Haustprogram 2024

Alle arrang ementa på bib lioteke t er grat is

Haustprogram

2024

Som lauvet skiftar farge om hausten, vert vi òg endra av impulsar utanfor oss sjølve. Les ei bok, så blir du klok. (anonym bibliotekar)

Kvinnherad bibliotek

Faste tilbod Kreativ skrivegruppe: Liker du å skrive skjønnlitteratur? Møt andre skriveglade på biblioteket. Vi skal ha ulike skriveøvingar, lese og diskutere (kvarandres) tekstar. Og etter kvart vert det kanskje skrivekurs eller besøk av ein etablert forfattar. Møt opp og bli med å skape eit skrivande miljø i Kvinnherad. Ope for alle, men målgruppa er vaksne.

Datoar: 2. september, 14. oktober, 11. november Klokka: 17:30-18:30

Bokringar Glad i å lese? Lyst til å dele lesegleda med andre? Bli med i ein bokring, då vel! Det er kjekt og sosialt, og du får møte andre leseglade menneske. Bokringane møtest ca. 1 gang pr månad.

Det er for tida 2 bokringar som møtest på biblioteket. Ein på tysdagar og ein på torsdagar. I tillegg er det 4 andre bokringar ute i bygdene knytt til biblioteket. Har du lyst til å bli med i ein bokring, eller starte din eigen bokring - ta kontakt med Trude Hege eller Anita på biblioteket.

Tysdagsringen møter på biblioteket kl. 17:30 27. august, 24. september, 22. oktober, 19. november Torsdagsringen møter på biblioteket kl. 17:30 29. august, 26. september, 24. oktober, 28. november

Språkkafé - Kvar måndag kl. 13:00 På språkkafé møter mennesker nye vener over ein kopp te eller kaffi og snakkar norsk med kvarandre. Nokre av deltakarane har språkkafé som ein del av sitt introduksjonsprogram for å øve seg på norsk i praksis. Alle er velkomne på språkkafé, uansett alder, nasjonalitet eller språknivå. Kom innom du òg!

Språkkaféen vert arrangert i samarbeid med Integreringsteamet, Nav Kvinnherad

Strikk og Lytt – kvar onsdag kl. 12:00 Unn deg ei roleg stund der ein frå biblioteket les høgt for deg. Du kan strikke, teikne, eller berre lytte og slappe av.

Det er og god tid til å slå av ein prat med dei andre i etterkant av opplesinga.

Dette er eit høgtlesingstilbod for vaksne i samarbeid med Mental helse.

Vel møtt!

Eventyrstund - kvar fredag kl. 11:00 Fredagar henter vi fram nye og gamle skattar frå barnelitteraturen. Ingvild eller Cecilie les og fortel frå bøkene. Alle barn er velkomne. Vi ber om at større grupper, som barnehagar og andre gir beskjed på e-post før dei kjem: bibliotek@kvinnherad.kommune.no Frøbiblioteket Har sommaren med frø frå frøbiblioteket vore fruktbar? Ta gjerne bilde av det du har dyrka og del det på Instagram #kvinnheradbibliotek, #frøbibliotek eller på Facebook. Har du frø til overs og vil dela med andre, tar me veldig gjerne imot. Lever frøa i skranken på biblioteket. Hugs å merka posane med kva for ein sort frø det er.

Lurer du på noko ? Ta kontakt med: hilde.gry.opheim@kvinnherad.kommune.no

Drop in- syverkstad Treng du å sy i ein glidelås, sette på ein lapp på buksa eller gjere enkel reparering o.l. På biblioteket har vi to symaskiner som publikum kan bruke i opningstida. Nokre av oss på biblioteket kan gi enkel rettleiing, slik at du kan reparere sjølv. Vi har litt utstyr, men oppmodar deg om å ta med det du treng.

Tilbodet er tenkt for vaksne og ungdom

August Foto: Helge Skodvin

Onsdag 21. august kl. 18:00 Kriminelt bokbad med Anders Totland Romanen “Til Jord skal du bli” gjekk rett inn på bestseljarlista, er selt til utlandet og skal etter planen bli film.

