�� PROYECTO DI AVENIDA MILIO CROES Y E PROME FASE DI E PROYECTO DI HIGH RISE HOTEL TA KEDANDO CLA
�� REPARATIETOESLAG PA PENSIONADONAN TA BIRA
200 FLORIN PA LUNA
�� A HACI VARIOS CAMBIO FISCAL PA YUDA E PENSIONADONAN
�� E VISION Y STRATEGIA TA MAS CALIDAD EN BES CANTIDAD
�� TA COMPARTI CON SU VISION PA E SECTOR DI CUIDO MEDICO TA PARTI DEN 3 PILAR
�� ENTRANTE AUGUSTUS 2024, TUR MUCHA DI KLAS 1 DI SCOL BASICO LO SIÑA LESA Y SKIRBI NA PAPIAMENTO
�� A RENOBA E SPEELPLAATS DI ARUBA ADVENTIST ACADEMY NA SAN NICOLAS
�� PA PROME BES DEN HISTORIA CONCACAF GIRLS U15 TA TUMA LUGA NA ARUBA
�� ARUBA TA HAYA UN ATLETIEKBAAN NOBO DI E MARCA MONDO
�� PRONTO NOS LO HACI ANUNCIO GRANDI PA CU ENSEÑANSA PA EMPLEO
�� AUMENTO DI BIJSTAND PA PERSONANAN CU LIMITACION TA UN REALIDAD
�� PROCESO PA SIGUI PROFESIONALISA ARUMIL
�� FRACCION DI MEP
�� ARUBAHUIS
�� SIN MIEDO
�� CONECTA CU NOS
Aruba ta den pleno recuperacion y awor cu a crea espacio
financiero por duna
alivio na e pueblo
DESAROYO POSITIVO DI ARUBA
Prome Minister Evelyn Wever-Croes, na clausura di e Conferencia di Prensa di Gobierno di Aruba dia 31 di juli, a enfatisa riba e resultadonan positivo di Gabinete Wever Croes II durante e ultimo 3 añanan di gobernacion.
BON MANEHO FINANCIERO
Cu determinacion, Gobierno di Aruba a traha pa trece bek finansas di Aruba riba e rumbo di progreso. Y awo Aruba ta mirando resultado di e bon maneho financiero di Gabinete Wever-Croes. Y tambe, esaki a wordo comproba pa varios instituto financiero internacional: Fondo Monetario Internacional (IMF); Fitch Ratings; instituto Economisch Bureau Amsterdam (EBA); y recien tambe pa Banco Central di Aruba. Aruba a ricibi bon noticia tras di otro riba su maneho financiero.
ARUBA TA DEN DESAROYO.
Turismo, Economia y Finansas Publico di Aruba ta bayendo bon. Desempleo y inflacion a baha. Tambe recientemente Minister di Finansa, Xiomara Maduro a duna un anuncio importante cu
un biaha mas ta bay aumenta e entrada di e pensionadonan. Y otro logro grandi y importante ta cu manera cu a priminti, siman pasa empleadonan publico a haya e prome parti di e aumento di entrada door di indexering. Tur e echonnan aki ta indica cu Aruba ta den pleno recuperacion, y cu awor cu a crea espacio financiero por duna alivio na e pueblo.
“Tres aña pasa e pueblo di Aruba a duna nos e confiansa pa saca Aruba for di e crisis y nos a cumpli. E pueblo a duna nos e confiansa pa nos stabilisa nos pais despues di e crisis di Covid19 y nos a haci’e.
E pueblo di Aruba a pidi nos pa traha riba e progreso di nos pais despues di a stabilisa e pais, y nos a cumpli y a crea progreso. Awor nos ta percurando pa e progreso aki wordo traduci den prosperidad den cada hogar di Aruba, den cada cartera di nos ciudadanonan. Esey ta nos meta principal awor. Nos a priminti y nos ta cumpliendo. Nos no a realisa tur e metanan ainda pero nos ta logrando si”, Prome Minister a expresa.
Lider di MEP y Prome Minister
Evelyn Wever-Croes:
MILIO CROES Y E
PROME
PROYECTO HIGH RISE HOTEL TA KEDANDO CLA
Prome Minister
Evelyn Wever-Croes recientemente a duna un actualisacion riba dos proyecto importante di Ministerio di Infrastructura hunto cu DOW. Ta trata di e proyecto di e caretera di Avenida Milio Croes na Dakota y e proyecto di e caretera di High Rise Hotels.
CARETERA AVENIDA
MILO CROES
Prome Minister ta menciona cu e ta contento di por mira cu e caretera di Avenida Milo Croes ya ta kedando cla. Esaki siendo un area di acceso importante di Aruba, cu hopi comercio y di hopi trafico, e caminda nobo sigur lo trece un alivio grandi na e usuarionan.
Manera ya ta conoci debi na e pandemia Gobierno mester a para tur inversion den careteranan pa duna prioridad na e pueblo di Aruba y inverti pa salba bida di hende, salba nan trabounan y salba companianan. Pero awo cu den e presupuestonan di añanan 2023 y 2024 tin surplusnan, a crea espacio financiero y aloca fondo pa traha y drecha careteranan di Aruba.
CARETERA HIGH RISE HOTELS
Referiendo na e proyecto di e caretera di High Rise Hotels, Prome Minister ta splica cu e proyecto ta parti den 3 fase ya cu no por cera e area completamente pasobra mester tin acceso na e hotelnan. E prome fase ya ta finalisando y esaki den e periodo planifica.
E mandatario ta sigui bisa cu e ceramento di e caminda durante e ehecucion di e proyecto por causa molester principalmente na e taxistanan.
Pero na final di e proyecto tur usuario lo bay goza di un bunita caminda cu acera nobo y cu landscaping y iluminacion moderno.
Prome Minister: “Aruba henter por ta satisfecho y orguyoso di e proyectonan aki. Despues di completa esakinan lo sigui cu demas caretera cu mester atencion urgente. Mi ta gradici DOW y tur nan trahadonan pa nan valioso trabou. E careteranan aki tawata den masha mal estado y tawata un crisis riba nan mes, y mescos cu otro crisis, nos a cera cabes, bin cu solucion, traha duro, y awor nos ta solucionando esaki tambe. Nos no por soluciona tur problema pareu, pero poco poco y sigur nos ta logrando si!”
REPARATIETOESLAG PA PENSIONADONAN TA BIRA 200 FLORIN PA LUNA
Diaranson 31 di juli durante conferencia di prensa Minister Maduro di Finansa a anuncia cu e Reparatietoeslag pa Pensionado ta subi cu 30 florin y ta bira 200 florin desde augustus 2024.
E mandatario a splica cu durante e Cambio di Presupuesto 2024 a indica cu Gobierno lo pone suma disponibel pa asina por subi e Reparatietoeslag di Pensionado y Trahadornan, pero a keda pendiente pa haci e calculonan necesario pa stipula con hopi por subi e ayudo aki cu Gobierno ta brinda na pensionadonan cu ta ricibi AOV y AWW y tambe na trahadornan cu ta gana un salario mas abou cu 2500 florin pa luna.
Pa locual ta trata e pensionadonan, Minister Maduro a informa cu tin un aumento di 30 florin riba e 170 florin di Reparatietoeslag desde augustus 2024. Esaki kiermeen cu tur pensionado di SVB lo cobra e suma di 200 florin na Reparatietoeslag ora e pago di pensioen pasa riba dia 31 di juli 2024. Segun SVB a informa, un total di 19.548 pensionado di AOV y 1.336 pensionado di AWW ta cobra e 200 florin.
Minister Maduro a indica cu e Reparatietoeslag pa trahadornan cu ta gana menos cu 2500 florin pa luna ta subi cu 50 florin y ta bira 175 florin desde augustus 2024. Pa cu esaki e mandatario a informa cu den e dianan nos dilanti e tabel di Departamento di Impuesto lo keda publica pa oficialisa e subida aki.
