Fáilte o Chomhaltas na Mac Léinn Ollscoil na Gaillimhe 2025! by SIN Newspaper University of Galway

F Á I L

An tUachtarán

Haigh a chairde! Is mise Maisie, Uachtarán an Chomhaltais don bhliain 25/26. Tá mé díreach tar éis céim sa dlí agus i gcearta an duine agus dioplóma sa Fhraincis a chríochnú, ach ní raibh mé iomlán réidh slán a fhágáil le hOllscoil na Gaillimhe!

Bhí saol lomlán agam mar mhac léinn - bhí mé ar 6 choiste le haghaidh clubanna agus cumainn éagsúla, d’eagraigh mé dhá Coldvember agus 7 dturas idirnáisiúnta, bhí mé i m’ionadaí ranga sa chéad bhliain agus bhí mé i m’ambasadóir CAO agus campais thar ceann an choláiste.

Tá mé ag súil le bheith ag obair ar son na mac léinn chun eispéireas na hollscoile a dhéanamh níos fearr do chách, agus beidh mo dhoras i gcónaí ar oscailt má bhíonn aon fhadhbanna, gearáin nó smaointe le roinnt agat!

Maisie Hall Paddy Marnane

Leas-Uachtarán/ Oifigeach Leasa agus Comhionannais an Chomhaltais

Haigh, a chairde. Is mise Paddy Marnane agus tá áthas an domhain orm go bhfuil mé i mo Leasuachtarán/Oifigeach Leasa agus Comhionannais don bhliain amach romhainn. Is mac léinn tráchtála as Ceatharlach mé.

Tá mé tiomanta d’eispéireas na mac léinn anseo in Ollscoil na Gaillimhe a fheabhsú. Tá mé ag súil leis an mbliain a chaitheamh ag cur le folláine gach duine ar an gcampas agus, le cuidiú an rí, cur leis an gcraic ar an gcampas chomh maith.

Leas-Uachtarán/ Oifigeach Oideachais an Chomhaltais

Haigh, a chairde! Is mise Seán de Búrca agus is mise an LeasUachtarán don Oideachas don bhliain 2025/26.

Is as Baile Locha Riach mé ó dhúchas agus is céimí BA sa Léann Rialtais mé. Seans go bhfuil aithne agaibh orm ón mbaint atá agam le Lit & Deb, SIN, nó ón ngníomhachas polaitiúil a bhíonn ar siúl agam. Mar an tOifigeach Oideachais, tá freagracht ormsa saothrú ar son bhur leasa acadúil, cibé cruth a bhíonn air sin.

Má bhíonn smaointe nó deacrachtaí ar bith agaibh, ná bíodh leisce oraibh teagmháil a dhéanamh liom, agus cuimhnígí go bhfuil an Comhaltas anseo ar mhaithe libhse!

Seán de Búrca Rachel Áine Ní Mharascáil

An Leas-Uachtarán don Ghaeilge

Haigh, gach duine! Rachel Áine Ní Mharascáil is ainm dom agus is as Contae Laoise mé. Bhí dlúthbhaint agam le cumainn Ghaeilge ar an gcampas agus táim ag súil le leanúint leis an obair chun an Ghaeilge a chur i lár an aonaigh agus bhur gcearta a chosaint mar mhic léinn ár dteanga dhúchais a labhairt.

Tá mé ag déanamh staidéar ar an Mata agus ar an Ríomheolaíocht, agus tá mé ag súil leis an teanga a chur chun tosaigh sna coláistí éagsúla ar an gcampas. Ná bíodh drogall ort bualadh isteach chuig an oifig nó dul i dteagmháil liom!

Foireann Oifigeach Páirtaimseartha an Chomhaltais 2025-2026

su.president@ollscoilnagaillimhe.ie

su.disability@ollscoilnagaillimhe.ie

su.business@ollscoilnagaillimhe.ie

su.ethnicminorities@ollscoilnagaillimhe.ie

su.medicine@ollscoilnagaillimhe.ie

su.lgbt@ollscoilnagaillimhe.ie

su.scieneceengineering @ollscoilnagaillimhe.ie

su.socs@ollscoilnagaillimhe.ie

su.pgresearch@ollscoilnagaillimhe.ie

su.environment@ollscoilnagaillimhe.ie

Comhairle Chomhaltas na Mac Léinn

Ionadaithe ranga ó gach uile rang san ollscoil a bhíonn ar Chomhairle Chomhaltas na Mac Léinn. Is é an comhlacht a dhéanann maoirseacht ar Chomhaltas na Mac Léinn agus a thugann treoir dó. Bíonn deis ag na hionadaithe ranga saincheisteanna a bhaineann lena ranganna a tharraingt anuas ag na gComhairle chomh maith.

