Tígull 37.tbl 02árg

37. tbl. 02. árg. 4. - 10. nóvember 2020

Jólagjöfin í ár

FYRIR ÖMMU, AFA, MÖMMU, PABBA, FRÆNKU...

Nánari upplýsingar eða pantanir fara fram á vefsíðunni www.1000andlit.is eða netfanginu 1000andlit@gmail.com

DÍANA ÍVA Í 3. SÆTI Í MISS UNIVERSE Díana Íva lenti í 3. sæti keppninnar Miss Universe sem haldin var 23. október síðastliðinn. Díana er 26 ára Eyjamær sem er að læra hönnun og nýsköpun í Tækniskólanum ásamt því að vinna í Kjötkampaníinu og einnig sem hönnuður og markaðsstjóri hjá Íslensk Verslun í Kringlunni. Tígull hafði samband við Díönu og spurði hvernig Díönu leist á keppnina og hvernig hún fór fram.

Breyttist mikið við undirbúninginn eftir að Covid byrjaði? Og þá hvernig? Þessi heimsfaraldur hafði áhrif á Miss Universe Iceland keppnina í ár eins og margt annað í samfélaginu. Keppnin átti upprunalega að vera í maí en var henni frestað tvisvar sinnum vegna covid og var lokakvöldið þann 23. október síðastliðinn. Æfingar stóðu því í rúmt hálft ár og voru þær á allt öðru sniði en vanalega þar sem líkamsræktarstöðvar lokuðu um tíma, tveggja metra regla tók gildi, fjöldatakmörkun og grímuskylda.

Teymið stóð sig svo vel að tækla þessa erfiðu stöðu sem við vorum í og unnu hörðum höndum að hafa þetta tímabil eins þægilegt og skemmtilegt fyrir okkur og hægt var. Þau eiga svo sannarlega hrós skilið.

Hvað voruð þið margar í byrjun sem voru skráðar til leiks? Og hvað voruð þið svo margar sem kláruðu til enda? Í maí voru tilkynntar um 20 stúlkur, eftir að keppninni var frestað í fyrra skiptið voru tilkynntar þrjár stúlkur í viðbót. Vegna aðstæðna og frestunar voru nokkrar sem gátu því miður ekki klárað ferlið og enduðu alls 15 keppendur á sviði í Gamlabíó þann 23. október.

Nú er þetta í annað sinn sem þú tekur þátt? Af hverju að taka þátt aftur? Þetta ferli hefur gefið mér svo mikið og hefur hjálpað mér á svo marga vegu. Ég er einfaldlega betri útgáfan af sjálfri mér. En það er alltaf pláss fyrir bætingu og setti ég mér það markmið í ár að ég vildi gera betur en í fyrra, ætlaði mér að ná topp

fimm og ætlaði að vinna samning við Reebok - sem ég gerði! Ég vann Miss Reebok 2020 og komst í topp 5.

Og hvað er það sem þú hefur mest lært eða tekið út úr þessari keppni?

Fyrir utan þann vinskap sem hefur blómstrað út frá þessum keppnum og þeim tækifærum sem mér hafa borist þá hef ég þroskast og byggt sjálfa mig upp á þessum tíma. Ég sé að ef maður leggur sig virkilega fram og vinnur fyrir hlutunum þá áorkar maður. Ég er betri útgáfa af sjálfri mér og hef aldrei liðið jafn vel og verið jafn stolt af því að vera ég sjálf. Í dag er fegurðarsamkeppni svo miklu meira en var hér áður fyrr, getur þú aðeins sagt okkur út á hvað keppnin gengur?

“Fegurðarsamkeppnir” í dag snúast miklu meira um hvernig þú berð þig og hvað þú hefur að segja heldur en útlit. Við erum allar með einhvern málstað sem við viljum koma á framfæri og þessi keppni gefur okkur vettvang til þess. Fyrir lokakvöldið mætum við í dómaraviðtöl þar sem við þurfum að svara spurningum um okkur sjálfar. Fyrri hluti keppninnar erum við að labba um sviðið og sýna okkar útgeislun, en síðari hluti keppninnar erum við bara að tala um

okkur og okkar málstað.

