Edicion 8 #LOGRANDO (Juni 2024)

�� ARUBA Y HULANDA TA YEGA NA UN ACUERDO HISTORICO Y LO FIRMA E RIJKSWET HIBRIDE

�� PROME MINISTER A ACUDI NA E APERTURA DI MONUMENTO MARIA CONVENT

�� ACUERDO CU HULANDA TA TRECE TRANKILIDAD, TA HISA CREDIBILIDAD Y TA DUNA REBAHO DEN GASTO DI INTERES

�� ARUBA TA HAYA UN ‘INVESTMENT RATING’ CERCA COMPANIA DI RATING MOODY’S

�� MINISTER DI TURISMO A REUNI CU APA PA E PROYECTO DI CRUISE EXPERIENCE DEVELOPMENT PLAN CU LO INICIA DEN 2025

�� MINISTER DI SALUD PUBLICO

CONHUNTAMENTE CU AZV, HAVA Y WIT GELE KRUIS A FIRMA UN ACUERDO PA FORTIFICA Y AMPLIA E PROME LIÑA DI CUIDO NA ARUBA

�� TA TRAHANDO RIBA DIFERENTE ASPECTO DI PEN 2023 Y E RECOMENDACIONNAN DI DOORLICHTING RAPPORT

�� MON PLAISIR SCHOOL A RICIBI BISHITA DI MINISTER ENDY CROES Y MASCOTA WIWI, EN CONEXION CU WEGANAN ESCOLAR 2024

�� GOBIERNO DI ARUBA A HAYA LICENCIA FOR DI OFAC PA CUMPRA HFO MAS BARATA

�� EXPLORACION DI GAS TA BAY BIRA REALIDAD

�� TUR COS TA POSIBEL0,5

�� Y JUSTICE CENTER DEN PARLAMENTO

�� FRACCION DI MEP

�� SIN MIEDO

�� CONECTA CU NOS

#LOGRANDO

“E interes riba e fiansa di Covid ta baha y cu esaki e aña aki mesora tin 16 miyon florin cu ta bira disponibel pa reaslisa proyectonan”

ARUBA Y HULANDA TA YEGA NA UN ACUERDO HISTORICO Y LO FIRMA E RIJKSWET HIBRIDE

Diabierna mainta 24 di mei, Gobierno di Aruba a anuncia un logro hopi grandi y historico pa Aruba, cu beneficionan pa nos futuro generacionnan. Prome Minister Evelyn Wever-Croes, durante e conferencia di prensa a anuncia cu gobiernonan di Aruba y Hulanda a yega na un acuerdo, despues di negosacionnan hopi intenso.

ACUERDO LEGAL HIBRIDE

Gobierno di Aruba y Gobierno di Hulanda a yega na un acuerdo di un Rijkswet hibride manera Aruba a propone. Den e Rijkswet aki ta regla e definicion di e normanan y den landsverordening, ley local (LAft) ta regla e normanan financiero, manera e ta awor den e LAft.

CONTENIDO DI E RIJKSWET

Prome Minister a indica cu e rijkswet lo contene tambe, entre otro: Supervision financiero; Escalacion; Posibilidad pa PPP bou condicionnan estricto y; Areglo con ta sali di e rijkswet (exit bepaling).

E rijkswet mester wordo entrega na e Parlamentonan prome cu 1 di mei 2025.

BENEFICIO PA ARUBA

E acuerdo entre Aruba y Hulanda, ta contene varios beneficio financiero cu Aruba ta haya a cambio, entre otro:

1. Interes abou riba fiansa di Covid, awor mesora e ta baha di 6.9% pa 5.1%;

2. Unabes e rijkswet ta cla, e interes ta baha na 3.4%;

3. Ademas, pa prome biaha riba mesa, Hulanda lo por refinancia tambe e debe externo existente di pais Aruba, esaki ta e debe cu a wordo redobla bou di e gobierno di AVP. Te cu awor Aruba ta pagando te na 7%, lo por baha te na 3.4% si Hulanda refinancia. Aruba a bin ta purba pa logra e acuerdo aki pa mas di 10 aña y awo Gobierno ta logra esaki cu ta un parti hopi importante di e acuerdo cu ta riba mesa;

4. Lo cambia e normanan financiero pa haci nan mas flexibel, cu ta permiti Aruba haci e inversionnan necesario, entre otro un prison nobo, cu normalemente Aruba no por yega na financia esakinan debi cu nos normanan financiero ta hopi rigido. Y tambe pa crece socio economicamente. Pa esaki Gobierno di Aruba ya a acerca IMF caba y ta trahando riba e revision aki.

Prome Minister a remarca cu e acuerdo aki ta dentro di e mocionnan di Tweede Kamer na Hulanda cu pa Gobierno di Aruba ta menos relevante, pero specialmente, e ta dentro di e mocion cu Parlamento di Aruba a duna aña pasa cu ta urgi Gobierno pa sigui negosia teniendo cuenta cu algun aspecto.

CONSEHO DI MINISTER DI REINO TA APROBA E ACUERDO

Conseho di Minister di Reino diabierna mainta a aproba e acuerdo aki y despues di firma e acuerdo, e interes riba e fiansa di Covid ta baha mesora di 6.9% pa 5.1%, cu esaki e aña aki mesora tin 16 miyon florin cu ta bira disponibel pa reaslisa proyectonan. Tambe lo trek in e ley di RAft y mesora y lo cuminsa traha riba e detayenan di e rijkswet pa presenta na nos parlamentonan no mas tarda 1 di mei 2025.

