Edicion 4 #LOGRANDO (Maart 2024)

Pagina 1

Maart, 2024

Movimiento Electoral di Pueblo MEP

Facebook MEPofficial

RESUMEN DI VIAHE DI PROME MINISTER NA HULANDA GOBIERNO DI ARUBA HUNTO CU E ASOCIACION DI CONSULADONAN TA FIRMA UN PROTOCOL DI COOPERACION CUERPO POLICIAL DI ARUBA A RICIBI NAN VEHICULONAN NOBO FITCH TA ‘UPGRADE’ ARUBA CU UN ‘POSITIVE OUTLOOK’ DEN NAN EVALUACION ECONOMICO Y FINANCIERO HEALTHY LIFESTYLE CENTER A YEGA PA E COMUNIDAD PARIBA LEY DI FINANCIAMENTO PARTIDO POLITICO DESAROYONAN DI E PROYECTO DI RENOBACION DI PALO MARGA SIN MIEDO CONECTA CU NOS

#LOGRANDO

#LOGRANDO

Pagina 2

RESUMEN DI VIAHE

SECRATARIO DI ESTADO VAN HUFFELEN

PREMIER MARK RUTTE

Prome Minister, Minister di Economia Geoffrey Wever y Minister Plenipotenciario Ady Thijsen a reuni cu Secretario di Estado Alexandra van Huffelen. Aruba ta na mesa di negosacion riba e tema di e refinanciamento di debe y ta sigui traha riba esaki pa logra baha e interes di 6.9% cu Aruba mester bay paga riba e debe di Covid.

Prome Minister a reuni cu Premier Mark Rutte riba topiconan relevante pa Aruba. Un di e puntonan importante durante e reunion tabata e refinanciemanto di e debe di Covid y e interes halto cu Hulanda a impone riba pais Aruba. Prome Minister a informa Premier Rutte di tur e negociacionnan cu ta andando. Un reunion sumamente importante mirando cu ta Conseho di Minister di Reino mester aproba cualkier palabracion cu wordo haci.

Durante e reunion tawata tin hopi interes cerca tur esnan presente pa scucha di Aruba y su progreso.

PROME MINISTER

Evelyn Wever-Croes

Pagina 3

NA HULANDA

TWEEDE KAMER

MINISTER ROB JETTEN

Pa prome biaha Prome Minister ta reuni cu e Parlamentarionan aki di Tweede Kamer cu recientemente a huramenta y ta parti di e comision di Reino. nan pa asina duna un “update” di tur e desaroyo di pais Aruba. Pa duna e parlamentarionan aki un miho bista di e situacion di pais Aruba, Prome Minister a presenta un “snapshot” riba e desaroyo economico, turismo, empleo, y finansas di pais Aruba. Durante e reunion, tambe a toca e tema di landspakket, reforma, negosiacionnan cu Hulanda y tur otro tema importante cu nan como parlamentario lo mester sa di Aruba, prome cu nan por cuminsa haci nan trabou.

Durante e reunion cu Minister Rob Jetten, cu ta encarga cu e cartera di clima y energia na Hulanda, a toca varios tema importante entre otro relaciona cu e topico aki. Tambe a papia di e disponibilidad di fondo financiero cu tin na Hulanda, cu Aruba lo por uza pa e proceso di transcicion di energia. E meta di esaki ta pa evita cu Aruba ta asina dependiente riba "heavy fuel oil", y traha mas cu energia limpi, mirando cu esaki lo yuda na baha e tarifa di awa y coriente pa e comunidad di Aruba.

#LOGRANDO

Pagina 14

FITCH TA 'UPGRADE' ARUBA CU UN 'POSITIVE OUTLOOK' DEN NAN EVALUACION ECONOMICO Y FINANCIERO “Masha danki y pabien na Pueblo di Aruba cu e logro bunita aki na bienestar di Aruba”.

Xiomara Maduro

Pagina 15

Ta reconoce e trabou serio pa recobra e credibilidad financiero di nos Pais Diaranson Minister Maduro di Finansa a ricibi e grato noticia cu e compania di rating Fitch Ratings ta revisa nan mira riba Aruba, di stabiel pa positivo.

Esaki ta un 'upgrade' cu ta refleha e bon direccion di Aruba su economia y finansa publico.