No er oppfølgjaren her. I “Til døden skil oss” er det duka for nye forviklingar for den pensjonerte presten Jacob Juul.

Det er humor, spenning og varme, sydd saman til ei burlesk historie der alt kan skje.

Møt Anders Totland i samtale med biblioteksjef Trude Hege Bergesen på Kvinnherad bibliotek.

Sal av forfriskningar.

Sikre deg gratisbillett no: https://kvinnheradbibliotek.hoopla.no/ event/2700506190

September

7.So 8. se dig tber ptem g de ital M og B ber h r Ed ein s inecr iblio ar V g ic elm ka a ot- l by ft-ko ames tor g n u e kje niver ga b kurra in a s n m sei et. M sert se na p re. eir in å fo

Måndag 9. september kl 18:30 Sommarlesfest med Roe Lauvås jr. - “Et super awesome vitenshow” I år kan sommarlesarane våre gleda seg til eit forrykande vitenshow på Sommarlesfesten. Vi får besøk av Roe Lauvås jr. som er ekspert på å blande vitenskap og humor på ein underhaldande måte for både barn og vaksne.

Kjem det til å bli brennande såpebobler? Kan ei vassflaske vere ein flammekastar? Kor mykje røyk tåler biblioteket? Kom på sommarlesfesten og finn svar på noko av det du kanskje lurer på. Gratis og ope for alle.

Onsdag 11. september kl 18:00 Jakta på ein serieovergripar med Anne Britt Harsem Stine Reksten opplevde overgrep som varte gjennom fleire år. Som vaksen skjønte Reksten at det kunne vere fleire ofre som ho.

Ho måtte stoppe overgriparen. Stine har fortalt historia si til forfatter Anne-Britt Harsem og no kjem Harsem til oss for å snakke om boka ”Jakten på en serieovergriper”.

Kom og høyr den rystande historia.

Sikre deg gratisbillett no: https://kvinnheradbibliotek.hoopla.no/event/3771618179

Onsdag 25. september kl 18:00 TEMAKAFÉ BARN OG UNGE SOM PÅRØRANDE TIL ALVORLEG SJUKE Korleis kan nærmiljøet vera til støtte?

Alvorleg sjukdom set djupe spor. Korleis er det for barn og unge å vera pårørande i ein slik situasjon? Kva kan vi gjere for å støtte?

Spesialsjukepleiar Randi Værholm kjem til biblioteket denne kvelden. Ho har over 30 års røynsle frå Kreftforeningen og vil snakke om korleis nærmiljøet kan vera ei støtte til barn og unge i ein slik situasjon.

Det vert høve til prat og erfaringsutveksling.

Musikalsk innslag ved Rune Eikemo Enkel servering Arrangementet er eit samarbeid mellom Kreftomsorg i Kvinnherad og Kvinnherad bibliotek Gratis og ope for alle

Oktober Haustferie på biblioteket 7. - 11. oktober I haustferien vil det skje litt kvar dag. Fullstendig program kjem vi tilbake til seinare, men allereie no kan vi gle oss til: Onsdag 9. oktober kl 11-14 Harry Potter-dag Vi oppfordrar publikum til å kle seg ut i sine finaste Harry Potterkostymer og vere med å skape god stemning. Vi lovar ein spesiell og magisk dag på biblioteket!

Fredag 11. oktober kl 13:00 Sølvendene ved Askeladden Friteater Askeladden kjem til kongsgården for å søke arbeid, og det får han. Rett ovanfor kongsgarden bur trollet. Trollet har nokre sølvender, og desse har kongen ofte ønska seg. Askeladden vert lova både rikdom og ære om kan kan klare å skaffe sølvendene.

Askeladden legg i vei til Trollet. Vil han klare å lokke til seg sølvendene? Fritt etter eventyret av Asbjørnsen og Moe. Framsyninga varer i ca. 35 min.

Passar for barn frå 3 år og oppover.

Gratis og ope for alle.

