s
¿He zó haquiimet ya?
René Montaño Herrera quih, tiix yaaspoj iha.
¿He zó haquiimet ya?
Título: ¿He zó haquiimet ya? (en la lengua cmiique iitom (seri), código ISO 639-3 = sei) Traducción al español: ¿Qué tipo de lagartija soy? Tercera edición, 2015 Socaaix, Sonora, México Ilustradora, Cathy Moser Marlett Editor de la serie, Stephen A. Marlett © 2015 René Montaño Herrera © 2015 Cathy Moser Marlett Derechos reservados conforme a la ley La creación de esta obra fue posible gracias al apoyo del Christensen Fund y el Instituto Lingüístico de Verano.
!ii
¿He zó haquiimet ya?
René Montaño Herrera quih, tiix yaaspoj iha.
Hapaspoj hipquih cรถipaspoj hac Hapaspoj hanoocaj hipquih xicaquiziil xah, comcaac queeej com ipooht x, haquiimet quih pti immis com iquiihom xah, itaasitoj coi cรถisiyaj hac oo cรถipah iha.
v
vi
1 He ziix ccam intita ma hapaho zo he imhaa ha. Hiip cop quisil iha. Hinaail com hax toopol oo ma, hax tmasl oo, it hant cömiimetolca. Mos coospoj iha. ¿He zó ziix ccam ya?
1
2
3
4
�paaza (Heloderma suspectum)
2 He ziix ccam hant caacoj quij iti quiih zo he imhaa ha. Hant xepe imac quiij cah iti hpmiih. He mos hapahit iha. Hant xepe imac quiij zo haa tiij ma, mos hiiqui imataasitoj. ¿He zó ziix ccam ya?
5
6
7
8
⇐coof
(Hant xepe imac quiij quih Coof Coopol It Iihom impáh.)
(Sauromalus obesus)
3 He ziix ccam hant caaitic com ano quiih iha. Hinaail com hax tmasol oo ma, coopol quih cömoospoj. Ziix quiisax him imiixim zo haquix imiih iha. Hiicx csiijim quih haquix tiih x, miteejöc. ¿He zó ziix ccam ya?
9
10
11
12
�coziixoj (Coleonyx variegatus)
4 Iicj quih caaitic cah ano hpmiih. Hant cmatj com iti hatom x, hax ihpmozácanim oo. Hipnij quih hahoot hac hax mooil oo. ¿He zó ziix ccam ya?
13
14
15
16
�ctamoofi (Callisaurus draconoides)
5 Hisoj com hax moopol oo. Hant quih hast quih quiinim cah ano hpmiih. Hiip cop cacösxaj iha. He ziix ccam ziix z iij cöquiiitim z imhaa ha. ¿He zó ziix ccam ya?
17
18
19
20
�ctooixa (Cnemidophorusspp.)
6 Hisoj com hoox tsoop, hax cömiin oo. Hinaail com hax innoosc oo. Comitin xah haas xah, taax ah iti hamom. Haasax quih mos ano hamom. ¿He zó ziix ccam ya?
21
22
23
24
�haasj (Sceloporus magister, Sceloporus clarkii)
7 Cootaj cah poozoj oo ta hsiihit xah taa hpmiimoz. Hinaail com cooscl iha. Hilít quij mos hax yopeetij oo. ¿He zó ziix ccam ya?
25
26
27
28
�hant coaaxoj (Phrynosoma solare)
8 Iicj caaitic quih áno hpyomiih. Hast cah íti hpyiih. Ihptictamo, he mos ziix iisax cöcaaix iha. He hihiisax quih consiisax aha. ¿He zó ziix ccam ya?
29
30
31
32
�heepni (Ctenosauraspp.)
9 Intipa ta hant áa com iti himiih iha. Ziix quiisax quih haquix tiih, hin taho, hast quih he ittím ma x, taax oo iti iiqui cöhipanzx iha. Hiisax iizc com hax mooil oo. ¿He zó ziix ccam ya?
33
34
35
36
⇐hast coojö (Crotaphytusspp.)
10 He ziix ccam caacoj z imhaa ha. Hant ihiipi com íti hpyomatax. Hehe quih hapi him cmis cah iti hayom. ¿He zó ziix ccam ya?
37
38
39
40
�hehe iti cooscl (Urosaurus ornatus)
11 Hast quih iti hpyomiih. Hant cooxp hastoj cnoosc quih chaa cah ano hpyiih. Ihyacazni xooixaj. ¿He zó ziix ccam ya?
41
42
43
44
ziix tocazni
�heme imocomjc (Dipsosaurus dorsalis)