Gabinete Wever-Croes ta hiba un maneho financiero serio den cual a haci varios cambio fiscal pa yuda e pensionadonan.
A HACI VARIOS CAMBIO FISCAL PA YUDA E PENSIONADONAN
A BAHA PRIMA DI AZV
A HISA SUMA LIBER DI IMPUESTO
A SEPARA COBRANSA DI IMPUESTO A AUMENTA REPARATIETOESLAG
Asina nos por mira cu na aña 2018 caba a cuminsa na reduci e prima di AZV pa pensionadonan riba e prome 30.000 florin di nan entrada, di 10,5% pa 6,5%. Entrante 1 di januari 2024, a bolbe reduci e prima di AZV pa pensionadonan di 6,5% pa 5%.
Den e 'Plan di Impuesto 2023' a hisa e suma di impuesto liber (‘belastingvrije voet’) di 28.861 florin pa 30.000 florin. Esaki a baha e peso fiscal pa tur persona, specialmente pa e grupo di pensionado.
Desde 1 di januari 2023, a separa e cobransa di impuesto riba entrada di pensioen di biehes di SVb di parehanan casa. Di e manera aki no ta acumula e suma di entrada di tur dos persona, locual cu ta pone cu e pareha pensionado ta paga menos na impuesto.
Desde 1 januari 2023, a aumenta tambe e suma di Reparatietoeslag pa tur pensionado di SVb cu 45 florin, di 125 florin pa 170 florin pa luna. Entrante 1 di augustus 2024, ta bolbe subi e suma di Reparatietoeslag pa tur pensionado di SVb cu 30 florin y esaki ta bira 200 florin pa luna. Den aña 2025 e suma total cu un pensionado di SVb ta ricibi na Reparatietoeslag ta bira 2.400 florin pa aña.
A SUBI PENSIOEN DI BIEHES
PENSIOEN SOLTERO:
PENSIOEN PAREHA:
MANEHO SERIO TA DUNA SU FRUTA
Banda di e cambionan fiscal tabata tin aumento tambe di pensioen di biehes.
Minister Maduro di Finansa ta subraya cu Gabinete WeverCroes ta hiba un maneho financiero serio cu ta duna su fruta. Asina nos por mira cu a frena e crecemento di debe, a haci cambionan fiscal pa logra yega na presupuestonan cu surplus y ta creando espacio financiero pa por yuda esnan mas vulnerabel den comunidad.
Minister Dangui Oduber
E VISION Y STRATEGIA TA MAS CALIDAD EN BES CANTIDAD
Minister Dangui su deseo ta pa redobla e cantidad di pasaheronan cu ta uza aeropuerto priva – JET TNCA
Trahando tur dia ariba eleva Aruba su turismo na un “high-end, low-impact model”, Minister di Turismo ta expresa cu su deseo ta pa redobla e cantidad di pasahero afluente cu ta yega via e aeropuerto priva di nos isla. E iniciativa aki tin como obhetivo pa target e mercado di biahe di luho cu ta hopi lucrativo, posicionando Aruba como un destinacion di primera clase pa bishitante exclusivo cu ta busca satisfaccion.
ENFOKE RIBA E MERCADO DI LUHO
Aruba ta reconoci pa su playa nan prestigioso, cultura vibrante, y hospitalidad amigabel. Nos ta wordo considera como un producto di calidad y sigur como un di e mihor destinacionan den caribe.
Awor, e isla ta pone su bista riba atrae un segmento nobo di bishitante—individuo y famianan afluente cu ta prefera comodidad y privacidad di e aviacion priva. Pa enfoka riba e mercado cu gran potencial aki, Minister di Turismo kier concentra na haci e aeropuerto priva uno mas atractivo di e region, pa e bishitantenan exigente cu tin un ingreso considerabel y un gusta pa experiencianan di luho escoGe Aruba como nan destinacion.
Banda di esaki ya caba a haci un estudio pa desaroya un marina pa yatenan luhoso. Esaki ta un segmento nobo cu hopi potencial. Minister Dangui a traha un plan caba pa un desaroyo di un marina pariba di brug. Esaki sigur lo ta algo nobo y distinto cu lo trece turistanan afluente pa Aruba y focus mas riba calidad en bes di cantidad.
IMPACTO ECONOMICO
Minister Dangui a enfatisa cu e enfoke estrategico riba turistanan di luho lo tin un impacto positivo substancial riba e economia di Aruba. “Turistanan afluente tin un tendencia di gasta mas ariba acomodacion di primera clase, gastronomia exclusivo, excurcionnan unico, y comercio di nivel halto,” Minister Dangui Oduber a bisa. “Pa dobla e cantidad di pasahero di luho, nos ta spera un aumento considerabel den ingreso pa Aruba.
Minister Dangui su vision ta di haci Aruba un destinacion di luho den Caribe. E vision ta crea un ambiente unda turistanan di luho por disfruta experiencianan sin igual mientras cu ta contribui na e crecemento sostenibel di Aruba su economia. E iniciativa aki ta un paso significante den realisacion di esey.
Minister Dangui Oduber
TA COMPARTI CON SU VISION PA E SECTOR DI CUIDO MEDICO TA PARTI DEN 3 PILAR
PILAR 1: MEHORA NOS CALIDAD
DI CUIDO Y SERVICIO NA ARUBA.
Minister ta menciona pa logra mehora esaki, henter e sector di cuido mester a bin hunto y firma un acuerdo di cuido (Zorgakkord) pa locual ta e direccion cu kier hiba nos cuido medico den futuro. Tur esaki ta pa salvaguardia e fondo di AZV, pa asina nos por keda ofrece un seguro medico general na tur e aseguradonan. Den e acuerdo di cuido a enfoka ariba e siguiente prioridadnan manera; reinforsa prome liña di cuido, aumenta e accesibilidad, baha e lista di espera y percura pa yena e vacaturanan di specialista.
PILAR 2: INVERSION
DEN CUIDO MEDICO.
Minister Dangui Oduber ta menciona cu locual ta hopi importante den e acuerdo di cuido ta e presupuesto financiero, pa por guia y determina e fondonan pa e añanan binidero.
A percura pa den e presupuesto tin e financiamento necesario pa por haci inversionnan den e sector di cuido medico manera; inversionnan na Imsan pa e centro di radiotherapie, inversionnan na respaldo pa yuda pashent cu problema di salud mental, imversionnan pa stichting Bob, inversionnan na Hospital pa mehora e servicio na pashent, inversionnan pa ambulancenan nobo y inversionnan den innovacion.
PILAR 3: PREVENCION DEN SALUD.
Minister Oduber ta sigui traha duro pa prevencion di salud. E ta e responsabilidad di cada ciudadano pa biba un bida balansa y saludabel.
E pilar aki ta asina importante y pa es motibo a presenta un plan nacional di prevencion conhuntamente cu Pan American Health Association (PAHO) y ademas stakeholders den cuido medico. E meta di e plan di prevencion ta pa asina conscientisa y educa e comunidad con pa tin un lifestyle mas saludabel pa un mihor calidad di bida y pa tin mas productividad den nan bida diario. Den cuadro di esaki a habri Healthy Lifestyle Center cu ta fungi como un centro pa yuda guia y duna coaching na tur cu tin e deseo di cambia nan lifestyle pa uno mas saludabel.
Minister Oduber ta sigui traha pa cumpli cu e compromiso cu e tin pa cu e pueblo di Aruba. Pa sigui traha pa mehora e calidad di cuido y servicio den su totalidad. Pa asina por ofrece un mihor servicio na tur e aseguradonan.
