Exitosa primeira edición do Parroira Trail da Merca por parellas [Páx. 11]
CIDADE
Páx.3
Ourense acollerá actividades do 8 ao 11 de novembro para festexar o Magosto
CIDADE
Páx.6 DEPORTES
O Concello traballa na licitación de seis actuacións para mellorar a mobilidade
Páx.10 ALLARIZ
O Ourense C.F. continúa como líder indiscutible da Terceira División de fútbol
Páx.12 CELANOVA
A asociación Andrea traslada as súas terapias con burros a outros colectivos
Páx.13
Alejandro Mínguez imparte unha charla en Brasil sobre a micoloxía de Celanova
[Páx. 3]
Fieis á tradición
250.000 euros para o albergue [Páx. 13]
[Páx. 9] [Páx. 4]
[Páx. 2] A carreira do San Martiño e o Samaín suman adeptos. // Celanova remodelará o albergue cun préstamo da Xunta. // O magosto, tema central do II Concurso de Fotografía de Outono.
Número: 112 - Ano: XII - 8 de novembro de 2019 - Depósito Legal: OU 142-2014 - Periódico semanal de distribución gratuíta www.periodicobarrios.com - Se quere anunciarse consulte no 685 800 190
2
Barrios 8 de novembro 2019
TEMA DA SEMANA
Unha das procesións de Santa Compaña nas escalinatas da igrexa Santa María Nai. /RAMSÉS.
As ánimas invadiron a vella Auria
4 Na noite de Todos Os Santos, procesións da Santa Compaña percorreron as rúas da cidade. Redacción
moitos veciños.
Toda a provincia volcouse na celebración do Samaín deste ano. Verín, Xinzo, Celanova, O Carballiño, Allariz, ou mesmo Barbadás foron algúns dos municipios que festexaron esta noite cunha gran variedades de actividades nas que se levaban a palma os obradoiros para os máis cativos. A capital non foi menos e festexou por todo o alto unha celebración que cada ano está máis instaurada e goza da participación de
Obradoiros Xa pola tarde, os máis pequenos quentaban motores participando nos seis obradoidor que o Concello organizou nas prazas do centro histórico. Taller de baleirado de cabazas; microteatro, cunha pequena representación teatral interactiva na que se lles deu a coñecer a orixe do Samaín; e os obradoiros “Os bosques dos petrogriflos”, “Os artesáns do castro”, ademais dun de maquillaxe
e outro de elaboración de chapas foron o preámbulo do Desfile de Cabazas, que saiu desde a praza da Imprenta e percorreu as rúas Colón, Bispo Carrascosa e Praza Maior, para rematar con baile e festa nesta praza Uxía Lambona e a Banda Molona. Procesións Como novidade, este ano a área de Cultura do Concello de Ourense organizou procesións da Santa Compaña. Foron nove en total as que percorreron diferentes rutas
pola cidade. As mesmas sairon desde a rúa do Paseo, rúa de Santo Domingo, praza de San Cósmede, praza das Mercedes, Padre Feijóo, praza de Saco e Arce, praza do Correxedor e o barrio da Carballeira, para avanzar cara á Praza Maior, onde se uniron todas as agrupacións participantes. Moitas delas fixeron unha actuación ensaiada que curiosos -disfrazados e non disfrazados- non se quixeron perder, como os da Escola Municipal de Teatro. Depois actuou o grupo vasco Deabru Beltzak que trouxo o seu espectáculo de música e pirotecnia “Os tambores de fogo”. Durante toda a noite ourensá, milleiros de per-
soas sacaron os seus máis terroríficos traxes para pasar “desapercibidos” diante das almas en pena que percorrían as rúas do casco histórico.
Din que quen ve á Santa Compaña, únese a ela. En Ourense parece que o ano que vén regresará e moitos ourensán formarán parte dela despois de vela.
Moita rapazada participou nos obradoiros que se organizaron para festexar o Samaín
“Encantadores” personaxes visitaron o Samaín ourensán. /RAMSÉS.
Nove procesións de Santa Compaña percorreron as rúas do casco histórico
Homes lobo, viúvas, psicokillers e demais seres achegáronse á Praza Maior de Ourense. /RAMSÉS.
TEMA DA SEMANA
Barrios 8 de novembro 2019
3
Ourense adicará catro días de festa ao Magosto 4 Haberá actividades desde o día 8 ao 11 de novembro. Redacción O Magosto deste ano estenderase durante catro días, os que van desde o día 8 ao 11 de novembro. O Concello de Ourense fai unha aposta por darlle máis pulo a esta festividade que é das máis representativas da nosa cidade e provincia. Así, durante eses catro días unha vintena de actividades entre as que salientan os concertos dunha escolma dos mellores grupos galegos, como Brañas Folk, Susane Seivane, Leilía ou Os de Abaixo. O Espazo Galaico estará en Bispo Cesáreo, xunto co tradicional magosto popular, as actividades de animación de rúa e as dirixidas ao público infantil. O Espazo Galaico é unha das principais novidades da programación.
En Bispo Cesáreo as persoas que se acheguen poderán participar en visitas guiadas ao Laboratorio do Tempo, presenciar recreacións da vida nun castro celta, exhibicións de esgrima, retratarse no photocall con vestimentas e armas da época galaica, ou participar en obradoiros de amuletos, bonecos, instrumentos musicais ou banda deseñada. Na festa terá un gran protagonismo a gastronomía, xa que coincidirá co concurso de pinchos Sabores de Ourense. Ademais, locais de hostalaría elaborarán menús especiais e as denominacións de orixe da provincia organizarán diferentes actividades e catas dos seus viños. EcoMagosto Desde o Concello farán unha aposta por unha fes-
ta do Magosto sostible e responsable, polo que se desenvolverán dúas accións ao respecto. Por unha banda, o luns 11, Ecovidrio instalará no Magosto popular do parque do Barbaña dous iglús onde cada ourensán poderá cambiar tres botellas ou tarros por unha árbore, o castiñeiro, en horario de 16:30 a 19:30 horas. Doutra banda, o 12 de novembro, 300 nenos -dos centros de Salesianos e Maristaspercorrerán os arredores de Montealegre coa fin de limpar os restos dos efectos dos magostos.
O Espazo Galaico -rúa Bispo Cesáreo- recreará a vida nun castro celta
Carteis do Magosto e do Ecomagosto organizados polo Concello.
Presentación da 43ª carreira do San Martiño.
A San Martiño superará os 10.000 inscritos 4 O prazo de inscrición está aberto até o día 10 de novembro. Redacción A tres días do peche das inscricións, a carreira pedestre popular do San Martiño achégase inexorablemente ós 10.000 inscritos; o prazo de inscrición remata este domingo, 10 de novembro (deportesourense.com); o prezo para a carreira absoluta é de 7 euros, mentres que para o resto de categorías é de balde. Como cada ano, a decana de todas as populares galegas é un éxito de particación. Este ano chega a súa edición número 43 e terá lugar o domingo, 17 de novembro, polas rúas da cidade. Para facer máis sinxela a chegada á liña de meta dos corredores, o Centro Comercial Ponte Vella dispón para os participantes o seu aparcadoiro de balde.
Inscritos Como apuntabamos é cuestión de tempo que se supere a cifra de 10.000 inscritos na carreira máis multitudinaria de Galicia. Das catro carreiras a absoluta supera os 2.800 inscritos; a escolar a segue moi de preto con máis de 2.600; a dos cativos conta con case 2.200; e a inclusiva ten superado os 2.000. A recollida de dorsais será no marco de Sportur (Salón do Deporte e Turismo Activo). O horario de recollida será o venres, 15 de novembro, de 16 a 20h; e o sábado 16, de 10 a 14 e 16 a 20h. A recollida anticipada de dorsais-chips será os días 14, 15 e 16 de novembro nos seleccionados. Horarios A carreira absoluta mantén o percorrido de anos anteriores con 10.000 me-
tros homologados,. Con saída desde a ponte do Milenio e remate en Pardo de Cela (fronte ao pavillón dos Remedios). A saída será ás 11 horas. Ás 12.30 será a saída na categoría escolar (percorrido de 4,7 km); ás 13.20 a da cativada (1,4 km), e ás 13.30 a proba inclusiva (1,4 km).
O Centro Comercial Ponte Vella volve ceder o aparcamento de balde para os participantes A recollida de dorsais terá lugar os días 15 e 16 no marco de Sportur (Expourense)
4
Barrios 8 de novembro 2019
CIDADE
EN BREVE
Antiq Auria subastará máis de 40 obxectos
4 Xornadas Vía da Prata Expourense organiza as Xornadas de Sustentabilidade na Vía da Prata, entre os días 13 e 15 de novembro. Axencias de Viaxes internacionais especializadas no Camiño de Santiago realizarán un percorrido pola provincia de Ourense coa natureza, o patrimonio e a enogastronomía como protagonistas. A actividade está enmarcada no programa “O Teu Xacobeo”.
