92. Udala Informatzen

Oiartzungo

92. zenbakia

2020ko abuztua

www.oiartzun.eus

udalainformatzen

Ilustrazioa: Paula Estevez

Covid19 garaian elkar zaindu, Oiartzun zaintzeko

26 2 Sarrera | 3 Agurra | 4 Udal Albisteak | 20 Iritzia | 22 Auzoak | 24 Herriko berri | 28 Erreportajea | 32 Iruditan | 36 Gotti Betti

oiartzungoudalainformatzen

telefono interesgarriak Udal telefono zenbakiak

Zerbitzuak

Informazioa 943 49 01 42 Alkatetza 943 49 18 62 Gizarte Ongizatea 943 49 05 52 Hirigintza eta Atez ateko bulegoa 943 49 03 77 Kultura 943 49 10 34 Manuel Lekuona Biblioteka 943 49 38 64 Udaltzaingoa 943 49 33 11 Elorsoro Udal Kiroldegia 943 49 25 52 Udal Igerileku irekia 943 49 37 45 Arritxulo Udal Mendi-Aterpea 943 58 00 10

Osasun zentroa 943 00 65 04 DYA 943 46 46 22 Jubilatuen elkartea 943 49 00 02 Zaharren egoitza 943 26 10 80 Taxiak 943 49 14 74 Herribus - Iparbus 943 49 18 01 Posta 943 49 35 74 Epaitegia 943 49 09 13 Nekazal bulegoak 943 49 03 47 / 943 49 06 69 Oarsoaldea eskualdearen garapenerako agentzia 943 49 41 29 Behemendi 943 49 02 19

Turismoa Hezkuntza Turismo bulegoa 943 49 45 21 Herri Musikaren Txokoa 943 49 35 78 Luberri Ikasgune Geologikoa 943 26 25 93 Komunikabideak Oiartzun irratia 943 49 37 11 Oarsoaldeko Hitza 943 34 03 30

Haurtzaro ikastola 943 49 22 12 Elizalde Herri Eskola 943 49 01 93 Elizalde Institutua 943 49 10 17 Urmendi Haur Eskola 943 26 00 86 AEK Intxixu euskaltegia 943 49 39 57 Helduen Heziketa Iraunkorra (Altzibar) 943 49 00 48

Harremanetarako, ekimenen berri emateko, proposamenak egiteko… hau da Oiartzungo udal aldizkariaren helbide elektronikoa: komunikazio@oiartzun.eus

ohar garrantzitsua Udal aldizkaria euskara hutsean kaleratuko da.

Oiartzungo Udalak urte asko daramatza euskara normalizatzearen aldeko lana eginez. Aldizkari hau, horregatik, euskara hutsean kaleratzen da.

Nolanahi ere, nahi duenak ale bakoitzaren eduki nagusien laburpena jasoko du gaztelaniaz. Horretarako, ordea, eskaera egin beharko du udaletxeko informazio gunean, 943 49 01 42 telefono zenbakira deituz edo komunikazio@oiartzun.eus helbide elektronikora mezu bat bidaliz.

Eskaera egitean, nork bere datuak eman beharko ditu, aldizkaria jaso ahal izateko.

NOTA IMPORTANTE La revista se publicará íntegramente en euskera.

El ayuntamiento de Oiartzun lleva muchos años comprometido con la normalización del euskera. Esta misma revista, por eso, se publica únicamente en euskera.

No obstante, todo aquel que este interesado tendrá la posibilidad de recibir un resumen de los contenidos más importantes de cada número.

Para ello, deberá ponerse en contacto con nosotros, acercándose a la oficina de información, llamando al número de teléfono 943490142 o enviando un correo electrónico a la dirección komunikazio@oiartzun.eus. Al realizar la solicitud, el interesado deberá facilitar sus datos, para poder recibir la revista.

Argitaratzailea: Oiartzungo Udala Diseinua eta maketazioa: Dixidu Diseinu Grafikoa Inprimaketa: Antza Komunikazio Grafikoa Lege Gordailua: Donostia-1216/91

2

www.oiartzun.eus

oiartzungoudalainformatzen

agurra

Olaia Lasa Olaziregi Gizarte-Ongizate zinegotzia Inork espero ez genuen egoera batean murgilduta gaude martxotik. Egoera honek jende askoren bizitza hankaz gora jarri du eta Udaletik ahalegindu gara guztiei erantzun bat ematen. Gizarte zerbitzuak ez dira geratu inongo momentuan, martxan egon dira sortutako behar berriei erantzuna emanez, nabarian geratu baitira COVID 19ak ekarritako ondorioak.

Lehendik ere egoera zailean zeudenak izan dira kaltetuenak, baina behar berriak ere sortu dira, orain arte laguntzarik gabe bizitza ateratzen zutenak, baina egoera honen ondorioz ezin aurrera egin sentitu direnak. Horregatik, Gizarte-Ongizate saila egokitu behar izan dugu, zerbitzu berriak martxan jartzeko: erosketak egin adineko edo bazterkeria arriskuan daudenei, eskola-behar bereziak dituzten haurrei laguntza, jubilatuekin hitz egin (hauek bai sasoia!); etxez etxeko gutxieneko zerbitzua mantendu‌ Garrantzitsua zen herriko kolektibo zaurgarrienari merezi bezalako zerbitzua ematea. Horregatik, Udalak eskuragarri izan dituen babes neurri guztiak luzatu dizkio etxez etxeko langileei. Hauek egindako lana eskertzekoa da, beraien beldur eta kezkekin aurrera egin dutelako, herriko helduak zainduz eta goxatuz.

Herritarren parte-hartzea eta inplikazioa ere goraipatzekoak dira, batetik beraien burua eta ingurukoak zaintzeko helburuarekin arduraz jokatu dutelako, eta bestetik sortutako bolondres talde izugarria. Behar eta arlo ezberdinak jorratzeko asmoz egon da koordinazio talde orokor bat, erosketak egiteko edota telefono bidez konpainia egiteko prest. Etxean ez aspertzeko ere talde bat baino gehiago izan ditugu, gure egunak eramangarriago eta alaiago eginez.

Haurren aisialdirako ere mila ideia jaso ditugu, etxeko lanak

egiteko laguntza, baita osasun mentala mantentzeko ere. Eta hau guztia herritarren laguntzeko grinak bultzatuta!

Egoera honek hausnartzera behartzen gaitu, benetan konturatzera zein gauza diren garrantzitsuak. Zeinen beharrezkoa dugun kontaktua, konpartitzea eta lagunartea.

Kapitalismoak indibidualismora garamatza, baina egoera honek agerian utzi du gure nortasuna ez datorrela bat ideologia horrekin. Elkarbizitza eta elkarlanean bizitzeko beharra dugu.

Aurtengo uda ezberdina izango da. Egoerak ala behartuta, ezin izango dugu auzoko jaiez eta herriko jaiez ohiko moduan disfrutatu. Baina, Oiartzungo herria altxor hutsa da zentzu askotan, eta baita kulturan ere; uda alaituko diguten artista mordoa dugu herrian eta beren magiarekin kutsatuko dute herria. Kulturabirusa (Herri xenda) izenarekin osatu da udarako kultur programa ezin hobea, herriko artisten emanaldiz beteta.

Ingurua ere ederra dugu uda pasatzeko, aprobetxatu dezagun aukera ezin hobe hau urrutira jo gabe ditugun altxorrak ezagutzeko. Guztiok dugu oxigeno beharra eta atera gaitezen kalera eguzkiaz, mendiaz, errekaz‌ gozatzera.

Ez dugu ahaztu behar oraindik egoera berezian gaudela, tentuz eta arduraz jokatzen jarraitu behar dugula. Baina, inoiz baino gehiago, disfrutatu momentua eta goza dezagun gaurko eguna.

Eutsi Oiartzun!

www.oiartzun.eus

3

oiartzungoudalainformatzen

udal albisteak Covid19aren aurrean, herritarren osasuna eta ongizatea bermatzeko neurriak hartu ditu udalak Osasun larrialdi egoerak udal zerbitzuak egoera berrira egokitzera behartu du Espero gabe, COVID19ak hankaz goiti jarri du ezagutzen genuen errealitatea. Martxoaz geroztik, Udalak bere zerbitzuak egokitu behar izan ditu eta erabaki berriak hartu, orain arte ezezaguna zen egoera bati aurre egin eta, oiartzuarren osasuna eta ongizatea bermatzeko.

Herritarren osasuna babestea eta bermatzea da Udalaren lehentasuna azken hilabete hauetan. Horretarako, prebentzio neurriak hartu dira udal barruan eta baita herritarrei begira ere.

Udal zerbitzuak, langile eta herritarrentzako seguruak Martxoaren 14aren bueltan, COVID19ak eragindako osasun larrialdi egoera asko okertu zen eta bertan behera geratu ziren antolatutako ekintzak eta udal zerbitzuak itxi ziren (Manuel Lekuona biblioteka; Elorsoro kiroldegia; Madalensoro pilotalekua; Karla Lekuona futbol zelaia; auzoetako eta kaleko frontoiak; haur parkeak; bidegorriko skate park-a eta zirkuitu bio-osasungarriak).

Udal eraikinak ere itxi egin ziren martxoaren 16an herritarren arretarako. Ahal izan den heinean, telelana egin dute udaletxeko langileek. Maiatzaren 27an berriz irekitzen hasi ziren udal eraikinak, langileak eta herritarrak babesteko neurri bereziak hartuta (panelak, hidrogela, distantziak‌).