E vision ta pa den futuro, e alumnonan lo ricibi Hulandes of un otro idioma como idioma stranhero “vreemde taal” y lo prepara e maestronan pa asina garantisa cu nos studiantenan por prepara y ta exitoso den nan carera profesional pa por sirbi Pais Aruba.
Minister Endy Croes:
ENTRANTE AUGUSTUS
2024, TUR MUCHA DI KLAS 1 DI SCOL BASICO LO SIÑA LESA Y SKIRBI
NA PAPIAMENTO
Manera ta conoci, den cuadro di Maneho di Idioma nobo, ta introduci oficialmente Alfabetisacion na Papiamento e aña escolar binidero. Esaki ta nifica cu desde aña escolar 20242025, e alumnonan di klas 1 di scol basico lo siña lesa y skirbi na Papiamento. Lo duna Hulandes cu un acercamento nobo cu ta pas mas den e contexto di nos muchanan. En conexion cu esaki, a prepara tur docente di klas 1 y cabesante di scol basico, unda cu nan a atende un curso di profesionalisacion.
Durante e cursonan a trata: e metanan nucleo di idioma y comunicacion, conocemento di e material, didactica di idioma materno y didactica di idioma stranhero y dominio di Papiamento. Ademas di esaki, a inverti alrededor di 1.2 miyon florin pa desaroya e materialnan nobo. A print e materialnan na Hulanda, esaki nan a yega Aruba y a reparti nan pa tur scol basico. Minister Endy Croes a subraya cu diferente estudio internacional hopi profundo cu a ser haci riba e topico aki entre otro, rapport di World Bank di aña 2021, unda a yega na e conclusion cu den e prome añanan e alumno tin cu ricibi enseñansa den su idioma materno.
E rapport di UNESCO di aña 2016 titula: “If you don’t understand, how can you learn?” tambe a trata e tema aki. Nos profesionalnan a haci uzo di e rapportnan aki y realisa investigacion hopi profundo na Aruba y a yega na e mesun conclusion cu e rapportnan internacional. Pa e motibo aki nos a percura pa introduci Papiamento den klas 1 di scol basico aña escolar 2024-2025.
“E vision ta pa den futuro, e alumnonan lo ricibi Hulandes of un otro idioma como idioma stranhero “vreemde taal” y lo prepara e maestronan pa asina garantisa cu nos studiantenan por prepara y ta exitoso den nan carera profesional pa por sirbi Pais Aruba”.
Por ultimo, e mandatario di Enseñansa ta pidi cooperacion di tur docente, maestro y esnan den e veld di enseñansa. Alabes ta gradici Departamento di Enseñansa (DEA) y tur esnan cu a traha riba e proyecto aki. “Danki na e tereno di enseñansa, tur experto y “schoolbestuur” cu a pone hopi esfuerso y e compromiso pa hunto nos crusa e brug aki augustus proximo”, Minister Endy Croes a finalisa.
E trabounan na bienestar di Pueblo di Aruba ta continua. Nos ta sigui avansa.
A RENOBA E
SPEELPLAATS DI ARUBA ADVENTIST ACADEMY NA SAN NICOLAS
Diabierna ultimo, Minister Endy Croes a bishita Aruba Adventist Academy na San Nicolas pa mira e ultimo desaroyonan di e proyecto di asfalt pa e speelplaats cu DOW ta realisando na e scol.
E scol aki ta wordo maneha pa e “schoolbestuur” SOAZA, kende a haci un peticion pa renobacion di e speelplaats cu tabata hopi deteriora. Despues cu Minister Endy Croes a haci un bishita na e scol aña pasa, a pidi DOW pa nan cooperacion pa por schedule e proyecto aki. E mandatario di Enseñansa y Deporte ta gradici e ekipo di DOW cu a haci un trabou fenomenal.
Tambe Minister Endy Croes ta gradici Prome Minister Evelyn Wever – Croes, bou di ken e cartera di infrastructura ta resorta.
“Danki pa aporta ki ora cu nos yega cu un peticion y cu tin e fondonan disponibel pa nos por realisa un proyecto”, Minister Endy Croes a expresa. Pa conclui, Minister Endy Croes ta felicita e docentenan y “schoolbestuur” di SOAZA y ohala cu speelplaats nobo por yuda brinda un miho calidad pa nos muchanan ora cu nan ta hunga den pauze. “E trabounan na bienestar di Pueblo di Aruba ta continua. Nos ta sigui avansa”, Minister Endy Croes a finalisa.
Minister Endy Croes: PA PROME BES DEN HISTORIA CONCACAF GIRLS U15 TA TUMA LUGA NA ARUBA
Recientemente, Minister Endy Croes a elabora riba e torneo di futbol internacional cu ta tuma luga pa prome bes den historia na Aruba. Arubaanse Voetbal Bond (AVB) hunto cu CONCACAF ta preparando pa e torneo grandi aki, esta CONCACAF Girls U15.
Un total di 13 pais a confirma y ta competi den e torneo aki. E seleccionan lo bataya contra otro pa conkista e titulo maximo. E torneo ta tuma luga di 1 pa 11 di augustus proximo na Aruba.
Minister Endy Croes a subraya cu a percura pa pone Stadion GPT na Dakota den condicion pa e campeonato por tuma luga eyden.
Pa finalisa, Minister di Deporte ta felicita Arubaanse Voetbal Bond (AVB) pa agresivamente atrae torneo grandi pa Aruba. Tambe e mandatario di Deporte ta gradici tur esnan cu a duna nan aporte pa hunto logra cu COCACAF Girls U15 tuma luga na Aruba.
Por ultimo, Minister Endy Croes ta desea e 13 paisnan hopi exito, specialmente na nos Seleccion Hubenil Femenino U15. Cu deseo, disciplina, dedicacion y determinacion boso ta logra.
Pueblo di Aruba ta cordialmente invita pa apoya nos Seleccion Hubenil Femenino U15.
Nos sa cu esaki ta un proyecto costoso, pero Aruba y nos atletanan merece esaki.
Minister Endy Croes:
ARUBA TA HAYA UN ATLETIEKBAAN NOBO DI E MARCA MONDO
MONDO a traha e “state of the art” atletiekbaan pa
Olimpiada Paris 2024.
Tur wowo ta riba Olimpiada Paris 2024. Pa cu esaki nos por mira un bunita atletiekbaan ultramoderno color biña cla, cual a wordo construi specialmente pa e Weganan Olimpico di Paris 2024.
MONDO: E PROYECTO DI E ATLETIEKBAAN DI OLIMPIADA PARIS 2024 A COSTA
3 MIYON EURO:
MONDO ta un compania Italiano, kendenan tin experencia pa fabrica atletiekbaan na standard internacional cumpliendo asina cu tur exigencia di World Athletics pa e competencianan rond di mundo.
Pues MONDO pa decada ta e compania cu ta produci atletiekbaan di calidad pa entre otro, Weganan Olimpico, Juegos Pan Americano y tur e weganan mundial. Pues un compania cu ta carece di hopi respet. Gobierno Frances den comunicacion cu World Athletics y Comite Olimpico Internacional a scoge pa traha un bes mas cu e compania MONDO pa cu Weganan Olimpico Paris 2024.
Asina MONDO a diseña un “state of the art” MONDO Track with Ellipse Impulse Technology” atletiekbaan pa e stadion di deporte di mas grandi na Francia, esta “Stade de France”. Un total di 23.114 M2 di material a wordo traha di cual 15.570m2 a wordo aloca pa e “track and field” y diferente parti den e stadion, mientras 7.544m2 a wordo aloca pafo como “trainings facility”.
