A casa encantada Meus amigos e máis eu íamos pola rúa en Halloween. De camiño encontramos unha casa, pero non era unha casa calquera, era unha casa encantada. Entón decidimos entrar, dábanos bastante medo pero todos eramos moi atrevidos. Unha vez entramos na casa escoitábanse ruídos raros, había manchas de sangue, ehhhh... De súpeto cruzamos para outra habitación, era o cuarto de baño; nel había unhas zapatillas de pallaso na ducha coa cortina cerrada, meu mellor amigo Mario, que é un atrevido, abriu a cortina e non había ninguén so eran as zapatillas de pallaso. Entramos nunha habitación que so tiña un moble, abrímolo todos á vez e había unhas cabezas cheas de sangue que daban moitísimo asco, íamos marchar porque nos daba moito medo e cruzando un cuarto encontramos un esqueleto con velas e sangue ao redor. Tamén nos encontramos a cociña coa neveira e o conxelador aberto que tiña como un corazón ou algo, e chegamos a porta de saída e alí estaban meus pais que eran os que tramaron todo iso. Iso si, pasámolo xenial. Estela 5º A
A CASA ENCANTADA Un día un neno novo chegou a un colexio, chamábase Cingu, ninguén sabia nada del. Cando Cingu levaba un mes no colexio invitou a dous amigos a súa casa, Dani e Manu. Cando ían paseando viron unha casa moi antiga, foron petar e a porta abriuse soa; eles con moito medo entraron. Por dentro parecía unha casa enorme pero non se diferenciaba a cociña do salón e as habitacións. Cando entraron o que parecía a cociña estaba chea de po, cando abriron a neveira había moita carne como se a cortaran facía pouco. Seguiron cara adiante e encontraron un soto, entraron e viron un montón de trastes vellos, todo daba medo, non quixeron tocar nada por se acaso. Había unhas escaleiras máis abaixo e baixaron, había un montón de bonecas, todas daban medo. De súpeto unha moveuse e Manu e Dani saíron correndo moi rápido polas escaleiras gritando e correndo. Manu caeuse e Dani rapidamente axudoulle e os dous saíron correndo e cando saíron, viron que Cingu estaba na casa do lado e déronse conta de que se confundiran de casa, e non falaron máis sobre esa casa terrorífica e ninguén soubo nada máis diso.
Sergio 5º A
A HAMBURGUESA Nun bar dunha galaxia moi, moi, moi, moi, moi rara, un señor estaba no bar tomando unha hamburguesa é sen querer caéuselle dentro duns residuos tóxicos. Desde entón, a hamburguesa foi por onde lle deu a gana e ademais andaba con dúas catanas, matou a todas as persoas que comían hamburguesas. Moi pronto, chamaron á policía, decidiron que por unha vez tiñan que pedirlle axuda aos seus maiores inimigos, os viláns. Os viláns negáronse a axudarlles, pero un vilán aceptou: a monstruosa pantasma da ópera. A pantasma da ópera foi ver a hamburguesa e esta díxolle á pantasma que se non lle deixaba en paz mataría a súa familia (que aínda estaba viva) e pintaría a súa habitación co sangue da súa familia. A pantasma non sabía que facer, pero de súpeto apareceu o home lobo. Como a hamburguesa levaba dobre de carne comela foi para el moi fácil, e desde ese punto toda a cidade volveu a estar a salvo da hamburguesa. Diego 5º A
FIN
