Udalainformatzen70

udalainformatzen70.qxp:udalainformatzen57.qxd 25/03/13 16:18 Pรกgina 1

udalainformatzen70.qxp:udalainformatzen57.qxd 25/03/13 16:18 Página 2

sar r era TELEFONO INTERESGARRIAK Udal telefono zenbakiak

Zerbitzuak

Informazioa 943 49 01 42 Alkatetza 943 49 18 62 Gizarte Ongizatea 943 49 05 52 Hirigintza 943 49 03 77 Kultura 943 49 10 34 Manuel Lekuona Biblioteka 943 49 38 64 Udaltzaingoa 943 49 33 11 Elorsoro Udal Kiroldegia 943 49 25 52 Udal Igerileku irekia 943 49 37 45 Arritxulo Udal Mendi-Aterpea 943 58 00 10 Atez ateko Informazio Bulegoa 900 49 11 11 Etxebizitza Bulegoa 943 49 10 00

Osasun zentroa 943 49 11 01 / 943 49 26 04 DYA 943 46 46 22 Jubilatuen elkartea 943 49 00 02 Zaharren egoitza 943 49 05 38 Taxiak 943 49 14 74 Herribus - Iparbus 943 49 18 01 Posta 943 49 35 74 Epaitegia 943 49 09 13 Nekazal bulegoak 943 49 03 47 / 943 49 06 69 Oiartzun Kirol Elkartea 943 49 36 38 Oarsoaldea eskualdearen garapenerako agentzia 943 49 41 29 Behemendi 943 49 02 19

Turismoa

Hezkuntza

Turismo bulegoa 943 49 45 21 Herri Musikaren Txokoa 943 49 35 78 Luberri Ikasgune Geologikoa 943 26 25 93

Haurtzaro ikastola 943 49 22 12 Elizalde Herri eskola 943 49 01 93 Oiartzungo Udal Ikastola Partzuergoa 943 49 16 59 / 943 49 00 37 AEK Intxixu euskaltegia 943 49 39 57 Helduen Heziketa Iraunkorra (Altzibar) 943 49 00 48

Komunikabideak Oiartzun irratia 943 49 37 11 Oarsoaldeko Hitza 943 34 03 30

Harremanetarako, ekimenen berri emateko, proposamenak egiteko…hau da Oiartzungo udal aldizkariaren helbide elektronikoa:

komunikazio@oiartzun.org

OHAR GARRANTZITSUA Udal aldizkaria euskara hutsean kaleratuko da Oiartzungo Udalak urte asko daramatza euskara normalizatzearen aldeko lana eginez. Aldizkari hau bera, esate baterako, euskara hutsean kaleratzen zen, duela zenbait urte. Horregatik, 2009tik aurrera udal aldizkaria berriro euskara hutsez kaleratuko da.

Nolanahi ere, nahi duenak ale bakoitzaren eduki nagusien laburpena jasoko du gaztelaniaz. Horretarako, ordea, eskaera egin beharko du udaletxeko informazio gunean, 943 49 01 42 telefono zenbakira deituz edo komunikazio@oiartzun.org helbide elektronikora mezu bat bidaliz. Eskaera egitean, nork bere datuak eman beharko ditu, aldizkaria jaso ahal izateko.

NOTA IMPORTANTE La revista se publicará íntegramente en euskera El ayuntamiento de Oiartzun lleva muchos años comprometido con la normalización del euskera. Esta misma revista, por ejemplo, se publicaba únicamente en euskera, hace tan sólo unos años. Por esta y otras muchas razones, a partir de 2009 la revista se volverá a publicar íntegramente en euskera.

No obstante, todo aquel que este interesado tendrá la posibilidad de recibir un resumen de los contenidos más importantes de cada número. Para ello, deberá ponerse en contacto con nosotros, acercándose a la oficina de información, llamando al número de teléfono 943490142 o enviando un correo electrónico a la dirección komunikazio@oiartzun.org. Al realizar la solicitud, el interesado deberá facilitar sus datos, para poder recibir la revista.

Argitaratzailea: Oiartzungo Udala

2

Diseinua eta maketazioa: Dixidu Diseinu Grafikoa

Inprimaketa: Signos

Lege Gordailua: Donostia-1216/91

udalainformatzen70.qxp:udalainformatzen57.qxd 25/03/13 16:18 Pรกgina 3

agur ra

Laikotasuna gai oso interesgarria da politikaren, gizartearen eta kulturaren arloetan eragina duelako. Laicos terminoa grezieraz da eta herriaren boterea esan nahi du. Laicos terminotik legos sortu zen, hau da, gai batekin loturarik ez duena. Estatu laikoak arau zibilen bitartez zuzentzen dira eta ez dute loturarik erlijioekin. Erlijioekin loturarik ez izateak edo erlijioekiko independente izateak zera esan nahi du, erlijioak alde batera uzten direla, erlijioak izan badirela onartzea baina beste kultura, kolektibo eta erakunde batzuen gainetik inolako pribilegiorik ez ematea.

Laikotasunak ez du esan nahi erlijioen kontra egotea. Besterik gabe, erlijioekin loturarik ez izatea adierazten du, baina baztertu gabe edo tratu mesedegarririk eman gabe.

Europako Estatuen artetik, soilik Frantziak jaso du Konstituzioan, esanbidez, laikotasun terminoa.

Aitzitik, Espainiako Estatua ez-konfesionala da, baina ez da laikoa. Bestela esateko, ez du erlijio jakin bat berea egiten baina erlijioen aurrean ez du jarrera neutrala edo independentea izaten.

Espainian, eliza katolikoari hainbat pribilegio eman zaizkio hezkuntzaren arloan (zenbait ikastetxek kristau-erlijioa irakasgaitzat eman dezakete 1979. urtean Estatuak eta Egoitza Santuak irakaskuntzari eta kultura-gaiei buruz sinatutako akordioari esker), baita zergen arloan ere (adibidez, Elizak ez du Ondasun Higiezinen gaineko Zerga -IBI delakoa- ordaintzen). Espainiako Estatuak erlijio katolikoari lehentasunezko tratua ematen diola adierazten duten bi adibide baino ez dira horiek eta, beraz, Estatuak ez du jarrera independentea, ezta laikoa ere.

Erlijioei dagokienez, administrazio publikoaren eta, beraz, Oiartzungo Udalaren egitekoa independentziari eustea da, pertsona, ideologia, kultura eta erakunde guztiekiko tratu-berdintasuna bermatzea. Herritarrei askatasun osoa eman behar die euren printzipio ideologiko eta moralen araberako hautua egin dezaten.

Laikotasunaren bidean, herritarren eskubideak bermatu behar ditugu, bakoitzak bere bizimodua garatu dezan. Ildo beretik, hainbat aurrerapen egin ditugu: hortxe ditugu ezkontza, zeremonia eta ospakizun zibilak. Baina laikotasunaren bide horretan urrats bat aurrera egiteko asmoz, Oiartzungo Udala beste zeremonia zibil batzuk garatzeko lanean ari da, hau da, hiletak, bataioak eta abar. Geure ideiak laster gauzatuko direlakoan gaude, erlijio-praktikatzaile izan ala ez izan, herritar guztiek ospakizun eta errituak berdintasunez eta askatasun osoz garatzeko eskubidea izan dezaten. Hala bedi!

