88. Udala Informatzen

Oiartzungo

88. zenbakia

2019ko apirila

www.oiartzun.eus

udalainformatzen Mendiburu 14k proiektu definitiboa badu

26 2 Sarrera | 3 Agurra | 4 Udal Albisteak | 18 Iritzia | 20 Auzoak | 22 Herriko berri | 26 Erreportajea | 29 Iruditan | 32 Gotti Betti

oiartzungoudalainformatzen

telefono interesgarriak Udal telefono zenbakiak

Zerbitzuak

Informazioa 943 49 01 42 Alkatetza 943 49 18 62 Gizarte Ongizatea 943 49 05 52 Hirigintza eta Atez ateko bulegoa 943 49 03 77 Kultura 943 49 10 34 Manuel Lekuona Biblioteka 943 49 38 64 Udaltzaingoa 943 49 33 11 Elorsoro Udal Kiroldegia 943 49 25 52 Udal Igerileku irekia 943 49 37 45 Arritxulo Udal Mendi-Aterpea 943 58 00 10

Osasun zentroa 943 00 65 04 DYA 943 46 46 22 Jubilatuen elkartea 943 49 00 02 Zaharren egoitza 943 26 10 80 Taxiak 943 49 14 74 Herribus - Iparbus 943 49 18 01 Posta 943 49 35 74 Epaitegia 943 49 09 13 Nekazal bulegoak 943 49 03 47 / 943 49 06 69 Oarsoaldea eskualdearen garapenerako agentzia 943 49 41 29 Behemendi 943 49 02 19

Turismoa Hezkuntza Turismo bulegoa 943 49 45 21 Herri Musikaren Txokoa 943 49 35 78 Luberri Ikasgune Geologikoa 943 26 25 93 Komunikabideak Oiartzun irratia 943 49 37 11 Oarsoaldeko Hitza 943 34 03 30

Haurtzaro ikastola 943 49 22 12 Elizalde Herri Eskola 943 49 01 93 Elizalde Institutua 943 49 10 17 Urmendi Haur Eskola 943 26 00 86 AEK Intxixu euskaltegia 943 49 39 57 Helduen Heziketa Iraunkorra (Altzibar) 943 49 00 48

Harremanetarako, ekimenen berri emateko, proposamenak egiteko… hau da Oiartzungo udal aldizkariaren helbide elektronikoa: komunikazio@oiartzun.eus

ohar garrantzitsua Udal aldizkaria euskara hutsean kaleratuko da.

Oiartzungo Udalak urte asko daramatza euskara normalizatzearen aldeko lana eginez. Aldizkari hau, horregatik, euskara hutsean kaleratzen da.

Nolanahi ere, nahi duenak ale bakoitzaren eduki nagusien laburpena jasoko du gaztelaniaz. Horretarako, ordea, eskaera egin beharko du udaletxeko informazio gunean, 943 49 01 42 telefono zenbakira deituz edo komunikazio@oiartzun.eus helbide elektronikora mezu bat bidaliz.

Eskaera egitean, nork bere datuak eman beharko ditu, aldizkaria jaso ahal izateko.

NOTA IMPORTANTE La revista se publicará íntegramente en euskera.

El ayuntamiento de Oiartzun lleva muchos años comprometido con la normalización del euskera. Esta misma revista, por eso, se publica únicamente en euskera.

No obstante, todo aquel que este interesado tendrá la posibilidad de recibir un resumen de los contenidos más importantes de cada número.

Para ello, deberá ponerse en contacto con nosotros, acercándose a la oficina de información, llamando al número de teléfono 943490142 o enviando un correo electrónico a la dirección komunikazio@oiartzun.eus. Al realizar la solicitud, el interesado deberá facilitar sus datos, para poder recibir la revista.

Argitaratzailea: Oiartzungo Udala Diseinua eta maketazioa: Dixidu Diseinu Grafikoa Inprimaketa: Antza Komunikazio Grafikoa Lege Gordailua: Donostia-1216/91

2

www.oiartzun.eus

oiartzungoudalainformatzen

agurra Udala Informatzen hau 2015-2019 legegintzaldiko azkenekoa da.

www.oiartzun.eus

3

oiartzungoudalainformatzen

udal albisteak Mendiburu 14, forma hartu duen proiektua Erabilera anitzeko udal eraikinarekin batera, Landetxe plaza berrituko da Mendiburu 14an erabilera anitzeko udal eraikina egiteko proiektua aurrera doa. Azken asteetan, Udalak behin betiko proiektua jaso du, Astazaldi arkitektura estudioak landu duena.

Mendiburu 14ko eraikinak udal zerbitzuak eta herriarentzako azpiegiturak hartuko ditu bere baitan: euskara saila; Gazte Izanak erretiratuen egoitza; taberna bat eta kultur aretoa.

Kultura, euskara eta gizarte-ongizate arloetako beharrak asetzera bideratuta egongo dira eraikinak izango dituen 2.576,98 m2ak.

4

www.oiartzun.eus

KOKAPENA Udal eraikina Elizalde auzoan kokatu da, Doneztebe plazatik hurbil eta aparkaleku publiko zein garraio publikoaren geltokietatik hurbil.

Mendiburu 14 eraikinaren kokapena egokia da eraikinak eskainiko dituen zerbitzuen erabilera bermatzeko. Izan ere, Udalaren helburua Mendiburu 14 eraikin bizia izatea da, herritarrek eurena bihurtuko dutena eta egunerokotasunean erabiliko dutena.

oiartzungoudalainformatzen

udal albisteak

Euskara saila

eta taberna

Mendiburu 14 eraikinaren alboko ikuspegia.

INPAKTUA Eraikinak dagoen inguruan integratzeko moduko diseinua izango du. Ahalik eta diskretuena izatea eta inguruarekin mimetizatzea ahalbidetuko duen materialekin eraikitzea aurreikusi dira helburu horiek betetzeko. Intentzionalitatea, Mendiburu 14 eraikinak eremuan ahal den inpaktu gutxien izatea da.

Aurreproiektu fasean jendaurrean jarri zenean proiektua, eraikinak hartzen zuen altuera izan zen herritarren artean gehien errepikatu zen kezka. Hori aintzat hartuta, eraikinaren altuera ahalik eta gehien murriztu da.

ENERGIA Eraikina energiaren ikuspuntutik oso aurrerakoia izango da, energia-kontsumoa ahalik eta ondoen aprobetxatzeko. Udala energia trantsizioa gauzatzen dabil, energia aurrezteko eta ahalik eta ondoen aprobetxatzeko.

Hori dela eta, Mendiburu 14ko eraikinak beroketa eta hozketa sistema geotermikoa izango ditu, lurrak eskaintzen duen energiaren aprobetxamendua egiteko. Sistema elektrikoa ere inteligentea izango da, eraikinak izango duen argi bakoitza banaka tratatu ahal izango da: noiz piztu eta itzali, ze intentsitate eman‌

Hurrengo pausoak Exekuzio proiektua Udalaren esku dagoen honetan, hurrengo urratsak hauek izango dira: lehenengo, Hirigintza batzordeak eta udalbatzarrak aztertu eta onartuko dute behin betiko proiektua.

Mendiburu 14 eta Landetxe plazaren biziberritzearen proiektuak. Kontratazioa egin ondoren hasiko dira Egia-enea eraikinaren eraisketa eta eraikin berriaren eraikuntza.

Behin onespena izanik, kontratazio fasean sartuko dira

Beraz, datozen hilabeteetan lanak hasten ikusiko ditugu. www.oiartzun.eus

5

oiartzungoudalainformatzen

udal albisteak

-1 Kultur aretoa

1 SOLAIRUA

0 SOLAIRUA

01. Aretoa - Eserlekurik gabe: 428 pertsona 02. Harrera gunea 03. Entsegu gela 04. Aldagelak 05. Komunak 06. Logistika eremuak

01. Aretoa (280 eserleku) 02. Harrera gunea 03. Logistika eremuak 04. Komunak

KULTUR ARETOA Oiartzunen eta herriko kultur eragileen beharren neurrira egindako kultur aretoa sortzea izan da Mendiburu 14 eraikinaren helburu nagusienetako bat.

Kultur Aretoak nolakoa izan behar duen erabakitzeko, kultur eragileekin zuzeneko prozesua gauzatu da: bilera irekiak, banakako bilerak, inguruko herrietako kultur aretoen bisitaldiak...

Proiektu definitiboaren arabera, kultur aretoak 280 eserleku izango ditu. Zutikako aforoa 428 lagunekoa izango da. Honez gain, aretoa banatzeko aukera egongo da, oihal bidez, hartara ekimen bakoitzaren beharren neurrira handitu edo txikituko da espazioa.

6

0 Kultur aretoa

www.oiartzun.eus

Behin-behineko aurreproiektuari egindako ekarpenak direla eta, kultur eragileek egindako eskaera aintzat hartuta, kultur aretoa izango denari pasillo logistikoa izateko beso bat sortu zaio (hartara, artistek ez dute jendearen artetik pasatu beharko oholtzara heltzeko).

Honez gain, kultur aretoak azpi-solairu bat izango du.

Bertan, emanaldien aurretik erabiltzeko entsegu lokala eta artistentzako aldagelak egongo dira, besteak beste.

Kultur aretoaren erabilera eta funtzionamendua ere herriko kultur eragileekin diseinatu eta adostuko du Udalak.

