Barrios 136

Entrevista a Carlos Domarco, promotor de Restaurantes Ourense [Páx. 5]

TEMA

Páx.2

Un expediente ao xinecólogo de Verín reaviva a polémica no hospital comarcal

CIDADE

Páx.5 BARBADÁS

O empresario ourensán José Manuel Díaz Barreiros renuncia á presidencia da CEG

Páx.6 VERÍN

Un obradoiro de emprego mellorará e acondicionará zonas verdes e xardíns

Páx.7 DEPORTES

National Geographic cita ao Museo Mercedario como referente turístico

Verín, Fase 2

Páx.12

O Consello Municipal de Deportes organiza unha San Martiño virtual

Celebración do 25N

[Páx. 3]

Vivián, novo adestrador do Sala Ourense

[Páx. 3]

[Páx. 12]

Primeiro día cos bares abertos en Verín. // Concentración na praza Maior de Ourense polo 25N. // Óscar Vivián na presentación como novo adestrador do Sala Ourense.

Número: 136 - Ano: XIII - 27 de novembro de 2020 - Depósito Legal: OU 142-2014 - Periódico semanal de distribución gratuíta www.periodicobarrios.com - Se quere anunciarse consulte no 685 800 190

2

Barrios 27 de novembro 2020

TEMA DA SEMANA

Un expediente ao xinecólogo de Verín reaviva a polémica

Urxencias Redacción O Sergas vén de publicar a adxudicación da contratación do servizo de redacción do proxecto básico e de execución e da dirección de obra da ampliación de Urxencias-PAC e as actuacións de mellora da eficiencia enerxética do Hospital de Verín. Este servizo conta cun orzamento de 131.890 euros e contará cun prazo de execución de tres meses: un para a redacción do proxecto básico e outros dous para a aprobación do proxecto básico. A obra A obra de ampliación das Urxencias consiste na construción dun edificio independente do Hospital que estaría situado no lado este da parcela, onde está agora situado o aparcamento, conectado directamente ao hospital a través dun corredor. Está plantexado nunha única planta, cunha superficie útil de 1.229,40 m² e unha superficie construída de 1.372,50 m². En canto as melloras enerxéticas previstas no hospital verinés, estas consisten no cambio de enfriadora, instalación de paneis fotovoltaicos, substitución da iluminación por outra máis eficiente e a realización do illamento da cuberta. Esta actuación forma parte do pulo da Xunta de Galicia no desenvolvemento dos hospitais públicos comarcais, plasmado na modificación da Lei de Saúde que os converteu no centro dun distrito sanitario. Esta aposta veuse traducida en importantes obras de mellora, que fixeron medrar a superficie do conxunto destes sete hospitais nun total de 14.000 metros cadrados desde 2009.

4 Grupos políticos e a sectores sociais apoian ao facultativo. Redacción Momento da sesión extraordinaria do pleno de Verín. /C.M.

Verín aproba solicitar un crédito a curto prazo 4 A oposición abandona a sesión. Redacción O grupo de Goberno do Concello de Verín convocou un pleno extraordinario o cal abandonou o Partido Popular. No mesmo aprobouse por unanimidade, despois de marchar da sesión os populares, unha operación de crédito a curto prazo por un importe total de 2.611.348,42 euros. Devandita contía irá destinada a equilibrar os ingresos que se van recibindo ao longo de ano no que se inclúen, como o propio alcalde, Gerardo Seoane, comunicou "tres proxectos IDAE, subvencionados polo estado, dos que faltan os cartos por recibir". Outro punto aprobado foi o do expediente de modificación de créditos mediante transferencias de crédito entre partidas de gastos do orzamento do ano 2020, por importe total de 2.205.587,43 euros. O Tenente de alcalde e responsable de Facenda, Diego Lourenzo, explicou que unha vez que xa está case rematado o exercicio orzamentario de 2020 e revisadas todas as partidas

do orzamento de gastos "se comprobou que dalgunhas partidas existen remanentes de crédito que non se necesitarán utilizar neste 2020 e que sen embargo hai outras partidas de crédito na que os remanentes actuais xa están en negativo". O terceiro punto aprobado na sesión extraordinaria foi o compromiso de execución do proxecto de mellora da EDAR de Verín, que consistirá na substitución do colector principal do tramo norte -nunha lonxitude de 1 quilómetro e 400 metros- por un colector novo estanco e a construción dunha depuradora nova no matadoiro municipal. Para esta actuación, que se realizará no ano 2021, o Concello de Verín ten prevista unha inversión total de 260.000 euros.

dendo "acceder a información con tempo suficiente para analizala". Pola súa banda, o alcalde explicou que a urxencia da mesma debíase "á necesidade de cumprimento de tres compromisos ineludibles". Estes son "a urxente resposta a un requirimento da Confederación Hidrográfica do Duero; a finalización da operación de tesourería que temos subscrita e que, debido aos proxectos do IDAE, hai que renovar; e a necesidade de facer unha modificación de crédito para evitar o que pasou en anos anteriores, quedando os remanentes sen gastar e as facturas pasando á conta de acredores por operacións pendentes de aplicar a orzamento”, remataba o rexedor.

Abandono do pleno O pleno comezou con polémica. O Partido Popular votou en contra do caracter urxente da sesión debido a que foron avisados "sobre as sete da tarde do día anterior", segundo explicaba o portavoz da oposición, Juan Manuel Jiménez Morán, non pui-

Aprobouse, tamén, unha modificación de créditos mediante transferencias de crédito e a mellora da EDAR

Un ano despois de que a Xunta tentara o peche do paridoiro de Verín regresa á actualidade co seu xinecólogo á cabeza. O xefe de servizo de maternidade hospitalaria de Verín, Javier Castrillo, ten aberto un expedente trala denuncia dunha pediatra ao entender esta que non lle deu "o trato adecuado" diante dunha familia; así o explicaba o conselleiro de Sanideda, Julio Comesaña. Tamén asegurou que o doutor Castrillo "poderá facer, no seu momento, as alegacións que estime oportunas". Trala noticia, as reacción non se fixeron agardar e desde o PSOE consideran de "purga" o expediente ao xinecólogo e lle piden ao presidente da Xunta, Núñez Feijoo, que "recúe" da decisión. Desde o BNG tildan a situación de "aparente vinganza politica" dicindo que "nin todas as denuncias se inspeccionan, nin todas acaban en expediente". Pola súa banda, alcaldes populares da zona tamén mostraron o seu apoio a Javier Castrillo e pediron o arquivo do expediente. A Xunta de Persoal da Área ded Ourense , Verín e O Barco, tamén se pronuncioe e sen querer entrar a dirimir quen ten razón no expediente aseguran que "atacar a unha das cabezas visibles da loita da xente da comarca de Monterrei, que repetimos, foi a loita da poboa-

ción primordialmente, é atacar a todo o mundo que participou no peche". Os empresarios da vila do Támega uníronse defensa a Castrillo cun comunicado no que recoñecen "o seu esforzo na loita contra o peche do paritorio do Hospital de Verín, e a súa profesionalidade, e por este motivo queremos mostrar públicamente o apoio a este profesional". Os feitos remóntanse ao 30 de novembro de 2019 cando naceu un bebé "sen complicacións" para Castrillo. A pediatria de garda non estaba de acordo e pediu o traslado ao CHUO (finalmente foi derivado) o que se traduciu nunha forte discusión que rematou con este expediente. Manifestación A sociedade de Verín mostrará o seu apoio ao doutor o vindeiro 30 de novembro -xa o leva facendo nas redes sociais desde que se supo da incoación do expediente disciplinario-. Ese día está prevista unha manifestación -ás 11 horasna entrada ao hospital de Verín (sempre respectando as medidas sanitarias). A plataforma pola defensa da sanidade pública de Monterrei convoca esta protesta na que lema será "Castrillo non se toca".

Javier Castrillo.

TEMA DA SEMANA

Barrios 27 de novembro 2020

3

Baixada destacada dos casos positivos por Covid na provincia 4 Verín, Amoeiro e Coles relaxan as medidas. Ourense, a piques de abrir. Concentración ás portas do Concello de Barbadás.

Nada para ao 25N 4 Diversas manifestacións por toda a provincia recordaron a loita contra a violencia de xénero. Redacción O 25 de novembre conmemórase o día internacional contra a violencia de xénero. A pandemia provocada pola COVID-19 fixo que moitas vítimas tiveran que convivir durante o confinamento co seu agresor. Este ano, a pesar das restricións sanitarias, foron múltiples os actos que quixeron conmemorar este día al longo da provincia. Manifestacións, concentracións, minutos de silencio, pancartas en edificios públicos e un sinfín de actividades en centros escolares, organizacións, asocacións e sindicatos foi o que deu de si nun 25N un tanto atípico, pero cunha mensaxe clara: non á violencia contra a muller. Como exemplos, Verín gardou un minuto de silencio ás portas da Casa Consistorial cos políticos e os traballadores do CIM da Mancomunidade de Municipios; Celanova colocou carteis nos que e podía ler: "Rompe o silencio! Non estás sola"; en Allariz realizan obradoiros sobre esta temática; e Barbadás fixo unha declaración institu-

cional e concentración. Na cidade de Ourense sucedéronse as manifestacións. Así, Concello, Deputación e Subdelegación do Goberno fixeron a súa, sen esquecer a do sindicato Comisións Obreiras. Pola tarde a Marcha Mundial das Mulleres concentrouse na subdelegación para realizar unha marcha ata a praza Maior. Datos No que vai de ano, foron asasinadas en España 40 mulleres -dúas delas en Galicia-, e 23 crianzas quedaron orfas. No que respecta á provincia hai 368 casos activos -houbo 420 denuncias no que vai de ano- sendo catro de nivel de risco alto. Parque O Pereiro de Aguiar construirá, en colaboración coa Deputación de Ourense, o "Parque da Igualdade", un espazo para sensibilizar sobre a violencia de xénero. O parque estará rematado en 2021 e contará cunha superficia de 2.800 m2 na contorna do embalse de Cachamuíña.

Minuto de silencio na praza Maior de Ourense. /RAMSÉS.