4 Limpeza O Concello de Ourense publica a licitación para a limpeza dos centros escolares do termo municipal. O prazo para presentar ofertas remata o martes, 19 de novembro. Distribúese en 5 lotes coa intención de facilitarlles o acceso ás pemes do sector na cidade. Fíxanse 1.562 horas semanais de traballo, ademais doutras 616 horas no mes de xullo. O prego pódese consultar no apartado de perfil de contratante do espazo web ourense.gal, dentro da Plataforma de Contratación do Estado.
4 Achega O Concello de Ourense aprobou un convenio de colaboración coa Federación Provincial de Asociacións de Nais e Pais de Alumnos de Centros Públicos de Ourense por valor de 95.108,88 euros. Subvencionaranse programas e actividades extraescolares nos centros de ensino público de Primaria e Infantil no curso 2018-19.
4 A cuarta edición terá lugar en Expourense esta fin de semana. Presentación do 2º concurso de fotografía de Outono. /RAMSÉS.
Redacción
O concurso de fotografía de outono estará centrado no Magosto 4 Organizado polo Centro Comercial Ponte Vella e a Fundación Cun Laude. Redacción Centro Comercial Ponte Vella e Fundación Cum Laude convocan a segunda edición do concurso de fotografía digital de Outono. Este ano leva por título “Ourense: Tempo de Magostos“ e é que nesta ocasión contará cunha única temática que será o Magosto. O obxectivo desta iniciativa é resaltar a beleza e costumes da nosa cidade e provincia Como na primeira edición, cada participante presentará unha soa foto e que non esté premiada noutros concursos nin comercializada dalgunha maneira. As dez mellores fotografías levarán premio en metálico sendo para o primeiro unha contía de 300 euros; 200 para
o segundo; 100 para o terceiro; e 50 para os sete seguintes. Temática As fotos poderán ser en branco e negro ou cor, con total liberdade de técnica e procedemento. Valorarase a orixinalidade, beleza e estética final da obra tendo en conta tamén a dificultade técnica. As fotos poderán representar persoas, elementos da historia, tradicións, arquitectura, etnografía, lugares de interese paisaxístico ou natural actuais da provincia de Ourense relacionados coa época e a celebración dos magostos. Non serán admitidos “selfies”. A recepción de imaxes rematará o 18 deste mesmo mes. Para iso os interesados deben enviar un correo electrónico coa
foto, o título, un pseudónimo e un teléfono de contacto ao mail da Fundación Cum Laude (fundacioncumlaude@gmail. com). Esta remitirá ao centro comercial a imaxe identificada cun número. Paralelamente subiranse as fotos ás redes sociais de Ponte Vella e Fundación Cum Laude, sen identificar o autor. Éxito A primeira edición contou cun notable éxito, xa que participaron máis de 200 persoas deixando instantáneas de gran beleza.
O prazo de recepción das fotografías está aberto ata o 18 de novembro
Expourense acolle esta fin de semana a cuarta edición de Antiq Auria, Feira Internacional de Antigüidades e que estará aberta o venres 8, de 17 a 21 horas e o sábado e domingo, de 11 a 14.30 y de 16 a 21 horas. A entrada ten un custe de 2 euros e de balde para os menores de 12 anos. Este ano reunirá a 45 expositores procedentes de España e Portugal casi ao 50%. A principal novidade desta edición será a “gran poxa” que terá lugar o domingo 10 pola mañá a partir das 12 h. Cada expositor cederá un obxecto para poxar entre o público asistente e cada un deles terá un prezo de saída de 5 euros. Salón do automóbil Anteriormente, Expourense acollera o Salón do vehículo novo e de ocasión. Esta 11ª
Antiq Auria na edición do ano pasado./EXPOURENSE. edición saldouse con 393 coches vendidos (que poderían chegar aos 400 en caso de pecharse contactos realizados durante a feira) e 13.500 visitas ao recinto durante as dúas fins de semana que se celebraron. En canto ao sorteo de 6.000 euros de desconto na compra dun vehículo na feira por parte de Acauto foi Miguel Ángel Garrido Conde o gañador. O beneficiario recibiu en Peugeot PSA Retail de Ourense o cheque desconto.
Ángel Garrido recibindo o cheque desconto.
CIDADE
Visitas do xefe da Brigada “Galicia VII” Redacción
O novo Xefe da Brigada ‘Galicia VII’, o xeneral de brigada Luis Cortés Delgado, realizou unha rolda de visitas ás institucións ourensás e aos seus representantes. Así, durante a xornada do xoves 7 de novembro, o máximo
responsable da Brilat reuniuse, acompañado polo subdelegado de Defensa en Ourense, o coronel Gustavo Doncel Paredes, e polo comandante Ponce de León, co alcalde de Ourense, Gonzalo Pérez Jácome; co subdelegado do Goberno en Ourense, Emilio González Afonso; e coa delegada da Xunta de Galicia, Marisol Díaz Mouteira.
A delegada da Xunta, Marisol Díaz, xunto ao coronel Gustavo Doncel, o xeneral de brigada, Luis Cortés, e o comandante, Ponce de León. /RAMSÉS.
Barrios 8 de novembro 2019
Cambiar o mundo desde A Moncloa 4 Rafael Fernández preséntase a presidente do Goberno por PUM+J Redacción O ourensán Rafael Fernández concorrerá ás eleccións xerais deste 10 de novembro (segundas en medio ano) como o único candidato ourensán a ser presidente do Goberno de España. Fernández está vinculado desde fai anos ao partido Por Un Mundo Más Justo, pero é nesta ocasión cando se presenta para presidir o país (anteriormente presentarase para ser deputado nas Cortes). O candidato aproveitou a súa presentación para asegurar que o despoboamento e envellecemento de Ourense é unha “magnífica oportunidade” para converterse en “terra de acollida” de
inmigrantes. En canto a medidas concretas, sobre medio ambiente pretende suprimir o IVE para reparacións de electrodomésticos, equipos informáticos e automóbiles, para que se reparen en vez de tiralos e mercar outros. Sobre xus-
tiza social quere “blindar as pensións para que o goberno de turno non poida nin privatizalas nin conxelarlas nin recurtalas”, ademais de recuperar as políticas sanitarias e de educación que veñen de “sufrir recortes nos últimos anos”.
Rafael Fernández na presentación en Ourense da súa candidatura ao goberno de España./PETEIRO.
5
Coren, co autismo Redacción A Fundación Coren apadriña un novo proxecto con cans de asistencia dirixido a nenos afectados por Trastorno do Espectro Autista (TEA), co obxectivo de mellorar as súas habilidades sociais e de comunicación, descubrir novas fontes de estimulación, fomentar o ámbito educativo, intereses e gustos e achegar aos menores ao mundo do can. Estas intervencións levaranse a cabo un domingo ao mes ao longo do curso escolar en horario de mañá, con dous grupos de nenos até os 12 anos; e están coordinadas pola terapeuta ocupacional Lucía Lombardía e o educador canino Adrián Paredes. A iniciativa conta coa implicación da asociación de familias de persoas con Trastorno do Espectro Autista Por Eles-TEA,así como a Asociación cultural e deportiva de propietarios de mascotas de Ourense (APMOU).
6
Barrios 8 de novembro 2019
CIDADE
EN BREVE
Réplica ao concelleiro de Cultura
4 Corte de tráfico Con motivo das obras de rehabilitación parcial do pavimento da rúa Serra de Queixa, desde o mércores 6 de novembro será necesario restrinxir o acceso ao tráfico de vehículos durante todo o mes, permitíndolles o acceso exclusivamente aos vehículos que accedan a garaxes con vao.
4 Despois da entrevista realizada neste xornal os organizadores do “Pórtico do Paraíso” respóndenlle.
4 Debate económico O colexio Franciscanas de Ourense gaña o torneo “Debate Económico en Bacharelato”, celebrado no Pazo Provincial. O finalista desta proba na súa fase provincial foi o IES “Cidade de Antioquía” de Xinzo, un torneo que se celebra por primeira vez en Ourense e que ten como obxectivo desenvolver habilidades que axuden aos alumnos na súa vida formativa, laboral e social, afondando nunha maior capacitación para o ámbito económico-empresarial.
4 Arquivos dixitalizados Diego Martínez Duro, presidente da Federación de Asociacións Galegas da Arxentina e do Museo da Emigración Galega na Arxentina, fíxolle entrega ao presidente da Deputación provincial de Ourense dun arquivo dixitalizado sobre a emigración ourensá e galega en Arxentina.
4 Axuda a domicilio A empresa SACYR Social (actual concesionaria do servizo de axuda a domicilio en Ourense) vén de comunicarlle oficialmente ao Concello que a partir, o máis tardar, do próximo día 30 deste mes deixa de xestionar o servizo, entre outras cuestións, polo adebedamento de 1.190.000 euros que ten actualmente o concello coa concesionaria. Pola súa banda, desde o Concello aseguran que garanten o servizo de axuda no fogar e que seguirase prestando con normalidade a todos os usuarios.
