KÖKUBÆKLINGURINN
UPPSKRIFTIR:
EVA LAUFEY
HERMANNSDÓTTIR
DAGS KRÁRGERÐARKONA HJÁ STÖÐ 2, MATREIÐSLUBÓKAHÖFUNDUR OG EIGANDI
WWW.EVALAUFEYKJARAN.IS.
Nói Síríus hefur fylgt Íslendingum í nærri 100 ár. Þar af hefur Síríus súkkulaði lífgað upp á bakstur landsmanna í 75 ár og er það sívinsælt í bæði klassískar og óhefðbundnari uppskriftir. Undanfarin ár hefur vöruúrval Nóa Síríus aukist og með miklu hugmyndaflugi hefur það orðið æ vinsælla að nota ýmis konar sælgæti frá Nóa í kökugerð og hvers kyns bakstur. Mörgum þessara uppskrifta hefur verið safnað saman í Kökubækling Nóa Síríus sem nýtur ávallt mikilla vinsælda og er orðinn fastur hluti af hátíðarundirbúningnum á fjölmörgum heimilum. Sem fyrr erum við stolt af kökubæklingnum og að geta boðið Íslendingum upp á úrvalshráefni í ómótstæðilegar freistingar.
LJÓSMYNDIR: HRÓBJARTUR SIGURÐSSON
ÚTLIT OG UMBROT: ÁRNASYNIR
FYLGIHLUTIR: TULIPOP
PRENTUN: ÍSAFOLDARPRENTSMIÐJA EHF.
ÚTGEFANDI: NÓI SÍRÍUS, HESTHÁLSI 2-4, 110 REYKJAVÍK
Í ár var notast við borðbúnað og muni frá Tulipop við gerð Kökubæklingsins en Tulipop er skemmtilegur ævintýraheimur skapaður af teiknaranum Signýju Kolbeinsdóttur. Á Tulipop eyjunni býr fjölbreyttur hópur heillandi ævintýravera en þar má til dæmis finna hinn hugljúfa sveppastrák Bubble og systur hans Gloomy ásamt skógardýrinu Fred og prímadonnunni Miss Maddy. Hægt er að kynnast Tulipop heiminum betur og skoða vöruúrvalið á www.tulipop.is.
NÓA
SÍRÍUS SÚKKULAÐI
SÍRÍUS SUÐUSÚKKULAÐI
Meðalbragðsterkt súkkulaði með 45% kakóinnihaldi sem er löngu orðið klassískt. Síríus suðusúkkulaðið er vinsælt í bakstur og matargerð, auk þess sem það hentar frábærlega í heitt súkkulaði.
SÍRÍUS
56% DÖKKT SÚKKULAÐI
Súkkulaði sem hefur einstaklega kröftugt súkkulaðibragð en er á sama tíma silkimjúkt og með ljúfu eftirbragði. Það er í uppáhaldi margra með kaffibollanum en er ekki síður tilvalið í bakstur og frábært í súkkulaðikrem.
SÍRÍUS
70% DÖKKT SÚKKULAÐI
Uppáhald þeirra sem vilja almennilegt súkkulaðibragð og ekkert annað. Bragðfyllingin er mikil en samt er súkkulaðið, sem er með 70% kakóinnihaldi, í góðu jafnvægi. Síríus 70% hentar vel í eftirrétti, múffur og súkkulaðitertur þar sem ætlunin er að ná fram miklu súkkulaðibragði og fá afgerandi súkkulaðilit.
SÍRÍUS RJÓMASÚKKULAÐI
Hið milda og mjúka Síríus rjómasúkkulaði er vinsælasta súkkulaði Íslendinga og gjarnan borðað eins og það kemur fyrir, hreint eða með spennandi viðbótum. Það er unnið á sérstakan hátt til að það fái eins mjúka áferð og mögulegt er svo það bráðni þægilega í munni. Það er þó einnig vinsælt í bakstur þegar leitast er eftir mildum undirtóni frekar en sterku, afgerandi súkkulaðibragði.
