Udalainformatzen59 compressed

sarrera TELEFONO INTERESGARRIAK Udal telefono zenbakiak

Zerbitzuak

Informazioa 943 49 01 42 Alkatetza 943 49 18 62 Gizarte Ongizatea 943 49 05 52 Hirigintza 943 49 03 77 Kultura 943 49 10 34 Manuel Lekuona Biblioteka 943 49 38 64 Udaltzaingoa 943 49 33 11

Osasun zentroa 943 49 11 01 / 943 49 26 04 DYA 943 46 46 22 Jubilatuen elkartea 943 49 00 02 Zaharren egoitza 943 49 05 38 Taxiak 943 49 14 74 Herribus - Iparbus 943 49 18 01 Posta 943 49 35 74 Epaitegia 943 49 09 13 Nekazal bulegoak 943 49 03 47 / 943 49 06 69 Oiartzun Kirol Elkartea 943 49 36 38 Oarsoaldea eskualdearen garapenerako agentzia 943 49 41 29 Behemendi 943 49 02 19

Elorsoro Udal Kiroldegia 943 49 25 52 Udal Igerileku irekia 943 49 37 45 Arritxulo Udal Mendi-Aterpea 943 58 00 10 Turismoa

Hezkuntza Turismo bulegoa 943 49 45 21 Herri Musikaren Txokoa 943 49 35 78 Luberri Ikasgune Geologikoa 943 26 25 93 Komunikabideak Oiartzun irratia 943 49 37 11 Oarsoaldeko Hitza 943 34 03 30

Haurtzaro ikastola 943 49 22 12 Elizalde Herri eskola 943 49 01 93 Oiartzungo Udal Ikastola Partzuergoa 943 49 16 59 / 943 49 00 37 AEK Intxixu euskaltegia 943 49 39 57 Helduen Heziketa Iraunkorra (Altzibar) 943 49 00 48

Harremanetarako, ekimenen berri emateko, proposamenak egiteko…hau da Oiartzungo udal aldizkariaren helbide elektronikoa:

udalainformatzen@oiartzun.org

OHAR GARRANTZITSUA Datorren urtetik aurrera udal aldizkaria euskara hutsean kaleratuko da.

Oiartzungo Udalak urte asko daramatza euskara normalizatzearen aldeko lana eginez. Aldizkari hau bera, esate baterako, euskara hutsean kaleratzen zen, duela zenbait urte. Horregatik, 2009tik aurrera udal aldizkaria berriro euskara hutsez kaleratuko da.

Nolanahi ere, nahi duenak ale bakoitzaren eduki nagusien laburpena jasoko du gaztelaniaz. Horretarako, ordea, eskaera egin beharko du udaletxeko informazio gunean, 943 49 01 42 telefono zenbakira deituz edo udalainformatzen@oiartzun.org helbide elektronikora mezu bat bidaliz. Eskaera egitean, nork bere datuak eman beharko ditu, aldizkaria jaso ahal izateko.

NOTA IMPORTANTE A partir del año que viene la revista se publicará íntegramente en euskera.

El ayuntamiento de Oiartzun lleva muchos años comprometido con la normalización del euskera. Esta misma revista, por ejemplo, se publicaba únicamente en euskera, hace tan sólo unos años. Por esta y otras muchas razones, a partir de 2009 la revista se volverá a publicar íntegramente en euskera.

No obstante, todo aquel que este interesado tendrá la posibilidad de recibir un resumen de los contenidos más importantes de cada número. Para ello, deberá ponerse en contacto con nosotros, acercándose a la oficina de información, llamando al número de teléfono 943490142 o enviando un correo electrónico a la dirección udalainformatzen@oiartzun.org. Al realizar la solicitud, el interesado deberá facilitar sus datos, para poder recibir la revista.

2

Argitaratzailea: Oiartzungo Udala Diseinua eta maketazioa: Eneko Salaberria Inprimaketa: Inprelan Lege Gordailua: Donostia-1216/91

agurra

Oreka eta zentzurik gabeko kontsumoak azkenean goia jo du... Sistema neoliberalak orain arte saldu duen etekin errazeko formula ekonomikoa, diruaren espekulazioan oinarritu dena, krisian dago. Baina hau sustatu duten banketxeek, konstruktoreek, politikariek eta espekulatzaileek oro har, ez dituzte zuzenean pairatuko krisi honen ondorio gordinenak, ez...

Azken urteetan lurren prezio onartezinekin, etxebizitzen prezio ordainezinekin, eta desoreka horrekin poltsikoak bete dituzten guztiei negozioa amaitu zaie.

Herritarrak itota, diru erraza eskuratzearen eredu honek amaiera behar zuen, eta iritsi da... baina tamalez, herritar xeheak izango dira krisi honen ondorio larrienak jasango dituztenak...

Udalari dagokionez Krisi ekonomiko honek zuzenean kolpatu duen arloa Gizarte Ongizatea da. Udaleko Gizarte Zerbitzuak lanez gainezka dabiltza, izan ere, krisiak sortu dituen ondorioetako batzuk dira famili askoren babes eza, herritar askoren desestrukturazioa edota arazo psikologiko ikaragarriak, honez gero sumatzen hasiak direnak.

Eusko Jaurlaritzatik eta Foru Aldunditik gizarte arloko proposamenak egon badaude, berrikuntzak ere bai, baina hauek, lan burokratiko pila bat eskatzeaz gain, kostu handia dute, instituzio hauek bere gain hartzen ez dutena. Gizarte baliabide guztiak, behar den bezala eramateko, ez dute dotazio nahikorik eskaintzen.

Udal mailan traba handiak baditugu ere, gure borondatea ez da faltako.

Guk ahalegin guztiak egingo ditugu herritarren beharrei erantzuteko eta herriaren ongizatearen alde lan egiteko.

Arantza Arrese Oiartzungo Udaleko Gizarte Ongizateko zinegotzia

3

udal albisteak 2009ko udal aurrekontuak: 16,2 milioi â‚Ź Azaroan eman zitzaien 2009ko udal aurrekontuen prestaketa prozesuari hasiera. Lehenbizi, azaroaren 5ean, Ogasun Batzordean talde politiko guztiei gastu eta diru sarreren berri eman zien Udal Gobernuak. Egutegi proposamena ere egin zen Batzorde horretan, eta aho batez onartu zen.

Azaroaren 20tik 28ra auzoz auzo ibili ziren Udal Gobernuko ordezkariak udal aurrekontuak herritarrekin konpartitzen eta ekarpenak zuzenean jasotzen. Horren ostean, herri batzar orokorra egin zen herritarrekin batera, azken erabakiak hartzeko.

Prozedura horren azken pausoa udal aurrekontuak onartzeko Plenoa izan zen.

2008ko balorazioa: Aurreikusitako proiektuen %90 egin ditu Udalak. 17,3 milioi â‚Źko aurrekontuarekin honakoak dira aurrera eraman dituen proiektu nagusiak, arloz arlo: Gizarte Ongizatea: Gaixotasun psikikoak dituzten pertsonen lan munduratzeko proiektua martxan jarri da.

ARANTZA ARRESE Gizarte Ongizateko zinegotzia "Gure helburua gaixotasun psikikoak dituzten pertsonak herrian integratzea zen, eta oso balorazio positiboa egiten dugu orain arteko emaitzak ikusita" Kultura: Auzoetako kultura ekimenak sustatzea eta herriko eragileek sortzen dituzten ekimenei babesa ematea izan da helburu nagusia.

Euskara: Euskarazko herri komunikabideak sustatzeko hainbat hitzarmen sinatu ditu Udalak: Oarsoaldeko Hitzarekin eta Oiartzun Irratiarekin, besteak beste. Bestalde, euskalgintza sustatzeko asmoz, hitzarmena izenpetu dute TTur-ttur euskaltzaleon Bilguneak eta Udalak.

Berdintasuna: Emakumeen eta gizonen arteko berdintasun egoera aztertzeko Diagnostikoa bukatzear dago, eta laster emango dira ezagutzera azterketa horien datuak.

Hezkuntza: Haur-eskolaren behin-behineko kokapenari konponbidea bilatu dio Udalak. Bestalde, Elizalde ikastetxeko frontoiko lanak aurrera doaz.

Gazteria: FermiĂąeneko obra atzeratu egin bada ere, 2. fasea martxan dago eta 2009ko Xanixtebanetarako bukatzea aurreikusten da.

Gazteentzako aisialdi eskaintza Donibane kalean egokitu da behinbehinekoz.

Kirola: Udal futbol zelai berria egin da Ugaldetxon, eta auzoko aparkalekua konpondu. Bestalde Kiroldegian berrikuntzak egin dira, bai azpiegituran baita zerbitzuan ere.

4

Ingurumena/mendia: Zaborren kudeaketa iraunkorrerako baliabideak martxan jarri ditu Oiartzungo Udalak: 2 konposta makina, bata Haurtzaron eta bestea Elizalden.

Oiartzungo mendien berrantolaketan, lurrak erosi ditu Udalak; orotara, 7,7 hektarea lur berreskuratu ditu aurten.

Garraioa: Garraio publikoaren arazo larriari irtenbidea emateko Oiartzungo Udalak eskatu duen mugikortasun azterketa bukatzear dago. Foru Aldundiarekin harremanetan dihardu Udalak industrialdea, auzoak eta topoa lotuko dituen autobus zerbitzua sortzeko.

Topoan inbertsio ekonomiko garrantzitsua egin du udalak geltokiaren egokitze lanetarako. Proiektu hau Arraguako biziberritze planaren barruan kokatzen da.

Turismoa: Arditurriko meategiaren irekiera Hirigintza: Herri lanak orain urte gutxi arte auzolanean egiten ziren, eta udala berriro hori bultzatzen saiatu da. Auzolanaren adibide dira Aitzarte, Munoaundi, Larraska herri bideak edota Iturriotzen egindako idi probalekua. Bestetik, 2007ko uholdeek larriki hondatu zituzten herri bideak konpondu ditu Udalak; oro har, 11 herri bide Oiartzun osoan.

Ur hoditerian konponketak eta berrikuntzak egin dira Ugaldetxo poligonoan, Centro Mayoristas eta Zuaznabarren, hain zuzen. Ur zikinekin ere (ur beltzak eta euri urak) berrikuntzak eta konponketak egin dira Ergoienen eta Arraguan.

