Udalainformatzen74 (1)

udalainformatzen74.qxp:udalainformatzen57.qxd 21/07/14 13:29 Pรกgina 1

udalainformatzen74.qxp:udalainformatzen57.qxd 21/07/14 13:29 Página 2

sar r era TELEFONO INTERESGARRIAK Udal telefono zenbakiak

Zerbitzuak

Informazioa 943 49 01 42 Alkatetza 943 49 18 62 Gizarte Ongizatea 943 49 05 52 Hirigintza 943 49 03 77 Kultura 943 49 10 34 Manuel Lekuona Biblioteka 943 49 38 64 Udaltzaingoa 943 49 33 11 Elorsoro Udal Kiroldegia 943 49 25 52 Udal Igerileku irekia 943 49 37 45 Arritxulo Udal Mendi-Aterpea 943 58 00 10 Atez ateko Informazio Bulegoa 900 49 11 11

Osasun zentroa 943 00 65 04 DYA 943 46 46 22 Jubilatuen elkartea 943 49 00 02 Zaharren egoitza 943 26 10 80 Taxiak 943 49 14 74 Herribus - Iparbus 943 49 18 01 Posta 943 49 35 74 Epaitegia 943 49 09 13 Nekazal bulegoak 943 49 03 47 / 943 49 06 69 Oiartzun Kirol Elkartea 943 49 36 38 Oarsoaldea eskualdearen garapenerako agentzia 943 49 41 29 Behemendi 943 49 02 19

Turismoa Hezkuntza Turismo bulegoa 943 49 45 21 Herri Musikaren Txokoa 943 49 35 78 Luberri Ikasgune Geologikoa 943 26 25 93 Komunikabideak

Haurtzaro ikastola 943 49 22 12 Elizalde Herri eskola 943 49 01 93 Oiartzungo Udal Ikastola Partzuergoa 943 49 16 59 / 943 49 00 37 AEK Intxixu euskaltegia 943 49 39 57 Helduen Heziketa Iraunkorra (Altzibar) 943 49 00 48

Oiartzun irratia 943 49 37 11 Oarsoaldeko Hitza 943 34 03 30

Harremanetarako, ekimenen berri emateko, proposamenak egiteko…hau da Oiartzungo udal aldizkariaren helbide elektronikoa:

komunikazio@oiartzun.org

OHAR GARRANTZITSUA Udal aldizkaria euskara hutsean kaleratuko da Oiartzungo Udalak urte asko daramatza euskara normalizatzearen aldeko lana eginez. Aldizkari hau bera, esate baterako, euskara hutsean kaleratzen zen, duela zenbait urte. Horregatik, 2009tik aurrera udal aldizkaria berriro euskara hutsez kaleratuko da.

Nolanahi ere, nahi duenak ale bakoitzaren eduki nagusien laburpena jasoko du gaztelaniaz. Horretarako, ordea, eskaera egin beharko du udaletxeko informazio gunean, 943 49 01 42 telefono zenbakira deituz edo komunikazio@oiartzun.org helbide elektronikora mezu bat bidaliz. Eskaera egitean, nork bere datuak eman beharko ditu, aldizkaria jaso ahal izateko.

NOTA IMPORTANTE La revista se publicará íntegramente en euskera El ayuntamiento de Oiartzun lleva muchos años comprometido con la normalización del euskera. Esta misma revista, por ejemplo, se publicaba únicamente en euskera, hace tan sólo unos años. Por esta y otras muchas razones, a partir de 2009 la revista se volverá a publicar íntegramente en euskera.

No obstante, todo aquel que este interesado tendrá la posibilidad de recibir un resumen de los contenidos más importantes de cada número. Para ello, deberá ponerse en contacto con nosotros, acercándose a la oficina de información, llamando al número de teléfono 943490142 o enviando un correo electrónico a la dirección komunikazio@oiartzun.org. Al realizar la solicitud, el interesado deberá facilitar sus datos, para poder recibir la revista.

Argitaratzailea: Oiartzungo Udala

2

Diseinua eta maketazioa: Dixidu Diseinu Grafikoa

Inprimaketa: Cortajarena

Lege Gordailua: Donostia-1216/91

udalainformatzen74.qxp:udalainformatzen57.qxd 21/07/14 13:29 PĂĄgina 3

agur ra

Festa giroa nagusi da dagoeneko gure herriko kaleetan, xanistebanak badatozenaren seinale. Jai Batzordean parte hartu duten taldeek dena prest dute dagoeneko egun horietan herritarren gozamenerako antolatu dituzten ekintzak aurrera ateratzeko.

Aurten, xanistebanetan hemen izango ditugu berriz Karaeztik etorriko senideak. 20 urte bete ditu gure bi herrion arteko harremanak. Duela 20 urte hasitako harreman hori sendotu eta benetan senide bihurtu garenaren seinale, dudarik gabe.

Honez gain, Saharako Tichla herriarekin ere senidetza ofizial bihurtu da. Otsailean izan genuen aukera Fronte Polisarioko kideekin harremanetan jartzeko eta udaletxeko areto nagusia Oiartzunen eta inguruan bizi diren sahararrez bete zitzaigun. Urtero uda pasatzera etortzen diren haurrak ere ekainaz geroztik Oiartzunen ditugu eta ziur haiek ere oiartzuarrokin batera gozatuko dituztela xanistebanak.

Senidetza hauen garrantzia handia da. Senide ditugulako ez soilik paperen gainean, baita ere sentimentuetan eta egoera latzenetan: Euskal Herriak, Bretainiak eta Saharak, hirurok pairatzen dugu estatu indartsuren baten zapalkuntza eta gure oinarrizko eskubideen zapalkuntza.

Baina gure lana izango da itxaropena eta aldaketa lantzea, munduaren aurrean burujabe agertuko garen eguna iristen den arte.

Eta etorkizuneko gure herria marraztuko duen gaia da datozen orrialde hauetan ikusteko aukera izango duzuen bestea: Hirigintzako Plan Orokorra. Erabateko gardentasunerako ariketa informatzailea eginez, jendaurrean egon den bitartean tarteratu diren eskaera eta horien erantzunak ekarri ditugu udal aldizkari honetara.

Denon artean diseinatzen ari garen etorkizuneko herri horretan, errespetua nagusi izango diren herriko festak nahi ditugula gogora ekarri nahi dugu. Azken bi urteetan sexu eta genero biolentzia kasuek belztu dituzte oiartzuarron festak. Aski da! Aurten ez dugu halakorik onartuko!

Gora Oiartzun! Gora xanistebanak!

Manoli Larraiotz Arregi.

Langileria batzordeko zinegotzia.

3

udalainformatzen74.qxp:udalainformatzen57.qxd 21/07/14 13:29 Página 4

udal albisteak OIARTZUN, KARAEZ ETA TICHLA: FAMILIA BEREKO KIDEAK Oiartzunek Bretainia eta Saharako herriekin harreman berezia izan du, senidetza eta lankidetzaren bidez Oiartzun eta Karaezen arteko senidetzak 20 urte bete dituela aitzakia hartuta, eta Saharako Tichla herriarekin senidetza ofizializatzeko eman diren urratsak kontuan hartuta, Oiartzunek mundu zabaleko beste herriekin dituen harremanak gogora ekarri nahi ditugu. Bretainia eta Saharaz gain, Nikaraguarekin ere harreman berezia izan du gure herriak azken urteetan.

KARAEZ (Bretainia) Karaez: 8.206 biztanle (2008ko datua). 2.581 hektarea ditu. 2.753 ikaslek ikasten dute herrian eta horien arteko %21ak ikasten du bretoieraz. Alkatea Christian Troadec da, MBP/BWR alderdi ezkertiar eta autonomistakoa.

Poher eskualdeko herri nagusia da. 250 merkataritza gune eta zerbitzu ditu eta 200 elkarte inguru. Les Vieilles Charrues musika jaialdi entzutetsua ere bertan egiten da urtero. Oiartzundik 798 kilometrora dago.

Karaez eta Oiartzun 1994an senidetu ziren. Juanito Iñarra zen alkate garai hartan eta Jaione Ugaldebere Kultura zinegotzia. Senidetzearen ekitaldi ofizialak bi herrietan egin ziren. Maiatzaren 14ko Oiartzungo ekitaldira Karaezko orduko alkatea –Jean-Pierre Jeudy komunista-, ez zen etorri, baina bai Daniel Cotten alkateordea. 10. urteurrena Karaezen ospatu zen, 2004an. Horregatik, aurten 20. Oiartzunen ospatu da.

Ugaldeberek ongi asko gogoratzen ditu lehenengo urratsak: “Senidetzaz hitz egin aurretik, Mikel Egibarrekin –Karmelo Landaren idazkaria Bruselan europarlamentario zenean (1990-1994) eta Herri Batasunako Parisko ordezkaria 1994 arte-, Bretainiako herri ezberdinetako politikari, enpresari, kazetari… taldetxo bat etorri zen Euskal Herrira, tour ttiki bat egitera 1993an.

Ongietorria egin genien udaletxean eta bisita batzuk egitera eraman genituen Oiartzundik. Gero, gaia atera zen: egingo bagenu senidetza Bretainiako herri batekin?

“Karaezek ordurako bazituen batzuk eginak. Gurea laugarrena izan zen.

Martxoan hara joan ginen Jon Iñarra alkatea, bere emaztea, nire bikotea eta laurok. Zoragarri hartu gintuzten eta herria ezagutu genuen. Ikusi genuen gure herriaren antza zuela. Hura zentroa da, inguruko herriak ttikiak dira, baina biztanle kopuru aldetik antzekoak ziren. Bisita hartan diwan eskola bisitatu genuen. Hango senidetzakoekin ere harremanetan jarri ginen.

Interesatzen zitzaiela ikusi zen, guri ere bai, eta senidetza taldea sortu zen Oiartzunen, Joxe Mari Mendikute buru zela.

kaslea izan zen interpretea hemen eta han, egiten zuelako frantsesez, ingelesez eta euskaraz.

“Karaezko hurrengo alkatea eskuinekoa izan zen (André Le Roux), baina harremana mantendu zen. Uste dut senidetzak hartu duela indarra, instituzioek baino”.