SÍRÍUS HVÍTT SÚKKULAÐI
Hvítt súkkulaði er hvítt vegna þess að það inniheldur einungis kakósmjör en engan kakómassa (sem gefur hefðbundnu súkkulaði brúna litinn). Síríus hvítt súkkulaði er milt á bragðið en með mikla fyllingu og hentar því vel í allan bakstur, auk þess að vera einstaklega gómsætt beint úr pakkanum.
SÍRÍUS RÚBÍNSÚKKULAÐI
Ný súkkulaðitegund leit nýverið dagsins ljós en það er í fyrsta skipti í um 80 ár sem það gerist. Síríus rúbínsúkkulaði er unnið úr rúbín kakóbauninni en súkkulaðið fær bleika litinn og sérstakt bragðið, með keim af ávöxtum, sýru og berjum, frá bauninni sjálfri því engin litar eða bragð efni eru notuð við framleiðslu þess. Það verður spennandi að sjá hvernig Íslendingar nýta þessa nýjung til að skapa nýja töfra í eldhúsum landsins.
SJÁLFBÆRNI OG SAMFÉLAGS Á BYRGÐ
Síríus súkkulaði er hluti af Cocoa Horizons verkefninu. Cocoa Horizons gerir kakóræktendum kleift að rækta og framleiða kakóið á sjálfbæran og ábyrgan hátt. Cocoa Horizons ferlið tryggir fræðslu til kakóbænda varðandi ræktunaraðferðir og aðbúnað starfsfólks auk þess sem það kemur að fræðslumálum, heilsugæslu og aðgengi að hreinu vatni. Þannig stuðlar Cocoa Horizons að betri lífsskilyrðum í kakóræktarsamfélögum.
MARENGS AFMÆLISSTAFUR
FYLLTUR MEÐ LJÚFFENGUM SÆLGÆTISRJÓMA
MARENGSSTAFUR - TVÖFÖLD UPPSKRIFT
HRÁEFNI
8 stk eggjahvítur
400 g sykur
2 tsk lyftiduft
Salt á hnífsoddi
AÐFERÐ
1. Forhitið ofninn í 130°C (blástur).
2. Stífþeytið eggjahvíturnar. Þegar froða byrjar að myndast í skálinni bætið sykrinum smám saman við ásamt lyftiduftinu og saltinu.
3. Sprautið marengsblöndunni á pappírsklædda ofnplötu ef útbúa á ákveðið form eins og til dæmis tölustaf eða mótið blönduna að vild með sleif.
4. Bakið botnana við 130°C í 90 mínútur.
5. Kælið botnana vel áður en þið setjið rjómafyllinguna á milli og ofan á kökuna.
RJÓMAFYLLING
HRÁEFNI
500 ml rjómi
500 ml jurtarjómi*
3 tsk flórsykur
1 tsk vanillusykur
150 g Síríus rjómasúkkulaði með karamellukurli og íslensku sjávarsalti
100 g Nóa Kropp
150 g Síríus súkkulaðiperlur til skrauts
AÐFERÐ
1. Saxið rjómasúkkulaði.
2. Stífþeytið rjóma og jurtarjóma.
3. Bætið flórsykri, vanillusykri, söxuðu súkkulaði og Nóa Kroppinu saman við rjómann og blandið vel saman með sleif.
4. Skreytið kökuna með litríkum Síríus súkkulaðiperlum.
*Jurtarjómi á móti hefðbundnum rjóma eykur stífleika og gerir það að verkum að blandan heldur sér betur. Jurtarjómi fæst í öllum helstu matvöruverslunum en honum má skipta út fyrir hefðbundinn rjóma sé þess óskað.