Osasun irizpideei kasu eginez, higienearekin lotutako neurriak indartu ziren tarte horretan: kale garbiketa zerbitzua berrantolatuta, desinfekzio lanak egin ziren egunero Petra Lekuona zaharren egoitzan, denda aurreetan, garraio publikoko geltokietan...

Martxoaren 16tik maiatzaren 11ra bizitu genuen itxialdiaren eta larrialdi egoerak eragindako egoera eta ondorioei aurre egiteko, bi zutabe nagusiren inguruan gauzatu du Udalak lanketa: gizarte-ongizatea eta ekonomia.

Lehentasuna pertsonen ongizate beharrak identifikatu eta egoera zaurgarrienean daudenei arreta ematea izan da: helduak, indarkeria matxista jasaten dutenak, oinarrizko beharrak ase gabe dituzten familia eta herritarrak‌ Bestetik, ekonomia arloan ere hartu dira erabakiak. Batzuk, zerga arlokoak izan dira, herritar guztiei eragiten dietenak. Bestetik, Udalak sinatuak dituen kontratuak mantentzen ahalegindu da, zerbitzu horietako langileen soldatak bermatzea lehentasuna izanik. Azkenik, garrantzitsuak izan dira merkatari eta ostalarien egoerari laguntzeko hartu diren erabakiak.

4

www.oiartzun.eus

Oinarrizko beharrak, gordinenean Olaia Lasa Gizarte-Ongizate zinegotziak aitortu duenez, egoera gordinak ikusi dituzte sail horretan: “Egoera honek nabarmen erakutsi du zein bizi den oso justuan, oso oinarrizko beharrak geratu dira begibistan, eta horrek inpaktu handia egiten du�.

oiartzungoudalainformatzen

udal albisteak COVID19aren pandemiaren aurretik Gizarte Zerbitzuen erabiltzaile zirenen egoera okertu da, eta “erabiltzaile berriak etorri dira”, dio Lasak. “Asko, emakumeak eta etorkinak izan dira, zaintza lanetan aritzen direnen prekarietatea nabarmen ikusi dugu”.

Helduei deiak egin dizkie Udalak, euren egoeraren berri izateko eta laguntza zein konpainia eskaintzeko. “Hori egiteagatik oso eskertuak egon direla adierazi digute”, gehitu du Lasak.

Eragileekin harreman zuzena Egoera honetan, Udala elkarlanean aritu da hezkuntza, kultura edota kirol eragileekin. Haurtzaro Ikastola eta Elizalde eskolarekin; Agintzarirekin; Jai Batzordeko taldeekin; auzoetako festen antolatzaileekin; herriko kulturgileekin; Abaraxka ludotekarekin; Itturri Merkatarien Elkartearekin; Oiartzungo Tabernarien Elkartearekin; edota OiartzunAurrea bolondres sarearekin zuzeneko harremana izan du Udalak.

Oarsoaldea Garapen Agentziarekin ere harreman estua izan du Udalak. Eskualdeko garapen agentziako kide da Oiartzun ere, eta momentu honetan Jexux Leonet alkatea da Oarsoaldeako lehendakaria. Oarsoaldeak norbanako, autonomo eta enpresentzako laguntzei buruzko informazioa eta eskaerak egiteko aholkularitza eskaintzen du.

Udalak www.oiartzun.eus webgunean lehentasunezko tokia eman dio COVID19aren inguruko informazioari

(merkatarientzako kanpainak, Oarsoaldea Garapen Agentziako laguntzak…) eta gaiarekin lotutako informazio guztia bateratuta eskaintzeko ahalegina egin du.

Etorkizun hurbilean eragina izango du COVID19ak eragindako egoerak Egoera aldatu bada ere martxotik, oraindik COVID19ak eragindako osasun larrialdi egoera ez da bukatu.

Udalak badaki honek ondorioak izango dituela eta egokitzapenak egin beharko dituela. Udal aurrekontuan eragin zuzena izango du eta dagoeneko aurtengo aurrekontuan egokitzapenak egin behar izan ditu. Esaterako, Gipuzkoako Foru Aldundiko Foru Funtsetik %20 gutxiago jasoko du.

Jexux Leonet alkateak, Gipuzkoako beste udalerri batzuetako alkateek egin bezala, erabaki hori Aldundiaren eta udalen artean aztertzeko eskatuz gutuna bidali zuen Aldundira.

Bitartean, lehentasuna dagoeneko hasita zeuden lan eta egitasmoak mantentzea izan da, baina, halabeharrez, Udalak gauzatu nahi zituen zenbait proiektu eten edo atzeratu egingo dira.

Udalak badaki ondorioak, ordea, ez direla 2020rako bakarrik izango. Hurrengo urteetan ere, COVID19ak eragindako krisia nabarituko du. Hasteko, badakigu 2021ean aurrekontua %20 ttikiagoa izango dela eta horrek ezinbestean Udaleko sailen jarduna egokitzera behartuko du.

www.oiartzun.eus

5

oiartzungoudalainformatzen

udal albisteak Hauek izan dira sailez sail hartu diren erabaki nagusiak eta aurrera eraman diren egitasmoak.

GIZARTE ZERBITZUAK - Familientzako laguntzak indartu dira (50.000 €) - Etxez etxeko zerbitzuaren egokitzapena: zerbitzu minimoak mantendu, langile eta erabiltzaileentzako segurtasun neurriekin - Beharra duten haur eta familiei etxekolanak egiteko laguntza - Janaria banatu eta urruti bizi diren adinekoei erosketak egin (Haurtzaro Ikastolak, Urmendi Haur Eskolak, Ertzaintzak, Gurutzeko restopak helarazi diote janaria Udalari) - 70 urtez goitiko herritarrei deiak egin - Kalean bizi ziren lagunen egoera bideratu (Agerrealdeko etxe sozialetara eta Errenteriako aterpetxera)

FEMINISMOA - Indarkeria matxista jasaten dutenentzako laguntza zerbitzua zabaltzeko ahalegin berezia

- Orain inoiz baino gehiago, bizilagunek indarkeria matxistarik ez onartzeko kanpaina

OGASUNA - Zerga eta tasak ordaintzeko epeak luzatu edo atzeratu - Tasen murrizketa erabili ez diren zerbitzuetan (ostalari eta merkatarien hondakinen tasan; Elorsoro kiroldegiko eta Urmendiko kuotak; etxez etxeko zerbitzua…)

- Ekarpen bereziak Elorsoro kiroldegiari (130.000 €) eta Urmendi Haur Eskolari (55.000 €), langileen soldatak %100ean eta gastuak ordaintzeko - Azpikontratatutako zerbitzuak egokitu eta kontratuak mantentzeko ahalegina (Abaraxka ludoteka, Xorrola, garbiketa zerbitzua…)

- Elkarteen dirulaguntzak mantendu

6

www.oiartzun.eus

oiartzungoudalainformatzen

udal albisteak

MERKATARITZA TXIKIA eta OSTALARITZA

- Oiartzunen bizi, Oiartzunen erosi bono laguntzak (25.000 ₏) - Zuzeneko dirulaguntzak (150.000 ₏) - Establezimenduei EPIak banatu, segurtasun neurriei buruz informatu, segurtasun neurrien euskarazko errotuluak banatu‌ - Ostalaritza establezimenduak berriz irekitzean, terrazak handitzeko baimenak eman eta diseinatu

KULTURA - Xanistebanak bertan behera geratzea adostu zuten Udalak eta Jai Batzordeak, jende pilaketak saihesteko - Auzotako festak bertan behera geratzea adostu zuten Udalak eta antolatzaileek, jende pilaketak saihesteko - Uztaila eta abuzturako Kulturabirusa eskaintza prestatu, kultur eragile eta sortzaileen lana erakusteko plaza eskainiz eta herritarrei kulturaz gozatzeko aukera emateko

www.oiartzun.eus

7

oiartzungoudalainformatzen

udal albisteak ‘Bertatik Bertara’, gure hizkuntza eta produktuak balorean jartzeko UEMAk udalerri euskaldunetan Bertatik bertara kanpaina jarri du martxan udan, lekuko turismoa eta produktuak sustatuz, bisitariei euskararen altxorra ere erakusteko.

Oiartzungo 12 establezimenduk parte hartu dute kanpainan: Gazte Izanak; Irubide; Joxixionia; Kabitxo; Malkorra; Miren taberna; Pagoa garagardotegia; Pikoketa; Toki Alai; Tolaita; Tolare eta Usategieta. Bost hizkuntzatan mintzo diren mahaiganekoak erabiliko dituzte udan euren jatetxeetan.

Euskaraldia, entitateen parte-hartzea sustatzen Euskaraldia izango dugu berriz urte bukaeran eta prestaketa lanetan dihardu Euskaraldiko lantaldeak Oiartzunen.

COVID19ak eragindako larrialdi egoeran Etxealditik Euskaraldira egin zen eta ondoren, indar gehienak entitateen izen-ematean jarri dira. Horretarako, ekainean eta uztailean aurkezpen birtualak egin dira horientzat.

Arditurrin, hezeguneak ekosistema aberatsa mantentzeko Arditurri eremuan bi hezegune sortu dituzte Udalak eta Aranzadi zientzia elkarteak, ekosistemarako garrantzitsuak direlako (batez ere, anfibio eta narrastientzako). Putzu horiek ezagutzera emateko, auzolana egin zen.

8

www.oiartzun.eus

oiartzungoudalainformatzen

udal albisteak Talaiako larrialdi gunearen erabilera aldatu da Talaiako larrialdi gunea -24 orduz edozein herritarrentzako irekita zegoena-, ixtea erabaki du Udalak, egiten zen erabilera okerra dela eta. Hemendik aurrera, gunea inguruko bizilagunen erabilerarako bakarrik izango da, giltzarekin funtzionatuko duena. Larrialdiren bat duten herritarren hondakinak Talaiako garbigunean jasoko dira garbiguneko ordutegian, organikoa izan ezik. Hondakin hori botatzeko behar berezia dagoen kasuetan, udaltzaingoarekin jarri beharko da harremanetan (943 49 33 11).

