OĐĐASAT . SAERNIE . NYHETER
Nr 02 . ođđajagimánu . 2019 . NOK 25
TEÁHTERČÁJÁLMASAS DUOHTAVUOHTAN
– DEGO OIDNOJUVVON
Ii jáhke ávkkuhit ođđa Viimmat nubbi sámi eanandoalloministtaris filbmafestivála
Ráhkkan sámi nationála beaivái
SÁMi ođasmagasiidna . 02 . 2019
Sámi filmmat lea dehálaččat sámi ovdáneapmái Mannan vahkkoloahpa lágiduvvui Skábmagovat, sámi filbmafestivála, Anáris, jo 21. geardde. Skábmagovain čájehit filmmaid sihke olgun guovssahaskinos ja siste, ja lágidit maid semináraid ja konsearttaid. Skábmagovain čájehit sihke sámi ja eará eamiálbmot filmmaid ja skábmagovat leage sámi filbmabargiid stuorámus arena. Riikkaidgaskasaš Sámi filbmainstituhtta lea ges dadjat juo dat deháleamos oassi sámi filbmabarggus. Sii leat bargan nu dehálaš barggu sámi kulturovddideames ahte leat ožžon fásta saji Norgga stádabušeahtas. Filbmabargit illudit ja oidnet go sin barggus ge lea stuora árvu. Ja sámi filmmat leat dehálaččat. Filmmat dokumenterejit min historjjá ja min kultuvrra, ja daid bokte seailluhit ja ovdánahttit giela. Filmmat addet bargosajiid. Filmmat leat mielde servodatdigaštallamis ja leat dakkár medium mii lea mielde váikkuheame dobbelii go maid mii árgabeaivvis oba jurddašitge. Dat váikkuhit min dovdduide, politihkkáriid dovdduide ja nu sáhttet leat mielde hábmeme buoret s ajádaga Sápmái. Dán SÁMi ođasmagasiinnas muitalat ahte maiddái Norgga bealde plánejit ásahit sámi filbmafestivála, namalassii Rørosii. Lea hirbmat positiiva go šaddet eambbo čájáhusarenat, go filbmadahkkit dárbbašit beassat čájehit iežaset dáiddu ja mii geahččit ges dárbbašit oaidnit buriid filmmaid, mat buvttaduvvojit. Mii sávvat Røros joavku gazzá oahpu Skábmagovain, ja ahte Skábmagovat ja Røros joavku dáhttuba ovttasbargat, go mii dárbbašat eambbo riikkarájá ovttasbargguid. Mii sávvat maid ahte Røros joavku gulahallá Sámi Filbmainstituhtain, geas lea dat alimus gelbbolašvuohta. Mađi eambbo joavkkut barget ovttas, dađi eambbo váikkuhanvejolašvuohta lea. Boađusin sáhttá šaddat eambbo beroštupmi ii dušše gehččiid searvvis, muhto maiddái TV-kanálaid beales sihke Sápmái gullevaš riikkain ja maiddái dobbeleappos. Odne čájehit oasážiid sámi filmmain NRK:s. Mii dáhttut eambbo oaidnit ja mii dáhttut sámi filbmabargiide buot návccaid maid dárbbašit, go mii dárbbašit sin dokumenteret ja muitalit min historjjá dobbeleappos go sis lea garra váikkuhanvejolašvuohta sámi ovdáneames.
ANNE BERIT ANTI
Redaktevra . Redaktööre . Redaktør
SÁMi ođasmagasijne saemien saernieh jïh kreejnije tjaalegh åtna noerhte- jïh åarjelsaemien gïelesne jïh daaroen.
SÁMi ođasmagasiidna lea ođas- ja čiekŋudeaddji magasiidna mii ilbmá oktii vahkkui davvisáme-, oarjelsáme- ja dárogillii.
SÁMi ođasmagasiidna inneholder samiske nyheter og fordypende artikler på nordog sørsamisk, samt norsk.
Almmusteaddji . Utgiver: iSÁMi.Press AS ,Pb. 15 N-9735 Kárášjohka / Karasjok, Mobil: +47 906 242 96 info@samimag.no . www.samimag.no . FB facebook.com/sami.magasiidna . Twitter @sami_magasiidna Váldodoaimmaheaddji . Redaktööre . Redaktør: Anne Berit Anti, Mobil:+47 482 93 362, anneberit@samimag.no Hábmen . Hammoedimmie . Grafisk design: Nils Egil Gaup Prentehus: Trykkeri: Fagtrykk Idé AS Trøndelag Fylkeskommune: avd. kultur og regional har gitt støtte til utgivelse av sør-samisk innhold. ISSN: 2535-4221
PFU: The magazine is produced according to the Ethical Code of Practice for the Norwegian Press, and the Rights and Duties of the Editor 2
SÁMi ođasmagasiidna . 02 . 2019
OĐĐASAT . SAERNIE . NYHETER
BOVDE STUORA GIELLAKONFERÁNSII
Govven: Yngve Olsen Sæbbe.
Guovvamánu 4. ja 5 beaivve Sámediggi lágida stuora giellakonferánssa Tromssas. Dainna konferánssain álggaha Sámediggi ON riikkaidgaskasaš álgoálbmotgiellajagi. čállá Sámediggi preassadieđáhusas. Sámediggi lea álggahan guhkes áiggi giellaáŋgiruššama, maid gohčodit Giellaloktemin. Dat lea ollislaš ja ulbmillaš áŋgiruššan sámegielaid ovdii buot servodatsurggiin. Sáme– Mii háliidat bovdet sámi gieldda- dikki višuvdna lea ahte sámegielat id, giellaguovddážiid, giella- ja kul- galget leat lunddolaš, servodatturásahusaid, priváhta ja almmo- guoddi ja ealli gielat servodagas. laš aktevrraid ja ealáhuseallima ja máilmmi álgoálbmogiid konferánsii. Konferánsa lea okta stuorámus giKonferánssa fáddá lea giellalokten ellakonferánssain maid Sámediggi iešguđege dásiin ja servodatsurggiin, lea lágidan. – Min vuođđooaidnu ON lea mearridan ahte 2019 lea riikkaidgaskasaš álgoálbmotgiellajahki. Dan Sámediggi háliida čalmmustit giellakonferánssain, masa eará álgoálbmogat ge servet.
lea ahte dárogiella ja sámegiella galget leat dásseárvvus ja ovttaárvosaš gielat. Dat gáibida nana giellaáŋgiruššama servodagas, nu ahte buot aktevrrat sáhttet váikkuhit sámegielaid loktema, lohká Sámediggepresideanta Aili Keskitalo. Konferánsa lágiduvvo Tromssa Clarion Edge -hoteallas. Slampoehta Elle Kaisa Partapuoli, Tromssa sátnejođiheaddji ja Sámediggepresideanta rahpet konferánssa. 3