Edicion 1 #LOGRANDO (Februari 2024)

Pagina 1

Februari, 2024

Movimiento Electoral di Pueblo MEP

Facebook MEPofficial

Pagina 2

OECD A KITA ARUBA FOR DI LISTA SHINISHI

Un bon señal cu confiansa den Aruba ta creciendo E ‘Organization for Economic Co-operation and Development’ (OECD) ta evalua e sistema legal y financiero di tur pais y si e pais tin practicanan di “belasting paradijs” (paraisonan fiscal) nan ta pone e pais riba ‘Black List’ (Lista Preto). Dos biaha pa aña EU ta publica un resumen di e paraisonan fiscal. Tin paisnan entre otro Rusia y Panama cu ta riba e lista preto y otro paisnan entre otro Bahamas y Belice cu a wordo elimina di e lista aki diamars ultimo. Aruba tawata riba e ‘Grey List’ (Lista Shinishi) y esey por stroba inversionnan den nos pais.

Prome Minister Evelyn Wever-Croes a remarca cu Aruba na prome instante a haya e menasa cu nos lo wordo poni riba e Lista Preto. Sinembargo nan a pone Aruba riba Lista Shinishi pasobra segun nan Aruba no tawata cumpli cu e rekisito di ‘exchange of information’ (intercambio di datonan financiero).

Aruba diamars 20 di februari a ricibi e bon noticia cu EU a dicidi cu Aruba ta cumpli y a kita Aruba di e Lista Shinishi. Aruba ta oficialmente riba e lista blanco. Esaki ta un muestra mas cu e confiansa den Aruba ta creciendo. Corsou di otro banda, si ta wordo considera cu ainda tin tareanan pa haci por lo tanto ta keda riba Lista Shinishi.

“Nos ta hopi contento y alivia cu e decision aki. No tabata facil pa logra, pero sinceramente nada a bay facil desde cu nos a drenta den Gobierno. Esaki ta resultado di un vision ambicioso

y un maneho responsabel. E logro aki ta danki na e esfuersonan y determinacion di henter e ekipo di DIMP y DWJZ y di Minister di Finansa Xiomara Maduro cu ta un dama di caracter pa haci loke ta necesario pa rescata reputacion financiero di nos pais”, Prome Minister Evelyn Wever-Croes a expresa.

Por lesa e articulo completo aki: https://www.telegraaf.nl/ financieel/1226346424/brussel-haalt-aruba-van-grijze-lijstbelastingparadijzen-huiswerk-curacao

Pagina 3

ENTREGA DI 20 LAPTOP NA PERSONAL DI DWJZ

E personal ta traha contento y awor tin mas material pa sigui cu e bon trabou E Departamento di Directie Wetgeving en Juridische Zaken (DWJZ) ta e departamento di legislacion y asuntonan huridico di pais Aruba. E departamento aki ta resorta bou di Ministerio di Asunto General y ta un departamento di gran importancia pa Gobierno di Aruba.

Diamars ultimo, 20 di februari, durante un rato masha ameno, Prome Minister Evelyn Wever-Croes a pasa saluda y combersa cu e personal di DWJZ y a elogia nan riba e bon trabou cu nan ta haciendo. Tambe durante e atardi aki Prome Minister a tuma e oportunidad pa haci entrega di 20 laptop pa asina e personal tin mas y miho material pa sigui eherce e bon trabou. Minister President a indica cu na e departamento aki tin hopi trabou, cu retonan grandi pero ta di destaca cu e personal ta traha contento y esey ta importante.

“Caminda cu nos por trece mas confortabilidad, mas accesibilidad, mas informacion of ayudo manera den e caso aki, ta algo cu semper ta yena nos cu hopi alegria y orguyo.

DWJZ manera mi a bisa ta un departamento sumamente crucial, sumamente importante y cada miembro di e personal ta duna su aporte na pais Aruba, ta sirbi e comunidad y esey nos ta hopi gradicido p’e”, Minister President a accentua.

