89. Udala Informatzen

Oiartzungo

89. zenbakia

2019ko abuztua

www.oiartzun.eus

udalainformatzen

Hasi da 2019/2023 legegintzaldia, 17 zinegotzik osatutako udalbatzarrarekin 26 2 Sarrera | 3 Agurra | 4 Udal Albisteak | 20 Iritzia | 22 Auzoak | 24 Herriko berri | 28 Erreportajea | 30 Iruditan | 36 Gotti Betti

oiartzungoudalainformatzen

telefono interesgarriak Udal telefono zenbakiak

Zerbitzuak

Informazioa 943 49 01 42 Alkatetza 943 49 18 62 Gizarte Ongizatea 943 49 05 52 Hirigintza eta Atez ateko bulegoa 943 49 03 77 Kultura 943 49 10 34 Manuel Lekuona Biblioteka 943 49 38 64 Udaltzaingoa 943 49 33 11 Elorsoro Udal Kiroldegia 943 49 25 52 Udal Igerileku irekia 943 49 37 45 Arritxulo Udal Mendi-Aterpea 943 58 00 10

Osasun zentroa 943 00 65 04 DYA 943 46 46 22 Jubilatuen elkartea 943 49 00 02 Zaharren egoitza 943 26 10 80 Taxiak 943 49 14 74 Herribus - Iparbus 943 49 18 01 Posta 943 49 35 74 Epaitegia 943 49 09 13 Nekazal bulegoak 943 49 03 47 / 943 49 06 69 Oarsoaldea eskualdearen garapenerako agentzia 943 49 41 29 Behemendi 943 49 02 19

Turismoa Hezkuntza Turismo bulegoa 943 49 45 21 Herri Musikaren Txokoa 943 49 35 78 Luberri Ikasgune Geologikoa 943 26 25 93 Komunikabideak Oiartzun irratia 943 49 37 11 Oarsoaldeko Hitza 943 34 03 30

Haurtzaro ikastola 943 49 22 12 Elizalde Herri Eskola 943 49 01 93 Elizalde Institutua 943 49 10 17 Urmendi Haur Eskola 943 26 00 86 AEK Intxixu euskaltegia 943 49 39 57 Helduen Heziketa Iraunkorra (Altzibar) 943 49 00 48

Harremanetarako, ekimenen berri emateko, proposamenak egiteko… hau da Oiartzungo udal aldizkariaren helbide elektronikoa: komunikazio@oiartzun.eus

ohar garrantzitsua Udal aldizkaria euskara hutsean kaleratuko da.

Oiartzungo Udalak urte asko daramatza euskara normalizatzearen aldeko lana eginez. Aldizkari hau, horregatik, euskara hutsean kaleratzen da.

Nolanahi ere, nahi duenak ale bakoitzaren eduki nagusien laburpena jasoko du gaztelaniaz. Horretarako, ordea, eskaera egin beharko du udaletxeko informazio gunean, 943 49 01 42 telefono zenbakira deituz edo komunikazio@oiartzun.eus helbide elektronikora mezu bat bidaliz.

Eskaera egitean, nork bere datuak eman beharko ditu, aldizkaria jaso ahal izateko.

NOTA IMPORTANTE La revista se publicará íntegramente en euskera.

El ayuntamiento de Oiartzun lleva muchos años comprometido con la normalización del euskera. Esta misma revista, por eso, se publica únicamente en euskera.

No obstante, todo aquel que este interesado tendrá la posibilidad de recibir un resumen de los contenidos más importantes de cada número.

Para ello, deberá ponerse en contacto con nosotros, acercándose a la oficina de información, llamando al número de teléfono 943490142 o enviando un correo electrónico a la dirección komunikazio@oiartzun.eus. Al realizar la solicitud, el interesado deberá facilitar sus datos, para poder recibir la revista.

Argitaratzailea: Oiartzungo Udala Diseinua eta maketazioa: Dixidu Diseinu Grafikoa Inprimaketa: Antza Komunikazio Grafikoa Lege Gordailua: Donostia-1216/91

2

www.oiartzun.eus

oiartzungoudalainformatzen

agurra

Jexux Leonet Elizegi Alkatea Agur oiartzuarrak, Hauteskunde bolada luzea pasatu dugu apiriletik maiatza bukaera arte eta maiatzaren 26ko udal hauteskundeen emaitzen ondorioz, berriz ere Udala Informatzen-en atal honetatik agurtzen zaituztet, Oiartzungo alkate gisa.

Udal hauteskundeetan gure taldeak jaso duen babesak indarberritu egin gaitu eta gugan jarritako konfiantza eskertu nahi dugu. Jaso dugun babes zabalak erakusten du bide onetik goazela denon artean Oiartzun geroz eta hobe baten bidean.

Hauteskunde hauetan Udalean izan dugun aldaketa nagusia udalbatzarra 13 zinegotzik osatzetik 17 izatera pasatu dela izan da. Bai Gobernu Taldea eta bai oposizioa lantalde zabalagoek osatuko dute eta espero dezagun hori herritar guztien onerako izango dela.

Gobernu Talde berria lanean ari da dagoeneko. Egia esan, Udalaren martxa ez da gelditu legegintzaldi aldaketan. Izan ere, jarraipena izango da datorren lau urteetako erritmoa: Gobernu

Taldean aurreko legegintzaldiko esperientzia dugun batzuok bermatuko dugu jarraipena, baina taldera batu zaizkigun kide berriek aire berria ekarriko dute; hori ere beharrezkoa.

Datozen lau urteetako erronka nagusiak hauteskunde garaian herritarrei aurkeztu genien herri programa betetzea izango dira: Mendiburu 14ko eraikina; Urkabe Baita eremuko etxebizitza dotazionalak; Gizarte-Ongizate saila indartu; gizonemakumeen arteko berdintasuna helburu, pausoak ematen jarraitu; lehendabiziko sektore ekonomikoa bultzatu; partehartzea bermatzeko, auzoetan auzotarrekin lanean segitu; arlo desberdinetako eragileekin elkarlana‌ Duela lau urteko ilusio berarekin ekin diogu legegintzaldi berriari.

Oiartzunekiko dugun konpromisoak motibatutako taldea gara.

Baina gu udal ordezkariak izan arren, herritar guztiok egiten dugu Oiartzun eta guztion artean jarraitu behar dugu Oiartzun egiten.

Ongi izan eta laster arte!

www.oiartzun.eus

3

oiartzungoudalainformatzen

udal albisteak 2019/2023 Legegintzaldia martxan da 2019-2023 legegintzaldian 17 zinegotzik osatuko dute Oiartzungo udalbatzarra; EH Bilduko 12k eta EAJko 5ek 2019/2023 legegintzaldia ekainaren 15ean hasi zen, zinegotzi eta alkatearen kargu-hartze ekitaldiarekin. Legegintzaldi honetan Oiartzungo udalbatza 17 zinegotzik osatuko dute eta Jexux Leonet Elizegi (EH Bildu) izango da alkate.

Maiatzaren 26ko hauteskundeetan oiartzuarrek hala erabakita, EH Bilduko 12 zinegotzik eta EAJko beste 5ek osatuko dute udalbatzarra. Legegintzaldi honetan, 13 zinegotzi izatetik 17 izatera pasatu da Oiartzun, izan duen biztanleria igoera dela eta.

UDALBATZARRA 17 zinegotzik osatuko dute 2019-2023 legegintzaldiko udalbatzarra. Hauexek dira: 1) Jexux Leonet Elizegi (EH Bildu) 2) Eneritz Arbelaitz Sarasti (EH Bildu) 3) Agustin Lekuona Irastorza (EH Bildu) 4) Olaia Lasa Olaziregi (EH Bildu) 5) Jon del Olmo LarraĂąaga (EH Bildu) 6) Iosune Cousillas Aramendi (EH Bildu) 7) Josu Delgado Rozas (EH Bildu) 8) Olga Leibar Mendarte (EH Bildu) 9) Enekoitz Markos Azpiroz (EH Bildu) 10) Haizea Saez de Eguilaz Perez (EH Bildu) 11) Goratz Gezala Etxeberria (EH Bildu) 12) Arrosa Lizaso Azpiroz (EH Bildu) 13) Rafael Bergaretxe Urdanpileta (EAJ) 14) IĂąaki Arbelaitz Mitxelena (EAJ) 15) Maitane Larruskain Agirre (EAJ) 16) Yon Goikoetxea Labaka (EAJ) 17) Janire Mitxelena Lekuona (EAJ)

4

www.oiartzun.eus

BATZORDEAK Gobernu batzordea 1) Jexux Leonet Elizegi (EH Bildu) 2) Eneritz Arbelaitz Sarasti (EH Bildu) 3) Agustin Lekuona Irastorza (EH Bildu) 4) Olaia Lasa Olaziregi (EH Bildu) 5) Rafael Bergaretxe Urdanpileta (EAJ) Euskara Burua: 1) Josu Delgado Rozas (EH Bildu) 2) Arrosa Lizaso Azpiroz (EH Bildu) 3) Iosune Cousillas Aramendi (EH Bildu) 4) Rafael Bergaretxe Urdanpileta (EAJ) 5) Janire Mitxelena Lekuona (EAJ) Feminismoa Burua: 1) Olga Leibar Mendarte (EH Bildu) 2) Eneritz Arbelaitz Sarasti (EH Bildu) 3) Olaia Lasa Olaziregi (EH Bildu) 4) Maitane Larruskain Agirre (EAJ) 5) Janire Mitxelena Lekuona (EAJ) Gazteria, Kirola eta Hezkuntza ez arautua Burua: 1) Haizea Saez de Eguilaz Perez (EH Bildu) 2) Enekoitz Markos Azpiroz (EH Bildu) 3) Goratz Gezala Etxeberria (EH Bildu) 4) Maitane Larruskain Agirre (EAJ) 4) Janire Mitxelena Lekuona (EAJ) Gizarte-Ongizatea Burua: 1) Olaia Lasa Olaziregi (EH Bildu)

oiartzungoudalainformatzen

udal albisteak

2019/2023 legegintzaldian udalbatzarra osatuko duten zinegotziak, kargu hartu ondoren.