Na februari Fitch Ratings tabata na Aruba pa asina por haci un evaluacion economico y financiero di nos Pais. Nan a reuni cu varios persona y instancia pa asina por formula nan opinion cu ta keda refleha den e rapport cu a keda publica diaranson 13 di maart 2024 cu ta disponibek via https://www.fitchratings. com/research/sovereigns/fitch-revises-arubaoutlook-to-positive-affirms-at-bb-13-03-2024 .

Den su rapport Fitch Ratings ta duna reconocemento na e trabou serio cu ta wordo haci pa Aruba por recobra e credibilidad financiero cu a keda afecta

den e añanan di e pandemia. Fitch ta duna Aruba credito pa e desicionnan fiscal cu a wordo tuma pa stabilisa Aruba su finansa publico. Fitch ta positivo tambe riba e manera cu Aruba a bin ta maneha e debe y e disciplina financiero hiba pa por baha debe di Aruba. Ta pasonan importante cu ta hiba Aruba mas cerca di e 'investment rating' cu nos Pais tabata goza di dje cerca Fitch net prome cu e pandemia.

Minister Maduro ta gradici tur persona y instancia cu a reuni cu Fitch, specialmente e ekipo di Departamento di Finansa cu a haci un trabou grandi pa percura pa e trabounan haci por a keda splica y prueba na Fitch Ratings. Masha danki y pabien na Pueblo di Aruba cu e logro bunita aki na bienestar di Aruba.

Pagina 6

GOBIERNO DI ARUBA HUNTO CU E ASOCIACION DI CONSULADONAN TA FIRMA UN PROTOCOL DI COOPERACION " Cu e protocol aki, Gobierno ta crea un fundeshi pa un Aruba miho pa un y tur"

Diaranson 13 di Maart 2024, Asociacion di Consuladonan di Aruba hunto cu Ministerio di Integracion ta yega na un protocol di cooperacion, pa por brinda un plataforma di apoyo y guia sincero y honesto na tur esnan cu kier haci un bida na Aruba. Cu e proto-col aki, e Consuladonan na Aruba lo duna asistencia na esnan cu kier regula nan estancia na Aruba, of na esnan cu kier pidi un extension di nan permiso, of saca un prome permiso.

Pues basicamente e Consuladonan lo asisti tur hende di nan respectivo pais cu nan peticionnan di permisologia. E protocol aki lo sigura cu e proceso aki lo sosode via un canal legitimo.

Minister Glenbert Croes a expresa di ta sumamente agradecido na tur e consuladonan na Aruba pa e cooperacion aki, mirando cu den pasado, hopi hende a wordo abusa cobran-do sumanan cuantioso pa por saca permiso sin cu nunca a haya esaki. A traves di e Consuladonan, esaki lo ta e plataforma di apoyo humano y honesto pa brinda asistencia na nan respectivo comunidad. Y pa e comunidad cu no tin un

Pagina 7

representacion Consular na Aruba, nan por yega cua Consulado cu ta y nan lo ricibi e asistencia aki.

E mandatario a indica di a hiba un combersacion cu un di e consulnan cu tin un trayecto-ria largo riba Aruba y el a expresa na su persona cu den tur su 40 aña na Aruba, nunca a yega di bin na un protocol asina. P’esey e dia aki, 13 di Maart 2024, ta un dia historico cu legitimidad, y esaki ta trece cu ne un sentimento di satisfaccion pa sa cu e Gobierno aki, por a yega na dicho protocol di cooperacion cu un plataforma di apoyo pa tur esnan cu di un manera honesto kier residencia na Aruba.

E protocol di cooperacion aki a wordo seya riba e fecha di 13 di Maart 2024, cu firma di Minister di Integracion Glenbert Croes y firma di e Asociacion di Consuladonan.

Cu e protocol aki, Gobierno ta crea un fundeshi pa un Aruba miho pa un y tur, na unda no tin distincion, y na unda e hermandad, solidaridad, y union cu mester existi entre nos tur, ta keda refleha a traves di un protocol di cooperacion.

Minister Croes ta gradici tur esnan cu a yuda pa por yega na e protocol aki y pa nan confiansa den e protocol di cooperacion importante aki.