Horretarako, epe ertainean parte-hartze prozesu bat martxan jartzea aurreikusten du.

oiartzungoudalainformatzen

udal albisteak

+1 Erretiratuak + Taberna

+2 Euskara

+ 1 SOLAIRUA

+2 SOLAIRUA

01. Taberna 02. Sukaldea 03. Tabernako komunak 04. Harrera gunea 05. Elkarteko egongela 06. Elkarteko bulegoa 07. Elkarteko tailerra 08. Ile-apaindegia eta masaje gela 09. Elkarteko komunak 10. Terraza

01. Euskaltegia - Irakasle gela 02. Euskaltegia - Auto-ikaskuntza gela 03. Euskaltegia - Itxaron gunea 04. Euskaltegia - A1 ikasgela 05. Euskaltegia - A2 ikasgela 06. Euskaltegia - A3 ikasgela 07. Bilgunea 08. Udal departamentua 09. UEMA 10. Ttur ttur 11. Oiartzun irratia 12. Bilera gela 13. Komunak

Landetxe plaza Mendiburu 14ko erabilera anitzeko udal eraikinaren proiektuarekin batera, Landetxe plaza erabat berrituko da.

Plaza honek eta erabiltzaileek dituzten arazoak konpontzea ahalbidetuko da honela.

Landetxe plazaren berritze prozesua bertako bizilagunekin, merkatari eta ostalariekin, eta plazaren erabiltzaileekin (kultur eragileak, gaztetxeko erabiltzaileak‌) egin da.

Prozesu horren ondoren, Landetxe plazaren esentzia mantentzeko hautua egin da: altura ezberdinetako terrazak, kale ekitaldientzako tokia, harmailak, plaza irekia, eguzkitsua‌ Esentzia hori mantenduz, plazak behar dituen hobekuntzak egingo dira: lurzorua, argiteria, altzari urbanoak‌ Horrez gain, plaza berdeago izango da landareriari esker eta itzalguneak ere izango ditu. www.oiartzun.eus

7

oiartzungoudalainformatzen

udal albisteak

Larrialdi plana, herritarren segurtasunerako Udal barru zein kanpoko koordinazioa hobetzea da helburu nagusia Herrian pasatzen den edozein larrialdiren aurrean erantzuteko Larrialdi Plana edo protokoloa diseinatua du Udalak. Larrialdi Plana 2017an onartu zuen Oiartzungo udalbatzarrak, ahobatez, eta ondoren, Eusko Jaurlaritzara bidali zen, haren oniritzia jasotzeko. Iazko urte bukaeran eman zuen.

Horretarako 112 telefonora deitu behar da. Komenigarria da, baita ere, norberak bere burua babesteko aholku batzuk jakitea.

Larrialdien aurrean, koordinazioa garrantzitsuena Larrialdi izan daitezke hala nola natur fenomenoekin lotutako gertakariak (suteak, uholdeak, haizeteak, elurteak, lur-mugimenduak, elurteak‌) edota beste gisa batekoak (industria arloko edo merkantzia arriskutsuen istripuak, isuri atmosferikoak‌).

Larrialdi egoera horien aurrean udal zerbitzu eta sailak zein kanpoko zerbitzuak (suhiltzaileak, Osakidetza, SOS Deiak, Ertzaintza‌) ahalik eta ondoen koordinatzea da Larrialdi Planaren oinarri nagusia.

Eusko Jaurlaritzak alertak aktibatzean edota herri mailan larrialdiren bat gertatzen denean jarriko litzateke martxan Larrialdi Plana. Larrialdi egoeren aurrean, Larrialdi Mahaiak osatzen dira. Larrialdi mota bakoitzaren aurrean, Krisi Mahai espezifikoak sortzea aurreikusten du Larrialdi Planak, eragiten dien arloetako arduradunekin eta estrategia bereziekin.

Prebentzioa ezin ahaztu Prebentzioa da Larrialdi Planaren beste ildo garrantzitsuetako bat. Arlo horretan, azpimarratzekoa da herritarrei abisuak ematen direnean horiei kasu egin behar zaiela.

Larrialdi Planean herritarren inplikazioa ere integratua dago.

Horretarako, bolondresekin lanketa da puntu garrantzitsuetako bat. Horren harira, Oiartzunen osasun-arloko profesionalekin sarea osatzen ari da.

Udala desfibriladoreak herrian jartzeko inbertsioa egiten ari da. Oraingoz, Elorsoro kiroldegian, OKEren Karla Lekuonako instalazioetan eta Madalensoro pilotalekuan daude. Horrez gain, udaltzaingoa desfibriladore ibiltari batekin ere hornitu da, beharrezko lekura eraman dezaten.

Honez gain, edozein herritarrek larrialdien berri eman dezake.

8

www.oiartzun.eus

NORBERE BURUA BABESTEKO AHOLKUAK: Ekaitz elektrikoak - Mendian bazaude, autoan sartu Elurteak - Ongi jantzi - Autoan kateak eraman - Mendira autoz joatea saihestu Haizeteak - Urrundu garabi eta aldamioetatik Basoko suteak saihesteko - Ez piztu surik haize handia dagoenean - Ez bota poxpolo, zigarro, brasarik Etxeko suteak Saihesteko...

- Ez erre ohean - Ez gainkargatu entxufeak - Sukaldeko kanpaia eta tximiniak ongi garbitu Sute kasuetan...

- Itxi leihoak eta ateak - Ez erabili igogailua - Zapiarekin babestu sudurra eta ahoa Uholdeak - Kotxerik ez hartu - Erne lur-mugimendu eta estolda-zuloekin - Etxetik atera agintzen badizute edo arrisku handia baldin badago bakarrik

oiartzungoudalainformatzen

udal albisteak

Karlos Ibarguren eta Oihana Mujika: “Jendea kontzientziatu nahi dugu bihotz-geldialdi kasuetan sanitarioak iritsi arte zerbait egin dezaketela“ Karlos Ibarguren eta Oihana Mujika Bizi-lagun bolondres sareko kide dira. Oraingoz, sarean 32 lagun elkartu dira (medikuak, erizainak, suhiltzaileak, udaltzainak, pedagogoak...).

Bizi-lagun proiektua zer da?

OIHANA MUJIKA: Proiektu honek herritarrei aukera emango die bihotz-geldialdi baten aurrean ze pauso jarraitu jakiteko, aukera izan dezaten lehenengo arreta emateko. Horrela, bihotz-geldialdia izan duenak aurrera ateratzeko aukera gehiago izango du. Proiektuaren atal nagusia geldialdiaren ingurukoa izango bada ere, suhiltzaile eta udaltzainekin ere atal berezituak izango ditu.

KARLOS: Geroz eta argiago dago osasun-sistemak bakarrik ezin diola erantzun pertsonak dituen osasun-behar guztiei.

Bihotz-geldialdi kasuetan oso denbora gutxi dago: sanitarioak iritsi aurretik inork ezer egiten ez badu, emaitzak oso-oso txarrak dira. Laguntza iritsiko da, baina beti beharko du denbora, eta tarte horretan zerbait egin behar da. Batetik, hortaz kontzientziatu nahi dugu jendea eta bestetik, erakutsi zer egin behar den. Dakigula, Euskal Herri guztian horrelako zerbait egiten duen lehenengo herria gara.

Bihotz-geldialdien aurreko erantzuna edonork emateko modukoa da?

KARLOS: Oso erraza da. Kateak lau kate-begi ditu: lehenengo, azkar antzeman geldialdia eta 112ra deitu; bigarrena, masajea hastea; hirugarrena, desfibrilazioa eta laugarrena, zaintza aurreratua, sanitarioek emango dutena. Guk planteatzen duguna da gutxienez lehenengo bi kate-begiak lekukoak asumitzea eta, ahal dela, hirugarrena ere bai. Geroz eta desfibriladore gehiago daude kalean. Baina batez ere interesatzen zaigu jendea kontzientziatzea lehenengo bi katebegiak berari dagozkiola, zerbait egin behar duela sanitarioak iritsi arte. Ordubetean eman daitekeen formazioaz ari gara.

Epe motzean herritarrei formakuntzak ematea da sarean zaudetenen helburua, ezta?

KARLOS: Funtsean hori da proiektua: entzun nahi gaituen edonori erakustea nola egiten den eta zer diren lau katebegi horiek. Gure erkidegoan, ospitaletik kanpo Osakidetzako emergentzia zerbitzuak hilabetean 70-80 berpizte artean hasten ditu. Kalkuluak eginda, Oiartzunen urtean 3,5 izango lirateke. Horietatik ia %70a norberaren etxean gertatzen da eta %15 inguru kalean.

Norbaitek bere burua ez badu gai ikusten, zer esango zeniokete?

OIHANA: Pertsona hori hilda dago. Okerrera ez du egingo.

Eginez, agian aukerak izango ditu aurrera ateratzeko. Ezer egiten ez bada baino gehiago, bai. Taldearen helburua herritarrek egoera batzuen aurrean erantzuteko behar diren gaitasunak lortzea da.

KARLOS: Bizi-lagunen juntatu gara larrialdi kasuen inguruan sentsibilitatea dugun batzuk, baina auzolan izpiritua du proiektuak.

Udalaren inplikazioa ere bilatu duzue.

KARLOS: Hau dena kudeatzeko azpiegitura txiki bat behar da. Guk lana bolondreski egingo dugu, baina azpiegitura antolatzeko Udalaren laguntza beharko dugu. Planteatu dugu desfibriladoreak erostea, baina oso argi dugu desfibriladorea ez dela helburua. Mezua argia da: desfibriladore bat baldin baduzu ondo; ez badaukazu ere, zerbait egin dezakezu.

OIHANA: Proiektua aurrera ateratzeko, Udalaren babesa eta laguntza beharrezkoa izango da, argi eta garbi.

Formakuntza saioak martxan jartzera doazenean, zer esango zeniekete oiartzuarrei?

OIHANA: %100 merezi du ikastaro honek. Beti izango da zerbait ona lortzeko saiakera. Geldialdi batean, nahiz eta gero gauzak ondo ez joan, zerbait egin izanaren sentsazioa ona da.

Besoak gurutzatuta ez geratu. Ahal duzuna egiten duzunean, satisfakzioa geratzen zaizu zure esku dagoena egin duzula.

KARLOS: Hurkoa laguntzea bizirik sentitzeko modu bat da.