Pello Aramendi Jauregi Gizarte-Ongizate zinegotzia

3

udalainformatzen70.qxp:udalainformatzen57.qxd 25/03/13 16:18 Página 4

udal albisteak ETORKIZUNEKO OIARTZUN DEFINITZEN Datozen urteetan herria nola garatu zehaztuko duen Plan Orokorraren abantzea jendaurrean dago hiru hilabetez Oiartzungo Plan Orokorraren abantzea onartu du Udalak martxoko ohiko udalbatzarrean. Ekainaren 15a arte jendaurrean egongo da, iradokizunak, proposamenak… jasotzeko. Plan Orokorrak orain arte dauden Arau Subsidiarioen bi dokumentuak (2007koa eta 2009koa) batu eta uztartuko ditu, herriaren planeamendu orokorra gaurkotzeko eta optimizatzeko.

Auzoen garapena, mugikortasun eredua, ekipamendu sarea… zehazten ditu Plan Orokorrak. Alegia, datozen 10-15 urteetan urbanistikoki nola garatuko den gure herria. Auzo batzuetako garapenak Arau Subsidiarioen aurreko dokumentuetan onartuak daude, baina dokumentu horietan lantzen ez diren zenbait eremu eta elementuak Plan Orokor berri honetan landuko dira. Honez gain, udalerriarengan eragin dezaketen beste erakundeen planen (Eusko Jaurlaritzatik edota Gipuzkoako Foru Aldunditik datozten proiektuen –AHT, kanpo kaia,…-) aurrean garrantzitsua da Udalak ongi definitua izatea bere irizpideak, zer nahi dugun gure herrirako, zeintzuk diren babes bereziko lurrak…

4

Honez gain, Eusko Jaurlaritzak 2006an onartutako Lurzoru Legeak herri guztiei 2014ko irailerako Plan Orokorrak egitera eta hauek legedi berrira egokitzera behartzen du. Oiartzungo Udala horretan ari da.

Herri ereduaren erdigunea, Elizalde eta auzoak Udalak behin-behinean onartu eta jendaurrean jarri duen abantzearen oinarria herri ereduaren aukeraketan dago. Udalak Elizalde auzoaren zentralitatea mantenduko duen herri eredu bat bultzatuko du eta auzoen garapena era kontrolatuan bultzatuko du (neurrigabeko hazkunderik gabe eta kontrakoa, auzoak garapen gabe gelditzea sahiestuz).

Era berean, urbanismo mota berri bat sustatu nahi du Udalak. Honela, auzoetan etxebizitzak eraikitzeko egitasmoak kooperatiben eredutik bultzatu nahi du. Babes ofizialeko etxebizitzak lirateke, baina auzotarrek eurek sustatuak (Altzibar, Ergoien eta Gurutzeko kasuak lirateke), promotoreen parte-hartzerik gabe. Udalak, bereak diren lurrak utziko lituzke bizilagunen esku.

udalainformatzen70.qxp:udalainformatzen57.qxd 25/03/13 16:18 PĂĄgina 5

udal albisteak Parte-hartze prozesua martxan jarriko da Hiru hilabeteko apean jendaurrean egongo da abantzea (ekainaren 15a arte). Epe honetan, Udalak parte-hartze prozesua egingo du auzoetan, eragileekin eta Hirigintzako Aholku Kontseiluan.

Auzo batzarrak apirilean eta maiatzean egingo dira. Auzo bakoitzean bertarako dagoen planteamendua aztertuko da, zehaztu gabe dauden proposamen batzuk zehazteko. Liburu Txuria ere auzoetara eramango da. Liburu honetan auzotarrek proposamen guztiak idatziz adierazi ahal izango dituzte. Auzo batzarren egutegia zehazten denean, herritarrei jakinaraziko zaie.

Zer proposatzen du Plan Orokorraren aurrerapideak?

ALTZIBAR: - Pasoko errepidearen efektuak gutxitzea (Artikutzako bidea).

- ALT-4ko (Olalde) sarrera antolatzea.

- Hirilurreko orubeei irtenbidea ematea (Pitusa ingurua).

- Bariantearen beharra berraztertu.

- Agerre baserriko lurrekin zer egin behar den aztertu.

ERGOIEN - Babes ofizialeko etxebizitzak gauzatzea lortu.

- Errepidearen efektua gutxitzea eta oinezkoen ibilbideak hobetzea.

- Bariantearen beharra berraztertzea.

- Etxebizitzak eraikitzeko eremuak zehaztea.

GURUTZE - Elizalderekin oinezkoen lotura egitea.

- Etxebizitza gehiago behar ote diren planteatu.

IBARRE - Urbanizazioa publifikatzea.

- Eraikin publikoan alokairuzko etxebizitza sozialak planteatzea.

- Akzesoak hobetzea, gasolindegi ingurura eramatea aztertuz.

- Autobusaren geltokia txukuntzea.

Honez gain, sektore batzuekin lanketa berezia egingo du Udalak: baserritarrak; merkatariak; hezkuntza eragileak; emakumeak; gazteak; hirugarren adinekoak‌ Hirigintzako Aholku Kontseiluan ere gaia lantzen jarraituko da. Dagoeneko sei bilera egin dira gai hau landuz, eta Planeamendu Tailer ireki bat ere bai.

Udaletxean bertan, iradokizunen buzoi bat jarriko da propio gai honekin lotura duten proposamenak jasotzeko.

KARRIKA - Sarrera-irteerari alternatiba bilatzea.

- Auzoarentzako ekipamenduak planteatzea.

- Bidegorria auzoaren bizkarrezur bihurtzea.

LEGARRE - Urkabe mendiko akzesoak hobetzea eta Urkabe mendia berbaloratzea, landa parke izendatuz.

- Bariantearen beharra planteatu.

- Etxebizitza gehiago behar ote diren planteatu.

ZERRADI - Gune industriala handitu behar den edo ez planteatu.

MUGIKORTASUNA - Bidegorriaren bikoizketaren alternatiba aztertu.

- Oinezkoentzako sareak hobetu.

- Egungo errepide sarea optimizatzeko aukerak aztertu.

EKIPAMENDUAK - Urkabe Baita, Arizmendi-enea eta Cadarso eraikin publikoekin zer egin behar den zehaztu.

5

udalainformatzen70.qxp:udalainformatzen57.qxd 25/03/13 16:18 PĂĄgina 6

udal albisteak UDALA, ERAKUNDE LAIKOA Errito zibilak egin ahal izateko baliabideak jarriko ditu Udalak Oiartzungo Udalak laikotasun printzipioa errespetatu eta praktikan jartzeko ibilbidea hasi du. Herritar guztien eskubide zibilak errespetatu eta bermatzeko ezinbestekoa da. Herrian egon litezken sinesmen eta sinesmen ezak modu berean tratatuko dira erakunde publikotik.