A NOITE DE SAMAÍN MÁIS ATERRADORA DO MUNDO Era un día calquera no colexio Xosé Neira Vilas, máis ben non era un día calquera, era o día de Samaín e para dar moito medo os profesores contáronnos a historia máis aterradora que se poida contar. Resulta que quen fixo o colexio fora un bruxo malvado que tiña contacto cos mundos terroríficos que odiaban aos humanos e intentaban acabar con eles. Conta a lenda que a noite de Samaín de 2018, o 31 de outubro, abriríase un portal máxico que conectaría o mundo malvado co noso e este desaparecería. Cando os profesores acabaron de contar a historia todo o mundo quedouse un pouco asustado xa que esta lenda atopouse nun pergamiño da biblioteca hai moitos anos e daba a impresión de que, máis que lenda, era verdade. Despois fomos á biblioteca, pero había algo raro, todos os libros estaban revoltos mais a bibliotecaria non estaba. Preguntámoslle ao director e díxonos que o chamara por teléfono dicindo que non ía acudir ao seu posto de traballo. Todos estrañáronse moito pero deixárono pasar. Un neno dixo que fora un terremoto, outro que íase acabar o mundo mais outro dixo que tiña que ver cos alieníxenas e eu non podía nin abrir a boca de tanto estrondo. Rapidamente entroume un arrepío da historia que nos contaran, eu non cría nesas cousas pero como contáranma pois ... Unha noite despois comezaba a festa no colexio e oíase un tic tac, parecía un reloxo moi antigo. Algúns alumnos foron ver o que pasaba e viña dun lugar descoñecido ata que o encontraron; era no soto, e estaba o pergamiño da biblioteca!. Nese momento déronse conta que o tic tac indicaba que os seres malvados virían ao noso mundo. Chegaron pero os nenos rapidamente botáronlle aos seres malignos un frasco verde e... funcionou!. Volveron ao colexio e estaba a
policía e a prensa. Fixéronse famosos e prometeron que protexerían a todo o mundo. O director rompeu a conexión entre os dous mundos e todo o problema solucionouse .
Esta é a historia de Samaín máis terrorífica. Ainoa 5º A
A NOITE DO TERROR. Uns nenos adentrábanse no bosque dos vampiros. Os nenos non sabían que neste bosque vivían todas as especies de vampiros de todo o mundo. Os tres nenos estaban celebrando Samaín e por iso foron o bosque, tiñan moito medo e ían un detrás doutro tremendo, porque vían cousas moi estrañas como, animais voando e sombras de persoas. Un dos nenos, o mais medorento quería irse, pero os outros non. De súpeto sobrevoaron sobre eles dous vampiros, como os vampiros son moi rápidos os nenos non se decataban e pensaban que era algunha especie de paxaro, o neno que tiña medo quería irse rapidamente, así que se foron. O vampiro que os estaba espiando foi correndo a contarlle a todos os seus amigos, e a súa mellor amiga a vampiresa Elisabeth. Contoulles que polo bosque dos vampiros andaban tres nenos camiñando e adentrándose no seu territorio, polo que debían ir con coidado para que nos os atoparan. Os nenos deron volta e descubriron aos vampiros, pero para sorpresa de todos, Elisabeth fíxose amiga dos nenos, pero as cousas non eran tan fa sinxelas, os demais vampiros lle prohibiron ser amiga dos humanos e lle obrigaron a morderlle aos nenos.
Saray 5ºB
A TUMBA DA MORTA Era o día de Samaín, aproximadamente as once da noite e un avó e o seu neto ían ao cemiterio para botarlle flores a súa irmá que morrera nun accidente de tráfico o pasado mes de Agosto. Os seus pais estaban traballando de noite. Así que o seu avó e a súa avoa tiñan que coidar moitas veces do pequeno de catro anos. Tanto o neno como o avó tiñan moito medo, chegaron ao cemiterio para deixar as flores na tumba da nena, cando xa marchaban a nena saíu e foi a por eles para matalos. Eles escondéronse pero cando os encontrou intentou matalos, so conseguiu matar ao avó. Entón o neno correu escapando para casa cando chegou a nena ía tras el, o neno avisou a súa avoa pero xa era tarde.
