53 Aniversario MEP

Pagina 1

Diabierna 9 februari, 2024

Movimiento Electoral di Pueblo MEP

Facebook MEPofficial

Pagina 2

9 di februari di aña 1971, a cuminsa e proceso di fundacion di un partido nobo, Movimiento Electoral di Pueblo (MEP).

Un proceso cu a finalisa dia 14 di Februari 1971. Un vision real pa un Aruba para riba su mesun pia, un determinacion pa logra cosnan grandi pa Aruba, y e amor di un gran Arubano, a funda un Partido cu a logra e soño di cada Arubano, nos Status Aparte. Señor Gilberto François ‘Betico’ Croes, den feliz memoria, a lanta partido MEP. Un partido cu un historia grandi cu a sa di goberna den bon y mal tempo semper cu e mesun vision y determinacion di Betico Croes.

pa despues nos goberna e pais aki y para riba nos propio pia.

Lucha di Betico a pone cu Aruba por celebra su propio Himno y Bandera, nos por tin nos mesun moneda, nos mesun Gobierno y Parlamento, entre otro.

Tawata 53 aña di compromiso, resiliencia, vision, determinacion y progreso continuo. Tambe tabata 53 aña cu desafio, sinembargo cada desafio tabata un oportunidad mas pa transforma e desafio den triunfo y den e visionnan di prosperidad cu a bira realidad.

Ami, ta guiando Partido MEP y gobernando Aruba cu e mesun idealnan, caracter, determinacion cu e lidernan anterior. Hunto cu mi gabinete, nos a goberna nos pais den reto tras di reto, y den e pio crisis mundial di nos tempo, e pandemia di Covid.

Sinembargo, nos a para firme den e lucha, y a uni e pueblo cu positivismo pa asina logra pone Aruba bek den e direccion di recuperacion. Aruba ta riba e bon caminda di stabilidad y prosperidad y ta miho cu nos tawata ta prome cu e pandemia.

Esey ta e meta y e compromiso.

Mientras nos ta recorda e trayectoria di Partido MEP, nos ta recorda tambe, ademas di señor Betico Croes, un cantidad grandi di ciudadano cu na comienso y durante 53 aña a dedica nan mes na e causa comun pa hiba nos pais padilanti.

For di cumienso humilde pa logronan grandi, Partido MEP ta keda e Partido politico di speransa, pa progreso di nos pais.

Desde su fundacion na 1971, ya caba a wordo demostra cu union y positivismo tawata e motor pa lanta e prestigioso Partido MEP. Señor Betico Croes hunto cu esnan cu a funda e Partido, a mira e deseo cu tabata biba den nos pueblo pa nos para riba nos propio pia. El a mira tambe un division den nos comunidad. Un division di esnan cu tabata tin placa cu tabata purba dividi e pueblo y tabata crea division entre esnan cu tabata tin poder financiero y otro nan no, esnan cu a nace na Aruba y otronan no. Na e momento ey, Betico Croes a bisa; tur esnan cu a haci di Aruba nan hogar ta ‘Rubiano y nos no mester segrega e comunidad’.

Betico tabata sa di uni nos pueblo den un ideal y e ideal tabata pa nos mes por tuma nos propio decisionnan. Hunto cu despues nos lider honorario señor Nelson Oduber, nan a guia nos partido pa e idealnan di nos pueblo wordo realisa manera nos Status Aparte, e logro maximo di Betico Croes, y

Señor Nel Oduber a guia e partido como Prome Minister 4 biaha, a pone e pais aki realmente para riba su pia cu principio di bon gobernacion, a logra scrap e fecha di independencia pa asina awe nos por lanta nos yiunan y nan yiunan den e libertad di nos Status Aparte.

Nos ta celebrando 53 aña di Partido MEP. Esaki ta trece cu ne tambe responsabilidadnan pa futuro. Y esey ta e vision di Partido MEP, pa crea un Aruba husto pa un y tur cu ta biba riba dje. Pa oportunidadnan igual pa tur cu ta biba riba nos dushi suela.

Mi ta gradici tur esnan cu durante e 53 aña a lucha hunto cu nos lidernan di nos partido. Tur esnan cu a construi e Aruba cu nos ta biba aden. Mi ta sigura boso Partido MEP lo sigui cu e principionan importante aki den nos partido, cu a wordo funda pa nos crea progreso, bienestar, stabilidad y prosperidad pa tur ciudadano di nos pais. Masha pabien MEP y sostenedornan di MEP. Lider di MEP

Evelyn WEVER-CROES

Pagina 3

DIRECTIVA MEP 2024 - 2026

Segun Statuut di partido MEP, un directiva nobo mester wordo eligi cada dos aña.