Laurdag 12. oktober kl. 13:00 Foredrag om Magnus Lagabøtes landslov ved Jo Rune Ugulen Kristiansen Gjennom alle tider har menneska drive matauk ved å fiske, jakte, drive fangst, plukke bær og andre vekstar.

Det var ikkje annleis i mellomalderen i Noreg. Kristiansen vil fortelje om på kva måtar lova regulerte korleis ein kunne og skulle hauste av naturen. Der det er mogleg, vil han trekke inn lokale døme frå det skriftlege kjeldematerialet.

Jo Rune Ugulen Kristiansen er historikar, og har nyleg omsett Landslova til bokmål i samband med det nasjonale 750-årsjubileumet. Til dagleg er han tilsett i Arkivverket, der han i hovudsak arbeider med kjeldemateriale frå mellomalderen.

Tysdag 15. oktober kl. 18:00 Politihjertet - historier fra et liv i uniform ved Kim Anne Hiorth Kim Anne Hiorth (f. 1959) har jobba 31 år i Oslo politidistrikt, mellom anna på Ordensavdelingen og på Avdeling for organisert kriminalitet. I 2009 byrja ho eit banebrytande arbeid retta mot kvinner frå minoritetsmiljøa i Oslo. No har ho skrive bok der ho har samla fleire sterke historiar frå eit liv i uniform.

Vi gler oss til eit møte med denne flotte formidlaren som brenn for saka.

Måndag 21. oktober kl.18:00 Sognerosa av Anne Karin Fonneland Anne Karin Fonneland frå Sunde har skrive ei ny bok; Sognerosa.

Denne kjem ho til biblioteket for å snakka om.

Boka handlar om Ingeborg Kristine og Lovise som vert døypte med nokre vekers mellomrom i Vangsnes kyrkje i Sogn. Den eine vert skriven inn i kyrkjeboka som “ægte”, medan den andre vert ført inn som “uægte”. Dette skal få følgjer for dei to som veks opp i eit bygdemiljø prega av konfliktar mellom fastbuande og tilreisande. Det er ei tid med aukande turisme og endringar.

Bondekultur med handverk, vevnad og treskjering møter bykultur. Til dei frodige bygdene kjem også båtbyggjarar frå Hardanger og Kvinnherad. Jentene får merka det yrande livet ved sjøkanten, handels- og gjestgjevarstadane.

Gratis og ope for alle.

Onsdag 23. oktober kl.18:00 Skjebneval i USA med Eva Brattholm og Joar Hoel-Larsen Dei to tidlegare USAkorrespondentane Eva Bratholm og Joar Hoel Larsen kjem til biblioteket for å gje oss innsikt i det komande presidentvalet i USA. Nordmenn er opptekne av valet i USA, men mykje er vanskeleg å forstå. Dette gjeld både valsystemet, og korleis kulturelle og sosiale tilhøve verkar inn på veljarane.

Presidentvalet kjem til å bli dyrare og bitrare en nokon gong, denne gongen blir det kanskje også det viktigaste: Er demokratiet trua? Kan de bli borgarkrig? Eller er folkestyret så solid at det uansett vil vinne over alvorlege politiske kriser og djupe sosiale splittingar?

Alt dette og meir vert det kasta lys over denne kvelden, og bidreg til at vi er litt meir opplyste når valet går av stabelen i byrjinga av november.

Sikre deg gratisbillett no: https://kvinnheradbibliotek.hoopla.no/event /skjebnevalg-i-usa

Laurdag 26. oktober kl 12:00 Bibliotekarens boktips Biblioteket har så mykje meir enn berre bestseljarane, og på dette arrangementet vil Anita tipse om gode vaksenbøker du kanskje ikkje har høyrt om. Kanskje du får med deg ein skatt heim?

Enkel servering, gratis og ope for alle

Onsdag 30. oktober kl. 18:00 Skapande kvinner i vest med mMokkat og Johanne Øvstebø Tvedten Det blir heilaften på biblioteket når Vokalensemblet mMokkat og Johanne Øvstebø Tvedten kjem denne onsdagen i slutten av oktober.

