Udalainformatzen72 (2)

udalainformatzen72.qxp:udalainformatzen57.qxd 18/12/13 20:04 Pรกgina 1

udalainformatzen72.qxp:udalainformatzen57.qxd 18/12/13 20:04 Página 2

sar r era TELEFONO INTERESGARRIAK Udal telefono zenbakiak

Zerbitzuak

Informazioa 943 49 01 42 Alkatetza 943 49 18 62 Gizarte Ongizatea 943 49 05 52 Hirigintza 943 49 03 77 Kultura 943 49 10 34 Manuel Lekuona Biblioteka 943 49 38 64 Udaltzaingoa 943 49 33 11 Elorsoro Udal Kiroldegia 943 49 25 52 Udal Igerileku irekia 943 49 37 45 Arritxulo Udal Mendi-Aterpea 943 58 00 10 Atez ateko Informazio Bulegoa 900 49 11 11

Osasun zentroa 943 00 65 04 DYA 943 46 46 22 Jubilatuen elkartea 943 49 00 02 Zaharren egoitza 943 49 05 38 Taxiak 943 49 14 74 Herribus - Iparbus 943 49 18 01 Posta 943 49 35 74 Epaitegia 943 49 09 13 Nekazal bulegoak 943 49 03 47 / 943 49 06 69 Oiartzun Kirol Elkartea 943 49 36 38 Oarsoaldea eskualdearen garapenerako agentzia 943 49 41 29 Behemendi 943 49 02 19

Turismoa Hezkuntza Turismo bulegoa 943 49 45 21 Herri Musikaren Txokoa 943 49 35 78 Luberri Ikasgune Geologikoa 943 26 25 93 Komunikabideak

Haurtzaro ikastola 943 49 22 12 Elizalde Herri eskola 943 49 01 93 Oiartzungo Udal Ikastola Partzuergoa 943 49 16 59 / 943 49 00 37 AEK Intxixu euskaltegia 943 49 39 57 Helduen Heziketa Iraunkorra (Altzibar) 943 49 00 48

Oiartzun irratia 943 49 37 11 Oarsoaldeko Hitza 943 34 03 30

Harremanetarako, ekimenen berri emateko, proposamenak egiteko…hau da Oiartzungo udal aldizkariaren helbide elektronikoa:

komunikazio@oiartzun.org

OHAR GARRANTZITSUA Udal aldizkaria euskara hutsean kaleratuko da Oiartzungo Udalak urte asko daramatza euskara normalizatzearen aldeko lana eginez. Aldizkari hau bera, esate baterako, euskara hutsean kaleratzen zen, duela zenbait urte. Horregatik, 2009tik aurrera udal aldizkaria berriro euskara hutsez kaleratuko da.

Nolanahi ere, nahi duenak ale bakoitzaren eduki nagusien laburpena jasoko du gaztelaniaz. Horretarako, ordea, eskaera egin beharko du udaletxeko informazio gunean, 943 49 01 42 telefono zenbakira deituz edo komunikazio@oiartzun.org helbide elektronikora mezu bat bidaliz. Eskaera egitean, nork bere datuak eman beharko ditu, aldizkaria jaso ahal izateko.

NOTA IMPORTANTE La revista se publicará íntegramente en euskera El ayuntamiento de Oiartzun lleva muchos años comprometido con la normalización del euskera. Esta misma revista, por ejemplo, se publicaba únicamente en euskera, hace tan sólo unos años. Por esta y otras muchas razones, a partir de 2009 la revista se volverá a publicar íntegramente en euskera.

No obstante, todo aquel que este interesado tendrá la posibilidad de recibir un resumen de los contenidos más importantes de cada número. Para ello, deberá ponerse en contacto con nosotros, acercándose a la oficina de información, llamando al número de teléfono 943490142 o enviando un correo electrónico a la dirección komunikazio@oiartzun.org. Al realizar la solicitud, el interesado deberá facilitar sus datos, para poder recibir la revista.

Argitaratzailea: Oiartzungo Udala

2

Diseinua eta maketazioa: Dixidu Diseinu Grafikoa

Inprimaketa: Signos

Lege Gordailua: Donostia-1216/91

udalainformatzen72.qxp:udalainformatzen57.qxd 18/12/13 20:05 PĂĄgina 3

agur ra

Urte berri baten atarian egokitu zait oiartzuarrak agurtzea. Eta urte berri bat hasten den bakoitzean, Udalean zeregina izaten dugu: urte horretarako aurrekontuak prestatzea.

2014ko aurrekontuak dagoeneko prest daude. Udalak ongi zehaztuak ditu zeintzuk diren gainditu ezin dituen marra gorriak, oiartzuarren ongizatea bermatzeko. Horregatik, datorren urtean ere GizarteOngizate sailaren diru-ekarpena pixka bat gehitu dugu. Herrigintzan elkarte eta eragileek duten garrantziaren jabedun ere bagarenez, hauei Udalak ematen dien laguntzak mantentzeko ahalegina ere egin dugu.

Esperientziak ematen duen jakinduriarekin, autokritika ariketa ere egin dugu. Urtez urte auzoetako eskariak jaso izan ditugu, baina batzuetan koordinazio arazoak izan ditugu hauek aurrera ateratzeko orduan eta nahi baino denbora gehiago pasa izan dugu erantzuna ematen. Horregatik erabaki dugu datorren urterako Gobernu Taldeko zinegotzi bakoitzak auzo baten ardura bere gain hartzea, jarraipena egiteak Udalak auzoei erantzuteko gaitasuna hobetuko duelako ustean.

Autokritikarekin eta auzoekin jarraituz, auzoetako beharrak biltzeko Udalaren ohiko metodologia auzoz auzo parte-hartze batzarrak egitea izan da. Baina azkeneko prozesuan konturatu gara ohiko deialdiek (bandoak, oharrak‌) ez dutela eman nahi genuen bezain emaitza ona, eta datozen parte-hartze saioetarako sistema berriak pentsatzeari ekingo diogu ahalik eta auzotar gehienengana iristeko eta ahalik eta auzotar gehien hurbil daitezen euren iritzia ematera. Izan ere, oiartzuarrek Udalari helarazteko dituzten mezuak jasotzea da guri axola zaiguna, herriari dituen beharren neurrira erantzun ahal izateko eta plangintza egin ahal izateko.

Zoritxarrez, 2014aren hasiera beste gauza batengatik ere gogoratuko dugu oiartzuarrok. Espainiako bandera udaletxean jartzera behartuko gaituzte. Herritarren mina konpartitzen dugu. Ordezkari politikoak baino lehen, Oiartzungo herritarrak baikara, eta herri honen borondatearen ordezkari. Oiartzuar gehienen mina gurea ere bada. Tripakomin eta ezinegona sentitzen dugu Euskal Herriko herri askotan errepikatzen ari den inposaketa egoera honen aurrean. Eta tristura sentitzen dugu Oiartzunek legegintzaldi hau euskaldunak ordezkatzon ez gaituen ikur hori jarri zen legegintzaldi gisa gogoan izango baita.

Baina gauza txar guztiek izaten omen dute bere alde ona ere, eta bandera espainola mehatxupean jartzera behartu gaituzten momentu honetan, azpimarratu nahi genuke herria mugitu egin dela egoerari erantzuteko, ehunka oiartzuarrek parte hartu zutela Ikurrinaren Aldeko Egunean, eta pozgarria izan zela –eta dela- batzen gaituzten ikurren alde oiartzuarrak mugitu eta batu izana, norberaren ideia politikoak edozein izanda ere. Eskerrak eman nahi dizkiegu inposaketa honen aurrean modu batera edo bestera bere aportazioa eskaini duten oiartzur guztiei.

Hau guztia esanda, eguberri onak opatzea eta urte berri ona opatzea baino ez zait gelditzen, ez daudenak ere gogoan izanik.

Oihan Tello Loiarte Gazteria eta Kiroleko zinegotzia

3

udalainformatzen72.qxp:udalainformatzen57.qxd 18/12/13 20:05 Pรกgina 4

udal albisteak GUREA, IKURRINA Espainiako bandera zigor mehatxupean jarriko du Oiartzungo Udalak Araba, Bizkaia, Nafarroa eta Gipuzkoako udaletxe guztietan jaso den agindu bera jaso dugu Oiartzunen ere, Espainiako bandera udaletxeko balkoian jartzera behartuz. Gure borondatearen kontra, eta bide judizial guztiak agortu ondoren, herritarrei gai honen inguruan eman diren pausoak eta Udalaren jarrera agertu nahi diegu.

Urtarrilaren bukaerarako jarri beharko du Oiartzungo Udalak Espainiako bandera udaletxean, azaro bukaeran iritsitako aginduak gehienez bi hilabeteko epea eman baitu horretarako.

Ahal den guztia egin da epaitegietan Oiartzungo Udalak 2011ko azaroan jaso zuen udaletxean Espainiako bandera jartzeko gutuna, Espainiako Gobernuaren ordezkariak bidalia.

Udalak ez zuen eskatutakoa aintzat hartu, eta Estatuko abokatuak tribunaletara jo zuen.

Administrazioaren auziak aztertzen dituen Gipuzkoako Auzitegi Probintzialak Espainiako estatuko abokatuari arrazoia eman zion 2012ko irailean, eta Oiartzungo Udalak udaletxean Espainiako bandera jarri behar zuela ebatzi zuen. Epai honi errekurtsoa jarri zion Udalak Euskadiko Epaitegi Nagusian.

Aurtengo urrian, baina, Euskadiko Epaitegi Nagusiak bere epaia eman du eta Oiartzungo Udalak nahitaez Espainiako bandera jarri behar duela

ebatzi du.

Azaroaren 24an iritsi zen udaletxera ofizialki Espainiako bandera udaletxeko balkoian jartzeko agindua. Bi hilabeteko epea eman dio legeak horretarako Udalari. Epaia ez betetzeak ondorio judizial larriak ekarriko lituzke, bai pertsonalak eta baita kolektiboak ere.

Inposizioaren kontrako adierazpena onartu du Udalak Euskal Autonomia Erkidegoan, udalerri asko ari dira pairatzen Oiartzungo egoera. Batzuek, dagoeneko jarri behar izan dute Espainiako bandera zigor mehatxupean, eta beste batzuk laster egin beharko dute.

