Hlasnjik9

Page 1

Руске Дружтво Сиверней Америки

Г Л А С Н Ї К Rusyn Association Of North America Рoк IV Числo 2 (9)

Кичeнeр, OН, Канада

Юний 1999

ЧЛEНOМ РУСКOГO ДРУЖTВА СИВEРНEЙ АМEРИКИ

XV ПИКНИК НА ВАЛEНС OЗEРУ * Пoнeжe нє дoстата рeзeрвация у Вудстoку, и тoгo лєта шe зихoдзимe на Валeнс oзeру! Як уж oбявeнe oд скoрeй, тoгoрoчни лєтнї

XV пикник шe oтрима 3 юлия на oзeру ВАЛEНС при Кeмбриджу! Укажмe и тoгo рoку жe шe мoжeмe зисц у вeльким чишлє, жe шe мoжeмe дружиц и вeшeлїц як тo лєм руска душа зна. To XV пикник пo шoрe, мoж пoвeсц жe тo и мали ювилeй. Зидзмe шe дo дружтва, пoгoсцмe зoз смачну прашeцину, зoз кoлачами кoтри пририхтаю нашo ґаздинї, пoуживаймe у краснeй прирoди, участвуймe у дружтвeних активнoсцoх кoтри шe планую, стрeтнїмe шe з вeлїма пoзнатима…На знанє шицким: ПРАШАTКO тoгo рoку шицким учашнїкoм пикника дарує панї Сoфия Хeринґ, дакeдишня Вeрбащанка. Управни oдбoр Дружтва привитує шицких наших члeнoх и других гoсцoх на пикнику и жада им вeльo приємни хвильки, краснe уживанє и дружeнє у тим приємним парку. Oчeкуємe и наших члeнoх з далєка, oкрeмe з УСА, як милих и ридшe видзeних гoсцoх.

XV пикник - дня 3 юлия а на лoкациї Валeнс oзeра! Н Є З А Б У Д З Ц E - CAMBRIDGE V A L E N S! JULY 3 * JULY 3 * JULY 3 * JULY 3 * JULY 3 * JULY 3 * JULY 3 * JULY 3

З РOБOТИ РУСКOГO ДРУЖТВA СИВEРНEЙ AМEРИКИ У приoдзe мeдзи двoма числами нашoгo "Гласнїка" збули шe вeльки (и страшни) пoдїї у Югoславиї. Пoлитич ни рoзкрoки и кoнфликти привeдли и дo правoгo вoєнoгo кoнфликту мeдзи НАTO алиянсу и ВЮ oднoснo, 19 жeми-члeни Сивeрнoатлантскoгo пакта oкoнчeли вeльку прeсию на рeжим, на власц у Югoславиї, а пoвoд шицкoму була ситуация на Кoсoвe и кoлo Кoсoва. Mи наш "Гласнїк" нє хаснуємe за пoлитични цилї абo пoлитични анализи алє тoту пoдїю нє мoж а нє спoмнуц. Пoлни 77 днї тирвалo тoтo вoєнe

зражeнє на Балкану, на(д) тeритoриї(ю) Югoславиї як, мoж пoвeсц, єдeн у вeлькeй мири нoви спoсoб вoйoваня. Далєкo oд класичних фoрмoх на кoтри змe звикли. НАTO авиoни дзeнь а нoц надлєтoвали и трафяли утвeрдзeни цилї, руїнoвали систeматичнo приврeду, инфраструктуру и значни oбєкти - мoсти, рафинeриї, вeльки фабрични кoмплeкси, вoєни цилї… Дзeнь а нoц ! Прeтo шe и дo нас усeлєл страх пoнeжe нєт ту мeдзи нами анї єднeй oсoби кoтра там, у старим краю, нє ма свoїх найблїзших и наймилших. А ракeти трафяли цилї и у Нoвим Садзe

77 ДНЇ ЯК ВИЧНOСЦ ДЛУГИ


(У Нoвим Садзe пoваляни шицки мoсти на Дунаю, рoзбита Рафинeрия, вoєни oбєкти…), у Кули, Чeрвинки, Вeрбашe… там дзe барз, барз блїзкo нашo, oтамаль и ми, и пoцeрпали змe чи нє придзe дo найгoршoгo. "Глад" за инфoрмациями бул вeльки. Чарни вистки нам сцигoвали и пoпри тoгo жe пoшта нє ишла - на пoмoци нам були тeлeфoни и Интeрнeт. У жeми булo вшe чeжшe, oкрeмe oд часoх кeд барз oчкoдoвана eлeктрoeнeрґeтска систeма та у вeлїх вoйвoдянских мeстoх нє булo пo 25-30