Hvernig var svo tilfinningin að vera í topp 5?

Ertu sátt með þriðja sætið og hvað er það að gefa þér í framhaldinu?

Hún var mögnuð! Það að öll þessi vinna sem ég lagði í þetta hafi borgað sig er eitt og sér sigur fyrir mig. Ég gæti ekki verið sáttari með þann árangur sem ég náði. Ég fékk titilinn Miss Reebok. Því fylgir árskort í líkamsræktarstöðvar þeirra, 200.000kr inneign í verslun þeirra ásamt árs samningi hjá þeim sem andlit Reebok 2020. Þökk sé MUI hefur mér borist svo mörg tækifæri að koma sjálfri mér á framfæri og bauðst mér atvinna í því sviði sem ég hef áhuga á. Ég mæli með að allar þær ungu dömur sem hafa tök á að nýta sér þetta tækifæri.

Vil enda þetta á því að þakka öllum þeim sem eru mér nánastir fyrir allan þann stuðning sem þið veittuð mér í þessu ferli og þakka Manuelu og hennar teymi fyrir allt sem þau hafa gert fyrir mig á þessu síðastliðna ári. Hjartað mitt er fullt af ást og þakklæti til ykkar allra.

Ljósmynd: Arnór Trausti

FRÁBÆR UPPLIFUN SEM KLIKKAR EKKI

Hvaða fólk á bakvið Zipline og paragliding? Allt er betra í góðu teymi og að baki bæði Zipline og True Adventure Paragliding eru frábær teymi sem samanstanda af ævintýrasæknum flökkukindum.

Samúel Alexandersson (f.1981) og Þráinn Sigurðsson (f.1977) standa að svifvængjafluginu og þeir tveir ásamt Ásu Einarsdóttur (f.1976) og Æsu Guðrúnardóttur (f.1977) eru svo bakland Zipline. Samanlögð reynsla þessara fjögurra fræknu er langt frá því að vera ný. Við höfum, meðal annars, komið nálægt svifvængjaflugi, köfun, ísklifri, brimbrettareið og kajaksiglingum.

Við náðum loks að sameina ást okkar á núttúrunni og ævintýrum í þessari mögnuðu upplifun sem zipline og svifvængjaflug er og deilum glöð þessari upplifun með hverjum sem til okkar vill koma.

Sammi er ævintýrasækinn flökku-

kind. Ást hans á svifvængjaflugi og ferðalögum dró hann að lokum til Víkur fyrir u.þ.b. áratug og á sumrin unir hann sér hvergi betur. Íslenskir

vetur eru þó í engu sérstöku uppáhaldi hjá honum, líklega af því að hann á ættir að rekja aðeins sunnar í heiminum, svo hann hefur eytt síðustu vetrum að fljúga tandem kennsluflug í Höfðaborg, Suður-Afríku. Ef þú sérð hann ekki í einhversskonar öryggisbelti þá finnurðu hann líklega einhverstaðar með kaldan drykk í hönd…. eða hamborgara!

Þráinn er uppalinn á suðurlandinu,

þó ekki í Vík en þangað kom hann fyrir ca. 20 árum og hefur ekki fært sig fet síðan. Þráinn hefur leiðsagt jeppa- og jöklaferðir og tekið á móti gestum í Norður-Vík í öll þessi ár.

Síðan hann fór að fljúga og zippa hefur það haldið allri hans athygli og þið verðið ekki fyrir vonbrigðum ef hann verður leiðsögumaðurinn ykkar. Enginn veit meira um sögu Mýrdalshrepps en Þráinn. Hann er einnig frábær kokkur og dyggur stuðningsaðili einhvers ensks fótboltaliðs, sem við munum ekki hvað heitir.

