Barrios

Page 1

O 3 e 4 de xuño, IV Xornadas de Novela Negra en Verín [Páx. 6]

TEMA

Páx.2 OURENSE

Entrevista a Alberto Fernández, autor de “En el barrio me llaman Chino”

Páx.4 VERÍN

O Goberno local quere mobilizar 40 millóns de euros mediante unha modificación de crédito

Páx.6 DEPORTES

O Concello anuncia que quere facerse cargo do control do servizo da auga

Páx.12 CULTURA

O “Correndo por Ourense” chega esta fin de semana ao barrio do Couto

Páx.15

Un campamento astronómico para rapaces de 11 a 14 anos na Veiga

Ano de ascensos [Páx. 3] O Club Ourense Baloncesto, o Ourense CF e a UD Ourense ascenden nunha tempada sobresaínte para o deporte ourensán.

Número: 165 - Ano: XV - 26 de maio de 2022 - Depósito Legal: OU 142-2014 - Periódico semanal de distribución gratuíta www.periodicobarrios.com - Se quere anunciarse consulte no 685 800 190


2

Barrios 26 de maio 2022

TEMA DA SEMANA

ENTREVISTA A ALBERTO FERNÁNDEZ DIZ, AUTOR DE “EN EL BARRIO ME LLAMAN CHINO”

"O mundo convértese nun como chegar a tempo para coller o autobús cara onde se pode pillar unha dose"

4 O autor de "En el barrio me llaman Chino" ábrese para falar sobre o seu libro e as súas adicións pasadas. A.Jácome / R.Torres

me puxenme a escribir.

Atópome con Alberto, autor do libro "En el barrio me llaman Chino", que acaba de chegar do prelo e aínda cheira a pan saído do forno. Que atopará aquel que queira adentrarse neste libro? Alberto Fernández: "Pois... a vida dun mozo humilde de barrio, que aprendeu dos mellores mestres, o respecto, o amor polo deporte, os principios dunha vida sana, dos valores da disciplina e do esforzo nunha parte do seu ser. E por outra parte ao ensino de falsos amigos, o que nunca debería ter aprendido, compañías de xente con vidas tristes, ingobernables, amargadas, que prometendo a felicidade; foron arrastrándome ao mundo das adiccións a distintas substancias e afundíndome nun pozo fondo do que custa moito sair".

Por qué se cae no mundo das drogas? A.F.: "Moitas cousas (Mira cara o chan pensando, coma se estivera buscando a resposta). As horas libres, cando non te ocupas de nada útil, os pensamentos mal encamiñados, o ego,... tantas cousas. Cando comezas a "coquetear" coas adicións pensas que es ti quen as controla e dominas, esto da unha sensación de morbo, de poder. O fodido é que se converten no teu amo, anulan a túa vontade, ata que chegas a non sentirte persoa se non te metes unha raia ou tomas unhas copas. A sociedade fai unha publicidade subliminal que incita ao consumo, sempre pide unha meta máis alta, unha vez que entras neste mundo etiquetante, e para sentirte parte do grupo debes seguir consumindo e movendote en certos círculos. Seguro que aparte destas hai milleiros de circunstancias que empuxan as adicións, os estados de ánimo. A parte máis miserable é que chegas a pedir a roubar e nalgúns casos, ata matar. Algún chegoulle a pegar a nai porque non lle daba diñeiro, grazas a Deus non cheguei ata ese extremo".

Como decidiches escribilo? A.F.: "Por dous motivos: un amigo que escribira un libro de poemas, motivoume a facelo, pensei se él o pode facer eu tamén, sempre tiven a inquedanza de axudar aos demais e esto parecíame un bo xeito de facelo. Outro motivo foi o confinamento, longos días encerrado deume tempo de abondo para pensar e contar a miña experiencia. Pareceume que podía axudar a outros a non caer neste inferno ou a saír del, e no canto de desesperar-

E como se sae diso? A.F.: "Con moito esforzo, a cada minuto loitando contigo mesmo a cada minuto. O cerebro pode facer clic en calqueira intre.

“Cando comezas a “coquetear” coas adicións pensas que es ti quen as controla e dominas, esto dá unha sensación de morbo, de poder”

que doen moito tamén. Os golpes vanche pasando factura, os nervos, a hipractividade ou a postración son algunhas desas consecuencias. Pero non me queixo, outros rematan peor, con esquizofrenias, parálises cerebrais, etc.".

Alberto Fernández Diz, autor de “En el barrio me llaman el Chino” publicado por Andrómena Senlleira. O mundo convértese nun como chegar a tempo para pillar o autobús cara onde se pode pillar unha dose. Hai veces que te tiras días camiñando para poder darte un pico que só alivia un momento esa necesidade, entón aparte do síndrome de abstinencia aparece o de non saber ocupar o tempo, por iso escribir axúdame a vencer día a día, o lema é “un día máis sen consumir”, un día é vida, a vida nova, lonxe dos diaños". Que te perdiches? A.F.: "Tantas cousas (di coa mirada perdida). Perdinme o mundo enteiro, viaxar que era o meu soño. Ou outras cousas sinxelas, manter unha conversa real, cando pensas en drogas só pensas en manipular, para conseguir outra dose. Mintes, enganas, choras, manipulas, converteste nun

“O fodido é que se converten no teu amo, anulan a túa vontade”

hipócrita. A autoestima vaise perdendo, dependes de mendigar unha calada, caes nun mundo de escuridade, es nada de todo aquelo que querías ser. Perdinme tamén ser un deportista digno, perdín a beleza dos meus ollos, comecei a pechalos, quedaron opacos sen brillo, sen motivación, sen ganas de levantarte do pozo onde caín, coma un xoguete esnaquizado". E segues vinculado ao mundo do deporte, non si? A.F.: "Si, continuo vinculado non tanto como antes de caer nas adicións, no deporte tamén se usan drogas, algúns non xogan limpo. Eu nunca me droguei para conseguir un mellor resultado deportivo". E agora, de novo, volves a atoparte contigo mesmo? A.F.: "(risas) Si pero con danos colateraís graves. Cambios de actitude, dores de corpo, ansiedade, e dores tamén na alma,

Como é a aceptación do libro? A.F.: "A aceptación é moi positiva, espertou moito interese entre os medios de comunicación, de feito tanto eu coma editorial Andromena Senlleira de Orixe Publicidade e comunicación xa teñen moitas reservas". A música é outra das túas paixóns? A.F.: "Si, gústame toda a música. Para min é como a comida, ás veces apeteceche froita, outro día un churrasco ou uns ricos pasteis. A min dende meniño sempre me acom-

pañou, poida que sexa herdanza de meu pai, o feito de ser fillo do Canolas, tocou en moitos grupos, entre eles nos Suaves. O libro tamen está cheo de música e sensibilidade, poesía entre liñas para que o lector sepa ler entre liñas". E que me dis da xente que te acompaña nesta aventura? A.F.: "Só podo dar grazas a todos, en especial a Avelino Jácome, que me axudou, asesorou e pasou moitas horas comigo, para entender a idea deste libro; a ao equipo de Orixe Publicidade e Comunicación que o maquetaron; a Miguel Ángel Martínez Coello, que fixo un retrato xenial, nun debuxo maxistral que foi a ilustración da portada; e ao mestre e amigo Carlos Conde, meu mentor, entrenador, mestre e amigo".

O libro foi presentado no Liceo de Ourense.

4 “En el barrio me llaman el Chino” O libro “En el barrio le llaman el Chino” distribúese en exclusiva dende a editorial Andrómena Senlleira, que pertence a Orixe Publicidade. Os interesados pódeno pedir en Orixe (Francisco de Moure, 20 -Ourensse-) ou chamando ao

teléfono 988607075 ou no mail orixepublicidade@gmail.com. O custe é de 15 euros e de cada libro destínase un euro a unha entidade sen ánimo de lucro aínda sen decidir, pero que de seguro será algunha adicada á loita contra as adicións.