Hamar urte %80tik goiti gaika sailkatuz Atez ateko bilketa sistemak hamar urte bete zituen maiatzaren 23an. Urte hauetan egindako lanak fruituak ematen jarraitzen du: oiartzuarron hondakinen %81,5 gaika sailkatzen dugu (aurretik, %33a zen tasa hori). Udalaren hurrengo erronka sortzen den hondakin kopurua murrizteko politikak sustatzea izango da.

Errengako itxitura berritu dute Oiartzunek eta Lesakak Errenga mendian Oiartzungo eta Lesakako lurrak banatzen dituen itxitura berritu dute bi herrietako udalek elkarlanean, abeltzainek hala eskatuta. 5.610 â‚Źko gastua izan dute lanek eta erdibana ordaindu dituzte Lesakak eta Oiartzunek.

Oiartzunen kasuan, Gipuzkoako Foru Aldundiaren Hobekuntz Fondoaren laguntza jasoko da.

www.oiartzun.eus

9

oiartzungoudalainformatzen

udal albisteak Udaleku irekien ordez, larrialdi zaintza zerbitzua Bizi dugun osasun egoerarengatik, udaleku irekirik ezin izan da antolatu aurten Oiartzunen. Hala ere, larrialdi zaintza zerbitzua jarri du martxan Udalak, Abaraxka ludotekak kudeatuta, HH eta LHko haurrentzat. Guztira, 97 haurrek parte hartu dute zaintza zerbitzu berezi honetan martxan egon den bi asteetan.

Ondoren, COVID19aren eboluzioaren eraginez, Eusko Jaurlaritzak gisa honetako ekimenak bertan behera uzteko agindua eman zuen.

Gizarte zerbitzuen bulego berriak, Mendiburu kalean Mendiburu kaleko 5. zenbakian Gizarte Zerbitzuetako hiru bulego egokituko dira. Irailetik aurrera bertan zerbitzua ematen hastea da aurreikuspena (momentuz, FermiĂąene etxean daude kokatuta bulego horiek). Gizarte-ongizate sailak duen toki eskasia konpontzeko hartu da erabakia. Horretarako, egokitzapen lanak egin ditu Udalak eta 20.000 â‚Ź bideratu ditu.

Saharako errefuxiatuei laguntza bidaliko die Udalak Aurten haur sahararrek uda Oiartzunen pasatzea ahalbidetzen duen Oporrak bakean programa ez da gauzatuko, COVID19ak eragin duen larrialdi egoerarengatik. Hala ere, Oiartzungo Udalak Saharako herriarekin duen elkartasun konpromisoa ez du ahaztuko eta programara bideratzekoa zen 5.480 â‚Źak Ilargi Erdi Gorriari elikagaiak erosteko eta Oiartzunera etorri behar zuten zortzi haurrei arropaz, janariz eta eskola materialez betetako maleta bana bidaltzeko erabiliko da.

10

www.oiartzun.eus

oiartzungoudalainformatzen

udal albisteak

54 gaztetxok eman dute izena Antzerki Eskolan 12 eta 18 urte arteko 54 gaztetxok eman dute izena 2020/2021 ikasturtean Gazteen Antzerki Eskolan aritzeko.

Bost taldetan banatuta ariko dira eskolak hartzen, Lur Korta eta Saioa Aizpurua irakasleekin.

‘Zerbitzuko lanean’, Xabier Leteri buruzko Mugarri-a Mugarri berezia argitaratu da aurtengoan, Zerbitzuko lanean izenburuarekin. Xabier Leteren heriotzaren 10. urteurrenean, Elixabete Perez Gaztelu, Haizea Saez de Eguilaz eta Anjel Lertxundik artista oiartzuarraren alde ezkutu bati eskaini diote Mugarri bildumako ale hau: prosan egin zituen lanei. Ohiko tokietan dago salgai liburua, baita Elkarren liburu-dendetan ere.

‘Oiartzun’ urtekaria argitaratu du Udalak Oiartzun 2020 urtekaria osatu du aurten ere Urtekari Batzordeak, herriko historia, seme-alaba eta eragileen lekuko izan dadin. Aurtengoan, Nikolas Urdanpileta gurutzetarra izan da protagonista nagusia, elkarrizketatu nagusia bera baita.

Azala Onintza Etxebestek egin du. Urtekaria ohiko tokietan dago salgai 4 €an.

www.oiartzun.eus

11

oiartzungoudalainformatzen

udal albisteak

Zinegoak, streaming bidez harrotasuna zabalduz COVID19aren larrialdi egoerarengatik bertan behera utzi behar izan zen Zinegoak-ek film laburren emanaldia. Hala ere, Feminismo sailak ekainaren 28aren bueltan, Sexu Askapenerako Nazioarteko Eguna, streaming bidez film laburrak ikusteko aukera eskaini zien oiartzuarrei. 24 lagunek ikusi zituzten emandako zazpi filmak.

Angeluko hilketa eta Lezoko eraso matxista salatu ditu Udalak Maiatzean Angelun (Lapurdi) izandako hilketa matxista eta gure eskualdean, Lezon izandako eraso matxista salatu behar izan ditu Udalak azken hilabeteetan. Mugimendu feministaren salaketa deialdiekin ere bat egin du. Eraso eta hilketa matxistarik gabeko gizarte baten alde lanean jarraitzeko konpromisoa berresten du Udalak.

Urkabe Baitako eremua garatzeko hitzarmena Eusko Jaurlaritzarekin Urkabe Baita eremuan zuzkidurazko etxebizitzak (20-25 artean) eta alokairu sozialekoak (15) garatzeko proiektua landu du Udalak, eta proiektua garatzeko hitzarmena onartu du Eusko Jaurlaritzako Etxebizitza sailarekin, erakunde publiko bakoitzaren egitekoak zehazteko. Era berean, proiektuak Elizalde auzoa eta Urkabe mendia lotuko ditu, bide seguruekin.

12

www.oiartzun.eus

oiartzungoudalainformatzen

udal albisteak

Talaiako poligonoko errepidea berritu da Talaia poligonoko errepidea asfaltatu eta espaloia egin da.

Poligonoak biziberritzeko egitasmoaren baitan gauzatu ditu lan hauek Udalak, 307.469,82 â‚Źko aurrekontua. Enpresen Garapenerako Euskal Agentziaren (SPRI) laguntza lortu du Udalak lan hauek egiteko. Aurrekontuaren %52 Udalak bere gain hartu du eta gainerakoa, SPRIk.

Galtzaberriko presa eraisteko baimenak eman ditu Udalak Galtzaberriko presa eraisteko bigarren fasearen baimenak eman dizkio Udalak Gipuzkoako Foru Aldundiari. Karrika erreka permeabilizatu eta arrainek erreka igotzeko zailtasunak kentzeko, lehenengo fasean, zati bat eraitsi zen. Bigarren fasean, geratzen den presa zatia eraitsiko da eta sarbidea hobetuko da. Europako Batasunaren FEDER funtsaren laguntza izango da lan hauek egiteko: 171.189,29 â‚Ź.

Idi dema plazako aparkalekua asfaltatu da Kanposantuaren ondoko idi dema plaza inguruko aparkalekua asfaltatu da. Udako igerilekura doazen erabiltzaileek erabiltzeaz gain, beilatokiari ere zerbitzua ematen dio aparkaleku horrek.

14.178 â‚Ź bideratu ditu Udalak lan hauetara.

www.oiartzun.eus

13

oiartzungoudalainformatzen

plenoak 2020/04/29.

Urkabe Baitan zuzkidurazko eta alokairu sozialeko etxebizitzak egiteko hitzarmena onartu da.

Ezohiko egoeran egin zen apirileko ohiko udalbatzarra. Zazpi zinegotzik (EH Bilduko bostek eta EAJko bik) parte hartu zuten presentzialki eta gainerakoek etxetik telematikoki.

Urkabe Baitan zuzkidurazko eta alokairu sozialeko etxebizitzak garatu ahal izateko, Udalaren eta Eusko Jaurlaritzaren arteko hitzarmenean aldaketak sartzea onartu zen. EH Bilduren aldeko botoekin atera zen aurrera gaia. EAJ abstenitu egin zen: “Ez gaude ados proiektuarekin. Ez dugu esaten ez direnik behar zuzkidurazko etxebizitzak, baina ez eremu horretan”.

Gainerako gaiak ahobatez onartu ziren. Horien artean, Lintzirin eremuan zerbitzu-bidea eraiki ondoren geratu diren udal jabetzako lur soberakinak Leroy Merlin, Easo Motor eta Argitze Eder enpresei uztea, aparkaleku gisa erabiltzeko. Zerbitzubidea egiteko, enpresa horiek lurrak zesioan eman zituzten.

Martxoko protokolo gastua 500 € izan zen inprenta-lanetan eta apirilekoa 0 €.

14

www.oiartzun.eus

2020/05/27.

Kalitatezko Eskola Kirola izateko, hitzarmena ikastetxeekin.

COVID19ak eragindako biktimen omenezko minutu bateko isiltasunarekin hasi zen udalbatzarra, EUDELen deialdiarekin bat eginez.

Hondakinen bilketako eta hiri garbiketa zerbitzuaren esleipena ere onartu zen: FCC Medioambientek egingo du, hiru urtez (beste bi urtez luzagarria). 1.261.957,95 €an esleitu da kontratua.

