Pahanumdum sa mga Benepisyaryo

Amarie G. Perez

Sa mga benepisyaryo sang programa nga agraryo, Palangga kag gina-ulikdan guid namun kamu, Kami sa DAR, tampad sa pagserbisyo, Para sa katigayunan sang inyo nga damgo.

Damgo nga mahatagan sang ulumahan nga duta, Para mapatin-ad kag kabataan mapa eskwela

Nga indi na maghagi ka salig pa Kay Nonoy kag Inday, nga naandan na.

Sa trenta ka tuig nga pagpatuman sang programa, Kami gakalipay nga madamu nga mangunguma, Ang nakabatun sang duta nga ginahandum humalin pa, Sang tiempo sang mga katigulangan nga nagtaliwan na.

Tanan kami sa DAR sa ibahin nga norte, Sa pagpanguna ni PARPO Tess nga magserbisyo pwerte, Ari kami gahikutar kag gatinguha sa ikaayo

Sa pagpatuman sang matuod nga reporma sa agraryo.

Gani kami wala gakulang sa pagpahanumdum, Nga amligan kag patin-arun ang duta nga ginahandum, Likawan guid nga ma temptar sa mga ariendador, Kay ang ila hublag, para lang sa ila pabor.