Edicion 6 #LOGRANDO (Mei 2024)

GOBIERNO DI ARUBA TA FIRMA E ACUERDO RIBA INDEXERING CU SINDICATONAN.

DESDE INICIO DI GOBERNACION, PROME MINISTER A BAHA GASTONAN DI PERSONAL DI SU MINISTERIO CU 78% COMPARA CU MINISTERIO ANTERIOR DI MIKE EMAN.

MINISTER MADURO A REUNI CU E COMPANIANAN DI RATING CU TA EVALUA ARUBA SU CREDIBILDAD FINANCIERO.

INICIATIVANAN DI

GOBIERNO PA CU E MERCADO LABORAL A CONDUCI NA UN PORCENTAHE DI DESEMPLEO RECORD DI 4% PA 2023.

DANKI NA

INICIATIVANAN DI GABINETEWEVERCROES PA CU E MERCADO LABORAL, DESEMPLEO TA SIGUI BAHA TE NA 4% DEN 2023.

MIYONES TA WORDO INVERTI DEN MEHORACION DI SERVICIO Y CALIDAD DI CUIDO.

A CERA LUNA DI MAART 2024 CU RESULTADONAN POSITIVO DI BISHITANTE.

FADA Y ARUBABANK CU CONFERENCIA EXITOSO PA CU SALUD MENTAL “MIND MATTERS”.

EXITOSO FORUM RIBA CONSCIENTISACION DI ABUSO DI MUCHA.

E REPRESENTANTENAN DI CONCACAF A REALISA UN “SITE VISIT” NA GPT STADION DAKOTA.

MINISTER ENDY CROES A ACUDI NA E PROYECTO DI BAN CAYA DEN E CURASON DI SAN NICOLAS.

MINISTER ENDY CROES A ACUDI NA E PROYECTO DI BAN CAYA DEN E CURASON DI SAN NICOLAS.

SINMIEDO

CONECTA CU NOS

MOCION, UN HERMENT CU PARLAMENTARIO TIN MARA NA SU FUNCION

#LOGRANDO

Mei, 2024

GOBIERNO DI ARUBA TA FIRMA E ACUERDO RIBA

INDEXERING CU SINDICATONAN

Dialuna 29 di april, durante conferencia di prensa di Gobierno di Aruba, Prome Minister Evelyn Wever-Croes hunto cu señor Edward Maduro, lider sindical di SADA, a anuncia cu e acuerdo riba e tema di indexering 2018 pa 2023 a wordo firma. E firmamento a tuma luga durante un transmision en bibo den presencia di Gobierno di Aruba y lidernan sindical.

Prome Minister a indica cu como bon doño di trabou, Gobierno ta reconoce e esfuersonan grandi cu empleadonan publico ta haci dia den dia afor pa sirbi e comunidad di Aruba. Ta importante pa menciona cu Gobierno di Aruba ta reconoce cu e empleadonan publico, mescos cu comunidad completo, tambe a sufri pa loke ta trata e poder di forsa di compra durante e añanan cu tin tras di lomba, debi na inflacion.

Durante e periodo di Mei 2020 pa December 2022, como muestra di solidaridad, nan a entrega 12.6% di nan salario pa motibo di e pandemia. E añanan anterior, Gobierno no a reconoce e perdida di forsa di compra, p’esey durante e negociacionnan a bin hunto cu sindicatonan pa yega na e suma apropia pa duna como compensacion. Apreciando e esfuerso di cada trahado, Gobierno y representantenan sindical, a yega na un acuerdo den beneficio di empleadonan publico.

Prome Minister a splica cu prome cu por a yega na un acuerdo financiero asina, Gobierno mester a traha na crea espacio financiero pa por cumpli tambe cu e trahadonan, teniendo na cuenta e espacio y normanan financiero. Finalmente, a logra yega na un acuerdo pa loke ta trata indexering di e sueldo di empleadonan publico y “gelijkgestelden”.

E punto di salida tabata e cifra di inflacion di e periodo 2018 te cu 2023, cu ta un total di 6 aña. Conforme cifranan di Departamento di Estadistica, e inflacion riba e promedio anual di e indice di prijs di consumo, tabata pa e temporada aki 16.8%. Mester menciona cu negociacionnan a cuminsa na 2018, 2019, y despues pandemia a bati na porta, pero comienso di e aña aki, Gobierno y lidernan sindical a sinta na mesa pa purba yega na un acuerdo caminda Gobierno ta crea espacio financiero pa por compensa 11.7% di e perdida

di forsa di compra den salario di empleadonan publico pa e periodo di 2018-2023.

Prome Minister a indica cu e 11.7% ta bay wordo paga na e siguiente forma:

1. Entrante 1 di Juli 2024 ta aumenta salario di empleadonan publico y “gelijkgestelden” cu 6%.

2. Entrante 1 di Januari 2025 ta aumenta salario di empleadonan publico y “gelijkgestelden” cu 5.7%

3. E primanan lo keda na Awg 6,387 anualmente.

E 11.7% aki ya caba ta inlcui den e presupuesto, y e 6% ta inclui den e voorjaarsnota cu ta e cambio di presupuesto cu ta na caminda pa Parlamento. Tambe tin inclui den e voorjaarsnota Awg 2.8 miyon pa e reparatie toeslag y bijstand pa asina por duna poco bek na e perdida di forsa di compra di esnan mas vulnerabel den comunidad.