Kalitatezko Eskola Kirola eskaintzeko, Haurtzaro Ikastolarekin eta Elizalde Herri Eskolarekin hitzarmena eta dirulaguntza ematea onartu zen ahobatez. Kirol elkarteei dirulaguntza aurreratzea ere onartu zen (%50), COVID19ak eragindako larrialdi egoerak euren ohiko funtzionamenduan sortu dituen arazoak arintzeko aurrerapen gisa. Sei elkarte dira onuradunak.

49 €ko protokolo gastua egin zen maiatzean, harpidetzatan.

EAJk komertzioak eta ostalaritza sustatzeko Udalak martxan jarri duen bono-kanpainaren inguruan “azalera handiko saltokietan dauden denda txikiek parte hartzeko, oinarriak aldatzea” proposatu zuen. Jexux Leonet alkateak azaldu zuen “herrian eta auzoetan dauden establezimenduak sustatu” nahi izan direla, “ez dutelako bezeroen bermea. Bonoekin herritarrei ematen diegu laguntza eta kontsumoa bideratu nahi dugu”. Proposamena kontuan hartuko dutela erantzun zuen.

oiartzungoudalainformatzen

auzoak 2020/06/09.

Merkatari eta ostalarientzako dirulaguntza onartzeko ezohiko udalbatzarra.

2020/07/01.

Urmendi Haur Eskolarentzako dirulaguntza berezia.

Ezohiko udalbatzarra egin zen, COVID19aren ondorioz itxita egon behar izan duten txikizkako merkataritza, ostalaritza eta zerbitzu establezimenduei dirulaguntzak emateko oinarriak onartzeko.

150.000 € bideratuko ditu Udalak laguntza horietara.

Ahobatez onartu zen dirulaguntza lerroa.

COVID19ak eragindako osasun larrialdi egoera hasi zenetik, lehenengoz zinegotzi guztiek presentzialki parte hartu zuten saioan, elkarren arteko distantziak mantenduz. Besteak beste, larrialdi egoeran Udalak hartu dituen neurrien dekretuen berri eman zen.

Urmendi Haur Eskolari 45.400 €ko dirulaguntza berezia ematea onartu zen, ahobatez. COVID19ak eragindako larrialdi garaian itxita egon da haur eskola eta tarte horretan familiei ez zaie kuota kobratu. Kalte ekonomiko hori konpentsatzeko laguntza eman du Udalak.

Ekaineko protokolo gastua 676,39 € izan ziren, webgune diseinuan.

Galdera-eskarien garaian, EAJk “Gobernu Taldearen eta oposizioaren artean harreman ona” dagoela adierazi zuen, baina “barne eta kanpo komunikazioetan baztertuak” sentitzen direla. Jexux Leonet alkateak barne informazio guztia batzorde bidez helarazten zaiela adierazi zien, “ateak irekiak daude, alor horretan gabeziak badaude zuzentzen saiatuko gara”.

Kanpo komunikazioari buruz, berriz, “Gobernu Taldeak egiten dituen lanen komunikazioetan oposizioak agertu behar ote duen, zalantzak ditut”. Adibide gisa jarri zuen beste erakunde publikoen jokatzeko era: “Gipuzkoako Foru Aldundiak ez du EH Bildu gonbidatzen bere agerraldietara”.

2020/06/11.

Hauteskundeetako mahaiak ezohiko udalbatzarra.

onartzeko

Ezohiko udalbatzarra egin zen, uztailaren 12ko Eusko Legebiltzarreko hauteskundeetarako mahaiak osatzeko egindako zozketa onartzeko.

www.oiartzun.eus

15

oiartzungoudalainformatzen

iritzia COVID19ak eragin zuzena izan du merkataritza ttikian. Nola eragin du Oiartzungo merkataritza, ostalaritza edo zerbitzu establezimenduetan?

Itziar Alcon Caracena (Itziar edergintza)

Ezkontza eta jaunartze denboraldian bat-batean, stock guztia hemen eta agenda topera genuela iritsi zen larrialdi egoera. Martxoaren 14an dekretatu zen larrialdi egoera eta itxi egin behar izan genuen. Espainiako Gobernuak ematen duen ICO mailegu bat eskatu nuen, baldintza onetan, baina hala ere mailegu bat da.

Ura lepoan sentitzen zenuen pasatuko ziren erreziboengatik, BEZa… Izan ditudan gastuak alokairua, autonomoen kuota eta BEZaren gastuak izan dira. Hornitzaileak kontziente izan dira egoeraz eta atzeratu dizkigute ordainketak. Bezeroek oso azkar erantzun dute ireki dudanean, oso babestua sentitu naiz. Itturri ere asko mugitu da: karetak, gelak… segituan eta kosturik gabe iritsi zaizkigu. Udaletxeak laguntzaren bat emango omen digu, Gipuzkoako Bazkundetik ere badirudi baietz… Ea hilabete bateko galera errekuperatzen dugun behintzat… Irekitzeko baldintzak jarri dizkigute. Urduritasuna, jende ilarak, sustoa… baldintza gogorrak izan dira, baina pozik nago izan dudan harrerarekin. Udaletxeak banatutako bonoak bi egunetan saldu nituen. Nire bezeroek, behintzat, izan dute herrian geratu eta komertzio txikia laguntzeko kontzientzia. Txarraren barruan, nik aurrera egitea izan dut.

Garikoitz Arreseigor Etxeburua (Kirikoketa ileapaindegia)

Gure kasuan, hilabete eta erdiz egon gara itxita. Horrek suposatu du bi langileak ERTEn egotea eta nik autonomoentzako laguntza jasotzea (600 €). Kreditu bat eskatu dut, ez dakigulako zer gertatuko den.

Lokal hau txikia da eta, metro eta erdiko distantzia uzteko ez genuen espaziorik. Ireki genuen lehenengo bi asteetan topera aritu ginen lanean: 10 orduz, larunbat arratsaldeetan… Baina gero nabaritu dut jaitsi dela.

Birentzako badugu lana, baina lankide bat oraindik ERTEn dago. Oraintxe bertan, ez dago hiru lagunentzako lana. Uda beti izaten da fetxa ona lanerako, baina aurten ez daude xanistebanak, opor idilikoak… Estetika kentzen den gastuetako bat da. Ikusteko dago udazkenean zer gertatuko den… 2008ko krisian lau langile ginen eta hiruk bukatu genuen. Orain hiru gara eta ikusiko dugu krisi honetatik nola ateratzen garen… Ez naiz kexatzen momentuz lana daukagulako, eta agian nahasten naiz, baina iruditzen zait ez garela lehengora bueltatuko. Oso ideia ona izan da bonoena. Komertzioentzako oso beharrezkoak dira.

Esti Iragorri Gaztañaga eta Ramoni Mendiburu Iturain (Uriña harategia)

Guk irekita eduki dugu denda, eta bezeroen igoera nabaritu dugu larrialdi egoeraren garaian. Azaldu da jendea sekula etorri izan ez dena hona erosketak egitera. Jende berri asko, ilarak… Momentu batzuk latzak izan dira! Hasieratik musukoarekin eta eskularruekin aritu gara lanean gu. Kontaktu oso handia izan dugu jendearekin, egunero jende asko pasatu da. Eta bat-batean, plast! Asko jaitsi da bezero kopurua, dagoeneko inor ez da gogoratzen gutaz. Lehengora bueltatu da. Gazte batzuk geratu dira, agian lehen denda ezagutzen ez zutenak, baina orokorrean normaltasunera bueltatu gara. Komertzio guztiek gauza bera aipatu digute.

Andoni Lizarralde Iraola (Lizarralde ortopedia)

Nik ortopedia irekitzeko aukera izan dut konfinamendu garaian, behartuta nengoen zerbitzua ematera, baina jenderik ez da etorri. Ez dakit zer den hobea: itxita edukitzea edo irekita edukitzea, inor etorri gabe...

Lana egin da oso gutxi, batere ez esateko. Herri mailan hasi da mugimendua normaltzen. Nire kasuan ere hasi da normaltzen baina edadeko jendearekin egiten dut lan batez ere eta horiek oraindik etxe aldean dabiltza. Errezetak-eta ere neurrian ari dira egiten. Itturri merkataritza elkartean dezenteko zapatekoa jaso dugu. Udalak bonoak atera zituen eta dirulaguntzak ere bai; elkarlan txiki polita ari gara egiten.

16

www.oiartzun.eus

oiartzungoudalainformatzen

iritzia Bonoak segituan bukatu dira. Gehiago egon izan balira segituan salduko ziren. Ez da seinale txarra. Lehen ere nahiko lan bagenuen Oiartzunen merkatari txikiok eta hau ez da izan onerako, desdeluego.