Udalak Oiartzunen dauden sinesmen guztiak errespetatu eta inoren aldeko jarrerarik ez du izango instituzio gisa. Gainera, ohituraz erlijioarekin lotuta dauden ospakizunak zibilez ospatu ahal izateko baliabideak jarriko ditu.

Gipuzkoako beste zenbait herritan ere –Tolosa edota Errenteria, esate baterako- laikotasuna errespetatzeko mozioak onartu eta errito zibilak egin ahal izateko bideak martxan jarri dira.

Errito zibilak bermatu nahi ditu Udalak Udalak tradizioz erlijioarekin lotuta egon diren erritoak bide zibiletatik

6

egin ahal izatea bermatu nahi du. Honela, oiartzuar fededunek eta inongo erlijiotan sinesten ez dutenek aukera berak izango dituzte.

Ezkontza zibilak aski errotuak daude dagoeneko gure herrian, baina beste zenbait errito oraindik bide zibiletatik garatu gabe daude: bataioak edota hiletak, adibidez.

Aintzat hartuz herrian -batez ere hileta zibilei dagokionezeskaera egon badagoela, oiartzuarren behar horri erantzuteko saiakera egingo du Udalak. Beilatoki berria guztiz eremu neutralean eraikita dago, eta toki egokia izan daiteke gisa honetako agurretarako.

Dagoeneko, Udala hasi da aztertzen hileta zibilak egiteko zein aukera eta zein pauso jarraitu beharko lirateken. Laster, euren senide eta lagunei azken agurra gisa honetan eman nahi dieten oiartzuarrek aukera izango dute.

udalainformatzen70.qxp:udalainformatzen57.qxd 25/03/13 16:18 PĂĄgina 7

udal albisteak

Herritarren iritziak jasoko dira gaiaren inguruan Gaia herritarrekin lantzeko asmoa ere badu Udalak. Herri batzarren batean gaia landuko da eta, era berean, laikotasunaren arloan lanean dabiltzan herriko zenbait pertsonarekin harremanetan dago. Izan ere, laikotasunaren filosofia dagoeneko nahiko errotua dagoen arren herritarren artean, praktikan oraindik eraiki beharreko kontua da.

Udalak argi eta garbi utzi nahi du laikotasunarena errespetutik abiatutako prozesua dela. Era berean, katolizisimoak urteetan zehar gure herrian izan duen pisu eta garrantziaren kontziente da Udala.

Eliza katolikoarekin herriko gainerako elkarte eta taldeekin duen harremana izan nahi du Udalak. Horrela, elizak antolatutako ekimen eta ekitaldietan parte hartuko du Udalak, erakunde gisa, gonbidatzen dutenetan. Herriko gainerako talde eta elkarteen ekimenetan parte hartzen duen gisa berean.

LAIKOTASUNAREN ALDE OIARTZUNGO UDALAK ONARTUTAKO MOZIOA: Euskal Herriko administrazio ezberdinek herritarren eskubide zibilak bermatu behar dituzte. Euskal botere publikoek bermatu behar ditzuten balio eta printzipio demokratikoak dira, besteak beste, parekidetasuna, adierazpen-askatasuna, ideologia eta sinesmen anitzei errespetua, herritarren arteko berdintasuna, izaera eta joera sexual guztien onarpena‌ Euskal gizartea geroz eta anitzagoa eta laikoagoa bada ere, oraindi orain botere publikoa ez da erlijioen erritoetatik guztiz bereizi.

Gure gizartean laikotasun-printzipioa urra dezaketen ohiturak eta tradizioak ematen direnez, administrazioak urratsak ematen jarraitu behar

du guztion eskubide demokratikoak bermatzeko ahaleginean.

Oiartzungo Udalak, ideologĂ­a eta sinesmen modu oro errespetatuz, bere izaera laikoaren aitortza egiten du. Izaera hori gauzatzeko bidean, Udalak dagozkion baliabideak herritarren eskura jarri behar ditu. Horregatik, historikoki kultura erlijioso batekin lotuta dauden eta gizarteak barneratuak dituen ohiturak modu zibilean gauzatu ahal izateko aukera ere bideratu behar du Udalak.

Benetako garapen demokratikorako bidean urrats bat gehiago izan nahi du ebazpen honek, herriaren aniztasuna errespetatu eta herritar ororen eskubideak bermatzeko.

Ondorioz, Oiartzungo udalbatzak honako akordio hauek hartzen ditu: 1) Oiartzungo Udalak konpromisoa hartzen du gure herrian laikotasunprintzipioa bermatu eta errespetatzeko. Horretarako, herriko eragileekin batera, hausnarketa-prozesu bat abian jarriko du, herritar guztien berdintasuna ziurtatu eta elkarbizitza hobea lortzeko.

2) Oiartzungo Udalak, bere baliabideen arabera, zeremonia zibilen aukera egiten duten herritarrei bitartekoak jarriko dizkie.

3) Oiartzungo Udalak, abuztuaren 3an tradizioz egiten duen udal-komitiba ez du antolatuko. Jai-egitarauan agertzen den eta Udala gonbidatua dagoen beste edozein ekitalditara joango den bezala, Oiartzungo Udalaren ordezkaritza bat bertaratuko da xanistebanetako meza nagusira, herritar katolikoekin ere dagokion konpromisoa betetzeko.

7

udalainformatzen70.qxp:udalainformatzen57.qxd 25/03/13 16:18 PĂĄgina 8

udal albisteak Irrigintza jaia, eskualdeko Irrien Lagunen topagune Abendu hasieran Oarsoaldeko Irrien Lagunak Irrigintza jaian elkartu ziren Elorsoro kiroldegian.

Eskualdeko lau herrietako haurrak, gurasoak, hezitzaileak‌ elkarrekin ospatu zuten aisialdi proiektu euskaldun eta herrikoi hau martxan jarri berri dela.

Irrati Kontseilua sortu da Oiartzun Irratiaren barne funtzionamentua gaurkotu eta hobetzeko asmoz, Irrati Kontseilua sortu da. Langileek, kolaboratzaileek, langile ohiek, entzuleek eta Udal ordezkariek hartzen dute parte bertan. Helburua, herritarren eta irratiaren arteko harremana estutzea da, eta irratiko langileak babestuak sentitzea.

Oiartzueraren lanketa eta euskararen motibazio saioak Oiartzueraren motibazio saioak egin dituzte Udalak eta Ttur-Ttur Euskaltzaleon Bilguneak.

Udal Gobernu Taldearekin, Haurtzaro ikastolako eta Elizalde Herri Eskolako langileekin oiartzueraren motibazio saioak egin dira. Herriko eragileekin tankera honetako motibazio saio egitea aurreikusten da. v Era berean, Elizalde Institutuko eta Haurtzaro Ikastolako DBH 3. eta 4. mailako ikasleekin ere euskararen motibazio saioak egin dira, Ttur-Tturrek gidaturik.

