Den bida, tin momentonan cu nos sa ta momentonan grandioso: e momentonan cu nos ta pone nos mes na servicio di otro, pa algo mas grandi cu nos mes. Pa mi, e ultimo 3 añanan ta precisamente esey—un momento di crecemento, cambio, y amor pa Aruba.
Di momento cu mi a tuma e huramento, mi tabata sa cu e caminda no lo ta facil. Na entrada, nos a hereda un pais financieramente fragil, cu e efecto devastador di COVID-19 tras di lomba, y supervision di Hulanda riba nos lomba. Como Pais, ainda nos ta luchando pa brinda e solucionnan. Asina mes, cu determinacion, mi a lanta tur mainta trempan, orguyoso pa traha pa Aruba, cu un team fantastico y profesional cu por pensa mas aya cu solamente poder y placa, cu por pensa mas aya cu solamente 4 aña. Nos meta tabata claro, nos no ta trahando pa e siguiente eleccion; nos a bin pa traha pa e siguiente generacionnan, traha pa haci e cambionan necesario pa trece Aruba bek den e bon direccion.
Nos a fortalece nos naturalesa pa e proximo generacion; nos a pone e calidad di bida di nos adultonan mayor den e centro di atencion; y nos a lucha pa mantene integridad den cada rincon di gobernacion. No tabata ami so; tabata nos tur hunto. Tur paso padilanti tabata un paso cu pueblo den mente. Awe, den tur nos lucha, Gobierno di Aruba tin e capacidad pa inverti bek den nos hendenan.
Den continuidad, nos mester corda cu Gobierno no ta di un persona of un partido, sino ta di nos tur, un trabou comparti, pasando e responsabilidad di ehecucion den man di esnan cu pueblo ta dicidi ariba.
Awe, den reflexion, mi ta invitabo pa lesa ariba e fundeshinan cu a wordo estableci pa ehecuta nos visionnan na bienestar di Aruba, proyectonan cu a duna fruto pa un miho mañan y cambionan den ley cu nos a inicia pa forma un sistema mas husto y moderno. Tur esaki den colaboracion cu stakeholders. E ta trece sentimento di gratitud pa boso confiansa, boso sosten, y e oportunidad pa sirbi. Mi speransa ta grandi: grandi pa loke nos a logra y grandi pa loke nos por logra si nos traha hunto.
Nos tur tin un rol den historia di nos pais. Y mi bida ta dedica pa sigui sirbi mi pais.
Na boso, pueblo di Aruba: Danki di curason. E tabata un honor!
Di momento cu a tuma e responsabilidad como Minister di Transporte, nos a realisa cu e Ministerio di Transporte tabata na un crusada crucial. Añanan di falta di inversion y problema cu no a wordo soluciona a laga departamentonan cu ta crucial pa nos sobrevivencia den lucha constante pa atende e necesidadnan di nos isla. Esaki considerando cu Aruba ta depende di importacion, y tur salida y yegada ta rekeri standardnan halto pa cumpli cu ne. Nos mision tabata cla: restaura, regula, y modernisa e sistemanan cu ta conecta Aruba, pa asina por sirbi no solamente pa awo, pero tambe pa futuro.
Meteo Aruba tabata un departamento esencial cu tabata bou hopi presion.
Redistribui recurso pa aloca fondo pa dos empleado full-time.
Estableci regulacion continuo di toelage.
Asina a duna e departamento un direccion cu mas confiansa y stabilidad.
METEO ARUBA
PROGRESO DEN AVIACION
A pone e fundeshi pa prepara Directie
Luchtvaart pa su independisacion door di instala un comision pa encamina e proceso. Asina por fortifica e departamento cu e tools y profesionalnan necesario pa por cumpli cu standardnan internacional.
ARUBUS | ARUTRAM | ARUPARKING
Arubus a expande su rutanan pa inclui Baby Beach, treciendo opcion di transporte na area cu no tabata yega prome. Un paso crucial pa modernisacion tabata e soft launch di e BusApp, dunando usuariunan un manera mas eficiente pa uza transporte publico door di por wak den cuanto minuut e bus lo yega.