Ása

hefur verið að flækjast í ævintýrum síðan hún var unglingur. Frá því að vera partur af Ævintýraklúbbnum í félagsmiðstöðinni Fjörgyn, þar sem hún kynntist því að ganga um allt Ísland, allt að því að aðstoða svifvængjaflugmenn um Atlas fjallgarðinn í Marokkó. Ein helsta ástríða Ásu er að ferðast um heiminn og kanna hvernk krók og kima þess, upplifa nýja menningu og koma á nýjar slóðir. Eftir að hafa ferðast um heiminn með svifvæng á bakinu í nokkurn tíma endaði hún í Vík. Hún trúir mikið á jafnvægi í lífinu og þegar hún er ekki að zippa eða fljúga þá finnuru hana líklega hugleiðandi á jógamottunni.

Æsa er hinn eini sanni heimalingur

í hópnum. Hún er fædd og uppalin í Vík og fer helst ekki út fyrir hreppsmörkin, nema það feli í sér góða skemmtun, sól og ævintýri. Æsa hefur verið húsfreyja í NorðurVík síðan um aldamótin. Hún er afar fróð um svæðið og veit einfaldlega allt um allt. Æsa elskar te fremur

öllu öðru og drekkur það í miklu óhófi og kýs helst endurunnar krukkur til drykkjunnar.

Hvaða þjálfun ertu með í þessu öllu? Öll lærðum við svifvængjaflug til að byrja með í gegnum Fisfélag Reykjavíkur, sem heldur námskeið hvert vor og höfum síðan þá náð okkur í frekari réttindi, þjálfun og reynslu víðsvegar um heiminn. Öll erum við með IPPI réttindi frá Alþjóðlegu flugmálastofnuninni og að auki eru Sammi og Þráinn með APPI réttindi fyrir Tandem kennsluflug og svo hefur Sammi gengið í gegnum strangt þjálfunarferli í Suður-Afríku og hefur SAPHA réttindi einnig þar.

Eruð þið enn að fljúga ?

Tímabilið okkar hér á Íslandi til flugs er maí - september ár hvert en ef veðurskilyrði og dagsbirta leyfa þá eigum við það til að viðra vængina í góðu móti við einhverja fjallsbrún.

En Zipline er það í fullum gangi allan veturinn ?

Zipline hefur verið opið allt árið en það er smá breyting á þennan veturinn því við ætlum að skella í lás rétt svo yfir dimmasta tímann, frá miðjum desember fram í miðjan febrúar en ef það eru hópar á ferð þá tökum við að sjálfsögðu úr lás í samráði við þá.

Paraglide er það fyrir alla?

Já, við getum eiginlega fullyrt það að svifvængjaflug sé fyrir alla.

Sumum nægir að sitja í traustum faðmi flugmanna eins og okkar og njóta útsýnisins. Aðrir vilja læra sjálfir og fá sinn eigin væng. Það er gríðarleg aukning í svona “hike & fly” þar sem fjallagarpar eru með mjög léttan væng og nýta hann í að losna við hinn hvimleiða niðurgang af fjöllum. Enn aðrir vilja reyna fljúga landshorna á milli og finnst best að raka inn sem flestum kílómetrum og lenda óvænt einhversstaðar í óbyggðum og svo er svokallað wagga, sem er nálægðarflug, oft í mjúkum sandöldum og nálægt strönd að fá aukna athygli hér á landi líka. Eitthvað fyrir alla og sérstaklega þá sem einhverntíman hafa fundið hjá sér löngum til að svífa um loftin blá, frjáls eins og fuglinn.

skeið á hverju vori og hafa þau einmitt nokkrum sinnum haldið auka námskeið í Vík í Mýrdal og jafnvel reynt fyrir sér á bæði norðurog austurlandi. Það kemur alveg til greina að við höldum námskeið einn daginn en þangað til vísum við áhugasömum á Fisfélag Reykjavíkur.