Auzoz auzo jaso ziren ekarpenekin, orotara, 50 obra txiki egin dira auzoetan.

udal albisteak ENRIKE LEKUONA Hirigintzako zinegotzia "Herri lanak auzolanean egitearen filosofia berreskuratzea izan da helburu orokorra, izan ere, orain urte gutxi arte auzolanean egiten ziren, eta gu hori berriro bultzatzen saiatu gara" 2009ko planteamendu orokorra: krisi ekonomikoaren eragin zuzena udal aurrekontuetan: 2009an 16,2 milioi €ko aurrekontua izango du Oiartzungo Udalak, aurreko urtean baino 1,1 milioi € gutxiago. Jaitsiera horretan eragin duten faktore nagusiak bi dira: Batetik, jarduera ekonomikoaren krisia eta, haren ondorioz, diru sarreren jaitsiera.

Bestetik, Foru Aldunditik diru gutxiago jasoko duela Udalak: %5 gutxiago, hain zuzen.

Udal aurrekontua Oiartzungo herrian lehentasunak zein izango diren definitzen duen tresna da. Aurrekontua parte-hartzailea izan dadin, herritar guztiekin harreman errondak martxan jarri ditu Udalak; lehentasunezko inbertsioak eta har daitezkeen erabakiak herritarrekin zuzenean eztabaidatzeko helburuarekin.

Auzoz auzo jaso diren ekarpenekin eta herri batzarrean erabakitakoarekin 2009ko udal aurrekontuen proposamena eztabaidatu da Udalean. Hurrengo Udal aldizkarian Osoko Bilkuran onartutako udal aurrekontuen datuak emango dira zehatz-mehatz.

Presupuestos Municipales 2009: 16,2 millones de euros En noviembre se inició el proceso de preparación de los Presupuestos Municipales para el año 2009. Del 20 al 28 de noviembre los miembros del equipo de gobierno han realizado una ronda por los barrios de Oiartzun para compartir con los oiartzuarras los presupuestos y recibir de primera mano sus aportaciones. El último paso de este proceso será la aprobación de los presupuestos en el Pleno.

Valoración de 2008: el Ayuntamiento ha realizado un 90% de los proyectos previstos. Estos son los proyectos más importantes acometidos con un presupuesto de 17,3 millones de euros: Bienestar Social: Se ha puesto en marcha un proyecto de inserción laboral de las personas con enfermedades psíquicas.

Cultura: Se han apoyado las iniciativas culturales de los barrios y las que llevan a cabo los diferentes agentes culturales del municipio.

Euskera: por un lado, se han impulsado los medios de comunicación en euskera y se ha ayudado al fomento del euskera mediante la firma de diversos convenios.

Igualdad: Está a punto de finalizarse el diagnóstico para conocer la situación de igualdad entre mujeres y hombres en el municipio.

Educación: Se ha reubicado la Haur Eskola. Asimismo, se ha construido un frontón en el centro escolar de Elizalde.

Juventud: Aunque se ha retrasado la obra de Fermiñene, se preve concluirla para las fiestas de 2009. La ludoteca se ha ubicado provisionalmente en la calle Donibane.

Deporte: Se ha construido el campo de fútbol municipal de Ugaldetxo.

Además, se han realizado reformas tanto en las infraestructuras como en los servicios del polideportivo.

AITOR ETXEBERRIA Oiartzungo alkatea: "Krisi ekonomikoak zuzenean eragin die 2009ko Udal aurrekontuei eta hori inbertsioetan nabarituko da. Hala ere, guk politika aurrerakoia egiten jarraituko dugu"

Medio ambiente / montes: el Ayuntamiento ha puesto en marcha medios para la gestión sostenible de las basuras: 2 compostadoras, una en Harutzaro y otra en Elizalde. En lo referente a la reorganización de los montes de Oiartzun, el Ayuntamiento ha recuperado un total de 7,7 hectáreas de terrenos.

Transporte: pronto se concluirá el estudio de movilidad encargado por el Ayuntamiento de Oiartzun con el fin de solucionar el grave problema del transporte público. El Ayuntamiento está en contacto con la diputación para crear un servicio de autobús que conecte los polígonos industriales, los barrios y el topo.

Asimismo, el Ayuntamiento ha realizado una importante inversión en las obras de adecuación de la estación del topo, cuyo proyecto se enmarca en el plan de renovación de Arragua.

Turismo: apertura de las minas de Arditurri Urbanismo: el Ayuntamiento está intentando recuperar la filosofía del auzolan en las obras públicas. Se han arreglado caminos vecinales y tuberías de agua. Asimismo, se han hecho reparaciones en la red de aguas fecales en Ergoien y Arragua. Con las aportaciones que se realizaron barrio por barrio, se han acometido un total de 50 pequeñas obras en los barrios.

Planteamiento general para 2009: la crisis económica tendrá una influencia directa en los presupuestos municipales. En 2009, el Ayuntamiento de Oiartzun contará con un presupuesto de 16,2 millones de eruos; 1,1 millones menos que el ejercicio anterior. Dos son los factores principales que han incidido en este descenso: Por una parte, la crisis de la actividad económica y, por consiguiente, el descenso de los ingresos. Por otra, el descenso de los fondos que el Ayuntamiento recibe de la Diputación; concretamente, un 5% menos.

5

udal albisteak Haurtzaro eta Elizaldeko konposta makinak martxan Haurtzaro ikastolan eta Elizalde eskolan kokatu dira herriko lehenbiziko bi konposta makinak. Izan ere, bertako jangeletan hondakin organiko bolumen handia sortzen da egunero, eta, beraz, herrian sortzen ditugun hondakinak bertatik kudeatzen hasteko asmoz, bi gune horietan alternatiba hau martxan jarri du Oiartzungo Udalak. Egungo ereduarekin, orokorrean sortzen dugun zaborraren %80 zabortegietara doa. Zaborrontzi grisetan pilatzen den zaborraren erdia materia organikoa da, eta hori zabortegietan pilatu beharrean, irtenbide iraunkorra eman ahal zaio makina hauen bidez konposta sortuta; hau da, zaborra birziklatuta.

Errauskailuak zabortegiekiko menpekotasuna sustatuko du, bere funtzionamendurako zaborra behar baitu. Hondakinen kudeaketa egokia eta, batez ere, iraunkorra egiten ez den bitartean, garestia izango da zaborra sortzea. Errauskailua eta birziklapena eredu/apustu inkonpatibleak dira.

Egungo ereduarekin, zabortegietara doazen zaborrontzi grisetan honako osagaiak nahasten ditugu: Materia organikoa %41 Papera %14 Ontziak %15 Beira %6 Erreusa %24 Martxan dira dagoeneko Haurtzaro eta Elizalden kokatu diren konposta makinak. Ezaugarrien artean azpimarra daiteke, adibidez, konposta makina hauen kokalekua zaborra sortzen den gunetik gertu daudela, eta, ondorioz, zaborra sortu eta egun berean sartzen dela materia organikoa konposta makinan. Makinan sartu eta berehala hasten da martxan birziklapen prozesu biologikoa. Zabor gisa sartutako materia organiko hura epe laburrean bihurtzen du konpost makinak. Konpost horrek hainbat erabilpen izan ditzake: batetik, eskolako haurren heziketa eta, bestetik, nekazaritza zein lorezaintzarako lortzen den ongarri edo simaurra.

Oiartzungo Udalaren iritziz, Gipuzkoako Foru Aldundiak eta EAEko gobernuak bultzatzen eta defendatzen duten hondakinen kudeaketa ez da iraunkorra, eta martxan jarri behar dira alternatiba berriak.

"Errauskailua eta birziklapena eredu/apustu inkonpatibleak dira" Oiartzungo Udalak jasangarria den alternatibaren aldeko apustua egin nahi du, nazioarteko beste herri batzuetan jada martxan dauden eta eraginkorrak diren birziklapen ereduen alde, alegia.

Gaur egungo hondakinen kudeaketarekin, ustez birziklatzera botatzen dugunaren herena zabortegietara doa, hau da, hiru tonatik bat zabortegira doa, gaizki bereizita dagoelako. Egiazko birziklapen eredu integrala martxan jarriz gero, ostera, frogatuta dago %20 birziklatzetik %80 birziklatzera irits daitekeela. Posible ez ezik, beharrezkoa dela iruditzen zaigu.

"Egiazko birziklapen ereduarekin %20 birziklatzetik %80 birziklatzera irits daiteke" Horretarako, herriak hartu beharko luke hondakinen kudeaketa bere gain, eta, ondorioz, oiartzuarrak lirateke kudeaketa horren protagonistak.

Eredu hori aurrera eramateko, kontziente izan behar dugu norbera dela berak sortzen duen zaborraren erantzulea eta arduraduna. Ondorioz, norbere etxetik hasi behar garela birziklatzen.

Bestalde, zenbat eta gutxiago kontsumitu, txikiagoa izango da sortzen dugun zabor kopurua, ahalik eta gutxien sortzea baita gakoa. "ahalik eta zabor kopuru gutxien sortzea da gakoa"

6

udal albisteak Eragile eta herritar orok birziklapenaren aldeko apustuan bat eginez gero, egungo %20tik %80 birziklatzera irits gaitezke (Herrialde Katalanetan frogatu den bezala).

Oiartzunen kudeaketa eredu hau sustatzearen alde egingo du udalak. Norabide horretan eman dira lehenengo pausoak, eta Haurtzaron eta Elizalden ezarri dira herriko lehenbiziko konpost makinak. Hondakinen kudeaketan, ERRAUSKAILUrik gabeko alternatibak egon badaude, herritarren osasunari eta ingurumenari kalterik egiten ez diotenak eta dugun arazoari irtenbide sostengarriagoa ematen diotenak. Borondate kontua da: instituzio gisa eredu hau bultzatzeko bitartekoak jartzea dagokio Udalari, eta herritarrei, berriz, zaborren arazo larriaz jabetzea. Proposatzen dugun bidea da kontzientziatzea, norbere etxetik hasita, ahalik eta zabor gutxien sortzea, ahal dena berriro erabiltzea eta berriz erabili ezin den hori birziklatzea.

ZER NAHIAGO DUGU? GAUR EGUNGO EREDUA

BIRZIKLAPENAREN EREDUA

Urteko 370 kg. pilatu ditu oiartzuar bakoitzak zabortegian.

Sortzen den ia hondakin guztia birzikla daiteke.