TEMA DA SEMANA

Historia de tres ascensos

4 Unión Deportiva Ourense, Ourense Club de Fútbol e Club Ourense Baloncesto logran o ascenso na mesma tempada. R. Torres Primeiro foi a Unión Deportiva Ourense, o 15 de maio, e seis días despois (o 21) foi o turno de Club Ourense Baloncesto e Ourense Club de Fútbol; os tres conxuntos ourensáns lograban o ascenso de categoría, algo histórico na cidade que non se daba desde facía moitos anos. UD Ourense A Unión Deportiva Ourense foi o gran dominador do grupo Sur da Preferente Autonómica. Na liga regular ningún equipo achegouse aos números dos capitalinos. En 24 encontros lograron a vitoria en 21 deles e cederon tan só tres empates -ningunha derrota na súa folla de servizo-. Logo chegaría a fase de ascenso, e mantivo grandes

número salvo na segunda xornada que se viu sorprendido polo Portonovo (1-0). Salvo ese lunar, en nove partidos sete vitorias, un empate (contra o Umia) e a citada derrota. O ascenso facíase realidade na xornada 8 (do play off de ascenso), a falta de dúas xornadas para rematar. A UD Ourense tiña ante o filial do Pontevedra a primeira das oportunidades de lograr o ansiado ascenso. A ocasión fixo que centos de afeccionados unionistas desprazáranse ata terras pontevedras para animar a un equipo que descendera o ano pasado. As cousas non comezaron nada ben, e os pupilos de Jorge de Dios encaixaban o primeiro tanto da maña. Porén, o conxunto ourensán non quería defraudar aos seareiros que se desprazaron

para animar ao equipo e foron quen de dar a volta ao marcador para firmar un 1-3 que levaba aos capitalinos á 3ªRFEF. Tralo festexo no campo, futbolistas e afeccionados colleron rumbo cara Ourense e celebrarono na fonte de Concepción Arenal. Ademais, a pasada semana certificaron o campionato ligueiro ao vencer ao Vilalonga (2-0) no último encontro da tempada no Couto. Esta domingo remata o curso no campo do Gran Peña, equipo que ascende xunto aos ourensáns. COB Seis días despois (o 21 de maio) o Paco Paz engalanabase para acoller o partido definitivo para a sorte do COB. Enfronte estaba un Navarra a quen vencera no partido de ida

por oito puntos, polo que tiña un colchón importante para festexar o ascenso sen sobresaltos. O partido foi como toda a tempada: os ourensáns comezaron ben, pero pouco a pouco foron baixando a intensidade. Os navarron lograron darlle a volta ao electrónico e por momentos tiñan a eliminatoria de cara, ao moverse máis aló dos 10 puntos de diferanza. Ata que se erixiu a figura de Darius Carter como o salvador. Foi o ala-pivote o que se puxo sobre os seus ombreiros ao equipo e tirou de raza e calidade para devolver a ledicia á parroquia ourensá. O americano foi quen de recurtar distancias que, aínda que non serviron para levarse o partido (8184), si que foron suficientes para perder por unha renda inferior á que gañaron en

Celebracións de ascenso do COB, o Ourense C.F. e a Unión Deportiva Ourense. /DOMARCO, CASANOVA E SEARA.

Barrios 26 de maio 2022

3

terras navarras e festexar o ascenso un ano despois de caer á LEB Prata. A ledicia invadiu un Pazo no que foron testemuñas do logro uns 4.000 afeccionados que animaron ata o último momento. A fonte de Concepción Arenal volveu ser protagonista seis días despois, nesta ocasión co baño de xogadores e directivos do Club Ourense Baloncesto. Agora toca a parte máis desagradable do deporte, e é plasmar nas oficinas o logrado na cancha. Moitas dúbidas que despexar para unha tempada na que, novamente, o COB estará na LEB Ouro. Para o 27 de xuño está prevista a asamblea de accionistas na que se poderá saber que COB nos atoparemos a tempada que vén.

taron en segunda posición a piques de ser primeiros e lograr o ascenso directo, xogaron a fase de ascenso na que se desfixeron do Fabril, primeiro, e Barco, despois. Aínda faltaba un último chanzo para o ascenso. Os albinegros tiñan que disputar unha última eliminatoria na cidade do fútbol das Rozas (Madrid). No sorteo tocoulle un Llarenense ao que goleu por catro goles a cero. Deste xeito, o Ourense CF lograba un merecido ascenso á 2ª RFEF que foi cociñando ao longo da tempada. As rúas da Ponte foron o lugar elexido para celebrar cos seus este éxito. O próximo curso compartirá liga co Arenteiro, sendo os dous conxuntos ourensáns que están en categoría máis alta.

Ourense CF Cunhas horas de diferenza co COB, e a máis de 500 quilómetros, o terceiro ascenso ourensán esta tempada levou o nome do Ourense Club de Fútbol. Tras un moi bo curso, no que rema-

A UD Ourense sobe á 3ªRFEF; o Ourense CF, a 2ªRFEF; e o COB, a LEB Ouro


4

Barrios 26 de maio 2022

OURENSE

Unha mobilización de 40 millóns

EN BREVE 4 BNG O BNG inicia percorrido polos barrios da cidade para dar a coñecer as súas propostas e para escoitar e recabar as demandas da veciñanza de cara ás vindeiras eleccións municipais de 2023.

4 Subvención O Concello consegue unha subvención estatal de case 5 millóns para proxectos de mellora da mobilidade na cidade. Servirán para a adquisición de autobuses eléctricos; mellora e ampliación de zonas peonís no centro histórico e zona de influencia; actuación para calmar o tráfico rodado e adquisición de dispositivos de recarga de autobuses eléctricos. Tamén logra 393.000 para proxectos de modernización e dixitalización.

4 Mediante unha modificación de crédito. Redacción

Presentación da nova web do transporte urbano.

Web do transporte urbano Ourense estrea nova web -ourense.avanzagrupo.com- de transporte urbano onde se atopará toda a información sobre o servizo de autobús da cidade. Mellorouse a súa usabilidade, navegabilidade e a estrutura dos contidos. Todo isto adaptado a versión móbil e dispoñible en galego e castelán. O novo sitio web os usuarios poderán acceder a un listado completo de liñas con descrición orixe – destino e un acceso directo a toda a información de cada liña.

4 Vodas O alcalde, Gonzalo Jácome, anunciou que interpretará ao órgano a Marcha Nupcial de Mendelssohn nas vodas que oficie, sempre que os cónxuxes o desexen.

4 Obras En marcha obras de reposición de enlousados na praza do Trigo, a rúa Cardenal Cisneros e a rúa Hernán Cortés que durarán cinco semanas.

O alcalde na toma de posesión dos novos enxeñeiros do Concello.

Enxeñeiros informáticos O Concello conta con 10 novos enxeñeiros informáticos que reforzarán o traballos de investigación e desenvolvemento que realiza o Centro de Innovación Tecnolóxica do Concello en La Molinera. O alcalde, Gonzalo Jácome, destacou que con eles “imos facer que o Concello sexa un pouco máis áxil”. A incorporación dos novos profesionais, avanzou, “vaise notar moito porque é un corpo importante de persoal cualificado en temas tecnolóxicos”.

O Goberno municipal do Concello de Ourense prepara un expediente de modificación de crédito que ten como finalidade mobilizar 40 millóns de euros, principalmente na execución de obras na cidade, durante este ano. O alcalde de Ourense, Gonzalo Pérez Jácome, e a concelleira de Facenda, Ana Morenza, xunto con técnicos municipais reuníronse para avanzar nesta proposta, que será presentada no pleno do Concello nunha próxima sesión. Deste xeito, pretenden principalmente reforzar o capítulo de investimentos que se executan actualmente na cidade, utilizando para ese fin o remanente de tesourería co que conta o Concello. O capítulo máis importante da modificación será o destinado á execución de obras de infraestruturas, incluíndo a execución de proxectos de humanización de rúas en diferentes barrios da cidade, como Alejandro Pedrosa.

Con esta modificación tamén se acometerán investimentos adicionais e reforzarán partidas en áreas como Servizos Sociais, Deportes, Servizos Xerais, Educación, Artes e festexos, Urbanismo, Promoción económica, Termalismo, Participación Cidadá, Seguridade Cidadá ou Medio ambiente. Os 40 millóns de euros desta modificación uniranse aos 70 millóns que están actualmente executándose con cargo á anterior modificación de crédito aprobada polo Concello.

Esta modificación uniríanse aos 70 millóns que se están executando actualmente

Casa Consistorial de Ourense./RAMSÉS.


ECONOMÍA

Barrios 26 de maio 2022

5

Aposta polo "fermosismo" en toda Galicia

4 Liñas de subvención pioneiras da Xunta que axudaron a mellorar o aspecto exterior de numerosos bens privados, así como de inmobles e elementos de uso público, en 222 municipios. Redacción Un programa pioneiro, impulsado por primeira vez en 2021 pola Consellería de Medio Ambiente, Territorio e Vivenda, a través do Instituto de Estudos do Territorio (IET), e cuxa convocatoria inicial foi moi ben acollida tanto por parte dos cidadáns como polas entidades locais galegas. O mesmo achegou, ao longo do pasado ano, 2 millóns de euros para corrixir impactos paisaxísticos de edificacións particulares e municipais en toda Galicia e, polo tanto, para apostar polo fermosismo. Foi tal o interese espertado por ambas ordes de axudas, con máis de 800 solicitudes recibidas, que fixo que o orzamento consignado se esgotara en poucos días. Beneficiarios Un total de 445 particulares (cun límite máximo de 3.000 euros por persoa) de 178 concellos beneficiáronse para acometer diferentes obras sobre os seus inmobles, incluíndo traballos de

O antes e despois dunha estrutura en Lobios que se acolleu á subvención para corrixir impactos paisaxísticos. revestimento e pintura de fachadas sen rematar, renovación dos acabados e remates exteriores de edificacións e vivendas ou acondicionamento de peches de fincas e muros de cerramento. Preto de 1,2 millóns de euros foi a cifra que se repartiron entre todos as familias, cun importe equivalente ao 70% do orzamento do investimento subvencionable. En canto á orde dirixida a concellos de menos de 20.000 habitantes, 66 municipios recibiron o apoio económico da Xunta en 2021 para