DESPUES CU E RIJKSWET WORDO ACEPTA

Prome Minister a indica cu despues cu e rijkswet wordo acepta pa nos Parlamento y pa Tweede Kamer, e interes riba Fiansa di Covid ta baha na e nivel cu Hulanda ta paga na interes mas un opslag di 0.2% (esey lo ta awor 3.4%). Tambe, unabes cu e Rijkswet ta cla, Hulanda ta dispuesto pa schrijf in y refinancia nos debe externo pa e baha pa e mesun interes di 3.4%.

Prome Minister Evelyn Wever-Croes: “Mi ta gradici esnan cu a asisti mi den e negosacion cu Hulanda, tambe e team Hulandes y Secretario di Estado van Huffelen y tambe coleganan minister di Gabinete Wever-Croes II pa e sosten y apoyo. Semper mi a bisa cu (1) nos ta keda na mesa pa negocia na forma serio, y (2) cu mi tin tur fe y confiansa cu nos lo logra un bon deal pa Aruba. Awe nos a cumpli un biaha mas. Negosacionnan no tabata facil pero nos a keda firme, cu respet, y enfoca riba e interes general di henter nos comunidad. Awor caba nos lo scapa 16 miyon tur aña na interes, si nos logra un Rijkswet, e beneficio por ta mucho mas grandi”.

PROME MINISTER A

ACUDI NA E APERTURA DI MONUMENTO

MARIA CONVENT

Pabien Aruba, pabien na Universidad di Aruba. Ta bon pa bisa cu no ta Gobierno a inverti den e proyecto aki, esaki ta e 13.6 miyon cu Aruba a haya di Union Europeo pa e proyecto aki.

Den e edificio aki ta situa e Facultad di Tecnologia SISSTEM di Universidad di Aruba

Dialuna atardi 20 di mei a tuma luga e apertura di e Monumento Maria Convent unda ta situa e Facultad di Sustainable Island Solutions through Science, Technology and Mathematics (SISSTEM) di Universidad di Aruba.

Prome Minister Evelyn Wever-Croes durante e apertura a splica un poco di e edificio aki. E edificio a ser construi na aña 1920 como convento pa e soeurnan Dominicanessen di Voorschoten cu a muda di Hulanda pa Aruba.

Na aña 1946 e prome piedra pa e Kapel di e convento a wordo poni y den añanan 50 tawatin mas o menos 23 soeur bibando den e convento aki. E convento a wordo cera den añanan 80 y a wordo pasa pa Gobierno di Aruba.

E edificio a wordo bandona hopi aña pasa y awo a wordo totalmente restaura den su gloria original na un forma hopi bunita.

E mandatario ta remarca cu si bo no conoce bo historia bo no por tin un futuro y cu e restauracion di e edificio aki bo por weita con nos ta duna balor na partinan importante di nos historia pero con esey tambe tin rol den nos futuro pasobra aki na e facultad di SISSTEM, e hobennan ta bin busca e conocemento riba e area di tecnologia cua ta e trabounan di futuro.

E Facultad di Tecnologia di UA ta existi 5 aña caba y el a prueba di ta exitoso ya cu tin varios graduado caba y por remarca cu e prome graduado tawata un studiante femenino. Otro echo resaltante ta cu otro siman ta bay tin un studiante

cu lo keda cla cu su PhD, cu ta e nivel academico di mas halto cu por logra cu ta algo hopi grandi. E facultad aki tambe ta trece studiantenan di exterior, asina exportando conocemento cua ta e Economia di Conocemento cu sigur ta di importancia pa Aruba. Tambe pronto e edificio di e facultad aki ta bay tin su propio laboratorio cu ta bay ta un di e joyanan den Caribe.

“Pabien Aruba, pabien na Universidad di Aruba. Ta bon pa bisa cu no ta Gobierno a inverti den e proyecto aki, esaki ta e 13.6 miyon cu Aruba a haya di Union Europeo pa e proyecto aki.

Manera cu e Embahador di Union Europeo a declara den su discurso cu ainda no ta cla ya cu awo ta bay cuminsa inverti e otro 14 miyon cu Aruba a haya, den e E-Government, y mi ta sigur cu esey tambe ta bay ta un joya di proyecto”, Prome Minister a expresa.

“

E Acuerdo ta manda un señal positivo cu Gobierno di Aruba ta haci un trabou serio pa yega na stabilidad financiero y cu den esaki e ta conta cu e apoyo y sosten di Hulanda.

ACUERDO CU HULANDA TA TRECE TRANKILIDAD, TA HISA

CREDIBILIDAD Y TA DUNA REBAHO DEN GASTO DI INTERES

Den un conferencia di prensa extra-ordinario Minister President a informa riba e Acuerdo cu Gobierno di Aruba a yega cu Hulanda riba, entre otro, e pago di e debe di e pandemia di COVID-19. Minister Maduro di Finansa tambe a hiba palabra pa asina por splica kico e Acuerdo aki por significa pa e finansa publico di Aruba.

Reduccion di 16 miyon den 2024

E Acuerdo cu Hulanda ta trece cune un rebaho di interes di inmediato riba e debe di COVID-19, di 6,9% pa 5,1%. Esaki ta traduci su mes den un reduccion den gasto interes di 16 miyon florin den Presupuesto 2024.

Reduccion di 306 miyon den 20 aña

Banda di esaki e Acuerdo entre Aruba y Hulanda ta habri caminda pa asina cu yega na un Ley di Reino, pa por yega na un interes di debe di COVID na 3,4% cu por traduci su mes den 306 miyon florin menos na gasto di interes den e periodo di 20 aña cu mester paga e debe aki bek na Hulanda.