8

udalainformatzen70.qxp:udalainformatzen57.qxd 25/03/13 16:18 Pรกgina 9

udal albisteak Udal Ikastola Partzuergoa eta Elizondoko haur eskola elkar ezagutzen Hik Hasik espazioaren antolaketaren inguruan emandako ikastaro baten barruan Oiartzungo eta Elizondoko haur eskolek euren ereduaren berri eman dute, kalitatearen adierazle. Horren harira, Udal Ikastola Partzuergoko arduradun eta irakasleek Elizondoko haur eskola ezagutu dute. Nafarren bisita ere jaso zuten urriaren 12an, Elizondotik Oiartzungo Udal Ikastola Partzuergoa ezagutzera etorri baitziren.

Harri Beltza eta Udala, elkarlanean Hiesaren kontrako nazioarteko Egunaren harira (abenduak 1), Harri Beltzak eta Udalak indarrak batu zituzten herritarrak gaiaren inguruan informatzen eta sentsibilizatzen jarraitzeko.

Mahai informatiboaz gain, If Matxikote artista lapurtarraren erakusketa egon zen ikusgai udaletxean eta Elizalde Institutuko eta Haurtzaro Ikastolako DBH 4. mailako ikasleei hitzaldiak eman zizkien Joseba Errekalde Harri Beltzako lehendakariak.

Esperientzia Eskolan, 13 ikasle Esperientzia Eskola 13 ikaslerekin jarri da martxan ikasturte honetan. Iazko proba positiboa izan zen eta ondorioz, ikasturte osoan emango diren eskolak jarri dira martxan 50 urtez goitiko herritarrentzat. Eurek erabakitzen dituzten gaiak jorratzen dira, zahartzaro aktiboa eta sozializazioa sustatzea helburu duen egitasmoan.

9

udalainformatzen70.qxp:udalainformatzen57.qxd 25/03/13 16:18 Pรกgina 10

udal albisteak Ibarreko ur-sareko jarioa konpondu da Iturriozko Ibarre eremuko ur-sarean ur-jarioa zuen kutxatila batek.

Udaletxeko brigadak ihesa konpondu du, ur-sareak egoki funtzionatzeko eta alferrikako galera eta xahutzerik egon ez dadin.

Arritxuloko luizia, konponduta Arritxulon 2011ko azaroko uholdeek luizia eragin zuten eta orain, Gipuzkoako Foru Aldunditik jasotako diru-laguntzari esker, konpondu egin da.

Kalte handiak eragin zituzten uholdeek Arritxulo inguruan.

ZUZENKETA 69. Udala Informatzen aldizkarian Altzibarko parrokiara irisgarritasuna hobetzeko arrapala Udalak egin zuela argitaratu genuen. Parrokia bera izan da lan horiek egin dituena. Barkamena eskatzen dugu gaizki ulertuarengatik.

10

udalainformatzen70.qxp:udalainformatzen57.qxd 25/03/13 16:18 Pรกgina 11

udal albisteak Errenteriako eta Lezoko Agenda 21en bisita Errenteriako eta Lezoko Agenda 21eko teknikari eta arduradunak atez ateko bilketa sistema eta konposta egiteko moduak ezagutzen izan dira azken hilabeteetan gurean (Lezok udaberri honetan jarriko du martxa atez ateko bilketa). Honela, herriko ikastetxeak ere bisitatu zituzten, hondakinen bilketa selektiboa nola aplikatu duten azaltzeko.

Arditurrin gazta dastaketa, Santa Barbara eta txondorra Arditurrin gazta dastaketa egin zen Ramon Lizeaga gaztagilearen eskutik. Santa Barbara eguna ere ospatu zen, tren berdearekin eta bisitak prezio berezian eskainiz.

Baina akaso, txondorra piztea izan da azken hilabeteetako ekitaldi bereziena.

Garai bateko ikazkinen lana gogora ekarriz, txondorra piztu zen eta astebetez piztuta egon zen. Itzaltzeko orduan, Olentzeroren Laguntzaileek ikatza atera zuten eta abenduaren 24an, plazara eraman zuten ikatz hori.

Bolumen handiko hondakinen bilketa, hilean bitan Bolumen handiko hondakinen eta altzarien etxez etxeko bilketa hilabeteko lehendabiziko eta hirugarren ostegunetan egingo da aurrerantzean, goizez.

Orain arte bezala, bolumen handiko hondakin bat atera behar duenak aldez aurretik Atez Ateko Informazio Bulegoarekin harremanetan jarri beharko du, haren etxetik pasatzeko eskatzeko (900 49 11 11 edo Mendiburu kaleko 5ean, 08:00etatik 15:00etara).

11

udalainformatzen70.qxp:udalainformatzen57.qxd 25/03/13 16:18 Pรกgina 12

udal albisteak Kirol aholkularitza zerbitzua Gazte Informazio Bulegoan Gazte Informazio Bulegoak Kirol Aholkularitza zerbitzua eskaintzen du asteartetan 18:15etik 19:30era. Jokin Agirre teknikaria da kirolaren arloko edozein zalantza argitzen saiatzen dena. E-mail bidez (kirolaholkularitza@gmail.com) eta telefonoz ere (943 49 11 05) egin daitezke kontsultak.

Eskola Pilotan, neskekin saiakera berezia

Eskola Pilotan nesken parte-hartzea sustatzeko ahalegin berezia egin da aurten ere. Pilotan aritzen diren nesken kopurua nahiko ttikia izaten da, baina aurtengo ikasturtean ere lortu da taldea ateratzea.

Elorsoroko egutegia erabiltzaileekin zehaztu da Aurten, bi astez itxiko da Elorsoro kiroldegia abuztuan eta udako bi hilabeteetan ordutegi berezia izango du: 07:00etatik 20:00etara. Erabiltzaileei bi egutegi proposamen aurkeztu zitzaizkien eta hiru astez, euren iritzia emateko aukera izan dute. Guztira, 84 lagunek eman dute iritzia.

12

udalainformatzen70.qxp:udalainformatzen57.qxd 25/03/13 16:18 Pรกgina 13

udal albisteak

Zuhaitz Eguna, Katatxulobordan Karrikako Katatxulo parajean egin da aurtengo Zuhaitz Eguna. 350 oiartzuar elkartu ziren auzolanean 750 zuhaixka eta zuhaitz aldatzeko. Udalak, esker ona adierazteko, hamaiketakoa eskaini zien bildutakoei.

Mugi, Gipuzkoako garraio publikoaren txartel bakarra Gipuzkoako Foru Aldundiak Gipuzkoako garraio publikoa erabiltzeko txartel bakarra sortu du: Mugi. Txartel bakar honekin Gipuzkoako garraio publiko gehienetan lehendabizik bidaiatik deskontuak izango dituzte erabitzaileek. Mugi txartelaren barruan daude Xorrola eta E2, E4 eta E7 autobus lineak.

Udalbiltzaren berrosaketan, Oiartzungo hautetsiak Euskal Herriko zazpi herrialdeetako 1.200 hautetsi baino gehiagok parte hartu dute Udalbiltza erakundearen berregitean. Horien artean, Oiartzungo Udaleko Bilduko zinegotziak ere han izan ziren. Euskal Herriko Udalen eta herrialdeen arteko elkarlana eta kooperazioa bultzatzea da Udalbiltzaren ildoetako bat, Euskal Herria herri gisa eraikitzeko urrats modura.