Cén chaoi ar féidir liom a bheith páirteach? Reáchtálfar toghcháin na nIonadaithe Ranga ar ardán YourSpace ag tús na bliana agus beidh siad ar siúl go dtí go mbeidh ionadaíocht ag gach rang. Má thoghtar thú, gheobhaidh tú oiliúint agus freastalóidh ar chruinnithe Ionadaithe Ranga agus cruinnithe Chomhairle Chomhaltas na Mac Léinn le linn na bliana chun gníomhú mar ghuth do ranga.

Cén tairbhe domsa é sin?

• Oiliúint i scileanna agus rannpháirtíocht

• Taithí le feabhas a chur le do CV

• Cur le do líonra

• Cairde nua a dhéanamh

An Tobhach Mic Léinn –Is leatsa an t-airgead

Íocann gach mac léinn in Ollscoil na Gaillimhe an Tobhach Mic Léinn sa bhreis ar tháillí bliantúla. Úsáidtear an Tobhach Mic Léinn chun roinnt gníomhaíochtaí do mhic léinn a mhaoiniú, cuir i gcás Comhaltas na Mac Léinn, Clubanna, Cumainn, Aonad Sláinte na Mac Léinn, Raidió an Champais agus an Clár Piarfhoghlama CÉIM.

Teastaíonn an Tobhach toisc nach leor an maoiniú a thugann an Ollscoil faoi chomhair na seirbhísí sin. Tá áiseanna i bhfad níos fearr ag coláistí eile nach gá dá gcuid mac léinn a fhóirdheonú, agus faigheann a n-aontais, clubanna agus cumainn níos mó maoinithe chomh maith.

Bíonn an Comhaltas ag obair ar an gceist seo i gcónaí. Anuraidh laghdaíodh an Tobhach Mic Léinn ó €224 in aghaidh an mhic léinn go €140 in aghaidh an mhic léinn, rud a chiallaíonn nach bhfuil mic léinn in Ollscoil na Gaillimhe ag íoc an tobhaigh is airde sa tír a thuilleadh.

Leithdháiltear an Tobhach Mic Léinn mar seo a leanas:

Comhaltas na Mac Léinn

Cumainn

Clubanna

Aonad Sláinte na Mac Léinn

Áras na Mac Léinn

Flirt FM

Ciste Tionscadal na Mac Léinn

CÉIM

€40.00

€25.00

€22.00

€3.00

€6.00

€5.00

Is libhse an t-airgead i ndeireadh an lae agus, mar sin, ná bíodh aon drogall oraibh ceisteanna a chur maidir leis an gcaoi a n-úsáidtear an Tobhach Mic Léinn! Níl oraibh ach teagmháil a dhéanamh le hUachtarán an Chomhaltais, Maisie, ag su.president@universityofgalway.ie

Cuireann Comhaltas na Mac Léinn a chuntais faoi bhráid Chomhairle Chomhaltas na Mac Léinn gach bliain, agus bíonn siad ar fáil le híoslódáil ónár láithreán gréasáin freisin.

Piarfhoghlaim do Mhic Léinn na Chéad Bhliana

Ar mhaith leat bualadh le daoine i do chúrsa, tuiscint a fháil ar obair chúrsa agus spraoi a bheith agat?

Tar chuig CÉIM! Tiocfaidh tú le chéile gach seachtain le mic léinn eile ó do chúrsa agus le ceannairí mic léinn oilte ó bhlianta níos airde ar do chúrsa. Beidh tú in ann ceisteanna a chur, páirt a ghlacadh i mionghníomhaíochtaí spraíúla, obair chúrsa a phlé agus a bheith ag foghlaim le chéile. Tá ábhar na seisiún CÉIM go hiomlán faoi stiúir na mac léinn.