Pagina 8

CUERPO POLICIAL DI ARUBA A RICIBI NAN VEHICULONAN NOBO Diamars merdia, conhuntamente cu Cuerpo Policial di Aruba, Minister di Husticia y Asuntonan Social sr. Rocco Tjon a haci entrega di e vehiculonan nobo pa Cuerpo Policial. Un pabien na henter e ekipo di Cuerpo Policial, Yrausquin & Sons y Ministerio di Husticia y Asuntonan Social cu a lidera e proyecto aki.

Cuerpo Policial t'ey pa garantisa siguridad. Recien ainda, un investigacion a mustra con criminalidad a baha y cu Aruba ta e pais mas 'safe' den nos region.

Pa logra esaki Ministerio di Husticia y Asuntonan Social ta inverti den tres pilar. Na prome luga, ta percura pa e organisacion ta uno dinamico pa por combati criminalidad, p'esey tin un reorganisacion andando. Na di dos luga ta crea condicionnan di trabou adecuado,

p'esey diferente renobacion a tuma luga y edificionan nobo a wordo adkiri pa Cuerpo Policial.

Por ultimo, e di tres pilar cu ta inverti den dje ta percura pa cumpra materialnan pa e Agentenan Policial por eherce nan trabou. Asina a inverti den proyecto di camara, radar, portofoons, ICT, bulletproofvests y computers.

Awe nan ta haya nan fleta nobo pa por brinda un bon servicio na nos comunidad pero na mes momento garantisa nan propio siguridad mucho mas miho.

Danki na tur e Agentenan cu a participa den e rondanan di consulta, danki pa boso aporte y feedback pa cu e escogencia di e vehiculonan aki.

Pagina 9

Pagina 16

HEALTHY LIFESTYLE CENTER A YEGA PA E COMUNIDAD PARIBA Diahuebs mainta Minister Dangui Oduber a bishita MFA Savaneta hunto cu miembronan di Healthy Lifestyle Center pa wak e espacionan di e oficina cu tin disponibel. Esaki ta pa e uso di HLC brinda su servicionan na e comunidad pariba di brug y asina aumenta e accesibilidad.

Healthy Lifestyle Center a inicia oficialmente dia 23 di februari 2023. E meta principal di HLC ta pa brinda e pueblo di Aruba e guia profesional pa cu nan nutricion y movecion, especialmente esnan na riesgo pa haya complicacion di salud, door di hiba un bida no saludabel.

E meta ta pa guia e participante pa adapta su bida pa uno mas saludabel.

Den un aña HLC a logra di tin 300 cliente cu nan ayuda y guia pa hiba un bida mas saludabel. Pa e aña aki e meta ta pa yega 600 cliente.

Minister Dangui Oduber ta conento di anuncia cu e comunidad pariba di brug tambe lo haya su mesun centro. Pronto lo anuncia ki dia e oficina lo habri su portanan y tambe e orarionan.

Keda pendiente. Hunto nos lo bai logra tin un comunidad mas saludabel.

Pagina 17

Healthy Lifestyle Center ta yega pa pariba di brug

Pagina 4

DESAROYONAN DI E PROYECTO DI RENOBACION DI PALO MARGA

Pagina 5

Recientemente, Minister di Enseñansa di Deporte Endy Croes a informa riba algun desaroyo di e proyecto deportivo di Palo Marga International Raceway Park. Manera ta conoci, pa mas di 10 aña Palo Marga no a haya atencion di e gobiernonan anterior y no tabata den un condicion adecua.

Despues di evalua e necesidadnan cu tabatin den Palo Marga, desde aña 2023 a inicia cu e prome fase di e proyecto di renobacion di Palo Marga. Pa e prome fase di renobacion a aloca 26 poste di luz, instala cabel di coriente y a construi un baki di santo na e final di pista, cual ta pa evita cualkier desgracia den caso cu break di auto faya.

A inverti den luz ultramoderno LED light di marca Philips. Den e luna di juli di aña pasa a concretisa e prome fase aki, unda a cende e luznan di Palo Marga cu ta ilumina e pista desde inicio te na final di e pista. Esaki sigur ta brinda e coredonan siguridad, mirando cu nan tin un miho bista di e pista.

Pagina 21

E mandatario di Deporte a haci un promesa di sigui cu e di dos fase di renobacion di Palo Marga, cual ta pa renoba e pista completo di Palo Marga pa cumpli cu e standardnan internacional.