Partido MEP ta un di e poco partidonan politico cu ta aplica democracia bibo y ta cumpli cu Statuut di eligi directiva nobo cada dos aña.

cu hunto cu Lider di MEP Evelyn Wever-Croes ta forma e directiva.

PRESIDENTE: Ricky Hoek

PR/Actividad: Joally Croes y Gilner Dirksen

TESORERA: Gina Werleman

Fundacion Formacion Politico Nel Oduber: Michella Steenvoorde-Lacle

SECRETARIA: Grace Koolman

HOT: Rodymar Geerman

SECRETARIO GENERAL: Endy Croes

Forza Femenino Grace: Darlaine Guedez-Erasmus

SECRETARIO INTERNACIONAL: Gerrit Croes

Fundacion Ing. Cezare Terzano: Manolo Giel y Myron Koolman

“Mi ta gradici e directiva saliente pa tur e trabou eherce pa nos prestigioso partido, y mi ta felicita e directiva nobo. Mayoria di miembro a wordo reeligi, y cu esaki partido ta demostra e satisfaccion pa e trabou cu directiva a haci e ultimo dos añanan. E directiva nobo lo prepara nos partido pa e eleccion 2025, cu ta un responsabilidad grandi. Meta ta pa Partido MEP sigui ta e partido mas grandi na Aruba, y nos ta trahando duro pa logra esaki” Lider di MEP Evelyn WEVER-CROES

Pagina 4

(Potret recuerdo di 2013)

Partido MEP awe ta cumpliendo 53 aña. Hopi hende ta puntra mi dicon mi ta orguyoso di ta MEP. Ami a scoge partido MEP pasobra MEP ta un partido cu semper a pone Aruba prome.

Mi ta orguyoso di partido MEP pasobra MEP a logra cosnan grandi pa Aruba.

Principalmente, mi ta orguyoso di e lucha pa Status Aparte guia bou di Betico Croes, cu a crea e pais Aruba.

Orguyoso con bou liderazgo di Nel Oduber a yuda Aruba para riba su propio forsa, a implementa bon gobernacion y a goberna cu integridad pa realisa varios proyecto importante, y a scrap e fecha di independencia.

Orguyoso con hunto cu coleganan nos a maneha nos pais despues cu gobierno prome cu nos a hinca nos den un debacle financiero, y nos a saca Aruba di e pio crisis cu Aruba y mundo a enfrenta, e pandemia mundial Covid-19, salbando bida di hende, poniendo cuminda riba mesa pa tur cu tabata tin mester, y trahando riba recuperacion di nos pais.

Un di e motibonan cu mi ta orguyoso di MEP ta e sosten grandi di nos votadornan, e gran famia di MEP. Ta e votadornan di MEP ta e forsa di nos partido y mi ta agradecido na cada un di e ciudadanonan cu, apesar di tur cos, ta sigui sostene nos partido. Mi ta spera di por sigui conta cu e sosten Gobiernonan di MEP den historia di nos pais a percura pa logronan hopi grandi. Y naturalmente mi ta hopi orguyoso di esey.

Danki na tur cu a haci MEP grandi, candidato y ex-candidatonan y principalmente tur nos sostenedornan. Danki pa bo sosten y confiansa!

Un fuerte abraso, Evelyn Lider di MEP

Pagina 5

(Potret recuerdo di eleccion 2017)

Tres luna despues cu partido MEP a ser funda dia 9 februari 1971, MEP a obtene 7 asiento den e eleccion pa Eilandsraad, pues MEP a logra un tercer parti di e electorado Arubano. Y desde e aña ey te cu awe NUNCA MEP a yega di baha bou di 7 asiento den e eleccionnan na Aruba. Awe MEP ta e partido mas grandi di Aruba un biaha mas, gobernando nos pais den temponan dificil. DANKI pa bo sosten durante 53 aña y masha masha pabien!

Pagina 20

Biba MEP Mi a drenta politica na aña 2009 y mi a scoge pa partido MEP pa motibo di e ideologia social democrata. Awe e movemiento social democrata ta cumpli 53 aña y mi ta hopi orguyoso di tur loke nos partido a logra.

E ideologia di nos gobierno ta pa pone e ser humano central, y asina crea progreso y bienestar pa tur ciudadano.