Pagina 6

Pagina 7

“

Combati costo di bida, kiermeen combati pobresa, combati costo di bida, kiermeen logra progreso, y esaki pami, como Minister di Energia, y formando parti di Gabinete Wever-Croes II, ta e prioridad di mas grandi. Mi ta sumamente contento y orguyoso di mira cu e trabou cu nos a bin ta eherciendo tin su frutonan. Nos ta impulsando Aruba den un era nobo pa bienestar y na interes di nos Pueblo.

Pagina 5

15 DI FEBRUARI TA UN DIA GRANDI "NOS A LOGRA PA E PROME BARCO CU HFO MAS BARATA YEGA ARUBA" Diahuebs 15 di Februari ta un dia grandi pa Aruba. Minister Glenbert Croes a indica cu desde inicio di gobernacion, Gabinete Wever-Croes ta hibando un maneho pro activo pa baha prijs di awa y coriente pa e pueblo di Aruba.

Un di e manehonan cu a bin ta activando y gestionando, ta pa por tin diferente oportunidad y alternativa di suministro di combustibel. Aruba ta den e proceso di transicion pa gas natural. Mientras tanto, mester cumpra "heavy fuel oil" cu ta cumpli cu e specificacionnan cu WEB ta exigi, pero di paisnan cu ta ofrece mas barata, cu e meta pa baha e prijs di awa y coriente.

Minister Croes a expresa di ta sumamente contento y orguyoso cu riba un dia manera 15 di Februari 2024, Gobierno ta logra pa e prome barco di "heavy fuel oil" di Venezuela yega Aruba.

Cu esaki Gobierno por cuminsa e era, pa logra baha e tarifa di awa y coriente, manera a wordo priminti na e pueblo di Aruba. Esaki sigur ta habri e caminda pa crea e oportunidad pa Gobierno por cumpli cu e promesa aki.

Un di e prioridadnan di Gabinete Wever-Croes ta pa combati costo di bida. Y bahando e tarifa di awa y coriente, ta fundamental. Unabes cu logra baha e tarifa aki, e no lo solamente afecta positivamente cada hogar, sino tambe cada compania, reduciendo asina e gastonan di e compania. Cu menos gasto operacional, e companianan lo por cuminsa reduci prijsnan di producto y servicio pa e clientenan, afectando asina e costa di bida positivamente.

"Combati costo di bida, kiermeen combati pobresa, combati costo di bida, kiermeen logra progreso, y esaki pami, como Minister di Energia, y formando parti di Gabinete Wever-Croes II, ta e prioridad di mas grandi. Mi ta sumamente contento y orguyoso di mira cu e trabou cu nos a bin ta eherciendo tin su frutonan. Nos ta impulsando Aruba den un era nobo pa bienestar y na interes di nos Pueblo."

E empeño cu Gobierno a bin ta desplegando, pa busca otro alternativanan, riba 15 di februari 2024 a duna su fruto cu e entrada di e barco transportando e prome carga di HFO na prijs mas barata. Minister Croes a expresa su gratitud na FMSA, TDEA, Harttree y PDVSA pa a coopera pa haci e logro aki na bienestar y interes di nos Pueblo.

Pagina 4

LUNA DI JANUARI 2024 CU RESULTADO FUERTE PA TURISMO Nos a caba di ricibi resultado di turismo pa luna di januari 2024. Aña a habri mesun fuerte cu el a cera y den luna di januari 2024 nos a registra un crecemento di 18.4% den comparacion cu januari 2023. Tur e indicadornan ta positivo y esun mas importante ta cu turistanan ta lagando mas placa atras den nos economia.

Turismo ta keda drive nos economia.

Pagina 16

MINISTER DI SALUD PUBLICO A FIRMA UN ACUERDO (MOU) PA E MODERNISACION PA UN “ELEKTRONISCHE KIND DOSSIER” PA JEUGDGEZONDHEIDSZORG NA ARUBA.

