Don bento,

DON BENTO, O PORCO FEDORENTO

MARTIÑO TERRAFRÍA VLADIMIR ZATONSKI

DON BENTO ERA UN PORCO GORDECHO E ROSADO QUE TIÑA O RABECHO MOI ARREQUICHADO. DON BENTO ERA AFABLE, UN COCHO CONTENTO, MAIS TODOS A EITO BERRABAN NA GRANXA:

MARCHA LAVARTE, ES UN FEDORENTO!!!

UN DÍA UNHA VACA PACENDO NA HERBA SOLTOULLE UN BRUÍDO MOI FORTE NA EIRA. - MARELA, QUE PASA?- PREGUNTA O PORQUIÑO. - NON QUERO QUE CRUCES POLO MEU CAMIÑO.

QUE CHEIRAS A PODRE QUE FEDES A LIXO!!

O COCHO MOI TRISTE SEGUIU CAMIÑANDO, DEITOUSE NA TERRA VOLVENDO DO PRADO. E LOGO UN CADELO, QUE ENTERRABA UN ÓSO VENTOUNO E LISCOU A FUME DE CAROZO.

- QUE PASA COA XENTE? ESTÁN TODOS LOUCOS?

LOGO DA SONECA FOI ONDA AS GALIÑAS QUE PUÑAN OS OVOS DEBAIXO DAS VIÑAS E O GALO DA CASA, MOI RUFO E OUSADO CHANTÓUSELLE DIANTE MOI ALPORIZADO:

- OU MARCHAS DE AQUÍ OU PETÉIROCHE O RABO!!!

ERGUEUSE ANOXADO E MARCHOU DO LUGAR, E TODOS FUXÍAN AO VELO PASAR. O GATO MIABA E O BURRO ORNEABA E TODOS GRITABAN CANDO EL SE ACHEGABA:

- VAI AO CORTELLO A VER SE TE LAVAS!!!

DON BENTO, O MOI POBRE, MARCHOU Á PENDELLA COAS ORELLAS BAIXAS E O MORRO NA TERRA. - QUE PASA- CHORABA- QUE QUEREN DE MIN, POR QUE TODOS MARCHAN OU BERRAN ASÍ?

- SERÁ PORQUE CHEIRO DE MÁIS AO PURÍN?

UN VELLO CABALO DEITADO NA FROUMA FALOULLE CUN TON CARGADIÑO DE SORNA - DON BENTO, MEU REI, VOUCHE DAR UN CONSELLO SE TE LAVAS NO RÍO E TE SENTAS NOS FENTOS

HAS VER COMO OS OUTROS TE TRATAN CON XEITO.

E LOGO O PORQUIÑO MARCHOU PARA O RÍO, LAVOU OS PEZUÑOS, FREGOU O FOCIÑO. E CANDO Á TARDIÑA VOLVEU PARA A EIRA SAÍRONLLE SAUDAR ÁS CARREIRAS.

- MIRADE, É DON BENTO QUE BEN QUE NON CHEIRA!!!

E ASÍ DESCUBRIU QUE SE ANDABA BEN LIMPO PODÍA FALAR CON TODOS OS VECIÑOS. E A FESTA NA GANXA FOI TODO UN PORTENTO POIS RIRON, CANTARON E ANDUVIERON CONTENTOS.

POIS XA NON CHEIRABA O PORCO DON BENTO!