2) Olga Leibar Mendarte (EH Bildu) 3) Eneritz Arbelaitz Sarasti (EH Bildu) 4) Maitane Larruskain Agirre (EAJ) 5) Janire Mitxelena Lekuona (EAJ) Hirigintza Burua: 1) Agustin Lekuona Irastorza (EH Bildu) 2) Jexux Leonet Elizegi (EH Bildu) 3) Eneritz Arbelaitz Sarasti (EH Bildu) 4) IĂąaki Arbelaitz Mitxelena (EAJ) 5) Janire Mitxelena Lekuona (EAJ) Ingurumena eta mendia Burua: 1) Eneritz Arbelaitz Sarasti (EH Bildu) 2) Jexux Leonet Elizegi (EH Bildu) 3) Agustin Lekuona Irastorza (EH Bildu)

4) IĂąaki Arbelaitz Mitxelena (EAJ) 5) Janire Mitxelena Lekuona (EAJ) Kultura Burua: 1) Iosune Cousillas Aramendi (EH Bildu) 2) Olaia Lasa Olaziregi (EH Bildu) 3) Josu Delgado Rozas (EH Bildu) 4) Rafael Bergaretxe Urdanpileta (EAJ) 5) Janire Mitxelena Lekuona (EAJ) Langileria Burua: 1) Jexux Leonet Elizegi (EH Bildu) 2) Eneritz Arbelaitz Sarasti (EH Bildu) 3) Agustin Lekuona Irastorza (EH Bildu) 4) Yon Goikoetxea Labaka (EAJ) 5) Janire Mitxelena Lekuona (EAJ) www.oiartzun.eus

5

oiartzungoudalainformatzen

udal albisteak

6

Obrak eta zerbitzuak Burua: 1) Agustin Lekuona Irastorza (EH Bildu) 2) Jexux Leonet Elizegi (EH Bildu) 3) Eneritz Arbelaitz Sarasti (EH Bildu) 4) Iñaki Arbelaitz Mitxelena (EAJ) 5) Janire Mitxelena Lekuona (EAJ)

Parte-hartzea Burua: 1) Eneritz Arbelaitz Sarasti (EH Bildu) 2) Olaia Lasa Olaziregi (EH Bildu) 3) Jexux Leonet Elizegi (EH Bildu) 4) Yon Goikoetxea Labaka (EAJ) 5) Janire Mitxelena Lekuona (EAJ)

Ogasuna eta Kontu Bereziak

Planeamendua

Burua: 1) Jon del Olmo Larrañaga (EH Bildu) 2) Jexux Leonet Elizegi (EH Bildu) 3) Eneritz Arbelaitz Sarasti (EH Bildu) 4) Rafael Bergaretxe Urdanpileta (EAJ) 5) Janire Mitxelena Lekuona (EAJ)

Burua: 1) Agustin Lekuona Irastorza (EH Bildu) 2) Jexux Leonet Elizegi (EH Bildu) 3) Goratz Gezala Etxeberria (EH Bildu) 4) Yon Goikoetxea Labaka (EAJ) 5) Janire Mitxelena Lekuona (EAJ)

Gobernu talde berria udal langileei egindako aurkezpenean.

www.oiartzun.eus

oiartzungoudalainformatzen

udal albisteak UDALAZ GAINDIKO ERAKUNDEAK Aiako Harria Parke Naturala Agustin Lekuona Irastorza (EH Bildu) AĂąarbeko Urak Jexux Leonet Elizegi (EH Bildu) Behemendi Agustin Lekuona Irastorza (EH Bildu) Elizalde Herri Eskola (HH-LH) Eneritz Arbelaitz Sarasti (EH Bildu) Elizalde Institutua Olaia Lasa Olaziregi (EH Bildu) Euskal Fondoa Eneritz Arbelaitz Sarasti (EH Bildu) Gipuzkoako Garraio Lurralde Agintaritza Eneritz Arbelaitz Sarasti (EH Bildu)

OTASA Jexux Leonet Elizegi (EH Bildu) Eneritz Arbelaitz Sarasti (EH Bildu) Agustin Lekuona Irastorza (EH Bildu) Iosune Cousillas Aramendi (EH Bildu) San Markos Mankomunitatea Eneritz Arbelaitz Sarasti (EH Bildu) Agustin Lekuona Irastorza (EH Bildu) Udalbiltza Eneritz Arbelaitz Sarasti (EH Bildu) UEMA Josu Delgado Rozas (EH Bildu) Arrosa Lizaso Azpiroz (EH Bildu) Iosune Cousillas Aramendi (EH Bildu) Enekoitz Markos Azpiroz (EH Bildu) Jexux Leonet Elizegi (EH Bildu) Urmendi Haur Eskola (Udal Ikastola Partzuergoa) Jexux Leonet Elizegi (EH Bildu) Eneritz Arbelaitz Sarasti (EH Bildu)

Gipuzkoako Parketxe Sarea Eneritz Arbelaitz Sarasti (EH Bildu) Haurtzaro Ikastola Olga Leibar Mendarte (EH Bildu) HOBEKI Eneritz Arbelaitz Sarasti (EH Bildu) Lanbarren SA Jexux Leonet Elizegi (EH Bildu) Oarsoaldea Garapen Agentzia Jexux Leonet Elizegi (EH Bildu)

Kargu hartze ekitaldia.

Zinegotziei egindako elkarrizketak www.oiartzun.eus-en

www.oiartzun.eus

7

oiartzungoudalainformatzen

udal albisteak

Arizmendi-enea herriarentzako irekitzeko prozesua martxan da Eraikina eraberritzeko lanak hasi dira

Arizmendi-enea jauregia eta lorategia berreskuratu eta publikoari irekiko dio Udalak. Horretarako prozesua martxan da. Lehenengo urrats gisa, eraikina egokitu eta eraberritzeko lanak hasi dira.

Ekaina bukaeran hasi ziren eraikina eraberritzeko lanak.

Helburua, kanpoko zein barruko itxura eta egitura mantenduz eraberritzea eta bisitatzeko baldintzetan jartzea izango da.

Proiektuaren xedea, barrua eta kanpoa mantentzea Kanpoko itxura mantentzeko egingo diren lan nabarmenenak leiho guztiak aldatzea, teilatua konpontzea -ahal den heinean dagoena mantenduz- eta balkoiak desmuntatu, tratatu, konpondu eta berriz jartzea izango dira.

Barrualdean etxebizitzaren egitura mantenduko da (sukaldea, egongela, logelak, goiko solairuko kapila,

8

www.oiartzun.eus

egurrezko tarima -hondatuta daudenak aldatuz-‌) baita baliozko altzari eta elementu dekoratiboak. Horretarako, altzariak tratatu dira.

Aldaketa handienetako bat ganbaran gertatuko da: egurrezko estruktura begibistan geratuko da eta espazio irekia sortu (kapila mantenduta). Barruan igogailurik ez da jarriko baina komun egokituak sortuko dira (beheko solairuan).

Berritze lan hauetan Udalak 515.633,69 â‚Źko inbertsioa egingo du. Aurreikuspenen arabera, zortzi hilabete iraungo dute eraberritze lanek.

Udala eta eragileen arteko harremana Arizmendi-enea Oiartzungo ondarea dela argi du Udalak.

Horregatik, Eusko Jaurlaritzaren izendapen ofiziala lortzeko prozesua abian du 2017az geroztik.

oiartzungoudalainformatzen

udal albisteak 1999an Udalak Arizmendi-enearen jabeekin tratua egin zuen, falta ziren egunean herriaren erdigunean dagoen eraikina udal jabetzakoa izatera pasatu zedin. 2012ko udan hitzarmena aldatu eta 2013an Udalak lortu zuen bere jabetzakoa izatea.

Arizmenditarrek eraikina “kulturarekin eta historiarekin harremana duten gauzetarako erabiltzea� nahi zuten, eta hori lortuko da proiektu honekin.

Lorategiaren murruak mantendu egingo dira, Arizmendienearen tankerako kale-jauregien ezaugarrietako bat baitira lorategi itxiak.

Duela hiru urte inguru, Oiartzungo Ondarezaleak taldea hurbildu zen udaletxera, etxebizitza museo bihurtzeko proposamenarekin. Harreman hartatik abiatu zen Udalak Eusko Jaurlaritzari Arizmendi-enea eraikinarentzako eta lorategiarentzako (konjuntoak baitu zentzua eta balorea) ondare izendapena eskatzea.

Udalaren eta Oiartzungo Ondarezaleen arteko elkartruke horren ondoren, Udala Kattin Txiki, Beloaga Bizirik eta ondarearen inguruan interesa izan zezaketen norbanako batzuekin ere bildu zen, Arizmendi-enearen inguruko planteamendua partekatzeko.

Arizmendi-enea jauregiaren historia Arizmendi-enea XVIII. mendeko jauregia da. Haren lehenengo erreferentzia idatzia 1759koa da. Agustin Arbide oiartzuarrak eraiki zuen eta jabearen abizenetik hartu zuen etxeak lehenengo izena: Arbide.

Arizmenditarren etxea museo bihurtuko da.

Turismo, kultura eta ondarera bideratutako erabilerak Hein batean, Ondarearen Mahaia sortzeko abiapuntuetako bat izan da Arizmendi-enea biziberritzeko prozesua. Izan ere, Arizmendi-enea Ondarearen Etxea izango da etorkizunean.

