Lungawinak tikcu

Foreign Language Editor: Marissa Muñoz Lungawinak

Holidays cu sungkua thawn caan ttha le nuamnak hman daan asi. Dec. 19 ah tlawngta pawl tlawngpit nak hrang sangkaa ihsin an suah asile, puainak saan ding le puai daan ding tampi a um.

SHS ah miphun le nunphung dang tampi an um, cumi ruangah holidays hman daan khal a dang tampi a um ve.

Laimi phunhleihni kaimi Judith Par cu Christmas hmuaknak ah Sweet December a hmang. Nov. 29 ah a biakinn ah a feh ih cutawk ah sing-song service, rawl, laksawng peknak le lehnak thawn caan a hmang. “A tel duhmi pawl hrangah a nuam tak,” Par in a ti. “November ni nehtabik le December nikhatnak sunglawi tak ih hman awktlang nak ni a si."

Asinain, himi puainak hi Christmas hmuahnak ding lawng ah an tuah lo. Himi an tuahsan nak pakhat cu mi pawl nuamtak ih caan an hman thei nak ding ah le thei aw lemlo m an theih thei awk nak ding ah asi.

“Mi hmuahmhuah hrang ah himi zaan cu nuam nak le lungawi nak ih hman dingmi caan sunglawi a si,” Par in a ti. Cule, Par in himi puainak tikcu SHS tlawngta pawl in an nunphung ih holidays an hman daan an sim Ngan tu Thian Awi, Reporter

Sweet December Biakinn ah November ih ni netabik ah feh in nuamnak hman tteh hnu ah December hmuaknak puai. Himi puainak cu rawl ei le game tivek pawl thawn hman ttheu asi.

Christmas Christian pawl ih hmanmi puainak a si. Kile hrangah cun biakinn ih hman a si ih, Dec. 24 ah zaanvar biakinn ah um in hman a si. Dec. 25 ah tla bi kinn ih hman asi ih. Sungkhat le duhdawtmi pawl thawn hman mi ni asi.

Noel Baba Noel Baba cu mirang pawl ih Santa Claus vek asi. Asinain, Christmas ah rawng loin New Years ih rawng a si. Santa Claus vekin nauhak pawl hnenah laksawng a pe.

Falam Baptist Church of Indiana in Sweet December ah hivek mawinak thiri pawl an hmang ve. Himi puainak hi Christmas tikcu hmuaknak ding ah a si. Zuk petu Mercy Thang

22 Foreign Language Phunkua kaimi Sarah Bennet in New Years hrang a puai asile Turkish daan in a hmang ve. A sungkua in New Years le a dang puainak hrang ah pupa daan an nei ve. Zuk petu Sara Bennett

Falam Baptist Church of Indiana member zuamtaktu James Thang in Sweet December ah hla a sak. Himi hi Nov. 29 ih tuahmi asi. Zuk petu FBCI

ih a duhbik mi cu laksawng an pek caan a si. Laksawng pawl kha anmah in an lei ih cule biakinn ah lukhum ihsin number an hril ih cumi ihsin an laksawng an thleng aw.

Par vekin, phunkhua kaimi Sarah Bennett tla nunphung dang in a ra ve. Amah cu USA ah a suaknaa, a nu cu Turkey ah a suak, cumi ruangah holidays a hman daan a dang. A pu le ihsin puai a hman mi pakhat cu Mutlu Yillar a si, mirang ttong in cu “Happy New Year” ti ai asi. A innsang hrang ah cun a ni ih in ah an tuah ttheu, a ni ih inn ah Turkey an ei ttheu mi rawl phun dangdang an ei ih cule laksawng tla an peh aw.

“Ka unau pawl thawn laksawng kan ong, a tam sawn cu angki tivek an si ziangahtile kum thar cu thil thar ih kan thok duh ruangah,” Bennett in a ti. “Rawl kan ei mi tivek cu Kebab le Lahmacun, Turkish pawl ih pizza, a si.”

Himi pupa daan hi a thinlung sungih sunglawi tak ih a ret mi asi tiah a ti.

“Keimah ih ka duhbik mi cu ka duhbikmi pawl thawn caan kan hmang thei ih cule kum thar hnipuan thar thawn ka hmuak thei,” Bennett in a ti. “Kumthar asi ih, mi bang aw na si nan, thil thar thawn kumthar na hmuak.”

Himi puainak a dang puainak ihsin a daan aw mi cu Noel Baba asi. Noel Baba cu a nunphung ih Santa Claus vek asi.

“Noel Baba in nauhak peisa tampi nei lo pawl laksawng a pek ih cule mo pawl pasal an neih hlanah an sangkate sung ihsin sui a pe,” Bennett in a ti.

Phunhleihnih mi Samuel Kile cu Democratic Republic of Congo ah a suak ih cule Uganda ah a tthanglian. A nunphung pupa daan cu Christmas a hmaan daan ihsin hmuh ah theih.

Kile hrangah puainak cu Christmas Eve ah a thok. Nazi pangah le paruk karlak ihsin biakinn ah a feh ih ah thaizing nazi pangah tiang a um. Biakinn ah thla an cam, hla an saak ih cule mi solo hla sak duh hrang tla caan an ong.

“Christmas cu kan hrangah biaknak thawn an pehpar aw tak,” Kile in a ti.

Christmas ni ahcun, Kile biakinn ah a fehsal ih thla a cam. Biaknak an tteh hnuah a kawhhran pawl thawn African rawl an ei. A nehtabik ah, a sungkhat pawl thawn rawl an ei lala ih nuamnak an tuah.

“Rawl tampi kan ei,” Kile in a ti. “Rawl kan ei mi pawl cu pilau le arsa. Pilau cu buh thil phunphun thawn suan mi asi.”

Kile ih a duhbiknak cu a sungkua pawl thawn caan hman le rawl thaw ei a si.

Himi tlawngta pathum nunphung le Christmas an hman daan an bang aw lo nan, an bangaw nak zawnte a um. Par, Kile le Bennet an bang awknak cu an sungkua le an duhdawtmi pawl thawn an puainak le an nunphung U.S. ih an thlen pi nak asi.

To read an English version of this story, scan the QR code.