Voces contra a violencia de xénero. Breve escolma. 25N

Voces contra a violencia de xénero Breve escolma 25 N

1

Imaxe portada: https://www2.arteixo.org/index.php/gl/tag/igualdade 2

Voces contra a violencia de xénero Breve escolma 25 N

Breve escolma de voces poéticas e narradoras, para o 25 N, Día Internacional da Eliminación da Violencia contra a Muller, de cara a nos concienciar sobre esta terríbel lacra social e de cara a nos comprometer na procura dunha sociedade na que a igualdade de xénero sexa a panacea que desterre de vez o sufrimento de tantas e tantas mulleres.

3

4

Índice de voces poéticas e narradoras: Rosalía de Castro (páx. 9) María Reimóndez (páx. 10 e 12) Xohana Torres (páx. 11) Ana Romaní (páx. 13) Marilar Aleixandre (páx. 14) Marica Campo (páx. 15) Marta Dacosta (páx. 16) Helena Villar Janeiro (páx. 17) Anxos Romeo (páx. 18) Lupe Gómez (páx. 19) Rebeca Baceirado (páx. 20) Emma Pedreira (páx. 21) Carlos Negro (páx. 22) Estevo Creus (páx. 23) Alba Payo Froiz (páx. 24) Adelfa Martín (páx. 25) Dahabiya Khamis (páx. 26) Elizabeth Carreño (páx. 27) Guisela López (páx. 28) María Gutiérrez (páx. 29-30) Muriel Rukeyser (páx. 31) Rocío Silva-Santisteban (páx. 32) Sesé Mateo (páx. 33) Ledicia Costas (páx. 36) Antía Yáñez (páx. 37) Mercedes Leobalde (páx. 38) Xelís de Toro (páx. 39) Beatriz Dacosta Molanes (páx. 40) Camilo Franco (páx. 41) María Solar (páx. 42)

5

6

Escolma de voces poéticas de aquén e de alén

7

8

Rosalía de Castro A xustiza pola man Aqués que tén fama de honrados na vila roubáronme tanta brancura que eu tiña, botáronme estrume nas galas dun día, a roupa decote puñéronma en tiras.

Nin pedra deixaron, en donde eu vivira; sin lar, sin abrigo, morei nas curtiñas, ó raso cas lebres dormín nas campías; meus fillos... ¡meus anxos!... que tanto eu quería, ¡morreron, morreron, ca fame que tiñan!

Quedei deshonrada, mucháronme a vida, fixéronme un leito de toxos e silvas; i en tanto, os raposos de sangre maldita, tranquilos nun leito de rosas dormían.

Salvádeme, ¡ouh, xueces!, berrei... ¡Tolería!

De min se mofaron, vendeume a xusticia.

-Bon Dios, axudaime, berrei, berrei inda...

Tan alto que estaba, bon Dios non me oíra.

Estonces cal loba doente ou ferida, dun salto con rabia pillei a fouciña, rondei paseniño... ¡Ne-as herbas sentían!

I a lúa escondíase, i a fera dormía cos seus compañeiros en cama mullida.

Mireinos con calma, i as mans estendidas, dun golpe, ¡dun soio!, deixeinos sin vida.

I ó lado, contenta, senteime das vítimas, tranquila, esperando pola alba do día.

I estonces... estonces, cumpreuse a xusticia: eu, neles; i as leises, na man que os ferira.

Do íntimo (Follas Novas). 1880.

9

María Reimóndez Velázquez Moreno: Galatti Manequíns sen cabeza e sen roupa.

Como todos eses corpos no telexornal Unha nova vítima da violencia doméstica aparece morta a puñaladas nas películas Nesta nova produción o asasino en serie elixe a mulleres con cara de boneca no piso de enriba Cala, puta! Desta vez vas aprender... na rúa Eh, cu, pasa para aquí, o que necesitas é que te fodan ben.

Corpos golpeados, corpos violados, corpos acosados corpos sen cara e sen nome.

Mais temos cara e nomes e latéxanos o corazón no peito a cada unha de nós.