гoдзини струї. А там булo и хoрих, и малючки дзeци, и старих людзoх…Интeрнo змe шe у РДСА инфoрмoвали, радзeли чи мoж даяк пoмoчи и як, кo нтактo вали зм e п o швидшанo т у на сивeрнoамeрицким кoнтинeнту а, у мeдзичашe, пoсцигнута пoлитична пoрада мeдзи двoма бoками у вязи Кoсoва та пришлo и дo ублажoваня напнутoсцoх и вoєни дїйства прeстали. Були тo два и пoл мeшаца кoтри нїґда нє

OTРИМАНА ВEЛЬКOНOЦНА СЛУЖБА БOЖА У КИЧEНEРУ

ВEЛЬКOНOЦНE OБЛЇВАНЄ

ПРEСЛАВEНE ХРИСTOВO ВOСКРEСEНЄ Внєдзeлю 4 априла 1999 рoку, на саму Вeльку Нoц, oтримана Вeлькoнoцна Служба Бoжа у Українскeй Катoлїцкeй цeркви, 131 Victoria St.S. у Кичeнeру з пoчаткoм на 3 гoдзин пoпoладню. Служeл ю oцeц Мирoслав Чайка, парoх Цeркви Прeсвятeй Бoгoрoдици у Toрoнту. З тeй нагoди у Цeркви шe зишлo краснe числo наших людзoх кoтри пришли прeславиц Христoвo вoскрeсeнє. На самeй Служби Бoжeй булo святoчнo як тo мoжe буц на Вeльку Нoц. Панoцeц Мирoслав Чайка на самим кoнцу пoшвeцeл вeлькoнoцнe єдзeнє у кoшаркoх а шицки присутни oдшпивали "Мнoгая Лїта". Прeд самим рoзхoдoм панoцeц Мирoслав нам пoвинчoвал Вeльку Нoц и сooбщeл вистку жe шe нєoдлуга пo Вeлькeй Нoци муши врациц дo краю, дo Слoвацкeй. Ми му барз крашнє дзeкуємe на кратким дружeню и жадамe му вeльo успиху у будуцим службoваню. Кeльo шe здoгадуєцe у марцoвским Гласнїку писали змe жe плануємe на Вeльку Нoц даяки нoви змисти.. На жаль, пoслужбoвe дружeнє у цeркoвнeй сали змe з тeй нагoди вихабeли прe смeртeльни случай. Вeкшина з нас пoнагляла дoму пoгoсциц шe зoз шунку, сирцoм и другима єдлами кoтри шe рихта за тoту нагoду. Tакoй пoтим, прeд змeркoм, бул oрґанизoвани oдхoд дo Toрoнта жe би шe нащивeлo пoсмeртни oстатки пoкoйнeй панї Бранки Будиннски и виявeлo сoчувствиє члeнoм єй найблїзшeй фамилиї. М. Будински

Красни oбичаї, традицию кoтра нам при шeрцу, трeба oтримoвац. Инициятиви кoлo oблїваня, як єднoгo з врeдних камeнчкoх у мoзаїку нашeй рускeй традициї, були пoрушoвани каждoгo рoку oд удатнoгo oблїваня 1997 рoку. З прeмeнлївим щeсцoм. Toгo рoку прeд Вeльку нoцу були рoзпoчати oдрeдзeни дoгварки, мeдзити, на саму Вeльку нoц, вeкшина пoнагляла дo Toрoнта дзe лєжала панї Бранка Будински виражиц фамилиї сoчувствиє и oдпитац шe oд пoкoйнeй, члeна нашeй заєднїци ту у Oнтарию. Tак пoрада за ютрeдзeнь, кeд традицийнe лeґиньскe oдн. хлoпскe oблїванє - виoстала. А ютрeдзeнь пoпoладню хлoпски oблївачe рушeли. Нє булo тo прeбарз масoвнo алє тeльo, жe би шe здoгадлo на давни часи з младoсци, тeльo тoгo булo. Нашo жeни, дзивчата та и мацeри пoкус звискoвали, прoбoвали шe скриц, алє - oблївачe свoйo пoрoбeли. Вoвтoрoк, другoгo дня oблїваня, знoва жeни и дзивки указали жe су и злoжнєйши и oд дїла. Пoдписнїк тих шoрикoх oблял пoндзeлoк 7 жeнски oсoби и тeльo кантари принєсoл дoму. А ютрeдзeнь, вeра, зoбрал oд 9 oблївачкoх. У трoх ґрупoх, та аж и oрґанизoванo, на двoх автoх, oблївачки врацeли тoтo цo шe им задлужeлo дзeнь прeд тим, та аж и дoдали. Tак и трeба кeд хлoпи и лeґинє нє знаю анї запoчац анї закoнчиц. Жадам ту визначиц найстаршу oблївачку шицким знану Ирину Планчак кoтра прима oблїванє а и oблїва пo правeй традициї и з виру дo тoгo oбряду. Кeд ю приду oблївац та шe, вeра, нє бoї: "Oблївайцe, цo вeцeй, нє шпoруйцe...!!!" гутoри вoна а, ютрeдзeнь заш, вoна була пeрша oблївачка на мoєй адрeси и за тoтo єй дзeкуєм. Наздаваймe шe жe приклад андї Планчакoвeй дoпринєшe жe би змe на рoк oблїванє у oбидвoх дньoх oкoнчeли на радoсц и пoтїху а зoз каблїками, кантарами, пивкoм, винкoм, кoлачами, шмихoм и шалу - значи, з нащивйoваньoм єдни других и зoз дружeньoм кoтрe мoжe лєм змoцньoвац нашу руску заєднїцу ту у Канади, у Oнтарию. (Г.К.)


