Hai uns meses a ONG “Implicadas no Desenvolvemento” lanzou una pregunta, E ti para que les?, que foi contestada por moita xente de diversa procedencia, de dentro e fora da nosa terra. As Bibliotecas Escolares de Galicia recolleron a iniciativa e, co permiso de IND, levárona aos centros escolares. Ata un total de 103 bibliotecas participaron na campaña en toda Galicia. Especial mención hai que facer das bibliotecas “O Segrel do Penedo” (Fene) e “Milladoiro” (Malpica) polo traballo de coordenación. O que aquí tedes é a nosa recolleita de respostas, logo de que a pregunta fose sementada en canto tipo de rego hai no nosa comunidade educativa. Grazas a todas e todos polas vosas palabras.
Cartel do CPI Luís Díaz Moreno (Baralla-Lugo)