Y maske varios biaha desde 2009 mi a puntra mi mes “ta den kico mi a hinca mi curpa”, mi ta hopi orguyoso y agradecido di a uni mi mes na e fila di MEP

Pagina 6

Ponemento di prome piedra pa construccion di oficina di MEP na Santa Cruz na 1988. Presente na e ocasion aki sr. Panchico Croes y sr. Benito Giel, ambos den felis memoria.

Pagina 7

PABIEN MEP PABIEN Candidato Minister di Finansa y Cultura

Xiomara MADURO

Dia 9 di februari 2024, Movimiento Electoral di Pueblo MEP ta cumpli 53 aña y mi ta masha orguyoso di tin e honor di por ta forma parti di un movimiento politico cu a haci asina hopi na bienestar di Aruba.

Partido MEP lidera pa nos Lider inmortal Betico Croes a logra Status Aparte pa Aruba den Reino Hulandes. Bou liderasgo di nos Lider Honorario Nel Oduber, Aruba a desaroya grandemente. Awor den e man capabel di nos Lider Evelyn WeverCroes, MEP ta trahando incansablemente pa Aruba por logra su maximo potencial y bienestar.

E ta un honor grandi pa mi, pa por ta para den e fila di MEP y traha pa Aruba por conserva su libertad pa progresa. E ta exigi inmenso corahe y valor, y pesey mi ta pidi nos bon Dios pa sigui brinda nos su forza, su sabiduria y su pasenshi pa mi por sigui traha den e vehiculo MEP na bienestar di Aruba.

Masha masha pabien na nos Lider Evelyn, nos Lider Honorario Nel, na tur candidato, na directivanan, na comisionnan, na lidernan di bario y specialmente na tur cu ta sostene Movimiento Electoral di Pueblo.

Pagina 8

PABIEN NA PARTIDO MEP, SOSTENEDOY VOTADONAN CU 53 AÑA DI EXISTENCIA Trahando na bienestar y progreso di Pais Aruba

Dia 9 di februari, Partido Movimiento Electoral di Pueblo (MEP) ta celebra 53 aña di existencia. Como secretario general di e prestigioso partido, mi ta felicita tur candidato, directiva y sostenedo riba e fecha special aki. Pa 53 aña MEP ta trahando pa bienestar y progreso di nos pais. Alabes mi ta gradici e votadonan pa nan confiansa incondicional brinda na nos partido.

Danki na e vision y liderazgo di nos lider inmortal Sr. Betico Croes cu a visualisa esaki. Tambe, danki na e liderazgo di nos lider honorario Sr. Nelson Orlando Oduber y danki na e liderazgo capabel di Evelyn Wever – Croes, kende nan ta forma e tres (3) lidernan cu a traspasa e 53 aña di existencia di nos partido. Sigur esaki tabata posibel hunto cu nos sostenedonan y Pueblo di Aruba den su totalidad cu semper aprecia MEP desde inicio di e partido na 1971. MEP semper a bringa pa un miho Aruba. Un partido cu pueblo cu nunca a balora bou di shete (7) asiento.

PABIEN ARUBA! PABIEN MEP!

Secretario general di partido MEP Minister di Enseñansa y Deporte

Endy CROES

Pagina 9

Awe e prestigioso partido MEP ta cumpli 53 aña di existencia.

Mi ta orguyoso di ta formando parti di un partido cu a percura pa construi Aruba, percura pa progreso y prosperidad. Aruba ta wordo considera un di e miho paisnan pa biba den henter e regio di Caribe y partido MEP tawata fundamental den esaki.

Mi ta orguyo di por duna su aporte y contribucion na e desaroyo di nos pais pa un futuro briyante, formando parti di MEP.

Mi ta tuma e momento aki pa gradici lider di partido MEP, sra.

Wever-Croes, sin lafa afo lider honorario sr. Nel Oduber, tambe ex-lider sr. Betico Croes den feliz memoria, pa a percura pa un partido di pueblo, pa pueblo y cu pueblo. Tambe un danki na tur MEP su ex-candidatonan, candidatonan actual, directivanan y lo mas importante e militancia y votadornan cu den bon y malo a sa di duna MEP e sosten y confianza.

Candidato Minister di Salud Publico y Turismo

PABIEN NA NOS Dangui PARTIDO MEP ODUBER

Pagina 10

Awe cu nos ta recorda 53 anja di fundación di MEP, mi ta gradici nos Todopoderoso pa por a bendiciona Aruba cu 3 Lider grandi cu a determina e destino di nos País: Nos Libertador Betico Croes qepd, nos Lider Honorario Nelson Orlando Oduber y pa Obra di Destino pa salba nos Pais di e momentonan mss desafiante den bida di nos Patria: Evelyn Wever-Croes alaves nos actual Ministro Presidente.