Un total de 445 particulares (cun límite máximo de 3.000 euros por persoa) de 178 concellos beneficiáronse destas axudas para acometer diferentes obras sobre os seus inmobles

levar a cabo diferentes intervencións de mellora sobre edificios e outros equipamentos baixo a súa titularidade. En concreto, a convocatoria tiña dúas liñas diferenciadas: unha para actuacións en edificios ou dependencias destinadas á prestación de servizos municipais e outra para melloras en equipamentos públicos. Concellos Tamén se esgotaron, de seguido, os 800.000 euros dispoñibles para ambas liñas. Nestas, as entidades locais beneficiarias recibiron ata un máximo de 25.000 euros se a actuación subvencionable tiña como fin intervir sobre un edificio municipal, e ata 10.000 euros en caso de que o ben obxecto de acondicionamento, reparación ou rehabili-

tación fose unha fonte, un lavadoiro público, un palco da música ou un hórreo. Tendo en conta que a achega da Xunta non cobre a totalidade do custo da actuación, estímase que grazas a estas subvencións se mobilizou un investimento total de 2,9 millóns de euros. Nova convocatoria das axudas A Xunta, en vista do éxito da primeira convocatoria, volveu apostar este ano por brindar o seu apoio económico para estas actuacións. Polo que xa convocou de novo as dúas ordes de axudas dirixidas a propietarios particulares e concellos co fin de apoialos na execución de actuacións que permitan corrixir os impactos paisaxísticos

Vivenda unifamiliar que se acolleu ás axudas do IET; como estaba e como quedou despois da actuación.

en vivendas, edificios e equipamentos públicos de titularidade municipal provocados polo paso do tempo ou unha mala conservación. Orzamento deste ano volverá estar sobre os 2 millóns de euros. Ademais, na convocatoria deste ano, simplifícáronse os trámites, reduciuse a documentación a presentar polos solicitantes e introduciuse toda unha serie de especificacións e novidades técnicas co fin de ampliar o ámbito das actuacións subvencionables. Calidade de vida e benestar A paisaxe é un facto clave na calidade de vida e o benestar, polo que desde a Xunta consideran importante protexer a diversidade paisaxística de Galicia. Por iso, este ano vólvense convocar as axudas do Instituto de Estudos do Territorio (IET) xa que, por unha banda, repercuten directamente na economía dos galegos, que poden obter así unha subvención para corrixir impactos paisaxísticos nos seus bens inmobles; e por outra, contribúen a que teñan unhas óptimas condicións de vida, mediante o apoio aos concellos a través do financiamento de actuacións de renovación, remate e mellora en edificios

destinados á prestación de servizos municipais e en equipamentos que, sendo de titularidade municipal, son de uso ou desfrute para o conxunto da poboación. En definitiva, coa convocatoria destas dúas liñas de subvencións promóvese unha cultura de dignificación do territorio galego no que a participación da sociedade resulta estratéxica, fomentando o coidado da riqueza paisaxística e avanzando na aposta da Xunta polo fermosismo. Ademais, tamén se desenvolve un dos obxectivos previstos no Plan estratéxico da paisaxe galega 2021-2024: realizar accións concretas de protección, potenciación e mellora das paisaxes, así como formar, sensibilizar e educar na materia.

En vista do éxito da primeira convocatoria, este ano a Xunta convocou de novo dúas ordes de axudas dirixidas a propietarios particulares e concellos, cun orzamento ao redor dos 2 millóns de euros


6

Barrios 26 de maio 2022

VERÍN

O Concello farase co control do servizo da auga

“Vibra Verín” Redacción Verín acollerá, os días 27, 28 e 29 de maio, a primeira edición do Festival de Percusión “Vibra Verín”, organizado polo Conservatorio Profesional de Musica do Concello de Verín e o Anpa deste centro formativo. O festival arrinca o venres 27 de maio, ás 20 horas, no Auditorio Municipal cun concerto compartido, aberto ao público, no que participará o grupo de percusión e o ensemble de clarinetes do CMUS de Verín e o grupo de percusión de Ribadavia.

Ludoteca de verán Redacción Aberto o prazo de inscrición para a Ludoteca de verán “Convive en Igualdade”, actividade destinada a menores de 3 a 10 anos Este servizo de conciliación familiar, que busca cubrir o tempo vacacional dos cativos e cativas, comezará o 27 de xuño e ramtará o 7 de setembro. Estará dispoñible de luns a venres, con variedade de horarios, con distribución por idades. Campamento Tamén está aberto a inscrición para o campamento de verán para rapces de entre 11 e 14 anos que se desenvolverá nas mesmas datas. Solicitudes As solicitudes, tanto da Ludoteca como do Campamento, cubriranse na Oficina Municipal de Información Xuvenil, na Casa da Xuventude (avda. Portugal 11, 1ª planta - Porta 15), en horario de 8:30 a 14:30 horas. Preferencia para pais/ nais que teñan que conciliar vida laboral e familiar e familias monoparentais por orde de inscrición e pago ata cubrir prazas. Para máis información contactar no 988-414776.

4 Iniciáronse os trámites. Redacción

A concelleira, Emilia Somoza, e o alcalde, Gerardo Seoane, presentaron as xornadas.

Vázquez Taín dirixe as xornadas de novela negra 4 A cuarta edición celébrase o 3 e 4 de xuño e leva por título “Personaxes de Novela”. Redacción O Auditorio de Verín acollerá, durante os días 3 e 4 de xuño, a cuarta edición das súas xornadas de Novela Negra “Personaxes de Novela”, nas que se combinarán o mundo de ficción das novelas e o real con personaxes verdadeiros que normalmente aparecen nas narracións deste xénero literario. As xornadas, organizadas pola Biblioteca do Concello de Verín teñen por obxectivo dar unha visión real sobre as personaxes que nelas normalmente aparecen. Para iso, Verín contará coa presenza de reputados escritores e profesionais que falarán en profundidade sobre moitas das claves deste xénero literario. Devanditas xornadas serán coordinadas e dirixidas polo xuíz e escritor Xosé Antón Vázquez Taín, e contarán con profesionais da talla de Enrique León Calviño, ex comisario de Vilagarcía; Víctor Souto, Comandante Guardia Civil – Xefe Sección Homicidios, Secuestros e Extorsións (UCO); Iria del Río Tajes, Médica Forense do IMELGA de Pontevedra; a escritora Arantza Portabales; os escritoes, Alejandro Corral e Xoa-

quín Fernández Leiceaga; ou mesmo Rafa Cid, Director C.T. RTVE Galicia. Lorena Carnero e Daniel Carnero, voluntarios da Biblioteca do Concello de Verín, serán os presentadores das xornadas que contarán con outros voluntarios moderando as mesas redondas, ademais de Fernando Serrulla (Médico forense), e Miguel Losada (antropólogo), que tamén moderarán sendas conferencias. Entrada O prezo das entradas son de 2 euros por día que se poderán pagar na propia biblioteca ou mediante transferencia bancaria (Abanca: ES83 2080 5168 1431 1001 4324). Despois hai que enviar un mail a biblioteca@verin.gal co xustificante de ingreso e nome e apelidos dos asistentes, o día ou os días para os que se quere as entradas, para que o persoal da biblioteca reserve as citadas entradas deixándoas no propio Auditorio para a súa retirada os días das Xornadas.

cias “Encaixando pezas” (19.35h), co Comandante da Garda Civil, Víctor Souto Fernández e acompañado do xuíz Vázquez Taín; e “Violencia contra a muller. Vítima e vitimario” (20.20h), Iria del Río Tajes e acompañada por Vázquez Taín e o forense Fernando Serrulla. O sábado falarase de “A atracción da escritura dunha novela negra” (18 horas), Xoaquín Fernández Leiceaga acompañado de Miguel Losada e Vázquez Taín; “Enigmas, misterios e rarezas no Prado e no mundo da arte” (18.30h), Alejandro Corral que presenta a novela “La dama del Prado” acompañado novamente do xuíz e de Noelia Gallego; e “Como se destrúe unha novela negra” (19h), coa presenza de Arantza Portabales que presenta “A vida secreta de Úrsula Bas” xunto con Inés García e Taín. Ás 19.40 horas haberá unha mesa redonda dirixida por Rafa Cid, e rematarán as xornadas coa sinatura de libros.

