Ciise Ma Guuldaraysto (Somali) Jesus Never Fails booklet

Jeusu Never Fails – Booklet in Somali Printed Copyright © 2018 by Lutheran Heritage Foundation

Buugyarahan waxaa daabacay Lutheran Heritage Foundation. Dhammaan xuquuqdu way dhawran tahay. Buugyarahan ama qayb ka mid ah lama daabacan karo, ama faafin karo, loomana rogi karo hab kale sida elektronik, koobiyay, cod duuban iyo wixii

la mid ah, iyada oo aan marka hore oggolaansho qoran laga helin faafiyaha oo ah Lutheran Heritage Foundation.

Xigashooyinka Kitaabka Qudduuska waxaa laga soo qaatay The ESV Bible (The Holy Bible, English Standard Version), copyright © 2001 by Crossway, a publishing ministry of Good News Publishers. Used by permission. All rights reserved.

Si aad buugyarahan uga akhrisato khadka ama aad u dalbato kuwo daabacan booqo:

www.LHFmissions.org/JesusNeverFails

CIISE MA GUULDARAYSTO!

Cabsida laga qabo guuldaradu waa xaalad casriga la socota. Haddii aynu ku noolaan lahay duni aynaan maalin walba la kulmayn guuldaro, noloshu way fiicnaan lahayd.

Waxaa jira warsan oo ku saabsan guuldarada. Middaa waxbaa laga qabtay.

Haddii aad dareemayso guuldaro ama uu qof sababay inaad guuldaraysato, waxaan ku barayaa

Mid, Kaas oo ka gudbay kana adkaaday guuldarada. Ma doonaysaa inaad middan ogaato iyo sidii lugu helay? Taasu waa ujeedada buuggan yar: in aad ogooto in uu jiro jid kaa gudbinaya guuldaradii aad soo martay iyo waliba kuwa soo socda.

Waa run. Waan la kulmaynaa guuldaro. Waa dembi. Ma ahayn waalidiinteennii koowaad oo kaliya kuwa guuldarada kula kulmay Beertii

Ceeden, sidaasna ay waalidkeen ku dhaxleen.

Balse innaguna waan dhaxallay guuldaradaas.

Dembigu wuxuu kharqiyay dunideenna. Dembigu wuxuu ina dhigay beerta dhimashada, murugada iyo garasho la’aanta.

Maanta waxaan rabaa inaan kula wadaaggo in taasu aysan halkaa ku dhammaanayn. Waxaa la ina siiyay jid aan kaga gudubno.

DADKU WAY INA GUULDAREEYAAN

Waa run in dadku inoo horseedo guuldaro; xataa saaxiibadeen way inoo keenaan guuldaro.

Waxaan luggooyo kala kulannaa ruun aan isku hallaynay. Qof aynu jecel nahay ayaan xumaan kala kulannaa. Waxaan saaxiib ka dhigannaa qof aan isagu ina rabin. Jabka ay inoo gaystaan dartii, ugu dambaysta waan ka qalbi-jabnaa dadka kale iyo saaxiibadeenba, waayo ma fahmayaan xaaladda aan ku sugan nahay. Saaxiibadeen iyo dadka kaleba marka aynu aad ugu baahan nahay ayay inoo horseedaan guuldaro. Ma qiyaasi kartaa

sida uu Ilaah uga xumaaday markuu uunkiisii kaamilka ahaa guuldarada u keenay?

ALAABTU WAY IN A GUULDARAYSAA

Noloshaada oo idil ma ku mashquushay inaad wax urursato? Waa guuldaro laga siman yahay. Tanu way dhacdaa oo xataa ma garawsanno. Si aan wax badan oo badan u urursanno waxaan adeegsannaa tamarteenna, wakhtigeenna, iyo xirfaddeen waayo waxaan aaminsan nahay inaan ka helayno farxad. Dabadeed kolka wax dhacaan waxaan ogaanaynaa alaab iyo lacag, intay doonaan ha la ekaadeene, in aysan ina qancinayn ama aysan inaga bi’inayn cabsida iyo walwalka. Alaabtu way inoo keentaa guuldaro.