Nico 5ºB
O NENO E AS CABAZAS Unha vez en Halloween puxeron cabazas por todo o monte que tiñan unha cousa en común, estaban vivas. Nunha casa ao lado do monte vivía un neno, unha señora e un señor. O neno quería facer unha cabaza, fíxoa, colocouna no seu dormitorio e púxose a durmir. Pero de súpeto alguén tiroulle das pernas. Do golpe que levou na cabeza quedou inconsciente e cando se deu conta estaba debaixo da cama. Cando recuperou a consciencia, saíu para ver se xa amencera, pero non, aínda non era de día. Foi abrir a porta para que entrara un pouco de aire e encontrouse cun exército de cabazas que o levaron moi lonxe da súa casa e xa non soubo volver. Pero ao lonxe viu unha casa e correu para acercarse o máis posible, picou na porta e alguén lle contestou desde o interior da casa, era unha bruxa! Era moi baixa, e tiña moitas verrugas ... O neno intentou escapar uns metros pero a bruxa atrapouno. Deu un grito tan grande que espertou do susto. David 5º A
DISNEY ENCANTADO Érase unha vez uns nenos e nenas que foron a Disney. Ao chegar foron a unha atracción que se chamaba a casa encantada, entraron e dentro polos camiños aparecía un señor que dicía: vouche cortar cunha motoserra. A motoserra era de verdade, a un neno cortoulle a perna jajajaja, despois foron a outra parte e o chan movíase. Unha nena caeu e torceu o nocello. Ao saír da casa encantada estaban fóra unha monxa, esqueletos, momias cheas de sangue, e todo Disney estaba encantado. A xente choraba, gritaba, rían e despois de 5 minutos os monstros, pantasmas... estaban arrincando a cabeza á xente e tamén bebíanse o sangue e todas as atraccións caíanse e explotaban. Ao final descubriron que Disney estaba encantado.
Carla 5º A
Hai algo Día un Isto o escribo por que hai algo aí abaixo, estou encerrada na miña habitación debaixo da cama creo que se apropiaron da miña casa, creo que mataron aos meus pais. Eu chámome Flor e teño nove anos, agora mesmo estou chorando, pero en baixo, para que o que sexa que estea aí abaixo, non me escoite. Día dous Hai ruídos abaixo, estou tremendo de medo teño que pedir axuda, por favor quero aos meus pais. Creo que estase comendo a comida do conxelador e durmindo na cama dos meus pais. Espero que se vaia pronto. Día tres So podo comer chocolates da miña habitación necesito outra cosa! Así que vou baixar, esa cousa está abaixo, durmindo, por iso vou aproveitar, teño que ter moita sorte. Ultimo día Se que ti non me podes oír pero acabo de gritar e creo que está subindo, esper... Non se volveu ver a Flor pero crese que o que había abaixo a descortizou e logo meteuna na cama de novo e se quedouse a vivir alí. Tamén crese que pásalle o mesmo a quen le esta historia. FIN Uxía 5º A
SANTA COMPAÑA Érase unha vez doce mortos que viaxaban polo bosque. Unha noite dúas nenas encontráronse a Santa Compaña, estas apareceron mortas e dende ese momento non se volveu a ver a Santa Compaña ....
Iván 5º B
UN DIA TENEBROSO Era un día normal espertei ás oito da mañá, levanteime, tomei o leite, púxenme a roupa, fun coller o bus, empezou a haber moitos movementos estraños no bus, sons raros, a xente empezaba a estar triste chea de medo, coa cara verde xa non podía máis, eu estaba máis nerviosa non, moi, moi, moi, nerviosa. Chegamos ao colexio non había ninguén tampouco os nenos do bus, de súpeto encontreime a Shaila, Nerea, Carla, Ainoa, Uxía, e Nuria eran espíritos que pasa... axudaaaaaaaa corrín, corrín, todo o que puiden ata que espertei. VAIA SUSTO menos mal que era un pesadelo.
Marta 5º A
O LADRÓN DE CABAZAS Unha vez 5 nenos fixeron unhas cabazas moi chulas pero nesa mesma noite roubáronllas e xuntáronse para recuperalas e atrapar ao ladrón, fixeron unha trampa e esa noite non apareceu. Puxeron máis cabazas e apareceu, pero durmíronse e escapou. Cando o atraparon viron que era un monstro con medo dos outros, por iso roubou as cabazas para espantalos e foron falar con eles...
continuará Iker 5º A
BEN E END Érase unha vez un neno chamado Ben que sobreviviu, el e unhas persoas mais a un Apocalipses zombi. Ben, a causa do Apocalipsis quedouse orfo, entre os escombros das rúas. Nesa situación coñeceu un zombi, chamado End, do que se fixo amigo. Un periodista quería aproveitar esta historia entre un zombi e un neno para o seu programa e separou a Ben e a End. Secuestraron a Ben, e End quería salvalo, tivo que someterse a unhas probas para salvar a Ben, cando End conseguiu salvar a Ben todos os espectadores pensaban que se ían a dar un abrazo pero o que pasou foi…que End se comeu a Ben.
