Ungdom nr 4 2019

UNGDOM MEDLEMSBLAD FOR NOREGS UNGDOMSLAG - 4/2019

104 .Å

R

GA

NG

tur

kul l a k o l e Levand Kven veit? 2020 • Os Ungdomslag i 130 • Medlemsfordelar • Landsmøte 2020 Statsbudsjettet 2020 • Sommarleiren 2020

Torbjørn Bergwitz Lauen Leiar i Noregs Ungdomslag

Redaktør: Guro Redalen Ansvarleg redaktør: Kai Roger Vatne Opplag: 3700 Bladbunad, trykk og annonsebyrå: Flisa Trykkeri AS Framsidefoto: Bunad er tema for Kven veit? i 2020. Fotoet viser detaljar frå Setesdalsbunaden. Foto: Anne-Marte Før Postadresse og besøksadresse: Øvre Slottsgate 2B, 0157 Oslo Telefon: 24 14 11 10 E-post: post@ungdomslag.no Generalsekretær: Kai Roger Vatne Tlf. 24 14 11 12, kai.roger@ungdomslag.no Informasjonsrådgjevar: Guro Redalen guro@ungdomslag.no Kulturrådgjevar: Inger Johanne Ruset inger.johanne@ungdomslag.no Kulturrådgjevar: Tora Skavhaug Vik Tlf: 24 14 11 14 tora@ungdomslag.no Kulturrådgjevar: Solveig Brekke Hauknes Tlf.: 24 14 11 15, solveig@ungdomslag.no Organisasjonskonsulent: Alf Steinar Nekstad, Tlf.: 24 14 11 16 alf.steinar@ungdomslag.no Kontonummer: 8101 07 00027 Organisasjonsnummer: 939 550 550 www.ungdomslag.no facebook.com/noregsungdomslag instagram.com/ungdomslag Stoffrist neste Ungdom: 14. februar

2 UNGDOM 04/2019

EIT BRA NYTT ÅR?

D

u sit no med årets siste nummer av Ungdom i handa, og i slike numre plar ein vel sjå attende på året som har gått. Fortelje om kva som hende, og trekke fram ei solskinshistorie eller to.

Det er kjekt å mimre attende til det fine som har hendt, og i ungdomslaga er me gode til nettopp det. Å sjå attende på soga vår. Det finst nok knapt noko rørsle her til lands med like mange jubileumsbøker som vår! Og det er eigentleg litt ironisk. For det frilyndte grunnsynet vårt fortel oss vel mest at me burde sjå framover, og ikkje dvele ved det gamle?

Så no skal eg sjå framover. Framover mot året som kjem.

2020 trur eg blir eit bra år. Ikkje fordi me har fått noko signal frå regjeringa om at me får nye millionløyvingar, for det har me slett ikkje fått. Heller ikkje fordi det renn inn med nye medlemmar. Men fordi eg stadig oftare møter på ein positiv og optimistisk stemning i møte med medlemmar og tillitsvalde. Positivitet og optimisme smittar.

Det er lett å sjølv ville bli med og ta tak når ein møter positive folk som snakkar opp det dei driv med.

2020 trur eg blir eit bra år. Eit år der stadig nye folk blir invitert med i aktiviteten i ungdoms-laget. Der fleire av dei gamle travarane ser seg om, og ser alt det bra som skjer rundt dei. Eit år der fleire unge blir løfta fram av dei gamle, og gitt rom og støtte til å drive yndlingsaktiviteten sin. Og til å vere med å styre laget. Eit år der kreativiteten og galskapen får råde.

2020 trur eg blir eit bra år. Eit år der me kan sjå framover, og glede oss over det me får til i lag. På tvers av generasjonar, aktivitet, og andre rare skilje som blir sete mellom folk.

Eit år der alle i NU tenkjer at «no går det bra!». For då blir det eit bra år. Når me vil det alle saman. Og seier det til kvarandre.

2020 blir eit bra år.

GOD JUL!

INNHALD

Styret og kontoret i Noregs Ungdomslag ønskjer dykk alle ei god jul, og ser fram til eit nytt år med arbeid for ein levande lokalkultur!

4 Kven veit? 2020 6 Os Ungdomslag i 130 10 Gjesteinstruktør i Bodø folkedanslag 11 Audhild Flakttveit Moxnes

minnepris 2019 12 Notisar 14 Landsrådsmøte 16 Statsbudsjettet 17 Tips dansearrangement 18 Medlemsfordelar 21 Landsmøte 2020 22 Kulturarrangementet

Utflytt Døl 24 Sommarleiren 2020

PS: Visste du at Musevisa eigentleg er ein reinlender?

Har du tilgang til Spotify kan du søkje opp spelelista til Folkepedia med mykje god julemusikk som du både kan danse til og syngje med på.

3 UNGDOM 04/2019

Ryggdetaljar frå Tinnstakk og beltestakk frå Telemark.

KVEN VEIT?

KLAR FOR KUNNSKAPSTEVLINGA

Kven veit?

TEKST: GURO REDALEN FOTO: ANNE-MARTE FØR

Bli med og bryn deg mot NU sine skarpaste skallar i kunnskapstevlinga Kven veit? I 2020 er tevlingstemaet bunad.

Gjennom tre tevlingsrundar svarar deltakargruppene på allmennkunnskap om til dømes politikk, kultur, sport, underhalding og det som er temaet for tevlinga.

Deltakarlaga får i god tid før tevlinga startar, tilsendt studiemateriell om temaet for årets tevling. I studiemateriellet vil de få lese artiklar knytt til temaet.

4 UNGDOM 04/2019

Kven Veit? er både eit opplegg for studiering og ei kunnskapstevling, og laget kan søkje studiestøtte frå Studieforbundet kultur og tradisjon.

Det blir dessverre ikkje ei eiga tevling for junior i år.

DELTAKARAVGIFT Deltakaravgifta er kroner 450 for kvar gruppe i tillegg til kroner 65 per studiehefte. Vi gir rabatt til lag med mange grupper. Deltakaravgifta er frå og med fjerde gruppa kroner 300.

VIKTIGE DATOAR: Påmeldingsfrist 15. januar 1. tevlingsrunde veke 7 (februar) 2. tevlingsrunde veke 11 (mars) 3. tevlingsrunde veke 14 (mars/april) Kåring av vinnar: 25. april (landsmøte til NU) På heimesida vår, www.ungdomslag.no, finn du påmeldingsskjema og meir om reglane for tevlinga.

KVEN VEIT?

d.