JARÐARBERJASKYRKAKA
MEÐ SÚKKULAÐI
BOTN
HRÁEFNI
6 dl Rice Krispies
150 g Síríus suðusúkkulaði
110 g smjör
3 msk síróp FYLLING
HRÁEFNI
500 g jarðarberjaskyr
250 ml rjómi, þeyttur
1 msk flórsykur
100 g Síríus hvítir súkkulaðidropar og meira til skrauts
1 tsk vanilludropar
12 jarðarber og nokkur til skrauts
AÐFERÐ
1. Setjið Rice Krispies í matvinnsluvél og hakkið mjög fínt.
2. Bræðið súkkulaði og smjör í potti við vægan hita og bætið sírópinu saman við.
3. Hellið Rice Krispies út í súkkulaðiblönduna og hrærið vel saman. Hellið næst deiginu í form, helst smelluform sem auðvelt er að losa kökuna frá. Þrýstið deiginu í formið og kælið.
AÐFERÐ
1. Þeytið rjóma og blandið honum saman við skyrið með sleikju, bætið flórsykri og vanilludropum út í og hrærið.
2. Bræðið hvítu súkkulaðidropana yfir vatnsbaði og kælið.
3. Skerið jarðarberin mjög smátt og bætið út í fyllinguna ásamt hvíta súkkulaðinu.
4. Hellið fyllingunni yfir súkkulaðibotninn og kælið kökuna í minnst þrjár klukkustundir, best yfir nótt.
5. Skreytið kökuna með ferskum jarðarberjum og bræddu hvítu súkkulaði.
Það er líka gott að sáldra smá Síríus karamellukurli eða saxa Mega Kropp yfir til að gera dýrðina sætari.
LITRÍK AFMÆLISBOMBA
MEÐ KARAMELLUKREMI
SÚKKULAÐIBOTNAR
HRÁEFNI
7,5 dl hveiti
5 dl sykur
4 egg
2,5 dl olía
5 dl AB mjólk
5 msk Síríus kakóduft
2 tsk lyftiduft
1 tsk matarsódi
2 tsk vanilludropar
100 g Síríus
rjómasúkkulaðidropar
AÐFERÐ
1. Forhitið ofninn í 180°C.
2. Blandið saman öllum hráefnunum nema súkkulaðinu og þeytið þar til silkimjúkt.
3. Saxið súkkulaði og bætið við í lokin.
4. Smyrjið tvö til þrjú 24cm hringlaga bökunarform, skiptið deiginu á milli og bakið við 180°C í 2530 mínútur.
5. Kælið kökuna vel áður en þið setjið á hana krem.
KARAMELLUKREM
HRÁEFNI
150 g Nóa rjómakúlur
1 dl rjómi
250 g smjör
200 g hreinn rjómaostur
500 g flórsykur
1 tsk vanilludropar
150 g Síríus súkkulaðiperlur
150 g Nóa trítlar
AÐFERÐ
1. Bræðið rjómakúlurnar í rjómanum við vægan hita. Kælið svolítið áður en þið bætið 2 dl af blöndunni við afganginn af kreminu.
2. Þeytið saman smjör og rjómaost þar til mjúkt.
3. Bætið flórsykrinum saman við og þeytið áfram þar til kremið er létt og ljóst.
4. Bætið vanillu og rjómakúlublöndunni út í og þeytið áfram.
5. Sprautið kreminu á milli botnanna og skreytið kökuna með litríkum súkkulaðiperlum og litríkum trítlum.
BISMARKKÚLUR
ALGJÖRT HNOSSGÆTI
HRÁEFNI
100 g smjör
4 msk sykur
1 tsk vanilludropar
2 msk Síríus kakóduft
3 dl mulið Kellogg's Corn Flakes
2 msk kaffi, kælt
3 dl mulinn Nóa Bismark brjóstsykur
AÐFERÐ
1. Þeytið saman smjör og sykur þar til blandan er létt og ljós.
2. Bætið vanilludropum, kakódufti, muldu kornflexi og kaffi saman við og blandið vel.
3. Rúllið litlar kúlur úr deiginu og veltið þeim upp úr fínmöluðum Bismark brjóstsykri (best að mylja brjóstsykurinn í matvinnsluvél).