Tá CÉIM bunaithe ar shamhail na Foghlama Piarchuidithe (FPC) a bhfuil neart fianaise ann ina leith agus a úsáidtear i níos mó ná 30 tír. Chuir Comhaltas na Mac Léinn in Ollscoil na Gaillimhe an clár ar bun thiar in 2013 agus tá sé á reáchtáil ó shin i leith mar chomhpháirtíocht idir na mic léinn, an fhoireann acadúil agus Comhaltas na Mac Léinn.

Tá CÉIM á thairiscint faoi láthair do mhic léinn na chéad bhliana sna cúrsaí seo a leanas: Eolaíocht Talmhaíochta • Eolaíocht Bhithleighis • Biteicneolaíocht • Innealtóireacht • Tíreolaíocht • Géineolaíocht agus Géanómaíocht • Dlí • Eolaíocht Pholaitiúil agus Socheolaíocht• Eolaíocht • Spáinnis • Fisic • Síceolaíocht

Cén fáth a bhfreastalófá ar CÉIM?

• Socraigh isteach go réidh i saol Ollscoil na Gaillimhe

• Beidh tú in ann cairde a dhéanamh i do dhisciplín féin

• Cuideoidh sé leat a bheith rathúil ó thaobh na hacadúlachta de

• Forbróidh tú scileanna staidéir

• Déanfaidh tú scileanna inaistrithe a chleachtadh

Tionchar CÉIM

• Baineann iad siúd a fhreastalaíonn ar CÉIM go rialta gráid níos airde amach ar an meán (11-31% níos airde) ná iad siúd nach bhfreastalaíonn ach corruair agus iad siúd nach bhfreastalaíonn ar chor ar bith

• 88% de na mic léinn sa chéad bhliain a ndearnadh suirbhé orthu in 2024/25, chuir siad in iúl gur chabhraigh CÉIM leo bualadh le daoine eile ar a gcúrsa

A ndeir mic léinn sa chéad bhliain faoi CÉIM

'Is aoibhinn liom pobal na hollscoile, rud a chabhraíonn go mór le daoine socrú isteach ann agus luí isteach ar an bhfoghlaim.’

‘Slí mhaith chun bualadh le daoine eile ar do chúrsa agus cairdeas nua a dhéanamh.’

‘Bhí na ceannairí a bhí agam ar CÉIM thar a bheith fáilteach agus cineálta, agus chuir siad ar mo chompord mé le ceisteanna a chur fáilteach agus oscailte’

www.ceim.su.universityofgalway.ie su.ceim@universityofgalway.ie Chuir Comhaltas na Mac Léinn, Ollscoil na Gaillimhe tús le CÉIM in 2013 agus tá sé á reáchtáil ó shin i leith idir na mic léinn, an fhoireann acadúil agus Comhaltas na Mac Léinn i gcomhar le chéile.

BIG O TAXIS

Seirbhísí do Chomhaltais

Cárta Leap do Mhic Léinn – Is gníomhaire Cárta Leap do Mhic Léinn muid agus, mar sin, is féidir iarratas a dhéanamh ar an gcárta ar líne (má tá tú 16-18 bliain d’aois nó má tá 26 bliain d’aois slánaithe agat) agus bualadh isteach inár n-oifig thuas staighre in Áras na Mac Léinn le do chód le gur féidir linn an cárta a phriontáil duit. Má tá tú idir 19 mbliana agus 26 bliana d’aois, is féidir leat iarratas a dhéanamh ar an gCárta d’Aosaigh Óga, a chuirfear sa phost chugat.

Siopa Chomhaltas na Mac Léinn – Is é Comhaltas na Mac Léinn a dhéanann siopa an champais a riar, atá lonnaithe san íoslach i bhFoirgneamh na Leabharlainne. I measc na rudaí is féidir leat a cheannach anseo tá húdaithe agus t-léinte Ollscoil na Gaillimhe, creidmheas fóin, málaí ríomhaire glúine, stáiseanóireacht, nuachtáin, sólaistí, cótaí saotharlainne, fearais diosctha, milseáin, deochanna boga, deochanna teo agus gach bunriachtanas grósaeireachta. Earraí brandáilte a ordú ar líne ó shopcampus.ie.