Duna sosten y confiansa pa por a cuminsa encamina e proceso pa saca Aruba di e posicion fragil cu e tabata aden encuanto aviacion, den colaboracion di ICAO.
Un di e desafionan mas grandi tabata e mal maneho di e empresanan estatal.
Aruparking, cu tabata un carga financiero, awor a bira un entidad sostenibel cu ta genera ingreso. Considerando e debe fiscal enorme cu a encontra Arubus aden, a nombra un Conseho di Comisario conforme profiel profesional y tambe un director financiero pa coregi problema di mal maneho anterior. AruTram, cu tabata un inversion enorme y tabata causa discontento, awor ta opera den harmonia cu e negoshinan di ‘Caya Grandi.’ Evitando cu e ta bira kapitaalvernietiging.
TRANSPORTE
TRANSFORMANDO
TRANSPORTE PUBLICO
Transporte publico tabata exigi accion fuerte y decisivo.
DTP a crece pa entre otro trece e departamento den e era di digitalisacion, www.dtp.aw .Asina creando un fundeshi mas fuerte pa nan servicio.
Implementa moratorium riba permisonan nobo pa inicia un estudio profundo den colaboracion cu Universidad di Aruba pa evalua e capacidad di carga di transporte publico.
A instala un Comision multi disciplinario pa regula UTV’s y ATV’s, balansando necesidadnan di turismo cu siguridad publico.
E comision ta consisti di diferente departamento y stakeholders, manera DNM, DTP, DIP, DTI, DOW, ATA, DWJZ, DIMP y KPA pa asina sondea e posibilidadnan y yega na un conseho, esaki a ser presenta den conseho di minister dia 13 di augustus 2024.
Digitalisa e proceso pa peticion di permiso p.e. Taxi, haciendo esaki mas transparante y eficiente.
A introduci regla di vestuario pa tur esnan cu ta haci uzo di permiso di transporte publico pa halsa e profesionalismo den e sector.
A adapta e prijs di autobus despues di 18 aña.
A percura pa oportunidad igual pa tur cu ta desea awo of den futuro yega na remarke pa un permiso di transporte publico door di haci e proceso online y transparente
INTEGRIDAD
SINUNBASELEGAL,INTEGRIDADTAKEDAUNPALABRA
CUNOSTINCUATENDECUNERIBAUNNIVEL
INDIVIDUAL,COMOUNCIUDADANOCUSUNORMANANY BALORNAN.
Integridad gubernamental no ta solamente un compromiso; e ta un fundeshi esencial pa un pais cu por prospera na un manera sostenibel. E enfoke tabata pa restaura e confiansa di pueblo den gobierno door di transparencia activo, preveni y elimina sistemanan coruptivo, y asegura cu fondonan publico ta wordo maneha na un manera transparente, responsabel y efectivo.
Introduci medidanan pa preveni y elimina DVO nan coruptivo.
Introduci Gedragscode Ministers.
Pone paro na DVO's coruptivo door di minister anterior y a denuncia esaki dibiaha na Landsrecherche.
Ekipa Bureau Integriteit cu capital humano.
A encontra e Ministerio cu 3 auto pa e ministerio anterior, a reduci esaki na 1.
Conscientisacion y seminario pa mandatarionan, funcionarionan, agentenan di ley, prensa, sector priva, mundo academico y ciudadanonan pa fortalece integridad y combati corupcion na Aruba.
Pone stop na sistemanan coruptivo y posibel patronahe politico via maneho.
Proposicion pa un ley di Corporate Governance, y tambe un Corporate Governance Code ta canando su caminda legal.
Pa prome biaha den historia di Aruba, naturalesa a haya su propio Ministerio, un boz fuerte y un stoel den Bestuurskantoor pa para firme contra sobreturismo y desaroyo a costo di nos patrimonionan natural. Finalmente, naturalesa y medio ambiente a ricibi e atencion cu nan merece pa defende, proteha, y conserva nos pais.