4. Kælið kúlurnar áður en þið berið þær fram. Frábært að eiga í frystinum!
Ef þú vilt meiri lakkrís í lífið þá er tilvalið að velta kúlunum upp úr Síríus lakkrískurlinu eða söxuðu Síríus Trompsúkkulaði í stað Bismark brjóstsykursins.
TRÍTLANAMMI
ROCKY ROAD
HRÁEFNI
200 g Síríus suðusúkkulaði
200 g Síríus rjómasúkkulaði
100 g Nóa súkkulaði poppsmellur
150 g Nóa trítlar
100 g Nóa perluhnappar
AÐFERÐ
1. Bræðið súkkulaði yfir vatnsbaði og kælið svolítið.
2. Setjið saxaða poppsmelli, hlauptrítla og perluhnappa í pappírsklædd bökunarform.
3. Hellið súkkulaðinu yfir og setjið inn í kæli þar til súkkulaðið er orðið stíft.
4. Skerið í litla bita og berið fram.
Í nammiblönduna getur líka verið gott að hafa Mega Kropp, Karamelluhnappa, Lakkríshnappa eða einfaldlega uppáhalds Nóa sælgætið.
JÓLASVEINAHATTAR
MEÐ KREMKEXSÚKKULAÐI
HRÁEFNI
170 g smjör
190 g Síríus suðusúkkulaði
3 egg og 2 eggjarauður
160 g púðursykur
1 tsk lyftiduft
Salt á hnífsoddi
1 msk Síríus kakóduft
3 msk hveiti
140 g Síríus rjómasúkkulaði með kremkexi
250 ml þeyttur rjómi
AÐFERÐ
1. Forhitið ofninn í 180°C (blástur).
2. Bræðið smjör og súkkulaði við vægan hita í potti.
3. Þeytið egg, eggjarauður og púðursykur saman þar til eggjablandan verður létt og ljós.
4. Hellið súkkulaðiblöndunni í mjórri bunu yfir eggjablönduna og hrærið vel saman.
5. Bætið lyftidufti, salti, kakói, hveiti og smátt söxuðu rjómasúkkulaði með kremkexi út í deigið og blandið varlega saman við með sleikju.
6. Hellið deiginu í smurt form og bakið við 180°C í 25 – 30 mínútur.
7. Leyfið kökunni að kólna alveg áður en þið takið hana upp úr forminu.
8. Þeytið rjóma og skreytið kökubitana með rjómanum og jarðarberjum.
14 – 16 jarðarber Kremkexsúkkulaðinu má skipta út fyrir annað stykki í Síríus rjómasúkkulaðilínunni. Svo má einnig sáldra örlítið af flórsykri yfir til að það snjói á jólasveinana.
AMERÍSKAR PÖNNUKÖKUR
MEÐ FERSKUM BERJUM OG SÚKKULAÐISÓSU
PÖNNUKÖKUR
HRÁEFNI
5 dl hveiti
3 tsk lyftiduft
1/2 tsk salt
3 msk smjör (brætt)
1 egg
2 3 dl mjólk
4 dl súrmjólk
1 tsk vanilla
150 g Síríus rjómasúkkulaðidropar
AÐFERÐ
1. Sigtið hveiti, lyftiduft og salt saman í skál.
2. Bræðið smjör, leggið til hliðar og kælið.
3. Þeytið egg og mjólk saman.
4. Blandið öllum hráefnum saman í skál þar til deigið er silkimjúkt.
5. Hitið smá smjör á pönnukökupönnu og steikið pönnukökurnar í ca. mínútu eða tvær á hvorri hlið. Þær eru tilbúnar þegar þær eru gullinbrúnar.
SÚKKULAÐISÓSA
HRÁEFNI
150 g Síríus rjómatöggur
50g Síríus suðusúkkulaði
1 dl rjómi
AÐFERÐ
1. Bræðið rjómatöggurnar og suðusúkkulaðið í rjómanum við vægan hita og hrærið.
2. Berið fram með pönnukökunum og ferskum berjum.
Saxa má niður Nóa Kropp eða karamellukurl til að sáldra yfir.