“Mi kier gradici nos profesionalnan cu a yuda nos crea e espacio financiero, y tambe durante e negociacionnan. Tambe mi kier gradici señor Orlando Senchi cu ta traha na mi ministerio cu a fungi como un persona interlocutor entre sinidcatonan y Gobierno pa asina facilita e proceso. Un danki tambe na tur empleado publico pa nan sacrificio y dedicacion durante e periodo di espera.

Por ultimo mi ta gradici e sindicatonan, cu despues di negociacionnan intenso, den un tempo cortico y na un manera profesional, a logra yega na un acuerdo cu Gobierno na bienestar di empleadonan publico. Nos lo sigui traha na un forma structural pa atende cu e tema aki, pa futuro gobiernonan por cumpli cada aña cu loke ta indexering, evitando asina añanan di retraso y accionnan di sindicatonan pa loke ta indexering den futuro.

Mi ta felicita tur empleado publico, “gelijkgestelden” y sindicatonan cu e logro aki, y ta gradici un biaha mas e sindicatonan pa tur loke nan ta haci pa hiba Aruba padilanti. Danki na boso, tur empleado publico lo mira un aumento den nan salario pronto,” Prome Minister a expresa.

Durante presentacion di e Relato Anual2023, Prome

Minister Evelyn Wever-Croes a toca e topico di e gastonan di su ministerio.

Prome Minister a splica cu den e Relato Anual tin un splicacion di tur loke e gastonan tabata, den comparacion cu e cantidad di trahadonan.

Manera ta conoci, un critica cu pueblo semper ta trece dilanti, ta e cantidad di persona cu tin trahando den e ministero di Asuntonan General.

Pa cu esaki ta importante pa menciona cu na 2017, cu ta e ultimo aña di Gabinete Eman, Mike Eman tawata tin den su ministerio un total di 147 persona

ribaparoll. Esaki ta un total di 11.323.300 florin na gasto di salario.

Compara cu e cantidad halto di personal cu Mike Eman tabatatin den su ministerio, Prome Minister na aña 2023 tabata tin solamente 23 empleado den su ministerio pa un total di 2.521.184 florin na gasto di salario, cu ta 8.8 miyon florin menos. Tambe mester menciona cu apesar cu e total di trahado, compara cu e gobierno anterior ta asina abou, trabounan ta hopi mas eficiente den e gobernacion actual.

E compromiso di Gabinete WeverCroes ta pa tin un maneho financiero responsabel y a demostra durante e añanan di gobernacion, di a cumpli cu e compromiso aki.

Prome Minister a splica cu como mandatario di pais Aruba, e ta prefera di fortifica e departamentonan cu profesionalnan pa haci e trabou, y no tin 147 persona riba “payroll” cu mas sigur mirando e cantidad halto aki, no por tabata fisicamente den e edificio di bestuurskantoor trahando.

Durante e bishita reciente di Minister Maduro di Finansa na IMF Spring Meetings na Washington DC, e mandatario a reuni cu e companianan di rating cu ta evalua Aruba su credibilidad financiero pa e mundo financiero. Ta trata di reunionnan cu Fitch Ratings, Standard and Poor's, Moody's y KBRA.

FITCH RATINGS

Aruba tin un relacion di casi 25 aña cu e compania Fitch Ratings. Na maart ultimo nan a saca nan raport di evaluacion di Aruba den cual nan ta indica di ta positivo pa asina dentro di poco por hisa e rating di Aruba despues cu esaki a keda reduci durante e pandemia.

STANDARD AND POOR'S

Cu Standard and Poor's (S&P) tambe Aruba tin un relacion di mas di 20 aña

y nan tambe recientemente a publica nan evaluacion di Aruba den cual nan ta positivo riba e recuperacion financiero y economico di Aruba. S&P tambe a premira cu dentro di poco nan por hisa e rating di Aruba pa refleha e esfuersonan cu a wordo haci pa sigura e stabilidad financiero di Aruba.

MOODY'S

E aña aki Aruba a cuminsa traha cu Moody's como e di tres compania di rating pa duna un opinion riba e estado financiero y economico di Aruba. Algun luna pasa Moody's tabata na Aruba pa reuni cu tur instancia y persona necesario pa haya tur informacion relevante pa nan por haya un bon bista di Aruba. Na Washington Minister Maduro y su ekipo financiero, a brinda algun detaye pa asina trece mas claridad pa

ehecutivonan di Moody's por conclui e evaluacion. Den e prome dianan di mei por spera e resultado di e evaluacion di Moody's.

KBRA

Minister Maduro y su ekipo a reuni tambe cu e compania di rating KBRA cu ta un compania cu te ainda no ta evalua Aruba. KBRA ta traha pa un compania priva grandi na Aruba y den cuadro di e trabounan eynan ta mira tambe di cerca e trabounan cu Gobierno di Aruba ta haci pa sigura e stabilidad financiero di e Pais den cual e compania grandi aki ta opera. Mester bisa cu KBRA tambe ta hopi positivo riba e manera cu Aruba a recupera despues di e pandemia y e bon señal cu esey ta duna na e mundo di inversionista local y internacional.