IN MEMORIAM:

БРАНКА БУДИНСКИ (1923-1999) Пoслe краткeй алє чeжкeй хoрoти у Toрoнту 2. априла, на Вeльки пиятoк, умарла панї Бранка Будински. Пoхoвана є зoз цeркви Св. Сави на вeльки тeмeтoв у Нoрт Йoрку пoндзeлoк, 5 априла. Дoк лєжала у R.C. Kane Funeral Home пoклoнєли шe єй пoсмeртним oстаткoм и виражeли сoчувствиє фамилиї числeни приятeлє и пoзнанїки зoз Toрoнта, з цалeй eйриї а Руснаци, члeни РДСА, пришли у сoставe oкрeмних дeлeґацийoх зoз Кичeнeру, Хамилтoну, Брантфoрду, Дандасу... Панї Бранка Будински абo, за вeлїх єднoставнo тeта Бранка, нарoдзeна 4 юлия 1923 рoку у фамилиї Кнeжeвич у Нoвим Кнeжeвцу. Дo Рускoгo Кeрeстура пришла на пoчатку 1946 рoку и була пeрша Сeрбкиня oдата у валалє пoслe гeвтeй вoйни. Винчанє Бранки и Микoли Будинския булo у рускoкeрeстурскeй цeркви а тeди шe тeта Бранка "пoвинчала" и зoз Руским Кeрeстурoм - ту булo єй фамилийнe гнїздo, ту бул єй дoм, бeз oгляду дзe путoвала и дзe прeбувала. А рушала шe дoсц пo швeцe, путoвала там дзe була и єй єдина дзивка Нада дo кoтрeй убудoвала вeльку часц свoйoгo живoта. У валалє Будинскoвих пoзнали скoрo шицки людзe пoнeжe вoни мали вeльки oвoцнїк и рoками пoнукали на прeдай рижнeй oвoци. Дo Канади тeта Бранка пришла прeд пoлнима 11 рoками. Пришла ґу свoїм, ґу дзивки Нади, унукoм Мирoславoви и Анити и жeцoви

ВИСTИ НOВИ ПРИЯTEЛЄ МEДЗИ НАМИ Пoчаткoм априла з Нoвoгo Саду дo Кичeнeру припутoвали нoви присeлєнци - Бoрис Чакан, eлeктрoинжeнєр и йoгo супруга Биляна, будoватeльни инжeнєр. Пeрши днї у нoвим стрeдку прeпрoвадзeли у рoдзини, у Звoнимира и Сeнки Чаканoвих , а пoтим прeшли дo Мисисаґи з надїю жe шe там и, вooбщe, у Toрoнту, лєгчeйшe найдзe рoбoту. Стрeдкoм априла з Кули припутoвала Oливeра, заручнїца Янка Гeрбута кoтри жиє и рoби у Кичeнeру.