Oiartzun-Karaez Senidetza Elkarteko kideetako bat da Joxe Ostolaza: “Senidetza Elkartearen filosofia da herrien arteko harremanetan ordezkari izatea. Joxe Mari Mendikute eta Pepi Mujika hasi ziren.

“15 aldiz-edo joan gara autobusa beteta hara. Jendeak erantzuten du. Haiek urtero etorri dira, baina talde txikiagoan. Gu hara joaten gara abuztuan, xanistebanen ondoren. Egun bakarra egiten dugu Karaezen, besteetan egunero ibilaldia. Bidaietan informazio orokorra banatzen dugu: Bretainia nolakoa den, hizkuntza, Karaez…

“Kirol-taldeak joan izan dira hara. Kultura mailan, adibidez, hangoak etorri dira ikastolak, Herri Urrats… ezagutzera. Haientzako hau hizkuntza aldetik aurrera doan toki bat da. Haien diwanak urte hauetan ari dira aurreratzen, baina dute Euskal Herrian 70. hamarkadan ikastolek zuten egoera.

Hizkuntza aldetik hemen baino egoera txarragoa dute.

“Hura nekazal mundua da. Industria oso gutxi dago. Nekazari mundu horretan kooperatibak antolatzeko, etorri izan dira hemengoak ezagutzera (Tajo, Arrasate…).

“Oso hurbiletik jarraitzen dute hemengo egoera, egoera latzean ere lagundu dutelako. Oiartzun eta Karaezek, Euskal Herriak eta Bretainiak, hizkuntza aldetik, kulturan, zapalkuntzan… arazo berdintsuak ditugu”.

“Lehenengo ekitaldi ofizialeko bidaia inprobisatu egin genuen. Nik zinegotzi bezala ez neukan ezer prestatua. Bagenekien ekitaldi ofiziala halako egunetan izango zela eta gero afaria izango zela. Hango senidetzakoek hartu zuten batuta eta eraman gintuzten sagardotegi bat bisitatzeta, Lo Kronan herrira, eztia egiten zen toki batera…

“Autobus osoa bete genuen: senidetza elkartekoak, herritarrak, trikitilariak, dantzariak… Afarian, Karaez senidetua zegoen Ingalaterrako eta Irlandako bi herritakoak ere bazeuden. Helena Santamaria Haurtzaro Ikastolako ira-

4

TICHLA (Sahara) Tichla: 8.000 biztanle inguru ditu, Sahara Mendebaldeko errefuxiatuak guztiak eta emakume, haur eta adinekoak, batez ere. Lau auzotan banatua dago, Arjeliako basamortuaren erdian.

udalainformatzen74.qxp:udalainformatzen57.qxd 21/07/14 13:29 Página 5

udal albisteak Oiartzun eta Saharako errefuxiatuak Aljerian bizi diren Tindufeko gunearen arteko harremana 1999/2003 legegintzaldian hasi zen, Xabier Iragorri alkate eta Larraitz Sanzberro Kooperazioko zinegotzi zirela.

Sanzberrok gogora ekarri du harremanen hasiera hura: “Harremanaren hasiera ez da batere erromantikoa. Orioko zinegotzi bat zen Sahararekin zerbait egin behar genuela insistitzen zuena. Fronte Polisarioak bidaia instituzionalak antolatzen zituen ordezkari politikoentzat. Bidaia horietako baterako gonbita jaso genuen eta joatea erabaki genuen. Erabat ezezaguna zen guztia guretzat joan ginenean”. 2002ko apirilaren 26tik maiatzaren 1era, errefuxiatu guneak ezagutzeko aukera izan zuten Iragorrik eta biek.

“Kanpamentuetan lehenengo gaua Arrasateko bi zinegotzirekin eta Donostiako batekin pasatu genituen. Hurrengo egunean banatu ginen.

Xabier eta ni Tichlara bidali gintuzten, familia batera (Najem Mohammed Boyren familiara, itzultzaile lanak egin zitzan). Han bateko eta besteko ordezkariekin egon ginen. Txundituta gelditu ginen egoerarekin. Han bertan erabaki genuen senidetza egitea; Xabierrek eta Tichlako alkate Aba El Mounâim Mohammed Alik sinatu zuten. Baina falta izan zen Oiartzunen formalizatzea”. Ordurako, Tichla Aramaio, Barakaldo, Ibarra eta Zestoarekin senidetua zegoen. “Harreman politikoa zen hartzen zen konpromisoa. Sahararen egoera eta borrokari babes modukoa izan zen senidetza.

“Tichlako ordezkariak Oiartzunera ekartzen saiatu ginen senidetza formalizatzeko, baina arazo politikoak izan ziren tarteko: ez zieten utzi ateratzen.

Sahararrak horrela daude: pasaporterik gabe, ateratzeko baimenen zain…

“Uda hartan bertan ekarri genituen haurrak. Oiartzungo familia batzuek lehendik ezagutzen zuten egoera eta ekartzen zituzten haurrak.

“El-Watan elkartea sortu zen gero, ez gelditzeko Sahararekin elkarlana zinegotzi baten esku, bere karguaren biziraupenaren menpe”.

El-Watan elkartea izan da bi herrien arteko lotura handiena. El-Watanek, udan Saharako haurrak Oiartzunera ekartzeaz gain, Tichlako bizilagunen bizi-kalitatea hobetzeko proiektuak sustatzen ditu hemendik (janari bilketak, megafoniak jarri, bilera gelak txukundu, eskola materialez hornitu, familiei eguzki plakak eskaini, ura jasotzeko biltegiak…) eta hara egindako bidaietan bertako eskoletako haurrentzako eskaintza kulturalekin bizimodua pixka bat alaitzen saiatu izan dira (pailazoak, magoak, antzerkiak, malabarrak…).

Olga Leibar elkarteko kideak azaldu digu: “Larraitz Sanzberro hasi zen gai hau herrian mugitzen. Donostiara haur sahararrak etortzen ziren eta Oiartzungo batzuk han parte hartzen zuten programan. Ikusi genuen Oiartzunen egin zitekeela zerbait eta elkarte bat formalizatu behar zen horretarako.

“Edozein proiektu martxan jartzeko, hango emakume taldeekin egoten gara, auzoetako zinegotzi gisakoak direlako. Ezagutzen dituzte oso ongi auzoa eta beharrak. Aurten, hirugarren urtea da ari garela ur-biltegien proiektuarekin, Aramaio eta Zestoarekin batera. Zinkezko biltegiak dituzte ura kontutzeko, baina oso hondatuak daude. Herdoil plaka bat sortzen da eta ur hori edaten dute. Oso txarra da. Biltegi egokiagoa bat bilatzea erabaki genuen,

beraiek eskatuta. Plastikozkoa harrapatu dugu, familia bakoitzak horrelako bat izan dezan. Baina familia asko dira: 700 bat. Urtero 60 ematen ditugu.

“Urrutitik ikusita, Tichla ez da deus. Bizi dira adobezko etxeetan eta jaima bat daukate.

NIKARAGUA Herrien arteko senidetza harremanik ofizializatzera heldu ez bazen ere, 90. hamarkadan Oiartzunek oso harreman berezia izan zuen Nikaraguarekin.

Joxe Mari Bergaretxe zinegotzi zela (1991-1995 legegintzaldian) joan zen hara. Hurrengo legegintzaldietan ere jarraitu zuen harremanak: “Euskal Fondoak Iberoamerikarekin elkarlanerako fondoa sortu zuen, Gasteizko gobernuak eta udaletxeen sarearen artean. Herri batzuk sartu ziren, tartean Oiartzun. Urtero diru ekarpena egiten zen.

“Bidaia bat antolatu zuten Nikaraguara eta udaletxe batzuk aukeratu zituzten, tartean Oiartzun. Bidaia egoera ikusteko zen, fondoa zertara bideratzen zen. Hiru herritatik joan ginen: Abadiño, Berriz eta gu. Abadiñok herri batekin senidetza egin zuen. Oiartzunen hasi zen asmoa, baina ez zen materializatu. Hurrengo legegintzaldian Alaznek (Garmendia) egin zuen bidaia bat berriz hara.

“Lau herri bisitatu genituen: Rama; Esteli, oso ezaguna gerra garaian oso borroka gogorrak izan zituztelako; Masaya, museo etnografiko oso polit bat duena; eta Ocotal. Oso interesgarria izan zen bidaia.

“Bi-hiru proiektu zeuden garai hartan. Raman zerradi bat muntatzeko proiektua zegoen. Makineria eraman zen. Herri hau itsaso ondoan dago, basoan, erreka handi baten ondoan. Erreka da komunikaziorako bide bakarra.

Barkazei motorrak jarri zitzaizkien. Miskitoak ziren (bertako natiboak) eta oso isolatuak zeuden. Herrietara errekaz joaten ziren. Managuatik iristeko, ez zegoen komunikaziorik. Gerra hasi zenean (1979-1990) sandinisten kontra erabili zituzten miskitoak. Gero sandinistek desplazatu egin zituzten; ez zuten asmatu. Gu gerra ondorengo garaietan joan ginen. Gerra aurreko diktaduran Raman dolar bat baino gehiago ez omen zuten balio pertsonek: kazikeak emakume bat nahi baldin bazuen, hartu egiten zuen. Lan pixarra egiteagatik ordaintzen ziotenarekin alkohola bakarrik eskaintzen zioten; zikloa zen lana-mozkortu. Duintasunik gabeko bizitzak zituzten. Sandinisten garaian errespetu eta duintasun minimoa iritsi ziren”.

Oiartzungo Udalak oraindik jarraitzen du Euskal Fondoarekin kolaboratzen Hego eta Ertamerikako herrien garapenean laguntzeko.

5

udalainformatzen74.qxp:udalainformatzen57.qxd 21/07/14 13:29 Página 6

udal albisteak HIRIGINTZAKO PLAN OROKORRAK 43 ALEGAZIO JASO DITU Gehienak partikularrek eta enpresek tarteratu dituzte, eremu zehatzei erreferentzia eginez 2013ko abenduaren 17an eman zitzaion Hirigintzako Plan Orokorrari hasierako onarpena. Martxoaren 27a arte jendaurrean egon zen. Bitarte horretan, aurrera egiteko ezinbestekoak diren txostenak bidali dituzte erakundeek.

Hirigintzako Plan Orokorrak 43 alegazio jaso ditu. Udalak landu ditu alegazioak eta onartu ditu hauei emandako erantzunak.