Besteak beste, Arizmendi-eneako beheko solairuan Oiartzungo Turismo Bulegoa kokatuko da eta etxea bisitatzeko modua egongo da, Arizmenditarren etxea izandakoa museoa gisa egokituko baita.

Garai batean garaje izandakoan erabilera anitzeko areto bat sortuko da (erakusketak, hitzaldiak... egiteko) eta lorategia ere irekita egongo da.

1787an, Agustinen semea oinordekorik gabe hil ondoren, Maria Josefa alabaren alarguna zen Inazio Urdinolak jaso zuen etxebizitza herentzian eta ordutik haren abizenez ezagutzen hasi zen: Urdinola.

1922an, Angel Arizmendi prokuradore donostiarrak etxea erosi zion Sotomayorko dukearen emazte Romana UrdiĂąolari.

Ordutik, Arizmendi-enea gisa ezagutu da Oiartzunen etxea.

1936an, frankistek etxea inkautatu zuten, Arizmenditarren pentsaera politikoa zigortzeko (EAJko militanteak ziren senar-emazteak). Gerra hasieran, Angel Arizmendi etxejabea atxilotu eta fusilatu zuten frankistek, eta bertan jarri zuten agintarientzako etxebizitza.

Arizmendi-eneak eraiki zen momentutik izan du gaur egun ezagutzen dugun itxura. Oso aldaketa gutxi izan ditu ia hiru mendetan zehar eta epe ertainean, oiartzuar guztien ondare den hau herritar denen eskura egongo da. www.oiartzun.eus

9

oiartzungoudalainformatzen

udal albisteak

Euskara ikastea dohainik izango da B2 maila arte ยกHaz como yo!

APRENDE EUSKERA GRATIS!

2019/2020 ikasturtetik aurrera, euskara ikastea doakoa izango da oiartzuarrentzako B2 maila arte. Udalak helduen euskalduntze doako eta unibertsalaren bidean hartu duen erabaki politikoak ahalbidetuko du euskara ikastea eskurago izatea oiartzuarrek.

!

!

Salto! udaleku euskaldunetara Salto!, UEMAren udaleku ibiltaria Usurbildik Arantzara joan da aurten. Oiartzunera heldu ziren 56 gaztetxo ekainaren 26an.

Egitaraua Haurtzaro Ikastolako, Oiartzo Batxillergo Ikastolako eta Elizalde Institutuko euskara elkarteetako ordezkariekin antolatu zuten Udalak eta UEMAk.

UEMAren hiztegia banatuko da udan UEMAk zazpi hizkuntzatan hiztegia argitaratu du uda honetan udalerri euskaldunetara heldu diren turistei banatzeko.

Oiartzunen, Turismo Bulegoan eta ostatuetan 3.000 ale banatuko ditugu.

10

www.oiartzun.eus

oiartzungoudalainformatzen

udal albisteak

Zuhaitz Eguna, Pilotasoron Zuhaitz Egunaren azkeneko edizioa Karrikako Pilotasoro eremuan izan da. Haurtzaro Ikastolako eta Elizalde Herri Eskolako ikasle eta gurasoen laguntzari esker, Udalak bertako zuhaitzak aldatu ahal izan ditu paraje horretan.

Eskola Agenda 21n klima aldaketa landu dute ikasleek Elizalde Herri Eskolako, Elizalde Institutuko eta Haurtzaro Ikastolako ikasle ordezkariek 2018/2019 ikasturtean klima aldaketari buruz egin duten lanketa aurkeztu zioten Jexux Leonet alkateari, euren konpromisoak adierazi eta Udalari zenbait proposamen eginez. Datorren ikasturtean landuko duten gaia biodibertsitatea izango da.

Putre arreak eta okil beltzak ezagutzen, Arditurrin Hegaztiak ezagutzeko tailerrak eta behaketak antolatu dituzte Udalak eta Gipuzkoako Parketxe Sareak Arditurriko eremuan.

Putre arreak eta okil beltzak ikusi eta hegazti espezie horien ohiturak ezagutzera eman dituzte saio horietan.

www.oiartzun.eus

11

oiartzungoudalainformatzen

udal albisteak ‘Empalabramiento’ tailerra, alfabetoa ikasiz ahalduntzeko Jatorri ezberdinetako bederatzi emakumek Empalabramiento tailerrean parte hartu dute, Nerea del Campok gidatuta.

Feminismo sailak antolatu du emakumeentzako alfabetatze tailer hau (dela alfabeto latindarraz aparteko beste batzuk ezagutzen dituztelako, dela sekula eskolara joateko aukerarik izan ez dutelako), bide batez, emakumeen arteko sareak eta ahalduntzea bultzatuz.

Hezkidetzan formakuntza udalekuetako begiraleentzat Udaleku irekietan aritu diren 53 hezitzaileetatik 41ek hezkidetzan formakuntza jaso dute. 17k sakontze tailerrean parte hartu zuten eta 24k, oinarrizko ezagutza jaso zuten.

Feminismo eta Gazteria sailek elkarlanean antolatu dituzte saioak.

Gaztetxoak eta telefono mugikorren erabilera, gurasoen kezka Oiartzungo gaztetxoen (LH 5. maila eta DBH 4. maila arteko ikasleek) eta haien gurasoen artean, IKTen erabileraren inguruko azterketa bultzatu du Adin Txikiko Mahaiak hirugarrenez. Ikerketaren ondoren, telefono mugikorraren inguruko tailer bat antolatu zen gurasoentzako, eta jakinmin handia piztu zuen.

12

www.oiartzun.eus

oiartzungoudalainformatzen

udal albisteak

Soka-dantzako gonbidatuak, soka-dantza berreskuratu zuen udal korporazioa Xanistebanen hasierako soka-dantza berreskuratu zela 25 urte beteko dira aurten. Hori dela eta, abuztuaren 2 honetan udalbatzarrak dantzara gonbidatuko ditu 1994an udalbatzarra osatzen zuten zinegotzi guztiak.

Ondarearen Mahaia errotei buruzko jardunaldia antolatzen ari da Ondarearen Mahaia Ondarearen Asterako -urria- egitaraua antolatzen ari da. Oiartzungo errotak balorean jartzeko baliatuko dute aukera. Gaur egun oraindik martxan daude Ihurrita eta Arraskuko errotak gure herrian.

Ikasleak, udal artxiboa ezagutzen Haurtzaro Ikastolako DHB 4. mailako ikasle talde batek udal artxiboa ezagutu du, Koro Pascual artxibozainaren eskutik.

Bertan gordetzen diren harribitxiak ezagutzeko aukera izan zuten, besteak beste.

www.oiartzun.eus

13

oiartzungoudalainformatzen

udal albisteak

Abittuk 46 erabiltzaile izan ditu ikasturte honetan Abittuk 46 erabiltzaile izan ditu ikasturte honetan, gehienak emakumezkoak (%59). Egin den balorazioa positiboa da.

Datorren irailean berriz jarriko da martxan zerbitzua Elorsoro kiroldegian eta osasun zentroan. Hurrengo erronka, jarduera fisikoa sustatzen duen egitasmoa etxez etxeko zerbitzuaren erabiltzaileengana hurbiltzea izango da.

Madalensoron, pilota modalitateei buruzko horma-irudiak Madalensoroko hormetan pilota modalitate ezberdinei buruzko irudi informatiboak marraztu dira. Oraingoz, sei modalitateri buruzko informazioa ageri da: xarea, zesta punta, esku pilota, pala motza, erremontea eta joko zuzenak (laxoa, bote luzea eta erremontea).

Eskola Pilota egitasmoan berrikuntzak datorren ikasturtean Eskola Pilota egitasmoan aldaketak izango dira 2019/2020 ikasturtean: LH 3. mailako haurrek errotazio sistemaren bidez probatuko dituzte pilota modalitateak (esku pilota, pala eta xistera) eta LH 4. mailan gustukoen duten modalitatea aukeratuko dute. Udalak, Txostek eta Oiarpek egitasmoa hobetzeko egin duten hausnarketak eragin du aldaketa.

14

www.oiartzun.eus

oiartzungoudalainformatzen

udal albisteak Etxe tasatuen erosleen itxaron-zerrenda du Udalak Oiartzungo Udalak herriko etxebizitza tasatuak eskuratu nahi dituztenentzako erregistroa duela gogora ekarri nahi du. Erregistro horretan parte hartzeko udaletxeko harreran eman behar da izena (ez dago epemugarik horretarako).

Gure herrian etxebizitza tasaturen bat salgai jartzen denean, Udalak erregistro horretan izena emanda dutenei eskaintzen die lehendabizi.

Iparralde etorbidean espaloi zati berria Elizalde auzoan, Iparralde etorbidean dauden Andreberonika etxearen eta Elizalde Hotelaren artean oinezkoentzako espaloia eraiki da, segurtasuna eta mugikortasuna hobetzeko.

35.500 â‚Źko inbertsioa egin du Udalak lan hauetan.

Cadarso enpresa eraitsi da Altzibarko Cadarso enpresa eraisteko lanak bukatu dira.

Orain, orubea izandakoa txukundu eta Altzibar-Karrika bidegorriko logikarekin jarraituz, hesiak jarri dira. Eremu horrek etorkizunean zein erabilera izango duen lurraren ebaluazioa jaso ondoren zehaztu ahal izango da. Kutsadura neurketak martxan dira.

www.oiartzun.eus

15

oiartzungoudalainformatzen

udal albisteak

Udalbiltzaren ’40 urte, 40 gezur’ erakusketa Espainiako estatuko Konstituzioaren 40. urteurrenaren harira, Udalbiltzak 40 urte, 40 gezur izeneko erakusketa ibiltaria prestatu du. Maiatzean, Oiartzunen ikusteko aukera izan zen. Espainiako Konstituzioak jasotzen dituen 40 puntu, Euskal Herrian betetzen ez direnak, azaleratzeko prestatu da erakusketa.