E instalacion di e proyecto aki a conta cu 1.168 rol di e material di atletiekbaan, cual cada rol tabatin un peso di 250 kilo cada un pa un total di alrededor 300 ton di “high performance” atletiekbaan. Tur esaki a wordo traha y produci na e fabrica di MONDO na Alba Italia. E proyecto di solamente e producto
MONDO pa e atletiekbaan aki instala tabatin un costo total di 3 miyon Euro. Desde aña 1987, MONDO ta e “supplier” y partner oficial di World Atletics. Nos mester anucia cu e mesun fabrica aki a produci y traha e atletiekbaan pa GPT Stadion Dakota pa Aruba, pues Aruba mester ta orguyoso di loke nan ta bay ta haya.
ARUBA POR TA ORGUYOSO:
Desde cu a cuminsa cu e proyecto di renobacion di GPT Stadion Dakota, Minister Endy Croes a boga pa e miho calidad posibel, tanto pa e yerbe (turf) pa e cancha di futbol acredita pa FIFA y calidad di e luzanan pa nan ta na standard di FIFA y CONCACAF. Ademas di esaki, semper Minister Endy Croes a para pa por tin un atletiekbaan di un marca renombra y acredita pa World Athletics.
“Nos sa cu esaki ta un proyecto costoso, pero Aruba y nos atletanan merece esaki”, Minister Endy Croes a subraya. Pues Aruba tambe pronto tin un “state of the art stadium”.
“Nos por anucia orguyosamente cu mesun compania MONDO, cu a construi e atletiekbaan na Paris pa Weganan Olimpico 2024, ta na Aruba den luna di october/november pa instala e MONDO Track, cual por cierto a wordo construi na Italia y ta na Aruba.
Awor lo cuminsa e proceso pa traha e base nobo na standard y exigencia di MONDO pa despues e tecniconan intenacional instala e atletiekbaan nobo. Cu esaki Minister Endy Croes kier felicita Atletiekbond y tur atleta cu ta practica e deporte di atletismo.
Danki na Gabinete Wever - Croes II pa kere y sostene e proyecto aki. Tambe un danki na Lotto pa Deporte. Masha pabien na tur nos atletanan. Un poco mas pasenshi, pronto boso proyecto lo wordo entrega. “Nos ta priminti y nos ta cumpli! Pabien Aruba”, Minister Endy Croes a finalisa.
EPE ta e vehiculo pa abo logra e trabou di bo soño!
Den e prome 6 lunanan di 2024 Enseñansa pa
Empleo a habri porta pa ofrece un diversidad amplio di cursonan pa henter comunidad di Aruba. Duante inicio di aña, EPE a ofrece un total di 24 diferente curso, cual e resulta den 30 klas y un total di 488 cursista.
PRONTO NOS LO HACI ANUNCIO GRANDI PA
CU ENSEÑANSA PA EMPLEO
Mientras cu e cursonan tabata tumando luga, a traha riba diferente otro proyecto- y iniciativanan. Durante e prome 6 lunanan nos tabata tin e privilegio pa duna asistencia y guia na e siguiente gruponan:
• SVT – Formacion Social - grupo di damas: E grupo aki a sigui cu exito e cursonan di Ingles, Computer Basico y Klein Vaarbewijs.
• Fundacion Muchila Creativo a ricibi un curso di introduccion den Hospitality como tambe diferente workshops na unda a enfoca riba apariencia y e importancia di excelencia den servicio. Den cooperacion cu Divi y Marriott Hotels, e hobennan di Muchila Creativo a haya e posibilidad pa demostra y practica nan habilidadnan adkiri den e curso.
• Pa adultonan 60+ – a facilita 2 curso pa e proyecto di “Hunto grandi, Grandi Hunto” di Fundacion Movemiento ta Bida, esta di computer y tambe di teatro.
• A desoroya cursonan specifico riba di e necesidad di diferente departamento di Gobierno
EPE a sigui enfoca riba estrecha e relacion cu mercado laboral, sector gubernamental y comunidad. A participa den diferente exposicion di trabou y di enseñansa pa duna mas informacion riba tur e cursonan cu EPE ta ofrece pa (re)capacitacion pa esnan interesa pa amplia nan conocimento pa haci nan (re) entrada den mercado laboral hopi mas accesibel.
Danki na e bon relacion cu EPE tin cu sector priva, EPE a wordo acerca pa ofrece cursonan di idioma na empleadonan di diferente di nos hotelnan.
Un logro sumamente importante cu e sector priva ta, cu EPE a logra pa HR directors presencia e diferente examen den e ramo di hospitalidad pa demostra e balor y calidad di e cursonan cu EPE ta ofrece. Esaki a conduci cu diferente cursista a wordo ofreci trabou di biaha.
E siguiente tanda di cursonan lo cuminsa 19 di augustus 2024. Ainda por inscribi aunke cuponan ta limita. Cursonan cu lo wordo ofreci ta:
Y fin di luna keda pendiente pa dos anuncio sumamente importante pa henter pueblo di Aruba y di San Nicolas den especial!
Aumento di bijstand pa personanan cu limitacion ta un paso sumamente importante cu a wordo tuma, pa asina yuda e ciudadanonan aki.
Minister Rocco Tjon: AUMENTO DI BIJSTAND PA PERSONANAN CU LIMITACION TA UN REALIDAD
Danki na e bon maneho cu ta wordo hiba door di Gobierno di Aruba, a crea espacio pa por a tuma decision pa diferente gruponan den nos comunidad.
Entre otro pensionadonan, ambtenaar y empleadonan di diferente fundacion cu a haya indexering, a tene cuenta tambe cu e grupo di personanan cu limitacion.
Mirando e historia di bijstand pa personanan cu limitacion, solamento na tres ocasion a conoce un aumento. E prome tawata na 2004, e siguiente na 2007 y e ultimo tawata na 2013.
Pues entrante 1 di juli 2024, e personanan cu ta ricibi e bijstand aki lo conoce un aumento di 130 florin pa luna. E suma total nobo ta bay bira 1080fl pa luna, cual ta wordo paga den e bijstand di september cu forsa retroactivo te cu juli 2024.
Esaki ta nifica cu e persona cu ta ricibi su bijstand den september lo ricibi e suma nobo di 1080 alabes e aumento di juli y augustus pa loke ta trata e 130 florin. Ta trata pues di un paso sumamente importante cu a wordo tuma, pa asina yuda e personanan aki.
Minister Rocco Tjon:
PROCESO PA SIGUI PROFESIONALISA ARUMIL
Dialuna mainta, durante conferencia di prensa di Gobierno di Aruba, Minister di Husticia y Asuntonan Social sr. Rocco Tjon, a elabora riba e proceso cu ta andando pa algun aña caba, pa sigui profesionalisa Arumil. E meta di e proceso aki ta pa yega na un concepto di ley nobo, pa di e forma ey por stop di uza e “dienstplicht verordening” como base, mirando cu esaki ta un ley di hopi aña atras. Pues, a base di un landsverordening nobo como tambe un landsbesluit nobo, por regla e rechtspositie di e Arumiller mucho miho.
Esaki ta bay den bon cooperacion cu diferente departamento aki na Aruba, manera DRH, y Directie Wetgeving cual ta bay wordo involucra, pero tambe cu departamentonan na Curaçao y Hulanda. Siman pasa, e mandatario a reuni cu director di asuntonan huridico di ministerio di defensa di Hulanda, alabes a reuni cu e brigade general di ministerio di defensa y commandeur Hansen kende ta e hefe maximo di Kustwacht, Arumil y Curmil.
Un reunion sumamente importante y positivo, caminda a repasa tur e diferente pasonan cu a wordo tuma caba. Manera a indica, na 2022 y 2023 ya caba cierto conceptonan a wordo traha, e vision y direccion strategico unda kier bay cu Arumil a wordo defini.