Inscripcion Hulanda pa refinancia debe internacional

Den e Acuerdo tambe tin e posibilidad pa Aruba por refinancia e debe riba mercado internacional cerca Hulanda. Di e manera aki Aruba lo por yega tambe na mas rebaho riba e gastonan di interes.

Beneficio

pa Aruba

Banda di e reduccion den gasto di interes, e Acuerdo entre Aruba cu Hulanda ta trece cune trankilidad y stabilidad paden y pafo di Reino. E Acuerdo ta manda un señal positivo cu Gobierno di Aruba ta haci un trabou serio pa yega na stabilidad financiero y cu den esaki e ta conta cu e apoyo y sosten di Hulanda. E señal aki pa local y pa inversionista internacional ta brinda e trankilidad necesario pa keda confia Aruba cu nan inversion. E ultimo aki ta traduci su mes tambe den mas credibilidad financiero pa Aruba den wowo di companianan di rating cu ta wordo sigui pa inversionistanan internacional. Pues e Acuerdo ta trece hopi beneficio cune pa e bon nomber di Aruba.

Gratitud na Minister President

Minister Maduro ta gradici Minister President Evelyn WeverCroes y e ekipo financiero y huridico cu a negosha cu Secretario di Estado Van Huffelen y su ekipo pa asina por a yega na un Acuerdo. Masha danki pa kere den Aruba!

ARUBA TA HAYA UN

'INVESTMENT RATING'

CERCA COMPANIA DI RATING MOODY'S

"Baa3 rating with stable outlook"

Diabierna atardi Minister di Finansa a wordo informa cu Aruba ta haya un 'investment rating' cerca compania di rating Moody's. Esaki ta un hopi bon noticia pa nos Pais, ya cu awo Aruba ta conta cu dos compania di rating cu ta mira Aruba como Pais na unda cu nan inversion ta sigura.

Mester menciona cu pa mas di dos decada Gobierno di Aruba a traha cu e dos companianan di rating, Fitch y Standard and Poor's, y recientemente a busca e compania di rating Moody's como e di tres compania di rating pa evalua e credibilidad financiero di Aruba atrabes di un evaluacion economico y financiero.

Na februari Moody's a bishita Aruba y a reuni cu varios instancia y persona pa asina por a haci nan evaluacion economico y financiero di nos Pais. Na april, durante e IMF Spring Meetings na Washington DC, Minister Maduro a bolbe reuni cu Moody's pa asina por a duna mas detayes cu ta relevante pa e analista y tambe e comite di Moody's por tene na bista ora di finalisa nan opinion riba Aruba. Dia 24 di mei tabata asina leu cu Moody's a sali publica cu nan ta duna Aruba un 'Baa3 rating' cu un 'stable outlook.'

Di e manera aki Aruba ta conta awo cu dos 'investment rating,' cerca Standard and Poor's cu e 'rating BBB positive' y cerca Moody's cu e 'rating Baa3 stable.' Tur dos cualificacion ta wordo considera 'investment ratings.' Cerca Fitch, Aruba tin e 'rating BB+ positive' cu ta wordo considera 'non-investment/ speculative.' Sinembargo den nan evaluacion reciente na maart, Fitch a indica cu nan ta positivo pa dentro di poco subi e rating di Aruba na e nivel di inversion manera cu e tabata prome cu pandemia.

Minister Maduro ta gradici tur persona y instancia na Aruba y tambe e team di Moody's pa e resultado positivo aki pa Aruba, cu ta yuda hisa e credibilidad financiero di nos Pais. Danki pa kere den Aruba!

MINISTER DI TURISMO A REUNI CU APA PA E PROYECTO DI CRUISE EXPERIENCE DEVELOPMENT PLAN CU LO INICIA DEN 2025

Minister di Turismo y Salud Publico, sr. Dangui Oduber conhunto cu CEO di APA sr. Marc Figaroa, a reuni pa discuti e masterplan di Aruba Ports Authority N.V. (APA) pa loke ta e proyecto di “Cruise Experience Development Plan” den progreso pa 2025.

Minister Oduber a duna di conoce cu den e Masterplan di APA ta inclui un inversion grandi pa e reconstruccion di e cruise terminal nobo pa Aruba. E proyectonan aki sigur lo bay crea oportunidadnan nobo, crea cuponan di trabou y lo bay trece mas entrada pa asina por sigui inverti den nos turismo. Alaves esaki lo yuda pa tin un miho facilidad cu e turista por disfruta di dje y lo mehora e experiencia di e turistanan crucero.

Aruba Ports Authority a manda busca un consultante pa crea un diseño pa e Aruba Cruise Port nobo. E consultante aki ta renombra pa su “Brand & Experience Design” cu ta

conoci di e “Disney brand” y tambe ta un experto den Port and Destination Development enfocando tambe riba e parti experimental di e turistanan crucero. E motibo di bishita pa e consultante tabata pa por a conoce e cruise port di Aruba y henter e area pa asina por evalua tur aspecto di e proyecto manera servicio, comercial, seguridad di trafico y logistica. Tambe a reuni cu un grupo selecta di e cruise port community y stakeholders pa por a ricibi informacion y diferente perspectiva di e proyecto aki.

Minister Oduber ta contento cu e gerencia di APA cu progreso di e masterplan pa asina keda riba e mesun liña di pensamento y ta mira APA cu un potencial enorme, e ta instrumental pa tur e desaroyonan economico cu ta na caminda. Minister Dangui Oduber ta sigura cu APA tin un futuro briyante cu e proyecto di Cruise Terminal Experience Development plan cu lo inicia den 2025.