13

udalainformatzen70.qxp:udalainformatzen57.qxd 25/03/13 16:18 Pรกgina 14

udal albisteak Manuel Lekuonaren heriotzaren 25. urteurrena On Manuel Lekuonaren heriotzaren 25. urteurrenean, Euskaltzaindiak Zuzendaritza bilera egin zuen Oiartzunen, azaroaren 7an. Egun horretan bertan, Udalak, Euskaltzaindiak eta Euskal Herriko Bertsozale Elkarteak kultur ekitaldia antolatu zuten On Manuel zena gogora ekartzeko. Honen senideak ere bertan izan ziren. 1988an Udalak On Manuel herriko seme kutun izendatu zueneko agiriaren erreplika bana jaso zuten Lekuonaren ilobek.

Kontxa Murgiari omen, euskaraz eta galegoz Aurten ere Kontxa Murgia omentzeko elkartu gara euskaldunak eta galiziarrak. Ohiko lore eskaintzaz gain, aurten, poesia errezitaldi musikatua ere izan da Xose Estevez, Arantza Lete eta Jose Angel Irigarayren eskutik, euskaraz eta galegoz.

Makuso eta Sagarzazu, herriko musikarien lana jendaurrean Aroia Makuso eta Nestor Sagarzazu herriko bi gazte dira, biak musikari profesionalak eta Paris inguruan bizi direnak. Biek euren artea uztartu eta kontzertua eskaini zuten pianoarekin eta biolontxeloarekin sei pieza joz.

14

udalainformatzen70.qxp:udalainformatzen57.qxd 25/03/13 16:18 Página 15

udal albisteak Eskualdeko alkateak, euskal presoen eskubideen alde

Euskal presoen eskubideak errespetatzearen alde Herrirak urtarrilaren 12an Bilbon egindako mobilizazio erraldoiarekin bat egin zuten eskualdeko lau alkateek.

Aurrekontuak lantzeko batzarretan, 164 herritar 2013ko aurrekontuan lantzeko auzo batzarretan 164 herritarrek parte hartu dute. Udala pozik dago, parte-hartzaileek jarrera aktiboa erakutsi zutelako eta herritar gisa zituzten kezkak, proposamenak… helarazi zizkiotelako Udalari. Aurrerantzean herritarren parte-hartze errealerako egitasmoak aktibatzen jarraitzeko asmoa du Udalak.

‘Kontzejutik’ sortu du Udalak, herritarrak informatzeko Udalak herritarrak informatuta mantentzeko udal aldizkari berria sortu du: Kontzejutik. Hilero banatuko da etxez etxe (Udala Informatzen dagoenetan izan ezik) eta orain arte Udalak ematen zituen bi zerbitzu bateratu eta hobetuko ditu: Gotti Betti agenda eta Aski Prexko! aldizkari digitalaren udal albisteak eta herriko berriak.

15

udalainformatzen70.qxp:udalainformatzen57.qxd 25/03/13 16:18 Pรกgina 16

udal albisteak 2013ko aurrekontuetan, gizarte-ongizateak garrantzia 2013ko aurrekontuetan, gizarte-ongizate saila bere horretan mantendu da. Partida bakanetarikoa izan da murrizketek eragin ez diotena, izan ere, bizi dugun krisi garai honetan ezinbestekoa da gizarte-ongizate indartsua duen Udala, herritarren bizi kalitatea zaintzeko.

Emakumeen Egunaren harira, borroka feministari aitortza Martxoaren 8aren harira herriko emakume taldeek antolatutako ekimenekin bat egin du Udalak, baita eskualdeko gainerako Udalek ere. Adierazpen instituzionala ere onartu zuen Bilduko Gobernu taldeak martxoaren 8aren aurretik, borroka feminista aitortuz eta borroka horri esker emakumeek parekidetasunaren bidean lortu dituzten aurrerapauso eta eskubideen garrantzia azpimarratuz.

Herriko kultur ondarea digitalizatu da Mugarri bilduma (1994tik 2011 urte artekoak) eta Oiartzun urtekariak digitalizatu eta sarean daude, edonoren eskura Eusko Jaurlaritzaren http://www.liburuklik.euskadi.net atarian. Bertan, bilatzailean Mugarri edo Oiartzun aldizkaria jarri eta pantailaren eskuineko aldean agertzen den egutegian urtea aukeratuta iritsi daiteke interesatzen den zenbakira.

16

udalainformatzen70.qxp:udalainformatzen57.qxd 25/03/13 16:18 Página 17

udal albisteak PLENOAK 12/10/31. Catelsako langileekin bat.

Udalak Catelsako langileek enpresa ixtearen kontra aurkeztutako mozioaren alde egin zuen ahobatez. Arraguako Lintzirin poligonoan zegoen enpresa 2012an ixteko asmoa adierazi zuen Hutchinson-Total Frantziako multinazionalak. Udalak Catelsa ixtea “dramatikoa” dela esan zuen.

Era berean, 2013 urterako tasa eta zergak onartu ziren (Bilduren aldeko botoekin; EAJ kontra). Orokorrean, zergak %2,4 igo dira (abuztuko KPI adina) eta tasak %3,5, BEZaren eraginez (zati bat Udalak bere gain hartuko du, herritarrentzako gehiegizkoa izan zitekeelako). Udaletxean Espainiako bandera jartzea behartzen duen epaiari helegitea jartzea ere onartu zen ahobatez.

zatu ez ziren inbertsioak hobetu eta 2013an gauzatzea aurreikusten dela aipatu zuen Aiora Perez de San Romanek.

Udalbatzar honetan Catelsako langileak gogora ekarri zituen Bilduk, dagoeneko enpresa itxita “besarkada” bidali baitzieten.

13/01/30. Kultur, kirol eta hezkuntza eragileentzako laguntzak.

Kirol, kultur eta hezkuntza eragileentzako 2013ko diru-laguntzak onartu ziren udalbatzar honetan, ahobatez. Honela, Udal Ikastola Partzuergoak, Haurtzaro Ikastolak, Soinuenea Fundazioak, Luberri Ikasgune Geologikoa Fundazioak eta OKISAk 2013an euren funtzionamendurako Udaletik jasoko duten diru-kopurua zehaztu zen.

Abendua eta urtarrileko protokolo gastuen berri ere eman zen: 104,79 € otordu eta bidaietan.

13/02/27. Parot doktrina bertan behera uzteko eskatu du Udalak.

197/2006 (Parot doktrina) doktrinaren kontra Bilduk aurkeztutako mozioa onartu zen (EAJ eta H1!-n abstentzioarekin), Parot doktrina bertan behera uzteko eskatuz eta doktrina hau aplikatu zaien euskal preso politikoak aske uzteko eskatuz. Bilduko zinegotziak Giza Eskubideak. Irtenbidea. Bakea. Euskal presoak Euskal Herrira zioen txartela jantzita hartu zuten parte udalbatzarrean.

12/11/28. Etxegabetzeak gelditzeko eskatu du Udalak.

