Tswv Yexus tsw ua rua peb taag kev ca sab (Hmong, Njua [Blue / Moob Leeg]) Jesus Never Fails booklet

tsw ua rua peb taag kev ca sab Tswv

tsw ua rua peb taag kev ca sab

Jesus Never Fails

Jesus Never Fails

Phau ntawv nuav yuav coj txuj xuv zoo lug txug rua tuj kws taabtom, taag kev ca sab hab ntswb txuj kev txomnyem nyuaj sab ntxhuv nplawv, kws ntshaw plag txuj hauvkev tawm hab lu lug teb tas yog vim le caag, koj yuav tau txais kev txhawb zug, kev dlaws tso hab tau paub txug leejtwg ibtug kws yuav tsw ua rua koj taag kev ca sab, hab tseem qha txug tas peb tuabneeg poob rua txuj kev txhum le caag, hab paub txug kev cawm dlim, kev zaam txwm ntawm Vaajtswv rua peb zoo le caag, Txhua yaam nuav yuav ntxwv kev ruaj sab rua peb paub tas Tswv Yexus hlub peb npaum caag, nwg zoo sab zaam txwm hab paab peb kuas dlim ntawm dlaab Ntxwg nyoob, dlim ntawm txhua yaam kev phem lub vuj hlua.

Vaam tas thaum peb nyeem phau ntawv nuav taag yuav ntxwv kev ruaj sab rua peb paub tas, “Tswv Yexus yuav tsw ua rua peb taag kev ca sab”

Tswv Yexus tsw ua rua peb taag kev ca sab

Hmong (Blue) Jesus Never Fails-booklet Luam lwm 1, luam lwm 2, 10,000 phau rua Lub 4 hlis 2024 1st edition, 2nd printing, 10,000 copies, April 2024

Phau ntawm nuav lub Koom hum Lutheran Heritage Foundation yog tug tswm

Cov nqais Vaajlugkub kws swv nyob rua huv nuav tau txais kev tso cais lub ntawm (I Am Bible Society) rua peb swv cov nqais Vaajlugkub huv phau txhais tshab (Thai New Contemporary Version)

Copyright © 2021

Lutheran Heritage Foundation 51474 Romeo Plank Road Macomb, Michigan 48042 USA www.LHFmissions.org info@LHFmissions.org

The translation and publication of this book have been made by Lutheran Heritage Foundation. All rights reserved. No portion of this publication may be reproduced in any form or by any means, without prior permission of Lutheran Heritage Foundation.

Funding for the publication of this volume was provided by faithful supporters of the Lutheran Heritage Foundation. Soli Deo Gloria!

Printed at Darnsutha Press Company, Limited. Bangkok, Thailand. Not for commercial use.

Tswv Yexus

tsw ua rua peb taag kev ca sab

Yaam kws peb tuabneeg txhawj ntshai yog “taag kev ca sab” nyob huv nplajteb nuav kheev laam txhob ntswv txug tej kev nuav ntshai yuav zoo dlua, tseeb tag tub muaj tug kws kovyeej txuj kev ntshai nuav lawm, nyob ntawm koj xwb saib puas yuav xaav paub txug nwg hab vaam khom kev paab ntawm nwg kws yuav coj koj hlaa dlhau, yog koj xaav paub lug peb nyeem moog ntxwv.

Thawj yaam kws peb yuavtsum tau paub txug yog, txuj kev lwjsab ntxhuv plawg ua rua taag kev ca sab ntawd tshwm lug tau le caag? Qhov kws ua rua peb taag kev ca sab ntawd twb vim yog, lub txwm txhum kws caij tsuj peb ca. Yog le lub txwm txhum ntawd ho tshwm qhov twg lug hab? Vim peb yog noob txaug neeg txhum kws yug lug ntawm peb puj koob yawm txwv kws tau ua txhum rua Vaajtswv thaum

chivkeeb lug lawm, ua rua peb dlhau lub yog noob txaug neeg txhum ib tam zuj zug lub txug nwgnuav. Txuj kev txhum ntawd tau ua rua peb poob ntawm

Vaajtswv txuj kev zoo hab ua rua peb ntswb teb kev lwjsab ntxub plawv, kev txomnyem,kev txhawj kev ntshai hab thaum kawg tsaug kev pluj kev tuag ua rua peb taag kev ca sab. Txawm le ntawd los txhob qaug zug hab taag kev ca sab, nub nua muaj ib txuj xuv zoo yuav qha rua koj paub tas, yeej tseem tshuav ib txuj hauvkev zoo rua koj tawm tau.