Bunad frå Sigdal-Eggedal-Krødshera

Beltestakk frå Seljord og rekonstruert herre bunad frå Østerdalen.

Varm opp til tevlinga med nokre spørsmål frå Kven Veit? 2019: 1. I kva fjellområde var det Aasmund O. Vinje såg ”atter slike fjell og dalar” 2. Kva jubileum feira Den Norske Turistforening i 2018?

3. Kva frukt eller bær skal det vere i desserten trollkrem?

I BØKER OG EVENTYR 1. I kva folkeeventyr møter vi katten Korse?

2. Kven har skrive bokserien som blir kalla Napoli-kvartetten?

3. Kven i eventyret klarar å trille frå kone krone, gamlefar´n, sju skrikerunger, mann brann, høne pøne, hane pane, ande vande, gåse våse og gasse vasse, men blir til slutt eten av gylte grisesylte?

3

4

5

BLANDA

??

1. Kor gammal må ein bil vere før vi kan kalle han veteranbil?

2. Kva er ein zeppelin?

3. Han er blant anna kjent for songen ”Du fortjenar ein som meg”, men kva heiter låtskrivaren frå Geilo?

?

PELS

1. Kva statleg etat kontrollerer pelsdyrnæringa?

2. Frå kva dyr får vi pelsverket hermelin?

3. Samiske skallar er av reinsdyrskinn og tradisjonelt bruka om vinteren. Kvar på kroppen tek du dei på?

VERDSROMMET 1. Kven var om bord i raketten Sputnik 2?

2. Var Juri Gagarin ein kosmonaut eller ein astronaut?

3. Kva planet ligg nærast sola i solsystemet vårt?

Fasit

1. Hunden Laika 2. Kosmonaut. Dei russiske romfararane vart kalla kosmonautar, dei amerikanske astronautar. 3. Merkur 1. Mattilsynet 2. Røyskatt 3. På føtene, det er vinterfottøy

4

1. 30 år 2. Eit luftskip 3. Daniel Kvammen (begge namn må med for 1 poeng, ½ for berre eit av namna riktig)

3

1. ”Reveenka” 2. Elena Farrente (begge namn må med for 1 poeng, ½ for berre eit av namna riktig) 3. Pannekaka

2

1. Rondane (eller Rundarne) 2. 150 år 3. Tyttebær

1

2

UT I NATUREN

5

1

5 UNGDOM 04/2019

OS UNGDOMSLAG

Hausten 2019 dansa ungdomslaget til musikk frå spelemannslaget på opninga av Bunadbonanza, ei utstilling av bunader og ei serie med foredrag om dei einskilde delane i ein bunad.

OS UNGDOMSLAG I 130 ÅR I 2020 feirar Os Ungdomslag i Hordaland 130 år. Vi er med det eldre enn Noregs Ungdomslag.

Frå 1.1.2020 vert Os ein del av Bjørnafjorden kommune i Vestland fylke. Då veit de kvar i landet Os Ungdomslag heldt til.

TEKST: HILDEGUN K HAUGE, SKRIVAR OSUL

Vår historie femnar vidt. Laget vart starta av lærarar ved amtskulen som den gongen var i Os. «Då desse lærarane reiste frå Os, var ikkje laget sterkt nok til å stå på eigne bein. Det vart gjort nokre spreidde forsøk på å få laget i gang att, men utan at det varde lenge.» (Sitat frå Bygdesoga for Os).

I 1916 vart laget vekt til live igjen då sokneprest Åmot kom med forslag om å skipa ungdomslag. Laget vart skipa ein sundagskveld i Fjellheim. Sokneprest Åmot vart den første formannen. Laget fekk god oppslutning, og

6 UNGDOM 04/2019

medlemstalet heldt seg stabilt i mange år kring 150. Mellom dei mange og varierte aktivitetane kom lagsavisa «Osingen» tidleg i gang.

Frå 1916 fekk ungdomane i laget nytte ei gamal, nedlagt sæter i fjella i Os. Denne vart sentral i ungdomslaget sitt arbeid og er det enno. I åra 1936 – 39 vart sæterhuset demontert, grunnen vart utbetra og huset sett oppat på same plassen. Det er ein klausul som seier at huset ikkje må flyttast. Denne klausulen er meir forståeleg når vi veit at det

i eldre tider var vanleg å flytte hus. Det hende at folk demonterte og tok med seg huset når dei flytta. Andre hus vart seld og flytta av den grunn. Lafta hus er enklare å demontere og remontere enn dei moderne husa vi har no.

Då huset vart bygd opp att, fekk vi loft med plass til mange overnattingsgjestar. Det vart òg bygd eit lite kjøken.

I dei fyrste åra dreiv laget fleire aktivitetar som revy, folkedansgrupper o.l. I mellomkrigstida bygde ungdomslaget Os Folkebad som var open to dagar i veka; ein dag

OS UNGDOMSLAG

Huset på Steindalsætra blei bygd i 1813. Og 200-års jubileum vart feira i 2013.

for kvinner og ein for menn. Det vart ei økonomisk bekymring, og laget la til slutt ned folkebadet. Vi har aldri hatt eige ungdomshus, men vi har nytta Fjellheim som var eigd av idrettslaget Os Turn og Os Musikkforeining. Fjellheim står enno - på ein sentral plass ved kommunesenteret Osøyro - men det vart stengt i 2011 då kommunen fekk kunst- og kultursenteret Oseana.

Ungdomslagsarbeidet har gjennom tidene hatt ymse vilkår. I okkupasjonsåra vart alt arbeid som femna norsk kultur forbode eller sterkt redusert. Os Ungdomslag drog då til sæters og hadde eit avbrekk frå den deprimerande og krevjande kvardagen nede i bygdo. På Steindalsætra kunne dei dansa

og syngja og vera vanleg , norsk ungdom for ei stund. Hytta – som vi gjerne kallar sætra i dag – var aldri fast gøymestad for motstandsarbeidet, men den husa folk som trong ly ei kort stund på vegen. Okkupasjonsmakta fann aldri Steindalsætra, men dei var ganske nære. Vi har ei historie om eit møte mellom tyske soldatar og gutungar som låg i skjul med familiane sine på sætra våren 1940. Dei var tre familiar som evakuerte frå Osøyro i aprildagane og vart buande på sætra heile våren. Møtet mellom gutungane og soldatane fann stad på Midtseter som er ei lita grend med fastbuande på 3-4 gardar.

Vi har historia frå systera til ein av gutungane. Midtseter ligg berre 20 minutt gange frå Steindalsætra.