Oiartzungo Udalak etxegabetzeak bertan behera uzteko eskatu zuen. Bilduk eta EAJk mozio bana aurkeztu zuten gaiaren inguruan (eta bakoitzak berea defendatu zuen; H1!-k EAJrena defendatu zuen). Oiartzungo Udalak etxegabetzeekin duten jarretaren arabera, finantza erakundeekin dituen harremanak berrikusiko ditu eta ez du etxegabetzeetan lagunduko. Era berean, herritarrei informazioa eskainiko dio kasu hauetan.

Alzheimerrarekin herri solidarioa ere bada Oiartzun udalbatzar hau geroztik, AFAGIk eskatuta, ahobatez onartu zen adierazpena. Era berean, Bilduk martxoaren 8aren harira, borroka feminista errekonozituz adierazpen instituzionala irakurri zuen.

Otsailean protokolo gasturik ez zen izan.

Behemendiko udal ordezkari berria Oihan Tello Bilduko zinegotzia izango da. Urrian, 57,55 € gastatu ziren Udalak protokolo gastuetan.

12/12/20. 2013ko aurrekontuak onartu dira.

2013ko aurrekontuak eta udal ordenantzak onartu ziren, Bilduren aldeko bozkekin eta EAJren kontrakoekin. 2012an gau-

17

udalainformatzen70.qxp:udalainformatzen57.qxd 25/03/13 16:18 PĂĄgina 18

ir itzia Manuel Lekuona bibliotekak 20 urte bete ditu.

Zertarako erabiltzen duzu?

Odei Ezeiza Erabiltzen dut ikasteko, azterketa garaietan, eta bideoak hartzeko. Bazkide naiz umetetik. Gogoratzen naiz 200 pezeta ordaindu genituela txartela egitea, argazkiarekin, eta gaur arte. Asko irabazi zuen azterketa garaietan beheko lokala ordutegi zabalgoarekin ireki zutenean. Nik eskertuko nuen nire ikasle garaietan, baina lortu izanaz pozten naiz. Interneteko zerbitzurakoe re erabiltzen dut. Liburutegi atsegina da, nahiz eta eremua ttiki gelditzen ari den.

Mikel Larraia Joan izan naiz liburuak hartzera edo kontsultat egitera, baina ez gehiegi. Garai batean, aldizkari batzuk ikusteko ere joaten nintzen. Orain, gehien erabiltzen duena nire alaba da. Ikasteko, irakurtzeko liburuak hartzeko‌ Bederatzi urte dauzka.

Inaxi Lasa Bazkidea naiz, baina ez dut erabiltzeko ohiturarik. Bost urteko haur bat dut eta berari ere ez zaio gehiegi gustatzen. Gauzak ikusten hasten da, baina ez da asko entretenitzen ipuinekin.

Agurtzane Lekuona Gaur bertan, etxean ez naiz kontzentratzen eta lanak egitera noa. Iaz, master bat egin nuen eta dexentetan etortzen nitnzen. Beheko lokala itxita zegoenean goian egote nintzen 9tatik 13tara eta arratsaldean, berriz. Lokala irekitzean askoz hobeto, ordutegia neronek erabakitzeko aukera nuelako. Ttikitatik naiz bazkide. Ez naiz liburu asko hartu ditudan pertsona horietako bat. Garaiak izaten ditut: hilabete batean hiru hartu ditzaket eta gero urtetan bakar bat ere ez.

Gehien bat, ikasteko erabili dut. Eta txikitan ikastolako lanak egiteko ere bai.

18

udalainformatzen70.qxp:udalainformatzen57.qxd 25/03/13 16:18 Pรกgina 19

ir itzia Olatz Retegi Batez ere azterketa garaian erabiltzen dut, goiko solairua lanak egiteko eta ikerketa proiektu bat egiten ari naizenez, bibliografiarako liburuak aurkitzeko erabiltzen dut. Ttikitatik naiz bazkide. Lehen ikastolako taldelanak egiteko ere etortzen ginen. Batxillergoak hasi nintzen gora etortzen ikastera.

Joseba Sein Nik azkenaldian ez dut asko erabili, baina oso ongi iruditzen zait azkeneko urtetan ikasleei jarri zaizkien erraztasunak. Ikasketak bukatu nituenetik, ikasten ari naiz baina etxean moldatzen naiz. Baina nire iritzia egokia da liburutegian aukerak ematae, batez ere ikasleei begira egutegi aldetik malgutasuna ematea. Hortik aurrera, ezin dut ezer asko esan urte batzuk baitira ez dudala erabili.

Martxel Toledo ESAITeko artxiboa egiteko etortzen naiz, egunkariak begiratzera. Badira bospasei urte hori egiten dugula, hemen egunkari gehienak daudelako. Herritar gisa, gutxiago erabiltzen dut. Familian, semeek erabiltzen dute, baina nik lanerako erabiltzen dut batez ere.

Francisco Javier Tolosa Nik ez dut erabiltzen, baina alabek bai. Haiek beren haurrekin joaten dira askotan.

19

udalainformatzen70.qxp:udalainformatzen57.qxd 25/03/13 16:18 Pรกgina 20

auzoak Altzibar Gaztelekun diskoak grabatzeko estudio ttiki bat antolatu dute bertako gazteek. Besteak beste, taldeentzako maketak grabatzeko lagungarri izan daiteke gune hau. Bertan darabilten programa erabiltzen ikasteko ikastaroa antolatu zuten iaz. Gaztelekuko gazteek edozeinentzako grabaketa gela irekita dagoela jakinarazi dute.

Arragua Hutchinson multinazionalak Arraguan zuen Catelsa lantegia ixteko erabakia hartu zuenean, Udala bertako Langile Batzordeko kideekin bildu zen, Udalaren elkartasuna erakusteko asmoz eta euren egoera bertatik bertara ezagutzeko. Udalak enpresen deslokalizazioa. 61 langile lanik gabe gelditu dira enpresa itxita.

20

udalainformatzen70.qxp:udalainformatzen57.qxd 25/03/13 16:18 Pรกgina 21

auzoak Elizalde Doneztebe plazan Sarastiene eta Killirikupe etxeetako teilatuak kalteak izan dituzte azkenaldiko haizete eta euriteekin, eta bien zatitxo batzuk beheiti erori dira.

Ergoien Auzolan saioa egin zen Auzokalte inguruan abenduaren 6an. Auzotarrek aspaldi egindako eskaera aintzat hartuz, auzoko elkartearen ingurua txukundu zen. Udalak baliabide materialak jarri zituen. Auzotar eta Auzolan Brigadako kideen artean, 25 lagun elkartu ziren.

Auzokalten bertan, gosari goxo-goxoa ere dastatu zuten.

21

udalainformatzen70.qxp:udalainformatzen57.qxd 25/03/13 16:18 PĂĄgina 22

auzoak

Gurutze Anderregiko hilarri erromatarraren erreplika jarriko du egun hauetan herriko Nafarroa Bizirik taldeak Beloaga Gaztelua bisitatzeko markatuko den bidean (Arkaleko bidean). Hain zuzen ere, Nafarroako Erresumako gazteluetara joateko markatuko diren ibilbideekin liburu bat argitara aterako da datozen asteetan et ahorren baitan kokatzen da ekimena.