E trayectonan pa por logra esaki a wordo defini y e conceptonan ta cla. Pues, aworaki tin un ‘timeline’ defini, caminda november di e aña aki, e version final di e conceptonan di ley aki lo ta cla, pa di e forma ey, directie wetgeving por tira un bista riba esaki. E intencion ta pa na inicio di 2025, inicia cu e trayecto di ley, cu miras pa prome di januari 2026, e leynan aki drenta na vigor.
E proceso aki ta bay nifica un cambio grandi pa e Arumillers pa loke ta nan rechtspositie, nan lo bay wordo nombra como ambtenaar, pa despues di nan trayecto como Arumil nan por sigui den e cadena hudicial. Pa e motibo aki, e involucracion di DRH tawata sumamente importante, pa asina por a defini e diferente trayectonan cu ta bay bin, mirando cu e overstap pa un Cuerpo Policial lo ta diferente cu e overstap pa KIA, mirando cu ta trayectonan diferente.
A base di e anticipacion pa 2026, ta bay haci un analisis di cuanto Arumillers lo mester sali for di servicio pa comienso di 2026, pa aworaki caba por cuminsa cu e trayecto pa educa nan, pa di e forma ey nan por drenta na un Cuerpo Policial, KIA, CEA etc. Ya caba den e diferente reorganisacionnan cu ta andando, manera esun di Cuerpo Policia, ta tene cuenta cu Arumillers lo por wordo incorpora den e organisacion aki, na algun departamento specifico.
Pa esaki por bira un realidad, e training lo tin cu cuminsa na tempo, y for di Hulanda aduna di conoce cu nan ta dispuesto pa pone e fondonan aki disponibel pa por educa e Arumillers.
FRACCION DI MEP
Lo mi continua di haci bon uso di mi tempo den Parlamento pa bin cu leynan esencial cu lo protege y empodera nos pueblo.
Parlamentario Marco Berlis (MEP) ta papia di:
REFERENDUM, E DERECHO DI PUEBLO PA SCOGE SU MESUN DESTINO
Pa hopi e ta un secreto ainda cu Aruba no conoce un ley di referendum den su constitucion. Algun persona a acerca mi y otronan a skirbi mi cu tin un referendum hancra den nos constitucion. Berdad, tin un referendum den nos constitucion hancra, pero e referendum aki solamente por wordo usa si en caso un dia e pueblo di Aruba dicidi pa Aruba bira un pais independiente.
E referendum existente no por wordo usa pa niun otro topico mas. Ta pesey ora cu mi a descubri e dilema aki, mi a dicidi di bin cu un ley di referendum cu si por cubri topiconan cu ta preocupante den e desaroyo di nos pais.
PUEBLO LO POR DICIDI RIBA
Un ehempel di topico cu e ley di referendum lo por wordo usa ta si pueblo kier un opina y vota riba un topico controversial. Nos por tuma nota cu e ultimo decadanan nos no a wak un referendum wordo teni na Corsou of e otro islanan. Referendum no ta algo cu ta wordo yama pa cualkier topico. Un ehempel di un topico controversial por ta e topico di abortus.
Esaki ta un topico cu ta impacta nos comunidad profundamente, pasobra e ta afecta nos norma y balornan, nos cultura, tradicion y fe. E ley di Referendum ta duna pueblo un recurso poderoso pa vocifera y indica na e politiconan cual ta e boluntad mayoritario di pueblo. Ta importante e ora pa compronde cu pueblo no tin mester di warda te ora eleccion ta dilanti porta
pa por vocifera su preferencianan riba un topico controversial. Si ainda e politiconan tribi di ignora e bos di nos pueblo den un referendum, sigur e siguiente eleccion pueblo lo sa di “mandanan un mensahe cla y raspa.”
E LEY DI REFERENDUM
TA CLA PA BAY RAAD VAN ADVIES NA AUGUSTUS 2024
Como representante di pueblo mi tin varios ley di inciativa ta canando nan proceso. Mi prome ley ta uno cu lo cambia nos constitucion pa inclui referendum. E ley di referendum a keda cla Diabierna 12 di Juli 2024, y awor mester wordo entrega oficialmente na Parlamento dia 19 di Augustus 2024, pa despues e por sigui su caminda pa Raad van Advies.
Mi ta sumamente contento y satisfecho cu pronto e ley di referendum lo cuminsa cana su proceso y ta spera cu nos lo por trate ainda pa fin di e aña aki of comienso di 2025.
Lo mi continua di haci bon uso di mi tempo den Parlamento pa bin cu leynan esencial cu lo protege y empodera nos pueblo. E ley di referendum lo magnifica e poder y bos di nos pueblo, y lo midi pueblo su curason y boluntad.
Pueblo su sentimiento, balornan y tradicion mester wordo honra y como parlamentario sigur mi ta sinti mi privilegia di por yuda empodera e bos di mi pueblo.
MINISTER PLENIPOTENCIARIO
Minister Plenipotenciario mr. Ady Thijsen :
CONCLUSION DI ENCUESTA BOU DI STUDIANTE PRESENTA NA MINISTER THIJSEN
Minister Plenipotenciario mr. Ady Thijsen a ricibi for di e studiante Destiny Arends e raport di e encuesta estudiantil 2024 organisa pa Gabinete di Aruba. A tene un encuesta bou di 175 studiante Arubiano na Hulanda pa asina haya un indicacion di e retonan cu e studiante Arubiano ta encontra na Hulanda.
E analisis di e encuesta a revela diferente retonan clave y a brinda un bista cla pa loke ta e experencia di e studiante Arubiano na Hulanda. E transicion di Aruba pa Hulanda pa sigi un educacion avansa ta presenta un cantidad di retonan academico, social, financiero y cultural. Algun otro reto ta falta di informacion ora kier traha na Hulanda y e belasting cu mester wordo paga. Algun otro reto ta e problemanan mental cu ta surgi a base di soledad, shock cultural, discriminashon y no bai bon na scol. Pa loke ta e problema di haya cas pa biba hopi studiante tabatin dificultad pa haya un camber y mayoria a indica cu nan ta paga entre 400 pa 800 euro pa un camber. Analysa tur e retonan aki ta crucial pa desaroya strategianan pa un mihor sosten na studiantenan.
Na prome lugar e encuesta a indica cu un cantidad significante di studiante no ta sinti cu nan tabata prepara riba e nivel academico pa e cumpli cu e demandanan di un estudio na Hulanda. No ta domina e idioma di Hulandes suficiente ta forma un barera hopi grandi. Adicional na esaki, e cambio di e manera di haya les na Aruba na esun di Hulanda cu ta mas basa riba “self-study” ta trece dificultad
pa hopi studiante. Pa adresa esaki, lo mester bin cu mas training di idioma y suministra nan cu mas informacion riba expectativanan academico pa facilita e preparacion di e studiante.
Na di dos lugar, un cantidad substantial di studiante ta indica cu nan ta haya falta di mas informacion prome cu nan bin Hulanda. E encuesta ta mustra cu e punto primario di informacion ta e decanonan na scol, mentoren na Hulanda, Departamento di Enseñansa y amigo y famia. Eleva e calidad y accesibilidad di informacion, manera organisa webinars y session di infomacion, lo brinda beneficionan grandi na e studiante. Mayoria studiante a indica di ta hopi contento cu e guia cu nan ta haya di e mentoren y a indica cu ta esencial pa mantene e sosten continuo y guia di e mentor pa un periodo mas largo cu un aña.
Punto tres den e conclusionnan ta indica cu e reto significante ta pa haya acomodacion apropia, na unda studiantenan ta enfrenta listanan di espera hopi largo, prijs di huur caro y hopi casonan di estafo cu scammers. E hecho cu no por mira e acomodacion y hopi competencia pa acomodacionnan pagabel, ta haci e situacion aun mas dificil. Recomendacionnan por ta cu lo mester bin cu mas sosten den buskeda di acomodacion, zorg pa e studiante inscribi su mes hopi tempran riba websitenan pa acomodacion y adresa e problema di acomodacion pagabel.
