{' '} {' '}
Limited time offer
SAVE % on your upgrade.

Page 1

Sèmper den bisindario

Tratamentu y Guía den Kuido di Salú Mental & Outismo pa Hóbennan


Bonbiní na Jonx Muchanan y hóbennan ku ta enkontrá problema den nan desaroyo, den bida o espesífikamente na skol, por akudi serka Jonx pa haña kuido di bon kalidat y konfiabel. Pa aña tin 500 kolaboradó saliendo for di nuebe kantor y diferente lokalidatnan di konsulta, manera den skolnan y den e sentronan pa hóben y famia Centrum voor Jeugd en Gezin hasiendo nan esfuerso pa mas ku 4000 kliente y nan kasnan di famia den e region nort di Hulanda. Den esaki nan ta kolaborá ku tur sorto di otro instansia ku ta mará na kuido di muchanan y hóbennan. Jonx, formando parti di Lentis, ta brinda diagnóstiko y tratamentu ambulante na muchanan y hóbennan te 18 aña ku tur forma di problemátika psikiátriko. Si esey ta nesesario, nan mayornan, rumannan hòmber y/o muhé, y skol ta haña guía y sostenimentu di Jonx. Banda di esaki e ekipo Autisme Team Noord-Nederland (ATN) di Jonx pa 40 aña kaba ta un outoridat riba e tereno di diagnóstiko y tratamentu di muchanan (y tambe adultonan) ku un estorbo den e spektro outista Autisme Spectrum Stoornis. Basá riba e ekspertisio spesífiko aki e ATN di Jonx ta outorisá pa karga sertifikado di TOPGGz for di 2008. Den e foyeto aki nos ta duna bo un bista riba nos organisashon.

Inge van Balkom Direktor Jonx


"Muchanan ku ta víktima di tentamentu tin kuater biá mas chèns di desaroya un estorbo di ansha. Jonx ta haña importante pa atende na tempu ku tentamentu pa prevení peor"

Perkurá konhuntamente pa kos bai mehor Kada mucha y kada famia ta diferente, pa e motibu ey keho y problemanan ta diferente. Ta pesey sèmper Jonx ta wak bon kiko ta lokual ta nesesario: konseho, diagnóstiko, tratamentu y/o guía. Dependiente di e yudansa solisitá por brinda kuido na diferente lokalidat: na poliklínika, kas o na skol. Banda di ta sostené muchanan y hóbennan ku un problema psikiátriko y adultonan ku un estorbo di e spektro outista Autisme Spectrum Stoornis (ASS), Jonx ta sostené tambe mayornan, partnernan, rumannan hòmber y/o muhé y e skol. Jonx ta haña importante pa subi e forsa propio di klientenan y e forsa di karga di e sistema. Ta asina nos por perkurá konhuntamente pa kosnan bai mihó. Nos ta hasi esaki segun dos método: métodonan ku kual nos tin bon eksperiensia den práktika (practice based), y métodonan di kual siensia a demonstrá ku nan ta traha bon (evidence-based). "Awor ku mi amigu ta haña yudansa e pida-pidanan di e rompekabesa ta kai na nan lugar"

Kolaborashon Jonx ta duna masha balor na kolaborashon ku otro instansianan (di kuido) y partnernan den e kadena. Nos ta kompartí loke nos sá y nos ta siña di otro. Ta pesey konhuntamente nos por logra hopi. Nos ta koperá ku entre otro:

           

Cedin Centra voor Jeugd & Gezin Consultatie Team Pesten Dr. Leo Kannerhuis Munisipionan GGD (Team Vroegsignalering) Noorderpoort (KAIRO) Reik (LVG Jeugdpoli) RENN4 (Poli Terug naar School) Rijksuniversiteit Groningen Zorg Adviesteams voor speciaal onderwijs en middelbaar onderwijs Zorg voor Jeugd Groningen

For di 2009 Jonx tin kolaborashon ku e fundashon kurasoleño Stichting Opvoedingsondersteuning aan Kinderen met een Handicap (SOKH). Jonx ta yuda SOKH ku interkambio di konosementu y abilidat riba tereno di diagnóstiko y tratamentu.


Variedat den lokual nos ta ofresé Jonx ta spesialisá den tantu investigashon komo den tratamentu di kehonan y problemanan ku por manifestá serka adultonan ku ASS komo serka muchanan y hóbennan. Nos por brinda sostenimentu pa medio di konseho, diagnóstiko, tratamentu y/o guía. Jonx ta purba sèmper di aportá na solushonnan efikas pa keho y problema.

Un revista di nos aktividatnan mas importante.