Bizirik sentitzeko modurik ederrena da.

www.oiartzun.eus

9

oiartzungoudalainformatzen

udal albisteak

Hondakinen gaikako bilketa %80tik gora mantentzen dugu Oiartzunen Kalitate oneko hondakinak biltzen ditugu Oiartzunen hondakinen %82 biltzen dugu gaika, atez ateko hondakin bilketari esker. Gaika biltzen den hondakin kantitatea ahalik eta handiena izatea garrantzisua da hori egoki kudeatu ahal izateko.

Hala ere, hori bezain garrantzitsua da bildutako hondakinen kalitatea. Hori jakiteko inpropioen kantitatea neurtzen da: alegia, gai bati ez dagokion zenbat hondakin dauden bildutakoaren artean.

Oiartzunen 10 ekarpen gune daude, atez ateko bilketa iristen ez den etxebizitzei zerbitzua emateko (eremu diseminatuan daude herriko etxebizitzen laurdena inguru). Hain justu ere, atez ate biltzen ez den eremu horietan gaikako bilketa ez da hain fin egiten: edukiontzi bidez funtzionatzen jarraitzen duten herritarrek ez dute gaika sailkatzearen kontzientzia behar adina barneratu oraindik.

Datuen arabera, Oiartzunen biltzen dugun ontzi arinen %13,1 (2018ko datua) da inpropioa eta hondakin organikoaren %0,74 (2019ko neurketa). Datu onak dira, Oiartzunen kalitatezko bilketa egiten denaren seinale.

San Markoseko 2017ko aurrekontuak, bertan behera San Markos Mankomunitatearen 2017ko aurrekontuen kontra Oiartzungo, Hernaniko eta Usurbilgo udalek jarritako helegitearen sententzia ere heldu da otsaila bukaeran: auzitegiak arrazoia eman digu. Oiartzun, Hernani eta Usurbilgo udalok udalerri bakoitzak San Markosen erabiltzen dituen zerbitzuen arabera ordaintzeko eskatzen genuen. Orain, 2017ko aurrekontuak ere bertan behera utzi dituzte epaitegiek.

Errefusa kopurua jaisteko erronka Biztanleko 74,53 kilo errefusa bildu zen iaz Oiartzunen.

Kantitate handia da oraindik eta hori murriztea oso garrantzitsua da Udalarentzat. Kopuru horren zati handiena kale-garbiketa eta ekarpen guneetatik dator.

10

www.oiartzun.eus

2014tik 2017 bitarteko San Markoseko aurrekontu guztietan eskaera hori egin izan dugu, eta Mankomunitateak aintzat ez zuenez hartu eskaera, bide judizialera jo behar izan dugu urte horietan guztietan Oiartzungo, Hernaniko eta Usurbilgo herritarren interesen alde. Kasu guztietan, arrazoia eman digute epaitegiek.

oiartzungoudalainformatzen

udal albisteak GOGOAN HARTZEKOAK

Garbigune ibiltaria ZER eraman daiteke?

Talaiako garbigunea:

Sukaldeko olioa.

ZER eraman daiteke?

Lanparak eta fluoreszenteak.

Etxeetako obra txikien hondakinak.

Pinturak, bernizak, kolak...

Plastiko birziklagarria eta ez birziklagarria.

Etxetresna elektriko txikiak.

Tamaina handiko hondakinak (koltxoiak, sofak...).

Telefono mugikorrak.

Metala eta txatarra.

Termometroak.

Kimaketak.

Material informatikoa.

Egurra.

Kristala.

Kartoizko bilgarriak.

Pneumatikoak.

Aparatu elektriko eta elektronikoak.

Pilak eta bateriak.

Aerosol toxikoak.

Argazki-kamerak eta materiala.

Erradiografiak.

Autoetako olioak.

Herbizidak eta intsektizidak.

Etxetresna elektrikoak.

Tonerrak.

Jostailuak.

Jostailu elektriko eta elektronikoak.

Automobilgintzako olioa.

CD, DVDak...

Bateriak.

Garbiketako produktu kimikoak.

Fluoreszenteak eta lanparak.

Toner-karkasak.

CD eta DVDak. Sukaldeko olio erabilia.

Etxeko hondakin arriskutsuak.

ORDUTEGIA: Astelehenetik ostiralera: 09:30-13:00/16:00-18:50 Larunbatetan: 09:30-13:00/15:30-17:50 Igandetan: 10:00-13:50

EGUTEGIA: Hileko 1. eta 3. asteartea: Karrika (plaza): 09:00-09:20 Altzibar (Klarene plaza): 09:30-09:50 Iturriotz (Beheko soroa): 10:00-10:20 Ugaldetxo (Karla Lekuona ondoan): 10:30-10:50 Ergoien (Pagoaldea): 11:00-11:20 Gurutze (frontoi ondoan): 11:30-11:50 Arragua (Goiko Eskola): 12:00-12:20 Arragua (frontoi ondoan): 12:25-12:45 Arragua (Larzabal etxadia): 12:45-13:00 Hileko 1. eta 3. asteartea: Elizalde (Doneztebe plaza): 16:00-19:30

Altzari bilketa

Hileko 1. eta 3. ostegunetan.

Aldez aurretik telefonoz deitu behar da: 900 49 11 11/943 49 03 77 www.oiartzun.eus

11

oiartzungoudalainformatzen

udal albisteak

Euskaraldiko balorazioa, Kike Amonarrizekin Euskaraldian bizitutakoei eta ondorenari buruz aritu ziren ekimenean parte hartu zuten ahobizi eta belarriprestak, balorazio saio irekian. Horretarako, Kike Amonarriz euskaltzale ezaguna izan zuten laguntzaile.

Lintzirin eremuko euskararen egoeraren ikerketa, saritua Udalak eta UEMAk eskatuta, Irati Lizeaga ikertzaileak Lintzirin eremuan euskararen erabileraren egoera aztertu eta, euskararen presentzia eta erabilera handitzeko zuzentzeproposamenak egin ditu azterketa batean. Lan honengatik, besteak beste, Soziolinguistika Klusterrak antolatzen duen Hausnartu sariketako 3. saria jaso du Lizeagak.

Gizarte-Ongizate harrera ordutegia, zabalduta Gizarte-Ongizate sailaren harrera ordutegia zabaldu da, martxoaren 1az geroztik: astelehenetik ostegunera, 08:00etatik 13:30era hartzen dira herritarrak eta ostiraletan, 09:00etatik 13:30era. Aurretik, hitzordua hartu behar da 943 49 05 52 telefonora deituta.

12

www.oiartzun.eus

oiartzungoudalainformatzen

udal albisteak

Zaintza eta bizitza erdigunean jartzeko ekimenak Zaintza eta bizitza erdigunera ekartzeko, zaintzaileen egoeraren inguruan hausnartzeko saioak antolatu zituen Feminismo sailak martxoan zehar. Besteak beste, ordainpeko zaintza lanak egiten dituzten -maiz migratzaileak- emakumeen egoera, eskubideak eta bizi-baldintzak ekarri dira erdigunera dokumental, hitzaldi eta tailerren bidez.

Emakumeenganako indarkeriaren kontrako aldarria, FermiĂąenen Oiartzungo mugimendu feministak eskatuta, emakumeenganako indarkeriaren kontra herriko hiru artistek (Idoia Beratarbide, Ainara Lasa eta Ane Narbartek) egindako hilorama jarri da FermiĂąeneko horman.

Oiartzunen izandako eraso matxistaren kontra, kalera Herrian ezagutu dugun azkeneko eraso matxistaren kontra, herritarrekin batera, emakumeenganako indarkeria matxista publikoki gaitzestera atera ziren Udal ordezkariak, mugimendu feministaren deiarekin bat eginez. Erasotutako emakumea artatzea izan da Udalaren lehentasuna, baita hari eta haren inguruari babesa eskaintzea.

www.oiartzun.eus

13

oiartzungoudalainformatzen

udal albisteak

Liztor beltzaren 84 habia deuseztatu dira Udalaren eta Behemendiren arteko koordinazio lanei esker, 2018an liztor beltzaren (liztor asiatikoa) 84 habia deuseztatu ziren Oiartzunen, 2017an baino 34 gehiago (orokorra izan da Gipuzkoan liztor beltzen habia kopuruaren igoera). Guztira, 1.230 â‚Ź bideratu zituen Udalak bertako erlearentzako kaltegarria den liztor beltzaren kontrako lanetara.

Udaletxeko eraikinaren energia kontsumoa neurtu da Udalak eta Oarsoaldea Garapen Agentziak udaletxeko hezetasun, tenperatura eta C02 isurketen neurketak egin ditu.

Oarsoaldeko eraikin publikoetan egin da neurketa, Aurrezpen Energetikoa bultzatzeko egitasmoaren baitan. Datuek aurrera begira hartu beharreko neurriak zehazten lagunduko dute.

Karrikako bidegorria, irekita Altzibar eta Karrika lotzen dituen bidegorriko lanak bukatu dira eta bidea irekita dago oinezko eta txirrindularientzako.

Bidegorria zabaldu eta asfaltoa emateaz gain, argiztapena jarri da. Karrikako bidegorria auzoko plazaraino heltzen da.

14

www.oiartzun.eus

oiartzungoudalainformatzen

udal albisteak

Ane Asensiorentzako izan da IV. Kirol Saria Kirol Astearen baitan, Ane Asensio izan da protagonista nagusietako bat, IV. Kirol Saria jaso baitu. Atletismo egokitua Oiartzunen ezagutzera emateagatik, egiten ari den ibilbidea txalotzeko eta aurkakotasunen aurrean erakutsitako jarrerarengatik jaso du errekonozimendua. Guztira, jarduera fisikoarekin lotutako 20 ekintza baino gehiago izan dira aurtengo Kirol Astean.