Næsta vor! hvernig er planið?

Við opnum fyrir Tandem kennsluflugið 1. maí og vonumst til að samlandar okkar verði jafnduglegir að koma til okkar, bæði í svifvængjaflug og zipline, eins og þeir voru á nýliðnu sumri.

Hvert á að snúa sér til að panta flug eða Zipline?

Svifvængjaflug má bóka á vefsíðu True Adventure, https://www. trueadventure.is og Zipline má kynna sér betur á vefnum okkar, https://www.zipline.is. Það eru einnig ýmist tilboð í gangi, hvort sem það er fyrir gjafabréf fyrir jólin eða kombó pakka með öðrum fyrirtækjum á svæðinu.

Er í myndinni að halda námskeið til að læra að fljúga?

Fisfélag Reykjavíkur heldur nám-

Værir þú til í að koma á góðum degi til Eyja og bjóða upp á flug?

Já klárlega, ef veður og vindar eru hagstæðir.

Er einhver tækni sem þarf til að fljúga þessu? Í sinni einföldustu mynd er svifvængur frekar einfalt og mótorlaust flugtæki og engra tækja er þörf fyrst um sinn. Góð þekking á veðurfræði og loftaflfræði en hún er kennd á byrjendanámskeiðinu. Önnur tækni og þekking kemur með tímanum og reynslu.

DJÁKNINN - NÝ VERSLUN Í EYJUM

Gunnar Viðar Þórarinsson, Daníel Edward Jónsson og Jóhanna Björk Bjarnadóttir.

Djákninn er ný verslun við Strandveginn í Vestmannaeyjum, beint á móti Krónunni.

Djákninn er vape verslun sem selur bæði vape vöka og rafrettur.

Tígull vildi aðeins forvitnast um reksturinn og eiganda þessarar oft umdeilda reksturs.

Eigandi Djáknans er Gunnar Viðar Þórarinsson, 34 ára gamall. Fæddur og uppalinn á Sauðárkróki en á heima í dag á Reyðarfirði, þannig má segja að hann sé sannkallað landsbyggðarbarn.

Hefurðu einhverja tengingu við Eyjar? Nei, því miður. Þegar ég kom í heimsókn til Eyja á síðasta ári féll ég gjörsamlega fyrir Vestmannaeyjum. Var eiginlega svekktur að hafa ekki komið hingað fyrr. Það var ekki spurning, ég ætlaði að opna útibú hér og stefni einnig á að kaupa hús hér í náinni framtíð.

Hér er yndislegt að vera, sagði Gunnar.

Djákninn rekur fimm verslanir um landið og flytur inn fjöldann allan af rafrettuvörum og vökvum. Þær eru í Vestmannaeyjum, Reykjavík,

Sauðarkróki, Akureyri og Reyðarfirði.

Markmiðið að fólk hætti að reykja Það sem greip blaðamann Tíguls hvað mest er hugsun Gunnars með þessari verslun. Hún snýst ekki um að fá sem flesta til að byrja að vape-a heldur að fá sem flesta sem reykja sígarettur að hætta því og fara frekar í vape-ið. Í kjölfarið hætta nikótínnotkun alveg. Þegar við opnuðum fyrstu búðina á Akureyri, 21. júlí 2016 var komin talsverð röð og undirtektirnar voru mjög góðar, sagði Gunnar. Fólk sem var búið að fikta við þetta fékk loksins ráðgjöf og alvöru úrval. Við erum ekki bara að selja rafretturnar heldur erum við að veita þannig þjónustu, að við viljum að fólk hætti að reykja af því að það er markmiðið hjá okkur, útskýrir hann.