Habédelo ver.

Moda galega. 2002

10

Xohana Torres PENÉLOPE DECLARA o oráculo: “QUE á banda do solpor é mar de mortos, incerta, última luz, non terás medo.

QUE ramos de loureiro erguen rapazas.

QUE cor malva se decide o acio.

QUE acades desas patrias a vendima.

QUE amaine o vento, beberás o viño.

QUE sereas sen voz a vela embaten.

QUE un sumario de xerfa polos cons.”

Así falou Penélope: “Existe a maxia e pode ser de todos.

A que tanto novelo e tanta historia?

EU TAMÉN NAVEGAR.” Tempo de ría. 1992

11

María Reimóndez Cada vez que camiñamos Cada vez que camiñamos soas pola noite Cada unha de nós leva ao lombo os corpos de todas as mulleres violadas e asasinadas.

Non sabemos os seus nomes infinitos mais fican escritos No noso ADN do medo transferido por sabios consellos de nais e pais, familias preocupadas, mozos que queren acompañarnos á casa, películas con mancheas de corpos mortos sen identificar e ameazas en cada recuncho visual.

Mágoa que eses mesmos consellos e preocupacións non se concentren na parte que viola e asasina porque igual que nosoutras vencemos o ADN e camiñamos habería outros que poderían vencer o ADN e se non ficar eles encerrados.

Moda galega reloaded. 2014

12

Ana Romaní

Que me amaba que daría por min que subtraería os seus ollos o sol para así iluminar o altar no que me adora que serían poucos días que puidese beber sen esgotar a sede cando nada se verque sen min nos pradairos.

Diario da princesa. 2002

13

Marilar Aleixandre

Hoxe silencio

roto

Vergoña

destecida

escribo coa tinta

do teu sangue.

Polifonías, voces poéticas contra a violencia de xénero. 2006

14

Marica Campo

Apenas hai palabras e unha morte.

Calella sen saída é outra: medo.

Chamámoslle muller, mais tiñan nome, como falar de espiña e dicir rosa.

Todo foi un camiño cara ao sangue, o voitre e mais a pomba nunha casa.

Polifonías, voces poéticas contra a violencia de xénero. 2006

15

Marta Dacosta

Mírame agora que son silencio, eternidade, Mira o meu corpo branco, case azul na quietude, Son Ofelia de novo aboiando nas augas, arrastrada na historia dun mundo á túa imaxe.

Ofelia case azul, xa para sempre muda, Inmóbil perfección de obxecto posuído.

Ergue a man, Ofelia, esa man que aínda leva o sangue, a pel, a proba do delirio covarde.

Polifonías, voces poéticas contra a violencia de xénero. 2006

16

Helena Villar Janeiro

E o recordo das ás de bolboretas do prístino desexo daquel deseñador viuse substituído para moitas mulleres por tépalos de sangue que abrollan nos seus corpos de cálices morados.

Polifonías, voces poéticas contra a violencia de xénero. 2006

17

Anxos Romeo ... ... ... a mamá estaba cautiva pero non o sabía, Estaba desordenada sen pernas E non o sabía, Eu si o sabía e calaba, Inventábaa no fondo da noite, Sen voce tapaba tódolos seus horrores, Aquel regalo que un deus que non Existe lle fixera -Estás tan refuxiada no comulgatorio Nos salgueiros debullados Que non ten lembras, pero eu si.

A tribo das baleas. Poetas de arestora. 2001

18

Lupe Gómez O amor O amor foi un trallazo forte que rompeu a ventá. E quedou rota para sempre. Eu limpei do chan os cristais. Corteime con eles en tódolos dedos.

Pornografía. 1995

19

Rebeca Baceirado O abismal, a auga I de verdade queres saber que hai debaixo desta saia? unha ferida.

II manteño a temperatura do corpo facendo leña. manteño a temperatura do corpo respirando golpes. manteño a temperatura do corpo queimando os cortes. manteño a temperatura do corpo comendo da man do tempo a súa materia.