1936ko udalbatzarraren memoria berreskuratzen 1936ko uztailaren 27an, frankista matxinoek Oiartzun hartu eta udalbatza desegin zuten. Udalak, Katin Txikirekin eta EAJrekin elkarlanean, egun hartan desegin zuten udalbatzako kide errepresialiatuen memoria berreskuratu nahi izan du -zortzi zinegotzi atxilotu eta horietako bi fusilatu zituzten-, justizia eta erreparazioaren izenean. Horretarako, errepresaliatutako hautetsien senideak ekitaldi intimo batean batu dira udaletxean.

Eskola Kirolara bizikletaz gehien joan direnak, Elizalde Herri Eskolakoak Elizalde Herri Eskola izan da ikasturte honetan ere Eskola Kirolara bizikletaz desplazamendu gehien egin dituen eskualdeko ikastetxea. Hori dela eta, ikasturte bukaeran bi bizikleta jaso zituzten. Elizaldeko Guraso Elkarteak hala erabakita, Koldo Mitxelena Errenteriako ikastetxeari eman zizkioten opari.

16

www.oiartzun.eus

oiartzungoudalainformatzen

udal albisteak Txakur-jabeen ardurak gogora ekartzeko panelak Bizikidetzaren alde. Zure txakurra zure ardura da gogora ekartzeko panelak jartzen ari gara herrian. Txakur kakak biltzen ez dituzten jabeek sortzen dituzten bizikidetza arazoak nabarmenak dira auzo batzar guztietan. Eskari horretatik abiatuta jarri dira txartelak herrian txakur-kakak biltzeko dauden 34 edukiontzietan eta Olalden (Altzibar), Ganboxan (Arragua) eta Ibargain parkean (Elizalde).

Iparralde etorbideko alde batean ezin da aparkatu Iparralde etorbidean (bariantea), Gurutze-Arragua norabidean eskuineko aldean ezin da aparkatu ekainaz geroztik.

Gipuzkoako Foru Aldundiaren eskumeneko errepidea da.

Udalak, egoera hau aurreikusi eta arazoak saihesteko asmoz, Ormazabal-eneako aparkalekua atondu du Beheko Plazan.

Horiez gain, Landetxe, Euskal Herria eta Beheko Plazako doako udal aparkaleku publikoak ere hor daudela gogorarazi nahi da.

Saharako haurrei ongietorria Saharako errefuxiatu kanpamenduetan bizi diren sei haurrek Oporrak bakean programaren bidez uda hau Oiartzunen pasatuko dute. Udalak Euskal Herrirako bidaia bere gain hartzen du eta El-Watan elkarteak bideratzen du beraien egonaldia. Haurrei harrera egin zioten Landetxe plazan Udalak, El-Watanek eta familiek.

www.oiartzun.eus

17

oiartzungoudalainformatzen

plenoak 2019/03/27.

Altzibar eta Ugaldetxo arteko bidegorrian argiteria aldatzeko hitzarmena onartu da.

Altzibar eta Ugaldetxo arteko bidegorri zatian argiteria berritzeko Udalaren eta Gipuzkoako Foru Aldundiaren arteko hitzarmena onartu zen. Lanen kostuaren aurreikuspena 404.880 € da. Hitzarmenari esker, Aldundiak lanen kostuaren %35a jarriko du (145.000 €). Gainerakoa, Udalak bere gain hartuko du.

Oiartzungo Flauta Taldea eta Oidultz elkarteei euren jarduera musikala garatzeko Madalensoron lokal bana utziko zaie launa urterako.

Hirigintza arloan, Udalak Pikabene etxadian 10.370 m2ko eremua zesioan hartzea onartu zuen: jabetza eta erabilera publikoa izango du eremu horrek. Pikabeneko 35 etxejabeek dohainik eman diote eremuaren jabetza Udalari.

Eneritz Arbelaitz Ingurumen zinegotziak ere erantzun zion EAJko ordezkariari: “Oiartzun konprometitua dago hondakinen gaiarekin eta ingurumenarekin; edozein hobekuntzaproposamenetara irekiak gaude, baina ez da logikoa Oiartzunek atzerapausoak ematea ongi funtzionatzen duen gai batean”.

2019/05/24.

Gipuzkoako Hiri Hondakinak Kudeatzeko Plan Orokorrari auzi errekurtsoa jarriko dio Oiartzungo Udalak.

2019/04/30.

Atez ateko bilketa, EAJren jo-puntuan.

Gipuzkoako Foru Aldundiaren Hiri Hondakinak Kudeatzeko Plan Orokorrari administrazioarekiko auzi errekurtsoa jartzea erabaki zen, Gobernu Taldearen aldeko botoekin. Arrazoi nagusia Hiri Hondakinak Kudeatzeko Gipuzkoako Plan Orokorrak (PIGRUG) “udal eskumenak urratzen dituela” da.

EAJk kontrako botoa eman zuen.

Apirileko ohiko udalbatzarrean herriko eragileekin hitzarmenak onartu ziren: El Watan, Ibargain Musika Eskola eta Euskaraz Kooperatibarekin (Intxixu AEK euskaltegia).

Hitzarmenak onartu ziren Gazte Izanak eta Kattin Txiki elkarteekin. Arraguako eta Ergoiengo festak diruz laguntzea ere onartu zen, bakoitzarentzako 5.100 €.

Hiri-hondakinen bilketarako bi ibilgailu berri erostea ere onartu zen, (EAJ abstenituta). 408.672 € inbertituko da hondatuta dauden ibilgailuak berritzen. 2020ko jai egun ofiziala ere izendatu zen: abuztuaren 3a, astelehena, izango da.

Agurrentzako tartea izan zen udalbatzarraren bukaeran. Jexux Leonet alkateak esan zuenez, “positiboki baloratzen dut bi taldeen artean egon den harremana eta egin dugun lana”.

Martxoko protokolo gastua 0 € izan zen.

Apirileko protokolo gastua 110 € izan zen, lore eta eskelatan.

Eskari-galderen atalean Rafael Bergaretxe EAJko zinegotziak hondakinen atez ateko bilketa sistema birplanteatzeko eskatu zion EH Bilduri, eta gaiaren inguruan “jarrera itxia” edukitzea egotzi.

Jexux Leonet alkateak gaiak “hauteskunde atarian kutsu elektoralista” duela aipatu zuen eta gogorarazi “lau urtean EAJk ez duela proposamen bakar bat egin gaiaren inguruan”.

Era berean, Leonetek Oiartzungo sailkapen sistemak dituen

18

datu onak (bilketa kopuruan eta bildutakoaren kalitatean) txalotu zituen, “hori oiartzuar guztiek lortzen dute, eta ez EH Bilduk”. Jeltzaleari ez zitzaion gustatu hauteskunde giroaren aipamena. “Nik ere nahiago nuke erraustegia ez balitz behar eta hemendik 20 urte barru itxiko balitz”, gehitu zuen EAJko zinegotziak.

www.oiartzun.eus

Agurtzane Lekuonak, EH Bildurekin berriz aurkeztu ez diren zinegotzien izenean hartu zuen hitza: “Eskerrak eman nahi dizkiegu zinegotzi izateko aukera eman diguten herritarrei eta herri mugimenduan egunero lanean aritu direnei, udal langileei eta bidelagun izan zareten zinegotzi guztiei, baina batez ere gure taldekideei: ohorea eta pribilegioa izan da talde honen kide izatea”.

EAJko Rafael Bergaretxek esan zuenez, “udalbatzako eta alkatetzako kideekin harremana egokia eta zuzena izan da, eta hori eskertzekoa da, gu gustura egon gara”.

oiartzungoudalainformatzen

plenoak 2019/06/12.

2015/2019 legegintzaldi bukaerako tramitea.

2015/2019 legegintzaldiari bukaera emateko, ezohiko udalbatzarra egin zen maiatzeko ohiko plenoko akta onartzeko.

2019/06/15.

2019/2023 udalbatzarra osatzeko pleno berezia.

2019/2023 udalbatzarra osatzeko pleno berezia egin zen. 17 zinegotzietatik 16k hartu zuten zinegotzi akreditazioa (EH Bilduko Enekoitz Markos falta zen), eta alkatea aukeratzeko bozketa egin zen. Gehiengo osoz, aldeko 11 botorekin, EH Bilduko zerrendaburu Jexux Leonet aukeratu zen alkate. Bost abstentzio izan ziren (EAJrenak).

Rafael Bergaretxe EAJko zerrendaburuak Leonet “zoriondu” zuen. “Gure desio onenak azaldu nahi dizkizuegu herriaren eta herritarren alde lana egin dezagun; gure aldetik, borondaterik onena daukagu herriko gorabeheretan eta elkarren arteko harremanetan onena emateko eta eskuz esku aritzeko”.

Jexux Leonet alkateak jasotako “babesa eta nigan jarritako konfiantza” eskertu zuen. “Babes zabala izan dugu, horrek esan nahi du egin duguna ondo baloratua izan dela eta aurrera begira indarra ematen digu. Zinegotzi guztien familiei eskerrak eman nahi dizkiet, izaten duten pazientziarengatik eta ematen diguten babesarengatik”.

2019/07/03.

Legegintzaldirako batzordeak eta ordezkaritzak osatu dira.

2019/2023 legegintzaldiko lehenengo udalbatzarra izan zen.

Enekoitz Markos Azpirozek (EH Bildu) zinegotzi kargua hartu zuen eta ondoren, udaleko batzordeen osaketa eta udalaz kanpoko erakundeetako ordezkariak onartu ziren.