Redacción
Construiranse escaleiras mecánicas na Alameda do Cruceiro, desde a rúa do Progreso, e desde o comezo da rúa Xoan de Nóvoa ao barrio da Cruz Alta.
Camiño dunha mellor mobilidade vertical 4 O Concello de Ourense traballa na licitación de seis actuacións. Redacción O Concello de Ourense traballa na licitación de seis novas actuacións para mellorar a mobilidade vertical en diferentes puntos da cidade. Trabállase na redacción dos pregos administrativos e técnicos para a licitar os proxectos. Ademais dos elementos mecánicos que vertebrarán a rúa do Progreso co Complexo Cultural de San Francisco, anunciados recentemente, o alcalde Gonzalo Pérez Jácome anuncia que “desde o pasado 23 de setembro os enxeñeiros do Concello traballan en seis puntos adicionais”, o que redundará, afirma, “na mellora da calidade de vida dos veciños da zona”. Isto serverá para que os veciños de barrios coma o da Ponte, A Carballeira, As Lagoas ou a Cruz Alta vexan mellorada a súa mobilidade e zonas con fortes pendentes. Zonas Os seis proxectos sobre os que se está a traballar son: es escaleiras
mecánicas na rúa Rosalía de Castro, no barrio da Ponte; escaleiras mecánicas na rúa Louris Freire, que une a avenida Otero Pedrayo coa de Bos Aires; escaleiras mecánicas na Alameda do Cruceiro, desde a rúa do Progreso; pasarela mecánica na rúa Nicomedes Pastor Díaz, desde a avenida de Portugal ao barrio da Carballeira; escaleiras mecánicas desde o comezo da rúa Xoan de Nóvoa ao barrio da Cruz Alta –a de maior envergadura de todas as accións de mobilidade-; e escaleiras mecánicas desde a praza de San Cosmede ata Peña Trevinca, no barrio de San Francisco. Rañaceos Por outra banda, esta semana o Concello de Ourense mandou un comunicado no que se avanzaba na intención que teñen Deputación e Concello de Ourense de construír un gran rañaceos de 80 plantas no predio da Deputación coñecido como “Finca Deputación”. A actual cualificación prevé a construción de 6 torres de 16 pisos de altu-
ra, 9.274 m2 edificados en cada unha das “torres”, unha idea que non seduce en absoluto ao alcalde Gonzalo Jácome. A idea, que se está contemplando como unha posibilidade factible, é a de fusionar as 6 torres nun gran rañaceos de 80 plantas, cunha superficie construída de 55.600 m2, sendo máis ancho e moito máis alto que as torres do proxecto orixinal. O resto do predio da Deputación sería zona verde para facer un “super parque” así como un espazo destinado a equipamentos deportivos que inclúe unha piscina climatizada. Entre outras características estaría a dun miradoiro na última planta, e mesmo plantas destinadas a un hotel. Fálase do rañaceos máis grande de España, con máis de 300 metros, e un dos cinco primeiros de Europa.
Os veciños verán mellorada a súa mobilidade en zonas con fortes pendentes
Despois da entrevista realizada neste xornal ao concelleiro de Cultura, Mario González, Juan Enrique Miguéns e Conchi da Silva (organizadores do “Pórtico do Paraíso”) quixeron saír ao paso dalgunha das afirmacións do edil. Sobre o que dixo cando chegou á concellaría de que en certos eventos “o cidadán costeaba uns 50.000 euros, só pola xestión, sin contar contratación nin produción”, Miguéns e Da Silva supoñen que non se referirá soamente ao Pórtico, xa que esa cifra non se corresponde aos números da xestión puidéndose comprobar nos expedientes do Concello “aos que ten acceso”, aseguraban. En canto a afirmación de que “o Concello non pode pagar 50.000 euros para que outras empresas organicen eventos que debemos organizar nós”, replican dicindo que o festival “o organizaba o Concello”. Outra cuestión na que non están dacordo foi sobre a imposibilidade de continuar co formato pola nova lei de contrato; a este respecto, Miguéns e Da Silva recordan que a nova lei xa estaba en vigor na última edición “e realizouse na
más absoluta legalidade”, apuntaban. No tocante a que os traballadores da Concellería de Cultura non deberían colocar cadeiras e coxíns, insisten que os funcionarios “traballaban no festival”. Ademais, aseguran que a “participación nesas tarefas tan “degradantes” sempre foi voluntaria” e que nunca faltaron “funcionarios para facela”. Para rematar, aseguraban que lendo declaracións como estas, “ou ben o Concelleiro de Cultura falta a verdade deliberadamente, ou ben non se entera do que pasa na súa Concellería”. Doutra banda, pensan que pode actuar “de boa fe” e que algún funcionario lle trasladou todo o comentado “sen cuestionarse si é certo ou non”. Sea como fora, desde o Pórtico do Paraíso non cren que o concelleiro reúna o “perfil” que se lle “debe exisir ao concelleiro de Cultura da terceira cidade de Galicia”, remataban.
Miguéns e Da Silva recordaban que a nova lei xa estaba en vigor na última edición “e realizouse na más absoluta legalidade”
Un dos grupos participantes na anterior edición do “Pórtico do Paraíso”.
BARBADÁS
Barrios 8 de novembro 2019
“Barbadás a bocados” entregou os seus premios 4 O público decantouse por “Arume del savio” e “La cantera”. Membros de Protección Civil de Barbadás.
Distinguida a Protección Civil de Barbadás 4 A agrupación recibe unha distinción a nivel nacional. Redacción Protección Civil de Barbadás recibe a Placa ao Mérito, na categoría de Ouro, por parte da Asociación Nacional de agrupacións de voluntarios de Protección Civil de España. O responsable en Barbadás da AVPC, Daniel Rey, sinalaba que os membros do servizo municipal de Protección Civil de Barbadás e da agrupación de voluntarios “queren transmitir a súa satisfacción” pola distinción recibida. A Agrupación de Voluntarios conta na actualidad coa participación de 25 persoas que de xeito altruista traballan para a sociedade. Esta cifra garante a presenza de alomenos 2 persoas
de garda presencial en base as 24 horas do día os 365 días do ano. Para os membros a entrega supón un “recoñecemento ao traballo” e tamén “para aqueles antigos responsables e voluntarios que pasaron pola AVPC dende a súa fundación, o 20 de xuño de 1994”, destaca o responsable. Cometidos As actividades preventivas centran boa parte do esforzo da agrupación, ademais das de carácter formativo e a atención ás emerxencias. Porén, nos últimos tempos “o groso do traballo actual concéntrase na retirada de niños de vespa velutina”, remata Daniel Rey.
Redacción O pasado mes de outubro o Concello de Barbadás entregaba os premios do concurso de pinchos “Barbadás a bocados”. Nun acto celebrado na Casa Consistorial tivo lugar a entrega dos mesmos no que participaron representantes dos patrocinadores (Abanca, Estrella Galicia, Marra gatronomía, entre outros) e autoridades municipais, entra as que se atopaban o alcalde, Xosé C. Valcárcel, e a concelleira de Comercio, Marga Pérez. O público decantouse, de entre todos os pinchos, por “Arume del savio”, de a Cueva del Savio, como mellor pincho, e “La cantera” de A Pedreira. En canto ao xurado profesional, formado por membros da asociación de cociñeiros de Ourense “Cocina gallega” elexiron a “Tostada sifrina”, do local D´ Morrofino Taberna Gallega e “Bacaburra”, de Bar Parque Patos. En canto aos accésits foron dous os que se entregaron que foron a parar a: “lemon & fruit”
Entrega de premios do “Barbadás a bocados”. de La Ibense, como mellor pincho doce, e “Cup con bacalao e manto de Arzúa”, de Solana, como mellor pincho sen gluten. Obxectivos O rexedor de Barbadás, Xosé C. Valcárcel, afirmou que este tipo de eventos pretenden “motivar aos hostaleiros a seguir participando porque son eles os que obteñen un maior rendemento a nivel de visibilidade non só durante o concurso de petiscos, senón durante todo o ano”. Marga Pérez, concelleiro de Comercio, pola súa banda, falou da importancia de que os hostaleiros se impliquen “nun evento que beneficia os intereses e a imaxe do municipio”.
Pérez incidiu tamén no apoio que prestan os patrocinadores e o importante labor dos profesionais que participaron nas catas, no taller infantil e o xurado profesional. A edil de Comercio informou de que durante o concurso de petiscos “servíronse 6.800 petiscos, unha cifra que demostra que o eveo foi un éxito e un acicate para seguir traballando de face á quinta edición”. O chef Miguel González, de “Cociña Galega”, comentou que “Barbadás a bocados” supón un referente para dar visibilidade aos locais e para que Barbadás “se convirta nun lugar para ir a tapear”.
