Tlen Secretaría de Educación Pública (SEP) uan tlen Secretaría de Desarrollo Social (SEDESOL), iniuaya Instituto Mexicano de la Juventud (IMJUVE).
Kichiuaj tlanotsalistli Tlen monechikoliaj ipan Congreso de la Unión; tlen monechikoliaj ipan ueyisentilistli ipan Mexiko itlaltojkayotl uan tlen Asamblea Legislativa tlen Distrito Federal, tlen monechikoliaj ipan Poder Judicial de la Federación uan nojkia tlen Mexiko itlanauatiltlaltojkayotl; tlen ueyitekikalchiuanij uan tekikalko tlen Administración Pública Federal; tlen ueyitlanauatiyanij tlen Mexiko itlaltojkayotl, tlen Distrito Federal uan nojkia tlen itlatilankaj; tlen maseualtlanauatiyanij; tlen kitsontlananaj tekichiuanij, maseualtsitsij, miltekichiuanij, tlen kinmanelouaj tomij; tlen tekikalmej kampa tlamachtiaj, tekikalmej kampa maseualtlapaleuiaj; tekitinij tlen kuali momachtijtokej; kampa tekichiuanij mosentiliaj; tekikalmej tlen kinpaleuiaj sekinok maseualmej tlen ualaj teipa kej tojuantij ipan ni to Mexiko tlali uan, tlen nochi, nochi maseualmej tlen kinpia itlanauatili uan itechpouilis tlaj kineki iseltik noso ika sekinok maseualmej, ya ni itokaj personas físicas y morales, ma ijkinoj ma kijtokaj ajkaya kinpaktiaj ma kiselis tlatlanilistli achi kipia itechpouilis, uajka ma kiiljuikaj Consejo de Premiación ajkaya maseuali noso sentilistli, noso san se maseuali, mejkatsaj tlaj mochantijtokej nikaj ipan Mexiko tlali noso ipan sekinoj tlaltojkayotl
Mexikajtelpokatlatlanilistli tlen 2014 xiuitl Tlen achi ueyi maseualixmatilistli tlen kitemakaj Mexiko Tlaltojkayotl tlen ichpokamej uan telpokamej tlen Mexikoeuanij tlen kipichtokej 12 ixiuitl uan tlen kikaxijtijtokej 29 ixiuitl, pampa kuali inemilis noso pampa kuali inintekitl noso kuali imachtilis miakej maseualmej tlen iuikal ixiuitl kuali kintlachiliaj uan, kuali kintokilisej iojtli pampa ueyi motetonia noso ueyi kichiuaj ialtepetsitsij. Tlen achi tlejkotok
Tlen moneki
A. Tlen kipia 12 ixiuitl uan tlen kikaxitis 17 ixiuitl ipan 1º tlen enero meetstli uan ipan 31 tlen diciembre meetstli tlen 2013 xiuitl. B. Tlen kipia 18 ixiuitl uan tlen kikaxitis 29 ixiuitl ipan 1º tlen enero meetstli uan ipan 31 tlen diciembre meetstli tlen 2013 xiuitl.
• Kemaj kinamatlalisej ipan Consejo de Premiación moneki ma moixnextis eli Mexikoeuaj. • Kipias 12 ixiuitl noso tlaj kikaxitijtok 29 ixiuitl. • Ma nesis nelkuali kichijtok se tekitl tlen achtoui nika mokajtok. • Axkana achtoui tiselijtok ni Premio noso Tlatlanilistli ipan namaj kitemaka.
Tlen nelnesi • • • • • • • • • •
Tlamachtilasitilistli. Maseualyejyekchiualistli uan maseualamantekayotl. Maseualtekimotetonia. Tlen kintetonia tomaseualnemilis. Tlen kinkuitauiaj nochi tlen onka. Tlen kipeua se tekitl. Maseualtechpouilis. Tlen axkuali inintlakayo uan tlen tlanechikoua. Tlen ueychiuaj maseualnemilistli uan maseualtlanauatilistli. Tlamachtilistli uan tepostlamantinij tlen moneki ma titekiuikaj.
Tlatlanilistli • •
Teokuitlatl xochikoskatl tlen etiltlanauatia 0.900. $150,000.00 (Ciento cincuenta mil tomij pesos 00/100 M.N.) ipan Contratos de Comisión Mercantil Depósito de Títulos en Custodia y Administración (CODES), ni kiijtosneki mosenkauasej keski tonalpa kintlaxtlauasej inintomij, uelis kuali ipan sejse meetstli uan ijkinok kitlamiti tlen kitlauikilia tlen ni tlatlanilistli.
Tlaj tineki achi yolmelaualistli xikamati kampa:
PROSECRETARíA TÉCNICA DEL CONSEJO DE PREMIACIóN INSTITUTO MEXICANO DE LA JUVENTUD Dirección de Enlace con Organizaciones Juveniles Ueyiojtli Serapio Rendón machiyopouali 76, San Rafael kalpuli, Cuautemok Tlatilantli, C.P. 06470 Mexiko altepetl, ipan D.F. Teposkamanal: 1500 1321 Conmutador: 1500 1300 extensiones 1320, 1323 y 1324 Correo electrónico: premio@imjuventud.gob.mx Amatlanotsalistli, kampa timoamatlalis uan tlen mitsyekanas kenijkatsaj tichiuas momaseualtlayolmelaualisamatl nompa titokachtiaj Curriculum Vitae, monechikolnemilis, itstokej ipan Internet: Secretaría de Educación Pública (SEP) http://www.sep.gob.mx Instituto Mexicano de la Juventud (IMJUVE) http://www.imjuventud.gob.mx Nombre traductor: Irla Élida Vargas del Ángel Lengua: náhuatl de la Huasteca
www.sep.gob.mx
www.sedesol.gob.mx
www.imjuventud.gob.mx
Ni tekikayotl eli tlen nochi maseualmej iaxkaj, axkanaj iaxkaj tlen maseualnechikolis. Axkanaj kintekiuisej ika sekinoj tekikayotl tlen amo mosenkauajtokej ika ni maseaultekij.