O canto da Sibila. 2016

20

Emma Pedreira Lista da compra da viúva ... ... ...

Volve haber cigarros, tapóns para os ollos, pinturas para recalcar os meus poros lacazáns, e etiquetas nas que marcar cada lugar de min que non se pode tocar máis.

Volve haber pintalabios que non me arrincarás a beixos, maquillaxe para este último golpe (que irá mudando a súa cor como o plátano maduro), panos de papel para desbordamentos, masilla para as miñas fendas de ruína.

E compresas.

Porque esta mañá -probablemente- perdemos a última oportunidade de ser os terribles pais dunha indómita nada.

Antídoto. 2018

21

Carlos Negro Barbie girl O noso universo é rosa.

Rosas son os muros da prisión das princesas.

Rosa o amor e o estampado dos vestidos.

As fadas, as bonecas, a luz, a laca de unllas, as máscaras, son todas de rosas.

As portadas das revistas que nos deseñan os soños, feitas están tamén co fulgor tan delicado do rosa.

E eu, pequena larva, afogando entre estas catro paredes eternamente de rosa.

Penúltimas tendencias. 2014

22

Estevo Creus

muller golpeada non precisa de diagnósticos psiquiátricos nin de diagnósticos socias e familiares sobre o correcto de aguantar a vida esta que é así. muller golpeada é un corpo que xa por ser corpo leva o big-bang entre as costelas para doerse sempre este é o único golpe inevitable que coñezo ou o único diagnóstico posible do precioso. o o demais chámase Patadas.

Polifonías, voces poéticas contra a violencia de xénero. 2006

23

Alba Payo Froiz

Afganistán 1999, 1 maio.

Profesor de Literatura -Os deberes de mañá, unha poesía para vosa nai.

2 maio. .

,

;

... ...

, .

A miña nai case non se lle ven os ollos.

Creo que son azuis mar. .

IV Forxa literaria. A Solaina. 1999

24

Adelfa Martín (México) A las mujeres asesinadas en México y en el mundo El cansancio la agota y los sueños la envuelven se transporta a silencios que le lavan el alma ya no sufren ni lloran por amores malvados ni se esconde en las sombras, ni el dolor la derrota.

Ha encontrado la paz que soñó cuando niña tejiendo con sonrisas sus amores de infancia, jugando a ser feliz vestida de azahares envuelta en blancos velos sin saber de temores Se escuchará en la radio... "era una de tantas" de las que casi a diario se las encuentran muertas en oscuros rincones o en medio del desierto con el cuerpo hecho trizas y en otras ocasiones tan solo sus cenizas Pero jamás sabremos la verdad tras la alerta y es que ella ignoraba que el demonio existía y se entregó creyendo que el amor no mentía Hoy es sólo una más que se lleva la vida una raya en el hielo, es algo que se olvida.

Y la culpa no era mía. Antología de poesía feminista.

Biblioteca Omegalfa. 2020

25

Dahabiya Khamis La niña y la circuncisión Cumplí siete años, ahuyentaba los gallos, jugaba con ovejas imitaba el cacareo de las gallinas, robaba golosinas y el vestido de mi hermana menor.

Leía las revistas de mi hermano mayor, esparcí las plumas del almohadón sobre su cabeza.

Me rodearon siete mujeres viejas, el cuchillo reptó hacia mi flor, al brotar la sangre, las mujeres trinaban.

Mi hermana me miró asustada.

Y yo, ya no ahuyenté gallos.

Y la culpa no era mía. Antología de poesía feminista.

Biblioteca Omegalfa. 2020

Dahabiya Khamis (1958) naceu nos Emiratos Árabes Unidos. Estudou Filosof ía, Ciencias Políticas, Antropoloxía. A publicación da súa “Antoloxía Persoal” foi confiscada. Prohibíuselle seguir escribindo, sendo encarcerada un tempo para que no escribise máis.

26

Elizabeth Carreño (México) Algo murió en una mujer Hoy un hijo de puta golpeó a una mujer, lo hizo delante de sus propios hijos y limpié sangre de las manos de un niño que intentó ayudar a su mamá.