Adostu zen legegintzaldi honetan ohiko udalbatzarrak hileko azkeneko asteazkenetan 19:00etan egitea. Zinegotziek eta talde politikoek euren lanarengatik jasoko dute ordainsaria ere zehaztu zen: 367,20 € eta 142,80 €, hurrenez hurren.

Arduraldiak eta ordainsariak ere onartu ziren: Gobernu Taldean Jexux Leonet, Eneritz Arbelaitz eta Agustin Lekuona arduraldi osoan ariko dira udaletxean, Olaia Lasa %50ean eta Iosune Cousillas %25ean. EAJko Janire Mitxelenak ere arduraldi osoa izango du.

2019/07/16.

Mendiburu 14ren xehetasun azterketa onartu da.

Mendiburu 14 erabilera anitzeko eraikinaren xehetasun azterketa onartu zen behin betikoz, ezohiko udalbatzar batean.

Jendaurrean egon den epean ez du alegaziorik jaso behinbehineko xehetasun azterketak eta AESAren aldeko txostena ere jaso du.

2015/2019 legegintzaldiko azkeneko udalbatzarra.

www.oiartzun.eus

19

oiartzungoudalainformatzen

iritzia Kontsumo ohituren inguruan galdetu diegu oiartzuarrei.

Bertako komertzioetan erosten al dute?

Eta bertako produktuak kontsumitzen al dituzte?

Mari Jose Arbelaitz Gelbentzu

Bai, badugu ohitura hori. Oraintxe bertan erosi dut gaurko afaria kalean. Laboreko kide gara eta Arraztaloren saskia ere hartzen dugu. Inguruko baserri batean erosten ditugu arrautzak. Ahaleginak egiten ditugu bertako tokietan eta bertakoa erosteko, batez ere elikagaiak. Horrek ez du esan nahi tarteka ez garenik joaten merkatal gune handietara. Alde batetik, osasunarengatik egiten dugu, produktu hobeak direlako, eta bestetik herriko komertzioa bultzatzeko. Nik ere denda eduki dut urte askoan, eta badakit zer den komertzio txikian aritzea.

Maitena Ertetxe Agirrezabala Ez, ez dugu ohitura hori. Komertziorik ez dagoen auzo batean bizi gara, eta denerako hartu behar dugu autoa. Horregatik, behin autoa hartuta merkatal gune handi batera, herrian daudenetako batera, joaten gara. Astean behin joan eta aste osorako erosketak egiten ditugu.

Joxe Mari Isasa Belaunzaran Nik bai. Ahal baldin badut, herriko produktuak erosten saiatzen naiz. Oraintxe bertan, bertako tomateak zein diren galdezka ari nintzaion dendariari. Alderdi batetik, hemen gastatzeko egiten dut, baina bestetik, iruditzen zait produktu hobeak direla. Harategira ere herrian joaten naiz, denda eta biak bertatik bertara daude eta.

20

www.oiartzun.eus

oiartzungoudalainformatzen

iritzia Maixabel Lekuona Aizpurua Badut ohitura. Gainera, herriko dendetan gustatzen zait erostea. Harreman zuzenagoa harrapatzen dut eta hori gustatzen zait. Komertzio ttiki guztia ixten ari da, baina oraindik Oiartzunen posible da erosketak egin. Herriko produktuak ere erosten ditut. Gu baserrikoak gara, eta baserrian sagar ekologikoa saltzen dugu, etiketa horretan sartu ginen duela urte batzuk eta.

Aitor Palomo Zabala Bai, badugu herriko komertzioetan erosteko ohitura. Betiko gauzak erosten ditugu: frutadendan, harategian eta arraindegian. Hala ere, kilometro zero edo bertako produktuak propio erosteko ohitura ez dugu, dendan daukatenaren arabera erosten dugu.

Julian Zabala Irastorza Bai, erosten duguna, normalean, komertzioetan izaten da. Oraintxe bertan arrandegitik nator, baina bestelako dendetara ere joaten naiz. Ahal baldin bada, aurrena erosten dudana bertakoa izatea da. Ni baserrikoa naiz, eta beti etxean izan ditugu gauzak eta oraindik segitzen diot ohitura horri. Baserrian badugu baratza, sagarrak‌ Halakoak ez ditut erosten.

Maite Zalakain Jorajuria Bai, badut ohitura. Janaria etxe azpiko dendan erosten dut. Txokolategian eta tabernetan ere kontsumitzen dugu. Dendan erostea gustatzen zait, adibidez, tomateak eta barazkiak bertakoak izaten dituztelako.

Hemengo gauzak izaten dituzte eta oso interesgarria iruditzen zait produkzio hori bultzatzea.

www.oiartzun.eus

21

oiartzungoudalainformatzen

auzoak Altzibar

Bidegorrian argiztapena hobetzeko lanak martxan daude. Epe motzean lehenengo fasea bukatuko da (Altzibar eta Iturriozko Gaetxe artekoa), eta bigarrena hasi (Gaetxe eta Ugaldetxoko Atamitx artean). Azken fasea Ugaldetxon gauzatuko da: Atamitxetik Igerobi bideko bidegurutzera. Lanek hiru hilabeteko aurreikuspena dute eta 330.600 â‚Źko inbertsioa egingo da.

Elizalde

Manuel Lekuona etorbidean oinezkoen segurtasuna hobetzeko eta ibilgailuen abiadura mugatzeko neurriak hartu dira.

Horretarako, oinezko pasabideak markatzeaz gain, abiadura murrizteko sakanguneak jarri dira. Bereziki, ikastetxeen eremua babesteko hartu dira neurriak.

22

www.oiartzun.eus

Arragua

Iturrine eta Ganboxa kaleak lotuko dituen igogailua jartzeko lanak martxan daude. Lan hauetan 214.200 â‚Źko inbertsioa egingo du Udalak. Aurreikuspenen arabera, hiru hilabete beharko dira igogailua kokatzeko. Ondoren, auzotarren mugikortasuna hobetzeko martxan jarriko da.

Ergoien

Udalak Auzokalte elkarteari beste lau urtez, erabiltzen duen udal eraikina erabiltzen utziko dio. Arraguako Aldeguna elkarteari ere utziko dio erabiltzen duen lokala.

oiartzungoudalainformatzen

auzoak

Gurutze

Gurutzeko aportazio gunean mantenu lanak egin dira, hormak margotuta eta hesiak berrituta. Mantenu lanak eta txukunketak herriko aportazio gune guztietan egin dira, bakoitzaren egoeraren arabera beharrezkoa zena konponduta.

Karrika

Ardientzako sarna bainuak eman ditu Udaleko Ingurumen eta Mendi sailak, Kauson eta Zaldin Gainen. Herriko zazpi artzainek baliatu dute zerbitzua eta ia 500 ardik jaso dute tratamendua.

Iturriotz

Maiatzaren 18-19ko euriteek kalte handiak eragin dituzte batez ere herribideetan eta, Ergoien eta Karrikako bidegorrietan.

Lehenengo egunean bideak garbitu ondoren, konponketa lanak egiten ari da Udalak, lehentasunak markatuta. Besteak beste, Txalaka bidean kalte nabarmenak izan ziren, Torres baserriaren inguruan eta konponketa lanak egin dira.

Ugaldetxo

Mendibil eta Txara arteko pasabidean argiztapena jarri da.

Segurtasun sentsazioa gehitzeko eta mugikortasuna hobetzea ahalbidetuko du egindako lan honek.

www.oiartzun.eus

23

oiartzungoudalainformatzen

herriko berri Pierre Elizondo, Gari San Jose eta Jaione Ugaldebere: “Oiartzun-Karaez senidetzaren 25. urteurrena elkartasun puntu berriak sortzeko aitzakia da”

Oiartzun eta Karaez (Bretainia) herriak senidetu zirela 25 urte bete dira aurten. Xanistebanetako ekitaldian parte hartuko du Christian Troadec Karaezko alkateak eta berak botako du abuztuaren 2an txupinazoa ere.

Oiartzun eta Karaezen arteko harremanaren inguruan tertulian aritu gara senidetza egin zen garaian Udaleko Kultura zinegotzi zen Jaione Ugaldebererekin, eta Oiartzun-Karaez Senidetza Taldeko kide diren Pierre Elizondo eta Gari San Joserekin.

Karaez eta Oiartzun senidetu ziren duela 25 urte. Zer dela eta erabaki zuen Udalak senidetza sustatzea? Eta zergatik Karaezekin?

JAIONE UGALDEBERE: Ni orduan Kultura zinegotzia nintzen. Gogoan daukat 1992 bukaeran edo 1993 hasieran, Bretainiako talde handi bat Euskal Herrira etorri zela. Karmelo Landa zen HBko eurodiputatua eta haren idazkaria Mikel Egibar. Berarekin iritsi zen Oiartzunera Bretainiako delegazio bat. Ongietorria eman genien udaletxean eta bisitatu genituen sagardotegi batzuk, Tajo eta Niessen… Orduan hasi ginen

24

www.oiartzun.eus

senidetza planteatzen. Karaezen euskal errefuxiatu batzuk hartuak zituzten, nahiko ondo babestuak, eta horregatik aipatu zen Karaez. Nolako herria zen ezagutzea erabaki genuen. 1993ko martxoko zubi batean joan ginen Karaez ezagutzera Jon Iñarra alkatea, haren emaztea, ni eta nire senarra. Andoaingo errefuxiatu bat ezagutu genuen, baita hura babesten zuen herritar sarea. Herrixka Oiartzunen estilokoa zen biztanle kopuruz; hizkuntza babestu nahi zuten; diwana -bretoiera hutsean erakusten duten eskolakbazuten... Ezaugarri komun batzuk zeuden. Diferentzia zen guk Errenteria, Irun, Donostiara tiratzen dugula eta han Karaez dela zentroa, Tolosaren estilora. Karaezko alkatea -Jean Pierre Jeudy- komunista zen, baina abertzaleekin elkartua zegoen.