Gehienez %20 birzikla daiteke

%80 edo gehiago birziklatzera irits daiteke

Ez du birziklatzea helburu

Hondakinen gutxitzea, berrerabilpena eta birziklatzea du helburu

Gero eta zabor gehiago sortzen da

Gero eta zabor gutxiago sortzea bultzatzen du

Usaiak, intoxikazioak, kontaminazioa, ez da sostengarria…

Garbia, ekologikoa, iraunkorra

Arazoa desagertzeko Errauskailuak eraikiz.

zaborra

erretzea

planteatzen

du,

Arazoari sustraietatik heltzen dio, eta epe luzeko soluzio iraunkor eta ekologikoa eskaintzen du.

NORK NAHI DU ERRAUSKAILUA BERE HERRIAN? Se han instalado máquinas compostadoras en Haurtzaro y Elizalde Las primeras dos máquinas compostadoras de Oiartzun se han instalado en la ikastola Haurtzaro y en la escuela Elizalde, pues en los comedores de ambos centros se acumula diariamente un gran volumen de residuos orgánicos. Así pues, el Ayuntamiento de Oiartzun, con la idea de comenzar a gestionar en el propio municipio los residuos que se generan en el mismo, ha puesto en marcha esta alternativa en los dos centros citados.

Con el modelo actual el 80% de la basura que generamos va directamente a los vertederos. Y es que la mitad de los residuos que acaban en los contenedores grises es materia orgánica y el Ayuntamiento, mediante la creación de compost con este tipo de máquinas, le quiere dar una salida más sostenible, en lugar de amontonarla en los basureros. Es decir, quiere reciclar esa materia orgánica.

Las máquinas de compost instaladas en Haurtzaro y Elizalde se encuentran cerca del lugar donde se genera la basura, por lo que toda esa materia orgánica puede introducirse en la máquina compostadora en el mismo día que se crean los residuos. Así pues, la materia orgánica se convierte en compost a

corto plazo y posteriormente ese compost puede tener diferentes aplicaciones: por una parte, la aplicación educacional que le puedan dar los propios centros, y por otra, la obtención de abono o estiércol para agricultura o jardinería.

En opinión del Ayuntamiento de Oiartzun, el modelo de gestión de residuos que defienden la Diputación Foral de Gipuzkoa y el Gobierno Vasco es insostenible y es preciso presentar alternativas. La incineradora aumentará aún más la dependencia de los vertederos, pues precisa de basura para su funcionamiento. Mientras no se lleve a cabo una gestión adecuada y sobre todo sostenible de los residuos, producir basura continuará siendo caro. La incineradora y el reciclaje son apuestas incompatibles.

Con la actual gestión de residuos, un tercio de lo que supuestamente reciclamos acaba en el vertedero porque está mal clasificado; es decir, una de cada tres toneladas de los residuos que depositamos en los contenedores de reciclaje acaba en el vertedero. Sin embargo, si se pusiera en marcha un verdadero modelo integral de reciclaje podríamos pasar de reciclar un 20% a reciclar un 80% de los residuos, y el Ayuntamiento ve, además de posible, necesaria la implantación de este modelo.

El Ayuntamiento de Oiartzun apuesta por una alternativa sostenible, es decir, por modelos de gestión de residuos que se han puesto en marcha y han resultado efectivos en otros lugares del ámbito internacional.

7

udal albisteak Ahalbide proiektua aurrera doa Ahalbide, udaleko gizarte zerbitzuetatik eta osasun mentaleko zentrotik sortu den egitasmoa da elbarritasun aitortua duten 8 oiartzuarrekin martxan jarri dena. Proiektuak bi fase ditu: maiatzaren 22tik uztailaren 2ra arte prestakuntza fasea eta uztailaren 2tik 2009ko martxoaren 13ra arte lanerako epea. Uztailetik beraz, 8 oiartzuarrek dihardute herri mailako mantenu lanak egiten, bai margoketa lanak baita lorezaintza lanak ere. Margoketei dagokionez, Arraguako eskola zaharraren barnekaldea eta kanpokaldea margotu dute, Altzibarko zubiaren saneamendua eta margoketa egin dute eta Oiartzungo hilerriaren kanpo azalera ezberdinen margoketaz arduratu dira. Lorezaintza lanetan berriz, Arragua inguruan, Arditurrirako bidean sastrakak kentzen eta orokorrean garbiketa egiten aritu dira. Arditurriko sarreran zelaia landatzeko lurraren prestaketan jardun dute. Pikoketan itxiturak kentzen aritu dira gerora berritu ahal izateko...

Programa honetan parte hartzen duten eragileen balorazioa oso postiboa da. Oiartzungo Udala, Osasun Mentaleko Zentroa, Oarsoaldea Garapen Ajentzia, parte hartzaileak eta hauen senideak ere pozik daude Ahalbide proiektuarekin.

Pentsioak osatzeko legea Beharrizan egoeran dauden herritar pentsiodunen familiei gutxieneko dirusarrerak bermatzea da Eusko Jaurlaritzak lege honen sorrerarekin duen helburua.

Pentsio osagarri hau Oiartzungo Udaleko gizarte zerbitzuetan eskatu ahal izango da, Oianarrizko Errentarekin egiten den bezalaxe, aldez aurretik hitzordua bertan hartuz (943 49 05 52).

Pentsio txikienak -kotizazio gabekoak, zahartzarokoak, ezintasunekoak edo alarguntzakoak- dituzten pertsonak izango dira onuradunak, ekonomikoki haien mende daudenekin eta ezkontideekin batera; alegia, Lanbide arteko Gutxieneko Soldata (600€ x 14 edo 700€ x 12) baino gutxiagoko errentak dituzten pentsiodunen Bizikidetza-unitate horiek guztiak, ondoko baldintzak betetzen dituztenak: 1. EAEn urtebetez erroldatua egon eta bizi izana.

2. Beharrizan egoera izatea (LGS gainditzen ez duen errenta): - pertsona bakarrak osatutako Bizikidetza-unitateen kasuan: 8.400 € urtean - bi pertsonak osatutako Bizikidetza-unitateen kasuan: 10.500 € urtean - hiru pertsonak osatutako Bizikidetza-unitateen kasuan: 11.340 € urtean 3. 23 urte baino gehiago izatea.

4. Urtean jaso lezakeen Oinarrizko Errenta baino 4 aldiz handiagoa den ondarearen jabe ez izatea, ohiko etxebizitza izan ezik.

8

udal albisteak Parekidetasuna lantzen gazteekin Udaberrian bezala, udazken honetan ere Oiartzungo nerabeei parekidetasunaren inguruko saioak eskaini dizkie udalak.

Sexismoa eta haren eragina nesken eta mutilengan landu dute gaztetxoek. Saio hauek sexu estereotipoak eta sinesmen faltsuak kolokan jartzea zuten helburu. Mutila izateagatik gogorra agertu behar, edo nesken hitza mesprezatu behar? Neska izateagatik mutilen aurrean isildu behar, edo "ahulagoa" kontsideratua izan behar al dut?

Emakumeak eta gizonak non, zertan, eta zergatik Oiartzungo Berdintasun Diagnostikoa osatzeko, Udalak hainbat bilera antolatu ditu udazkenean, herritarren ekarpena, eta bereziki emakumeena, jasotzeko asmoz. Liburutegian egin diren bilera horietan emakumeen eta gizonen parte-hartzearen inguruko hainbat datu aurkeztu dira, eta horien azterketa egin dute bertara hurbildu diren herritarrek -ia guztiak emakumeak ziren-. Landutako gaiak honako hauek izan dira: - Haurren zaintza nola partekatzen den gaur egun aiten eta amen artean. Gurasoen parte-hartzea errazteko, haur txikien jolas txoko paraleloa antolatu zen, liburutegi ondoko kaperan.

- Kirol jardueretan nolakoa den emakumeen eta gizonen parte-hartzea, baita neskena eta mutilena ere.

- Oiartzungo Kultura egitarauan non topatzen ditugun emakumeak, non gizonak. Zeinek du protagonismo gehiago "oholtzaren gainean", eta bereziki gazteen jardueretan nolakoa den nesken eta mutilen parte-hartzea.

- Gizarte zerbitzuen eta osasun zentroen datuak ere aurkeztu dira, emakumeen eta gizonen laguntza beharrak aztertzeko.

Tratu ona merezi dugulako... emakumeen aurkako indarkeriarik ez!

Beste inguruko herrietan bezala, Oiartzunen ere urtero genero indarkeria kasu berriak detektatzen dira. Hori dela eta, Udalak eta Oiartzungo Emakumeen Taldeak kultur jarduera batzuk antolatu dituzte azaroan, gai honen garrantziaz ohartzeko.

- "Enkantatua" antzerkia, Virginia Imazen eskutik.

- Genero indarkeriaren inguruko laburmetraien emanaldia, eta tratu onaren aldeko dantza.

Azaroaren 25ean, Udalak deituta, elkarretaratzea egin zen Udaletxe aurrean emakumeen aurkako indarkeriari EZ esateko.

9

udal albisteak "SUTAR" eskultura Xanixteban egunerako 18 urteko ibilbidea du Xanixteban egunean Oiartzunen estreinatuko den Sutar eskulturak. 1990eko urtarrilean Oiartzungo Udalak, Oiartzungo lurretan dagoen harrespil edo cromlechen eraikuntzen ugaritasunaz eta aberastasunaz arduratuta, ondare horren inguruan azterketa egitea proposatu zion Anton Mendizabal eskultoreari. Azterketa horren helburuak, besteak beste, hauek izan ziren: Oiartzungo lurretako harrespilen aberastasuna nabarmentzea; sustrai zaharren aldeko sentsibilitatea suspertzea; eraikuntza hauen ezaguera modu didaktiko eta artistikoan adieraztea; eraikuntza hauek merezi duten errespetua sortaraztea. Hori guztia plangintza orokor eta ulerkorrean barneratzea.

Urte bereko azaroan, Udaleko areto nagusian aurkeztu zuen jendaurrean Anton Mendizabalek bere aurreproposamena. Alkatea eta zinegotziak, adituak ( hala nola Aranzadiko Elkarteko arduradun Jesus Altuna, Jose Miguel Barandiaran Fundazioko idazkari E. Kortadi, eta Artelekuko Miren Eraso) herritarrak eta prentsa izan ziren bertan.

Eskulturen planteamendua honako zen: Oiartzungo harrespil guztien sinbolo izan beharko lukeen eskultura bat egitea, tamaina handikoa.