CAAFIMAADKU WUU INA GUULDAREEYAA

Waxaa dhibaato inoogu filan in saaxiibadeen iyo alaabtuba ay inoo horseedaan guuldaro, balse ka waran marka caafimaadkeennu inoo keeno guuldaro? Dadka qaar waxay yidhaahdaan haddaad caafimaad qabto waxba kaama maqna.

Laakiin maxaa dhacaya hadduu uu

caafimaadkeennu guuldaro inoo keeno? Ma jiro wax ka naxdin badan in aan maqallo erayada sida kansar ama wadne xanuun marka

caafimaadkeena laga hadlayo. Xageen u ciirsanayaa? Yaa inoo gargaari kara marka uu dhakhtarku yidhaahdo, “Waxba arintaada kama qaban karo.” Rajo kale miyaan haysannaa marka caafimaadku ina guuldareeyo?

CIISE MA GUULDARAYSTO

Ma ogtahay in uu jiro Mid aadan marnaba guuldaro kala kulmayn? Haa, saaxiibo way ku guuldarayn karaan, alaabtu way ku guuldarayn kartaa, oo caafimaadku wuu ku guuldarayn karaa

LAAKIIN…

Waxaa jira Mid aan marnaba ku guuldaraynayn .

SIDEEN KU OGAANAYNAA?

Waan ognahay sababta oo ah Ciise wuxuu awooday in uu wax ka qabto baahideenna hoose.

Waxaa dhici karta in aad la yaabto sida uu wax uga qabtay , laakiin waxay kaa caawinaysaa inaad ka gudubto guuldaradaada shakhsi ahaaneed iyo midda ay kuu horseedeen saaxiibada, alaabta iyo caafimaadku.

Dabcan ma garawsanno waxa baahideenna hoose ee dhabta ahu tahay. Ma aha baahida aan u qabno saaxiibbo, alaab ama caafimaad. Maya, ma aha. Baahideenna ugu waynu waa in la inaga cafiyo guuldaradeenna, gafkeenna, iyo dembigeenna. Kitaabka Qudduusku wuxuu leeyahay: “Qofna wanaag ma sameeyo, xataa mid qudhu…waayo dhammaan way dembaabeen oo ka gaabiyeen ammaanta Ilaah.” (Rooma 3:12, 23)

CIISE SAAXIIB WANAAGSANAA!

“Ninna ma laha jacayl ka wayn midkan, in nin naftiisa u bixiyo saaxiibadii.”

Ciise wuxuu arkay baahideenna ugu wayn markuu xidhiidhkeennu ka go’ay Isaga. Kitaabka Qudduusku wuxuu leeyahay, “Faraq uma

dhexeeyo; maadaama ay dhammaan dembaabeen oo ka gaabiyeen ammaanta Ilaah”

(Rooma 3: 23) oo waxaa kaloo uu leeyahay:

“Waayo waxaan qabnaa in qofka lagu qiilbixiyo rumaysadka oo ka gees ah shuqullada sharciga” (Rooma 3: 28).

Ciise waa Midka jidka inoo furay. “Waxaa la idinku badbaadiyay nimco xagga rumaysadka. Oo tanu waa deeqda Ilaah ee ma aha mid aad idinku la timaadeen; oo si aan ninna ugu faanin, ma aha natiijada shuqullada” (Efesoos 2:8, 9).

CIISE WUU XALLIYAY

BAAHIDEENII UGU WAYNAYD

Wuxuu baahideenii ugu waynayd u xalliyay si yaab leh.

“Laakiin Ilaah wuxuu jacaylka uu inoo qabo ku muujinayaa in innaga oo wali dembiilayaal ah uu Masiixu inoo dhinto” (Rooma 5:8).

Sida kor ku qoran, haddii aan garwsanno iyo

haddii kaleba, baahideenna ugu waynu waa cafiska dembiyadeenna. Middaana waxaa ina siiyay Ciise. Sideen ku ogaannay?

Wuxuu fuulay iskutallaabta. Halkaa ayuuna inagaga badbaadiyay gudcurka iyo xukunkaba.

“Wuxuu inaga samatabixiyay goobtii mugdiga oo inoogu beddelay boqortooyada Wiilkiisa uu jecel yahay, kaas oo aan ku hellay madax-furasho, cafiska dembiyada” (Kolosay 1:13, 14).