Di cauter punto ta mustra cu hopi studiante ta traha mientras cu nan ta studia pa asina por maneha e costo di bida halto. E encuesta ta revela cu studiante ta traha den diferente sector, sinembargo e maneho di nan cartera ta keda un reto. Mehora e guia financiero y duna servicio di sosten por yuda studiante pa maneha nan situacion financiero mihor.
Por ultimo e encuesta ta mustra cu un proporcion significante di studiante tin aversion pa regresa Aruba asina cu nan termina nan estudio. Un di e razonnan clave ta e deseo di paga bek nan debe den euro y salarionan mas halto na Hulanda compara cu Aruba. Tambe nan ta bisa di ta desea di haya mas experencia di trabao na Hulanda. Posibilidad na adresa e preocupacionnan aki por sinta den ofrece incentiva manera descuento riba e fiansa di estudio, opcion di cas na Aruba y oportunidad di trabao riba e nivel cu nan a studia pe. Esakinan ta puntonan cu por encurasha studiantenan pa bai bek Aruba.
Minister Thijsen a bisa di ta contento cu e encuesta aki cu ta di y pa studiante Arubiano. Alabes cu hopi punto a bin dilanti pa asina Gabinete di Aruba hunto cu Ministerio di Enseñansa di Aruba por traha maneho pa cu guia y bienestar di nos studiantenan. Finalmente e mandatario tabata tin palabra di elogio pa Destiny Arends pa a traha e encuesta y haci e analisis. Tambe un felicitacion pa Tusy Henricus pa e diseño di e raport.
#SINMIEDO
Mester tin dialogo prome cu tur cos. Mester tin transparencia y comprendemento. Si no tin esakinan, tur cambio lo ta dificil.
Parlamentario Hendrik Tevreden:
NO POR TRECE CAMBIO PA TAXINAN SIN DIALOGO
Aruba 5 di augustus 2024: Dialuna mainta, por a tuma nota cu taxistanan a protesta. Maske Parlamento ta den reces, toch parlamentarionan di fraccion di MEP a atende cu e caso aki, asina Lider di e fraccion, Hendrik Tevreden a duna di conoce.
E parlamentario a indica: “Nos a bin comprende despues di a scucha y busca mas informacion cu Minister Ursell Arends kier haci cambio den ley y anticipando riba e cambio den ley aki, adelanta e kier pone den su maneho e cambio pa por ehecut’e. Esaki por? Si. E ta e miho manera? No”.
DICON NO?
Pasobra mester tin dialogo prome cu tur cos. Mester tin transparencia y comprendemento. Si no tin esakinan, tur cambio lo ta dificil, Tevreden a agrega.
Kisas Minister Arends a sinta cu centralnan di taxi, pero tur miembro ta representa pa e centralnan? Ta un pregunta valido pa contesta si bo kier y ta buscando pa bo cambionan wordo carga pa mayoria.
Parlamentario Hendrik Tevreden a sigui bisa cu Parlamento mes no a duna nan opinion ainda cu si nan ta di acuerdo cu e cambionan.
P’esey fraccion di MEP a entrega un peticion na sr. Kamperveen como presidente di Comision di Transporte pa yama dos reunion. Un cu Taxistanan mes (nan representantenan) y un reunion cu Minister Ursell Arends.
“Esaki mas pronto cu ta posibel pa nos scucha ambos banda di medaya, preparando ariba e ley cu tin di wordo atendi pero cu no ta na Parlamento ainda”, a finalisa bisando.
PARLAMENTARIO
MARCO BERLIS:
MANSUR TA UN MENASA SERIO PA NOS PAIS
MANSUR KIER BASHA
HOTEL ABAO,
LIMITA CANTIDAD DI TURISTA
Y AWO TA PAPIA DI OVER-TURISMO
Niun hende no por tuma Miguel Mansur na serio mas. Su expresionnan, menasanan y gañamento structural ta un peliger pa nos sociedad. Miguel a demostra cu e ta hiba un politica destructivo pa nos economia, ta usando su posicion parlamentario pa intimida ciudadanonan, y ta coriendo cu un vision cu lo termina cu e unico pilar economico cu nos tin: NOS TURISMO.
MIGUEL MANSUR
ATENTANDO CONTRA NOS TURISMO
Miguel Mansur a bay “live” algun luna pasa y a declara cu tur claridad di kier cuminsa “kita erfpachtrecht di hotelnan,” pa despues tumba esakinan.
Ademas Mansur a declara algun siman pasa cu e kier “limita e cantidad” di turista pa drenta Aruba. Ta parce cu Mansur, cu por cierto no a biba cu pueblo den e periodo catastrofico di e pandemia cu nos, nunca lo por compronde cu miles di hogar a wak sernan stima sufri y fayece.
Otro famianan a perde trabao, nan entrada, nan pan, no por a paga nan debenan, famianan a perde nan cas, auto y otro bienes.
Pa un miyonario cinico, cu nunca a pasa den pobresa, hamber y necesidad, nos turismo ta parce algo cu por trata con cu ta. Awor mas cu nunca pueblo ta stima nos turismo cual ta significa trabao pa nos pueblo, entrada pa nos famianan, y pa Aruba un economia cu por draai y haci nos soñonan bira un realidad.
MIGUEL MANSUR CONTRA TURISMO: “ARUBA TIN MUCHO TURISMO”
Den e ultimo simannan Miguel Mansur a bin ta papia di overturismo y ta mencion’e continuamente. Esaki ta confirma su postura di kier limita e cantidad di turista drenta Aruba, basha hotel abao.
Ora cu no tabata tin entrada suficiente y inversion den nos pais, Mansur a grita acusa gobierno, cu tabata luchando cu falta di entrada, pasobra turismo tabata masha abao mes. Awo cu cos a drecha, Mansur ta grita tin mucho turismo!!
Kiermen un surplus pa paga debe, inversion tur caminda, duna bek na pueblo den forma di indexering, placa pa stichting, gehandicaptenuitkering, proyectonan di husticia, deporte, educacion y hopi mas no ta bon tampoco pa Mansur! Ma ta kico e loco aki kier anto? Caba cu Aruba? Asina bo sa!
OTRO EXPRESIONNAN Y ACCIONNAN PELIGROSO DI MANSUR CONTRA NOS SOCIEDAD
No ta pornada mi lo keda skirbi y expone e menasa serio cu Mansur ta representa pa nos pais. Aki ta sigui algun di su expresionnan y accionnan peligroso cu e la haci y declara den passado:
1. Miguel Mansur a exigi un lista cu nomber di ambtenaar pa cuminsa kita 1.500 persona;
2. Miguel Mansur ta exigi pa declara tur stranhero cristian hendenan non-grata, kita nan permiso inmediatamente y deportanan sin misericordia.
3. Miguel Mansur a gaña riba lidernan religioso, bisando cu nan ta mina nos democracia y a menasa Parlamentarionan. Declaracionan falso y Cristo-fobico.
4. Miguel Mansur a demostra cu e tin un guera contra Cristianismo ora e la exigi pa creyentenan Cristian cera nan boca y pa no mete den politica, y cu nan por mester habri un partido politico si nan kier vocifera un opinion politico. Di e forma aki Mansur a “trapa” literalmente riba derechonan constitucional di pueblo cu tin e libertad pa expresa nan mes. Kende e lo kier silencia despues?
5. Miguel den su fobia contra Cristo y Bijbel a saca scrituranan sagrado for di contexto pa trata na ridiculisa e religion Catolico y Cristian.
6. Miguel Mansur a ataca clero catolico yamando nan pa homosexual den un post riba Facebook. (Ainda e post tey)
7. Mansur supuestamente ta boga pa igualdad, inclusion y stop descriminacion, pero dia y nochi ta ofende, menasa y insulta tur esnan cu tin un opinion opuesto riba su agenda.