5000 mismunandi eiturefni í sígarettum Gunnar hefur aflað sér þekkingar og segir miklu auðveldara að hætta að nota vape heldur en sígarettu. Í sígarettunni eru 5000 mismunandi eiturefni auk nikótínsins. Í rafrettunni er það eingöngu

nikótínið sem er ávanabindandi. Þar af leiðandi er mun auðveldara að hætta eftir að hafa ánetjast einu en ekki 5000 þúsund mismunandi ávanabindandi efnum. Djákninn er með vökva sem aðstoðar fólk í að trappa sig niður frá sígarettunni. Svo er langt um ódýrara að vapea heldur en að reykja, svo ekki sé minnst á ógeðslegu lyktina og óþrifnaðinn sem kemur af sígarettum, sagði Gunnar.

Með komu Djáknans til Eyja lækkaði verð á nikotínpúðum um 30%-50%, dósin er á 990 krónur, mikið úrval er hjá þeim og allt er geymt í kæli.

Ellefta hver dós er frí.

Er mjög annt um umhverfismál og leggur sitt af mörkum Með innflutningnum fylgir mikið af umbúðum, pappa og plasti.

Við viljum vera samfélagslega ábyrg og höfum því tekið upp umhverfisstefnu, segir Gunnar. Í henni felst að Djákninn ábyrgist að allt plast, málmar og allur pappi sem fellur til hjá okkur fari í endurvinnslu.

Við seljum rafrettuvökva í hágæða PET/HDPE plastflöskum sem hægt

er að endurvinna á auðveldan hátt.

Við hjálpum viðskiptavinum okkar að taka þátt í að vernda umhverfið og bjóðum upp á endurvinnslubónus

þannig að við veitum 200 kr. afslátt af næsta keypta vökva þegar þú skilar inn flösku.

Svo er nýjung hjá okkur sem tók gildi 1.nóvember 2020. Vegna frábærra móttaka við þessu þá bætum því við að einnig er nú hægt að skila inn gömlu/ónýtu vape græjunni og þú færð 350 kr. afslátt af nýrri vape græju.

Við höfum fengið frábærar móttökur því við höfum fengið á einu ári 3526 flöskur og því greitt 705.200kr í endurvinnslubónus og þeir sem nýta sér þetta er sífellt að fjölga.

Við höfum verið í samstarfi við Terra sem að sjá um að endurvinna fyrir okkur á umhverfisvænan hátt

fyrir hverja flösku sem skilað er til okkar. Endurvinnslubónusinn virkar

Eingöngu er hægt að nýta endurvinnslubónusinn einu sinni á hvern vökva/vape, sem sagt flaska/ vape á móti flösku/vape-i. Stærðin skiptir ekki máli, hvar eða hvenær flaskan/vape-ið var keypt.

Djákninn tekur við öllum ónýtum rafrettum, brennurum, batteríum

o.s.frv. Við skilum því í endurvinnslu án kostnaðar fyrir okkar viðskiptavini.

Ef ákveðnir hlutir falla ekki undir að hægt sé að endurvinna þá, munum við sjá til þess að þeir verði flokkaðir og þeim fargað samkvæmt íslenskum förgunarreglum, sagði Gunnar.

Pabbi hætti á einni viku Gunnar nefnir að mjög margir hafi hætt að reykja með aðstoð rafrettunnar með nikótíni, þar á meðal faðir hans sem hafi reykt lengi. Það hafi aðeins tekið hann eina viku. Þess vegna segir hann leiðinlegt að hlusta á neikvæða umræðu um rafrettur, m.a. frá Krabbameinsfélagi Íslands.

Að lokum, af hverju nafnið Djákninn? Fyrsta verslunin var opnuð á Akureyri og það lá vel við að nefna hana Djáknann sem er vel þekktur fyrir norðan. Við lærðum flest öll þar um Djáknann frá Myrká, segir Gunnar að endingu.