Pa esaki, a trece Sr. Kurt Johnson di Total Venue Concepts, un profesional den e preparacion di pista di “drag racing” na Merca. Sr. Johnson a bishita Aruba na final di aña 2022, pa evalua kico tur mester haci pa e pista di Palo Marga wordo certifica. Sr. Johnson den su carera a atende cu varios pista di drag race rond mundo y tin conocemento y experticio amplio pa evalua, midi, bora, analisa pista y duna un rapport final.

Aña pasa Sr. Johnson a traha un rapport di e pista di Palo Marga y a presenta tres (3) opcion den su rapport. Durante un reunion, Minister Endy Croes hunto cu Arubaanse Wegenbouw Maatschappij (AWM) y Dienst Openbare Werken (DOW) a discuti riba e topico aki pa mira cua di e opcionnan aki ta factibel. Na final di e reunion, a conclui cu actualmente no tin tur e ekiponan necesario na Aruba pa cumpli cu e standardnan internacional.

Sinembargo, a traves di e contactonan di Sr. Kurt Johnson a ricibi un oferta adicional pa complimenta e proyecto aki. Durante e prome siman di april, Sr. Johnson y su team lo yega Aruba cu ekiponan di Merca pa guia AWM y DOW. Ademas di esaki, AWM lo trece un experto di Hulanda pa concretisa riba nivel di millimeter con nan lo basha e pista. Sr. Johnson a

propone pa uza un mix special pa e pista, esta “race quality asphalt”. E materialnan a yega Aruba caba pa inicia cu e trabou na comienso di april.

Ta planifica pa termina e proyecto di renobacion di e pista di Palo Marga na final di mei. Pues, tin hopi energia y trabou hinca den Palo Marga desde aña 2023. Desde Bureau di Minister di Deporte Endy Croes a keda monitorea, trek y guia e proyecto aki.

A percura continuamente pa e fondonan yega pa realisa e proyecto di Palo Marga, pa cumpli cu e condicionnan internacional y tin un pista certifica pa e proximo 15 añanan.

Cu esaki Gobierno di Aruba ta percura pa brinda esnan cu ta practica e deporte di drag race siguridad. Minister Endy Croes ta gradici DOW, AWM, directiva di Palo Marga, Ministerio di Deporte, tur stakeholder y team di profesional di Merca cu a bin cu un plan strategico pa hunto cristalisa e proyecto aki.

Finalmente, e mandatario di Deporte ta desea tur coredo hopi exito cu e logro aki. “Ta nos compromiso pa contribui den e desaroyo di deporte di Aruba y Gobierno di Aruba ta invertiendo den deporte pa bienestar di tur deportista”, Minister Endy Croes a conclui.

Pagina 18

LEY DI FINANCIAMENTO PARTIDO POLITICO

E ley aki ta uno cu hopi a papia di dje, nan a presenta mocion, traha y presenta concepto pero nunca tawata tin e persistencia y corahe pa haci’e un realidad. Minister Rocco Tjon, e tempo ey Parlamentario y actual Presidente di Parlamento sr. Edgard Vrolijk a entrega un ley di iniciativa pa amplia e Landsverordening politieke partijen ( AB 2001 no. 96) y inclui e administracionfinanciero di partido politiconan y candidatonan. P’esey awe, danki na MEP nos tin un ley cu ta contribui na e transparencia, integridad y bon gobernacion cu nos pais merece!

DONACION Y SPONSOR PA POLITICA AWOR TA REGLA DEN LEY E cambio (AB 2020 no. 153) den e Ley di partido politico den su esencia ta reglamenta con partidonan politico mester mantene nan administracion pa asina por tin transparencia. Alabes e ta reglamenta cuanto placa un partido politico mag di haya como donacion y tambe cuanto un candidato politico mag di haya como donacion of sponsor. Pues, no ta posibel mas pa partidonan politico of politiconan individual ricibi mas di Afl 3.000,-.

Si esaki ta e caso e ora mester publica di ken e donacion ta y/of di unda e ta bini. Donacionnan riba Afl 25.000,- ta prohibi. Di e forma aki nos ta frena e patronahe politico!

E cambio di ley a percura pa incorpora un comision nobo y independiente cu ta bay controla e exigencianan cu e ley aki ta pone riba partidonan politico y e candidatonan.

