OĐĐASAT . SAERNIE . NYHETER
Nr 01 . ođđajagimánu . 2019 . NOK 25
– DRONNEGIIN LEI HUI ÁLKI HUPMAT
NSR sov barkoem nænnoestahta åarjelsaemien dajvesne Čázetnjunit ihtán fas Hámmárfeasttas
Dállasteapmi
SÁMi ođasmagasiidna . 01 . 2019
Mii dárbbašit du Buorre ođđa jahki! SÁMi ođasmagasiidna lea lávken ođđajahkái albma buriin vuimmiin. Mii dáhttut giitit buot lohkkiideamet, ja áinnas sávvat eambbo lohkkiid olahit. Mii leat mannan jagi hábmegoahtán aviisa sisdoalu ulbmiliiddámet mielde. SÁMi ođasmagasiidna dáhttu leat magasiidna, mii čiekŋu áššiide ja mas mii persovnnalaččat beroštit iežamet álbmogis. Mii dáhttut ráhkadit áššiid ja reportášaid sámi perspektiivvas. Mii leat dárkilit čuvvon Jovsset Ánte Sara doarruma stáhta vuostá. Son ii birgen Alimusrievttis ja bággehallá njuovvat ealus, jus ON ii doarjjo su ja jus fal stáhta guldala ON. Mii leat maid čikŋon Peder Sokki áššái, son maid lea diggome stádain, vuoigatvuođaid alde. Mii leat muitalan somás ja váivves áššiid ja mii leat álggahan ráiddu, man olis oahpat málestit, duddjot ja feara maid. Dát ráidu lea dehálaš sihke árbevirolaš máhtu seailluheapmái ja velá giela dihte. Barggadettiin, duddjodettiin ja málestettiin geavahit sániid, mat muđui soitet jávkat. Jus galgat beassat dáinna joatkit, de dárbbašit du veahki. Lea áibbas dárbbašlaš bisuhit lohkkiid ja oažžut lasi lohkkiid jus fal galgat ain beassat čállit sámi kultuvrra birra, čájehit ja oahpahit sámi árbevirolaš eallimis ja diehttelasat gozihit sámi vuoigatvuođaáššiid. SÁMi ođasmagasiidna muitala maid bárisin máttasámi áššiin. Dainna mii dáhttut joatkit ja mii dáhttut dan olis maid čuovvulit vuoigatvuođaáššiid. Dássážii leat buot máttasámegielat neahttaartihkkalat leamaš nuvttá lohkamuš. Mánu geažes mii bidjat dáidge áššiid plus-áššin, go mii dárbbašit du diŋgojeaddjin, vai SÁMi ođasmagasiinnas livččii boahtteáigi. Ovtta mánnui rahpat dál eanaš davvisámegiel artihkkaliid, maid diibmá čáliimet, vai don beasat lohkat min áššiid ja daid vuođul árvvoštallat diŋgošitgo SÁMi ođasmagasiinna. Ođas dán jagi šaddá E-aviisa. Dássážii magasiidna lea ilbman báberhámis ja mii leat lassin almmuhan artihkkaliid min neahttasiiddus. Mii sávvat E-aviissa leat sajis nu jođánit go vejolaš ja mii sávvat du oažžut lohkkin.
ANNE BERIT ANTI
Redaktevra . Redaktööre . Redaktør
SÁMi ođasmagasijne saemien saernieh jïh kreejnije tjaalegh åtna noerhte- jïh åarjelsaemien gïelesne jïh daaroen.
SÁMi ođasmagasiidna lea ođas- ja čiekŋudeaddji magasiidna mii ilbmá oktii vahkkui davvisáme-, oarjelsáme- ja dárogillii.
SÁMi ođasmagasiidna inneholder samiske nyheter og fordypende artikler på nordog sørsamisk, samt norsk.
Almmusteaddji . Utgiver: iSÁMi.Press AS ,Pb. 15 N-9735 Kárášjohka / Karasjok, Mobil: +47 906 242 96 info@samimag.no . www.samimag.no . FB facebook.com/sami.magasiidna . Twitter @sami_magasiidna Váldodoaimmaheaddji . Redaktööre . Redaktør: Anne Berit Anti, Mobil:+47 482 93 362, anneberit@samimag.no Hábmen . Hammoedimmie . Grafisk design: Nils Egil Gaup Prentehus: Trykkeri: Fagtrykk Idé AS Trøndelag Fylkeskommune: avd. kultur og regional har gitt støtte til utgivelse av sør-samisk innhold. ISSN: 2535-4221
PFU: The magazine is produced according to the Ethical Code of Practice for the Norwegian Press, and the Rights and Duties of the Editor 2
OĐĐASAT . SAERNIE . NYHETER
SÁMi ođasmagasiidna . 01 . 2019
– DRONNEGIIN LEI HUI ÁLKI HUPMAT
Govven: Karl Alfred Larsen
Máret Ánne Sara beasai dronnet Sonjain deaivvadit gonagaslaš šloahtas. Máret Ánne beasai dronnegin ságastit dáidaga ja Jovsset Ánte duođalaš dili birra. – Orui nu issoras vuolgit šlohttii, muhto go de mieđustedje mu dronnega lusa ja mun bessen dearvvahit su, de oalggit gahčče. ČÁLLÁN : MÁRGGET JON BIRET ÁMMUNA ÁNNE BIRET Sámi Ođasmagasiidna hálešta Máret Ánnen njuolgga maŋŋel go lea galledan šloahta. Sutnje ain dovdu jáhkitmeahttun ahte lea fitnan dronnet Sonja guossis. – Sonja dovdui oba nanu nissonolmmožin. In dieđe vel áibbas sihkkarit makkár dovdu mus lea ja makkár jurdagat mus leat galledeames, muhto lei buorre sutn-
je hupmat. Ahte Dronnet guldala min, váldá min dili duođalaččat ja čájeha dan almmolaččat, lea mávssolaš. Dálkkoda dego veahá morraša ja addá čuovgga, muitala Máret Ánne.
Čálii reivve dronnegii Ovdal juovllaid son bovdejuv-
vui oassálastit dronnet Sonja dáiddačájáhussii. Justa dalle lei Máret Ánne bearrašis hui lossa dili, go viellja vuoittáhalai Alimusrievttis ja Stuorradiggi doarjjui áitagiid baggonjuovvat masá olles su ealu, vaikko Jovsset Ánte lea guoddalan duomu Ovttastuvvon Našuvnnaid olmmošvuoigatvuođakommišuvdnii.
Loga eambo
3