7
Obras Redacción O Concello de Barbadás pon en marcha as obras de mellora da rúa Dámaso Montes, en Barbadás. A rúa é unha das arterias importantes na circulación de vehículos dentro do núcleo da capital do municipio, no que ademais transcorre o tránsito peonil dos veciños. Con esta obra preténdese mellorar o firme da rúa e as condicións de utilización da mesma por peóns e vehículos, eliminando fochancas e bacheos. Características O novo pavimento mantén as características de colorido do firme asfáltico, cunha zona de amortiguación entre as paredes de pedra e o pavimento de formigón cunha franxa de 20 cm de adoquín de pedra de granito. O orzamento deste proxecto chega aos 33.100 euros.
Dámaso Montes.
8
Barrios 8 de novembro 2019
PROVINCIA
A Secretaría Xeral da Igualdade e a Secretaría Xeral para o Deporte colaboran en varias campañas de sensibilización no ámbito deportivo.
Sen ningunha dúbida: NON á violencia de xénero
4 A Xunta de Galicia desenvolve o Pacto de Estado e puxo en marcha a campaña Agresión OFF, Eu digo non á violencia sexual. Redacción Galicia segue avanzando na loita contra a violencia machista. Por iso, a Xunta de Galicia uniuse ao Pacto de Estado contra a Violencia de Xénero, que vén sendo un instrumento vital, xa que nace dun consenso político que busca implicar a todas as institucións e sociedade no seu conxunto. O compromiso co cumprimento do pacto é total para que se execute o mesmo na nosa comunidade. Entre as actuacións prevese un amplo abano de medidas específicas para diversos ámbitos como poden ser o medio rural, a educación e a sanidade, entre outros, e que supoñen unha actuación integral desde a prevención e sensibilización, ata a atención directa ás vítimas, ás que se lle aporta axudas ou
mesmo asistencia psicolóxica. Agresión OFF A Xunta de Galicia creou a campaña Agresión
OFF, Eu digo non á violencia sexual para levar a cabo en festivais musicais coa intención de sensibilizar e evitar agresións sexuais contra as mulleres
Un stando de Agresión OFF nun festival na xeografía galega.
e loitar contra o acoso neste tipo de eventos. A meta principal da campaña é que as mulleres se sintan seguras nestes grandes eventos, e ao mesmo tem-
po incidir na concienciación da sociedade sobre a violencia sexual. Decálogo Para iso, colócanse casetas nos distintos festivais para distribuír material informativo como o Décalogo contra a violencia sexual: dez cousas que tes que saber. Este decálogo tamén figura na App de Agresión Off posta en marcha en agosto do ano pasado. O decálogo recolle as seguintes indicacións: - As agresións sexuais son un delito recollido no Código Penal. - Nada xustifica unha
agresión: nin a forma de vestir, nin a exhibición do corpo. Tes dereito a divertirte sen ser importunado/a ou agredido/a. - Tes dereito a pasalo ben e gozar en liberdade e con seguridade. A rúa, a noite e as festas tamén son das mulleres. - Sen consentimento non é unha relación, é unha agresión. - O consentimento non é ilimitado e existe o dereito de repensalo e a non seguir. NON É NON! - Baixo a influencia do alcol e doutras sustancias segue existindo o dereito a dicir non e se non hai un si é un non, sen que haxa
O Pacto de Estado contra a Violencia de Xénero nace dun consenso político que busca implicar a todas as institucións e sociedade no seu conxunto
PROVINCIA
outra interpretación. - Insistir cando che rexeitan é acosar. Non te poñas pesado/a. - Se necesitas axuda fronte a unha agresión chama ao 112 Emerxencias. - Se presenzas unha agresión sexista non a permitas, chama e denuncia. - Lembra que se sofres unha agresión sexual, sexa nas circunstancias que sexa non te sintas culpable porque a responsabilidade é sempre de quen agride. App Ademais do decálogo a App contén consellos prácticos de como actuar ou a quen acudir ante posibles situacións de riscos e un directorio de lugares onde pedir axuda, así como teléfonos de información. Esta campaña tamén recolle a proxección de vídeos nos escenarios, ademais de persoas dando información e formación de como actuar ou a que acudir en caso de agresións. A iniciativa acompáñase de talleres formativos a voluntarios que colaboran na seguridade dos festivais de verán. O ano pasado o impacto directo foi a 4.000 persoas (700 por evento). Este ano, a Vicepresidencia da Xunta (a través da Secretaría Xeral da Igualdade) firmou convenios con outras consellerías dentro do marco do Pacto de Estado contra a Violencia de Xénero. O acordo con Cultura (775.000 euros) valeu para realizar campañas en bibliotecas, ampliándose este ano a festas de
Barrios 8 de novembro 2019
9
4 Actuacións no deporte
Grupo de mozos interesándose polo stand de Agresión OFF. interese turístico galego, nacional e internacional, así como en 12 festiviais do FestGalicia, e 25 concellos inscritos á Rede de entidades locais contra a violencia de xénero. Vítimas de abuso ou violencia sexual, familiares ou persoas próximas recibirán recursos terapéuticos por parte de profesionais especializados para lograr a súa recuperación integral. O programa, co que colabora a Fundación Meniños ten unha achega de 50.000 euros. Máis acordos A Xunta de Galicia contempla outros acordos no marco do Pacto de Estado. A posta en marcha do servizo de garda psicolóxica para mulleres vítimas de violencia de xénero e os seus fillos e fillas menores é pioneiro dentro de España. Ese é un dos moitos acordos como son a campaña cos Bolechas para fomentar o uso de xoguetes sen estereotipos sexistas; a implantación, tamén de
As artes marciais tamén forman parte da campaña NON.
forma pioneira en Galicia, de medidas de protección e asistencia integral para orfos/as de vítimas de violencia de xénero; ou a posta en marcha da primeira vivenda tutelada especializada para mulleres con enfermidade mental vítimas da violencia de xénero. Tamén se colabora coa Federación De Asociacións De Persoas Xordas De Galicia para por en marcha medidas contra a violencia de xénero para mulleres e nenas con discapacidade auditiva. Se falamos de achegas, as cifras son as que seguen: tres millóns de euros para impulsar accións no ámbito educativo para loitar contra a violencia de xénero; convenio entre Vicepresidencia e Vivenda de 1,65 millóns de euros para sufragar un programa de Bono de aluguer social para as vítimas de violencia de xénero durante 12 meses; axudas a asociacións de mulleres de case medio millón de euros para levar a cabo programas de sensibilización; achega de
300.000 euros ás ANPAS para programas de promoción da igualdade e a loita contra a violencia de xénero; posta en marcha da quenda de garda permanente de traballadores sociais para atender a mulleres vítimas da violencia de xénero e aos seus fillos e fillas menores por 253.000 euros; accións para loitar contra a violencia de xénero no medio rural por un importe de 700.000 euros; accións no ámbito social contra a violencia de xénero por 890.000 euros; 290.000 euros a campañas de sensibilización e formación para loitar contra a violencia de xénero no ámbito sanitario; 500.000 euros para accións contra a violencia de xénero entre a poboación refuxiada e desprazada; un investimento de 800.000 euros para os concellos para a contratación de mulleres vítimas da violencia de xénero; achega de 300.000 euros ás tres universidades galegas para colaborar na prevención e a loita contra a violencia de xénero; e 800.000 euros para os concellos para levar a cabo accións contra a violencia de xénero.
A Xunta fai achegas económicas para previr e loitar contra esta lacra en ámbitos como o rural, o sanitario ou o educativo, entre moitos outros
O deporte non é alleo a este problema e nese ámbito estase a traballar con moito pulo. Son varias as campañas grazas ao convenio entre a Vicepresidencia da Xunta e a Secretaría Xeral para o Deporte da Xunta. Este ano a inversión é de 1,5 millóns de euros e abarca medidas como campañas en espazos deportivos e difusión das mesmas, dotación da campaña NON contra a violencia de xénero para o colectivo arbitral; así como un orzamento para os deportistas olímpicos que acudan a Tokio 2020. O triatleta, Javier Gómez Noya, o piragüista Cristian Toro, a nadadora María Vilas, a judoka María Bernabeu e os regatistas Tamara Echegoyen e Nicolás Rodríguez son algúns dos nomes de deportistas que participan no desenvolvemento desta iniciativa. Recentemente firmaron o patrocinio Ana Peleteiro, Adrián Ben, Susana Rodríguez Gacio e Victoria Alonso. Estes deportistas galegos son algúns dos 25 clasificados ou en fase de clasificación para os Xogos de Tokio 2020, así como participantes nas edicións anteriores dos Xogos Olímpicos e Paralímpicos, que asinarán contratos de patrocinio nesta primeira fase. Acordos con distintas federacións, ademais de charlas son outras das apostas da Xunta para impulsar a igualdade no deporte. Os deportistas deben incorporar nos seus equi-
pamentos oficiais de competición e de adestramento os logotipos da campaña NON contra a violencia de xénero. Ademais, teñen que difundir a través das súas redes sociais polo menos unha publicación mensual relacionada coa loita pola tolerancia e contra a violencia de xénero. Para executar as accións neste ámbito, a Vicepresidencia da Xunta asinou un convenio coa Secretaría Xeral para o Deporte para levar a cabo distintas campañas de sensibilización no ámbito deportivo, de especial importancia pola relevancia e influencia que ten na sociedade, especialmente entre as xeracións máis novas. Todos estes deportistas son referentes e ídolos de moitos mozos aos que transmiten valores moi importantes para a sociedade como o traballo, o esforzo, a participación en equipo, o respecto aos demais ou a dedicación. Por iso, esta colaboración é fundamental co obxectivo de educar na igualdade e na loita contra a violencia machista. A Xunta de Galicia vén apostando nos últimos anos por impulsar a igualdade no ámbito deportivo. O Goberno conta xa con varias liñas de actuación nesta área como charlas en centros educativos coa Fundación Vero Boquete, ou a colaboración coa Federación de Fútbol para impulsar a igualdade no fútbol profesional e afeccionado. Ademais, tamén se chegaron a acordos coas federacións de balonmán e baloncesto.