SIDUU KU XALLIYAY

BAAHIDEENNA UGU WAYN!

“Oo innaga aawadeen (Ilaah) wuxuu Isaga oo aan dembi aqoon ka dhigay in uu dembi noqdo, si xagga (Masiix) aynu ugu noqonno xaqnimada Ilaah” (2 Korintos 5:21).

Ciise wuxuu wajigiisa u jeediyay dhanka Yerusaalem isaga oo si fiican u ogsoon waxa halkaa ka dhici doona. Wuxuu yidhi, “Midna (Noloshayda) igama qaadayo, laakiin anigaa raalligayga ku bixinaya” (Yooxaana 10:18).

Sidaa ayuuna ku maray silicii iyo saxariirtii dembiile caadi ah. Waa lagu majaajilooday oo la garaacay. Waxaa madaxa loo saaray taaj qodxo ah; wuxuuna iskutallaabta u qaaday xagga Kalferi, halkaa oo uu dembiyada dunida ugu dhintay.

“Oo Ilaah inta uu dunida jacayl u qabay wuxuu u bixiyay Wiilkiisii madiga ahaa si mid kasta oo

Isaga rumaystaa uusan u baabi’in balse uu u helo nolosha waligeed ah” (Yooxanaa 3:16).

Waxa uu ku sameeyay iskutallaabta korkeedu

wuxuu ahaa inuu kaa qaado culayskii dembigaaga. “Dhiigga Wiilkiisa Ciise wuxuu inaga nadiifiyaa DHAMMAAN DEMBIYADA. Isagu waa aamin iyo cadli oo haddii aan dembiyadeena u qiranno, wuu ina cafinayaa oo inaga nadiifinayaa xaqdaro dhammaanteed” (1 Yooxanaa 1:7, 9).

Isagu wuxuu u silcay oo u dhintay culayskii dembigeenna, laakiin wuu ka soo sarekacay dhimashadii isaga oo muujinaya inuu ka

guulaystay dhammaan cadawgeenna! Siliciisa iyo

WUXUU XALLIYAY BAAHIDEENNII

UGU WAYNAYD

Xusuuso, baahideenna ugu wayn ee guuldaraysigeenu waxay ahayd cafiska dembiyada. Waxaan ku waydiiyay, haddaba, haddii uu xalliyay baahideennii ugu waynayd – oo aha cafiska dembiyada – miyuusan sidoo kale xallin karin baahideenna yaryar?

Dhab ahaantii, saaxiibadu way ina guuldarayn karaan, alaabtu way ina guuldarayn kartaa, oo caafimaadku wuu ina guuldarayn karaa.

Laakiin…

CIISE MA GUULDARAYSTO

“Waxaa barakaysan kuwa ficilladooda sharci darada ah laga saamaxo oo dembiyadoodana la asturo” (Rooma 4:7). “Ku riyaaqa in magacyadiinnu ku qoran yihiin samada” (Lukos 10:20).

Haa, waa xaqiiqo in uusan CIISE

GUULDARAYSAN.

Copyright ©2018 by Lutheran Heritage Foundation

Gurigii waalidiintay ee ku dhexyaallay beertoodii ku taallay gobolka Minnesota waxaa 62kii sano ee ay qoyska ahaayeen ku dhegganaa qoraal odhanaya CIISE MA

GUULDARAYSTO (Ka eeg dhabarka jaldiga). Labadayda waalid oo bilo kala dambeeyay markay dhinteen ee xubnihii qoyska mid walba uu guriga ka doortay shay uu xusuus ahaan u haysto, anigu waxaan doortay in aan qaato qoraalkaa, oo maanta sudhan xafiiskayga. Intii aanan xafiiska sudhin, waxaan qoraalka geeyay madbacad aan waydiistay in la iiga dhigo bog-xajiska buugta oo la ii daabaco. Bog-xajiskaa la daabacay waxaa lagu qaybiyay adduunka oo idil oo sidoo kale buugyarahan waxaa isna lagu faafinayaa afaf badan si fariintii bog-xajiyahu ay u noqoto mid waadix ah.

Qays Robert Rahn

Aasaasaha Lutheran Heritage Foundation