Vi var heldige i OSUL då ekteparet Ålaug og Kåre Herdlevær flytta til Os og vart sentrale lagsmedlemar i ungdomslaget.

For sitt arbeid for norsk folkedans fekk dei i 2009 medaljar; Kongens Fortjenstmedalje. Kåre var mellom anna general for Nordleik i Bergen i 1988, Ålaug leia barneleikarringen i mange år. Dette vart ein ny gullalder for Os Ungdomslag som talde meir enn 100 lagsmedlemar i desse gode åra.

I tillegg til å driva med norsk folkedans, teater, barnelag og vanleg lagsarbeid, etablerte vi kontakt med lag i andre land.

Barnelaget og leikarringen var på utanlandstur, og vi fekk besøk av folkedanslag frå fleire land. På 1990-talet fekk Os kom-

7 UNGDOM 04/2019

OS UNGDOMSLAG

Os Ungdomslagog Os Spelemannslag samarbeider tett og har nokre felles øvingar i semesteret.

mune spørsmål frå Söderhamn kommun i Halsingland i Sverige om dei kunne vere venskapskommunar. Dette svara Os kommune ja til. Då fekk Os Ungdomslag vener i Ödmården Folkdanslag. Svenskane var på besøk hjå oss, og vi var på besøk hjå dei.

OSUL drog i austerleid i juli 1991. Vi var ein god gjeng med store og små, og vår faste spelemann Arne Halveg var òg med – med kone og dotter. Vi var pauseinnslag på Hälsingehambon det året. Hälsingehambon er ei «maratonkonkurranse» som krev god kondis og god hambotakt og -stil om paret vil nå finalen. Dei tre etappane som alle dansar går på grasunderlag, idrettsbane og asfalt.

Dei som når finalen får danse på treplatting,

8 UNGDOM 04/2019

sikkert ei lise for trøytte føter… Vi fekk gode vener i Ödmården, og nokre av oss har framleis kontakt. Hausten 1996 fekk vi besøk av hamboinstruktørar frå Ödmården.

Vi hadde ei helg med intensivkurs i dansen, og i åra etter freista vi halde kunnskapen ved like med hambotrening på våre faste tysdagar i Fjellheim. Vi hadde også helgekurs i tango med instruktør frå Bergen. Eit par i laget vårt skreiv ned instruksjonar for tangoen og trente med oss på tysdagane. Arne Halveg var framleis vår faste spelemann. Kåre og Ålaug Herdlevær hadde vi òg med oss så lenge dei kunne danse. Polskurs var òg ein aktivitet tidleg på 1990-talet.

Tidene endrar seg og vi vart færre i laget vårt. Barnelaget mangla etterkvart leiarar og tok pause. Underteikna fekk med seg nye krefter som flytta til bygdo, og vi klarte å blåse nytt liv i barnelaget ei kort stund. Vår faste spelemann drog på åra og trappa ned.

Leikarringen stod då utan fast spelemann.

Nokre av våre dansarar tok opp hardingfelene og byrja spele. Dette vart opptakten til gjenoppliving av Os Spelemannslag der Arne Halveg var einaste attverande spelemann. Dei var då 3 på hardingfele og ein på trekkspel.

Lagsarbeidet i åra som følgde vart meir og meir retta mot lagshytta Steidalsætra. Vi hadde dugnadar og sommarfest. Tradisjonen med grautfest før jul nedi bygdo heldt vi òg

OS UNGDOMSLAG

Jimmy Øvredal fortel til eit lydhør publikum.

Steindalssætra er og i bruk vinterstid.

liv i. Os Spelemannslag var alltid med. Dei har vakse seg sterke og tel i dag rundt 15 medlemmer. Dei har hardingfeler og komp som består av trekkspel, gitar og bass - og stundom slåttetromme.

Huset på Steindalsætra blei bygd i 1813, og i mai 2013 feira vi 200 års jubileum. Då var det spel og dans, song og opplesing på programmet. Betasuppe og kaffimat stod på menyen. Fjordingen Sissel var populær for born og vaksne. Mange fekk tur på hesteryggen på sætervollen.

Gjennom vanskelege år for Os Ungdomslag har vi klart å overleve på sparebluss. Ny leiar

i laget fekk vi i 2017. Han har hatt mange idear, og optimismen rår. Einskilde aktivitetar tek tid å få igang. Vi arbeider med å få liv i barnelaget att. No har vi faste øvingar i leikarringen for vaksne ein tysdag i månaden. Vi har fått nye medlemmer og medlemmer som har hatt pause er komen attende. Os Ungdomslag og Os Spelemannslag samarbeider tett og har nokre fellesøvingar i semesteret.

Hausten 2019 dansa ungdomslaget til musikk frå spelemannslaget på opninga av Bunadbonanza, ei utstilling av bunader og ei serie med foredrag om dei einskilde delane i ein bunad. Utstillinga er i Oseana, kunst- og kulturhuset i Os kommune. Opninga var 2. november. Utstillinga er komen i stand i høve

samanslåinga av Os og Fusa til Bjørnafjorden kommune og viser bunadstradisjonar i dette området. Utstillinga varar til 5. januar 2020.

130 åringen Os Ungdomslag går inn i jubileumsåret med optimisme og von for framtida. Vi er i gong med planlegginga av året. Festnemda er på plass, vi har sett dato for jubileumsfesten og jobbar med gjestelista.

Vi vonar og å få til eit jubileumshefte med litt om laget si historia.

Er vi heldige, vil Os Ungdomslag leve i minst 130 nye år.

9 UNGDOM 04/2019

GJESTEINSTRUKTØR

KURS I BINGSJØPOLSKA OG SLENGPOLSKA FRÅ SØDERMANNLAND Helga 25. -27. oktober arrangerte Bodø Folkedanslag kurs i Bingsjøpolska og Slengpolska frå Sødermannland.

Kurset ble avholdt i kultursal Lofoten på Tusenhjemmet. Vi var så heldig å få Karl Petter Johannson som instruktør. Han gjorde en grundig jobb med masse stegtrening og rytmetrening. Kurset kom i stand ved hjelp av gjesteinstruktørordninga til Noregs Ungdomslag.

TEKST: IVAR J. MIKALSEN, BODØ FOLKEDANSLAG

Vi startet fredag kveld, fortsatte på lørdag og søndag. Det var 40 danseglade og lærevillige som deltok på kurset. Det ble også en sosial sammenkomst på lørdagskvelden med dugnadsspill og dans. Vår faste spillemann Tor Aage Johansen var spillemann på kurset.