FIN
*Microrrelato de medo de Halloween.* Érase unha vez uns nenos chamados: Mateo, Hugo e Daniela, estaban na súa casa e decidiron facer unha acampada, prepararon toda a comida, as bebidas e montaron a tenda de campaña. Metéronse dentro e esperaron a que se fixera de noite. En canto chegou a noite Mateo escoitou uns ruídos e despertou a Daniela e a Mateo; saíron fora a mirar e viron moitísimas tumbas... tiñan moito medo e de súpeto... viron saír un zombi, dunha tumba! Asustáronse moitísimo e decidiron chamar a súa nai (Mónica). A nai saíu fora, e cando mirou as tumbas e o zombi saír delas, desmaiouse, correron cara ela para ver se aínda respiraba. Chegaron a xunto da súa nai e non respiraba, chamaron a unha ambulancia e os señores da ambulancia resulta que eran zombis saíron correndo da ambulancia e foron a por eles correron para dentro da casa e cerraron todas as portas e as fiestras e foron os tres xuntos para unha habitación, encerráronse e estiveron hasta o día seguinte alí. A maña seguinte viron pola ventá e non había nada, saíron fora e observaron que na piscina había unha botella cunha mensaxe dentro, que dicía que a súa nai xa estaba ben e que a foran a buscar pola casa, encontrárona e viviron felices e comeron perdices. FIN.
Laura 5ºB
O pallaso maldito Houbo unha vez un pallaso que lle dixo a un neno que se quería xogar con el e o neno díxolle que si. Divertíronse moito pero... o neno non se deu conta que era un pallaso asasino e que o podía matar. O neno xirouse e o pallaso arrincoulle un brazo, e a xente escapou para que non lle fixese dano aos seus fillos. Ao neno como lle faltaba unha parte do corpo morreu e o pallaso tirouno desde unha catarata que había nunha selva. Os seus pais estiveron moi preocupados polo seu fillo, nas noticias avisaban que había un pallaso delincuente. Todo o mundo asustouse e encerrouse nas súas casas con chave. Pola noite os fillos durmían pero a xente non quedaba durmida, para que non entrara nas súas casas. O pallaso pasaba todas as noites pola rúa e miraba se alguén tiña a súa porta aberta. Ninguén tiña a porta aberta, e os veciños non saian para nada. Ata que un día alguén esqueceuse de cerrar a porta. O pallaso entrou nunha casa na que todos estaban durmindo, oíronse gritos e logo o silencio: matounos. A xente dicía que o pallaso estaba cerca das súas casas. Ata que un veciño farto do maldito pallaso enfrontouse a el. O pallaso viña todo armado. Polos pelos case mata ao veciño, a xente estaba preocupada por el, pero ninguén se atrevía a saír ata que venceu ao pallaso. Tiraron ao pallaso pola catarata onde tirara ao neno que matara. Despois de botalo á catarata recolleron ao pequeniño e o enterraron nun cemiterio onde había outros mortos que matara o pallaso maldito. E pasaron os anos pero ninguén esqueceuse do pallaso maldito. Espero que vos gustase!!!!!! Nerea 5º A
NON O LEAS No 1987, fai xa trinta e un anos, no Cep Xosé Neira Vilas sucedeu o impensable. Un grupo de seis nenos moi atrevidos coláronse pola noite no colexio, estaba todo moi escuro e so tiñan dúas velas para saber por onde andar. Foron ata o despacho do director onde encontraron un libro ao que saíalle de dentro un fume azul. O neno máis maior colleu o libro, abriuno pola primeira páxina, e poñía: se queres saír de aquí a salvo non leas isto. O resto de nenos, menos o máis pequeno, dixéronlle que seguira lendo, buscou e encontrou unha páxina cunha letra de cor vermella onde tamén poñía: se deste conxuro te queres librar, unha cruz deberás levar. Os nenos empezaron a rir ata que notaron un aire frío polo lombo e escoitaron un ruído moi éstrano que viña do departamento do orientador. Foron ata alí e atoparon unha manta branca que estaba enriba da mesa, destapárona e debaixo había unha nota onde puña “ volo advertín” apagouse a vela e saíron por debaixo da porta dúas mans que parecían as dunha deusa; colleron a tres nenos das pernas e desapareceron, os demais afastáronse da porta pero as dúas mans colleron a tres nenos máis