Pagina 17

Diahuebs mainta durante un conferencia di prensa a firma un acuerdo di cooperacion (MOU) entre Ministerio di Turismo y Salud Publico, sr. Dangui Oduber conhunto cu e Director di Wit Gele Kruis (WGK) sr. Gino Goeloe, y Bestuursvoorzitter Dhr. Edwin Roos di Stichting Wit Gele Kruis. w Un mainta ameno unda Minister Dangui Oduber conhunto cu Minister di Enseñansa y Deporte, sr. Endy Croes a hiba algun palabra y a ricibi un presentacion di dra.

Janice Essers-Hooft y drs. Jan Hubert di Jeugdgezondheidszorg departamento di salud (JGZ) di e modernisacion di e programa actual cu JGZ ta usa y con

esaki lo tranforma pa un sistema di registracion den forma di “cloud based” pa asina cada mucha por tin nan socialmedisch dossier den un forma electronico cu lo yama “Elektronische Kind Dossier”.

Minister Dangui Oduber ta menciona cu e modernisacion di e sistema aki lo percura cu cada caso di nos muchanan lo por wordo registra, analysa y conserva den manera mas efectivo y eficiente pa nos profesionalnan den salud. Tambe e modernisacion lo minimalisa foutnan den registracion, lo por hasi e intercambio entre medico y psychologo mas fasil.

E firmamento di e MOU ta sumamente importante pa e communidad di Aruba

cu lo percura cu e protocol di privacidad ta keda uno strak y ancra den kiko mag y no mag y kiko lo ta mag ta visible. Lo garantisa e seguridad di nos muchanan danki na e trabou di empleadonan di departamento di salud publico.

Minister Dangui Oduber ta contento di e profesionalismo y e bon synergia di trabou entre tur organisacionnan cu a hasi e esaki posibel awe. Tambe kier gradici ful e ekipo di Jeugdgezondheidzorg, Wit Gele Kruis y DVG pa nan tremendo colaboracion tur e añanan aki na bienestar di e salud di nos muchanan y pa semper keda educa y guia mayornan den con pa yuda nan yiunan tin e miho calidad di bida.

Pagina 8

SEGUN E REDACCION ‘THE TELEGRAPH’ ARUBA TA E ISLA MAS SIGUR DEN CARIBE PA BIAHERONAN Manera ta conoci, Merca ta emiti aviso di biahe regularmente pa biaheronan, a base di estadisticanan di crimen y e tipo di crimen cu ta sosode na cada pais. A base di estadisticanan Aruba a sali como e isla di mas sigur den Caribe, y esaki ta debi cu per capita Aruba su cifranan di criminalidad ta hopi mas abou compara cu demas islanan den Caribe.

Den un estudio conduci pa ATA, estadisticanan a demostra cu 98% di bishitante a indica cu un di e motibonan principal pa bishita Aruba ta pa motibo di siguridad.

Pues, a base di e cifranan aki, a instala recientemente e ekipo di Tourism Security Patrol Aruba, cual ta consisti di 15 persona cu a sigui varios training riguroso na diferente companianan di siguridad como tambe na Cuerpo Policial mes. Cada un ta ekipa cu material pa traha raport, bodycam, flashlight, electrical bicycle y mas, manteniendo orden publico den areanan turistico riba nos isla.

Banda di esaki, siguridad na nos frontera tambe a avansa y ta sigui avansa, danki na e radarnan cu a wordo instala, pero tambe na e strategisch grensoverleg, caminda diferente departamentonan hudicial ta trahando cu otro pa asina garantisa siguridad na nos frontera.

Pagina 9

Por ultimo, mester menciona tambe cu e proyecto di camara di siguridad tambe ta un adicion na e aporte pa loke ta trata siguridad riba nos isla. Asina por bisa cu diferente camara di siguridad a wordo instala na diferente partinan di nos isla, y recientemente tambe den area hotelero. Ademas di esaki, e Operation Command Center, cual ta e departamento cu lo keda encarga cu e monitoreo di e imagennan aki tambe ta den su fase final y muy pronto lo ta operacional.

Palabranan di pabien y elogio na henter nos cadena hudicial, cu ta traha cu cuerpo y alma pa garantisa siguridad pa un y tur.