CIFRA DI DESEMPLEO TA SIGUI BAHA!

INICIATIVANAN DI GOBIERNO

PA CU E MERCADO LABORAL A CONDUCI NA UN PORCENTAHE

DI DESEMPLEO RECORD DI 4%

PA 2023

Dialuna ultimo a habri cu e bon noticia cu desempleo a yega e cifra record di 4%. E porcentahe aki ta esun di mas abou den historia di pais Aruba, y ta danki na e iniciativanan di Gabinete Wever Croes pa cu e mercado laboral.

Minister di Labor Glenbert Croes cu hopi orguyo a trece e noticia aki na comunidad. E mandatario a splica cu desde inicio di gobernacion di Gabinete Wever-Croes, Gobierno a pone e mercado laboral como un prioridad, mirando e cifra halto di desempleo cu tabatin. Awe e cifra di 4% ta un indicacion cu Gobierno ta creando cupo di empleo pa nos hendenan.

FERIA LABORAL PA HOBENNAN

Tambe, e mandatario a anuncia di lo ta organisando un “jobfair” pa e hobennan entre 16 pa 24 aña. Ministerio di Labor a lanta un “special taskforce” pa asina comunica cu e tres hotelnan sigurando cu nan lo duna preferencia na nos hobennan local pa loke ta cupo di empleo. E “special taskforce” aki ta presidi door di Sabine de Groot di EPE, Sarah Hardeveld di DPL y Nataly Arends di Ministerio di Labor.

Pa Gobierno ta importante pa e hobennan sigui studia, ya cu pa nan esaki lo habri posibilidadnan infinito pa empleo. Pero pa esnan cu a scohe pa subi e mercado laboral na un edad hoben, EPE ta duna nan e posibilidad di engrandece nan conocemento tumando cursonan necesario pa subi e mercado laboral exitosamente.

FERIA LABORAL PA 45+ Y PENSIONADONAN

Dunando oido na e kehonan cu Minister Glenbert Croes ta ricibi di nos hendenan cu no ta hayando trabou pa motibo di nan edad pero como tambe nos pensionadonan cu kier sigui traha, e mandatario a anuncia tambe di lo ta organisando un feria laboral pa e categorianan aki di edad. Aruba, comercio, mester di trahado. Nos adultonan hoben y mayor kier traha. Pues nos ta bay trece e dos gruponan aki hunto, esta Comercio y e grupo cu ta buscando trabou, pa asina di e forma aki tambe 1. cumpli cu nos hendenan cu mester y kier un trabou y 2. aborda dje forma aki tambe e necesidad di trahador cu comercio tambe tin.

Danki na iniciativanan di GabineteWever-Croes pa cu e mercado laboral,

Dialuna mainta durante conferencia di prensa di Gobierno, Minister di Labor a anuncia e grato noticia cu e porcentahe di desempleo pa aña 2023 a baha te na 4%. Esaki sigur ta un noticia agradabel, mirando tur e iniciativanan cu Gabinete Wever-Croes a bin ta haciendo pa e mercado laboral.

Minister Croes a splica cu desde cu Gabinete Wever-Croes a asumi encargo di gobernacion di pais Aruba, e cifra di desempleo a desaroya positivamente. Na inicio di gobernacion na 2017, e porcentahe di desempleo tabata na 8.9%. Gobierno a cuminsa traha y bin cu iniciativanan pa cu e mercado laboral, rebahando e porcentahe aki na 2018, te na 7.3%, y na 2019 te na 5.2%.

Lamentablemente na 2020, Aruba a haye confronta cu e pandemia global di Covid-19, cu a conduci un subida grandi den e porcentahe di desempleo. Apesar cu e cifra di 8.6% ta uno halto, considerando e impacto desastroso cu e pandemia aki tabata tin riba pais Aruba, e cifra por tabata pio.

Na momento cu Aruba a conoce su prome caso di covid-19, Gobierno a haye den un situacion na unda mester a sera e frontera, evitando asina cu bishitante por drenta pais Aruba. Mirando cu turismo ta e pilar di nos economia, e decision aki pa protehe e ciudadanonan di pais Aruba, tabata tin un efecto

desastroso riba e economia. Si no ta pa e subsidio di salario na comercio, fondo di asistencia social di emergencia, apoyo na companianan mediano y chikito etc., e resultado di e cifra di desempleo lo por tabata pio.

Minister Croes a indica cu na 2021, e cifra a subi na 8.8%, pero danki na e recuperacion economico di pais Aruba, na aña 2022, a conoce un rebaho den e cifra di desempleo. E cifra aki di 4.3%, ta un muestra di tur e iniciativanan cu gobierno a bin cune pa e mercado laboral. Gobierrno a enfoca na pone nos hendenan local prome na trabou, y tambe a bin cu un politica di integracion na unda a duna esnan cu tabata fisicamente na Aruba e oportunidad pa legalisa nan mes, aportando asina na e caha di gobierno.

