Jólaföndurdagur í Hamarsskóla var haldinn síðastliðinn fimmtudag. Þá er hefðbundið nám sett til hliðar og föndrað saman og foreldrum og forráðamönnum boðið í heimsókn til eiga notalega stund með barni sínu. Mikil tilhlökkun var í starfsfólki og nemendum þar sem foreldrar máttu koma í heimsókn síðast árið 2019. Blaðamaður Tíguls var að sjálfsögðu á staðnum og smellti af nokkrum myndum.
Dreifing fer fram á miðviku- og fimmtudögum og er dreift inn á öll heimili og fyrirtæki í Vestmannaeyjum. Einnig er hægt að skoða blaðið á vefsíðunni okkar: www.tigull.is
ÚTGÁFA:
Hönnun: Lind Hrafnsdóttir lind@leturstofan.is Auglýsingar: Katrín Laufey katalaufey@tigull.is Prentun: Prentun.is
SKIL Á AUGLÝSINGUM:
Auglýsingar sendist á: tigull@tigull.is Skil á auglýsingum er í hádeginu á mánudögum. Vinsamlegast bókið tímalega.
Tígull kemur út vikulega í Vestmannaeyjum og er dreift frítt inn á öll heimili og fyrirtæki. Ritstjórar & ábyrgðarmenn: Lind Hrafnsdóttir, Katrín Laufey Rúnarsdóttir & Sæþór Vídó.
Opnunartímar:
Mánudagur - lokað
Þriðjudagur - 13.00 til 17.30
Miðvikudagur - 13.00 til 17.30
Fimmtudagur - 13.00 til 17.30
Föstudagur - 13.00 til 17.30
Laugardagur - 12.00 til 15.00
Sunnudagur - lokað
Þriðjudaginn 6. desember kynntu nemendur Framhaldsskólans í Vestmannaeyjum lokaverkefni sín. Fjölbreytni verkefna var mikil og stóðu allir nemendur sig með stakri prýði. Markmið áfangans er að nemendur vinni rannsóknarverkefni að eigin vali í samráði við kennara. Áfanganum er ætlað að skerpa undirbúning nemenda fyrir háskólanám, sérstaklega hvað varðar verklega leikni og hæfni til að afla áreiðanlegra gagna, vinna úr þeim og koma niðurstöðum sínum á framfæri. Lokaverkefnið felur jafnframt í sér að nemandinn kynni afurðina á skýran og skapandi hátt og þjálfist í að útskýra og rökstyðja niðurstöður og taka ábyrgð á eigin námi. Hér er yfirlit yfir nokkur verkefni.
Um hvað fjallaði lokaverkefnið þitt? Ég fjallaði um aðstöðu dýra í Herjólfi. Rannsóknarspurningin var: Hvernig er hægt að bæta aðstöðu dýra í Herjólfi? Þar sem ég er mjög mikill dýravinur vildi ég vita hvað dýr geta farið í gegnum þegar þau sigla með skipinu. Mér fannst mikilvægt að finna til hugmyndir um hvernig væri hægt að bæta þessa aðstöðu. Það var aðallega skoðað hunda í verkefninu og hvernig aðskilnaðarkvíði og hávaðanæmni kemur fram hjá þeim. Þessar raskanir voru valdar vegna aðstæðna þeirra í Herjólfi þar sem þeir sitja oft einir í bílnum með öll vélarhljóð skipsins í kringum þá.
Hverjar voru helstu niðurstöður verkefnisins?
Það komst í ljós að það geti verið mjög misjafnt hvernig dýrum liði í ferjunni okkar og getur það farið eftir tegund hundsins og umhverfi, alveg eins og hjá mannfólki. Þetta átti við um aðskilnaðarkvíðan og hvernig eigendur upplifðu að þeim liði á meðan siglingu stóð. Þegar kom að hávaðanæmni kom fram
hræðslu hegðun í öllum hundunum með einkennum eins og eigendaleit og flóttatilraunir.
Kom eitthvað á óvart? Það sem kom á óvart voru fjöldi tilfella þar sem dýr hafa hreinlega lent illa í því eftir ferð með skipinu. Eitt tilfelli endaði með dauða og fannst mér mjög sorglegt að engu hafi verið breytt varðandi reglur um dýr í Herjólfi eftir það.