Programa As xornadas de novela negra arrancan o 4 de xuño coa conferencia “As mentiras das drogas” (só para os centros de ensino), con Enrique León Calviño, ás 12 horas. Pola tarde, terán lugar as conferen-

As xornadas celebraranse no Auditorio de Verín e o prezo das entradas será de 2 euros por día

Esta semana tivo lugar unha rolda de prensa, que por importante, participaron o alcalde de Verín, Gerardo Seoane; o tenente de alcalde, Diego Lourenzo; e os edís, Rosario Rodríguez, Purificación Caldelas e Julio Viéitez. O motivo era o de anunciar que o Concello está disposto a remunicipalizar o Servizo de Augas, xa que considera está ante unha situación de "risco de dano ambiental por saturación da depuradora". Así o describiu o rexedor, quen explicou que a depuradora "está recibindo máis do dobre do caudal" do que está preparada para procesar, e que se debe "á infiltración de augas subterráneas que se introducen nas tubeiras en mal estado". De feito, continuou, "a Confederación Hidrográfica do Douro vén de revisar a autorización de vertido de augas de Verín (de 3.000.000 m2) corrixindo a súa taxa de 40.000 a 200.000 euros anuais debido á dilución dos residuos". Ante esta situación, encargáronse varios informes externos para coñecer as causas, ademais de instalar caudalímetros en varios puntos da rede. Todos estes estudos referendaron que as filtracións son a causa do exceso de volume que recibe a depuradora. Ademais, anunciou, que se iniciou o precedemento para a recupera-

ción do servizo -solicitaron un informe aos técnicos do Concello-, ante os indicios "certos e medibles” de que se non intervén podería rexistrarse un dano ecolóxico para o ecosistema da comarca". Tubeiras Desde o Concello avisaron á concesionaria das malas condicións das tubeiras facendo esta caso omiso. "No mes de abril envióuselle un escrito para que informase en dez días das accións a tomar, do que aínda non recibimos resposta", apuntou Seoane. Ante esta situación, e aproveitando a existencia de varias liñas de proxectos e fondos europeos cren que é o momento de abordar a situación e plantexar un proxecto de saneamento integral, proxecto que xa está redactado. Pola súa banda, Diego Lourenzo quixo aclarar que "esta é unha decisión moi meditada e documentada", xa que neste caso en concreto e unha medida que se toma en aras da defensa do interese xeral. Desde o Concello estamos abertos a falar coa empresa concesionaria para chegar a un acordo pero, no caso de non facelo, actuaremos con responsabilidade e determinación en beneficio da cidadanía".

Desde o Concello avisaron á concesionaria das malas condicións das tubeiras

Rolda de prensa sobre o servizo de augas.


VERÍN

De antigo almacén a museo

Verín albergará un dos maiores museos dedicados á música e á cultura folk de toda Europa. O Concello prepara a exposición permanente da que posiblemente é a colección privada máis importante de gaitas do mundo, xunto con importante documentación, fondos sonoros e manifestacións artísticas relacionadas, que servirán para crear o Museo Internacional da Gaita. Para elo, o consistorio municipal ultima, con Xosé Lois Foxo (musicólogo e director da Real Banda de Gaitas de Ourense) un modelo de cooperación para acoller tan importante fondo. Ubicación Dada a amplitude da colección, o concello rehabilitará o antigo edificio dos almacenes Recaredo Romero, obra do arquitecto Daniel Vázquez Gulías. O ambicioso proxecto, que procurará a financia-

Interior do edificio Gulías.

ción europea dos Fondos Next Generation, complementará o museo con espazos e fondos culturais adicados á divulgación da riqueza patrimonial e medioambiental da comarca de Monterrei. O novo espazo sumarase ao proxecto de apertura de espazos da Parroquia de Santa María a Maior como elemento dinamizador do casco vello verinés. O edificio conta cunha conexión coa rúa Maior, que o Concello habilitará para posibilitar, así mesmo, adicar o espazo central -patiopara concertos e a antiga adega para ampliar as instalacións museísticas de divulgación dos viños de Monterrei do Museo do Claustro Mercedario.

O antigo edificio dos almacenes Recaredo Romero será a sede do novo museo

7

EN BREVE 4 DO Monterrei

4 Verín albergará o Museo Internacional da Gaita. Redacción

Barrios 26 de maio 2022

Mesa Xeral de Negociación do Concello de Verín.

Aprobada a OPE para estabilizar emprego público en Verín 4 Serán case 40 postos de traballo diferentes que pertencen a todas as áreas municipais e un total de 89 prazas a cubrir. Redacción Celebrouse neste mes de maio a Mesa Xeral de Negociación do Concello de Verín para aprobar a Oferta de Emprego Público (OPE) extraordinaria para estabilizar o emprego laboral temporal de longa duración. Concello e os sindicatos participantes (CIG, CCOO e CSIF) chegaron a un acordo para que todos aqueles postos ocupados por traballadores temporais que reúnan os requisitos esixidos pola lei van adquirir praza fixa ben mediante un sistema de méritos ou ben por concurso-oposición. Actualmente, o concello conta cun persoal actual de funcionarios, persoal laboral fixo e persoal temporal, indefinidos e subrogados que se sitúan en 200 traballadores. O obxectivo é que se consoliden 89 prazas antes de rematar 2024.

Segundo explicou a concelleira de Recursos Humanos e Réxime Interior, Rosario Rodríguez Delgado. "Na historia deste Concello non houbo un proceso de consolidación de tanta envergadura como o que se aproba agora, por tanto, felicito aos sindicatos, os tres representativos da Mesa xeral: CIG, CCOO e CSIF e ao goberno que represento por chegar a este gran acordo que se traduce en emprego estable". Ademais, Rodríguez Delgado quixo felicitar "a todos os trabadores "temporais" que van poder optar á súa praza fixa". Así pois, serán case 40 postos de traballo diferentes que pertencen a todas

as áreas municipais e un total de 89 prazas a cubrir. A publicación da convocatoria destes procesos selectivos deberá producirse antes do 31 de decembro do 2022 e a resolución dos procesos antes do 31 de decembro do 2024. Remunicipalización Isto débese á decisión tomada no seu día polo grupo de goberno, encabezado polo alcalde de Verín, Gerardo Seoane, da remunicipalización de servizos, tales como a limpeza edificios, aparcadoiro subterráneo, limpeza viaria, Estación Depuradora de Augas Residuais (EDAR), entre outros.

A publicación da convocatoria destes procesos selectivos deberá producirse antes do 31 de decembro do 2022 e a resolución dos procesos antes do 31 de decembro do 2024

As últimas accións promocionais da DO Monterrei levou ás súas adegas ata Düsseldorf, (Alemaña) para participar no Prowein. Ata alí desprazáronse 22 das 27 adegas da Denominación. Anteriormente, realizaron un Túnel do Viño en Bilbao ante máis de 60 participantes entre sumilleres e presentantes do sector do canal Horeca.

4 Balneario Fontenova O Concello de Verín vén de presentar no marco das accións de rehabilitación postas en marcha polo Goberno de España dentro dos Fondos Europeos Next- Generation o seu proxecto de rehabilitación do Balneario de Fontenova. O mesmo ten un valor de 627.000 euros; sendo o investimento subvencionable polo programa 468.000 euros, asumindo o Concello o resto. Segundo explicou o alcalde de Verín, Gerardo Seoane, a rehabilitación do balneario histórico consiste na adecuación e reforma das instalacións para viabilizar a súa apertura ao público de maneira permanente.

4 Paneis fotovoltáicos Verín instalará paneis fotovoltaicos en oito dos seus principais edificios municipais. Investirá 118.000 euros nas instalacións, esperando percibir dos fondos europeos Next Generation practicamente o 50% do investimento.


8

Barrios 26 de maio 2022

Curso produtos fitosanitarios Redacción A Consellería do Medio Rural celebrará en Xinzo unha formación para obter o carné básico de aplicador e manipulador de produtos fitosanitarios. Terá lugar na aula Cemit -Casa da Cultura-, desenvolverase ao longo de sete días dende o vindeiro 30 de maio, cun total de 27 horas lectivas en horario de 16 a 20 horas. Organizada pola Oficina Agraria Comarcal de Xinzo, o obxectivo é a adquisición de coñecementos sobre o uso sostible dos produtos fitosanitarios así como sobre o seu manexo e aplicación de acordo coa normativa, para que poidan exercer esta actividade en toda España. Os interesados en obter información adicional poden chamar ao teléfono 988 788 361.

XINZO

Flores no Camiño de Santiago 4 Plantáronse máis dun cento na praza de Santa Mariña. Redacción Alumnos de sexto de Infantil e quinto de Primaria do CEIP Carlos Casares de Xinzo de Limia e do Obradoiro de Emprego Vía da Prata plantaron máis dun cento de flores -dun total de 16 xardiñeiras- na praza de Santa Mariña, emprazada ao carón do Camiño de Santiago. Trátase de petunias moradas, petunias vermellas, tajetes laranxas, outros tantos amarelos, salvias, conchitas de diferentes cores e flor de mel. Os cativos comprometéronse a visitar a praza regularmente para ver crecer as distintas especies.