Lau multzotan banatu dira alegazioak: onartu direnak, partzialki onartu direnak, irizpide gisa aintzat hartuko direnak eta onartu ez direnak. Horiez gain, tarteratu diren alegazioetako batzuen gaiak Hirigintzako Plan Orokorrarekin zerikusirik ez zuten baina erantzun dira, bakoitzari dagokion arautegiaren arabera. Alegazio gehienak partikularrek eta enpresek tarteratu dituzte.

ONARTU DIRENAK (12): 1) UGA10 eremuan eraiki gabeko eraikigarritasuna mantentzea.

2) Ugaldetxoko Ihurritan jarduera ekonomikoak garatu ahal izatea.

3) Elizalden adinekoentzako 15 etxebizitza eraiki ahal izateko eraikigarritasuna handitzea.

4) Red Electricaren azpiegituren zorbideak errespetatzea.

5) Ugaldetxoko Garro baserriaren teilatua altxatzea.

6) Ibarren lau etxebizitza legeztatzea, eraikigarritasuna gehitu gabe.

7) Ugaldetxoko eremu komertzialeko eremuan 5000 m2tan eraikitzeko eskubidea (1991ko Arau Subsidiarioetan onartua zegoen).

8) ITU2 eremuko kudeaketa aurrez sinatutako hitzarmenekin bat egitea.

9) Eli3F-n eraikigarritasuna beste modu batera antolatzea eta sarrerak berrikustea.

10) Urkabeko sarrerak hobetzea.

11) ARR3A eremuan Errenteriako dentsitatea onartzea.

12) Lanbarrengo eremu batean erabilera industriala onartzea.

6

PARTZIALKI ONARTU DIRENAK (3): 1) Iturriozko Inviker enpresa ordenazioz kanpo beharrean, “planeamenduarekin bat ez datorrela” gisa sailkatzea.

2) Ugaldetxoko skate parkea legeztatzea.

3) Karrikan bidegorria osatzeko desjabetza.

IRIZPIDE GISA AINTZAT HARTUKO DIRENAK (4): 1) Ugaldetxoko uholde arriskua aintzat hartzea.

2) Bidegorrien sarearen hierarkizazioa aurreikustea.

3) ELI6 eremuan eraikinen altuerak ttikitzeko ahalegina egitea.

4) Ergoiengo garapenean errepideen norabidea aztertzea eta justifikatzea.

ONARTU EZ DIRENAK (21): 1) Ugaldetxo1A eremua eta saihesbidea kuestionatzea.

2) Elizaldeko Mendizabal etxeari eraikigarritasuna gehitzea.

3) Altzibarko Agerre baserrian 25.000 m2ri eraikigarritasuna ematea.

4) Dendarteanek merkataritza-ekipamenduak sortzeko Lurralde Plan Sektoriala bete artean HPO bertan behera uzteko eskaera.

Filosofiarekin bat egiten da.

5) Altzibarko Pontxoeneako lurrak HPOtik kanpo gelditzea.

6) Urkabeko Pablitoenea berreraikitzea.

7) Ugaldetxoko Mendibil baserria hiri-lur izendatzea. HPOk ez du hiri-lurrak zabaltzea aurreikusten.

8) Iturriozko Tonkolo eta Aranburuene aurreko eraikin berrien distantzia handitzea. Plan Bereziaren xedea izango da hori.

9) Aldapa Bekoa aurrean 2.172 m2 sailkatzea lau etxebizitza egiteko.

10) Arpidenean bost etxebizitza legeztatzea.

11) Txipiton 1.600 m2 sailkatzea zortzi etxebizitza egiteko.

12) Ibarre inguruan hiri-lurrak sailkatzea oraingoz (nahiz eta interesa aitortu).

13) Ugaldetxon eremu batean aparteko kudeaketa egitea (UGA1).

14) Ugaldetxoko Errekatxon betelana egitea.

15) Elizaldeko Txokotxikiren eraikigarritasun zamak gutxitzea.

16) Gurutzeko Antziolan agroturismoko zabalpena egitea.

17) ELI3 eremuko etxejabe baten eraikigarritasuna handitzea.

18) Ramon Vizcainon bidea kendu eta eraikigarritasuna okupatzea.

19) Altzibarren erreka ondoan eraikitzea.

20) Elizalden eremu berria antolatzea, 30 etxebizitza berri eraikitzeko.

21) Araneder eta Araneder Errota berreraikitzeko lurrak urbanizagarri bihurtzea.

udalainformatzen74.qxp:udalainformatzen57.qxd 21/07/14 13:29 P谩gina 7

udal albisteak Erakundeetatik jasotako txostenak Eusko Jaurlaritzako Kultura Ondarearen zuzendaritzak; Nekazaritza, Arrantza eta Elikadura Sailak eta Biodibertsitate eta Ingurumen Partaidetzako zuzendaritzak; Gipuzkoako Foru Aldundiko Bide Azpiegituera eta Kultura, Gazteria eta Kirolak departamentuek; ADIFek; Direcci贸n General de Ferrocarriles del Ministerio de Fomentok eta Jefatura Provincial de Telecomunicaciones-en txostenak jaso ditu Hirigintzako Plan Orokorraren hasierako onarpenak. Euren txostenetan egindako aspektu lotesleak txertatuko dira dokumentuan, aurrera egin ahal izateko.

Udala Eusko Jaurlaritzatik jaso behar duen ingurumenarekiko eragin azterketaren txostenaren zain dago orain. Egun hauetan jasotzea espero da.

HPO-REKIN ZERIKUSIA EZ DUTENAK (3): 1) Legarreko lur-jabetza bat pribatu izendatzeko eskaera.

2) Arraguako biribilgunetik Errenteriako sarrera-irteerak eta erabilera komertziala berrantolatzea. Proiektuaren edukiari dagokio.

3) Kontzejupeko beheko solairuetan etxebizitzak antolatzea.

Ordenantzari dagokio.

Behin hau eskuartean izanik, iraila-urrian behin-behineko onarpena emango dio udalbatzarrak Hirigintzako Plan Orokorrari eta berriz ere Eusko Jaurlaritzara bidaliko da dokumentua. Han, Lurralde Antolaketa Sailak onartu beharko du berriz Udalera iritsi eta behin betiko onarpena eman aurretik. 2015eko hasieran izango dela hori aurreikusten da.

7

udalainformatzen74.qxp:udalainformatzen57.qxd 21/07/14 13:29 PĂĄgina 8

udal albisteak Oiartzuerako hiztegia aurkeztu da Ttur-Ttur Euskaltzaleon Bilgunea garatzen ari den Oiartzuarren Baitan egitasmoarekin lotuta, oiartzuerako hiztegia argitaratu da. 1.200 hitz baino gehiago jaso ditu bertan Ane Badiola suspertzaileak, Oiartzuarren Baitanerako egindako elkarrizketetan oinarritua. “Hiztegi hau hitz gehiago biltzeko irekita� dagoela adierazi dute Irati Etxebeste Euskara zinegotziak eta Badiolak. Hiztegia www.oiartzuarrenbaitan.com-en dago eskura.

Hiru ostalari eta merkatari euskara hobetzen Hiru merkatari eta ostalari euren euskara maila hobetzeko eskolak jasotzen aritu dira hiru hilabetez, bezeroekin ohiko elkarrizketak euskaraz izateko gaitasuna izateko, Udalak lagunduta eta Ttur-Tturrek bideratuta. Alhambra tabernako, Bidealde jatetxeko eta Odriozola gozotegiko ostalari eta merkatariek egindako ahalegina eskertu nahi dute Udalak eta Ttur-Tturrek, eta bezeroak euren ostalari eta merkatariekin euskaraz aritzera animatu.

Udalak euskalduntzeko trabei planto Kontseiluak deituta eta herriko euskalgintzak testigua hartuta, elkarretaratzea egin zen apirilaren 9an plazan, Udalak euskalduntzearen kontra Frantziako eta Espainiako Estatuek (Carlos Urquijoren bidez, batez ere, azken honek) egin dituzten pausoak salatzeko.

Oiartzunen kasuan, udal kontratazioetan euskara lehenesteko onartutako akordioaren berri eskatu du Carlos Urquijok.

8

udalainformatzen74.qxp:udalainformatzen57.qxd 21/07/14 13:29 Pรกgina 9

udal albisteak Gizarte eragileekin hitzarmenak HELTA, Harri Beltza eta Killirikupe Elkarteekin hitzarmenak sinatu ditu Udalak, herrian egiten duten lanarekin aurrera jarrai dezaten. Garabide Elkartearekin lehen aldiz sinatu du hitzarmena Udalak, garapen bidean dauden herrialdetako hizkuntz gutxituen komunitateekin lanean jarrai dezaten.

Zortzi langile kontratatuko dira aurten Eusko Jaurlaritzak, Gipuzkoako Foru Aldundiak eta Udalak diruz lagundutako enplegu planei esker, aurtengo urtean zortzi langile kontratatuko dira bost eta sei hilabetetako kontratuekin, Oarsoaldea Garapen Agentziaren bidez. Dagoeneko batzuk lanean hasi dira. Udalak egindako esfortzuarekin, aurten bi langile gehiago izango dira kontratatuak, euren egoera soziolaborala aztertu ondoren.

Parte-hartzearen filosofia txertatzeko, prestakuntza Udala parte-hartzearen inguruko formakuntza saioak egiten ari da, udalgintzarako tresna bihur dadin. Horretarako, besteak beste, udal hautetsi eta teknikari batzuk formakuntza saioak jaso dituzte Emunen eskutik.

9

udalainformatzen74.qxp:udalainformatzen57.qxd 21/07/14 13:29 Pรกgina 10

udal albisteak Garraio iraunkorra eta Eskola Kirola uztartu dituzte herriko ikastetxeek Eskola Kirolako jardunaldietara joateko garraio iraunkorra sustatzeko ekimena martxan bultzatu dute ikasturtean zehar Oarsoaldeko Kirol Mahaiak eta Gipuzkoako Foru Aldundiko Mugikortasun sailak. Oiartzungo ikastetxeak izan dira garraio iraunkorra gehien erabili dutenak, eta horregatik, bizikletak jaso dituzte sari gisa. Honez gain, saioren batera txirrindan joan diren herriko ikasle bakoitzak (90 denera), txirrindarentzako argi bana jaso du.