Han liker å spille Polska, så vi blir å øve mye på polskadans fremover. Ingebjørg Vestrum var også innom og spilte fele. Karl Petter fikk en liten sightseeing i Bodø før flyturen tilbake til Trondheim.

10 UNGDOM 04/2019

MINNEPRIS 2019

Audhild Flaktveit Moxnes

SIN MINNEPRIS 2019

AUDHILD FLAKTVEIT MOXNES SIN MINNEPRIS 2019 blei tildelt 18 år gamle Tori Helgheim Grung frå Bergen. Prisen er på kr 15 000,- og vart delt ut på Vestlandskappleiken 2019 i Opera-huset Nordfjord laurdag 19. oktober.

Tori er ein dyktig hardingfeleutøvar, ho er aktiv både i folkemusikk- og folkedansmiljøet i Bergen. Ho har gått, – og går i Kulturskolen i Bergen og i Bergen Juniorspelemannslag. Ho kan visa til gode resultat på Hordamønstring, Vestlandskappleik og Landskappleik – både i solospel, gruppespel og lagspel!

Prisvinnaren starta å spele hardingfele då ho var 8 år. Som lærarar har ho hatt Elna Føleide Selle og Maria Toppe. Ved Kulturskolen i Bergen har ho hatt utvida undervisningstid ved å delta på fordjupingsprogrammet ved Kulturskolen. I Bergen Juniorspelemannslag er ho med i ei samspelsgruppe for dei eldste elevane der. I tillegg spelar ho ofte til dans på øvingane til Barnelaget i Bergen ungdomslag Ervingen. Ho er godt forankra i dansespelet og spelar med god dansesnert.

Som deltakar i samspel for dei eldste elevane i Bergen Juniorspelemannslag har ho vist stort engasjement. Ho har god kontroll på både slåttar, andrestemmer og arrangement på slåttane. Ho har hatt ei spesiell fin utvikling i å skape variasjonar i spelet sitt. I tillegg er ho merksam på samspel, og kva som skal til for at det skal bli best mulig.

Prisvinnaren er eit fint forbilde for dei yngre barna i ungdomslaget, både dansarar og felespelarar. Ho tar seg tid til dei og motiverer dei til å vera med. I tillegg vil ein bemerka at Tori viser, med si allsidige bruk av folkemusikken, at dansespel, konserter, samspel, rekruttering og kurs er viktige sider ved folkemusikken!

det ikkje slik då Tori i år er på utveksling til Argentina, der ho studerer folkemusikk, og hardingfela har ho med. Det vil i staden bli lest opp ei takkehelsing frå Tori.

Formålet med minneprisen er å oppmuntre unge lovande utøvarar på hardingfele frå Vestlandet. Prisen er etablert til minne om Audhild Flaktveit Moxnes som var aktiv utøvar på hardingfele og dansa folkedans.

Audhild omkom i ei trafikkulukke i Bergen 19. mars 2004, berre 17 år gamal.

Prisen er støtta av Sparebanken Vest og har vore delt ut årleg sidan 2007. Inga Hilde Breivik har laga diplomet som høyrer til minneprisen. I styret for minneprisen sit: Arne Anderdal, Solgunn M. Flaktveit, Sigrid Moldestad og Eva Marie Toppe.

Det har vore vanleg at prisvinnaren har spelt ein slått etter utdelinga. Denne gongen blir

11 UNGDOM 04/2019

FORTEL OSS KVA SOM SKJER!

NYTT FRÅ BYGDA DANSAR

Lokallaga i Noregs Ungdomslag engasjerer seg i smått og stort, og driv med alt frå bygdekino og diskotek til bokbinding og sylting. Kva enn laget ditt er oppteke av – vi vil gjerne få vite meir om det! Ikkje nøl med å sende oss bilde, tekst og eller lenker til arrangement og hjartesaker de jobbar med lokalt. Medlemsbladet Ungdom som kjem i postkassa primo mars, har stoffrist 14. februar, og vi tek svært gjerne imot bidrag til post@ungdomslag.no om det som har vore, og det som er under planlegging.

I haust starta Bygda Dansar i Hordaland som nytt prosjekt.

Prosjektet skal gå over tre år, og er ei gåve til folkedansen og folkemusikken i området. Kanskje du veit om nokon som vil vere med på prosjektet? Sjekk ut www.bygdadansar.no.

I Bygda Dansar Troms gjer dei ein ny vri og lagar dansefilm i staden for danseførestilling. Følg med utover våren for å få eit glimt av dansande ungdom frå nord.

VIKTIGE DATOAR 2020 • 18.-19. januar: Instruktørkurs Fordjuping i pardans (Skjetten) • 31. januar - 2. februar: Grunnleggande instruktørkurs (Stavanger) • 31. januar - 2. februar: Storkurs (Stavanger) • 1. mars: Påmelding til Sommarleiren opnar • 1. mars: Søknadsfrist Musikkutstyrsordninga • 15. mars: Søknadsfrist Rådet for folkemusikk og folkedans, prosjektmidlar • 15. april: Frist for å levere årsrapport • 17.-19. april: Barnestemne (Harstad) • 24.-26. april: NU-helg med landsmøte, instruktørkurs, seminar og fest (Oslo) • 1. mai: Søknadsfrist gjesteinstruktørordninga (kurs juli-desember) • 20. mai: Påmeldingsfrist Sommarleiren • 30. juni - 5. juli: Sommarleiren (Trøndertun FHS, Melhus) • 15.-19. juli: BARNLEK (Mölnlycke, Sverige) • 15. august: Søknadsfrist momskomp.

• 1. september: Søknadsfrist Frifond • 2. september: Søknadsfrist Musikkutstyrsordninga • 1. oktober: Søknadsfrist Rådet for folkemusikk og folkedans, prosjektmidlar • 1. november: Søknadsfrist gjesteinstruktørordninga (kurs januar-juni 2021) • 15. desember: Søknadsfrist KOMP (Norsk musikkråd)

INSTRUKTØRKURS VÅREN 2020 Kva med å starte 2020 med ny inspirasjon, fagleg påfyll og motivasjon for det komande danseåret? Meld deg på instruktørkurs i dans allereie no, og du er sikra ein givande start på 2020.

Fordjup deg i pardansen 18.-19. januar vert det instruktørkurs med fordjuping i pardans.

Instruktør er Vegar Vårdal og kurset finn stad i Skjetten (Lillestrøm) i samband med det årlege SAFFA-kurset. På kurset vil me jobbe med å få pardansen til å fungere godt for kvar enkelt, og få det til å bli bra å danse med nær sagt kven som helst.

