Guía Nadal 10

IES Pedra da Aguia GuĂ­a de Lectura

Un Nadal de libro Os libros son as abellas que levan o pole dunha intelixencia a outra.

James Russell Lowell (Poeta)

Noite de voraces sombras Agustín Fernández Paz (869N-FER-noi) Sara narra os acontecementos que durante unas vacacións na casa da avoa lle axudarán a afrontar a vida dun xeito distinto. No cuarto que ocupa sentirá o desacougo dunha presenza fantasmal. Alí atopará unha morea de cartas e fotos, un caderno de caligrafía apertada e unha selecta biblioteca que a levarán a descubrir una inesquecible historia de amor e desamor que se produciu durante a Guerra Civil. Mentres, Sara coñece a Daniel, un rapaz vigués que na complicidade da noite, deulle un bico longo, ao que ela correspondeu.

Dragal, a herdanza do dragón

Elena Gallego Abad (869N-GAL-dra) Acaroado na fachada da igrexa de San Pedro, o dragón de pedra agar da que chegue o tempo no que Dragal recobre a vida. Hadrián aínda non o sabe, pero el é o elixido para conseguir que se cumpra a profecía. Para atopar respostas, o mozo tamén deberá buscar nos libros prohibidos da vella biblioteca do seu bisavó e mergullarse nos segredos que agochan as augas da Poza da Moura. Coa amizade de Mónica, Hadrián poderá percorrer a senda dos cabaleiros da Orde de Dragal...

Cazadores de sombras I: ciudad de hueso Cassandra Clare (860N-CLA-caz)

Demos, lobishomes, vampiros, ánxos e fadas conviven nesta triloxía de fantasía urbana onde non falta o romance. No Pandemonium, a discoteca de moda de Nova York, Clary segue a un atractivo rapaz de pelo azul ata que presencia a súa morte a mans de tres mozos cubertos de estrañas tatuaxes. Desde esa noite, o seu destino únese ao deses tres cazadores de sombras, guerreiros adicados a liberar a terra de demos e, especialmente, ao de Jace, un rapaz con aspecto de anxo que adoita actuar coma un idiota…

Corazón de chocolate Jaureguizar (869N-JAU-cor) Tintimán herdou do seu pai a paixón por investigar misterios. En Corazón de chocolate, investiga nun Santiago de Compostela emocionante e arriscado, o primeiro misterio que ten que descubrir: se existe a Irmandade Xelmírez, unha seita perversa, ou se só é unha lenda. Señor Grozni, un gato cun parche nun ollo, e Mónica, unha amiga que asegura ser a súa moza, achegaranlle a axuda precisa para que Tintimán descubra a verdade.

Carapuchiña “en rose” Ánxela Gracián (869N-GRA-car)

Un texto ameno e moi crítico baseado no conto orixinal de Carapuchiña vermella, pero facendo alusión a un gran problema social que sufrimos constantemente, a violencia de xénero.

Despedida Claudia Gray (860N-GRA-des) Bianca abandonou ‘Medianoche’ e uniuse á ‘Cruz Negra’, a organización mundial de cazadores de vampiros. A súa nova vida non é precisamente fácil: debe adestrarse, coidando que ninguén descubra os sus poderes sobrenaturais. Só hai algo que a reconforta: a compañía de Lucas, o seu gran amor e único confidente, con quen xa empezou a idear unha nova fuxida. Pero o que Bianca aínda non sabe é que, por moi lejos que vaia, hai algo do que nunca poderá escapar: o seu destino.

Axudar a quen lle foi asignado a resolver algúns problemas persoais antes do esperado baile de graduación.

Charlotte morrería (outra vez) por amor. Pero se o seu billete para a Outra Vida implica enfrontarse ao demasiado familiar e horrible sufrimento de ser invisible, quizais isto vaia máis aló do que ela poida soportar...