Eskola Agenda 21, energiaren kontsumoaz arduratua Eskola Agenda21n baitan, energiaren kontsumoa landu dute ikasturte honetan zehar Elizalde eskolan eta Haurtzaro Ikastolan. Ikasleen ordezkariak Mailu Iragorri zinegotziarekin eta Nerea Egia Ingurumen teknikariarekin bildu ziren ikasturte bukaeran, egindako azterketen emaitzen berri emateko eta Oiartzunen energiaren kontsumoan neurriak hartzeko euren proposamenak egiteko. Udalak ahal duen heinean proposamen horiek egi bihurtzeko konpromisoa hartu du.

Helduen dantza taldea martxan jarriko da datorren ikasturtean Oiartzungo dantzari, dantzari ohi eta dantzazaleak herriko dantza taldea martxan jartzen ari dira, Udalaren bitartekaritzarekin. 16 urte betetzean dantzan jarraitu nahi dutenek kanpoko taldeetara jo behar izan dute orain arte eta herrian taldea osatzeko nahikoa dantzari badagoela kontuan hartuta, dantza taldea martxan hasiko da datorren ikasturtean. Iraila hasieran dantzarientzako matrikulatzeko epea irekiko da. Dantzari ez ezik, taldeko bazkide izateko aukera ere izango da. Karaez kaleko lokal bat utzi die Udalak dantzariei, entseatzeko.

10

udalainformatzen74.qxp:udalainformatzen57.qxd 21/07/14 13:29 Página 11

udal albisteak Altzibarko argiteria berritu da Altzibarko argiteria berritzeko lanak egin dira Mikelete, Martintxo eta Donepetri kaleetan, Klarene plazaren inguruan eta Zokolo bidean. Guztira, argiteria sistema publikoa hobetzeko 38 puntu berri jarri dira: farolak postetan, fatxadetan eta Olalde eremuan. 92.000 € bideratu ditu lan hauetara Udalak.

500.000 € eskualdean nola inbertitu erabakitzen

Gipuzkoako Foru Aldundiak eskualdean inbertitzeko 500.000 € jaso ditu. Pasaia, Lezo, Errenteria eta Oiartzungo herritarrei galdetu die ea zertan gastatuko luketen diru hori. Eskualde ikuspegiko proiektuak lantzeko da dirua. Guztira, 370 proposamen jaso dira eskualdean eta herritarrek horien arteko 20 lehenetsi dituzte. Aztertu ondoren, Aldundiak irailaren 23an egingo den bilera batean azalduko du zeintzuk diren bideragarriak.

Errenta aitorpena egiteko bulegoa Baserritar eta nekazariei 2013ko errenta aitorpena egiteko erraztasunak eman asmoz, aurten ere bulegoa jarri da Mendiburu kalean.

Oiartzungo, eskualdeko eta Hernanialdeko baserritarrei eskaini die zerbitzua. 130 lagunek argitu dituzte Foru Ogasunarekin kontuak bulego honetan, horietako 20 oiartzuarrak.

11

udalainformatzen74.qxp:udalainformatzen57.qxd 21/07/14 13:29 Página 12

udal albisteak Oiartzungo lehenengo flauta lehiaketa jokatu da Oiartzungo I. Flauta Lehiaketan 150 flauta-jolek parte hartu zuten.

Lehiaketaz gain, kontzertuak ere izan ziren egun guztian zehar, “musika-tresna sozializatzeko” helburuarekin Oiartzungo Flauta Taldeak antolatuta. Talde honetako musikariek ere parte hartu zuen lehian.

Ruper Ordorikaren kontzertuan, aretoa lepo Ruper Ordorikaren kontzertuak udaletxeko areto nagusia leporaino bete zuen. Oñatiarrak bere kantaldia bukatu aurretik, promesa bat egin zuen: hurrena Oiartzunera etortzen denean Suantxaren bertsoak ikasita ekarriko dituela.

Mugarri, Oiartzungo txirrindularitzari buruzkoa Aurtengo Mugarri Oiartzungo txirrindularitzaren historiari buruzkoa izango da. Juanjo Aranburu, Joxe Mari Beloki, Bibiano Arbelaitz eta Adolfo Leibarren proposamena izan da gaia lantzea, txirrindulari askoren sehaska izan delako gure herria. Eihartze Aramendia, Goiatz Labandibar, Gaizka Lasa eta Jexux Olaziregik idatzi dituzte testuak.

12

udalainformatzen74.qxp:udalainformatzen57.qxd 21/07/14 13:29 Página 13

udal albisteak Gardentasuna eta ardura berretsi ditu Udalak Donostiako Instrukzio Epaitegiak 2003/2007 legegintzaldian Martin Beramendi alkate zela ustez izandako lege-hausteak (dokumentazioaren zaintzan eta Txarako parkeko kontratazioetan) epaitzea erabaki du. Udalak gertatu zena argitzeko bide guztiak babestuko ditu. Era berean, legegintzaldi hartan alkatetzatik egin ziren protokolo gastu neurrigabeen inguruan (183.600 € gastatu ziren lau urtean; horietako 68.000 otordutan), oiartzuarren dirua arduratsuki erabiltzeko eta Udal kudeaketan gardentasunez aritzeko konpromisoa berretsi du.

Legegintzaldi honetan, 2011tik 2014ko ekaina arte 5.790 € gastatu dira ordezkapen gastuetan.

Aritxulegin pagoen desagerketa Aritxulegiko eremu batean zeuden 260 pago desagertu ziren gau batean eta Udalak gertakari honen aurrean harridura agertu du. Guardia Zibilak Aritxulegitik zuhaitzak kentzeko eskatu zuela jakinaraziz, errekerimendu bat jaso zuen Udalak aurrez, Espainiako Auzitegi Nazionaleko Instrukzio areto batetik. Auzitegi Nazionalak emandako epean bere iritzia eman zuen, errekerimenduaren forma eta ingurumen arloko zenbait arloren inguruan, eta erantzuna jaso aurretik, zuhaitzak moztuta edo ipurditik aterata agertu dira.

Oiartzungo hautetsi izanak erabakitzeko eskubidearen alde

Oiartzungo Gure Esku Dagok azken urteetan Oiartzungo udalean hautetsi izan diren alderdi ezberdinetako lagunak elkartu zituen, erabakitze eskubidearen aldeko aldarrikapenarekin bat egiteko. Bertan izan ziren Oiartzungo lau alkate: Aiora Perez de San Roman, Aitor Etxeberria, Xabier Iragorri eta Juanito Iñarra.

13

udalainformatzen74.qxp:udalainformatzen57.qxd 21/07/14 13:29 Pรกgina 14

udal albisteak Iazko urte bukaeran egindako auzo batzarretan auzo bakoitzean markatutako lehentasunak eta adierazitako beharrak konpontzen eta egiten ari da Udala. Hona auzoz auzo lehenengo hiruhilabetean egin diren lanak:

Altzibar - Olaldeko iturria jarri.

- Argiteriaren egokitzapenaren lehen fasea.

- Bidegorria luzatu Cadarsora.

- Peatonalizazio lanen hasiera.

Arragua - Lanbarrenen arketak egokitu, seinaleak zuzendu, galiboa konpondu eta batxeoa.

- Ur fekalen isuriak konpondu eta mantenu lanak egin.

- Iturria jarri pilotaleku ondoan.

- Talaia poligonoko zuloak konpondu.

- Xorrolako postea jarri.

Elizalde - Legarreko plazako mantentze lanak.

- Elizalde Herri Eskolan argiteria lanak eta estalpea berritu.

- Haur Eskolako jolaslekuen mantenu lanak.

- Haurtzaro Ikastolako pilotalekuan segurtasun sarea jarri.

- Labaderoko harlauzen konponketa.

- Arraskularre kaleko, plazako, Elorsoro kiroldegiko eta Mendiburu kaleko adokinak konpondu.

- Piboteak jarri Elizalde Hotelaren ondoan eta udaletxe atzeko plazako maldan.

- Hilerri ondoko aparkalekuko lurra konpondu.

14

udalainformatzen74.qxp:udalainformatzen57.qxd 21/07/14 13:29 PĂĄgina 15

udal albisteak

Ergoien - Auzokalteko parkean hesiak jarri.

- Txarondo Errotan garbiketa eta bidearen konponketa (auzolanean).

- Arditurrin mahaiak jarri, zubiaren babesak konpondu eta proiektorearen pantaila jarri.

- Arpide bidean ispilua jarri.

Gurutze - Bizardia plazan bankuak jarri.

- Aparkalekuan seinalizazioa publiko/pribatu zehazteko.

- Arrietako depositoan konponketak.

- Piboteak jarri pilotalekuan.

Iturriotz - Ibarreko zubiaren mantenu lanak eta egurrak aldatu.

- Txakur kakentzako ontzia jarri.

- Tronpeoko batxeoa.

Karrika - Uholdeetako puntu beltzaren ikuskapena Iturburu ondoan.

- Bainurako guneen ondoan zakarrontziak jarri

Ugaldetxo - Futbol zelaian aldageletan konponketa lanak, kantinan mantenu lanak, sarrerako ur-kanalizazioaren konponketa eta itxituren mantentze lanak.

- Eskola zaharreko teilatuaren mantentze lanetarako andamioak muntatu auzolanean.

- AĂąarre bidea konpondu.

- Aristi ondoko zuloa hormigoiz bete.

- Zuaznabar poligonoan euri urak eta ur fekalak banatzeko lanak.

- Kalexa plazako jolastokiaren mantenu lanak.

15

udalainformatzen74.qxp:udalainformatzen57.qxd 21/07/14 13:29 Página 16

udal albisteak PLENOAK 14/03/26. Eliza katolikoak zergak ordaintzeko borondate politikoa azaldu du Udalak.

Laikotasuna Gipuzkoa Elkarteak eliza katolikoak IBI zerga ordaintzeko eskatuz sartutako mozioa onartu zen ahobatez.

SOS Arrazakeriak sartuta Ceutan izandako gertakariak salatzeko mozioa ere landu eta onartu zen ahobatez.

ekainaren 8rako antolatutako giza katean parte hartzera animatzen zituen herritarrak mozio honek.