Taisceadáin agus Seomra na gCótaí – Bíonn seomraí na gcótaí, seirbhís atá saor in aisce, ar oscailt 9am6pm Luan-Aoine le linn an téarma (uaireanta oscailte níos faide nuair a bhíonn scrúduithe ann) in íoslach na Leabharlainne in aice le Siopa Aontas na Mac Léinn. Ligimid taisceadáin amach ar cíos ar fud an champais. Is féidir taisceadán a chur in áirithe duit féin ar www.yourspace.universityofgalway.ie

Flirt FM – Is é Flirt FM 101.3fm stáisiún raidió na mac léinn ar an gcampas, stáisiún a bhfuil neart duaiseanna buaite ar a shon. Is le mic léinn tríú leibhéal na Gaillimhe an stáisiún. Bíonn an-chuid deiseanna againn le hobair dheonach a dhéanamh agus le hoiliúint a fháil, mar sin is mithid tiúnáil isteach agus páirt a ghlacadh!

Spéir – Spéir an t-ainm atá ar Phantrach Chomhaltas na Mac Léinn, atá in íoslach na leabharlainne os comhair Shíbín an Chomhaltais. I gcomhpháirtíocht le FoodCloud, dáileann muid earraí bia saor in aisce a bheadh caite amach murach sin. Ar an gcaoi sin déanann muid ár gcion féin le cur amú bia a laghdú. Bailítear na hearraí ó ollmhargaí áitiúla atá tar éis iad a chaitheamh amach toisc gur farasbarr iad, go raibh an pacáistiú damáiste, gur earraí deiridh líne iad agus/nó toisc go bhfuil siad ag tarraingt ar a ndáta ar fearr roimhe. Ná déan dearmad ar mhála in-athúsáidte agus do chárta mic léinn a thabhairt leat!

Sult – Is é Sult an beár is fearr le cách ar an gcampas don bhia, ceol, spórt beo agus imeachtaí. Tá sé suite in aice le hÁras na Mac Léinn agus is é Comhaltas na Mac Léinn a oibríonn é. Cuireann Sult an caife is fearr ar fáil ar an gcampas, in éineacht le rogha bia agus togha dí ar phraghsanna iontacha. Is é lár an aonaigh é le haghaidh cóisirí ranga, ócáidí tiomsaithe airgid, imeachtaí clubanna agus cumann, DJanna, grúpaí ceoil, coiméide, cáirióice agus go leor eile nach iad! Tá suíocháin lasmuigh ar ár nArdán Cois Abhann.

Cárta an Chomhaltais – Sula ndéanfaidh tú aon rud eile, déan deimhin de Cárta an Chomhaltais a fháil! Tá sé saor in aisce agus is féidir é a úsáid inár nIonaid go léir - Sult, Caifé Smokey agus Siopa an Chomhaltais - chun pointí a bhailiú, margaí a fháil agus airgead a shábháil duit féin.

Caifé Smokey – Áit iontach le bualadh le daoine eile é Caifé Smokey ar an tSlí Dhála, mar a bhfaighidh tú caife, sneaiceanna, súnna, smúdaithe, fillteoga, ceapairí tóstáilte den scoth agus go leor féiríní milse nach iad!

Síbín an Chomhaltais – Spás sóisialta nua ar an gcampas is ea Síbín an Chomhaltais. Tá sé suite in íoslach Leabharlann Shéamuis Uí Argadáin. Tá a dhóthain spáis ann le haghaidh 40 mac léinn, agus neart pointí luchtaithe, leis. Bíonn sé ar oscailt ó 9 r.n. go 5 i.n., Luan go hAoine, i rith an téarma agus bíonn uaireanta breise oscailte ann in aimsir na scrúduithe.

Siamsaíocht agus Feachtais – Beimid ag reáchtáil go leor feachtas agus imeachtaí i mbliana le sibh a mhealladh le bheith páirteach iontu agus le cabhrú libh bualadh le daoine nua. Idir Sheachtain SHAG agus an phictiúrlann faoi spéir, is iomaí imeacht atá ar bacáin againn! Bí ar an gCriú Leasa nó ar an gCriú Imeachtaí más mian leat a bheith páirteach.

Scileanna Saoil – Gheobhaidh tú deis ar an gClár Scileanna Saoil dul chun cinn a dhéanamh i réimsí seachas an saol acadúil i ranganna mar seo: Garchabhair, Teanga Chomharthaíochta, Féinmharú a Chosc, Oiliúint ar Nochtadh Eolais agus Ranganna Féinchosanta. Beidh líon laghdaithe spásanna ar fáil sna ranganna agus is cinnte go líonfar go tapa iad!

