Hmailam hrang mannak

Chin National Day hlasaktu in a mah ih ttong in hla a sak. Himi hi puai ongnak lam dingih a sak mi asi. Zuk zuk tu Marissa Muñoz

Laimi pawl in kum za le tampi asimi an nunphung an mannak ding ah an puai Ngan tu Thian Awi, Reporter

Feb. 15, nirukni ah Chin Evangelical Baptist Church cu minung khat in a um. Lai thawmhnaw, Lai rawl le Lai hla thawn a khat thluh.

February tinten leilungtlun ih a ummi Laimi pawl Chin National Day an lawm. Southport ih ummi Laimi pawl in kum tinten an nunphung ih a lamdang daan le a sunloi ziah hmuhding ah an puai ringring. Himi ni hi ramdang ih ummi Laimi pawl in tla an sunloih.

“CND cu Laimi pawl ih kan nunphung le kan dan kan lawmnak a si,” phun hleikhat kaimi Solomon Lung in a ti.

Tuikum cu himi ni hi CEBC ah an lawm. Puainak ah Laimi pawl ih lam, rawl, 12 Foreign Language fashion show le Kawlram ihsin mikhual an kawhmi pawl in thutawi an sim ih cule thil dangdang nawmnak in an sunloih.

CND a thoknak cu Feb. 20, 1948 ihsin Lairam democracy ih a cannak hminsinnak ding ah a si. Himi ni hi Kawlram in Britain hnen ihsin luatnak an ngah ni hnu ah an tuah mi si. General Assembly of Chinland timi in Falam ah an tuah ih cumi ah himi thu an bawtcat.

Lung cu tuikum tla CND a feh ngah ih Laimi pawl ih nunphung a hmuh ngah. Asinain, Lung hrangah CND cu nuamnak men ih tuahnak dingah a ruat lo, Laimi pawl ih nunphung nauhak deuh pawl hrang ah kilkhawinak ding caan ah tla a ruat.

“CND hi a thupi

ziangahtile US ih tthanglian Laimi nauhak pawl Lairam ih an nundaan le an nunphung thu an thei tampi lo, curuangah an hrangah himi puai in kan nunphung an thei deuh ding,” Lung in a ti.

Phun hleikhat mi Bawi Zi Par in CND hi a sunloih zet ziangahtile CND a feh asile a nunphung thu a zir thei. Himi puainak feh pawl in Lairam ih an nun daan an hmuh thei.

“CND ih nuamnak an tuahmi pawl thawn kan nunphung tampi ka hmuhsuak ih ka zir,” Par in a ti.

Par in CND ah a hmuh caak bikmi thil pawl cu Laimi pawl ih an hrukmi dangdang le rawl phunphun an tuahmi pawl ei a caak bik tiah a ti.

Van Tuah Piang, himi pawlkomnak tawlreltu

Himi alan hi Lairam ih alan asi. Lairam a langtertu pakhat asi. Thu theih ding

Source: ozoutback. com

To read an English version of this story, scan the QR code.

Mi pakhat in CND lawmnak a zoh. Lai nunphung langter dingin thil tampi an tuah. Zuk zuk tu Marissa Muñoz

Nunau pawl CND ah Lai thilri an hruh. CND ah Lai thilri piah dingin fahsion show a um. Zuk zuk tu Marissa Muñoz

pakhat, in himi ni hi Lai nunphung kilkhawinak ding caan ttha ah a hmu. Midang pawl Lai nunphung an sunloih an hmu asile le nauhak pawl in an cong ve maithei tiah a ti.

“Santhar deuh pawl hrangah cun himi ni ah kan nunphung a lian daan kan lamnak le kan thil hrukmi in an hmuh thei ding,” Piang in a ti.

Par in tla CND hi Lai nunphung huhamnak ding hrangah a ttha ve tiah a zum. “A thupituk ziangahtile upa pawl in kan nunphung an thei ih cumi an theihnak kha kanmah nauhak deuh pawl in zirh ding,” Par in a ti. Himi ni hrang tawlreltu pakhat le thapetu asi vekin Piang in CND hmailam caan ih a um daan ding a ruat rero zo. Zohman in hmalam thu cu an theilo nan Piang in himi ni hi hmalam caan ah tla Laimi pawl in an tuah ringring tiah a zum.

“CND hrang ah hmalaam tthazet ka hmuh,” Piang in a ti. “Kan nunphung hmalaam caan ih kan himnak ding ah in bawm tak ding ka zum.”

Lung in tla a tlawgkai pi pawl le santhar nauhak pawl in an nunphung a thupit ziah le an nunphung theih ding a thupit daan an theihsuak ding ah a duh.

“Lai nunphung hnglih lo ding in tha ka pe duh,” Lung in a ti. “Lai nu le pa pawl in an sungkua US ih rawn dingah an zuamzet ih, kan nunphung hngil ding cu a ttha lo.”

Awnmawi tumtu pawl in thil tampi an tum. Lai nunphung ih awnmawinak tum in an nunphung an mang. Zuk zuk tu Marissa Muñoz

“Santhar deuh pawl hrangah cun himi ni ah kan nunphung a lian daan kan lamnak le kan thil hrukmi in an hmuh thei ding.

Chin National Day remtu Van Tuah Piang

Bawmtu pawl in lutnak hmaiah bennak Lairam alan a cuang mi zuk an zem. CEBC ah an tuah. Zuk zuk tu Marissa Muñoz

Chin National Day ah ziangsaw na duhbikmi?

Phun hleikua kaitu Rose Thluai

"CND ka feh ih ka duhbikmi cu ka nunphung theitu midang pawl ka ton mi asi."

“CND a nuam ka tibik mi nak cu himi ihsin kan nunphung sung ihsin kan dang awk daan ka hmuh thei.”

Phun hleikhat kaitu Ngun Mawi

Phun hleikhat kaitu Bawi Lian “Nunphung laam le fashion show zoh nuam bik ka ti ziangahtile an pi le pu pawl ihsin an ngahmi nunphung an hmuh ruangah.”