KKNK 2024 Feesgids

FEESGIDS

Die KKNK pronk met ons pragtige taal.

Karoo Lusern slaghuis pronk met ons pragtige VLEIS!

Ons het die toekenning gewen vir die BESTE slaghuis in die Wes-Kaap 2022/2023.

Kom bederf jou feesganger eetlus met TOP gehalte VLEIS!!

PAD NA

GELUK

Jy werk hard. Alles is duur. Die nuus maak jou depressief. Beurtkrag laat ons steeds in die donker. Maar, oor die millennia heen, is daar nog altyd één ding wat die mensdom se gemoedere lig, ons koppe stimuleer en ons laat ontsnap.

Kuns.

Goeie kuns, in al sy vorme en genres, laat die mens vir ’n wyle van die lewe se kwellinge vergeet. Kuns is medisyne vir die siel. By die KKNK wag daar in 2024 ’n kuur vir elke kwaal.

VIND #JOUKUUR IN DIÉ SAKPAS-FEESGIDS

Van die alfabetiese program met kerninligting en die dagprogramme heel voor in 2024 se KKNK-feesgids tot volledige programbeskrywings, kaarte en meer gaan jou help om #JouKuur by vanjaar se KKNK op Oudtshoorn te vind. Dis feesprogram is propvol en ander opwindende aktiwiteite en doendinge vind ook dwarsdeur die fees plaas. Hou ons webwerf en sosiale media dop vir aanbevelings wanneer jy jou program beplan, sodat jy die meeste uit die fees kan put. Volg die fees op Facebook, Instagram of Twitter en teken in op ons nuusbrief.

TEATERETIKET

Skakel asseblief jou selfoon af voor alle vertonings. Neem ander feesgangers en kunstenaars in ag met jou gedrag en optrede tydens ’n vertoning. Geen laatkommers word by optredes in teaters toegelaat nie. Maak voorsiening vir minstens 30 minute vir aankoms, ontvangs en sitplekaanwysing. Ander handige wenke in die teaters:

· Klap hard hande as jy hou van wat jy sien.

· Moenie met raserige papiertjies sukkel tydens die vertoning nie, maak jou suiglekker oop voor die vertoning begin.

· Maak seker jy sit op die regte sitplek, soos aangedui op jou kaartjie.

· Loop jou draai voor die vertoning begin, jy gaan nie enige aksie in die teater wil mis nie.

· Tydsberekening is alles as dit by hoes en nies kom.

· Geen foto’s of video’s mag gedurende vertonings in die teaters geneem word nie.

WEER

Die dae in die Klein Karoo is meestal warm, so ’n sonhoed, sonskerm en genoeg water om te drink is ’n goeie kuur teen die hitte. Sodra die son sak, word dit egter vinnig koud, so maak seker jy het warm klere of ’n kombers, veral by vertonings in die buitelug. Onverwagse donderstorms is ook hoogs waarskynlik.

EET- EN DRINKGOED

FEESKANTOOR

Die KKNK-kantoor is by Die Neelsie in Jan van Riebeeckweg 217 op die Arbeidsgenot-perseel. Loer gerus in of skakel ons met enige navrae by 044 203 8600 of stuur ’n WhatsApp-boodskap na 065 285 2337 of ’n e-pos na info@kunste.org.za.

Jou eie eet- en drinkgoed word nie by venues toegelaat nie. Kry lekker feeskos by die Feesmark of in Baron van Reedestraat.

KLASSIFIKASIE

T = Taal/Language

G = Geweld/Violence

S = Seks/Sex

N = Naaktheid/Nudity

V = Vooroordeel/Prejudice

D = Diviniteit/Divinity

OB = Ouerbegeleiding/Parental Guidance

VERBLYF

PROGRAM

Hou gerus ons webblad en sosialemediaplatforms dop vir nóg inligting en enige programveranderings.

KKNK-WEBBLAD

Hou ons webblad en sosiale media dop vir enige spesiale aanbiedinge, programveranderings en uitverkopings.

Bespreek jou verblyf deur LekkeSlaap, via ons webblad.

KAARTJIEVERKOPE

Hoe vroeër, hoe beter! Kaartjies wat vooraf gekoop word, is goedkoper as kaartjies wat tydens die KKNK by die deure of hekke gekoop word. Bespreek jou Feesmark- en teaterkaartjies by Webtickets-punte of aanlyn by www.webtickets.co.za.

Tydens die fees is daar ’n kaartjiekantoor by die ingang na die Feesmark (Hek A, De Jager-sportkompleks in Voortrekkerweg), op die hoek van Baron van Reedestraat en Voortrekkerweg in die boekwinkel, en by die KKNK-kantoor in Jan van Riebeeckweg 217, met kantoorure van 08:00 tot 18:00. Kaartjies vir die Feesmark is by die ingange beskikbaar. As kaartjies vir ’n teatervertoning nie uitverkoop is nie, is dit teen ’n effens hoër prys by die deur beskikbaar. Beplan dus vooruit, bespreek vroegtydig en bespaar. Besoek gerus ons webblad vir meer inligting. Jy hoef nie jou kaartjie(s) vooraf uit te druk nie. ’n Skermgreep (screenshot) op jou slimfoon is voldoende en kan gewys word by die deur, waar dit maklik en vinnig geskandeer word vir toegang.

GESELS SAAM

Deel jou feeservarings met ons: Of dit drama, komedie, kuns, musiek, leefstyl, ’n koue lafenis in die hand of jou inkopies by die Feesmark is, ons hoor graag van jou op sosiale media.

KKNK: Drie dekades as leidende

kultuurbaken in Suid-Afrika

Die eerste Klein Karoo Nasionale Kunstefees (KKNK) is in 1995 aangebied, kort nadat Suid-Afrika ’n demokrasie geword het. Die KKNK was ’n onmiddellike sukses en het oor die jare vinnige groei getoon. Die fees het met reg die titel van Moederfees gekry, omdat verskeie ander Afrikaanse feeste in ander dele van die land daarna gebore is. Hierdie jaar sou dit die 30ste KKNK op Oudtshoorn gewees het, maar weens die Covid-19-pandemie kon twee feeste nie op die KKNK se tuisdorp plaasvind nie. Vanjaar is wel ’n viering van 30 jaar van demokrasie in Suid-Afrika.

Sedert die ontstaan van die KKNK was die fees se visie om ’n bydrae deur artistieke inhoud van hoogstaande gehalte te lewer en werk te skep, sowel as om ’n liefde en betrokkenheid aan te wakker in die Edendistrik en die omliggende gebiede, wat die Klein Karoo en die Tuinroete insluit. En die belangrikste is om deur die kunste en deur Afrikaans ’n rolspeler te wees om eenheid, samehorigheid en gesonde samelewingswaardes te kweek.

Die KKNK as ’n familiefees is verbind daartoe om ’n viering van kuns en SuidAfrikaanse kultuur te wees en om tydens die feesweek ook met diskoersreekse ons feesgangers met mekaar te laat gesels, om ’n band te vorm en uiteindelik weg te gaan met ’n nuwe respek en begrip en sodoende tot ’n positiewe samelewing by te dra.

Die afgelope dekade het die fees die kunsteskip gestuur deur moeilike ekonomiese omstandighede én ’n pandemie, om uiteindelik sterker en standvastig anderkant uit te kom. Die KKNK is die grootste jaarlikse enkele ekonomiese inspuiting vir die streek, met ’n beraamde jaarlikse ekonomiese impak van R89 miljoen op Oudtshoorn en R178 miljoen in die Wes-Kaap.

Verskeie gefokusde projekte is die afge-lope tyd aangebied, waaronder Teksmark en Karoo Kaarte, wat ’n impak op die nasionale kunstebedryf, maar ook met ’n spesifieke fokus op die streek, gehad het. Beide projekte trek nasionaal aandag en het verskeie pryse gewen. Teksmark is ’n teksontwikkelingsprojek wat nuwe skryfwerk bevorder om die stories van Suid-Afrika te vertel, en Karoo Kaarte, ’n projek gesetel op Oudtshoorn, werskaf met talent van Oudtshoorn om die dorp se stories en geskiedenis vas te vang met uitgebreide projekte in verskillende kunsdissiplines.

V.L.N.R. CAROL VAN WYK, CRISPIN SONN EN MINISTER ANROUX MARAIS

Teksmark is reeds met ’n Fleur du Capprys vir innovasie in teater vereer, maar die werk wat uit dié projek ontwikkel word, is die ware getuienis van die projek se sukses. Karoo Kaarte, onder leiding van Neil Coppen en Vaughn Sadie, het ook reeds verskeie erkennings ontvang, waaronder verskeie gesogte pryse en benoemings vir die projek en produksies wat daaruit vloei. In 2023 ontvang Karoo Kaarte twee uitsonderlike pryse – die BASA-prys vir beste gemeenskapsprojek en die Wes-Kaapse regering se departement van kultuursake en sport se prys vir beste gemeenskapsprojek.

Die KKNK het in 2023 verdere erkenning gekry met twee spesiale toekennings van Anroux Marais, die Wes-Kaapse regering se minister van kultuursake en sport, vir die uitstaande bydrae tot die kuns- en kultuursektor aan Crispin Sonn, voorsitter van Kunste Onbeperk se direksie, en Hugo Theart, uitvoerende hoof en artistieke direkteur.

“Onder Crispin se leiding het die KKNK gegroei tot ’n gekoesterde familiefees wat besoekers nie net uit alle uithoeke van Suid-Afrika nie, maar ook van oor die wêreld lok. Sy leierskap en toewyding toon hoe die kunste ’n deurslaggewende rol kan speel om mense bymekaar te bring, begrip vir verskillende kulture te bevorder en ’n beter toekoms vir almal te bou,” het Marais by die geleentheid gesê.

“Hugo se teenwoordigheid kan in elke aspek van die fees waargeneem word. Sy passie en verbintenis tot die KKNK inspireer mense steeds en illustreer hoe kuns positiewe verandering kan aandryf en ’n beter wêreld kan skep.” het Marais gesê.

Die KKNK is die anker- Afrikaanse fees wat jaarliks vir feesgangers en kunstenaars ’n toevlug bied, om deur die kunste ons land, sy mense en ons stories te vier.

Die sukses van die fees is as gevolg van lojale borge en donateurs, lojale feesgangers en kunstenaars wat ons elke jaar inspireer met hul talent en kreatiwiteit, en natuurlik die Klein Karoogasvryheid. Dis ’n bestemmingsfees in een van die mooiste dele van die land met ’n ryk geskiedenis, en volgens ’n studie is Oudtshoorn die dorp met die suiwerste en skoonste lug in Afrika.

Dié familiefees bied iets vir almal en beloof om ’n kuur vir elke kwaal te wees. Die fees is ’n geleentheid vir feesgangers en betrokkenes om tyd saam met vriende en familie deur te bring en om nuwe vriende te maak. Met ons uitgebreide aanbod van kuns, kultuur, ervarings en diskoers nooi ons jou hartlik uit om in hierdie 30ste jaar van demokrasie, en ja, 30 jaar wat die KKNK sterk staan, ’n nuwe lewenslus en positiwiteit vir ons land en sy mense te kom ontdek.

Welkom by die 28ste KKNK in die geliefde Oudtshoorn!

Soos wat ons ’n nuwe dekade van die fees instap, verwelkom ons jou terugvoer. Loer by ons kantore in of stuur vir ons terugvoer by info@kknk.co.za.

FEESDIENSTE

BELANGRIKE KONTAKINLIGTING

Noodnommer:

KKNK-kantoor:

WhatsApp:

E-pos:

GESAMENTLIKE OPERASIONELE

SENTRUM (GOS)

Die GOS is die sentrale punt vir alle logistieke inligting, onderhoudswerk en ontruiming, waar die SAPD, Oudtshoorn se munisipale dienste, rampbestuur, verkeer, munisipale wetstoepassers, die brandweer, feessekuriteit en ’n mediese beampte gebaseer is. Die GOS word tydens die fees 24 uur per dag beman en is geleë in die Koukuskamer-uitbreiding, tussen die Oudtshoornmunisipaliteit en die Absa Burgersentrum, met toegang vanaf die Vredestraat-parkeerarea. Kontak die GOS by 079 462 3627 met enige vrae.

INLIGTING

As jy feesnavrae het, besoek die inligtingspunt in die boekwinkel op die hoek van Baron van Reedestraat en Voortrekkerweg, waar ons gereed staan om jou te help. Jy kan ook kaartjies hier koop.

Kaartjies is verder beskikbaar by die ingang na die Feesmark (Hek A, De Jagersportkompleks, Voortrekkerweg) en jy kan ook hier met ’n inligtingsbeampte gesels.

Of kom kuier vir ons by die KKNK-kantoor (Jan van Riebeeck-weg 217), skakel 044 203 8600, stuur ’n WhatsApp na 065 285 2337 of ’n e-pos na info@kknk.co.za.

MARKTE-KANTOOR

Alle stalletjienavrae kan daagliks van 09:00 tot 19:00 by die Marktekantoor op die Feesmark gedoen word. Of kontak Daventia Kennedy by 071 182 6533 of stuur ’n e-pos na daventia@kunste.org.za.

LUGHAWE-VERVOER

Ons bied ’n veilige en gerieflike vervoerdiens van die Georgelughawe na die fees en terug. Voorafbesprekings is noodsaaklik. Vir meer inligting en om jou sitplek te bespreek, kontak ons by 044 203 8654 of stuur ’n e-pos na info@kknk.co.za.

PENDELDIENS

Moeg gestap tussen jou motor, die Feesmark, feesvenues en jou verblyf? Maak gebruik van die pendeldiens wat jou sal vervoer tussen punt A en B. Los jou motor by ’n parkeerterrein en maak van dié gerieflike vervoer gebruik. Kaartjies is te koop by die Pendeldiens-basis geleë voor die biblioteek in Voortrekkerweg, of by die bussies, wat gemerk is om hulle van ander ongeoorloofde diensverskaffers te onderskei. Die pendeldiens word op eie risiko gebruik. Skakel 073 832 1058.

NOODHULP EN NOODGEVALLE

Noodhulppunte is by die GOS en by die Feesmark ingerig. Vir noodhulpbystand of noodgevalle bel 079 462 3627.

NOODNOMMERS

Nooddienste vanaf enige selfoon: 112

Mediclinic Klein Karoo: 044 272 0111 (noodgevalle)

Oudtshoorn-hospitaal: 044 203 7200

SAPD: 044 203 9000

PARKERING

Oudtshoorn is ’n klein dorp, maar maak seker jy het genoeg tyd om van een vertoning na die volgende een te beweeg. Maak gebruik van een van dié sentrale parkeerterreine, wat ook duidelik op die feeskaart aangedui is: Die Oewer en Rolbalklub uit Kerkstraat • Die Checkers-terrein uit Voortrekkerweg en Hoogstraat Die terrein oorkant die Drilsaal uit Kerkstraat • Die Pick n Pay-parkeerterrein uit Voortrekkerweg • Die Meent oorkant die Victoria Memorial Hall in Baron van Reede-straat

ROLSTOELE

Die meeste venues en terreine is maklik toeganklik vir rolstoele, maar indien jy enige hulp met toegang benodig, laat weet gerus die GOS vooraf by 079 462 3627.

SEKURITEIT

Die KKNK en Alert Patrol, in samewerking met die plaaslike owerhede, het ’n span wat na jou veiligheid omsien.

ELEKTRISITEIT

Elektrisiteitstoevoer in Suid-Afrika is onvoorspelbaar en beurtkrag kan op baie kort kennisgewing ingestel of tye gewysig word. Die KKNK gebruik kragopwekkers by meeste lokale sodat vertonings selfs tydens beurtkrag kan voortgaan. Kragtoevoer by openbare areas en opelug-venues waarvoor die KKNK verantwoordelik is, word ook deur kragopwekkers ondersteun om sover moontlik te verseker dat die fees sonder enige onderbrekings voortgaan.

Maak egter seker jy het die nodige hulpmiddels om goed te kan sien in areas waar daar nie voldoende lig mag wees nie. Pak vir jou ’n flits of lig in om enige verrassings te voorkom. Jy sal in kennis gestel word indien ’n vertoning gekanselleer, uitgestel of die tye verander word weens opgeskorte elektrisiteitstoevoer buite die beheer van die KKNK. Ons GOS-span is op bystand om enige beurtkraguitdagings so spoedig moontlik te takel.

HOE BETAAL EK BY KKNK 2024

Alle betaalmetodes (kaart of kontant) is welkom by stalletjies en meeste ander feesaktiwiteite. Neem egter kennis dat slegs debiet- en kredietkaarte vir kaartjieverkope by alle teaters of venues, Webticketskaartjieskantore en die Feesmark-ingange aanvaar word, om sodoende ’n veilige omgewing aan te moedig. Die KKNK-winkel en van die kroeë aanvaar ook slegs kaarttransaksies.

PREMIERBORG

PREMIERDONATEURS DONATEURS

SENIOR BORGE

PRODUKBORGE

MEDIAVENNOTE

PROJEKBORGE EN VENNOTE

Absa maak impak op kunstebedryf en gemeenskap

Afdelingshoof: Privaatbankdienste, Absa Verhoudingsbankwese

Met die 28ste Klein Karoo Nasionale Kunstefees (KKNK) in 2024 vier Absa sy 22ste jaar as trotse borg van dié fees.

By Absa glo ons dat ons ’n betekenisvolle rol het om te speel in die verskillende lande waarin ons werk. Die kombinasie van ons grootte, reikwydte en teenwoordigheid bied aan ons die geleentheid om ’n waardevolle bydrae tot die bevordering van plaaslike en internasionale talent te maak.

Ons vennootskap met en borgskap van die KKNK stel ons in staat om voort te gaan om ’n volhoubare impak op die gemeenskap van Oudtshoorn en die kunstebedryf as geheel te hê.

John Tshabalala

Absa is, soos vorige jare, verheug om alle feesgangers te nooi om die reeks ervarings te geniet wat ons spesiaal saamgestel het vir die sonkragaangedrewe Absa Kuierkamer, waaronder die immergewilde koffietafelgesprekke met Hannes van Wyk. Dit is die ideale plek om te ontspan en al die besienswaardighede en klanke van die fees in te neem. Sluit by ons aan vir die viering van kuns en kleur, terwyl jy plaaslik vervaardigde verversings geniet.

Kunsliefhebbers moet ’n draai gaan maak by die solo-uitstalling van Malebogo Molokoane, wenner van die Absa L’Atelier Gerard Sekoto-prys in 2022, wat dwarsdeur die fees in die Prince Vintcent-gebou te sien is.

As ’n voortsetting van ons verbintenis om ’n positiewe bydrae te lewer in die gemeenskappe wat ons dien, ontwerp en ontwikkel Absa nog ’n volhoubare groentetuin waarby ’n plaaslike skool gaan baat. Absa gee ook vanjaar die publiek ’n geleentheid om ’n baksteen te verf wat gebruik gaan word om nog ’n Maakit Mooiinstallasie te bou – ’n projek met funksionele kuns waarmee die dorp verfraai word. Die bakstene waarop inwoners en feesgangers hul kreatiwiteit kan uitleef, is beskikbaar in Baron van Reedestraat. Ecobricks word ook bygevoeg by die huidige Maakit Mooi se “Boom van eenheid”.

Die Absa Kuierkamer bied daagliks vermaak op die verhoog, met gemaklike sitplekke, laaistasies, gratis Wi-Fi, toegang tot badkamers en eet- en drinkgoed wat ’n verskeidenheid happies, lekkernye en drankies insluit. ’n Spesiale toevoeging vanjaar is ’n reeks opwindende aandgeleenthede met vermaak en aandete. Absa se afdeling vir voertuig- en batefinansiering, saam met plaaslike motorhandelaars, bied ook voertuiguitstallings aan, asook die Absa Vehicle-on-the-move vir al jou banknavrae.

Besoek die Absa Kuierkamer

vir meer inligting oor al hierdie aktiwiteite.

Ons sien daarna uit om jou hier te verwelkom terwyl ons voortgaan om saam aan Afrika se toekoms te bou en mense te bemagtig, een storie op ’n slag, terwyl ons die dinamiese kunstebedryf saam vier.

Allerlei lekkernye maak die feeservaring selfs beter

Checkers is baie opgewonde om vanjaar deel van die Klein Karoo Nasionale Kunstefees te wees waar ons feesgangers se ervaring van kuns, bobaas-kos en lekker saamkuier selfs beter en beter gaan maak.

Daar is net een teater op die dorp wat al jou sintuie gaan prikkel – en dit is die Checkers Liplekker-teater. Kom maak ’n draai om te hoor hoe kosskrywer Herman Lensing en sy bekende vriende hul kookgeheime verklap.

En wanneer die hongerpyne begin pla, kan jy gaan smul aan die heerlike eetgoed by ons Checkers-kosstalletjies. Sit ’n bietjie en geniet gunstelinge soos ons Forage and Feast-kaasborde, Championship Boerewors-rolletjies, heerlike soesji, ’n kuierplek vir jenewerliefhebbers, en vir die allerbelangrike ekstra woema is daar Foreign Ground-koffie.

Kyk ook uit vir ’n spesiale Sixty60afleweringspunt – want terwyl jy kuier, sal ons karweier.

Dis vakansietyd, en bederftyd, met Checkers se feestelike lekkernye op almal se lippe.

Mag dit ’n onvergeetlike KKNK wees vir oud en jonk!