Alkateordea, Oiartzunera sinatzera etorri zen Daniel Cotten, abertzalea zen. Tiar Bro elkartearen inguruko abertzaleekin -Girizia elkartearen tankerako zerbait; abertzaleak, diwanaren ingurukoak… biltzen ditu-, harremanetan jarri ginen. Oso harrera ona egin ziguten: bazkaria, afaria, udaletxean aperitifa… Oso gustura etorri ginen eta gauzak lotzen hasi ginen. Joxe Mari Mendikutek bazuen harremana Bretainian zeuden errefuxiatu batzuekin, eta hortik hasi zen herritarren elkartetxo bat sortzeko ideia, eta bidea egin zen hurrengo urteko maiatzean senidetza sinatzeko.

Oiartzungo Udalarentzako lehenengo senidetza izan zen. Nola landu zen sinatu zen hitzarmena?

JAIONE: Ikusten genuen Bretainiak bazituela Euskal Herriarekin antzekotasunak: Frantziaren barruan estaturik gabeko nazio bat, bere hizkuntza propioarekin, pausoak ematen ari zena haren defentsan… Senidetzak alde politikoa ere bazuen.

Oinarrizko idatzi bat egin genuen, eta ekitaldi instituzionala.

Bultzatzaile nagusia Iñarra alkatea izan zen. Nahi zuena zen harremanak sortu bi herrietako taldeen artean: txirrindulariak txirrindulariekin, gazte taldea gazteekin, diwanaren eta ikastolaren artean… Horrela antolatu genuen senidetza.

Oiartzunen sinatu genuen senidetza eta lehenengo bidaia antolatu zen Karaezera. Bi autobusetan joan ginen. Karaez beste hiru herrirekin senidetua zegoen aurretik eta bazekiten senidetzak zer eskatzen zuen, zer egin behar zen… Elkarrekin egin genuen bidea. Lehenengo irteera horretan jende asko animatu zen, gazteak ere bai… Gerora, jarraipena eman diote senidetzari horiek.

oiartzungoudalainformatzen

herriko berri

Daniel Cotten eta Jon Iñarra senidetza hitzarmena sinatzen Oiartzunen.

Jon Iñarra alkateak bazekien frantsesez. Komunikazioa erraztu zuen horrek?

JAIONE: Izugarrizko laguntza izan zen hango alkatearekin harremantzeko. Lehenengo bidaia hartan Helena Santamaria Haurtzaro Ikastolako frantseseko irakaslea etorri zen gurekin eta berak gauzak asko erraztu zizkigun. Aurretik, Bretainiako delegazioa etorri zenean ere, Helena laguntzen aritu zitzaigun.

1994ko xanistebanetan hango alkatea etorri zen. Lehenengoz Bretainiako ikurrina jarri zen udaletxean eta ordutik beti jartzen da. Soka-dantza ere urte hartan berreskuratu genuen eta parte hartu zuen Karaezko alkateak.

1994ko xanistebanetako txupinazoa Jon Iñarra eta Jean Pierre Jeudy alkateek elkarrekin bota zuten, ezta?

JAIONE: Bai. Gerra aurretik, soka-dantzara gonbidatzen ziren hiru herri gipuzkoar eta hiru nafar. Berreskuratu genuenean, Udalak erabaki zuen bretainiarrak gonbidatzea.

Bi sinadura ekitaldietan izan zinen. Nola akordatzen dituzu ekitaldi horiek?

JAIONE: Urte asko pasatu dira! Ekitaldi instituzionalak izan ziren. Hara sinatzera joan ginenean hango Kultura zinegotziak bere burua aurkeztu ninduen, bere etxera eraman gintuen, aperitiboa atera zigun… Oso abegikorrak dira. Gogoan gehiago dut xanistebanetan talde handia etortzen zela, eta nola antolatzen genizkien lotarako tokia eta egitaraua. Egun asko izaten ziren eta festetako ekitaldi asko nahiko arrotzak egiten zitzaizkien. Beraientzako propio antolatzen genituen mendi-irteerak eta txangoak, eskalada saioak…

Senidetza mantentzeak zer esan nahi zuen Udalarentzat?

JAIONE: Xanistebanetan etortzen zirenean azpiegitura prestatzea -non lo egin, haiekin zer egin… Nire legegintzaldia

1995ean bukatu zen, eta ondorengoek jarraitu zuten harremanarekin.

Pierre eta Gari, zuen harremana Karaezekin nola hasi zen?

GARI SAN JOSE: Ni lehenengo bidaian joan nintzen.

Kuriositatez, gustatzen zitzaidalako bidaiatzea eta jende berria ezagutzea. Lehenengo bidaia hura eta gero, pentsatu nuen ezin genuela iparra galdu. Garai hartan, Gazte Asanbladan nenbilen eta hurrengo urtean gaztetxetik astebeteko bidaia antolatu genuen Karaezera. Ate polita zen beste kultura bat eta hizkuntza bat ezagutzeko. 20 lagun-edo joan ginen.

PIERRE ELIZONDO: Ni ere lehenengo bidaian joan nintzen, baina senidetza batzordean beranduago sartu nintzen. Gu familian joan ginen. Haurtzaro Ikastolako dantza taldean zebilen alaba, eta dantzatu egin zuten sinadura ekitaldian.

Karaezera antolatutako lehenengo bidaia hartan zein inpresio izan zenuten?

JAIONE: Lehenengo bidaia nahiko inprobisatua izan zen.

Irteerak antolatu zizkiguten: herri batzuk bisitatu genituen, sagardotegi bat… Afari bat antolatu ziguten senidetuta zeuden beste herri bateko jendearekin. Hasieran maiatzean joaten ginen, eta gero pasatu zen abuztuan egitera, xanistebanak eta gero. Kanpinera eraman gintuzten eta esan ziguten oiartzuarrok beti dohainik izango genuela kanpina.

Etorri ginenean, Oiartzunen ere kanpina jarri behar genuela esaten zuen Iñarrak!

PIERRE: Ona. Hangoen jarrera oso ona izan zen. Bi autobusetan joan ginenez, jende multzo handia ginen.

GARI: Gu gazteak ginen, parrandarako gogoa genuen.

Gaztetxetik joan ginenean zaindu gintuzten beraien semealabak bagina bezala. Kanpin militar handi bat jarri ziguten otorduak prestatzeko. Bertako gazteak ezagutzen hasi ginen eta hartueman serioagoa izan genuen. Esperientzia zoragarria izan zen.

Oiartzuarren lehenengo bidaia Karaezera.

www.oiartzun.eus

25

oiartzungoudalainformatzen

herriko berri Zenbatetan izan zarete Karaezen?

GARI: Ez dakit esaten, agian 30 aldiz. Bizikletan ere joan izan naiz hara, BeĂąat Goiarekin. Gazteak animatuko nituzke horrelako senidetzak aprobetxatzera.

JAIONE: Ni hiruzpalau aldiz Karaezen, baina Bretainian gehiagotan, beste zazpi-zortzi bat aldiz Gwissenyn ikastola eta diwanaren arteko elkartrukean.

PIERRE: Ni 10-12 aldiz joan naiz. Familian joateko toki ona da, baina familiaz aparte joan izan naiz futbol taldearekin, txirrindulariekin‌ Oiartzun-Karaez senidetza taldearen ibilbidea nolakoa izan da 25 urte hauetan?

GARI: Hasierako urteetan, Tier Bro gure etxea bezala izan zen. Urte haietan, egoera politikoarengatik, harremanak ere gehien bat politikoak izan ziren. Gero, bidaiak irteera turistikokultural-gastronomiko gisa funtzionatu zuen, kakotx artean.

Egon ziren urteak muga jarri behar izan genuena, eta jendea kanpoan utzi. Baina gizartea aldatu da eta orain turismo egitera bakoitza bere kabuz joaten da, eta bidaia horrek indarra galdu zuen. Formula berriak aurkitu behar genituen, ze senidetza ez da bakarrik bidaia turistikoak egitea. Edozein eragile edo norbanako hurbildu zaigunean Karaezera joan nahi izan duelako, beti deitu dugu hara. Orain beste ate bat ireki dut Ar Redadegaren kontura, AEK-rekin. Parte hartzera joan

26

ginen eta esperientzia oso polita izan zen. Gu tresna bat gara zubilanak egiteko.

Kanpoko lanak aipatu dituzue, baina barruan, nola funtzionatzen duzue?

GARI: Beharraren arabera. Espainola edo frantsesa dira komunikatzeko ditugun hizkuntzak, baina azkeneko bidaian konturatu nintzen han 40 urtez beherakoek espainola oso ongi dakitela. Guk bagenuen arazo komunikatiboa, eta nahiz eta konplizitatea egon, muga bat da hizkuntza.

Udalak beti lagundu izan du Oiartzun-Karaez senidetza taldea?

GARI: Bai. Senidetza Taldean beti egon da talde eragilea, motore gisa, baina martxa mantendu duena, elektrizitatea eman diona, Udala izan da. Udaletxean ate joka ibili garen guztietan jaso dugu babesa.

Aurten txupinazoa botatzeko proposatu duzue zuen burua, eta Jai Batzordeak onartu du. Zergatik?

GARI: Gazte nintzela kuriositateak bultzatuta joan nintzen Karaezera, beste nazio eta jende bat ezagutzera. Uste dut 25. urteurren hau elkartasun puntu berriak sortzeko aitzakia dela, sare bat sortu eta eskerrak emateko Bretainiari. Euskaldun asko pasatu da handik eta babes handia jaso dute bretoien aldetik. Uste genuen merezi zutela protagonista izatea aurtengo xanistebanetan.