Redacción Desde este pasado mércores Verín (ademais de Coles e Amoeiro) pasou a nivel 2 de alerta pola Covid-19. Unha gran nova para unha cidadanía que pasou os últimos 20 días con peche perimetral e sen hostalaría (isto dende facían aínda máis tempo porque os hostaleiros decidiran pechar consensuadamente co Concello xa no mes de outubro e tan só abriran uns días ata que se decretou un novo peche por parte da Xunta). Agora pódese ir a cafeterías, bares e restaurante en interior (nunca na barra) ao 50% de aforo ou na terraza ao 75%. O grupo máximo por mesa está en seis persoas. Ademais, os verineses poderanse mover por calquera municipio que non estea confinado (caso de Ourense, O Pereiro, Xinzo, San Cibrao, Toén e Ribadavia). En canto aos eventos deportivos, estes poderán ter público ata 150 persoas se teñen lugar ao aire libre, ou 60 se se celebran en espazos pechados. As feiras regresan aínda que ao 50% dos postos habituais ao igual que os centros privados de formación (50% do seu aforo). A decisión do comité sanitario é debido aos bos datos cos que conta a vila, que pasou dos 92 o 27 de outubro a un só un caso na xornada deste xoves. E parece que a próxima zona en rebaixar as restricións será Ourense. A capital conta, no último dato facilitado polo Sergas, con 163 contaxios activos (18 menos que na xornada anterior) despois de sumar hai unhas semanas os 572 casos. O conselleiro de Sanidade, Julio Comesaña,

asegurara que Ourense “esta cerca de lograr os datos que quere ver o comité clínico”, polo que xa se especulaba que esta mesma semana se levantarían parte das restricións. Porén, o presidente da Xunta, Alberto Núñez Feijoo, confirmou que esta decisión non se tomará ata a semana que vén. O número de casos activos, a incidencia acumulada, a información sobre brotes e a súa trazabilidade, a porcentaxe de PCR´s positivas entre os contactos dun positvio e a presión hospitalaria son as variables que se teñen en conta á hora de subir ou baixar o nivel de alerta, sen especificar, desde o comité, cales son os valores para decretar unha ou outra situación. En toda a provincia hai 574 casos, sendo a Área Sanitaria Ourense, Verín e O Barco de Valdeorras, a de menor incidencia de Galicia. Destes casos 510 contan cun seguemento domiciliario. Por contra, 56 persoas están hospitalizadas en planta (48 en Ourense, 5 no Barco e 3 en Verín), e 8 en coidados intensivos do CHUO. Ata o de agora, hai que lamentar 290 vítimas mortais. Nadal Á volta da esquina está o Nadal e desde o Ministerio de Sanidade e as comunidades autonónomas están

Feijoo adiantou que a proposta que plantexarán para o Nadal será que os menores de 10 anos non conten para o límite de asistentes ás ceas familiares, ademais de fixarse no número de unidades familiares a traballar para elaborar un plan de cara a como afrontar estas datas á hora de reunirse coa familia. Desde o Goberno Central propoñen limitar a seis persoas as reunións familiares e sociais e o toque de queda sería de 1 a 6 da mañá en Noiteboa e Noitevella. A semana que vén consensuarase o plan contra o coronavirus para chegar ao maior acordo posible. Iso si, o ministro de Sanidade, Salvador Illa, asegurou que o documento será de “recomendacións”. Pero para previr realmente esta pandemia desde goberno insisten nas 6M: uso de Máscaras, lavado de Mans, Mantemento da distancia física, Manter fiestras e portas abertas na medida do posible, Minimar o número de contactos e, ademais de que Me quedo na casa se teño síntomas, diagnose positiva ou contacto con positivo. Pola súa banda, Feijoo adiantou que a proposta que plantexa a Xunta para o Nadal será que os menores de 10 anos non conten para o límite de asistentes

ás ceas familiares, ademais de fixarse no número de unidades familiares e non de persoas. SOS hostalaría Na capital continúan as manifestacións por parte dos hostaleiros. Desde fai días concéntranse esixindo poder abrir os seus establecementos ou que lles cheguen as axudas por parte das administracións para paliar a situación crítica que están a vivir. A última medida que tomaron foi unha marcha, onte mesmo, polas rúas da cidade con remate na praza Maior onde leron un manifesto. Nas pancartas aparecían lemas como: “Culpables de que?” ou “Xeración SOS”, entre outros. A corporación municipal mantivo varios contactos para poder chegar a unha solución que alivie a situación deste sector.

A provincia conta con 574 casos activos de Covid -163 na capital-

Primeiro día en Verín coa hostalaría aberta. /BORYS INTERFILMS.

4

Barrios 27 de novembro 2020

Agrupación Miño Redacción A Agrupación Miño (integradora de máis de 20 asociacións veciñais do rural) rexistrouse un escrito no rexistro xeral do Concello a favor da participación veciñal no deseño das novas rutas de autobus para que as necesidades dos barrios e o perímetro rural sexan atendidas. No escrito rexistrado preguntábase polas previsións do Concello de contar coa participación veciñal á hora de definir as novas liñas e paradas do servizo municipal de transporte urbanos. Un servizo no que é necesario renovar a flota de autobuses, ampliar liñas e paradas, mellorar a accesibilidade da paxina web, mellorar o mantemento das marquesiñas… Dende a directiva da agrupación, a súa presidenta Lorinda Fernández apunta que consideran “imprescindible contar coa participación veciñal a hora de definir un servizo municipal como é o transporte urbano. Actualmente existen barrios da periferia e o perímetro rural don deficiente servicio de autobús urbano e dende Agrupación Miño queremos coa nova concesión se evite esa discriminación”, conclúe a presidenta.

CIDADE

Campaña de recollida de alimentos e xoguetes para o Nadal de Protección civil 4 O Inorde doa 10.000 quilos de pataca ao Banco de Alimentos. Redacción Co lema “Agora máis que nunca, necesitámoste”, a agrupación de Protección Civil do Concello de Ourense anuncia a súa campaña solidaria de recollida de alimentos e xoguetes, que irá do 1 de decembro de 2020 ao 10 de xaneiro de 2021, ambos inclusive. A campaña persegue recoller alimentos non perecedoiros e xoguetes (excepto peluches) para distribuílos entre o Banco de Alimentos, para a protectora de animais (Progape), e para as diferentes asociacións ou parroquias que así os soliciten. Só o ano pasado recolléronse máis de 3.000 quilos de alimentos e centos de xoguetes, que se distribuíron por parroquias de Ourense e doutras vilas próximas. Haberá un punto de recollida no Concello de

Ourense, que contará coas máis estritas de seguridade -desinfectaranse, pasarán a corentena e clasificaranse para a súa embalaxe e posterior entrega-, e en diferentes supermercados e comercios colaboradores. A organización dispón do teléfono 616 908 507 para todas aquelas persoas que desexen involucrarse na campaña como colaboradores, así como para realizar doazóns desde o seu domicilio. Será o persoal voluntario de Protección Civil -en torno a 30 persoas- o que se encargue de recollelo a domicilio cumprindo con todos os protocolos que impón a especial situación de pandemia para garantir así a seguridade de quen entrega e de quen recibe. Agradecementos. Desde a Agrupación de Protección Civil quérese agradecer a participación e a complicidade das seguintes entidades: Gadisa,

Eroski, Centro Comercial Ponte Vella, Banco de Alimentos, Progape… así como todos os pequenos comercios e establecementos que colgan o cartel da campaña para darlle visibilidade. Inorde O Inorde, organismo dependente da Deputación de Ourense, tamén se une a solidariedade nestas datas e vén de doar 10.000 quilos de pataca ao Banco de Alimentos. Ademais, o seu presidente, Rosendo Fernández, asegurou que en próximas datas doarán "25.000 quilos do mesmo produto a Cáritas”.

A campaña irá do 1 de decembro de 2020 ao 10 de xaneiro de 2021

Retirada dos mupis Redacción O Concello puxo fin á concesión da explotación de mobiliario urbano publicitario (mupis) na cidade de Ourense. Deste xeito, retirará os máis de 120 elementos de publicidade en papel e pantallas dixitais, deixando só os indicadores de hora e temperatura. Extinguida a concesión, que o Concello non renovará, nas próximas semanas procederase á retirada física destes elementos.

O alcalde de Ourense, Jácome, xunto co concelleiro, Ucha, e membros de Protección Civil na presentación da campaña de recollida de alimentos.

EN BREVE 4 Arias Páez

4 Autónomos

4 Humanización

O Concello mellora a accesibilidade e humaniza a rúa Arias Páez con máis de 200.000 euros de investimento. As obras eliminaron obstáculos, creando ramplas continuas para o mellor acceso aos edificios sen ter que utilizar as escaleiras.

O Concello completou a avaliación das 4.586 solicitudes que autónomos ourensáns presentaron para a convocatoria de axudas. O 75% das solicitudes aprobáronse; un 23,1% teñen enmendas e menos dun 1% foron denegadas. Comezaron os primeiros pagos.

A avenida de Portugal e catro rúas do barrio das Lagoas (Ánxel Barxa Compositor, Mestre Vide, Eduardo Blanco Amor e Alfonso Rodríguez Castelao) serán obxecto de proxectos de humanización por parte do Concello de Ourense.

Fabiola García, visitando as obras no futuro CAPD de Ourense en Barrocás./RAMSÉS.

O CAPD estará rematado en 2022 4 Iniciáronse as obras en Barrocás. Redacción A conselleira de Política Social, Fabiola García, visitou as obras do futuro Centro de Atención á discapacidade de Ourense (CAPD) que comezaron hai unhas semanas. A titular do departamento autonómico adiantou que os traballos estarán rematados a principios do ano 2022 despois de 18 meses de construción e 7,6 millóns de orzamento. Fabiola García asegurou que o centro de Atención a Persoas con Discapacidade de Ourense é unha pequena mostra do compromiso do Goberno galego coas persoas máis vulnerables, ao que hai que engadir, entre outras infraestruturas, a construción da residencia de maiores en Ourense que financiará a Fundación Amancio Ortega con 12 millóns de euros, e que tamén estará rematada nos primeiros meses do 2022. A conselleira destacou ademais, na súa visita a Ourense, que esta será a cidade que máis investimento recibirá en 2021 para obras e infraestruturas de servizos sociais nun ano no que increméntase a partida destinada a Política Social. Esta carteira conta cun

orzamento de 8.540 millóns de euros (incremento do 15%, 864 millóns máis ca en 2020). Outros proxectos A cidade de Ourense recibirá unha partida de fondos propios de 5,1 millóns de euros, para obras e infraestruturas e servizos sociais na cidade de Ourense. Ademais, hai que engadirlle os 12 millóns de euros que aportará a Fundación Amancio Ortega para a residencia de maiores. Asi, xunto á construcción da CAPD e a residencia de maiores, a Xunta mellorará os centros de menores da Carballeira e Montealegra en 2021. Outros anuncios que fixo Fabiola García foron o das ampliacións das horas de Servizo de Axuda no Fogar para o Concello de Ourense, a gratuidade da escola infantil para segundos e sucesivos fillos de máis de 620 familias ourensás, e máis de 750 beneficiarios da Tarxeta Benvida.