OTXEko gaztetxoekin bide heziketa saioa OTXEko txirrindulari gaztetxoek bide heziketa saioa jaso dute Oiartzungo udaltzainen eskutik. Bidegorrian zein errepidean aintzat hartu beharreko irizpide eta arauak landu zituzten gaztetxoekin, besteak beste.

Abittu, osasun zentroan Abittu, jarduera fisikoaren aholkularitza eskaintzen da osasun zentroan asteazkenero, otsailaz geroztik. Udalaren, Eusko Jaurlaritzako Mugiment programaren eta Osakidetzaren arteko elkarlanari esker izan da posible zerbitzua zabaltzea.

Euren osasuna hobetzeko jarduera fisikoa preskribatzen dioten pazienteei erraztasunak emate aldera, astero bi orduz Mikel Lopez orientatzaileak anbulatorioan emango du aholkularitza.

www.oiartzun.eus

15

oiartzungoudalainformatzen

udal albisteak

Familia Eremua, goizetan ere bai Guraso batzuen eskaeratik abiatuta, Abaraxka ludoteka Familia Eremua goizez ere eskaintzen hasi da. Goizetako zerbitzua erabili ahal izateko, derrigorrez familia eremuko bazkide izan behar da. Udaltzainek atea ireki eta gurasoek kudeatzen dute gunea, ludotekarekin jarritako arautegia errespetatuz.

Xorrolaren erabiltzaileak %14,6 igo dira urtebetean 2018an 85.047 erabiltzaile izan zituen Xorrola herri barruko autobusak, 2017an baino 12.464 gehiago (%14,6). Lehen aldiz, abuztu osoan goizez zerbitzua eskaini zuen Xorrolak eta eskaintzak izan duen harrera ona ikusita, Udalak garraio publiko zerbitzua hobetzen jarraitzeko konpromisoa bere egiten du.

Udal elektronikoa erabiltzeko sinadura elektronikoa tramitatzen du udaletxeak Oiartzungo Udalaren www.oiartzun.eus webgunearen bidez, zenbait tramite elektroniko egin daitezke, udaletxera bertaratu gabe: errolda agiria atera edota eskaera orokorrak egin (baimenak, aretoen erreserbak, proposamenak‌).

Tramite horiek etxetik egin ahal izateko, B@kQ sinadura elektronikoa beharrezkoa da. Udaletxeko harreran eskatu eta momentuan tramitatzen dute sinadura elektronikoa, herritarrak hortik aurrera tramiteak elektronikoki egin ditzan.

Beste administrazioetan erabiltzeko ere balio du B@kQ-ak.

16

www.oiartzun.eus

oiartzungoudalainformatzen

plenoak 2018/12/19.

Euskararen erabilera normalizatzen jarraitzeko Udal Plana onartu da.

Herriko bi museo, Soinuenea-Herri Musikaren Txokoa eta Luberri Ikasgune Geologikoa, kudeatzeko aurten emango diren dirulaguntzak ere onartu ziren: 89.700 € Soinueneari eta 63.777 € Luberriri.

Euskararen normalkuntzan jarraitzeko Oiartzungo Udalaren Euskara Erabileraren plana onartu zen 2018-2022 urteetarako.

Haurtzaro Ikastolak eta Oiartzungo Udalak sinatuta duten hitzarmenaren baitan, aurtengo diru-laguntza ematea onartu zen (ikasleko 486 €), ahobatez. Urmendi Haur Eskolari egin beharreko ekarpena ere onartu zen, ahobatez. 0-3 haur hezkuntza zentroan 716.100 € inbertituko ditu Udalak.

2019an Kultura arloan ekitaldiak antolatzen dituzten eragile eta norbanakoei diru-laguntzak banatzeko Kultura sailak erabiliko duen araudia onartu zen.

Abenduko protokolo gastuak eman ziren: 219,54 € lore, eskela eta luntxetan.

Eskari-galderen atalean, EAJko Rafael Bergaretxek “herriko taldeek erabiltzen dituzten lokalen zerrenda eguneratua” jaso nahi zutela adierazi zuen, “iaz helarazi zeniguten bezala”.

2019/01/30.

Oiartzunen airezko fumigaziorik ez da baimenduko.

Naturkonen mozioa onartuta, pinuaren gaitzaren kontra Oiartzunen airezko fumigaziorik egiteko ez da baimenik emango. Oiartzungo azaleraren erdia baino gehiago basoak dira. Horien %83a lur publikoak dira. Oiartzungo baso-azaleraren %10a da pinua. Herrian egin den baso politikaren adierazle garbia da datua.

Eneritz Arbelaitz Mendi-Ingurumen zinegotziak “Oiartzunen dugun ura kalitate onekoa bada, gure basoengatik da eta egin den basopolitikarengatik. Basoen fumigazioak kezka sortzen digu. Basogintza eredu intentsiboak sortzen dituen arazoak azaldu dira eta eredu iraunkorraren aldeko apustua egin behar da”.

EAJk mozioaren kontra bozkatu zuen: “Oiartzungo kasuan gure posizionamendua beste bat litzateke. Baina EAJk aintzat hartzen du basojabeen kezka eta sektore ekonomiko horri lagundu behar zaio.

Ez dakit nola gertatu den hau, nola egiten den fumigazioa… baina gu ez gara baso-politikaz eta ekologiaz hitz egitera etorri”.

Bai EAJk eta bai Naturkonek Oiartzunen egin den baso-politika “eredutzat” hartu zuten. “Gauzak desberdin egin direlako da egoera hobea Oiartzunen”, gehitu zuen Kepa Olaizek Naturkonen izenean.

Zinegotziek eta talde-politikoek hilean jasotzen duten ordainsaria eguneratzea onartu zen. Tarifei %2ko igoera aplikatuko zaie. Honela, zinegotzi bakoitzak hilean 367,20 € jasoko du bere jardunarengatik eta talde politiko bakoitzak 142,80 €.

Urtarrileko protokolo gastua 0 € izan zen. Abenduko protokolo gastuaren datua zuzendu zen: 1.636,54 € izan ziren.

2019/02/27.

Ttur-Ttur Euskaltzaleon Bilgunearen hitzarmenarekin, adostasunik ez.

Oiartzungo Udalak aste horretan herrian izan zen eraso sexista gaitzetsi zuen ahobatez, emakume erasotuari eta haren inguruari babesa eskaini eta mugimendu feministak deitutako elkarretaratzearekin bat egin.

Arraztalo elkarteari gaixo psikikoen eta haien familien bizi-kalitatea hobetzeko 53.000 € ematea onartu zen. Lartaun abesbatzarekin lau urteko hitzarmena onartu zen, Madalensoron lokala uzteko.

Oiartzun Irratiaren funtzionamendurako 49.000 € ematea ere adostu zen. Ttur-Ttur Euskaltzaleon Bilguneak zenbait programa aurrera ateratzeko 98.758 €ko diru-laguntza onartu zen. EAJ abstenitu egin zen, “ez zaigu iruditzen programa horiek lau urteko protekzio edo lotura behar dutenik”.

Hiri hondakinen bilketa eta kale garbiketako kontratua urtebeterako luzatzea ere onartu zen. EAJ abstenitu egin zen, “luzapena logikoa izan arren, guk oinarrian atez ateko bilketa errebisatzeko eskatzen dugulako”.

Eneritz Arbelaitz Mendi-Ingurumen zinegotziak datuak eman zituen. “Datuek erakusten dute bilketa motak ze garrantzia duen.

Hondakinen gaia despolitizatu behar dugu. Ardura dugu Europako zuzentarauak betetzeko, eta Oiartzun bide horretan ari da”.

Oiartzun Gipuzkoako Garraioaren Lurralde Agintzari Partzuergoan sartzea ere onartu zen. Batez ere, Xorrola autobus zerbitzuan hobekuntzak bideratzeko izango da. Eneritz Arbelaitz izango da bertan udal ordezkaria.

Otsaileko protokolo gastua 0 € izan da.

www.oiartzun.eus

17

oiartzungoudalainformatzen

iritzia Oiartzungo Etxebizitza Bulegoaren helburua etxe hutsak alokairu duinera bideratzea da.

Zer iruditzen zaizu egitasmoa?

Nekane Gonzalez Jauregi Etxe hutsak alokairura bideratzea oso ongi iruditzen zait. Gu alokairuan bizi gara, plazan. Egia esan, asko kostatu zitzaigun alokairuan etxe bat topatzea Oiartzunen. Etxe bat erostea Oiartzunen ere ez dago erraza; nahiko herri garestia da. Guk partikularretik alokatu genuen azkenean, beste aukera higiezinen agentzia baitzen orduan.

Lourdes Landabea Lasa Oso ondo iruditzen zait etxe hutsak alokairura ateratzea. Nik etxe hutsik baldin banuke, jarriko nuke alokairuan. Orain, Ugaldetxon-eta ikusten ditut etxe berriak eraikitzen ari direla, eta pentsatzen dut Oiartzunen hainbeste etxe huts egonda, zergatik egin behar diren gehiago. Aurreko batean aritu ginen hutsik dauden etxe horiekin denekin zerbait egin beharko litzatekeela komentatzen. Nahiko etxe badaude Oiartzunen dagoeneko. Horiekin lanketa egitea oso ondo iruditzen zait.

Maialen Mendizabal Otegi Etxebizitza Bulegoaren aditzea badaukat. Lagunon artean aritu ginen gurasoen etxetik atera eta alokairuan pisuren batera joateko begira. Baina plaza inguruan dauden pisuak oso garestiak dira. Oiartzungo gazteak ezin gara etxetik atera. Etxebidek markatutako alokairuak gazteok etxetik ateratzeko aukera oso ona dela iruditzen zait.

18

www.oiartzun.eus

oiartzungoudalainformatzen

iritzia

Ander Ostolaiz Txoperena Ondo iruditzen zait. Etxe hutsak badaude, aprobetxatu egin behar dira. Gainera, gaur egun Oiartzunen alokairua garesti dago, baina aukera gehiago egonez gero, prezioa jaitsiko litzatekeela pentsatzen dut.