Iturriotz Auzoko emakumeak Udalak utzi eta auzotarrek auzolanean egokitutako lokalean biltzen dira astero. Bertan tertulian aritzen dira, kartetan, josten‌ Gizarteratzeko toki eta aitzakia paregabea da iturrioztarrentzako lokal hau. Egunaren arabera, baina zenbaitzutan 10-12 lagun elkartzen dira.

22

udalainformatzen70.qxp:udalainformatzen57.qxd 25/03/13 16:18 Pรกgina 23

auzoak Karrika Karrikan 10 etxebizitza familiabakarreko berri eraikitzeko lanak hasiko dira laister. Arraskue errotatik eta Errotaurre eremuan, Arraskue azpian, Oiartzun Karrika Kooperatiba Elkartea da etxebizitzak egingo disuena.

Ugaldetxo

OKEko talde nagusiak denboraldi ona ari dira egiten aurtengoan ere. Lehenengo Erregionaleko taldea (mutilak) sailkapeneko liderra da azken asteetan eta estatuko Bigarrena Mailako taldea (neskak) hirugarren daude sailkapenean.

23

udalainformatzen70.qxp:udalainformatzen57.qxd 25/03/13 16:18 Página 24

her r iko ber r i AUZOLAN BRIGADA: “Oiartzunen jendeak ulertu du auzolanaren filosofia” Ramon Gaztelumendi auzolan brigadako kideetako bat da. Udalarekin elkarlanean, honek auzoetan jasotako beharrak aztertu eta auzolan saioak plangintzatzen dituzte: zein material behar den zehaztu, lanak egiteko beharrezko denbora kalkulatu,...

Ondoren, auzotarrekin, herritarrekin eta Udalarekin elkarlanean, guztiek batera gauzatzen dituzte auzoak eta herria orokorrean hobetzeko lanak.

Auzolana. Nola definitzen duzue Auzolan brigadan zabiltzenek?

Badaude lan asko ikusten genituenak hor zeudenak, egin gabe, baina guk ez dugu ulertzen auzolana arlo ekonomikotik bakarrik. Krisi egoera batean gaude eta atera behar dira aurrera lan horiek; hori ere bai, argudio bat da, baina garrantzitsuena jendearen arteko batuketa da.

Elkarren arteko giroa sortzea. Auzotarrak geroz eta gutxiago ezagutzen gara herria handitzen doan heinean, eta pentsatzen genuen jende elkarrekin egoteko aitzakia izan zitekeela lana egitea, auzolana.

Auzoarentzako onura da batetik, eta bizilagunentzako ere bai. Elkar ezagutzeko eta elkarrekin egoteko aukera da, herri baten esentzia indartzeko.

Auzolana ez dela ezer berria aldarrikatu duzue. Arbasoen lan moldeak berreskuratzea zergatik iruditzen zaizue garrantzitsua?

Lehen baserriak zeuden, nekazaritzaren sektorea askoz zabalduagoa zegoen eta elkar laguntzeko joera bazegoen. Gaur egun, hori galdu da.

Balore asko zaintzen eta lantzen diren dinamika da auzolana. Ez guretzako bakarrik, batik bat gure atzetik datozen gazteei begira herentzia polita da. Indibidualismoa oso sartua dugu gure gizartean, gure gazteek hori ikusten dute. Balore asko daude zerrendatuak eta horiek denak nahi ditugu egungo bizitzan.

Bi saio egin dira orain arte, bidegorrian eta Ergoienen. Zer moduzko sentsazioa duzue?

Oso ona. Jendea oso pozik aritu da, jendeak errepikatu egin du bi saioetan. Hirugarrena martxan jartzen ari gara, berriz bidegorrian, oraindik bukatu gabeko lanak egiteko. Eguraldi ona behar genuen margoketa lanak direlako, eta hemendik aurrera hasiko gara. Auzolana negurako, kanpoko lanerako, gogorragoa da.

Auzolanean nor aritu daiteke?

Edonor. Auzolanerako lanak ez dira oso kualifikatuak, edonork hartu dezake pala bat edo erratz bat, sasi batzuk kentzen lagundu, margoketa lanetan aritu.. Lan sinpleak izaten dira. Lan kualifikatuak jende profesionalak egin behar du. Adibidez, orain ikusten ari gara auzolan bat izan daitekeela labadero zahar bat berreraikitzea, erorita dagoelako, baina lan kualifikatua da. Profesionaleikin harremanetan jartzen ari gara –harginak, igeltseroak, arotzak…- borondatez, herriarentzako patrimonia izango den lan bat egiteko, auzolanean. Hori mugatuagoa da. Ezingo luke edonork eskua bota, oinarri edo ikasketa batzuk behar direlako.

Baina hori beste eremu bat da. Gure asmoa, oraingoz, edonork egin dezakeen lanak egitea. Haurretatik hasita. Bidegorriko hurrengo saioa Oiartzungo Irrien Lagunek batera egin nahi dugu, esaterako.

Auzolan Brigadak nola funtzionatzen du?

Udalak behar batzuk planteatzen ditu, auzoetan egiten dituen bileretan jasotzen dituen proposamenetatik. Auzolan Brigada honetan gremio diferenteak ezagutzen ditugun jendea gaude: igeltseroak, margolariak, elektrikariak, lorazainak, basozainak… Horiek ikuskatu eta antolatzen dugu lan hori, udaletxearekin zehaztuz zein material behar den eta auzotarrekin zenbat jende behar litzatekeen lanak egiteko. Gero, lan hori egiten da harmonian, denak elkarrekin bazkaldu eta giro polita sortzen da. Udala eta auzoaren arteko zubi-lana egiten dugu, nolabait.

Aurrerantzean auzolan saio gehiago egingo dira. Zer duzue burutan?

Hortan gabiltza. Ugaldetxo auzoan ere badaude behar batzuk eta auzotarrak prest daude lan horiek egiteko. Auzolana Oiartzunen jendeak ulertu du. Gehien bat, arbasoek egiten zutelako eta ez delako gauza berri bat.

Jendeak etxean eta baserrietan entzun du honi buruz hitz egiten, eta parte ere hartu du. Horrek dakar jendeak auzolana begi onez hatzea.

24

udalainformatzen70.qxp:udalainformatzen57.qxd 25/03/13 16:18 PĂĄgina 25

her r iko ber r i Akaso batzuei auzolana musutruk aritzea edo profesionalei lana kentzea dela iruditu lekieke. Zer esango zenieke horrela pentsatzen dutenei?

elkarlanean aurrera atera daitezkeelako lan batzuk bestela egingo ez zirenak, eta bolondreski egiten dugu. Ez goaz inori lanik kentzera, ezta gutxiago ere.

Auzolana denok egiten dugu, era batera edo bestera. Ugaldetxora joaten naizenean eta jende pila bat ikusten dudanean futbol-taldeak entrenatzen, gazteak partidoetara eramaten‌ Jende hori ere auzolanean ari da. Hori kritikatuko duena ez da konturatzen, ziurrenik bera ere auzolanean aritu dela behin baino gehiagotan. Auzolanaren helburua ez da inori lana kentzea, ez du helburu merkantilistarik. Auzolana egiten dugu

Auzolan Brigadatik, zein mezu zabalduko zenieteke oiartzuarrei?