1991ko maiatzean, Oiartzungo Udalak Anton Mendizabalekin hitzarmen bat adostu ondoren, EGIAR eskultura egitea erabaki zuen Oiartzungo Udalak, banatzeko erabilgarria izango zen ikur ofizial gisa eta zurezko maketa moduan.

1993an, langabetuentzako antolatua zuen harri tailerrean lantzekotan zegoen iturri eredu baten diseinua eskatu zion Oiartzungo Udalak Anton Mendizabali, iturri horren errepikapenak herrian zehar banatzeko asmoz..

1995eko abuztuan, Zarauzko Udalak lehiaketa zabaldu zuen "Ixpila" plazan eskultura bat ipintzeko. Plaza horretan bizi izan zen garai batean Jorge Oteiza. Lehiaketa honetarako asmatu zuen Anton Mendizabalek "ZUTAR" eskultura, hain harrespil-zalea zen Jorge Oteizaren omenez.

- Lan honen oinarria EGIAR eskulturan dago; harrespila eta zutarria.

- Iturriaren diseinua jarraitu ondoren, zutarria mantentzen du, harrespilaren zirkulua lurreratuz. Lurra eta zerua lotu nahi ditu.

- Oteizaren izaera (pentsatzailea eta oldarkorra), estetika (sinplea eta zuzena) eta materiala (burdin-txapa beltza) bildu nahi ditu harrespilari eskainitako eskultura honek.

Lehenengo unetik obra oso atsegin izan zitzaion Jorge Oteizari. "Pregnanzia" (Zutarriak daukan zirkukoaren aipamena), proportzioak (metroarekin neurtu zituen) eta zuzentasuna azpimarratu zituen. Maketa beti zegoen bere bulegoan mahai gainean. Izena aldatzearen alde azaldu zen.

ZUTAR baino SUTAR izendatzea nahiago zuen: SUT, SU errotik dator (sua, gorantz). AR, berriz, zeruko tartearen erroa da.

2003ko martxoan, Anton Mendizabalek, SUTAR eskulturaren eraikuntza proposamena aurkeztu zion Oiartzungo Udalari. San Esteban parrokiko atzeko aldeko "zimitorioa" proposatu zuen hura kokatzeko.

Herriaren bi erlijiositate sinbolo bilduko lirateke eremu sakratu horretan: eliza eta harrespila.

2003ko apirilean, hilaren 1ean hain zuzen, Oiartzungo Udalaren Gobernu Batzordeak, aho batez onartu zuen Sutar eskultura eraikitzea eta haren kokapena.

2007an, "Zimitorioko" kokapenerako beste erabilpen bat erabaki zela ikusiaz, azkenean, 2008an adostasunera heldu ziren Udala eta Anton Mendizabal, eta erabaki zuten kanposantuko gaina zela lekurik egokiena Sutar eskultura eraikitzeko. Arrazoi nagusiak hauek dira: "Geroaren" gune sakratua da ingurune hau. Bertan "kanposantua" eta Pe単a Gantxegik gerrako hildakoen omenez eginiko Frontoi Pareta daude. Orain, antzinako oroimenari harrespilarena lotuko zaio SUTAR eskulturaren eraikitzearekin.

Kanposantuko gaina begiratoki aparta gertatzen da Oiartzungo ia mendi guztiak eta harrespilen kokalekuak ikusteko.

Anton Mendizabalek 1990. urtean aurkeztutako Harrespilen Ingurunearen Aurre-proposamenaren zati garrantzitsu bat osatuko da era horretan. Begiratokiak, taulak eta Oiartzungo harrespil guzien sinbolo izango den eskulturak behin betiko kokapena aurkituko dute 18 urteko ibilbidearen ondoren.

2008an Jorge Oteizaren jaiotzaren 100. urteurrena ospatzen da. SUTAR lana haren omenez egina da, eta haren nahiari men eginez, Oiartzunen eraikia izango da. 2008ko Abenduaren 26an, Xanixteban egunean estreinatuko da.

10

udal albisteak Kultur taldeen ekitaldi zikloa Oiartzungo Udal Kultura Batzordeak herriko musikari, abeslari, soinu-jotzaile, bertsolari eta oro har musika eta dantza alorreko solista eta talde gazteekin, gutxi gorabehera hilero ekitaldi bat antolatzeko asmoari eutsi dio, era horretan talde eta abeslari horiei publiko zabalago batengana iristeko aukera emateko eta, bide batez, herriko bizimodua pixka bat dinamizatzeko asmoz.

Era berean, Oiartzungo artistek eginiko lanekin erakusketak antolatu dira.

2008an zehar honako hauek izan dira, besteak beste, eskainitako emanaldiak: Herri Musika Eskolako ikasleen eta herri kiroleko taldeen erakustaldia Oskar Zapirain: argazki erakusketa Oiartzungo rock taldeen jaialdia: OMTE (Oiartzungo Musika Taldeen Elkartea) "Moskutik Lexotira" Bertso Eskolako hainbat kideren eta Helduen Tailerreko gitarra ikastaroko ikasleen saioa OMTErekin (Oiartzungo Musika Taldeen Elkartea) batera antolatutako rock jaialdia Ixiar Urkia eta Esperanza Beasainen margoen erakusketa 2009rako ere Kultura Batzordearen asmoa da ekitaldi ziklo honekin jarraitzea. Oiartzunen kulturaren alorrean parte hartzen duten hainbat talde (trikitixa eskolak, dantza taldeak, bertso eskola, arte plastikoetako artistak) gonbidatu nahi ditugu, aukera izan dezaten plazan bere herritarren aurrean agertzeko.

Oiartzungo argazki ondarea osatzeko egitasmoa Kultura Batzordeak aspalditik burutzeko gogoa zuen proiektuari helduko dio 2009 urtean; alegia, Oiartzungo herrian elkarteek nahiz partikularrek gordeta izan ditzaketen argazki eta agiri grafikoen artxiboa osatzen joateko. Helburua Oiartzungo historia, kultura eta etnografia jasotzen lagunduko duen argazkien multzoa osatzea da.

Lanaren helburua da partikularrek hainbat lekutan gordetzen dituzten argazkiak digitalizatzea eta katalogatzea, ondoren Oiartzungo Udal argazkien artxiboa osatzeko. Bildu nahi diren gaiak honakoak dira: Lehenbizi, auzoetan gordeta egon litezkeen argazkiak biltzeari ekingo diogu. Horretarako, auzo elkarteetako arduradunekin elkarte horietan nahiz hainbat auzotako etxeetan egon litezkeen argazkiak biltzeko lana antolatzen dihardu Udalak. Ondoren, hainbat partikularren fondoak digitalizatzeari ekin nahi diogu.

Azken fasean deialdi publikoa egingo da, herritarrek Artxiboan edota Kultur Etxean argazkiak uzteko, adieraziko den epe batean.

Haiek digitalizatu eta katalogatu ondoren, jabeei itzuliko zaizkie.

Lan hau egiteko, Udalak Eusko Ikaskuntzaren eta hainbat oiartzuarren eta elkarteren laguntza izango du. Aurrerago berri gehiago emango dugu lan honi buruz.

11

udal albisteak Sebastian Mendiburu Olano oiartzuarrari buruzko erakusketa Mendibururen bizitza eta lana biltzen duen erakusketaren herri aurkezpena egin zen azaroaren 21ean. Ekitaldia Elixabete Perez Gazteluk aurkeztu zuen, Eusko Jaurlaritzak argitaratu berri duen BIDEGILEAK bilduman Sebastian Mendibururi buruzko liburuxkaren egileak, hain zuzen ere.

Mendiburu Oiartzunen jaio zen (1708) eta Bolognan hil (1782). Jesulaguna izan zen. Urte asko eman zituen IruĂąean irakaskuntzan, baina eginkizun nagusia izan zuen herriz herri ibiltzea sermoiak egiten, Jesusen bihotzaren debozioa piztu nahian. Batik bat Gipuzkoa-Nafarroetan ibili zen. Hizlari dohain apartak omen zituen, eta horregatik jarri zioten "Zizeron euskalduna" izengoitia. Latinez, gaztelaniaz eta euskaraz idatzi zuen batez ere. Larramendiren eraginez loratzen hasi zen Hegoaldeko euskal literaturari hasiera eman zion, Kardaberaz, Elkanoko Lizarraga eta beste batzuekin batera. Guztiak dira gaur (oraindik ere) eratzen ari garen euskara batu estandarraren oinarri ezinbestekoak.

Xanixtebanetan, barraketan ere euskaraz Hizkuntza paisaiak garrantzi berezia du euskararen normalizazioan. Hau da, oso inportantea da begien bistan duguna euskaraz izatea: bideko seinaleak, komertzioetako errotulu nagusiak, dendetako poltsen errotulazioa, prezioak, publizitatea,‌Egiten ari garen lanaren erakusgarri izan da Xanixtebanetan Euskara Zerbitzutik eskainitako laguntzari eta ferianteen jarrera onari esker barraketan topatu duguna: argazkian ikusten diren moduko kartel berdez beteta egon da gunea, guztiak informazioa euskara hutsean ematen zutenak.

Horrez gain, TTUR-TTUR Euskaltzaleon Bilguneak prestatutako CDei esker, gune horretan sekula baino musika gehiago entzun da euskaraz.

Entzuten zen musikaren neurketa egin da lehen aldiz; ia musika guztia euskaraz izan dela ikusi dugu, eta, gainera, hurrengo urteari begira eman beharreko urratsak eta hartu beharreko neurriak zehazteko balio izan du neurketak.

12

udal albisteak Ttur-ttur eta Oiartzungo Udalaren arteko elkarlana Ttur-ttur Euskaltzaleon Bilgunearen eta Oiartzungo Udalaren arteko hitzarmenari esker, martxan da Oiartzungo merkataritzan eta ostalaritzan euskararen erabilera areagotzeko egitasmoa. Hainbat zerbitzu eskaintzen dizkie establezimenduei, zerbitzua euskaraz ematen laguntzeko.

Diru-laguntzak merkatariei, dendako poltsa euskaraz jartzeagatik Hizkuntza paisaia euskalduntzen beste ahalegin bat egitearren, Oiartzungo Udalak diru-laguntzak emango ditu hemendik aurrera hizkuntza paisaiaren beste osagai bat diren poltsak euskaraz jartzeko.