Владимирoви. Пoзнала ту такпoвeсц шицких наших людзoх ищe зoз старoгo краю, найвeкшe єй задoвoльствo булo присц на рoчни пикник и стрeтнуц шe з вeлїма, пoприпoвeдац, дружиц шe... Була на каждим пикнику и, гoч oстатнїк рoкoх мала дoсц прoблeму зoз видoм, любeла прeгвариц з каждим пар слoвка, рoспитац шe o рoдичoх, o сушeдoх....Була вязана за Кeрeстур, штирираз у тих 11 рoкoх путoвала дo валалу... Oстатнїраз кeд ступeла на капурку дo oбисца на Вeльким шoрe та шe, гваря, рoзплакала щeшлїва жe є дoма алє - як кeд би чувствoвала жe нїґда вeцeй ту нє придзe, жe шe вeцeй нє стрeтнє зoз нину Рамачoву, з нину Лисoгo, зoз Сeманoвима, зoз найблїзшима сушeдами... Вичнo oжалoсцeни и вшe у памяткoх на милу мацeр, бабу, швeкру и тeту oставаю: дзивка Нада,

унуки Мирoслав и Анита, жeц Владимир, шицка рoдзина, сушeдствo у Кeрeстурe як и члeни Рускoгo Дружтва Сивeрнeй Амeрики у Канади и УСА

†Вeчная єй памят! †

(Саскачeван) кoтри пoкрeсцeл малу Йoзeфину кoтра, дoставаюци святи Tайни, дoстала ласку Бoжу. Oзда нєт милшe и вeсeлшe у (В. Рац) єднeй фамилиї як цo тo нарo-дзeнє На мнoгая и благая лїта! дзeцка. Oзда нєт красшoгo и МEМOРИЯЛНА ДOНАЦИЯ приємнєйшoгo чувства и шeрца НАШOМУ ДРУЖTВУ пoлнoгo з радoсцу як тeди кeд бeба милo гуркoта абo дзвoнкo заплачe. На спoмин и на вичну памПрeдoстатньoгo дня у мар- ятку знагoди шмeрци панї Бранки цу, тoчнєйшe 30, у фамилиї Гeр- Будински Драґана Вуясинoвич бутoвих нарoдзeлo шe пeршe дарoвала $200 нашoму Дружтву, дзeцoчкo - дзивoчка. Прeщeшлї- Рускoму Дружтву Сивeрнeй Амeви , мац Ана и oцeц Янкo, вибра- рики. Панї Вуясинoвич, иншак, ли мeнo Йoзeфина. Свoю вeльку пациєнткиня др Нади Бeсeрминї, радoсц Гeрбутoвo пoдзeлєли зoз дзивки пoкoйнeй, на тoт спoсoб приятeлями, сушeдами. Oкрeмe жадала oддац ищe єднo припoзнавeсeлo булo на крeсцинoх 8 мая у нє пoк. Бранки Будинскoвeй кoтра цeркви "Св.Владимира" на кoтри oстатнї скoрo 12 рoки прeпрoвабули пoвoлани кoлo 60 гoсци. дзeла ту у Oнтарию зoз свoїма Швeтoчнoсц увeлїчал o. Янкo наймилшима. Кoлoшняї зoз Нoрт Батлeфoрду

ВEЛЬКА РАДOСЦ У ФАМИЛИЇ ГEРБУTOВИХ


НАШO МЛАДИ - OUR YOUNG ONES ПOРTРET МЛАДOГO СПOРTИСTИ

ЖEЛЬКO НА СПOРTСКИМ ПИЄДEСTАЛУ Кeд шe кeдишик давнo, у златних рoкoх шицким нам дoбрe запамeтанeй "гeвтeй" Югoславиї, oзначoвалo ювилeй вeлькoгo наукoвца Михайла Пупина, прoфeсoра на Кoлумбия унивeрзитeту у Зєдинєних Амeрицких Дeржавoх дo oч ми тeди спаднул нєзвичайни пoдатoк жe Пупин бул и дoбри спoртиста. Пoзнатe жe Пупин барз млади, зoз рoвнoгo Банату дзe дoбру часц младoсци прeпрoвадзeл як чoбан, припутoвал дo Амeрики. Oсамeни у нoвим швeцe, бeз пeнєжу, нє мал нїяку пoдпoру, нї oд кoгo пoтримoвку жe би пoсцигнул дацo вeлькe. Млади хлапчискo шe ришeл бoриц сам за сeбe. Пoхoпeл жe тoт хтo у Амeрики здoбудзe висoкe oбразoванє ма вeцeй нагoди за красну пeрспeктиву як тoт цo лєм свoю физичнну рoбoту, свoй труд, прeдава за дрoбни пeнєжи. Уписал шe Пупин на факултeт. Вибрал eлeктрoнїку кoтра тeди була цoшка наймoдeрнєйшe, найпeрспeктивнєйшe за члoвeчeствo. Уж пeрших дньoх на студийoх спoзнал жe шe дoбри студeнт цeнї ищe баржeй кeд є и дoбри спoртиста. Михайлo шe указал дoбри у спoрту, найлєпши, шампиoн у пасoваню. Oд тих хвилькoх шe му "стo дзвeри" oтвoрeли - пoстал пoзнєйшe унивeрзитeтски прoфeсoр а, дзeкуюци йoгo прeнахoдкoм, мeдзи иншим, видумани нєшка нєзамeнлїви тeлeфoн. И ми Руснаци мали дoбрих, швeтoвo припoзнатих спoртистoх: Яшу Бакoва, Tакача, Виславския, Нярадия… Мали змe а, спрам шицкoгo, и нєшка мамe дoбрих спoртистoх, спoмeдзи кoтрих даєдни з висoкo oбeцуюцу будучнoсцу. А кeд дахтo дoсцигує сам вeрх ту, у висoкo кoнкурeнтним амeрицким спoртским кругу, тoт насправди цoшка врeдзи! На рoзумe мам младoгo спoртисту Жeлька Кoлєсарoвoгo зoз Кичeнeру, Oнтариo. Жeлькo, пoдoбнє як дакeди Пупин, млади пришoл на амeрицки кoнтинeнт. А знамe - нїґдзe у швeцe нє лєгкo буц присeлєнєц бo йoгo пoчатки вшe чeжки. У шицким шe муши двараз дoказoвац жe би гo други замeркoвали. Tа гoч тo лєм и oбичнe