Ttur-Ttur (Oiartzuarren Baitan proiektua), Arraztalo (OKOBI proiektua) eta Hitz Hots (Oiartzun Irratia) elkarteentzako dirulaguntzak ere onartu ziren.

Oiartzungo Gure Esku Dagok erabakitzeko eskubidearen alde aurkeztutako mozioa ere babestu zuten udaletxeko alderdi guztiek (nahiz eta bozketan EH Bildu eta EAJren botoak soilik aintzat hartu ziren, H1! ez baitzegoen bertan).

Eider Mitxelena Berdintasun zinegotziak martxoaren 17an Mungian izandako hilketa matxista salatu zuen.

14/04/10. Udalbiltzak, euskal herritarrak garela aldarrikatzeko mozioa.

Aberri Egunaren harira, Udalbiltzaren mozioa onartu zen EH Bilduren aldeko botoekin (EAJ abstenitu egin zen). “Euskal herritarrak garela aldarrikatzeaz” gain, Gure Esku Dago ekimenak

16

14/05/07. HPOri aurkeztutako alegazioak erantzun dira.

Hirigintzako Plan Orokorraren hasierako onarpenari aurkeztutako 43 alegazioak erantzun ziren udalbatzarrean.

Saharako Tichla herriarekin senidetza egiteko protokoloa ere onartu zen, ahobatez eta Harri Beltza elkartearekin hitzarmena berritzea ere bai, hiesaren kontrako lanean jarrai dezan.

Apirilean protokolo gastuak 12,80€koak izan ziren.

14/05/28. Kutxen pribatizazioaren kontra azaldu da Udala.

Euskal kutxen pribatizazioaren kontra EH Bilduk aurkeztutako

udalainformatzen74.qxp:udalainformatzen57.qxd 21/07/14 13:30 Página 17

udal albisteak

mozioa onartu zen, koalizioaren aldeko botoekin eta EAJren abstentzioarekin (H1! ez zegoen). Miren Irigoien EH Bilduko zinegotziak “herri bezala sistema finantziarioa edukitzeak” duen garrantzia azpimarratu zuen.

ESAITek euskal selekzioen alde eta Espainiako federazioak nazioartean lehiatzeko betoa kentzeko eskatuz sartutako mozioa onartu zen, ahobatez.

atxilotu eta beste sei herritar deklaratzera deitu zituzten, “terrorismoari gorazarre” egitea leporatuta-, ezohiko udalbatzarra izan zen.

Euskal Herriko gatazka politikoaren konponbide baketsuaren alde eta atxilotuak askatzeko mozioa onartu zuen EH Bilduk.

EAJ eta H1!-k ez zuten parte hartu udalbatzarrean, azken honek “mozioa neutrala” ez zelako.

Maiatzeko protokolo gastua 49 € izan zen, harpidetzatan.

14/06/25. Borboitarren zilegitasunik eza aldarrikatu da.

EH Bilduk aurkeztu eta babestutako mozioak, Espaniako errege aldaketaren harira, Borboitarrek Euskal Herrian zilegitasunik ez dutela eta euskal herritarron erabakitzeko eskubidearen alde jarri zuen Udala. EAJ abstenitu egin zen eta H1!ek ez zuen parte hartu bozketan.

14/06/03. Guardia Zibilaren polizia operazioa salatuz.

Guardia Zibilak herrian egindako polizia operazioa salatzeko –bost

Udala Garbitaniatik atera da eta ekainean ez zen protokolo gasturik izan.

Killirikupe, Garabide eta Girizia Mendi Taldearekin hitzarmenak onartu ziren eta Euskal Fondoari 18.700 €ko laguntza ematea ere bai, Saharan garraio azpiegiturak hobetzeko.

17

udalainformatzen74.qxp:udalainformatzen57.qxd 21/07/14 13:30 Página 18

ir itzia Auzoetan egin denaren berri eta egingo denaren berri ematen aritu da Udala.

Zergatik parte hartu duzu batzarretan eta nola ikusten duzu auzoa?

Karmele Irigoien –ALTZIBARBilerara joan ginen jakiteagatik bertatik bertara zer ari den egiten, zer asmo dauden… Kalean esaten dizutenaren erdia horrela izaten da eta beste erdia ez. Ez dugu ohitura handia, baina uste dut gehiago molestatu beharko genukeela bileretara joaten. Arazo handia dago aparkatzeko. Udaletxean paperean gauzak modu batera eta bertan bizi denak beste gauza batzuk ikusten ditu batzutan. Esan digute plaza peatonal utzi nahi dela eta Donepetrin bizi garenoi buelta emanaraziko digute, bide berria hartzeko. Nola froga den, ikusiko dugu. Udaletxetik aurkeztera etorri zirenek, beraien lana ondo egin zuten bileran. Pertsonalizatzeko joera izaten dugu batzarretan. Niretzako lehenengo arazoa aparkalekuena da, baian beste baten-tzat iturria. Denen gustua egitea ez dago. Gauzak hitz eginez konpondu posible dira. Auzoa zaharra dago. Errazena “hau gaizki dago, hau konpondu beharra dago, hau zaharra dago” esatea da, lista luzea egingo genuke. Zerrendan hartu dituzte. Etxe berriak egiten ari zirela errepidea hondatu da. Argiak ere jarri zituzten. Batzuri oso ondo iruditzen zaigu, beste batzuei ez. Niri ez didate trabarik egiten, baina leiho gainean dutenek egin zuten kexa. Gainerakoan, kaleek argitasunean diferentzia ederra dute. Pilotaleku bat falta zaigu.

Auzorik handienetarikoa da eta bakarra da gabe; zakurren kaka biltzeko ontziak... Bileretara joan eta galdetu, behar den bezala hitz egin eta ez sesioan… Poliki-poliki ari dira eta segi egin behar da. Udaletxea bere partetik saiatzen bada, iritziak emango ditugu eta ahal dugunean bileretara joango gara.

Loli Duarte –ARRAGUAOso interesgarria da etortzea eta ikustea zer dagoen sobran edo faltan auzoan. Nahiz eta denbora asko daraman Udalak batzarrak egiten, oraindik etortzeko ohitura falta da, edo kontzientziazioa da akaso. Informazio asko eman behar zaio jendeari oraindik. 30etik gora elkartu ginen. Arragua oso handia da eta ez dira berdinak beheko edo goiko auzoak; arazoak ere oso ezberdinak dira. Obrak gelditu ziren bertan behera, eta urbanizazioan asko falta da. Beheko auzoa pixka bat desorekatua dago: ez dago aparkatzeko tokirik, daudenak nahiko gaizki daude, topoaren geltokiaren ingurua bukatu gabe… Hori da jendeak esaten duena.

Kontxi Larrañaga – ELIZALDEInteresa daukat nire etxe inguruan gauzak hobetzeko. Altzibarko bileran ere egon nintzen eta parte-hartze handia izan zen; Elizalden oso gutxi ginen. Atera nuen ondorioa izan zen auzoetan beste bizitza bat dagoela eta jendea elkartu egiten dela beharrak konpontzeko. Elizalden dena ondoan dagoenez, udaletxera edozein joaten da, galdetzen du, eskatzen du. Nahiz eta jende gutxi izan, hitz egin genituen gaiak garrantzi handikoak izan ziren: zaharren egoitza, egin nahi diren mantentze lanak, trafiko seinaleak, ume eta edadekoentzat segurtasuna… Geratu zitzaidan galdera ikurra parte-hartzearena izan zen. Akaso beste modu batera zabaldu behar da edo akaso Elizalden jende gehiago da lotara etortzen dena eta kanpoan egiten duena bizitza. Auzo ttikietan ez da hori gertatzen. Beste auzoekin konparatuta, Elizalde askoz hobeto atenditua dago. Horrelako bilerek hausnartzeko aukera ematen dizute. Beste ideia batzuk entzuten dituzu. Aurrekontuak egitekoan, garrantzitsua da lehentasunak edukitzea epe luzera. Ni prest nengoke bi urtean dena izozteko, ez espaloiak konpontzeko, lehentasuna inbertsio handiak egitea bada luzerako.

Joxe Manuel Garai –ITURRIOTZObligazioa izan behar genuke parte hartzeko. Kezkak, hobekuntzak eta egin behar diren gauzak esan behar diren lekuan esan behar dira. Bestela geratzen zara mugatua iritzietara, jakin gabe. Lehengo urtean eskatutako gauzak ze prozesu eraman duten, zer egin den, zer ez den egin… esaten dizute arrazoia. Pena ematen dit hain jende gutxi etorri izanak: jende gehiagorekin, ideia gehiago. Udalaren aldetik ongi aztertua ekarri dute lehen eskatutako puntu bakoitza. Iturriotzen jende berri asko dago, baina lotarako, ez daude auzoan integratuak. Denbora beharko da, orain arte Iturriotz utzita egon delako, etxe berri hauek guztiak egin arte. Ea jendea parte hartzera gehiago animatzen den.

18

udalainformatzen74.qxp:udalainformatzen57.qxd 21/07/14 13:30 Página 19

ir itzia

Aritz Oiartzabal –ERGOIENAuzokoak ez badugu parte hartzen auzoan egin behar diren gauzetan… Ikusten dugu eskatzen ari ginen gauza batzuk egin direla, eta beste batzuk falta dira. Aurrera goazen heinean, gauza berriak agertzen joango dira. Ideia oso ona da. Ergoienen minetarako bidean egin zen auzolana eta zarranbiloak jartzea Auzokalten, oso ona izan dira.

Urteak generamatzan jolasak eskatzen, eta azkenean iritsi dira! Baina oraindik gauza batzuk ez daude eginak.