Intake Ta médikonan di kas y pediátranan ta referí klientenan pa Jonx. E promé kontakto ku Jonx ta un kombersashon ku un of mas tratadónan. Huntu ku e kliente, mayornan o partner y/o otronan ku ta envolví ta hasi un reseña di tur problemanan ku tin, kiko ta nan punto di bista riba esakinan, y kon e problemanan aki a lanta. Jonx ta brinda diagnóstiko di den un dia. Esaki kier men ku dentro di un dia e kombersashon di intake ta tuma lugar ku e kliente y mayornan y/o partner, loke na final di dia ta kondusí na un konklushon si tin diagnósis o no tin. Si tin diagnósis, e or'ey ta duna konseho mesora tokante e pasonan ku lo sigui posibelmente.

"Ami ku mi tata y mama tabata serka un señora masha simpátiko. E ta komprondé mes mes kon ami ta mira kosnan! Anto awor mi mayornan tambe ta komprondé. Esaki ta masha bon mes"

Konsulta Den kaso di un intake komun, ta despues di e intake ta disidí - konhuntamente ku kliente (y eventualmente mayornan y/o partner) - di ki manera lo por yega na un konseho y plan pa tratamentu kla y responsabel. Durante e fase di investigashon y diagnóstiko ta mira e kliente por lo menos un biá.

Diagnóstiko ekstenso Tin biá por ta asina ku no ta bini klaridat den e manera ku e problema ta hinká den otro. Tin biá tin preguntanan ta keda persistí y ku mester haña un kontesta promé ku por inisiá un método di tratamentu. Den e kaso aki ta posibel ku ta ekstendé e investigashon.


"Mi ta ripará di pronto ku mi yu ta traha sita ku otro muchanan"

Tratamentu Si un tratamentu ta nesesario esaki por tuma lugar na un di e lokalidatnan di Jonx o un di e lokalidatnan di konsulta. Tratamentunan por keda sostené ku internet. E tratamentu ta dura mas breve posibel, pero mes largu ku ta nesesario. Jonx ta disponé di poliklínikanan spesialisá pa entre otro estorbonan kompulsivo, stekmentu di skol, estorbonan spesífiko di género, y estorbonan relashoná ku e spektro di alkoholismo fetal Foetaal Alcohol Spectrumstoornissen.

Guía Jonx ta brinda un kantidat di formanan di guía, entre otro guía na kas ku ta dirigí riba tur problema ku ta difisil pa solushoná pa motibu di problemanan psíkiko serka e mucha o e adulto ku ASS. Durante un kantidat di luna un tratadó lo pasa bishitá pa konhuntamente atende e problemanan aki. E tratamentu no ta dirigí riba solamente e persona konserní, pero tambe riba su entorno. Banda di esaki Jonx ta brinda guía ku ta konsistí di psíko-edukashon: dunamentu di informashon na klientenan o na mayornan y/o otronan envolví tokante kon nan por atende ku e limitashon psíkiko.

Informashon y instrukshon Señalá y prevení kehonan na tempu ta mes importante ku duna nan tratamentu. Jonx ta disponé di un sentro di ekspertisio: JonxPro. Ta kompartí e sabiduria spesialisá ku ta presente den Jonx pa medio di kursonan y seshonnan di instrukshon y informashon pa profesionalnan den kuido, dosentenan y otronan ku ta (haña nan) envolví ku muchanan, hóbennan o adultonan ku keho psíkiko. Lokual ta ofresé ta standart, pero nos ta gusta ofresé instrukshon y informashon di taya. Esaki ta posibel na kualkier lokalidat ku ta deseá. Wak riba www.jonx.nl pa mas informashon y datonan di kontakto.

"Awendia tantu na skol komo na kas mi ta tribi bisa loke ta mi opinion"

"Despues ku tabatin un presentashon den klas tokante ASS y tokante ami mes, awor mi kompañeronan di klas ta komprondé mi muchu mas mihó"


Ekiponan spesialisá di Jonx Den seno di Jonx tin algun ekípo spesialisá ta traha, bou di kual:

FASD Polikliniek Na e poliklínika FASD Polikliniek di Jonx muchanan, hóbennan, adultonan y nan mayornan ta haña kontesta dentro di un dia riba e pregunta si ta sí o ta nò ku ta trata di e síndrome di alkoholismo fetal Foetaal Alcohol Syndroom (FAS) o di e spektro di alkoholismo fetal Foetaal Alcohol Spectrum Disorder (FASD). For di inisio di e FASD Polikliniek na 2010 e ekípo a akumulá hopi ekspertisio. E klientenan di FASD Polikliniek ta bini di tur skina di Hulanda. FASD Polikliniek ta kolaborá ku un poliklínika na Barcelona, e AFIN Grupo de Investigación. E poliklínika aki ta forma parti di Universitat Autònoma de Barcelona y ta dediká su mes espesífikamente na muchanan adoptá ku presumibelmente ta karga FASD na Spaña. E kolaborashon ta den forma di kompartí ekspertisio y hasi investigashon sientífiko.