ÞREFÖLD SÚKKULAÐISÆLA
TILVALIN Í ALLAR VEISLUR
SÚKKULAÐIKAKA
HRÁEFNI
100 g smjör, brætt
2 egg
2,5 dl sykur
1,5 dl hveiti
2 tsk vanillusykur
3 msk Síríus kakóduft
100 g Síríus Pralín karamellusúkkulaði, smátt saxað
½ tsk salt
AÐFERÐ
1. Forhitið ofninn í 175°C (blástur).
2. Bræðið smjör í potti við vægan hita.
3. Þeytið saman sykur og egg í smá stund eða þar til blandan verður létt og ljós. Blandið öðrum hráefnum nema berjum saman við og hrærið í smá stund eða þar til deigið verður silkimjúkt.
4. Smyrjið bökunarform. Mér finnst best að nota smelluform en þá er mikið þægilegra að ná kökunni úr forminu.
5. Hellið deiginu í formið og bakið við 175°C í 20 mínútur.
6. Kælið kökuna mjög vel áður en þið setjið súkkulaðimúsina á kökuna, best er að nota kökuform sem er nógu stórt til þess að rúma kökubotninn og súkkulaðimúsina sem fer ofan á.
HIMNESK SÚKKULAÐIMÚS
HRÁEFNI
150 g Síríus suðusúkkulaði
500 ml rjómi
2 eggjarauður
AÐFERÐ
1. Bræðið súkkulaðið yfir vatnsbaði og kælið.
2. Þeytið rjóma.
3. Setjið eggjarauðurnar út í súkkulaðið og hrærið saman þar til blandan er orðin slétt.
4. Bætið því næst rjómanum saman við og dreifið yfir botninn. Kælið í nokkrar klukkustundir.
VANILLURJÓMI
HRÁEFNI
250 ml rjómi
2 tsk vanillusykur
Blönduð ber
50 g Síríus suðusúkkulaði
150 g blönduð fersk ber
AÐFERÐ
1. Þeytið rjóma og vanillusykur, dreifið rjómanum yfir súkkulaðimúsina og skreytið kökuna með allskyns berjum. Rífið gjarnan suðusúkkulaði yfir kökuna áður en hún er borin fram.
SMÁBITAKÖKUR
MEÐ KARAMELLUSÚKKULAÐI
HRÁEFNI
2 egg
230 g smjör
400 g sykur
3 tsk vanilludropar
320 g hveiti
1 tsk lyftiduft
1 tsk matarsódi
150 g Nóa saltkaramelluhnappar og 50 g til skrauts
100 g Síríus karamellukurl
50 g Síríus suðusúkkulaði til að skreyta
AÐFERÐ
1. Forhitið ofninn í 180°C (blástur).
2. Þeytið saman smjör, sykur og egg þar til blandan er létt og ljós.
3. Blandið þurrefnum ásamt vanilludropum saman við og þeytið. Gott er að stoppa einu sinni til tvisvar og skafa meðfram hliðum svo allt blandist vel saman.
4. Saxið hnappana mjög vel og bætið þeim ásamt karamellukurli út í deigið með sleikju.
5. Gott er að nota tvær matskeiðar til þess að móta kökurnar. Setjið þær á pappírsklædda ofnplötu og bakið við 180°C í 1012 mínútur.
6. Bræðið 50 g af suðusúkkulaði yfir vatnsbaði, sáldrið yfir kökurnar og skreytið þær með smátt söxuðum súkkulaðihnöppum.
Hægt er að skipta út karamellusúkkulaðinu fyrir Síríus lakkrís með því að nota Nóa lakkrískurl og rjómasúkkulaði með saltlakkrísflögum og sjávarsalti.