Ley di Derecho di Naturalesa: A introduci un concepto cu participacion amplio di stakeholders y publico, reconociendo e derechonan di nos medio ambiente.
National Biodiversity Strategy and Action Plan (NBSAP): Pa prome biaha Aruba tin un maneho cu base amplio pa den froma efectivo conserva y restaura biodiversidad di Aruba.
Rescate di 33 Lora: Lora nan a wordo rescata di contrabando, pone den cuarentena, y reintroduci den nos sistema ecologico.
Expansion di Areanan RAMSAR: Declaracion pa amplia proteccion di wetlands pa conserva habitat natural.
Proteccion di Naturalesa: A defende naturalesa firmemente den caso di Embassy Suites y a evita plan pa aquaculture cu impacto dañino riba bida marino cu tin mas cu 6 conseho negativo ariba.
Desaroyo y publicacion di Aruba su prome ontheffingsbeleid.
Marine Spatial Plan: A establece roadmap pa crea un Aruba Marine Park, den colaboracion cu Wageningen University.
Hope Spot Aruba: Strategia pa yega proteccion di 30% di nos oceano pa 2030, creando proteccion pa zona cu ta crucial pa bida marino.
Compromiso Internacional
UN Water Conference: Compromiso pa nombra Western Wetlands como area RAMSAR y introduci un planta di tratamento di awa(RWZI), nobo.
Our Oceans Conference y COP: Participacion activo pa proteha biodiversidad y lucha contra cambio climatico, incluyendo trabao riba Climate & Ocean Vulnerability Index y cooperacion internacional.
NATURALESA
DESPERDICIO SOLIDO
Saneamento di Parkietenbos: Limpiesa di e superficie pa prepara pa capping di e dump, y redirigi metal, taira, y otro material na companianan pa procesamento.
A stop e nubia preto cu tabata cubri nos isla y scapa Aruba miyones di boet door di cera dump pa publico.
DESPERDICIO LIKIDO
Probelma di RWZI tabata un di e prome punto di accion na november 2021. Un problema cu pa decadas a wordo neglisha pa tur Gobierno, e hecho cu RWZI a pasa cu capacidad maximo hopi aña atras caba.
A pone paro inmediato riba e custumber structural di manda awa sushi pa lama- A introduci un protocol estricto pa atende cu esaki. Establece comision pa lidera e proceso pa privatisa RWZI. Inverti den investigacion door di Royal Haskoning pa ful e waterketen y un planta nobo di RWZI Bubali, cu awe ta den man di Utilities N.V. pa wordo ehecuta.
Privatisacion di RWZI cu inclusion di e mecanismo pa financiamento di inversion y operacion a wordo aproba den Parlamento.
Sistema di Maneho Nobo: Enfoke riba reduci, re-uza y recicla desperdicio den acuerdo cu teoria di Lansink.
Desaroya un blueprint pa comunidad cu opcion pa deposita desperdicio.
Campaña Nacional Limpi Limpi:
Baki den Bario: Un proyecto di rotacion di parke di separacion di desperdicio den comunidad den colaboracion cu 11 partner di sector priva y publico. Inicia proceso legal pa ekipa BOA’s pa duna boet na esnan cu ta susha nos Pais.
Stimula y activa control social den comunidad como metodo fuerte pa reestablece balor y normanan cu ta dirigi riba cambio di habito y comportacionan negativo con ta anda cu desperdicio na Aruba.
Mi Bario Limpi: Dia Nacional di Limpiesa cu mas di 1000 boluntario rond di Aruba.
Trash-to-Cash Limpi.aw: Un rebranding pa duna educacion y conscientisacion riba e importancia di maneho di desperdicio.
Pitch & Switch Event: Un inventario di experticio local pa traha riba opcionnan innovador pa procesamento di desperdicio.