Hvað er helsti lærdómurinn? Þar sem ég hef ekki mikla reynslu á því að ferðast með dýr, þá finnst mér mjög mikilvægt að þetta breytist núna þegar ég hef kynnt mér málið betur. Mér finnst einnig mikilvægt að meira af fólki viti af aðstæðunum sem dýrin okkar þurfa að lifa í þegar við ferðumst með þau í Herjólfi. Sama hvort þau sjálf eigi dýr eða ekki.
Um hvað fjallaði lokaverkefnið þitt? Ég gerði eiginlega rannsóknarritgerð um hvaða áhrif endómetríósa hefur á andlega og líkamlega líðan. Hverjar voru helstu niðurstöður verkefnisins? Endómetríósa getur haft alltof mikil áhrif á líf kvenna og þá ekki góð áhrif. Konur sem finna fyrir grun um endómetríósu þurfa að fara í tjékk sem fyrst til þess að hægt sé að greina sjúkdóminn rétt. Það getur tekið allt að sex ár að fá rétta greiningu á sjúkdómnum og er það alltof langur tími sem það tekur þar sem 1 af hverri 10 konum fæðast með endómetríósu. Heilbrigðiskerfið okkar er ekki að sinna sínu nógu vel þegar kemur að því að greina kvensjúkdóma og þarf það að lagast strax.
Kom eitthvað á óvart? Hvað það tekur langan tíma að fá greiningu á sjúk-
dómnum, ferlið sem konur þurfa að ganga í gegnum til þess að fá greiningu og kostnaðurinn við að fara í aðgerð til þess að fjarlægja endómetríósuna er fáránlegur þar sem það er ekki einu sinni boðið upp á almennilega aðgerð hér á landi og þurfa konur því að ferðast til útlanda og með því borga aukalega fyrir ferðalagið sjálft. Þetta var þó eitthvað að breytast til batnaðar um daginn.
Hvað er helsti lærdómurinn?
Til þess að vegna og ganga vel í lífinu þarf maður að standa með sjálfum sér og aldrei gefast upp sama hversu erfiðar aðstæðurnar verða. Í áfanganum lærði ég að vinna sjálfstætt og hafa trú á sjálfri mér, þar sem ég gerði einstaklingsverkefni sem var 18-20 bls. + 8 glærur í kynningu sem var ekki eins erfitt og ég hélt að það yrði ef ég bara hélt góðu skipulagi, rútínu og var ekki að fresta öllu fram á seinustu stundu.
Um hvað fjallaði lokaverkefnið ykkar?
Lokaverkefnið okkar fjallaði um fuglaflensu og áhrif hennar á fuglastofna, önnur dýr og mannfólk á heimsvísu.
Hverjar voru helstu niðurstöður verkefnisins? Helstu niðurstöður voru þær að fuglaflensa er alvarlegur sjúkdómur sem mikilvægt er að fylgjast með og finna leiðir til þess að sporna við dauða og sýkingarhættu fyrir fugla, önnur dýr og mannfólk. Fuglaflensa hefur mikil áhrif á fuglastofna og
fugladauði algengur og mikill, einnig getur sjúkdómurinn sýkst í önnur dýr og mannfólk ef þau komast í náin samskipti við sýkta fugla, það er sjaldgæft en hefur þó gerst.
Kom eitthvað ykkur á óvart? Þessi sjúkdómur er mikið algengari og mikið hættulegri en við héldum og það að fyrsta staðfesta smit á Íslandi greindist árið 2022 og fuglaflensa er nú að valda usla víðs vegar um landið kom okkur mikið á óvart.
Hvað er helsti lærdómurinn? Þessi áfangi kennir manni að setja upp fagmannlega unna ritgerð og býr okkur undir stóru ritgerðirnar í háskóla sem er afar mikilvægt.
Vestmannaeyjabær auglýsir lausar til umsóknar íbúðir eldri borgara í Eyjahrauni og Sólhlíð. Leiguverð fylgir leiguverði annarra íbúða hjá Vestmannaeyjabæ. Umsóknarfrestur er til 5. janúar nk.
Sótt er um í gegnum íbúagátt á heimasíðu Vestmannaeyjabæjar. Einnig er hægt að nálgast umsóknareyðublöð á skrifstofu Fjölskyldu- og fræðslusviðs að Kirkjuvegi 23 (gamla Íslandsbanka) og skal þá fylgigögnum einnig skilað þangað.
Nauðsynlegt er að staðfesta eldri umsóknir. Frekari upplýsingar veitir Margrét Ingólfsdóttir, í síma 4882000 eða á netfanginu margret@vestmannaeyjar.is. Einnig er hægt að fá nánari upplýsingar í þjónustuveri Fjölskyldu -og fræðslusviðs að Kirkjuvegi 23.