Os deportistas Teresa Portela e Javier Gómez Noya colaboran coa campaña en contra da violencia de xénero.
10
Barrios 8 de novembro 2019
DEPORTES
Agónica vitoria do COB en Cáceres 4 Por 68 a 69, grazas a Balabán. Redacción Unha canastra no derradeiro segundo do pívot serbio Balabán traerá unha semana de tranquilidade no entorno cobista. Esta vitoria en estremadura “era moi importante”, en verbas do seu adestrador, García de Vitoria. O comezo do partido non presaxiaba o angustioso final. Os ourensáns impuxéronse no primeiro cuarto, 10 a 19, e no segundo, onde chegaron a ir gañando de 17, por 27 a 34. Tralo paso por vestiarios os locais saíron con máis enerxía e pouco a pouco foron recurtando distancias e mellorando as súas sensacións sobre a cancha. No remate do terceiro cuarto o COB aínda tiña unha certa ventaxa, 49 a 53. No último cuarto os locais lograron igualar e superar ao COB, 58 a 55. A falta de catro minutos o COB perde de catro, 66 a 62. Tras un ataque errado dos locais o pívot ser-
bio Balabán acerta unha entrada nos segundos finais para traer unha vitoria balsámica para Ourense. O mesmo Balabán foi o máximo anotador ourensán con 19 puntos, seguido de Edu Martínez con 15 e Ott con 11. Con esta vitoria, que rompe a racha de tres derrotas consecutivas, o equipo volve estar en postos de play off, noveno con catro vitorias e tres derrotas. O Valladolid continúa de líder con seis vitorias. A próxima fin de semana de Magostos, o sábado ás 19 horas no Paco Paz, o COB recibe ao Granada -do ex COB Watson-, que vén con tres vitorias e catro derrotas, tres consecutivas.
O seguinte partido do COB no Pazo será o sábado 9 de novembro ás 19 h. co Granada
Xogador do Ourense C.F. nun partido no Couto.
Ourense C.F., líder indiscutible 4 O Barco tamén marcha na parte alta e Arenteiro e UDO na baixa. M. Rejo Esta xornada da Terceira galega foi dispar para os equipos da nosa
Luces e sombras na Primeira división 4 O Envialia vai colíder e o Cidade, en descenso. Redacción
Óscar Alvarado entrando a canastra do Cáceres.
provincia. Os da parte alta da táboa gañaron, Ourense C.F. e Barco, e os dous da parte baixa perderon, UD Ourense e Arenteiro.
O Ourense Envialia demostrou que esta campaña vai en serio trala súa vitoria por 2 a 3 no difícil campo do Poio. Pese ao mal comezo e a intensidade das pontevedresas, o Envialia levouse o partido nos minutos finais. Grazas a un gol de Marta e o derradeiro de Sara Moreno trouxeron os tres puntos para Ourense. Con este resultado e as vitorias de Futsi e Burela, continúan os tres equipos empatados a 24 puntos no alto da táboa. Pero esta fin de
semana chega un partido estrela, entre o Envialia e o Burela no pavillón dos Remedios. Será o sábado ás 17 horas. O gañador continuará o seu pulso co Futsi. Pola contra, o Cidade das Burgas non foi quen de puntuar ante o Universidade de Alacante. 0 a 2 perderon as ourensás nun partido no que pagaron moi caro os poucos errores que cometeron. Así, continúan penúltimas con 3 puntos. Esta vindeira xornada visitan ao Murcia, que con 7 puntos está na loita por saír dos postos baixos da táboa.
O Ourense C.F. só sabe gañar últimamente. Móstrase con un líder sólido neste tercio de liga xa case disputado. Volveu gañar na casa ao Paiosaco, non sen dificultades pois non chegou o primeiro gol ata o minuto 73 e o segundo tanto tranquilizador no 83. Así, segue unha semana máis no alto da táboa con 28 puntos, a tres do segundo, o Compostela e a seis do terceiro o Barco. A vindeira semana, o sábado ás 20 horas, viaxan ao campo do Arosa, que vai quinto con 21 puntos. Se a sorpresa é o liderato do Ourense C.F., non o é menos o terceiro posto dos valdeorreses. Tras comezar perdendo co colista lograron empatar e no desconto acadaron os ansiados tres puntos que os colocan terceiros con 22 puntos. Ségueno de cerca o Fabril, o Arosa e o Choco, polo que cada vitoria é vital para eles. Terano que demostrar o próximo domingo ao mediodía no campo do Silva.
O Arenteiro perdeu na casa co Arzúa por 0 a 2. Pese ao tempraneiro gol dos visitantes, os do Carballiño non pudieron empatar e no desconto rematou toda esperanza de acadar algún punto. Con 12 puntos van no posto 13 da clasificación, a dous do descenso. Esta fin de semana teñen partido contra un rival directo por saír da parte baixa da táboa. Viaxan á casa do Pontellas, tamén con 12 puntos. A UD Ourense tíñao complicado na súa visita ao Deportivo Fabril e así quedou demostrado. 3 a 1 para o filial do Depor nun partido que só puido maquillar Arce cun penalti no minuto 82. Así, os unionistas marcan a salvación con 11 puntos, un máis co Polvorín con 10 que está en descenso. Se non queren ter máis sustos, este domingo ás 16.30 no Couto deben gañar ao Rápido de Bouzas, que vai penúltimo con 9 puntos polo que unha vitoria visitante suporía que pasaría aos da UD na clasificación.
Sala Ourense O Sala Ourense volveu sorrir cun triunfo ante o Boal por 7 a 1. O conxunto asturiano, que veu moi minguado á capital ourensá, expuxo batalla até o 2-1 no minuto 16. Ao descanso xa había un claro 4-1 para os ourensáns. A segunda parte non tivo historia, o Sala Ourense foi moi superior. Este triunfo deixa aos ourensáns nunha posición
tranquila con 12 puntos. A próxima saída será de novo a terras castelás,ante o C.D.Unión Arroio (Valladolid), un conxunto recentemente ascendido pero que está neste inicio adaptándose moi ben á competición. O seu balance é parello ao do Sala Ourense, 11 puntos con 3 vitorias,2 empates e 3 derrotas, todas elas lonxe de casa onde continúa invicto.
O Sala Ourense atacando a portaría do Boal./C.D.
DEPORTES
Barrios 8 de novembro 2019 EN BREVE
Saúl López vence por partida dobre
4 Sincro A Real Federación Española de Natación invitou ás nadadoras do Sincro Ourense Iria Fernández e Estela L. Ojea a participar no Campus Ranking 30 alevín. Devandito campus terá lugar en Madrid no mes de decembro..
4 En Esmelle e Culleredo. Redacción Continúan as boas novas dos ciclistas do Club Ciclista Maceda nas distintas competicións ás que acuden. A última foi en Esmelle (O Ferrol) onde Saúl López logrou a vitoria na Copa de Galicia nunha carreira que vencía con autoridade. Un día antes, en Culleredo, tamén se facía co triunfo, nun terreo moi embarrado. Era a primeira carreira da tempada na que participaba. Para Sarela Conde tamén era unha fin de semana redonda. Tanto en Culleredo coma en Esmelle, a ourensán remataba na segunda posición. Outro podio ourensanista foi en Culleredo a cargo de Aida González, quen facía un segundo posto en júnior. Burgos Semanas antes despra-
zabase ata Villarcayo (Burgos) unha expedión do CC Maceda. En júniors, Brais Martínez era 17º e Martín González, 25º despois de sofrir un pinchazo. Na mesma categoría pero en mulleres, Noela Saa remataba novena e Aida González, 12ª. Pola súa banda, Sarela Conde ocupa a 10ª posición. Ese mesmo día, en Berna (Suiza), Iván Feijoo lograba unha meritoria 18ª posición. O día anterior tamén en Burgos, pero na localidade de Medina de Pomar, Noela Saa arrancaba a tempada do Maceda cunha terceira posición en júnior. Xunto a ela, Aida González era quinta. En júnior homes Martín González e Brais González eran noveno e décimo, respectivamente. Sarela Conde ocupa a décima posición entre as cadetes.