Pagina 18

STICHTING HUNTO TA OFICIALMENTE UN REALIDAD: UN SIMBOLO DI SPERANSA Y INOVACION PA ARUBA

Diahuebs atardi, nos a marca un paso significativo den e trabounan continuo pa un enfoke mas compasivo, inclusivo y efectivo pa cu cuido di salud mental aki na Aruba. Asina Minister di Husticia y Asuntonan Social sr. Rocco Tjon a duna di conoce, durante e inauguracion di e edificio di Stichting HUNTO, cual ta un simbolo di speransa y inovacion pa nos isla.

Pa hopi aña e desafionan di salud mental a domina grandemente den nos comunidad, hopi biaha man den man cu silencio, stigma y escasez di recursonan.

E apertura di Stichting HUNTO no solamente ta simbolisa e integracion fisico di locual ta psikiatria y tratamento di adiccion bou di un solo dak, pero tambe ta muestra di nos compromiso colectivo pa kibra e bareranan existente pa cu esakinan.

esnan cu ta enfrentando problemanan di salud mental y adiccion ta pasando aden.

Nos ta reconoce e curashi inmenso cu e ta tuma pa busca ayudo y e resiliencia pa supera e desafionan aki.

Stichting HUNTO ta para como un testimonio cu salud mental ta un parti integral di salud general y cu merece e mesun atencion, cuido y recursonan manera cualkier otro aspecto di nos bienestar.

E inauguracion di e edificio di Stichting HUNTO no ta solamente e culminacion di e proyecto aki, pero un principio un capitulo nobo - aki na Aruba pa un futuro unda cu cuido di salud mental ta accesibel, inclusivo y efectivo pa un y tur.

E iniciativa aki, cual ta alinea cu e maneho di Ministerio di Husticia y Asuntonan Social, pa mehora accesibilidad pa servicionan di salud mental, ta yuda tambe pa trata e listanan largo di espera cu tin, sigurando cu e yudansa ta disponibel pa esanan den necesidad na momento cu mas nan tin mester di esaki.

Laga esaki ta un yamada pa accion, pa cada un di nos, pa sigui boga pa concientisacion di salud mental, pa sostene esnan rond di nos den nan momento di necesidad y pa contribui na un comunidad unda cu ningun hende ta keda atras pa motibo di problemanan di salud mental of di adiccion. Hunto nos a pone e prome piedra pa cambio, pero ta door di nos esfuersonan colectivo e vision aki lo por wordo completamente realisa.

Cu e inauguracion di Stichgint HUNTO, nos ta para keto pa reconoce e lucha cu

Por ultimo, e Mandatario a extende palabranna di gradicimento na tur esnan

involucra den haci Stichting HUNTO un realidad. For di profesionalnan dedica di FMAA y SPD cu a acepta pa uni bou di un solo dak, te na e beleidsmedewerkers y esnan den nos comunidad cu a apoya e causa aki. Boso trabou incansabel, compromiso y dedicacion ta e fundeshi riba cual e iniciativa aki ta para.

Finalmente, laga nos recorda cu e salud di nos comunidad no ta wordo midi solamente pa e bienestar fisico di su miembronan, pero tambe pa e forsa di su sosten pa esnan cu ta enfrentando desafionan di salud mental y adiccion.

Stichting HUNTO ta un bon ehempel di locual nos por logra hunto y nos tin pleno confiansa cu su impacto lo wordo sinti pa e generacionnan cu ta bin.

Laga nos sigui for di aki cu e compromiso pa sigui sostene, eleva, y cuida cada miembro di nos comunidad, sigurando cu e portanan di Stichting HUNTO no ta djis un entrada di un edificio mas, pero un portal pa un futuro mas saludabel y prospero pa un y tur.