Van aktuele sake tot komedie –alles op een plek

Henriëtte Loubser

Hoofredakteur van Afrikaanse Nuus, Media24

In hierdie verkiesingsjaar vir SuidAfrika (en trouens vir meer as 50 ander lande) wil Netwerk24 sin maak van kwessies en emosies wat die hede en toekoms bepaal – in Afrikaans en by ’n fees wat al vir 28 jaar lank grense verskuif.

Netwerk24 is self tien jaar oud en ons vier dit met ’n reeks spesiale gesprekke waarin Mia Spies deurdringende vrae oor die verkiesing aan politici en rolspelers stel. Saam met Die Burger, Jody Hendricks en sy paneellede pluis ons soggens nog politiek en aktuele sake uit. Die Netwerk24feeskafee is ook die plek vir die propvol Boekstories-program en saans kan jy jou sin vir humor kom kry by Standup met topkomediante en na hartelus jol by Laatnag. Daglank is ons kafee ’n voorkeurplek vir skoene uitskop en om ’n broodjie te breek of jou dors te les. Netwerk24 is nie verniet “Alles op een plek” nie. Sien jou daar!

KKNK bring regte boodskap

vir regte tyd

Uitvoerende hoof: NATi

Die KKNK se nuwe bemarkingsveldtog kom asof dit gestuur is! ’n Kuur vir elke kwaal. Die regte boodskap op die regte tyd. Ná baie jare se gewroeg kan ons uiteindelik weer die kernkonsep van ’n “fees” omarm op die vlaktes van die Klein Karoo. Suid-Afrikaners is sat gewroeg en moeg vir sukkel sonder krag en hierdie vars bries wat die KKNK ons beloof, is net die ding wat die dokter voorgeskryf het.

Maar wat is ’n land of ’n samelewing tog sonder die kunste en sonder goeie teater wat met erns omgaan met die kwessies wat ons as samelewing raak, maar terselfdertyd vermaaklik kan wees om gehore tevrede te stel? Die KKNK-span het vir maande hard gewerk om ’n gebalanseerde program saam te stel – geen geringe taak nie. Dit verg geweldige kreatiewe dinkwerk, onderhandelinge en bloed, sweet en trane. En daarom is NATi weer eens geweldig trots om geassosieer te word met die aanbod op vanjaar se teaterprogram. Die verskeidenheid produksies bied werklik iets vir almal se smaak en voorkeure – jy kan kom lag en huil of net kom besin.

Ons daag gehore uit om die teaterprogram te bestudeer en keuses te maak buite hul gewone verwysingsraamwerk. Dit is die wonderlike ding van ’n kunstefees – jy kan tot jouself verras.

Cornelia Faasen

ATKV volg sy eie voorskrif met goeie kunstedosis

Sonél Brits

Besturende direkteur:

ATKV-MSW

Elke dag praat, bid, sing, stry en dans mense in Afrikaans in Suid-Afrika. Afrikaans is gesond en nêrens anders sien ’n mens dit so lééf as by ons kunstefeeste nie.

Die KNNK sê daar is ’n kuur vir elke kwaal by die fees en daarom het die ATKV dié voorskrif: Besoek Oudtshoorn van 23 tot 31 Maart en neem elke dag ’n goeie dosis Afrikaans in. Ons volg ons eie voorskrif en is betrokke by etlike projekte.

• Die ATKV is weer die naamborg van die ATKV-Griesselsaal – kom kyk gerus na wat daar aangebied word.

• Die Lucky Pakkie-teater bied iets vir almal se smaak en die inhoud is ’n geheim. Kom maak ’n draai vir kraakvars teaterkonsepte.

• Die Klein KKNK-teater in die Feesmark gee aan kinders die kans om teater te ervaar. Daar sal daagliks tot drie kinderteaterproduksies wees. Moenie die ATKV-tak Gemeenskapsteater se Dinosourusse kan nie lees nie misloop nie.

• Afrikaans se toekoms is in die hande van die jong mense en daarom bied ons saam met die Wes-Kaapse onderwysdepartement die KKNK Jeugkunstefees aan. Dit gee hoërskoolleerders ’n kans om hul slag te wys.

Kry doepa vir jou siel by die KKNK!

Empatiese blik op ’n wyer wêreld

Waldimar Pelser

M-Net-direkteur: Premium-kanale

Om na ’n stuk goeie teater te kyk, ’n beeldhouwerk te bestudeer, ’n skildery se perspektief te probeer insien, of meegesleur te raak deur die lirieke van ’n lied, maak ons beter mense. Dit help ons om met meer empatie na die lewenservarings te kyk van vreemdelinge met wie ons nogtans kantore, buurte, dorpe, ’n land deel . . . en selfs ’n woonhuis. Sonder die instandhouding van die kunste word ons meer vreemd vir mekaar eerder as bietjie vir bietjie meer bekend. Selfs bemind . . . kykNET en die KKNK het dit albei as ons doelstellings om die gebruikers van kultuur aan wêrelde bloot te stel wat op klein en groot maniere anders is as hul eie. Dit is vir kykNET ’n uitbundige plesier om by die KKNK betrokke te wees, ’n ikoniese fees wat nie net die kunste stimuleer deur produksies moontlik te maak en te befonds nie, maar ook die genieters van daardie kunste op een plek bymekaar te bring – ’n plek wat boonop spog met asemrowende vlaktes wat met elke sonsondergang anders lyk, en ’n ryke skakering van verskillende stories wat ook anders lyk of klink afhangend van wie dit is wat daarna kyk of luister.

Dis weer tyd vir feesvieringe

Raadsheer Chris Macpherson

Uitvoerende burgemeester: Groter Oudtshoorn

’n Jaar is in ’n oogwink verby en ons is reeds by KKNK 2024. Wat ’n voorreg vir ons dorp om hierdie internasionaal bekende fees weer eens te kan aanbied en vir die munisipaliteit om deel te kan wees daarvan. Vanaf 23 tot 31 Maart is Oudtshoorn vir ’n volle nege dae die tuiste van die land se beste produksies en aanbiedinge en stroom derduisende mense na die Klein Karoo om aan die fees te kom deelneem. Die munisipaliteit is gereed vir die instroming en vir dienslewering om vanjaar se fees ’n nog groter sukses te maak. Ons opregte dank en waardering aan Kunste Onbeperk se direksie en personeel en elkeen wat hierdie reusebydrae tot ons dorp maak en Oudtshoorn vierkantig op die land se kunstekaart plaas. Baie dankie ook aan elke inwoner en sakeonderneming wat hande vat om ons besoekers te verwelkom.

KKNK perfekte kulturele versnit

Alan Winde

Premier: Wes-Kaapse Regering

Ons land en provinsie se erfenis vertel ’n verhaal van ryke diversiteit, lewenskragtigheid, volharding en vindingrykheid. Ons gedeelde ervarings, gevorm deur honderde jare se geskiedenis, tradisies en gebruike, word soos goeie wyn gedistilleer om ’n perfekte kulturele versnit voort te bring wat deur die Klein Karoo Nasionale Kunstefees ten toon gestel word.

Die KKNK is ’n gunstelinggeleentheid in die Wes-Kaap se besige sosiale kalender wat opwindende lewe en kultuur na die Klein Karoo en sy omgewing bring. So belangrik as wat dit vir die Wes-Kaap se kulturele landskap is, net so is dit uiters belangrik vir ons provinsie se ekonomiese groei. Buiten dat dit help om werk te skep, bring dit hoop vir ons provinsie en kweek dit trots in ons kultuurgemeenskap.

Aan almal wat by hierdie fantastiese ekstravaganza betrokke is, wens ek alle sterkte toe. Aan diegene wat dit bywoon – julle kan daarna uitsien om bederf te word!

Die groot bederf is hier

Anroux Marais

Minister van kultuursake en sport: Wes-Kaapse regering

Dit is weer daardie hoogtepunt van elke jaar wanneer Suid-Afrikaners van oor die land heen opruk na Oudtshoorn vir die groot bederf van die Klein Karoo Nasionale Kunstefees (KKNK) hier in die Volstruisdorp.

Dit is vir die Wes-Kaapse regering ’n voorreg en ’n plesier om as borg en deelnemer deel te wees van die wonderlike geleentheid, en ons wens Crispin Sonn, Hugo Theart en hul span alles van die allerbeste toe vir vanjaar se skouspel.

Soos altyd bied die Wes-Kaapse regering sy volle ondersteuning vir die fees. Ek en verskeie van my kollegas sal hier wees om die kunste te geniet en te luister na wat feesgangers en kunstenaars op die hart het.

Daar is ’n wye verskeidenheid op die program vir almal om te geniet, van die visuele kunste en die diskoerse tot die vlooimark, toneel, gesinspret en musiekaanbiedinge. Dit is wat die KKNK so spesiaal maak, en hoekom dit so ’n spesiale plek in al ons harte het.

Kom ons geniet die fees, en maak dit die lekkerste ooit!

Kom ontdek die magiese KKNK, met trots geborg deur die Wes-Kaapse Regering. Kom raak verdiep in die visuele en uitvoerende kunste by hierdie onvergeetlike kultuurfees!

VEREERDES

Deon Meyer

KKNK Afrikaans

Onbeperk-prys vir literêre bydrae

“Ek doen die afgelope 30 jaar wat vir my verskriklik lekker is. Hierdie prys is ’n geweldige eer en het my onkant gevang. En dis nie skyn-nederigheid nie. Om vereer te word vir iets wat vir jou so lekker is om te doen, voel amper verkeerd,” sê Deon Meyer.

Met sy boeke wat in 27 tale vertaal is, die een treffer ná die ander en hoe hy homself die afgelope tyd ook bewys het as draaiboekskrywer en vervaardiger, wys net weer hoekom hy een van die suksesvolste Afrikaanse skrywers is.

“Ek sien myself nog steeds as die outjie van Klerksdorp. Ek het nog nooit vir erkenning geskryf nie. As jy voor ’n leë blad sit, beteken pryse niks nie. Maar bygesê: Hierdie verering van die KKNK is spesiaal omdat die KKNK so groot rol in my lewe gespeel het. Die eerste keer wat ek as skrywer by ’n fees was, was by die KKNK met Feniks, wat in 1996 verskyn het.” Intussen het daar 15 boeke uit sy pen verskyn, met die jongste, Leo, wat in Oktober 2023 bekend gestel is.

In 2018 het Coenie de Villiers Deon omgepraat om deel te word van die produksie Karoo Suite. Karoo Suite II: Karoonagte het gevolg en was soos sy voorloper ’n reusesukses onder gehore.

“Ek was totaal buite my gemaksone, maar by Coenie, ’n jare lange vriend, voel ek veilig. Toe hy dus sê ons moet saamwerk aan ’n musiekblyspel, het dit my 15 sekondes geneem om ja te sê.”

Die musiekblyspel Roem debuteer by die KKNK en het onder andere Anrich Herbst, Daneel van der Walt, Eldon van der Merwe en die nuweling Nelandi Boshoff in die rolverdeling.

“Dis ’n droom wat ek gehad het sedert ek Tommy se klankbaan gehoor het toe ek 19 was. Ek het probeer om ’n musiekblyspel te skryf, maar het besef ek kan dalk die storie en die lirieke skryf, maar nie die musiek nie. Dit het soveel jare geneem vir Coenie om hierdie droom van my waar te maak.”

Jana Cilliers

Kunste Onbeperk-prys vir vertolking

“Jy kan nie speel wat nie geskryf is nie,” sê Jana Cilliers. “Soos ek altyd sê: Ek is netjies grootgemaak en hierdie prys is ’n eer en ek is dankbaar, maar dit maak dit soveel meer spesiaal om ’n verering vir vertolking te kry vir ’n stuk wat ek geskryf het.”

Die stuk is Veelhoek, ’n gesprek tussen Jana en haar neef Barnard Gilliland, die belowende digter wat sestig jaar gelede op 24-jarige ouderdom in ’n motorongeluk oorlede is.

Jana, intelligent, sag van geaardheid en tydloos-mooi, sê sy is sku om te praat oor hoe haar werk waardeer word. “Dis ’n vraag wat ons onsself deurentyd moet vra: Wie dien jy? Vir my moet die werk die praatwerk doen. Teater is ’n lewende oomblik en die gehoor is net so deel daarvan. Hierdie verering van die KKNK, wat al so lank ’n bydrae maak om die kunste lewendig hou, is ook ’n verering van teater se bestaansreg.”

Jana, ’n boorling van Pretoria, het ná sy haar BA-graad aan die Universiteit van Pretoria behaal het in Londen aan die Royal Academy of Dramatic Art studeer. Terug in Suid-Afrika het sy haarself in rolprente, TV en in die teater gevestig as een van die groot name van haar generasie. “Die diversiteit van ons bedryf, die feit dat ons alles van radio tot teater kan doen, was nog altyd tot groot voordeel.”

Die woord “dankbaarheid” duik gereeld in die gesprek op. “As ek terugkyk na die geleenthede wat oor my pad gekom het, veral nou as ouerwordende aktrise, is dit met groot dankbaarheid. Ek is geseën met skrywers soos Ryk Hattingh, Terrence McNally (skrywer van onder meer Master Class waarvoor sy in 1996 ’n Fleur du Cap-prys gewen het) en soveel ander. Natuurlik kom jy sonder ’n vindingryke regisseur nie ver nie en hier moet ek Marthinus Basson en Mark Graham uitsonder.”

En die toekoms?

“Ek sal voortgaan om ’n kreatiewe lewe te leef,” sê Jana. “Ek is ’n ma en ouma, ’n kunstenaarsma met ’n liefde vir die gewone. As die regte projek oor my pad kom, sal dit ’n eer wees.”

VEREERDES

Eldon van der Merwe

Kunste Onbeperk-prys vir jong stem

Dit het alles met ’n koerantadvertensie begin. Eldon van der Merwe was 12 jaar oud en op skool in Piketberg. Twee onderwyseresse en sy ma, Melviline, het gesien hulle is op soek na kinders om in ’n verhoogproduksie van Fiela se kind te speel.

Lang storie kort: Juffrou Venter het Eldon in die skool se bussie Kaapstad toe geneem en twee maande later het hy gehoor die rol van Tollie Komoetie is syne. “Ons het nie drama op skool gehad nie, maar ek was nog altyd ’n entertainer,” sê Eldon. “Ek dink ek het dit by my pa, Greg, gekry. Hy is ’n smous en het die hele Piketberg vermaak met sy manier van praat. Dit was vir my ’n studie van mense en ’n bewys hoe aansteeklik happiness is.”

Ná skool het Eldon drama by Northlink College in Kaapstad studeer. Op TV is hy bekend vir sy rolle in Arendsvlei en Ouboet & Wors, maar dis veral in die teater waar Eldon sy merk maak. By vanjaar se fees is hy te sien in Fietsry vir dommies en die musiekblyspel Roem

“Wanneer ek skole toe gaan om motiveringspraatjies te gee, sê ek altyd dis soos ’n aflos. Die generasie voor ons – ek is in 1994 gebore – het so ver gehardloop om vir ons deure oop te maak. Ons het nou die stokkie in ons hande en ons kan nie net daar staan nie. Ons moet verder hardloop.”

Die prys vir jong stem is vir hom ’n groot voorreg. “Hierdie kind van Piketberg,” sê Eldon, asof hy dit self nie kan glo nie. “Ek haal my hoed af vir organisasies soos Kunste Onbeperk en NATi wat belê in die kunste. Ek dra hierdie prys op aan alle jong mense. Mag hulle ook die kanse kry wat ek gekry het.”

Daar is ’n egtheid in Eldon wat deurskyn. Hoe hy praat van sy grootwordjare, sy ouma Cathy Arries wat op die verhoog gehardloop het ná afloop van die openingsaand van Fietsry vir dommies en hoe hy by sy ma geleer het om ’n dirigent in die kerk te wees. “Moenie toelaat dat mense toegang tot jou vrede kry nie. Plant die liefde waar jy gaan en wanneer jy weer daar verbykom, sal jy sien hoe dit gegroei het. Ek wil werk skep, vir ander kanse gee. Hierdie jong stem wil nog hard praat.”

Poem Mooney

KKNK-prys vir lewensbydrae tot kuns en kultuur

Vra jy vir Poem Mooney waar sy wortels die diepste begrawe is, antwoord hy: “My naelstring lê in Prins Albert.”

Dit is waar hy gebore is, maar Oudtshoorn is die plek waar hy seker die diepste spore getrap het. Poem is ’n leermeester, ’n digter en skrywer van boeke soos Kringe om die maan, Klink soos ’n klok en Stories uit lap, sy boek oor Prins Albert. Hy is ook ’n storieverteller, ’n Godsman en stamhoof van die Attakwa-Khoisan, wat hy in 2000 by die Wêreldberaad van Inheemse Volkere in Switserland verteenwoordig het.

“Ek het wonderlike jeugherinneringe,” sê hy. “My oupa was ’n steenmaker in Prins Albert en ons was ’n hegte familie om daardie kleigat. Ek het skoolgegaan op Oudtshoorn en my ook daar as onderwyser bekwaam.” As hy een ding as ’n hoogtepunt in sy lewe van 81 jaar moet uitsonder, is dit toe hy Kairos, ’n skool vir kinders met spesiale behoeftes, in Oudtshoorn begin het. Later het Eljada, ’n sentrum vir intellektueel gestremde volwassenes, en Kairos saamgesmelt en nou staan dit bekend as die Eljada-Kairos Skool. “Dit is die grootste oomblik in my lewe.”

Poem se liefde vir Afrikaans is duidelik in alles wat hy doen en sê. “Ek het onlangs weer die nuwe HAT-woordeboek gekoop. Ek het drie van hulle plat gewerk! As jy gebind is aan ’n taal, het jy ’n plek; is jy geknoop aan jou land. Die KKNK is ook so ’n knoop wat van die begin ’n invloed op ons gemeenskap gehad het. Nie net in Oudtshoorn nie, maar ook van suid na noord. Hoeveel feeste het nie daarna begin nie?”

Sy persoonlike KKNK-hoogtepunt was toe Die eiland, ’n eenvroustuk wat hy saam met wyle Hans Oosthuizen geskryf het en waarin Muriel Engelbrecht gespeel het, op die fees opgevoer is. “Was dit nie vir die KKNK nie, sou dit nooit die lig gesien het nie.”

Hoe sal hy graag onthou wil word? “Vir my betrokkenheid in die gemeenskap. Ek praat en skryf graag oor die geskiedenis van ons land en hoe ons soms met skrefiesoë daarna kyk. Ek wil nooit in enige ander land woon nie. Ons moet positief bly. As jy positief is, kan jy voortgaan. My geloof is vir my belangrik en net vanoggend weer het ek gesê: ‘Here, sonder U kan ons niks doen nie.’ Ek is dankbaar dat ek hier in die Klein Karoo ’n verskil kon maak.”

Karoo Kaarte

MULTIDISSIPLINÊRE GEMEENSKAPSPROGRAM

’n KKNK-projek, ondersteun deur die Jannie Mouton-stigting, Het Jan Marais Nationale Fonds, NATi, die Wes-Kaapse regering en die Oudtshoorn-munisipaliteit

MET kernspan van Tiffany Saterdaght, Theo (Oom Japsnoet) Witbooi, Colin Meyer, Diano October, Melikhaya Blou, Charissa Essau, Jermaine Bruintjies, Chantelle Philipus, Zietske Saaiman, Shandré Harris en inwoners van Oudtshoorn FASILITEERDERS Neil Coppen en Vaughn Sadie

Karoo Kaarte is ’n grensverskuiwende multidissiplinêre kunsteprogram wat sedert 2021 op Oudtshoorn lewe kry.

“Karoo Kaarte se sukses lê daarin dat dit bestuur word deur mense wie se harte en arms oopstaan om almal van die gemeenskap wat wil deelneem te betrek.”

– Diane de Beer, gerekende resensent

Dié veelbekroonde gemeenskapsprojek se kern draai rondom Oudtshoornstories wat nie voorheen vertel of gedokumenteer is nie. Stories oor persoonlike ruimtes, herinneringe uit kinderdae en tradisionele kennis van dié Klein Karoo-dorp en sy mense.

’n Lewende argief word deur alle deelnemers aan die opwindende projek saamgestel en ’n platform word geskep wat plaaslike talent na die voorgrond bring, om die nasionale kollig te verbreed en kunstenaars uit eie bodem in te sluit.

Teater en visuele kuns word as kreatiewe prosesse ingespan, ondersteun deur Karoo Kaarte se navorsing en argief, om ’n spesiale program vir die KKNK saam te stel. Hierdie inhoud het oor die afgelope twee feeste harte gesteel met herinneringe, drome en kinderspeletjies eie aan Oudtshoorn-inwoners.

Op Oudtshoorn verwys “om kaarte te sny” na gesels en die vertel van ernstige en lighartige stories. Die naam Karoo Kaarte sinspeel op dié dubbele betekenis van kaarte in die Oudtshoorn-streekstaal. Karoo Kaarte is reeds talle kere bekroon, onder meer met die BASA IDC Community Development-prys (2023), die WesKaapse kuns-en-kultuur-prys vir mees innoverende kunstefees (2023) en die KKNK Herrie-prys vir innovasie of grensverskuiwende werk (2023 & 2022).

© RYAN DAMMERT

Karoo Kaarte is benoem vir vier Pendorings (2023) en dié projek se teaterproduksies, Droomkraan Kronieke (2023) en Op hierie dag (2022), is vir meer as tien KKNK Kannas en vyf kykNET Fiëstas benoem. Die ensemble van Droomkraan Kronieke is met die Woordtrofee vir beste ensemble by die Toyota US Woordfees in 2023 bekroon.