Transparencia den maneho, publica riba publico.aw
Encarga DNM pa desaroya Standard di operacion pa procesadornan di desperdicio, basa riba tipo di desperdicio.
Circularity Assessment Protocol: Estudio scientifico den colaboracion cu University of Georgia y Impact Blue pa determina con por cuminsa separa na Aruba na un manera structural y transiciona pa un economia circular.
“Nos a experienci'e cu Dump Parkietenbos. Nos a experiencia mesun cos cu RWZI.
Awor nos ta bibando e resultado di un modelo di bida di 5 strea sin planificacion.
Persigui crecemento economico sin paga tino cu conservacion di naturalesa.
Persigui desaroyo economico, sin planifica e necesidad di produccion di coriente.
Gobernacion nan cu ta traha pa siguiente eleccion y ta laga nos futuro generacion nan na caya.”
NATURALESA
BUREAU CITY INSPECTOR
Fortifica BCI, un departamento cu a wordo menos precia pa añas cu nombracion politico. Awe BCI ta bek den luz positivo cu balor inmenso pa nos comunidad. Reduci costo di huur drasticamente cu localidad nobo. Ekipanan cu 6 ploeg pa tareanan di dumpmento di sushi ilegal. Ekipanan cu Fixi.aw pa eficiencia di trabou.
Inicia proceso di Piket, pendiente na DRH.
BCI tin un rol importante pa eherce den e maneho di desperdicio y di nos naturalesa.
NATURALESA
SERLIMAR
Serlimar tin un historia no masha agradabel, un compania estatal cu a wordo maluza den pasado pa beneficio politico. A abusa di dje di tal forma cu casi ela bati bancarota, y den esaki ta e trahadonan a keda mal sirbi, poniendo nan entrada na peliger.
Nan lucha no tabata facil. Den un clima financiero hopi fragil,
A logra un acuerdo crucial pa paga debenan, cu cooperacion di DIMP.
A logra aloca 7 miyon florin en total den Presupuesto, un cantidad significativo, cu apesar di no cubri tur Serlimar su debenan, tabata critico pa cumpli cu creditornan den sector priva. E sacrificionan ta prueba cu Serlimar tabata determina pa lucha pa su futuro.
Duna Serlimar un base financiero mas solido pa por carga gasto.
Saneamento Dump Parkietenbos.
Exposicion di “Nos Tera, Nos Pais”, a duna oportunidad pa ploegnan di Serlimar asisti y ricibi informacion for di diferente departamento di Gobierno. Asina a reduci personeelkosten di Serlimar, y empodera otro deaprtamentonan di naturalesa.
Tarifa nobo di nan servicio pa asegura e compania su sobrevivencia. Cumpli cu trahadonan cu tabata tin añas den espera pa nan bevordering, periodiek, y overtime. Un paso clave pa proteha y balora trahadonan fiel di Serlimar.
Serlimar ta preparando pa posiciona su mes como lider den procesamento di desperdicio.
AGRICULTURA
Hisa produccion local 400%
Agricultura, Cria y Pesca.
Implementa medidanan pa fortalece y revitalisa e sector, elevando su potencial pa futuro.
NATURALESA
Inversion den FAD's (Fish Aggregating Devices): Introduci dos FAD's pa facilita captura di pisca, brindando un apoyo directo na piscadornan local.
Ley di Spearfishing: E concepto di ley ta na RvA pa regula pesca y proteha cida marino cu participacion amplio di grupo di interes.
Maneho di Piernan: Via Hadicurari, a realisa trabou pa fortalece e piernan di piscadonan, mehora acceso y condicionnan.
Acuerdo cu WEB: Extende e areglo cu WEB pa duna awa na tarifa mas abao pa agricultornan.
Fondonan Disponibel via Qredits: Hunto cu Minister di Economia, a pone recurso disponibel pa incentiva agricultornan di hobby pa comercial.Agri Business Academy y Afri fund.