Ana Mancheño Lozano (Izaro arrandegia)

Ni ezin naiz kexatu. Berez egiten nuena baino askoz lan gehiago egin dut konfinamendu garaian. Etorri den jendea etxean lanean ari zena edo lanean ari ez zena izan da. Bi hilabete eta gehiago horietan topera egin dut lan. Baina hilabete horietan, e. Gero jendea segituan ahazten da nor aritu den hor lanean. Orain betiko jendea dabil. Baten bat akaso geratu da, baina 10etik bi gehienez. Jendeak ohiturak aldatu ditu konfinamenduko bi hilabeteetan, baina gutxi gorabehera normaltasuna hasi denean eta jendea lanera joatean, jendea ez dator. Ez dut uste beste tokietan baino garestiago saltzen dudanik, eta kalitatea askoz hobea da, baina jende gazteak erosotasunari begiratzen dio. Asteburua heltzean azalera handiko zentro komertzialetara joan eta aste osoko erosketa egiten dute. Berdin zaie hobea edo okerragoa den, ontziratua edo ez…

Iñigo Mujika Labandibar (Esnatu altzariak)

Denda itxi behar izan genuen, baina Internetez, telefonoz eta wathsappez lanean jarraitu dugu bagenuelako aukera etxeetara altzariak eraman eta instalatzeko. Lan-karga jaitsi da, baina espero nuena baino gutxiago. Enpresa handiek -zentro komertzialak, elektrodomestikoak saltzen dituzte kate handiekitxi behar izan zuten eta Interneteko atariek etxera eraman bai, baina instalatu ez zuten egiten. Guk dena egiten genuenez, jendeak gugana jo du. Denda irekitakoan, zentro komertzial handiek ireki arte ongi jarraitu dugu lanean, baina gero nabaritu dugu jaitsiera. Orain elektrogailuen Renove plana hasi da eta horrekin topera ari gara. Irratian publizitatea ere egin dut, jendeak jakin dezan eta ez dakit eragina izan duen, baina jendea asko mugitzen ari da. Horrela jarraituz gero, krisi honi buelta emateko aukera izango dugu, baina berriro etxean sartu behar badugu… ez dakit. Lanbiden izan dugu aukera laguntza eskatzekoa. Beste establezimendu batzuk egoera okerragoan egongo dira…

Patxi Oiartzabal Uranga (Tolaita ostatua)

Ia bi hilabete eta erdiz eduki dugu taberna itxita. Zalantza handiko hilabeteak izan dira, ez genekielako egoera nola garatuko zen. Egoera luzatu ahala, gastuak hor zeuden eta ingresoak zero ziren, eta beldurra sentitzen da. Mailegu bat eskatu behar izan dugu, badaezpada. Oiartzungo tabernariok hitz egin genuen eta esan genuen hasierako baldintzetan (terrazak aforoaren %30arekin) ez zigula konpentsatzen irekitzea. Gero, Udalak esan zigun terraza %100eko aforoarekin utziko zuela irekitzen, eremuak zabalduz. Ongi egon da aukera hori eman izana. Maiatzaren 27an ireki genuen. Data hortatik aurrera, barruan %50eko aforoa eta kanpoan %100 egoten uzten zutenez, lasaiagoa izan da. Ireki denean, harrera oso ona izan da. Arau berriak daude eta egokitu gara. Lana ematen duena mahaiak eta aulkiak desinfektatzea eta jendea kontrolatzea da, jendea garbitu gabe eserita jartzen delako. Ez dago kontzientzia handirik. Udaletxeko bono sisteman ere sartu ginen eta denak saldu ditugu, oso ondo joan da. Jendeak oso harrera ona egin dio.

Irene Santos Martin (Oskarbi arropa denda)

Bi hilabete oso izan dugu itxita denda. Hasieran kaosa izan zen. Gero, lasai hartu nuen eta ez dut hain gaizki eraman. Positibo izaten saiatu nintzen, eta indarrarekin itzuliko ginela erabaki nuen. Itzulera ere hasieran kaotikoa izan zen: garbitasun arauak, musukoak, nola desinfektatu arropa… Hasieran nahiko urduri nengoen, baina pixkanaka-pixkanaka, neurria hartzen zoaz. Jendeak oso ondo erantzun du, babes handia eman dio komertzioari. Oso gainean eta herrian erosteko gogoarekin ikusi dut jendea. Udalak ateratako bonoetan parte hartu genuen eta Kulturabirusa programaren barruan egin den erakusketan ere parte hartu dugu. Beste laguntzarik ez dut eskatu, ez dut beharra izan. Komentzitua nago Oskarbik gaindituko duela krisi hau. www.oiartzun.eus

17

oiartzungoudalainformatzen

auzoak Altzibar

Zokolo bidean (Bizkai eta Ubisibar etxeen artean) errekaren errekaltzea egiteko lanak egin dira. Erreka errepidea azpitik jaten ari zen eta horregatik, urgentziazkoa izan da lan hauek egitea. 70.000 € bideratu ditu Udalak lan hauetara

Elizalde

Fermiñene eta Arizmendi-enea etxeetan hezetasunaren kontrako lanak egin ditu Udalak. Bi eraikinek horma partekatzen dute eta hezetasun handia zabaltzen zen. Arizmendi-enea biziberritzeko lanetan tratamendu honen beharra ikusi da.

30.194,96 € bideratu ditu Udalak lan hauetara. Bide batez, Fermiñene etxea kanpotik margotu da.

18

www.oiartzun.eus

Arragua

Larzabal etxadiko jolasparkea berritu du Udalak: lurra aldatu, jolas berri bat jarri (sare-piramidea) eta egokitutako balantzina kokatu dira. 38.781,63 € bideratu dira berritze lan hauetara.

Ergoien

Pagoaldea poligono barruko kaleetako bat asfaltatu da, hondatuta zegoelako. Lanek 10.802 €ko aurrekontua izan dute.

Poligonoen hobekuntza etengabeko lan-ildoa da Udalarentzat.

oiartzungoudalainformatzen

auzoak

Gurutze

Oiartzungo mendi publikoetan solte eta identifikatu gabe aurkitu ziren abereak larre publikoetatik aterarazi ditu Udalak, tartean, Pikokaratetik. Oiartzungo mendi publikoak (Pikokarate, Zaria, Martuzenegi eta Kauso) erabiltzeko baimena dute 63 abeltzainek. Horiek, 2.786 abere dituzte.

Karrika

Iturburu etxea (haur eskola) fumigatu du Udalak. Bere jabetzakoa da eraikina. Auzotar batzuk euli-kopurua hazi dela kexatu ziren eta Udalak, iaz, egoeraren azterketa egin zuen eta Iturburu fumigatzea erabaki. Aurten ere etxean fumigatze lanak egin eta egoeraren jarraipena egitea erabaki du.

Iturriotz

Sarek euskal preso eta errefuxiatu politikoen egoerari irtenbidea eskatzeko Izan Bidea, ibiltarien sarea ekimenaren baitan mendi martxa antolatu zuten Iturriotzen barrena.

Sorotik abiatu eta Ozentziotik barrena buelta zirkularra eman zuten 100 parte-hartzaileek.

Ugaldetxo

Aldaburu herribidearen sarrerako bihurgunea konpondu du Udalak, Tajo enpresaren sarrera eta herribidearen lotura egiten den gunea, zehazki. Udalak 4.235 â‚Ź bideratu dira lan hauetara.

www.oiartzun.eus

19

oiartzungoudalainformatzen

herriko berri Agurtzane Etxebeste eta Elene Oyarzabal: “Momentu txarrak pasatu ditugu eta beldur asko izan da” Agurtzane Etxebeste eta Elene Oyarzabal COVID19arekin zuzenean lan egin duten sanitarioetako bi dira. Oyarzabal Errenteriako Iztietako anbulatorioko familia medikua da eta Etxebeste Donostiako Ospitaleko Zaintza Intentsiboko Unitatean (ZIU) erizaina. Bizilagun sareko bolondresak ere badira biak.

Nola bizitu duzue COVID19a zuen lan sailetan?

AGURTZANE ETXEBESTE: Gasteiz eta Madrilgo ospitaleetan hasi zenean puri-purian, espektante geunden zer iritsiko ote zen eta nola egingo genion aurre. Mugimenduak ikusten ziren: ZIUko eremu bat hustutzen hasi ziren COVID pazienteentzako prestatzeko, larrialdietako sarrera egokitu zuten, formakuntzak eta EPIak ematen hasi zitzaizkigun… Martxoaren erdialdean lehenengo COVID pazienteak iritsi ziren eta bat-batean, gainezkatzea etorri zen ZIUn eta ospitalean, orokorrean. Gure lan egiteko sistemak eta moduak aldatu ziren. Beharrak sortu ahala pentsatu eta soluzionatu da egoera. Momentu txarrak pasatu ditugu ikusi ditugunekin eta beldur asko izan da.

ELENE OYARZABAL: Datak oso ongi gogoratzen ditut. Itxialdia ezarri zen asteburua martxoaren 14-15ekoa izan zen, eta aurreko astean aztoramena zegoen Osakidetzan. Itxialdi aurreko ostegunean ildo batzuk bidali zizkiguten bat-batean eta Iztietako anbulatorioa zonifikatu egin zuten baliabideak hobeto kudeatzeko. COVID paziente posibleak anbulatorio handietara bideratu ziren. Kaosa izan zen. Iztietan ikusi ditugu Oiartzun, Lezo, Pasai Donibane, Beraun eta Iztietako pazienteak.

Hiru planta ditu anbulatorioak eta bat osorik COVIDarentzako bideratu genuen. Ia plantila erdia COVIDen zentratua egon gara. Lau COVID positibo izan genituen lehenengo astean lankideen artean eta beste bat isolamenduan COVID paziente batekin kontaktua izan zuelako. Erronka bezala hartu nuen: ea nola egiten dugun. Erruz aldatu du gure praktika egun batetik bestera; ez dakit betirako, baina denbora askorako, bai.

Lehen mailako arretan pentsaezina zen paziente bat ikusi gabe frogarik eskatzea edo urgentzietara bidaltzea. Orain helburua izan da ahalik eta profesional gutxien arriskuan jartzea.

Pixkanaka lehengo aktibitatea errekuperatzen ari gara, baina desberdina da.

20

www.oiartzun.eus

Beldurra eta erronka aipatu dituzue...

AGURTZANE: Beldurra batez ere hasieran sentitu genuen.