REGNBOGABOLLAKÖKUR
FULLKOMNAR FYRIR ÖLL TÆKIFÆRI
BOLLAKÖKUR (20-22 STK)
HRÁEFNI
250 g smjör, við stofuhita
4 dl sykur
4 egg
4 – 5 dl mjólk
5 dl hveiti
2 – 3 tsk lyftiduft
1 tsk matarsódi
2 tsk vanilludropar
70 g Síríus rjómasúkkulaðidropar
70 g Síríus trompsúkkulaði
AÐFERÐ
1. Forhitið ofninn í 180°C.
2. Þeytið sykur og smjör þar til blandan er létt og ljós. Bætið eggjum saman við, einu í einu, þeytið vel á milli.
3. Sigtið saman hveiti og lyftidufti minnst þrisvar sinnum.
4. Bætið hveitiblöndunni, matarsódanum, vanilludropunum og mjólkinni saman við og þeytið í nokkrar mínútur eða þar til blandan verður silkimjúk.
5. Saxið súkkulaðið með trompbitum og setjið út í deigið ásamt súkkulaðidropunum.
6. Setjið deigið í pappírsform.
7. Bakið við 180°C í 15 – 18 mínútur.
8. Kælið kökurnar áður en þið setjið á þær krem.
SÚKKULAÐIKREM
HRÁEFNI
300 g smjör við stofuhita
200 g hreinn rjómaostur
500 g flórsykur
2 tsk vanilludropar
150 g Síríus dökkir súkkulaðidropar
150 g Síríus súkkulaðiperlur
AÐFERÐ
1. Þeytið saman rjómaost og smjör þar til það verður mjúkt.
2. Bætið flórsykrinum saman við og þeytið þar til kremið er létt og ljóst.
3. Á meðan bræðið þið dökku súkkulaðidropana yfir vatnsbaði.
4. Hellið súkkulaðinu og vanilludropunum út í kremið. Hrærið mjög vel í nokkrar mínútur.
5. Setjið kremið í sprautupoka og sprautið á kökurnar.
6. Skreytið kökurnar með litríkum Síríus súkkulaðiperlum.
Til að fá ljósara súkkulaðikrem má skipta út dökku súkkulaðidropunum fyrir hvíta dropa. Fyrir fjölbreytni á bollakökuhlaðborðið má setja Síríus lakkrískurl eða karamellukurl á sumar bollakökurnar.
OSTAKAKA Í GLASI
MEÐ LJÚFFENGRI KARAMELLUSÓSU
HRÁEFNI
250 g Nóa Mega Kropp
2 dl Rice Krispies
50 g Síríus suðusúkkulaði
50 g brætt smjör
350 g hreinn rjómaostur
100 ml rjómi
2 tsk flórsykur
1 tsk vanilludropar
150 g Síríus rjómasúkkulaði
150 g Nóa rjómakúlur
1 dl rjómi
Hindber til skrauts
AÐFERÐ
1. Setjið Mega Kropp, Rice Krispies og suðusúkkulaði í matvinnsluvél og maukið. Bræðið smjör og hellið saman við. Geymið súkkulaðiblönduna.
2. Þeytið saman rjómaost og rjóma þar til blandan verður létt og ljós, bætið flórsykri og vanilludropum saman við.
3. Bræðið rjómasúkkulaði yfir vatnsbaði og hellið í mjórri bunu saman við rjómaostablönduna og hrærið hægt á meðan.
4. Bræðið rjómakúlurnar í rjómanum og kælið svolítið.
5. Skiptið Rice Krispies blöndunni niður í glös, því næst fer rjómaostablandan og svo er það ljúffenga karamellusósan. Endurtakið þar til þið eruð komin með tvö til þrjú lög.
6. Skreytið gjarnan með hindberjum!
Jarðarber eða önnur sæt ber henta líka í stað hindberja. Skipta má út rjómakúlunum fyrir Nóa súkkulaðikúlur.
LJÚFFENGT BANANABRAUÐ
SEM ALLIR ELSKA
HRÁEFNI
2 egg
2 dl sykur
2 þroskaðir bananar
60 g smjör
3 1/5 dl hveiti
1 tsk vanilludropar
1/2 dl mjólk
2 tsk lyftiduft
150 g Síríus rjómasúkkulaði með karamellukurli og sjávarsalti
AÐFERÐ
1. Forhitið ofninn í 180°C.
2. Þeytið saman egg og sykur þar til blandan verður létt og ljós.