Minister di Salud Publico Sr. Dangui Oduber conhuntamente cu AZV, HAVA y Wit Gele Kruis (WGK) durante e conferencia di prensa a firma un acuerdo pa fortifica e prome liña di cuido di medico door di introduci mas praktijk Ondersteuner Hulp (POH) y amplia e cantidad di esaki pa duna dokternan di cas un miho apoyo pa maneha e salud di e aseguradonan di AZV. E amplificacion aki lo mehora e accesibilidad di dokternan di cas y esaki cu tempo ta traduci su mes den menos necesidad pa aseguradonan yega specialista.

Prevencion ta bira un parti importante den e inversionan di cuido. Minister Dangui Oduber ta expresa cu tin ayudo pa e comunidad hiba un bida mas saludabel. Un di e organisacionnan cu ta yuda cu esaki ta Healthy Lifestyle Center. E meta principal di HLC ta pa brinda e pueblo di Aruba e guia profesional pa cu nan nutricion y movecion, especialmente esnan na riesgo pa haya complicacion di salud, door di hiba un bida no saludabel. E meta ta pa guia e participante pa adapta su bida pa uno mas saludabel cu ta completamente gratis pa e pueblo di Aruba.

Minister Dangui Oduber ta menciona cu aña pasa den luna di juni 2023 a firma un acuerdo di cuido (zorgakkoord) caminda a trece tur e actornan di cuido hunto pa asina firma e acuerdo cu ta determina e direccion y futuro di cuido medico na Aruba. Un di e temanan mas importante den e acuerdo aki tawata e fortificacion di e prome liña di cuido y a formula e metanan cu ta bay traha riba dje den periodo 2024-2027 cualnan ta: (1) Aumenta e cantidad di dokternan di cas y baha e cantidad di asegurado pa dokter di cas, (2) Crea mas cupo den e estudio

di dokter di cas na Imsan; huisartsen opleiding, (3) Amplia e cantidad di POH y ofrece e estudio completo, (4) Inverti den formacion pa asistentenan di dokter di cas.

Den e acuerdo firma lo percura pa financia completacion di e estudio di e POH pa e 27 POHnan actual cu e modulonan, cuido pa adulto mayor y promocion di salud. Anteriormente ya caba a haci e modulonan di diabetes y cardiovascular. Tambe amplia cantidad di POH cu 10 mas pa yega na un total di 38 y e meta ta pa 2027 cada dokter di cas ta dispone di 0,7 fte di POH. Siguientemente pa amplia e coordinacion di e trabao di POH cu un coordinador mas y por ultimo mehora e raportahe riba e trabaonan cu e POHnan ta realisa.

Minister Oduber kier a manda un palabra di gradicimento y felicitacion na e team profesionalnan di POH, AZV, HAVA y WGK, sin lubida tur esnan cu ta haci e acuerdo aki posibel.

Minister Dangui Oduber su maneho y vision ta sigui traha pa mehora calidad di cuido y servicio. Haci inversionan den cuido y percura pa por garantiza cu e fondo di azv ta keda sostenibel y garantiza pa keda ofrece e mesun pakete di seguro cu ta uno hopi amplio pa nos aseguradonan.

E trabounan riba tereno di enseñansa no ta trabounan cu ta mira resultado di inmediato, pero cu si ta den proceso.

TA TRAHANDO RIBA DIFERENTE ASPECTO

DI PEN 2023 Y E

RECOMENDACIONNAN

DI DOORLICHTING RAPPORT

Minister di Enseñansa y Deporte Endy Croes a dialoga tocante PEN 2023 y e rumbo digital cu nos mester bay. Minister Endy Croes a indica cu e ta opta pa “hybrid”, cual ta un combinacion di les digital y les klassikaal. Di e forma aki e alumnonan no ta perde contacto di e parti social. Tin diferente scol cu ta uzando licentie caba na Aruba y ora bo uza licentie mester di laptop, etc. Na Aruba no tin un estudio avansa riba e tereno di tecnologia ainda. Ademas cu e ta estudio hopi costoso, mester evalua si por haci esaki na un pais asina chikito. Door di escala asina chikito, no lo por prepara un klas tur aña y despues no tin trabou pa tur.

Minister Endy Croes a dialoga tocante e 13 recomendacionnan di e Doorlichting van het Arubaanse Onderwijsbestel. A bin cinco (5) inspector di Hulanda cu a haci un investigacion amplio den enseñansa hunto cu e inspectornan di Aruba. Ta trahando riba diferente recomendacion entre otro, recomendacion 11 cu ta modernisacion di e leynan. Proyecto di modernisacion di leynan di enseñansa ta encera pa modernisa e leynan di scol preparatorio, scol basico y scol secundario.

Pero tambe ta encera pa traha e leynan nobo pa enseñansa profesional (Beroeps Onderwijs), enseñansa superior (Hoger Onderwijs), enseñansa special (Speciaal Onderwijs)

y Landsverordening Onderwijstoezicht (LOT). Aña pasa a cuminsa traha e Landsverordering pa Inspeccion di Enseñansa, cual ta e ley di LOT.

A presenta ley di LOT caba na Directie Wetgeving en Juridische Zaken (DWJZ) y pronto lo trat’e den Parlamento di Aruba. E siguiente cu ta trahando riba dje ta e ley di Beroeps Onderwijs y ta spera cu den e luna di october proximo por presenta esaki den Parlamento di Aruba. Ademas di esaki, di acuerdo cu recomendacion 1 di Doorlichtingsrapport, a inventarisa y a traha hopi di cerca cu Tijdelijke Werk Organisatie (TWO) y Ministerie van Binnenlandse Zaken en Koninkrijksrelaties (BZK) di Hulanda.