A Xunta mellorará os centros de menores da Carballeira e Montealegre en 2021

ENTREVISTA

Díaz Barreiros renuncia á presidencia da CEG Redacción Dous días despois de que fora elexido presidente da Confederacións de Empresarios de Galicia (CEG), , o empresario ourensán, José Manuel Díaz Barreiros, renuncia ao cargo ao ter coñecemento de que se puxera en dúbida, por parte dalgún dos asociados, a limpeza do proceso de elección. Barreiros accedera á presidencia despois da renuncia do seu único rival, Pedro Rey, e de contar coa maioría dos apoios. O ourensán incómodo con estas acusacións decidiu presentar a súa renuncia. Nun comunicado, a CEG, informa que que varios asociados (entre os que están Enrique Mallón, Antonio Diéter Moure Areán e Jorge Cebreiros) puxeron en dúbida a correcta celebración das eleccións.

Díaz Barreiros. /RAMSÉS.

Barrios 27 de novembro 2020

5

Carlos Domarco: "A web é moi fácil de utilizar, tanto para o restaurante como para os clientes"

4 Crease a web restaurantesourense.com para pedidos online a domicilio. Redacción Chaga restaurantesourense.com na que se aglutinan unha ampla variedade dos restaurantes da cidade. A plataforma permite pedir, de xeito sinxelo, o teu menú predilecto do teu restaurante favorito. Carlos Domarco, un dos seus promotores falanos dela. Que é Restaurantes Ourense? Carlos Domarco: "Restaurantes Ourense é unha plataforma web de pedidos online a domicilio, ou para recoller en local, que nace coa finalidade de apoiar ao comercio local nun momento no que o necesita máis que nunca". Como xurdiu a idea? C.D.: "A idea do proxecto vén de finais do pasado ano. En xaneiro deste ano comezamos a darlle forma coa intención de sacar á luz unha guía de toda a hostalaría ourensá, para, co tempo, ir aumentando a oferta con varios servizos: re-

Non traballamos con comisións abusivas, traballamos cun gasto fixo mensual de 50 euros, que dista moito das porcentaxes das grandes plataformas que roldan entre o 15% e o 32%, polo que o aforro para o restaurante é moi grande".

Carlos Domarco, de restaurantesourense.com. serva de mesa, repartición de comida a domicilio, etc. Un dos socios ten ampla experiencia na creación de páxinas web polo que se ocupa da parte técnica das webs, e outro na parcela comercial, relacións cos hostaleiros e xestión de carta, menú, promocións". >> "Co confinamento de marzo tivemos que darlle a volta ao proxecto e comezar polo final, a repartición de comida a domicilio, que era o que máis demandaba o momento que atravesabamos. Os primeiros restaurantes comezaron a traballar connosco en maio aínda que foi a primeiros de xuño cando se lanzou oficialmente a plataforma e a web xeral de pedidos".

Que lle ofrecedes ao local que se promociona na vosa plataforma? C.D.: "Ofrecemos proximidade polo que ante calquera inconveniente imos estar ao outro lado do teléfono e imos solucionar as dúbidas ou incidencias ao momento. O hostaleiro ten unha vantaxe clara: o aforro nos gastos de xestión dos seus pedidos online. O cliente final ao utilizar a nosa plataforma está a colaborar dalgunha maneira cos restaurantes da cidade aforrándolles diñeiro, cousa que é de agradecer tal e como está o tema nestes momentos. A web é moi fácil de utilizar, tanto para o restaurante como para os clientes.

Entendo que o que pretendedes é que o cliente atope nun único lugar toda a variedade de produtos que ofrecen os restaurantes ourensáns. C.D.: "Si, deséñaselle a cada cliente a súa propia web de pedidos, coas súas cores e logo do seu restaurante, carta para pedir, gastos de envío personalizado e sistema de cobro propios, como pasarela bancaria propia implementada co banco que traballa habitualmente, ademais dunha web xeral (www.restaurantesourense.com) na que están todos e que serve á súa vez de directorio". Cales son os pasos a seguir para realizar un pedido? C.D.: "Para realizar un pedido o cliente entra en restaurantesourense.com

na que están os 18 restaurantes que están abertos nestes momentos, temos a algúns pechados e 12 están en lista de espera. Unha vez aí poden buscar por tipo de comida, por restaurante... Unha vez elixes o restaurante lévate á súa carta de prezos, horario, custo de repartición, fotos dos pratos, etc. Ao darlle ao botón de pedido entras na súa propia páxina web na que se poden elixir os produtos que se desexan ordenados por categorías e cunha breve descrición destes. Unha vez elixidos lévache ao Carriño no que se pode pagar contra reembolso ou pasarela de pago, dependendo do local, despois só queda gozar da túa comida preferida na comodidade da túa casa".

“Restaurantes Ourense nace coa finalidade de apoiar ao comercio local”

6

Barrios 27 de novembro 2020

“II Revive o comercio de Barbadás” Redacción Dende as áreas de Comercio e Promoción Económica do Concello de Barbadás ponse en marcha a segunda edición da campaña “Revive o Comercio de Barbadás” (Nadal 2020), co obxectivo de estimular as vendas e dinamizar o tecido comercial do municipio. Os comercios situados no municipio de Barbadás poderán adherirse -ata o 30 de novembroenchendo o formulario que está na web barbadas.es. A campaña constará de 500 bonos, por valor cada un deles de 10 euros que os clientes poderán utilizar como desconto en compras superiores ou iguais a 30 euros nos establecementos de Barbadás adheridos á campaña. Estes bonos poderán ser trocados polos clientes nos establecementos rexistrados, entre o 1 de decembro e o 19 de decembro de 2020 (ou ata que se troquen os 500 bonos postos en circulación).

Recollida de xoguetes Redacción “O teu xesto conta!” é o espírito da campaña solidaria de recollida de xogos e xoguetes que se pon en marcha no Concello de Barbadás. “Este Nadal ningún/ningunha neno/a sen agasallo” é o título desta campaña solidaria promovida pola Concellería de Servizos Sociais. Recollida As doazóns recolleranse ata o 7 de decembro no Banco Solidario (rúa do Ensino, 5, A Valenzá, os martes entre as 16 e as 18 horas) e no polideportivo da Valenzá (rúa Calzada Romana, de luns a venres de 8 a 14 horas e de 16 a 18 horas).

BARBADÁS

Apoio á hostalaría 4 Campaña do Concello en favor de este sector. Redacción O Concello de Barbadás, a través do Centro Empresarial Transfronteirizo, pon en marcha unha campaña de apoio ao sector da hostalaría elaborando un listado de establecementos abertos e que poden seguir prestando os seus servizos.

A Xunta de Galicia emitiu unha Orde o 4 de novembro de 2020 pola que se establecen medidas de prevención específicas como consecuencia da evolución da situación epidemiolóxica derivada da Covid-19 na Comunidade Autónoma de Galicia. A Orde da Xunta indica que os establecementos de

restauración, restaurantes, salóns de banquetes, cafeterías e bares permanecerán pechados ao público e poderán prestar exclusivamente servizos de entrega a domicilio ou para a súa recollida no local e consumo a domicilio. A normativa da Xunta establece que “en todo caso evitaranse aglomeracións e controlarase que consumidores e empregados manteñan a distancia de seguridade establecida co fin de evitar posibles contaxios”.

Nadal en Barbadás 4 Papá Noel e os Reis Magos farán videochamadas. Redacción O Concello de Barbadás vén de presentar a súa programación para este Nadal. A pandemia da Covid-19, aínda que moi presente, non deixará a ningún neno sen ver a Papá Noel e aos Reis Magos. Iso si, será a través dunha videochamada por Whatsapp. Para elo, deben inscribirse en www. nadal2020.es. O prazo de solicitude para Papá Noel remata o 17 de decembro, e o dos Reis Magos, o 29. O fío musical nas rúas será outra das novidades. Programación O luns 7 de decembro, terá lugar o acendido do alumeado ás 19 horas. O teatro e o cine terán cabida este Nadal no Auditorio Manuel María. Haberá teatro o venres 11

Servizo que ofrece a hostalaría de Barbadás ata o 6 de decembro.

Melloras de zonas verdes e xardíns 4 Mediante un obradoiro de emprego. Redacción Un obradoiro dual de emprego actuará sobre xardíns e zonas verdes nos concello de Barbadás, Toén, Taboadela e San Cibrao. A Consellería e Emprego e Igualdade deu luz verde a este obradoiro que implicará a contratación dun director, dous docentes, un administrativo e 20 alumnos para un período de 9 meses. Os módulos que se abordarán no obradoiro centraranse na instalación de xardíns e zonas verdes, mantemento de mellora dos mesmos, control fitosanitario e un módulo de prácticas pro-

fesionais de instalación e mantemento. En Barbadás mellorarase a área recreativa do Barreiro, situada en Ben-

traces e nas zonas verdes do Paseo dos Amieiros; axardinarase o noiro de acceso dende a rúa da Presa ao parque dos Patos; e realizaranse traballo de poda na Solaina, Leiteira, Viso, Diestros, Canella, Salgueiriños, Searas, Area gorda, Amieiros, Patos-Vilaescusa-Lameira do Mato, Cuartas, Liberdade, avenida Celanova, Bahamonde.

Bancais axardinados no parque dos Patos.

(20 h), mércores 23, luns 28 e luns 4 de xaneiro (ás 18.30 h); mentres que o cine queda para os días 22 e 29 (martes) de decembro (ás 17 e 18.30 h). Tamén o Apalpador visitará o Auditorio o mércores, 30 de decembro, ás 17 e 18.30 h. O luns 21 de decembro (18 h) haberá exposición e entrega de premios do Concurso de Postais. Este ano mantense o concurso de decoración de xanelas e balcóns, ademais do concurso de escaparates. En canto ao deporte, haberá un concurso de TikTok; do 15 ao 18 de decembro, masterclass para adultos no polideportivo (de ioga e outras actividades) e para nenos o 23 de decembro. O circuíto de patinaxe (Colexio Filomena Dato), de 16 a 19 horas, será do 28 ao 30 de decembro.

Axuda á segunda crianza 4 Terán de balde a Escola infantil municipal. Redacción O Concello de Barbadás implanta neste novo curso a gratuidade para o segundo fillo ou filla e sucesivos na Escola infantil municipal de barbadás. As familias serán as benficiarias e non pagaran ningúnha cota mensual e ademáis non é preciso que se faga ningún trámite ou solicitude. A concelleira de Educación, Marga Pérez, destaca que “esta gratuidade supón unha gran axuda nestes momentos de crise económica e sanitaria”. O Concello de Barbadás desde o mes de setembro adopta a medida na súa escola infantil de 0-3 anos para segundos e sucesivos fillos, sempre que o primeiro fillo non supere os 18 anos de ida-

de. No Concello de Barbadás son 34 familias as beneficiadas desta medida. O financiamento desta medida realízase a través do cofinanciamento dos servizos sociais comunitarios municipais previa solicitude do Concello, a través da adhesión a un programa do Consorcio Galego de Servizos de Igualdade e Benestar.