3. Bræðið smjörið við vægan hita og leggið til hliðar.
4. Sigtið saman hveiti og lyftiduft að minnsta kosti tvisvar sinnum og blandið við eggjablönduna.
5. Stappið banana og bætið saman við ásamt vanilludropunum, mjólkinni og smjörinu.
6. Saxið niður súkkulaðið og blandið saman við deigið með sleif.
7. Smyrjið form og hellið deiginu í formið, ég sáldra alltaf svolitlu haframjöli yfir en það er algjörlega valfrjálst.
8. Bakið við 180°C í 45 – 50 mínútur.
ÁVAXTASPJÓT
MEÐ SÚKKULAÐI OG ÁVÖXTUM AÐ EIGIN VALI
HRÁEFNI AÐFERÐ
200 g jarðarber
200 g brómber
Hálfur ananas
1 hunangsmelóna
2 3 bananar
Vínber
150 g Síríus hvítir
súkkulaðidropar
150 g Síríus dökkir
súkkulaðidropar
10 – 15 tréspjót
1. Skerið ávextina niður og þræðið upp á tréspjótin.
2. Bræðið hvítu og dökku súkkulaðidropana yfir vatnsbaði, í sitt hvorri skálinni.
3. Dreifið súkkulaðinu yfir spjótin og kælið.
FRÖNSK SÚKKULAÐIKAKA
MEÐ BLAUTRI MIÐJU OG TROMP SÚKKULAÐIÍS
SÚKKULAÐIKÖKUR (4-6 KÖKUR)
HRÁEFNI
120 g smjör
200 g Síríus suðusúkkulaði
30 g hveiti
60 g flórsykur
salt á hnífsoddi
2 eggjarauður
2 egg
AÐFERÐ
1. Forhitið ofninn í 210°C (blástur).
2. Smyrjið form.
3. Saxið súkkulaði.
4. Bræðið smjör og saxað súkkulaðið saman við vægan hita.
5. Sigtið saman þurrefni.
6. Þeytið egg og eggjarauður saman í annarri skál.
7. Hellið eggjablöndunni saman við hveitiblönduna og hrærið.
8. Hellið því næst deiginu í skál með bræddu súkkulaði og hrærið öllum hráefnunum vel saman.
9. Skiptið deiginu niður í hringlaga, eldfast mót og bakið við 210°C í 10 – 12 mínútur. Ég bakaði mínar í nákvæmlega 12 mínútur og þær voru fullkomnar.
TROMP SÚKKULAÐIÍS
HRÁEFNI
5 eggjarauður
10 msk sykur
400 ml rjómi
150 g saxað Síríus suðusúkkulaði
1 tsk vanilludropar
AÐFERÐ
1. Þeytið saman eggjarauður og sykur þar til blandan verður létt og ljós.
2. Léttþeytið rjóma og hrærið saman við með sleikju.
3. Bræðið Síríus suðusúkkulaði, kælið svolítið og hellið saman við rjómablönduna.
4. Saxið niður rjómasúkkulaði með trompbitum og bætið út í ásamt vanilludropunum, hrærið vel saman.
5. Hellið ísblöndunni í form og setjið inn í frysti í nokkrar klukkustundir.
6. Berið fram með kökunni.
150 g Síríus rjómasúkkulaði með trompbitum *Ofnar eru mjög misjafnir og mögulega þurfið þið aðeins minni eða meiri baksturstíma. Ef þið viljið æfa ykkur þá mæli ég með því að baka eina köku í einu en með því getið þið fundið út hvaða tími er bestur í ykkar ofni.
Sælkerabakstur
Bökunarvörurnar frá Nóa Síríus eru fullkomnar í baksturinn. Hvort sem það er silkimjúkt rjómasúkkulaði, kraftmikið suðusúkkulaði eða ljú engt lakkrískurl, þá verður þinn sælkerabakstur enn betri með vörunum frá Nóa Síríus.