Karoo Kaarte, saam met talle inwoners wat aan die navorsing deelgeneem het, betrek Oudtshoorn-gebaseerde visuele kunstenaars, digters, skrywers, kunstenaars, inheemse kennisdraers, musikante, leerders, onderwysers en aktiviste om vir die derde jaar inhoud dwarsdeur die fees en oral op die dorp aan te bied vir ’n herinterpretasie van die afgelope jare se navorsing.

Die Karoo Kaarte-span is opgewonde om ’n program by die KKNK aan te bied, wat twee kunsuitstallings (bladsy 142), ’n grafiese roman (bladsy 141), ’n muurskildery (bladsy 142), staptoere met begeleiding van die Karoo Kaarte-app (bladsy 143) en ’n splinternuwe plekspesifieke teaterproduksie saans by die eens fabelagtige, maar nou vervalle Oudtshoorn-spoorwegstasie insluit (bladsy 55).

Lees meer oor die Karoo Kaarte-aanbod in 2024 op bladsy 139 tot 144.

Skandeer dié QR-kode vir ’n video-oorsig van Karoo Kaarte.

© RYAN DAMMERT

DAGPROGRAM

07:30

11:00

11:00

11:00

11:00

11:15

12:00

12:00

13:00

Op watter maniere help kuns ons om goed op ander maniere te sien?

TONEEL

Braam en die engel

MULTIDISSIPLINÊRE DRAMA

’n Momentum Beleggings Aardklop-produksie in samewerking met die KKNK en die Feesteforum, moontlik gemaak deur AK21 en NATi MET Joanie Combrink, De Klerk Oelofse, Rehane Abrahams, Marelize Viljoen, Timothy Isaacs en Shaun Oelf TEKSVERWERKING van Marietjie de Jongh se gelyknamige roman deur Kanya Viljoen REGIE Nico Scheepers ASSISTENTREGIE Grant van Ster TEGNIESE VERSORGING, KOSTUUMS, STEL- EN BELIGTINGSONTWERP Nico Scheepers en Nell van der Merwe MUSIEK Franco Prinsloo VERHOOGBESTUURDER Nell van der Merwe ASSISTENTVERHOOGBESTUURDER Sohail Booise VERVAARDIGERS KKNK en Momentum Beleggings Aardklop

Die geliefde kinderboek Braam en die engel is verwerk as ’n magiese, multidissiplinêre teaterervaring vir die hele gesin. In dié boeiende storie oor die krag van vriendskap, verbeelding en hoop word ’n pasaangestelde streeksengel op ’n sending gestuur om te keer dat die inwoners van Wale van ellende vergaan. In Wale ontmoet die engel vir Braam en saam vertrek hulle op ’n reis wat hulle deur talle dorpe met verskillende uitdagings neem. ’n Produksie vir die hele gesin. Benoem vir vyf kykNET Fiëstas en vier Woordtrofees by die Toyota US Woordfees in 2023.

AFRIKAANS • GESIN • 75 MIN.

R160 (VOORAF) • R145 (VRIENDE VAN DIE KKNK) • R180 (BY DIE DEUR) • R120 (KINDERS ONDER 13)

NATI-GIMSAAL

Bloedbande

MULTIDISSIPLINÊRE DRAMA

Ondersteun deur die Nasionale Kunsteraad en Son

MET Lyntjie Jaars en Khadija

Heeger TEKS Maria van Wyk, Esther Engelbrecht, Shanell Brandt en Marquen Carstens

REGIE EN VERWERKING Marquen

Carstens VERHOOGBESTUURDER

Vania Lewis VERVAARDIGERS

Lyntjie Jaars en Marquen Carstens

Bloedbande delf diep in die moederhuishoudings en susterskap in die kultuur van Nama-mense. Dit is ’n roerende, vervlegte verhaal van die onvertelde werklikhede in die Nama-streek.

AFRIKAANS EN AFRI-NAMA • GEEN

O.13 OB, V • 45 MIN.

R130 (VOORAF) • R120 (VRIENDE VAN

DIE KKNK) • R145 (BY DIE DEUR)

ATKV-GRIESSELSAAL

29 MAART 10:00 •

30 MAART 13:30 •

31 MAART 10:00

Byster

DRAMA

MET Lara Hattingh REGIE, TEKS, MUSIEK, KOSTUUMONTWERP EN VERVAARDIGER Lara Hattingh TEGNIESE VERSORGING Wicus Louw

Byster is bekroon met die Woordtrofee vir beste prestasie by die Toyota US Woordfees se Fringe in 2023 en vertel die storie van ’n oningeligte, naïewe jong vrou wat sukkel om deur die diep waters van 2023 te kom. Sy’s regtig snaaks, maar waarskynlik ’n bietjie van ’n narsis. In ’n versameling oënskynlik lukrake stories vertel sy kaalvuis wat sy dink. Sy wonder wat dit beteken om ’n vrou te wees en of sy haarself regtig ’n Afrikaner kan noem. Sy weet dit nie, maar sy is besig om te hardloop. Maar of sy probeer wegkom van iets, is onduidelik.

AFRIKAANS • GEEN O.13 OB • 75 MIN. R140 (VOORAF) • R125 (VRIENDE VAN DIE KKNK) • R155 (BY DIE DEUR)

BIBSAAL

23 MAART 10:00 • 24 MAART 13:30 •

25 MAART 17:30 • 26 MAART 10:00

Die Begrafnisrede

DEBUUT

• KOMEDIE

MET Wynand van Vollenstee TEKS Wynand van Vollenstee REGIE Wynand van Vollenstee en Willie Esterhuizen VERHOOGBESTUURDER Martin Breedt VERVAARDIGER That’s Freakin Nice

Productions

Om die tydelike met die ewige te verwissel kom met sy eie uitdagings. Basies is dit dieselfde proses as om ’n bruilof te reël –blomme, spyseniering, vervoer, uitrustings –die enigste groot verskil is jy kan nie kies om dit nié by te woon nie. Gelukkig kom Gabriel van Gabriel en Seun Sakpas Begrafnisdienste tot jou redding wanneer jy hulle die nodigste het. Hul welbekende begrafnisonderneming se slagspreuk sê dit alles: “Ons is hier vir jou wanneer jy nie meer is nie.” Hierdie unieke begrafnisonderneming bied alle dienste onder een dak – van traumaberading tot hul gewilde vyfster-begrafnisbroodjiebuffet. Die heel duurste pakket sluit tot tien professionele rouklaers in om die gepaste, intense atmosfeer te skep. Kom lag saam vir die skreeusnaakse karakters wat ons al almal by dié byeenkomste gewaar het en ervaar die ligte kant van die laaste paragraaf van ons lewensboek.

AFRIKAANS • GEEN O.13 T • 70 MIN.

R190 (VOORAF) • R170 (VRIENDE VAN DIE KKNK) • R200 (BY DIE DEUR)

KYKNET HOËRSKOOLSAAL

23 MAART 13:30 • 24 MAART 13:30 • 25 MAART 19:30

Die Francois Toerien Show +

SKETSKOMEDIE

’n Toyota US Woordfees-produksie. Speelvak moontlik gemaak deur die KKNK MET Francois Toerien, Esther von Waltsleben, Lorraine Burger, Dean John Smith, Karli Heine, Megan Saayman en Kabous Meiring (gaskunstenaar) REGIE Juanita Swanepoel TEKS Francois Toerien MUSIEK Coenraad Rall STELONTWERP EN VERHOOGBESTUURDER Gaerin Hauptfleisch KOSTUUMONTWERP EN ASSISTENTVERHOOGBESTUURDER Stephanie Hough PRODUKSIEBESTUURDER Charl Faurie

“Dit is nou kwart oor sewe en hier volg die nuus om sewe. . .” Alles verskuif, verander, rampe en peste tref ons. Eens was daar krag, water, net vroue en mans. “Maar nie meer nie.” Semigrasie na die Wes-Kaap? Jy het ’n vierslaapkamerhuis gehad met ’n swembad en ’n huishulpkamer. Óók nie meer nie. Gereelde sameswerings, ekskuus, samesprekings en kommissies van ondersoek. Fase 8-beurtkrag: ’n Babelse verwarring in die donker. En te midde van alles moet jy nog jou bestuurderslisensie hernu. “Lekker man, lekker.” Dink jy dit is belaglik, lagwekkend, lag jy al? Wel jy gaan. Kliphard!

AFRIKAANS • GEEN O.13 T • 75 MIN. R180 (VOORAF) • R160 (VRIENDE VAN DIE KKNK) • R200 (BY DIE DEUR) KYKNET HOËRSKOOLSAAL

27 MAART 10:00

Die Swartmerrie

DEBUUT • PLEKSPESIFIEKE TEATER

’n KKNK-projek, ondersteun deur die Jannie Mouton-stigting, Het Jan Marais Nationale Fonds, NATi, die Wes-Kaapse regering en die Oudtshoorn-munisipaliteit

MET Theo Witbooi, Janion Kennedy, Chantell Phillipus, Jermaine Bruintjies en Melikhaya Blou

TEKS EN REGIE Tiffany Saterdaght en Neil Coppen

Ná die sukses van Karoo Kaarte se aangrypende teaterproduksies Droomkraan Kronieke (2023) en Op hierie dag (2022) verlaat die teaterspan vanjaar die tradisionele teaterruimtes en skep ’n splinternuwe plekspesifieke produksie gesentreer rondom die eens fabelagtige, maar nou vervalle Oudtshoorn-spoorwegstasie. Die span het met behulp van die navorsing oor die geskiedenis van Oudtshoorn-treine, asook die vele herinnerings

daaroor en karakters rondom dit, ’n surrealistiese en poëtiese staptoer geskep. Die gehoor word teen skemertyd op reis geneem langs Oudtshoorn se treinspore, waar ’n reeks verrassende optredes langs die pad wag. Trek gemaklike skoene aan en bring ’n baadjie.

VEELTALIG • GEEN O.13 • 80 MIN.

R80 (VOORAF) • R50 (VRIENDE VAN DIE KKNK) • R90 (BY DIE DEUR)

DIE TREINSPOOR

23 TOT 30 MAART 17:30

Die stoele

DEBUUT • TRAGIKOMEDIE

’n KKNK-produksie, ondersteun deur die Vrystaat Kunstefees en Momentum Beleggings Aardklop. Moontlik gemaak deur NATi

MET Antoinette Kellermann, Chris van Niekerk en Lindokuhle Melaphi REGIE EN ONTWERP Marthinus Basson TEKS Eugène Ionesco VERTALING Nerina Ferreira VERHOOGBESTUURDER

EN BELIGTINGSONTWERP Nicolaas de Jongh ASSISTENTVERHOOGBESTUURDER Jean de Plessis VERVAARDIGER KKNK

Twee ou mense, opgewonde, in afwagting op hul groot aand wanneer die ou man sy lewensfilosofie, waaraan hy 93 jaar reeds poets, op genooides gaan loslaat. ’n Toestroming van gaste uit alle lae van die samelewing, insluitend die president, maak hul opwagting by die vuurtoringhuis op ’n afgesonderde eiland. Om almal te akkommodeer, verg stoele en nogmaals stoele. Maar die gaste is onsigbaar. En die ou man kan nie self sy boodskap oordra nie. En hy het iemand gekry om namens hom te praat.

AFRIKAANS • GEEN O.10 OB • 120 MIN.

R210 (VOORAF) • R190 (VRIENDE VAN DIE KKNK) • R230 (BY DIE DEUR)

SANW-OUDITORIUM

27 MAART 10:00 • 28 MAART 19:00 • 29 MAART 14:30 • 30 MAART 19:00 • 31 MAART 10:00

Regisseursnota

Eugène Ionesco (1909-1994) was ’n FransRoemeense skrywer en was een van die voorste figure in die Franse avant-garde en is tot ’n groot mate die gesig van absurde teater, grootliks beïnvloed deur surrealisme en die filosofie van Albert Camus.

Uit sy tydgenote is Samuel Beckett sy suksesvolste medereisiger in die ontginning van die betekenisloosheid van die menslike bestaan.

Ionesco sê: “Die dood is ons grootste probleem en die res staan in die skaduwee daarvan. Dit is die muur en die limiet. Dit is die enigste onvermydelike vervreemding; dit maak ons bewus van ons grense. Maar ons onkunde oor ons eie en ander waardes waartoe ons veroordeel is, is net so kommerwekkend. Uiteindelik weet ons nie wat ons doen nie. Tog is daar in al my werk ’n element van hoop en ’n uitreik na ander.”

In sy meesterlike drama Die stoele, pittig vertaal deur die nimlike Nerina Ferreira, is ’n man van 93 ten einde laas gereed om sy lewensfilosofie met die res van die wêreld te deel. Saam met sy getroue lewensmaat, nou 92, berei hulle voor vir die koms van ’n horde uitgenooides, van joernaliste en sjarmante jong dames tot generaals en kindertjies. Wonder bo wonder reis selfs die president per boot na hul eilandwoning in die middel van ’n moeras om hierdie nutsman se groot idee aan te hoor. Maar die man se moed faal hom en hy reël ’n spreker om namens hom te praat.

Die stoele kyk met humor na ons wanbegrip oor ons eie waarde, die huwelik, liefde en menslikheid, maar bowenal die sin van die lewe.‒Marthinus Basson

© ROBERT A. HAMBLIN

Die Van Vuurens vat vlam

DEBUUT • KOMEDIE

MET Lizz Meiring, Cara Meiring en David Kuduntwane TEKS Lizz Meiring REGIE André Odendaal VERVAARDIGER Artist Warehouse KOSTUUMS Hollywood Costumes BELIGTINGSONTWERP Jak J. Brits Fungi Waldo du Toit CHOREOGRAFIE Wesley Lauder KOMIESE MIMIEKSEKWENS Craig Morris AKROBATIESE HULP Ceylonia Bekker VERHOOGBESTUUR Yvette Hanekom

Sterna van Vuuren het lank oorsee gewerk. Haar broerskind, die jong wetenskapstudent Bernadette van Vuuren, bly intussen in haar townhouse, gratis en verniet. Sterna van Vuuren daag onverwags op. Die tante-en-niggieverhouding is maar plofbaar. Daar is ’n kinkel in die kabel, of is dit nou ’n fungi in ’n bottel. . .? Want nou bly haar komiese mimiekkunstenaar-boyfriend, Flippie van Vuuren, ook daar. Intussen het Bernadette en Flippie Sterna se townhouse in ’n eienaardige spasie verander. Want dié twee het unieke toekomsdrome. Dié rare donker komedie is ’n vrolike en dikwels laserskerp verhaal van verskillende generasies se standpunte, foute en ambisies. Dis slimsnaaks, oorspronklik en verrassend. Gaan die Van Vuurens se vreemde familiekwaal die vuur aanblaas?

AFRIKAANS • GEEN O.13 • 60 MIN.

R180 (VOORAF) • R160 (VRIENDE VAN DIE KKNK)

• R200 (BY DIE DEUR)

KYKNET HOËRSKOOLSAAL

25 MAART 10:00 • 26 MAART 16:30 •

27 MAART 19:30 • 28 MAART 16:30

Die vegetariër

DRAMA

’n Toyota US Woordfees-produksie, ondersteun deur NATi. Speelvak moontlik gemaak deur die KKNK

MET Tinarie van Wyk Loots, Wilhelm van der Walt, Eben Genis en Melissa Myburgh REGIE, STELONTWERP EN TEGNIESE

VERSORGING Jaco Bouwer OORSPRONKLIKE TEKS Han Kang VERWERKING EN VERTALING Willem Anker BELIGTINGSONTWERP Wolf Britz KOSTUUMONTWERP Bridget Baker

MUSIEK Pierre-Henri Wicomb PRODUKSIEEN VERHOOGBESTUUR Elana-Marié Snyman

ASSISTENTVERHOOGBESTUUR Lulu Kieser

VIDEO Nicola Bouwer

Hulle was net nog ’n getroude paartjie tot sy op ’n dag ophou vleis eet. . Só begin ’n reeks gebeure van toenemende fisieke en psigiese verset. Haar man, swaer en suster is getuies van hierdie enigmatiese reis en haar groeiende fantasieë wat toenemend plantaardige vorme aanneem. ’n Verhoogverwerking van Han Kang se roman The Vegetarian, wenner van 2016 se Man Booker International-prys. Benoem vir ses Woordtrofees en bekroon as beste toneelstuk en vir beste tegniese prestasie by die Toyota US Woordfees in 2023.

AFRIKAANS • GEEN O.18 G, S, N • 100 MIN. R210 (VOORAF) • R190 (VRIENDE VAN DIE KKNK) • R230 (BY DIE DEUR) NATI-GIMSAAL

Eg Kaaps-stories

DEBUUT • DRAMA

MET A.J. Jacobs, Cheraé Halley en Matthew MacFarlane TEKS A.J. Jacobs

REGIE EN ONTWERP Jade Bowers

DRAMATURG Pieter Jacobs MUSIEK

Matthew MacFarlane VERVAARDIGER

Jade Bowers Design & Management

’n Innoverende tweeluik van optredes wat die diversiteit en dinamiek van Suid-Afrikaanse storievertelling en opvoering vier. Saam weerspieël hierdie gesoute kunstenaars die ryk kulturele tapisserie van Kaapstad en sy mense. Gehore kry deur hierdie nuwe toneelstuk ’n diepsinnige blik op temas van identiteit, erfenis en die menslike ervaring. Dit is ’n kragtige teaterervaring en betrek die sintuie, emosies en intellek van die gehoor. Die optredes word naatloos vervleg, wat ’n dinamiese en harmonieuse reis deur diverse narratiewe en kulturele perspektiewe bied.

ENGELS EN AFRIKAANS • GEEN O.13 OB • 70 MIN.

R130 (VOORAF) • R120 (VRIENDE VAN DIE KKNK) • R145 (BY DIE DEUR) ATKV-GRIESSELSAAL

24 MAART 10:00

• 25 MAART 18:00 • 26 MAART 10:00

Every Brilliant Thing

KOMEDIEDRAMA

MET Henu Baden TEKS Duncan Macmillan met Jonny Donahoe

REGIE Jeff Brooker VERVAARDIGER Jeff Brooker Productions MEDEVERVAARDIGER Dean Goldblum

’n Jong seun maak ’n lys van al die mooi dinge in die wêreld om sy ma in haar stryd teen depressie en selfdood te help. Dit begin met eenvoudige plesiere soos roomys, watergevegte en wakkerbly ná slaaptyd om TV te kyk en later sluit dit meer eiesoortighede in soos oumense wat hande vashou. Soos hy ouer word, word die lys ook meer volwasse en word dit ’n aangrypende getuigskrif van hoe ’n positiewe ingesteldheid teëspoed te bowe kan kom.

ENGELS MET AFRIKAANS • OB, T • 70 MIN. R160 (VOORAF) • R140 (VRIENDE VAN DIE KKNK) • R170 (BY DIE DEUR) BIBSAAL

28 MAART 10:00

• 29 MAART 13:30

• 30 MAART 17:30

Fietsry vir dommies

DRAMA

’n Suidoosterfees-produksie, ontwikkel met die ondersteuning van NATi, die Kunstekaap, die Jakes Gerwel Stigting en Son

MET Eldon van der Merwe

REGIE Dean Balie TEKS EN VERVAARDIGER Tiffany

Saterdaght MUSIEKREGIE Dean Balie

Carl het ’n graad in konstruksiebestuur, maar hy woon steeds in die “blink hokke” van Rose Valley. Hy ly aan depressie en dink gereeld na oor wat dit beteken om ’n bruin man in Suid-Afrika te wees. Verder eis “black tax” sy tol met die opoffering wat hy vir sy familie en gemeenskap moet maak. Carl se uitdagings word treffend uitgebeeld met rymklets en poësie. Die teks is oorspronklik as leesteater by die KKNK se Teksmark Oudtshoorn in 2021 voorgelê.

AFRIKAANS • GEEN O.13 T • 55 MIN. R130 (VOORAF) • R120 (VRIENDE VAN DIE KKNK) • R145 (BY DIE DEUR) VAN REEDESAAL

26 MAART 19:30 • 27 MAART 09:30 • 28 MAART 18:00

30 MAART 20:00 • 31 MAART 09:30

Goed wat wag om te gebeur

DRAMA

’n Ko-produksie tussen Momentum Beleggings Aardklop en die Toyota US Woordfees, ondersteun deur NATi. Speelvak moontlik gemaak deur die KKNK

MET Antoinette Kellermann, Gideon Lombard en Emma Kotze TEKS, REGIE EN STELONTWERP Philip Rademeyer OORSPRONKLIKE TITEL The Graveyard BELIGTINGSONTWERP Andi Colombo VERHOOGEN PRODUKSIEBESTUURDER Amber Fox-Martin VERVAARDIGERS Momentum Beleggings Aardklop en Toyota US Woordfees

Hendrik keer vir die eerste keer in 15 jaar terug na sy ouerhuis. Die huis is verlate en hy besluit om in die donker kelder – waar hy sy kinderdae deurgebring het – te wag. Die kelder is leeg, maar die familie se geheime en geskiedenis hang in die lug, lê begrawe in die huis se fondamente. Hy speel met Lego, drink en wag. Drie figure sweef in en uit – sy verharde suster, sy tenger ma, sy lewenslustige meisie. Soos hy al dieper in die bottel kyk, herrys spoke van geweld, verwyte en verslawing. Hy wag vir iets om te gebeur. Of iemand om hom te vind. Bekroon as beste nuutgeskrewe Afrikaanse teks by Momentum Beleggings Aardklop in 2023 en benoem vir drie Woordtrofees by die Toyota US Woordfees in 2023.