A traha un Plan van Aanpak cu ta aproba desde october 2023 door di Hulanda. Hulanda a aproba 1.7 miyon florin pa realisa e Proyecto di Data, unda cu 85 scol di Aruba lo bay den un solo sistema, esta esta ‘Open Emis’ na Departamento di Enseñansa Aruba. Pues ta trahando riba diferente trabou riba tereno di enseñansa. Minister Endy Croes a indica cu e trabounan riba tereno di enseñansa no ta trabounan cu ta mira resultado di inmediato, pero cu si ta den proceso.

MON PLAISIR SCHOOL A RICIBI BISHITA DI MINISTER ENDY CROES Y MASCOTA WIWI, EN CONEXION CU WEGANAN ESCOLAR 2024

E gran apertura ta tuma luga dia 1 di juni na Stadion Nadi Croes y Crismo Angela.

Dialuna mainta, Minister Endy Croes hunto cu mascota Wiwi a bishita scol preparatorio y basico di Mon Plaisir. Manera ta conoci, Weganan Escolar 2024 ta inicia dia 1 di juni pa 15 di juni proximo.

Weganan Escolar ta un competencia pa e alumnonan di scol preparatorio, basico y secundario cu ta competi den diferente disciplina e.o. futbol, volleyball, beach tennis, badminton, “kids athletics”, We Mente y We Baile. Pues dos siman di competencia, unda cu 1300 alumno di 45 scol lo bataya contra otro pa conkista e titulo maximo.

A base di peticion di e mandatario di Deporte, tur scol cu ta participa na Weganan Escolar ta hisa bandera di Aruba y bandera di Weganan Escolar riba dialuna. E meta di esaki ta pa inculca e amor patria den nos hobennan y crea e espirito di competencia. E mandatario di Deporte a presencia e ceremonia, unda cu a hisa e bandera y canta e himno di Aruba y di Weganan Escolar.

Por ultimo, Minister Endy Croes ta gradici cabesante, maestro-, staf y alumno di Mon Plaisir School pa e caluroso recepcion y e bunita y exitoso mainta. Cu e deseo, disciplina, dedicacion y determinacion ta logra. Alabes, ta invita Pueblo di Aruba pa duna sosten y apoyo na nos muchanan durante e competencia di Weganan Escolar 2024.

E licencia aki ta un logro contundente di e esfuersonan di ultimo añanan na beneficio di nos Pais y ta refleha e bon relacion y confiansa cu Gobierno di Merca tin den Aruba

GOBIERNO DI ARUBA A HAYA LICENCIA FOR DI OFAC PA CUMPRA HFO MAS BARATA

BAHA PRIJS DI AWA Y CORIENTE TA BIRA

REALIDAD

Durante su rueda di prensa di dialuna mainta, Minister Glenbert Croes a habri siman cu dos bon noticia pa Aruba.

E prome, ta e primicia cu diabierna siman pasa Department of Treasury di Gobierno di Merca, specificamente O.F.A.C., Office of Foreign Assets Control, a otorga Aruba e licencia pa Aruba por cumpra HFO di origen Venezolano. Esaki ta un noticia alentador y un logro hopi grandi pa Aruba y nos pueblo, pasobra esaki ta bay conduci na reduccion substancial di prijs di awa y coriente. Esey ta finalmente nos meta como Gobierno, e mandatario a splica.

“Dos aña nos a cana e caminda aki, dos aña di reunionnan intenso y esfuersonan continuo. Cinco di maart ultimo mi a entrega oficialmente e peticion den nomber di Gobierno di Aruba pa FMSA por cumpra HFO di origen Venezolano y awe mi ta presenta na boso e licencia cu Aruba a haya pa por ehecuta esaki. Mirando e specificacion di e HFO, mirando e prijs, mirando e cercania di Aruba cu Venezuela, e ta brinda e

oportunidad real y berdadero cu tanten cu nos ta depende di HFO, e ta e instrumento principal pa nos por baha prijs di awa y coriente”.

E mandatario a manda gradici Department of Treasury pa a tuma den consideracion e peticion di su persona den nomber di Gobierno di Aruba. Aruba su interes pa cumpra HFO for di Venezuela ta explicitamente pa por suministra WEB cu HFO cu lo yuda nos combati inflacion energetico, combati prijs halto di awa y coriente, pa finalmente nos cumpli cu meta y mision di Gabinete Wever Croes esta di baha prijs di awa y coriente permanentemente.

Dos aña largo nos a cana e caminda aki. Hasta opositornan a critica nos pa nos biahenan cu nan lo no ta duna resultado. E licencia aki ta un logro contundente di e esfuersonan di ultimo añanan na beneficio di nos Pais y ta refleha e bon relacion y confiansa cu Gobierno di Merca tin den Aruba.

“ E ta yena nos cu un speransa factible, un speransa tangible, un speransa berdadero cu e biaha aki si ta bay haña gas na Aruba

EXPLORACION DI GAS TA BAY BIRA REALIDAD

Dialuna ultimo e mandatario di Energia a haci dos anuncio sumamente importante pa Pais Aruba y nos Pueblo, ambos noticia cu ta logronan grandi cu lo tin su beneficio pa nos pueblo y nos futuro generacionnan.

Ademas di a anuncia e licencia otorga na Aruba door di Department of Treasury di Gobierno Mericano pa por busca petroleo di origen Venezolano, e di dos bon noticia ta cu diabierna ultimo Conseho di Minister unanimamente a aproba exploracion di gas den awanan teritorial di Aruba.