Pagina 19

Pagina 10

VELD DI MADUSHI STARS Durante fin di siman, trabou grandi a inicia na veld di Madushi Stars na San Nicolas. Lo baha tur luz pa traha e “light brackets” nobo y lanta esakinan bek. Hunto cu Lotto pa Deporte nos ta drechando infrastructura pa nos deportistanan. Nos pasion ta deporte y sigur nos lo sigui traha pa sirbi e pueblo aki

Pagina 11

VELD DI SVDAKOTA Trabou ta continua y veld di SVDakota e siman aki ta na turno. Hunto cu Lotto pa Deporte atendiendo nos veld nan rond Aruba. Trahando cu amor pa cumpli cu Deporte den su totalidad

Pagina 12

PROCESO DI RENOBACION DI PARLAMENTO Parlamento di Aruba lo conoce un renobacion grandi di su masterplan cu lo cuminsa den 2024 unda lo invert 6,7 miyon florin den esaki. Un renobacion cu ta di vital importancia mirando e estado cu Parlamento ta aden.

PROME PARTI PROYECTO E prome parti di e renobacion ta ensera e cambio di bentanan cu lo trece eficiencia den uso di coriente y sigur ta bentanan mas cu lo brinda mas seguridad tambe. Banda di esaki lo drecha y verf e parti dilanti completo.

E DI DOS PARTI PROYECTO E di dos parti ta esun mas grandi cu ta consisti di 7 fase unda cu un parti cu ta den un estado deplorabel cu lo ser demoli y lanta di nobo. Banda di esaki lo bin cambionan den e edificio existente y cu ta bon, unda lo bin cu mas acesibilidad pa esnan cu un descapacidad fisico. Banda di esaki lo bin instalacion nobo di coriente y tambe lo tene cuenta tambe cu sostenibilidad y tambe naturalesa.

Pagina 13

Pagina 14

PLAN DI MAYOR ARUBA

“KIBRA CURASON, Y CURA MENTE: E IMPACTO DI DIVORCIO RIBA MUCHANAN – UN INVESTIGACION PROFUNDO Y SU SOLUCIONNAN” Plan di Mayor Aruba, lo bay analisa 3 aña di casonan den corte cu ta relata na muchanan cu a pasa den un divorcio.

Pagina 15

PLAN DI MAYOR ARUBA E nececisidad di ‘LEY PLAN DI MAYOR’ cu ta un ley cu despues di analisa estudionan internacional, y compara nan cu nos datonan local, a resulta di ta un necesidad grandi pa Aruba. Estudionan internacional y multicultural ta demostra cu e co-relacion entre separacion y efectonan a corto plazo y largo plazo riba e mucha su salud mental y fisico ta un impacto riba su bida social.

E efectividad di e intervencionnan ofreci na mayornan y yiunan cu ta atravesa e dificil temporada di separacion brinda na Plan di Mayor, ta basa riba evidencia scientifico riba tarima internacional. Pa por adapta y diseña e intervencionnan na nos cultura y situacionan local ta rekeri pa nos por profundisa muchu mas nos cultura y situacion local.

Desde aña 2020 Plan di Mayor conhuntamente cu Centraal Bureau Statestiek Aruba a bin ta analisa e cifranan di divorcio en conexion cu nos muchanan. E aña aki lo tuma luga dos estudio importante pa asina por monitoria e efectividad di e ley Plan di Mayor y e intervencionnan proponi.

Den colaboracion cu CBS Aruba, Universidad di Utrecht, Universidad di Aruba y Corte di Prome Instancia lo analisa tur e casonan di divorcio entre e añanan 2020 y 2022 na unda ta encera muchanan menor di edad. Datonan manera edad di e muchanan y tambe si e muchanan a wordo scucha

ta importante pa ser registra. Asina lo por analisa con e situacion tawata prome cu e introduccion di e ley. Ta premira cu e introduccion di Ley di Plan di Mayor dia 1 di Maart 2024 lo stimula un crecemento den e grupo di mayornan cu ta practica co-ouderschap, y lo trece cu ne mas conscientisacion riba tur e elementonan cu e mayornan tin cu tene na cuenta den criansa di nan yiunan. Alaves lo stimula mas participacion den criansa di e muchanan entre e mayornan cu a abandona e hogar. Al fin y al cabo, mayor, bo ta pa semper!

Pagina 20

UNI DEN FILA DI MEP