O brindo de ouro I e II (A chamada do Brindo e A táboa da hospitalidade) Xesús Manuel Marcos (869N-MAR-bri) Selmo, o fillo do gardián da tribo dos arxinas, coñece a desfeita de Cido, a súa aldea, que foi incendidada polos seus inimigos, os valecos da tribo dos broncedos. Na súa fuxida, Selmo, acompañado de Lombán, o seu lobo albino, atopará a dous heroes, Toimil e Oulego, que o axudarán, xunto coa Valiña da Osa, meiga protectora da aldea, a desvelar o misterio do Brindo de ouro, ese corno máxico que os protexe, porque lles proporciona a valentía que os fará invulnerables.

A Táboa da Hospitalidade é a segunda entrega da serie O Brindo de Ouro.

El diario amarillo de Carlota Gemma Lienas (860N-LIE-dia) “Enteraros bien: en esta casa, no quiero ni oír hablar de porros". Ésta é a resposta que lles dá a Carlota e Mar-

cos o seu pai cando lle preguntan sobre as drogas.

Pero entón, como decidirá Marcos se fuma porros ou non na festa á que o invitaron? Carlota, determinada a conseguir tanta información como lle sexa posible, escribe este novo diario. Vai recollendo as explicacións que recibe do seu entorno máis inmediato e, sobre todo, dun médico do seu club de fútbol preferido. Carlota adéntrase no complexo mundo das drogas, convencida, coma sempre, de que só cando dispós de toda a información podes realmente decidir.

O pintor de sombreiro de malvas Marcos Calveiro (869N-CAL-pin) Un adolescente vai a París a pasar cunha tía unha boa tempada na vila de Auvers durante o verán de 1890. Coñecerá a Vincent, un pintor que semella beberse a vida con cada violenta pincelada sobre o lenzo e do que durante sesenta e nove días se fará inseparable, acompañándoo no seu deambular polos trigais e na súa infatigable loita contra os convencionalismos da vida provinciana. Mais o mozo tamén descubrirá o amor, coñecerá algúns misterios sobre o seu pasado e se enfrontará por vez primeira á morte. Isto vaino obrigar a tomar unha decisión sobre o futuro que lle agarda.

O mar é noso Alicia Borrás (869N-BOR-mar) Colección de contos e historias arredor do mar e as súas xentes. Relatos costumbristas con toques de fantasía. Para adultos e mozos.

A viaxe do Ser Manuel P. de Lis (869N-LIS-via)

Lendas e seres míticos dos Ancares. O viaxeiro, provisto apenas dunha mochila, un gorro e un vello piolet, realizará a subida polo leito do Ser, un río de sesenta quilómetros de lonxitude que nace na serra dos Ancares. Durante tres xornadas de moi dura, longa e difícil camiñada en solitario, o viaxeiro descubrirá a beleza agochada na espesura da fraga, nos diferentes recantos do río, en cada unha das aldeas ou nos seres que alí habitan como a lontra, o paporrubio, o oso ou a pita do monte; mais tamén os múltiples perigos polos vieiros do descoñecido poñerán a proba a súa capacidade de resistencia, tanto física como mental.

DIARIO DE GREG: UN PRINGAO TOTAL J. Kinney (860N KIN-dia) Greg Heffley ten 12 anos e a súa nai cómpralle un diario que abarcará un curso escolar: de setembro a xuño.

Greg ofrécenos a súa visión da vida a través das desventuras que narra e ilustra, con moito humor, no seu caderno. A estas alturas leva xa varios diarios.

O segredo de Marco Polo Francisco Castro (869N– CAS-seg) Venecia século XIII, unha historia de amor entre un xove soldado, fillo do militar máis importante da cidade e unha princesa, Naia, fermosa e adorada por toda a cidade, sobriña do Dogo e obrigada por este a un matrimonio de estado cun home que non quere e nin sequera coñece. A historia de amor entre o soldado e a princesa é un amor imposible, ata que entra en xogo Marco Polo que, xa contra o final da súa vida, vai vivir, axudando aos dous amantes, a súa derradeira aventura.

Polo medio, un enigma, que non se desvelará ata o final desta novela, o autor nos fai viaxar, da man de Marco Polo, ás terras da China e Mongolia que o xenial viaxeiro visitou por vez primeira na súa xuventude.