CIP-Jeugd Na CIP-Jeugd muchanan y hóbennan por akudí pa tratamentunan tantu regular komo ekstendé. Punto di salida den tratamentu ta e vishon ku ta eksistí un interakshon entre kurpa y mente. E tratamentunan ta dirigí riba salú y bienestar, y riba hasi uso di e 'propio forsa'.

Poli Terug naar School E poliklínika aki ta ofresé yudansa relámpago durante sèis siman den kolaborashon ku guíanan ambulante di RENN4 den kasonan di stekmentu di skol grave o ningamentu di skol. E meta ta pa kombiná ekspertisio y perisia pa asina, mas lihé posibel, e hóben por sigui ku su karera di skol den kolaborashon ku tur esnan envolví.

Autisme Team Noord-Nederland E ATN ta spesialisá den diagnóstiko y tratamentu di muchanan, hóbennan y adultonan ku un ASS, tantu kombiná y no kombiná ku otro limitashonnan. Serka hopi kliente ta lanta un deseo di bai biba


riba nan mes durante na adolesensia y na grandi. ATN ta sostené e klientenan aki den nan búskeda di bibienda apropiá. Klientenan ku un ASS ta haña bista riba ofertanan pa bibá (ku guía) den region nort di Hulanda riba e wèpsait www.curantwonen.nl.

ATN ta portadó di e seyo di garantia di TOPGGz di e fundashon Stichting Topklinische GGz.

"Ta importante pa sostené y motivá nos klientenan. Ta hopi bon pa por aportá na nan éksitonan"

Expertiseteam Trauma E ekípo Expertiseteam Trauma ta spesialisá den diagnóstiko y tratamentu di diferente kehonan psíkiko ku ta surgi serka muchanan y hóbennan despues di akontesimentunan di gran impakto. Durashon di e tratamentu ta depende di e índole y gravedat di e trouma. Hopi biá e trouma por keda tratá den un par di biá; trouma mas kompliká ta eksigí mas tempu di tratamentu. Tin biá mester traha na un mayor grado di stabilidat den e sirkunstansianen di bida promé ku por kuminsá ku un berdadero konformashon ku e trouma.

"Awor ku mi sá ta kiko ta pasando, mi ta komprondé mi yu mihó"

LVG-Jeugdpoli Timp Muchanan y hóbennan ku un limitashon leve intelektual ku huntu ku esey tambe tin problema psikiátriko normalmente ta kai pafó di kuido regular. Jonx, den kolaborashon ku Reik, ta prevení ku e muchanan aki ta kai entre kashi ku muraya. Dependiente di e yudansá rekerí Jonx lo intervení ku su ekspertisio psikiátriko na ora di diagnóstiko, investigashon ekstendé y, eventualmente, tratamentu ku remedi.


Poli

voor Dwangstoornissen

E Poli voor Dwangstoornissen ta brinda kuido na muchanan y hóbennan ku (presumibelmente) tin un estorbo kompulsivo, pero tambe na adultonan ku ASS den kombinashon ku un estorbo kompulsivo. Klientenan por inisiá tratamentu mesora na e poli. Sigur ora ta trata di muchanan chikitu por realisá resultado basta lihé, tin biá ku un kantidat limitá di kontakto. Den kaso di estorbonan kompulsivo ta importante pa mas lihé posibel kuminsá ku tratamentu. Mas largu e komportashon indeseá perdurá, mas largu e tempu pa karga e peso di sufrimentu por bira, y mas difisil lo bira pa kita e mal kustumber.

Gender Poli Gender Poli ta yuda muchanan y hóbennan te 18 aña di region nort di Hulanda ku a nase komo mucha hòmber o muhé y ku no ta sinti nan mes komfortabel ku esey. Gender Poli ta brinda diagnóstiko y tratamentu na muchanan y hóbennan ku un estorbo den nan identidat seksual, y guía na nan mayornan. E poliklínika ta kolaborá estrechamente ku e Genderafdeling di UMCG na Groningen y e VUmc na Amsterdam.

Infantteam Muchanan chikí di 0 te 4 aña por akudí serka e Infantteam pa diagnóstiko y tratamentu ora ku presumibelmente ta trata di ASS. E Infantteam ta traha for di Groningen, Leeuwarden y Drachten.