Good Agriculture Practices (GAP): A instala un Comision Tecnico y un Comision Ehecutivo di GAP pa implementa standard di produccion agricola siguro y sostenibel.
Agroforesteria: Introduci proyecto di Hardin di Alimentacion na 13 scol como prome fase, y despues extende na otro instancianan den comunidad pa educa nos muchanan y nos hendenan riba autosuficiencia y alimentacion.
Agro Conference 2022: Organisa un conferencia pa comparti miho practicanan entre islanan den Reino Hulandes, creando cooperacion y intercambio di conocemento.
Acuerdo cu DIP pa DLVV(Santa Rosa) ta e instancia pa maneha terenonan destina pa agricultura y cria.
MoU Xavier University pa fortifica servicio veterinario na Aruba.
MERCADO LOCAL PA AGRICULTOR
A stimula mas mercado di Santa Rosa pa conecta agricultornan y consumidornan, reforsando e circulo local di produccion y distribucion.
Introduci un plan pa inclui mercado local organisa den e proceso di revitalisacion di San Nicolas, creando mas oportunidad pa benta y promocion di producto local.
PROMOVE PESCA SOSTENIBEL
HARDIN DI ALIMENTACION
NATURALESA
BIENESTAR DI ANIMAL
Animal Welfare Center: Inversion di 2.6 miyon pa construccion di un centro nobo cu groundbreaking na october 2024.
Mehoramento di CCC: Ekipa Centro di Control di Cacho (CCC) cu material moderno y dos empleado adicional.
Reduccion di Eutanasia: Drasticamente baha cantidad di animal cu ta wordo poni drumi. Nos a bai di 5000(2021) pa aña, pa solamente 36 entre 2023-2024, basa riba criteria stricto y bon colaboracion cu fundacionnan.
Durante aña 2023 nos a ricibi 313 animal den ccc, di cual 231 a wordo adopta door di fundacion y un total di 31 a wordo adopta pa nos hendenan local. Colabora cu fundacion Lock4Paws cu a ubica su “pet-food pantry” na CCC pa asina yuda famianan den necesidad cu cuminda pa nan mascota. Den su totalidad nos a logra yuda 360 famia den necesidad. Un total di 2605 mascota por a come tur dia danki na e ayudo aki. Un total di 88mil saco di cuminda a cer reparti na e famianan aki pa asina asina nan mascotanan por come.
Material di Educacion den scolnan den cooperacion cu Minister di Enseñanza, concursonan di pintamento na scol basico pa trece conscientisacion doño responsabel di un mascota.
Campaña di Microchipping, ekipando fundacionnan y veterinarionan pa por microchip y registra mascotanan ariba e database general Aruba Pet Registry.
A colabora cu Stimami Sterilisami, Paws United Aruba y Animal Welfare Alliance Aruba pa campañanan di sterilisacion di mascota y a facilita microchips pa e campañanan aki.
Durante e campaña di Sterilisacion, e aliancia di fundacion a logra sterilisa un total di 840 gratis desde april te cu augustus.
Cu e cantidad di 840 mascota cu a wordo sterilisa, por bisa cu a logra preveni un total di 7.500 mascota cu lo a nace indeseadamente den e proximo aña. Si calcula esaki cumulativamente, a yuda preveni 37mil mascota cu lo a nace indesea den e proximo 5 añanan.
ADULTOMAYOR
NOSGRANDINANTAEPILARNANARIBACUALNOSPAIS
TAPARARIBADJEAWE
Nos bida ta un cadena di generacionnan. Un cadena cu fortifica pa e mannan di nos grandinan. Nan tabata e pioneronan, e fundeshi di nos comunidad.
E ta un tristo realidad, cu Aruba, den tur su exito, a bay dilanti lagando nos grandinan atras. E mesun wowonan cu a mira tanto progreso, tambe por mira cu nos NO ta comparti e fruto di nan labor.