Tuabneeg ua rua peb taag kev ca sab Xaav tas peb txhua leej yeej txeev ntswb txuj kev tu sab lug ntawm cov tuabneeg kws nyob ib puas ncig peb, lug ntawm peb tsevtuabneeg, teb phoojywg, kwvtij zej zog, tej txheeb tej ze, los sws tug kws koj hlub, tug kws koj ca sab rua. Tabsws yaam kws yug tau txais ces yog lub kuamuag hab kev tu sab, taag kev ca sab. Ca peb tig rov lug saib tas, Vaajtswv tug kws tswm peb hab tswm txhua yaam zoo rua peb, nwg yuav xaav le caag hab yuav mob lub sab npaum caag thaum peb tug kws nwg hlub rov tsw leeg paub nwg hab tsw noog nwg lug.

Nyaj txag hab kev nplua nuj ua rua peb

taag kev ca sab

Peb tuabneeg xaav tas yog peb muaj txhua yaam ntshe yuav ua rua peb muaj kev kaaj sab, txaus sab. Yog le ntawd coob leej ntau tug swv taag ntsho puab lub neeg rua kev khwv nyaj txag kev npluaj nuj, tabsws nub mo dlhau moog lub neej tsw ruaj khov le peb xaav tseg, muaj ntau yaam kev phem tshwm lug yaam tsw nwm, kev mob nkeej, kev tawg cuab tawg yim, sws nrauj sws tso, kev pluj kev tuag tuaj txug, nyaj txag kev nplua nuj los paab tsw tau, ua rua peb tu sab hab taag kev ca sab.

Lub cev ntaaj ntsug ua rua peb

taag kev ca sab

Lub cev ntaag ntsug kws noj qaab nyob zoo yog qhov Koob Moov kws leej twg los ntshaw. Coob leej ntau tug nqeg peev ntau heev rua peb lub cev nuav kuas zoo nkauj zoo nraug, tabsws thaum peb noj tsw qaab nyob tsw zoo, peb txuj kev ca sab kev zoo sab yuav nyob qhov twg, puav muaj leej twg, txuj kev twg rua peb vaam khom.

Tswv Yexus tsw ua rua peb

taag kev ca sab

Tsw hab nyaj txag, phoojywg, kwvtij zej zog, txhua tug kws koj hlub hab ca sab, yuav ua rua koj lug kuamuag, mob sab, tu sab, taag kev ca sab, tabsws Tswv Yexus yuav tsw ua rua koj taag kev ca sab ib zag le.

Peb yuav paub tau le caag tas

Tswv Yexus yuav tsw ua rua peb

taag kev ca sab

Qhov peb paub hab ca sab tau vim Tswv Yexus tub kovyeej txhua yaam kws peb paab tsw tau peb tug kheem lawm. Tswv Yexus kovyeej le caag ma? Qhov kws nwg kovyeej txuj kev txhum txwm ntawm vim nwg tsw yog noob neej kws yug lug huv txuj kev txhum txwm le peb, rua qhov txuj kev txhum txwm yog lub hauvpaug ntawm txhua txuj kev puam ntsuaj puag nroog, yog le ntawd txawm peb yuav muaj zoo cev ntaaj ntsug, nyaj txag kev noj nyob, kev phoojywg, kev vaammeej, suab npe zoo, los yeej paab tsw tau kuas peb muaj lub sab puv npo, muaj kev kaaj sab. Qhov kws yuav paab tau peb ces yog, ca Vaajtswv ua tug dlaws tso kuas peb dlim ntawm txuj kev txhum txwm kws khi peb hab tawm tsaam peb. Yog le peb yuav tau txais txuj kev zaam txwm hab dlaws tso ntawm Vaajtswv tau le caag ma? Vaajtswv txuj lug qha rua peb tas.. Puab txhua tug yuam kev taag, hab puab phem taag huvsw ib yaam nkaus, tsw muaj ib tug ua zoo, tsw muaj hlo le.”, tsua qhov txhua tug puavleej muaj txem hab poob ntawm Vaajtswv tug fwjchim ci ntsaa ab lawm, (Loo 3:12,23)

Tswv Yexus yog peb tug phoojyws zoo

Tsw muaj txujkev hlub luj dhau txuj nuav lawm, yog qhov kws ib tug tso txujsa thij nwg cov kwvluag. (Yauhaas 3:13)