Escola municipal infantil de Barbadás.

VERÍN E COMARCA

Barrios 27 de novembro 2020

National Geographic cita ao Museo Mercedario

Oímbra Redacción

4 Como referente turístico. Redacción O Museo do Claustro Mercedario de Verín acaba de ser incluído pola revista National Geographic nunha reportaxe especial de recomendacións de destinos para a tempada de outono na sección de Viajes National Geographic. Esta publicación destaca o museo coma un dos principais atractivos da comarca de Monterrei, xunto con bens culturais da categoría do castelo da acrópole ou da igrexa de Mixós. A mención, incluída nunha ampla reportaxe sobre o enoturismo en Galicia, destaca ao Museo como unha parte máis "da riqueza cultural da comarca" que alberga contidos patrimoniais e divulgativos desta. A mención da revista pioneira na promoción de viaxes e experiencias en todo o mundo supón un recoñecemento da labor do museo, que actualmente permanece temporalmente pechado debido á situación sanitaria na vila, e que naceu precisamente para divulgar a identidade cultural da comarca de Verín. Concretamente, referíndose á comarca de Monterrei, National Gegraphic

di que: “Á súa riqueza cultural súmase a igrexa prerrománica de Mixós, a da Mercé xunto ao seu convento cuxo claustro alberga un museo con historia e patrimonio da comarca, a Casa do Escudo así como a dos Acevedo -que acolleu un coñecido encontro entre Felipe O Fermoso e o Cardeal Cisneros-.”. Actividade Desde a súa apertura o 15 de marzo 2017, o Museo do Claustro Mercedario de Verín acolleu a 27.000 visitantes, realizou 12 exposicións e interpretacións patrimoniais, nove actividades en colaboración coa UNED, un congreso internacional de lagares rupestres, catro congresos e xornadas de divulgación, sete actividades e visitas formativas con prescriptores, cinco boletíns de “Peza do mes” e dúas publicacións e numerosos folletos.

A publicación tamén destaca o castelo da acrópole e a igrexa de Mixós

Fachada do Museo Claustro Mercedario.

7

Panel informativo nun punto de recollida de lixo en Verín.

Verín implícase coa reciclaxe dos residuos 4 Os puntos limpos xa contan con paneis informativos. Redacción Verín xa está un pouco máis concienciada coa reciclaxe que antes. Desde estes días, os 16 puntos limpos da vila contan cunha serie de paneis informativos destinados á concienciación e formación sobre a reciclaxe. Esta acción está enmarcada dentro do programa de «Voluntariado Ambiental» organizado polo Centro de Desenvolvemento Rural Portas Abertas, en colaboración co Concello de Verín, co obxectivo de informar aos cidadáns sobre que elementos se poden reciclar, e cal colector sería o indicado. Referente Desde o CDR Portas Abertas quixeron destacar que esta iniciativa busca conseguir que Verín sexa, coa colaboración de todos os cidadáns, un referente na xestión de residuos, contribuíndo así o coidado e preservación do medio ambiente. «O importante é que a xente se involucre no

coidado do medio ambiente cun simple pero fundamental acto de separación de residuos. Os 16 puntos limpos implementados ata hoxe polo grupo de goberno cambiaron radicalmente a imaxe de Verín. Aínda así é preciso que a cidadanía se conciencie e separe como é debido o lixo para conseguir diminuír o máximo posible o impacto ecolóxico derivado da propia xeración de residuos urbana», explicou a concelleira de Desenvolvemento Rural e Medio Ambiente, Purificación Caldelas. Explicacións Os paneis indican os residuos que se poden deixar en cada colector e cales non. No iglú verde: botellas de vidro, tarros de alimentos e frascos de vidro, sempre sen tapón deben deixarse, mentres que obxectos de cristal non son adecuados para este punto de recollida; no colector azul: destinado a papel e cartón, non se deixarán aqueles residuos que estén manchados de aceite ou restos orgánicos,

mentres que as caixas, papel de xornal, papel de uso diario ou de envolver atopan no colector azul o seu lugar; e o colector amarelo adoita ser un dos que máis dúbidas pode xerar, polo que neste cartel queda claro que os envases metálicos, envases tipo brik, e os envases de plástico poden ser reciclados logo de ser depositados no colector amarelo. Pola contra, outros obxectos que van no colector amarelo, poden ter outra vida se se deixan nos puntos adecuados, como puntos sigre, puntos limpos ou mesmo pode ser o propio fabricante que retire os residuos como no caso das cápsulas de café. En caso de ter algunha dúbidas, pódese contactar co CDR Portas Abertas ou preguntar na área de medioambiente no teu concello.

Os paneis indican os residuos que se poden deixar en cada colector

O parque infantil do CEIP de Oímbra conta cunha cuberta grazas á colaboración da Xunta de Galicia na súa instalación. A directora xeral de Administración Local, Natalia Prieto, comprobou xunto co delegado territorial da Xunta en Ourense, Gabriel Alén, os traballos levados a cabo ao abeiro da Orde de Infraestruturas de uso público que este ano conta cun orzamento de 4 millóns de euros para proxectos entre os que destacan a cubrición de parques infantís xa construídos. Natalia Prieto destacou a aposta da Xunta por colaborar en iniciativas coma estas postas en marcha polos concellos e destinadas a mellorar os seus servizos e o benestar dos cidadáns. Desta forma, tamén incidiu na necesidade de que os municipios participen na xestión compartida de servizos con iniciativas conxuntas que lles permitan ser máis eficientes e evitar duplicidades, ao mesmo tempo que aforran recursos. Neste caso, resaltou o traballo de Oímbra no marco Mancomunidade de municipios da comarca de Verín, á que pertence, que ten recibido apoio da Xunta para a dotación de mobiliario para a sede do organismo e tamén en varios exercicios, incluído este ano, axudas da Xunta ao abeiro do Fondo de Compensación Ambiental para o punto limpo mancomunado.

Natalia Prieto no parque infantil do CEIP Oímbra.

8

Barrios 27 de novembro 2020

VERÍN E COMARCA

Entregáronse os premios Catas de Galicia

348 mostras, 125 de tintos e 223 brancos, pertencentes a 143 adegas. No tocante á denominación de orixe Monterrei, participaron 42 mostras procedentes de 17 adegas.

Redacción

Guía Peñín A última edición da Guía Peñín recoñeceu con puntuacións de 90 puntos e superiores a un total de 27 viños da Denominación de Orixe Monterrei. Dita publicación recoñece un total de 66 viños ampa-

4 Correspondentes á DO Monterrei. A Xunta entrega os premios das catas de Galicia correspondentes á Denomiación de Orixe Monterrei. O primeiro posto e Acio de Ouro (Viños brancos) foi para Pepa Porter - Terrae Monterrei; o primeiro posto e Acio de Ouro (Elaboracións con madeira branco) recaeu en Vía Arxéntea Godello e Treixadura 2018, de Manuel Guerra Justo; e o terceiro posto e Acio de Bronce (Elaboracións con madeira tinto) o logrou Quinta das

Axudas Redacción O delegado do Goberno en Galicia, Javier Losada, informou das axudas que recibirán os concello de Monterrei polos danos dos fenómenos meteorolóxicos acontecidos en xullo de 2019. Así, o Concello de Monterrei percibirá 83.766,13 euros, mentres que o de Cualedro serán 49.928,52, ascendo a cifra total aos 133.694,65 euros. As subvencións teñen como finalidade a execución de obras de reparación e restitución de infraestruturas, equipamentos e instalacións e servizos de titularidade municipal e das mancomunidades danadas. Na xornada do 7 de xullo de 2019, unha tormenta deixou 27 litros por metro cadrado de auga en 10 minutos. Infesta foi das localidades máis afectadas, con case todas as vivendas inundadas (ao desbordarse o río Rubí), ademais de naves industriais e agrícolas. Tamén deixou desperfectos en coches e tractores.

Tapias 10, de Pazo Blanco Núñez (Tapias Mariñán). Cabe sinalar que nas Catas de Galicia deste ano participaron un total de

rados pola denominación de orixe Monterrei. Ademais dos 27 brancos e tintos que teñen entre 90 e 95 puntos (excelente), outros 39 foron cualificados como viños moi bos (entre 86-89 puntos). HORECA A DO Monterrei solidarízase co canal HORECA (Hostelaría, Restaurantes e Cafeterías debido ás limitacións deste sector provocadas pola COVID-19.

4 Obradoiros de emprego Redacción A comarca de Monterrei contará con novos obradoiros de emprego. A excepción do Concello de Verín, o resto de concellos formarán parte destes obradoiros. Por unha banda, Monterrei, Cualedro e Oímbra e pola outra, Laza, Castrelo do Val e Vilarde-

vós terán esta formación para un total de 40 alumnos. A Xunta de Galicia concedeu unha achega de 346.946 euros para cada un dos dous obradoiros. O alumnado formarase en operacións auxiliares en acabados ríxidos e urbanización ou en viveiros, xardíns e centros de xardinaría. Estes obradoiros serverán para realizar melloras en distintos puntos de cada un dos concellos participantes.

Potenciando a lectura na Biblioteca do IES García Barbón Entrega dos premios Catas de Galicia da DO Monterrei.

A nosa coordinadora da Biblioteca –Carmen Manzano Rovira-, informa da adquisición de moitas novidades de lectura e da creación dunha conta en Instagram para procurar potenciar o hábito lector entre o noso alumando: https://www. instagram.com/biblioteca.barbon.verin/ A lectura é un hábito que temos que aumentar, xa que nos permite o noso desenvolvemento académico e persoal. Dos múltiples beneficios da lectura, destacamos que: 1.- A lectura activa o cerebro, potencia a atención e a concentración. 2.- Incrementa as habilidades lingüísticas. 3.- Favorece a capacidade de memorización. 4.- Reduce o estrés e mellora o noso ánimo. 5.- Beneficia a nosa saúde. 6.- Fomenta a imaxinación e a creatividade.

Para saber máis: https:// queleerlibros.com/100-beneficios-de-la-lectura/ Na Aula Virtual do IES García Barbón dispoñemos xa de Materiais de Titoría para todas as ensinanzas que se imparten no noso centro. Os recursos de titoría da Aula Virtual para os estudantes fan fincapé – neste momento inicial do curso- no coñecemento e uso do Programa Orienta 2020-2021 - https://www. elorienta.com/movil/?yafxb=41564 –. Tamén se incide na adquisición e desenvolvemento de eficientes hábitos e técnicas de estudo, facilitando distintos vídeos ilustrativos sobre esta cuestión, como pode verse aquí: https:// padlet.com/titoriabarbon/ uudzafl9j078 Por último, destacar que contamos cunha nova calefacción de pellets no IES García Barbón que ven de comezar a funcionar neste curso académico.