Cómic e álbum ilustrado Los amantes mariposa Benjamín Lacombe (860N-LAC-ama) Un dos álbumes ilustrados máis fermosos. Trátase dunha lenda chinesa sobre o tráxico romance de dous amantes, considerada coma o equivalente chinés de Romeo e Xulieta. Na versión creada por Benjamin Lecombe, Naoko, unha moza de catorce anos decide escapar do destino tradicional dunha rapariga chinesa da época e enganar ao seu pai coa axuda da súa fiel serventa Suzuki.

María y yo – Miguel Gallardo (791-GAL-mar) Di o autor sobre este cómic: “María vive coa súa nai en Canarias, a 3 horas en avión de Barcelona, onde vivo eu. Ás veces ímonos de vacacións os dous xuntos a pasar unha semana nalgún resort do sur de Gran Canaria frecuentado por alemáns e outros guiris. Esta é a historia dunha desas viaxes. Nesas viaxes María e eu falamos, rimos, facemos listas de xente e comemos ata fartarnos”.

Un precioso relato da relación do autor coa súa filla autista.

Guía ilustrada da Galicia Invisible

Información

Antonio Reigosa (869N-REI-guí) Hai unha Galicia visible e hai outra que non se ve chea de reinos, cidades, vilas, illas, covas, camiños, montes e outros moitos lugares onde disque fan vida xentes anfibias e outros seres.

Neste libro, unha guía práctica para viaxar por un cento destes lugares, abrimos as galerías, franqueamos e iluminamos os pasos soterrados para chegar a eses mundos escuros, sepultados baixo a terra ou mergullados baixo as augas.

Vivan las chicas Séverine Clochard (37-CLO-viv) Que difícil é ser unha moza de entre 8 e 13 anos! Aquí está por fin a guía que vai responder a todas as túas preguntas. É posible vencer a timidez e ter confianza nunha mesma? Que ocorre exactamente durante a puberdade? Como dicirlle a un mozo que che gusta? Que hai que facer para ir xenial no cole? Consellos e unha chea de trucos para axudarte a sentirte ben contigo mesma.

Todo é silencio - Manuel Rivas (869N-RIV-tod)

Los errores de papá y mamá Antonella e Gianni Astrei (37AST-err) O presente libro ten a virtude e a orixinalidade de expor e analizar 135 posibles erros que cabe cometer na crianza e educación dos fillos.

Trátase dun pequeno manual, a modo de guía práctica para evitar equivocacións. Simpaticamente ilustrado naceu da experiencia profesional dos autores e sobre todo das vivencias cos seus propios fillos.

Lectores de 12 a 99

Narra o irresistible ascenso social de Mariscal, un capo contrabandista. En Brétema, na costa atlántica, houbo un tempo en que as redes do contrabando acadaron tanto poder que estiveron moi preto de controlar o poder social e as institucións. Narra tamén a vida dun grupo de amigos, aos que une dende a infancia o andar á procura de restos de naufraxios, no escenario sempre sorprendente do mar de Galicia. Unha novela que relata como os círculos do crime rodean e corrompen o estraño feitizo da condición humana.

Cine en DVD Priscila reina del desierto Imaxinativa, espectacular e divertida comedia que narra as aventuras de tres ‘drag queens’ durante a súa viaxe a través do extenso e inhóspito deserto australiano. Nela Terence Stamp, Hugo Weaving e Guy Pearce ofrécennos inspiradas e extraordinarias actuacións nunha das comedias máis extravagantes de todos os tempos.

El diario de Noa Nunha residencia de anciáns, un home le a unha muller unha historia de amor. É a historia de dous mozos adolescentes de Carolina do Norte que, a pesar de vivir en dous ambientes sociais moi diferentes, namoráronse profundamente e pasaron xuntos un verán inesquecible, antes de ser separados, primeiro polos seus pais, e máis tarde pola guerra.

Para románticos incorrexibles.

A BIBLIO vos desexa:

Que te単ades un 2011 moi feliz e cheo de boas lecturas!!