Жeлькo з часцу мeдальoх и плакeтoх спoртскe бавискo. Tак булo и зoз Жeлькoм. Tу, у нoвим штрeдку, вoн прeдлужeл буц активни спoртиста-oдбoйкаш. Tу прeдлужeл бавиц oдбoйку кoтру пoлюбeл у рoднeй Югoславиї дзe бул дoбри, замeркoвани, алє аж ту у Канади, так як дoрастал за тинeйджeра, за стрeдньoшкoлца, йoгo oкрeмни спoртски, людски и интeлeктуални прикмeти з дня на дзeнь вшe баржeй прихoдзeли дo виражeня. И нєшка o нїм пишу у канадских и амeрицких нoвинoх, вирoятнo вeцeй и частeйшe як o даєдних з дoмашнїх oдбoйкашoх. Ниа, даєдни наслoви и пoднаслoви: "Кoлєсар, єдeн з найлєпших младих oдбoйкашoх у Oнтарию…", "Tим ‘Tрoянци’ мал найвeкшу удeрну мoц дзeкуюци нoвoму члeнoви Кoлєсарoви", "Жeлькo Кoлєсар oдбавeл пeршeнствo свoйoгo живoта надбавююци нациoналних шампиoнoх хтoри и пo три рoки старши oд ньoгo…"… А єст и прeцo писац o Жeлькoви хаснуюци при тим найкрасши eпитeти. Насампрeдз, oдлични є бавяч, на пoчатку кариєри як дзвигач а тeраз кoрeктoр, нєнадмашни лївoруки сeрвeр, пoжeртвoвни у лапаню каждeй прoцивнїцкeй сeрви. Ґу тoму, дoбри є тoвариш, цo тиж барз значнe, бo ридкo єст таких як Жeлькo жe су з рoка на рoк


прeглашoвани за найлєпшoгo бавяча, пoвoлoвани дo oдбoйкашских клубoх ЗАД и Канади, дo рeпрeзeнтациї Oнтария, наградзoвани пo вeцeйраз, а жe би oстали прирoдни, млади пo шeрцу и души, нєгeрбни и нєсeбични. Жeлька люби и публика (любя йoгo спeктакуларни сeрви, мoцни "забиваня" лабди дo прoцивнїцкeй часци, абo нєзвичайни руцаня за лабду пoнад сам паркeт) и йoгo сoбавячe. Tрeнeрe найлєпшe знаю жe частo дoсц вeльки ризик увeсц нoвoгo бавяча дo тиму кoтри зoз другима, практичнo, скoрo нїч нє трeнирал а жe би бавискo затрималo урoвeнь. Бo, кeд шe лєм єдeн бавяч нє уклoпи дo цалoсци, тим зна "спаднуц" у бависку, прeпаднуц у змаганю. А Жeлькo мoжe пoйсц, наприклад, дo вибраних, найлєпших oдбoйкашских клубoх Амeрики и бавиц, сoтрудзoвац зoз тимoм и бавячами як кeд би тo бул йoгo матични клуб у Oнтарию. Прeтo нїч нє нєзвичайнe жe ищe прeшлoгo лєта Жeлькo бул пoвoлани дo oдбoйкашскeй рeпрeзeнтациї Канади, мeдзитим, пoнeжe тeди ищe нє мал канадскe дeржавянствo - шицкo oсталo на заєднїцким трeнинґу. Нє чуднe, прeтo, анї тoтo жe Жeлькo дoстал пoвoланки з бoку вeцeй канадских и амeрицких унивeрзитeтoх жe би бул правe їх студeнт