Instruktørkurset skipast i samarbeid med Eidsiva fylkeslag, Bygdelagssamskipnaden og SAFFA. Påmeldingsfrist 3. januar: www.deltager.no/instruktorkurs_fordjuping_pardans Korleis skapa eit godt dansemiljø 31. januar-2. februar vert det skipa grunnleggande instruktørkurs i Stavanger. Dette instruktørkurset har eit ekstra fokus på korleis skapa eit godt miljø. Instruktørar er Anbjørg Myhra Bergwitz og Audun Grüner-Hegge i tillegg til Tuva Færden som musikar. Anbjørg og Audun kjem til å dele mange tips og triks om korleis dei sjølv har bygd opp eit solid sosialt dansemiljø i Leikarringen i BUL Oslo dei siste åra.

Kurset finn stad på Storkurset i Stavanger og er eit samarbeid med Rogaland Ungdomslag.

Påmeldingsfrist 16. januar: www.deltager.no/grunnleggande_instruktorkurs_stavanger

12 UNGDOM 04/2019

SANGSKATTER – ALLSANG FOR VOKSNE For nokre år sidan arrangerte Sogn og fjordane-ringen og Bærum Spellmannslag kombikurs med spel og dans på Christiania Spigerverks feriehjem, Enebakk, i fleire år. Om kveldane vart det mykje allsong. Inspirert av dette gjekk Anne-Tove Rud, Sogn og fjordaneringen, og Einar Vestrheim, Bærum Spellmannslag og Hardinglaget, saman for å laga ei songbok med masse populære songar som høver til allsong. Resultatet har vorte eit kreativt verk der det utanom 366 songar er 14 nye, morosame potpurriar, samt 30 kanoar. Dessutan er det bakgrunnsinfo om songane, rytmenotar for komp, og ei kort og systematisk innføring i musikkteori. I tillegg er det og opplegg og idéar for quiz og musikkonkurransar. Boka er vakkert illustrert av protrettmålar Anita Olofsson, og kan tingast direkte frå SyngiveiForlag.no, eller gjennom BLS.

Sangskatter Allsang for voksne

NORDLEK 2021 NORSKE SAMDANSAR PÅ DET HISTORISKE BALLET 20.-25. juli 2021 er det klart for nytt NORDLEK-stemne. Denne gongen vert stemnet i Tammerfors i Finland. Det vil kome meir informasjon om stemnet så snart det er klart, men i mellomtida kan du læra deg dei norske samdansane til det historiske ballet som skal vera i Tammerfors i 2021. Dei norske samdansane til ballet er: • Fransese • Pas d’Espagne • Menuetpolonaise • Feier etter S.H. Walcke 1802

Foto: Ingvil Skeie Ljones

BARNLEK 2020 NORSK SAMDANSPROGRAM 15.-19. juli vert det skipa til BARNLEK i Mölnlycke i Sverige.

BARNLEK er eit stort nordisk barnestemne der ein dansar og spelar i nesten ei heil veke. Stemnet er for barn i alderen 8-16 år.

Fram til Barnlek tek til kan du øve på det norskesamdansprogrammet for stemnet, som består av desse fire dansane: Seksmannsril, Sorte ormen, Halling og Klappdans.

Seksmannsril, Sorte ormen og Halling kan du læra deg på www.folkepedia.no. Skildring av klappdans finn du på side 296 i ”Norske folkedansar: Turdansar” (raud bok).

Påmeldinga til BARNLEK er opna, og ein melder seg på som gruppe via eit elektronisk påmeldingsskjema. Instruks om korleis ein går fram finn du på arrangøren si heimeside. Stemneavgifta er 2000 SEK, i tillegg kjem kostnad for overnatting, reise og mat. Siste frist for påmelding er 15. mars. Sjå meir info både på ungdomslag.no og på barnlek2020.se. Me håpar mange lag ynskjer å vere med til Mölnlycke til sommaren. Gi gjerne beskjed til NU-kontoret om de planleggar å reise, så har me muligheit til å følge dykk opp.

Dansebeskrivingar finn du i boka “Norske folkedansar: Turdansar” og i “Samværsdansen i Christiania på 1800-tallet”.

SOLURET FRÅ SKJENNUNGSTUA Permanent plass på Hundorp I 1960 gav Dale-Gudbrand, laget for «eldre dølar» i Oslo, eit solur til Skjennungstua, lagseigedomen til Gudbrandsdalslaget i Oslo. Ein markerte da 10-årsjubileet for Dale-Gudbrand og 40-årsjubileet for Gudbrandsdalslaget. Soluret vart laga av ingeniør Otto Imset, som seinare var formann i Dale-Gudbrand. Soluret skal vere det første som viser både klokkeslett og dato, og har elles andre tekniske finessar. Soluret på Skjennungstua var bakgrunnen for at Otto Imset fekk oppdraget med å lage det store soluret i Vigelandsanlegget i Oslo.

Da Gudbrandsdalslaget selde Skjennungstua i 1992 vart soluret teke ned. Nå har det fått permanent plass på Hundorp, i samarbeid mellom grunneigar Rasmus Stauri, Gudbrandsdalsmusea, Pilegrimssenter Dale-Gudbrands Gard og Stiftinga G-Kultur.

13 UNGDOM 04/2019

LANDSRÅDSMØTET 2019

sprogrammet for Styremedlem Anette Figenschou heldt presentasjon om arbeid mmet 2021-22 2019-2020, og sette i gang diskusjonar om kva arbeidsprogra sprogrammet? arbeid nde novera det i står bør innehalde. Lurer du på kva som ment/ gsdoku Sjå http://www.ungdomslag.no/om-oss/styrin

Når ein set på harde konferansestolar dagen lang, er det fint å få strekt seg litt i blant. Her med kyndig instruksjon av NRK-klippet «Trim for eldre med Valborg Hagfeldt» frå 1981. Videoen ligg ute på YouTube, og er absolutt å anbefale!

GLIMT FRÅ LANDSRÅDSMØTET 2019 Noregs Ungdomslag sitt 125-årsjubileum og arbeidsprogrammet for 2021-22 var ein av sakene då representantar frå fylkeslaga møttest til landsrådsmøte i Oslo oktober.

TEKST OG FOTO: INGER JOHANNE RUSET

14 UNGDOM 04/2019

LANDSRÅDSMØTET 2019

Djup konsentrasjon under idémyldringa for måtar å feire 125jubileet til Noregs Ungdomslag i 2021. Blant forslaga som kom inn er eit brettspel ala Millionær kor du kan kjøpe ungdomshus og bondeheimar, men må stå over ein runde fordi du hamna utpå ein heidundrande stordanskveld. Til vurdering!