“Cu hopi orguyo, mi ta anuncia awe, cu danki na tur e trabounan duro di e gobierno actual, e cifra di desempleo pa aña 2023 ta na 4%. Esaki sigur ta trece cune un sentimento di satisfaccion, pa sa cu tur nos esfuerso durante añanan pa yuda nos ciudadanonan tin un miho bida, ta dunando su fruto” Minister Croes a expresa.

MIYONES TA WORDO INVERTI DEN MEHORACION DI SERVICIO Y CALIDAD DI CUIDO

MINISTER

DANGUI ODUBER TA HIBANDO UN MANEHO CU TA DIRIGI PA MEHORA CALIDAD DI CUIDO Y SERVICIO.

E ENFOKE PRINCIPAL TA DIRIGI RIBA:

1. Mehora calidad di cuido y servicio

2. Haci inversionan continuo den cuido

3. Percura pa e fondo di AZV keda sostenibel

4. Enfoca riba prevencion den salud

Den cuido medico semper tin hopi retonan pa atende cune y minister Oduber ta atendiendo cu nan pa asina mehora e calidad di cuido cu ta wordo duna na nos aseguradonan.

Contrario na e maneho anterior di gobierno di AVP minister Oduber ta dunando hopi atencion na inversionan den cuido medico cu ta sumamente importante pa mehora e calidad di cuido y servicio. Pa 8 aña largo durante Gabinete Mike Eman 1 y 2 a neglisha cuido medico. Inversionan no a wordo haci, a prepara un desaster di proyecto di hospital cu pueblo tin bai paga mas di 1 biyon florin, a neglisha e oportunidadnan pa ImSan keda expande y nos a mira con cuido medico a deteriora bao e maneho aki.

No tawata tin atencion pa cuido medico, no tawata tin atencion pa nos grandinan, a kita 60 luna di pensioen for di nan, a introduci franchise, a introduci middelloonregeling y mas bien tur a ser castiga pa e gobierno anterior.

Desde 2017 ora cu Gabinete WeverCroes a cuminsa goberna por a nota

cambionan grandi den cuido medico. Na hospital awendia operacion di interventie cardiologie ta tumando lugar, na Imsan ta ofrece servicio di bestraling, a habri e 22 camanan na Imsan pa haci uzo di nan cu pa decada tawata sera sin uzo, a cumpra ambulancenan nobo y tambe a logra Arubig pa reconoce nos yuinan di tera cu a studia medicina den regio. Esaki ta algun di e logronan grandi den cuido medico na Aruba.

Minister Oduber a tuma e decision pa aña 2024 bai inverti casi 14 miyon florin den cuido medico.

E 14 miyon florin aki lo wordo reparti como lo siguente den cuido medico

: 1. 5.1 miyon florin extra pa Hospital 2. 4.1 miyon extra pa ImSan 3. 1.8 miyon pa Stichting BOB haci bevolkingsonderzoeken pa early detection di cancer di pecho 4. 1 miyon pa respaldo pa asina tuma mas profesionalnan pa atende cu problemanan di salud mental 5. 1.5 miyon pa reenforsa e prome liña di cuido y tambe pa digitalisacion di cuido medico

Minister Oduber ta convenci cu e inversionan aki sigur lo bai contribui na mehoracion di e calidad di cuido pa nos aseguradonan. Cu accionan concreto minister Oduber a demostra cu e vision y maneho cu e tin ta dunando su frutonan. Nos ta kere firmemente den haci inversionan y tambe sigur den prevencion den salud. Nos a demostra cu Aruba ja caba ta conta cu 2 Healthy Lifestyle Center, uno na Ibisa y e otro na MFA Savaneta pa asina ofrece servicio gratis na nos comunidad, na tur esnan cu tin deseo di cambia y adapta nan lifestyle. HLC a yega caba 450 cliente cu a wordo yuda pa logra cambio nan grandi y asina impacta nan bida. Minister Oduber su vision ta pa crea e movecion den comunidad pa hunto tin un comunidad mas saludabel, mas productivo y mas vital.

Minister di Turismo y Salud Publico sr. Dangui Oduber ta informa comunidad cu e resultadonan di turismo pa luna di maart 2024 a drenta. A ser demostra cu analisis den luna di maart 2024 cu un biaha mas cifranan ta positivo pa nos economia.

Minister di Turismo y Salud Publico sr. Dangui Oduber ta satisfecho cu luna di maart a sera cu resultadonan positivo. Maart 2024 a ricibi 141,380 bishitante cu a drenta Aruba cu un 25.8% den crecemento compara cu e mesun luna di 2023.

Aruba ta keda un destinacion precioso pa hopi bishitante den caribe. Turistanan ta keda satisfecho cu Aruba y ta clasifica e “Guest experience” cu un 9.0. E tres categorianan cu ta wordo mas mihor clasifica ta: ambiente cu 9.6, localidad cu 9.5 y food & beverage cu 9.4.

Den 2023 Aruba Tourism Authority (ATA) a cuminsa midi e

impacto economico di “short term rentals”. Ta midi e impacto aki cu Average Daily Rate (ADR) cu ta na $296 y Occupancy Rate cu ta na 70.1% cu un entrada di $22,856.992 pa e luna di maart 2024.

Minister Oduber ta remarca cu e top 3 plataforma di Vacation Rentals na Aruba ta Airbnb, Booking.com y VRBO. Ta pa menciona cu Airbnb tin e mercado mas grandi di “listings” y “occupancy” di vacation rentals creciendo den ful caribe.