Dauzkagun baliabideak dauzkagu: oheak, arnasgailuak… ez genekien lana egiteko era nola aldatuko zitzaigun. ZIUaren imajina erabat aldatu zen. Gero, egoerari aurre egiteko obligazioa genuen. Profesional gehienen aldetik erantzuna txapela kentzeko modukoa izan da. Lana egiteko oso deserosoa zen, baina jendea ondo zaintzea izan da lehentasuna.

ELENE: Egunero bidaltzen ziguten zenbat pertsona zeuden ingresatuak ospitalean COVIDarekin eta ZIUn. Egunetik egunera gehiago ziren, eta errespetua ematen zuen: iristen bada oherik ez dagoen eguna, zer? Itolarri hori sentitu dugu.

Gertatu zaizkigu COVIDik ez zeukaten pazienteekin larrialdiak ere. Beste gaixotasunak zituztenek traba gehiago sumatu dituzte gugana iristeko. Badirudi denboraldi batean COVIDa bakarrik existitu dela… Beste gaixotasunak okerrago heldu dira gugana: beranduago, deskonpentsatuago, presaka…

Elene Oyarzabal:

“Beste gaixotasunak okerrago heldu dira gugana: beranduago, deskonpentsatuago, presaka…”

Gaixotasun berria da hau denentzat. Gehiago dakigu orain?

ELENE: Urte batzuetara ikusi beharko da. Medikuntza zientzia esperimentala da: froga-akatsa. Oso hilabete gutxi pasatu dira.

Badirudi zerbait gehiago asmatzen dela, ikerketak martxan daude…

AGURTZANE: Gaixotasun honek gripe arrunt batek eragin ditzakeen arnasbideko konplikazioak bai, baina beste asko sortzen dituela dakigu orain.

ELENE: Hil den gehiengoa jende zaharra izan da, baina hil dira gazteak, gaixotasunik gabe, eta ordutan. Badirudi azalpena aurkitu dutela: erantzun inflamatorio izugarri bat gertatzen da.

Lehenengoa pausoa da esperimentuak egiteko.

oiartzungoudalainformatzen

herriko berri

*OHARRA: Elkarrizketa hau uztaila hasieran egin zen momentu hartako osasun protokoloak errespetatuz.

www.oiartzun.eus

21

oiartzungoudalainformatzen

herriko berri Panorama gogorrak ikusi dituzue?

AGURTZANE: Guk bai. Gaixoek ez zuten ZIUra sartu nahi telebistan ikusitakoarengatik. Oso beldurtuta iristen ziren.

Normalean arnasestuak dituen gaixo batek lokartzeko eskatzen du, baina paziente hauek ez zuten nahi, ez zekitelako zer gertatuko zen gero. Sedatuta egon ondoren, beldur askorekin esnatu dira. Batzuk hitz egiteko ere nahiko lan izan dute, oso ahul… Gaizki bizitu dute. Eta familiek… ez dut pentsatu ere egin nahi. Askori hil zaizkie etxekoak eta ezin izan dituzte ikusi. Hitz egiteko gai izan direnean bideodeia egiten genuen familiarekin. Plantan lan egin duen jende askok ere egoera gogorrak ikusi dituzte. Asko ez dira ZIUra etorri bizirik ateratzeko oso probabilitate txikia zutelako. ZIUren historia guztian egin da hori: erabaki zein gaixo den gai ZIUko trantzea gainditzeko (sedazioa, intubatzea, traketomia…).

Asko hitz egin da erabaki egin dela nori eman bizitzeko aukera. Dakigunean ez daukala buelta emateko aukerarik, ZIU ez da laguntza, zainketak oso agresiboak dira eta sufrimendua luzatu baino ez da egiten. Plantan asko bakarrik hil dira. Nola ekidin daitezkeen egoera gogor horiek ikasi behar genuke.

Oso gogorra izan da bai ospitalean bakarrik egotea bizitu duenarentzako eta baita kanpoan egon denarentzako ere.

beste balore batzuk edukitzeko balio beharko liguke, osasun sistema hobetzeko.

ELENE: COVIDaren alde gogorrena guk ez dugu ikusi, baina ekartzen ari den ondorioak bai. Gure anbulategian badaude familiak kideak galdu dituztenak COVIDarengatik. Orain gauza horiek kudeatu behar dira. Eta COVIDa bakarra ez. Jendea ekonomikoki oso gaizki pasatzen ari da, antsietate arazo izugarriak daude…

ELENE: Lehen bezala gaude, edo okerrago. Profesionalak oso nekatuak gaude. Ez dakigu etorriko den berriz uholdea eta nola harrapatuko gaituen. Lehenengo kontaktua gurekin izaten du jendeak. Zonalde batzuek exijentzia maila altua dute osasun sistemarekin, eta puntu bat arte normala da, baina bestetik, jendeak uste du eskubidea duela edozertarako. Exijentzia batzuetan errespetu faltaren mugan dago eta espero nuen jendeak buelta bat emango ziola gu tratatzeko erari. Oraingoz, ez da hala izan eta pena ematen dit. Deseskalada hasi zenean jendea deika hasi zitzaigun tabernara joan bazitekeen, noiz etorri zitezkeen anbulatoriora. Osasungintza kontsumo produktu bihurtu da azken hamarkadetan.

Elene Oyarzabal:

“COVIDaren alde gogorrena guk ez dugu ikusi, baina ekartzen ari den ondorioak bai” AGURTZANE: Guk bizitu dugun pikoa ez da hain luzea izan.

Aste horietan lan asko izan dugu eta dena eman dugu, baina ZIUn gehiengoa aurrera atera da eta horrek sentsazio ona uzten du. Luzatu dira igual 70 egun arte ZIUn indarrik gabe esnatu direlako, errehabilitazio asko behar izan dute… baina ikusten zenuen hobeto zeudela.

Osasun langileak babestuak eta baloratuak sentitu al zarete?

AGURTZANE: Egunero lanera joaten ikusi gaituzten ingurukoek animo asko ematen zizkiguten. Gure lana da, hortarako gaude.

Egia da eskertzen direla txaloak, baina aurrera begira honek

22

www.oiartzun.eus

ELENE: Ni 20etan arteratzen naiz lanetik eta koinziditzen zuen txaloekin. Egun batzuetan anbulategi aurrean Babes Zibila, Ertzaintza, udaltzaingoa… agertzen ziren sirenekin.

Txalo zaparradaren azpian joatearen sentsazioak hasieran emozionatzen ninduen. Esperantza banuen gauzak aldatuko zirela, lehen arretan bereziki. Lehen arreta osasun sistemaren ahizpa txiroa da. Instituzioetatik hitz potoloak esaten dituzte, “sistemaren sarrera eta oinarria dela, garrantzitsuena”… Eta gezurra da. Instituzio guztietan eta lehenengo munduan osasun sistema guztietan gertatzen da. Osasun aurrekontuaren zati handi bat ospitaleetara bideratzen da eta lehen arretak, inork ez daki oso ongi nola, funtzionatzen jarraitzen du. Badakit ZIUn jende gehiago kontratatu dutela adibidez…

AGURTZANE: Fase aldaketak egiteko behartuak zeuden ohe kopuru eta profesional kopuru bat edukitzera. Jende pila bat egon gara momentu batzuetan ez zenean beharrezkoa.

Benetan errefuertzoak behar ditugunean, faltan botatzen ditugu.

Agurtzane Etxebeste:

“Tranmisio-katea mozteko modu bakarra zen itxialdia” Osasun sailetik etxean geratzeko aholkua eta gero, itxialdian egon ginen. Beharrezkoa izan da?

AGURTZANE: Tranmisio-katea mozteko modu bakarra zen.

Kontaktuak ekidin behar ziren eta horretarako era bakarra etxean geratzea zen.

oiartzungoudalainformatzen

herriko berri ELENE: Esaten dute konfinamenduari esker heriotzak ekidin direla. Ez dakit nola kalkulatzen duten, baina ni ziur nago asko ekidin dela. Bestela, kolapsatu egingo zen osasun sistema eta gertatuko zen Ertamerikan gertatzen ari dena: jendea kalean ari da hiltzen.

AGURTZANE: Gu haserretzen ginen momentu batzuetan.

Etxean geratzeko eskatzen, lanean ikusten jendea ze gaizki dagoen, nola geunden gu denak… Eta jendea ogia erostera buelta bat, beste bat beste zerbaitetara, beste bat…

Orokorrean jendea arduratsua izan dela uste dut, baina egon dira batzuk ezetz.

Oirtzunen 25 COVID kasu baieztatu dira. Baloratu al daiteke asko edo gutxi den?

ELENE: Paziente susmagarri guztiei frogak egiten maiatza erdialdean hasi ginen. 25 horiek izango dira ingresatuak egon direnak. Nik uste kasu gehiago izango zirela. Zifra horiek ezin dira absolututan baloratu, baizik tasa moduan. Normalean, kalkulatzen da 10.000 edo 100.000 biztanleko kasuen arabera gaixotasunaren dentsitatea poblazioan zein den. Oiartzunen 10.000 biztanle inguru gara. 25, 10.000tik ez da gutxi hain denbora motzean.

Informazio eta datu asko jaso dugu. Lagundu egin dute komunikabideek edo kalte?

AGURTZANE: Beldurra sortu dute. Lankide asko dauzkat nahita telebista ez dutenak piztu. Sare sozialek desinformazio handia sortu dute. Datuak beti interpretatu egin behar dira. Telebistan datu horiek objektiboak balira bezala ematen zituzten, eta testuingurua ere azaldu behar da. 1.000 froga egiten badituzu eta 500 positibo izan edo 5.000 frogatik 500 diren, ez da gauza bera.