AFRIKAANS

R210

Hallo, is Bettie wat praat

KOMEDIE

MET Dean John Smith REGIE, BELIGTINGSONTWERP EN TEGNIESE

VERSORGING Gantane Kusch TEKS EN KOSTUUMONTWERP Dean John Smith

ONDER LEIDING VAN Oscar Petersen

VERHOOGBESTUURDER Curan Julies

Dean John Smith, Suidooster se geliefde Wade, klim weer in die skoene van die skreeusnaakse Bettie, sy aweregse sosialemediapersona. Bettie is beroemd (of is dit berug?) vir die eiers wat sy oor alles en almal te lê het, hoewel sy gewoonlik die kat aan die stert beet het. ’n Komedie met resepte, skinderstories en lief en leed. Okay, bapaaai!

AFRIKAANS • GESIN OB, T • 55 MIN. R120 (VOORAF) • R110 (VRIENDE VAN DIE KKNK) • R135 (BY DIE DEUR)

VAN REEDESAAL

29 MAART 13:30 • 30 MAART 16:30 • 31 MAART 13:30

Hans gee Herklaas horings

KOMEDIE

’n Innibos-produksie

MET Tobie Cronjé en Ignatius van Heerden

REGIE Tobie Cronjé TEKS Rudie van Rensburg

BELIGTINGSONTWERP EN TEGNIESE

VERSORGING Loren Nel KOSTUUMONTWERP Hollywood Costumes KLANKBAAN Wesley West VERVAARDIGERS Leftfoot Theatre Productions, in samewerking met Innibos

RSG-luisteraars het vasgenael voor die radio gesit en luister hoe Tobie Cronjé lewe gee aan Rudie van Rensburg se karakters in die Hans-boeke. Tobie was ook te sien in die rolprentweergawe van Hans steek die Rubicon oor. Teatergehore kry nou die geleentheid om Tobie in lewende lywe op die verhoog te ervaar in ’n gedramatiseerde voorlesing en verwerking van Hans gee Herklaas horings Ignatius van Heerden voorsien die radiobyklanke en beloof om gehore te laat skaterlag.

AFRIKAANS • GESIN • 85 MIN.

R210 (VOORAF) • R190 (VRIENDE VAN DIE KKNK) • R230 (BY DIE DEUR)

KYKNET HOËRSKOOLSAAL

27 MAART 17:00 • 28 MAART 13:00 •

29 MAART 16:30

©

30 MAART 13:00

Hoerkind

DRAMA

’n Suidoosterfees-produksie MET Geon Nel REGIE Margit Meyer-Rödenbeck TEKS EN VERWERKING Francois Toerien, gegrond op Herman Lategan se gelyknamige boek ASSISTENTREGIE, TEGNIESE VERSORGING EN VERHOOGBESTUURDER Jeanne

Steenkamp MUSIEK Coenraad Rall

STELONTWERP Gerrit Snyman

BELIGTINGSONTWERP John B. Swart VERVAARDIGER Arena Produksiehuis

Hy word ’n hoerkind genoem. Op ses gaan hy kinderhuis toe. Sy stiefpa skiet op hom. Op 13 beland hy in die kloue van ’n pedofiel. Alkohol- en dwelmafhanklikheid ry hom. Een aand word hy gyselaar gehou en met ’n mes gesteek. Sy foute is volop, maar hy leer soos hy voortbeur. ’n Ware verhaal oor verlies én oorwinning, gegrond op die joernalis Herman Lategan se memoires.

AFRIKAANS •

GEEN O.18 T, V • 80 MIN.

R190 (VOORAF) •

R170 (VRIENDE VAN DIE KKNK) •

R210 (BY DIE DEUR)

VAN REEDESAAL

28 MAART 15:30 •

29 MAART 20:00 •

30 MAART 13:00

Incarnations of Sand

FEESDEBUUT • ABSURDE TEATER

Speelvak ondersteun deur die Johann Brink Trust. Oorspronklik ontwikkel vir die Première Teaterfees

MET Alet Bruyns en Zara van der West

TEKS EN REGIE Dhania Kara Schultz

VERHOOGBESTUURDER Wilri van der Merwe

VERVAARDIGERS KKNK en NATi

In ’n wêreld waar daar slegs twee is, en die dae een ná die ander soos waaisandduine verander, beteken tyd niks. Die sand syfer deur die uurglas, maar tog blyk dit dat dit elke keer by die laaste korrel omswaai. Nooit vol nie. Nooit leeg nie. Die oomblik word met iets gevul. Tik, tik, tik, tik. Skielik, ’n verandering. ’n Bom. Gedwonge konfrontasie met hul sterflikheid. Wat kan ’n mens doen as jy midde-in die verwoesting staan? Sterf? Of droom? ’n Absurdeteater-ervaring wat ’n unieke blik werp op sterflikheid, verbintenisse en bowenal wat dit beteken om mens te wees.

ENGELS • GESIN • 55 MIN. R120 (VOORAF) • R110 (VRIENDE VAN DIE KKNK) • R130 (BY DIE DEUR)

ATKV-GRIESSELSAAL

23 MAART 12:00

25 MAART 13:30

24 MAART 18:00

’n Lewe in die dag van ’n vrugtevlieg, ensomeer: Die ongewerwelde-trilogie

DEBUUT • KOMEDIE

MET David Viviers en Wessel Pretorius

TEKS, REGIE EN VERVAARDIGER Wessel Pretorius

’n Kunssinnige vrugtevlieg raak verlief op Timotheé Chalamet, op die stel van Call Me by Your Name. ’n Mot met die hart van ’n vlinder probeer ’n verhouding aankoop met ’n kersvlammetjie gedurende die onsekere dae van beurtkrag. ’n Depressiewe spinnekop betree die wêreld van mededingende klopdans in ’n poging tot selfaanvaarding. In hierdie opvolg tot die gewilde Klara Maas se hart is gebreek, ensomeer: Die vloeistof-trilogie, wat in 2017 vir verskeie Kannas benoem is, keer David Viviers en Wessel Pretorius terug met drie nuwe verhale oor drie onwaarskynlike helde. Dit is ook Viviers se terugkeer na die verhoog ná twee jaar op die gewilde kykNETsepie Binnelanders.

AFRIKAANS • GEEN O.13 T • 80 MIN. R160 (VOORAF) • R145 (VRIENDE VAN DIE KKNK) • R175 (BY DIE DEUR) VAN REEDESAAL

23 MAART 19:30 • 24 MAART 09:30

25 MAART 13:00

26 MAART 13:30

Magda Louw

KOMEDIE

ʼn Ko-produksie tussen Innibos, die Suidoosterfees en Momentum Beleggings Aardklop

MET Desiré Gardner TEKS EN VERVAARDIGER

Desiré Gardner REGIE Hannes van Wyk PRODUKSIEBESTUURDER Nelius Ferreira

Magda Louw bevind haarself in haar herfsjare op nasionale televisie en skielik is sy nie net meer die tannie in die straat nie, maar die tannie in mense se sitkamers – en nou ook die tannie op die verhoog. Wat sal sy kwytraak met ’n mikrofoon in die hand? Wat is haar siening oor sosiale media, gewig, die plooie oor haar décolleté, reis en sommer rys ook? Sal sy die paar kilos kan afskud voor haar optrede, en belangrikste van alles, hoe de hel gaan sy al haar woorde onthou? Gebaseer op die gewilde kykNET-reeks Magda Louw, met die tweede seisoen wat in Januarie 2024 begin het. Benoem vir beste akteur in ’n komedie by die kykNET Silwerskermfees in 2023.

AFRIKAANS • GEEN O.16 T • 60 MIN. R180 (VOORAF) • R160 (VRIENDE VAN DIE KKNK) • R200 (BY DIE DEUR) KYKNET HOËRSKOOLSAAL

23 MAART 18:00 • 24 MAART 10:00 •

25 MAART 16:30 • 26 MAART 10:00

Ken jy vir Dewie?

DEBUUT • DRAMA

’n Ko-produksie tussen die KKNK, Suidoosterfees en Momentum Beleggings Aardklop MET Crystal Donna Roberts, Robert Hindley en Joshwin Dyson TEKS Ilne Fourie REGIE Margit Meyer-Rödenbeck VERVAARDIGERS Margit Meyer-Rödenbeck en Ilne Fourie

Dewie de Jager is ’n doodgewone ou. Hy is nie die tipe ou teen wie mammas hulle matriekdogters waarsku nie. Hy is die ou wat skaam smile en dan wegkyk, want dit is embarrassing vir julle altwee, want wat is sy naam nou weer? Deon? Dewald? Donald? Whatever! Maar iewers tussen alles deur hunker die mens na een ding: aanvaarding. Om te belong. Om ’n legend te wees waaroor almal gaan praat. Om te wees. Oral. Teen die klaskamermure. Op die voorblaaie. Op Google search. Om die saviour te wees van elke loser wat elke pouse moet keer vir sy wickets, sy kosblik, sy kniekoppe, sy bril, sy ma se toebroodjies en sy snoepiegeld. Die teks is oorspronklik as leesteater voorgelê by die KKNK se Teksmark in 2023.

AFRIKAANS • GEEN O.13 T, G • 75 MIN. R180 (VOORAF) • R160 (VRIENDE VAN DIE KKNK) • R200 (BY DIE DEUR)

WESBANK-SKOOLSAAL

23 TOT 27 MAART 12:00 EN 16:00

“Al + een = alleen. . .

Daai is die most brutal wiskundesom.

En jy het nie wiskunde G nodig om te weet

jy is f*cked nie. . .”

Die titel Ken jy vir Dewie? sinspeel op verskeie vrae. Ken jy jou kind? Hoeveel weet jy werklik van dit wat in jou kind se lewe aangaan? Ken jy regtig die leerder wat voor jou in die klaskamer sit? En dan die verwronge droom waarna Dewie strewe. Dat almal sy naam sal ken. Dat almal sal weet wie hy is. Dat hy onthou sal word. Die vraag bly staan – wie is te blameer? Was dit onbetrokke ouers?

’n Onderwysstelsel wat sy leerders en onderwysers faal? Was dit net ’n grappie wat te veel geraak het? Of was dit dalk jy, wat daar was, wat alles gesien het, en niks gedoen het nie. – Ilne Fourie, skrywer

In die drama Ken jy vir Dewie? word die gehoor bekend gestel aan Dewie de Jager. Die gehoor word ingenooi in Dewie se alledaagse lewe, sy psige, sy drome en sy waarnemings en denke. Hulle word sy woordelose klasmaats, voyeurs wat toekyk, wat deel is van sy seer, sy frustrasie, sy haat en sy woede. . . hulle weet. Hy is saam met hulle in die klas, hy sit agter hulle, langs hulle. . . maar niemand sê iets nie. Soos wat dit dikwels die geval is.

– Margit Meyer-Rödenbeck, regisseur

Monsters

EKSPERIMENTELE DRAMA

’n Toyota US Woordfees-produksie. Speelvak moontlik gemaak deur KKNK

MET Michele Burgers, Elton Landrew, Ntlanhla Kutu en René Cloete TEKS Niklas Rådström VERTALING Tinarie van Wyk Loots REGIE, VERVAARDIGER EN VERWERKING

Tinarie van Wyk Loots BELIGTINGSONTWERP Jaco Bouwer MUSIEK Pierre-Henri Wicomb VERHOOGBESTUURDER Llandi Beeslaar

Monsters is die transkripsie van ’n ondersoek. Twee tienjarige seuns word ondervra ná die verdwyning van die tweejarige James Bulger in 1993. Voor die vertoning begin, trek die akteurs lootjies om te bepaal wie watter rol lees. Dié rolle word om die beurt in ’n voorlesingstyl vertolk, met tekste wat aan die begin van elke toneel onder van die spelers uitgeruil word. Vrywillige gehoorlede word ook betrek om ’n stuk teks op die verhoog voor te lees. Michele Burgers (Die Manakwalanners en Vallei van sluiers) keer vir die eerste keer in jare terug na die verhoog.

AFRIKAANS, ENGELS EN XHOSA • GEEN O.13 OB, G • 75 MIN. R180 (VOORAF) • R160 (VRIENDE VAN DIE KKNK) • R200 (BY DIE DEUR)

ATKV-GRIESSELSAAL

27

Regisseursnota

Vir die stuk om tot sy volle reg te kom, word daar gevra dat enkele gehoorlede hulself bekend stel voor elke vertoning – mense om deel te neem wat voel hulle kan met selfvertroue ’n stukkie teks op die verhoog lees. Professionele individue is nie nodig nie, enigiemand is welkom.

Vrywillige gehoorlede word op ’n gegewe oomblik gevra om die verhoog te betree en voor te lees in Engels of Afrikaans, afhangend van wat hulle verkies. Geen spel of interpretasie word verwag nie, slegs dat die bladsy wat voorgelê word deur die individu gelees word. Daarna neem die gehoorlid weer hul plek in. Die oomblik word aangedui deur een van die akteurs wat die mikrofoon na die gehoor wys. Deelname aan die stuk deur dié wat toeskouers is, word ’n integrale deel van die kwessies wat getakel word, en die teater word dus ’n betrokke ruimte. –

Tinarie van Wyk Loots

Is jy bereid om van toeskouer te verander na iemand wat optree? En as jy bereid is om op te tree: Wat sal jou dade wees?

“Theatre is unique in that it gathers actors and audiences in the same room. There it establishes an agreement to enter a common fantasy, a common seriousness, and a common play. The theatre becomes the ideal democratic space where fantasy, the flight of thought and the willingness to enter into another person’s experience become the bond that links us. Theatre is a meeting place, not a place for competition or consumerism. Perhaps this is why I think that it is only in the theatre, that we can meet one another, to really talk about the unbearable.” – Niklas Rådström (2009)

Master Class

DRAMA

Oorspronklik aangebied in samewerking met Pieter Toerien Produksies

MET Sandra Prinsloo, Siphamandla Moyake, Alida Scheepers, Tylor Lamani, Fundiswa Mrali en José Dias TEKS Terrence McNally

REGIE EN BELIGTINGSONTWERP Magdalene

Minnaar MUSIEK Verskeie, onder leiding van José Dias STELONTWERP Maritha Visagie

KOSTUUMONTWERP Rabia Davids VERVAARDIGER

Kaapstad Opera

Sandra Prinsloo skitter in die rol van die operadiva Maria Callas tydens haar swanesang in die jare sewentig, die slotbedryf van haar lewe. Terrence McNally se Tony-bekroonde toneelstuk bevat musiek deur Giuseppe Verdi, Giacomo Puccini en Vincenzo Bellini en is in 2023 opgevoer om saam te val met die herdenking van Callas se geboorte 100 jaar gelede. Master Class is benoem vir drie Woordtrofees by die Toyota US Woordfees in 2023, waaronder beste produksie en Sandra Prinsloo is bekroon met die Woordtrofee vir beste vroulike speler.

ENGELS • GEEN O.13 OB, T • 150 MIN. (POUSE INGESLUIT)

R250 (VOORAF) • R225 (VRIENDE VAN DIE KKNK) • R275 (BY DIE DEUR)

SANW-OUDITORIUM

23 MAART 11:00 EN 15:00 •

24 MAART 10:00 EN 14:00

Monika, It’s Me

DEBUUT • DRAMA

Moontlik gemaak deur die NIHSS

MET Klara van Wyk REGIE Jenine Collocott TEKS Klara van Wyk en Jenine Collocott

KOSTUUMONTWERP Lieze van Tonder VERVAARDIGER Klara van Wyk

Maryna is ’n bedrewe Facebook Marketplace-verkoper, bekroonde honde-afrigter en nou ook die onwaarskynlike oppasser van Monika, wat binnekort die tydelike met die ewige gaan verwissel. Monika, ’n statige, voorstedelike huisvrou, is deur haar gesin agtergelaat (nou expats in Nieu-Seeland) en dit is net te vêr vir hulle om terug te keer om die huis op te pak. Hierdie solovertoning bied ’n komiese blik op die werklikhede van oudword, alleenwees en The Gentle Art of Swedish Death Cleaning.

AFRIKAANS EN ENGELS • GEEN O.13 T • 50 MIN. R140 (VOORAF) • R125 (VRIENDE VAN DIE KKNK) • R155 (BY DIE DEUR) BIBSAAL

23 MAART 17:30

• 24 MAART 10:00

25 MAART 13:30

• 26 MAART 17:30

•

My Fellow South Africans

KOMEDIE

Ontwikkel met die ondersteuning van die Kunstekaap en die Universiteit van Johannesburg

MET Kim Blanché Adonis TEKS EN REGIE Mike van Graan VERVAARDIGER MVG Productions

’n Versameling van verskeie sketse waarin satiriese kommentaar gelewer word, in die tradisie van die gewilde en bekroonde Pay Back the Curry, Bafana Republic en State Fracture. ’n Solovertoning met komedie, sang, digkuns, fisieke teater en karaktersketse wat skerp, kritiese kommentaar op hedendaagse Suid-Afrikaanse temas lewer. My Fellow South Africans is reeds meer as 100 keer in formele teaters opgevoer, maar ook by skole, in korporatiewe raadsale, hotelkonferensiesale, by aftreeoorde en selfs in mense se huise. Kim Blanché Adonis is bekroon met die Woordtrofee vir beste prestasie in ’n solovertoning (Toyota US Woordfees, 2023), die Independent Theatre-prys vir beste solovertoning en genomineer vir ’n Fleur du Cap-teaterprys.

ENGELS • GEEN O.16 T • 65 MIN. R150 (VOORAF) • R135 (VRIENDE VAN DIE KKNK) • R165 (BY DIE DEUR) ATKV-GRIESSELSAAL

29 MAART 19:00

31 MAART 13:30

MAART 10:00

Op die kruin van Shôdeville

DEBUUT • DRAMA

’n Ko-produksie tussen die KKNK en die Suidoosterfees, ondersteun deur die Johann Brink Trust, Jakes Gerwel Stigting, Son en NATi MET Kevin Smith, Reginald Hufkie en Donovan Pietersen TEKS Herschelle Benjamin en Reginald Hufkie REGIE Herschelle Benjamin MUSIEK Reginald Hufkie

VERHOOGBESTUURDER Zander Naudé

VERVAARDIGER Reimagine Theatre Co.

Marvin keer terug na sy tuisdorp, Schauderville, waar hy vir een dag ’n tydjie saam met sy ou race walking coach, Uncle Smithie, kan spandeer. Hy was jare laas “innie Shôde”, waar sy jonger broer, Malcolm, nog vasgevang is in die euwels van die gemeenskap. Hy en Uncle Smithie onthou die goeie ou dae van SA kampioenskappe en hoe ’n sport soos race walking deure vir hom oopgemaak het. Maar met elke geleentheid was daar baie opofferings. . . Waar Marvin sy drome in die vermaaklikheidsbedryf uitleef ná sy atletiekloopbaan, spook die verlede en sy broer se agteruitgang by hom. Wat gebeur as twee vervreemde broers weer ontmoet en die letsels van ’n gebroke huis tot erge nagevolge lei? Dié semioutobiografiese sportdrama vra hoe mens op die kruin van sukses jouself kan loswikkel uit die kloue van jou verlede.

AFRIKAANS • GEEN O.13 T • 70 MIN. R140 (VOORAF) •

R125 (VRIENDE VAN DIE KKNK) •

R155 (BY DIE DEUR)

VAN REEDESAAL

29 MAART 17:00 •

30 MAART 09:30 •

31 MAART 16:30

Op die hoek van Styx en River is Nora per abuis met die dood oorgeslaan

DEBUUT • SATIRE

’n Ko-produksie tussen die KKNK, Suidoosterfees, Momentum Beleggings Aardklop, Innibos en Vrystaat Kunstefees, ondersteun deur NATi

MET Sandra Prinsloo en David Viviers TEKS Henque Heymans

REGIE Toni Morkel VERVAARDIGERS Leftfoot Theatre Productions en die KKNK

Die hiernamaals is toe baie minder deftig as wat ons gedink het – verbeel jouself ’n staatsdepartement uit die 1970’s. Dis waar Nora haarself nou bevind. Die enigste probleem is, sy’s nooit dood nie en niemand wil haar glo nie. Sy besluit tog om hierdie kans aan te gryp om haar oorlede man in die anderkant van die dood te gaan soek en hom – met die hulp van ’n sjarmante gids – terug te bring huis toe.

AFRIKAANS • GEEN O.10 OB, D • 80 MIN. R230 (VOORAF) • R210 (VRIENDE VAN DIE KKNK) • R255 (BY DIE DEUR) SANW-OUDITORIUM

26 MAART 10:00 •

27 MAART 14:30 •

28 MAART 15:00 •

29 MAART 19:00 •

30 MAART 10:00

Teks voorgelê by die eerste Teksmark Joburg in 2023

Ouma is op pad

DEBUUT • KOMEDIE

MET Margit Meyer-Rödenbeck en Coenraad Rall (klavier) TEKS, REGIE EN MUSIEK Jurgen Human MUSIEKREGIE

Coenraad Rall VERVAARDIGER Arena Produksiehuis

Ouma kom van Garies en soos meeste mense van daardie wêreld, is sy ’n formidabele vrou. In die Knersvlakte word jy nie groot met luukshede soos doekies omdraai nie. Sy het al twee mans begrawe, maar haar bure vermoed die laaste een het net ingesluimer. Met dié dat haar kleindogter nou in die Stad werk en sy nou en dan moet gaan kuier, kom Ouma agter daar’s baie dinge wat sy nie ken nie. En “takt” is een van hulle.