Pa conclui, Minister Dangui Oduber ta satisfecho cu Aruba keto bai tin cifranan halto cu ta demostra e bon maneho. Considerando e performance den luna di maart 2024 nos por conclui cu tin un crecemento positivo y stabiel di turistanan cu ta biniendo Aruba. Minister Oduber kier a gradici tur partnernan, ATA, AAA, APA, AHATA, ATSA y Aruba vacation rentals pa e resultadonan positivonan aki. Sin lubida nos hendenan y e seguridad cu nos ta brinda na nos bishitantenan.

FADA Y ARUBABANK CU CONFERENCIA

Diamars anochi, a tene e conferencia “Mind Matters” organisa pa Fundacion Anti Droga Aruba (FADA) y ArubaBank, den cuadro di salud mental, cual ta un topico sumamente importante.

Salud mental no ta solamente brinda e cuido na tur esnan cu tin mester di esaki, tampoco e ta solamente e parti di diagnostica, pero e ta hopi importante pa kibra e taboo, pa crea comprension y brinda sosten pa di e forma aki, esnan cu tin mester di e cuido aki, sinti nan mes comfortabel suficiente pa busca e ayudo necesario.

Manera ta conoci, Ministerio di Husticia y Asuntonan Social conhuntamente cu demas stakeholders cu ta traha den e area di salud mental a bin ta tuma hopi pasonan concreto den e bon direccion pa cu salud mental.

Esaki, no pa solamente e wordo adresa cu prioridad, pero pa esaki bira un derecho fundamental di cada persona cu tin mester di e cuido aki.

Actualmente, nos ta conta cu e stuurgroep GGZ, cual a base di e stuurgroep aki, tur stakeholders ta sinta cada dos

siman na mesa, pa asina traha riba cada aspecto pa cu salud mental manera legislacion, financiamento, desaroyo di cada profesional, pero tambe e parti di prevencion.

FADA ta esun cu ta trek e parti di prevencion, pa cual motibo a bin cu e iniciativa di e congreso di “Mind Matters”. Como ministerio di Husticia y Asuntonan Social, e impacto cu salud mental tin riba individuo nan, riba nan famia y nos comunidad en general, ta algo cu sigur nos ta wak. Pa e motibo aki e ta asina importante pa organisa e tipo di conferencianan aki pa por kibra e stigma.

Palabranan di pabien y gradicimento na e organisadornan, y tur stakeholder cu a aporta na e conferencia aki, pasobra ta e tipo di conferencianan aki ta loke ta yuda kibra e silencio, e stigma y e taboo. Na mes momento, nos ta anuncia, cu e segundo edicion di “Mind Matters” ta na caminda, cual lo ta na oktober binidero.

EXITOSO FORUM RIBA CONSCIENTISACION

DI ABUSO DI MUCHA

Dia 30 di April, a clausura e luna di conscientisacion di abuso di mucha den su totalidad, cu un forum sumamente importante y al caso.

Aconta cu panelistanan profesional, dinamico y al caso cu ta specialisa den diferente areanan social y hudicial, manera abogacia, recherche, pedagoog, forensisch zorg, Jeugd en Zeden Politie, psicologia y mas, cu ta atende tur tipo di abuso di mucha.

Palabra di pabien y gradicimento na henter e ekipo di Ministerio di Husticia y Asuntonan Social cu a organisa e forum aki cu ta di suma importancia pa e conscientisacion y educacion di grandi y chikito pa cu abuso di mucha.

Gobierno di Aruba tin como compromiso pa salvaguardia e bienestar y e futuro di nos muchanan. Un compromiso cu ambos Gabinete Wever-Croes I y II a bin ta traha hopi duro riba dje. Na aña 2020 cierto cambionan den ley a tuma luga, pa asina aumenta e castigo pa e tipo di delitonan aki, cambio den maneho tambe a tuma luga, di cual awe nos ta conoce ‘richtlijnen’ cu Ministerio Publico ta uza, ora ta trata delitonan di abuso sexual.

Banda di esaki, a introduci tambe diferente metodonan di trabou pa asina por salvaguardia e bienestar di nos muchanan mucho mas miho. Asina por menciona cu a conoce introduccion di e metodonan di ‘signs of safety’ y ‘codigo di proteccion’. Ademas, mas recien un cantidad halto di profesionalnan a gradua den e metodo di ‘multi-dimensioneel familie therapie’.

Pues, ta trata di metodonan cu ta bay percura pa detecta señalnan di abuso di mucha mucho mas trempan, pa asina por brinda guia y sosten pero tambe pa por investiga e tipo di casonan aki mucho mas eficiente. Tambe, tin introduccion di

institutonan nobo, como tambe funcionarionan nobo manera medico forensico, y na luna di Juni binidero tur cos lo culmina cu e inauguracion di e Family Justice Center.