Le iar i Trom s Ungd om sfy lking , Od dv ar V. Eriksen, fortalde litt om aktiviteten i fylkeslag et.

Han kunne blant anna avsløre at det blir barn estemne i Harstad 17.-1 9. april i samarbeid me d Nordland Ungdomsfy lking.

Innspela frå gruppediskusjonane blir teke med i det vidare arbeidet i styret og sekretariatet fram mot landsmøtet. På bildet frå venstre ser du kulturrådgjevar Tora Skavhaug Vik og generalsekreter Kai Roger Vatne gå gjennom innspela saman med leiar Torbjørn Lauen og kulturådgjevar Solveig Brekke Hauknes.

15 UNGDOM 04/2019

STATSBUDSJETTET

Frå venstre: Generalsekretær Kai Roger Vatne og leiar Torbjørn Lauen var på høyring i kulturkomiteen i slutten av oktober for å gje innspel på forslaget til statsbudsjettet.

Venterommet til stortingshøyringane er ein fin arena for nettverksbygging. Der kan ein følgje med på kva som skjer inne i høyringsalen, og samtidig høyre kva andre organisasjonar vil legge vekt på i sine innspel. På skjermen bak er Kristin Ørmen Johnsen (H), noverande leiar i kulturkomiteen.

Om budsjettkampen for 2020 Etter at kulturmeldinga og frivilligheitsmeldinga kom i fjor, har frivillige kulturorganisasjonar som Noregs Ungdomslag sett fram til korleis ambisjonane frå meldingane ville slå ut på statsbudsjettet for 2020.

TEKST OG FOTO: INGER JOHANNE RUSET

Det var godt å sjå at regjeringa følgde sitt eige forslag til opptrappingsplan om momskompensasjon til frivillige organisasjonar. Per i dag må alle frivillige lag og organisasjonar betale moms på kjøp av varer og tenester, men vert delvis kompensert for momsutlegga mot slutten av driftsåret. Problemet er at ein på førehand ikkje veit kor stor kompensasjonen blir, noko som gjer det svært utfordrande med god økonomistyring. Det er derfor ei felles kampsak for alle frivillige organisasjonar å få rettsfesta full momskompensasjon.

• Les meir om kampen for full, rettsfesta momskompensasjon på nettsidene til Frivillighet Norge: https://www.frivillighetnorge.no/no/frivillighetspolitikk/momskompensasjon/

16 UNGDOM 04/2019

I det opphavelege budsjettforslaget låg det inne ein auke på 92,5 millionar ein samla pott på 1,7 milliardar kroner. Heilt klart eit steg i rett retning, så vi vart derfor overraska og skuffa då regjeringa i revidert budsjett likevel valte å kutte auken med 15 millionar.

Dei politiske partia ser ut til å vere einige om att det er rett å fjerne moms på dugnad, men til sjuande og sist sit det langt inne å skulle legge pengane på bordet.

I tillegg til momskompensasjon, er vaksenopplæringsmidlar ei budsjettsak vi i Noregs Ungdomslag følgjer tett med på. Til dømes går det knapt eitt år utan at vaksenopplæringsmidlane vert truga med kuttforslag, og 2020-budsjettet var ikkje noko unntak.

I forslaget til statsbudsjett for 2020 ville regjeringa kutte ti millionar kroner frå den

populære ordninga som blant anna lokallaga i Noregs Ungdomslag er flittige brukarar av. Det er ikkje mykje ein får per kurs, men det er ei enkel og genial ordning som hjelper lokallaga med å skaffe materiell og instruktørar til ein sosial, uformell læringsarena som løfter enkeltindivida og lokalsamfunna dei er ein del av.

Heldigvis er politikarane og partia tidvis lydhøyre når vi kjemper for saker som er viktige for aktiviteten i organisasjonen. Etter samla protestar frå fleire organisasjonar i fleire høyringsinstansar, vart forslaget til slutt kutta.

• Søk enkelt om kursmidlar til lokallaget ditt via Studieforbundet kultur og tradisjon: https://www.kulturogtradisjon.no

TIPS OG TRIKS

TIPS OG TRIKS OM DANSEARRANGEMENT (OG ANDRE) • Treng ein gjere alt sjølv, eller er det nokon de kan samarbeide med i lokalmiljøet, frivillige eller institusjonar?

• Lyttar de til publikum og deltakarar?

Kanskje de kan ha ei evaluering for å finne ut kva publikum eigentleg vil ha meir eller mindre av.

• Variasjon, mangfald og inkludering. Kva gjer de for å ta vare på dei som kjem inn som nye på ei danseøving, på eit kurs eller på ein fest? Byr de dei opp, pratar de med dei, ynskjer de dei velkomen attende neste gong? Kanskje ein byttedans er ein meir inkluderande dans enn ein springar?

• Marknadsføring løyser seg ikkje sjølv med ein plakat eller ei hending på Facebook.

Målgruppa må byggast over tid og ulike

•

målgrupper treng tilpassa informasjon i ulike kanalar. Eit av dei viktigaste tipsa er å skape innhald med personlegdom som heng i saman med det arrangementet de ynskjer publikum til. Ein kan heller ikkje vente å få publikum på eigne arrangement dersom ein aldri møter opp på andre sine arrangement. Framsnakk arrangementa andre har, del, lik, kommenter og fortel kva som er bra, sei ja til å hjelpe som frivillig, møt opp når det skjer noko, ver synleg og bygg nettverk. Saman kan me gjera kvarandre gode.

Sjekk ut om de kan få til avtalar med lokalavisa eller lokalradioen for å få merksemd kring arrangementa dykkar, kanskje mot eit lite vederlag.

• Start planlegginga i god tid, involver heile laget i prosessen og sørg for å ha god infor masjonsflyt til alle involverte. Ikkje ver redd for å gje nye personar utan erfaring ansvar.

• Stå på krava om at du som får vaksen opplæringsmidlar skal få låne offentlege undervisningslokale gratis (Studiefor bundet kan hjelpe deg med dette).

• Treng du hjelp til å kome i gang, til å finne rett person å prate med eller til å finne ut kor du kan søke stønad, hugs at du kan ta kontakt med NU-kontoret. Eller du kan få fylkeslaget ditt til å hjelpe deg.

Då er det berre å setje i gang. Lukke til, og spør for all del om hjelp!

17 UNGDOM 04/2019

MEDLEMSFORDELAR

Skader som skjer under lagsaktivitet kan forsikrast gjennom NU.