Recogí un río de lágrimas de dolor y me enfrenté con la cara del miedo mientras curaba heridas de unas patadas porque no pude sanar las del corazón.

A esta hora, ya no puedo contener la indignación que me brota por los ojos directa del alma.

Este día tomé los trozos de una mujer que quiero sintiendo el peso de la humillación en su mirada.

Se me agolparon los reclamos, la denuncia, la tristeza, me temblaron las piernas ante la brutalidad.

Ahora crece la infección de la impotencia como una enfermedad que me carcome las entrañas y me lacera la razón.

No puedo fingir ya, algo murió en una mujer este día hoy lloro un océano completo... lloro por mi mejor amiga.

Y la culpa no era mía. Antología de poesía feminista.

Biblioteca Omegalfa. 2020

27

Guisela López (Guatemala) Abriendo brecha Andamos abriendo brecha, apropiándonos de nuestro nombre, de nuestras agendas. de nuestra edad, atesorándola, asumiendo los cambios, cambiando.

Rompiendo hechizos Es necesario revertir el hechizo.

Ese que borra a las mujeres de los libros de historia, de las esferas de poder, de las antologías. Ese que las encierra entre cuatro paredes con solo colocarles un anillo.

Y la culpa no era mía. Antología de poesía feminista.

Biblioteca Omegalfa. 2020

28

María Gutiérrez (Canarias) Yo soy la mujer Yo soy la mujer Yo grabé las figuras en la pared de las cavernas Descueré a las bestias y curtí sus pieles Yo cocí la carne y la sequé para servirla en las noches frías del invierno Cosí con los tendones y agujas de sus huesos el calzado de los padres de mis hijos Los guerreros que me forzaron. Los valientes cazadores Los jefes de los clanes. Los chamanes. Los bufones Yo soy la mujer Yo limpié sus mocos y su semen Yo amamanté a sus bestias huérfanas. Y a las mías Yo mantuve vivo el fuego Amasé el barro de sus vasijas y las levanté, y las llené, y llené sus bocas y sus vientres Y lo seguí hasta las trincheras para coser su camisa y sus heri das Para llenar sus balas y secar sus ojos de la muerte Yo soy la mujer La esclava invisible La niña mutilada por el hombredelacuchillasucia La puta lapidada La bruja de la hoguera La loca amordazada La concubina

29

Yo soy la mujer Nunca en mí Nunca mi dueña Siempre en otras manos mi destino Mi cuerpo Mi esperanza cercenada desde el centro Yo soy la mujer Yo caliento la cama de los hombres Yo madrugo para besar su frente a pesar de su silencio Y podría comprender su miradausentedegarrasdespiadadas pero no quiero No cerraré los ojos por más tiempo ni ofreceré mi cerviz otro milenio Viraré mi rumbo al sur de su camino No voy a restañarlo de más guerras Dejaré mi carga espesa de dolor y culpa y que la mar se lleve el pus del tiempo Yo soy la mujer Y con mis manos de tierra y miel amasaré las horas y el pan cada mañana Y un día cantaré Y la culpa no era mía. Antología de poesía feminista.

Biblioteca Omegalfa. 2020

30

Muriel Rukeyser (EE UU) Edipo Mucho tiempo después, Edipo, viejo y ciego, iba por los caminos.

Percibió un olor familiar. Era la Esfinge. Edipo le habló: ―Quiero hacerte una pregunta. ¿Por qué no reconocí a mi madre? ―Diste la respuesta incorrecta, respondió la Esfinge. ―Era la única respuesta acertada, -contestó Edipo-. ―No, repuso ella. -Cuando te pregunté qué es lo que camina en cuatro patas por la mañana, dos al mediodía y tres al ocaso, contestaste el Hombre. No dijiste nada de la Mujer. ―Cuando se dice Hombre, contestó Edipo, ―está incluida la Mujer. Todos lo saben.

La Esfinge repuso: ―Eso es lo que tú te crees.

Y la culpa no era mía. Antología de poesía feminista.