que tamén desapareceron. Só quedaba o neno máis pequeno e recordou o da cruz, entón colleu o seu colar en forma de cruz que lle regalara a súa avoa e mostrouno ante as dúas mans, que desapareceron ao instante. Pero os seus amigos non apareceron, foi ata o despacho do director coa única vela que quedaba, colleu o libro e púxolle a cruz dentro, levouno ata a biblioteca, agachouno nun sitio moi pero que moi oculto e marchou correndo ata a súa casa, mentres choraba polos seus amigos, e nunca máis quixo volver a ese colexio. Dise que os nenos foron desterrados ao inframundo por invocar aos espíritos. FIN Nuria 5º A
‘
O CEMITERIO DO TERROR Había unha vez un grupo que estaba formado por: Carmen a organizadora de excursións, Dylan o perfeccionista, Katie a posturista e Justin o vagabundo. Carmen organizou unha excursión o cemiterio o 31 de outubro, o día de Halloween, cando ían camiño do cemiterio comezaron a escoitar ruídos... e xa empezaba a facerse de noite, sobre as tumbas había néboa, tiveron que saltar o valado para poder entrar no cemiterio... - Esperádeme que vou sacarme unha foto para o Instagram- dixo Katie. -Veña,dixo Carmen. Mentres,Dylan estaba observando se estaba todo perfectamente aliñado, pero non o estaba e Dylan comezou a chamar por Justin pero estaba durmido e non escoitaba nada, seguiron adiante. De repente Carmen afastarase bastante e xa non vía aos seus compañeiros, cando se deu conta quería volver cara atrás pero non podía había unha parede invisible e unha voz que lle dicía : Carmen tes que pasar unhas probas para volver a ver os teus amigos. A primeira era pasar unhas pedras que ao redor tiñan ácido e so con tocar ca punta do pé xa morrías, Carmen foi con moito coidado e a pasou, a segunda era enfrontarse a uns zombis que se te mordían morrías e tamén a pasou despois o fantasma deixouna saír e reencontrouse cos seus amigos pero ao saír volveron os zombis e tiveron que volver a matalos. O final saíron do cemiterio e volveron a casa .
O conserxe pantasma Fai moito, moito tempo, nun colexio, o conserxe ía limpar as ventás do piso de arriba; estas estaban abertas e o asomarse caeu, todos foron a ver que pasara e cando viron unha mancha de sangue no solo chamaron aos médicos mais cércanos, estes ditaminaron que estaba morto e o enterraron xusto onde caeu. Moitos anos despois fixeron o noso colexio enriba de onde enterraron o conserxe. O conserxe enfadouse tanto que agora a súa pantasma vaga polo colexio e se te mira : Depende de onde te mire convérteste nun zombi diferente, se te atravesa pode expulsar a túa alma durante unha hora e mentres intenta suicidarte. E por último se o conserxe pantasma non te consegue matar como lle pasou a el, lánzate maleficios. O conserxe pantasma e mais ou menos así : Feliz Samain
Clara 5ºB
O
palacio de sangue
Dorix era un neno pobre, non tiña casa, sempre levaba a mesma roupa tampouco tiña pais e lle encantaba investigar. Un día camiñando encontrouse cun palacio onde había espíritos malignos. Decidiu entrar porque, como lle encantaba investigar pois entrou rumbo a encontrarse algo interesante. O primeiro que se topou foi un corpo partido a metade que debía ser o dono do palacio, entón éste se levantou, e empezou a perseguir a Dorix. Dorix saíu correndo do palacio, pero pouco despois decidiu entrar outra vez sen que se decatasen foi arriba e encontrou a nenos mortos, sangrando, partidos pola metade, faltábanlle as pernas, mans, caras, nariz, boca e bueno mais cousas. Tamén había un can vivo e do que Dorix se fixo amigo, pero de súpeto sen esperalo, collérono por un lado, botárono ao solo, mordéronlle, por sorte o can distraio os seres malignos , Dorix saíu correndo cara a porta, pero estaba pechada con chave, foi pola porta de atrás pero tamén estaba pechada o acurralaron polas dúas partes, ocorréuselle dicir unhas palabras antes, adeus meu amigo Chámpi, que era o can, e o can chorou, pero iso non os librou da morte aos dous, e por iso se chama O palacio de sangue porque había moita sangue.