Nos ta gradici nos Todopoderoso pa nan Bida y Sacrificio pa e causa grandi di brinda Aruba un Futuro Briyante atrobe, cada un den nan momento di bida y lucha. Nos Pueblo ta duna nan un Danki Eterno yenando nos tur cu un sentimiento di gran orguyo di ta Arubiano cu ta ehempel cu nan a duna nos cual ehempel nos mester pasa pa tur hoben di nos País: Aruba ta nan Bandera, Aruba ta nos Bandera:

LAGA NOS CARGA E BANDERA Y RESPONSABLIDAD AKI CU GRAN ORGUYO Y SIGI HIBA ARUBA PADILANTI RUMBO E PROGRESO PA UN Y TUR SEMPER Candidato Minister di Labor, Integracion y Energia

Glenbert CROES

Pagina 11

PAKICO MI A SCOGE MEP!

MEP, Un partido di 53 aña cu a wordo lidera pa dos persona masculino cu a haci un tremendo trabou y awo encabesa pa un ser femenino cu porcierto ta nos Prome Minister di Aruba.

Durante y despues di pandemia Un ser femenino a sa di guia nos pais cu corahe pa tuma desicionnan importante y na ora tawata suficiente pa mi bisa Si, den un team asina mi kier ta y cu awe mi ta formando parti di Movemiento Electoral di Pueblo MEP cu awe ta celebra 53 aña di existencia.

Candidato

Rodymar GEERMAN

Pagina 12

Awe Partido Movimento Electoral di Pueblo (M.E.P.) ta cumpli 53 aña!

Nos di Fraccion di MEP ta manda un felicitacion grandisimo pa nos lider maximo, sra. mr. Evelyn Wever-Croes, Minister President, tur candidato, tur sostenedo, votado, directiva y boluntario di nos prestigio partido! Nos ta sigui conta cu boso aporte y sosten pa asina HUNTO nos sigui hiba nos dushi pais Aruba dilanti! Masha pabien!

SI BO STIMA ARUBA, BO NO POR DUDA, TA MEP TA E SOLUCION. CU BO Y NOS TUR HUNTO ARUBA TA AVANSA!

Fraccion di MEP DEN PARLAMENTO

Pagina 13

DICON MI TA ORGUYOSO DI TA FORMA PARTI NA E GRAN FAMIA DI MEP? Awe nos prestigioso partido MEP ta cumpli 53 aña. Un di e motibonan pakico mi ta orguyoso di ta MEP ta e sosten grandi cu nos ta ricibi di nos votadornan cu ta haci di MEP un famia grandi. Nos votadornan ta hendenan critico cu ta tene nos como candidatonan, skerpi pero alaves ta motiva y sostene nos manera un famia y esaki ta e gran forsa di MEP. Mi ta gradeci tur nos sostenedornan y mi ta honra di ta forma parti di e gran team di MEP. Y sigur como un gran famia nos ta agradecido na cada ciudadano cu den bon y den malo semper a sigui sostene nos partido y sigur nos ta spera di por sigui conta cu sosten di e gran famia di

MEP den e momentonan mas dificil di pais Aruba pero cu boluntad nos lo percura pa nos pais ta stabiel un biaha mas.

PABIEN NA E GRAN FAMIA DI MEP Y TUR SU SOSTENEDORNAN CU 53 AÑA DI EXISTENCIA DI MEP Candidato Presidente di Parlamento

Edgard VROLIJK

Pagina 14

Orguyoso di ta parti di un famia cu tin Aruba na curason, cu a lídera Aruba den tempo di dos reto y crisis enorme; e crisis financiero di e megadebe cu AVP a laga atras y pandemia di Covid-19. MEP y su lider Minister President Evelyn Wever-Croes a demostra curashi, seriedad, dedicacion total, hunto cu accionnan decisivo di un ekipo profesional y comprometi cu pueblo pa rescata nos pais di e devastacion. Awe nos por bisa cu Aruba ta recuperando den tur sentido paso pa paso. Pabien MEP pasobra awe Aruba ta stabiel atrobe y ta avansando den un rumbo prometedor.

PABIEN MOVIMIENTO ELECTORAL DI PUEBLO CU BO 53 AÑA DI ANIVERSARIO!!