Igualdade Cómpre recordar que as alumnas do Obradoiro de Emprego Vía da Prata xa realizaron diferentes traballos no concello, destacando actuacións como a que levaron a cabo no parque do Pombal, plantando distintas especies ao redor da estatua e realizando a substitución de lousas de-

terioradas. Favorecer a inserción laboral das persoas desempregadas de 18 ou máis anos de idade, mediante a realización de obras ou prestación de servizos de interese xeral é o obxectivo do Obradoiro de Emprego na Vía da Prata. Xinzo e Sandiás uniron as súas forzas para solicitar á Consellería de Emprego e Igualdade unha subvención para a posta en marcha da iniciativa e crear unha agrupación para a xestión compartida do programa de emprego e formación con 16 alumnas traballadoras durante un período de tempo de nove meses.

Membros da corporación participaron na plantación.

Lama e Díaz na Galiciencia.

Galiciencia Redacción Seis proxectos dos alumnos do IES Lagoa de Antela foron seleccionados para participar en Galiciencia, que tivo lugar este mes de maio na Tecnópole, co obxectivo principal de achegar a ciencia á sociedade. A temática deste ano foi a economía circular, polo que os alumnos limiáns apostaron por proxectos que trataban de dar resposta as seguintes cuestións: Como apagar chamas sen empregar auga? Podemos depurar auga de forma

caseira? Como afecta a temperatura da auga ao crecemento das plantas? Como afecta a concentración de nitratos ao crecemento das plantas? Como afecta o adestramento ás capacidades físicas? Afecta a cantidade de superficie á forza de rozamento? O Concello de Xinzo de Limia mostrou o seu apoio e ata o Parque Tecnolóxico de Galicia achegáronse a alcaldesa, Elvira Lama, e o tenente de alcalde, Amador Díaz Penín. Na visita acordaron repetir esta exposición en Xinzo, en algún formato que decidirán entre ambas partes, así como a data.


PUBLICIDADE

Barrios 26 de maio 2022

9


10

Barrios 26 de maio 2022

EN BREVE 4 Exposición A Casa da Cultura de Xinzo de Limia acolle a exposición «Nós tamén fomos emigrantes». A mostra consiste nunha selección de corenta fotografías da emigración, tanto española como galega, procedentes dos arquivos da Axencia EFE. Poderase visitar ata o vindeiro 17 de xuño de luns a venres de 9 a 14 e de 15.30 a 20.30 horas.

4 Plan Igualdade

Xinzo elabora un Plan de Igualdade participativo no que, mediante unha enquisa (de 49 preguntas) se pretende definir as políticas municipais dos próximos catro anos. Ao cuestionario poderán acceder tanto homes como mulleres (que viven no concello) a través das redes sociais e da páxina web do Concello de Xinzo. A intención é que tamén estea dispoñible en papel nos centros de maiores, centros sociais, de saúde ou colexios, entre outros espazos públicos e privados. Preténdese elaborar un diagnóstico da situación do pobo, coñecer a realidade en materia de igualdade entre mulleres e homes, contar cunha visión detallada da poboación, así como da xestión das políticas públicas en materia de igualdade e prevención da violencia de xénero.

4 Travesía N-525 O delegado do Goberno, José Miñones, avanzou que o Goberno central humanizará a travesía da N-525 en Xinzo con case 4 millóns de euros de investimento. Construirase un carril bici, ampliaranse os espazos de paseo peonil e mellorarase o firme.

XINZO

Trandeiras contará cun centro de interpretación

Escola Rural de Saúde da Limia

4 Concello e Confederación elevan ata case un millón de euros a inversión no mosteiro.

A Asociación Escola Rural De Saúde da Limia promove encontros para a recuperación de tradicións como o forneado, as cancións e a música tradicional. E isto foi posible, no Forno de Sarreaus, coa inestimable colaboración de máis de 35 mulleres de varias Escolas rurais de saúde de distintos concellos. Esta cita no forno de Sarreaus pon en valor os encontros comunita-

Redacción O Concello de Xinzo de Limia e a Confederación Hidrográfica Miño-Sil actuarán para evitar os riscos de derrubes no Mosteiro de Trandeiras. O pleno do Concello de Xinzo de Limia aprobou en sesión plenaria -coa abstención dos concelleiros do Partido Popular- de maio, o expediente de ratificación da segunda addenda modificativa do convenio entre concello e Confederación Hidrográfica para a financiación, execución e entrega das obras de análise e actuacións de consolidación das infraestruturas hidráulicas asociadas ao monumento. Tal e como explicou a alcaldesa, Elvira Lama, a primeira inversión aprobada foi de 350.000 euros e agora engádense 565.000 euros para a consolidación da estrutura do edificio e para acondicionar o espazo de interpretación sobre o mosteiro por case un millón de euros. A rexedora sinalou que “con este incremento o Concello pasa a aportar o 10% da intervención, que ten urxencia polo estado no que se atopan algunhas zonas”. Outros puntos Tamén aprobaron, por unanimidade, outros

puntos da orde do día. Como a modificación do anexo de subvencións do Orzamento 2022 para subvencionar a actividade da Asociación de Familiares de Enfermos de Alzhéimer (Afaor), ou a ratificación do decreto en virtude do cal acordouse constituír unha agrupación entre o Concello de Xinzo de Limia e o de Sandiás para a xestión compartida do Obradoiro de Emprego Vía da Prata. Outro punto que saiu adiante foi o de aprobar o convenio de colaboración subscrito entre os concellos de Sandiás, Xinzo de Limia e Vilar de Barrio para agruparse co obxectivo de presentar a solicitude conxunta de subvención na Xunta pola que se establecen as bases reguladoras das axudas a entidades locais para a promoción da igualdade; recentemente o ente local realizou unha enquisa para definir as políticas públicas municipais dos próximos catro anos con perspectiva de xénero. Será, ademais, o primeiro que se faga con participación pública e cun gran diagnóstico da situación

Estabilización Aceptouse tamén, co acordo de todos os grupos, o expediente do proceso de estabilización de emprego no Concello. A Mesa de Negociación acordou a primeiros de maio a consolidación dun total de 66 prazas, outras 9 extinguiranse e unha amortizarase. Tal e como explicou a alcaldesa, Elvira Lama, "os traballadores acadarán ao fin a estabilidade laboral que ata agora non tiñan”.

Participantes do encontro no forno de Sarreaus.

Camiño de Santiago Redacción Máis de medio cento de usuarios do centro social de Xinzo, pertencentes á Asociación de Sendeiristas da Limia, comezaron o pasado 4 de maio a súa peregrinación a Santiago de Compostela. A primeira etapa

iniciouse neste concello e rematou en Allariz. A alcaldesa, Elvira Lama, acompañou aos camiñantes nos seus primeiros pasos ata a saída da localidade. Camiñarán todos os mércores e regresarán de volta a Xinzo de Limia ao rematar cada etapa. Serán un total de oito. Para facelo posible, o Concello realiza unha aportación económica.

Aceptouse o expediente do proceso de estabilización de emprego no Concello: consolidaranse un total de 66 prazas, nove extinguiranse e unha amortizarase Primeira etapa do Camiño de Santiago.

Seguridade vial

4 CDR O Viso O Concilia Verán do CDR O Viso xa ten aberto o seu prazo de inscrición ata o 31 de maio. Será en xullo e agosto para rapaces de 3 a 12 anos. Información no teléfono 988461571 ou no e-mail cixdalimia@cdroviso.org.

actual do municipio en materia de igualdade. Outro punto do día -mediante moción urxente- que saiu adiante (ca abstención do PP) relativo a igualdade foi o da adhesión do Concello ao Programa de atención a vítimas de violencia machista con animais de compañía. Preténdese que estas mulleres que sofren malos tratos non se retrasen á hora de abandonar o domicilio no que sofren a violencia por medo a abandonar as súas mascotas, un feito que xa se deu no municipio.

Redacción

rios nos que fixeron pan, empanadas, bica de millo e filloas á pedra, á antiga usanza. Ademais, recordaron cancións populares e bailaron ao son de gaitas e pandereitas. Así, a experiencia das mulleres máis maiores ensinando a outras (a sabiduría vén coa experiencia que da os anos), favorecen á integración social das primeiras e, fomenta a calidade de vida das persoas do rural da Limia. En definitiva, a saúde comunitaria coas mulleres do rural como mediadoras que rememoran experiencias para que caian no esquecemento.

Redacción

Pleno do mes de maio do Concello de Xinzo de Limia.

O subdelegado do Gobernor en Ourense informou que a Dirección Xeral de Tráfico (DXT) vén de instalar sinais de aviso para pacificar a circulación no entorno dos institutos de Xinzo de Limia. Os avisos ca-

recen de fin sancionador e funcionan en horario escolar para mellorar a seguridade na entrada e saída dos centros. Cada sinal dispón de sensores que detectan o paso de vehículos a motor e activan unha mensaxe de perigo con luces LED. Na nacional N-525, a DXT instaláronse dúas sinais.