Carla 5ºB
O RIO ENCANTADO Esta historia pasou fai moitos anos nun lugar de Europa. O río dividía dous bosques. Dicía a xente do pobo que se cruzabas o río nunca volverías á túa casa, porque aínda que a súa auga era transparente e moi tranquila, se puñas un pé nela volvíase monstruosamente perigosa e entón a corrente levábate e nunca máis volverías. Dicía a xente do pobo que fora unha bruxa que botara unha maldición e ata que dous namorados se desen un bico dentro do río, non pasaría a maldición, pero os namorados tiñan que ser vampiros...existirán? Shaila 5º A
OS CALACÚS
Os calacús son utilizadas para Hallowen, cando acaban as festas son tirados e machucados. Un día agrupáronse todos e intentaron vingarse de todos aqueles que os usaran en Hallowen; e o que se lles ocorreu como vinganza foi tirar caramelos cunha pistola de auga; todo o mundo colleu sacos e puxéronse a recoller as chuches, pero os calacús non quedaron contentos con esa vinganza, e pensaron e pensaron... e por fin se lles ocorreu unha idea ir polas casa e quitarlles as chuches. Cando acabaron todo o mundo se enfadou moito e ata que non as encontraron ninguén descansou. Cando as encontraron non había caramelos e decidiron facer pasteis con elas.
MONSTROS MEDROSOS Cada vez que chegaba Halloween tres monstros amigos se encerraban na casa sen saír porque …. lles daban medo os humanos disfrazados ! Así que este ano , fartos de estar pechados , decidiron ir a pasar Halloween nunha illa (case) deserta . Cando estaban na illa , de súpeto , escoitouse unha voz que viña do mar , unha voz dun humano , dun neno humano que lles dicía : Socorro , socorro , me afogo!, e eles sen pensalo dúas veces , tiráronse a auga a rescatalo. Máis tarde , o neno lles agradeceu aos monstros , e lles dixo : vaia disfrace ! se parecedes monstros de verdade ! E o neno os levou a súa festa de Halloween , onde, por primeira vez , os monstros o pasaron xenial.
Helena 5ºB
VAMPIRO Érase unha vez unha vampiresa chamada Valeria que vivía en Transilvania. Era o día das competicións vampiresas; Valeria e a súa irma Elisabet, ían competir xuntas, para iso están adestrando duramente, pero Siri súa irma pequena tamén quere competir, pero ela non podía competir porque era moi pequena. Mentres tanto vampicat, o seu gato vampiro, foi ver como lles ía a Valeria e Elisabet; estaban no pavillón onde se celebraba a competición vampírica, Siri foi a escondidas ao pavillón Elisavet a obrigouna a volver a casa , Siri marchouse triste a casa. Na primeira parte só quedaron 4 vampiros Elisabet, Valeria, Nara, Yoan na segunda ronda só quedaron tres vampiros Elisabet , Valeria, Yoan na última ronda gañou Valeria.
FIN
VIDA NOUTRO MUNDO Había unha vez un neno que foi a casa do seu avó. Cando chegou o avó tiña unha enfermidade moi grave e non podía xogar con el, ingresárono no hospital e despois dun día morreu. Cando chegou a noite, o avó atopábase no outro mundo invisible, alí eran todos mortos viventes, e a súa misión era matar as persoas para conquistar o mundo. Cando saíron das tumbas o primeiro morto foi Pepito. E así seguían. E mataron a todas a persoas en 5 días, desta maneira conquistaron o mundo. E o chamaron Fatismolindia.
Marvin 5ºB