E comision tin autoridad pa duna sancion si no ta cumpli cu e reglanan stipula den ley.

CONCLUSION E cambio di ley aki ta haci cu donacionnan lucrativo di Afl 90.000,- manera esun cu Mike Eman a ricibi di Roberto Rincon, cu por cierto a keda condena na Merca pa soborno di mas di mil miyon dollar, awor no ta posibel mas. Esaki ta crea espacio pa nos enfoca mas riba contenido di cada partido enbes di riba fiesta, material, eventonan lucrativo y posibel contractonan preferencial!

#SINMIEDO

Pagina 10

#SINMIEDO

“

A yega ora di bolter Mike Eman y AVP leu di politica.

Pagina 11

MIKE EMAN TA MAS PELIGROSO Y DEVASTADOR PA NOS FINANSA Y FUTURO DI ARUBA CU UN BOA TA PA NOS FAUNA Mirando e reaccionnan riba Mike Eman den su ultimo locura mi mester a bin combersa cu pueblo. E motibo di esaki ta cu nos mester tuma Mike Eman na serio y no haci comosifuera ta un joke, paso Mike Eman ta mas peligroso y devastador cu un boa ta pa nos fauna!

Nos tin di ta consciente cu Mike Eman ta un peliger pa Aruba y cu e lo ta mas devastador ainda pa nos pais y pa futuro di nos isla, si pueblo comete e eror di ripiti e historia di 2009, na unda Mike Eman a sa di manipula pueblo pa yega na poder.

Mike Eman ta haciendo mescos cu na 2009 pa bolbe laga pueblo scoge, pa e por haya e mandato di pueblo pa un bes mas bin masacra nos finansas y nos economia. Danki na su manipulacion na 2009 awe nos pueblo ta sinta cu e castigo pa paga su MEGAdebe crea, sin conta e interes halto di e proyectonan PPP. MIKE EMAN A DEVASTA FINANSAS DI ARUBA Mike Eman a priminti pueblo na 2009 cu e lo drecha finansas (GDP di 43% na 2009) y cu e lo reduci Aruba su debe di Afl. 2.2 biyon cu a ser acumula den 23 aña. Pero Mike Eman y AVP sin niun tiki consenshi, mescos cu e boa ta haci cu nos fauna, a endeuda e pais cu Afl. 2.3 biyon acerca den solamente 8 aña y pone nos GDP yega 90%. E masacre di nos finansas door di Mike Eman y partido AVP a causa cu Aruba no tabatin buffer pa wanta ningun acontecimento manera a pasa cu e pandemia. E unico cu Mike Eman y AVP a haci ta aumenta nos pago di interes cu tabata rond Afl. 100 miyon pa aña y a manda esaki te na Afl. 300 miyon pa aña, cual ta 20% di nos presupuesto. Pues, 20% di nos entrada ta bay na paga 1 solo debe, e MEGAdebe di Mike Eman. Y ken bo ta kere mester pag’e? Banda di esaki Mike Eman y AVP a bin cu proyectonan PPP cu nan no a presupuesta y cu awo pueblo ta pagando Afl.

100 miyon extra banda di e interes halto na e proyectonan aki cu e consecuencia cu inversion den nos pais ta casi imposibel!

ARUBA MESTER PERCURA PA BOLTER MIKE EMAN PA SEMPER A yega momento pa pueblo, cu tin e instrumento cu yama derecho di voto dia di eleccion, pa bolter Mike Eman y su partido AVP pa hamas nan bolbe haya oportunidad pa dirigi nos pais! Mike Eman y AVP lo bin cu mas hamber cu e boa pa come tur locual Gabinete Wever -Croes I y II conhunto cu nos cuidanonan a logra construi despues di e disaster di Mike Eman y e pandemia di COVID-19. Mike Eman y AVP ta manera un boa cu ta sinta warda riba su presa, esta pa warda pueblo duna nan un mandato. Na 2017 y 2021 ya caba pueblo a honra Mike Eman pa ta den Parlamento y nos por conclui cu ta na poder e kier bin bek. Na 2017 e la opta pa no drenta Parlamento pero keda cera den su penthouse ta skirbi buki.

Na 2021 el a drenta Parlamento pero ta cobrando sin traha.