PROVINCIA

A Xunta colabora na contratación de socorristas

A Xunta de Galicia destina máis de 289.000 euros para contratar 86 socorristas para vixiar as piscinas e praias fluviais de 57 concello da provincia de Ourense. O anuncio fixoo o delegado da Xunta en Ourense, Gabriel Alén, dicindo que o ente autonómico vén de resolver a convocatoria para apoiar aos concellos galegos á contratación de persoas desempregadas. Esta cifra supón un 8% máis ca achega do ano pasado o que permitirá financiar a contratación de 4 persoas a maiores. Gabriel Alén, sinalou que o Goberno galego coopera coas entidades locais para cubrir estes postos no verán, durante un período de dous meses. Precisou que son os propios concellos os que

teñen a competencia para contratar persoal de vixilancia e salvamento que garanta a seguridade nas praias marítimas e fluviais e nas piscinas. As contías irán dos 1.555 aos 2.700 euros segundo o grupo de cotización das persoas contratadas. O obxectivo da iniciativa é incrementar e mellorar as oportunidades laborais do rural de Galicia, mediante a contratación de persoas desempregadas, e dar un impulso aos traballadores das zonas menos poboadas da comunidade autónoma.

Estes postos cubriranse durante un período de dous meses

Piscina dun concello ourensán.

Montederramo contará cun novo centro de saúde 4 Cuadruplicará a superficie do actual. Redacción Persoal técnico do Sergas fixo unha visita á parcela proposta polo concello para a construción do novo centro de saúde no Concello de Montederramo. Durante a visita esti-

veron acompañados polo delegado da Xunta en Ourense, Gabriel Alén, máis o alcalde da localidade, Antonio González. Este centro de saúde aparece recollido na Fase 2 do Plan de Infraestruturas Sanitarias de Atención

11

Xantar na Casa Oímbra Redacción

4 Para este verán en 57 concellos da provincia. Redacción

Barrios 26 de maio 2022

A música estivo presente na romaría Raigame 2022. /A. MÍNGUEZ.

Vilanova dos Infantes recupera Raigame 4 O público non faltou á cita coa romaría. Redacción Notabanse as ganas de recuperar a romaría etongráfica Raigame que cada ano, sen contar os dous últimos, celébrase en Vilanova dos Infantes o Día das Letras Galegas (17 de maio). Despois deses dous anos, marcados pola pandemia, o público non faltou á cita -que era a 19ª edición- e encheu as rúas da vila ao longo do día, participando nos múltiples eventos organizados e visitando os numerosos stands de artesanía e gastronomía alí presentes. Tampouco faltou, como non podería ser doutro xeito, a música e o teatro que ameni-

Primaria aprobado pola Xunta de Galicia o pasado outubro. O goberno galego, logo dun estudo do estado das infraestruturas de atención primaria en toda Galicia, decidiu priorizar a construción dun novo centro de saúde en Montederramo tendo en conta que o actual centro de saúde, de 33 anos de antigüidade, comparte espazos con outras actividades municipais e que presenta múltiples carencias, deficiencias estruturais, funcionais e de accesibilidade que dificultan unha atención de calidade.

zaron a festa ao longo do día. A meirande parte dos que ata alí se desprazaron optaron por vestir traxes de época (como así pediron desde a organización) para darlle máis vistosidade á celebración. Como novidade este ano, incorporouse o lavadoiro, acondicionado polo Concello recentemente, servindo como escenario dalgunha das representacións do día. Outra das novidades foi que a biblioteca municipal de Celanova realizou unha liberación de libros en galego en diferentes lugares do burgo medieval. Homenaxe Concedeuse,

ademais,

Servizos O novo centro contempla unha consulta de medicina, unha consulta de enfermaría e unha sala polivalente, da que carece o actual inmoble, ademais doutras estancias como

o premio Adolfo Enríquez que foi entregado, a título póstumo, a José Gómez Vázquez, médico da vila e activista cultural. Este premio homenaxeou á medicina rural (profesión que foi honrada nesta edición). Como complemento a este premio houbo unha mostra de paneis do museo do médico rural de Maceda. Concursos, exhibicións e xogos populares tampouco faltaron na romaría Raigame 2022.

Este ano homenaxeouse á figura do médico rural sala de xuntas para o persoal. En consecuencia, o plan prevé que o novo centro, con case 405 m2 cuadriplique en superficie ao actual, que apenas chega aos 100 metros cadrados.

Alén, Álvarez e técnicos do Sergas na parcela que o concello propón para o novo centro de saúde.

A Xunta incorporou o Concello de Oímbra ao programa Xantar na casa que permitirá levar menús semanais, sans e equilibrados aos fogares de persoas maiores que viven soas. A conselleira de Política Social e Xuventude, Fabiola García, acompañada do delegado territorial da Xunta en Ourense, Gabriel Alén, asinou o convenio de adhesión, mediante o cal se achegará este servizo a dez persoas deste municipio. A conselleira lembrou que outros seis concellos da comarca de Monterrei xa se benefician deste programa: Castrelo do Val, Cualedro, Monterrei, Riós, Verín e Vilardevós. Deste xeito, apuntou, a Xunta axuda a paliar a soidade non desexada de preto de 80 persoas desta comarca de Verín. No conxunto de Galicia, a Xunta achega estes menús semanais a máis de 1.800 persoas de preto de 200 concellos diferentes para o que inviste un total de 2 millóns de euros.

Fabiola García, no centro, en Oímbra. /M.REJO.

Conde en Piñor Redacción O vicepresidente primeiro, Francisco Conde, visitou as instalacións de Maderas Gómez en Piñor. A compañía, que conta con 117 empregados e factura 13,9 millóns de euros, prima en todos os seus procesos madeira quilómetro cero, procedente da contorna. Ademais, no seu compromiso pola sustentabilidade e a eficiencia enerxética, dispón de caldeiras de biomasa e paneis fotovoltaicos.


12

Barrios 26 de maio 2022

Fútbol sala Redacción O Ourense Envialia cae derrotado fronte ao Rayo Majadahonda e con elo di adeus ás opcións de meterse no playoff polo título. Con este traspés, as de Morenín atópanse na novena posición a nove puntos da cuarta posición (a que da dereito a xogar o playoff). Semanas complicadas para o club, xa que ademais desta desilusión viron como nas últimas semanas escapáronselles dous títulos máis: na Copa da Raíña disputada en Ourense perderon nos cuartos de final ante Burela (á postre campión da Copa) e a Copa Xunta, perdendo na tanda de penaltis na final contra Poio. Esta xornada visita ao Penya Esplugues. Cidade das Burgas A pesar da contundente derrota, por cero a sete, contra o Viaxes Amarelle (campión de Liga), o Cidade das Burgas tiña asegurada a súa presenza nos play off de ascenso á 1ª división como segundo clasificado con mellor coeficiente. Esta fin de semana rematan a liga regular na casa contra o Mioño.

DEPORTES

O campo de Mariñamansa conta cun NADE 4 Formará aos adestradores do futuro. Redacción O secretario xeral para o Deporte, José Ramón Lete Lasa, acompañado polo delegado territorial da Xunta en Ourense, Gabiel Alén, inauguraron o Núcleo de Adestramento Deportivo Especializado (NADE) da Federación Galega de Hóckey que se empraza no entorno do Centro de Tecnificación de Gaicia de Hóckey no campo de Mariñamansa. Lasa presentou o novo núcleo de adestramento como "un centro de tecnificación descentralizado do CGTD para achar novos talentos e acompañalos ata o alto nivel". O NADE, dixo, “axudará aos nenos e nenas do hóckey galego a chegar a ser grandes adestradores “como José Manuel Brasa, grandes árbitros, como Daniel González ou grandes xogadores e xogadoras como as irmáns Piñeiro, Antón Parente, Xurxo Cid ou Manu Prol, "que xa sabe o que é estar nunha convocatoria

Lete Lasa no NADE de Mariñamansa. /RAMSÉS. do seleccionador nacional, Max Caldas". Neste sentido, Lete Lasa lembrou a medalla de ouro olímpica que conquistou a selección española feminina de hóckey en Barcelona 92 baixo os mandos do técnico vigués José Manuel Brasa e asegurou que "o maior éxito da historia do hóckey nacional teña acento galego di moitas cousas". NADES Os NADE son o conxunto de medios humanos e materiais xestionados por unha federación deportiva, club deportivo ou sociedade anónima deportiva inscrita no Rexistro de

Entidades Deportivas de Galicia, que teñen por finalidade a preparación técnico-deportiva orientada ao alto nivel ou ao alto rendemento deportivo, así como identificar e reter o talento deportivo que se atopa diseminado polos clubs do territorio da comunidade. O NADE de Ourense súmase á estrea, recentemente, do campo de Mariñamansa como céspede de categoría global que outorga a federación internacional. A partida orzamentaria para a federación galega incrementouse nun 162%, e as licenzas deportivas transitan polas 700.

Próxima parada: O Couto 4 É a segunda cita do "Correndo por Ourense". R.T.

Remedios e de novo Dalí.