ELENE: Jendeak bakarrik zenbat positibo dauden ikusten du, eta letra ttikian beti jartzen du gehiago.

Deskonfinamendua hasi zenetik, arauak eta neurriak pixkanaka lasaitu dira. Badaude hala ere batzuk indarrean. Oraindik beharrezkoak dira?

AGURTZANE: Gu lanean neurri bereziekin ari gara oraindik eta uste dut momentuz kalean ere errespetatu behar direla.

ELENE: Transmisioa asko jaitsi da, baina birusa hor dago eta ez dakigu nola portatuko den. Pandemia berria da eta epidemiologoek hipotesiak egiten dituzte, baina benetan zer gertatuko den inork ez daki. Oraindik positibo berriak ateratzen dira, fokoak… Ezin dugu bizi birusa ez balego bezala, nahiz eta bizitzen jarraitu behar dugun. Ezin dugu bizitza pausan

jarri txerto bat etorri arte. Izan ere, komunikabideek ziurtatzen dute txerto bat egongo dela 2021ean, baina 80. hamarkadan VIHarekin gauza bera gertatu zen. Ziurtatzen zuten txerto bat egongo zela eta 2020an ez dago. Tratamenduak bai, gaur egun hiesa gaixotasun kroniko bihurtu da, baina 30 urte baino gehiago pasatu dira. Nik uste dut errutinara sartu behar ditugun ohiturak direla eta, geroz eta lehenago asumitu -nahiz eta ez den erraza-, hobe. Dena-dena ezin da legislatu, protokolizatu edo aurreikusi. Egia esan, ez nuke egon nahi hau dena kudeatzea tokatu zaienen azalean.

Zuen eguneroko bizitza ohituretan aldaketak egin dituzue?

AGURTZANE: COVIDarekin ginenean lanean dutxatu eta etxera iristean berriz dutxatzen ginen. Orain, jende multzo handiak saihesten saiatzen naiz. Atentzioa ematen dit plazako terraza guztiak beteta ikusteak. Txip aldaketa egin gabe gaudela uste dut. Inkontzienteki, distantziak mantentzen ari naiz.

ELENE: Ni plazatik egunero pasatzen naiz eta ohitu egin naiz.

Baina deseskelada hasi zenetik jendea nola portatzen ari zen ikusteak errespetu handia ematen zidan. Batzutan, sutu egiten nintzen ikusten nituen gauzekin. 10eko taldeak terrazetan biltzeko aukera eman zutenean kuadrillan afaltzeko proposatu zen, eta niri beldur pixka bat ematen zidan. Etxean lixiba ere hainbeste ez dut erabili inoiz! Horrelako detaileak badaude.

AGURTZANE: Ezin da denari muga jarri. Beraz, ez naiz joango 5.000 pertsona dauden kontzertu batera edo terrazan jarri bizkarra bizkarrarekin ondoko mahaikoarekin, baina saiatzen zara egoera berri honetara zure lehengo bizitza egokitzen.

Agurtzane Etxebeste:

“Ez dugu beldurrik izan behar, baina ohitura batzuk pixka bat aldatu behar ditugu momentu honetan, denok elkar zaintzeko” Mezuren bat eman nahi al zeniekete oiartzuarrei?

ELENE: Bakoitzaren ardura inoiz baino garrantzitsuagoa dela.

Oso gizarte indibidualistan bizi gara eta kolektiboaren onurari gehixeago begiratzen ohitu beharko genuke. Hau denon arazo bat da eta denon artean egin behar diogu aurre.

AGURTZANE: Jendeak kontziente izan behar du egiten duenaz. Ingurua zaintzeko eskatuko nieke. Ez dugu beldurrik izan behar, bizitza aurrera doa, baina ohitura batzuk pixka bat aldatu behar ditugu momentu honetan, denok elkar zaintzeko. www.oiartzun.eus

23

oiartzungoudalainformatzen

erreportajea OiartzunAurrea eta Biyurrienea, elkar zaintzeko saretzen Itxialdi garaian bolondres taldeak herritarren beharrak asetzeko eta aisialdirako lanean aritu dira COVID19ak eragindako osasun larrialdiarengatik bizitu dugun itxialdian herritarrak etxean bai, baina geldirik ez dira egon.

Horren adierazgarri dira OiartzunAurrea eta Biyurrienea.

Aisialdi eskaintza, laguntza eta elkartasuna zabaltzen aritu dira ehunka oiartzuar bolondreski.

Biyurrienea xanistebanetako Gazte Egunaren antolakuntzatik sortutako taldea da. Iazko xanistebanetan hartu zuen izena eta aurten, hain zuzen ere Gazte Eguna antolatzen hasi berri zirenean, COVID19a eta konfinamendua iritsi zaizkie. Ane Leonet taldekideak azaldu duenez, “ostiral batez etxean egoteko gomendioa iritsi zen. Igande horretan bertan bildu ginen hangout bidez eta erronkak pentsatu genituen, denak on-line egiteko”. Hasiera batean, bi asterako erronkak planteatu zituzten.

24

Ane Leonet, Nora Velez del Burgo eta Maialen Aristegi, Biyurrienea eta OiartzunAurreako kideak.

www.oiartzun.eus

OiartzunAurrea konfinamendu garaian propio sortu den sarea izan da. Hasierako deialdia Sortu, Oiartzungo Feministen Asanbladak eta Ernaik egin zuten. Lehenengo bilera hartatik, baina, OiartzunAurrea plataforma osatu eta azpitaldeak osatzen hasi ziren, baita bileran parte hartu ez zuen jendea batzen ere. Horietako bat izan da Maddalen Aristegi, koordinazio lantaldean, Osasu Mentalaren lantaldean eta bolondresak kudeatzekoan aritu dena.

Oinarrizko eta bestelako beharrak asetzea helburu Euskal Herriko herri askotan osatu dira bolondres sareak konfinamenduarekin batera, oinarrizko beharrak asetzen laguntzeko kolektibo zaurgarrienei. OiartzunAurrearen lehenengo asmoetakoa izan zen erosketak egiten laguntza behar zuenari, jendeari deitzea… “Protokoloei adi egon gara,

oiartzungoudalainformatzen

erreportajea

*OHARRA: Erreportaje hau uztaila hasieran egin zen momentu hartako osasun protokoloak errespetatuz.

medikuekin eta Udalarekin hitz egin dugu, eta Udalak bideratu du oinarrizko beharrak asetzea”, azaldu du Aristegik.

Orduan, beste behar batzuk asetzera bideratu zuten jarduna.

“Udaleko Gizarte Zerbitzuetatik bideratu dira oinarrizko beharrak, beraz, hain oinarrizkoak ez direnak asetzera bideratu da OiartzunAurrea”, azaldu du Nora Velez del Burgo Aisialdi lantaldeko kideak: ordenagailua konpondu, ingelesa praktikatu, eskolako apunteak sortu… “Jasotzen genituen eskari eta eskaintzak elkarren artean harremanetan jartzea izan da gure lana”, zehaztu du Aristegik. Lauzpabost lagun konpainia egiteko deiak egiten ere aritu dira.

Osasun Mentalaren taldea ere sortu zuten herriko profesionalek. Eroso sentitzen ziren eremuetan banatu ziren eta hasieratik argi izan dute “inork zama osoa bere gain ez hartzea” zela helburua, kontatu du psikologoa den Maddalen Aristegik. “Eskaeraren arabera funtzionatu dugu eta ez da asko izan; horrek poztu gaitu”.

OiartzunAurreako Osasun Mentalaren lantaldeak egindako iragarkia.

Aisialdian eskaintza bateratuta, hobeto OiartzunAurreako bolondresek aisialdiari begira egindako proposamenetatik, taldetxo bat osatu zen propio arlo hori lantzeko. “Jende konkretuari ere proposatu genion taldean aritzea, herriko eragile ezberdinekin lotura izan zitezkeelako: Biyurrienea bera, Haurtzaro Ikastola, Abaraxka ludoteka…”, kontatu du Aristegik.

Lehendaziko lau asteetan, Biyurrienea eta OiartzunAurrea bakoitza bere aldetik aritu ziren herritarrei proposamenak egiten, baina eskaintza bateratu eta elkarrekin prestatzea erabaki zuten gero. “Helburu antzekoak genituen, eta bestela bata besteari gainjartzen ginen”, azaldu du Velez del Burgok.

Gero, astetik asterako plangintzak proposatu dituzte: asteburuan bilera jitsi bidez eta igandeetan, hurrengo asteko egutegia aurkeztu. Wathsapp-a sutan izan dutela kontatu digute Leonetek eta Velez del Burgok. “Astuna da bideo-dei bidez dinamizatzea bilerak”.

Erronka artistikoak; kontzertuak; kirol erronkak; irakurketa jarraituak; scape room-ak; atzerrian bizi diren oiartzuarrekin tertulia; igandeetako bingoa; herri hezitzaileak; Abaraxka Telebista; sukaldaritza eta dantza tailerrak; Haurren Eguna…

“Umoretik asko izan dute erronkek”, kontatu du Leonetek.

Horren adibide Donostia plazako bizilagunek prestatu zuten koreografia aipatu du edo etxeko eskaileretan erabat ekipatuta eskalatzen aritu diren gazteak.

Erronketan, kontzertuak ematen edo herri hezitzailean parte hartzeko proposamena egin dioten herritarren erantzuna “oso ona” izan da, “denek esan dute baietz”, ziurtatu du Leonetek.

“Sarea zabaltzen joan da herritar batzuk beren kabuz hurbildu direlako edo bata bestearen berri eman digutelako”, gaineratu du Aristegik.