Honen harira, Oiartzungo Udalak adierazpen bat onartu du, zera dioena: - Oiartzuar gehienen sentimenduen kontra espainiar bandera ezartzera derrigortzen gaituen legearen inposizioa salatu nahi dugu eta erabateko desadostasuna adierazi.

- Inposatzen zaigun banderak ez du inoiz herri hau ordezkatu; ez lehen eta ez orain. Espainiako bandera zigor mehatxupean ezarritako sinboloa da gure erakundean.

- Herritar gehienen nahiaren aurka eta bere ordezkarien erabakimenaren kontra ezartzen den sinboloa izanda, neurri hau oiartzuarren borondatearekiko errespetu falta da, baita askatasunez erabakitzeko eskubidearen ukapena ere.

- Ikurrinak merezi duen presentzia izan dezan udaletxearen inguruan, herriko plazan modu iraunkorrean presente gongo den masta eta ikurrina jarriko ditu Udalak.

4

udalainformatzen72.qxp:udalainformatzen57.qxd 18/12/13 20:05 Página 5

udal albisteak IKURRINAREN ALDEKO HERRI EKIMENA: “Inposaketak inposaketa izanda ere, argi dugu zein den gurea” Ikurrinaren aldeko herri-uholdea sortzeko, lantaldea sortu dute zenbait herritarrek. Besteak beste, Ikurrinaren Eguna antolatzen aritu dira buru-belarri.

Aintzane Aizpurua eta Jon Iragorri izan dira lantaldeko kideetako bi.

Sortu al da Oiartzunen espero zenuten ikurrinaren aldeko uholdea?

AINTZANE AIZPURUA: Ahal genuen txoko guztietara iritsi gara. Hasi ginenean, jendeak ez zekien zer zetorren. Ikurrina Egunaren uholdearen ondoren, jendea konturatu da zein inposaketa datorkigun herrira.

JON IRAGORRI: Ikurrina Egunaz geroztik, jendea ikurrina gehiago eskatzen ari da. Egunak olatua handitu du.

Zuen asmoa lanean jarraitzea da?

AINTZANE: Herri Ekimenak martxan jarraitzen du, nahiz eta lasaiago Ikurrina Eguna pasa ondoren. Zoritxarrez, inposaketak hor jarraitzen du, eta Espainiako bandera jarri beharko den eguna iritsiko da.

JON: Udalak Herri Ekimenaren esku utzi du bandera non eta nola jarri erabakitzeko aukera. Eskualde mailako proposamen batzuk badaude, baina ikusirik herrian mugimendua sortu eta lanketa egin dela, ekimenari utzi zaio erabakia.

AINTZANE: Herri Ekimeneko partaide bezala, polita iruditzen zaigu aukera hori eskaintzea. Udalak ikusi du herriak lana egin duela, eta eskertzekoa da hori. Baina gauzatu udaletxeak egin beharko du, kontu instituzionala delako.

Imajinatu dezakezue Oiartzungo udaletxean Espainiako bandera jarrita egongo den eguna?

AINTZANE: Sinesgaitza iruditzen zait Oiartzungo plazara igo eta espainola ikustea. Baina, zoritxarrez, iritsiko da ikusiko dugun eguna.

Ikurrinaren Aldeko Herri Ekimenaren mezua inposaketaren aurrean erasotua defendatu eta batzen gaituzten ikurren alde egitea izan da.

AINTZANE: Hasieratik guztiz anitza eta irekia izan da Herri Ekimena.

Herritarrei informatzea izan da funtsa. Ikurrinak ikur gisa duen zentzua zein den azaldu nahi izan dugu. Hortarako, Azmarrinek antolatutako hitzaldia oso interesgarria izan zen. Unai Apaolazak oso gauza esanguratsuak esan zituen; gazteenek ez zuten ezagutzen ikurrinaren zentzua eta horrek atzean duena –nazioa…-.

JON: Inposaketari kontra zuzenean ezin denez egin, gurea aldarrikatu eta babestea erabaki genuen. Inposaketak inposaketa izanda ere, argi dugu zein den gurea.

5

udalainformatzen72.qxp:udalainformatzen57.qxd 18/12/13 20:05 Página 6

udal albisteak 2014ko aurrekontuak, auzoei begira Sail gehienetara bideratutako diru-kopurua mantendu da eta Gizarte-Ongizatekoa pixka bat gehitu da 15 milioi €ko aurrekontua izango du Oiartzungo Udalak 2014an, berriz ere. Gizarte-ongizatera bideratutako diru-kopurua pixka bat gehitzeaz gain, gainerako sail gehienetarako bideratutako diru-kopurua mantendu egin da. Horrez gain, elkarteek jasotzen zuten dirua mantentzeko ahalegin berezia egin da, euren lana herrigintzarako funtsezkoa baita.

Gastu nagusien artean, datorren urtean Udal Ikastola Partzuergoaren egoitza berria eraikitzeko lurren ordainketa egingo da (600.000 €).

Auzolanerako jasotako diru-kopurua ere mantendu da (100.000 €) eta horrez gain, auzoetako beharrak asetzera aurten bideratuko diren beste 200.000 € jaso dira. Beraz, guztira, 300.000 € bideratuko dira auzoen egoera hobetzera eta auzoetan beharrezkoak diren oinarrizko lan eta azpiegituretara.

du Udalak. Aiora Perez de San Roman Uria alkatea izango da guztien koordinatzailea.

KOORDINAZIOA: Aiora Perez de San Roman

ALTZIBAR: Asier Legorburu Del Sol

Dagoeneko hurrengo urtean auzolanean egingo diren zenbait lan zehaztuta daude: Arritxuloko margoketa edo herribideen konponketa (Buenos Aires, Txarondo eta Maradi-bordako bideak) adibidez. Auzolan hauek herritarren ekimenez planteatu dira.

ARRAGUA: Eider Mitxelena Iribarren

ELIZALDE: Pello Aramendi Jauregi

ERGOIEN: Manoli Larraiotz Arregi Lehentasunen jarraipena egiteko, zinegotzi arduradunak 2014ko aurrekontuak lantzeko, auzoetan parte-hartze prozesua egin da aurten ere. Udalak aurrekontuak aurkeztu eta nola bideratuko diren azaltzeaz gain, helburu garrantzitsuena izan da auzo bakoitzean lehentasunak markatzea eta hauek nola egin daitezken zehaztea (auzolanean, udal brigadarekin, bestela…).

GURUTZE: Oihan Tello Loiarte

Aurreko urteetako aurrekontuetan eta plan orokorretan jasotako beharretatik abiatuz, Udalak auzoetako proposamenak aztertu eta beren bideragarritasuna landu du, eta auzotarrek beharren lehentasunak zehaztu dituzte.

Lehentasun hauen jarraipena egiteko, Gobernu taldeko zinegotzi bakoitzak auzo baten ardura hartu du bere gain. Honela, herritarren eskaerak benetan gauzatzen direla ziurtatzeko urrats bat gehiago eman

6

IBARRE: Mailu Iragorri Gaztañaga

udalainformatzen72.qxp:udalainformatzen57.qxd 18/12/13 20:05 Pรกgina 7

udal albisteak

ITURRIOTZ: Miren Irigoien Aizarna

AUZOETAKO LEHENTASUNAK: Hauek dira auzotarrek auzo bakoitzean markatu dituzten lehentasunak, beraien auzoei begira eta udalerri osora begira ere, hala nola, gaika sailkatzeko zakarrontziak jartzea, bankoen egoera hobetzea eta bidegorriko seinalizazioa egitea.

Orain, auzoetan agertutako lehentasunak dirutan kuantifikatuko ditu Udalak, eta baloratu beharko du bai ekonomiko eta bai administrazio aldetik guztiak gauzagarriak diren. Horren ondoren, lehentasunak markatu eta urtean zehar lanak egin ahal izateko plangintza garatuko du Udalak.

KARRIKA: Zigor Goikoetxea Retegi

UGALDETXO: Irati Etxebeste Madariaga

Parte-hartzeaz hausnarketa Udalak aitortu behar du 2014ko aurrekontuetako parte-hartze prozesua ez dela nahi bezain jendetsua eta arrakastatsua izan. Herritarren partehartze erreala bermatzeko asmoz, hausnarketa egingo du. Agian, oiartzuarrek auzo batzarrez gain, beste modu bateko parte-hartze mekanismoak behar eta nahi izango dituztelako.

Udalak hausnarketa egiteaz gain, parte-hartzea erreala izan dadin beharrezko tresnak herritarren eskura jartzeko konpromisoa hartzen du bere gain.

Altzibar: Aldapako bidegorrian ispilua jartzea; Zokoloko iturria berreskuratzea Donepetri kalean; argiteria hobetzea eta Mikelete kalea oinezkoentzako bihurtzeko proba egitea.

Arragua: Zubi-ondo etxearen ingurua txukuntzea eta pilotalekura eskilarak egitea; auzolanean kirol anitzentzako gunea sortzea (Aldeguna inguruan).

Elizalde: Barianteko aparkalekuak txukuntzea (piboteak Elizalde hotelaren eta Mendiburu albaitari klinikaren inguruan); Etxebeneko parkea biziberritzea.

Ergoien: Taxibus zerbitzua hobetzea; seinalizazioa; auzolanean, Uztapide plaza txukuntzea.

Gurutze: Aparkalekua ordenatzea (aparkaleku publiko/pribatuak seinalatuz); parke ondoko baranda bukatu; taxibus zerbitzua hobetzea eta pilotaleku inguruan dauden aparkaleku arazoetan interbentzioa.

Ibarre: Espaloia Baleiora; bidegorriko zubiko argiteria eta irristagarritasuna hobetu.

Iturriotz: Xorrolarentzako markesina; Gure Txokoa aurreko espaloia txukundu; auzoaren izena seinalean jarri; auzolanean Torre eta frontoi ingurua txukundu.

Karrika: Taxibus zerbitzua hobetzea; Gaintzabal herribidea konpontzea; auzolanean, Artaso ondoko zubia kentzea.