Mike Eman no tin e interes di Aruba na pecho pero solamente SU propio beneficio y interes. Pesey nos mester preveni pa Mike Eman y AVP bin na poder y masacra un biaha mas nos finansas, nos economia y e futuro di nos yuinan.

A yega ora di bolter Mike Eman y AVP leu di politica y ta pueblo tin esaki den nan man. Door di vota consciente nos por manda Mike Eman cas y asina pone punto final den su buki di politica.

#SINMIEDO

Pagina 20

#SINMIEDO

MEP na Mervin Wyatt-Ras:

BO TA KEHA SO, PERO NUNCA BO TA PRESENTA SOLUCION Mervin Wyatt-Ras ta un politico cu a pasa mita di su bida politico den Partido MEP, y e otro mita den partido AVP, despues cu el a bula cura. Biniendo di norma y balornan fuerte, tabata un desapunto grandi caba ora el a dicidi di uni na partido AVP. E desapunto y desgusto a bira mas grandi ora Mervin a dicidi di brasa corupcion, brasa Benny Sevinger hasta despues cu Benny a wordo haya culpabel di corupcion den gobernacion.

Esnan cu conoce Mervin nunca a pensa cu e por cay asina “low”.

Desde e tempo cu el a sali for di Partido MEP y uni su mes na un partido corupto, unico cos cu Mervin ta haci, ta keha y critica. Nada ta bon p’e. Pero nunca bo ta scucha Mervin bin cu solucion, of bisa kico e kier.

Ta conoci cu e filosofia den partido AVP ta cu tur candidato mester ta negativo so, pa nan lidercito Mike Eman por purba briya. Pero Mervin mester realisa cu Mike lo no briya nunca mas. Pueblo ta cla cu n’e caba.

Den e dianan aki Mervin a sali ataca Gabinete Wever-Croes cu

ta tarda den negosacion cu Hulanda, y esey ta afecta pueblo.

Pa cuminsa, mester remarca cu e negosacion aki ta algo hopi serio, y ta tuma su tempo y Prome Minister di nos pais ta negociando cu determinacion pa logra e miho pa nos pueblo.

Acaso Mervin kier pa Prome Minister Evelyn Wever-Croes tambe bay den welga di hamber manera su lidercito yoron Mike? Acaso ta si Evelyn Wever-Croes bay den welga di hamber, e ora Mervin ta stop di critica? Mervin mester realisa cu esey lo no pasa nunca, ta p’esey pueblo a manda Mike cas.

Y a pone Evelyn Wever-Croes eynan.

Mester remarca tambe, cu Mervin ni AVP no a bin cu solucion nunca. Nan a vota contra e ley di Reino, pues pueblo no ta compronde ta dicon e tin tanto critica. Mike a bay Hulanda pa presenta su idea, cu a wordo bari for di mesa door di Hulanda.

Pues, kico Mervin kier?

Pero pueblo di Aruba merece politiconan cu no ta critica y keha so. Critica, keha ta facil. Pueblo di Aruba merece politiconan cu ta bin cu solucion. Mervin, bo ta kere cu bo por haci esey?

Pagina 25

#LOGRANDO

CONECTA

Pagina 12

CONECTA

MANERA YA TA UN TRADICION PARTIDO MEP TA HISA E BANDERA DI MAS GRANDI DI ARUBA NA VISPERA DI DIA DI HIMNO Y BANDERA Pueblo di Aruba ta keda cordialmente invita dia 17 di maart cuminsando pa 11or di anochi na Cede di MEP, pa mey anochi hisa e bandera mas grandi di Aruba, y cuminsa e celebracion di nos Dia di Himno y Bandera.

Bin habri e celebracion di nos dia nacional hunto cu MEP y asina biba e experiencia unico aki di mira e bandera di mas grandi na Aruba bai halto. Pa e anochi aki lo tin un DJ, Brassband, cumindanan tipico y un bar bon surti.

Dia di Himno y Bandera ta e oportunidad pa reflexiona, yena nos mes cu inspiracion, curashi y amor patrio pa den union nos atende cu tur reto, pa garantisa felicidad

di pais Aruba.

Partido MEP ta conta cu bo presencia e anochi di 17 di maart cuminsando pa 11or, na Cede di MEP pa duna honor na e simbolonan di identidad di nos pais Aruba.

Stima bo pais, hisa bo bandera y sea orguyoso di ta un Arubiano.

Pagina 13

Pagina 20