Poltsa euskaraz jartzeagatik ez ezik, poltsan EROSI EUSKARAZ leloa eransteagatik ere emango du diru-laguntza Oiartzungo Udalak. Hartara, poltsan lelo hori erantsita, merkatariak eragile zuzen bihurtuko dira bezeroak eta kontsumitzaileak euskaraz aritzera sentiberatzeko. Merkataria bera izango da bezeroari euskaraz erosteko gomendatuko diona.

Hortaz, hiru diru-laguntza lerro izango dira: 1. Diru-laguntza poltsa lehenengo aldiz euskaraz jartzeagatik: Fotolitoa ordainduko zaio establezimenduari, 125 €-ko mugarekin 2. Diru-laguntza poltsa lehenengo aldiz euskaraz jarri eta EROSI EUSKARAZ leloa eransteagatik: Fotolitoa ordainduko zaio establezimenduari, 25 €-ko mugarekin, eta aurreneko 5.000 poltsen kostuaren %5 ordainduko zaio, 100 €-ko mugarekin.

3. Diru-laguntza EROSI EUSKARAZ leloa eransteagatik: Aurreneko 5.000 poltsen kostuaren %5 ordainduko zaio, 100 €-ko mugarekin.

Baldintzak ezagutzeko eta informazio zehatzagoa izateko bidea hau da: Oiartzungo Udaleko Euskara Zerbitzua 943 493842 / euskara@oiartzun.org eta Ttur-ttur Euskaltzaleon Bilgunea 943 260182 / tturttur.oiartzun@gmail.com Neguko merkealdiak Garai honetan idatzizko ohar berriak erakutsi behar izaten dituztenez, honako zerbitzu hauek eskaintzen direla gogorarazi nahi diegu merkatariei: o MERKEALDIA idatzita duten tirak (eskaparatean jartzeko) o ESKAINTZAK idatzita duten kartelak (1m x 70cm) o LEHEN/ORAIN txartelak (prezio zaharra eta berria adierazteko) o Ehunekoen txartelak egiten ditugu: %50, %30,... o Jendaurrean jartzeko edozein ohar euskarara itzultzen edo zuzentzen dugu o Baleak egiteko talonarioak o Fakturak, albaranak, ordainagiriak egiteko talonarioak Zerbitzu hauek denak dohainik dira Oiartzungo merkatarientzat, eta merkealdi garaian ez ezik, urteko edozein sasoitan egin daitezke eskaerak.

Eskaerarik egin nahi izanez gero edo informazio gehiago eskuratzeko, Ttur-ttur Euskaltzaleon Bilgunearen telefonora deitu behar dute merkatariek: 943 260182

Erroldatzen diren etorkin berriei harrera Udalerri Euskaldunen Mankomunitateak etorkinei harrera egiteko informazioa jarri du eskura Mankomunitatearen baitan dauden 55 udalerrietan.

Oiartzungo Udalak abendutik aurrera banatuko du prestatu den esku orria. Esku orrion bidez, Euskal Herrira datozen etorkinek eman beharreko pausoen eta dauzkaten zerbitzuen berri jasoko dute.

Udal bakoitzerako karpeta berezituak prestatu ditu UEMAk. Lehenengo eta behin, etorkinei nora etorri diren erakutsiko zaie, Udaleko harrerako langilearen azalpenekin lagunduta. Ongietorria ematen dien testua bi hizkuntzatan eginda dago, euskaraz eta bigarren hizkuntza baten, errumanieraz, frantsesez, ingelesez, portugesez, arabieraz eta gazteleraz (Ameriketan erabiltzen den gazteleraz), hain zuzen ere.

Etorri berriari azaltzen zaio Euskal Herriko berezko hizkuntza euskara dela, eta ikasteko aukerak dituela, horretarako bere ohiturak, hizkuntzak eta kultura alde batera utzi beharrik gabe.

Informazio orokorraren atalean, erroldatzeari eta gizarte zerbitzuei buruzko argibideak ematen zaizkie, eta azken orrialdeak herriari buruzko informazio zehatza jaso du.

13

udal albisteak Haurrentzako udal aisialdi eskaintza 08/09 ikasturterako, Oiartzungo Udalaren Gazteria eta Kirola Sailak, aisialdi eskaintza berria jarri du martxan 6-12 urte bitarteko haurrentzat.

Eskaintza hau, ikasturte honetan, Donibane kaleko 5. zenba kiko lokalean dago. Bi hezitzaileekin batera, astero, astelehenetik ostiralera, 16:30-19:30 ordutegian, aisia hezitzaileaz gozatzeko aukera dute herriko haurrek.

Bertan, hainbat tailer, mahai jolasak, jolas librea, abestiak, ipuinak eta antzeko jarduerak egiten dituzte giro lasai eta atsegin batean.

Gustukoa duzu? Izena eman nahi duzu? Ikasturte osoko kuota 9 â‚Ź dira. Gazte Informazio Bulegoan izango dituzu izena emateko argibide guztiak.

Izena emateko: Gazte Informazio Bulegoa: (943 49 11 05)

-

Astelehena-Ostirala 17:30-19:30 / Larunbata 10:30-13:30

Oiartzungo 1. Udal Kirol Kontseilua Abenduaren 10ean, lehen aldiz, Oiartzungo kirol eragile guztiak biltzen dituen Oiartzungo Udal Kirol Kontseilua burutu zen. Bertan bildu ziren 22 pertsonek, Kirol Kontseiluaren aurkezpena, helburuak eta etorkizuneko funtzionamenduari buruzko informazioa jaso zuten.

Kontseiluaren helburu nagusia, Oiartzungo kirolean parte hartzen duten eragile guztiak (elkarteak, taldeak, hezkuntza zentroak, kirol instalazioen ordezkariak, udaleko ordezkariak eta bazkideen ordezkari bat) urtean 3-4 alditan bildu eta denen artean, Oiartzungo kirol egoera hobetzeko lan egitea da. Udala eta beste kirol eragileen arteko koordinazioa sustatu nahi da, urtez urte ikusten diren beharrak identifikatu eta hauei era bateratuan aurre egiteko.

2 padel pista berri Elorsoron Herritarren eskaerak kontuan hartuta, irailaren 29an hasi ziren 2 padel pista eraikitzeko lanak Elorsoro Kiroldegian. Lanek hilabete eta erdiko aurreikuspena bazuten ere, eguraldi txarraren ondorioz atzeratzen ari dira. Eguraldiak hobetuz gero aste beten bukatu ahal izango dira lanak eta erabiltzeko prest egongo dira padel pistak.

14

udal albisteak Mugikortasuna 2008, ikasleen eskaerak udalari Haur eta gaztetxoek kurtso honetan mugikortasunaren eta segurtasunaren inguruan egindako lanaren emaitzen berri eman zioten Oiartzungo alkate Aitor Etxeberriari maiatzean, eta topatutako gabeziei konponbidea eman diezaien eskaera egin zioten udalari.

Udaleko hirigintza eta obren sailak txostena aztertu ondoren, udal teknikari eta ordezkari politikoak ikasleekin batu ziren egindako eskaerei banan-banan erantzuteko. Udal ordezkariek eskerrak eman zieten txosten horretan parte hartu zuten guztiei eginiko lan txukunagatik eta egiteko moduagatik. Denetariko eskaerak zeuden txostenean: zebra bideak margotzea, oinezkoentzako espaloien beharra, trafiko seinaleen berrikuspena...Lan batzuk honez gero eginak daude, adibidez Elorrondo kalean, ikastetxe inguruko zebra bideen margoketa, edo Jon O単atibia kalea zuloz betea zegoela-eta baldosa asfaltoaz ordezkatua izan da... beste batzuk ordea, denbora eta aurrekontu handiagoa behar dute eta ezin dira egun batetik bestera egin. Hala ere, kontutan hartuko direla azpimarratu zuten udal ordezkariek.

Ibilgailuak eraginkortasunez gidatzen Udalak Oiartzun Autoeskolarekin elkarlanean ibilgailuak eraginkortasunez gidatzeko ikastaroa antolatu du. Oiartzungo Udaleko brigadetako langileek, udaltzainek eta zinegotziek ere jaso dute honez gero ikastaroa.

Jardunaldi hauen helburua gidatzeko modu ezberdin bat, alegia, naturarekin errespetagarriagoa den era bat dagoela erakustea da.

Jardunaldiak doakoak dira eta ikastaroaren hasieran, beren ibilgailua eraginkortasunez gida dezaten esku liburu bat banatuko da, baita parte-hartze agiri bat ere ikastaroa amaitzen denean. Izena eman nahi dutenek Oiartzun Autoeskolan bertan egin dezakete, baita telefonoz, 943 494095 tel. zenbakian. Ikastaro honetarako erabiliko diren bi autoetako bat herriko Ford Easo Motor etxeak eskaini du.

15

udal albisteak Txakurren gorotzak eta jabeen betebeharrak Herriko parke eta lorategiak txakurren gorotzez zikina zeudela-eta 300 bat kexa jaso zituen Oiartzungo Udalak, gaiari hel ziezaion eskatuz.

Udalak arazoari heldu eta konponbidea bilatzeko asmoz, hainbat pauso eman ditu hilabeteotan: Lehenik izena emanda zeuden txakurren jabeei gutun bana igorri zien, gai hori arautzen duen ordenantzaren berri emateko eta gorotzak jasotzea txakurren jabeen erantzukizuna eta betebeharra dela gogorarazteko.

Bestalde, Oiartzungo Udalak egoeraren azterketari ekin zion, baliabide aldetik egon litezkeen gabeziak identifikatzeko asmoz. Parke eta lorategietan zeuden zaborrontziak zenbatu eta txakurren gorotzen eraginez zikinen zeuden guneen mapa osatu zuen.

Behin egoeraren azterketa egina, herriko lorategi eta parkeak garbiago mantentzen laguntzeko hainbat baliabide jartzea erabaki du Udalak: 1. Txakurren gorotzak biltzeko 19 zaborrontzi gehiago daude herrian orain; hau da, premia gehien ikusten zen guneak indartu ditugu.

Gainontzeko zaborrontziak ere erabili daitezke, baina gertuen dagoena erabiltzea gomendatzen dugu.