ORÐAÞRAUT

TÖLVUSKJÁR ÁLFUR

ÍSSKÁPUR LJÓSMYND

BAKARAOFN FLÍSAR BLÓMAPOTTUR RÚM

KERTASTJAKI STURTA

OFNBAKAÐUR FISKUR MEÐ KARRÍ - Uppskrift vikunnar -

Hráefni: 2-3 flök ýsa eða þorskur 1/2-1 agúrka fer eftir stærð 3-4 tómatar stórir 2 pakkar karrísósa 2 pelar rjómi salt eftir smekk 1 poki rifinn mozzarella ostur

4

Ofnbakaður fiskur með karrí

Aðferð: Látið flökin á grind eða þerrið flökin, betra að þau séu þurrari en safamikil. Skerið fiskinn í bita þó minni en fyrir venjulega suðu, stráið salti í botninn á eldföstu móti og setjið fiskinn í mótið. Skerið tómata í bita. Agúrkan skorin eftir endilöngu og kjarninn tekinn úr með skeið síðan skorin í bita. Tómötum og agúrkunni er blandað saman við fiskinn. Karríduftið er sett í skál og rjómanum hellt saman við, hrærið þessu létt saman með handþeytara.

Hellið yfir fiskinn og grænmetið.

Rifnum osti er stráð yfir réttinn.

Gott er að setja hvítlauksduft yfir ostinn þá verður osturinn stökkur og gullinbrúnn. Hægt er að bæta við uppskriftina að vild eins og lauk eða papriku. Rétturinn bakast í ofni við 200 gráður í ofni í c.a. 20 mín eða þar til osturinn er orðinn brúnn.

Best með soðnum kartöflum og brauði eftir smekk.

Súkkulaði Tiramisú Hráefni: 5 dl rjómi 300 g Síríus Konsum 56% súkkulaði, saxað 375 g mascarpone-ostur, mjúkur 3 msk. flórsykur 3 msk. Ameretto-möndlulíkjör 2 msk. kaffilíkjör 1 dl sterkt kaffi, kalt 16 stk. fingurkex, ladyfingers Hitið 1 dl af rjóma og súkkulaðið saman í potti við mjög hægan hita

þar til súkkulaðið er bráðið. Hrærið mjög oft og gætið þess vel að súkkulaðið hitni ekki of mikið. Þeytið saman í skál afganginn af rjómanum, mascarpone-ostinum, flórsykrinum og Ameretto-líkjörinum þar til blandan verður slétt og samfelld.

Blandið kaffilíkjör og kaffi saman í annarri skál. Dýfið kökunum ofan í kaffiblönduna og raðið þeim upp með hliðunum á fallegri, djúpri skál. Hellið þriðjungi af súkkulaðiblöndunni á botninn á skálinni og setjið helminginn af rjómaostblöndunni þar ofan á.

Hellið öðrum þriðjungi af súkkulaðiblöndunni yfir og dreifið svo afganginum af rjómaostblöndunni þar yfir.

Jafnið loks afganginum af súkkulaðiblöndunni yfir allt saman.

Breiðið plastfilmu yfir skálina, setjið hana í ísskáp og kælið réttinn í um þrjár klukkustundir.

SELUR NÚNA LISTMÁLARAVÖRUR

Akrýl litir Hjá okkur er úrval af akrýllitum í System 3 línunni frá Daler Rowney, ásamt ýmis íblöndunarefnum.

Olíu litir Í olíulitum erum við með Georgian Oil frá Daler Rowney, ásamt íblöndunarefnum og lakk til þess að verkið endist.

Vatnslitir Vatnslita úrvalið okkar er bundið við sett sem við eigum í tveimur stærðum frá tveimur framleiðendum.

Flottar hágæða vörur á frábæru verði!

VERSLAÐU FYRIR MEIRA EN 5000KR. Í NÓVEMBER OG SKRÁÐU ÞIG Í POTTINN! Einn heppinn viðskiptavinur fær svo kaupin sín endurgreidd í lok mánaðar.

Athugið að þetta gildir einungis um listmálaravörurnar. Um að gera að nýta sénsinn á meðan ástandið er svona og mála nokkrar myndir.