Diancheachtanna– Tá clár diancheachtanna againn ar yourspace.universityofgalway.ie. Anseo is féidir leat daoine a aimsiú chun cabhrú leat le d’ábhair nó chun do scileanna féin a chur ar fáil agus roinnt airgid a thuilleamh.

Do Leas-sa

Seo liosta de roinnt de na tacaíochtaí éagsúla ar fad atá ar fáil duit. Má ritheann aon cheist leat, déan teagmháil le Paddy, Leas-Uachtarán/Oifigeach Leasa agus Comhionannais an Chomhaltais.

• An Ciste Cúnaimh do Mhic Léinn – Faoin gciste seo, tugtar Cúnamh Airgeadais do mhic léinn má bhuaileann Cruatan Airgeadais iad.

• An Oifig Cóiríochta agus Leasa – Is féidir leis an Oifig Cóiríochta agus Leasa comhairle a chur ort faoi cheisteanna a bhaineann le cúrsaí cóiríochta agus cúrsaí folláine eile. Tugann Threshold comhairle saor in aisce ar shaincheisteanna cóiríochta freisin.

• An tIonad Rochtana – Tá sé mar aidhm ag Ionad Rochtana na hOllscoile timpeallacht foghlama lán tacaíochta a chur ar fáil ina bhfaigheann mic léinn a d’fhulaing míbhuntáiste socheacnamaíoch, mic léinn faoi mhíchumas agus mic léinn lánfhásta deis tabhairt faoin oideachas tríú leibhéal le go mbeidh rath orthu ann.

• FLAC – Cuireann FLAC comhairle dlí ar fáil saor in aisce do mhic léinn.

• Aonad Sláinte na Mac Léinn – Cuireann Aonad Sláinte na Mac Léinn cúram leighis ar fáil ar an gcampas do mhic léinn Ollscoil na Gaillimhe. Féadfaidh tú do choinne a chur in áirithe ar a láithreán gréasáin.

• An tSeirbhís Tacaíochta Míchumais - Tá an tSeirbhís Tacaíochta Míchumais ar fáil do mhic léinn in Ollscoil na Gaillimhe a dteastaíonn tacaíochtaí nó socruithe réasúnta uathu mar gheall ar an tionchar ó mhíchumas, fadhb leanúnach coirp nó mheabhairshláinte, nó deacracht foghlama ar leith.

• Sláinte Ghnéis – Is féidir coiscíní agus tástálacha toirchis a fháil saor in aisce ó Oifig an Chomhaltais má theastaíonn siad uait. Cuireann Sláinte Ghnéis an Iarthair comhairle agus seirbhísí iontacha ar fáil freisin. Bí ag faire amach de na feachtais a reáchtálfaimid mar chuid de Sheachtain SHAG le linn na bliana chun níos mó a fhoghlaim faoi do shláinte agus folláine ghnéis. Beidh mearthástáil le haghaidh VEID agus Sifilise á cur ar fáil saor in aisce againn i gcomhar le Sexual Health West le linn na bliana.

• Toiliú Gníomhach* – Tacaíonn an clár seo le daoine óga sláinte agus folláine ghnéis dhearfach mhuiníneach a bheith acu tríd an Toiliú Gníomhach*.

• Do Mheabhairshláinte – Is acmhainn thábhachtach saor in aisce do mhic léinn Ollscoil na Gaillimhe í an tSeirbhís Comhairleoireachta do Mhic Léinn. Is féidir leat tacaíocht a fháil freisin ón Ionad Séiplíneachta agus Tréadchúraim.

• I do dhuine LADTAÉ+ ar an gCampas – is é an Cumann Bród cumann LADTAÉ+ Ollscoil na Gaillimhe, cumann a thugann áit shábháilte do mhic léinn LADTAÉ+ teacht isteach agus casadh ar a chéile i dtimpeallacht spraíúil. Cuirtear fáilte is fiche roimh dhaoine ó chúlraí éagsúla chuig Ollscoil na Gaillimhe ach má bhaineann aon fhadhbanna idirdhealaithe nó ciaptha de chineál ar bith duit déan teagmháil le Comhaltas na Mac Léinn.