2. Herriko 4 gunetan poltsatxoak jarri ditu Udalak txakurren jabeek DOAN hartu ahal ditzaten. Eskaintza hau gorotzak jasotzea sustatzeko da, etxean ditugun plastikozko poltsak ere erabili daitezke lan honetarako. Izan ere, behin poltsatxo horiek agortzen direnean, Udalak ez baititu gehiago eskainiko, norbera ohitu beharko da etxetik poltsatxoa eramaten. Honako lekuetan eskatu ahalko dira poltsatxoak: MENDIBURU ALBAITARITZA KLINIKA (Euskal Herria plaza, 8 Tel: 943493713); AUDELE ALBAITARITZA OSPITALEA (Oreretako bidea, 9 Tel: 943261192); EDER TXAKUR ETA KATU ILE APAINDEGIA (Elorrondo kalea, 12 Tel: 943494535); OIARTZUNGO UDALTZAINGOA (Doneztebe plaza 943493311) Udalak herritarren eskaerak kontuan hartu eta pausoak eta baliabideak jarri baditu ere, hainbat ideia azpimarratu nahiko lituzke arazo honen aurrean: batetik, gure herriko kale, parke eta lorategiak garbi mantendu behar ditugu; eta bestetik, Udalak txakurren gorotzen inguruan dagoen Ordenantza betearazteko baliabideak ere jarriko ditu.

Kable lapurretak Udan zehar, eta batez ere abuztuan, kable lapurreta garrantzitsuak izan ziren Oiartzunen. Orotara 11 salaketa jaso zituen Oiartzungo Udaltzaingoak: Makaraztegin, Bidegorrian, Lintziringainan, Lanbarren poligonoan... Behin baino gehiagotan, salaketarik tramitatu gabe, kalteak zuzenean konpondu behar izan zituzten Udal elektrikariek.

Lapurreta horien ondorioz, inbertsio ekonomiko garrantzitsua egin behar izan zen dena bere onera bueltatzeko. Izan ere, kablea lapurtzeaz gain, kalteak ugariak izan ziren: farolen tapak puskatuak, erregistro kaxetako tapak eta barruko fusibleak puskatuak, argiak piztu eta itzaltzeko sentsoreak,...

Lapurretak zirela eta, Udaltzaingoak gaueko txandak indartu egin zituen, eta txanda horietan udaltzain kopurua bikoiztu. Horren ondorioz, eta herritarren laguntzari esker, moztutako eramateko prest gordeta zegoen kablea errekuperatu zuen Udaltzaingoak lau aldiz. Beste kasu batean, lapurretak egiteko tresnak zituen poltsa bat aurkitu zuten arketa baten barruan.

Abuztuaren 18an pertsona bat atxilotua izan zen, Lanbarren poligonoan. Atxilotutako gaztea J.S.H. oreretarra zen. Horren ostean, Udaltzaingoak ez du lapurreta gehiagoren salaketarik jaso.

Hala ere, herritarrek Udal langileak ez diren pertsonak instalazio elektrikoen inguruetan ikusiz gero, konponketa lanetan ari ote diren edota lapurretan ari diren argitzeko, Udaltzaingora dei dezaten (943 493311) eskatzen du Oiartzungo Udalak.

16

udal albisteak Fermi単eneko lanak 2. fasean

Irailean hasi ziren azkenean Fermi単eko lanak. Aurreikuspenen arabera 2009ko uztailerako amaitua egongo da. Behe solairuan ludoteka egongo da, lehenengo solairuan berriz, turismo bulegoa, eta INTXIXU AEK eta TTUR-TTUR Euskaltzaleon Bilgunea Fermi単ene etxeko bigarren eta hirugarren solairuan kokatuko dira.

Elizaldeko frontoia

34 metroko luzera, 11 metroko zabalera, eta 6 metroko altuera izango du Elizalde ikastetxean eraikitzen ari den frontoi estaliak.

Hasierako proiektuarekin alderatuz bi hobekuntza egin dira: batetik, metro bat gehiago izango du altueran eta bestetik, kubiertan, 6 trasluzido jarri dira argitasuna emateko. Urte hasieran bukatzea aurreikusten da.

Aizarteko herri bidea amaitua Gorrinzulo Berri baserritik Aizarte baserrira doan herri-bidea auzolanean konpondu da, auzotarrek eta udalak elkarlanean alegia. Maiatzaren 30ean hasi eta abuztuan amaitu ziren lanak.

17

udal albisteak PLENOAK 2008/07/30 Orotara 13 zinegotzik hartu zuten parte uztaileko plenoan: Gobernu taldeko 6 zinegotzik eta alkateak, Oiartzun Baiko 5 zinegotzik eta Ezker Batuko zinegotzi batek.

Oro har, adostasuna egon zen gai zerrendan zeuden gai gehienetan. Bestalde Oiartzungo bi taxi gidarik ere parte hartu zuten, udalbatzari Gipuzkoan hartu den erabakiaren berri emateko eta haien babesa jasotzeko asmoz. Izan ere, Oiartzungo taxi gidariak Gipuzkoa osorako taxi telefono zenbaki bakarra ezartzearen ideiaren alde daude, baina kexu dira: kudeaketa taxiak dituen enpresa pribatu baten esku utzi delako (Vallina), eta, bestetik, Donostiako taxistek ez dutelako bat egiten ideiarekin; hortaz, ez da izango probintzia osorako zenbaki bakarra. Arrazoi horiek medio, Oairtzungo taxi gidariek ere ez dute telefono bakar horrekin bat egin, eta orain artekoa mantentzen dute. Babes eskaera aho batez onartu zuen udalbatzak.

Hiru gaik sortu zuten eztabaida. Lehena, Gipuzkoako Hiri Hondakinak Kudeatzeko Plan Orokorraren Aurrerapen Agiriari Jarritako Alegazioak Berresteko Proposamena: OBaik Gipuzkoan eramaten ari den prozedura eta eredua defendatu zuten, eta Gobernu Taldeak eta Ezker Batuak, aldiz, prozeduran izan diren akatsak eta parte-hartze eza salatu, eta Gipuzkoak errauskailuaren alde egiten duen apustua arbuiatu zuten. Proposamena aurrera atera zen aldeko 8 bozekin eta 5 abstentziorekin. Bigarren gai eztabaidagarria 2008ko Xanistebanetako jai egitaraua eta aurrekontua onartzeko proposamena izan zen, non OBaik eta EBk aipatu baitzuten Udalak bere gain hartu beharko ez lituzkeen ekimenak daudela egitarauan. Kultur zinegotzi Idurre Berak adierazi zuen festak eta egitaraua Jai Batzordeak antolatzen dituela, eta herritarren esku dagoela egitarau horren edukia: EBk egitarauan egoki ikusten ez duen herri meza, zein gainontzeko ekimen guztiak... Proposamena aurrera atera zen Gobernu Taldearen aldeko 7 bozekin, OBairen 5 abstentziorekin eta EBren kontrako bozarekin.

"Xanixtebanak Jai Batzordeak antolatzen ditu, eta, beraz, herritarren esku dago egitarau horren edukia" Hirugarren gai eztabaidatsua galde-eskeen atalean izan zen, non OBaik Udala Informatzen aldizkarian, Txarako parkeari buruzko albistean esaten zenarekiko desadostasuna azaldu duen; haien ustez, bertan, gertatutakoari buruzko iritzia ematen da, eta ez informazio objektiboa. Aitor Etxeberria alkateak hartu zuen hitza, eta erantzun zuen aldizkarian agertzen zena ez zela iritzia; Txarako obran izan diren akats administratiboen berri ematen zaie herritarrei. Hau da, ukaezina da irregulartasunak izan direla. Iritzia eman eta neurriak hartzeko, Ikerketa Batzordearen sorrera proposatu zuela Gobernu Taldeak, eta OBaik ezezkoa eman ziola. Herritarrek orain arte gertatutakoa jakiteko eskubide osoa dutela defendatu zuen Gobernu Taldeak.

18

2008/10/02 Gai zerrenda luzea zen eztabaidatu beharrekoa eta puntu garrantzitsuenen artean bi zeuden: 2009. urterako zerga ordenantzen aldaketarako proposamena eta EAE-ANV alderdi politikoaren ilegalizazioa dela-eta aurkezturiko mozioa. Iraileko Ohiko Batzarraldian Udal Gobernuko 7 kideek soilik hartu zuten parte, eta OBairen 5 eserlekuak eta EBren eserlekua hutsik zeudenez, ez zen inolako eztabaidarik egon. Ondorioz, nagusiki honako erabakiak hartu ziren plenoan: 2009. urterako Zerga Ordenantzen aldaketarako proposamena onartu zen: Aurrekontuen prestaketan lehen urrats garrantzitsu bat egon ohi da, udalari kobratzea dagozkion zerga eta tasen zenbatekoak zehaztea, alegia. Zenbat gastatu daitekeen jakiteko beharrezkoa izaten da Udalak zenbat jasoko duen zehaztea.

Printzipioz, udalak 5 zerga kobratzen ditu: ondasun higiezinen gainekoa (kontribuzioa), jarduera ekonomikoen gainekoa (IAE), ibilgailu motordunen gainekoa (bi単eta), obren gainekoa eta lur hiritarren plusbalioen gainekoak. Hauek %3 igo ziren 2008an, baina KPIa %4,2ra iritsi dela kontuan hartuta, 2008an %1,2 defizita izan du Udalak. Defizit hori orekatu nahian, eta 2009an KPIa %5 inguruan ibiliko dela kontutan hartuta, %6 igotzea proposatu eta onartu zen.

Horrez gain, Udalak zenbait zerbitzuren tasak ezartzeko ahalmena du. Tasa horien bitartez, hainbat zerbitzu eman ahal izatea ziurtatzen da. Horretarako, baina, beharrezkoa da tasa hauek ere eguneratzea. Azken urteetako kudeaketa kaskarraren ondorioz, Udalak zenbait zerbitzu eskaintzeko dituen kargak izugarri handitu dira.

Besteak beste, hor dira A単arbe Mankomunitatearekin hitzartutakoak

udal albisteak edo hiri hondakinen kudeaketan hartu diren erabakiak. Horrek guztiak ura eta hiri hondakinen tasen igoera ekarri du. Horregatik, UraEstolderia eta Zaborrari buruzko Petxak %10 igotzea proposatu eta onartu zuen Udal Gobernuak.