Candidato Parlamentario

Marco BERLIS

Pagina 15

Danki na un y tur cu ta parti di e nucleo cu den tur tempo tabata tey pa nos. Pabien MEP y tur cu desde 1971 a sostene nos muy en particular e militancia y gratitud pa tur cu ya a bay nos dilanti y tabata parti di e team. Na tur cu semper a yuda mi den e 25 aña cu mi tabata boso lider, palabranan di gratitud, aprecio y reconocimento. Danki na boso mi por a bay 14 eleccion y 7 di nan como lider. Pabien y danki na boso nan tur tambe. Na esnan cu ya a bay nos dilanti, danki na nan familia.

Evelyn, sigui guia MEP y Aruba den un bon direccion.

MEP di pueblo pa pueblo y semper cu pueblo.

PABIEN DI CURASON

Lider Honorario di MEP

Nel ODUBER

Pagina 16

PABIEN MEP CU 53 AÑA.

Un HONOR pa ta parti di e movimiento aki pa Aruba.

Pabien na nos lider Evelyn Wever-Croes, Minister President trahando incansablemente pa su isla cu tanto nos ta stima.

Candidato

Michella STEENVOORDE-LACLE

Pagina 17

MEP TA CONMEMORA E MISION CU CUA A KEDA FUNDA 53 AÑA PASA E unico partido politico democratico na Aruba cu ta eligi su lider pa medio di un congreso

Riba 9 di februari 1971, Movimiento Electoral di Pueblo (MEP) a keda funda door di Betico Croes den feliz memoria na su propio cas. Actualmente MEP ta e unico partido politico democratico na Aruba cu ta eligi su lider pa medio di un congreso.

Durante e congreso e sostenedornan ta vota pa e candidatonan cu a postula nan mes pa ta lider di e partido geel. Desde 1971 e mision di MEP pa sali na vanguardia di pueblo a cuminsa.

Durante añanan 70 y 80, MEP a uni e pueblo Arubano cu awe gran mayoria di nos tur ta forma parti di dje. Pa 53 aña largo MEP su vision y mision ta pa Aruba cana y traha nos mesun caminda di progreso, uzando tur e oportunidadnan cu tin pa asina crea e bida cu nos mes ta desea. E mision di MEP ta sigui te cu e dia di awe.

Durante cinco decada MEP a conoce 3 diferente lider, diferente candidato y diferente politico tanto den e funcion di minister of parlamentario.

MEP a crea un union bou di habitantenan di Aruba cu a kere firmemente den e autonomia di nos pais. E pueblo Arubano cu a crea su mesun caminda durante e ultimo 38 añanan di nos Status Aparte. MEP ta e vehiculo politico cu ta brinda tur ciudadano e oportunidad pa den union y comprendemento traha nos caminda, traha na nos progreso y crea e bida ideal cu nos ta desea.

Di e forma aki Aruba tin un Movimiento Electoral di Pueblo cu durante 53 aña a pone su mes na disposicion di su pueblo pa e pueblo ta esun beneficioso.

Palabra di felicitacion na lider di Movimiento Electoral di Pueblo, na su ministernan, su parlamentarionan, candidatonan y sostenedornan cu e empuhe cu nan ta duna na e partido prestigioso aki.

Candidato Presidente di Partido MEP y Parlamentario

Ricky HOEK

Pagina 18

Mi kier a cuminsa na felicita e partido cu 53 aña di existencia.

Mi ta hopi orguyoso di haya e oportunidad di ta un candidato riba lista. Nos tabata tin tres lider cu a guia e partido durante varios aña, nos Libertador Betico Croes, sr Nelson Oduber y awor bou liderazgo di Evelyn Wever-Croes. Danki na nan dedicacion nos ta den gobierno awe.

MEP ta un partido cu semper a traha na bienestar di pueblo y ami ta considera mi mes un persona cu a subi lista pasobra mi

ta identifica mi mes cu e ideologia di MEP. MEP ta un partido cu a traha den momento menos facil, pero bou liderazgo di Evelyn Wever-Croes nos a logra surpasa tur reto.

Mi ta orguyoso di tur mi colega ministernan cu ta eherce nan trabou na nan maximo potencial. Partido MEP a eherce semper un bon trabou y siguiente eleccion cu sosten di pueblo y poder di Dios nos lo sali un biaha mas victorioso, semper teniendo bienestar di comunidad y progreso di nos pais na prome luga.

Candidato

Shannon HENRIQUEZ

Pagina 21

Mi ta orguyoso cu mi partido ta recto, y ta para pa husticia. Cu Partido MEP, ta bringa corupcion y den cual actonan no integro tin consecuencia.