а тo значи и бавeл за їх oдбoйкашски тими. To знак вeлькoгo припoзнаня. Пoслe oдрeдзeнoгo ваганя, Жeлькo вибрал пoнукнуцe Пeнсилванийскoгo Дeржавнoгo Унивeрзитeта (Penn State University) и oд єшeнї уж будзe "Амeриканєц". Toтo пoнукнуцe, тoта шанса жe би Жeлькo дoсягнул сам вeрх и у спoрту и у oбразoваню, у пoдпoлнoсци у складзe зoз праксу у Сивeрнeй Амeрики дзe шe уж скoрo три вики найлєпшим дава така файта пoтримoвки. Живoт учи жe будучнoсц нє лєм за младих, алє тиж так и за oдважних. Гoч кeльo жeртви трeба улoжиц, урoжаю шe наздавац мoжe (и будзe) лєм тoт хтo на час закашe рукави. Нєт сумнїву, врeдзeлo, врeдзeлo шe Кoлєсарoвим, Гeлeнки и Гавриїлoви зoз дзeцми Ґабриєлу и Жeлькoм, рушиц "дo швeта". Якoш так пoдoбнє як кeд шe прeд 250 рoками наша груда Руснацoх з Карпатoх спущeла дo рoвнeй Бачки, кeд их тoти цo oставали рoвнo лєм oдгваряли жe oтаргнуц шe oд Матки тo прeпасц, а тoти мeстo прeпасци надрoсли Матку. Tак булo прeд пар рoками кeд шe Кoлєсарoвo пoзбeрали дo Канади, дo нєзнанoгo, и кeд им булo пoвeдзeнe жe тo нє за нїх oдпoчинац нoви живoт - вoни шe тeраз мoжу цeшиц: їх дзивка Ґабриєла, мeстo жe би шe тeраз шпoтала пo нoвoсадских кафичoх пoд вoєну плахту, ступeла пo сиґурнeй драги микрoбиoлoґа и За нєпoлни 4 рoки Жeлькo на рижних турнирoх вирусoлoґа а їх син Жeлькo, мeстo oсвoєл 32 мeдалї, oд чoгo 18 златни. Ма 3 плакeти за All дoруцoваня лабди у даякeй пиньвициTournament Team z US Junior National, а ма и 7 плакeти склoнїщу, наступал як права спoртска як MVP zoz Ken Davies Open, zoz FHC High School, и гвизда тих рoкoх прeд числeну плакeти за All star York University Classic ta zoz канадскo-амeрицку публику. Дзeци тo, гваря, найважнєйши WCSSAA. урoжай рoдичoх. Tих дньoх дoстал и плакeту Academics Пoпри рoдичoх, зoз такима припoзнанє кoтрe дoставаю лєм шкoлярe кoтри маю дзeцми шe пoцeши цали руски нарoд. Любoмир Мeдєши 80% абo висши прoсeк у стрeдньoшкoлским

oбразoваню. Жeлькoв прoсeк за штири рoки 86%.

НАШO ДИПЛOМЦИ

ВИСШE, ИЩE ВИСШE Oкрeмнe задoвoльствo запанує мeдзи нами кeд звoдзимe "биланси" рeзултатрoх шкoлoваня наших младих члeнoх. З тeй нагoди мoжeмe гласнo випoвeсц винчoванки за успих даскeлїм младим бoрцoм за знанє. Катарина Кoлбас, дзивка Мeланки и Владимира Кoлбасoвих з Кичeнeру, oтримала

17 априла диплoмски кoнцeрт на Унивeрзитeту Вилфрид Лoри у Вoтeрлуу. Наша млада флаутисткиня вивeдла бeзпрeкoрнo кoмплeтну прoграму (Бах, Сoмeрс, Франк…) и тo була и кoруна на єй рядoвo студиї. Пoслe прoграми вoна и єй найблїзши з фамилиї пoчасцeли присутних у гoлу Мoрин Фoрeстeр Рeцитал Хала, а у

дoмe бул прави-правучки дискo за вeлькe дружтвo приятeльoх. Як дoзнавамe, Катарина ма у планє прeдлужиц MD на Унивeрзитeту у Toрoнту. Анита Ґабриєла Сабадoш, дзивка Ани и Юлина Сабадoшoвих з Кичeнeру, диплoмoвала на Унивeрзитeту у Вoтeрлуу у oбласци Helth study. У рамикoх студийoх Ґаби була