AFRIKAANS • GEEN O.13 T • 70 MIN.

R170 (VOORAF) • R150 (VRIENDE VAN DIE KKNK) • R190 (BY DIE DEUR) KYKNET HOËRSKOOLSAAL

28 MAART 10:00 • 29 MAART 13:00 •

30 MAART 16:30

Reünie

DRAMAKOMEDIE

’n Innibos-produksie, ondersteun deur NATi MET Frank Opperman TEKS Dana Snyman REGIE EN BELIGTINGSONTWERP De Klerk Oelofse PRODUKSIEBESTUURDER Marie Vogts

Dit is dieselfde skoolsaal, maar 43 jaar later by die reünie van die 1980-matriekgroep. Adam Boshoff tree as verteller op, maar deur die loop van die aand kry verskeie klasmaats ’n beurt agter die mikrofoon om hul sê te sê. Lank terug het almal saam ’n tragedie beleef wat hulle nou vir die eerste keer regtig konfronteer. Dana Snyman en Frank Opperman snoer weer kragte saam – verwag dieselfde fyn spot, deernis en ’n tikkie nostalgie.

AFRIKAANS • GEEN O.13 T • 70 MIN.

R210 (VOORAF) • R190 (VRIENDE VAN DIE KKNK) • R230 (BY DIE DEUR)

KYKNET HOËRSKOOLSAAL

23 MAART 10:00 • 24 MAART 16:30

25 MAART 13:00

26 MAART 13:00

Patmos

DEBUUT • DRAMA

’n KKNK-produksie, ondersteun deur die Vrystaat Kunstefees. Moontlik gemaak deur NATi MET Tinarie van Wyk Loots, Marlo Minnaar, Eben Genis, René Cloete en Marelize Viljoen TEKS

Willem Anker REGIE EN ONTWERP Jaco Bouwer

POPPEMAKER Hansie Visagie POPPEREGISSEUR EN RAADGEWER Roshina Ratnam MUSIEK

Pierre-Henri Wicomb VERHOOGBESTUURDER Nell van der Merwe VERVAARDIGER KKNK

Die veelsydige skrywer en dramaturg Willem Anker keer ná tien jaar terug na die verhoog. ’n Klein dorpie met ’n sterrewag op die heuwel duskant ’n sluimerende vulkaan word getref deur ’n meteoriet. ’n Klein krater tussen die spekbome in die tuin. Die klippie sing wanneer jy daarop hamer. ’n Astronoom doen navorsing oor gravitasiekolke. Haar jong seun het ophou praat. ’n Komponis wat ’n klankbaan vir ’n wetenskapsfiksiefliek maak, hoor van die singende klip en kom loseer by hulle om die klanke van die landskap op te neem. Drie mense drywend in die kosmos probeer mekaar vind. Hoe maak jy musiek vir ’n ruimteskip? Wat gebeur wanneer jy oor daardie finale drempel van die gebeurtenishorison tree en in ’n gravitasiekolk ingly? Sedert Samsa-masjien het Anker se veelbekroonde romans Buys: ’n Grensroman en Skepsel verskyn.

AFRIKAANS • GEEN O.13 • 80 MIN.

R210 (VOORAF) • R190 (VRIENDE VAN DIE KKNK) • R230 (BY DIE DEUR) SANW-OUDITORIUM

25 MAART 13:00

Skrywersnota

’n Storie wat in die ruimte afspeel: In die dorre ooptes onder die son, die meteoriete, die sterre wat inplof en alles rondom hulle verslind.

Tot in die verskiet

Tot anderkant uit

Tot anderdag in

Die wentelbane van ’n man, ’n vrou en haar kind. ’n Vroeë titel van Patmos was Gebeurtenishorison (event horizon) – daardie rand van ’n gravitasiekolk (black hole) waar geen omdraaikans is nie. ’n Storie oor drie mense op ’n afgrond.

’n Aanhaling van die filosoof Emil Cioran: “ ’n Mens plant nie voort op Patmos nie.” Dit was miskien die wegspringplek. Op die Griekse eiland Patmos het Johannes die Bybelboek

Openbaring geskryf oor die eindtyd – en ’n nuwe begin. Die Patmos van hierdie verhaal lê nie aan ’n veraf kus nie, maar iewers veel nader. Die einde was nog altyd met ons. Hoe durf ons aangaan, oor begin?

As môre net soveel as gister spook, waarheen heen na nou toe? Gekwes en teer, versigtig, tas die drie mense na mekaar, na ’n vandag.

Spring in die gravitasiekolk

Ons sal nie vergeet word nie Iets van ons tussen ons en ander dinge

Sal behoue bly

So hoekom as wat hulle sê waar is Ander heelalle aan die anderkant Hoekom spring ons nie

– Willem Anker

Rooilug

DRAMA

MET Jefferson J. Dirks-Korkee TEKS, REGIE EN MUSIEKREGIE Jefferson J. Dirks-Korkee PRODUKSIEBESTUURDER

Karabelo Plaatjie VERHOOGBESTUURDER

Nathaniel Mabote VERVAARDIGERS

Opening Act NPC en Flipping the Scripts

Rooilug is ’n solovertoning wat sosiale kwessies takel en stories vertel van die uitwerking van huishoudelike geweld, die patriargie, die verkragtingskrisis en diskriminasie op gesinne binne kleiner gemeenskappe in Suid-Afrika. Met ’n kinderstem aan die woord en talle karakters wat vertolk word, is dit soms komies, soms hartseer. Jefferson J. Dirks-Korkee is in 2019 benoem vir ’n kykNET Fiësta vir Rooilug, asook ’n Woordtrofee van die Toyota US Woordfees vir beste produksie en beste akteur.

AFRIKAANS • GEEN O.13 OB, T • 60 MIN. R160 (VOORAF) • R145 (VRIENDE VAN DIE KKNK) • R175 (BY DIE DEUR) ATKV-GRIESSELSAAL

23 MAART 18:00 • 24 MAART 13:30 • 25 MAART 10:00

Routrip

DRAMAKOMEDIE

Ontwikkeling moontlik gemaak deur die Toyota US Woordfees en NATi

MET Elzabé Zietsman TEKS Johann Slabbert

REGIE Maralin Vanrenen KLANKBAAN Coenie de Villiers VERVAARDIGER Drama Drama

Ná ’n mislukte selfdoodpoging en drie weke in ’n psigiatriese kliniek, pak Helena haar karretjie met een tas klere en bokse vol familie-items wat sy haar lewe lank bymekaarmaak – van ’n lappieskombers tot ’n alsiende glasoog. Met niks om te verloor nie, begin haar tragikomiese reis deur die land om haar versameling uit te deel en finaal van mense afskeid te neem. Gewapen met humor, ignoreer sy die wanhoop en leef sy vreesloos, vry en, op die oog af, sorgeloos. Routrip is gebaseer op ’n ware verhaal en is benoem vir vir ’n Woordtrofee vir beste prestasie in ’n soloproduksie by die Toyota US Woordfees in 2023.

AFRIKAANS • GEEN O.13 OB, T • 90 MIN. R180 (VOORAF) • R160 (VRIENDE VAN DIE KKNK) • R200 (BY DIE DEUR) VAN REEDESAAL

23 MAART 15:00 • 24 MAART 13:00 • 25 MAART 16:00

See muur

DRAMA

’n Toyota US Woordfees-produksie

MET Conradie van Heerden

TEKS Simon Stephens REGIE

EN VERTALING Nico Scheepers

VERHOOGBESTUURDER Louw de Beer VERVAARDIGER NovieGuide

See muur is ’n aangrypende stuk oor die onverbiddelike krag van verlies en rou. Alex se lewe word verbrysel deur ’n tragedie wat afspeel teen die pragtige dog ongenadige agtergrond van die see. Dié fyn, emosionele vertelling neem jou op ’n hartverskeurende reis met oomblikke van onverwagte humor. ’n Spookagtige en onvergeetlike ervaring. “See muur is ’n emosionele reis. Daar word besin oor smart, die rouproses, die bestaan al dan nie van God, oor vriendskap, liefde en ouerskap. Die stuk kan gelees word as ’n eerlike verkenning van menswees en tot watter uiterstes smart jou kan dryf.” – Netwerk24

AFRIKAANS • GESIN OB, T • 45 MIN. R150 (VOORAF) • R135 (VRIENDE VAN DIE KKNK) • R165 (BY DIE DEUR)

BIBSAAL

27 MAART 12:00

29 MAART 10:00

• 28 MAART 17:30

•

• 30 MAART 15:00

Su’walla Kassam

FEESDEBUUT • KLUG

Speelvak ondersteun deur die Johann Brink Trust en Son. Oorspronklik ontwikkel vir die Première Teaterfees

MET Abigail Cuyler, Abigail Jones, Angelo Bergh, Keagon Cochrane, Mikyall Harris, Matthew Dragner, Sharfa du Plessis en Shaneeq Meniers TEKS Mikyall David Harris REGIE Tamia Thompson PRODUKSIEBESTUURDER Mikyall Harris STELONTWERP Andrew Jones VERHOOGBESTUURDER Erin Francis VERVAARDIGER Vlakkie Productions

Betree die Bo-Kaap se weergawe van Romeo en Juliet. Twee gesinne, verdeeld oor godsdiens. ’n Gedeelde geheim tussen ’n salige pa en ’n godvresende ma, wat dreig om te ontrafel te midde van maskavigesprekke en die verwagtinge van die imam se koms. Misleiding, liefde, begeerte en familie-onenigheid heers in hierdie komiese warrelwind, waar die ondenkbare ’n werklikheid word. Sal die familiebande sterk genoeg wees om die verliefdes van mekaar te skei, of sal trane die pad van beide families bevlek? Dit is ’n aangrypende verhaal, waar die lot aan ’n draadjie in die kleurvolle strate van die Bo-Kaap hang. Bekroon met drie pryse by die US-dramadepartement se Première Teaterfees: beste akteur in ’n ondersteunende rol, beste aktrise in ’n ondersteunende rol en beste tegniese prestasie (stel en kostuums).

AFRIKAANS EN ENGELS • GEEN O.13 T, S, N, D • 65 MIN. R120 (VOORAF) • R110 (VRIENDE VAN DIE KKNK) • R130 (BY DIE DEUR)

VAN REEDESAAL

25 MAART 09:30 • 27 MAART 13:00 • 28 MAART 09:30

The Old Man Who Thought He Had a Dog

TRAGIKOMEDIE

Speelvak ondersteun deur die Johann Brink Trust. Oorspronklik ontwikkel vir die Première Teaterfees MET Merwe van Gent en Angelique Filter TEKS, KLANKONTWERP EN VERVAARDIGER Angelique Filter REGIE Angelique Filter, in samewerking met Jeanne-Marié Koekemoer en Merwe van Gent KOSTUUMS Angelique Filter en JeanneMarié Koekemoer VERHOOGBESTUURDER

Jeanne-Marié Koekemoer

Vertrek op ’n skreeusnaakse, absurde treinreis saam met ’n knorrige ou man op sy soektog na bevryding van sy saai, melancholiese bestaan. Of raadpleeg dalk sy uitgeslape en betroubare metgesel – sy alomteenwoordige hond. Deel in sy ervarings met ’n spul wildvreemde, dog vaagweg bekende karakters, van die enigmatiese Franse treinkondukteur tot die verleidelike prostituut. In hierdie skaduwêreld word herinneringe, drome, begeertes en skimme byeengebring, en is daar weer ’n kans om lewe te blaas in dit wat verlore was. Maak jou reg vir ’n pelgrimstog vol humor, introspeksie en die buitengewone.

ENGELS • GEEN O.13 T • 55 MIN.

R120 (VOORAF) • R110 (VRIENDE VAN DIE KKNK) • R130 (BY DIE DEUR)

ATKV-GRIESSELSAAL

26 MAART 19:00 • 27 MAART 13:30 • 28 MAART 10:00

Trou Koek/Tert

KOMEDIE

MET Margo Kotze en Elmé Oosthuizen TEKS EN VERVAARDIGERS Margo Kotze en Kristin Pienaar REGIE EN STELONTWERP Kristin Pienaar BELIGTINGSONTWERP Stefan Benade

Lui die trouklokke of beier dit? Koek en Tert staan op die vooraand van die groot dag, elk in ’n spierwit rok. Dit is skoonma’s, kitchen teas, pampoenkoekies, blommerangskikkings en voorhuwelikse berading. Die lysies is nou afgemerk en die lewenspad is gekarteer. Is dit normaal om so warm te kry op ’n koel lenteaand? Daar is ’n klop aan die deur. Dis Adriaan. Twee trourokke, een bruidegom, maar net een bruid stap môre by die paadjie af. Trou Koek/Tert is ’n skerpsinnige verkenning van sosiale waardes rondom liefdesverhoudinge, die huwelik en verwagtinge.

AFRIKAANS • GEEN O.13 T • 50 MIN. R140 (VOORAF) • R125 (VRIENDE VAN DIE KKNK) • R155 (BY DIE DEUR)

BIBSAAL

27 MAART 17:30 • 28 MAART 13:30 • 29 MAART 17:30 • 30 MAART 12:30

Beste produksie, beste teks, beste regie en beste akteur in hoofrol Première Teaterfees, 2023

Vleis/Meat

DEBUUT • SATIRE  Ondersteun deur die KKNK

MET Des-Lee McKenzie TEKS Des-Lee McKenzie

Vleis/Meat gee jou al die post-pandemic vibes. Dis Amorè met haar TikTok lives en haar “get ready with me story times”. Sy is meer woke, maar steeds problematic. In die era van influencers en hul parasocial verhouding met hul aanhangers, gee dit ’n nuwe definisie aan die woord oversharing wanneer ons hoor van hul “dating horror stories”. Die radio het dalk grense, maar Vleis/Meat het geen. Vanaf BDSM tot alpha male podcasts, Vleis/Meat het iets vir almal om aan te kou. Die teks is ontwikkel as deel van die KKNK se Tekstmarkt-projek, ondersteun deur die Nederlandse ambassade in Suid-Afrika, die Performing Arts Fund NL, Dutch Culture en NATi.

AFRIKAANS EN ENGELS • GEEN O.16 T, V • 65 MIN. R140 (VOORAF) • R125 (VRIENDE VAN DIE KKNK) • R155 (BY DIE DEUR) BIBSAAL

23 MAART 13:30 • 24 MAART 17:30 • 25 MAART 10:00 • 26 MAART 13:30

Vuisvoos, maar nog regop: Suid-Afrika 2024

KOMEDIE

MET Marianne Thamm

Sluit aan by die ervare ondersoekende joernalis Marianne Thamm, adjunkredakteur van die Daily Maverick, vir ’n skreeusnaakse kaalvuisgesprek oor ons Suid-Afrikaanse demokrasie met al sy absurditeite. En maak gereed vir 2024 wanneer dinge net beter of dalk nóg vreemder kan word. Ook bekend as Round of Applause – South Africa Still Standing.

AFRIKAANS • GEEN O.16 • 60 MIN.

R175 (VOORAF) • R160 (VRIENDE VAN DIE KKNK) • R195 (BY DIE DEUR) ATKV-GRIESSELSAAL

26 MAART 13:30 • 27 MAART 19:00 • 28 MAART 13:30

© HANS MOOREN

© ROBERT MICHAEL EVANS

Veelhoek

DEBUUT • DRAMA

’n Ko-produksie tussen die KKNK, die Vrystaat Kunstefees en Momentum Beleggings Aardklop, moontlik gemaak deur NATi

MET Jana Cilliers en Ludwig Binge REGIE EN ONTWERP Marthinus Basson TEKS Jana

Cilliers PRODUKSIEBESTUURDER Anna Davel OORSPRONKLIKE MUSIEK David Wolfswinkel

BELIGTINGSONTWERP EN VERHOOGBESTUURDER Nicolaas de Jongh VERVAARDIGER KKNK

Barnard Gilliland se niggie Jana Cilliers hunker na ’n gesprek met hom. Sy onthou hom skaars. Sestig jaar gelede sterf hy op die vroeë ouderdom van 24. Hy was gereken as hoogs belowend. Kort ná sy dood verskyn sy debuutbundel, Veelhoek. Cilliers se poging om self te begin skryf, neem haar na haar neef se praatvers Skipbreukelinge met die refrein “en waar ek my voet wil sit, is water”. Sy merkwaardige uitdrukking as jong skrywer ervaar sy as skreiend eerlik binne sy tydsgees.

“Ek is in dié veelhoek van kragte vermiddelpunt, spartel in die spinnekopnet, met klewerige sy gespan oor die water.”

Gilliland se rou en verrassend vars uitroep na die sin van die lewe staan teenoor Cilliers wat hunker na iets soortgelyks binne ’n teaterkonteks. Haar begrip van sterflikheid as ouerwordende aktrise ontvou binne haar gesprek met hom oor die mens se veelhoekige bestaan hier op aarde. Sy ondersoek ’n bereidwilligheid en aanvaarding om op te hou lewe. Neef en niggie se gesprek speel uit verby tyd. Binne hul bloedlyn word ewewig bewerkstellig.

AFRIKAANS • GEEN O.13 OB • 60 MIN.

R200 (VOORAF) • R180 (VRIENDE VAN DIE KKNK) • R220 (BY DIE DEUR) VAN REEDESAAL

23 MAART 10:00

MAART 17:00

MAART 09:30

09:30

’n Prikkelende literêre ontmoeting was my kennismaking vroeër vanjaar met die jong skrywer Barnard Gilliland, wat op 24 Augustus so bedroewend in ’n motorongeluk dood is.

Drie eienskappe van Barnard Gilliland wat my getref het, was sy erns, sy geesdrif en sy nonkonformiteit. Sy erns was nie swaartillend of morbied nie: Dit was eerder die deurdagte erns van ’n jong soeker wat baie eerlik teenoor homself en die groot probleme van lewe en dood gestaan het. Hy was as mens nerveus en gespanne, maar sy geesdrif vir sy vak in al die teoretiese en praktiese aspekte daarvan was meevoerend. Hy het ’n gesonde afkeer van baie kenmerke van die “gevestigde orde” gehad: Dit het nie alleen uit sy hele lewenshouding geblyk nie, maar ook uit die vorm en inhoud van sy skryfwerk. In baie opsigte was hy die eerste “angry young man” van die Afrikaanse letterkunde.

Die lang gedig “Skipbreukelinge” is ’n getormenteerde soektog na die sin van die lewe; dit is tegelyk hartstogtelik en teer, uitdagend en weerloos . . .

’n brokkerige stuk worsteling met die taal, wat ná die eerste lees onvergeetlik bly.

– Ernst van Heerden, Die Burger (29 Augustus 1962)

TV-REEKS

Plan B

BEKENDSTELLING VAN TV-REEKS

MET Arnold Vosloo, Armand Aucamp, Tim Theron, Amalia Uys, Sobantu Nqayi, Wanda Banda, Rolanda Marais, Anrich Herbst, Dorette Potgieter en André Jacobs TEKS Tertius Kapp REGIE Jozua Malherbe

Woon die eksklusiewe bekendstellingsgeleentheid van kykNET se splinternuwe dramareeks Plan B, met Hollywood-akteur Arnold Vosloo as een van die vele bekendes in die reeks, by. Dié reeks, wat op die meestermisdaadskrywer Deon Meyer se karakters gegrond is, speel af in die wêreld van kunsdiefstal en swendelaars – mans wat weerlose vroue op soek na liefde met slinkse planne uitbuit. Plan B se draaiboek is geskryf deur die Hertzog-pryswenner Tertius Kapp.

AFRIKAANS • GEEN O.16 G • 120 MIN. R90 (VOORAF) • R80 (VRIENDE VAN DIE KKNK) • R100 (BY DIE DEUR)

ABSA BURGERSENTRUM

26 MAART 18:00

STAND-UP

Kekkelkliniek

DEBUUT • STAND-UP

MET onder andere Alfred Adriaan, Stuart Taylor, Conrad Koch en Lindy Johnson

’n Bietjie Engels, a little Afrikaans en sommer ’n hele klomp laughs! Enjoy a hilarious night out with a collection of South Africa’s top comedians all on one stage. If you’re up for a big laugh, then don’t miss Kekkelklinkiek, a KKNK Comedy Mash-up. Ons kon nie besluit of dit Afrikaans of Engels moes wees nie, toe meng ons maar die twee en gee vir jou Kekkelkliniek. Hierdie komediante bied die beste van Engelse en Afrikaanse humor! Hosted by the hilarious Alfred Adriaan who is a well-known social media comedy star and known for his shows across South Africa as well as internationally in Australia, London, New Zealand and New York. The show also includes comedy greats such as Stuart Taylor, Conrad Koch and Lindy Johnson. This line-up presents a celebration of SA’s diverse comedy scene and is a nonstop laughter fest!

AFRIKAANS EN ENGELS • GEEN O.13 OB • 90 MIN.

R130 (VOORAF) •

R115 (VRIENDE VAN DIE KKNK) •

R140 (BY DIE DEUR)

ABSA BURGERSENTRUM

27 MAART 20:00

Ambrose Uren:

African-ish – Hy ken die waarheid, maar hy sal dit dalk vergeet

STAND-UP

MET Ambrose Uren

Die Suid-Afrikaanse komediant Ambrose Uren deel sy unieke en omstrede storie in hierdie komedievertoning, vol onverwagse en lawwe kinkels. Hy vertel van sy bestuurslisensie wat hy ses keer gedop het tot sy lewe vandag in ’n karavaan, wat hy sy huis noem. Hy stuur deur sy pyn met humor en rou eerlikheid. Kom geniet die skreeusnaakse wyse waarop dié bekoorlike komediant sy eie Afrika-identiteit uitdaag, met skerpsinnigheid en boeiende storievertelling.