Saúl López en pleno esforzo nunha das probas.
11
4 CN Pabellón
Saída do I Parriora Trail da Merca. /RAMSÉS.
Éxito do I Parroira trail da Merca
José Javier Gómez) que chegaron a tan só nove segundos da parella gañadora.
4 Ofreceu dúas distancias aos participantes, que competían por parellas.
Trail longo No trail longo, de 28 quilómetros, Montiel (equipo formado por Emilio Montilla e Elpidio Gómez) foi o claro vencedor na categoría masculina. No tocante a feminina, Kórpore Arenteiro feminino (formado por Dora Riviero e Chus Alejandre) alzouse coa vitoria. A parella mixta máis rápida foi a Os Nutella, integrada por María Carmen Arias e Felisindo Corbillón.
Redacción O I Parroira trail da Merca tivo gran acollida entre os participantes. A oferta de realizar unha carreira de montaña por parellas fixo que se lograra unha gran participación nesta primeira edición. Ademais, o feito de ter dúas distancias o facía máis atraínte para que ninguén se botara atrás á hora de participar. Trail curto No trail curto, sobre unha distancia de 15 quilómetros o equipo Lovetrail formado por José Antonio Losada e Salvador Binimelis foi o primeiro en chegar á liña de
meta. En categoría feminina, Ronuri (formado por Nuria Rodríguez e Rocío Cid) foron as primeiras. Mentres que na categoría mixta, Ana Isabel Soutullo e Pablo Feijoo chegaron a meta en primeira posición, nunha dura pugna co Sonja Trail (Sonia Teijeiro e
Unha parella mixta afrontado o final do trail. /RAMSÉS.
O Club Natación Pabellón Ourense debutou na Liga galega de clubs, División de Honra, facéndose coa primeira praza na primeira xornada de competición disputada en Ourense. Na segunda posición rematou o CN Galaico, e terceiro foi o Club del Mar San Amaro.
4 Club Asesou O club Asesou de Ourense estivo presente no Campionato de Galicia celebrado en Lugo. O conxunto ourensán logrou varios podios entre os que están a segunda praza de Pilu Vázquez, e Lucía Sousa, terceira, categoría feminina. En categoría masculina, Alberto Rodríguez foi segundo e Miguel Feijoó, terceiro.
4 10k Monterrei Jaime Noguerol e Luz María Domínguez lograron a vitoria no 10K, a carreira popular de Monterrei. Este ano tamén se dipustou unha proba de 5 quilómetros na que Saturnino González e Sindy Manso fixéronse coa vitoria. Ademais, houbo clasificación por parellas (masculina, feminina e mixta).
12
Barrios 8 de novembro 2019
EN BREVE
4Incisex Allariz renova o convenio con Incisex e organiza o II Curso de monitoresde Educación Sexual que ten lugar este mes (información en fogardosmaiores@allariz.com). Tamén se leva a cabo o asesoramento técnico e formación para persoal político e técnico, profesionais de servizos sociais, familias e en particular as mulleres que participan no programa Doulas Sororas.
4 Feira Outono A Feira de Outono celébrase este ano o 16 e 17 de novembro, e como é tradiconal contará con postos de venda de produtos da zona, degustacións, actividades infantís, etc.
4 Turismo Allariz recibiu na tempada de verán un total de 30708 visitantes, un 19,69% máis que no ano anterior.
4 Exposición A exposición «Auga. O sangue da terra», de Manuel Valcárcel, pódese visitar na Casa de Cultura, con entrada de balde.
ALLARIZ E COMARCA
Animais como terapia 4 A asociación Andrea ofrece programas terapéuticos con burros. Redacción A asociación Andrea, de Allariz, xunto coa Deputación de Ourense deron a posibilidade a asociacións da nosa provincia de participar no programa de Estimulación Multifuncional Asistido con Animais, creado para persoas en desvantaxe física, psíquica e/ou social. Varias asociacións participaron -deu comezou hai nove meses e rematou no mes de novembro- nestas actividades terapéuticas na que o burro foi o protagonista e que foron deseñadas polo equipo multidisciplinar de Andrea. O obxectivo marcado era o de apoiar o desenvolvemento físico, emocional, cognitivo, comunicativo e social dos participantes.
Beneficios Desde os participantes máis novos, adolescentes, até os máis anciáns, todos eles gozan da compañía destes entrañables animais mentres melloran as súas capacidades a todos os niveis, desde o aspecto físico, e psicolóxico, ao comunicativo e social. A forte motivación que ins-
piran os burros para o contacto e a interacción con eles, permite traballar a un nivel profundo cos usuarios. O vínculo emocional que se crea ao interactuar cun ser vivo, supón unha forte estimulación a nivel cerebral que se aproveita para mellorar, aumentar, potenciar ou restablecer diversas funcións cerebrais, como atención, memoria ou aprendizaxe. A clave está no traballo conxunto do “equipo humano” e o “equipo animal”. Os Programas de Estimulación Multifuncional levan impartindo desde a Asociación Andrea desde hai case 15 anos.
Allariz limpo Redacción O Concello de Allariz lanza unha campaña de limpeza baixo o lema “Un Allariz máis limpo é cousa de tod@s”. O obxectivo é concienciar á cidadanía, tanto veciñanza como visitantes, da importancia da súa colaboración no mantemento e coidado do noso entorno. O fin é baleirar as rúas de cabichas, bolsas de plásticos, excrementos de mascotas e outros residuos con obxectivo de “manter a vila limpa coa colaboración de todos”, segundo apuntaba o concelleiro de medio ambiente Bernardo Varela. Con motivo desta cam-
Educación viaria Redacción
A terapia con burros remataron no mes de outubro.
Os escolares do CEIP Padre Feijoo, en Allariz, xa forman parte da campaña da Xunta ‘O corazón está do teu lado’, que ten como obxectivo fomentar hábitos responsables nas estradas entre os máis novos. A campaña busca, en
paña colocáronse carteis nos expositores da vila que serán difundidos, ademais, a través das redes sociais do concello. Preténdese a máxima “participación cidadá en materia de coidado e limpeza do espazo público” segundo sinalaba a concelleira de Promoción económica, María López.
Os concelleiros de Promoción Económica e Medio Ambiente e a alcaldesa xunto a un cartel da campaña.
definitiva, que os máis novos se preocupen pola súa propia seguridade viaria e contribúan, deste xeito, tamén á seguridade dos demais. O programa, incluído dentro do Plan de Seguridade Viaria 2016-2020, busca explicar e ensinar aos máis cativos a marxe da estrada pola que deben camiñar, sempre pola esquerda, polo lado do corazón.
CELANOVA E COMARCA
Barrios 8 de novembro 2019 EN BREVE
A micoloxía de Celanova no Brasil
4 BNG
4 Alejandro Mínguez deu unha charla sobre cogomelos no país latinoamericano. Redacción A experiencia micolóxica de Celanova, concretamente o cultivo de cogomelos, centrou a conferencia de Alejandro Mínguez González na Universidade Federal de Santa Catarina en Florianópolis (Brasil) o pasado 5 de novembro. Mínguez González, con máis de 150 charlas de divulgación científica sobre cogomelos impartidas, participou cunha ponencia para alumnos
de micoloxía aplicada dentro do departamento de botánica pero aberta ao público xeral, para explicar o proceso de cultivo de Pleurotus Ostreatus e Agaricus Bisporus que se desenvolveu hai uns anos en Celanova. A vila de San Rosendo acolleu da man da familia Mínguez: Ricardo, Alejandro e Borja, unha importante actividade micolóxica pola celebración durante trinta anos das Xornadas Micolóxicas.
Ángeles Vázquez e Antonio Puga firmando o convenio. /RAMSÉS.
O albergue prepárase para o Xacobeo 2021 4 Medio Ambiente finanza a obra que se realizara no mesmo. Redacción
Mínguez impartindo a charla.
Exposición sobre Antonio Fraguas Redacción A Casa dos Poetas, en Celanova, acolle ata o 15 de novembro a mostra “Antonio Fraguas, memo-
ria dun soño”. A exposición consta dun cuadríptico explicativo e de 12 paneis e se fai un percorrido pola vida de Fraguas e as achegas que, en diferentes momentos dela, fai á cultura galega.