Ugaldetxo: Karla Lekuona ondoko aparkalekuko sarrera-irteera hobetzea; auzolanea, Igerobi bidea bukatzea.

7

udalainformatzen72.qxp:udalainformatzen57.qxd 18/12/13 20:05 Pรกgina 8

udal albisteak Haur eta gaztetxoak hirigintza-ereduak lantzen Haur Hezkuntza eta Lehen Hezkuntzako ikasleek Hirigintzako Plan Orokorrari buruzko tailerretan parte hartu dute, era ludikoan hirigintzako oinarrizko kontzeptuak eta garrantzia ezagutzeaz gain, etorkizuneko Oiartzun nolakoa izatea nahiko luketen adierazi diote gisa honetara ikasleek Udalari.

Haurrak eta gurasoak elkarrekin jostatzen Ludotekako astelehenak haurrak eta gurasoak elkarrekin jostatzeko dira ikasturte honetan. Aterpe egokirik ez dagoelako, ume ttikien gurasoek eskaera egin izan dute. Bestela ere, ludoteka asteartera ostiralera irekita dago LHko haurrentzat, bi hezitzailerekin (Judit Gonzalez eta Garazi Portugal) eta koordinatzaile batekin (Nekane Martiarena).

Kuadrillategi, gaztetxo ekintzaile eta euskaldunak hezten Hausnarketa prozesu baten ondoren, Kuadrillategi eta Gazte Foruaren arteko nahasketa den egitasmoa martxan jarri da: Kuadrillategi. DBH 1 eta 2. mailako gaztetxoei bideratutako eskaintza da. 90 gaztetxok eman dute izena. Lagunartean euskaraz aritzeko ohitura indartzeaz gain, gazte ekintzaileak sortzea da helburua. Gaztetxoak izango dira eurentzako ekintzak proposatu eta bideratuko dituztenak, Ttur-Tturreko bost hezitzaileren laguntzarekin (Alazne Etxeberria, Aitzol Mendiburu, Olatz Mitxelena, Iraia Mujika eta Irati Odriozola).

8

udalainformatzen72.qxp:udalainformatzen57.qxd 18/12/13 20:05 Pรกgina 9

udal albisteak Eraso matxistarik gabeko herria nahi dugu!

Abuztuaren 6tik 7rako goizaldean, xanistebanetako azkeneko egunean, eraso matxista bat izan zen, jai giroan. Gizonezko batek bere bikotea erasotu zuen. Herriko hiru neska gaztek erasoa ikusita abisua eman zuten eta ondorioz, udaltzainek eta ertzainek gizonezkoa atxilotu eta emakumezkoa artatu zuten.

Hurrengo egunetan, Antiju Morik talde feministak deituta elkarretaratzea egin zen eraso matxista hau eta gainerakoak gaitzesteko. Udalak ere parte hartu zuen elkarretaratzean.

Azaroaren 25ean herriko Feministen Asanbladak publiko egin zituen datuen arabera, aurten indarkeria matxistaren 10 salaketa eta 3 sexu eraso izan dira gure herrian. Panorama beltzaren erakusle diren datuak.

Sebastiana Kamiok, 100 urte Sebastiana Kamio herritarrak 100 urte bete zituen abuztuaren 4an. Udal ordezkarien eta Gazte Izanak elkartekoen bisita jaso zuen. Herriko emakume zaharrena da bera.

Udala eta Petra Lekuonaren arteko hitzarmena Udalak eta Petra Lekuona Fundazioak hitzarmena sinatu dute. Zaharren egoitza kudeatzen duen fundazio pribatuarekiko ardura ekonomikoak zehaztu dira hitzarmenean eta aurrerantzean Udalak fundazioan ez duela ordezkaritzarik izango ere zehaztu da.

Hala ere, Udala Petra Lekuona Fundazioaren eta Gipuzkoako Foru Aldundiaren arteko harremanetan laguntzeko prest agertu da, egoiliar oiartzuarren interesen alde.

9

udalainformatzen72.qxp:udalainformatzen57.qxd 18/12/13 20:05 Pรกgina 10

udal albisteak Herriko plaza ingurua berrantolatu da Donibane kalea eta Doneztebe plaza berrantolatu dira. Taxien eta zamaketa lanen eremuak margotu eta mugitu dira eta Kontzejuerreka kalera ezin dela sartu gogoratzeko, seinalea jarri da. Helburua plazaren goizetako erabilera ordenatzea eta adokinen mantenua hobetzea dira.

Auzolana Uzpurun Auzolanean, Karrikako Txaradi bideko herribidea konpondu dute bertako bost baserritako bizilagunek, Udalak helarazitako materialarekin. 500 metroko zatian hormigoia bota dute Arizluzieta, Arizluzieta Behekoa, Txaradi, Larrazabal eta Larraundiborda baserrietara doan bidea konpontzeko.

Cadarsoren lekualdatzea hasi da Cadarso enpresa Altzibartik Lanbarrenera lekualdatzeko lanak hasi dira. Urriaren erdialdean hasi ziren eremuaren urbanizatze lanak Lanbarrenen, eta 2014ko maiatzerako bukatuta egongo dira. Ordutik, bi urteko epea izango du Cadarsok bere jarduera ekonomikoa Lanbarrenen garatu ahal izateko beharrezko dituen azpiegitura eta eraikuntzak egiteko. Trukean, Cadarsok gaur egun Altzibarren okupatzen dituen lurrak Udal jabetzakoak izatera pasatuko dira.

10

udalainformatzen72.qxp:udalainformatzen57.qxd 18/12/13 20:05 Pรกgina 11

udal albisteak Telefonicako antenaren neurketa egin da Erriberenen dagoen Telefonicako antenaren erradiakzioaren neurketa egin zen urria hasieran, Udal Ikastola Partzuergoko gurasoek eskatuta. Espainiako Industria, Energia eta Turismo Ministerioak kudeatzen duen Telekomunikazio Sailak egin zituen azterketak, bai kanpoan eta bai haur eskolan barruan ere, eta datu ofizialek erakutsi dutenez, antenak ez du arriskurik sortzen osasunean. Ministerio honek tarteka herriko antena guztien neurketa egiten du eta http://geoportal.mityc.es/VCTEL/vcneo.do webgunean publiko egiten ditu datuak.

Baserrietako hondakin berezien bilketa hobetzen Baserrietan sortzen diren hondakin berezien bilketa zehazteko eta baserritarren beharrak ezagutzeko, bilera egin dute Udalak eta baserritarrek. Belar bolak biltzeko erabiltzen diren silo plastikoaren bilketaren inguruan baserritarren iritziak jaso ditu Udalak, eta Behemendirekin gaia aztertzeko konpromisoa hartu du. Honez gain, hondakin filosanitarioen bilketa herrian bertan egiteko aukera aztertuko da.

Txondorra piztu da aurten ere Arditurrin Arditurrin txondorra piztu eta ikatza egin da aurten ere. Joxe Billaluze eta Joxe Manuel Etxarte aritu dira aurten ere lan horretan: txondorra egin, piztu, elikatu eta itzali, eurek egin dute. Batez ere haurrak izan dira txondorra ezagutzera hurbildu direnak, garai bateko lanbide hau ezagutzeko. Txondorretik ateratako ikatza Olentzeroren Laguntzaileek eta Albaola Elkartekoek erabili dute.

11

udalainformatzen72.qxp:udalainformatzen57.qxd 18/12/13 20:05 Pรกgina 12

udal albisteak Karaezko musika jaialdian gonbidatuak Karaezen urtero ospatzen de Des Vielles Charrues musika jaialdiak gonbidatu oiartzuarrak izan ditu aurten: Asier Legorburu Kultura zinegotzia eta bi herrien arteko senidatzerekin harremana duten herriko beste hiru lagun gonbidatu baitzituzten uztailean hara. Karaezko udaletxean izandako ekitaldi ofizialean ere hartu zuten parte oiartzuarrek.

Zazpiak Bat, Zuberoan euskaraz ikasteko

Aurten ere Alozen (Zuberoa) ospatu da Zazpiak Bat Eguna. Eskualdetik 50 lagun inguru joan ziren bertako ikastolaren egoera ezagutzera eta jai giroko egunpasa egitera. Eskualdeko Udalek Basaburuako ikastolari laguntza ekonomikoa eman diote azken urteetan, eskualdean euskaraz ikasteko aukera bakarra baita. Laster, ekimena Udalbiltzaren baitan txertatuko da.

Palaren bidez, emakumeak pilotara hurbiltzen Emakumeen parte-hartzea kirolan sustatzeko asmoz, bosgarren urtez martxan jarri da Emakumea PIlotari egitasmoa. Aurten, 18 urtez goitiko zortzi emakume ari dira paletan jokatzen ikaten Patri Espinar irakaslearekin.

10 eta 16 urteko neskek ere taldeak osatu dituzte Eskola Pilotan aritzeko.

Marta Nazabal eta Orkatz Argote irakasleekin 10 neskatila ari dira paletaren munduan lehen urratsak ematen.

12

udalainformatzen72.qxp:udalainformatzen57.qxd 18/12/13 20:05 Pรกgina 13

udal albisteak Euskara ikasleentzako beka sistema berria Euskara ikasleei ikasketa prozesua errazteko eta ikasle izan daitezkeenak motibatzeko, beka sistema aldatu du Udalak. Honela, aurten, herriko euskaltegi homologatuan euskara ikasten duten oiartzuar guztiei eta beka jasotzeko baldintzak betetzen dituzten gainerako ikasleei (lehentasunezko sektoreetakoak, pentsiodunak, langabetuak eta ikasleak), matrikularen erdia ordaindu zaie ikasturte hasieran. 50 ikasleri eman zaie laguntza. Matrikulazioa pixka bat igo da; hartutako erabakiak zerikusia izan duela pentsa daiteke.

Ogia euskaraz eskatu eta saria jaso Ogia euskaraz erosteko ohitura sustatzeko kanpaina martxan egon da hilabete batez. Herriko 10 establezimenduk parte hartu dute ekimenean, Oarsoaldeko Euskara Zerbitzuak bultzatuta, eta herrian Ttur-Ttur Euskaltzaleon Bilguneak eta Udalak sustatuta. Ogia euskaraz erosi zuten bezeroen artean zozketa egin eta 10 herritarrek hilabeteko ogia dohainik irabazi dute.