Armstrong Oil & Gas Inc. di Merca ta esun cu despues di a haci su sondeo den Caribe, finalmente a acerca Aruba pasobra den nan estudio preliminar nan a mira e awanan teritorial di Aruba cu un potencial grandi. Despues di investigacionnan mas dirigi, a logra identifica posibel posnan di gas den e lama di Aruba.

Pa Aruba esaki ta representa un desaroyo significativo pa e transicion pa energia limpi y economico, locual lo reduci e costonan di produccion di energia y awa beneficiando futuro generacionnan.

Minister Croes a expresa cu e posibilidad di Aruba tin su propio yacimento di gas como fuente di energia ta un soño cu a nace den añanan 80 y cu awor por bira realidad. Despues cu e exploracion di Repsol no tabatin exito, Aruba toch a keda mantene e speransa di tin su mesun gas. Contando cu Armstrong su trayectoria exitoso den exploracion di gas cu casonan di exito manera esun di Alaska y Venezuela, e mandatario ta convenci cu e biaha aki si ta bai logra e obhetivo.

“E ta yena nos cu un speransa factible, un speransa tangible, un speransa berdadero cu e biaha aki si ta bay haña gas na Aruba”.

Tambe, Minister Glenbert Croes a probecha e rueda di prensa pa informa cu diaranson di e siman aki, e compania MPR hunto cu Utilities Aruba, lo duna un conferencia di prensa pa informa e resultado di e evaluacion y investigacion cu nan a haci na ELMAR y e solucion cu mester tuma pa drecha e problema cu coriente.

Nos ta inverti den e hobennan pa yudanan haya un segundo oportunidad.

TUR COS TA POSIBEL

Minister Rocco presente na e presentacion di e hobennan na KIA, despues cu nan a termina un proyecto di dos siman.

Den colaboracion cu fundacion "tur cos ta posibel, 13 boluntario internacional, CEDE Aruba, artistanan local y e trahadonan di KIA a enfoca dos siman largo riba arte, deporte y musica. Alabes a enfoca riba fortifica habitonan social.

E aña aki mas curso lo inicia, manera curso di "waiter", "airbrush", koelmonteur y electro. Di e forma aki nos ta inverti den e hobennan pa yudanan haya un segundo oportunidad. Por cierto un di e hoben lo atende un programa di dos luna na Grecia na momento cu e sali for di KIA.

Un danki grandi na tur e trahadonan di KIA cu den colaboracion cu e fundacionnan menciona a haci esaki posibel.

“

'Family Justice Center' lo percura pa brinda miho cuido na e victimanan como tambe percura pa procesonan entre e parti hudicial y social ta miho sincronisa na otro.

REUNION RIBA FAMILY JUSTICE CENTER DEN PARLAMENTO

Siman pasa, hunto cu e dos kwartiermakers pa loke ta 'Family Justice Center' mi a duna un splicacion amplio na Parlamento, di e avansenan.

E parti infrastructural ta bay keda cla e lunanan nos dilanti. Tur departamento cu tin un rol importante pa combati abuso di mucha y abuso fisico en general, lo wordo ubica akinan.

Di e forma aki, lo percura pa brinda miho cuido na e victimanan como tambe percura pa procesonan entre e parti hudicial y social ta miho sincronisa na otro.

FRACCION

FRACCION DI MEP PRESIDENTE DI

PARLAMENTO CU UN VISION MODERNO PA EDIFICIO DI PARLAMENTO

Preparando pa drenta

den un era nobo di independisacion di Parlamento di Aruba

For di aña pasa, Parlamento di Aruba ta trahando riba un serie di procesonan den cuadro di e independencia di Parlamento y tambe pa renoba e edificio. Ora cu Aña Parlamentario 2023-2024 a cuminsa, tambe a inicia cu e trabounan na e parti dilanti di Parlamento. Bentananan a ser cambia y instala pa yuda reduci e uzo di coriente y pa haci e edificio mas sigur. Un ‘facelift’ lo tuma luga y inversionnan ta ser haci pa modernisa e funcionamento di Parlamento.

FRACCION DI MEP

Fraccion di MEP ta informa pueblo di Aruba cu Parlamento cu danki na e vision di Presidente di Parlamento sr. Edgard Vrolijk awor Parlamento tin su 'masterplan' pa renobacion total di e edificio, cu lo ser haci den diferente fase c'un costo total di 6.7 miyon florin.

E prome fase ta inclui e parti di e edificio cu ta den mal estado, banda di Fort Zoutman, y pa esaki a pone den presupuesto 2024 un suma di 3.6 miyon florin. Den presupuesto 2025 lo pone e di dos fase cu ta rond 2 miyon florin, destina pa e parti meymey di Parlamento. Mester menciona cu ta intencion pa instala un 'lift' pa haci e edificio accesibel pa tur, tanto pa trahado como bishitantenan.

Banda di e renobacion di e edificio y di e independisacion, tambe tin Crisis Management Office (CMO) cu ta trahando riba un plan di siguridad pa loke ta e parti di evacuacion cu ta haci falta.

Den sala di Parlamento, por ehempel, lo conoce cambionan. Entre otro lo bin interupcionnan cu ta conoci na Hulanda y ta exigi hopi di un presidente di parlamento pa ta activo riba dje. E ta trece un dimension nobo y ta espera cu esaki por duna mihor contenido tambe na Parlamento.