MEDLEMSFORDEL: FORSIKRING Tryggleik er ein sentral del av arbeidet vi gjer i NU. For å sikre at lagsverksemda blir best mogleg ivareteken er det viktig å ha gode forsikringsavtalar på plass. NU og lag i NU med lagshus kan få gode forsikringsordningar gjennom KNIF-forsikring. Nedanfor følgjer eit oversyn over forsikringsfordelane ein kan dra nytte av gjennom NU. ANSVARSFORSIKRING:

ULUKKESFORSIKRING:

Ansvarsforsikringa til Noregs Ungdomslag omfattar verksemdene til alle ungdomslaga i NU. Forsikringa dekkjer det juridiske ansvaret som eit ungdomslag kan få som følgje av skade på personar eller ting.

Forsikringa dekkjer erstatningskrav inntil 10 millionar kroner.

NU har òg teikna ei kollektiv ulykkesforsikring sentralt. Denne forsikringa dekkjer sommarleiren, tillitsfolksamlingar og sentrale kurs i regi av NU. Ungdomslag i NU kan teikne eiga kollektiv ulykkesforsikring for medlemmene sine. Denne forsikringa vil gi erstatning ved død eller invaliditet som følgje av ulykker på arrange-

18 UNGDOM 04/2019

ment i regi av Ungdomslaget. Forsikringa gir inntil 5 millionar kroner ved medisinsk invaliditet, 1 million kroner ved død og den dekkjer behandlingsutgifter inntil 500.000 kroner.

BYGNINGSFORSIKRING: Denne forsikringa dekkjer ungdomshus og forsamlingshus med inventar. Denne

MEDLEMSFORDELAR

Alle foto: Anne-Marte Før

forsikringa gjeld berre for medlemslag i NU. Kravet om 50 prosent eigarskap er fjerna dersom det er ideelle organisasjonar eller grupper i lokalbefolkninga som er medeigarar. Forsikringa dekkjer brannog vasskader, innbrotstjuveri, husleigetap, huseigaransvar og naturskade

FORSIKRING AV LAGSFANE: Lagsfaner kan forsikrast under verdigjenstandsforsikringa. Forsikringa dekker skade ved plutseleg eller uføresett ytre årsak som råkar lagsfana.

FORSIKRING AV BUNAD: Enkeltmedlemer av Ungdomslaget har òg høve til å teikne privat bunadsforsikring.

Denne forsikringa dekkjer skader på bunaden som skjer ved plutseleg og uføresett ytre påverknad.

PRIVATE FORSIKRINGAR FOR MEDLEMMER:

Les meir om forsikringsordninga på heimesidene våre eller kontakt NU-kontoret for meir informasjon.

KNIF tilbyr òg private forsikringar til medlemmer i NU. Dei tilbyr både personforsikringar og forsikring av hus, hytte, bil, og reise m.m.

19 UNGDOM 04/2019

MEDLEMSFORDELAR

Medlemslag i NU Eit ungdomslag kan vera så mangt, men eit par viktige fellestrekk knyt dei saman. Alle laga arbeider med å skapa betre lokalsamfunn gjennom meiningsfylte kulturaktivitetar.

Kven som helst kan bli med i eit ungdomslag, ung som gamal. I ungdomslaga er det stort mangfald og ingen krav om å halde på med ein spesiell type aktivitet.

Det finst ikkje noko standardoppskrift på korleis ein kan og bør drive eit ungdomslag.

Alle ungdomslag har lover eller vedtekter som medlemmene har bestemt, som fortel kva føremålet til laget er, og som legg rammene rundt engasjementet og aktiviteten i laget. Men fordelen med å vera mange og å stå saman er like aktuell i dag som i 1896 då Noregs Ungdomslag vart skipa. Det er berre gjennom eit fellesskap ein klarer å arbeide fram fellesgode. Dei statlege støtteordningane til frivillig aktivitet har kome på plass etter innspel og arbeid i dei nasjonale organisasjonane. Det å stå samla i ein felles organisasjon gjer òg at ein har ressursar til å tilby service,

kurs og møtestader for dei lokale laga og medlemmene i desse. Noregs Ungdomslag er eit fellesskap med 340 ungdomslag spreidd utover heile landet. Ikkje eitt er likt det andre, og det gjer NU til ein utypisk og spennande organisasjon! Føremålet til organisasjonen, og det ungdomslaga har til felles, er å skapa engasjement og levande lokalkultur gjennom folkelege kulturaktivitetar. Ungdomslaga er frilyndte – altså opne og inkluderande, og medlemmene i laga er i alle aldrar.

SOM MEDLEMSLAG I NOREGS UNGDOMSLAG HAR EIN T.D. DESSE FORDELANE: Tilgang til fleire støtteordningar enn elles: • Frifond. Medlemslag som har eit aktivitetstilbod til medlemmer under 26 år, kan søke Frifond for støtte til meir aktivitet for aldersgruppa. I dag gir vi eit grunntilskot på kr 4000 per lag i tillegg til eit variabelt tilskot per medlem under 26 år.

• Støtte til opplæring (vaksenopplærings-

TIPS TIL STØTTEORDNINGAR OG SØKNADER • Les utlysingsteksten og retningslinjene nøye!

• Legg ved eventuell prosjektskisse.

• Ver tydeleg når det gjeld kva målet med tiltaket er.

• Ver konkret når det gjeld korleis de vil nå målet.

20 UNGDOM 04/2019

• Jobb med innleiinga: Her skal du selje søknaden.

• Søknaden skal vere strukturert og ha fin formgjeving.

• Ta med litt om bakgrunnen til laget.

• Skal søknaden sendast i posten eller på e-post / over nett?

midlar). Alle laga kan søkje om midlar til kurs- og opplæringsaktiviteten i laget gjennom Studieforbundet kultur og tradisjon. Per i dag er tilskotet kr 98 per time. Eit opplæringstiltak som går over 8 timar, og som har minimum 5 deltakarar over 14 år, vil t.d. kunna få eit tilskot på kr 784.

• Momskompensasjon kan alle lokallag i Noregs Ungdomslag søkje om.

GODE AVTALAR OG RABATTORDNINGAR GJENNOM KNIF •

•

Gjennom KNIF Trygghet kan laga få gode forsikringsavtalar for både ungdomshuset og aktiviteten sin. Vi har fleire døme på ungdomslag som har spart mellom kr 10 000 og 20 000 på å skifte forsikringsselskap til KNIF Trygghet.

Gjennom KNIF Innkjøp har medlemslaga våre tilgang på gode innkjøpsordningar på alt frå forbruksmateriell til inventar.