Biblioteka egokitua, prest Manuel Lekuona biblioteka berritzeko eta egokitzeko lanak bukatu dira. Igogailua, komun egokituak eta teilatu berria ditu eraikinak orain. Lanak nahi baino gehiago luzatu dira, baina azkenean prest dago biblioteka, herritarren guztiei zerbitzu hobea emateko prestatua.

13

udalainformatzen72.qxp:udalainformatzen57.qxd 18/12/13 20:05 Pรกgina 14

udal albisteak Espetxe martxan, udal ordezkariak Herriko hiru presoekiko elkartasunez Soria, Valentzia eta Asturiasko espetxeetara antolatutako espetxe martxarekin bat egin zuen Udalak eta udal ordezkari gisa parte hartu zuten Aiora Perez de San Roman, Pello Aramendi eta Manoli Larraiotz EH Bilduko zinegotziek.

Herrialde Katalanei eskua luzatuta Irailaren 11n, Diadaren egunean, Herrialde Katalanetako ikurrina zintzilik egon zen udaletxeko balkoian, bi herrien arteko elkartasun keinuz. Aurten, Via Catalana deitutako ekimena burutu dute eta Udalbiltzak ere parte hartu du.

Oiartzungo alkatea, Bake Konferentzian Donostian mundu osoko alkateen ospatutako Bake Konferentzian (urriak 10-11) parte hartu zuen Aiora Perez de San Roman alkateak, entzule gisa. Gatazka politikoak gainditzeko bidean dauden herrialdeetako hautetsiek parte hartu zuten hizlari gisa.

14

udalainformatzen72.qxp:udalainformatzen57.qxd 18/12/13 20:05 Pรกgina 15

udal albisteak Eskola Kiroleko jardunaldietara, garraio publikoan Eskualdeko lau Udalak Gipuzkoako Foru Aldundiarekin batera martxan jarri dute Eskola Kirola egiten duten haurrak jardunaldietara garraio publikoan joan daitezen sustatzeko egitasmoa pilotua. Horretarako, Mugi txartelak banatu dituzte Eskola Kirolako taldeen artean. Bi saio egin dira azaroan eta abenduan, emaitza positiboekin.

Esperientziak emaitzak ematen baditu, Gipuzkoako beste eskualdeetara zabalduko da asmoa.

Zerga eta hobarien 2014ko egutegia HOBARIAK Ondasun Higiezinen gaineko Zerga Familia Ugaria izateagatik %50-%90 hobaria Babes Ofizialeko Etxebizitza izateagatik %50 Eguzki energiaren aprobetxamendu termiko eta elektrikorako sistemak dituztenei %50 Jarduera Ekonomikoaren gaineko Zerga Industri jarduera gune jendetsutik industrialetara eramateagatik %30 Enplegua sustatzeagatik %25 Langileen garraio plan bat ezartzeagatik %50 Trakzio Mekanikozko Ibilgailuen gaineko Zerga Ibilgailu historikoak %100 Ibilgailu elektriko eta hibridoak %25 Eraikuntza, Instalazio eta Obren gaineko Zerga Interes berezikoak edo udal onurakoak diren eraikuntza, instalazio edo obrak %95 arte Eguzki energiaren aprobetxamendu termiko edo elektrikoa ahalbidetzen duten eraikuntza, instalazio edo obrak Ezinduen irisgarritasuna eta habitagarritasun baldintzak errazten duten eraikuntza, instalazio edo obrak %90 Hiri-lurren balio-gehikuntzaren gaineko Zerga Heriotza dela eta senitartekoen artean egindako eskualdaketak %95 Prezio Publikoak Etxez-etxeko laguntza Zerbitzua %0-%98,5 hileko irabazi per kapitaren arabera Zabor eta hiri hondakin soli-doak etxez etxe biltzeagatiko tasa Auto-konposta egiten dutenek %20 Aportazio guneetara eramaten dutenek %10 Arraindegiek edo gestore pribatuen bidez %100 %50 Animalia-jatorriko azpiproduktuak kudeatzaile bidez egoki kudeatzen dutenei eta organikorik ez dutenek sorteen

%95

%20

SALBUESPENAK Trakzio Mekanikozko Ibilgailuen gaineko Zerga Ezintasun mugatuko pertsonentzako ibilgailuak edo hauen izenean matrikulatuei Nekazaritzako ibilgailuei Zerbitzu publikoak eskaini eta jarduera administratiboak burutzeagatiko tasak Ur hornidura eta estolderia zerbitzuan Profesioarteko Gutxieneko soldata baino gutxiagoko dirusarrerak dituztenei Zabor eta hiri hondakin solidoak etxez-etxe biltzeagatik Profesioarteko Gutxieneko soldata baino gutxiagoko dirusarrerak dituztenei GAINKARGUAK Ondasun Higiezinen gaineko Zerga Ohiko bizilekua ez diren etxebizitzei

%75

Oharra: Hobariak edo salbuespenak eskatzeko edo ohiko bizilekua direla egiaztatzeko epealdia:

Urtarrilaren 1-etik otsailaren 28ra.

Epealdi horretatik kanpo egindako eskaerak ez dira ekitaldi horretan aplikagarriak izango.

15

udalainformatzen72.qxp:udalainformatzen57.qxd 18/12/13 20:05 Página 16

udal albisteak PLENOAK 13/07/24. Herriko presoekin harreman zuzena.

EH Bilduk euskal presoen eskubideen alde aurkeztutako mozioa onartu zen. Besteak beste, herriko presoekin eta hauen senideekin harreman zuzena mantentzeko konpromisoa hartu zuen Udalak.

Xanistebanen aurrekontua ere onartu zen: 86.900 euro.

Datorren urtean abuztuaren 4a izango da jai egun ofiziala, xanisteban eguna igandez izango baita.

Udalbatzarrean EH Bilduko zinegotziek bakarrik parte hartu zuten. Uztailean, 190 €ko protokolo gastuak egin ziren.

13/09/25. Eraso sexisten kontrako adierazpen instituzionala.

Xanistebanetan izandako eraso sexista gaitzetsi eta salatzeko adierazpen instituzionala irakurri zen udalbatzar honetan. Era berean, Altzibarren dagoen Cadarso enpresa lekualdatzeko hitzarmenean aldaketa egin zen, behin betikoa izateko. Enpresak lekualdatzeko toki gehiago behar zuela eskatu zuen eta beste 500 metro koadroko eremua izango du Lanbarrenen (eurek ordainduta).

Irailean 5,35 €ko protokolo gastuak egin ziren bidaiatan.

13/10/04. Herriraren aldeko bi mozio onartu dira.

Espainiako Auzitegi Nazionalaren aginduz Herrira mugimenduaren kontrako operazioa zela eta, ezohiko udalbatzarra egin zen, besteak beste, 18 lagunen atxiloketa, Herriraren egoitzen itxiera eta ekimenen legez kanporatzea salatzeko.

Bi mozio onartu ziren, bata EH Bilduk aurkeztutakoa eta bestea,

16

EH Bilduko Gobernu Taldeak eta oposizioko taldeek (EAJ eta H1!) adostutakoa. Biak Bilduko zinegotzien aldeko botoarekin onartu ziren.

Nahiz eta adostasunera heldu, EAJ eta H1! ez ziren joan udalbatzarrera, EH Bilduk aurretik sartuta zuen mozioa ez zuelako erretiratu.

13/10/30. Hilerriko ikur frankistak kenduko dira.

Herritar baten eta Katin Ttiki memoria historikoa lantzeko taldearen ekimena jarraituz, herriko kanposantuan dagoen monumentu frankistan dauden “hitz mingarriak” ezabatzea onartu zen, ahobatez (EH Bildu, EAJ, H1!): “Jose Antonio Primo de Rivera” eta izenaren azpian zegoen koroa, “Oyarzun a sus heroicos hijos”, “soldados, voluntarios y requetes” eta 1936/07/18 eta 1936/04/01 datak.

Herriko tabernen auzian eta Segiren kontrako auziak “salatu” eta auzipetuta dauden 76 euskal herritarrak “absolbitzeko” mozioa onartu zuen udalbatzarrak, hau ere ahobatez. Aiora Perez de San Romanek bereziki gogoan izan zituen Rufi Etxeberria oiartzuarra eta Girizia Elkartea. Elkarteko zenbait kide udalbatzarrean izan ziren.

2014ko tasak eta zergak ere onartu ziren. Gehienak mantendu (Xorrola, hondakinak…) edo KPIaren arabera igoko dira dira (%2,2). Ura eta estolderiaren tasa da gehien igoko dena: %4.

Aitor Santxez EAJko zinegotziak kargua utzi zuen. Urriko protokolo gastua 673 € izan zen, lore-sorta, eskela, jardunaldi eta garaikurretan.

udalainformatzen72.qxp:udalainformatzen57.qxd 18/12/13 20:05 Página 17

udal albisteak

13/11/27. Emakumeen kontrako indarkeriaren kontra eta euskararen alde, adostasuna.

EH Bilduk emakumeen kontrako indarkeriaren aurka aurkeztutako mozioa ahobatez onartu zen (EH Bildu eta EAJ).

Administrazioek emakumeen kontrako indarkeria matxistaren aurrean har ditzaketen konpromisoak bere egin zituen Oiartzungo Udalak. UEMAk eta EHEk Euskararen Egunaren harira adostutako adierazpena ere onartu zuen udalbatzarrak, ahobatez.

Petra Lekuona Fundazioarekin hitzarmena ere onartu zen.

Adostasunera heldu dira Udala eta zaharren egoitza kudeatzen duen Fundazioa, finantzazioari dagokionez.

2014ko aurrekontuak ere onartu ziren behin-behinean, EAJren abstentzioarekin. Iñaki Arbelaitzek EAJko zinegotzi kargua hartu zuen saio honetan. Azaroko protokolo gastuak 60€koak izan ziren, eskela eta lore-sortetan.

13/12/04. Gure ikurrak, gurea ikurrina.