Esey ta locual tambe Presidente di Parlamento, Edgar Vrolijk a duna di conoce recien. Fraccion di MEP ta informa tambe cu e ultimo fase di e renobacion lo wordo inclui den presupuesto 2026. Esaki ta enfoca riba e proceso pa Parlamento por ta independiente, y pa hacie un edificio cu tin e balor di un 'Hoog College van Staat'.

Parlamento mester traha den su capacidad total cu su propio reglanan domestico, directiva pa 'fractieondersteuners' nobo y sigur tambe e cambionan necesario pa regla 'fractieondersteuners' pa evita loke a pasa den caso Diamante y sigur a base di rapportnan di CAD a tuma decisionnan interno cu tabata necesario.

Por conclui cu Parlamento ta bay conoce hopi cambio no solamente den infrastructura, pero tambe den e manera di traha internamente, cu richtlijnen duidelijk. Den un futuro cercano, Parlamento lo tin un edificio moderno, accesibel y independiente.

#SINMIEDO

#SINMIEDO

Minister President Evelyn Wever-Croes a anuncia den un

Openbare Bijeenkomst diabierna 24 di Mei 2024 cu a logra deshaci di RAft, y cu a yega na un acuerdo cu Hulanda pa un “Hybride Rijkswet.” Den e acuerdo aki a logra puntonan strategico cu Parlamento a pidi p’e

GERLIEN CROES TA FLIP-FLOP UN BIAHA MAS CONTRA

ACUERDO DI HYBRIDE

RIJKSWET

ANUNCIA PA GOBIERNO.

Den e ultimo dianan aki nos por a nota cu parlamentario Gerlien Croes a sali critica e anuncio di gobierno cu a logra deshaci di e RAft, e RAFTwet cu Hulanda kier a impone riba pueblo di Aruba cu normanan irrealistico cu lo a destrui e bida socio economico y obstaculisa inversionan internacional y local den nos pais. E realidad ta cu RAft y e Hybride Rijkswet tin masha hopi diferencia cual nos lo menciona den e articulo.

GERLIEN DEN AVP TABATA CONTRA BTW Y CONTRA RAFT

Semper sra.Croes tabata para firmemente tras di su lider y partido AVP riba e leynan di RAft y BTW. Hunto cu su lider Gerlien a sali continuamente pa expresa cu nan ta contra tanto BTW y RAft. Diripiente Gerlien ta flip-flop den prensa cu e ta pro-BTW na Augustus 2023. Pero Gerlien a substancia su flipflop? Di ningun manera.

PAKICO GERLIEN TA KEDA SCONDE E MOTIBO DI SU FLIP-FLOP?

Pregunta grandi ta: “Pakico sra. Croes a cambia su opinion riba e dos leynan aki ta keto bay un misterio?” Sinembargo Gerlien ta nenga pa duna cualkier splicacion riba su cambio di postura. Dicon e no a vocifera cu e ta PRO RAft ora e tabata ainda parti di e partido AVP? Acaso e tabata vocifera solamente loke Mike Eman tabata mande papia? Acaso Gerlien no tabata tin bos y opinion propio den su partido? Gerlien ta “Flip-Flop pa evita wordo cuestiona riba su cambio di postura riba e RAft?”

GERLIEN KIER E RAFT PERO A BOLBE DOBLA BISANDO E KIER WAK CAMBIO DEN RAFT

Durante di e reunion publico di Aug 22 2023 tratando e tema di e RAft, sra.Croes a sali duro pa den prome tanda vocifera cu awor si e ta PRO e RAft, pa despues den segunda tanda flipflop bao presion di coalicion cu e tambe kier wak cambionan den e RAft. Esaki ta demostra cu awor Gerlien ya a cambia tres biaha riba e tema di RAft. Awo cambionan cu Parlamento

a pidi a wordo logra pa gobierno pero toch bo ta contra?

GOBIERNO TA LOGRA MAYORIA DI PUNTO DI CAMBIO DI PARLAMENTO SU MOCIONAN.

Minister President Evelyn Wever-Croes a anuncia den un Openbare Bijeenkomst diabierna 24 di Mei 2024 cu a logra deshaci di RAft, y cu a yega na un acuerdo cu Hulanda pa un “Hybride Rijkswet.”

Den e acuerdo aki a logra puntonan strategico cu Parlamento a pidi pe. Kico Gerlien ta haci atrobe? Ya bo sa, flip-flop! Lubidando cu ta e mes a pidi cambionan, lubidando cu e ta PRO RAft despues cu e tabata contra den AVP, lubidando cu un RAft lo a mara Aruba pa semper den un Rijkswet cu normanan financiero suicidal, lubidando cu esaki ta graba den medionan, Gerlien awor ta flip-flop un biaha mas contra e Hybride Rijkswet!

Gerlien ta bay rond papia malo di e logro importante aki cu postivamente ta trece alivio, poder di inversion, refinanciamento historico di e Megadebe na un interes abao di 3.2%, un exitbepaling cu ta sigura cu Aruba por sali di e Rijkswet, interes di 3.2% pe Covid lening, interes abao di 5.1% cu lo spaar gobierno 16 miyon florin pa aña, lo bay revisa e normanan financiero pa mas inversion por tuma lugar den pais, y RAft ta pasa pa pasado ora ta caba di firma e acuerdo anuncia. Ta kico Gerlien Flip-Flop kier anto? Ni e no sa mas…

RWZI ta hopi crucial pa Aruba. Mi persona ta haya ta di suma importancia cu gobierno a bini cu un plan pa asina soluciona esaki. E traspaso di DOW pa un compania cu ta cay bou Utilities, sigur ta hopi positivo

Parlamentario Darlaine Guedez-Erasmus

(MEP):

PARLAMENTO DI ARUBA A APROBA

LEY PA SOLUCIONA E PROBLEMATICA DI RWZI DESPUES DI HOPI AÑA

Dia 30 mei 2024 den un reunion publico a trata e ley pa haci traspaso di e tres plantanan di RWZI, e sistema di riool di Aruba, e incinerator y tur lo demas pa entidad nobo di Aruba Wastewater Sustainable Solutions N.V. (AWSS).