Domi Azpiroz eta Iosune Cousillas zinegotziak Oiartzungo Udalaren Ar Redadeg-eko kilometroan lekukoa eramaten , iaz.

www.oiartzun.eus

oiartzungoudalainformatzen

herriko berri Txupinazoa botatzeko ohorea Karaezko alkateari emango diozue, hala ere.

GARI: Jai Batzordeari esan genion proposatzen genuela Karaeztarrak gonbidatzeko. Christian Troadec ez da soilik Karaezko alkatea, baizik eta erreferente politiko handi bat Bretainian, hango abertzaletasunaren batura egiten duen politikoa. Ez Oiartzun-Karaez bakarrik, Euskal Herria-Bretainia lotzeko aukera aprobetxatu behar da.

Abuztuaren 1eko kultur ekitaldian ere Udalak aipamen berezia egingo dio Oiartzun-Karaez senidetzari.

Nahikoa motibo badago horretarako?

JAIONE: Bai. Xanistebanetan, abuztuaren 3rako afari herrikoia ere antolatu du Senidetza Taldeak.

GARI: Bretoiak abuztuaren 1tik 4ra datoz eta egitarau antzeko bat egin dugu. Ikusten genuen ezin zuela harrera instituzional soila izan. 25 urte hauetan oiartzuar asko joan da Karaezera eta aukera ikusten genuen afari herrikoi ireki bat egiteko, Girizia elkartean.

Uste duzue oiartzuarrek Oiartzun eta Karaezen arteko senidetza presente dutela?

JAIONE: Senidetza egin zenean izan zuen oihartzuna, baina gero agian harreman pertsonaletan geratu da gehiago. Uste dut instituzio mailan geratu dela kontua, baina ez da erraza. Ea 25. urteurrenarekin indarra hartzen duen. Egia da ikastolatik ikasle asko joan dela Bretainiara, txirrindulariak ere joan izan direla‌ Ez da arrotza Bretainia guretzat, baina agian oso jende konkretuarentzat.

PIERRE: Ez dakit oraingo gazteek baduten presente. Baina beste batzuek, bai. Adibidez, Aldeguna elkartekoek beti galdetzen dute ea bidaia antolatuko den.

GARI: Garai batean egoera politikoa askoz konbultsiboagoa zen, eta Bai Independentziari plataformak nazio txikien indarrak batzea bilatzen zuen. Iaz Ar Redadeg-era joan ginenean eta beraiek aurten Korrikara etorri direla asko zabaldu da. Nik uste dut Bretainia presente dagoela Oiartzunen, urtero jartzen dugu beraien ikurrina festetan.

Gehiago posible litzatekeela? Akaso.

Pertsonalki, zein harreman mantentzen duzue Karaezekin?

JAIONE: Zinegotzi izateari utzi nionean, gehiago hasi nintzen lotzen diwanarekin. Maria Luisa eta Vincent Heydon senaremazteak senidetza taldean zeuden. Haien seme-alabek diwanean ikasten zuten eta harreman handia zuten ikastola haiekin, eta haien bidez hasi ginen Haurtzaro Ikastolarekin lotzen. Karaezen daude ttikientzako diwana eta lizeoa, hemengo batxillergoaren tankerakoa. Karaezekin trukea bost urtez egin genuen eta berriz eutsi genionean, Gwessenyko

Gwessenyko diwaneko ikasleei harrera Oiartzungo udaletxean.

diwanarekin hasi ginen. Egunpasa egin izan da Karaezera, ikasleek ulertzeko Oiartzun eta bien artean senidetza dagoela, lotura bat. Karaeztarrak etorri izan direnean egon izan naiz beraiekin. Adibidez, Vincent eta Maria Luisa abuztuaren 1eko ekitaldia Arizmendi-enean egin zenean etorri ziren azkenekoz, eta Iturriozko festa haietan erromeria egunean gurekin bazkaldu zuten. Era horretako harremanak mantentzen dira.

PIERRE: Karaeztik etortzen direnean edo gu hara joatean, jende batekin elkartzen gara. Ni hizkuntzak asko mugatzen nau, ezin dut zuzenean haiekin komunikatu. Keinuka, ondokoari galdetuz‌ aritzen naiz.

GARI: Nik han lagunak ditut. Beti ditu kontuan, eta beraiek ni ere bai. Azken bi urteetan ez naiz joan, baina urte askoan urtero joan izan naiz.

25 urte barru, nolako harremana nahiko zenukete Oiartzun eta Karaezen artean?

JAIONE: Nik nahi nuke ikastolak harremana mantentzea. Bi urtean behin joaten gara Gwissenyra, eta hori mantentzea garrantzitsua iruditzen zait. Hazia botatzeko modu bat da.

Sortu dira familien arteko harreman politak. Joaten zara hara eta topatzen dituzu bere garaian Oiartzunera etorritako gazteak ere. Ilusioa egiten du horrek.

PEIRRE: Niri gustatuko litzaidake senidetza mantentzea. Bota dugun hazia mantentzen dela ikustea polita da. Gu zahartzen ari gara, eta gazteagoek jarraituko dute, baina espero dut hauek baino gazteagoak ere hurbilduko direla.

GARI: Karaez senide bat da. Senidetza sano eramaten badugu, betirako izango da. Oiartzuarrek erabakiko dute hori, baina uste dut herri honek ez duela iparra, iparraldea, galduko. Asko maite gaituzte. Beraientzako gu ere bagara erreferenteak. Eta zaindu behar ditugu. Gure ondorengoak behar bezala hezten baditugu, senidetza hau mantenduko da. www.oiartzun.eus

27

oiartzungoudalainformatzen

erreportajea Garmendiko dolarea, XVI. mendeko altxorra Duela 25 urte Iragorri familiak baserriko dolarea dohaintzan eman zion Udalari Duela 25 urte, Iturriozko Garmendi baserriko jabeek Oiartzungo Udalari baserrian zeukaten XVI. mendeko dolarea eman zioten dohaintzan. Antonio Iragorrik eta Jon Iñarra alkateak sinatu zuten hitzarmena, 1994ko urriaren 26an.

OBIEk egin zuen dolarearen datazio lana. Horretarako, aurretik Gipuzkoan agertu ziren pieza batzuen erreferentziak baliagarri izan zitzaizkien. Horietako bat, Pikoketa baserriko obrahondakinen artean agertu zen, Oiartzunen bertan.

Dolarea hilabete batzuk lehenago deskubritu zuten Garmendi baserriko hormen artean Oiartzun Bailarako Izadi Elkarteko (OBIE) kideek. Iñaki Arbelaitz, Nikolas Etxebeste eta Jose Manuel Lekuonak osatutako hirukotea baserriz baserri zebilen tresna zaharren inbentarioa egiten Aztertzen programaren baitan, eta Garmendi baserria berritzeko obrak hastera zihoazela jakitun, bertara joan ziren egon zitekeena ikustera.

“XVI. mendean dolarea ez zen eraikinaren elementu gehigarri gisa eraikitzen, baizik eta eraikinean bertan txertatua, hobeto eusteko, eta bi zutabe pare izaten zituen, zirrikitu bertikalekin, non sartzen ziren sagarra prentsatzeko palankak”, azaldu zuen aurkikuntza egin berritan Iñaki Arbelaitz OBIEko kideak Egin egunkarian.

Baserriko bizilagunek hantxe zegoela ez zekiten pieza historiko bat topatu zuten, ukuilua eta lehenengo solairuaren arteko habeen artean erdi-ezkutatua, lurretik hiru metrora kokatua.

Andoni Iragorri Garmendiko semeak kontatu digunez, “etxekook ez genekien hor zegoenik ere. Guk ez dugu erabili eta ez dugu ezagutu martxan. Guretzako, egurrezko estruktura bat gehiago zen. Plantatik separatua zegoen, eta dolarearen barruan bertan, logela bat egin zen”.

Ia kasualitate batek ahalbidetu zuen Garmendiko dolarea mantentzea, “ez baziren OBIEkoak etorri, ziur desmuntatu eta bota egingo genuela, zeukan balorea ezagutu gabe”, dio Andoni Iragorrik.

Dimentsio handiko dolarea Sagarra prentsatzeko dolarearen neurriak harritu zituen OBIEko zein Gipuzkoako Foru Aldundiko adituak: 4 metroko altuera eta 5x6 metroko oinarria du Garmendiko dolareak.

Pertikadun dolare izenekoetatik geratzen den bakarretakoa da Garmendikoa. Erromatar garaiko sagardogintzako tresnen printzipioetan oinarritzen ziren XVI. eta XVII. mendeko lehen erdialdeko baserrietako dolareak: “Ia bi solairuen luzerako ardatz osoa hartzen zuen makina erraldoia izaten zen.

Sagardoa egiteko tresna horiek ia 12 metroko luzera zuen zeharkako habe lodi batekin zeuden osatuta, eta habe hori azpian jarritako sagarrak zapaldu arte jaisten zen”, azaltzen zuen Alberto Santanak Baserria lanean.

28

www.oiartzun.eus

Garmendiko dolarea etxe aurrean, 1994an osorik atera ondoren.

Garmendiko historia ezagutzeko aitzakia Dolarearen aurkikuntzak Garmendi baserriaren berritzea gelditu zuen hiru hilabetez. Dolarea XVI. mendekoa da -XVII. mende hasierakoa gehienez- baina Garmendi baserria zaharragoa da. “Dolarearen aurkikuntzak gure baserriaren historia ezagutzen lagundu digu”, dio Iragorrik. “Hasierahasierako baserriaren zatia identifikatu zuten, 20x5 metroko harrizko errektangulo bat zen. Esan zigutenez, bertan bizi ziren familia eta ganadua elkarrekin, berotasuna mantentzeko, eta horma beltzatua ikusten zen, suaren arrastoengatik. Pixkanaka, baserria handituz joan zen. Dolarea hasierako errektangulo hortatik kanpo zegoen. Horregatik dakigu baserria XVI. mendea baino lehenagokoa zela. Esan zigutenez, Iturriozko Dorretxearen garaitsukoa litzateke: XIV. mendekoa”.

oiartzungoudalainformatzen

erreportajea Aldundiak baserri elementalaren harri zati horiek mantentzera behartu zituen Iragorritarrak, eta gaur egun, Garmendi berriaren zati batean bistan dago.