Family Justice Center ta destina pa Jeugd en Zeden Politie hunto cu Bureau Slachtoffer Hulp y Mediconan Forensico, pa di e forma aki por investiga e tipo di casonan aki mucho mas miho, y asina presenta un caso mucho mas solido dilanti huez, pa asina e castigo por wordo duna. Banda di esaki e guia y sosten pa e victima tambe ta hopi importante, pues tambe ta wordo teni den consideracion. Crea conscientisacion ta importante, pa cual a decreta luna di april como luna di conscientisacion nacional contra abuso di mucha.

Crea conscientisacion ta un stap importante pa contraaresta abuso di mucha. Durante henter luna di april tin diferente charlanan andando di diferente organisacionnan, un esfuerso colectivo di henter nos comunidad conhuntamente cu Gobierno di Aruba. Diabierna, Gobierno a ilumina Bestuurskantoor na color blauw, como gesto simbolico di e compromiso cu Gobierno di Aruba tin pa cu e lucha aki.

Cada un di nos tin e responsabilidad pa mobilisa accion contra e crimen di abuso di mucha. Comision nacional contra abuso di menor, fundacion respetami, organisacionnan gubernamental como tambe no-gubernamental y comunidad di Aruba henter, a renoba e compromiso cu nos muchanan. Colectivamente ta e herment di mas fuerte pa combati abuso di mucha. Por ultimo, minister Tjon a gradici tur profesional cu dia aden y dia afo ta traha hopi duro y hopi biaha e esfuerso no ta wordo mira ni aprecia, pero esaki sigur no ta en vano, cada esfuerso ta wordo aprecia enormemente den e lucha contra di abuso di mucha.

“E

wega di FIFA World Cup Qualifiers ta tuma luga dia 8

di juni proximo na cas”

Minister Endy Croes

E REPRESENTANTENAN

DI CONCACAF A REALISA UN “SITE VISIT” NA GPT STADION DAKOTA

Siman pasa, Minister Endy Croes hunto cu Ministerio di Deporte, presidente di Arubaanse Voetbal Bond (AVB) Sr. Randolph Lacle, Sr. Hubert Solagnier y contratista a reuni cu e representantenan di CONCACAF Sra. Aline Arouesty di Mexico y Sra. Anne Marie van Beusekom di Guatemala cu tabata na Aruba pa un “site visit” di GPT Stadion Dakota.

Manera ta conoci, 1 luna prome cu e

wega oficial, e representantenan di CONCACAF ta haci un bishita y recori e stadion y ta laga un lista di posibel factornan cu mester atende.

Minister Endy Croes a informa cu e desaroyonan di e proyecto di renobacion di GPT Stadion Dakota ta avansando y ta canando bon. Tin algun instruccion chikito cu mester atende, cual lo cumpli cu nan prome cu dia 8 di juni. E representantenan di CONCACAF

a indica cu nan ta hopi contento cu e avancenan di e stadion. Ta premira cu e partido di futbol entre Aruba su Seleccion Masculino y Seleccion di Curaçao lo atrae hopi fanatico.

Por ultimo, Minister Endy Croes ta invita Pueblo di Aruba pa apoya y sostene nos seleccion cu ta hungando e wega di FIFA World Cup Qualifiers dia 8 di juni proximo na cas.

MINISTER ENDY CROES

A ACUDI NA E PROYECTO DI BAN CAYA DEN E CURASON DI SAN NICOLAS

Den e luna di april, e proyecto di Ban Caya a tuma luga den e bario di San Nicolas, den henter e area di Joe Laveist Sport Park. Riba Dia di Rey, Minister di Enseñansa y Deporte Endy Croes tabata presente y a comparti un tempo ameno cu e habitantenan di San Nicolas.

E proyecto aki organisa pa CEDE Aruba, IBiSa y Gobierno di Aruba tin e meta di reactiva e barionan, unda e habitantenan por pasa un dia cu nan sernan keri y conoce mas di nan bario. Tabatin diferente actividad deportivo, wega di baseball di mucha den Joe Laveist Sport Park, bus di salud, skina di wega pa mucha, competencia di hotwheels y presentacion di teatro, baile y canto. E banda musical Groove Masters y cantante Ataniro a deleita tur presente cu nan tremendo repertorio.

E habitantenan di e bario di San Nicolas por a comparti cu otro y pasa un rato placentero. Minister Endy Croes ta gradici CEDE Aruba, IBiSa y Gobierno di Aruba cu ta organisa e proyecto bunita aki.

MOCION, UN HERMENT

CU PARLAMENTARIO

TIN MARA NA SU FUNCION

KICO TA UN MOCION?

Parlamentarionan tin diferente herment, di cual un di nan ta e derecho di entrega un mocion. Un mocion ta un deseo di Parlamento y ta urgi esaki na minister. Un mocion no ta obligatorio (niet bindend).

PROCESO DI UN MOCION?

Un mocion por wordo entrega solamente durante un reunion publico (openbare vergadering) y mester tin minimo tres firma

• Parlamentario Darlaine Guedez

Erasmus a entrega un mocion urgiendo Gobierno pa sondea e posibilidad pa pone un booth y camber pa mamanan cu ta duna pecho/pomp y tambe un counter asigna pa hendenan cu un of mas disabilidad (in)visibel na Aeropuerto di Aruba.

di Parlamentario. Na final di e reunion lo vota riba e mocion. Si e mocion wordo aproba, e minister(nan) concerni lo ricibi un copia di esaki. Ta keda na disposicion di e minister(nan) si ta realisa e mocion of no.