• Speak Out – uirlis ar líne ar a bhféadfaidh tú cásanna d'fhoréigin, bulaíocht agus ciapadh gnéasach a thuairisciú go hanaithnid https://unigalway.speakout.ie/

• Táirgí Míosta Saor in Aisce – Tá táirgí míosta saor in aisce ar fáil ó na dáileoirí atá scaipthe ar fud an champais mar chuid de chomhthionscnamh idir Comhaltas na Mac Léinn agus an Ollscoil. Ná tóg ach a bhfuil ag teastáil uait i ndáiríre!

C onse nt is .. OMFG OMFG

Become an active champion!

Meet like-minded students

Social events with purpose

Collaborative campaigns

Peer support networks

Advocate for consent communication

D’Oideachas

Seo liosta de roinnt de na tacaíochtaí ar fad atá ar fáil duit agus má ritheann aon cheist leat, déan teagmháil le Seán, Leas-Uachtarán/ Oifigeach Oideachais an Chomhaltais

• Leabharlann – Agus tú in Ollscoil na Gaillimhe, bainfidh tú úsáid as réimse seirbhísí sa Leabharlann. Féadfaidh tú staidéar a dhéanamh ansin, comhoibriú i gcomhar le comhghleacaithe, leabhair chúrsa a fháil ar iasacht, acmhainní ar líne na leabharlainne a úsáid chun faisnéis a chuardach agus a bheith cruthaitheach sa Maker Space. Cuireann siad seisiúin oiliúna scileanna iontacha ar fáil le linn na bliana freisin.

• SUMS – Ionad tacaíochta Matamaitice agus Staitisticí é SUMS do gach mac léinn fochéime in Ollscoil na Gaillimhe. Is féidir bualadh isteach ann agus tá an tseirbhís saor in aisce.

• An tIonad don Scríbhneoireacht Acadúil – Cuireann an tIonad don Scríbhneoireacht Acadúil ranganna teagaisc duine le duine ar fáil do mhic léinn maidir le haistí a scríobh. Is féidir leo cabhrú leat má tá sé ag dul deacair ort d’aiste a thosú nó ábhar aiste a roghnú.

• ComputerDISC – Is acmhainn saor in aisce é ComputerDISC (Ionad Tacaíochta don Ríomhchlárúchán ar féidir bualadh isteach ann) do gach mac léinn in Ollscoil na Gaillimhe atá cláraithe i gcúrsaí ríomhchlárúcháin nó cúrsaí forbartha bogearraí.

• Mol Scileanna Acadúla – Tá sé mar aidhm ag Mol Scileanna Acadúla ar líne Ollscoil na Gaillimhe tacú le mic léinn na príomhscileanna atá riachtanach don rath acadúil a fhorbairt.

• An tIonad Forbartha Gairme – Tacaíonn an tIonad Forbartha Gairme le mic léinn pleananna gairmréime éifeachtacha a fhorbairt agus a chur i bhfeidhm, déanann teagmháil le fostóirí maidir leis an earcaíocht iarchéime agus éascaíonn modúl socrúcháin oibre le haghaidh roinnt cláir acadúla.

• Dámhachtain Infhostaitheachta – Aithníonn an Dámhachtain Infhostaitheachta an méid atá foghlamtha agat agus na scileanna a d’fhorbair tú trí obair agus gníomhaíochtaí seachchuraclaim.

• RSF – Tá Réitigh agus Seirbhísí Faisnéise (RSF) ann chun cabhrú leat má bhíonn aon fhadhbanna TF ag cur as duit. Tá deasc chabhrach acu sa Leabharlann nó is féidir leat teagmháil a dhéanamh leo ar líne.

• DigiChamps – Is comhpháirtíocht foirne/mac léinn in Ollscoil na Gaillimhe é DigiChamps atá dírithe ar do mhuinín agus do scileanna digiteacha a fhorbairt.

• Pas Scileanna Ollscoile – Is é an Pas Scileanna Ollscoile do bhealach isteach le tabhairt faoi na gníomhaíochtaí, eachtraí agus grúpaí atá ann duit in Ollscoil na Gaillimhe. Is féidir suaitheantais dhigiteacha a ghnóthú agus do chuid scileanna a fhorbairt chomh maith.