O IES García Barbón conta este curso cunha nova calefacción de pellets.

VERÍN E COMARCA

Barrios 27 de novembro 2020

9

Premio María Moliner para a Biblioteca de Verín

Melloras na praza do Progo de Riós

4 Pola animación á lectura.

Redacción

Redacción A Biblioteca Municipal de Verín foi seleccionada entre os 10 mellores proxectos de animación á lectura de toda España dentro da XX Campaña 'María Moliner' para municipios de menos de 50.000 habitantes –que convocan o Ministerio de Cultura e Deporte e a Federación Española de Municipios e Provincias (FEMP)- pola súa iniciativa “Voluntariado cultural con rapaces para o fomento da lectura”. Deste xeito, a Biblioteca verinesa recibirá 10.000 euros financiados polo Ministerio de Cultura e Deporte, que serán destinados á compra de libros e/ou publicacións periódicas. Á campaña de 2020 presentáronse un total de 562 proxectos, dos que

foron seleccionados 310. A comisión de selección destacou ao "Proxecto de Voluntariado Cultural con rapaces para o fomento á lectura" da Biblioteca de Verín co Premio Nacional María Moliner. Distinguen a «claridade e interese do proxecto para a animación lectora, a boa planificación e viabilidade». Ademais, de valorar «a orixinalidade e innovación e as actividades de integración social que contén a proposta». Concelleira A concelleira de Cultura, Emilia Somoza, quixo poñer en valor o «traballo, esforzo e perseveranza do persoal que traballa na biblioteca» e explicou que volver recibir este premio «supón un gran orgullo para todos os verineses que non fai máis que rea-

4 Dentro do plan hURBE.

Voluntarios da biblioteca de Verín xunto á concelleira de Cultura, Emilia Somoza. firmar o importante labor realizado desde a Biblioteca Municipal de Verín, no que ao fomento da lectura se refire». Voluntariado Trátase dun proxecto consolidado, que xurdiu fai 12 anos e que converteu á biblioteca nun referente cultural na localidade, realizando un gran número de actividades variadas e de calidade grazas á colaboración de mozos voluntarios. Destaca pola súa relación transfronteiriza levando as actividades da biblioteca a aldeas próximas de Portugal e polas súas actividades interxeracionais e con colectivos en risco de exclusión

social. Ao longo destes anos, foron máis de 600 actividades de fomento á lectura, onde tamén tiveron cabida, multitude de conferencias, presentacións de libros, exposicións, concursos e coma non, o servizo estrela do verán que é a Biblio-Piscina e Biblio-Rúa.

O premio consta de 10.000 euros que serán destinados á compra de libros e/ou publicacións periódicas

A Consellería de Medio Ambiente, Territorio e Vivenda, en colaboración co Concello de Riós, acometerá diversas obras de acondicionamento integral na praza de Progo na que se investirá preto de 77.000 euros. Esta actuación está englobada dentro do plan hURBE 2019-2020, que busca incrementar o atractivo dos núcleos rurais como factor determinante do equilibrio territorial. O alcalde de Riós, Francisco Armando Veiga, transmitiulle ao delegado territorial, Gabriel Alén, de xeito detallado, a importancia da mesma para o recreo e desfrute da veciñanza deste lugar de Riós e a súa contorna. Gabriel Alén sinalou que a finalidade deste

tipo de actuacións é a de mellorar os equipamentos e dotacións dos pobos e vilas do rural, aumentando a variedade e elevando os niveis de servizos co fin de proporcionar unha oferta de calidade e axeitada ás necesidades da poboación, e así poder incrementar o atractivo das vilas e dos núcleos rurais da nosa comunidade autónoma.

Alén visitando a praza de Progo en Riós.

10

Barrios 27 de novembro 2020

PROVINCIA

A provincia contará con 16 obradoiros duais de emprego

Orzamento da Xunta de Galicia Redacción A Xunta detallou os seus orzamentos para 2021, nos que destacan algo máis de 11,5 millóns de euros para a ampliación e reforma do CHUO (9 millóns), e melloras nos hospitais de Valdeorras (2,3 millóns) e Verín (300.000 euros). Ademais, haberá 2,5 millóns para que o centro de saúde Nóvoa Santos pase a ser un Centro Integral de Saúde (CIS). No que atinxe a política social o Centro de atención a persoas con discapacidade (CAPD) conta con 4,6 millóns e 12 para a Residencia de maiores en Ourense da Fundación Amancio Ortega. Tamén están contempladas melloras nos centros de menores da Carballeira e de Montealegre. 1,7 millóns irán á axuda no fogar (Concello de Ourense). Medio Rural contará con 5 millóns para melloras da operatividade dos servizos de extinción de incendios; en Infraestruturas a estación intermodal lévase 2 millóns de euros e medio millón en obras na contorna da Ponte Romana. En educación, 1,7 millóns de euros irán destinados á construción do Centro galego de formación profesional. Vicepresidencia aporta 2 millóns de euros para o novo edificio administrativo de Ourense. Mentres BNG e PSOE critican o destinado para Ourense nos orzamentos de 2021, o PP de Ourense alabaos. Nada novo no taboleiro político.

4 Cunha achega de 5,4 millóns de euros. Redacción O alcalde de Baños de Molgas e o delegado da Xunta observando a colocación dunha sinal da ruta ciclista. /RAMSÉS.

Sinalización de rutas ciclistas nos Milagros 4 Un proxecto enmarcado no Plan de Seguridade Viaria da Xunta. Redacción O delegado territorial da Xunta en Ourense, Gabriel Alén, comprobou in situ, xunto ao alcalde de Baños de Molgas, Jaime Óscar Iglesias, o inicio dos traballos de sinalización de rutas ciclistas protexidas na estrada OU-103. Os traballos desenvolveranse na ruta protexida estrada OU-02, Maceda – Almoite – Milagros – Maceda, principiando na estrada OU -103, no PQ 4+760. Tamén están programadas rutas na estrada OU–01, Ourense – Ribadavia – Ourense; e na OU–03, Ourense – Ribadavia – Leiro – Carballiño – Maside – Ourense. As actuacións iranse estendendo ao longo deste mes. Maior seguridade O obxectivo destas intervencións é incremen-

tar a seguridade nas rutas habituais dos ciclistas deportivos, que circulan a unha velocidade moito maior, polo que teñen que desprazarse pola calzada, preferentemente pola beiravía. Isto provoca situacións de maior vulnerabilidade e actuacións como estas van encamiñadas a reforzar a súa seguridade. Esta actuación de protección dos usuarios vulnerables das estradas, que se enmarca no Plan de Seguridade Viaria da Xunta, céntrase nos ciclistas deportivos, tendo en conta as características diferenciais deste colectivo no uso das estradas, que fai preciso intervencións adaptadas ao colectivo.

Galicia En Galicia actuarase en 10 percorridos das estradas autonómicas das catro provincias, onde se instalarán máis de 300 sinais e paneis para que os condutores estean alerta da presenza dos ciclistas. As actuacións prestarán ademais especial atención ao mantemento das beiravías. A Consellería de Infraestruturas e Mobilidade vai desenvolver esta iniciativa nas estradas autonómicas da provincia de Ourense, ademais de noutras estradas da comunidade actuando en máis de 600 quilómetros (cun orzamento de máis de 180.000 euros).

Tamén están programadas rutas na estrada OU–01 (Ourense – Ribadavia – Ourense) e na OU–03 (Ourense – Ribadavia – Leiro – Carballiño – Maside – Ourense)

A Xunta de Galicia financiará 16 obradoiros duais de emprego que se desenvolverán en 47 municipios da provincia de Ourense e suporán a contratación de 393 persoas, entre alumnos-traballadores, persoal de dirección, administración e monitores. Así o anunciou o delegado territorial da Administración autonómica en Ourense, Gabriel Alén, na súa visita ao obradoiro de emprego Ruta dos Muíños V, iniciativa que conta cun total de 20 participantes. A Xunta destina 5,4 millóns de euros a colaborar cos concellos promotores destas iniciativas a través da convocatoria de axudas deste ano. Está previsto que estén todos en marcha antes de finais do ano, cunha duración de nove meses, e en cada un deles formaranse a 20 persoas, (agás dous que terán 16 e 17

alumnos) que contarán cun contrato de traballo durante a súa participación na actividade e ao finalizar poderán acreditar as ensinanzas recibidas cun certificado de profesionalidade. Inserción laboral Tamén se estimou o desenvolvemento dun programa de inserción laboral mediante incentivos á contratación do alumnado durante un mínimo de tres meses, con contratos a xornada completa en empresas do mesmo ámbito territorial que o obradoiro. Sete dos talleres promovidos na provincia de Ourense ofrecen un programa de inserción laboral mediante incentivos á contratación do alumnado durante un mínimo de tres meses, con contratos a xornada completa en empresas do mesmo ámbito territorial que o obradoiro. Isto posibilitará que 21 participantes poidan acceder ao mercado laboral despois de finalizar a súa etapa formativa nos obradoiros.

O delegado da Xunta en Ourense, visitando o obradoiro “Ruta dos Muíños V”.

OCIO E CULTURA

Barrios 27 de novembro 2020

11

Unha exposición percorre a obra de José A. Valente 4 “Auga, pedra e luz. Ourense e Almería” pódese ver no Marcos Valcárcel. Redacción Auga, pedra e luz. Ourense e Almería é a exposición que conmemora o 20º aniversario do pasamento de José Ángel Valente. A mesma se pode visitar no centro cultural “Marcos Valcárcel” ata o 10 de xaneiro de 2021. O proxecto expositivo foi elaborado baixo a produción, organización e patrocinio da Deputación de Ourense e conta co apoio da Consellería de Cultura, da Universidade de Santiago, da Deputación e o Concello de Almería, e do Instituto de Estudios Almerienses. Mostra A exposición apóiase nunha heteroxeneidade de materiais artísticos da que fai gala a figura de Valente: fragmentos das tomas en localizacións e entrevistas pertencentes ao documental de Mouriño; manuscritos e documentos de

traballo orixinais do poeta cedidos ao proxecto pola Cátedra José Ángel Valente de Poesía e Estética da USC; estampas familiares do arquivo persoal do poeta; primeiras edicións dalgúns dos seus títulos máis senlleiros, e publicacións especiais nas que a obra de Valente dialoga coa de grandes creadores coma Antoni Tapies, Eduardo Chillida, Leopoldo Nóvoa ou Antonio Saura. A mostra contén tamén un diálogo de dous fotógrafos, un galego e un almeriense, sobre a persoa e á obra de Valente: fotografías do proxecto que Manuel Falces realizou co poeta baixo o título de “Cabo de Gata: la memoria y la luz”, xunto con retratos de Valente firmados por Manolo Álvarez, quen quixo aportar ao proxecto una peza concibida expresamente para o mesmo por Álvarez, titulada En exegrue.