100 bolondres baino gehiagoko sarea OiartzunAurreako koordinazio lantaldean 10 lagun aritu dira, 14 Osasun Mentalarenean, Aisialdi lantaldean 10 eta beste 100 bolondres; Biyurrienean, 12 lagun izan dira aktiboak.

“Uste dut iritsi garela jendearengana eta parte hartu nahi izan duenak izan duela horretarako aukera”, dio Maddalen Aristegik.

“Esparru oso-oso diferenteetako jende pila bat elkartu da erronketan”, gehitu du Velez del Burgok, “gazteetatik aparte, adin desberdinetako herritarrengana heltzea lortu du Biyurrieneak”.

Sare sozialak izan dira aisialdi eskaintzaren muina. “Horregatik aritu ginen pentsatzen nola iritsi sare sozialetan mugitzen ez diren adin-tarteengana: adin txikikoak, familiak, helduak…”.

Erronka “izugarria” izan dela aitortu du Aristegik. “Ez genien ezikusiarena egin nahi”. www.oiartzun.eus

25

oiartzungoudalainformatzen

erreportajea “Gure artean oso sintzeroak izan gara eta errespetatu dugu elkar, oso humanoa izan da harremana. Asko zaindu dugu elkar”, dio Aristegik. Velez del Burgok aitortu du “egun guztia etxean egonda, oso zaila” dela muga jartzea. “Nik ondo eraman dut, ez naizelako konprometitu ahal nuena edo momentuan nahi nuena baino gehiago. Nire burua zainduz konprometitu naiz”.

Konfinamendua luzatu ahala, indarra galtzen Aitortu dute konfinamendua luzatu ahala eta itxialdiko arauak lasaitu ahala, “erronkek indarra galdu” zutela. Horregatik, azken asteetan asteburuetan bakarrik egin zituzten proposamenak. “Hasieran nobedadea zen, baina ohitu egiten zara egoerara, normalizatu egiten da aldaketa eta etxeko errutinan sartzen zara”, uste du Velez del Burgok. Horrez gain, “momentu batetik aurrera jendeak kalea nahi izan du”.

Uxue Flamarike, OiartzunAurrea eta Biyurrieneak antolatutako erronka artistikoaren proposamena egiten.

26

www.oiartzun.eus

Aukera izan zutenean, balorazio bilera egin zuten eta udari begira “kalean” zerbait eskaintzeko gogoa bazutela izan zen ondorioa. Indartsu jarraitzen zuten taldekideek Udalak antolatu duen Kulturabirusa zikloan parte hartu dute, proposamenak egiten eta ekintza batzuk antolatzen. “Gure proposamenak aktiboak izan behar zutela uste genuen, parte-hartzaileak”, dio Leonetek. Horregatik antolatu dituzte lehiaketak, irteera kronometratuak…

Herrien arteko taldeekin eta Udalarekin elkarlanean Oiartzungo bolondres sareak ez dira bakarrak izan, talde eragile gehiago sortu baitira Euskal Herriko beste zenbait herritan. Elkarren artean harremana izan dute. “Bilera pare bat egin dira ideiak bata besteari pasatzeko; Udalekin elkarlanerako erraztasunik ez zuten herriei laguntzeko…”. OiartzunAurreak adibidez Hernanin eta Usurbilen egindako ekintzak inportatu ditu.

oiartzungoudalainformatzen

erreportajea Oiartzungo Udalarekin harreman zuzena izan du OiartzunAurreak. Azpitalde guztietan parte hartu dute Gobernu Taldeko udal ordezkariek. “Edozein zalantzaren aurrean oso eskura egon dira”, nabarmendu du Aristegik, “estraofizialki bada ere, beti aritu gara Udalarekin elkarlanean”.

Etorkizuna, “elkar zaintzen jarraitzea” Orain, talde bakoitzak bere bidea jarraituko du. Biyurrieneak herriko gazteei aisialdi eskaintza egiten jarraitzea eta 2021eko Gazte Eguna du buruan. Momentuz, uda guztia iraungo duen Liga antolatu dute, Kulturabirusa-ren barruan (sari eta guzti!).

OiartzunAurreak, berriz, atseden hartzeko asmoa du. “Erabaki dugu azpitaldeak mantentzea, badaezpada, etorkizunean zer gertatuko den ez dakigulako”, kontatu du Velez del Burgok, “berriz beharko balitz, zerotik ez hasteko”.

Hirurentzako izan da positiboa sare hauen parte izatea.

Maddalen Aristegik dionez, “erakutsi dugu nahi eta amesten dugun Oiartzun sortu dezakegula”. Dionez, berak eta bere inguruak asko hausnartu du zer den oiartzuarra izatea: “NANean jartzen duen zerbait bakarrik den edo egiaz herria gure sentitu eta eragitea den”.

“Jendeari tiraka ibiltzea izan da parte itsusia, baina herriak erantzuten duenean, izugarria da”, onartu du Leonetek. Era berean, aitortzen du “eskertu” duela “okupatuta” pasatu duen denbora, “erotu egingo nintzen hainbeste denbora librerekin”.

Eskerrak eman dizkiete antolatu diren sareetan eta ekintzetan parte hartu dute oiartzuar guztiei, eta mezu bakarrarekin borobildu dute egindakoa: “Elkar zaintzen jarraitu behar dugu”.

www.oiartzun.eus

27

oiartzungoudalainformatzen

iruditan

28

Elizalde Eguna

Arraguako festak

“Zer da zuretzat Girizia?� ekimena

Joanes Larretxea euskal presoarekin elkartasun kanpaina

www.oiartzun.eus

oiartzungoudalainformatzen

iruditan

Gure Esku-ren “Herritarrok erabaki” ekimena

Ikastola Eguna

“Izan bidea” Sareren kanpaina

Kalejira Ergoienen sanantonio egunean

www.oiartzun.eus

29

oiartzungoudalainformatzen

iruditan

30

www.oiartzun.eus

“Herri txiki, infernu handi�

Mineralen bila, Arditurrin

Foro sozialaren elkarretaratzea

Oinherriren aurkezpena

Abuztua DATA

ORDUA

LEKUA

ANTOLATZAILEA

1

08:30

Euskal Herriko pala Txapelketako finalak

Madalensoro pilotalekuan

Girizia elkartea

1

19:00

Arozenatarren ttun-ttuna

Arizmendi etxean

Udala eta Lartaungo txistulariak

1-31

-

Garmendi txokolategian

Garmendi txokolategia

2-9-1623-30

10:00-12:00

Arditurriko parketxean

Gipuzkoako Parketxe Sarea

2

17:00

Kalebueltak

Auzoetan

Oidultz, Lartaungo txistulariak, Ibargain Musika Eskola eta Auntxa

3

09:00

Diana

Elizalde auzoan

Lartaungo txistulariak

3

10:30

Ezkilak jotzea

Kanpandorrean

Oiartzungo ezkilajoleak

4-5-6-710-11-1213-14-1718-19-2021-25-28

19:00

Eskuzko IX Pasaka Txapelketa

Arraguako frontoian

Txost

Tren Berdea Arditurrira

Doneztebe plazatik

Gipuzkoako Parketxe Sarea

5-12-19-26 10:00/11:15

EKINTZA

Juanito Telletxearen erakusketa

“Iparra galdu gabe” orientazio jolasa

8

10:00

Oielekuko mairubaratzeetan ibilaldi gidatua

Kausotik

Gipuzkoako Parketxe Sarea

9

09:15

Ugaldeko presa eta Enobieta

Eskasetik

Artikutza Natura

13

18:00

Elikadura tailerra

Arizmendi lorategian

Oiartzungo Feministen Asanblada

14

19:00

“Ilargipean”: pertseiden ikustaldia

Eskasen

Artikutza Natura

15

Egun osoan

Herrian zehar

Biyurrienea

19

09:15

Elutsara irteera

Eskasen

Artikutza Natura

16

12:00

Bertso saioa

Karrikako frontoian

Oiartzungo Bertso Eskola

27

17:00

Bizikleten mantenu tailerra emakumeentzat

Haurtzaro Ikastolako frontoian

Oiartzungo Feministen Asanblada

28

19:30

Suo gan

Ibargain parkean

Ibargain Musika Eskola

29

Egun osoan

Beheko plazan

Biyurrienea

Mugalayan kontuk (altxor bila)

Final handia

deialdiak Zuen deialdiak zabaltzeko, bidali proposamenak hilaren 20a baino lehen, komunikazio@oiartzun.org helbidera.

Iraila DATA

ORDUA

1-11

08:30-14:00

1-30

-

12

19:00

13

EKINTZA

LEKUA

ANTOLATZAILEA

www.oiartzun.eus

Udala

Garmendi txokolategian

Garmendi txokolategia

Udako kontzertua: Xabier Lete

Gurutzeko frontoian

Soinuenea Fundazioa

07:30

Mendi martxa

Doneztebe plazatik

Bizardia Elkartea

20

19:00

Kantagiltza - Solasaldi musikatua: Anari

Arizmendi-enea

Lagunarteko garaia / Bizardia Elkartea

21

17:00

Ipuin kontaketa (2-3 urtetik goiti)

Manuel Lekuona bibliotekan

Udala

22

20:00

Irakurketa Taldea: “Atsekabe zaitut” (Irati Jimenez)

Manuel Lekuona bibliotekan

Udala

27

19:00

Antzerkia: “Matriuska” (Iraia Elias & Amancay Gaztañaga)

Udaletxeko areto nagusian

Oiartzungo Antzerkizale Elkartea

28

17:00

Ipuin kontaketa (4 urtetik goiti)

Manuel Lekuona bibliotekan

Udala

Txinalkan izen-ematea

Leire Arbelaitzen erakusketa