D’Am Saor

• Clubanna Spóirt – Tá os cionn 50 club spóirt ar an gcampas lena dtriail saor in aisce! Ina measc tá idir Bhoghdóireacht agus Lúthchleasaíocht, idir Chispheil agus Rámhaíocht, idir Shléibhteoireacht agus Friosbaí - is é is aidhm leo ná an oiread mac léinn agus is féidir a mhealladh le coinneáil gníomhach. Cuireann gach club gníomhaíochtaí, oiliúint agus imeachtaí sóisialta ar fáil do gach leibhéal agus cumas.

• Cumainn na Mac Léinn – Tá os cionn 120 cumann ar an gcampas. Is iad na cumainn an bealach is fearr le haithne a chur ar dhaoine a bhfuil suim acu sna rudaí céanna is atá agatsa, le scileanna nua a fhoghlaim agus le blaiseadh i bhfad níos leithne foghlama a fháil de shaol na hollscoile. Eagraíonn siad turais, imeachtaí, aoichainteoirí, ceardlanna, ranganna, cóisirí agus báil cheiliúrtha ghalánta.

• Clár ALIVE don Obair Dheonach – Tá lear tionscadal ag ALIVE ar féidir leat obair dheonach a dhéanamh ar a son. Gheobhaidh tú Gradam Uachtarán Ollscoil na Gaillimhe as an Obair Dheonach freisin, a dtugtar “Teastas ALIVE” air. Is bealach iontach í an obair dheonach chun casadh ar chairde nua, difríocht a dhéanamh, an comhar a íoc leis an bpobal, do scileanna a thógáil agus spraoi a bheith agat!

Cláraigh INNIU

Ceannaigh 10 gcupán tae / caife agus gheobhaidh tú ceann saor in aisce!

Cárta Chomhaltas na Mac Léinn

Léarscáil den Champas Campus Map

An Campas Spóirt, an Daingean - an tIonad Spóirt Réigiúnach san áireamh

Sports Campus, Dangan - including Regional Sports Centre

An tÁras Spóirt

Sports Pavilion

Teach Maryville Maryville House

An Campas Thuaidh North Campus

An Daingean A Dangan A

Cúrsa Saoil

Lifecourse

Baile na Coiribe

Corrib Village

Baile an Chíorbhuí Goldcrest Village

Eolaíochtaí Bithleighis

Biomedical Sciences

Institiúid na hEolaíochta Sonraí Data Science Institute

Naíolann na hOllscoile

University Crèche

Páirceáil agus Taisteal Park and Ride

An tIonad Taighde don Chothú Sláinte

Health Promotion Research Centre

Áras Cairnes

Cairnes Building

Áras Innealtóireachta Alice Perry

Alice Perry Engineering Building

Áras Mhaighe Seola

Moyola Building

An Clinic Teiripe Urlabhra agus Teanga

Speech and Language Therapy Clinic

An Campas Theas South Campus

10 Bóthar an Chaisleáin Nua 10 Newcastle Road

14 Bóthar na hOllscoile 14 University Road

14 Bóthar na Drioglainne (An Oifig Slándála)

14 Distillery Road (Security)

An Chearnóg Quadrangle

An Foirgneamh Anatamaíochta Anatomy Building

An Foirgneamh IT IT Building

An tIonad Spóirt

Sports Centre

Áras Dán na Mílaoise

Áras na Bitheolaíochta Daonna

Human Biology Building

Áras na Gaeilge

Áras na Mac Léinn

Áras Oirbsean

Orbsen Building

Áras Uí Argadáin

Hardiman Building

Áras Uí Chathail

Aula Maxima

Beár na Mac Léinn - Sult

College Bar - Sult

Bloc E

Block E

Bloc F

Block F

Bloc S

Block S

Bloc T

Block T

Bóthar na Drioglainne

Distillery Road

Ceoláras Emily Anderson

The Emily Anderson Concert Hall

Comhaltas na Mac Léinn

Students’ Union

Deasc Eolais na Mac Léinn (SID)

Student Information Desk (SID)