Autoridades visitando a exposición sobre Valente.

O secretario xeral de Política Lingüística, Valentín García (esquerda), na visita da exposición./RAMSÉS.

Últimas paradas da mostra sobre Carvalho Calero 4 O secretario xeral de Política Lingüística, Valentín García, visitouna na sede da Fundación Otero Pedrayo. Redacción A exposición "Ricardo Carvalho Calero. A voz presente" na honra deste (a que lle adicaron o Día das Letras Galegas este ano) rematou na sede da Fundación Cultural Ramón Otero Pedrayo (casa grande de Cimadevila) e enceta a recta final das súas itinerancias na provincia de Ourense. O secretario xeral de Política Lingüística, Valentín García, visitouna xunto a María Victoria Carvalho-Calero Ramos, filla do autor homenaxeado; Rosendo Fernández, vicepresidente primeiro da Deputación de Ourense, e mais Juan Luis Saco e Alfonso Vázquez-Monxardín, presidente e secretario da

Fundación Otero Pedrayo, respectivamente. A mostra é promovida pola Consellería de Educación, Cultura e Universidade en colaboración coa Associaçom Galega da Lingua (AGAL) no marco da programación institucional conmemorativa das Letras Galegas 2020 impulsada pola Xunta de Galicia. Outras paradas A mostra despois de despedirse de Trasalba enceta xa a recta final da súa itinerancia na provincia de Ourense, con paradas na Biblioteca Pública Municipal de Ribadavia e na Biblioteca Pública de Ourense Xeración Nós, onde dará por concluído o seu paso por 10 localidades galegas durante este 2020.

Exposición O proxecto expositivo Carvalho Calero. A voz presente configúrase arredor dunha ducia de paneis, un audiovisual e un díptico explicativo (reformulado en código QR para adaptalo ás medidas de seguridade sanitaria e protocolos derivados da crise da covid-19). Para alén dos paneis de presentación e de créditos, cinco deles presentan unha liña do tempo con datos relativos ao percorrido vital do autor, os espazos onde este se desenvolveu, as circunstancias políticas que o rodearon e a súa obra. A continuación, outros cinco céntranse en cadanseu aspecto da súa figura e do seu legado. O primeiro deles aborda o seu traballo como filólogo e divul-

gador, tanto da literatura como da lingua galega. O segundo, A obra, ocúpase da súa faceta de creador literario. O terceiro, Lugares vitais, analiza a súa relación con Ferrol, Lugo e Santiago de Compostela; o cuarto, Reintegracionista, ocúpase da súa posición con respecto á norma ortográfica do galego, en tanto que o quinto, Intelectual honesto, mostra a súa actitude vital independente, crítica e comprometida ao longo dos anos.

A exposición rematará a súa itinerancia nas bibliotecas públicas de Ribadavia e Ourense

12

Barrios 27 de novembro 2020

Fútbol sala Redacción Os malos resultados deste inicio de campaña do Sala Ourense derivaron na dimisión do adestrador e o seu axudante. Deste xeito, nin Kike García nin Rubén Tizón volverán a dirixir ao primeiro equipo. Cinco derrotas noutros tantos partidos -a última no Pazo fronte o Parrulo B por 2 a 3- é unha lousa moi grande para que tomaran esta decisión e buscar un revulsivo que lle de a volta á situación do conxunto. A directiva aceptou a dimisión e encontrou o relevo nas mans de Óscar Vivián que chega acompañada de Francisco Formoso (preparador físico) na busca dun golpe de efecto que leve a mudar a tendencia do Sala Ourense. Desde este xoves xa iniciou os adestramentos e sentarase por primeira vez no banco este sábado na visita que farán ao equipo da Estrada.. Primeira división O Cidade das Burgas acadou o primeiro punto da tempada ao empatar co Teldeportivo (3-3) en terras canarias. De seguro, este punto fará que as de Manolo Codeso collan confianza nun equipo plagado de xogadoras moi novas. Pola súa banda, o Ourense Envialia non xogou o seu partido contra o Esplugues por un positivo dunha xogadora catalana. Esta xornada o Cidade recibe ao Futsi e o Envialia visita ao Leganés.

Sala Ourense - Parrulo. /C.DOMARCO.

DEPORTES

O CMD organiza unha San Martiño virtual

4 A decana das carreiras populares de Galicia reinvéntase este ano para non perder o seu legado. Redacción Este ano a pandemia provocada pola COVID-19 fai imposible que se repita o que cada novembro desde hai 40 anos se facía. Neste mes de magostos as rúas de Ourense acollían a decana das carreiras populares de Galicia: a carreira do San Martiño. Como este ano debemos evitar aglomeración o Consello Municipal de Deportes (CMD) decidiu organizar unha carreira virtual para manter vivo o espírito da nai de todas as carreiras da nosa comunidade. Para elo, o CMD organiza unha San Martiño Virtual, coa que convida aos amantes do deporte a que contribúan a manter vivo o legado da mesma. Ademais, a actividade recabará fondos para dous proxectos solidarios de Cruz Vermella e Cáritas. As persoas interesadas poderán inscribirse a través da web oficial: http://asanmartino.com/, ou dunha aplicación móbil. Non hai cota de inscrición, pero si deberán efectuar unha doazón mínima dun euro en favor dalgúns dos proxectos solidarios. Con esta doazón, o participante comprará quilómetros (5 ou 10 km) que lle permitirán desenvolver un reto individual e participar noutro colectivo. Retos Reto colectivo: Unha corredora virtual, a castaña Martiña tentará realizar o percorrido tradicional da carreira do san Martiño (10.000

metros) para o que contará co apoio dos participantes. Cada quilómetro comprado por un corredor suporá 1 metro nese reto colectivo. Cada día actualizarase a posición da corredora virtual e poderemos ver onde se atopa no circuíto cos quilómetros sumados entre todos. No caso de completar o percorrido, se lle dará tantas voltas ao mesmo como quilómetros se vaian reunindo entre todos. Reto individual: Os participantes poderán descargarse unha aplicación móbil que permitirá rexistrar a súa carreira persoal real de 5K ou 10K, segundo elixan, coa opción de compartir unha foto cun filtro, emulando unha chegada da San Martiño, coa data e o tempo que efectuou. A organización publicará unha clasificación coas marcas vinculadas aos dorsais dos participantes.

Cartel da San Martiño virtual.

Reto escolar: A carreira quere tamén darlles aos profesores de educación física unha ferramenta de motivación dos seus alumnos na mellora da condición física. Os quilómetros efectuados por todos os alumnos, sumarán ao igual que no reto dos adultos (1 km = 1 m), na carreira de escolares. O corredor virtual avanzará polo percorrido, e entre todos os alumnos deberán intentar completar a carreira, ou repetila cantas máis veces posible. Os retos poderán completarse ata o 20/12/2020, aínda que se pode ampliar.

As persoas interesadas poderán inscribirse en asanmartino.com

Adonys, conducindo o balón ante un xogador do Leyma Coruña. /C.DOMARCO.

O COB cae ante o Leyma Coruña 4 Cuarta derrota dos ourensáns no que vai de Liga. R.T. Pouco a pouco as restricións sanitarias levántanse e no último partido disputado no Pazo xa puideron acudir 50 seareiros. Lástima que non puideron ver unha vitoria do COB ao caer diante do Leyma Coruña (7188), que foi moi superior durante todo o encontro. No primeiro cuarto as forzas estiveron moi igualadas chegando ao final do mesmo con 18-21 no electrónico. Pero nos dous seguintes os herculinos puxeron a puntilla a un equipo con moitos problemas físicos (Joan Tomás non xogou e Mikel Uriz apenas estivo en cancha nove minutos) e deixaron visto para sentenza antes dos últimos 10 minutos. Esta derrota, a cuarta da tempada, fai que os homes de Gonzalo García de Vitoria sumen soamente dúas vitoria no que vai de tempada. Salvo Melilla que leva

disputados os mesmos encontros que os ourensáns, seis, e conta coas mesmas vitorias, dúas, o resto de equipos contas con un, dous ou incluso tres partidos menos. Por exemplo, o líder Valladolid conta con catro partidos gañados e un partido menos. En canto aos outros dous galegos, Coruña ten unha vitoria máis (tres) e dous partidos menos, e Breogán, as mesmas vitorias (dúas) pero con tres partidos menos (tres). O equipo que ten menos vitorias que o COB é o Burgos que suma un só triunfo pero leva dous partidos menos que os ourensáns. Derbi As fiestras FIBA fan que esta fin de semana no haxa competición na LEB Ouro. A mesma regresa para o COB o sábado, 5 de decembro, e o fará con outro derbi, nesta ocasión ante Breogán. O partido sera no Pazo Provincial de Lugo.

DEPORTES

Barrios 27 de novembro 2020

Xornada frutífera para os ourensáns de Terceira 4 Ningún dos catro equipos perdeu. R.T.

O conxunto alevín realizando o exercicio. /CxP.

O Pavillón deixa boas sensacións en Valencia 4 Cadetes e alevíns participaron na Copa Base. Redacción Os conxuntos cadetes do Club Ximnasia Pavillón e alevín do Escola Pavillón participaron na Copa Base de conxuntos de ximnasia rítmica celebrada en Valencia. As cadetes (Carmen, Iria, Vera, Ainara, Mencía e Daniela) realizaron o seu exercicio de pelotas e mazas obtendo unha excelente 22ª posición. As alevíns, Daniela, Mónica, Laura, Noa, Lara e Nicole todas de primeiro ano na categoría, realizaban un pase moi seguro, lucindo o seu exercicio de cinco pelotas con moita alegría e moi boa execución. Obtiveron o posto 13º. Debido á COVID-19 o torneo foi organizado sen público e coas máximas medidas de seguridade, sendo retransmitida en

directo toda a competición. Estes dous conxuntos, xunto cos conxuntos prebenxamín e alevín de segundo ano participarán de novo en decembro no clasificatorio autonómico que daría paso ao Campionato Nacional Base que terá lugar en xaneiro, todavía sen sede asignada. Próximas citas A seguinte cita para os dous clubs, na modalidade de rítmica, será de novo en Valencia, para participar no Nacional individual por equipos no que serán representados por un equipo sénior e outro infantil de nivel absoluto. Tamén no mes de decembro (entre os días 18 ó 20) a modalidade de trampolín terá o seu Nacional Base e Élite en Valladolid.