Tswv Yexus pum txug peb txuj kev cheem tsum thaum peb tsaug txav tawm ntawm Vaajtswv, Vaajtswv txuj lug qha peb tas “txhua tug puavleej muaj txem hab poob ntawm Vaajtswv tug fwjchim ci ntsaa ab lawm” (Loo 3:23) hab tseem qha ntxwv tas, Peb paub tas tuabneeg raug suav tas ncaaj nceeg yog vem nwg ntseeg tsw yog qhov kws nwg xyum lawv le txuj kevcai. (Loo 3:28) yog le ntawd

Tswv Yexus ib leeg xwb txhaj coj tau peb tawm ntawm txuj kev txhum txwm rov moog cuag tau Vaajtswv xwb, Tsua qhov mej dim, yog lug ntawm txujkev hlub vem yog mej ntseeg. Txujkev dim nuav tsw yog tshwm ntawm mej lug tassws yog Vaajtswv pub dawb xwb. (Efexau 2:8,9)

Tswv Yexus yog lu lug teb kws tseemceeb taab nrho rua peb

Tswv Yexus yog lu lug teb kws peb cheem tsum, rua qhov nwg ua tau yaam kws peb ua tsw tau hab paub tsw txug, Tassws Vaajtswv ua nwg txujkev hlub

tshwm rua peb, yog qhov kws thaus peb tseed ua tuabneeg muaj txem Kheto tuag thij peb. (Loo 5:8)

Txawm peb yuav paub tsw paub los xwb tas yaam kws cheemtsum hab tseemceeb tshaaj plawg rua peb yog, kev tau txais kev dlaws tso hab zaam txwm kuas peb dlim ntawm txuj kev txhum txwm kws khib peb, kws Tswv Yexus tau ua pub dlawb rua peb lawm.

Peb yuav paub tau le caag ma?

Vim yog Tswv Yexus yeej lug tuag theej peb lug txhoj kev txhum txwm sau tug ntoo khaulig, qhov ntawd ua rua peb dlim plawg qhov tsaus ntuj kev teem txwm kws najnub caij tsuj peb, Vaajtswv cawm peb dim tug fwjchim tsaus ntuj hab coj peb lug nyob huv nwg tug Tub kws nwg hlub lub tebchaws. Huv

tug Tub hov peb txhad raug txhwv dim, yog qhov kws daws lub txem. (Khaulauxi 1:13,14)

Tswv Yexus paab kuas peb tau txais yaam kws tseemceeb hab cheemtsum tau le caag?

Vaajtswv muab Kheto kws tsw muaj txem ua lub txem nyob peb chaw, sub peb txhad tau Vaajtswv txujkev ncaaj nceeg huv Kheto (2 Khaulee 5:21)

Tswv Yexus yeej ntseg ntsoog yuav moog rua ntsaag Yelusalees txawm nwg yeej paub zoo tas yuav muaj xwm dlaab tsw nyob rua ntsaag, Tswv Yexus has tas, “Tsw muaj leejtwg yuav txeeb tau kuv txujsa moog tassws kuv tso kuv txujsa lawv le kuv npaaj sab tseg. Kuv muaj cai tso txujsa tseg hab muaj cai muab txujsa rov lug. Tej lug nkaw nuav kuv tau ntawm kuv leej Txwv lug.” (Yauhaa 10:18)

Yog le ntawd nwg txhaj tsaug tswmtxom yaam tugneeg tsaug txwm, nwg tsaug ntaus tsaug thuam saib tsw tau, tsaug muaj lub mom xuavpaug looj nwg tauhau, dlhau qhov ntawd tseem tsaug kwv tug ntoo khaulig moog rua peg lub roob Kaula Kautha hab taag txuj sa vim tuag theej peb txhua tug txuj kev txhum txwm, “Vaajtswv hlub nplajteb kawg le nwg txhad pub nwg tuab leej Tub lug sub txhua tug kws ntseeg leej Tub hov txhad tsw puam tsuaj tassws yuav tau txujsa ib txhws tsw kawg.” (Yauhaa 3:16)

Qhov kws Tswv Yexus tau tuag sau ntoo khaublig los twb vim yog rws peb txuj kev txaug txhum, theev peb lub txhoj, “hab nwg leej Tub Yexu cov ntshaav kuj ntxuav peb lub txem huvsw lawm.. Yog peb leeg peb lub txem Vaajtswv ncaaj nceeg hab tso sab tau, nwg yuav daws peb lub txem hab ntxuav peb tej kev phem huvsw moog.” (1 Yauhaa 1:7,9)