Institiúid na hEolaíochta Cliniciúla

Clinical Science Institute

Ionad na hÉireann do Chearta an Duine

Irish Centre for Human Rights

Ionad na Seirbhísí Poist

Mail Services Centre

Ionad Uí Dhonnchadha - An Drámaíocht, an Amharclannaíocht

agus an Taibhléiriú

O’Donoghue

and

Institiúid Lambe Lambe Institute

- Drama,

Cois Abhan

Riverside Terrapin

Réamhdhéantán Scoil Huston

The Huston School Bubble

Scoil Scannán agus Meán

Digiteach Huston

Huston School of Film and Digital Media

Séipéal Naomh Columbán

The Chapel of St Columbanus

Síceolaíocht

An Campas Láir Central Campus

An tIonad Nuálaíochta agus Gnó

Business and Innovation Centre

An tIonad Taighde agus Nuálaíochta

Research and Innovation Centre

Arts Millennium Building

Áras de Brún

Áras Mhairéad (Ma) Ní Éimhigh

Áras Mháirtín Uí Riain

Martin Ryan Building

Foirgneamh na nDán / na hEolaíochta

Arts / Science Building

Fortheach Institiúid Uí Riain

Ryan Institute Annexe

Halla Bailey Allen

Bailey Allen Hall

Oileán Altanach Nuns’

Tionscnamh Foghlama agus Taithí ar an Obair Dheonach

Bí páirteach in Obair Dheonach sa Phobal le

I measc théamaí na dtionscadal tá:

• Na hEalaíona & Cultúr

• Sláinte & Folláine

• Oideachas

• Ceartas Sóisialta

• Gníomhaíochas Pobail

• An Timpeallacht

• Taithí Idirnáisiúnta

Seo roinnt de na leideanna is fearr atá againn

don saol i

nGaillimh:

1. Ceannaigh cóta báistí maith. “Reilig na Scáthanna Báistí” a thugtar ar Ghaillimh

2. Siúltar duine i ndiaidh an duine eile i gcónaí thar Dhroichead Chora na mBradán nó is cinnte go dtabharfar míle drochshúil ort.

3. Ná hiarr ar an DJ {i>Galway Girl<i} a sheinm. Leagan ar bith de. In aon chás.

4. Má tá tú in ísle brí nó má tá fearg nó póit ort, téigh ag siúl ar an bProm. Is gearr go mbeidh tú ag mothú níos fearr agus beidh aghaidh shnoite agat a bhuíochas leis an ngaoth.

5. Is féidir siúl aon áit i nGaillimh taobh istigh de 10 nóiméad(má shiúlann tú tapa go leor).

6. Bíonn rudaí ar fáil saor in aisce i gcónaí in Oifig an Chomhaltais – coiscíní, pinn, súitíní, milseáin, pleanálaithe balla, comhairle, barróga, srl déanamh agat ach bualadh isteach agus iad a lorg.

7. Bí páirteach san oiread clubanna agus cumann agus is féidir. Faigh pizza saor in aisce agus cuir snas ar do CV le héachtaí ar nós “Cisteoir an 4ú Cumann Ómóis Home & Away is Mó ón tSionainn Aniar”

8. Bíodh léarscáil den champas leat i gcónaí. Ní rachaidh tú amú agus is féidir leat x a scríobh san áit a bhfuil an taisce curtha sa talamh.

9. Níl dada ar thalamh an domhain is measa ná stocaí fliucha. Bíodh péire breise stocaí agat i gcónaí #SlíAnAtlantaighFhliuch

10. Bí i do Dhónal Dearfach i gcónaí; ní maith le duine ar bith Dónal Diúltach.

Ending Sexual Violence & Harassment

At the University of Galway, we recognise that sexual violence and harassment, including, but not limited to, rape, sexual violence, sexual harassment, stalking, and relationship abuse, are serious issues that affect university communities

The Sexual Violence and Harassment, Prevention & Response team, Niamh & Rebecca are committed to creating a safer environment in which to live, work, and study. We believe that every student has the right to feel safe, respected, and supported.

Our free services include:

As we welcome you to our university community, we want you to know, ending sexual violence is everyone’s responsibility, and support is always available.

If you or someone you know has experienced sexual violence or harassment, recently or in the past, or you are worried about your own behaviour, we are here to support you.

to get

or learn

SEOMRA CÓTAÍ AN CHOMHALTAIS

TAISCEADÁIN AN CHOMHALTAIS

SEOMRA CÓTAÍ AN CHOMHALTAIS

CÓTAÍ CHOMHALTAIS

TAISCEADÁIN AN CHOMHALTAIS

SEOMRA CÓTAÍ AN CHOMHALTAIS

TAISCEADÁIN AN CHOMHALTAIS

DIANCHEACHTANNA

Chomhaltas na Mac Léinn AN CHOMHALTAIS

DIANCHEACHTANNA