Entzun dut Etxebizitza Bulegoa badela, baina inguruan ez dut inor ezagutzen joan denik hara.

Andoni Sorondo Otegi Ondo iruditzen zait, eta gauza gehiago ere egingo nituzke. Behartuko nuke bi-hiru etxe dituena. Eta bat espropiatuko nioke. Egingo nukeen gauza bat da, etxebizitza beharra dagoenez, jendeak beste batzuen behar horrekin ez dezan espekulatu.

Arantxa Urrutia Zuntzundegi Ondo iruditzen zait etxe hutsak Etxebidek jarritako prezioan alokairura ateratzeko egitasmoa. Aukera bat da gazteek etxetik ateratzeko aukera izan dezaten. Bestela, alokairua oso garesti dago; gazteen eskura ez dago.

www.oiartzun.eus

19

oiartzungoudalainformatzen

auzoak Altzibar

Auzotarrek eskatuta, Klarene plaza berrituan hondakinak gaika banatuta biltzeko kaleko zakarrontziak jarri dira. Auzoetan maiz agertzen den kexa izaten da kale-garbitasunarena: Udalaren egitekoa da herritarrei baliabideak eskaintzea, eta herritarrena, hondakinak dagokien tokian botatzea.

Elizalde

Negua pasatu ondoren, auzoetako iturriak irekitzen ari da Udala, tartean, Landetxe plazakoa. Neguan, uraren pasoa ixten da izozteekin iturriak ez daitezen hondatu. Orain, udaberrian sartzera goazen honetan, pixkanaka, auzo guztietako iturriak irekitzen ari da Udala.

20

www.oiartzun.eus

Arragua

Iturrine eta Ganboxa kaleak lotzeko igogailua jartzeko lanak esleitu berri dira. Lan hauekin, Arraguako beheko eta goiko auzoak lotuko dira eta auzotarren mugikortasuna erraztu.

216.553 â‚Źko inbertsioa egingo du Udalak lan hauetan. Auzo batzarrean arraguatarrek egindako eskaera da.

Ergoien

Arditurriko trenari eta herriko museoei buruzko panel informatiboak kokatu dira bidegorriko zenbait puntutan. Gure herriaren historia ezagutzera emateko modu ludikoa da.

oiartzungoudalainformatzen

auzoak

Gurutze

Gurutze-Berri jatetxeak 50. urteurrena du aurten. 1969an hartu zuten Xabier Zapirain eta Luis Irizar sukaldariek jatetxearen ardura, eta ondoren, Zapirainek jarraitu zuen martxarekin, Maria Luisa Ruiz emaztearen laguntzarekin.

Karrika

Oialeku bidea txukundu dute auzolanean herribidearen alboko lurjabeek. Bide publikoei buruzko udal ordenantzaren arabera, herribideen garbiketa alboko lurjabeei dagokie. Karrikatarrek, ardura hori exenplarki bete dute.

Iturriotz

Horma etxearen parean dagoen zebra-bidean pibotea jarri da, auzotarrek eskatuta. Izan ere, iturrioztarrak autoek zebrabidearen gainean aparkatzen zutela kexatu ziren. Oinezkoen mugikortasuna hobetuko da erabaki honekin.

Ugaldetxo

Bidegorria eta Kalexa lotzeko zubia kokatuta dago. Oraindik ez dago erabilgarri, aurretik urbanizazio-lan batzuk bukatu behar direlako. Argiztapen lanak eta baranda jartzen direnean irekiko da oinezko eta txirrindularientzat.

www.oiartzun.eus

21

oiartzungoudalainformatzen

herriko berri Suberri Matelo eta Leire Mitxelena: “Norbaitek edo kolektibo batek balorea ematen diona da ondarea” Suberri Matelo historialaria eta Leire Mitxelena dokumentalista Ondarearen Mahaiko kide dira. Udalak Oiartzungo ondarea bildu eta herritarren eskura jartzeko proiektua martxan du, baina proiektu hori ezin da ulertu norbanako eta eragileen laguntzarik gabe.

Herriko ondarea berreskuratzeko proiektua martxan jarri da. Zer kontsideratzen da ondare?

LEIRE MITXELENA: Izan daiteke pertsona baten, familia baten edo, kasu honetan, herri baten DNAren zati bat. Oso orokorrean hartuta.

SUBERRI MATELO: Zerbait ondare den esateko, kolektibo edo norbanako batek kontsideratu behar du hala dela. Herri batean ondare dena, material igoala beste herri batean ez da izango, ez delako bertako errepresentatiboa. Imajinatu, Oiartzunen itsasontzi bat ez da ondare, baina Pasaian oso garrantzitsua izan daiteke.

Zer onura ekarriko dio proiektu honek Oiartzuni eta oiartzuarrei?

SUBERRI: Proiektu honetarako deitu zidatenean iruditu zitzaidan, ikasle garaietatik orain arte sumatu dudan falta bat ase zezakeela. Gauza konkretuak egin izan dira: erakusketak, indusketaren bat… Baina ondarearen gaia oso globala da eta urrutitiko analisia beharrezkoa da. Oiartzunek momentu honetan behar duen lanketa hori da.

LEIRE: Niri Eneko Salaberriak deitu zidan. Iñaki Arbelaitzen funtsarekin zebilen lanean eta ni, duela hamar bat urte-edo, aritu nintzen ikusten. Udaletik planteatu zuten nola tarteka eskaera batzuk jasotzen dituzten funtsak jasotzeko. Momentu horretan, eskuartean Iñaki Arbelaitzen eta Mikel Mendizabalen funtsak zeuzkaten. Bazekiten beste asko ere badaudela eta eragile asko daudela herrian materiala dutenak, eta asko aportatu dezaketenak proiektu honetan. Proiektu honek mapa bat egitea ahalbidetuko du. Oiartzungo herrian gauza asko daude eginda ondarearen inguruan, baina ari gara konturatzen oraindik asko dagoela egiteko. Bilera bakoitzean ari gara deskubritzen funts berriak, ondare berriak… Lehenengo ekarpena mapa hori egitea izango da: zer dago herrian eta nondik hasi gaitezke lanean.

Talde txiki hori biltzen hasi zinetenetik eragileei aurkezpen publikoa egin zen arte, prozesu bat egin duzue. Nola funtzionatu duzue?

22

www.oiartzun.eus

Leire Mitxelena eta Suberri Matelo, Ondarearen Mahaiko kideak.

oiartzungoudalainformatzen

herriko berri SUBERRI: Jon del Olmo Ogasun zinegotzia, Josune Cousillas Kultura zinegotzia, Eneko Salaberria eta gu biok bildu izan gara Ondarearen Mahaian maiztasunez, eta puntualki, Alvaro Aragon eta Iñaki Arrieta ere bai. Ondarearen Mahaitik kontsultak egiten eta zabaltzen ari gara.

Zeintzuk dira taldeak jarri dituen helburu nagusiak eta minimoak?

LEIRE: Lehenengo lana oinarrizko irizpideak markatzea izan zen: zer jasoko da? Irizpidea izan da Oiartzuni buruzko ondarea jasoko dela zehaztea.

SUBERRI: Funts batzuk bazeuden, baina Udalak ez zekien nola kudeatu. Lehendabiziko planteamendua, ia eztabaidatu ez zena, izan zen: “bai, jaso behar dira eta iristen zaizkigun proposamenak ondare dira”. Baina hori nola kudeatu?

Etorkizunera begira nola kudeatu behar den zehazteko irizpideak markatzea izan da helburu bat eta beste bat, hori guztia herriarentzako zerbait bihurtu behar dela. Jasotzeak ez du esan nahi fisikoki egin behar denik, baizik eta kontserbatuarazi. Helburu finala, herriarentzako eskura jartzea da. Tarteko prozedura oso zabala izan daiteke.

LEIRE: Ikusi genuen prozedura bat jarraitu beharra genuela.

Funts bat iristen zaigunean, zer egin? Alde batetik, mapan jasoko genuke; baina herriak kontserbatu behar du funts hori edo agian beste erakunde batek zerbitzu edo baliabide gehiago izan ditzake hori zaintzeko? Beraz, bideratze lan hori ere zehaztu da irizpideetan.

SUBERRI: Eragileekin egindako bilera eta analisien ondoren, konturatu ginen bi lan handi zeudela. Alde batetik, ondare guztiaren analisia egitea eta jakitea Oiartzungo Udalak, entitate bezala, nola jokatu behar duen ondarearen inguruan.

Ikusten genuen bideratua uztea lan bat zela, udaletxeak argi izatea bide-orria zein izango den. Eta beste lana zen gainean genituen bi funts handiei irtenbidea ematen hastea. Bi gauzak juntatu ziren eta esperimentu gisa, bi funts horiek landu bitartean ikusiko dugu zein den modurik egokiena funtsak bideratzeko.

LEIRE: Etorkizunean etorri daitezkeen funtsekin nola jokatu zehaztu nahi da.

Ondare mota ezberdinak daude. Proiektu honetan, ondare materiala edo inmateriala jasoko da?

LEIRE: Ondare inmateriala izango lirateke dantza, hizkuntza… eskuetan hartu ezin den hori. Ondare inmateriala ere jasota dago Oiartzunen. Ahotsak proiektuak gauza asko ditu eginak hizkuntzaren inguruan, eta Oiartzunen, Ttur-Ttur ari da hori lantzen. Horiek ere sartuko dira proiektu honetan.

SUBERRI: Taldearen erantzukizunetako bat da ikustea ondare guztitik zer dagoen gutxien jasota. Oinarrizko arazo bat dago: ondare materialak okupatu egiten du eta degradatu egiten

da, beraz, jendeak ez du etxean eduki nahi. Horregatik, asko fokatu gara ondare materialean eta dokumentazio edo ondare grafikoan.