Baserri puntu batzuk ez dute espaloirik. Erdigunean lortu dugu. Bidegorria badaukagu, baina baserri batzuen –Garate, Iriberri, Gonzalo…- inguruko jendeak ez du espaloirik ez bidegorrira etortzeko, ez plazara igotzeko…

Eskaera hori aspalditik egiten dugu. Errepidean arrisku handia dago. Olaizahar inguruko baserritar guztiak motorrean edo autoan ibiltzen dira. Herribideetatik ez dago pasabiderik. Olaizaharretik oinez etorri nahi duenak belasorotik iritsi beharko luke bidegorrira! Bidegorria dugu buruan, baina baserritarako bideak ez daude konponduak. Hori ikusten dut falta, gehien bat. Uztapide plaza kotxeen parking bihurtu da. Garai batean ireki zuten, ez dakit zergatik…

Taxibusa oso ondo dago, deus ez izatetik hori izatera, ikaragarria da eta funtzionamendu polita du, baina ez da iristen Xorrola. Beti eskatzen dugu. Parke Natural izugarria dugu, baina bakoitza bere kotxean etortzen da…

Joxe Leon Amigorena -GURUTZEAspaldian badugu espaloia egiteko eskaera egina udaletxean, Oiartzuna oinez joateko aukerarik ez dugulako. Beste auzoek badute. Badakigu Gurutze urruti dagoela eta garestia dela egitea… Baina, gehien bat, horregatik joan nintzen. Niretzat, eta askorentzat hemen, aurrena oinezkoa da. Autoarekin ibiltzen gara denak, baina beste erremediorik ez dugulako. Oinez haur gurditxo batekin joan nahi bada Oiartzuna, ezin da. Gauzak desberdin egin daitezke, lehentasunen arabera. Baina momentuz zaila dugu, ez ziguten aurrebiderik eman. Puskaren bat egin daitekeela Pikoketako bidegurutzeraino esan ziguten. Guk esaten dugu, puskaka bada ere, hasteko. Proposatu genuen auzolanean egin daitekeela; baina esan ziguten -eta egia da- arriskutsua izan daitekeela. Edozein istripu pasa daiteke…

Prest ginen udaletxeak erremintak eta materiala jarriz gero lana egiteko. Esan zuten Gurutze Hoteleko aparkalekutik Oiartzun aldera baserri zahar bat eta villa bat dauden horretaraino badagoela egiteko aukera, baina momentuan ez.

Dirutan kultur etxe berriaren antzeko kopurua omen da. Gurutzeko arazo handiena hori da. Komentatu nuen bidea estutzeko aukera. Bidea dagoen bezala estutu, 30era mugatu, jarri zorrotz… Bi kilometro dira. Minutu bat galduko lukete autoek, gehienez ere. Nahi izanez gero, badago gauzak egiteko aukerak. Baina krisitik atera eta noizbait egiteko zain… nik behintzat ez dut ezagutuko!

Irati Lekuona –KARRIKAKarrikara joango naizelako bizitzera joan naiz, eta auzokook joan behar dugulako jakitera, gauzak aldatzeko, edozertarako… Guk hitz egin behar dugu; gure kontua da, udaletxeak bestela ez du jakingo herritarrok zer nahi dugun. “Ez banaiz joaten, bizitzera joango naiz baina ez naiz ezertaz enteratuko”, pentsatu nuen eta aukera nuenez, joan nintzen. Sentsazio ona dut. Denek iritzi ezberdina zuten; ikusten da adin desberdinekoek, betitik han bizi direnek edo ez… Karrikako aldaketekiko iritzi ezberdinak dituzte. Baina behar dira eta normala da. Hasiera batean entzutera joan nintzen eta gero, gerokoak.

Roman Irigoien- UGALDETXOAurreko batzarretara ezin izan nuen joan eta zer egiteko asmoa duten jakiteko joan naiz honetara, eta iritzia emateko aukera izanez gero, iritzia ematera. Komentatu ziguten zertan hasiak ziren. Oso ondo azaldu zuten gauzak zergatik egingo ziren, zergatik ez, zein arazo dauden… Badakigu ekonomikoki nola dagoen kontua. Gustura atera nintzen eta uste dut, orokorrean, besteak ere hala atera zirela. Aukera eman ziguten gure iritzia emateko. Lehen ez nuen Ugaldetxo ezagutzen eta orokorrean, ondo dagoela uste dut. Arazo bat dago nire ustez: etxe gehiago egiten badira, aparkatzeko arazoak izango ditugula; toki guztietan bezala. Arazo handiena, eta komentatu zen, errepidea da: gurutzatzeko, oinezkoentzako arazo bat da eta semaforoa jartzeko edo… Baina esan ziguten Aldundiarekin arazoak daudela… Orokorrean, ez zen kexa gehiegi izan.

19

udalainformatzen74.qxp:udalainformatzen57.qxd 21/07/14 13:30 Pรกgina 20

auzoak Altzibar Altzibartarrek auzo lokala izango dute Olalde eremuan, Udalak bere jabetzakoa den lokal bat utziko baitie. Auzoko festetan lokala ezagutzeaz gain, bertan zer egin daiteken proposamenak biltzen aritu dira.

Arragua Arraguako Ganboxa kaleko etxe bat da herrian auzkonposta egiten hasi den lehenengo pisu blokea. Hondakin organikoak euren kabuz kudeatzen hasi diren bost bizilagunek hobaria jasoko dute. Eskaera bizilagunek egin zioten Udalari eta gaia aztertu ondoren, martxan jarri da.

20

udalainformatzen74.qxp:udalainformatzen57.qxd 21/07/14 13:30 Pรกgina 21

auzoak Elizalde Abaraxkak antolatutako udalekuetan HH 2tik LH 6. maila arteko 380 haurrek parte hartu dute. Aurten, Haurtzaro Ikastolan izan dute kanpamentua jarria. Nekane Martiarena, Judit Gonzalez eta Garazi Portugal Abaraxka ludotekako kideek koordinatu dute guztia.

Ergoien Gurutzeko bidean dagoen Goiara baserriaren zati bat erori zen ekaina hasieran. Zorionez, bertako bi bizilagunek eta euren abereek ez zuten kalte pertsonalik izan, baina etxearen egoera kaxkarra zela eta, eraitsi egin behar izan zen.

21

udalainformatzen74.qxp:udalainformatzen57.qxd 21/07/14 13:30 Pรกgina 22

auzoak Gurutze Gurutzek Europako hauteskundeen harira, bere hautes-mahai propioa izan du Bizardia Elkartean. Orain arte, ergoiendarrekin konpartitzen zuten mahaia, Auzokalten jarrita.

Iturriotz Azken lau urteetan udaletxeko brigadaren biltegi izan den Gaetxeko gunea erosi du Udalak. Kokapenaren egokitasunaz gain, guneak balizko handitzerako eskaintzen dituen aukerak ere kontuan hartu dira erabakia hartu aurretik.

22

udalainformatzen74.qxp:udalainformatzen57.qxd 21/07/14 13:30 Pรกgina 23

auzoak

Karrika Iturburu haur eskolan mantenu lanak egin ditu Udalak, auzoan ikusitako beharren arabera.

Honez gain, irailetik aurrea berriz ere Urmendi Haur Eskolako egoitza izango da Iturburu, hiru talderekin.

Ugaldetxo Donosti Cup haurren futbol txapelketako zenbait partida jokatu dira aurten ere Ugaldetxon futbol zelaian. Donosti Cupen Euskal Herriko taldeez gain, nazioarteko futbol taldeen parte hartze handia izaten du.

23

udalainformatzen74.qxp:udalainformatzen57.qxd 21/07/14 13:30 Página 24

her r iko ber r i LARTAUN ABESBATZA, 50 URTE KANTARI 1963ko abuztuan hasi zuen ibilbidea Lartaun abesbatzak Juanito Oñatibiarekin, aurten 50. urteurrena ospatzen ari da 1963. urtea zen Juanito Oñatibia txistulari eta konpositorea erbestetik Oiartzuna itzuli zenean. Mugimendu kultural handirik ez zuen herri batekin egin zuen topo, gerra ondorenak golpatua.

Eta bera, kultur gizona eta musikazalea izaki, sortzeko gogoz bueltatu zen.

Lartaun Elkartearekin egin zuen topo, 1958an sortua herriko bizitzako atal ezberdinetan eragiteko (kirola, kultura…). Berak, beste sekzio bat sortzea erabaki zuen: Lartaun Abesbatza.

San Esteban parrokiak bazuen abesbatza eta parranda giroan kantatzea ere oso errotua zegoen zerbait zen, Moises Gonzalez gaur egun abesbatzako lehendakari denak gogoan duenez.

“Juanitok elizako abesbatza zena baino zerbait herrikoiagoa nahi zuen. Orduan gazteriak ez zuen zereginik eta mordoxka bat elkartu ginen”.

Hasierako entseguak, guardasolaren azpian 1964ko abuztuan hasi ziren entseatzen San Juan kaleko Zulutxikiko ukuilua izandakoan, 80 lagun inguru. Gonzalezek dionez, “tokia ez zegoen prestatua. Euria egiten zuenean guardasolekin entseatzen genuen, ez ginelako denak barruan kabitzen”. Entseguen aurretik, musika kultura pixka bat lortzeko asmoz, orduerdiz solfeoa ikasten zuen abesbatzeko kideek, Periko Mitxelena eta Jesus Mari Nuñezekin.

Urte bereko abenduaren 24an, lehenengo kontzertua eman zuten: Kontzejupean lehenengo, Altzibarren gero (“Juanitok Cinzano kaxa baten gainean jarrita zuzendu gintuen!”).

24

Juanito Oñatibia taldeko alma materra zen: zuzendaria, konpositorea, harreman publikoen arduraduna… Hil zen arte (1979an) horretan aritu zen. “Oso trebea zen, optimista hutsa, ez zuen beldurrik inora joateko”.

Oñatibia aspaldi joan bazen ere, Lartaun Abesbatzak oraindik kantatzen ditu berak konposatutako lanak, “bere zigilua dute, konposatzeko oso modu berezia zuelako eta Lartaun oso ongi moldatu zen horretara”, dio Esteban Agirre idazkariak.

70. hamardaka, gozoena Lartaun abesbatzak 50 urte hauetan zenbat kontzertu eman dituen kontaezina da: herrian eman dituenez gain, Errenterian, Irunen, Tolosan, Bilbon, Donostian, Iruñean, Gasteizen, Azpeitian, Legazpin… ere kantatu dute.

Lartaun Abesbatzak, Lartaun Elkartearen gaitza izan dena pairatu du: lokal propiorik ez edukitzea, kanpoko indar batzuek galarazi ziotelako. 50 urte hauetan, entseatu izan dute San Juan kaleko Zulutxikiz gain, Euskadiko Kutxak utzitako lokalean, San Juan kapilan, San Juan kaleko beste lokal batean eta azkenik, Madalensoron daramatzate 15 urte inguru. Agirrek eta Gonzalezek diote “pena” dela, hainbeste lokal aldaketarekin dokumentazioa galdu delako.