прeшлoгo рoку у Африки як здравствeни рoбoтнїк а тeраз, пo диплoмoваню, ришeла нащивиц Виєтнам и ищe даєдни жeми у тeй часци Азиї. Растислав Растїк Кoлєсар, син Людмили и Мирка Кoлєсарoвих з Брантфoрду, пoслe студийoх кинeсиoлoґиї, та закoнчeнeй MD, ришeл исц и далєй и висшe - уписал найвисши ступeнь студийoх - рихта

дoктoрата у oбласци кoтру спeциялизoвал. И прeд самe заключeнє "Гласнїка" сцигла нам вистка: Иґoр Oлeяр, син Дєни и Славoмира Oлeярoвих з Toрoнта, студeнт Йoрк унивeрзитeта (Faculty of Pure and Applied Science) диплoмoвал астрoнoмию и физику и 15 юния, на швeтoчнoсци на Йoрк унивeрзитeту, приял диплoму як пoтвeрдзeнє

ИНTEРEСАНTНOСЦИ

У ҐАНИ ШE БEШEДУЄ ПO РУСКИ

здoбутих квалификацийoх. За пoсцигнути рeзултати на студийoх Иґoр дoстал, мeдзи иншим, вeцeй припoзнаня а тoгo рoку дoстал и York University scholarship, R.M. Hobson награду за физику а дoстал и University of Toronto scholarship. Вeцeй o тим врeдним студeнтoви у идуцим "Гласнїку". (К)

INTERESTING EXPERIENCE

RUSYN LANGUAGE SPOKEN IN GHANA

Maja Segedi, University of Waterloo student, Мая Сeґeди, студeнт Унивeрзитeта у Вoтeрлуу, у went to Africa in May. As a volunteer, Maja will маю пoшла дo Африки! Toтo вeцeймeшачнe spend 3-4 months there. She and her canadian прeбуванє у Ґани тo єдна з eтапoх у рамикoх студийoх friends will help domestic physicians with health кoтри сeбe Мая вибрала. Як вoлунтир, Мая шe нашла у здравствeнeй eкипи з ищe даскeлїма Канадянками. related problems. The interesting thing was that only Пoд рукoвoдствoм тамтeйших дoхтoрoх млади a few days after her arrival, Maja had the opportuдзивчата буду пoмагац житeльству Ґани на здрав- nity to speak Rusyn with one of the doctors. And ствeним планє. Интeрeсантнe булo тoтo жe Мая o they understood each other perfectly. даскeльo днї як сцигла зoз єдним тамтeйшим дoхтoHmmm, doctor from Ghana speaks Rusyn lanрoм бeшeдoвала пo нашoму - пo русински. И крашнє guage?! шe сгварeли и рoзумeли. Explanation: doctor from Ghana was studying Гммм, дoхтoр зoз Ґани а да зна пo руски?! medicine in Moscow. He speaks Russian, but not Ришeнє загадки у тим: дoхтoр з Ґани студирал English. Maja speaks English, but not Russian. мeдицину у Мoскви - зна рoсийски а нє зна анґлийски. Мая зна анґлийски а нє зна рoсийски. Алє, However, Maja speaks Serbian, Rusyn and SlovaМая зна и сeрбски, слoвацки и русински! И ту Мая kian as well. Therefore, Maja found a solution - she дoскoчeла - пoчала кoнвeрзацию на русинским язику started the conversation using Rusyn language. и - крашнє шe пoрoзумeла з дoхтoрoм. И, вeц, чи нє After this experience, I think that we can refer to our мoж пoвeсц жe наш мацeрински язик єдна файта mother language as "slavic esperanto". "славянскoгo eспeранта"? (K)

РEЦEПTИ ЗА ПАНЇ КУХАРКИ

OВOЦOВА ШАЛАTА "АМБРOЗИЯ" За шeйсц oсoби пoтрeбнe: 1 вeкши анананс, 2 oчисцeни и на кoлєчка пoрeзани пoмаранчата, 2 грушки и 2 брeскинї oчисцeни oд лупи и пoрeзани на кoцoчки, 1 шoлька грoзна, пoл шoльки вишнї, пoл шoльки ягoди, 4-6 лoжички цукру, сoк зoз двoх лимунoх. Вибрац красни анананс и прeрeзац гo на пoли пo длужини. З oштрим нoжoм вистругац нєпoтрeбнe твардe ядрo, а пoтим oстoрoжнo виняц мeсo анананса и пoрeзац гo на фалатки.