KOMPETANSEHEVING • Vi tilbyr instruktørkurs i både teater og folkedans for at laga skal få gode instruk tørar til aktiviteten sin. Kursa er rimelege og blir arrangert rundt om i heile landet.

• Medlemslaga i Noregs Ungdomslag har òg moglegheit for å leige ein gjesteinstruktør heim til laget. For ein fast pris kr 5000 får laget ein instruktør heim til laget sitt ei heil helg. Denne prisen inkluderer både reise, overnatting og honorar til instruktøren, då resten av kostnadene blir dekt av NU.

LANDSMØTE 2020

Landsmøte

2020

Helga 24.-26. april 2020 blir det NU-helg og landsmøte i hovudstaden. Set av datoane allereie no!

Landsmøtet er det høgaste demokratiske organet i organisasjonen vår. Noregs Ungdomslag held landsmøte kvart for å leggje dei strategiske linjene for korleis organisasjonen skal drivast. Alle lokallag har høve til å sende minimum éin delegat med stemmerett.

I tillegg til dei ordinære landsmøtesakene, skal landsmøtet i 2020 vedta arbeidsprogrammet for 2021-2022. Har de meiningar om korleis styret og sentralleddet til Noregs Ungdomslag betre kan

jobbe for medlemmane? Å vere med å avgjere korleis arbeidsprogrammet skal sjå ut er ei ideell moglegheit til det. Arbeidsprogrammet definerer målsetjingane for organisasjonen innanfor ei toårig ramme.

Lokallaga kan også melde inn saker til landsmøtet. I 2019 var fristen for dette 1. mars.

LES STYRINGSDOKUMENTA VÅRE Vedtekter, prinsipprogram, fagpolitiske plattformar, langtidsprogram og arbeidsprogram for 2019-2020 finn du på nettstaden vår:

http://www.ungdomslag.no/om-oss/styringsdokument/

NU-HELGA 2020 I samband med landsmøtet blir det ei rekkje aktivitetar, seminar og kurs som både landsmøtedelegatar og andre NU-medlemmar kan delta på. Programmet er under utarbeiding, så følg med på nettsidene våre og Facebook-sida vår for oppdateringar!

21 UNGDOM 04/2019

G-KULTUR

KULTURARRANGEMENTET UTFLYTT DØL MED DETTE ARRANGEMENTET ØNSKJER VI: • Markere at det da er nøyaktig 100 år sidan Gudbrandsdalslaget i Oslo vart oppretta.

• Markere at Stiftinga G-Kultur blir avvikla i løpet av første halvår 2020.

• Lansering av skriftsamling, med artiklar i samband med skrivekonkurransa Unge røyster, som har vore gjennomført i 2019, og artiklar frå særskilt inviterte skribentar/ forfattarar.

• Medverknad av kunst- og kulturaktørar frå Gudbrandsdalen, Lillehammer og Oslo.

Gudbrandsdalslaget vart stifta 2. februar 1920 på eit møte i Bøndernes Hus, mao same bygg der Teatersalen er.

Med arrangementet 1. februar 2020 markerer vi altså at 100 års verksemd blir avslutta.

Namnet på arrangementet, Utflytt døl, har vi lånt frå diktet med same namn, skrive av Ragna Bleken Rusten. Det vart også brukt i boka Da var laget godt å ha – Gudbrandsdalslaget i Oslo 1920-2013, som vart gjeve ut i april 2017.

Det blir rikeleg tid til sosialt samver både før og etter sjølve programmet, og med moglegheit for kjøp av mat og drikke frå Kaffistova.

Det er inga påmelding, men ønskjer du å kome ser vi gjerne at du sender ei melding innan 5. januar 2020 til post@g-kultur.no.

Endeleg invitasjon blir sendt ut ca 15. januar.

Vi håpar du vil vere med oss i Teatersalen, og ønskjer velkomen til eit spennande og variert program i ord og tonar!

22 UNGDOM 04/2019

Bu på hotellet midt i hovudstaden

Vi er med i små og store utfordringer Ta kontakt med oss for råd om personforsikringer.

Vi hjelper deg med å finne ditt forsikringsbehov.

Nytt deg av avtalen med Noregs Ungdomslag og få ein betre pris på di overnatting.

Ring oss på 23 21 41 00 eller send oss ein e-post til bookingoffice@bondeheimen.com

Velkommen til Bondeheimen

kniftrygghet.no | privat@kniftrygghet.no | 23 68 39 00

Utdanning som folkemusikar?

ANNONSERE I UNGDOM? Ole Bull Akademiet har bachelorstudium i utøvande tradisjonsmusikk! Du får eit tilpassa opplegg – under samlingsveka kvar månad får du dra nytte av det sterke fagmiljøet på akademiet på Voss, og tida i mellom er sett av til timar hjå læremeister, øving og sjølvstendig arbeid.

Ta kontakt med Tone Merete Møllerud tlf: 489 53 391 tone@flisamedia.no

Søknadsfrist 15. desember, sjå www.olebull.no Studiet er eit samarbeid med Griegakademiet, / UiB

23 UNGDOM 04/2019

Returadresse: Noregs Ungdomslag, Øvre Slottsgate 2B, 0157 Oslo

LEIRUTVALET 2019 OG

2020 LEIRUTVALET 2020

SOMMARLEIR 2020 Til deg mellom 13-25 år, sett av datoane 30. juni - 5. juli 2020! Påmeldinga opnar 1. mars 2020.

Sommarleirutvalet for 2019 og for 2020 hadde eit overlappmøte i oktober, der gamal, god erfaring og spreke nye idear vart fletta saman. Sommarleirutvalet er godt i gang med å planlegge den store hendinga neste sommar, og i januar skal dei på synfaring på sjølve leirplassen, Trøndertun folkehøgskule i Melhus i Trøndelag!

Vi kan og glede dykk med at vi held fram samarbeidet om sommarleiren 2020 med Norsk Målungdom, etter ein braksuksess i sommar!

Følg med framover!

• Det vil vere konkuransar • Du vil verte kjent med det nye leirutvalet!

Vi på kontoret ynskjer å takke Sommarleirutvalet 2019 for fram i frå god innsats, og ynskjer Sommarleirutvalet 2020 velkomne og vi gler oss til arbeide saman med dykk mot ein ny leir! Alt du lurer på om leiren, og meir til finn du inne på nettsida www.sommarleiren.no. Finn du ikkje svaret der? kontakt oss på kontoret eller send ein mail til post@sommarleir.no.