8. Mansur a menasa dos candidato pa Ombudsman, exigi pa nan retira pa su candidata faborito por bira e Ombudsman nobo. Di e forma aki Mansur a politisa y usa menasa contra tur etica y derecho di e ciudadanonan aki.
BENNY A RICIBI UN GYM DI 20 MIL REGALO
3 HUES A RIDICULISA BENNY SEVINGER DEN CORTE Y PRUEBA CU BENNY A PRIVILEGIA SUSEBEEK.
Dia 12 di juli ultimo, 3 hues den Hoger Beroep a condena Benny Sevinger ex minister y actual Parlamentario di AVP na 4 aña di prizon. E huesnan a desmantela e corupcion di mas grandi den historia orchestra pa partido AVP, e partido di Mike Eman. Por a prueba con e compinchinan tabata paga e Ministernan di AVP, pa asina wordo privilegia entre otro, cu e terenonan di pueblo. E terenonan aki tabata wordo bendi despues pa miyones. Den e investigacion a prueba con Benny Sevinger tabata haya regalo pa asina move tur pion pa su amigonan haya e terenonan comercial.
BENNY SEVINGER A
RICIBI UN GYM VECTRA DI AFL.20.000 COMO REGALO:
Durante e investigacion por a prueba diferente regalo cu Benny Sevinger ex minister y actual Parlamentario di AVP a ricibi di su miho amigo y consehero den kantoor Susebeek. Tur esaki a cambio pa privilegia Susebeek pa Susebeek por haya masha facil e terenonan comercial cu el a pidi direct cerca Benny. Banda cu a prueba caba cu Susebeek a paga Afl.14.400,- pa un hekwerk pa Benny su cas y Afl.25.201,64 pa un “drip system” pa muha Benny su hardin. Awe ta trata e gym di 20 mil, cual tambe Benny a haya regalo. Riba pagina 38 di e Vonnis: “Vast staat dat de offerte van de Vectra Gym op de naam van Benny Sevinger staat, dat deze door Sevinger is uitgekozen, en dat de Vectra Gym in Februari 2017 direct bij Benny Sevinger thuis is afgeleverd en dat deze in oktober 2019 tijdens de doorzoeking in diens woning door de politie is aangetroffen. Het HOF stelt verder vast dat Susebeek de factuur met betrekking de Vectra Gym Afl.19.897,20( $11.054 us dollar) via de bankrekening van zijn bedrijf Pats property Management heeft betaalt”.
BENNY SEVINGER Y SUSEBEEK A GAÑA Y A
CONTRADECI OTRO: PAGINA 38
Benny Sevinger di AVP a declara cu solamente el a tene e gym na su cas paso e espacio na cas di Susebeek tabata mucho chikito pa e gym. Momento cu Susebeek amplia su espacio lo hiba e gym p’e. Susebeek ta declara cu e tin un gym chikito na su cas caba y esey ta suficiente p’e como cu e ta gusta mastanto core bicicleta. Tambe, Susebeek a splica cu un cas di su yiu ta den construccion y momento esaki keda cla lo
transporta e gym pa e cas ey. Durante tratamento di e caso den Hoger Beroep Susebeek ta agrega cu e cas di e yiu ta pa 70% cla y no ta ful cla ainda. Pesey, no a hiba e gym ainda. E (3) huesnan a baha pisa riba Benny y Susebeek y a splica cu nan no ta kere e storianan aki “at all”. HOF no por kere cu Susebeek ta cumpra un gym sabiendo cu e no tin un luga. HOF ta spica cu 7 aña despues (desde 2017) ainda e cas di e yiu di Susebeek ta den construccion? E huesnan a bisa ta con bo kier mi kere bo? Tambe, den e declaracionnan por a conclui cu desde cu a pone e gym na cas di Benny Sevinger di AVP nunca mas Susebeek a bay eynan pa haci un training. HOF tampoco a kere e tesigonan Bargues y Fowler, kendenan a declara cu Benny solamente a kies e gym pa Susebeek. E tesigonan aki a testigua asina laat den e proceso y ta solamente pa yuda sostene Benny Sevinger su mentiranan. “Het HOF acht deze verklaringen onbetrouwbaar”! Finalmente, HOF ta “marca” e compra di Vectra Gym, cual nan a haya den e cas di Benny Sevinger como regalo. Pagina 39: “Het HOF merkt de Vectra Gym als een “gift” van Susebeek aan Benny Sevinger”.
HOF TA PRUEBA CU SUSEBEEK A REGALA BENNY SEVINGER 60
MIL TOTAL:
HOF ta prueba riba pagina 39 di e sentencia cu Benny Sevinger ex minister di AVP y actual Parlamentario di AVP a ricibi Afl.60.000 florin na regalo door di Susebeek pa asina privilegia Susebeek cu su peticionnan pa tereno comercial. HOF a prueba Afl.14.400 pa e hekwerk di Benny su cas, HOF a prueba Afl. 25.201,64 cu Susebeek a paga na Fantastic Garden pa e “drip system” pa muha Benny Sevinger su hardin. HOF a prueba e Afl.19.897,20 cu Susebeek a paga pa e Gym Vectra cu a wordo haya den cas di Benny Sevinger. Pagina 40: “De verdachte moet hebben geweten dat Susebeek de giften deed met als doel een voorkeursbehandeling te krijgen bij zijn ingediende verzoeken. Door met wetenschap die giften aan te nemen, heeft de verdachte Benny Sevinger zich schuldig gemaakt aan passieve ambtelijke omkoping met plichtverzuim”. Esaki ta parti chikito di e corupcionnan den caso di Benny Sevinger, cual Mike Eman ta apoyando todo por todo. AVP nunca, pero nunca mas por haya un voto di confiansa di Pueblo di Aruba. Benny Sevinger ta condena na 4 aña di prizon. Cu ki cara e hobennan cu kier subi lista di AVP por bay convence pueblo? Si bo mes ta apoya y scoge un partido corupto? E escogencia aki ta papia hopi di bo mes! AVP NUNCA MAS!
Fundacion Curason
Berde a paga
BENNY A COMETE FRAUDE DEN SU PROPIO FUNDACION
Manera ta conoci dia 12 di juli ultimo, Hoger Beroep a baha pisa riba Benny Sevinger ex minister di AVP, actual parlamentario y man drechi di Mike Eman. Hues a prueba e corupcion di mas grandi di historia di partido di Mike Eman, esta AVP y a condena Benny Sevinger na 4 aña di prizon, mientras amiga di Mike y Benny, esta Leoncita Arends di canal 90 a ricibi 2 aña di prizon pa fechoria y ladronicia cu patrimonio di pueblo.
FUNDACION CURASON BERDE DI BENNY SEVINGER:
E investigacion tabata hopi amplio. No solamente riba bendemento di tereno, cual Benny tabata facilita y brinda cooperacion, pero tambe OM a investiga e Fundacion Curason Berde di Benny Sevinger. E fundacion aki a wordo lanta dia 17 di maart 2009.
PAGINA 40 di e sentencia: meta di e fundacion ta “Het bij inbrengen, admistreren, beheren en aanwenden van fondsen die bestemd zijn voor de verkiezingscampagne van de heer Oslin Benito ”Benny” Sevinger. Tres (3) hues ta sigui splica cu di acuerdo cu e investigacion dia 1 mei 2015 e fundacion tabatin Freddy Every como presidente, Lydia Pimienta secretaria y Franklin Maduro como tesorero.