E meta tabata claro, no por tin luga pa tristesa den e wowonan di nos adultonan mayor. Nos mester a pone nos mes di acuerdo y traha, pa asina e wowonan cu a mira Aruba progresa,por finalmente bisa cu en berdad, nos ta scuchando nan!
Prome biaha Aruba ta conoce un Ministerio di Asuntonan di Adulto Mayor halsando nan pa ricibi e atencion cu nan merece.
A declara luna di october como Luna di Adulto Mayor unda ful un luna tin actividad dirigi na conscientisacion, informacion y educacion riba necesidadnan pero tambe balora nos adultonan mayor.
PASADIA PA ADULTO MAYOR
ADULTO MAYOR
CUIDO EFECTIVO
Instalacion di Commisie Ouderenzorg in Perspectictief cu despues a bira Foro Adulto Mayor kendenan a entrega rapport "Waarborging van levenskwaliteit voor ouderen op Aruba" december 2024.
Maneho basa riba un perspectiva social di embehecimento y cuido en bes di un perspectiva medicalisa. (Sociale Benadering)
Traha hunto cu casnan di cuido pa encurasha nan cumpli cu rekesito pa por ricibi nan permiso pa opera.
A bai di 0 cas di cuido cu permiso, pa 9 cas di cuido cu permiso pa opera nan cas di cuido.
A soluciona e impasse y friccione entre SABA y Gobierno cu tabata existi pa añas. Pa esaki a instala un comision independiente pa haci investigacion y duna conseho.
Restructuracion di Cuido: Pa coregi e problema di 'verkeerde bedden', nos a introduci un sistema di zorgzwaartepakket. E sistema aki ta identifica e tipo di cuido cu cada adulto mayor mester: con intensivo, con costoso, y den cual categoria di cuido nan ta. Asina nos por crea un mapa claro di necesidadnan di cuido y asegura cu cada persona ta ricibi loke nan mester.
Maneho Delta Plan publico riba publico.aw
Reconoce nos Baluartenan.
Funda Directie Ouderezaken pa adulto mayor tin un caminda central pa tur infromacion y ayudo.
Pone fondo disponibel pa fortifica y engrandece “Ami ta Inclui - #125 Telefoon pa Adulto Mayor”, asina atende cu problematica di isolacion.
A inverti den cursonan pa POH por amplia nan conocemento dirigi riba cuido di Adulto Mayor.
MoU cu Xavier University pa eleva calidad di cuido pa nos adultonan mayor. Foro Nacional I y Foro Nacional II pa Adulto Mayor unda a firma convenio nacional, ancrando compromiso di mas cu 21 organisacion pa traha hunto na bienestar di adulto mayor.
Stimula mas enfoke y viviendo pa Adulto Mayor via FCCA.
PROYECTO PASADIA
A crea un espacio cu actividadnan positivo, cu ta inclui actividadnan como terapia di musica, weganan di mesa, y espacio pa sinta combersa. E proyecto a inicia caba cu 2 di e 10 ubicacionnan planifica, unda nos tin como partnernan Wit Gele Kruis, FCCA, SABA, Buurtzorg, Cas Marie, YMCA, y Rode Kruis. E facilidadnan nobo lo habri completamente na 2025.
SIGUI PADILANTI
Cada paso cu nos a tuma ta parti di un vision mas grandi. Tur logro, cada proyecto y cada cambio cu bo a lesa den e paginanan aki, no ta simplemente un resumen di e trabou di un ministerio; nan ta testimonio di progreso cu nos a logra hunto.
Nos a hereda un pais cu desafionan, pero cu union, determinacion y trabou duro, nos a demostra loke ta posibel. Di e prome biaha cu naturalesa su bos a resona, pa pone nos adultonan mayor como prioridad, tambe fortalece integridad den nos gobernacion—e trabounan aki no ta un fin, sino un cuminsamento.
Mientras nos ta cera e capitulo aki, mi ta invitabo pa sigui sigui lanta tur dia pa Aruba, pa awe, pa mañan y pa nos tur.