O barrio do Couto prepárase para acoller a segunda cita do circuíto de carreiras populares "Correndo por Ourense" 2022. O sábado, 22 de maio, a partir das 22 horas dará comezo esta proba nocturna coa carreira dos pitufos. Sobre as 22.05 horas será o turno dos sub 10 e 12 (benxamíns e alevíns); ás 22.15 horas tomarán a saída os sub 14 e 16 (infantís e cadetes); e rematarase a xornada coa carreira absoluta (na que participarán xuvenís -sub 18-, júnior -sub 20-, promesa -sub 23-, sénior e máster) que dará comezo en torno ás 22.30 horas. As inscricións xa superan as 800 persoas inscritas entre todas as categorías. O circuíto destas carreiras pasará polas rúas: Dalí, Ervedelo, Juan de Anges, Remedios, rotonda cara Antonio Puga, Ervedelo, Juan de Anges,

Clasificación Trala disputa da primeira carreira celebrada no barrio do Vinteún o clasificación absoluta en categoría masculina está comandada polo atleta Rubén Diz, seguido de Héctor Rodríguez e José Benito Abellas. En categoría feminina, a primeira clasificada é Begoña Domínguez, sendo segunda, Vicky Losada, e Antía Rodríguez, terceira.

Carreira celebrada no Vinteún. /RAMSÉS.


PUBLICIDADE

Barrios 26 de maio 2022

13


14

Barrios 26 de maio 2022

4AXENDA Teatro - Xoves 9 de xuño 20h - Othello - Teatro Principal de Ourense. - Días 10, 11 e 12 de xuño - 20 e 21 h - estrea nacional de “Hecho furiosos” - Teatro Principal de Ourense. Música - Sábado 28 de maio 21h - The James Hunter Six - Teatro Principal de Ourense. - Xoves 2 de xuño 20h - Xabier Diaz “Levantarse e caer” - Teatro Principal de Ourense. - Sábado 4 e domingo 5 de xuño - 20 e 18 horas, respectivamente - Anotine, o musical - Auditorio de Ourense. - Mércores 8 de xuño 21 h - Robert Jon and the Wreck - El Pueblo Café Cultural - Sábado 11 de xuño - 20.30 h - Mitic, o espectáculo - Auditorio de Ourense. Exposicións - Ata o 19 de xuño Luz de corte. Cinco anos de ilustracións de Miguel Robledo - Fundación Vicente Risco (Allariz). - Ata o 12 de xuño - Ao redor do universo Beatle - CC Marcos Valcárcel. Cinema - Mércores 25 de maio - System crasher - 18 e 21 h - Cineclub Padre Feijoo (rúa Concello, 11-. - Luns 30 de maio - Josep - 20.30h - Cineclub Padre Feijoo (rúa Concello, 11-. Deportes - 14 e 15 de maio - Final a 4 da Copa Galicia de hoquei herba - campo de Mariñamansa. Outros - Do 24 ao 27 de maio - Teatro Principal Ourense - Festival Nómada de Cultura Africana Harmatán 2022. - Días 3 e 4 de xuño pola tarde - IV Xornadas de Novela Negra “Personaxes de novela” - Auditorio de Verín. - Do 3 ao 6 de xuño Festas urbanización Barrocás - actuacións de Kiko Rivera e a orquestra Panorama entre outras - Barrio de Barrocás. www.periodicobarrios.com

OCIO E CULTURA

4AS ANDRÓMENAS E OUTROS CONTOS

As galiñas e os gatos de Florencio Percorrer as pegadas do teu Córgomo querido, saudar aos gatos e ás galiñas que saíron ás congostras cando nos viron pasar, si, Florencio si, falei nun valado con dous gatos e cando xa me ía da conversa, sentín que o pintado quería ter un aparte comigo, revireime e acheguei a miña faciana a súa, como te coñece o condenado! Faloume daquelas esmorgas, das xuntanzas nas adegas, das cantigas e lembranzas. Faloume ben fachendoso do apañadiño que viñas, cos teus traxes combinados de vendedor atrevido, faloume de como defendías a nosa lingua querida, faloume da túa nai, que sempre foi a terra, ata me contou de cando casabas aos viños, os godellos cos mencías, e dos suspiros que sufrías cando tiñas que ollar de lonxe os vales e as fontes, cando a morriña furgaba no teu peito, cando ao acordo che viñan os aconteceres e as borras dos bocois, as bágoas de Valdeorras! Aqueles arrecendos a uva nos socalcos das ribeiras, as augas que escachaban coas mozas nas ourelas, daquela "Bebedeira", de mozo feiticeiro que namorabas con versos as túas aldeas queridas, nas romaxes e nas festas, nos acontece-

res diarios. Camiñando cara a túa casa vin o escudo na cima, coma un facho, coma estrela alumeando no ceo, e na casa da veciña dúas galiñas latricando, criticando a colorada a plumaxe da máis branca, "parece que hai certas pitas que queren falar castelán e sáelles sen querer o castrapo mesturado, pobriñas das galiñas que non queren defender o seu, que pensan que outros cacarexos teñen grande finura, confunden o balbordo coa cultura”. As galiñas, ben o sabes, sempre falan cos poetas, unhas de cores azuis e outras con raínas brancas, e dicíalle unha a outra que eu ben as escoitei; que ti que eras de boa casa, que non mudaches do galego como facían os outros para darse importancia, por moito mundo que andases, fixeches a mesma escolla, o amor á túa terra e á lingua que mamaras. Despois fómonos achegando onde descansas agora, no cemiterio dos teus, onde sempre quixeches estar e atopei un paxariño que me quixo contar como choraches coma un meniño, naquela igrexa de Vigo, oíndo a misa en galego. Baixamos á sepultura e achegamos unha coroa de loureiro verde, sabemos que che gustaban os arrecendos das árbores,

os estralotes e os fentos, sabíamos que ti estabas ollando aos anaquiños, agardando que nós defenderamos a lingua, recitamos os teus poemas, uns de risas e outros de choros. Cando erguín a vista vinte a cabalo dunha aguia, percorrendo Valdeorras, libre coma unha onda entre as augas do Sil e o océano que te colma, un palleiro nunha malla cun ramiño de figueira. Entón cando mirei para a beira, agochado entre dous anxos no fondo do cemiterio, alí estabas papá, ben ollei a túa pucha na testa e o sorriso nos beizos, escoiteiche dicir que; os homes como Florencio, viven sempre entre os seus, por moi torcidas que veñan, non se deixan abalar, por iso dígoche "Chiquito", ti non te torzas nunca, nin deixes de zoar, os tabáns do Asneiro non poden calar. E chiscándome un ollo engadiches rindo co teu bigotiño torcido; déixate de Andrómenas que terás que ir volvendo para Ourense que mañá toca traballar. Adicado a Miguel Martínez Coello, que me acompañou nesta historia. Avelino Jácome

Miguel Ríos.

Artistas de nivel, no verán ourensán 4 Miguel Ríos, Víctor Manuel ou Placebo actuarán na nosa provincia. Redacción "Os concertos do Xacobeo" regresan a Galicia este ano por todo o alto. E a Ourense tócalle un trozo de pastel moi atractivo. Para festexar o ano Santo xa hai as primeiras confirmacións de concertos na nosa provincia. Ata Verín chegarán o 3 xullo o compositor arxentino Gustavo Santaolalla e o galego Xoel López. O día 7 de xullo, un dos referentes da música nacional, Víctor Manuel, actuará na capital ourensá (no Xacobeo 93 tamén actuará na cidade das Burgas). O Claustro Barroco de Celanova, acollerá o 18 de agosto (coincidindo coas festas patronais de San Roque) o concerto de Miguel Ríos, único que dará na nosa comunidade; hai que remontarse a agosto de 1983 para recordar o último concerto do vello roquei-

4HUMOR

Ofrenda floral na sepultura de Florencio Delgado Gurriarán a cargo de Enrique Álvarez Barreiro, alcalde de Vilamartín de Valdeorras; Aurelio Blanco Trincado, presidente do Centro de Estudos Valdeorreses; Miguel Ángel Martínez, pintor e escritor; e Avelino Jácome, escritor.

ro nestas terras (no estadio do Couto). Máis citas O Pereiro de Aguiar acollerá un concerto con dous dos clásicos grupos nacionais dos 80 do século pasado; o 25 de agosto subiranse ao escenario La Guardia e Danza Invisible. Un día despois, 26 de agosto, Placebo tocarán en Ourense. Para o 31 de agosto está prevista a actuación de Roi Casal no Carballiño. Para rematar, as Tanxugueiras (que están este mes no OurenRock) porán o broche final dos concertos do Xacobeo o día 3 de setembro.

