Guía Lecturas 2

IES Pedra da Aguia GuĂ­a de Lectura

2010 ano da lectura en Galicia

Un libro aberto é un cerebro que fala; pechado, un amigo que agarda; destruído, un corazón que chora”.

(Proverbio hindú)

O que é a vida M. Lourenzo González (869-LOU-que)

Teo Runner, o repartidor máis rápido do Interpizza, aproveita as súas saídas na súa moto Bultaco para emular os heroes cinematográficos e restaurar a orde e a xustiza na cidade.

Runner non esquecerá botar a Primitiva que xoga a medias co seu amigo Fins ou chamar a Susi e a Lore, esas mozas que tanto o queren. Na súa vida, pois, hai un lugar para a amizade, e de repente aparece o amor. Pero da orde e da xustiza tamén se ocupan os policías Santos e Palmeira, e tamén viven a amizade e o amor.

Ás de bolboreta Rosa Aneiros (869-ANE-ás) Manuel, un neno de orixe africana, a quen lle morreu súa nai adoptiva e vive co seu avó, Lola e Eusebio un matrimonio maior que vive só, Iqbal un paquistaní que fuxiu de Londres,…

Estes e outros personaxes que pasan pola cafetería de Patricia. Un relato triste e esperanzador ao mesmo tempo.

HORARIO DE CLASE Christine Nöstlinger (860-NÖS-hor)

Como sobrevivir a horas de clase mortalmente aburridas? Como defenderse de profesores inxustos? Que se pode facer para calmar á propia nai cando está enfurecida? Anika, unha rapaza de catorce anos, non o ten nada fácil, nin sequera coa súa panda.

UNA VEZ Morris Gleitzman (860-GLE-vez) Conta a historia de Félix, un neno xudeu. Os pais deixárono nun orfanato hai moito tempo. Eles eran xudeus e vendían libros. Un día, no orfanato encontra unha cenoria na sopa, pensa que é un sinal de seus pais que o agardan no seu pobo.

Félix fai a maleta e foxe na busca deles. Non os atopa, pero vanlle sucedendo cousas: salva a unha rapaza dun incendio, fai rir a un nazi con dor de moas…

Perdona pero quiero casarme contigo Federico Moccia (860-MOC-per) Niki reencóntrase coas súas amigas, pero as „Olas‟ deberán enfrontar grandes cambios que poñerán a proba a súa amizade.

Alex volve á vida de sempre, a seus vellos amigos, Flavio, Enrico e Pietro, que tiveron que afrontar moitas dificultades que puxeron en perigo os seus matrimonios.

E agora todas estas persoas, homes e mulleres de diferentes idades, encóntranse para reflexionar sobre o amor. Existe o amor? Teñen razón os que din que un amor non pode durar más de tres anos? E logo, a pregunta máis difícil: un amor puede durar para sempre?

Tonecho de Rebordechao Breogán Riveiro (869-RIV-ton) Teño un novo amigo. Chámase Tonecho e vive en Rebordechao, unha aldea perdida na xeografía galega. De feito, é un lugar tan afastado que o reparto do pan non chega ata pola tardiña! Por mor da morte de seus pais, Tonecho tivo que deixar a grande cidade á que estaba afeito e ir vivir cos avós. Un libro para rir a gusto.

¿Quieres salir conmigo?

Sue Limb (860-LIM-qui) A amizade de Zoe e Chloe sobrevive ás maquinacións de Hawkings, que xogou cos sentimentos de Chloe.

Elas teñen un novo proxecto: pasar unhas vacacións na praia. Queren alquilar unha caravana. Para facelo teñen que aforrar algo de diñeiro e deciden poñerse a traballar. Que tal nunha granxa entre as leitugas e o sol abrasador?, pensa Chloe.

Lectores Adultos

El hereje Miguel Delibes (860-DEL-her)

A través das peripecias de Cipriano Salcedo, Delibes traza un vivísimo retrato do Valladolid da época de Carlos V, das súas xentes, dos seus costumes e paisaxes. “El hereje” é a historia duns homes e mulleres en loita consigo mesmos e co mundo que lles tocou vivir; unha novela inolvidable sobre as paixóns humanas e os resortes que as moven. A obra máis completa do autor que nos acaba de deixar.

ALICIA PARA NENOS Lewis Carrol (869-CAR-ali) De todos é coñecido o libro de Alicia no país das marabillas de Lewis Carrol. Menos coñecido é este libro ilustrado, Alicia para nenos, é unha versión creada polo autor pensando especialmente nos máis pequenos coa intención de facela de rápida e fácil lectura para que os pais lla lesen aos nenos. É unha bonita edición con magníficas ilustracións. É un bo momento para a súa lectura xa que está a punto de estrenarse a película de Tim Burton.

Información

Atlas del Universo (52-GAR-atl) Magnífico libro de gran formato, cunhas explicacións moi claras e unas fotos de gran calidade.

De onde saíu a Lúa? Sabes canto pesas en Plutón? Por que algunhas estrelas explotan? Como localizan os astrónomos os buratos negros? Onde está o límite do universo? Escrita por algúns dos mellores especialistas do mundo.

HISTORIA DE LOS INVENTOS ¿Cómo? ¿Cuándo? ¿Por qué?

Louise Spilsbury (60-SPI-his)

A tostadora, a televisión, o ordenador, o coche e a tableta de chocolate. Ata os vaqueiros que pos todos os días están no mundo porque alguén se encargou de inventalos. Este libro conta as historias reais e os momentos brillantes de moitos inventos, desde a roda ata os aparellos máis modernos.

Asterix en inglés Goscinny / Uderzo A aldea gala continúa invencible, resistíndose á invasión. Os nosos vellos amigos, Asterix e Obelix, seguen a meterse en mil aventuras e a machucar romanos. Agora falando en inglés, co que tedes unha ocasión excelente para poñer en práctica os vosos coñecementos e aprender algunha cousiña máis.

Xa podes ler as aventuras dos galos en galego, francés e inglés.

Cómic

Cine en DVD

Encuentros en la tercera fase Unha noite, Roy Neary ve uns misteriosos obxectos voadores no ceo. Obsesionado con esta visión abandona a súa esposa, que ve horrorizada como se desfai o seu matrimonio. Neary encontra apoio en Jillian Guiler, unha muller que tamén fora testemuña daquela visión. Xuntos buscan unha resposta a ese misterio que lles cambiou a vida. Un dos maiores éxitos de Steven Spielberg.

Slumdog millionaire Un rapaz orfo vive nunha barriada pobre de Bombay e decide presentarse á versión india do concurso Quen quere ser millonario? Ante a sorpresa de todos, Jamal responde correctamente a todas as preguntas. Cando está a punto de responder a última pregunta coa que gañará 20 millóns de rupias, a policía lévao para interrogalo. Jamal terá que explicar por que coñecía as respostas.