LEIRE: Eskuartean dauzkagun bi funtsek ere horretara eraman gaituzte. Mikelen funtsa ikus-entzunezko materiala da eta Iñakirena ondare dokumentala, batez ere. Horiekin jarri gara, presa handiena zeukalako. Hala ere, gainontzeko ondare guztia oinarrizko mapa horretan jasoko da. Egia da gai batzuk landuago daudela. Agian egokiagoa da ahulen dauden funts edo ondareekin hastea lanean, eta landuena dagoenari, bere bidea egiten uztea.

SUBERRI MATELO: “Helburu finala, ondarea herriaren eskura jartzea da” Ondare asko omen dago bildua Oiartzunen. Hala da?

LEIRE: Ondare asko jasota dago. Manuel Lekuonaren funts guztia Eusko Ikaskuntzak dauka; argazki funts oso potenteak daude Gure Gipuzkoan eta Aranzadin; Euskaltzaindiak katalogatua dauka Intxixu antzerki-taldearen funts guztia…

Baina sakabanatuta dago. Udala ariketa bat egiten ari da sakabanatuta dagoen ondare hori behintzat udaletxeko webgunean jasotzeko.

Horretarako eredu aproposik ezagutzen duzue?

LEIRE: Erreferentzia gisa, Hernaniko Udalak badauka ondarearen inguruko webgune bat. Han jasotzen da, nolabait, aipatzen ari garen mapa hori.

SUBERRI: Herri bakoitzeko ondarea oso ezberdina da.

Hernaniko adibidean, esportagarria da Oiartzunerako bukaerako formatua, webgune batean jasota egotea ondare hori non aurkitu dezakezun esaten dizun mapa hori: liburuak hemen dituzu eta hau da aurkibidea; argazki funtsak hemen daude eta loturak hauek dira… Oiartzunen identifikatuta dagoen ondarearen aurkibide bat sikiera webgune batean jartzea lortu behar genuke: mapa argi bat, edozein ikerlari edo herritarrek jakin dezan nora jo behar duen.

LEIRE: Balio du azken bisualizazio bezala, baina ez dugu ahaztu behar horretara iristeko, atzetik dagoen lan guztia egiteko dagoela. Proiektu honek zerbait ona badauka da ezer, edo ia ezer, ez dagoela egina. Dena dago hasteko. Eta dena dago egiteko. Horrek abantaila asko dauzka.

Eragile eta norbanakoen harrera nolakoa izan da?

SUBERRI: Ona. Elkartzen garen bakoitzean egitekoen zerrenda luzatu egiten da. Baina hori positiboa da, hutsuneak identifikatzen direlako eta proiektu hau horretarako ere bada: www.oiartzun.eus

23

oiartzungoudalainformatzen

herriko berri horiei ekiteko. Traiektoria oso luzeko jendea da historia, ondare… aldetik eta beldurra nuen proiektu hau saiakera huts bezala ikusteko. Baina ematen du ilusioz hartu dela.

LEIRE: Harritu ninduen eragileen prestutasuna lana egiteko, daukatena herriari uzteko eta ekarpenak egiteko. Proiektu hau ez da ulertzen eragile horiek gabe. Gu gaude Ondarearen Mahaian irizpide batzuk jartzen, baina uneoro kontuan hartzen dira eragileak, klabeak dira proiektuak aurrera segitzeko.

Eman nahi badiogu sinesgarritasuna eta legimitatea, eragileen papera beharrezkoa da.

Eragileen ekarpenak aberasgarriak ari dira izaten?

LEIRE: Eragileekin egoten garenean, oso gustura egoten naiz.

Beraien artean sortzen diren elkarrizketak oso interesgarriak dira.

SUBERRI: Ateratzen diren gaiak izugarriak dira, garai bateko kontuak, proiektuak… Elkarrizketa horiek ez dakit ondare diren, baina grabatzeko modukoak dira! Eragileen aldetik erreflexio asko jasotzen dira, oso beharrezkoak, eta ez dakit orain arte espaziorik egon den horri buruz hitz egiteko. Uste dut proiektu honekin jende gaztea ere hurbilduko dela, ondareak ez duelako adinik.

LEIRE: Ondarea pilatzeko traiektoria bat behar duzu. Iñaki Arbelaitzek bildu duen ondarea bizitza osoan bildu zuen.

Normala da ondarea landu duena adin batean sartua izatea.

Baina lortzen badugu ondarea aktibatzea, oso interesgarria izango da gazteak hurbiltzeko. Ondarea ez da adituentzako eta frikientzako bakarrik.

SUBERRI: Ondarea beti lotu da traste zahar eta historialariekin.

Horrek aldatzen joan behar du.

Hasieratik aldarrikatu duzue profesional batek egin behar duela bilketa lana. Historialari bat hasi da lan horretan…

SUBERRI: Gure eskaera izan da, bai. Horrelako lanak askotan bolondresekin egiten dira, denbora librean. Baina ikusita ze bolumen daukan lan honek, argi geneukan pertsona bat liberatua behar zela hori egiteko, ezin genuela gure artean, ahal zen moduan, ekin. Ezin genuen auzolan gisa planteatu, pixkanaka egin bakoitzak bere denbora librearen arabera.

Edozein ez baita gai ondarea katalogatu eta baloratzeko, ezta?

LEIRE: Gutxieneko jakintza eta ideiak izan behar dituzu, jakin zertaz ari zaren. Hortik hasita, azterketa sistematizatu bat egin behar da. Maparen sailkapen koadro bat egiteko egokiena profesional bat da. Hortan hasi da Miren Amoriza. Oso ondo ari da lanean eta eragileekin harreman zuzena dauka. Hori ere oso garrantzitsua da.

SUBERRI: Oso argi zeukan beharrezkoa izango zuela eragileen laguntza. Errenteriarra izanik, ez du Oiartzun hainbeste

24

www.oiartzun.eus

ezagutzen eta hori aldekoa dela uste dut. Inori baino beharrezkoago iruditzen zaio eragileekin egotea eta haiek kontuan hartzea.

Itxura polita du proiektuak, beraz…

LEIRE: Oso. Hasi bakarrik egin gara. Bileretara joaten garenean Mirenek informazio asko ematen digu, mapa oraindik ez dago egina baina itxura hartzen ari da. Hau epe luzerako proiektu bat da. Epe motzean oso emaitza gutxi jasoko ditugu, batez ere bisualki.

LEIRE MITXELENA: “Hau epe luzerako proiektu bat da. Epe motzean oso emaitza gutxi jasoko ditugu, batez ere bisualki” Ondarearen Mahaian biltzen jarraitzen duzue. Zertan ari zarete orain?

SUBERRI: Miren ere batu da taldera. Nik, adibidez, esan nion lagundu niezaiokeela material etnografikoaren arloan.

Detektatu zuenez Oiartzungo Udalak bazituela biltegietan behar den bezala gordeta ez dauden material batzuk, proposamen bat landuko dugu irtenbidea emateko. Proiektu honek ematen dituen fruitu ttikien adibideetako bat da. Eneko Salaberriaren ikuspegia ere oso interesgarria da lantaldean, ez datorrelako ondarearen mundutik.

LEIRE: Azkeneko bilerak Mirenen erritmoak markatzen ditu, emaitza batzuk dituenean gurekin aztertu nahi dituelako.

Berari segurtasuna ematen dio taldeak. Zalantzak sozializatzea ona izaten da.

SUBERRI: Erabakiak denon artean lantzen ditugu zalantzak daudenean.

Jendea ondarearen aberastasunaz eta garrantziaz jabetzen al da?

SUBERRI: Ondareak nortasuna ematen dio herri bati. Jakiteko herri batek ondarea baloratzen duen, galdetzea besterik ez dago: zer nortasun dauka herri horrek? Orioz galdetzen baduzu, denok aipatuko genuke arrantza, baleazaleak, traineruak…

Baina Oiartzuni buruz zer esango genuke? Meatze herri bat dela, baserritar herri bat…? Zerk identifikatzen gaitu?

Batzuentzako oso inportantea izango da Urdiñolako palazioa eta beste batzuentzat, herriko festetako urtekariak. Argi daukagu zer den oiatzuarrentzako ondarea? Ba ez dakit denok argi daukagun…

LEIRE: Nik zalantza asko dauzkat. Bakoitzarentzako ondarea gauza bat edo beste izan liteke, eta gauza batzuei balorea emango diogu eta beste batzuei ez. Horretarako markatu behar dira irizpide batzuk; norabidea ez galtzeko.

oiartzungoudalainformatzen

herriko berri SUBERRI: Identifikatzen bazaitu eta zuretzako garrantzitsua bada, ondare da. Baina zuretzat badena, herritar guztientzat da ondare? Hori beste eztabaida bat da. Oiartzunek badu ondare komunik, herritar guztiak identifikatuta sentitzen direna? Agian intxixuak dira, edo elizako kanpandorrea.

Bakoitzak bere erreferenteak dauzka. Musikazalea denak esango dizu Oiartzunek izugarrizko ondarea daukala, Xabier Lete hemengoa zelako; eta nik esango dizut niretzako Oiartzungo ondare berezia meategiak eta bi tren genituela dela. Gai horiek filosofiko xamarrak dira, oso antropologikoak!

Ondarea, hala ere, etengabe sortzen joango den zerbait da, zerbait infinitoa.

LEIRE: Irizpideak jarri, ibilbide-orri bat zehaztu, ondarea modu sistematikoan jaso, herritarren eskura jartzea‌ ongi daude, baina niri gustatuko litzaidake ondare hori aktibatzea, beste ondare bat sortzen joateko. Ez bakarrik erakusketa bat edo webgune bat sortzea.