Miguel Ríos actuará o 18 de agosto en Celanova; La Guardia e Danza Invisible, o 25 no Pereiro de Aguiar


OCIO E CULTURA / CLASIFICADOS

Barrios 26 de maio 2022

15

BARRIOS. Edita: Letras a la Carta S.L. CIF: B-32.323.925. Depósito Legal: OU 142-2014. Redacción: r/ Arcediagos,11, 1º - 32005 Ourense. Tel: 988 045 352. Correo-e: info@periodicobarrios.com. Distribúe: Mundopublicolor. Imprime: Publicaciones Tameiga. Director: Ramsés Torres. Director comercial: Miguel Rejo. Redacción: Miguel Rejo, Ramsés Torres. Fotografía: Ramsés Torres, Miguel Rejo. Colaboracións: Joao Damiao, Miguel A. Prieto Sotelo, Fernando Valcárcel, Jorge E. Bóveda, C. Domarco, Avelino Jácome. Yedra Seara, Fernando Casanova, Borys Martínez Nº165 - Ano: XV - 26 de maio de 2022 - Difusión: 5.000 exemplares Este periódico non pode ser reproducido nin total nin parcialmente, sen autorización previa da empresa editora Letras a la Carta S.L. Impreso en papel 100% reciclado. Se ten algún problema co reparto, pregámoslle que nolo comunique no teléfono 685 969 546.

4DESDE O OUTRO LADO DA RAIA

4ANUNCIOS CLASIFICADOS [Deixe o seu anuncio no 685 96 95 46 ou en info@periodicobarrios.com. Gratuítos para particulares]

Perder peso sen gran esforzo A denominada “Terra Quente” posúe un gran atractivo turístico para encantar. Con dúas pontes sobre o río Tua, unha vella e outra nova, fan que conecten as dúas partes que compoñen esta fermosa cidade de Tras-os Montes. O Museo da Oliveira e do Aceite, o Museo das Curiosidades e o kartódromo rexional son lugares de visita obrigada. Existe unha gran variedade de produtos autóctonos e os pratos que se

serven nos restaurantes son auténticos manxares. Os produtos da terra son moi variados e de excelente calidade, desde a alleira, o bo salpicón, unha das mellores carnes do mundo -a carne bovina mirandesa- o bo cordeiro e, para acompañar, os excelentes viños desta rexión. Entre os varios restaurantes, destaca o Restaurante Poulão, ubicado nunha finca co mesmo nome, e que transmite unha imaxe da rexión e os seus produtos

biolóxicos agrícolas. Ten unha comida excelente, bo ambiente e un servizo moi profesional e persoalizado. Situado xunto ao pobo do Val de Salgueiro (tel. 00351 934272896), conta cunha degustación de produtos locais de primeira calidade. Estás son só algunhas das moitas razóns para deixarse encantar por esta simpática cidade de Terra Quente. João Damião

A Veiga acolle un campamento astronómico 4 Do 9 ao 16 de xullo. Redacción A directora xeral de Xuventude, Participación e Voluntariado, Cristina Pichel, presentou, xunto ao alcalde da Veiga, Juan Anta, o novo campamento astronómico que se realizará este verán neste concello ourensán. Esta nova localización, xunto con Xunqueira de Ambía, é unha das novidades da campaña de verán deste 2022. Terá lugar desde o 9 ao 16 de xullo e está dirixido a mozos de entre 11 e 14 anos. A directora xeral concretou que as actividades que conforman este campamento, que ten lugar no albergue Montañas de Trevinca, céntranse en rutas de sendeirismo, un observatorio astronómico, actividades de multiaventura no Encoro de Prada e outras actividades culturais, tradicionais e agrícolas. Voluntariado Tamén hai novidades este verán no campos de verán de voluntariado, sen-

do un deles na Veiga. Trátase do campo Bosque pintado da Cántara da Moura que terá lugar entre os meses de agosto e setembro e está destinado a persoas de entre 18 e 30 anos. Coma en cada edición, haberá ademais a posibilidade de optar a campamentos específicos para persoas con discapacidade de entre 11 e 50 anos. Ademais destes campamentos dirixidos a mozas e mozos de entre 9 e 17 anos, a campaña de verán inclúe 45 campos de voluntariado dirixidos a maiores de

idade ata os 30 anos, programas de intercambio bilateral con outras comunidades; minicampamentos ‘Coñece Galicia’ en establecementos turísticos para nenos e nenas de entre 10 e 14 anos; e estancias en instalacións xuvenís para entidades ou asociacións.

A Veiga tamén acolle un campo de voluntariado entre agosto e setembro

Cristina Pichel visitou o centro astronómico da Veiga onde se desenvolverá o campamento de verán.

INMOBILIARIA Véndese piso en Beluso, Bueu (Pontevedra). 100 m2, 3 habitacións, salón, cociña, baño, despensa e 3 trasteiros amplios. Soleado todo o día, situado preto de servizos básicos e a menos de 2 km das mellores praias da zona. Prezo: 85.000 euros. Tfno.: 679 588 349 (envío fotos, escoito ofertas). Alugo local económico no centro. Ideal para oficina, almacén ou trasteiro. 17m2. Dispón de baños comunitarios. 120 euros/mes máis 7 euros de comunidad. C.E.: C. Teléfono 627 203 131 Véndese casa céntrica en Xinzo de Limia. Baixo máis unha planta (144m2,) tres prazas de garaxe e patio, cinco habitacións, dous baños, cociña amoblada e terraza. 133.000 euros. Tel. 699 648 514 / 988 21 40 70 Alugo baixo na zona do Couto totalmente acondicionado. Con luz, auga, 70 m2. Prezo 300 euros. Tel: 653 208 506 Alúganse apartamentos en Montalvo (de Semana Santa a outubro) con unha ou dúas habitacións, cociña, salón, baño, barbacoa, aparcadoiro, xardín; fronte á praia. Tel: 607 271 916 Alugo sala para actividades culturais, con posibilidade de cociña, baño e outros sertvizos. Tel.: 988 247 113. Busco casa en alquiler na periferia de Ourense. Opción a compra ou dunha permuta dun piso situado na Valenzá. Tlf.: 600 826 029. Vendo casa na estrada de Santiago, con finca. Para restaurar. Tel.:672 089 349. Alugo apartamento en Sanxenxo a 5 minutos da praia. Piscina comunita-

ria Tel.: 650 64 15 19. Véndese apartamento de 2 habitacións, cociña americana, baño, trasteiro e garaxe. A 5 min. de praia América. Bo prezo. Tel. 620 66 07 62.

TRABALLO Particular en Ourense capital imparte Clases a domicilio individuais personalizadas de Matemáticas. Todas as Etapas. Tamén materias curriculares de ESO e Bacharelato. Amplia experiencia, económico. Forma de contacto: Enviar mensaje por WhatsApp: 610 38 25 89. Coidador sociosanitario con titulación ofrécese para acompañamentos, asistencia persoal, axuda a domicilio e coidado persoal. Tel.: 644482870 Ofrécese señora para traballar con xente maior ou nenos. De toda confianza, con informes. Disponibilidade de coche e fins de semana Tel.: 606 422 543. Ofrécese señora para limpeza por horas Tel.: 674 500 513. Señora, auxiliar de enfermería responsable e con experiencia, ofrécese para coidar persoas maiores, enfermos, nenos e tarefas do fogar. Tel.: 620 052 173 Ofrécese señora responsable -española- para coidade de nenos ou persoas maiores. Con informes. Tel.: 606 422 543 Ofrécese auxiliar de enfermaría, con titulación, para o coidado de maiores. Como interna ou por horas. En Ourense ou arredores. Telf.: 663 043 561 Danse clases de francés a domicilio. Todos os niveis. Titulación en España e Francia. Tlf.: 625 745 611 Busco traballo en desbroces con tractor ou condutor de camión e carretillas.

Ampla experiencia. Tel: 637 282 405. Ofrécese xerocultora para axuda a domicilio en Xinzo. Tamén para limpeza de casas e negocios por horas e adaptados ao seu horario. Tel: 686 005 358. Ófrecese señora seria e responsable para tarefas do fogar e coidado de nenos e maiores. Con informes. Preferencia zona Ponte. Tlf: 685 374 191.

VENDAS Véndense corte de carballos entre 1,20 e 1,5 m de circunferencia. Tel: 659 494 272. Vendo candelabros con reloxo a xogo, antigos para entrada. Tel: 610 97 98 97. Vendo colección de revistas “Muy interesante”, do nº1 ao 163, e “Natura”, do 1 ao 132 (as dúas encadernadas). Tlf: 636286434. Vendo accesorios para cans: arnes de tiro, correas, collares e fournitures. Tlf: 636286434. Vendo unha xanela de dúas follas en aluminio sapelly de 1,40 x 0,94 m con cristais. Tlf: 636286434. Vendo dúas cadeiras infantís de coche (Jane) de 15-36 kg con isofix, unha negra e outra vermella. Tlf: 636286434. Vendo rizador de pelo con accesorios para alisar e rizar. Tel.: 666 303 635 Vendo cama hospitalaria articulada en bo estado, con colchón anti-escaras. Tlf.: 606 133 522 Vendo prensa de viño mediana/grande, ideal para decoración en xardíns. Tlf.: 606 133 522 Véndese mampara nova. Tel: 672 089 349. Vendo escritorio. Como novo, bo prezo. Tel: 672 089 349. Vendo estufa de frío e calor. Tel: 672 089 349.


Barrios 26 de maio 2022