FRACCION DI MEP

Diferente mocion di Fraccion di MEP a wordo aproba cu e deseo pa mira esakinan wordo realisa. Pa menciona algun:

• Parlamentario Alvin Molina a entrega un mocion urgiendo Gobierno pa instala un comision multidisciplinario pa diseña un plan integral pa mehora e situacion den mainstreet San Nicolas (Arubus bay ariba) y vecindario.

• Parlamentario Ricky Hoek a entrega un mocion urgiendo Gobierno pa percurpa pa lugarnan di parkeo publico pa personan di limitacion ta wordo traha segun ley ta prescribi y pa den cuadro di otorgacion di permiso di construccion di un establecimento publico pa stipula un cantidad minimo di dos parkeo disponibel pa personanan cu limitacion.

• Parlamentario Setty ChristiaansYarzagaray a entrega un mocion urgiendo Gobierno pa sondea e posibilidad pa introduci sterilisacion di cacho y pushi di e persona su hogar (huishouden) como aftrekpost den sistema fiscal como un forma di stimulacion pa combati multiplicacion (incontrolabel) di cacho y pushi riba caya.

• Parlamentario Shailiny Tromp Lee a entrega un mocion urgiendo gobierno pa percura pa yega na un areglo cu SKOA pa entre otro bin cu un solucion pa evita e werkstersnan perde nan trabou y cu nan derechonan adkiri ta keda garantisa.

• Parlamentario Marco Berlis a entrega un mocion urgiendo gobierno pa sondea e posibilidad pa construi un waf na San Nicolas pa asina diversifica nos economia mas ainda.

Cu e herment aki Fraccion di MEP a logra diferente proyecto pa pueblo, manera proyecto di asfalt nobo pa high rise hotel, infrastructura y embeyecimento di Kapel di Alto Vista y man di trapi na sero di Hooiberg. Di e forma aki nos di Fraccion MEP den parlamento ta trece preocupacionnan di pueblo na atencion di gobierno! Pa es motibo aki e ta importante pa abo, pueblo, tuma contacto cu nos, acerca nos pa asina nos por trece boso puntonan na atencion di Gobierno.

#SINMIEDO

#SINMIEDO

Secretario general di MEP:

Ainda bo por ta AVP?

BENNY SEVINGER

E

AVESTRUZ

DI

AVP

SU PIANAN TA

NA CANDELA DEN LUNA DI MEI

GOBIERNO DI AVP DEN E PERIODE 2009-2017:

• AVP a crea e Mega Debe,

• AVP a bin cu e LAFT,

• AVP a ranca 201 miyon di nos companianan estatal,

• AVP a Hedge WEB cual a costa pueblo 300 miyon,

• AVP a regala Richard Arends “Horizon Consultancy” 4 miyon florin,

• AVP a regala Speed cu Patrick 8 miyon florin, AVP a corumpi RDA hortando 20 miyon, AVP a regala Patricia Dowers casa di Dowers 400 mil florin,

• AVP a regala abogado Sjiem-Fat 5 miyon florin,

• AVP y Mike Eman a regala su ruman 1.9 miyon pa 1 auto di careda,

• AVP a brasa corupcion cu e resultado conoci casonan IBIS y Avestruz, unda Paul Croes awe ta cera den KIA y Benny Sevinger tin veredicto di prizon riba su cabes rumbo pa KIA.

Pues, a “Mafia Partij” AVP y su bandidonan ta bon conoci pa su casonan bochornoso y esaki hamas pueblo kier pa ripiti. Tur ta cu prueba!

BENNY SEVINGER DI AVP BEK DEN CORTE:

Manera ta conoci, e convicto Benny Sevinger e mafioso mayor den e caso historico di corupcion, esta e caso AVESTRUZ den luna di mei lo ta bek dilanti mesa berde. Den corte di prome instancia hues a reparti 11 aña di prison total entre Benny, Leoncita Arends, Susebeek (man drechi di Benny) pa nombra algun di cual Benny mes a ricibi un condena di algo mas cu un aña.

Den e luna aki (3) hues, esta Hoger Beroep lo revisa e caso aki un bes mas. Ta fresco den nos memoria con hues den su veredicto a condena Benny y a “verbeur” esta “kita” of encauta 2.5 miyon florin di Sussebeek di un cuenta di ORCO Bank na Curaçao. E placa aki ta prueba di a bin di dealnan cu e terenonan di Pais Aruba.

Tambe, hues a prueba cu doño di Holiday Inn Hotel a paga $8000 US Dollar pa un fiesta di yiu di Benny. Pues Benny ta invita amigonan pa bay fiesta di yiu, pero e mes no ta contribui cu un depchi y a cambio di fabor politico nan ta cubri henter un fiesta pa su yiu.

ALGUN TRIKI DI BENNY DEN CASO AVESTRUZ:

Damira Real Estate cu ta di Gaby Werleman (ex candidato di AVP y semper e man drechi di Henny Eman y Mike Eman) a pidi un tereno comercial di 8843m2 na Eagle riba un “prime location” pa traha un condominio super luhoso mas “boutique facility y café”.