Parlamentario di Fraccion di MEP, Darlaine Guedez-Erasmus ta indica cu e plantanan aki a cay pa basta aña bou di Dienst Openbare Werken (DOW). AWWS lo cay bou di Utilities mescos Elmar y WEB Aruba N.V.

Ta importante pa menciona cu a traha un plan pa asina traha un planta nobo di RWZI na Bubali cu lo tin un capacidad mas grandi cu esun cu tini na e momento aki. E meta tambe ta pa modernisa e otro plantanan, upgrade e sistema di riool y soluciona e kimamento di cierto tipo di sushi cu e incinerator. Si nos mira cu tin hopi tecnologia nobo na mundo y reemplasando e mashinnan bieu pa nobo lo por haci esaki posibel y mas eficiente, Guedez-Eramus a indica.

Cu tur e modernisacionnan aki, AWSS lo percura pa evita cu e awa sushi bay pa lama. Esaki sigur lo proteha salud y medio ambiente. Sigur cu ta hopi importante pa nos hendenan local y turistanan cu ta bini Aruba y pa evita tambe e holor desagradabel cu nan mester haya.

AWSS lo tin un rol importante den purifica e awa aki pa asina por haci otro uzonan. Cunukeronan lo por haci uzo di e awa aki y sigur lo baha nan gastonan mas di e cunukeronan cu lo por ricibi e awa aki.

RWZI ta hopi crucial pa Aruba. Mi persona ta haya ta di suma importancia cu gobierno a bini cu un plan pa asina soluciona esaki. E traspaso di DOW pa un compania cu ta cay bou Utilities, sigur ta hopi positivo.

Si nos mira cu lo tin un fondo sigur pa traha un planta, cumpra materialnan y haci mantencion y asina haci’e uno duradero, Parlamentario Darlaine Guedez-Erasmus a declara.

CONECTA CONECTA

“

15 aña despues ta un momento pa para keto y wak bek atras riba e añanan aki den politica cu no tawata facil pero un honor grandisimo di a tuma e paso pa drenta politica, lidera nos prestigioso partido y tambe liderando nos pais pa di dos termino.

En conexion cu 15 aña den politica, BUNITA EXPOSICION DI ARTE ‘RELAHA, RECARGA Y INSPIRA’

DI LIDER DI MEP

“Tur momento di reflexion y creatividad ta vital pa e bienestar personal”

Diabierna 31 di mei ultimo, Lider di Partido Movimiento Electoral di Pueblo (MEP) Evelyn Wever-Croes, a celebra su 15 aña den politica cu un ‘Wine & Cheese’ y un exposicion di arte na Cede di MEP na Santa Cruz. E exposicion aki ta refleha su creencia den e poder profundo di arte pa ‘Relaha, Recarga y Inspira’.

Den su discurso duna, Lider di MEP a expresa su gratitud profundo na tur esnan presente, na tur su esnan cu durante 15 aña a sostene como Lider di e partido mas prestigioso di nos pais y tambe como Lider di nos pais.

El a recorda nos cu tur momento di reflexion y creatividad ta vital, no solamente pa bienestar personal, pero tambe pa e pasion continua y dedicacion necesario pa haci cambionan positivo.

“15 aña despues ta un momento pa para keto y wak bek atras riba e añanan aki den politica cu no tawata facil pero un honor grandisimo di a tuma e paso pa drenta politica, lidera nos prestigioso partido y tambe liderando nos pais pa di dos termino”, Lider di MEP a expresa.

Tawata un anochi hopi ameno na unda cu Lider di MEP a expone e cuadranan bunita y colorido cu el a pinta den momentonan cu e ta tuma pa recarga y relaha. Esaki sigur a duna e exposicion aki un toke special.

Tawata tin tambe oportunidad pa cumpra cuadranan aki cua fondo ta bay den e fondo pa campaña pa Eleccion 2025.

“Mi ta gradici tur esnan cu a sostene mi durante e 15 añanan aki, cu a yuda mi cu e trabou duro, a yuda mi campaña, conseheronan, esnan cu ta duna criticanan constructivo pa asina mi por mehora den tur loke mi tin cu haci. Cada sosten a duna mi forsa pa continua mi trabou cu mas determinacion, curashi, fe y amor.

Lidera un partido y lidera un pais ta responsabilidadnan hopi grandi y ta bin cu hopi sacrificio, specialmente sacrificio familiar y di tempo priva. Pero mi ta gradici Dios tur dia pa duna mi e forsa y iluminacion pa tuma e pasonan necesario. Mi ta spera cu añanan nos dilanti pa sigui ilumina mi pa tuma e miho desicionnan pa pais Aruba”, Lider di MEP Evelyn Wever-Croes a expresa.

MEP A SER FUNDA

DIA 9 DI FEBRUARI 1971 y den transcurso di añanan e partido aki a contribui grandemente na e desaroyo politico, estatal, economico y social di nos pais. MEP como un partido social democrata a ser funda door di un movimiento popular a base di principionan democratico y cu un sentimento social pa bienestar di tur ciudadano den e pais aki.