ENGELS MET AFRIKAANS • GEEN O.13 T • 60 MIN.

R100 (VOORAF) • R80 (VRIENDE VAN DIE KKNK) • R120 (BY DIE DEUR)

NETWERK24-FEESKAFEE

23 MAART 18:30 •

25 MAART 20:00 •

26 MAART 20:00

Conrad Koch:

Despicable HeHe – Die pop sal dans

STAND-UP

MET Conrad Koch

’n Wipwaentjierit met poppe en komedie wat soms gevaarlik snaaks is en wat jou gaan laat brul van die lag. Conrad Koch, Suid-Afrika se internasionaal bekende buikspreker, en Chester Missing, die einste uitgesproke pop wat jy al op televisie gesien het, gaan gehore vir ’n uur vermaak. Ou gunstelinge soos die hoërskoolonderwyser mnr. Dixon en die partytjie-volstruis Hilton maak ’n verskyning, saam met Gunter, die Duitse toergidsmuskiet, en die wêreld se gevaarlikste pop, Vampier Vladimir Putin. Jy gaan kraai van die lag wanneer ons jou beste vriend op die verhoog in ’n pratende hoender verander. Met die video’s op TikTok wat meer as ’n 100 miljoen keer gekyk is, is hierdie ’n vertoning wat jy nie kan misloop nie. “Frenzied hilarity” – The List (VK). “Brings the roof down” – The Independent (VK). “Hilarious” – Mail & Guardian. “Ventriloquism at its very best” – The Star.

ENGELS MET AFRIKAANS • GEEN O.13 T • 60 MIN. R100 (VOORAF) • R80 (VRIENDE VAN DIE KKNK) • R120 (BY DIE DEUR)

NETWERK24-FEESKAFEE

23 MAART 12:30 • 24 MAART 12:30 • 25 MAART 15:30 • 26 MAART 18:30

Dalin Oliver: 90 Day Comedian –Êrens, maar nêrens

STAND-UP

MET Dalin Oliver

Dalin Oliver bied in sy splinternuwe vertoning, 90 Day Comedian, ’n vars blik op die lewe in Suid-Afrika nadat hy meer tyd in die buiteland deurgebring het. Hy vier ons nasie en sy mense – ’n hutspot van diversiteit wat jy nêrens anders in die wêreld gaan vind nie. Oliver reken ons is soos ’n koekstruif gevul met lae en lae van egtheid en heerlike geure. Hy was op die verhoog te sien by die komediefees Fringe World 2024 in Perth met grappe slim verpak om verby doeane te kom en trefreëls wat harder slaan as die wisselkoers tussen die rand en die Australiese dollar. Sy vertoning het hier ’n Weekly-prys in die kategorie vir Beste Komedie gewen. Die debuut van die vertoning was in 2023 tydens sy toer van vyf stede Doer Onder, wat inwoners in Perth, Brisbane, die Goudkus, Sydney en Melbourne laat vra het vir meer. Hy het vol sale gelok met sy vertonings in die Kunstekaap in Kaapstad. Vind uit waarom ons so lief is vir Mzansi, al probeer die land letterlik daagliks om ons van ons krag te ontneem.

ENGELS MET AFRIKAANS • GEEN O.13 T • 60 MIN. R100 (VOORAF) • R80 (VRIENDE VAN DIE KKNK) • R120 (BY DIE DEUR) NETWERK24-FEESKAFEE

27 MAART 20:00 • 29 MAART 20:00 • 30 MAART 15:30 • 31 MAART 12:30

Dik deurmekaar

STAND-UP

MET Mel die Storieverteller TEKS EN VERVAARDIGER Melanie du Toit MUSIEK Wesley West OPERASIONELE BESTUURDER Ronald Welgemoed

Mel die Storieverteller is waarskynlik een van die grootste deurbraakkomediante van 2023. Van internetsensasie tot verhoogsensasie verras sy gehore en laat hulle lê van die lag. Dik deurmekaar is haar tweede komiese stuk wat die grense tussen stand-up en ’n verhalende eenvrouvertoning laat vervaag. Sy gesels en vertel van die eerste keer toe sy die sensasie van deurmekaargeit ervaar het in Juffrou Draak se klas en hoe sy die res van haar skooljare toe maar begin vrede maak het met die feit dat alles, veral matriekafskeide en haarstyle, ’n hengse deurmekaarspul is. Mel lewer ook haar komiese mening oor die onverstaanbare obsessie met visvang en ander mense se seksuele oriëntasies. Mel se stories slaan jou met die waarheid, maar dis ’n sagte hou, verbloem in interessante staaltjies en onverwagse kwinkslae.

AFRIKAANS • GEEN O.13 T • 60 MIN. R130 (VOORAF) • R110 (VRIENDE VAN DIE KKNK) • R150 (BY DIE DEUR) NETWERK24-FEESKAFEE

23 MAART 17:00 • 24 MAART 15:30 • 25 MAART 17:00

KG Mokgadi: Weighing In

STAND-UP

MET KG Mokgadi

Die veelbekroonde komediant Kagiso KG Mokgadi is vir die eerste keer by die KKNK te sien en hierdie optrede beloof om een te wees wat nog lank onthou gaan word. Hierdie swaargewig-komediant met sy trefseker-staaltjies is op pad na die fees met trefreël op trefreël en hy beloof om jou te laat skaterlag. Moenie die kans verspeel om Mokgadi by die KKNK te siene te kry nie.

ENGELS MET AFRIKAANS • GEEN O.13 T • 60 MIN.

R100 (VOORAF) • R80 (VRIENDE VAN DIE KKNK) • R120 (BY DIE DEUR) NETWERK24-FEESKAFEE

27 MAART 18:30 • 28 MAART 20:00 •

30 MAART 20:00 • 31 MAART 14:00

Kate Pinchuck & Lindy

Johnson: Frizz Pop – Krulkoppe

STAND-UP

MET Lindy Johnson en Kate Pinchuck

Die bekroonde komediante Lindy Johnson en Kate Pinchuck het nie minder Frizz of Pop nie, maar baie meer debietorders om jou van te vertel in hierdie splinternuwe komedieervaring. Frizz Pop is nou 30 jaar oud en is ’n bruisende mengelmoes waarin kwessies rondom belasting, die reuk van Deep Heat en die prys van kruideniersware op ’n skreeusnaakse manier getakel word. En hulle maak weer so in hul jongste vertoning (wat hulle nog nie geskryf het nie, maar hulle het baie vertroue in hulself).

ENGELS MET AFRIKAANS • GEEN O.13 T • 60 MIN. R100 (VOORAF) • R80 (VRIENDE VAN DIE KKNK) • R120 (BY DIE DEUR)

NETWERK24-FEESKAFEE

27 MAART 15:30 • 28 MAART 18:30 •

29 MAART 15:30 • 30 MAART 18:30

Marc Lottering:

So I Wrote That Musical

STAND-UP

MET Marc Lottering

So I Wrote That Musical, Marc Lottering se jongste stand-up-vertoning, het reeds in 2023 ’n baie suksesvolle en bekroonde nasionale toer gehad. Benewens die feit dat hy een van Suid-Afrika se topkomediante is, het hy ook reeds drie treffer-musiekblyspele geskryf, wat vir die rolverdeling betrokke tot verskeie benoemings vir teaterpryse gelei het, met Marc wat uiteindelik ’n Naledi-prys as beste akteur gewen het. In hierdie standup-vertoning besin hy oor die prosesse om tussen die wêrelde van stand-up en musiekblyspele te beweeg. En soos te wagte is, sal hy sy verregaande menings oor die waansin van die lewe in SuidAfrika vandag op ’n komiese en skerp manier daarby inwerk.

ENGELS MET AFRIKAANS • GEEN O.13 T • 60 MIN. R160 (VOORAF) • R150 (VRIENDE VAN DIE KKNK) • R190 (BY DIE DEUR)

KYKNET HOËRSKOOLSAAL

29 MAART 19:00

• 30 MAART 19:00

Stuart Taylor: Laughable

STAND-UP

MET Stuart Taylor

Stuart Taylor keer terug met sy kenmerkende kombinasie van skreeusnaakse stories en spitsvondige trefreëls in Laughable. Alles in sy lewe loop deur: Van sy wederhelfte tot sy kinders, van sy pogings om fiks te bly in sy veertigs tot om te probeer tred hou met die Jones’e (of die Jabulani’s of die Jaffers) in die voorstede. Jy gaan alles lagwekkend vind. Want in ’n wêreld vol verkeersknope, slaggate en beurtkrag is ons steeds daartoe in staat om te lag, want jy kan nie bekostig om jou humorsin te verloor nie. En Stuart staan gereed om die lagspiere by die KKNK in 2024 te kielie.

ENGELS MET AFRIKAANS • GEEN O.13 T • 60 MIN.

R100 (VOORAF) • R80 (VRIENDE VAN DIE KKNK) • R120 (BY DIE DEUR) NETWERK24-FEESKAFEE

23 MAART 15:30 • 24 MAART 20:00 •

25 MAART 18:30

Tollie Parton:

Hoe om oor jouself te kom

DRAG STAND-UP

Teksontwikkeling ondersteun deur die Toyota US Woordfees en NATi MET Wynand Kotze TEKS Wynand Kotze en Nico Scheepers MUSIEK Loki Rothman

Politiek – hoe moeilik kan dit wees? ’n Fopdosser in die parlement, is ons gereed? Kan ons oor onsself kom om dit moontlik te maak, of drink ons te veel pille? Hoe om oor jouself te kom is Tollie Parton se nuwe show, wat sy in samewerking met Nico Scheepers geskep het. ’n Humoristiese blik op die binnewerking van Tollie se brein en waarom sy besluit het om. . . ag, kom kyk. Tollie is nie vir fyngevoeliges nie. Haar skote is sterker as ooit en as jy braaf genoeg is om die uur deur te sit, wag daar ’n verrassing aan die einde. Jy weet? Ons almal soek mos ’n happy ending. En wie weet? Dalk het sy die oplossing? Dalk deel sy haar groot geheim. Snaaks en bietjie té eerlik!

AFRIKAANS • GEEN O.18 • 60 MIN.

R160 (VOORAF) • R135 (VRIENDE VAN DIE KKNK) •

R180 (BY DIE DEUR)

BANKETSAAL

24 MAART 20:00 • 25 MAART 20:00

Yaaseen Barnes:

Concentrate – A bietjie van (m)alles

STAND-UP

MET Yaaseen Barnes

’n Reeks idees, gedagtes en sketse uit die woelige kop van die multibekroonde komediant Yaaseen Barnes. In ’n tyd waarin ons elke oomblik van elke dag oorlaai word met nuwe inligting, is dit moeilik om op noodsaaklikhede te fokus. Voeg ADHD hierby en jy het vir seker ’n heerlike mengsel vir komiese chaos. Die wêreld is aan die brand – al wat ons kan doen, is om te lag.

ENGELS MET AFRIKAANS • GEEN O.13 T • 60 MIN.

R100 (VOORAF) • R80 (VRIENDE VAN DIE KKNK) • R120 (BY DIE DEUR) NETWERK24-FEESKAFEE

23 MAART 20:00 • 24 MAART 18:30 • 26 MAART 15:30

LUCKY PAKKIE

LUCKY PAKKIE

Ondersteun deur NATi

Lucky Pakkie-teater het iets vir almal se smaak. Dit werk nés die lucky packets waarmee jy grootgeword het – die inhoud is hoogs geheim. Ons het ver en wyd gesoek om vir jou ’n mengelmoeskardoes van alternatiewe teater en talent te bring. Kies uit drie Lucky Pakkies: Melkbaard, Sagtebaard of Hardebaard. Elke Lucky Pakkie bestaan uit vier vertonings van 15 minute elk. Kies jou vibe en vertrou ons met die res.

KULTUUR-GEKONSENTREERDE INSPIRASIE. GEBRUIK ELKE DAG VIR NEGE DAE.

MELKBAARD (NIE KINDERTEATER NIE, MAAR WEL GESINSVRIENDELIK) DAAGLIKS 11:00 • 70 MIN. • SAGTEBAARD (OUERBEGELEIDING WORD AANBEVEEL) DAAGLIKS 14:00 • 70 MIN. • HARDEBAARD (GEEN O.16) DAAGLIKS 17:00 • 70 MIN.

R115 (VOORAF) • R105 (VRIENDE VAN DIE KKNK) • R120 (BY DIE TENT) • R60 (KINDERS ONDER 13 VIR MELKBAARD)

HOEK VAN BARON VAN REEDE- EN ST JOHNSTRAAT

WELKOM BY DIE TWEEDE

KKNK JEUGKUNSTEFEES

Ervaar die kunste • Skuur skouer met bekendes • Maak nuwe vriende 25 TOT 27 MAART

’n Onvergeetlike kunste-avontuur van drie dae

Deelnemers by die eerste KKNK Jeugkunstefees in 2023 sê:

“Die KKNK se Jeugkunstefees wys vir ons dat ons ook hier kan staan as ons hard werk. En dat as ons dit kan droom, ons ons drome ’n werklikheid kan maak.”

“Ons kan nie genoeg dankie sê vir die geleentheid wat die KKNK Jeugkunstefees aan ons gebied het nie. Ons kinders het so baie geleer en soveel pret gehad (en baie nuwe vriende gemaak!). Ons sien uit daarna om die KKNK in 2024 by te woon!”

“Hierdie inisiatief deur die KKNK verseker dat leerders blootgestel word aan hoëgehalte-ervarings in die kunste, wat onderrig en leer in die klaskamer versterk. Deur die jeug aan die kunste bloot te stel, word jong gehore gekweek wat nie net sal reageer op die toekomstige artistieke en sosio-ekonomiese behoeftes van ons provinsie nie, maar ook die res van Suid-Afrika.” – Anina Lundie van die WKOD

My kuns. My kuur. Kuns maak harte heel.

Ondersteun deur die ATKV

In samewerking met die Wes-Kaapse onderwysdepartement

DANSTEATER

Joburg Ballet: SCARCITY

FEESDEBUUT • BALLET

Ondersteun deur die Johannesburg-metro, met die vervaardiging van Azul vir Joburg Ballet ondersteun deur die Nederlandse ambassade, Spaanse ambassade en die ministerie van kultuur van Rynland-Palts in Duitsland

MET Joburg Ballet CHOREOGRAFIE

Jorge Pérez Martinez, Dada Masilo en Hannah Ma

BELIGTINGSONTWERP Simon King en Berry Claassen PRODUKSIEBESTUURDER Vanessa Nicolau VERVAARDIGER Joburg Ballet

Joburg Ballet se SCARCITY is ’n opwindende trio van werke wat een SuidAfrikaanse première en twee wêreldpremières insluit. Skaarsheid is iets waaraan baie Suid-Afrikaners gewoond geraak het, hetsy weens ’n gebrek aan dienslewering in die stedelike konteks of ’n verlies aan waardigheid. Hierdie werke neem die sosiale konteks van ons lewens in oënskou en verken die gebrek aan natuurlike en materiële hulpbronne, asook die verlies aan geheue, aan identiteit en aan die self. Vir SCARCITY skep die Duitse choreograaf Hannah Ma The Void, terwyl die ikoniese Suid-Afrikaanse choreograaf en danser Dada Masilo haar eerste werk vir Joburg Ballet skep, naamlik Salomé, geïnspireer deur die teaterstuk deur Oscar Wilde. Die derde ballet is die eerste Suid-Afrikaanse opvoering van Azul deur Jorge Pérez Martínez – ’n Spaanse choreograaf wat in Nederland gebaseer is – getoonset op musiek vir klassieke kitaar.

NIE-VERBAAL • GESIN • 80 MIN. R250 (VOORAF) • R225 (VRIENDE VAN DIE KKNK) • R275 (BY DIE DEUR)

ABSA BURGERSENTRUM

27 MAART 11:00 • 28 MAART 10:00

Set in Motion

DANSTEATER

Ontwikkel met ondersteuning van die Kaapstad-metro MET Figure of 8 Dance Collective REGIE Grant van Ster CHOREOGRAFIE Figure of 8 Dance Collective

TEKSGREPE Nico Scheepers STEL- EN KOSTUUMONTWERP Carin Bester BELIGTINGSONTWERP Andi Colombo KLANKONTWERP Shaun Oelf OORSPRONKLIKE MUSIEK Franco Prinsloo PRODUKSIE- EN VERHOOGBESTUURDER Marie Vogts

Set in Motion ondersoek die lewe se onverwagse draaie en ompaaie, asook die uitwerking daarvan op ons. Daar word gespeel met oomblikke van pyn, verwarring, hoop en geluk. Dit kyk hoe die lewe ons in verskillende rigtings kan trek en soms kan kelder om ten volle te leef. “A body in motion will stay in motion, and a body at rest will stay at rest. Unless an external force changes something.” Daar is altyd interne en eksterne faktore betrokke in hoe ons die lewe benader – redes vir ons hartseer, vreugde, nostalgie of herinneringe. Baie mense voel nou oorweldig deur die lewe. Dié produksie ondersoek wat die lewe mooi maak en laat die gehoor die teater verlaat met nuwe insette oor die lewe en hul eie lewe. ’n Mens voel gereeld of die lewe buite beheer raak, maar as jy net vir ’n oomblik stil word en kalm kyk na wat aangaan, sal jy jou doel vind en tot ruste kom.

AFRIKAANS EN ENGELS • GESIN • 60 MIN. R140 (VOORAF) • R125 (VRIENDE VAN DIE KKNK) • R155 (BY DIE DEUR)

NATI-GIMSAAL

25 MAART 10:00 • 26 MAART 10:00

M ade f m

t h e S ou t h

M ade f r o m

t h e S ou t h

M ade f r o m

A fri c a n spi r it , si n c e d a y o n e

t h e S ou t h

A fri c a n spi r it , si n c e d a y o n e

A fri c a n spi r it , si n c e d a y o n e .

FOR ARTS AND CULTURE

FOR ARTS AND CULTURE

FOR ARTS AND CULTURE

IT’S W I TH I N

IT’S W I TH I N

IT’S W I TH I N

MUSIEK

Aanskou die mens

DEBUUT • KLASSIEKE MUSIEK, KONTEMPORÊRE MUSIEK, WOORDKUNS EN IMPROVISASIE

MET Winand Grundling (orrel) en Johann Nel (verteller) TEKS EN VERVAARDIGER Erns Grundling REGIE Winand Grundling

Winand Grundling, bekroonde orrelis en wenner van drie Kannapryse, improviseer op die orrel aan die hand van groot nuusgebeure in die geskiedenis, waaronder die Hindenburg-lugramp, die atoombomaanval op Hirosjima, die maanlanding, Nelson Mandela se vrylating, die Springbokke se eerste Wêreldbeker-oorwinning, die dood van prinses Diana, die gebeure van 9/11 en die Covid-19-pandemie. Die geliefde akteur en stemkunstenaar Johann Nel dra die destydse brekende nuus van die spesifieke gebeurtenis voor, waarna bekende temas op die orrel geïmproviseer word. Dié kombinasie sorg vir ’n intense en emosionele musiekreis deur ons onlangse geskiedenis.

AFRIKAANS • GESIN • 75 MIN. R200 (VOORAF) • R180 (VRIENDE VAN DIE KKNK) • R220 (BY DIE DEUR)

NGK PARK

29 MAART 17:00

Amanda Strydom: Hoe ons voel

MUSIEKTEATER

MET Amanda Strydom, Coenraad Rall (klavier) en Frank Freeman (kitaar) TEKS Amanda Strydom

REGIE Amanda Strydom en Saartjie Botha

MUSIEKREGIE Coenraad Rall MUSIEK Johannes Kerkorrel, Amanda Strydom en Koos du Plessis

VERVAARDIGER Amanda Strydom

Johannes Kerkorrel 22 jaar later. Nooit vergete. Amanda Strydom skryf ’n brief vir en bring hulde aan haar vriend Ralph Rabie. Ervaar sy bekende liedjies in ’n nuwe lig – die ander sy van ’n ikoon wat ons te vroeg verloor het. Pianis Coenraad Rall en kitaarmaestro Frank Freeman skilder saam met Strydom ’n musieklandskap vir hierdie aangrypende produksie. Amanda en Ralph, beter bekend as Johannes Kerkorrel, was vir 23 jaar lank vriende. In ’n persoonlike brief skryf Strydom aan Rabie en gedenk die 22ste jaar van sy dood. Hoe ons voel is benoem vir die Woordtrofee vir beste soloof duo-musiekuitvoering by die Toyota US Woordfees in 2023. Strydom het dié produksie in opdrag van die Universiteit Stellenbosch Musiekindaba geskryf.