"Aurreko legegintzaldiko kudeaketa kaskarraren ondorioz, kargak izugarri handitu dira" Aitor Etxeberria alkateak azaldu zuenez, eta uraren gaiari helduz, lau urteren buruan Oiartzungo Udalak Añarberi 50.000 € ordaintzetik, 406.000 € ordaintzera igaro da; izan ere, 2003-2007 legegintzaldian, Añarbek zerbitzua kobratzeko sisteman aldaketa egitea proposatu zion Udalari, eta honek onartu egin zuen. Udalak eta Añarbek 4 urteko ordainketa plana adostu zuten, eta igoera hori akordio horren ondorioz gertatu da. Gainera, Añarbek %11ko igoera proposatzen dio Udalari; hortaz, gastu izugarri horri aurre egin ahal izateko, ezinbestean, Udalak %10eko igoera proposatzen du 2009rako.

Zaborren kasuan, argitu zuen, Oiartzungo hondakinak San Markoseko zabortegira eramateagatik, 2007. urtean Udalak 154.930 € ordaintzen zizkiola Mankomunitateari. 2008an, berriz,350.000 € ordaindu behar izan ditu Udalak transferentzia plantaren gastu igoeragatik eta herriko hondakinak beste zabortegi batera eramateak izango dituen garraio kostuei aurre egiteko.

Zoritxarrez, etorkizuna ez dirudi hobea izango denik, eta hondakinen kudeaketa egokia eta, batez ere, iraunkorra egiten ez den bitartean, garestia izango da zaborrak sortzea. Ondorioz 2009rako %10 igotzea proposatu eta onartu zuen Udalak.

EAE-ANV alderdi politikoaren ilegalizazioa dela-eta aurkezturiko mozioa onartu zen. Pavel Viñasek hartu zuen hitza, eta asmoa denen artean eztabaidatzea zela aipatu zuen. Bi estatuen erasoak, alderdi eta erakundeen ilegalizazioak, kideen atxilotze, espetxeratze eta dispertsioa... Eraso horiei guztiei herritarrek eta erakundeek ASKI DA esateko garaia badela aipatu zuen. Bakoitzak bere eremutik, Marko Demokratikoaren aldeko lana egitea dela bidea azpimarratu zuen. Zentzu horretan, mozio hori onartzea da udal ordezkariek eraso latz hauen aurrean iritzia emateko modua.

Hala, salbuespen egoera salatzeko, urriaren 3an, ostiralarekin, Oiartzunen 20:00etan egingo zen manifestazioan eta biharamunean Bilbon izango zen elkarretaratzean ere parte hartzeko deia luzatu zien alkateak herritarrei. Gainera, apartheid politikoa salatzeko, Udal Gobernua osatzen duten zinegotziek udaletxean 24 orduko itxialdia egingo zutela adierazi zuen.

2008/11/19 Eztabaida gehien sortu zuen puntua Arau subsidiarioei zegokiena izan zen. Gainontzeko puntu gehienak aho batez onartu ziren, baita gai zerrendatik kanpo proposatu ziren biak ere: Euskararen normalizazio planaren onarpena, bata, eta Oianleku eremuko lur erosketaren proposamena, bestea.

Azaroko Ohiko Batzarraldian honako udal ordezkariek hartu zuten parte: Udal Gobernuko 7 kideek eta OBairen 5 ordezkariek. Arau subsidiarioen zatikako berrikusketaren aurrean izandako alegazioen erantzuna eta irizpide, helburu eta soluzio bide orokorren inguruko eztabaida izan zen lehenengo puntua, eta Udal Gobernuko kideen aldeko 7 bozekin eta Obren kontrako 5 bozekin onartu zen. Arau Subsidiarioen proposamenak Elizalde, Ugaldetxo, Arragua, Zerradi eta Lanbarren guneetarako 53 alegazio jaso ditu guztira. Horietako gehienak interes partikularrengatik aurkeztu dira, baina gutxi batzuek (5) ikuspegi orokorra zuten Oiartzungo garapenari buruz. Orotara, 10 alegazio kontuan hartu dira osoki, eta beste lau partzialki.

Pavel Viñasek azaldu zuenez, garapen eredu berria proposatu zaio herriari: iradokizunen tartea zabaldu zen, auzoetan errondak egin ziren (non 206 herritarrek hartu zuten parte), hedabideetan honen berri eman zen, eta ondoren alegazioen azterketa egiteko fasea heldu da. Azterketa, hori bai, teknikari, politikari eta herritarren iritziak kontuan hartuta egiten ari da; hau da, ikuspegi horien guztien batura da. "garapen eredu berria proposatu zaio herriari: iradokizunen tartea zabaldu zen, auzoetan errondak egin ziren..."

Ondoren datorren fasea, alegazioei emandako erantzunak konpartitzea izango da eta onartu diren alegazioekin egin beharreko aldaketa proposamenak herriratzea ohiko prozeduraren bidez: auzoz auzoko errondak, herri batzarra eta azkenean hortik aterako den dokumentuaren onarpena. "Gu proposamena erakustera joango gara auzoz auzo, eta herritarrek esango dute proposamenarekin bat datozen edo ez", azpimarratu zuen Pavel Viñasek. OBko bozemaileak azpimarratu zuen ez zeudela ados ez planteamendu orokorrarekin ezta emandako erantzunekin. "Aholku kontseilua hasieratik eratu beharra zegoen, eta ez onarpenaren bezperan", gaineratu zuen Xanet Arozenak.

Orokorrean, esandakoa ez betetzea eta herritarren parte hartzeari trabak jartzea leporatu zion oposizioko taldeak Udal Gobernuari: "...iritzia emateko eskubiderik ez da egon eta herritarrek ez dute debaterako aukerarik izan", aipatu zuen OBko zinegotzi Martin Beramendik.

19

iritzia Udala ere nabaritzen hasia da krisi ekonomikoaren eragina. Izan ere, Oiartzungo Udalak 1,1 milioi € gutxiago izango ditu 2009an: 17,3 milioi €-tik 16,2 milioi €-ra jaitsi da Udal aurrekontua. Krisiaren eragina sumatzen hasi ote diren galdetu nahi izan diegu herritarrei.

1. Nabaritzen hasi al zara krisi ekonomikoaren eragina?

2. Bereziki, zertan eragin duen zehaztu dezakezu?

3. Udalak diru sarrera gutxiago izango dituenez, 2009ko inbertsioak murriztu beharko dira; zuk zertan murriztu zenuke gastua, edota zertan iruditzen zaizu gehiegi gastatzen duela Udalak?

Ortzuri Olaetxea Rodriguez 1. Nik pertsonalki ez, lanean berdin nago eta etxean oraindik ez dugu nabaritu.

2. Inguruan lantegiak ixten ari direla badakit, merkataritzan eta ostalaritzan eragina izaten ari dela ere bai, baina nik oraindik ez dut nabaritu zuzenean.

3. Ia dena beharrezkoa iruditzen zait, baina aukeratu behar izango banu, ba, agian, eraikuntza, etxebizitza berri gutxiago eraikitzea.

Juan Jose Vázquez García 1. Ba bai, dezente gainera.

2. Erosteko ahalmenean eta psikologikoki komunikabideek duten boterean, ez baitakit krisiarena egia ote den... Nik hiru hilabete besterik ez daramat ostalaritzan lanean; beraz, krisialdian hasi nintzen. Diotenez, nabaritu nabaritzen da.

3. Inoiz ez dela diru askirik heltzen iruditzen zait, zenbat eta diru gehiago izan, ba, azpiegitura gehiago sortzen dira... Nik ez dakit zertan egingo nituzkeen murrizketak, zaila da.

Garbiñe Iragorri Artola 1. Bai nabaritu dut dezente, herrian oro har.

2. Bueno, nik ostalaritzan lan egiten dut, eta lehen, adibidez, astean zehar herrian mugimendu gehiago egoten zen, bai taberna aieketan edo kafe bat hartzera joaten zinen eta beste mugimendu bat ikusten zen... Negua izateaz aparte, krisiaren eraginez ere gastuak murrizten goazela iruditzen zait.

3. Zaila da... Ez zait iruditzen zerbaitetan gehiegi gastatzen denik, pentsatzen dut dela orokorrean denei pasatzen zaiguna, bai Udalak baita pertsonalki ere diru sarrera gutxiago ditugula eta gerrikoa estutu beharko dugula!

20

iritzia Mikel Noboa Urra 1. Bai. 2. Nik, adibidez, eraikuntzan lan egiten dut, eta orain jendeak diru gutxiago dauka obra txikiak egiteko; lehen beti lanez gainezka ibiltzen ginen, eta orain, berriz, presupuesto gehiago egin behar dituzu. Esate baterako, aurrekontua onartzen dizute, jendea banketxera joaten da dirua eskatzera eta banketxeak ez dio dirua ematen... Eta ematen badio, oso garesti. Nik uste dut krisia orokorra dela, mundu mailakoa, eta sektore guztiei eragingo diela. Nik nabaritu dut, lan gutxiago dago, eta egiten den lana kobratzeko ere zailtasunak ditut...

3. Nik uste dut herriari gehien interesatzen zaiona ekintza sozialak direla. Eta, adibidez, pixka bat paralizatu daitekeela obra publikoen berritzea (espaloiak, etab.)

Silvia Morate Guerrero 1. Bai, pixka bat bai.

2. Asko igo dela gauzen prezioa, eta, gainera, erosteko ahalmen gutxiago daukat. Jendeari kostatzen zaio gauzak erostea, ordaintzea kostatzen zaio... Orokorrean dena igo dela iruditzen zait: erosketak, aisialdia,...

3. Egia esan, ez dakit Udalak zertan gastatu dezakeen gehiegi edota zertan egin ditzakeen murrizketak. Baina oso ondo legoke, adibidez, ludoteka amaitzea, zeren egun daukaguna oso txikia. Ni orokorrean kontentu nago herriarekin eta Udalarekin: parkingak doakoak dira, eta, adibidez, ez nuke nahi horiek pagatu behar izatea... Kiroldegia ere oso gustukoa dut...

Hemen baditugu gauza asko beste lekuetan ez daudenak eta herritarrari onura ekartzen diotenak.

Xabin Aizarna Santa Cruz 1. Momentuz nik ez dut zuzenean eraginik sumatu. Etxebizitza ordainduta daukagu, eta banketxearekin mailegurik ez. Lanbidez irakaslea naiz ikastola batean eta oraindik ez dut nabaritu.

2. Eragina izan dezake ikastolako gurasoengan, izan ere, bizimodu anitzak daude: langileak, autonomoak... Beraz, zenbait gurasok krisi ekonomikoa guk baino gehiago nabaritu dezaketela pentsatzen dut eta arazoak izan ditzaketela ikastolako kuotak etab. ordaintzeko.