SUBERRI: Proiektu hau 70.-80. hamarkadetan hasi izan bagenu, helburua museo bat sortzea izango zen. Garai batzuetan museo birus izugarria egon zen, bazirudien ondarea mantentzeko edo biltzeko modu bakarra hori zela. Ikusi da ondare hori ez bada erabiltzen, berdin duela museo batean bilduta egoteak.

Jakin behar da hori dinamizatzen. Proiektu honek duen ona da bideratuta dagoela etorkizunean erabiltzera.

LEIRE: Ez izatea bakarrik ikertzaileei zuzendutakoa. Zergatik haur edo gazte batzuek ez dute erabiliko ondare hori sorkuntza prozesuetarako eta beste ondare bat sortzeko?

SUBERRI: Hau guztia ongi lantzen bada eskuragarri egongo da herriko ikasle guztientzako eta horrek eman ditzakeen

sorkuntza aukerak izugarriak dira. Adibidez, intxixuen istorioa horrelako zerbait izan da. Bazeuden intxixuei buruzko testigantza batzuk eta hori bihurtu da adierazpen artistiko antzeko bat; errekuperaziotik ere badu zerbait, kuestazioa berreskuratu delako. Intxixuen festa duela 20 urte pasatxo asmatu zen zerbait izan da, baina horrek eman du beste ondare mota bat sortzea eta identifikaziorako ere balio izan du. Orain arte, Jose Migel Barandiaranek jasotako milaka testigantzetako bat gehiago zen intxixuak Oiartzunen zeudela -eta ez dakigu zer ziren-, baina ikastetxeek ikusi dute hori ondarea dela eta indartu behar dela, eta ondorioz geroz eta ume gehiago janzten dira zakuz eta identifikazio bat sentitzen dute. Dena da prozesu bat.

Ondare kontsideratzeko, adina behar du?

SUBERRI: Denboraren kontua asko kritikatu da. Arkeologian, legediak esaten zuen gutxienez 100 urte ez bazituen, ez zela arkeologikoa. Irizpide horiek gaur egun kriteriorik ez dute.

Demostratu da ondarea dela norbaitek edo kolektibo batek balorea ematen diona, eta guk ondare sentitzen baditugu herenegungo pankartak, ondare dira; baina agian duela 100 urteko baserriko tresna zaharrek ez gaituzte identifikatzen, ez ditugulako ezagutzen. Egon daiteke ondare mota bat jendeak ez duena baloratzen eta gure lana da, justifikazioa badugu, jendeari adieraztea zergatik baloratu behar den. Dena izan daiteke ondare, berdin du zenbat urte dituen, zeinena den edo zer motatakoa, eta irizpide batzuk ikasi edo landu ditugunok badugu ardura hori defendatzeko eta jendeari erakustarazteko.

Ondarea ez da berez sortzen, baina lanketa batzuk bideratu ditzakegu gai horietan gabiltzanok.

IĂąaki Arbelaitzen bulegoa, familiaren LeĂąene baserrian.

www.oiartzun.eus

25

oiartzungoudalainformatzen

erreportajea Haize Gain, errehabilitaziorako airea 1982an ireki zenetik, zentro terapeutikoak 5.600 erabiltzaile baino gehiago tratatu ditu 1982tik dago martxan Haize Gain zentro terapeutikoa. Bi urte lehenago, 1980an, sortu zen AGIPAD, droga abusuaren ikerketa eta prebentziorako Gipuzkoako Elkartea. Fernando Ibarreta izan zen sortzailea eta familien laguntza izan zuen.

Heroinaren garai gogorrak ziren, eta egoera horri aurre egiteko tresnarik ez zegoen. Haize Gain egoera horretan sortu zen.

Haize Gain baserria Oiartzungo Udalaren jabetzakoa zen, eta AGIPAD elkarteari utzi zion lehenengo, eta ondoren Gipuzkoako Foru Aldundiari. Erabiltzaileek txukundu zuten eraikina.

aukera askoz zabalagoa da eta tailer asko hezitzaileak dira, erabiltzaileak gaitasunak har ditzan”, dio Txema Fernandez hezitzaileen koordinatzaileak. “Garai batean urrutiago zegoen eta itxiagoa zen Haize Gain, baina urte hauetan gizarteratzea asko aldatu da. Gaur egun, batzuk klaseetara joaten dira, astean bitan kiroldegira goaz… Haize Gain askoz hurbilago dago orain, alde guztietatik”, dio Amador Mayo gizarte hezitzaileak.

Drogomendekotasunak isolamendua dakar gizartean, familian… “izateari uzten dio pertsonak, eta berreskuratu egin behar du estruktura guztia”, dio Amalia Urkiola, Haize Gaineko psikologo klinikoak. “Pixkanaka, bizitzara eta alde batera utzitakoengana hurbiltzea da helburua”.

Eguneko Zentroa ere bai Haize Gainek lehenengo hamarkada bete zuenean, erabiltzaileen plaza kopurua 12tik 22ra handitu zen eta espazioaren beharra ere bai, ondorioz. Ordukoa da bigarren eraikina, gaur egun logelak biltzen dituena. Eraikina egiteko lur-eremua Oiartzungo Udalak eman zuen eta eraikuntza Aldundiaren gain geratu zen.

Eguneko Zentroaren zerbitzua ere eskaintzen du Haize Gainek 2013tik: “Eguneko Zentroaren erabiltzaileek bizitza normalizatuagoak dituzte eta tratamendu mota honekin lanpostua mantendu dezakete, adibidez”. Sei urteren buruan, erabat kontsolidatua dago Eguneko Zentroa ere.

Erabiltzaile profilaren eta tratamenduaren aldaketa Haize Gaineko hasierako erabiltzaileak heroinomanoak izan ziren, baina urte hauetan erabiltzaile profila erruz aldatu da.

“Hasieran heroina eta hiesa ziren arazo. Gaur egun, kokaina eta alkohola gailentzen dira, erabiltzailea normalizatuagoa dago gizartearen barruan. 80. hamarkadan, droga oso arazo larria zen; gaur egun, hutsaldu egiten da”, dio Urkiolak.

Tratamendua ere egokitu behar izan dute. “Hasieran, tratamendua lanean oinarritzen zen. Orain, jardueren

26

www.oiartzun.eus

Amador Mayo, Amalia Urkiola eta Txema Fernandez Haize Gaineko sarreran.

oiartzungoudalainformatzen

erreportajea

Haize Gaineko terapietan jarduera anitzak egiten dituzte erabiltzaileek.

Tratamenduaren iraupena ere aldatu da”. 80. hamarkadan, ia urtebete pasatzen zuten Haize Gainen. Gaur egun, bertako etapak hiru hilabete eta erdi irauten du. “Egokitu behar dugu eskaeraren beharrak erantzuteko”.

Tratamendua, hiru fasetan Espainiako estatuan egon zen lehenengo komunitate terapeutiko profesionala da Haize Gain. Gabriel Roldan izan zen Haize Gaineko lehenengo zuzendaria, eta hark zuzendutako talde batek sortu zuten tratamendu proiektua.

“Hasierako garaietan, tratamendua denentzako berdina zen.

Gaur egun, indibidualizatua da”, azaldu du Fernandezek.

Tratamenduak hiru fase ditu eta urtebete inguruko iraupena.

Lehenengo, harrera fasea dago. Iniziatiba propioz edo osasunzerbitzuen bidez heltzen dira erabiltzaileak AGIPADera.

Psikologo, gizarte langile eta zerbitzuen zuzendari taldeak egoera baloratzen du eta erabakitzen dute zein tratamendutara bideratuko duten erabiltzaile hori.

tratamenduaren kontzientzia hartzea ezinbestekoa da, horretarako lehenengo tokia ezagutzen dute eta euren burua bertan ikusten duten erabaki. “Hau errehabilitazio zentro bat da; ez da psikiatriko bat ezta kondena betetze toki bat”. Erabiltzaileak baietz esaten badu, tratamendu-plana diseinatzen da. Taldean egiten da tratamendua Haize Gainen, “taldeak indar handia ematen du”, uste du Mayok.

Haize Gaineko egunerokotasunean tailerrak egiten dituzte, lanak banatu (sukaldea, mantenua, baratza, garbitasuna, kanpoko eremua…), kirola, taldekako terapiak eta banakakoak.

Jarduera fisikoari garrantzia berezia ematen diote, “biziohituren aldaketarekin oso lotuta baitago, lagungarria da oso prozesuan”. Asanbladak ere egunero egiten dituzte. Egunean zehar gertatukoei buruz hitz egiten dute. “Norberaren emozioei buruz hitz egiten dugu, autokritika egin, besteei kritika… ez lehertzeko aurrerago. Gauza onak ere esaten ditugu, baloratu behar dira horiek ere”, dio Fernandezek.

Horretarako pre-diagnostiko bat egiten da (psikologikoa, familiarra, judiziala, ekonomikoa…). “Tratamendua beti da borondatezkoa. Eskatzen dugu ingurukoen laguntza, bakarrik oso konplikatua da drogomendekotasunetik ateratzea”. Prediagnostikoan “ikusten badugu ezin diogula lagundu paziente horri, argi eta garbi esaten dugu. Fase hau oinarrizkoa da”, dio Urkiolak.

Haize Gaineko gutxieneko arauak errespetatu behar dituzte erabiltzaileek: garbitasuna, ordutegia eta elkarbizitzako oinarrizko arauak. Aitortzen dute garai batean askoz “zigortzaileagoak” zirela. Gaur egun, “arau-hausteak egoten direnean modu hezitzaileago bateko ondorioak bilatzen dira”, dio Urkiolak. “Hemen drogak kontsumitzea edo eraso bat zuzenean alta emateko arrazoiak dira; baina oso-oso gutxitan gertatzen da”, zehaztu du Urkiolak.

Haize Gainen pasatzen den denbora bigarren fasea litzateke.