Miðstöðin / Strandvegi 30 / 4811475

HEFUR ÞÚ FUNDIÐ TÖLUNA

42

Sýslumaðurinn í Vestmannaeyjum

Í BLAÐINU?

LAUST STARF RITARA HJÁ EMÆTTI SÝSLUMANNS

TALAN ER FALIN HVAR SEM ER Í BLAÐINU OG SÉST VEL.

Umsóknarfrestur til og með 16. nóvember.

Karlar jafnt sem konur eru hvattir til að sækja um starfið.

ÞÚ MÁT T SENDA OKKUR SKJÁSKOT EF ÞÚ FINNUR HANA OG SENDA OKKUR Á SKILABOÐUM INNÁ FACEBOOKSÍÐU TÍGULS.

Umsóknir berist á netfangið arndis.soffia. sigurdardottir@syslumenn.is.

Nánari upplýsingar veitir Arndís Soffía, sýslumaður í síma 458 2900.

ÞÚ FERÐ Í POTT SEM VIÐ DRÖGUM ÚT FYRIR JÓL SKEMMTILEGAN JÓLAGLAÐNING.

ÖKUKENNSLA

Tannlæknar

SNORRA RÚTS Kennslubifreið: Mercedes Benz C200-C01

1. - 4. des Hjalti Þórðardóttir

• Akstursmat • Endurtökupróf • Ökuskóli

Hlýja Tannlæknastofan Hólagötu 40

Tímapantanir í síma 481-2772

TÍGULL

20 ára reynsla!

Sími 692-3131

Tígull kemur út vikulega í Vestmannaeyjum og er dreift frítt inn á öll heimili og fyrirtæki.

Ritstjórar & ábyrgðarmenn: Lind Hrafnsdóttir & Katrín Laufey Rúnarsdóttir.

DREIFING:

ÚTGÁFA:

SKIL Á AUGLÝSINGUM:

Dreifing fer fram á miðviku- og fimmtudögum og er dreift inn á öll heimili og fyrirtæki í Vestmannaeyjum. Einnig er hægt að skoða blaðið á vefsíðunni okkar: www.tigull.is

Hönnun: Lind Hrafnsdóttir lind@leturstofan.is Auglýsingar: Katrín Laufey katalaufey@tigull.is Prentun: Prentun.is

Auglýsingar sendist á: tigull@tigull.is Skil á auglýsingum er í hádeginu á mánudögum.

Vinsamlegast bókið tímalega.

Nýstárleg vöruþróun.

Nýstárleg vöruþróun.

Yfirburða útkoma.

Yfirburða útkoma.

Flutex Pro innimálning.

Flutex Pro innimálning.

117318

10/20

Flutex Provörulína er ný vörulína er niðurstaða nýstárlegrar vöruþróunar á vinsælu utex Pro er ný sem er sem niðurstaða nýstárlegrar vöruþróunar á vinsælu Flutex Flutex vörulínunni – hönnuð sérstaklega til að mæta kröfum þeirra sem neita að gefa afslátt rulínunni – hönnuð sérstaklega til að mæta kröfum þeirra sem neita að gefa afslátt af lokaútkomu málningarverksins. lokaútkomu málningarverksins.

Flutex Pro línanafbragðsvel, þekur afbragðsvel, er auðveld ogfallega gefur lokaútkomu. fallega lokaútkomu. utex Pro línan þekur er auðveld í vinnsluí vinnslu og gefur

OPIÐ 07:30 - 18:00 ALLA VIRKA DAGA 10:00 - 14:00 Á LAUGARDÖGUM

Vestmannaeyjafyrirtæki í fremstu röð!

VIÐ ERUM STOLT AF ÞVÍ AÐ VERA Í HÓPI FRAMÚRSKARANDI FYRIRTÆKJA Í VESTMANNAEYJUM SAMKVÆMT ÚTNEFNINGU CREDITINFO

Bylgja VE-75 ehf.