13
A Consellería de Medio Ambiente, Territorio e Vivenda da Xunta de Galicia financia con máis de 250.000 euros a rehabilitación e renovación do albergue municipal de Celanova. A conselleira, Ángeles Vázquez, e o alcalde, Antonio Puga, asinaron un convenio de colaboración que lle dará acceso a este municipio ourensán ao Fondo de Cooperación posto en marcha polo Instituto Galego da Vivenda e Solo (IGVS) para apoiar
a concellos de menos de 50.000 habitantes en actuacións de rehabilitación e conservación do patrimonio construído. Con este acordo, o Concello celanovés poderá devolver en cinco prazos (desde hoxe e ata finais de 2024) toda a contía, a unha media de 50.464,22 euros cada unha e sen pagar ningún xuro. Xacobeo Desde o Concello queren aproveitar o próximo ano santo (Xacobe 2021), e para elo pretenden darlle un cambio de imaxe ao albergue (ventás, tei-
to, aforro enerxético). A vila de San Rosendo buscará darlle pulo ao seu Camiño e para elo esta obra. Con ela ofrecerase ao peregrino “un sitio digno onde pasar unha noite”, explicaba o alcalde, Antonio Puga.
O Concello deberá devolver os cartos en cinco prazos anuais, a razón de algo máis de 50.000 euros e sen xuros
O BNG esixe a restitución do servizo de radiodiagnóstico -leva tres meses parado- no centro de saúde de Celanova, derivando aos pacientes a Ourense. Ademais, os nacionalistas advirten que está a afectar a outros 14 concellos da zona. Nestes días estanse recabando firmas solicitando a solución do problema.
4 Coworking O Espazo Coworking de Celanova abre o prazo de inscrición ata o 30 de novembro. Os emprendedores recibirán neste curso formación e asesoramento como axuda para a creación das súas propias iniciativas.
4Estrada A Consellería de Infraestruturas fixo un cambio de titularidade a prol do Concello de Celanova das travesías da capitalidade do municipio das estradas OU-531 e OU-540. En concreto, o Concello de Celanova manifestou á Consellería de Infraestruturas e Mobilidade o seu interese pola transferencia da totalidade da estrada OU-162 -un treito antigo da estrada autonómica OU-540, con 250 m de lonxitude-, así como dun tramo antigo da estrada OU-531 e das travesías das estradas OU-531 e OU-540.
14
Barrios 8 de novembro 2019
4AXENDA Exposicións - Do 24 de outubro ao 24 de novembro - Transitar a ruina, de Neves Seara - Centro Cultural Marcos Valcárcel - Do 7 de novembro ao 8 de decembro - Exposición: De mar a mar. O Camiño de Santiago en 3D. Vía da Prata - Centro Cultural Marcos Valcárcel Teatro - 7 de novembro - Teatro: O meu mundo non é deste reino - 20.30 h - Auditorio de Ourense - 10 de novembro - Teatro: Os romeiros do caracol - 12 horas - Auditorio municipal Ourense Festas - Do 8 ao 11 de novembro - Ourense - celebración do Magosto Concertos - 9 de novembro - concerto: Michael Legend, tributo a Michael Jackson - 21 horas - Auditorio municipal Ourense - 10 de novembro concerto: Hijo de la luna Tributo a Mecano - 20:30 horas - Auditorio municipal Ourense Deportes - 9 de novembro - fútbol sala: Ourense Envialia vs Burela - 17 h - Os Remedios - 9 de novembro - LEB Ouro: COB vs Covirán Granada - 19 h - Paco Paz - 17 de novembro Ourense - a partir das 11 horas - 43ª Carreira popular pedestre do San Martiño Outros - Do 7 ao 17 de novembro - 12º Concurso Sabores de Ourense - Pinchos de Outono - centros hostaleiros de Ourense - Do 8 ao 10 de novembro - 4ª Feira Internaciona de antigüidades (Antiq Auria) - Expourense - 14 e 15 de novembro - I Congreso Ibérico de Turismo Deportivo - Expourense - 15 e 16 de novembro - III Salón do Deporte e Turismo Activo - Expourense www.periodicobarrios.com
OCIO E CULTURA
Sabores de Outono Redacción A edición número 12 do concurso Sabores de Ourense – Pinchos de Outono desenvolverase do 7 ao 17 de novembro e estará enmarcada na celebración do Magosto. Como en cada edición potenciaranse os cogomelos e castañas, mate-
rias primas frescas desta tempada. Nesta edición participarán 53 establecementos -2 máis que en 2018 e 7 máis que en 2017-, dos que 12 fano por primeira vez. A maioría están concentrados na zona dos Viños e no Ensanche, aínda que o barrio da Ponte aparece como alternativa para unha escapada culinaria con catro locais do outro lado do Miño. O importe máximo dos pinchos será
Xornadas castrexas na Casa do Patrón de Lalín 4 O 16 e 17 de novembro. Redacción Os vindeiros 16 e 17 de novembro, o Museo Casa do Patrón acollerá as primeiras Xornadas Castrexas. Nas que investigadores de Galicia, Asturias e Portugal presentarán os seus traballos e reflexións acerca da Idade do Ferro do Noroeste. Falarase do mundo dos castros desde distintos puntos de vista: a academia, a arqueoloxía profesional, o ensino e a administración, ademáis de poñernos ao día dos últimos traballos arqueolóxicos que se están a facer neste momento. O sábado día 16, presentarase o libro “O Castro de Doade, unha fortificación da Idade do Ferro no corazón do Deza”, coordinado pola directora das últimas intervencións arqueo-
loxicas no castro Vanesa Trevín e no que colaboran distintos profesionais para falar do Castro de Doade dende diferentes perspectivas. Dentro das xornadas farase tamén a presentación da exposición: Galaicos, un pobo entre dous mun-
2,50 euros. Premios O pincho gañador do premio do xurado será o representante de Ourense no concurso autonómico De Tapas por Galicia. Os premios oficiais do concurso son os tres outorgados polo xurado profesional, tres concedidos polo público e o Premio Pincho Celíaco (14 pinchos participan neste apartado). O publico participante optarán a dos, da Deputación de Pontevedra, que ven do Museo Arqueolóxico Nacional e se encontra exposto no Museo Provincial. Ábrese o período de inscripción para todas aquelas persoas que desexen asistir, sexan ou non do mundo da arqueoloxía e coñecer máis de perto o mundo dos castros e reflexionar e debatir sobre él. Para inscribirse basta con enviar un mail a xornadasdoade@gmail. com. As solicitudes serán aceptadas ata completar o aforo.
agasallos que se sortearán. Tamén haberá un premio especial do Ribeiro, para
os consumidores que mariden o seu pincho cun viño do Ribeiro.
Hugo Reyes preparando un pincho que se poderá degusta no 12º Sabores de Outono. /RAMSÉS.
4ARQUIVO VISUAL OURENSÁN
Os tellados Portan o encanto do imperceptible. Posúen a estraña atracción do vulgar. Parecen ter sido troquelados con urxencia, sen agarimo. De xeito compulsivo, mecánico e violento. Son os tellados. Ocre, ambar, cobre. Améndoa, melón, salmón e mandarina. Outras veces visten a cor da terra ou o “pantone Orense” do Alpinche de Reverter e Colemán. No barrio das
Lagoas retumban os ecos do que fomos. A rúa telleira lémbranos un pasado de arxila, fornos e oleiros. A materia prima obtíñase naquel terreo inzado de fochancas tan próximo ao Miño; as mans do artesán facían o resto. Miro de lonxe e creo distinguir unha cuberta invadida polo plástico. Xa están aquí. Agardo que non veñan para quedar. Fernando Valcárcel
Cartel das xornadas na Casa do Patrón de Lalín. Tellados na contorna do Posío. Anos 40.
4HUMOR
OCIO E CULTURA / CLASIFICADOS
Barrios 8 de novembro 2019
15
BARRIOS. Edita: Letras a la Carta S.L. CIF: B-32.323.925. Depósito Legal: OU 142-2014. Redacción: r/ Bedoya,7, 1º Of. 6 - 32004 Ourense. Tel: 988 045 352. Correo-e: info@periodicobarrios.com. Distribúe: Mundopublicolor. Imprime: Publicaciones Tameiga. Director: Ramsés Torres. Director comercial: Miguel Rejo. Redacción: Miguel Rejo, Ramsés Torres. Fotografía: Ramsés Torres, Miguel Rejo. Colaboracións: Joao Damiao, Miguel A. Prieto Sotelo, Fernando Valcárcel, Jorge E. Bóveda, C. Domarco, Avelino Jácome. Yedra Seara Nº112 - Ano: XII - 8 de novembro de 2019 - Difusión: 7.000 exemplares Este periódico non pode ser reproducido nin total nin parcialmente, sen autorización previa da empresa editora Letras a la Carta S.L. Impreso en papel 100% reciclado. Se ten algún problema co reparto, pregámoslle que nolo comunique no teléfono 988 04 53 52 / 685 969 546.