Fjölskylda: Mamma mín heitir Diljá, pabbi minn heitir Diddi og stóra systir mín heitir Hera.
Hvað ætlarðu að gera á jólunum? Bara opna pakkana mína og leika.
Hvað langar þig í jólagjöf?
Ég veit ekki, kannski dót.
Hvaða jólasveinn er bestur? Sveinki.
Hefuru fengið kartöflu í skóinn? Nei oj!
Hvað er skemmtilegast við jólin? Snjórinn því þá get ég búið til snjóhús.
Fjölskylda: Mamma mín heitir Guðbjörg Erla, Pabbi minn heitir Ágúst Halldórsson. Systir mín heitir Emilíana Erla og bróðir minn Sveinn Jörundur.
Hvað ætlarðu að gera á jólunum? Vera heima með fjölskyldunni og opna pakka.
Hvað langar þig í jólagjöf? Ryksugu.
Hvaða jólasveinn er bestur? Kertasníkir og Hurðaskellir.
Hefuru fengið kartöflu í skóinn? Nei aldrei.
Hvað er skemmtilegast við jólin? Skemmtilegast að sýna öllum gjafirnar sem ég fékk í jólagjöf.
Fjölskylda: Mamma Anna Ester, pabbi Grétar Þór og Óttar Þór bróðir minn.
Hvað ætlarðu að gera á jólunum? Búa til Snæfinn snjókarl þegar snjórinn kemur um jólin.
Hvað langar þig í jólagjöf?
Mig langar í Hulk Mesh, Batman, Captain America og Captain Hook búninga og svo líka Captain hook dót.
Hvaða jólasveinn er bestur?
Allir jólasveinarnir ég elska samt mest litla og stóra Stúf og Ketkrók.
Hefuru fengið kartöflu í skóinn? Aldrei.
Hvað er skemmtilegast við jólin? Jólagjafir, jólamatur, mandarínur, ketkrókur, gefa jólasveininum piparkökur, skreyta allt og skreyta jólatréð.
Fös - lau - sun kl. 20:00
Avatar Skrýtinn heimur
Þú getur fundið næstu bíómyndir og sýningartíma á www.eyjabio.is Íslenskt tal
Sunnudagur kl. 15:00
Miðvikudagskvöldið 21. desember 2022 klukkan 20:30. Húsið opnar kl 20:00
Hver erum við? Jólahvísl er metnaðarfullur hópur tónlistafólks frá Vestmannaeyjum sem býður Vestmannaeyjingum á jólatónleika í Hvítasunnukirkjunni ár hvert. Jólahvísl verður núna haldið í 5. skiptið, en við byrjuðum með þetta árið 2016. Í ár er það í höndum Guðnýjar Emilíönnu Tórshamar og Elísabetar Guðnadóttur ásamt húsbandi að gleðja tónleikagesti með huggulegum jóla tónum.
Hverjir koma fram? Guðný og Elísabet. Húsbandið okkar mynda Helgi Tórshamar, Þórir Rúnar Geirsson, Símon Geir Geirsson og Einar Bergman. Unnur og Simmi og þeirra band taka líka nokkur lög og Júlíanna S. Andersen stígur einnig á svið.
Hvenær? Miðvikudagskvöldið 21. desember 2022 klukkan 20:30. Húsið opnar kl 20:00 og er að sjálfsögðu frítt inn.
Tilgangur? Við viljum gefa til baka í samfélagið okkar hérna í Eyjum og gefa öllum tækifæri til að njóta hugljúfra tónleika í aðdraganda jóla. Allir sem taka þátt í undirbúningi eru að gefa vinnuna sína, tónlistarfólkið, tæknimenn, myndatökumenn, sviðsuppsetningarfólk, þau sem vísa til sætis, svo eitthvað sé nefnt. Það þarf margar hendur til að gera þetta mögulegt. Tónleikagestum gefst einnig tækifæri til gefa frjáls framlögu sem rennur allt til þeirra sem á þurfa að halda í Vestmannaeyjum.