Ez ohiko udalbatzar batean, EH Bilduk ikurrinaren alde eta Espainiako banderaren inposaketaren kontra sartutako mozioa landu eta onartu zen ahobatez (EH Bilduk eta H1!-k). Honela, Oiartzungo Udalak Espainiako bandera “inposatuta eta zigor mehatxupean” jarriko den ikurra dela adierazi zuen, “oiartzuarrak ez gaitu ordezkatzen”. EAJk ez zuen parte hartu ezohiko udalbatzarrean.

17

udalainformatzen72.qxp:udalainformatzen57.qxd 18/12/13 20:05 PĂĄgina 18

ir itzia Herriko arrandegi eta harategietan ontzi berrerabilgarriekin erosketak egiten dituzten bezeroei hauxe galdetu diegu: Zergatik egiten dituzu erosketak ontzi berrerabilgarriekin?

Ioritz Aizpuru Arrainarentzako erabiltzen dut. Ontzi berrerabilgarriak banatu zituztenean hasi ginen erosketak horrela egiten. Lehenago, boltsa berrerabilgarriak erabiltzen hasiak ginen. Arraindegian erosketak ontzi berrerabilgarriekin egitea garbiagoa da boltsarekin egitea baino. Plastikozko boltsak usaina hartzen zuen arrainarekin eta beti birziklatzera botatzen genuen, ezin zelako berriz erabili. Ontzi berrerabilgarria, berriz, arrandegitik zuzenean hozkailura sartzen duzu, eta ez du usainik hartzen. Gustura gaude sistemarekin. Harategian ez dugu ontzi berrerabilgarria erabiltzen ontzi bakarra dugulako, eta ez dugulako erosi besterik. Baina harategian etxetik eramandako boltsan sartzen dugu paperean biltzen dutena.

Ixiar Albistur Kanpaina martxan jarri eta pixka batera hasi nintzen ontzi berrerabilgarriak erabiltzen. Oso erosoa da, eta garbia. Etxera ez duzu paperik eramaten eta gainera, paper gutxiago gastatzen da.

Nik arrandegian erabiltzen dut, harategira joaten naizenean erosketa handia egiten dudalako, eta eskas samar gelditzen zait ontzia. Arrandegian ikusten da jendea ontziekin erosketak egiten.

Niretzako oso pratikoa da: goizean etxetik ateratzerakoan ontzia hartu, eta gero etxera arraina garbituta daramazu. Zuzenean ontzi berrerabilgarria hozkailuan sartu, eta kito.

Eihartze Aramendia Normalean, arrandegian erabiltzen dut ontzi berrerabilgarria. Ontziratu zaitez! kanpaina martxan jarri zenean hasi nintzen erosketak horrela egiten. Entzuna neukan batzuk ontzi berrarabilgarriak erabiltzen zituztela, batez ere arrandegi jakin batzuetan, baina nik ez nuen horretarako ohiturarik. Kanpaina hasita ontzi berrerabilgarria eman zigutenean, animatu eta hasi nintzen. Oso gustura nago. Dena txukun jartzen dizute, zuzenean hozkailura sartzen duzu, erabiltzean garbitu eta kito. Kanpaina bukatzen denean ohitura honekin jarraituko dut. Arrandegian, arrain ezberdinak erosten badituzu erosketa berean, papertxo bat jartzen dizute, pisuak eginez. Baina egun berean harategira joan behar baduzu, beste ontzi berrerabilgarri bat eraman behar duzu, aparte. Hori du, akaso, alde txarra.

GarbiĂąe Astibia Kanpaina hasi zenean hasi nintzen arrandegian ontzi berrerabilgarria erabiltzen. Askoz erosoagoa da. Arraina garbituta ontzi berrerabilgarrian sartu eta zuzenean hozkailura doa. Papera, plastikoa, usaina eta isurtzen dena sahiesten dituzu horrela. Arrandegian jende asko ikusten dut ontzi berrerabilgarriak erabiltzen. Oraindik erabiltzen hasi ez direnei esango nieke oso erosoa dela. Gertatu izan zait goizean erosketak egitera ateratzea, arrandegira joatea pentsatu gabe, eta gero zerbait hartu nahi izatea. Eta arrandegian bertan utzi izan didate ontzi berrerabilgarria.

Harategian ez dut erabili, agian ontzi berrerabilgarri gehiago eraman beharko liratekeelako.

18

udalainformatzen72.qxp:udalainformatzen57.qxd 18/12/13 20:05 PĂĄgina 19

ir itzia Ana Lazkano Kanpaina hasi aurretik erabiltzen nuen ontzi berrerabilgarria. Arrandegira joan nintzen batean, emakume bati ikusi nion ontzia ateratzen eta ideia ona iruditu zitzaidan. Ohitura hartzea da.

Ontzi berrerabilgarriak banatu baino lehen, jendea ikusten nuen ontziekin erosten. Baina orain gehiago dira. Enkargatua uzten dutenek ere ontzi berrerabilgarria aurretik uzten dute. Nik arrandegian erabiltzen dut, normalean etxeko haragia jaten dugulako. Ni oso gustura nago.

Askoz txukunagoa eta garbiagoa da. Paperak, nahiz eta gutxi izan, beti du usaina.

Xabier Martin Ontzi berrerabilgarriak banatu zirenean hasi ginen erosketak honela egiten arrandegietan.

Duela pare bat hilabete, harategietan ere hasi ginen. Erosketak egiten ditugun guztietan erabiltzen dugu, noizbait ahaztu izan zaigun arren. Hasieran, nik uste jendeak sentsazioa zuela ontziak arrandegietan erabiltzeko zirela, baina uste dut harategietan ere ohitura sortuko dela.

Arrainarekin oso praktikoa da, zuzenean ontzia hozkailura sartzen delako, eta horregatik zabalduago dagoela, baina gutxinaka harategietako erabilera ere gehituko dela uste dut. Askoz paper eta hondakin gutxiago sortzeaz gain, oso praktikoa da. Etxean ez duzu lan gehiago hartu behar da. Ekologikoa eta erosoa da.

Pako Mitxelena Ontzi berrerabilgarriak ontzi bezala erabiltzen nituen etxean, eta duela hiru bat hilabete hasi nintzen erosketak egiteko erabiltzen. Gaur egin ditut enkarguak: ontzi berrerabilgarri bat erabili dut urdaiazpikaorentzat, bestea hirugiharrarentzat, bestea haragiarentzat, bestea intxaurrentzat‌ Ez dut erabili boltsarik eta paperik. Janari mota guztiak sartzen ditut ontzietan. Haragia edo gauzak erostera joaten naizenean, harritu egiten dira ontzi berrerabilgarria ateratzean.

Niretzako oso erosoa da horrela egitea erosketak. Egia da boltsan eremu handia hartzen dutela ontzi berrerabilgarriek. Agian beste ontzi mota bat behar litzateke, sistema hobetzen joan beharko litzateke.

Jabi Sesen Kanpaina martxan jarri baino pixka bat lehenago hasi ginen arrandegian ontzi berrerabilgarriekin egiten erosketak. Txukunagoa da eta mila aldiz erosoagoa, ekologikoagoa izateaz gain.

Etxera joaten zara eta ontzia hozkailuan sartzen duzu zuzenean; primeran kontserbatzen da.

Kanpainak asko bultzatu du ontzien erabilera. Guk jendea ikusi genuen ontziak erabiltzen eta konturatu ginen logikoagoa zela horrela erostea. Harategian gehiago kostatzen zaigu, nahiz eta tarteka joan izan garen ontziarekin. Ohitura kontua da, egia esan. Arrandegian hartu dugu ohitura eta harategian ere, kasu berdina da berez.

19

udalainformatzen72.qxp:udalainformatzen57.qxd 18/12/13 20:05 Pรกgina 20

auzoak Altzibar Altzibarko festetan, haurrek Olaldeko jolas-parke berria nolakoa izatea nahi zuten diseinatu zuten. Udaleku irekietan, Oihan Tello zinegotziarekin eta Maribi Joaristi udal idazkariarekin bildu ziren haurrak, euren asmoen berri emateko. Udalak baliabideak jarriko ditu eta altzibartarrek auzolanean haur parke berria jarriko dute.

Arragua Xorrolaren autobus geltokitik Euskotrenen geltokiraino dagoen bidea konpontzeko eta txukuntzeko lanak egin dira. Bide horretan, euriarekin, putzuak sortzen ziren eta todouno materiala bota da, arazo hau ekiditeko. Honez gain, sare bat ere jarriko da Zubiondo etxearen parean lurra finkatzeko.

20

udalainformatzen72.qxp:udalainformatzen57.qxd 18/12/13 20:05 Pรกgina 21

auzoak Elizalde Kultur etxe baten beharra askotan aipatu da Hirigintzako Plan Orokorraren baitan egin diren tailerretan, eta hausnarketa propioa behar zuelakoan, Kultur Etxearen gaia aztertzeko tailerra egin zen. Bertan bildu ziren herritarrek Kultur Etxea herriaren erdigunean egin behar zela adierazi zuten eta egunerokotasunean erabilgarritasuna izango duen areto funtzionala izan beharko lukeela, etorkizunean handitzeko aukerarekin.

Ergoien Auzokalte ondoko jolas-parkea eta iturria jarri dira. Udalak auzotarrei zenbait jolas-parkeren artean aukeratzen utzi die, eta ergoiendarrak izan dira auzoko umeentzako gustukoen duten jolas-parkea aukeratu dutenak.

Honez gain, auzolanean elkarteari estalpea jarri zaio.

21

udalainformatzen72.qxp:udalainformatzen57.qxd 18/12/13 20:05 Página 22

auzoak Gurutze Beloaga-Arkale taldeko kideek berriz txukundu dute parajea, ehiza garaian ikurrina kentzea aprobetxatuz. Udala, Aranzadi eta Beloaga-Arkale taldearen artean, kontsolidazio proiektua aztertu da, baina aurrekontu faltak egitasmoa atzeratuko du. Hala ere, taldea 10 €ko ekarpenak bildu ditu, euren kabuz Nafarroako Erresumako gaztelua izan zenaren biziraupena bermatu ahal izateko. Udalak, datorren urteko aurrekontuetan 7.000 € aurreikusi ditu gunea mantentze aldera.