Dúas vitorias e dous empates. Esta é a bagaxe dos conxuntos ourensáns de Terceira división na sexta xornada. O Ourense Club de Fútbol lograba a primeira vitoria do curso tras golear no Couto (4-1) ao Estradense. Os goles de Wadir (2), Kanthe e Borja Domingo déronlle a volta ao gol inicial dos visitantes; importante o primeiro tanto dos locais no tempo de engadido da primeira metade que fixo que os Rubén Domínguez volveran con outra cara ao céspede na segunda metade. Esta vitoria os alonxa da última posición e con catro puntos son décimos. A outra vitoria ourensá foi a do Barco. Os de

Manolo Pérez tamén foron quen de darlle a volta ao 1-0 do Rápido de Bouzas. Andrés e Vera (este nos minutos finais) déronlle os tres puntos aos valdeorreses para situarse quintos con 10 puntos. A Unión Deportiva Ourense tamén estivo a piques de darlle a volta ao marcado, pero ao final se tivo que conformar cun empate a dous diante do Ribadumia. Iso si, os de Fernando Currás anularon a vantaxe de dous goles do equipo local para regresar a Ourense cun punto no peto. Agora son sextos con oito puntos. E o outro empate colletouno o Arenteiro (0-0 fronte o Alondras), que se ben non coñece a derrota nestas seis xornadas o certo é que as catro últimas saldáronse con empate. Este fochanco apenas

nótase na clasificación e marchan terceira con 10 puntos a dous do líder. Vindeira xornada Esta fin de semana o Barco xoga en Calabagueira contra o Ribadumia. O Ourense CF visita ao Alondras. O máis atractivo desta xornada será o partido que disputarán no Couto a UD Ourense diante do Arenteiro. Un derbi ourensán que estará limitado polas restricións sanitarias que senón, a bo seguro enchería as bancados do estadio.

Este domingo, 29 de novembro, ás 17 h, o Couto acolle un atractivo UDOArenteiro

Os xogadores do Ourense CF celebrando un gol contra Estradense. /OURENSE CF.

13

Voley Ourense Redacción Nova vitoria do Aceites Abril que o mantén na segunda posición do grupo A da Primeira división nacional. As ourensáns desfixéronse, pola vía rápida (pero sen poucos atrancos) ao CV Astillero de Cantabria. O resultado foi de tres sets a cero (25-21, 25-23 e 25-20). No primeira set a igualdade foi a nota dominante; ata que no ecuador do mesmo, o maior acerto das locais facía que se distiaran no electrónico e se levaran a primeira manga. No segundo set a tónica era ben parecida, soamente que nesta ocasión eran as visitantes as que se mostraban máis acertadas e poñían en apuros a recepción ourensá. Pero a pesar disto resolveron a situación con eficacia e lograron remontar para levarse o segundo set. No último houbo menos historia. As de Pablo Pérez pronto se puxeron por diante grazas aos saques de Gladys, Johanna, Rebeca e Patri logrando unha vantaxe importante ao inicio do set. Isto permitiu dar minutos ás cadetes e xuvenís que lograron pechar un partido de moita igualdade, sendo máis eficaces as ourensás. Base Os equipos de base tiveron, esta xornada, sorte dispar. O conxunto xuvenil disputaba tres partidos contra Ribeira Sacra, Oleiros e Emeve Lugo sin poder puntuar. Pola contra, as infantís vencían ao CV Oleiros.

14

Barrios 27 de novembro 2020

4AXENDA Teatro - Domingo 29 de novembro - 12 h - Rosalía. Culturactiva - Auditorio municipal de Ourense. - Domingo 29 de novembro - 19 h - “Unha noite sen lúa” - Teatro Principal. - Venres 4 - 20 h - “Medida x medida” - Teatro Principal. - Domingo 6 - 19 h - “Lambetadas” - Auditorio municipal de Ourense. - Domingo 13 - 19 h “Eduardo II ollos de néboa” - Teatro Principal. Cinema - Domingo 29 de novembro - 17 h - A delgada liña vermella - Cineclube Padre Feijoo. - Martes 1 - 17 e 20 h - A batalla de Chile (parte 1) - Cineclube Padre Feijoo. - Mércores 2 - 17 e 20 h - Cidadán Kane - Cineclube Padre Feijoo. - Xoves 3 - 17 e 20 h - O pantano - Cineclube Padre Feijoo. - Venres 4 - 17 e 20 h - O camiño - Cineclube Padre Feijoo. - Domingo 6 - 17 h Fellini, oito e medio - Cineclube Padre Feijoo. - Venres 18 - 17 e 20 h - Arroutada - P. Feijoo. Música - Xoves 3 - 20.30 h - concerto da Real Filharmonía de Galicia Auditorio municipal de Ourense. - Venres 11 - 20 h Concerto de Pasión Vega - Teatro Principal. - Sábado 19 - 20 h Concerto de Nadal da Real Flharmonía de Galicia - Teatro Principal. Exposicións - Ata o 10 de xaneiro - Fiz Valcárcel: “Cara á estrema do eido” - CC Marcos Valcárcel. - Ata o 10 de xaneiro - “Auga, pedra e luz. Ourense e Almería no itinerario poético de José Ángel Valente” - CC Marcos Valcárcel. Outros - Sábado 5 - 19 h Danza: “Soma. Javier Martín” - Auditorio municipal de Ourense. www.periodicobarrios.com

AXENDA / ARTIGOS

4DESDE A PONTE... A MONTERREI

Los Nocturnos Aquel día, deume por abrir o caixón da melancolía, onde meu pai, agochaba recortes de xornais vellos. Había varios anacos xa comidos polo tempo. A foto de catro rapaces con instrumentos, foi un reclamo para min. As lembranzas, non moi nítidas, de cando neno, mais algunha que outra anécdota que aínda teño gravada no maxín, leváronme por un intre ao paraíso, que non era outro máis que o barrio vello, na rúa da Cruz, arteria principal daquel Verín de antano, onde o comercio destilaba abundancia e algarabía. Foi aquí, o escenario inmutábel dun romanticismo puro, alimentado polas historias de amor mais fermosas dun tempo inesquecible. Daquela, as serenatas, eran unha mensaxe directa ao corazón. As mozas namoradas, agardaban pacientes que xurdira o embruxo, a maxia, que manaba daquelas íntimas voces, afinadas cunha sincronización extraordinaria. As letras contundentes de boleros entrañables, que interpretadas con refinado gusto, facían estremecer a calquera. Lorenzo, vocalista cunha voz doce, que doadamente penetraba no máis fondo da alma, guiaba os compañeiros nunha interpretación melódica reconfortante, que o compás de guitarras e acordeón, facían que o ceo, estivera máis preto. Eles

Los Nocturnos. eran, “Los Nocturnos”, Chelis, Poncho, Casiano e Lorenzo, catro rapaces, cómplices das noites de amor xamais contadas. Foi un martes de Entroido de 1955, cando Casiano, Xosé Luís, e Poncho, percorren as rúas da vila, animando un carnaval prohibido e agochado. Aquela tarde, recolleron o agradecemento dos veciños, e animáronse para formar un grupo e seguir facendo o que máis lle gustaba, cantar. Daquela, buscaron a Lorenzo como solista, completando así, o mítico cuarteto, que durante anos amenizaron festas e veladas dun tempo fuxido, que seguramente, aínda estará na retina de moitos. Sempre escoitei falar dos Nocturnos na miña casa. Coñecín a todos os compoñentes, mais non cheguei a tempo para poder escoitalos xuntos, pero si, algunha vez, no bar do Lorenzo, desfrutei da súa voz inconfundible, cando naquel

tempo, cantar na taberna, era obrigatorio. Estes días, quixen cumprir algo que tiña pendente, polo que, sen deixar que o caprichoso e fugaz tempo, me roubara a oportunidade, non esperei máis e conseguín xuntar por unhas horas, as dúas lendas vivas dos Nocturnos, Poncho Moreiras e Casiano, que con 91 e 86 anos, aínda tiveron folgos para agasallarnos con momentos que dificilmente esqueceremos. O carón do Hotel Dos Hermanas en Verín, está o palacete de Laura. Dentro, nun salón acolledor, esperan a nosa chegada. Horas antes, o Mestre Miro, deixou todo, e aceptou acompañarme coa súa melodía. Casiano e Amparo, xunto con Laura, nosa cómplice e o seu marido Poncho, esperan pacientes. O acordeón de Mirito soa con dozura, o tempo que entramos polo corredor da casa cantando “Volver volver”. Entre bagoas e aplausos,

EN BREVE

comezamos o faladoiro embargados de emoción, un intre máxico, que con verbas non podo reflectir o acontecido. Iniciamos a conversa, que axiña fixo aumentar a nosa curiosidade por saber algo mais da sua historia, e as preguntas xurdiron unha tras da outra. Fixeron actuacións multitudinarias como a do Xardín do Posío en Ourense, acompañando o mítico grupo os “Galindos”, ante mais de 2.000 persoas, participaron con éxito nos teatros organizados pola inesquecible Marita Oterino, no cine Buenos Aires, así como as serenatas coas que agasallaron os amigos, no bar Deportivo do señor Pepe, na taberna de Lorenzo na rúa do pozo, e sobre todo, baixo a luz da lúa, pola vila, agardando que se abriran as fiestras, que tantas veces escoitaron as súas fermosas voces. De súpeto o mestre Miro despregou de novo o fol do acordeón, facendo soar as notas de “Por el camino verde” que suavemente, e sen ensaio previo interpretamos emocionados, e que provocou un acto inesperado. Poncho, que parecía estar ausente, levantou a mirada, e sorprendentemente erguéndose da cadeira, dirixiuse cara min, sinalando unha foto do grupo, pegada na parede. Con voz tenue soltoume.., isto foi o 31 de decembro de 1959, o baile de fin de ano no Casino de Chaves,.. unha noite marabillosa.

4HUMOR

4 Auditorio

4 Ribeira Sacra

4 Xoguetes

A Xunta de Galicia destina un millón de euros para a reforma dun espazo de acollida a peregrinos é a construción dun novo albergue con 40 prazas no mosteiro de Oseira. O vicepresidente primeiro da Xunta, Alfonso Rueda, visitou as actuacións que se están a levar a cabo no mosteiro polo que pasa a ruta da Vía da Prata.

España selecciona a candidatura da Ribeira Sacra e serras do Oribio e Courel como candidata a ser reserva da biosfera despois de superar o último trámite. Deste xeito, o próximo ano someterase ao ditame definitivo da Unesco. De conseguilo, este espazo entre Ourense e Lugo sería o sétimo da nosa comunidade en converterse en reserva da biosfera.