Biblioteca Omegalfa. 2020

31

Rocío Silva-Santisteban (Perú) El hombre más pobre del mundo El hombre más pobre del mundo … es una mujer peruana, africana, india, quizás una mujer campesina una mujer que fue violada por el primer marido embarazada una y otra vez explotada durante el embarazo olvidada durante la lactancia y el parto una mujer que cortó el cordón umbilical con sus propios dientes que a los treinta se quedó sin marido sin caficho sin pelo y después los hijos uno por uno la olvidaron a la vera del camino una mujer que murió y no fue enterrada cuyo rastro se perdió sobre la arena una mujer que ni siquiera es un viento una mujer de quien no queda ni huella solo un eco un eco sordo un resentimiento negro sobre la tierra.

Y la culpa no era mía. Antología de poesía feminista.

Biblioteca Omegalfa. 2020

32

Sesé Mateo Mutiláronme un peito Mutiláronme un peito e despois das salas brancas e despois do silencio e do medo creceume o corpo.

Os meus dedos alongáronse como espigas douradas. ... ... ...

As miñas pernas fixéronse fortes pero suaves como os bicos ... ... ...

Nos meus brazos agora caben más corpos, meus fillos e meus netos afúndenseme neles e os meus brazos agrándanse para recollelos como se fosen flores de pétalos do meu sangue, ... ... ...

Os meus ollos ábrense ao amencer famentos de mar e bicos, de camiñar cos pasos dos meus, que non teñen medo e van cara á vida como sementes aos ventos, libres e felices como nen@s pequenos.

A miña boca está chea de palabras para construír a vida de novo, a mesma que quero.

Os meus peitos son máis fermosos porque no se renderon e esperan caricias e amor, apertas e bicos. ... ... ...

Sesé Mateo foi asasinada pola súa parella en febreiro de 2017.

33

34

Escolma de voces narradoras de aquén

35

Ledicia Costas

O teu pai era violento. A primeira vez que me zoscou foi antes de naceres ti. Pouco despois de casar. Cruzoume a cara por mor dunhas fanecas. Esquecín botarlles sal... Respectou a época en que estaba embarazada de ti... Tan pronto naciches todo se esfarelou... Estaba soa, cun bebé ao que criar e cun home que me odiaba. Que podía facer? Que querías que che dixese?

Que tiñas un pai maltratador. Iso non é protexer unha filla. Quixen evitarche ese sufrimento. ... ... ... .

-Cando fixen corenta anos, rompeume unha costela dunha patada. Puxen un vestido precioso de flores azuis. Era sábado e había festa... Creo que foi un amigo del que me comentou algo ao oído. Cando chegamos á casa dixo que me ía matar. E case o fai. ... ... ...

Aquela noite agarroute polo pelo porque non quixeches darlle un bico de boas noites. E non me estraña, estaba bébedo. Arrastroute desde o cuarto de baño ata o salón... Era a primeira vez que se atrevía contigo... Arrincouche a blusa... Tiven que plantarlle cara... O martelo estaba enriba da mesa do salón... Non tiven moito que pensar... Así que agarrei o martelo e esnafreillo no cranio. Golpeeino ata que llo desfixen... Hai homes que violan as fillas. Tiña tanto medo... Cavei o burato e chimpeino dentro. Tardei tres horas en rematar...

Golpes de luz. 2021

36

Antía Yáñez Setembro 1927. Ao final, Alana non acudiu ao teatro; había cousas que nin os pos de arroz borraban.

Decembro 1927. Bernabé prohibiulle ir de compras coas Elenas. Nas rúas había demasiados homes que a miraban...

Abril 1928. Alana non volveu sorrir en toda a cea. Tampouco o fixo despois, cando a montou sen ningún tipo de consideración.

Maio 1928. Perdón... Ela volveu sentir as pernas tremer... Só que xa non sabía diferenciar se era por amor ou por medo. ... ... ...

Decembro 1928. Aquela noite non foi que de durmir pola dor das costelas.