Iturriotz Elizalde Herri Eskolako LH 5. eta 6. mailako ikasleak Makutso inguruko erreka zatia garbitu dute. Bildutako hondakin gehienak ontzi arinak izan baziren ere, hondakin harrigarriak ere topatu zituztenerrekara boteak: aulkiak, haurrentzako orga, ardi baten hezurdura… Guztia txukun pilatuta utzi ondoren, udaletxeko garbiketa brigadak jaso zituen hondakin guztiak.

Oiartzun garbi baten alde, ekimenarekin jarraitzeko asmoa dute Elizalde eskolan.

22

udalainformatzen72.qxp:udalainformatzen57.qxd 18/12/13 20:06 Pรกgina 23

auzoak

Karrika Oielekuko parajea garbitzeko auzolana egin zuten Girizia mendizale taldeko kideek irailaren hasieran. Orain, denoi dagokigu parajea dagoen bezala zaintzea.

Ugaldetxo Ugaldetxon egongo dira landa-eremuetan bizi diren bizilagunek euren hondakinak sailkatuta uztea erosoago izan dadin Udala eraikitzen ari den lau aportazio gune berrietako bi: Txipiton eta Zerradin.

Beste bi aportazio guneak Arraguan (Oliden) eta Gurutzen (Usategieta) eraiki dira.

23

udalainformatzen72.qxp:udalainformatzen57.qxd 18/12/13 20:06 Página 24

her r iko ber r i MIKEL MENDIZABAL: “Hizkuntza gutxituotako hiztunok erresistentzian elkar laguntzea garrantzitsua da.

Kolonbian beraien hizkuntzarengatik lanean ari direla jakiteak indarra ematen dit” Mikel Mendizabal Idiazabal biologoa irakaslea da ogibidez eta EHUko graduondoko batean eskolak ematen ditu. Garabide Elkartean ere aritzen da lanean, bolondres (www.garabide.org). 1997an hasi zen bere harremana komunitate indigenekin, Brasilen. Hiru urtez, hezkuntza eta ingurugiro gaien inguruko proiektuetan jardun zuen han. Gaur, komunitate indigenekin estuki lotuta jarraitzen du. www.ekologiaindigena.blogspot.com bloga ere badu Mendizabalek.

Nola aurkeztuko zenuke Garabide Elkartea?

Garabide hizkuntza-lankidetzan aritzen den gobernuz kanpoko erakunde (GKE) bat da. Helburu nagusia lankidetza eta euskalgintza lotzea ditu. Pentsatzen dugu Euskal Herriak lankidetzan baduela zerbait ezberdina eskaintzeko, batik bat hizkuntzaren inguruan. Lankidetza proiektuetan lan egiten da komunitate pobretuekin, hizkuntza eta kultura aldetik arazo handiak dituztelako. Euskal Herriak badauka prozesu nahiko luze bat bere hizkuntza berreskuratzeko, ongi egindako eta ez hain ongi egindako gauzekin…

Zure harremana Garabiderekin nola sortu da?

2010ean proiektu bat hasi zen Kolonbiako embera komunitatearekin. Komunitate honek erabaki zuen bere hizkuntza ez zuela idatziko, defentsa moduan. Erabaki politiko bat hartu zuten, baina konturatu ziren eskolaren bidez espainola sartzen zela.

Orduan, erabaki zuten idazten hastea. Proiektu hori bertako unibertsitate bateko talde baten bitartez egin zuten. Haiek EHUko talde batekin zuten harremana Munduko Hizkuntza Ondareari buruzko UNESCO katedraren bidez. EHUko talde honek ere parte hartu zuen prozesuan. Bi hizkuntzalari joan ziren; Andoni Barreña zen bat. Deitu ninduten, ea laguntzerik banuen, esperientzia nuelako komunitate indigenetan formakuntza proiektuetan. Barreñak eta katedrak Garabiderekin harremana dute, bi taldeak hizkuntza-lankidetzan aritzen direlako. Garabideko barne antolaketa aldatu zenean, gonbidatu ninduten parte hartzera.

Garabidek zein proiektutan lan egiten du?

Garabideren indar nagusia Hizkuntza Gutxituen Aditu Titulua aurrera eramatea da. Izugarrizko esfortzua suposatzen du, garen talde ttikirako. Bi alditan egin da, Eusko Jaurlaritzak lankidetza proiektutarako ematen dituen laguntzetatik. Aditu Tituluan 14-15 pertsona etortzen dira herrialde ezberdinetatik Garabidek bekatuta. Aditu Tituluaren proiekturako pertsona bat liberatua dago, baina gainerakook gure lanak ditugu, bolondresak gara.

Aditu Titulu ikasketen inguruan loturak sortzen dira herrialde, pertsona eta erakunde batzuekin. Momentu honetan, lehengo

24

urtean formalizatu zen proiektu bat ere badugu martxan Garabiden, nahiz eta harremana aurretik datorren. Nasen hizkuntza dinamizatzeko talde bat sortu dute eta formakuntza prozesuetan parte hartzen dugu.

Hizkuntza Gutxituen Aditu Titulu ikasketak egiten dituzten ikasleek zein ezaugarri dituzte?

Garabidetik komunitateekin harremanetan jartzen gara parte hartzea proposatzeko. Baldintza da bere hizkuntzan idazten eta hitz egiten jakitea, eta hizkuntza edo kulturaren biziberritzean aritzea. Hortik aurrera, beraiek aukeratzen dute. Aurten bigarren edizioa izan da. Jendea ez da errepikatu, baina erakunde eta komunitate batzuk bai. Eztabaidan dugu zein estrategia den hobea: jende eta erakunde ezberdin askorekin edukitzea harremana edo sintonia dagoenekin elkarlana sakontzea. Ekuadorko quichuak eta Kolonbiako nasak, adibidez, aurreko edizioan etorri ziren eta orain ere bai. Aurten herri kurduarekin harremana sortzea bilatu dugu.

Dagoeneko itzuli dira ikasleak euren herrialdeetara. Zein izan da Hizkuntza Gutxituen Aditu Tituluaren helburua?

Euskal Herriaren ibilbidea erakusten da, hizkuntzaren biziberritze prozesuan. Gauza on eta txarrekin. Eskolak ezagutzen dira, Euskaltzaindia, komunikabideak, Kilometroetara eta Durangoko Azokara joan dira, Bertso Txapelketako Tolosako kanporaketan izan ziren, zertan ari garen ikus dezaten. Argi dugu gurea ibilbide bat dela; ez dugu esaten horrela egin behar dela. Gauzak ikusten dituzte ideiak hartzeko eta beraien errealitatera moldatzeko, egoerak erabat ezberdinak direlako. Honez gain, ematen da oinarri teoriko bat, aditua den jendearekin. Hiru hilabeteko ikastaroa da. Bakoitzak proiektu bat ere idazten du. Jasotakoa sartu behar dute proiektuan, beren komunitatean lantzeko proposamen bat eginez. Nik Teresa, Mexikoko mayari lagundu diot.

Askotan oinarrizko kontzeptua errepikatzen da: hezkuntzan hizkuntza sartzea. Teresak hona etorri aurretik diagnostiko bat egin zuen: Escuela Intercultural Bilingüe-ko irakasleen artean inkesta pasatu zuen, jakiteko maya hizkuntzan zein gaitasun zuten.

udalainformatzen72.qxp:udalainformatzen57.qxd 18/12/13 20:06 Pรกgina 25

her r iko ber r i

Ondorioa izan zen oso gaitasun ttikia zutela. Hizkuntza indigena eman behar duten irakasleek ez badute gaitasunik hizkuntzan bere irakurketa zen eskoletan maya hizkuntza ez dela lantzen.

Bere proiektua da eskualde bateko irakasleak alfabetatzea.

Proiektu horiek praktikara eramaten dira?

Batzuk bai. 14 errealitate daude. Komunitateek ere lagundu behar dituzte proiektuak. Adibidez, nasekin lantzen ari garena duela bi urteko edizioan egon zen Vivianak bultzatu duelako da.

Hizkuntza Gutxituen Aditu Tituluan talde anitza elkartzen da.

Beraiengandik ere gauza intersgarriak jasoko dira, ezta?

Ematen duguna baino gehiago jasotzen dut; nik behintzat.

Barruan gelditzen dena izugarria da. Borroka eta erresistenzia ezberdinak ditugu herri bakoitzak, eta denok dugu zer kontatua.

Baina komunitate indigena hauek izugarrizko indarra ematen diote kulturari eta espiritualtasunari. Hizkuntza herriaren historiarekin, nortasunarekin, identitatearekin, espirituarekin, amalurrarekin lotzen dute. Alde horretatik, guk hutsune handia dugu. Gu hizkuntzan zentratuta gaude, eta iruditzen zait batzutan oinarriak falta zaizkigula. Hizkuntzak kultura bat du oinarri, eta kultura horrek lurralde bat. Lurrarekin zein tratu duten eredugarria da.

Beraientzako egiazko amalurra da. Guk amalurra esaten dugu, baina ez dakit kontziente garen zer esan nahi duen.

25

udalainformatzen72.qxp:udalainformatzen57.qxd 18/12/13 20:06 Página 26

Her r iko ber r i Jarraipena MIKEL MENDIZABAL Hizkuntza Gutxituen Aditu Tituluaren hirugarren edizioa egingo al da?

GKE gehienak bezala, laguntzen mende gaude. Oraingoz, otsaila-martxoa arteko ibilbidea dugu ziurtatua.

Hizkuntza Gutxituen Aditu Tituluko ikasleak Oiartzungo udal ordezkariekin bildu ziren. Zein izan zen Arritxuloko egonaldiaren helburua?

Euskal Herriko eskualde ttiki bat ezagutuko genuenez, bertako administrazioa nola egiten zen ikustea zen helburua. Iritsi berriak ziren eta ez zeuden oso ongi kokatuak; neurri batean horretarako izan zen. Menditik lurraldea, paisaia… ikusten da eta laguntzen du kokatzen. Beharrezkoa da kanpora ateratzea eta lurraldea nolakoa den ikustea.

Oiartzunen administrazioak euskaraz funtzionatzen du. Eta beraien kasuetan?