4ANUNCIOS CLASIFICADOS
4TRIBUNA ABERTA
[Deixe o seu anuncio no 988 045 352 ou en info@periodicobarrios.com. Gratuítos para particulares]
Mortos de risa Amplo aparcadoiro, para que senten ben cómodos, moi confortábel todo, luces na entrada parpadeando, mostrando a sala, onde atoparán, señores, o seu morto ben morto, na dezaseis da planta baixa está instalado, pasen e vexan o gran espectáculo! A morte disimulada para que non se asusten as guapas visitas. Hixiénico todo, o chan moi limpo –que o friame impoluto permaneza fresquiño–, aromas de flores, ramos de todas as cores e coroas caras de arcoiris brillante, ofrendas traídas para cumprir co ritual, mostrando no xesto unha dor profunda e un grande amor, pagando as flores que antes recibiramos no morto propio. En filas aliñadas as persoas ordeadas segundo a escala xenealóxica da árbore dos deudos: os fillos, a nai, irmáns e outros; abrazos e bicos, choramos un pouco, as máis achegadas quedan un bo intre, as menos, afástanse cun suspiro, amodo, sen ruído, buscando a porta paseniño, deixando libre a platea para outros actores secundarios... Convén atender ao grupo do fondo, sentan moi preto do cristal grande, que separa o arca do público da primeira fila, os mellores sentadoiros; detrás, todo ben disposto, o morto, convidado de pedra non se queixa nada, lene, acochadiño no seu niño de níveas formas. Nesta a súa última escena permanecerá calado, calado e atento decátase mellor das cousas que nunca chegou a supoñer, algúns que cría que o odiaban moito en vida, son agora os que máis senten a marcha fatal. Morrerse ten a súa graza, pensa, se non fóra
polo serias que se ven as facianas, ben que quedaría unha risa tola ou unha gargallada, por non facer escándalo ri á calada, por non molestar, no anonimato da caixa tapada. Os velorios de antes, eses si que tiñan graza, ademais de teatro, charlas literarias, loas ao finado e elexías varias, servíanse os doces con viño tostado, licor café con galletas… para animar o cotarro. O morto no centro, no medio do salón –de toda a casa sempre o mellor–, coas candeas amarelas e candelabros de prata ao redor da tarima de cerdeira, de castiñeiro ou de nogueira para aqueles de nivel maior, a rostro descuberto, sen tapar a cara –o único que non leva máscara nesta función–, os outros actores, esíxeo o guión, deben enfundarse a cada cal mellor. O defunto, próximo pegado ás cadeiras, mentres con gracia murmuran as vellas os rosarios e ladaíñas, escoita con ansia as charlas de mortos que contan os homes en tal ocasión. Adiviñas ao velo a súa nobre intención de degustar unha copiña daquel garrafón, que esconde nas súas tripas un viño dulzón, que gardara para esta celebración. O pano, aguantando todo o maxilar, evita que mostre a súa voracidade abrindo a boca en xesto procaz, sería de mal gusto tal proceder pois alguén podería mal interpretar que o pobre se aburre no seu funeral. Cando á noite alóngase e o frío éntra sixiloso polo corredor, a viúva prepara de leña e carbón un braseiro grande, infindo diría eu, que cobre de fume toda a habitación, néboa de “atrezzo” para dar impresión. Que non decaia a
festa, poñamos emoción, que vexan os veciños cal finado é o mellor! Que limpos, que arregladiños os defuntos de antes, co traxe da voda enterrábase ao señor, porque a fame soportada evitaba o grosor, e cabía no negro traxe, que a súa muller gardou no armario de cerdeira vermella, que a sogra lle regalou, milagre de conservarse coas bolas de alcanfor. Os zapatos ben limpos e cepillados mellor, aínda que furados nas solas –non se nota non–, escóndeo a seda do abrandado caixón. Levaban mil domingos, mil días de procesión, pero ben limpos aguantan e parecen estreados para esta función. Nestas obras de antes, ou máis modernas de hoxe en día, ser o protagonista non é o lugar mais bo; mellor pasar desapercibido, secundario naquel momento, colocarse onde non faga frío ou poñan calefacción, que o de alimentar a pena con viño, doces, licor de herbas ou “Chinchón” xa non se leva agora, perdeuse a tradición. Pero se vos toca de actuar comigo na miña derradeira representación tratádeme aos invitados con moita consideración, pensade que algún día eles tamén se gañaran un lugar no seu caixón. E morrervos da risa, pensade que, aínda que non me oiades, morto de risa ei andar eu. Avelino Jácome
“Que limpos, que arregladiños os defuntos de antes, co traxe da voda”
INMOBILIARIA Alugo sala para actividades culturais, con posibilidade de cociña, baño e outros sertvizos. Tlf.: 988 247 113. Busco casa en alquiler na periferia de Ourense. Opción a compra ou dunha permuta dun piso situado na Valenzá. Tlf.: 600 826 029. Vendo casa pola estrada de Santiago, con finca. Para restaurar. Tel.: 988 247 824. Alugo oficina na rúa Progreso. Exterior. Prezo económico Tel.: 988 247 824. Alugo apartamento en Sanxenxo a 5 minutos da praia. Piscina comunitaria Tel.: 650 64 15 19. Vendo casa na zona de Rante (a 8 km de Ourense) preto da autovía. 3 dormitorios, terreo, pozo de auga e garaxe. Prezo 49.800€. Tlf: 606 422 543 Vendo finca edificable. Zona Rante. Moi económica (11.900€). Tlf: 606 422 543 Alugo casa de campo a 5km de Allariz. Todos os servizos. Tlf: 657 945 665. Alugo casa de campo a 5km de Allariz. Todos os servizos. Tlf: 657 945 665. Véndese o alúgase un piso na estrada de Vigo. Preto do Lidl. Amoblados. Bo prezo. Tel.: 988 234 342. Alugo almacén pequeno en soto de garaxes. Para almacén, adega, trasteiro ou garaxe de moto. Rúa Francisco de Moure. Tel. 636 32 95 24. Alúgase apartamento en Montalvo con dúas habitacións, cociña, salón, baño, barbacoa, aparcadoiro, xardín; fronte á
praia. Tel: 607 271 916 Véndese apartamento de 2 habitacións, cociña americana, baño, trasteiro e garaxe. Recén reformado. A 5 min. de praia América. Bo prezo. Tel. 620 66 07 62. Alugo praza de garaxe na zona universitaria. Prezo 55 euros. Tlf.: 636 329 524. Alugo oficina económica de 15 metros cadrados, amoblada, con baños comunitarios por 100 euros máis 7 de comunidade. C.E:C. Tel.: 627 203 131
Busco mozo como asistente persoal con certificado de atención a persoas en situación de dependencia ou con auxiliar de enfermería. Boas condicións laboraia Tel.: 679 699 508. Ofrécese señora por horas para tarefas do fogar, coidado de nenos. Atende persoas maiores; tamén de noite en hospital ou domicilio. Telf.: 620 052 173. Coido ou acompaño a maiores enfermos polas noites. Económico. Tel.: 616 361 548.
TRABALLO
VENDAS
Ofrécese señora para tarefas do fogar e coidado de persoas maiores en Ourense. Tel.: 698 34 98 19 Danse clases de francés a domicilio. Todos os niveis. Titulación en España e Francia. Tlf.: 625 745 611 Imparto clases particulares de Matemáticas a domicilio en Ourense capital. Todos os niveis. Tamen materias curriculares de ESO e Bacharelato. As clases son individuais e personalizadas. Interesados enviar mensaxe vía WhatsApp ao 610 38 25 89. Ofrécese xerocultora para axuda a domicilio en Xinzo. Tamén para limpeza de casas e negocios por horas e adaptados ao seu horario. Tel: 686 005 358. Fanse desbroces en tractor e a man. Tlf.: 63 521 448 Ófrecese señora seria e responsable para tarefas do fogar e coidado de nenos e maiores. Con informes. Preferencia zona Ponte. Tlf: 685 374 191. Busco traballo en desbroces con tractor ou condutor de camión e carretillas. Ampla experiencia. Tel: 637 282 405.
Vendo sulfatadora de 100l con 40m de mangueira e pistola. Nova. Tel.: 616 72 63 31 Vendo máquina de facer exercicio. Seminova, bo prezo. Tel: 674 317 302. Compro moble de cociña completo. Tel: 988 247 824. Vendo escritorio. Como novo, bo prezo. Tel: 988 247 824. Véndense polos e pavos caseiros (zona Allariz). Tel. 674 317 302. Vendo estufa de frío e calor. Tel: 988 247 824. Vendo remolque tenda comanche compact ano 2012. Como nova. 2.500€. Tel: 620 43 20 60 Vendo porta de cristal e aluminio. Tel: 988 247 824. Vendo hormigonera de 280 litros e maquinillo / grúa (a gasolina). Tel.: 988 23 47 91 Vendo maquina de coser industrial (dobre arrastre). Tel.: 630 587 527 Vendo e cambio calendarios de bolsillo para coleccionar; así como barallas de cartas. Tel e whatsapp: 630 67 21 05.
VARIOS Acepto canarios. Tel: 988 247 824.
Barrios 8 de novembro 2019