O Concello de Ourense adquirirá este Nadal medio millar de xoguetes para agasallar as nenas e os nenos -de 1 a 10 anosde familias usuarias dos servizos sociais. As empresas interesadas poden presentar as súas ofertas até o día 3 de decembro, no Rexistro Xeral do Concello, na praza Maior. Destínase a esta campaña 14.975 euros.

Despois, contaron mais anécdotas entrañables, pero sobre todo, xurdiu de súpeto o romanticismo de antano, e no centro do salón, foron quen de bailar coas súas donas apaixonadamente, como querendo recuperar, aqueles bailes que non puideron gozar, mentres eles estiveron no escenario. Lembrámonos moito de Chelis e Lorenzo, que a pesares de deixarnos moi cedo, sempre estarán no corazón dos nocturnos e de todos nos. Lembranzas que van de pais a fillos, mais aló do tempo. Os nocturnos, auténticos ídolos dunha época dourada. Cómplices, de amores consumados e do viño tomado por amor, tal vez para esquecer a musa que escoita agochada na fiestra e non se deixa ver. Con estas letras, quero facer homenaxe merecido, os acordes afinados, destes homes ceibes, que se fixeron fortes cantando, enchéndose de vida coas lembranzas, e aclamando de forma sinxela, o seu deus espiritual, a musica. Quixera adicar este escrito, a todos aqueles, que dalgunha maneira, namoráronse escoitando as súas cancións, a todos os amigos do grupo, os da terra e os do ceo; e tamén, os que a pesares do tempo, xamais esqueceron a luz brillante dos “Nocturnos”, sen lugar a dubidas, os últimos románticos. Unha aperta! Miguel A. Prieto “Chitín”

ARTIGOS / CLASIFICADOS

Barrios 27 de novembro 2020

15

BARRIOS. Edita: Letras a la Carta S.L. CIF: B-32.323.925. Depósito Legal: OU 142-2014. Redacción: r/ Bedoya,7, 1º Of. 6 - 32004 Ourense. Tel: 988 045 352. Correo-e: info@periodicobarrios.com. Distribúe: Mundopublicolor. Imprime: Publicaciones Tameiga. Director: Ramsés Torres. Director comercial: Miguel Rejo. Redacción: Miguel Rejo, Ramsés Torres. Fotografía: Ramsés Torres, Miguel Rejo. Colaboracións: Joao Damiao, Miguel A. Prieto Sotelo, Fernando Valcárcel, Jorge E. Bóveda, C. Domarco, Avelino Jácome. Yedra Seara Nº136 - Ano: XIII - 27 de novembro de 2020 - Difusión: 5.000 exemplares Este periódico non pode ser reproducido nin total nin parcialmente, sen autorización previa da empresa editora Letras a la Carta S.L. Impreso en papel 100% reciclado. Se ten algún problema co reparto, pregámoslle que nolo comunique no teléfono 988 04 53 52 / 685 969 546.

4DECRECENDO

A negra sombra do Venres Negro (Black Friday) A sociedade de consumo na que estamos mergullados case todos chega a cotas de paroxismo nalgúns momentos en concreto. O Black Friday ou Venres Negro é un deles e, ademais, é o inicio da época máis consumista do ano: as festas de Nadal. O Venres Negro é relativamente recente para min. Do mesmo xeito que o “Halloween” (Samaín lle din aquí) é unha cousa importada que cada vez vexo mais acomodada nas nosas rúas. Nunca me chamou moito a atención sobre todo porque xa me pilla nunha idade no que tento escapar das multitudes dos centros comerciais ou de calquera outro tipo. Pero é certo que sempre gocei do Nadal, a chegada dos agasallos, as paparotas familiares,... foron parte da miña vida. Agora, cos anos, a lectura e a observación do entorno, e unha vez que as pegoñentas teorías do Decrecemento me foron envolvendo, cústame moito entender ese Nadal plástico e sobredimensionado, cheo de luceciñas estresantes que só queren que fundas a túa tarxeta de crédito. Lembro que o ano pa-

sado, o mesmo día do Venres Negro do 2019, eu estaba na Coruña, asistindo a unha charla de Grian A. Cutanda, unha das primeiras persoas en iniciar o movemento “Extinción / Rebelión” en España. Un home amable, tranquilo e experimentado con moitas cousas que contar. Fun con certa présa porque non quería quedar sen sitio. A miña sorpresa chegou ao ver que alí eramos sete persoas. Grian estaba a facer unha xira por toda España e na Coruña so logrou xuntar a sete persoas! Lembro que comentei este feito co interesado e que quería por en contraste que, ao mesmo tempo daquela charla, milleiros de persoas apiñábanse no que é actualmente o centro comercial máis grande de Galicia, onde se producían situacións aberrantes como que a policía tivera que entrar no aparcadoiro para regular o tráfico que impedía que algúns vehículos puidesen saír da súa praza. O Venres Negro ateigou os comercios e encheu as caixas rexistradoras no pasado 2019 e todas as estatísticas indican que este 2020, a pesares da enorme

Fonte: Alma Vidrio - https://www.pinterest.es/AlmaVetro/

crise que nos abafa, ocorrerá algo semellante. Entendo que moitas familias dependen desa fonte de ingresos para mellorar as contas dun escuro ano 2020. Entendo que o Nadal é para moitos a salvación da tempada comercial ou, canto menos, a mitigación da crise económica. Nada que criticar. Todos formamos parte deste sistema que vai rachando aos poucos. Eu mesmo, cando non teño opción, collo o coche, fago algunha compra ou gozo dalgún vicio. Pero o que me gustaría coa columna de hoxe é que cando estean no medio do comercio, cando fagan cola para comprar aquel agasallo, miren ao seu carón e búsquenlle o senso a todo isto. Cando as luces dos escaparates atrapen a súa atención, reflexionen sobre quen compra a quen. E volvan á casa con esa idea semente de que este ritual é insostible, que a nosa sociedade “consúmese” no consumo, e decátense que ese Venres Negro leva consigo unha sombra moi negra. Óscar Blanco

4ANUNCIOS CLASIFICADOS [Deixe o seu anuncio no 988 045 352 ou en info@periodicobarrios.com. Gratuítos para particulares]

INMOBILIARIA Véndese casa céntrica en Xinzo de Limia. Baixo máis unha planta (144m2,) tres prazas de garaxe e patio, cinco habitacións, dous baños, cociña amoblada e terraza. 133.000 euros. Tel. 699 648 514 / 988 21 40 70 Alugo baixo na zona do Couto totalmente acondicionado. Con luz, auga, 70 m2. Prezo 300 euros. Tel: 653 208 506 Alúgase perruquería. Tel. 672 08 93 49 Alúganse apartamentos en Montalvo (de Semana Santa a outubro) con unha ou dúas habitacións, cociña, salón, baño, barbacoa, aparcadoiro, xardín; fronte á praia. Tel: 607 271 916 Alugo sala para actividades culturais, con posibilidade de cociña, baño e outros sertvizos. Tel.: 988 247 113. Alugo apartamento en Sanxenxo a 5 minutos da praia. Piscina comunitaria Tel.: 650 64 15 19. Busco casa en alquiler na periferia de Ourense. Opción a compra ou dunha permuta dun piso situado na Valenzá. Tlf.: 600 826 029. Vendo casa pola estrada de Santiago, con finca. Para restaurar. Tel.: 672 089 349. Alugo oficina na rúa Progreso. Exterior. Prezo económico Tel.: 672 089 349. Alugo apartamento en Sanxenxo a 5 minutos da praia. Piscina comunitaria Tel.: 650 64 15 19. Vendo casa na zona de Rante (a 8 km de Ourense). 3 dormitorios, terreo, pozo de auga e garaxe. Prezo 49.800€. Tel: 606 422 543 Alugo casa de campo na

provincia de Ourense con finca e pozo. En boas condicións. Tlf: 657 945 665 Alugo almacén pequeno en soto de garaxes. Para almacén, adega, trasteiro ou garaxe de moto. Rúa Francisco de Moure. Tel. 636 32 95 24. Véndese apartamento de 2 habitacións, cociña americana, baño, trasteiro e garaxe. Recén reformado. A 5 min. de praia América. Bo prezo. Tel. 620 66 07 62.

TRABALLO Señora, auxiliar de enfermería responsable e con experiencia, ofrécese para coidar persoas maiores, enfermos, nenos e tarefas do fogar. Tel.: 620 052 173 Ofrécese señora responsable -española- para coidade de nenos ou persoas maiores. Con informes. Tel.: 606 422 543 Ofrécese auxiliar de enfermaría, con titulación, para o coidado de maiores. Como interna ou por horas. En Ourense ou arredores. Telf.: 663 043 561 Danse clases de francés a domicilio. Todos os niveis. Titulación en España e Francia. Tlf.: 625 745 611 Imparto clases particulares de Matemáticas a domicilio en Ourense capital. Todos os niveis. Tamen materias curriculares de ESO e Bacharelato. As clases son individuais e personalizadas. Ampla experiencia. Excelentes resultados. Económico. Interesados enviar WhatsApp ao 610 38 25 89. Ofrécese xerocultora para axuda a domicilio en Xinzo. Tamén para limpeza de casas e negocios por horas e adaptados ao seu horario. Tel: 686 005 358. Fanse desbroces en tractor e a man. Tlf.: 63 521 448

Coido ou acompaño a maiores enfermos polas noites. Económico. Tel.: 616 361 548. Ófrecese señora seria e responsable para tarefas do fogar e coidado de nenos e maiores. Con informes. Preferencia zona Ponte. Tlf: 685 374 191. Busco traballo en desbroces con tractor ou condutor de camión e carretillas. Ampla experiencia. Tel: 637 282 405. Busco mozo como asistente persoal con certificado de atención a persoas en situación de dependencia ou con auxiliar de enfermería. Boas condicións laboraia Tel.: 679 699 508. Ofrécese señora por horas para tarefas do fogar, coidado de nenos. Atende persoas maiores; tamén de noite en hospital ou domicilio. Telf.: 620 052 173.

VENDAS Véndense dous lavacabezas de perruquería. Tel.: 672 089 349 Vendo cama hospitalaria articulada en bo estado, con colchón anti-escaras. Tlf.: 606 133 522 Vendo prensa de viño mediana/grande, ideal para decoración en xardíns. Tlf.: 606 133 522 Véndese mampara nova. Tel: 672 089 349. Véndense traxes de cabaleiro moi antigos en bo estado, ideal para Entroido. Prezo 10€. Tel: 610 979 897. Compro moble de cociña completo. Tel: 988 247 824. Vendo escritorio. Como novo, bo prezo. Tel: 672 089 349. Vendo estufa de frío e calor. Tel: 672 089 349. Vendo hormigonera de 280 litros e maquinillo / grúa (a gasolina). Tel.: 988 23 47 91

Barrios 27 de novembro 2020