1993ko abendu bukaeran egin zen aurkikuntza eta 1994ko urtarrilaren 14an atera zuten dolarea garabi erraldoi batekin baserritik. Administrazio publikoak bere gain hartu zituen lan haiek, “guk ez genuen halakorik egiteko baliabide ekonomikorik”, dio Iragorrik. Prozesua argazkitan eta bideoz biltzeko argitasuna eduki zuen etxeko semeak, hala ere.

Hain justu ere, dolarea dohaintzan emateko arrazoi nagusietako bat hori izan zen: halako elementu historiko bat mantentzea garestia izaten da eta baliabideak behar dira. “Galdetu ziguten zer egiteko asmoa genuen eta Udalari ematea erabaki genuen, ezin genuelako gure gain hartu dolarea mantentzeak suposatuko zuen gastua”, dio Andoni Iragorrik.

Museorik gabeko pieza Behin garabiarekin dolarea oso-osorik atera ondoren, hilabete batzuetan Garmendiko zelaian geratu zen, plastikoan bilduta.

Eguraldiarengatik hondatu ez zedin, Udalak urte hartan bertan Jose Luis Lizarribar arotza kontratatu zuen garbiketa eta tratamendua egiteko eta dolarearen maketa egiteko. Garaiko 1.410.000 pezeta bideratu ziren lan horietara (8.450 € inguru). Helburua, Oiartzungo Museoa izango zenean erakusgai jartzea zen.

Baina, museoa ez zen gauzatu eta dolarea udaletxearen biltegi batetik bestera ibili da 25 urte hauetan: Landetxen lehenengo, Ugaldetxon gero eta gaur egun, Gaetxen dago jasota.

“Entzun genituen zurrumurruak Iturriozko autobus geltokia gure dolarearen egurrarekin egina zela, eta haserreak hartu ninduen”. Orduan, familia berriz gaia mugitzen hasi zen: “Periko Ikardo aparejadorea, Kaxka, Otsua… gaia ezagutzen zutenak desagertzen ari ziren udaletxetik eta ikusten ari nintzen zer gertatuko zen…”.

Lehenengo, San Telmo Museoarekin jarri zen Iragorri harremanetan eta udalaren intentzioei buruz informatzen hasi zen. San Telmo, hasieran baiezkoa eman ondoren, atzera bota zen. “Ez nuen nahi gaia ahaztua geratzea”, dio Andonik.

Ondarearen Mahaiaren bultzada Aurten, berriz Udalaren lehentasunetako bat bihurtu da Garmendiko dolarearen gaia. Ondarearen Mahaiak lagundu du horretan. Garmenditarrek Miren Amoriza ondare teknikariaren deia jaso zuten, “poz handia eman digu martxan jarri izana”.

Ondarearen Mahaiko kide den Suberri Matelok dolarea ikusteko aukera izan du: “Garmendiko dolareak hainbat berezitasun ditu.

Batetik, kontserbazio egoera. Nahiz eta urte asko egon den gordeta udaleko biltegian, ongi gorde zen eta horri esker oso-osorik dago. Halako oso dolare gutxi kontserbatzen dira Euskal Herrian eta osotasunean, are gutxiago.

Antzeko batzuen piezak gorde izan dira Gipuzkoako Dolarearen albistea garaiko prentsan Foru Aldundiaren Gordailu biltegian, baina oso-osorik, bat ere ez”.

Matelok azaldu digunez, XX. mende arte egon zen martxan.

“Sagardoa prentsatzeko sistema mekanizatu bazen ere, dolareak bizirik jarraitu zuen. Bada oraindik hura martxan gogoratzen duenik. Erabileraren testigantzak edukitzea oso aberasgarria da ondare materialarentzat”.

1994a arte egin zuten Garmendin sagardoa, “auzo erdia gure etxera etortzen zen sagardoa egitera”, baina beste dolare bat erabiltzen zuten horretarako.

Udala Gipuzkoako Foru Aldundiarekin harremanetan jarri da, eta Gordailu biltegian Garmendiko dolarea kontserbatzeko prestutasuna erakutsi du foru erakundeak. Hurrengo urratsa eta Udalaren helburua, beraz, Oiartzungo ondare historikoa den dolare hau behar bezala zainduko duten esku profesionaletan uztea izango da.

Dolarea piezaka jasota dago udaletxeko biltegian.

www.oiartzun.eus

29

oiartzungoudalainformatzen

iruditan Barrikotea

30

www.oiartzun.eus

Kaldereroak

Artzain eta inudeak

Futbol egokitua

Pentsionistei buruzko bilera, Baleren Bakaikoa

Dantzari Txiki Eguna

Labore Oarsoren 2. urteurrena

‘Expolio Gara’ hitzaldia

Bulkada topaketa

oiartzungoudalainformatzen

iruditan

Oiartzungo Flauta Jaialdia

‘Gipuzkoako Organoak argitara’

Korrika Ttikia

Korrika

Bertso musikatuak

Barrikotea

10301 Elkartasun Eguna

Dantza batailoia

www.oiartzun.eus

31

oiartzungoudalainformatzen

iruditan

32

www.oiartzun.eus

Gure zirkua

Arraguako festak

Elizalde Eguna

Euskal Jaia

Sagardo Eguna

Ibargaingo ikasturte bukaerako kontzertua

Urmendi Eguna

Euskal Herriko Pala Txapelketako finalak

oiartzungoudalainformatzen

iruditan

Kuadrillategi Eguna

Haurtzaro Dantza Taldearen emanaldia

Ikastola Eguna

Txinalkaren emanaldia: ‘Inframunduak’

Gazteen antzerki emanaldiak

Elizalde Dantza Taldearen emanaldia

HELTAko gitarra emanaldia

IntxixuTrail

www.oiartzun.eus

33

oiartzungoudalainformatzen

iruditan

34

Auntxa trikitixa eskolaren emanaldia

‘Komun komunak’ egitasmoa

Ergoiengo festak

Sanjuan sua (Altzibar)

Sanjuan sua (Ugaldetxo)

Udaburuko sua (Elizalde)

Sanjuan sua (Iturriotz)

Altzibarko festak

www.oiartzun.eus

oiartzungoudalainformatzen

iruditan

OKEren festa

Udaleku irekiak

Oiartzun Irratiaren urteurren festa

Lartaun abesbatzan, Maddalen Dorronsororen 10. urteurrena

Arditurri Eguna

www.oiartzun.eus

35

Abuztua DATA

ORDUA

1-31

10:00-14:00 16:00-18:00

EKINTZA

1-4

-

1

17:00

Puzgarriak

1

19:00

Xanistebanetako kultur ekitaldia

Burdinaren Bidea Iraileko jardueretan izen-ematea

LEKUA

ANTOLATZAILEA

Arditurrin

Udala eta GPS

Elorsoro kiroldegian

BPXSport eta Udala

Udako igerilekuan

Udala eta BPXsport

Udaletxeko areto nagusia

Udala

Xanistebanak

Elizalde auzoan

Udala eta Jai Batzordea Pagoa

2-6

-

3-4-10-1117-18-2425-31

18:00

Helduentzako dantzaldia

Pagoa aretoan

3

23:30

Dantza saioa

Pagoa aretoan

Pagoa

4-11

09:15

Artikutzara bisita gidatua

Eskasen

Artikutza Natura

Doneztebe plazan

Udala eta GPS

Karrikan

Artaso Elkartea

Elorsoro kiroldegian

BPXSport eta Udala

7-14-21- 10:00-11:1528 16:00

Arditurriko tren berdea

15-18

-

Karrikako festak

19-31

-

Iraileko jardueretan izen-ematea

Iraila DATA

ORDUA

1-30

-

1-7-8-1415-21-2228-29

18:00

2-10

10:30-13:00 17:00-19:30

2-27

-

13-14-15

-

EKINTZA

LEKUA

ANTOLATZAILEA

-

Itturri Merkatari Elkartea

Pagoa aretoan

Pagoa

Karaez kaleko lokalean

Helta

Kirol jarduerak

Elorsoro kiroldegian

BPXSport eta Udala

Gurutzeko festak

Gurutzen

Gurutzeko Jai Batzordea

Argazki lehiaketa Helduentzako dantzaldia

HELTAKO ikastaroetan izen-ematea

14

17:00

Denboraldi bukaerako festa

15

07:30

Mendi irteera: Murua-Gorbeia-Baratzar

Udako igerilekua

Udala eta BPXSport

Haurtzaro ikastolatik

Girizia Mendi Taldea

15

Goizez

Bide berdeen Eguna

Arditurrin

Udala eta GPS

23-27

-

Aiton-amonen Astea

Petra Lekuona

Petra Lekuona eta Osasun Pastorala

24

19:00

Karaez, 4

Udala

27-28-29

-

Ugaldetxon

Ugaldetxo Kultur Taldea

30

17:00

Manuel Lekuona bibliotekan

Udala

Gazteen Antzerki Eskolako aurkezpen bilera Ugaldetxoko festak Ipuin kontaketa (4 urtez goiti)

deialdiak Zuen deialdiak zabaltzeko, bidali proposamenak hilaren 20a baino lehen, komunikazio@oiartzun.org helbidera.