AFRIKAANS • GEEN O.13 OB • 70 MIN. R250 (VOORAF) • R225 (VRIENDE VAN DIE KKNK) • R275 (BY DIE DEUR)

ABSA BURGERSENTRUM

28 MAART 19:00 • 30 MAART 14:00

Amanda Strydom: ’n Vuur gevang in glas

LITERÊRE KABARET

MET Amanda Strydom en Coenraad Rall (klavier) TEKS Hennie Aucamp en Amanda Strydom REGIE EN VERVAARDIGER Amanda Strydom MUSIEKREGIE Coenraad Rall

Amanda Strydom lewer met hierdie vertoning ’n kragtoer met die werke van haar mentor, Hennie Aucamp, die vader van Afrikaanse kabaret. Aucamp is op 20 Maart 2014 oorlede en hierdie vertoning is Strydom se eerbetoon aan haar meester tien jaar ná sy dood. Aucamp se liedtekste is getoonset deur Strydom en Lize Beekman en die gelyknamige album is in 1998 benoem vir ’n Sama-prys vir beste klankbaan vir ’n musiekblyspel. Strydom vertolk ook verskeie monoloë en liedjies uit Aucamp se pen – die resultaat: egte literêre kabaret.

AFRIKAANS • GEEN O.13 OB, T, S • 70 MIN. R250 (VOORAF) • R225 (VRIENDE VAN DIE KKNK) • R275 (BY DIE DEUR)

BANKETSAAL

27 MAART 19:00

• 29 MAART 15:30

André Schwartz: Any Dream Will Do – My pad met Webber

MUSIEKTEATER

MET André Schwartz, Mauritz Lotz (kitaar) en Dawid Boverhoff (klavier) TEKS André Schwartz

REGIE Matthew Counihan MUSIEKREGIE

Bryan Schimmel MUSIEK Andrew Lloyd

Webber STELONTWERP Dennis Hutchinson

VERVAARDIGER André Schwartz Marketing

Gestroop en rou. Waar begin en eindig drome? Wat doen jy as die kleure van jou lewensjas verander? Sedert Phantom of the Opera is daar ’n persepsie dat André Schwartz en Andrew Lloyd Webber kuiermaats is. Die storielyn is ’n vertelling wat hierdie wisselwerking deur musiek en gesprek ontgin. Lewenslesse word deur die musiekervarings gedeel. Liedjies soos “Any Dream Will Do”, “Love Changes Everything”, “You Must Love Me”, “Send in the Clowns”, “Music of the Night”, “Memory” en “Pie Jesu” is ingesluit.

AFRIKAANS • GESIN • 85 MIN.

R250 (VOORAF) • R225 (VRIENDE VAN DIE KKNK) • R275 (BY DIE DEUR)

ABSA BURGERSENTRUM

29 MAART 14:00 • 30 MAART 17:30

André

Terblanché

in konsert

KONTEMPORÊRE MUSIEK EN KABARET

MET André Terblanché en Winand Grundling (klavier) TEKS

André Terblanché REGIE André Terblanché en Winand Grundling VERVAARDIGER Prima Produksies

André Terblanché is ’n gevestigde akteur, sanger en kabaretkunstenaar wat onlangs opgetree het in David Kramer se Kanna-bekroonde musiekblyspel Ver in die wêreld Kittie. Winand Grundling begelei hom op klavier en saam neem dié twee vriende van 15 jaar die gehoor op ’n musikale reis wat oorspronklike musiek én vertolkings van bestaande treffers soos “Voshaarnooi” en “Meisie sonner sokkies” insluit. Die gehoor kan uitsien na uittreksels uit hul kabaret Ballade vir ’n backtrack, wat benoem is vir ’n Toyota US Woordfees Woordtrofee. Hulle het albei ’n natuurlike aanvoeling vir kabaret en ’n gedeelde humorsin, wat groot vermaak en verskeie lagbuie waarborg.

AFRIKAANS • GESIN • 65 MIN. R200 (VOORAF) • R180 (VRIENDE VAN DIE KKNK) • R220 (BY DIE DEUR) BANKETSAAL

30 MAART 18:30

Beste vriende sing Laurika

DEBUUT • KONTEMPORÊRE MUSIEK

MET Wouter van de Venter en Clinton Waring TEKS EN REGIE Anél Wood MUSIEKREGIE Wouter van de Venter en Clinton Waring MUSIEK van Laurika Rauch VERVAARDIGER Wouter van de Venter

Wouter van de Venter (van “As die hippies begin dans”- en “Beste vriende”-faam) met sy rasperstem en verstommende kitaarspel, en Clinton Waring (bekroonde pianis en begeleier) met sy fluweelstem en klavierspel, bied met hierdie musiek-ode ’n intieme openbaring van die mens en vriendin agter die ikoon Laurika Rauch, een van Suid-Afrika se mees geliefde sangeresse. Aangrypende nuwe verwerkings van treffers soos “Die gang” en “Op Blouberg se strand” beloof om ’n hoendervel-mooi ervaring te wees en fabelagtige weergawes van onder meer “Toemaar die donker man” en “My ou tante Koba” neem gehore op ’n herinneringsreis wat die hartsnare sal roer. In hierdie terugblik van Wouter en Clinton se sewe jaar van optredes saam met Laurika Rauch – van Rustenburg tot die Royal Albert Hall in Londen en van Worcester tot Wembley – word staaltjies en herinneringe van hul orkesjare saam vertel wat nog nooit tevore gehoor is nie. Gehore hoor ook meer oor waar en hoe die legendariese liedjieskrywer Christopher Torr met lirieke vorendag gekom het vir bekende liedjies soos “Stuur groete aan Mannetjies Roux”.

AFRIKAANS EN ENGELS • GESIN • 80 MIN. R180 (VOORAF) • R160 (VRIENDE VAN DIE KKNK) • R200 (BY DIE DEUR)

NATI-GIMSAAL

29 MAART 19:30 • 30 MAART 14:30

Blommetjie gedenk aan my

DEBUUT • KONTEMPORÊRE MUSIEK ’n KKNK-produksie MET Anton Goosen, Sonja Herholdt, Zolani Mahola, Lise Swart, Schalk Joubert, Illimar Neitz en Blake Hellaby (klavier)

Die tydlose liedjies van die Liedjieboer word weer opnuut waardeer in hierdie samewerking. Dis ’n ervaring wat ons neem van die begin waar Sonja Herholdt en Anton Goosen ontmoet het tot by sy nuutste samewerking met Zolani Mahola. Kom beleef en herleef die verhale en die liedjies saam met die Liedjieboer, drie formidabele vroue en drie topmusikante en vind uit wat hierdie ikoon volksbesit gemaak het.

AFRIKAANS EN ENGELS • GESIN • 80 MIN. R180 (VOORAF) • R160 (VRIENDE VAN DIE KKNK) • R200 (BY DIE DEUR)

ABSA BURGERSENTRUM

25 MAART 10:00 • 26 MAART 13:00

Die Liedjieboer, Anton Goosen

Iewers langs die pad in Anton Goosen se loopbaan van meer as 50 jaar, het hy die bynaam die Liedjieboer gekry. En dit is hy beslis. Sedert sy eerste album, Anton sing, in 1972 uitgereik is, het hy van die grootste liedjies in Afrikaans geskep. “Boy van die suburbs”, “Waterblommetjies”, “Jantjie”, “Byeboerwa”, “Straattroebadoere”, “Pampoene op die dak”, “ ’n Brief vir Simone” en “Geelperskereën”, om net ’n paar te noem.

Anton se liedjies is tydloos en vandat Sonja Herholdt in 1976 “Jantjie”, wat Anton as deel van ’n musiekblyspel geskryf het vir die skool waar hy ’n Afrikaansonderwyser was, opgeneem het, het verskeie ander kunstenaars sy werk opgeneem – onder andere Carike Keuzenkamp, Laurika Rauch en Theuns Jordaan. Sy liedjie “Dancer”, ’n duet met Lucky Dube, was dieselfde tyd as “Trompie” ’n treffer, wat ’n bewys is van Anton se veelsydigheid as liedjieskrywer.

Anton, die wenner van verskeie musiekpryse, het ook vererings vir sy rol in die Suid-Afrikaanse kultuurlandskap gekry, waaronder lewensbydrae-pryse van Huisgenoot Skouspel, Innibos, die FAK, die Samas en ’n plek in die Suid-Afrikaanse Galery van Legendes. Negentien van sy liedjies is in die FAK-sangbundel II opgeneem. – Ilza Roggeband

CH2: Spanish Fire

DEBUUT • KONTEMPORÊRE MUSIEK

MET Corneille Hutten en Christiaan Jacobsz MUSIEKREGIE Corneille Hutten en Christiaan Jacobsz VERVAARDIGER Audio Monster

Wat gebeur as jy Suid-Afrika se voorste kitaarduo en treffers soos “Vyfster”, “Volare”, “Insomnia”, “Billie Jean” en “Bamboléo” saamsmelt? Jy kry Spanish Fire! Die veelbekroonde CH2 is reeds vir dekades aan die voorpunt van virtuose kitaarspel en hou tans ’n wêreldrekord vir die vinnigste kitaarspel. Tydens hierdie optredes gaan hulle probeer om hul eie rekord op die verhoog te verbeter teen 1 000 kitaarslae per minuut. Gaan hulle dit regkry? Kry jou kaartjies en wees deel van hierdie vertoning vir die hele gesin, met ’n wêreldrekordpoging, skreeusnaakse stories uit CH2 se verskeie toere oor die wêreld heen en die bekendstelling van hul nuwe album, wat ook vir die Grammy-pryse ingeskryf gaan word.

AFRIKAANS EN ENGELS • GESIN • 70 MIN. R160 (VOORAF) • R145 (VRIENDE VAN DIE KKNK) • R175 (BY DIE DEUR) NATI-GIMSAAL

29 MAART 11:00 • 30 MAART 19:00

Die Bos Parade: Oorskiet-treffers

KABARET, SATIRE, KLASSIEKE EN VOLKSMUSIEK MET Graeme Lees (kitaar), Vasti ZeemanKnoesen (mezzosopraan), Brydon Bolton (kontrabas) en Dane Coetzee (tjello) VERWERKING, REGIE EN VERVAARDIGER Graeme Lees

Is jy moeg vir voorspelbare Afrikaanse poptreffers en oop vir iets nuut en verfrissend? Is jy lus om jouself te bederf met ’n kultureel-verrykende ervaring wat jou lank gaan bybly? Die Bos Parade, met die uiters bekwame musiekensemble Sybrandt Boerewors (kitaar), Wilma Koeksister (stem), Sersant (kontrabas) en Fransie Vermaak (tjello), beloof om jou op ’n musikale reis gevul met tongin-die-kies-parodieë, kataklismiese verwerkings en nostalgiese volkswysieverdraaiings te neem. Die befaamde Mariana Malan beskryf dié konsert as “eksperimenteel, maar weldeurdag. . ., met interessante en buitengewone akkoorde en sterk melodieë”. Gratis beskuit word ingesluit.

AFRIKAANS • GESIN • 80 MIN.

R180 (VOORAF) • R160 (VRIENDE VAN DIE KKNK) • R200 (BY DIE DEUR) BANKETSAAL

23 MAART 14:00 • 24 MAART 15:30

Drie van die bestes

KONTEMPORÊRE MUSIEK

MET Mathys Roets, Danie Niehaus, Germandt Geldenhuys en Jaconell Mouton (klavier) MUSIEKREGIE Jaconell Mouton

Drie van die bestes is ’n samekoms van drie kunstenaars, met drie uiteenlopende stemme en drie persoonlikhede in een produksie op die verhoog. Ondanks elkeen se uiteenlopende musiekstyl, van pop tot ballades en ligte klassieke musiek, is dit veral hul a capella- en samesang wat hulle ’n gedugte kombinasie maak. As solo-kunstenaars is elkeen in ’n klas van sy eie en elkeen ’n ster in eie reg. Gesamentlik maak hierdie drie kunstenaars al musiek vir meer as ’n eeu en saam met die bekende pianis Jaconell Mouton sorg hulle vir ’n ongelooflike musikale reis.

AFRIKAANS, ENGELS EN ITALIAANS • GESIN • 80 MIN.

R190 (VOORAF) • R170 (VRIENDE VAN DIE KKNK) • R220 (BY DIE DEUR) ABSA BURGERSENTRUM

30 MAART 10:00

Gestroop: Niël Rademan

KABARET

MET Niël Rademan VERVAARDIGER Niël Rademan Produksies

Niël Rademan sing Afrikaanse volksmusiek en ballades. Hy vervleg dit met Europese liedere en melodieë waarvoor hy bekend is. Dit is Afrikaans met ’n internasionale kabaretklub-klank soos lanklaas gehoor. Met klavier, trekklavier en mondfluitjie. Rademan het 20 jaar gelede gedebuteer met herinterpretasies van liedere soos “Sawends” deur Jan Pohl en ook die immergroen “Boereseun” van Danie Bosman. Vanjaar keer hy terug na sy wortels en voeg ’n reeks nuwe liedere, vertalings, sowel as musiek uit sy eie pen hierby. Gestroop is vars en opwindend. Word weggevoer op die maat van swing, die tango, die samba en selfs ’n setees. Hy sing, vertel stories van sy pad tot hier en begelei homself op klavier en trekklavier – soos jare gelede.

AFRIKAANS • GESIN • 60 MIN.

R220 (VOORAF) • R200 (VRIENDE VAN DIE KKNK) • R240 (BY DIE DEUR)

BANKETSAAL

27 MAART 10:00 • 28 MAART 14:30

© SJ VAN ZYL

9 TOT 11 AUGUSTUS 2024 | OUDTSHOORN Lees meer by klassique.co.za

Sien jou by die 15de Klein Karoo Klassique

Klassieke musiek, kuns, boeke, kos en wyn

Jak de Priester: Hartkamer

DEBUUT • KONTEMPORÊRE MUSIEK

MET Jak de Priester MUSIEKREGIE EN VERVAARDIGER Jak de Priester

Jak de Priester stel ná vier jaar ’n nuwe album, getiteld Hartkamer, bekend. Onder sy woonhuis in Somerset-Wes het hy sy studio omskep in ’n intieme, kreatiewe ruimte waar hy sy liedjies skryf en gereeld laatnag-gigs vir ’n gehoor van 20 mense aanbied. Vandaar die titel: Hartkamer. Hy stel sy nuwe album by die KKNK bekend en sing nuwe musiek, waaronder “Klein Saterdag”, “Hartenbos”, “Dit is lekker om te weet”, “In Somerset-Wes”, “Die trein”, “Kaalvoet Mona Lisa”, “Nothing Much to Lose” en vele meer.

AFRIKAANS • GESIN • 90 MIN.

R180 (VOORAF) • R160 (VRIENDE VAN DIE KKNK) • R200 (BY DIE DEUR)

BANKETSAAL

29 MAART 18:30 • 30 MAART 12:00 • 31 MAART 13:00

Jakkals en Berg: Bella Musica

KONTEMPORÊRE MUSIEK

MET Jakkie Louw en Charlize Berg TEKS EN MUSIEK Jakkie Louw en Charlize Berg

MUSIEKREGIE EN VERWERKING Jakkie Louw

VERVAARDIGER Jakkie Louw Produksies

Ná die jare lange sukses van Jakkie Louw en Kevin Leo se produksie Jakkals en Leo, is Jakkie Louw terug met nog ’n asemrowende produksie, dié keer saam met Charlize Berg. Charlize het immers jare gelede as ’n jong tienermeisie saam met Kevin en Jakkie “My Way” van Frank Sinatra gesing. Die kombinasie van hul stemme werk besonder goed vir van die mooiste Afrikaanse en Engelse duette met Charlize se suiwer stem en Jakkie se rasperstem. Sien uit na onder meer “Liedjie vir jou”, “Don’t Know Much”, “Islands in the Stream”, “Bella Musica” en verskeie ander oorspronklike werke. Reis saam deur hierdie pragtige musiek. Dit is ’n komiese en romantiese multimediakonsert, perfek vir die vrolike feesganger.

AFRIKAANS EN ENGELS • GESIN • 80 MIN. R230 (VOORAF) • R205 (VRIENDE VAN DIE KKNK) • R255 (BY DIE DEUR) BANKETSAAL

25 MAART 14:00 • 26 MAART 12:00

Kaapse kabaret met Leslie Kleinsmith en die Ramon Alexander Trio

KONTEMPORÊRE MUSIEK

MET Leslie Kleinsmith, Ramon Alexander, Dylan Tabisher en Annemie Nel TEKS, MUSIEKREGIE EN VERWERKING Ramon Alexander VERVAARDIGER A-Rex Music Initiatives

Leslie Kleinsmith is ’n gevestigde en geliefde kabaret- en jazzkunstenaar van Distrik Ses in Kaapstad. Nadat hy sy kuns verfyn het deur meesters soos Nat King Cole, Frank Sinatra en Sammy Davis Jr. in sy vroeë jare te bestudeer, het Kleinsmith uiteindelik ’n gevestigde stem in die Suid-Afrikaanse musieklandskap geword. Deur die jare het hy ook sy vaardigheid in verskeie musiekstyle bewys, waaronder populêre musiek, R&B en big band-swing. In Kaapse kabaret span Kleinsmith kragte saam met die bekroonde kontemporêre Kaapse jazzpianis en musikale regisseur Ramon Alexander en sy trio, om musiek te maak en stories te vertel van sy tyd saam met die legendariese pianis Tony Schilder, sy hoofrolle in treffer-musiekblyspele soos die ghoema-musiekblyspel District Six en Guys and Dolls. Kom luister na die musiek wat gereeld oor die Kaapstadradiogolwe gehoor word en beleef vir Kleinsmith, wat steeds gehore vermaak waar ook al hy sing.

AFRIKAANS EN ENGELS • GESIN • 75 MIN.

R180 (VOORAF) • R160 (VRIENDE VAN DIE KKNK) • R200 (BY DIE DEUR) BANKETSAAL

28 MAART 11:30

Margaretastraat:

Jannie du Toit

KONTEMPORÊRE MUSIEK

MET Jannie du Toit en Chanie Jonker MUSIEKREGIE Jannie du Toit VERVAARDIGER JNS Musiek

In hierdie produksie vertel Jannie du Toit van “liedjie-aande” in 1981 en 1982 by sy huis in Margaretastraat 28, Pretoria. Dit het legendaries geword en ’n belangrike rol in die Musiek en Liriekbeweging gespeel. Digter-sangers soos Koos du Plessis, Coenie de Villiers, Lucas Maree en Jannie du Toit het aspirantskrywers en -sangers geïnspireer met Afrikaanse musiek wat herinner het aan die folk-musiek van die jare sestig. Daar was geen toegangsgeld nie en meeste van die sangers en gehoorlede het sommer op die vloer gesit. Lucas Maree het later vertel hoe hy tydens ’n liedjie-aand besluit het om in Afrikaans te begin skryf. Die musiek en verhale van ’n tiental sonderlinge liedjiemakers word ingesluit.

AFRIKAANS • GESIN • 80 MIN. R180 (VOORAF) • R160 (VRIENDE VAN DIE KKNK) • R200 (BY DIE DEUR) BANKETSAAL

25 MAART 17:00 • 26 MAART 16:30

Mathys Roets en Anna Davel in konsert

KONTEMPORÊRE MUSIEK

MET Anna Davel, Mathys Roets en Jaconell Mouton (klavier) MUSIEKREGIE Jaconell Mouton VERVAARDIGERS Anna Davel en Mathys Roets

Mathys Roets en Anna Davel het 20 jaar gelede vir die eerste keer saam opgetree tydens die opname van Mathys se DVD Vrydag die 13de. Hulle bring nou van hul mooiste liedjies byeen in een lekker saamkuier-show met stories van treine, verlore liefde, nostalgie en blou oseane. Daar word natuurlik ’n heel nuwe kleur aan die oorspronklike Afrikaanse musiek van elkeen se onderskeie albums gegee, onder meer “Fluister”, “Te lank al”, “In my lewe” en “Die gypsy in jou oë”. Meer bekende liedjies word verwerk as duette en die gehoor kan uitsien na die warm klanke van Mathys se diep stem saam met Anna se meer liriese aanslag in die musiek van onder andere Roger Whittaker, Koos Kombuis, Vaya Con Dios, Coenie de Villiers, Leonard Cohen, Neil Diamond en Lucas Maree.

AFRIKAANS EN ENGELS • GESIN • 75 MIN.

R200 (VOORAF) • R180 (VRIENDE VAN DIE KKNK) • R220 (BY DIE DEUR) BANKETSAAL

29 MAART 12:00 • 30 MAART 15:30 •

31 MAART 10:00

Nataniël: Nineveh Song

KONTEMPORÊRE MUSIEK

MET Nataniël, Nicolaas Swart, Dihan Slabbert, Leon Gropp en Marcel Dednam

KOSTUUMONTWERP Floris Louw

Van Mesopotamië tot Mariah, die liefdeslied was nog altyd die kern van populêre musiek. Historici en musikante is reeds dekades besig om die verlore musiek uit ou beskawings na te vors en te herskep. Nataniël het gaan luister en leer en die resultaat is sy nuutste skepping, Nineveh Song, ’n versameling liedere van die begin van die beskawing tot 2024 se eerste treffers. Intiem, romanties, akoesties, nuut!

AFRIKAANS EN ENGELS • GEEN O.16 • 80 MIN. R280 (VOORAF) • R260 (VRIENDE VAN DIE KKNK) • R300 (BY DIE DEUR)

ABSA BURGERSENTRUM

31 MAART 14:00

Nineveh Song

RAAF

KONTEMPORÊRE MUSIEK

MET Lourens en Esté Raaf

RAAF: ’n Fees van hulle nuutste musiek, lirieke, digkuns en daardie kenmerkende energie wat jou lank na hierdie vertoning geïnspireer gaan laat om vol en kleurvol te lewe. Hul genre kan nie tot een woord beperk word nie. Hul lirieke vertel stories van ons diepste menswees en hul musikaliteit en energie het gehore as lewensveranderend beskryf. Lourens en Esté RAAF doen die lewe anders –elke dag is ’n avontuur, elke oomblik ’n geleentheid. Met dié vooruitsig bring hulle die musiek van die splinternuwe Prediker-album, asook van die ou gunstelinge na die KKNK. Met die verhoog vol instrumente en ’n skatkis vol stories, beloof dit om ’n optrede te wees wat jy nie wil misloop nie. Klim op die RAAF-tuig vir ’n reis van musiek wat jou gaan laat lag, huil en beslis gaan lus maak vir ’n partytjie – ’n musiekervaring wat jy nooit gaan vergeet nie!