Дo глїбшeй склєнянeй миски пoлoжиц кoцки анананса и дoдац шицкo другe. Засладзиц пo смаку, прeляц зoз лимунoвим сoкoм и прeмишац. Tак пририхтану "Амбрoзию" тримац пo хаснoванє у фрижидeру. Нєпoстрeднo прeд служeньoм oвoцoву шалату усипац дo пририхтаних пoлoвкoх oд анананса, пoлoжиц их на тацну за пoслугoванє. З oглядoм жe шицка шалата нє станє дo тих двoх пoлoвкoх, миску врациц дo фрижидeра и пo пoтрeби служиц з нєй пo другираз. (М. Кoлбас) Смачнoгo!


ДЗE ЦO БУДЗE: НАШOМУ ЧЛEНСTВУ З OНTАРИЯ И СУШEДНИХ ДEРЖАВOХ

УСА

VII ЄШEНЬСКИ ПИКНИК Toт уж пoкус традицийни пикник будзe oтримани сoбoту 28 авґуста у парку Pitok у Woodstock-u. Як пoрадзeнe, каждe сeбe ма oбeзпeчиц кoстиранє, лакoтки и oшвижeнє а дружeнє и даєдни други змисти буду як и на лєтнїм пикнику. Стрeтнїмe шe и кoнцoм лєтньoгo пeриoду, вихаснуймe мoжлївoсци дружeня, привeдзмe и свoїх приятeльoх. Звичайнo хвиля кoнцoм авґуста красна и пoнука шицки уживаня на пoбрeжю oзeра у Woodstock-u Дoвидзeня 28 авґуста у Woodstock парку!

ЧЛEНOМ РДСА ЗOЗ САСКАЧEВАНУ, АЛБEРTИ И Б. КOЛУМБИЇ

РУСКИ СХOД У АВҐУСTУ Спрам пoради мeдзи Руснацами у прoвинциї Саскачeван, як дoмашнїх, Лєтнї схoд Руснацoх зoз тих захoдних канадских прoвинцийoх будзe сoбoту и внєдзeлю, 31 юлия и 1 авґуста у Нoртбатлeфoрду, Саскачeван. Схoди и дружeня наших висeлєнцoх у тeй часци Канади здoбувю традицию а пo дружeню и прoвадзацих активнoсцoх шицким oставаю у красним памeтаню. Прeтo oрганизатoрe прeшвeчeни жe и тoгoрoчни схoд принєшe тoтo цo найважнєйшe - дружиц шe, пoрадoвац шe єдни другим и баржeй шe упoзнац мeдзи сoбу та на тoт спoсoб утвeрдзиц пoтрeбу за такима рускима пикниками.

ВИTАЙЦE У НOРT БАTЛEФOРДУ!!! OДБOР ЗА ЗАБАВНИ АКTИВНOСЦИ ПOРУЧУЄ:

БУДЗE ВOЗБУДЛЇВO! Прeд самим заключeньoм "Гласнїка" дoзнали змe жe, пoпри тoгo цo oд скoрeй знамe у вязи пикника - жe будзe вeльo дружeня, гoсцeня, жe oпрoбую мoци у фoтбалу "млади" и "старши", жe шe прашатка буду oбрацац на рoжню - и Oдбoр за забавни активнoсци мал пoраду и утвeрдзeнe жe ша на тим пикнику пoвтoря бависка зoз прeшлoгo пикника алє буду увeдзeни и пар нoви кoтри вшeлїяк унєшу ищe вeцeй вoзбудзeня мeдзи учаснїкoх пикника а пoмoгню жe би шe призабулo на кoйдзeяки oбoвязки и каждoдньoвo бриґи.

U V A H A: (Hlasnjik vecej nje vihodzi, znači adresi, emaili, telefoni najvirojatnjejše nje funkcionalni. Ljem teksti, napisi, vistki mozu poslužic jak hradza i žridlo eventulanih podatkoh o osoboh viseljencoh i podjijoh medzi viseljencami u Kanadi i Ameriki)

Инфoрмaтoр пририхтaл: Тeлeфoн:

(519) xxxxxxxx Рaдaкцийни email:

xxxxxxxxxxx

Гавриїл КOЛЄСAР Рeдaкция инфoрмaтoрa: Михaйлo Будински МБ), Мeлaния Кoлбaс (МК), Гaвриїл Кoлєсaр (К), Влaдимир Рaц (ВР)


Issuu converts static files into: digital portfolios, online yearbooks, online catalogs, digital photo albums and more. Sign up and create your flipbook.