Konserten «Skapande kvinner i vest» vil løfta fram kvinnelege lyrikarar og komponistar, med særleg vekt på Signe Seim (1929-2023, Voss) si dikting, samt nyskriven musikk av komponist Kjersti Follesø (65, Bømlo). Seim hadde ein stor produksjon, men er ikkje så kjend utanfor heimbygda, og i relativt liten grad tonesett.

I tillegg vil dei ha med verk av andre kvinnelege diktarar som t.d. Inger Hagerup, samt verk av andre kvinnelege komponistar, som passar inn i heilskapen. Formidlar Johanne Øvstebø Tvedten vil binda det heile saman gjennom diktlesing og forteljingar om kvinnelivet på Vestlandet gjennom tida.

Gratis og ope for alle.

November Laurdag 2. november kl. 11-14 Familiedag Denne laurdagen står i katten sitt teikn. Vi kjem til å ha diverse hobbyaktivitetar og vi får besøk av teatergruppa Krabatene med barnemusikalen Mjau kl.13:00 Barnemusikalen Mjau har henta inspirasjonen frå den verdskjende musicalen “Cats” Og vi kan love ei morosam og musikalsk reise i katteverda. Møt gamle Jeronimus, skumlekatten Gropius, dansepusen Bellarus, dei fisefine persarpusane og mange fleire. Teatergruppa Krabatene frå Bergen med Irene Ahnell i spissen har besøkt Kvinnherad før, og mange har etterlyst eit gjensyn med akkurat dette stykket.

Vi utfordrar alle til å kle seg i katte-kostyme.

Gratis og ope for alle

Måndag 4. november 11-14 Elevfri dag Program kjem seinare.

Måndag 4. november kl 17-fredag 8. november Bibliobattles 2024 Digital Minecraft-konkurranse.

Meir informasjon finn du på www.battles.no

Laurdag 16. november kl.13:00 Jul der ingen skulle tru at nokon kunne bu Oddgeir Bruaset Dette vert ein laurdag med høg allsang-faktor.

Oddgeir Bruaset kjem tilbake på besøk til oss.

I kofferten har han historiar rundt nokre av våre kjære julesongar, samt innblikk i korleis ein feirar jul der ingen skulle tru at nokon kunne bu.

Gratis og ope for alle.

Torsdag 21. november kl.18:00 Bokbad med Marit Eikemo Marit Eikemo si siste bok, “Vi er brødrene Eikemo” har fått strålande kritikkar og denne kvelden kjem ho til biblioteket for å snakke om boka i samtale med biblioteksjef, Trude Hege Bergesen.

Marit Eikemo vaks sjølv opp i Berjaflotvegen 9, har no skrive ei underhaldande og rørande forteljing om eit hus, ein familie og industristaden Odda. Boka er ein sørgjesong og ei kjærleikshistorie om alt som går tapt, om det som formar oss og om krafta som held oss i live.

Dette må du ikkje gå glipp av.

Sikre deg gratisbillett no: https://kvinnheradbibliotek.hoopla.no/ event/marit-eikemo Sal av forfriskningar

Onsdag 27. november kl.18:00 TKB-teneste under den kalde krigen Foredrag ved Roald Løvberg Roald Løvberg har skrive bok om då han var i torpedo- og kanonbåttjeneste under den kalde krigen 1966-1969. Og no kjem han til biblioteket for å fortelje om denne spennande tida.

Det handlar om jakt på russiske ubåter og spiontrålarar og dramatiske grunnstøtinger, dårleg vér og redningsoperasjonar.

Velkommen til ein lærerik og interessant kveld!

Gratis og ope for alle.

Desember Adventstid på biblioteket Tradisjonen tru, vil vi og i år by på ulike kreative aktivitetar i desember. Følg med på www.kvinnheradbibliotek.no for meir info.

Januar Onsdag 15. januar kl 18:00 Krukkedilla med @rticgardener Vi får nok ein gong besøk av dyktige Anders Røyneberg og Erik Schjerven i @rticgardener. Denne gongen skal vi få lære meir om planting i krukker.