“Beraien bizitza ordenatzeko etenaldi bat egitera etortzen dira Haize Gainera”, azaldu du Urkiolak. Fase honetan erabiltzaileak

Hirugarren fasea Haize Gaineko denboraldiaren ondoren hasten da: lan-egoera, arrisku egoerak, aisialdia, harremanak... landu eta ordenatzen dituzte. AGIPADen Donostiako bulegoetan www.oiartzun.eus

27

oiartzungoudalainformatzen

erreportajea gauzatzen da jarraipena eta sei hilabete inguruko iraupena du. Hala ere, hiru faseen artean harreman estua dago eta erreferentziazko profesionalak prozesu guztian laguntzen du erabiltzailea.

Lan-taldearen garrantzia Haize Gainek duen erabiltzaile/profesional ratioak banakako jarraipena egitea ahalbidetzen du. Momentu honetan, Eguneko Zentroan sei bat lagun daude eta Haize Gainen bizitzen, beste 15. 15 bat profesionalek osatzen dute lan-taldea: psikologoak, gizarte langileak, gizarte hezitzaileak eta administrazioko kideak dira. Langile gehienek urte asko daramatzate Haize Gainen, “horrelako lan-eremuetan arraroa den zerbait. Talde honetan dagoen bokazioa izugarria da”.

Haize Gainek martxan daramatzan 37 urte hauetan 5.600 erabiltzaile inguru tratatu ditu. “Haize Gainek ez du kontsumoaren inguruko helburu finalistarik: helburua erabiltzaileen bizi-kalitatea hobetzea da. Eta uste dut hori lortzen dela”, dio Mayok. “Garrantzia ematen diogu euren burua inongo substantziarik kontsumitu gabe ezagutzeari”, dio Urkiolak.

Emakume erabiltzaileak, askoz gutxiago Datuek argi erakusten dute: erabiltzaileen %10 baino ez dira emakumeak. Zergatik? AGIPADek gai horren inguruko ikerketa egiteko asmoa du. “Uste dut emakumeek tratamenduetara iristeko aukera gutxiago izan dutela eta askoz okerrago

28

www.oiartzun.eus

ikusita dagoela emakumeen drogomendekotasuna”, aipatzen ditu arrazoi posible bezala Urkiolak. Amatasuna, talde terapeutikoetan gehiengoa gizonak izateak sortu dezakeen deserosotasuna… ere aipatu dituzte.

Emakume erabiltzaileen eskaerak pixkanaka gehitzen ari omen dira, baina azken lau urteetan %10aren bueltatik ez da igo.

Tratamenduarekiko atxikimendu gutxiago izaten omen dute emakumeek: “Bizpahiru zitaren ondoren, emakume askok utzi egiten dute tratamentua. Zergatik den aztertzen ari gara…”, dio Mayok.

Gizartearen pertzepzioa, hobera “Kontzertazio moduko bat dugu erakundeekin”: Eusko Jaurlaritzako Osakidetzak finantzatzen du Haize Gain-eko erabiltzaileen tratamendua eta Gipuzkoako Foru Aldundiak pertsonal gastua. Horiek dira Haize Gainen finantziazio iturri nagusiak.

“Haize Gain gisako zentro terapeutikoei buruz gizartean dagoen pertzepzioa aldatu da”, diote bertako hiru profesionalek. “Hala ere, estigmatizazio puntu bat badute erabiltzaileek”.

Haize Gainek, bere historia zehar ez du gizarte mailako presio edo arazorik izan. “Zurrumurruak bai, baina askoz gehiago ez.” Garai batean, Oiartzungo herriarekin gaur egun baino harreman gehiago zegoela aitortu dute, “berriz ere loturak estutzeko ahaleginean hasi gara”.

Haize Gainek gaur egun bi eraikinetan eskaintzen du terapia.

oiartzungoudalainformatzen

iruditan

Olentzero eta Maridomingiren etorrera

Elkartasun lasterketa

Urteberria Aiako Harrian

Etxeraten elkartasun bertso saioa

Euskal Herriko mus txapelketako kanporaketa

“Herrien eta herrientzako hezkuntza” hitzaldia, Sinaí Riverarekin

Pirritx, Porrotx eta Marimototsen “Musua”

Martxelina Lasak 100 urte

Kontxa Murgiari omenaldia

www.oiartzun.eus

29

oiartzungoudalainformatzen

iruditan

Hilerokoari buruzko tailerra

Santa Ageda bezperako koplak

Hika ikastaro praktikoa

Reggae gaua

OTXEren aurkezpena

Ihoteak

Kuestazioa (Altzibar)

30

www.oiartzun.eus

Kuestazioa (Arragua)

Kuestazioa (Elizalde)

Kuestazioa (Ergoien)

oiartzungoudalainformatzen

iruditan

Kuestazioa (Gurutze)

Kuestazioa (Iturriotz)

Kuestazioa (Karrika)

Kuestazioa (Ugaldetxo)

Burrunbada

Karroxa

Inauteriak

“Emakumea eta elikadura burujabetza�

Txara BTT txapelketa

M8ko greba feminista

Aurresku eta soinu zahar txapelketako kanporaketa

www.oiartzun.eus

31

Apirila DATA

ORDUA

1-4

-

LEKUA

ANTOLATZAILEA

Korrika erakusketa

2

Udaletxeko areto nagusian

Korrika Batzordea

17:00

Ipuin kontaketa (4 urtez goiti)

Manuel Lekuona bibliotekan

Udala

4

19:00

“Txillardegiren klika” eta solasaldia

Udaletxeko areto nagusian

Korrika Batzordea

4-11

19:30

Klika-poteoa

Plazako tabernetan

Korrika Batzordea

6-7-13-14- 08:15-13:00 27-28 15:00-17:30

EKINTZA

Euskal Herriko Pala Txapelketa

6

09:00-13:00

Tailerrak: “Ahalduntze bidean II” eta “Pribilegioak deseraikitzen II”

6-13

09:00-13:00

Eskola Kirola

6

Goizez

Oiartzungo VI. Flauta Jaialdia

Madalensoron

Girizia Pilota saila

Haurtzaro Ikastolan eta Elizalde Herri Eskolan

Sortu Oiartzun

Kirol instalazioetan

Udala

Udaletxean

Oiartzungo Flauta Taldea Oiartzungo Organozaleak eta Gipuzkoako Foru Aldundia Udala eta Abaraxka ludoteka 10301 Elkartasun Keinu eta Haurtzaro Ikastola

6

10:00

Organoak plazara: bisita gidatua + entzunaldia

San Esteban elizan

6

16:30

Harrera saioa

Abaraxka ludotekan

6

Arratsaldean

6

19:00

“24 milla”

Manuel Lekuona bibliotekan

7

12:00

Lartaun, Haurtzaro eta Kontariren kontzertua

Udaletxeko areto nagusian

Lartaun Abesbatza

10

17:00

Aurkezpen bilera (2019an jaiotakoak)

Urmendi Haur Eskolan

Urmendi Haur Eskola

10

19:00

Xanistebanetako Jai Batzordea

Manuel Lekuona bibliotekan

Udala

11-12

Arratsaldez

11

18:30

“Joxepa Antoni Aranbarri ‘Xenpelar’ bertsolari feminista” (Elixabete Perez Gaztelu)

11

19:30

Pertsona migratzaileekin pintxo-tertulia

12

15:00etatik aurrera

13

17:00

Txalaparta tailerra

14

07:30

Mendi ibilaldi neurtua

14

12:00

Herri Musika Eskolaren kalebuelta

15-16

10:00-13:00 16:00-19:00

15-16-17

17:00

16

18:00-20:00

16

20:00

Azoka solidarioa

Korrika tonbola

Doneztebe plazan

10301 Elkartasun Keinu

Doneztebe plazan

Korrika Batzordea

Udaletxeko areto nagusian

Killirikupe Emakume Taldea

Kataxulo Gaztetxian

10301 Elkartasun Keinu

-

AEK eta Korrika Batzordea

Soinuenean

Abaraxka ludoteka eta Soinuenea

Doneztebe plazatik

Bizardikoa mendi taldea

Elizalde auzoan

Soinuenea

Janari bilketa

Kataxulo gaztetxian

10301 Elkartasun Keinu

Abaraxkako plaza koloreztatzen

Abaraxka ludotekan

Abaraxka ludoteka

Anbulatorioan

Odol Emaileen Elkartea

Korrika Eguna

Odol ematea Irakurketa Taldea: “Bihotz handiegia” (Eider Rodriguez)

Manuel Lekuona bibliotekan

Udala 10301 Elkartasun Keinu eta Abaraxka ludoteka Abaraxka, Soinuenea eta Oiartzungo Organozaleak

24

17:00

Munduko jolasak

Abaraxka ludotekan

25

17:00

Organoaren bisita gidatua

San Esteban elizan

26

17:00

Harriekin jolasean

Abaraxka ludotekan

Abaraxka ludoteka

26

20:30

“Soinujolearen semea”

Udaletxeko areto nagusian

Zinegileak Kultur Elkartea eta Udala

27

17:00

Argazkien pista-jolasa

Abaraxka ludotekan

Abaraxka ludoteka

27

18:00

Kizz session

Pagoa aretoan

Pagoa Kafe Antzokia

Udaletxeko areto nagusian

Oiartzungo Bertso Eskola

27

19:00

Bertso-saio musikatua

27

21:00

Barrikotea

28

12:00

Dantza jauziak

28

19:00

30

21:00

Elorsoro kiroldegian

Sare eta Artaso

Doneztebe plazan

HELTAko dantza taldeak

“Jainko basatia” (Txalo)

Udaletxeko areto nagusian

Oiartzungo Antzerkizale Elkartea

Truk txapelketa solidarioa

Kataxulo gaztetxian

10301 Elkartasun Keinu

deialdiak Zuen deialdiak zabaltzeko, bidali proposamenak hilaren 20a baino lehen, komunikazio@oiartzun.org helbidera.