“70. hamarkada izugarria izan zen. Emanaldiak nonahi egin genituen eta edozein gisatakoak, Juanito halakoa zelako”. Garai hartan ibili ziren Euskal Herrian Barrena Euskal Show aurkezten Lartaungo txistulariekin, Tolosako Udaberri taldeko dantzariekin eta Usandizaga abesbatzako bakarlariekin. “Gasteizen egun berean bi aktuazio egin genituen, profesionalek bezala”.

Lehiaketetan ere emaitza politak izan zituzten garai haietan: Tolosako Abesbatzen Lehiaketan 3. saria bi aldiz lortu zuten hamarkada hasieran.

Bitxikeria gisa, Lartaun abesbatzak ere ordaindu dizkio zergak SGAEri: 70. hamarkadan 4.000 pezeta ordaintzen zituzten urtean, adibidez.

Lartaun abesbatza, entitate juridikoa Agirrek 20 urte daramatza abesbatzan eta hurrengo urteko Mugarri prestatzen ari da, buru-belarri. “Oiartzuna bizitzera etorri ginen urtean, xanistebanetako programan Lartaunen erreferentzia agertzen zen eta egun batean agertu egin nintzen”.

udalainformatzen74.qxp:udalainformatzen57.qxd 21/07/14 13:30 Página 25

her r iko ber r i Gaur egun, 43 abeslari zuzentzen ditu Dorronsorok. “Gazteak nahi baino gutxiago” direla aitortzen dute Agirrek eta Gonzalezek.

2014a, 50. urteurrenaren urtea izaki, “potentea eta esijentea” ari da izaten. Dagoeneko han eta hemen kontzertuak ematen ari da taldea. Hilabete honen bukaeran Harri Beltzaren udako kontzertua eskainiko dute –“teknikoki gailurra izango da”, dio Agirrek-. Irailean, berriz, asteburu oso bat hartuko dute urteurrena ospatzeko.

Garai guztiak ez dira errazak izan. Oñatibia hil zen garaian eta hasierako gazte haiek euren bizimoduetan beste bide batzuk hartzen hasitakoan (ezkondu, seme-alabak izan…), abesbatzatik urruntzen hasi ziren. “Juanito hil zenean 20-25 baino ez ginen”.

Beranduago, Maixabel Agirrezabalak sortutako Izotz eta Izotz Txiki abesbatzek arnasa eman zioten Lartauni, hango kide batzuk heldututakoan Lartaunen jarraitu baitzuten kantuan. Horien artean, Agustin Mendizabalek eta Alaitz Guridik, zuzendari ere izan direnak.

Izotz eta Lartaunek bestelako harremana ere izan dute. Izan ere, Izotz desagertu zenean eta Lartaun Abesbatzak Lartaun Elkartearengandik aparteko bidea hartu zuenean, Izotzen estatutu juridikoak baliatu zituen entitate juridikoa lortzeko, Izotzen izena aldatuta. Aurrez Lartaun Elkartearen barruko sekzio bat baino ez zen. “Sortu zen garaian bide hori hartu zen. Elkarte bihurtzeko Gobernu Zibilera joan behar zen eta beti zegoen legeztatzea ez lortzeko arriskua. Lartaunek bazuenez baimena, sekzioak sortu eta baimenik ez zen eskatu behar”, azaldu du Agirrek.

Iraileko asteburu horretan, Lartaungo zuzendari izan direnek parte hartuko dute, baita inoiz abesbatzan abestu dutenek ere, haiekin banaka-banaka harremanetan jartzen ari baitira. 230 baino gehiago dira. “Nahiz eta gaur egun 43 gauden taldean, 50 urte iraun badu Lartaunek, pertsona asko pasatu direlako da. Eta horiek denak dira historiaren parte”. Argazki erakusketa bat ere prestatzen ari dira, “jendeari ilusioa egingo diola uste dugu”, dio Gonzalezek.

Gainera, Dorronsorok bost konpositoreri “argia” abiapuntu hartuta, propio Lartaunen urteurrenerako kantak sortzeko eskatu die.

Lartaun Abesbatzako kideak izango dira xanistebanei hasiera emango diotenak, txupinazoa botatzearen ardura izango baitute.

“Aukeratu bagaituzte, beste hautagaiei ezer kendu gabe, herriko elkarte, talde, auzo eta pertsonek baloratzen gaituztelako da. 50 urtean gure presentzia utzi dugu herrian” uste dute.

Txupinazoaren momentua nolakoa izango den ez dute gehiegi kontatu, baina gauza bat seguru dute: “Ez da izango poxpoloari su ematea bakarrik. Guk kantatu egiten dugu, beraz, gure ukitua eman beharko diogu festen hasierari!”.

Urteurrena ospatzen Azken urteetan Alaitz Guridi eta Maddalen Dorronsoro izan dira abesbatzako zuzendariak. “Alaitzen garaian egonkortu egin ginen, indartu, ahots berriak iritsi ziren”. Guridik utzi zuenean, duela sei bat urte, Dorronsorok hartu zuen batuta. “Berarekin aire teknikoagoa hartu du taldeak,” dio Agirrek. “Aurrekoek beren arlo profesionala landu zuten eta Lartaunen ahal zutena egin zuten; nahiko meritu badute. Maddalen musikara dedikatzen da eta beste lan eremuetan egiten duena jarraitzen du gurekin”.

25

udalainformatzen74.qxp:udalainformatzen57.qxd 21/07/14 13:30 Página 26

Her r iko ber r i HARRI BELTZA: “Hiesaren kontra daukagun armarik onena aurrez egiten den lana da” Harri Beltza hiesaren kontrako elkarteak duela 20 urte ekin zion sentsibilizazio, prebentzio, gaixoen eta senideen laguntza eskaintzeko bideari. Joseba Errekalde lehendakariarekin eta Patrizia Labaka elkarteko masajistarekin errepasatu ditugu urte hauek guztiak

Duela 20 urte Harri Beltza sortu zenean zein zen Oiartzungo egoera?

JOSEBA ERREKALDE: Oiartzungo panorama Gipuzkoakoaren antzekoa zen. Donostian bazegoen elkarte bat. Oiartzun izan zen bigarren herria hiesaren kontrako talde eratu bat izan zuena.

Gero beste asko sortu ziren: Getarian, Arrasaten, Hernanin…

Egoera oso larria zen, jende asko zegoen erantzun baten zain, laguntza beharrean. Bilakaera luzea izan da 20 urte hauetan eta bi elkarte gelditu gara: Donostiako ACASGI –handiena- eta gu, lan konplementarioa egiten dugunak. Donostiako elkarteak hiesari gauza gehiago gehitzen zaizkion populazioarekin lan egiten du, baztertuago dagoena –drogomenpekotasuna, kartzela, harrera etxeak… beraien programen barruan bizi dira beste inon bizi ezin diren pertsonak-, eta Harri Beltzan gaude hiesarekin, GIBarekin bizi garen pertsonak baina bizitza normalizatuagoa daukagunak: lana, familia…

gizartean. Saiatzen gara kalera ateratzen hori. Parte hartzen dugu erakundeekin ere. Udalekin, Gipuzkoako Foru Aldundiarekin eta Eusko Jaurlaritzarekin daukagu harremana.

Duela bizpahiru urte ekimen oso potenteak egin genituen Eusko Legebiltzarrarekin. Legeak onartzen dira han eta gure aholkua dute. Ahal den toki guztietan saiatzen gara prebentzio eta sentsibilizazio lana egiten. Zailtasun handiekin, baina Harri Beltza hor dago, ez bakarrik gaixo dagoenari edo birusarekin bizi denari laguntzeko, baizik egon behar dugulako gizartean alarma eta sentsibilizazioa sortzeko. Iruditzen zait prebentzio gutxiegi egin dugula. Urtero 170-200 lagun gehitzen badira GIBdun detektatu horien artera, adierazten dit ez dugula nahikoa egin ez guk, ez erakundeek eta ez gizarteak. Norberaren erantzukizuna ere bada hau. Zer egin dugun ongi? Ba 200 bakarra direla!

Harri Beltzak 20 urte hauetan fronte ezberdinetan egin du lana. Bat da hiesarekiko prebentzioa eta sentsibilizazioa. Zer lortu duzue? Eta zer falta da lortzeko?

JOSEBA: Prebentzio arloa etxetik kanpo egiten dugun lana da, ahal dugun okasio guztiak aprobetxatuz. Oso inportantea da eskoletan egiten dugun lana, gazteekin. Oso inportantea da maiztasun batekin egiten denean, Oiartzunen egiten den bezala.

Hiesaren kontra daukagun armarik onena aurrez egiten den lana da. Urtean bitan kalera ateratzen gara: abenduaren 1aren inguruan, nazioarteko eguna dela eta. Oiartzungo kasuan, plazara atera izan gara, mahai bat jarri, banderatxoekin… Donostian ere parte hartzen dugu ekitaldietan. Aprobetxatzen da garai hori txarlak emateko, adituak ekartzeko. Gero, gure ezaugarria da Oiartzun mailako udako kanpaina. Hausnartu genuen urtean behin mugitzen ginela baina gero urtea luzea zela. Martxan jarri genuen udako kanpaina, ekitaldi kultural baten inguruan eta hortan jarraitzen dugu. Ekimen inportantea da guretzat, prebentzio lanean, kaleratze lanean, mezu bat helarazteko. Hori lortu nahi genuke bisibilizazioarekin. Guk lantzen dugun arazoak badu bisibilitate problema handi bat. Seropositiboa izateak, gaixotasun hau edukitzeak edo hitz egiteak arazo asko sortzen ditu

JOSEBA: Gustatzen zait entzuten dudanean preserbatiboa bilakatu dela antisorgailu erabiliena. Gure garaian bazeuden metodoak, baina preserbatiboa utzi zen eta funtzio ezberdinak betetzen dituen antisorgailu bakarra da: antisorgailua, gaixotasun transmisioetan… Egipziarren garaian jada bazegoela azaltzen diet gazteei! 20 urte egite hutsak eta azken bi-hiru-lau urte hauek gainditu izanak –krisia gogorra denentzat izan da- pozten nau.