Tswv Yexus tiv kev txomnyem hab tau taag txujsa tub vim yog peb tej kev txhum txwm, tabsws Tswv Yexus kuj tau kovyeej txuj kev tuag hab sawv rov lug

qha rua peb pum tas nwg tub muaj yeej rua txuj kev tuag hab ib puas yaam tsaav kev txhum lawm, yog le ntawd kuj txhais tau has tas, peb tej kev tu ncua hab kev cheemtsum kws peb rov ua rua peb tug kheej tsw tau yog, “Kev dlaws tso hab zaam txwm” yog le ntawd xaav nug koj tas, “ yog Tswv Yexus muaj peevxwb paab zaam txwm hab dlaws tso peb dlim ntawd txuj kev txhum txwm tau es tseem tshuav yaam dlaab tsw hab kws nwg ua tsw tau rua peb”

Xaus lug tau has tas, txawm txhua yaam huv nplajteb nuav yuav ua rua peb tu sab, taag kev ca sab, tabsws Tswv Yexus yuav tsw ua rua peb taag kev ca sab hlo le.

Tswv Yexus tsw ua rua peb taag kev ca sab

Vaajtswv txujlug tau txhawb peb zug has tas,“Cov kws tau txais kev zaam txem tau nyob kaaj sab lug, yog cov kws nwg tej kev txhum raug muab faus lawm.” (Loo 4:7) hab tseem has ntxwv tas “Ca le zoo sab tsua qhov kws mej lub npe sau ca rua huv ntuj ceeb tsheej lawm.” (Luka 10:20)

Lawv le txhua yaam kws tau has taag lug nuav, koj ca le tsuaj sab tau hab tas,

Tswv Yexus

yuav tsw ua rua koj taag kev ca sab

Ca le tau zoo nyob kaaj sab lug

Tswv Yexus qha thov Vaajtswv (Mathais 6:9-13)

‘Peb leej Txiv tug kws nyob sau ntuj ceebtsheej; Thov kuas suavdlawg fwm koj lub npe; thov koj lug kaav tuabneeg lub sab; thov koj paab kuas peb ua tau lawv le koj lub sab nyam ib yaam le cov kws nyob sau ntuj. Thov koj pub mov rua peb muaj noj nub nua. Thov koj zaam txim rua peb ib yaam le peb tub zaam txim rua cov kws ua txhum rua peb lawm. Thov koj tsi xob ca tej kev sim sab ntxag tau peb, tabsis thov koj paab kuas peb dlim ntawm dlaab Ntxwgnyoog txais teg. Amen

“Dlaim txag ntoo”

“Tswv Yexus tsw ua rua peb taag kev ca sab” Dlaim txag ntoo kws sau has tas “Tswv Yexus tsw ua rua peb taag kev ca sab” yog kuv txiv kws yog ib tug tub lajteb le ib dlaim qub txeeg qub teg kws muab khua ca rua hu kuv txiv lub tsev nyob rua hu lub nroog Minisota lug lawm 62 lub xyoos ib swm kev txwjnkawm ntawd nkawv, kuv nam hab kuv txwv ob tug tau tso nplajteb tseg moog nrug Vaajtswv nyob lawm peb cov mivnyuas kuj tau lu sws faib tej qubtxeeg qubteg cov moog tau saib, kuv tau xaiv kuv txwv dlaim txag ntoo nuav hab coj moog dlai ca rua hu kuv tsev lug txug rua nub nua, ua ntej kuv yuav muab txag ntoo ntawd dlai ca, kuv tau coj moog yeeg ua dlua hab muab luam tej dlai miv miv lug pub rua kuv cov txheeb ze kwvtij phoojywg coj moog tais ca rua huv puab tej phau ntawv tau sai, dlhau le dlaim dlua nuav tseem tau luam ua ntau hom lug hab faib tawm moog thoob Ntuj, swv txhawb zug hab ua Koob Moov rua txhua tug kws tau nyeem cov lug nuav tas, “Tswv Yexus tsw ua rua peb taag kev ca sab”

Tug sau : Kx.Lua Npawm La Yog tug tswm tsaa lub Koom hum Lutheran Heritage Foundation

Tswv Yexus tsw ua rua peb taag kev ca sab

Txawm tej phoojywg, nyaj txag kev npluanuj, lub cev ntaaj ntsug kws tsw ruaj kho, ua rua peb taag kev ca sab.

Tabsws tseem tshuav peb tug Tswv Yexus kws yuav tsw ua rua koj taag kev ca sab.

Nwg cov ntshaav tswmtxaj kws ndlwg sau tug ntoo khaublig

Tub zaam tau peb tej kev txhum txwm lawm

“Tswv

Yexus yuav tsw ua rua peb taag kev ca sab”