Digitale tilbod

Bibliotekfolk pludrar om litteratur og livet på Kvinnherad bibliotek.

Du finn oss på Spotify.

Litt frå biblioteket Vi på biblioteket håpar du finn noko kjekt å delta på i programmet vårt. Det kan vere det kjem nye ting å delta på, eller tidspunkt må endrast, i løpet av hausten, så hald deg oppdatert på biblioteket si nyoppussa heimeside : www.kvinnheradbibliotek.no Nytt på biblioteket i haust er ny utlånsmaskin. Her kan ein no logge inn med både lånekort, mobilnummer eller fødselsnummer i tillegg til PIN-koden. Så om kortet ligg att heime, har du likevel høve til å nytte maskinen. Eit godt tips for alltid å ha med seg lånekort, er å laste ned Bibliofilappen. Her får du digital versjon av lånekortet.

Går du med ein god idé til eit arrangement? Kanskje du har lyst til å bidra med noko i biblioteket? Eller kanskje treng du ein stad å spele til dømes rollespel eller ynskjer ein stad å treffe andre med like interesser? Er du del av ein organisasjon som treng lokale til årsmøtet eller liknande?

- Ta kontakt med oss, så kan vi sjå kva vi kan hjelpe med.

Om du er usikker kva tid Bokbussen kjem til di bygd, gå på nettsida vår og finn Bokbussruta. Her er det no eit søkefelt som gjer det mogleg å søke på dei ulike stoppa for å finna dato og tidspunkt.

Til slutt vil vi gjerne takke for alle dei kjekke møta vi har med lånarane våre i løpet av året, både på biblioteket og på bokbussen. Vi ser fram til å sjå deg att i haust!

Kulturhuset Husnes Det er ikkje berre biblioteket som har eit spennande program i haust. På kulturhuset Husnes skjer det og mykje kjekt. Ser du noko som kan freiste? - Ikkje nøl med å kjøpa deg billett. Scan QR-koden og kom deg direkte til arrangementsoversikta på www.kulturhusethusnes.no/kulturprogram Laurdag 24. august kl. 21:00 i Festsalen Marius og Farius med band Ein heilaftan med Marius&Farius band.

Det blir allsang, dans, fest, god stemning og basar!

Usikker på korleis du skal komma deg heim etterpå? Ta bussen!

Laurdag 31. august kl. 18:00 i kinosalen The Magic og Alexx Alexxander 2.0 Alexx Alexander er tilbake med eit nytt show. Grip sjansen til å oppleve magiske illusjonar på nært hald. Fingerferdigheit og underhaldning i verdsklasse!

Torsdag 21. november kl. 18:00 i kinosalen Skjønnheita og Udyret Teater Vestland presenterer ei unik tolking av den tidlause kjærleikshistoria om Skjønnheita og Udyret. Skreddersydd for barn i alle aldrar som elskar spenning og fantasi.

Måndag 9. desember kl. 19:00 i kinosalen Tenorane og Steffen Horn - Så ha ei god jul då!

Denne konserten gjev garantert julestemning. Repertoaret spenner frå Bach til Elvis, eller frå Puccini til Prøysen - alt formidla med stor musikalitet og godt humør.

Det kjem meir program utover hausten, til dømes to konsertar arrangert av Husnes Jazzklubb 20. september og 8. november, så følg med på app og nettsider for meir informasjon.

Kontaktinfo Opningstider​ Måndag 10-16​ Tysdag 10-18​ Onsdag 10-16​ Torsdag 10-18​ Fredag 10-16​ Laurdag 10-14​ (Ope til 16 alle kvardagar 1.juni-1.september) Meirope (ubetjent)​ Kvar dag 8-22​ (Få tilgang i betjent opningstid)

Kontaktinformasjon​

940 23 757 Bokbussen: 415 19 052​ kvinnheradbibliotek.no​ Sentrumsvegen 39, 5460 Husnes​ bibliotek@kvinnherad.kommune.no​ kvinnheradbibliotek

kvinnherad_bibliotek