Zerbait ondo egiten ari garenaren sentsazioa dago. Elkartea pilpilean dago. Bi gauza esaten dizkit horrek: batetik, gauzak ongi egiten ditugula eta jendeak ondo hitz egiten duela; eta bestetik, gizartea okerrago dagoela. Guk nabaritzen dugu jendea gaizki dagoenean, familiak gaizki daudenean, egoera ekonomikoa txarra denean… Orduan jendeak gehiago behar ditu elkarteak, guk hainbat tresna ematen dizkiogulako merkatu librean askoz garestiago direnak.

26

PATRIZIA LABAKA: Gehiago izan zitezkeen.

Gaixotasuna dutenekin eta euren inguruarekin aritzea da beste bat. Zentzu horretan zer lortu duzue? Eta zer falta zaizue lortzeko?

PATRIZIA: Nik ikusten dut jendea masajeekin erlaxatu egiten dela, ez gorputza bakarrik. Hitz egiten dute -batzuk beharra

udalainformatzen74.qxp:udalainformatzen57.qxd 21/07/14 13:30 Página 27

Her r iko ber r i

JOSEBA: Batzuk diote: “masajista bat elkarte batean? A ze luxua!”. Baina gure elkartearen barruan Patriziaren figura ama batena da. Jendea etortzen da, heldu egiten dio, gero beste gauza batzuei heltzen diote… Masaje saioetan beti ateratzen da kirolaren gaia. Sartu behar dira horrelako gauzak… “Zergatik ez zara animatzen hau edo bestea egitera?”. Ateratzen dira gaiak.

JOSEBA: Gu beti saiatu izan gara ez afektatuekin bakarrik lan egiten, baizik eta bere inguruarekin. Autolaguntza taldeetan hasieratik egon dira GIBdunentzako elkarlaguntza taldeak eta baita familiako kideentzako ere. Gure senar-emazte, lagun… direnek ere badituzte arazo komunak: sexu bitartez trasmititzen den zerbait da, harremanetan, etxean… Hemen hiru esparru psikologiko daude. Bat sala da; hemen ez dira gidatuak. Bigarrena, masaje gela atea itxita eta hirugarrena, psikologoekin.

Konplementarioak dira. Gu integralki saiatzen gara lan egiten.

Ez gara medikuntza arloan sartzen. Oso harreman ona dugu Osakidetzarekin, oso ondo artatuta gaude.

PATRIZIA: Senar-emazteak, seme-alabak… ere etorri daitezke.

Familia guztia sartzen da hemen. Ni pozik nago nire lanarekin, emaitza ikusten dudalako.

Elkarteak nola funtzionatzen du?

JOSEBA: Batzorde bat daukagu, oso engrasatua. Sei bat lagun gaude, bakoitzak bere zeregina oso argi duena. Elkarri begiratu-

dute-, besteek lo egin… Nire sentsazioa da pozik ateratzen direla, laguntza izan dela. Hurrengoan berriz bueltatzen dira eta beraientzako ordu bat izatea da, etxetik ateratzea beste gauza batzuk egiteko…

27

udalainformatzen74.qxp:udalainformatzen57.qxd 21/07/14 13:30 PĂĄgina 28

Her r iko ber r i Jarraipena HARRI BELTZA

ta badakigu nola dauden gauzak. Alde onekin eta txarrekin.

Batzutan, erreleboa etortzea ere ona litzateke. Baina ahalik eta esfortzu gutxienarekin oso ondo funtzionatzen du, oso inportantea da iraunkortasun hori. Hortaz aparte erabiltzaileak daude.

Batzuk gehiago inplikatzen dira besteak baino. Orain, bi autolaguntza talde egitekotan gaude, sekula baino jende gehiago dagoelako. Psikologoan 30 bat paziente daude. Goteo permanentea iristen zaigu. Erantzungailu bat dugu eta pi-pi-pi-pi askotan egiten du. Jendeari zaila egiten zaio inguratzea. Baina gerturatzen dena behar handiarekin gerturatzen da.

28

Harri Beltzaren egoitza Ugaldetxon dago. Nola sentitzen zarete herrian?

JOSEBA: Hasieran Don Julioren etxean egon ginen. Hasi ginean Jon IĂąarra zen alkate eta zinegotzi Arantxa Lete. Beraien laguntzarekin hasi ginen, ilusio handiarekin hartu zuten gaia.

Segituan lokal bat utzi ziguten. Don Julioren etxeko beheko solairuan AlcohĂłlicos Anomimos elkartzen zen. Gela bat konpondu genuen, lehenengo solairuan. Garai haietan beste erabilpen bat zegoen, beste egoera batean bizi ginen, oso gogorra zen. Hor bost bat urte egin genituen. Gero, Udalak berbideratu gintuen Ugaldetxora. Hemen orduan Ugaldetxoko Kultur Taldea

udalainformatzen74.qxp:udalainformatzen57.qxd 21/07/14 13:30 PĂĄgina 29

Her r iko ber r i

zegoen. Obrak egin genituen. Orain bost urterako hitzarmena sinatu dugu. Argi jartzen du Udalak hau beharko balu, guk utziko genukeela baina konpromisoa hartzen du gure proiektuarekin jarraitu ahal izateko bermea emango duela beste nonbait.

Orduan ere berdina gertatu zen.

PATRIZIA: Nire inguruak badaki Harri Beltzan nabilela. Batzuk ez dakite hau hemen dagoela, baina gehienek bai, eta oso ongi hartzen dute. Galdetzen dute zer egiten dugun‌ Beti sortzen dira galderak. Lan gogorra iruditzen zaio jendeari, baina nik ez dut uste hala denik. Oso gratifikantea da. 13 urte daramatzat hemen eta oso gustura nago. Jendeak deitzen du, eskertzen du eta horrek poxa ematen du.

JOSEBA: Elkarteak krisialdiak izan ditu. Baina beti egon izan da norbait tiratu duena. Bolondres elkarte bat ixten denean berriz martxan jartzea oso zaila da. Gu irekia mantentzen saiatu gara, behar denerako. Batzutan behar gehiago dago besteetan baino.

Bizitza aldakorra da, eta gu ere aldatzen gara. Uste dut Oiartzunen gure bidea egiten joan garela, ezagunak gara. Askok uste duena baino oiartzuar gehiago dago hemen. Txertatu gara herrian. Ez dugu inoiz esperientzia txarrik izan.

San Inazio eguneko kontzertura ahots handiak ekarri dituzue. Zergatik erabaki zenuten gisa honetako ekintza kultural batekin egitea aurre hiesari?

JOSEBA: Askotan gauzak ez dira gehiegi pentsatuta egiten.

Kasu honetan, erabat zirkunstantziala izan zen. Oso pentsatua zen udako kanpaina martxan jarri behar genuela, baina ez zuen behartzen kontzertu bat egitera Oiartzunen. Lehenengo kontzertua egin zen Ainhoa Artetarekin eta gaur hemezortzigarrenean gaude. Ongi dagoen zerbait, ez dezagun ukitu. Oso emaitza onak eman dizkigu: udako kanpainak helburuak betetzen ditu, ekitaldi horrek Oiartzungo festen inguruan kokatzen gaitu, kalera ateratzen gaitu‌ Gorputza hartzen joan da. Aurten Lartaunek abestuko du. Oiartzungo elkarte batek Oiartzungo beste indar batekin bat egitea beraien 50. urteak direla eta ona da guretzat, ona da Lartaunentzat, ona da herriarentzat.

Baina elkartearen 20. urteurreneko ekitaldi nagusiak udazkenean izango dira. Hasi zarete prestatzen?

JOSEBA: Herri mailan, gure 20. urteurrena ospatzeko aurtengo kontzertua erabiliko dugu, eskerrak emateko hurbiltzen diren

guztiei. Abenduaren 1aren inguruan egingo ditugun gauzak Oiartzungo plazan ere urteurrenaren barruan sartuko ditugu.

Abisatuko dugu, baina abenduaren 1aren inguruan Gipuzkoa mailan egiten diren ekimenen hasiera azaroaren 28an (ostirala) izango da, Donostiako udaletxeko pleno aretoan. Ekimenaren parte bat kulturala izango da: Juan Mari Beltran eta Osakidetzako koroarekin, euskal musikarekin. Gero, parte instituzionala izango da eta azkenean, denok zerbait abestuko dugu.

Asko lagundu gaituzte jende eta erakunde askok, eta eskertu nahi diegu.

29

udalainformatzen74.qxp:udalainformatzen57.qxd 21/07/14 13:30 Pรกgina 30

iruditan

AEK-ko ikasleen barrikotea

Peio Etxeleku Txosteko entrenatzaileari omenaldia

Kontrabandisten martxa

Saharako Astea

Eskubide Sozialen Kartaren aurkezpena

Indarkeria matxistaren kontrako elkarretaratzea

Metro salmenta

Iraitz Mateo Eskolarteko Txapelketako finalean

Barreterapia

Haurtzaroko ikasleak Betrainian

Soinu Zahar Txapelketa

Barrikotea

Dantzari Txiki Eguna

Bertso-merienda

Mural margoketa

Euskal Herriko Pala Txapelketa

Gure Esku Dago Eguna

30

Dantza batailoia (Eli Gorostegi)

Arraguako festak

udalainformatzen74.qxp:udalainformatzen57.qxd 21/07/14 13:30 Página 31

iruditan

Elizalde Eguna

Eskola feministaren ikasturte bukaera

OKEko Nazional Mailako taldearen igoera partida

Bertso-poteoa

Ibargaingo ikasturte bukaerako kontzertuak

Sagardo Eguna

Herri Musika Eskolaren Eguna

Ikastola Eguna

Trikitixa jaialdia

Gure Esku dago: 88. kilometroa (Uharte Arakil)

Ergoiengo festak

OKE Eguna

Intxixu Trail

Haurtzaro Atlestimo Taldearen urteurrena

Auzoetako desafioa

‘Atxuriko Milagrua’-ren grabaketa

Altzibarko festak

Eskupilotako Herriarteko Txapelketako finala

Sanferminak

Oialekuko bordaren 100. urteurrena

31

udalainformatzen74.qxp:udalainformatzen57.qxd 21/07/14 13:30 Pรกgina 32