"Dia pa dia ta bini mas konosementu enkuanto desaroyo transgenériko"

Investigashon sientífiko Jonx kier brinda su klientenan e mihó kuido. Pesey nos ta hasi investigashon sientífiko. Esey ta duna nos bista riba kiko nos ta hasiendo. Pa medio di investigashon tambe nos por evaluá si maneranan nobo di tratamentu y diagnóstiko ta mas efektivo. Ku esaki nos ta ampliá nos konosementu tokante malesanan psikiátriko. Kombinando resultado di investigashon sientífiko ku resultado di práktika nos por mehorá kalidat di kuido. Ta duna aporte na investigashon sientífiko dentro di e diferente ekíponan ambulante di Jonx, y den


kolaborashon ku otro instansianan dentro y pafó di Hulanda . ATN ta hasi esey tantu kolaborando ku otro instansianan, komo pa medio di propio investigshon sientífiko.

Sèmper den bisindario Jonx tin diferente lokalidat distribuí den Groningen, Friesland y Drente. E lokalidatnan ta habrí tur dia di trabou di 08.30 te 17.00 or. Ta posibel traha sita pa pafó di e orario aki. Mayoria famia ta sufisiente okupá, ta pesey tur lokalidat di Jonx ta habrí maske ta un anochi pa siman. Banda di e lokalidatnan 'gewon', por alkansá Jonx tambe na e CJG-nan, skolnan y otro lokalidatnan ku ta kumbiní. Asin'ey sèmper nos ta den bisindario!

Sifranan kardinal Jonx  Kantidat di klientenan den tratamentu: 2,845  Nobo registrá: 1,538  Kitá for di registro: 1,443

Jonx Ambulante  Kantidat di klientenan den tratamentu: 1,403  Nobo registrá: 779  Kitá for di registro: 567

Jonx Outismo Fecha di konteo: desèmber 2014


Enlasenan útil www.cedin.nl http://www.consultatieteampesten.nl/ http://groningen.zorgvoorjeugd.nu/ http://grupsderecerca.uab.cat/afin/ http://www.leokannerhuis.nl/autisme/vroegsignalering www.lentis.nl www.reik.nl www.renn4.nl http://www.sokh.info/

Adrèsnan Jonx ATN Drachten Zuiderdwarsvaart 72 9203 JB Drachten +31 (0)512 – 334 950 ATN Hoogeveen Crerarstraat 6c 7901 AE Hoogeveen +31 (0)528 – 229 930 ATN Groningen Laan Corpus den Hoorn 102-2 9728 JR Groningen +31 (0)50 – 522 32 99 ATN Leeuwarden Jacob Catsplein 8913 CS Leeuwarden +31 (0)58 – 294 87 20


Begeleid Wonen Munsterheerd Munsterheerd 30-45 9736 GG Groningen +31 (0)50 – 520 17 90 Begeleid Wonen Talma Merwedestraat 54 room 2.13 9725 KE Groningen +31 (0)50 – 520 7080 Jonx Delfzijl Jachtlaan 52 9934 JD Delfzijl +31 (0)596 – 649 103 Jonx Hoogezand-Sappemeer Industrieweg 33 9601 LJ Hoogezand-Sappemeer +31 (0)598 – 427 120 Jonx Groningen Laan Corpus den Hoorn 102-2 9728 JR Groningen +31 (0)50 – 522 32 90 Jonx Stadskanaal Semmelweislaan 4 9501 HS Stadskanaal +31 (0)599 – 692 269 Jonx Winschoten Mr. D.U. Stikkerlaan 1 9675 AA Winschoten +31 (0)597 – 456 300 Wonen en Werken voor Volwassenen met een Autisme Spectrum Stoornis Schipborgerweg 2 9471 PN Zuidlaren +31 (0)50 – 409 78 20


Lokalidatnan di konsulta Jonx ta tene orarionan di konsulta na e siguiente sitionan:  Appingedam  Delfzijl  Groningen  Oude Pekela  Ter Apel  Stadskanaal  Uithuizen  Veendam  Winschoten  Winsum Jonx ta ampliá e lokalidatnan aki konstantemente. Wak riba kontakto aktualisá di e lokalidatnan aki.

www.jonx.nl pa datonan di


"Pa kada mucha ta importante pa e desaroyá un bon sintimentu pa ku su mes"

Kolofon Pa mas informashon bo por tuma kontakto ku e servisio di informashon di Lentis: +31 (0)50 – 522 31 50 Informatieservice@lentis.nl Publikashon: Jonx PO Box 128 9470 AC Zuidlaren Produkshon: Jonx

Sigui nos riba:

No por reklamá derecho basá riba e edishon aki. Ougùstùs 2014

www.jonx.nl

Profile for Lentis

Jonx algemeen, Papiamentu  

Jonx algemeen, Papiamentu  

Profile for lentisggz