

Entre as 10,30 horas e as 14,00 horas os alumnos destas oito escolas actuarán de balde e ao mesmo tempo en tres escenarios: na rúa do Paseo, no Centro Cultural da Deputación e na Praza de San Martiño.

A xornada se pechará cunha grande festa da danza na Praza Maior pola tardiña con dous pases dos alumnos destes centros de ensino. No primeiro deles está prevista a participación de más de 260 bailaríns con idades entre os tres e os 50 anos. No segundo pase bailarán perto de douscentas persoas (198 segundo datos da organización).

Preto de 500 bailaríns das 8 escolas ourensás actuarán na praza Maior

OCIO E CULTURA / CLASIFICADOS

Barrios 26 de abril 2018

15

BARRIOS. Edita: Letras a la Carta S.L. CIF: B-32.323.925. Depósito Legal: OU 142-2014. Redacción: r/ Bedoya,7, 1º Of. 6 - 32004 Ourense. Tel: 988 045 352. Correo-e: info@periodicobarrios.com. Distribúe: Mundopublicolor. Imprime: Publicaciones Tameiga. Director: Ramsés Torres. Director comercial: Miguel Rejo. Redacción: Miguel Rejo, Ramsés Torres. Fotografía: Ramsés Torres, Miguel Rejo. Colaboracións: Joao Damiao, Miguel A. Prieto Sotelo, Fernando Valcárcel, Jorge E. Bóveda, C. Domarco Avelino Jácome.

Nº54 - Ano: XI - 26 de abril de 2018 - Difusión: 10.000 exemplares Este periódico non pode ser reproducido nin total nin parcialmente, sen autorización previa da empresa editora Letras a la Carta S.L. Impreso en papel 100% reciclado.

Se ten algún problema co reparto, pregámoslle que nolo comunique no teléfono 988 04 53 52 / 685 969 546.

4AS ANDRÓMENAS E OUTROS CONTOS

4ANUNCIOS CLASIFICADOS

Con cada espiguiña de centeo, faremos unha boa meda Un domingo, este domingo 15 de abril como un agasallo da primavera naceron as flores na sede do Centro Cultural Queixumes dos Pinos, alí chegaron do mundo enteiro persoas de corazón tenrro con ledicia nos ollos, con afouteza nas mans e co desexo de dar e recibir o do outro.

As veces o descoñecemento do diferente volve o entendemento en discriminación, nós que somos un pobo viaxeiro, un pobo de maleta na mán e mirada no porvir, sabemos moito do sufrimento de estar lonxe da terriña e dos nosos.

Por iso esta xuntanza de Perú, Senegal, Colombia, Marrocos, República Dominicana, Venezuela comezaba co nome de Galicia e coa verba “respeto”.

Galicia porque aínda que algúns non o entendan así, temos que acoller os outros porque os outros “tamén somos nos” temos

que acollelos porque todos somos un na familia humana, universal e fraterna.

Respeto polo alleo, por as costumes que fan un xeito de vivir, de pensar e de entender o mundo, iso que chamamos cultura, respeto polas súas diferenzas, pola súa relixión porque ese respeto permite a amizade e a amizade será o xermolo do entendemento e da paz.

Actividades como estas fan estreitar os lazos, xuntar os pobos, entenderse as xentes. Son xa catro edicións de estas Xornadas Interculturais, cheas de gastronomía, de artesanía de actuacións co mellor de cada pobo, son catro pedras para construír a casa do entendemento, catro ocasións que lle debemos ás distintas Federacións e de xeito especial a Asociación Alma Llanera de Venezuela e a Asociación Queixumes dos Pinos, que son os que as veñen orga-

Nuria López gaña o premio “Carracedo” 4Cunha serie de reportaxes emitidos na Radio Galega.

Redacción O xurado ditaminou outorgar o galardón, que concede a Deputación de Ourense, á serie de reportaxes de Nuria López, emitidos na Radio Galega, destacando “a calidade do seu xornalismo de investigación, que afonda na temática cultural desde o punto de vista do patrimonio”.

O xurado destaca do tra-

ballo premiado a calidade do xornalismo de investigación que amosa, e o tema de actualidade que trata nesta serie de reportaxes, o cal permite tomar conciencia ao respecto do noso patrimonio, reforzando a identidade galega. Tamén remarca o xurado, desde o punto de vista periodístico, a estrutura narrativa das reportaxes, o enfoque dado á problemática e o labor de documentación

nizando.

Papá, ti sábelo ben, ti que te fuches conha mán diante e outra detrás, cos cartos para viaxe emprestados a esa Venezuela, que te acolleu como unha nai, ti que cando voltaches sentiches a perda de Caracas tanto como a de Galicia cando te fuches, ti que dicías que entre todo o que che deu, tamén te agasallou comigo, tamén me ensinaches cas persoas somos todas do mesmo sangue vermello, sen importar a cor da pel de cada quen.

Quería dicirche que foi iso o que notei o que as apertas de estes amigos de outros lares me transmitiron, andan os tempos un pouco revoltos por aquí, pero aínda queda espazo para a esperanza, e como ti sempre dicías: “Con cada espiguiña de centeo, faremos unha boa meda”.

Avelino Jácome

realizado ao respecto das obras espoliadas.

Asemade, o xurado subliña a achega que fai a autora do traballo presentando unha valoración aberta e plural por parte de expertos, e destaca tamén o feito de que o traballo xornalístico sexa en galego, como tamén que esta serie de reportaxes afonde na temática cultural desde o punto de vista do patrimonio, un ámbito que non adoita a ter presenza nos medios de información tradicionais.