Denetik dago. Baina orokorrean ez dute hizkuntza indigenan funtzionatzen agintari politikoek. Agintari tradizionalek, kulturarekin errotuak daudenek, naturalki hitz egiten dute beraien hizkuntzan.

Gero, Azmarrin taldearen bidez etorri ziren hiru lagun (Tupac Amaru Amrango quichua, Bonifacio Iturbe Palomo nahuata eta Zenaida Isco nasa) eta hitzaldia eskaini zuten hizkuntz ekologiari buruz. Hizkuntza eta lurraren arteko lotura izan zen oinarria.

Hortik jotzen saiatu ginen, saio horretan eta Arritxulon egon ginenean ere bai. Materialgintzari buruzko tailer bat koordinatu dut aditu tituluan eta euskal kosmobisioari buruzko saio bat prestatu. Hiru egun pasatu genituenean mendian, Unibertsitatean egin beharrekoa egiteko lurrera etorri ginen: Arritxulo, Aiako Harria, Oielekuko kromletxak… ezagutuz.

Hizkuntza gutxituentzako hezkuntzak duen garrantziaz aritu gara. Baina Euskal Herrian ikusi dugu hezkuntza sistema euskaraz izanagatik, euskararen erabilera ez dela nahi edo uste adina handitu.

Orokorrean, hezkuntza sistema ez zait gustatzen. Baina ez da hizkuntzaren kontua. Ez zait gustatzen zazpi urtetatik azterketak pasatzeko makinak prestatzen ditugulako. Hizkuntza kontuetan, Euskal Herriko eskualdeetan ez dugu egoera berdina. Ni Irunen bizi naiz eta euskararekiko sentsibilitate falta izugarria dago.

Irungo eskoletako guraso bileretan ikusten diren jarrerak euskararekiko, zailak dira Oiartzunen kontatu eta sinestea. Lana badago oraindik egiteko. Indigenei askotan esan izan diegu: “Nola nahi duzue jendeak idaztea edo hitz egitea zuen hizkuntza gero autoritateek, politikoek, ez badute ezer egiten?”. Baina hemen ere berdina da. Zer balore du hizkuntza batek? Norberak eman behar dio balorea. Egunero ez gara aktibista izaten, egun batzuk aktiboagoak dira. Batzutan “gaur tokatzen da” pentsatu eta sesioan hasten zara, eta beste batzuetan ez; baina norberaren jarrera oso garrantzitsua da.

26

Kolonbiako nasa indigenekin hezkuntzarako ikasmateriala sortzeko proiektua lantzen ari zarete. Udan in situ aritu zara lanean. Zein da komunitate honen errealitatea?

Nasa Kolonbiako bigarren herri indigena da populazio aldetik (100.000 dira). Kolonbian kafea produzitzen den eskualdeetan bizi dira, mendialdean (Cauca…). Batik bat, nekazariak dira. Hiri nagusi pare bat daude, baina bizitza tradizionala mendian da.

Amalurrarekin oso estuki lotuta daude eta ikusten dute euren hizkuntza geroz eta gutxiago hitz egiten dela, transmisioa galtzen ari dela, gazteak espainolen eredura doazela… Akulturazio edo hizkuntza galtzeko prozesu hori eskolatik dator hein handian. Egoera honen aurrean, nasen erakundeak komunitateetan pertsonak aukeratu ditu hizkuntzaren biziberritzea dinamizatzeko. Gure parte-hartzea talde horri laguntzea da. Maite Erasun eta biak 20 egunez egon ginen han, uztailean, materialgintzari buruzko ikastaro bat ematen. Beraien hizkuntza bultzatzeko, batik bat eskoletan hutsune asko dauzkate, eta horietako bat da materialgintza. Ikastaro motza izan zen. Ez ginen joan unitate

udalainformatzen72.qxp:udalainformatzen57.qxd 18/12/13 20:06 PĂĄgina 27

Her r iko ber r i didaktikoak egitera, baizik eta denon artean ikustera beharrak zeintzuk diren eta nola bideratu daitezken. Badituzte Escuela Intercultural BilingĂźe-ak, Kolonbiako gobernuarentzako hezkuntza indigena izan dena: ia dena gazteleraz da eta astean bi-hiru orduz nasa hizkuntzan, edo dagokion hizkuntza indigenan (hemengo A eredua izan daitekeena). Horrek ez du funtzionatzen eta buelta eman nahi diote. Iaz hasi ziren lehenengo esperientzia egiten hezkuntza osoa nasa hizkuntzan jasoko duen talde batekin (gure D ereduaren antzekoa). Haur Hezkuntzatik hasi dira, pixkanaka aurrera joateko; baina ikasmateriala maila guztietan behar dute. Hasiera-hasierako pausoak dira. Abuztuan beste hiru lagun egon ziren, espezifikoago lantzen haur hezkuntza. Dirua lortzen badugu, jarraipena emango diogu proiektuari.

Zure gurasoak euskarazko hezkuntza hasi zenean lanean aritu ziren, ikastolen sorreran. Euren eredua baliagarri izango zitzaizun.

Euren adibidea erabili genuen han. Gurasoekin elkarrizketa grabatu nuen joan aurretik. Egoera ez da berdina, baina badaude paralelismoak.

Hizkuntz gutxituotako hiztunon artean sareak, elkarlanak‌ garrantzitsua dira?

Kultura eta hizkuntza menderatzaileak daude. Ez dakit helburuak idatzita dituzten, baina argi dago besteak zapaltzen dituztela. Hizkuntza gutxituotako hiztunok erresistentzian elkar laguntzea garrantzitsua da. Caucan, Kolonbian, beraien hizkuntzarengatik lanean ari direla jakiteak indarra ematen dit niri.

27

udalainformatzen72.qxp:udalainformatzen57.qxd 18/12/13 20:06 Página 28

Her r iko ber r i ARIZMENDI-ENEA, JAUREGI BAT HERRI ERDIAN Udal jabetzakoa bihurtu berri den jauregiak lau mendetako historia du Arizmendi-enea XVIII. mendeko jauregi bat da, herriaren erdi-erdian dagoena. Gaur egun Arizmendi-enea bezala ezagutzen dugun etxe honen lehendabiziko erreferentzia 1759koa dugu: Agustin Arbide oiartzuarrak etxea egiteko harginekin sinatu zuen kontratua, hain zuzen ere. Kontratu horretan agindu eta zehaztu zuen, besteak beste, Jaizkibelgo harri txurizkoa izango zela eraikina.

Etxeak jabearen abizena hartu zuen: ARBIDE. Agustin Arbideri buruz gehiegi ez badakigu ere, diruduna zela begibistakoa zen, etxea egiteko eskatu zituen xehetasunak kontuan hartuta. Adibidez, balkoiak ez dira lisoak: moldurak dituzte. Agindu zituen lanak garestiak ziren.

Hasieratik, gaur egun duen itxurarekin eraiki zen etxe hau, kanpoko itxura arkitektonikoan aldaketa gutxi izan baititu 250 urtean.

Arbide etxea Fermiñene etxearen (Elizalde zuen orduan izena) kontra eraiki zuten. Fermiñene 1499rako eraikita zegoela dakigu.

Arizmendi-enearen teilatu-hegal guztiak egurrezkoak dira, baina bat -izkina egiten duen gapirioa- harrizkoa da. Gapirio horretan 1759 dago grabatuta: etxeari buruzko dugun lehenengo urteari egiten dio erreferentzia. Horregatik, pentsatu daiteke urte hartan eraiki zela.

1787an Agustin Arbideren alaba, Maria, Inazio Urdinolarekin ezkondu zen eta neskaren ezkontzako dote gisa etxe hori eman zuen aitak. Urdinolatarrak ere garaiko oiartzuar familia aberatsa ziren. Maria eta Inazioren ezkontzaren ondoren, URDINOLA izenarekin ere ezagutu zen etxe hau.

Garai hartan, normalean, etxeek han bizi zirenen izenak (edo abizenak) hartzen zituzten Oiartzunen.

Arizmenditarrak XX. mendera egingo dugu orain jauzi: 1920-1922 urte inguruan, Angel Arizmendi donostiarrak erosi zuen etxea. 38.000 pezeta ordaindu zien Sotomayorko dukeei etxearengatik. Jabe berriaren abizenarekin ezagutzen da ordutik etxea: Arizmendi-enea.

Ez dakigu noiz eta nola pasatu zen Arbide etxea Sotomayorreko dukeen jabetzakoa izatera. Duke hauek Albako duketxearekin senidetuak daude. Arizmenditarrek etxea erosi zutenean KALE NAGUSIA 5 zen haren helbidea, eta ez Aialde kalea (gerra ondorenean, General Mola izena jarri zioten frankistek kaleari).

Arizmendiren emaztea, Juana Aiestaran Mendiluze (Juanita etxekoentzat) ere donostiarra zen. Harekin eta lau alabekin etorri zen Oiartzuna (Mª Carmen, Mª Esther, Nati eta Korito).

Angel Arizmendi prokuradorea zen Donostiako epaitegian eta egunero joaten zen Oiartzundik Donostiara lanera. Horretarako, autoa eta txoferra zituen. Luzio Gallastegi oiartzuarra aritzen zen lan horretan Arizmenditarrentzat.

Arizmenditarrak Oiartzuna bizitzera etorri zirenean, herriko jende asko hasi zen beraientzako lanean: neskameak, morroiak, gidariak… Garai hartarako, estatus ekonomiko handia zuen familia baitzen.

Abertzaleak ziren senar-emazteak eta EAJrekin zuten lotura aski ezaguna zen. Batzokian haien ohiko topalekua zen. RomeroKennedytarrena zen Sein etxean (Makutxo tabernaren ondoko eraikin berrian) zeuden Batzokia eta Euzko Emakume Batza (1932tik 1936ra, behintzat bai). Juanita Aiestaran Euzko Emakume Batzako Oiartzungo lehendakaria izan zen, alegia, EAJren barruko emakumeen erakundearena.