Auzoetan udaletxeak egiten dituen bileretan dauden beharrak planteatzea oso garrantzitsua da. Gero udaletxeak koordinatuko bailuke gurekin egin beharrekoa. Filosofia eta espiritu honetan parte hartzera deituko nituzke oiartzuarrak.

25

udalainformatzen70.qxp:udalainformatzen57.qxd 25/03/13 16:18 Página 26

Her r iko ber r i ANTZERKI GARAIA DA! Antzerkiaren aldeko apustua egin du Udalak, Oiartzungo Antzerkizaleekin batera ttikienetik hasita helduak arte, adin guztientzako eskolak martxan jarri dira

Antzerkiaren aldeko apustua egin du Udalak, Oiartzungo Antzerkizaleekin batera. Haurrekin eta helduekin taldeak sortu dira, antzerkigintzan aritzeko. Guztira, 90 lagunetik goiti ari dira antzerkia ikasten eta tarteka antolatutako antzezlan emanaldiekin (Hura ez da lekua, Erreleboa, Munstroa, Ez gara Palestinaz ari…) giroa piztu nahi da herrian.

HAURRAK Haurtzaro Ikastolan eta Elizalde Herri Eskolan bost talde dabiltza antzerkia egiten, Lur Korta eta Lur Usabiaga irakasleekin. Izaro, Kattalin, Malen, Alazne, Lohizune, Lide, Naiara, Leire, Lucia, Katixa… gustura joaten dira eskoletara. Kortak dionez: “horrekin lanaren erdia egina dago”.

Hasierako hilabeteetan, ariketak eta inprobisazioa lantzen aritu dira antzerki klaseetan. Orain, ikasturte bukaeran jendaurrean antzezteko lanak prestatzen ari dira: “Inprobisazioetatik lantzen dugu gehien bat, ez testu jakinetik”.

“Antzerkira etortzen direnean konturatzen dira alde guztiak ez dituztela hain gustuko –adibidez, eseri eta gidoiak idaztea-, dena ez da jolasten aritzea, baina egin behar dira”, dio Kortak.

GAZTETXOAK Lur Korta bera da ostiralero DBH eta batxillergoko gaztetxoekin elkartzen dena antzerkia egiteko Elorsoro kiroldegiko funtzio anitzetako gelan.

“Talde honek heldutasun gehiago du, eta hori nabaritzen da gauzak lantzeko orduan. Testu luzeagoak egin ditzakegu”, dio Kortak.

Ahotsa, gorputza, adierazko moduak… lantzeko ariketak egiten dituzte eta testuak l andu, batez ere. “Hau bukatzean Helduen Tailerretan antzerkiarekin jarraitu dezakete, eta ikusi behar dute zer datorren”, dio Kortak.

Aritz, Intza, Luka, Udane, Leire, Lur... eta taldeko gainerakoak izan dira, adibidez, aurten Harutzaro Ikastolako inauteriako ikuskizun nagusia aurkeztu dutenak. “Gustatuko litzaidake antzerkiarekin jarraitzea. Oso gustura daude, baina esperientziak erakutsi dit oso onak diren ikasleek beste bide batzuk hartzen dituztela”.

“Beharrezkoa ikusten dut proiektu hau. Talde pila bat atera dira. Duela lauzpabost urte ez zegoen ezer eta aukera ematea antzerkia probatzeko izugarria da. Falta dena da antzerkiak ekartzea da, adin guztientzako. Buruan darabilgu maiatza aldera topaketa antzeko zeozer antolatzeko”, uste du Kortak.

26

udalainformatzen70.qxp:udalainformatzen57.qxd 25/03/13 16:18 Página 27

Her r iko ber r i HELDUAK Aurten, Helduen Tailerren baitan ere egin da antzerkia ikasteko eskaintza. Edurne Agirrezabala dabil irakasle lanetan eta momentu honetan, 8 bat ikasle daude taldean. “Jendea ilusioarekin dator. Ez gara beti denak biltzen, lan kontuak eta ezinezkoak tarteko, baina etortzen dena gogoz datorrela ikusten da”.

Agirrezabalak “saioa berotuz hasten gara. Testuak lantzen eta inprobisazioak egiten aritu gara”. Arantxi, Jesus, Pili, Usoa, Margari, Nati… orain emanaldia prestatzen ari dira, monologo eta bakoitzak sortutako lanaren bitartez. “guk egindako inprobisazioekin nahikoa material bagenun. Antzerkia jendaurrean neurtzen duzu, hor hartzen du norberak protagonismoa”.

Agirrezabala baikorra da egitasmoarekin: “Ez da erraza izaten gisa honetako egitasmoak martxan jartzea, esperientzia askotako jendea elkartzen denean zaila delako bideratzea eta denen gustukoa izaten. Hau hasiera baino ez da, ziur datorren urteko beste enfoke bat izango dugula”.

27

udalainformatzen70.qxp:udalainformatzen57.qxd 25/03/13 16:18 Pรกgina 28

iruditan

Garagardo Azoka

Udazken Festa

Joko Zuzenak

Hauteskundeak

Mendiko finalisten eguna

Flyschari buruzko erakusketa

Roller ski txapelketa

36ko Gerrako gudariei omenaldia Presoen aldeko bizikleta martxa

Euskaltzaindiaren zuzendaritza batzarra

28

Sorturen aurkezpena

udalainformatzen70.qxp:udalainformatzen57.qxd 25/03/13 16:18 Pรกgina 29

iruditan

Herri Musikaren jardunaldiak

Eskalada Txapelketa

Emakumeen Kontrako Indarkeriaren Aurkako mobilizazioak

Mutxikoak

Santa Zezilia

Mendi Astea

Barrura begiratzeko leihoak emanaldia San Nikolas ttikiya

80 urte bete dituztenei omenaldia

San Nikolas ttikiya

24 orduko futbito txapelketa

29

udalainformatzen70.qxp:udalainformatzen57.qxd 25/03/13 16:19 Pรกgina 30

iruditan

Tximeletak emanaldia

Elkartasun krosa

Txerri Eguna

Etxeraten bertso saioa

Arraztaloren hitzaldiak

Antiju Morin entrenamentua Lilatoirako

Santa Ageda bezpera Ihoteak

Santa Ageda bezpera

30

Inauteriak

Inauteriak

udalainformatzen70.qxp:udalainformatzen57.qxd 25/03/13 16:19 Pรกgina 31

iruditan

Inauteriak

EHko Mus Txapelketako kanporaketa Mendizaleen basoa

Udaberriko Txapelketaren kanporaketa Artzain eta inudeak

Ez gara palestinaz ari

Arraztaloren traktorea

Autodefentsa tailerra

Haurtzaro eta Bernat Etxepare lizeoko ikasleen elkartrukea

Txoko feministaren inaugurazioa

Erreleboa

31

udalainformatzen70.qxp:udalainformatzen57.qxd 25/03/13 16:19 Pรกgina 32