Esey ta permiti mi eherce mi funcion como Minister di Husticia manera mester ta.

PABIEN MEP CU 53 AÑA Candidato Minister di Husticia y Asunto Social

Rocco TJON

Pagina 22

Awe MEP ta cumplí 53 aña di existencia. Mi ta orguyoso di por forma partí di e partido aki y e Famia grandi di MEP. No solamente pa e lucha y tur e logronan realisa pa nos pais te cu awe pero tambe pa nos vision y mision cu semper a keda traspasa di generacion pa generacion. Norma y balornan cu semper a forma nos partido y e base riba cual nos a maneha e país aki.

E VISION di nos partido ta pa tin un pueblo uni a base di su balornan humano, determinando su propio destino y ta duna igual oportunidad na cada ciudadano pa comparti e prosperidad y igualmente responsabilidad civico, di un forma husto pa tur ciudadano den e comunidad.

E MISION di nos partido ta pa ilumina e caminda pa crea un sociedad husto, responsabel y democrático. E mision ta encera cu nos lo lidera door ehempel, transparente, honesto y firme pero cu compasion pa nos conciudadano.

Nos mision ta: pa nos cas cu yama Aruba ta un hogar feliz.

Como partido social democrata, Movimiento Electoral di Pueblo tin e siguiente puntonan di salida, mi ta cita parti di e credo di nos partido: *Promove husticia social, fomenta solidarismo y garantisa libertad; *Stimula firmemente e idea cu educacion ta e instrument fundamental pa un desaroyo sostenibel y duradero. Di e forma aki e individuo por desaroya su mes y por logra un trabou digno y productivo den nos comunidad. Esaki ta stimula igualdad den oportunidad pa desaroyo y empleo pa un y tur; *Tur hende mester disfruta di mesun derechonan basico democratico ancra den nos leynan y tratadonan; *Tur yiu di e pueblo aki mester por haya oportunidad igual pa dirigi nos pais, sin distincion alguno.

Pa MEP tur hende ta conta igual. No ta importa ken bo ta, kico bo ta haci, unda bo a nace of di cua pais bo a bini contal bo ta biba riba e pida baranca aki y ta aporta tur dia na e desaroyo di nos pais. Tur hende mester tin of mester haya e mesun oportunidad pa participa den nos comunidad den un forma transparente y husto.

Pa motibo di e norma y balornan aki di nos partido, mi ta convenci cu bou liderato di Evelyn Wever-Croes, Minister President nos por sigui hiba Aruba padilanti manera semper nos partido a haci.

PABIEN NA E FAMIA COMPLETO DI MEP!

Candidato y Parlamentario

Shailiny TROMP-LEE

Pagina 23

Pueblo a scoge partido MEP como e partido mas grandi durante e eleccion parlamentario 2021, basa riba e maneho cu a hiba e ultimo añanan lidera pa Lider di MEP Evelyn Wever-Croes.

Mi ta orguyoso di ta forma parti di e maneho cu Partido MEP ta hiba den Gobierno y di cada logro di Partido MEP den 53 aña di existencia.

MI TA ORGUYOSO DI TA FORMA PARTI NA PARTIDO MEP Candidato

Hendrik TEVREDEN

Pagina 24

PABIEN PARTIDO MEP Y TUR EX-CANDIDATO, CANDIDATO, SOSTENEDORNAN, FUNDADORNAN, LIDERNAN Y Setty

Ami ta MEP paso e ta un partido di logronan grandi pa nos pais Aruba. Un partido cu tur dato ta mustra cu a goberna miho economicamente, financieramente y responsabelmente tur periodo cu a asumi e reto pa goberna. Su ideologia ta pa traha dedica na e hende.

Un partido cu den mi propio experiencia a sa di traha den pio temponan di pais Aruba pero tambe na mundo (pandemia) lidera pa Evelyn Wever-Croes.

Un partido cu a conoce 3 lider grandi cu a sa di dirigi e partdio y pais pa progreso, bienestar y cu logronan cu otro nunca por a surpasa.

Pabien y danki pa tur cu a traha pa partido prome cu nos tempo, den nos tempo y danki na esnan cu lo bay traha despues di nos!

Candidato y Parlamentario

SIMPATISANTENAN CHRISTIAANS-YARZAGARAY CU SU 53 AÑA!

Pagina 25

Pagina 19

Pagina 20

UNI DEN FILA DI MEP