Gljáður hamborgarhryggur með kóksósu (f. ca. 2-3 kílóa hrygg)
Hráefni í sykurhjúp:
2,5 dl púðursykur 1/2 dl vínedik eða cider edik 1 dl tómatsósa
1 dl rjómi
1/2 dl Dijon sinnep
Bræðið sykur og edik saman í þykkum potti (athugið það kemur sterk lykt þegar edik og sykur er soðið saman). Þegur sykurbráðin fer að þykkjast dálítið er sinnepi, tómatsósu og rjóma bætt saman við. Hrærið vel saman og látið malla þar til blandan verður þykk. Haldið 1 dl af hjúpnum til haga fyrir sósuna. Ofn hitaður í 150 gráður (undir/yfirhita). Hryggurinn er þerraður vel og smurður með gljáanum. Því næst er hann settur á ofngrind neðarlega í ofninn og ofnskúffa botnfyllt með vatni sett undir ofngrindina. Það þarf að fylgjast með því að það sé alltaf vatn í ofnskúffunni á meðan eldun stendur og bæta við vatni við þörfum. Best er að nota kjöthitamæli sem stungið er inn í miðjan hrygginn. Hryggurinn er eldaður í ofninum við 150 gráður þar til hann nær 65 gráða kjarnhita, það er um það bil 45-60 mínútur per kíló, fer mikið eftir því hvort hryggurinn er þykkur eða mjór. Athugið að þegar um það bil klukkustund er eftir af eldunartímanum er tími til að taka soð úr ofnskúffunni og byrja á sósunni því hún þarf að sjóða niður í minnst 1 klukkustund (miðað við tvöfalda sósuuppskrift).
Gott að gera nóg af gljáa og pensla 2-3svar sinnum á meðan hryggurinn er í ofninum, það er gott að setja vel af gljáa og leyfa honum að leka aðeins ofan í soðið í ofnskúffunni. Í lokin er gott að hækka ofninn í ca. 220 gráður í 10-15 mínútur. Hryggnum leyft að jafna sig í allt að 10 mínútur eftir að hann kemur úr ofninum, áður en hann er skorinn. Hann þolir líka vel að bíða lengur ef sósan er ekki tilbúin. Hamborgarhryggurinn er borinn fram með ananassneiðum.
Hráefni:
1 dl af sykurhjúpnum 2 dl af soðinu 2 dl Coca Cola 2 dl rauðvín 3-5 dl rjómi sósujafnari ef með þarf
Aðferð:
Setjið soðið, kókið, rauðvín og sykurhjúpinn í pott. Látið suðu koma upp, lækkið hitann og látið hana malla á meðal hita (þannig að hún „bubbli“) þar til hún hefur soðið niður um helming. Það er afar mikilvægt að sjóða niður sósuna, annars verður hún ekki góð! Bætið þá rjóma saman við og látið malla áfram í 10-15 mínútur þar til sósan er orðin þykk og bragðmikil.
• Brúnaðar kartöflur
• Soðið blandað grænmeti
• Rósakál með beikoni og möndluflögum
• Maísbaunir
• Heimatilbúið rauðkál
• waldorfsalat með ananas
Fengið frá: eldhussogur.com
Hvernig tek ég þátt?
Í tölublaði 42, 43 og 44 höfum við falið tígultákn. Þegar þú finnur tígulinn þá sendir þú okkur tölvupóst á tigull@tigull.is eða sendir okkur skilaboð á facebook og segir okkur hvar hann er falinn, nafn og símanúmer og við skráum þig í pottinn. Ef þú finnur tígulinn í öllum þremur blöðunum fer nafnið þitt þrisvar í pottinn.
Hvenær er dregið? Tveir vinningshafar verða dregnir út 16. desember
Tígultáknið eins og er falið í blaðinu!
Meðal vinninga eru:
• Úlpur frá Icewear
• Airfryer frá Húsasmiðjunni
• Clarins Jólakassi í tösku frá Mandala
• Gjafakassi frà Erborian að verðmæti 10.000 frá Heimadecor
• Gjafabréf frá Sölku að verðmæti 10.000 kr.
• Ilmur & handsápa frá Miðstöðinni
• Gjafabréf frá Póley að verðmæti 10.000 kr.
• Verkfærasett frá Skipalyftunni
• Jólabrunch fyrir 2 frá GOTT
• 4 Irish Coffee og spiltími í pool á Lundanum
• Serum Jólaaskja frá ChitoCare
• Hádegishlaðborð fyrir tvo á Næs
• Gjafabréf frá Sjampó
• Gjafabréf frá Skvísubúðinni að verðmæti 10.000 kr.
• Gjafabréf í Andlitsbað frá Snyrtihorni Maju
• Þrifpakka fyrir bílinn frá Skeljungi
• Hárvörur frá Hárstofu Viktors