Arizmenditarrek idatzi zuten etxe honetan sartzen dana bere etxean dago sarreran eta lauburuekin apaindu zuten esaldia. Euskarazko esaldi eta lauburu horiek euren kontrako salaketa bihurtu ziren gerora. “Su casa, en cuya fachada figuran tallados sobre las piedras dos emblemas separatistas” irakur daiteke Angel Arizmendiren kontra frankistek egindako txostenean. 36ko gerra ondorenean, lauburu horiek zementuz tapatuta egon ziren urte luzez.

Arizmendi-enean bilera politikoak egiten zituzten: Telesoforo Monzonek kontatu zuen behin, bertan bilera ezkutu bat egiten ari zirela, lorategitik barrena nola ihes egin behar izan zuten.

26

udalainformatzen72.qxp:udalainformatzen57.qxd 18/12/13 20:06 Página 29

Her r iko ber r i Tropa frankistek Arizmendiren kontra egin zuten txostenak honela dio: “su casa ha sido el centro de reunión, donde bajo su dirección se controlaban los Directivos del Partido Nacionalista Vasco toda la política, asistiendo a dichas reuniones tanto el Sr. Alcalde y concejales del anterior Ayuntamiento como los elementos más destacados del presente Partido. Al poco de entrar en esta Villa las Tropas Nacionales tuvo lugar (según se puede comprobar por el cabo Pesquera) con asistencia del Sr. Arizmendi una reunión clandestina de dichos individuos en casa del Presbítero Don José Larrañaga Urbieta, a la cual asistieron además, D. Feliciano Beldarrain Aguirre, D. Leoncio Aranburu y D. Angel o Daniel Urriolabeitia Ibarrola entre otros destacados cabecillas separatistas, cuyos nombres no recordamos”.

andriak jarri ziyona, eta esan omen ziyon: “hara, egunen batian joten baza Oiartzunea, halako etxea, emayozu andriai”.

Arizmendi lenengo disparuan hil omen zen. Zolotik ateratzeko familiko baten batek juezakin jon ber zun izautzea. Eta eaman zuten alaba zarrena. Arizmendik esan omen ziyon apaizari: “Zu nere andriana jotia ta nere alaba ttikiyai muxu bat ematia nahi nuke”. “Ingo dut ba!”. Ta pasa urtia ta etzen etorri, igual hiru bat urte gutxinin. Ta torri zenin, lenbiziko momentuan andriak etzula errezibitu nahi, ta alabak esan ziyoten: “ama! Hoi etzazula in, etorri da behintzat”. Orduan eman zizkiyon gurutzia ta medallak”.

Gerra garaian, etxe eta finka asko eurenganatu zituzten frankistek. Oiartzunen ere hori bai. Arizmendi-enea ere inkautatu zuten frankistek eta 61.100 pezetatan tasatu zuten.

Gerra garaian agintari frankistak Arizmendi-enean bizi ziren, han jarri zuten euren koartel generala. Denboraldi batez, etxekoandrea eta alabak ere han bizi izan ziren, militarrekin, “ongi portatuta aita askatuko” zutelakoan.

Gerra bukatuta, alargun, alabekin Belgikara alde egin zuen Juanita Aiestaranek. Eurekin joan ziren neskame eta morroiak.

Alabetako bat Jose Antonio Agirre lehendakariaren anaiaren emaztegaia zen; han ezkondu ziren.

36ko Gerra eta errepresioa 36ko gerra hasi zenean, frankistek preso hartu zuten Angel Arizmendi, beste hainbat oiartzuar bezala. Arizmendirekin batera, Luzio Gallastegi bere txoferra eta Leontzio Aranburu abokatua –Arizmendiren lankidea eta Oiartzungo udaletxeko zinegotzi izana- atxilotu zituzten. Iruñeko San Kristobal gotorlekura eraman zituzten Arizmendi, Aranburu eta Gallastegi.

Etxekoek eta oiartzuar batzuek (Flora Kennedy Batzokia zegoen etxeko jabeak eta Aginagalde alkate ohiak) ahaleginak egin zituzten Arizmendi askatzeko: San Kristobalen zaintza txandak egiten zituen karlisten buruarekin tratua egin zuten Arizmendieta askatzeko, eta abokatuekin joan ziren Iruñeara. Baina azaldu zirenerako txanda aldaketa egina zegoen eta, Arizmendi eta Aranburu fusilatzera eramanak zituzten.

1936ko urriaren 25ean fusilatu zuten Angel Arizmendi, Leontzio Aranbururekin batera. 50 urte zituen.

Katin Ttiki Elkarteak Mugarrirako Carmen Gallastegi, Luzio Gallastegiren alabaren ahotik jaso zuen Arizmendiren fusilaketaren berri: “Apaizak olibo baten onduan jarri eta esan men ziyoten “nahi bazute konfesatu” eta “zer ba? Hil in ber al digute ba?”.

“Porsiacaso”. Arizmendi geldittu omen zen pasia, seittun konformatu ta bere gurutzia eman omen ziyon apaizai, arrosiyuan bere

Erbestetik Donostiara bueltatu zen Juanita Aiestaran eta uda pasatzera etortzen zen Oiartzunera.

Udalarekin tratua 1999an, Angel Arizmendiren eta Juanita Aiestaranen alabekin tratua egin zuen Udalak, haiek falta ziren egunean etxea Udal jabetzakoa izatera pasatzeko.

Iazko udan hitzarmena aldatu eta Mª Carmen Arizmendik dagoeneko Udalaren esku utzi du eraikina, “kulturarekin eta historiarekin harremana duten gauzetarako erabiltzeko”.

Etxea bitxikeriaz betea dago: sarreran buelta ematen duen liburutegi bat dago, kapila bat goiko solairuan, lorategia du… Dagoeneko, oiartzuar guztien ondasuna dira etxea eta bere historia.

27

udalainformatzen72.qxp:udalainformatzen57.qxd 18/12/13 20:06 Pรกgina 30

iruditan

Euskal Herriko Pilota finala

Iturriozko Santiyuk

AHTren kontrako bizikleta martxa

Xanistebanak

Xanistebanak

Xanistebanak

Xanistebanak

Xanistebanak

Xanistebanak

Xanistebanak

Xanistebanak

Xanistebanak

Xanistebanak

Xanistebanak

Xanistebanak

Xanistebanak

Xanistebanak

Karrikako festak

Gurutzeko festak

Independentistak Artikutzan

EHGAMen kanpaldia Arritxulon

Kizki Eguna Donostian

Ugaldetxoko festak

Herriraren operazioaren kontrako ekimenak

30

udalainformatzen72.qxp:udalainformatzen57.qxd 18/12/13 20:06 Página 31

iruditan

Osasun Mentalaren Nazioarteko Eguna

Aiako Harria BTT

Haurtzaroko ikasleak, Kilometroak Tolosako erronkan

Garagardo Azoka

Giriziaren Mendi Jardunaldiak

“Euskaraz bizi nahi dut” lasterketa

Auto klasikoen erakustaldia

Gastrokulturala

Andra-market

Presoen aldeko bizikleta martxa

Auzoetako Jai Batzordeen desafioa

“Eboluzioa: dinosaurioetatik hegaztietara” erakusketa

Eskola feminista

Flauta eta harpa masterklasa

Bertso Txapelketako kanporaketa

San Nikolas Ttikia

Herri Eskola intsumituak

Imanol Irigoienen ilustrazio erakusketa

Abendu kulturala

Abendu kulturala

Txerri Eguna

Ihesaren kontrako ekimenak

31

udalainformatzen72.qxp:udalainformatzen57.qxd 18/12/13 20:06 Página 32

ABUZTUA-IRAILA ABUZTU UA-IRAILA

Abendua DATA D AT TA

ORDUA ORD DUA

EKI EKINTZA NTZA

LEKUA LEKUA

ANTOLATZAILEA ANTOLATZAILEA

1

08 08:30 8:30

Ur Urte te ber berriko riko ir irteera teera a Aiak Aiako o Har Harrira rira

Done Doneztebe ztebe plazan

Girizia M Mendi Elk Elkartea artea

2

17 7:00 17:00

Ur te ber riari ongietor ria Urte berriari ongietorria

Abar A axka ludotek an Abaraxka ludotekan

a eta Tta-k Udala

3

17 7:00 17:00

euskarraz Zinema euskaraz

Udaletx eko ar reto eto Udaletxeko areto na agusian eta Abaraxka Abaraxka nagusian ludotekan ludotekan

Udala a eta Tta-k

3-4

09:0009: :0022:00 22 2:00

Janari bilk eta bilketa

Alcampon

El -Watan El-Watan

4

17 7:00 17:00

F amilian jolasean Familian

Abar A axka ludotek an Abaraxka ludotekan

a eta Tta-k Udala

5

17 7:00 17:00

Etx eraten ber tso saioa Etxeraten bertso

Elor E soro ok irroldegian Elorsoro kiroldegian

Etx E erat Etxerat

11

06 6:00 06:00

Sk teera (12-18 ur te) Skii ir irteera urte)

Haur H tzarro ik astolatik Haurtzaro ikastolatik

Txirib ribuelta Txiribuelta

13

11:0011: :0013 3:00 13:00

Ikastarroa: Goog le sites Ikastaroa: Google

KZgunean

KZ Zgunea KZgunea

18

19 9:30 19:30

Ar roia Mak usoren piano k o ertua ontz Aroia Makusoren kontzertua

Udaletx eko ar reto eto Udaletxeko areto nagusian nagusian

U Udala

19

-

Haur H tzarro ik astolatik Haurtzaro ikastolatik

Haurtz zaro Mendi Haurtzaro T aldea Taldea

20-31

09: :0009:0011 :00 11:00

Ikastarroa: internet Ikastaroa:

KZgunean

KZ Zgunea KZgunea

26

17 7:00 17:00

Pir ritx, P orrotx eta Marim ototx: “Bizipoza” Pirritx, Porrotx Marimototx:

E soro Elor o kiroldegian kirroldegian Elorsoro

Ugaldetx etxo Kultur Kultur Ugaldetxo Taldea Taldea

Oiartzungo z eharkaldia Oiartzungo zeharkaldia

deialdiak deia aldiak Zuen deialdiak zabaltzeko, bidali proposamenak hilaren 20a baino lehen, komunikazio@oiartzun.org helbidera.