3. Ni donostiarra naiz eta ez dut ezagutzen Oiartzungo errealitatea, baina, oro har, udal guztiei eragin die krisiak, Donostiako Udalean ere murrizketak egiten ari direla badakit. Hiru eremu egon ohi dira: inbertsioak, gastu soziala eta udal barruko gastuak (langileak,...).

Murrizketek inbertsioei eragingo diote, gastu soziala ezinbestekoa baita eta udal barruko gastuak ere bai.

21

auzoak Iturriotz Auzoko sarreran, Ozentzio eta Makutxo bideak komunikatuko dituen biribilgunea eraikitzeko lanak aurrera doaz Araneder kaleko errepidean. Bide batez, Altamira eta Ozentzio kaleko saneamendua eta azpiegiturak prest utziko dira.

Ugaldetxo Ugaldetxoko festetan Atamitx jatetxea elkarte bezala erabiltzeko egokitu zen. Eraikuntza enpresaren baimenarekin, Udalak argiteria eta instalazio elektrikoak berritu zituen bertan eta auzoko bizilagunak, berriz, hura garbitu eta txukuntzeaz arduratu ziren.

22

auzoak Arragua Ganboxa kalean sortutako uholdeen ondorioz, Udalak zergatiaren azterketa egiteari ekin zion. Bertan sartuta zegoen euri uren metro bateko tajea 600 cm-ko diametroko hodira igarotzen zela ohartu ziren udal teknikariak. Arazoari irtenbidea emateko hodia kendu eta tajea egin zen bertan.

Azaro erdialdera eroritako urekin konprobatu da ez dela arazorik sortu.

Altzibar Klareneberri eta Babes Ofizialezko etxeen artean dagoen parkerako igarobidean kotxeek aparkatu ez dezaten, bi lorontzi jarri ditu Udalak. Izan ere, larrialdi kasuetan anbulantziek edota suhiltzaileek erabili ahal izateko guneak libre egon behar du, eta modu horretan lorontziak baztertu eta plazatxora pasatzeko aukera izango lukete. Oarsoaldeako langileak arduratuko dira lorontziak betetzeaz.

23

auzoak Gurutze Biribilgunetik Txipiberri baserrira doan ur hodia lehertuta zegoen.

Uretako udal brigadak konpondu, eta enpresa bat arduratu zen espaloian eta lorategietan altxatutako zorua berritzeaz. Bestalde, bidegorria egokitu zen festetako mountain bike probarako, euri uren ondorioz oso egoera txarrean zegoen eta.

Ergoien Tornola kalean ur zikinen eta euri uren hoditeriak berritzearekin batera, argiteria, argindarra eta Telefonicako azpiegiturak lurpean sartu dira. Jarraian, Kapeo aurrean dagoen espaloi berriaren lanak hasi, eta, aurreikuspenen arabera, martxorako bukatuta egongo dira.

24

auzoak Karrika Bizilagunek aspalditik eskatu zioten Udalari Artaso elkarteko ataria asfaltatzeko.

Hala, auzoko festetarako, Artaso elkarteko ataria asfaltatu zuen Oiartzungo Udalak.

Elizalde Rafael Pikabea kaleko espaloia eguberrietarako bukatuta egongo da.

Euri uren eta ur zikinen hoditeria sartu da bertan; izan ere, orain arte biak hodi beretik zihoazen.

Telefonica eta Iberdrolako azpiegiturak lur azpian sartu dira, eta, horrez gain, zenbait farola ere jarri dira.

25

herriko berri Aiako Harria 1. BTT Maratoia Eguraldi hotza eta euritsua egin bazuen ere, azaroaren 2an burutu zen Aiako Harria I BTT Maratoian jende ugarik hartu zuen parte.

Bi motako ibilbideak zeuden aukeran, bata luzea (56 km) zeinean 110 lagunek hartu zuten parte eta bestea motza (33 km), 210 parte hartzaile izan zituena.

Ibilbide motzean aritu ziren 5-12 urte bitarteko 30 gaztetxoek 7 km.ko ibilbidea egin zuten.

Antolatzaile lanetan ibili ziren eragileek -GIRIZIA K.E., LARTAUN Z.E. eta OIARTZUNGO UDALA - balorazio positiboa egin zuten eta eskerrak eman zizkieten ekimenean modu batez edo bestez lagundu zuten erakunde zein lagun guztiei.

Ibilbide luzearen sailkapena honakoa izan zen: gizonezkoetan Patxi CĂ­a lehenbiziko, Ramon Lekuona bigarren eta Iosu Varona hirugarren; emakumezkoetan berriz Sole Mitxelena.

Hasierako 20 km-ak ibilbide luzearenak eta txikiarenak berdinak ziren: Aiako Harrien parke naturala, Oiartzun, Lesaka eta Irun, Oiartzun- Iturriotz-Sorondo- Oianleku- Bianditz- Aritxulegi- San Anton- Erlaitz- Pikoketa- Minak - Bidegorria- Gurutze- UrkabeOiartzun.

Ibilbide motzean lehenbiziko emakumezkoa Ainize Mitxelena izan zen, Laura Hermosilla bigarrena eta Iraia

26

Etxebeste hirugarrena. Gizonezkoetan aldiz, Mikel Elizetxea izan zen lehenbiziko sailkatua, Fermin Blanco bigarrena eta Xabier Sesen hirugarrena. Ibilbide txikia honakoa izan zen: Aiako Harrien parke naturala, Oiartzun-Iturriotz-SorondoOianleku-Zaldin-Karrika-Bidegorria-Oiartzun.

5 eta 12 urte bitarteko gaztetxoek 7 km.ko ibilbidea egin zuten: Oiartzun-Ugaldetxo-Iturriotz-Altzibar-BidegorriaOiartzun.

Informazio gehiago edota argazkiak ikusi nahi izanez gero, www.girizia.org webgunean topa daitezke.

herriko berri Oiartzun Irratia, urrutira jo gabe!

Euskarazko komunikabideen inguruan inkesta burutu zuen Aztikerrek udaberrian. Oiartzuarrek hedabideak aukeratzerakoan zein ohitura dituzten aztertu asmoz. Telefono bidez egin zen inkestan, bereziki, Oiartzun Irratiak duen entzule kopurua, mota, gustuak‌ izan ziren aztergai. Aztiker Jendarte-ikerketa aplikatuak enpresak egin zuen Oiartzungo Udaleko Euskara Zerbitzuak bideratutako ikerketa.

Oiartzun Irratiko Uxue Perez eta Urtzi Argibairekin egon gara guzti honen berri izateko.

Ze balorazio egiten duzue ikerketaz?

Ikerketa honek balio izan digu entzuleek zer nahi duten jakiteko.

Emaitzak oso positiboak direla iruditzen zaigu: batetik, egiten dugun lanaren errekonozimendua jaso dugu entzuleen iritziak jakinda; eta bestetik, hobetzeko eta beharretara egokitzeko gogoa piztu digu.

prentsak dakarren informazioaren berri emango dugu.

Albistegien tarte hau eguerdiko 15.00tan eta gaueko 20.00tan ere emango dugu.

Ordutegi berriaz gain beste berritasunik egongo al da?

Bai, 9tatik 10etara gai ugariren inguruko tartea zabaldu nahi dugu: tertulia, elkarrizketa, kronika eta musika, nola ez!

Astelehenetan adibidez, kirola izango tarte honetan gai protagonista. Eta honen ostean, 10.00etatik 13.00tara Arguyuan magazina izango dugu egunero, ohiko edukiekin: efemerideak, lehiaketa, musika etab.

Besterik aipatu nahi al duzue?

Herriko elkarteei eta herritarrei orohar gogorarazi nahi diegu Oiartzun Irratia mezuak zabaltzeko tresna bat dela eta haien eskura dagoela. Bide batez eskerrak eman nahi dizkiegu Arguyuan saioko lehiaketan opariak eskainiz parte hartzen duten elkarte, eragile eta dendari guztiei, bi norabideetan, elkar laguntzen baikara: haiek Oiartzun Irratia sustatzen eta gu haien erakusleiho izanez.

Emaitzen artean, zein da zuentzat esanguratsuena?

Ikerketa honen arabera Oiartzun irratia herriko laugarren irrati entzunena da eta herri mailako irratia izanik eta ditugun baliabideak kontutan hartuz ba datu esanguratsua iruditu zaigu. Bost oiartzuarretatik lauk ezagutzen dute gure irratia eta egunean 300 entzule inguru ditugu. Horrek egia esan, asko animatu gaitu!

Herritarrek ze iritzi dute Oiartzun Irratiari buruz?

Balorazio orokorra oso positiboa izan da eta horren oinarria bertakotasuna eta hurbiltasuna dela diote. Batez ere gustoko dituzte Arguyuan saioa eta orokorrean jartzen dugun musika.

Aurrera begirako erronkak zeintzuk dira?

Ba egungo entzuleei eustea eta entzule berriak bereganatzea.

Inoiz Oiartzun Irratia entzun ez dutenengana lehen aldiz iristea.

Horretarako garrantzitsua iruditzen zaigu saioen ordutegia herritarren ohiturei egokitzea, izan ere, ikerketaren arabera irratia entzuteko ohiturak goizeko zortziak eta bederatziak bitartean jotzen du goia eta ordu tarte horretan herritarren laurdenek entzuten dute irratia orokorrean.

Noiz hasiko zarete programazio berriarekin?

Urtarriletik aurrera eman nahi dugu jauzia, goizeko 8tan hasiz programazioa. 8tatik 9etara albistegien tartea izango dugu egunero eta bertan eguraldiaren berri, albisteen berri eta eguneko

Oiartzun Irratia

FM 107 27

iruditan

11 preso politiko Oiartzunen

Fusilatuen aztarnak: memoria historikoaren erakusketa

Iturriotz jaietan

28

iruditan

2008ko Xanixtebanak

Karrikako festetan esku-pilota

Jolasak Gurutzeko jaietan

29

iruditan Ugaldetxoko festak

Garagardo Azoka Kontsejupean

Udazken jaia eta “itoti bat gutxiyo�

CD-aren aurkezpena

30

iruditan Musikarien eguna eta ospakizuna

Hiesaren sentsibilizazio astea.

Amaia Zubiria, elkartasun kontzertua

Kantu txapelketa

Kick Boxing, Euskal Herria eta Espainia lehian

Sahararen aldeko astea

31