O premio, dotado con 3.000 euros e diploma, entregarase o vindeiro 3 de maio, Día Internacional da Liberdade de Prensa, nun acto que se celebrará no Salón de Plenos da Deputación.

[Deixe os seus anuncios no 988 045 352 ou en info@periodicobarrios.com. Gratuítos para particulares]

TRABALLO Ofrécese señora seria responsable e de mediana idade para coidado de nenos, persoas maiores e tarefas de fogar en xeral, recados. de luns a venres, preferiblemente en zona A Ponte ou próxima. Posúo curso de axuda a domicilio. Tel. 685 37 41 91.

Profesora de lingua/literatura española/galega e latín. Clases de apoio para Primaria, ESO e Bacherelato. Tamén clases de apoio de Francés en Primaria e ESO. En local ou a domicilio. Atendo WhatsApp. 15 anos de experiencia. Tel. 608 85 22 59.

Xubilado de 68 anos, en bo estado de saúde, desexa traballar (pódeo facer legalmente) no ámbito do naturismo ou similar.

Tamén consideraríanse outros traballos. Media xornada ou completa. Interesados chamar ao teléfono ou deixar mensaxe.

Tel. 988 38 03 63.

Precísase señora fixa para casa en pobo. Libres sábado pola noite e domingo todo o día. Tel. 988 25 59 63.

Ofrécese señora galega, con referencias, moi cariñosa coa xente e os nenos. Para traballar polas mañás e algunha tarde.

Tel. 606 42 25 43.

Fanse desbroces con tractor ou manualmente.

Prezo económico. Tamén se fan portes e mudanzas a bo prezo. Tel. 630 521 488.

Ofrécese señora para servizo doméstico por horas. Tel 674 50 05 13.

Busco calquera traballo, de media xornada (mañá ou tarde), que me poidan ofrecer. Dispoñibilidade inmediata. Persoa responsable. Tel. 645 770 510.

Imparte clases a domicilio en Ourense de matemáticas e estatística (todos os niveis). Tamén materias curriculares de ESO e Bacharelato. Con CAP. Clases individuais e personalizadas. Amplia experiencia. Económico.

Tel. 610.38.25.89 (contesto whatsapp).

Moza galega responsable e con ampla experiencia atende maiores pola noite.

Tel. 659 84 46 82..

INMOBILIARIA Vendo terreo edificable, 1.800 m2, preto do Polígono de San Cibrao das Viñas, a 10 km de Ourense.

Prezo: 35.000 euros. Tel. 610 82 64 94.

Alugo almacén pequeno en soto de garaxes. Para almacén, adega, trasteiro ou garaxe de moto. Rúa Francisco de Moure. Tel. 636 32 95 24.

Vendo apartamento de dúas habitacións con baño, cociña americana, trasteiro, garaxe. A cinco minutos de praia América e a 10 de Vigo. Tel. 620 660 762.

Vendo casa en Cambeo.

Planta baixa, terreo, galpón e pozo. Tel. 649 673 492 - 988 216 755.

Alugo apartamentos (fins de semana, pontes, etc.) de 1 e 2 habitacións en Montalvo -Sanxenxo-. Equipados, xardín, barbacoa, aparcamento. Tel. 607 271 916.

Alugo dúas habitacións no centro de Ourense, zona Doutor Fleming. Tel. 687 13 43 87.

Alugo local de 15 metros cadrados, acondicionado.

Baños comunitarios en galerías. 100 euros máis 7 de comunidade. Tel. 627 203 131.

Alugo dúas oficinas na rúa Progreso. Tel. 672 089 349.

Alúgase local comercial

acondicionado en rúa Fco. Moure 14 (ao lado Praza Couto ), 65 m2 útiles. Dispoñible a partires de marzo. Tel. 636 32 95 24.

Alugo local. Rúa Sáenz Diez (zona centro comercial/salesianos). Acondicionado e a pé de rúa. 170 m2. Prezo: 750 Euros. Teléfono 625 515 818.

Alúgase local acondicionado moi céntrico e a pé de rúa con escaparate en Ourense. 160 m2 Dispoñible a partires de outubro.

Tel. 625 515 818.

Véndese piso zona Vinteún (absterse axencias).

Tel. 676 75 88 19.

VENDAS Vendo tres armarios e dúas camas xemelgas. Ver sen compromiso. Tel. 988 24 60 96 - 669 434 330.

Ofrécese leña de salgueiro e carballo en Ceá; de balde.

Tel. 659 494 272.

Vendo fregadeiros de aceiro; visagras de frío, burlete para portas, tacholas de tapizar, mangueiras, mantas, máquina de xeo, pilas, baño e inodoro, expositor de fregadeiros, cadeiras de carballo e tapizadas, e máis. Tel. 625 591 151.

Vendo sofá 3 + 2, bici seminova, secador de pelo e dous lavacabezas de perruquería, mampara de baño e botelleiro. Tel. 672 089 349.

Vendo dous candelabros e un reloxo, a xogo, antigos. Tel.: 610 97 98 97 Vendo traxes de cabaleiro en bo estado. Distintas cores. Talla mediana. Tel.: 610 97 98 97.

CONTACTOS Ofrécese mozo de compañía xoven, para mulleres de entre 40 e 60 anos. Prezos económicos. Tel. 697 795 928. Contesto Whastapp.

Barrios 26 de abril 2018