RIBA PAGINA 41 di e sentencia ta splica lo siguiente: “Uit de verklaringen van Every en Pimienta blijkt dat verdachte Benny, hoewel hij geen bestuurder was van de Stichting,feitelijk de zeggenschap had over de stichting”. Every a declara cu “Pimienta en ik werden door Minister Sevinger geinstrueerd voor het uitschrijven van cheques”. Pues ta Benny ta manda y Benny ta “wheel and deal”.
PAGINA 42: “Het akkoord tot betaling ging altijd via Benny. HOF: Daarmee staat medegelet op de hiervoor aangehaalde verklaringen naar het oordeel van het gerecht voldoende vast dat verdachte Sevinger als feitelijke beheerder opdracht heeft gegeven tot het uitschrijven van de cheque om de resiticket van zijn vrouw bij Nautulis Travel te betalen”.
BENNY
SEVINGER TA
Durante tratamento di e caso den Hoger Beroep, tres (3) hues a prueba cu hasta den propio Fundacion Curason Berde di Benny Sevinger el a corumpi cu esaki. Ta pidi placa y ricibi
donacionnan pa campaña for di diferente comerciante y ta uza e placa aki pa cumpra pasashi pa su señora keiro bay Hulanda, Martinique y Miami. Tur esaki ta para den e Vonnis di Hoger Beroep di dia 12 di juli 2024.
PAGINA 42: “Het gerecht stelt vast dat de bestemming van deze cheque, het laten boeken van een prive reis voor de vrouw van de verdachte zich niet verdracht met de doelstelling van de stichting”. E huesnan a condena Benny aki nan corectamente pa entre otro, “verduistering”.
SPEED CU PATRICK YORANDO NA RADIO:
Despues di e sentencia, unda a condena Benny Sevinger na 4 aña di prizon, por a scucha Speed cu Patrick di Radiorochela 24 sclamando cu Benny no a haci nada. Nos ta corda cu Speed cu Patrick durante 8 aña di AVP manera carapata riba lomba di e baca Mike Eman a cobra 8 miyon den 8 aña di placa di pueblo pa propaganda AVP y Mike Eman.
No mester perde for di bista nan rol den sacamento di e fondonan di RDA. Nos lo bin bek riba esaki. Pues nan tambe ta forma parti di e bandidonan cu a comete fraude y corupion na un manera inhusto cu fondo di e pueblo aki.
Awor en bes di cuestiona e bendemento di tereno cu 3 hues a prueba, e fechorianan cu Susebeek a paga Afl.60 mil pa regala Benny un cura di cas, “drip system” pa muha Benny su hardin y un gym cu nan a haya den cas di Benny, en bes di cuestiona e 2.4 miyon florin cash cu e huesnan a haya na ORCO Bank na Corsou riba nomber di Susebeek, kende ta traha den kantoor cu Benny.
En bes di cuestiona cu Benny ta maluza e fondonan di un Stichting Curason Berde contra su “doelstelling”pa paga mas di 11 mil pa casa bay keiro rond mundo, Speed cu Patrick kier defende maldad y kier purba “praat” esaki nan “goed”.
Nos mester conclui, cu e sinberguensanan grandi ta conoce y defende otro. Pesey, Speed y Patrick ta defende AVP y Benny te na morto. AVP nunca, pero nunca mas por haya un voto di confiansa di Pueblo di Aruba. “SHAME ON YOU”!
CONECTA CU NOS
Pa mi e ta un honor pa por sirbi mi Pais haciendo mi trabou cu curason y caracter.
15 AÑA DEN POLITICA
Awe 7 di augustus, ta net 15 aña pasa cu mi a subi e tarima politico di mi Pais. Promer como Parlamentario pa Fraccion di MEP den oposicion pa 8 aña, despues como Minister di Finansas, Asunto Economico y Cultura di aña 2017 pa 2021 den Gabinete Wever-Croes I, y awo como Minister di Finansa y Cultura den Gabinete Wever-Croes II.
Pa mi e ta un honor pa por sirbi mi Pais haciendo mi trabou cu curason y caracter. Mi ta gradici tur hende cu ta brindami nan apoyo y nan sosten, specialmente na e 260 persona cu a apoyami cu nan voto den eleccion 2009, sigui pa e 2445 persona den eleccion 2013, e 2696 persona cu a brindami nan sosten den eleccion 2017 y e 1883 cu a deposita nan voto di confiansa den mi persona. Danki pa kere den mi, mi ta sintimi honra cu boso sosten.
Un danki special na nos Lider Honorario Nelson Orlando Oduber y nos Lider Evelyn Wever-Croes pa kere den mi y brindami e oportunidad pa por figura riba lista y forma parti di Movimiento Electoral di Pueblo. Mi gratitud tambe ta bay na mi famia y amistades cu ta sostenemi y apoyami. Na mi coleganan di partido, mi colega Ministernan di Gabinete Wever-Croes y full bureau MinFIC cu ta yudami cumpli cu e responsabilidad grandi pa sirbi mi Pais, danki pa boso sosten y aprecio.
Mi ta gradici Dios pa e guia, sabiduria y forza y mi ta spera di por sigui conta cu Su bendicion pa por cumpli cu e trabou na bienestar di Aruba. Finalmente, mi ta gradici tur persona cu ta apoya mi trabou como un politico di Pais Aruba, danki pa e respet y e apoyo.
DI PARTI DI MEP Y HENTER E GRAN FAMIA DI MEP
Partido MEP ya pa 15 aña consecutivo ta yuda nos ciudadanonan yena nan formulario di Inkomsten Belasting na CEDE di MEP. Lider di MEP señora Evelyn Wever-Croes, den nomber di Partido MEP ta invita tur ciudadano cu tin mester di ayudo pa yena nan formulario di Impuesto 2023, pa tuma contacto cu Partido pa asina traha un cita pa yena nan formulario di Impuesto. Of tambe durante e fechanan cu ta yuda yena formulario, por cana drenta pa wordo yuda.
Pa dia 9 di augustus tur ciudadano lo mester a ricibi nan formulario na cas y dia 9 di october ta e ultimo fecha pa entrega esaki. Pa esnan cu ainda no a ricibi nan formulario, of pa e fecha menciona ainda no a ricibi’e, mester pidi un duplicado na Departamento di Impuesto.
EXCEPCION PA PENSIONADONAN:
Departamento di Impuesto a informa cu pensionadonan cu tin un pension so, cu ta e pension di SVb, no lo ricibi e formularionan aki mas.
Diamars y diahuebs, parti mainta 9:00 am pa 12:00 pm y parti atardi 6:00-9:00 pm.
Diasabra 9:00 am pa 1:00 pm.
CONECTA CU NOS
HACI CITA OF YEGA DRENTA:
Por haci un cita na number 593-1026 desde dialuna 29 di juli for di dialuna pa diabierna, di 10:00 am pa 5:00 pm. Tambe por drenta sin traha cita. Tur ciudadano lo wordo atendi y ningun formulario ta keda atras na CEDE di MEP, pasobra ta trata di informacion confidencial, y no por core riesgo cu nan ta perde.
DOCUMENTONAN:
Pa por yena e formulario ta importante pa bo tin comprobante y documentonan necesario entre esakinan ta: Loonopgaaf 2023 SVB, Loonopgaaf 2023 APFA, Loonopgaaf 2023 di Lago Annuity Foundation, Carta di interes di prestamo di banconan, Carta di interes y gastonan di hypotheek, Carta di interes di Credit Card. Finalmente si tin yiunan ta studia den exterior, mester inclui comprobante di inscripcion di e yiu na e scol den exterior.
“Pues busca bo documentonan y keda pendiente. Desde augustus 27, na CEDE di MEP nos ta spera bo pa yuda bo un biaha mas. Manera semper mi ta recorda ciudadanonan, paga impuesto ta deber di nos tur, pero no paga dimas impuesto. Yena bo formulario y entreg’e na tempo”, Lider di MEP, Evelyn Wever-Croes a expresa.