Setembro 1929. Asunción rompeu un prato dunha vaixela moi cara e Bernabé rompeulle un dedo da man a Alana ao pisarllo cos zapatos da rúa, dicíndolle que non valía nin para vixiar o servizo.

Novembro 1929. Era unha inútil. Non sabía facer nada ben. PUM. Non merecía a alguén coma el. PUM... Xa se fixara en como miraba a todos os homes, con lascivia, con luxuria. PUM. Puta, puta, puta. Puta e inútil. PUM...

Senlleiras. 2018

37

Mercedes Leobalde

Volveu ao espello e retocou a maquillaxe...

Co negrón, a xente aínda había crer que era unha muller maltratada!... Á altura do quiosco reparou nun home maduro... Cando chegou á súa altura, reafirmándose cun aceno de cabeza sentenciou: “Ai, non, ti tamén has de ser boa!”

Funambulistas. 2015

38

Xelís de Toro

O xefe miraba para Rosa e despois movía os aneis de ouro dos seus dedos. [...], tes medo de min?, [...] e entón o xefe agarrou o brazo dela con forza, [...] Rosa ti es unha muller, sábelo?, [...] desde o día en que entraches a traballar fixeime nas túas tetas, Rosa. E as súas mans pegáronse nas tetas de Rosa coma dous polbos, [...] por favor non siga, pídollo polo que máis queira.

Rosa, sabes que sempre me gustaches, nena déixate de parvadas, sei que necesitas este traballo, hai cen mil esperando, porque non es un pouco agradecida, non creo que sexa tan difícil, non che gusto?, eh, non che gusto?, non é iso ...

Non hai misericordia. 1990

39

Beatriz Dacosta Molanes

A charca de sangue de Elisa fixérase enorme e devoraba o aire nunha especie de espantosa asfixia. Os seus ollos abertos incomprensiblemente desesperados na derradeira imaxe...

Elisa fora agredida de incomprensión, por iso as cintas policiais acoutaban o recinto.os fotógrafos retrataban fragmentos de feridas. Os funcionarios buscaban probas que lles ofrecesen a posibilidade de reconstruír a violencia cun erro mínimo na hipótese.

Bautista xa non agardaba nada no seu cuarto, sentado na cadeira de brazos... A mirada vidrosa, perdida en ningún lugar...

Permaneceran xuntos ata o derradeiro intre. A navalla aberta e xelatinosa ficaba á beira da cama, no chan...

Elisa aínda respiraba, pero o fío de aire deixara axiña de asistila...

Precipicios. 2002

40

Camilo Franco

Estaba de ser Chamábase Jack, era carniceiro, viñera do norte. A xente desconfiaba del, que logo din que a literatura non serve para nada. A natural prevención que levantaba a súa mala prensa quedara compensada coa amabilidade de vendedor e coa elegancia con que cortaba os finísimos filetes.

Co mesmo sorriso atendía a quen pedía pescozo ou xarrete. O seu cada vez máis leve acento inglés dáballe o aire cosmopolita da elegancia. A primeira cliente da mañá non puido reprimir os xestos de puro terror ao mirar a cabeza feminina chantada nun dos ganchos e cada unha das partes anatómicas da británica esposa perfectamente despezadas sobre o mostrador.

Palabras contadas. 2006

41

María Solar

Violoume pero non coma meu pai, porque hoxe, adulta, vella xa, podo poñer as palabras no seu sitio, as axeitadas, as que son e as que cadran. Meu pai violábame, si. Cantos anos tardei en dicilo, en entendelo en toda a súa magnitude monstruosa. Meu pai violábame e aquel home tamén o fixo, pero por detrás. Cunha dor brutal e deixándome un inmenso desgarro anal...

Forzoume ao tempo que me bateu con saña e cando descargou o seu seme aínda me deu a última labazada...

A culpa. 2022

42

Idea e organización: Saleta Fragueiro, Alba Payo e Biblioteca Mario Pereira Maquetaxe: Biblioteca Mario Pereira IES Ramón Mª Aller Ulloa 25N-2022 43

44