E proyecto aki lo tin un costo di Afl. 22.216.00,00, esta 22.2 miyon florin pa trah’e. Asina esaki a wordo presenta door di Gaby Werleman na Benny Sevinger. Mesora Damira Real Estate & Construction di Gaby Werleman y su (pareha) a ricibi bendicion di Benny Avestruz Sevinger “akkoord conform verzoek”.

Pues asina Damira Real Estate & Construction NV a ricibi su tereno miyonario, esta patrimonio di gobierno riba e fecha 25 di november 2015. Manera a ricibi e tereno di gobierno ( Benny Avestruz) e amigo di Benny a bende e sharenan di e NV mesora y a ricibi 6.3 miyon florin sin nunca a pone un bloki.

E caha di triki di Benny y AVP. Asina Benny y Leoncita a bira miyonario. Tur esaki ta den e vonnis di cual Benny a ricibi condena di prizon p’e. Esaki lo ta den corte un biaha mas.

REFRESCANDO MEMORIA KICO TUR FISCAL A PRESENTA CONTRA BENNY DI AVP:

Fiscal a confronta Benny “himself” cu un pago di un fiesta pa su propio yiu den Holiday Inn, unda Holiday Inn ( amigo di Benny) a paga $8000 na bebida pa e fiesta aki. Tambe fiscal a prueba con Benny a ricibi regalo di su “bestfriend” y empleado di su bureau, esta Susebeek. Durante investigacion nan a confronta Benny cu un pago haci na Fantastic Gardens di Afl. 25.201,64 pa hardin di su propio hogar. Benny a reacciona bisando “Ik heb dit zelf bij Fantasic Garden contant betaald”.

Despues nan a confronta Benny cu cheque (transferencia) di Pats Development NV cu ta un compania di Susebeek cu a paga e suma aki na Fantastic Gardens. Benny a bira bleek bleek y a cambia ful su declaracion. Aki Benny a inventa e storia cu e no ta corda mucho bon, pero el a duna Susebeek e Afl. 25.201,64 mil florin cash pa Susebeek bay page p’e y posiblemente Susebeek lo a page for di su compania.

Asina por a gara Benny ta gaña diferente biaha y no por a saca su curpa. Investigacion a comproba cu Susebeek a paga Afl. 100.000 mil florin pa converti Benny su cas den un hogar bunita. Susebeek a cumpra un ekipo di gym na balor di Afl.23.000,- pa Benny.

Tambe Susebeek a paga ful un cura di cas pa Benny Sevinger na balor di Afl.22.000,-. Fiscal den su requisitoir a pone cu, “Verdachten Sevinger en Susebeek zitten hier te liegen”. Pues nan no sa con pa saca nan curpa afo. Ainda Bo por ta AVP?

CONECTA CONECTA

ENCUENTRO DI BAN

TOPA NA SANTA CRUZ

A CONTA CU UN SALA COMPLETAMENTE YEN

Diamars 7 di Mei, a tuma luga un biaha mas e evento organisa pa Partido Movimiento Electoral di Pueblo MEP, "Ban Topa", cu ta un evento cu partido MEP a cuminsa cu ne na aña 2023. E meta di "Ban Topa" ta pa cierto candidatonan riba lista, reuni cu habitantenan di e bario cu nan ta representa pa asina comparti informacionnan valioso cu e habitantenan.

Durante e encuentro aki, esnan presente tin oportunidad di scucha informacionnan cu ta toca comunidad en general pero tambe di nan bario. Tambe nan tin e oportunidad di haci pregunta, delibera y trece nan opinion y preocupacionnan

dilanti, cu candidatonan presente lo contesta debidamente.

Desde inicio di "Ban Topa", diferente candidato riba lista ya caba a reuni cu habitantenan di varios bario rond di Aruba, entre otro San Nicolas, Savaneta, Paradera, Piedra Plat, y Noord. Diamars ultimo a toca turno na bario di Santa Cruz. E encuentro a tuma luga na Cede di MEP y a conta cu un sala completamente yen.

Candidatonan presente cu a duna un discurso e anochi aki, tabata Parlamentario Setty ChrstiaansYarzagaray cu a papia di e tareanan di un parlamentario; Candidato riba

Shannon Henriquez cu a duna un splicacion amplio riba e ley di kinderopvang; Presidente di Parlamento Edgard Vrolijk cu a conta di su tareanan como Presidente di Parlamento; y Lider di partido Evelyn Wever-Croes cu a toca e tema di e recuperacion di Aruba y e retonan.

E anochi aki, mescos cu e eventonan di "Ban Topa" anterior, tabata uno exitoso. Esnan presente a haci varios pregunta y sugerencia, pero alabes a duna aplauso na tur e logronan, apesar di tur reto, di e gobierno actual. Partido Movimiento Electoral di Pueblo MEP ta gradici e bario di Santa Cruz, pa nan participacion.

lista

MEP A SER FUNDA

DIA 9 DI FEBRUARI 1971 y den transcurso di añanan e partido aki a contribui grandemente na e desaroyo politico, estatal, economico y social di nos pais. MEP como un partido social democrata a ser funda door di un movimiento popular a base di principionan democratico y cu un sentimento social pa bienestar di tur ciudadano den e pais aki.