AFRIKAANS EN ENGELS • GESIN • 80 MIN. R180 (VOORAF) • R160 (VRIENDE VAN DIE KKNK) • R200 (BY DIE DEUR)

BANKETSAAL

24 MAART 12:00 • 25 MAART 11:00

Stef Bos: Bijna 30 jaar later

DEBUUT • KONTEMPORÊRE MUSIEK

MET Stef Bos TEKS EN REGIE Stef Bos VERVAARDIGER Vuurvlieg CC

Stef Bos was byna 30 jaar gelede vir die eerste keer op Oudtshoorn. Uit die staanspoor het dié Nederlandse sanger-liedjieskrywer plaaslike gehore oorrompel met sy liedjies, sang en stories. Nes in die Lae Lande was “Papa”, van sy debuutalbum Is dit nu later, ook in Suid-Afrika besonder gewild. Sy SuidAfrikaanse bande het hy verder uitgebou met samewerking met kunstenaars soos Johannes Kerkorrel, Thandi Klaasen, Amanda Strydom, Koos Kombuis en Louis Mhlanga. Hy het verlief geraak op Afrikaklanke, het vir jare al ’n tuiste in Suid-Afrika en van sy liedjies is geskryf in “Bos-taal”, soos hy al in ’n onderhoud daarna verwys het – iets tussen Nederlands en Afrikaans. Hy skep nog onophoudelik en toer gereeld, maar was lanklaas op die verhoog in Oudtshoorn. Bitterlief is die jongste van tientalle albums wat hy al uitgereik het. Hy neem die gehoor met stories en musiek op reis deur hierdie tyd in sy lewe en sy verhouding met Suid-Afrika.

AFRIKAANS • GESIN • 80 MIN. R200 (VOORAF) • R185 (VRIENDE VAN DIE KKNK) • R220 (BY DIE DEUR)

ABSA BURGERSENTRUM

26 MAART 10:00 • 27 MAART 14:00

Soweto String Quartet

KONTEMPORÊRE MUSIEK

MET Sandile Khemese (viool), Thamsanqa David Khemese (viool), Makhosini Meshack Mnguni (altviool) en Bongani Kunene (tjello) MUSIEKREGIE

Sandile Khemese

Die bekroonde Soweto String Quartet maak ’n draai by die KKNK. Hulle is veral bekend vir hul vreugdevolle vermenging van klassieke en Afrikaklanke. Dit gaan moeite verg om stil te sit... Dié groep het onlangs begin om ’n omvattende dokumentêr oor die lewe van die ontslape tjellis en medestigter van die groep, Reuben Khemese, saam te stel.

ENGELS • GESIN • 40 MIN.

R180 (VOORAF) • R160 (VRIENDE VAN DIE KKNK) • R200 (BY DIE DEUR)

BANKETSAAL

26 MAART 14:30 • 27 MAART 15:30

Spierwit blues en Hennie Aucamp se dagboeke

MUSIEKTEATER

MET Albert de Vos (sang en kitaar) en Izak de Vries (voorleser) TEKS Hennie Aucamp MUSIEK EN VERVAARDIGER Albert de Vos

Albert de Vos sing sy oorspronklike musiek en Izak de Vries dra gedeeltes uit Hennie Aucamp se dagboeke voor. Een van die liedtekste handel oor die KKNK.

AFRIKAANS • GESIN OB • 60 MIN. R160 (VOORAF) • R145 (VRIENDE VAN DIE KKNK) • R175 (BY DIE DEUR)

BIBSAAL

30 MAART 10:00 • 31 MAART 12:00

© HANS VAN DER VEEN

DEBUUT • MUSIEKTEATER

’n KKNK-produksie, moontlik gemaak deur NATi, ondersteun deur Homebrew Films, Netwerk24 en RSG

MET Anrich Herbst, Eldon van der Merwe, Daneel van der Walt en Nelandi Boshoff

MUSIKANTE Mauritz Lotz en Blake Hellaby TEKS Deon Meyer MUSIEK EN MUSIEKREGIE

Coenie de Villiers REGIE Nicole Holm STEL-, AV- EN BELIGTINGSONTWERP Stefan Benadé VERHOOGBESTUURDER Mariska Meyer KOSTUUMONTWERP EN ASSISTENTVERHOOGBESTUURDER Cole Wessels PRODUKSIEBESTUURDER Jaco van Rensburg TEGNIESE ADVISEUR Pieter-Jan Kapp VERVAARDIGERS KKNK, in samewerking met Coenie de Villiers en Deon Meyer

Dis ’n storie oor die kollig, dis ’n storie oor groot roem. Patrys wil dit hê. Haar pa wil dit verdoem.

Deon Meyer en Coenie de Villiers keer ná hul sensasionele Karoo Suitevertonings terug met die verhaal van ’n man en sy musiek – en die hersenskim van roem, soos net hierdie twee meesters kán. Van die land se heel beste akteurs en musikante werk saam op die verhoog, met ’n verhaal wat in die Karoo wegspring en uitspeel in die glans van die grootstad se liggies.

AFRIKAANS • GESIN • 90 MIN. R220 (VOORAF) • R200 (VRIENDE VAN DIE KKNK) • R240 (BY DIE DEUR) ABSA BURGERSENTRUM

Deon Meyer is gewoon ’n meesterstorieverteller. En dís ook die geheim van ’n musiekspel: Ja, jy het ’n paar goeie liedere nodig, maar die storie is die heel belangrikste element vir so ’n onderneming. Roem is nóg ’n voorbeeld van sy verhaal- en woordvernuf. Boonop verstaan Deon hoe musiek werk en dit maak dit veel makliker vir ’n toonsetter om note by die woorde te voeg. Ons werk reeds jare lank saam en dis altyd ’n plesier. Ons verstaan mekaar se werkswyse, vertrou mekaar se integriteit en leer nuwe dinge as skeppende reisgenote. Die feit dat Deon ingewillig het om die pad saam aan te pak, is ’n voorreg en gewoon lekker. Die bonus is om met ’n wonderlike produksiespan en talentvolle spelers te kan saamwerk. Ons hoop gehore deel ons vreugde in hierdie nuwe projek! – Coenie de Villiers, komponis

Toe Coenie de Villiers in November 2022 met sy gewone ouwêreldse hoflikheid vra of ek nie dalk sou oorweeg om ’n musiekblyspel saam met hom aan te pak nie, het dit my ’n hele tien sekondes geneem om “ja” te sê.

Waarom? Want ek het met die ontwikkeling en uitvoering van ons twee Karoo-Suitekonsertseisoene geleer dat die vreugde van waag en skep buite jou gemaksone veel groter is as die vrees vir mislukking.

En om met Coenie saam te werk, is maklik én lekker. Daar is geen ego’s teenwoordig nie, net geesdrif, eerlikheid en wedersydse vertroue. En ek was boonop nog altyd versot op die musiekblyspel as ’n storie-werktuig. Ek het immers grootgeword in die era van The Sound of Music, Paint Your Wagon, Camelot en die weergalose My Fair Lady.

As teksskrywer was die grootste uitdaging om ’n verhaal te skep wat groot genoeg is om gehore se verbeelding aan te gryp, op ’n skaal wat die beperkinge van tyd, verhoogruimte en begroting in ag moes neem.

En waar kom die storie vandaan? Sewentien jaar gelede het ek vir my speurroman 13 Uur baie navorsing gedoen oor die Afrikaanse musiekbedryf, deur met onder meer musieksterre oor hul pad na die kollig te gesels. Die saadjie vir Roem is al destyds geplant. – Deon Meyer, skrywer

Tweeluik

DEBUUT • MUSIEKTEATER

MET Chanette Paul, Jan van Tonder, Alzanley en Petronel Baard TEKS Chanette Paul en Jan van Tonder MUSIEKREGIE Petronel Baard VERHOOGBESTUURDER Alta Scott VERVAARDIGER Lang Vrou Produksies

Petronel Baard, gevierde musikant en sanger, span kragte saam met skrywers Chanette Paul en Jan van Tonder vir ’n lieflike woordkunsen-musiekaanbieding. Voorlesings en staaltjies word geëggo met musiek wat die skrywers geïnspireer het in hul proses, of wat slim aansluit by verskeie temas uit hul boeke. ’n Musikale kyk agter die skerms na die verhale van boeke soos Murasie, die Vywervrou-trilogie, Sagie, Die verevrou en meer uit die skrywers se penne. Tesame met die talent van Alzanley, ’n ATKV-Crescendo-finalis van 2022, spog Tweeluik met twee skrywers en twee sangers wat kragte saamsnoer vir ’n besonderse boek-en-musiekreis, spesiaal vir die KKNK in 2024.

AFRIKAANS EN ENGELS • OB • 90 MIN.

R160 (VOORAF) • R145 (VRIENDE VAN DIE KKNK) • R175 (BY DIE DEUR)

BANKETSAAL

23 MAART 18:00 • 26 MAART 20:00

Vier Panado’s en ’n Chardonnay

DEBUUT • KABARET

Speelvak ondersteun deur NATi MET Elzabé Zietsman en Tony Bentel TEKS EN REGIE Johann Slabbert MUSIEKREGIE Tony Bentel VERVAARDIGER Drama Drama

In hierdie kabaret, ook bekend as Ek het al so baie my *** gesien, ek is bang vir ***** , vier Elzabé Zietsman haar en haar mede-SuidAfrikaners se veerkragtigheid. As ons val, staan ons op. As die mat onder ons uitgeruk word, maak ons bollemakiesies en land op ons voete. As die wêreld om ons verander, pas ons aan. En as die wêreld om ons heeltemal uitmekaar val, drink mamma vier Panado’s en ’n glas Chardonnay en pappa steek die vuur aan. Môre probeer ons weer.

AFRIKAANS • GEEN O.16 T • 65 MIN. R180 (VOORAF) • R160 (VRIENDE VAN DIE KKNK) • R200 (BY DIE DEUR) BANKETSAAL

26 MAART 10:00 • 27 MAART 12:30 • 28 MAART 17:30

Zolani en Dozi: Die kort en die lank

DEBUUT • KONTEMPORÊRE MUSIEK

MET Zolani Mahola (The One Who Sings) en Dozi

Zolani Mahola (deesdae bekend as The One Who Sings) en Dozi deel vir die eerste keer die verhoog vir twee intieme optredes met volksmusiek en stories in hierdie unieke samewerking tussen twee geliefde Suid-Afrikaanse musikante. Zolani het in 2002 die aandag getrek en Suid-Afrikaners oorrompel as die sangeres van die groep Freshlyground. In 2019 het sy haar vlerke as sanger-liedjieskrywer gesprei en ’n solo-loopbaan aangepak. Sy is ook bekend vir haar suksesvolle samewerking met talle kunstenaars, ingesluit Karen Zoid, en haar jongste samewerking beloof om iets besonders te wees. Dozi, bekend vir enigiets van “Ou ryperd” tot sy vertolking van verskeie Zoeloe-liedjies, sal vir die eerste keer in tien jaar weer op toer wees, met hierdie samewerkingskonsert wat beloof om iets uitsonderlik te wees. Moet dit nie misloop nie!

AFRIKAANS, ENGELS, ZOELOE EN XHOSA • GESIN • 75 MIN.

R250 (VOORAF) • R220 (VRIENDE VAN DIE KKNK) • R260 (BY DIE DEUR)

ABSA BURGERSENTRUM

23 MAART 20:00 • 24 MAART 10:00

LAATNAG

KONTEMPORÊRE MUSIEK

MET verskeie verrassings en optredes deur gaskunstenaars Laatnag, die KKNK se laataand-kuierplek, het net die regte brousels om jou feesdag mee af te sluit. Musiekmoetie, dansdoepa, proesstroop, ’n koppie klets, Karoolug en selfs ’n groen ambulans wanneer dit nodig is – dit alles en meer wag hier op jou. Geniet die lewendige musiek deur verskeie bekende musikante en kuier saam tot in die oggendure in.

Inkomste uit kaartjieverkope by Laatnag is ten bate van die Teaterbystandsfonds. Dié fonds is die enigste hulpfonds vir die uitvoerende kunste en vermaaklikheidsbedryf in Suid-Afrika en bestaan sedert 1962.

VERSKEIE • GESIN • 60 MIN. DONASIE TEN BATE VAN DIE TBF NETWERK24-FEESKAFEE

DAAGLIKS VANAF 21:00

FEESMARK

WELKOM BY DIE FEESMARK!

Hier gaan jy ’n kuur vir elke kwaal vind! Van vroegoggend tot laataand word baie doendinge vir die hele gesin aangebied, met hope om te sien, te hoor, te beleef, te proe, te ruik en te ervaar.

Feesmark-verhoog

Ondersteun deur Huisgenoot en Castle Lager

Musiek vir jeukvoete is volop met ’n keur van Suid-Afrika se gunstelinge op die musiekverhoog. Kom sing en dans saam van roegmiddag tot laataand.

HOEVEEL KOS KAARTJIES?

Dagkaartjies

Koop vooraf en bespaar R80 (VOLWASSENES VIR 23 TOT 30 MAART) • R50 (VOLWASSENES VIR 31 MAART)

Weekkaartjies

Koop tussen 15 en 22 Maart R100 (VOLWASSENES VIR 23 TOT 30 MAART) • R60 (VOLWASSENES VIR 31 MAART)

R490 VIR ´N FEESKAARTJIE (VIR TOEGANG OP AL NEGE DAE)

Koop vanaf 23 Maart R120 (VOLWASSENES VIR 23 TOT 30 MAART) • R70 (VOLWASSENES VIR 31 MAART)

Die Feesmark is geleë in die area rondom die De Jager-sportsentrum in Voortrekkerweg 23 tot 30 Maart 10:00 tot laat • 31 Maart 10:00 tot 17:00

FEESMARK-VERHOOGPROGRAM

SATERDAG 23 MAART

SONDAG 24 MAART

MAANDAG 25 MAART

Janine Fourie (12:00), Paul Amas & band (13:30), Alistair Izobell (15:00), Lisie Basson (16:30), Jay (18:00), Elandré (19:30), Die Heuwels Fantasties (21:00) en ’n DJ (vanaf 22:30).

Prerogative Live Band (12:00), Michael Lindt (13:30), West (15:00), Congo Cowboys (16:30), Brendan Peyper (18:00), Ricus Nel (19:30), Appel (21:00) en ’n DJ (vanaf 22:30).

Granville Michaels (12:00), Desmond Wells (13:30), Kurt Darren (15:00), The Rockettz New Generation (16:30), Karlien van Jaarsveld (18:00), Early B (19:30) en ’n DJ (vanaf 21:00).

DINSDAG 26 MAART

WOENSDAG 27 MAART

DONDERDAG 28 MAART

Hoërskool Outeniqua Jazz Band (12:00), Rubber Johnny (13:30), Tino (15:00), Barto (16:30), Die Piesangskille (18:00), Spoegwolf (19:30) en ’n DJ (vanaf 21:00).

Zurilda (12:00), Naaim (13:30), Crushanda (15:00), Eloff (16:30), Jarrad Ricketts (18:00), Dodo Nyoka (19:30), Juanita du Plessis (21:00) en ’n DJ (vanaf 22:30).

Byron Minnie (12:00), Reborne Band (13:30), Wicus van der Merwe (15:00), Refentse (16:30), Bobby van Jaarsveld (18:00), Ouma Sarie en DJ Slide (19:30), Brandon Leigh’s Big Mix (21:00) en Busiswa (22:30).

VRYDAG 29 MAART

SATERDAG 30 MAART

SONDAG 31 MAART

Bruin Biskuit (12:00), Paul Amas en band (13:30), Marissa (15:00), Vuvu Kumalo (16:30), Samantha Leonard (18:00), Demi Lee Moore (19:30), Riaan Benadé (21:00) en ’n DJ (vanaf 22:30).

Tino (12:00), Bruin Biskuit (13:30), Ray Dylan (15:00), Chris Steyn (16:30), Sunset Sweatshop (18:00), Francois van Coke (19:30), YoungstaCPT (21:00) en ’n DJ (vanaf 22:30).

Michael Lindt & band (11:00), Gugulethu Tenors (12:30), Jannie Moolman (14:00) en Jonathan Rubain (15:30).

Ondersteun deur Son

HOEVEEL KOS KAARTJIES?

Kaartjies vir kinders

R30

KLEIN KKNK-TEATER

Familieteater en -vermaak het ’n nuwe tuiste in die Feesmark! Ure se vermaak wag by die Klein KKNK-teater op kinders en hul ouers in dié spesiale, goed toegeruste teatertent. Toegang is gratis vir Feesmarkkaartjiehouers, maar plek in die teater is beperk. Sien uit na kinderteaterproduksies, boekvoorlesings, poppekas, speletjies en meer.

Die Feesmark is geleë in die area rondom die De Jager-sportsentrum in Voortrekkerweg 23 tot 30 Maart 10:00 tot laat • 31 Maart 10:00 tot 17:00

'N INKOPIEPARADYS VAN STALLETJIES

Wandel vir ure deur dié inkopieparadys se stalletjies. Die KKNK-winkel swaai sy deur oop in ’n nuwe area met meer en mooier aandenkings. Smul aan die buffet van kos by die kosstalletjies. Koel af by die kroeë op die terrein. Span uit en geniet die aanbod deur die dag en saans in die lugverkoelde Absa Kuierkamer, waaronder insiggewende gesprekke met bekendes (lees meer op bladsy 124). Geniet heerlike deli-produkte en lekkernye, tussendeur is daar kooklesse saam met Herman Lensing en vriende in die splinternuwe Checkers Liplekker-teater (lees meer op bladsy 127). En raak ontslae van daardie laaste bietjie energie by die pretpark.

KUIER SAAM IN DIE ABSA KUIERKAMER

Absa se Kuierkamer bied ’n geleentheid vir die hele gesin om hul skoene uit te skop en die aktiwiteite in dié verkoelde oase te geniet. Vermaak uit die boonste rakke word aangebied, met musiek deur gewilde en opkomende kunstenaars, asook insiggewende gesprekke, proe-ervarings en ander aktiwiteite. Plaaslike wyne, boetiekbier en kos is te koop, met eksklusiewe voordele en verrassings vir Absa-kaarthouers. Terwyl jy jou batterye hier herlaai, laai sommer jou foon s’n ook. Dié venue word vanjaar met sonkrag aangedryf en gratis Wi-Fi is beskikbaar, wat beteken daar is hope kanse om selfies te deel. Absa se bankiers staan by die Absa Rooibank gereed om jou met enige Absa-bankdienste te help.

Absa Rooibanksessies met Hannes van Wyk

Die immergewilde Hannes van Wyk gesels met vele bekendes oor hul doen en late en gehore kan vrae vra en die paneellede leer ken.

AFRIKAANS

23 TOT 30 MAART 11:00

Absa My Storiemiddagkonsert

In die middae kan jy luister na verskillende kunstenaars wat hul talente, maar ook iets van hul eie stories met gehore gaan deel.

AFRIKAANS

Absa Aandklanke

’n Nuwe toevoeging tot die Absa Kuierkamer is Absa Aandklanke, ’n intieme ervaring van unpluggedmusiek, perfek afgerond met heerlike happies uit die Karoo. Kaartjies sluit die musiek, eet- en drinkgoed vir die aand in. AFRIKAANS

Ander Absa-aktiwiteite by die KKNK

Verf ’n baksteen in Baron van Reedestraat en word deel van Absa se Maakit Mooiinisiatief wat funksionele kunswerke op Oudtshoorn agterlaat. Maak ook seker om die Boom van Eenheid langs die R62 op pad na Kaapstad te besoek en onthou om ’n draai by Malebogo Molokoane se kunsuitstalling in die Prince Vintcent-gebou te maak.

Absa Kuierkamer-tye

23 TOT 31

MAART 10:00

TOT 17:00

TOEGANG IS GRATIS, MAAR RUIMTE IS BEPERK

Skandeer dié QR-kode vir meer inligting en die volledige program.

VIR R119SLEGSP/M

Netwerk24 bars uit sy nate! Kry jou gunsteling-tydskrifte en koerante saam met nuus, menings en ontledings heeldag lank - soos dit gebeur. Met luisterboeke, blokraaisels, dramareekse, podsendings, webinare, en nog meer. Daar is iets vir jou en elkeen in jou gesin!

@netwerk24

netwerk_24

Besoek die Checkers Liplekker-teater vir kombuisgeselsies en hartskos saam met bekroonde kosskrywer Herman Lensing en sy bekende vriende. Van jou gunstelingsterre is saam met Herman agter die kospotte te siene waar hulle dalk selfs ’n paar geheime verklap. Sluit aan vir ’n kulinêre ontdekkingsreis met Checkers se topgehalteprodukte uit Forage & Feast en Simple Truth se stal, met ’n titsel Padkos en selfs Championship Boerewors op Herman se feestelike KKNK-spyskaart.

Kuier saam en beleef kunstige bobaas-kos wat alles net beter en beter maak.

AFRIKAANS • GESIN • 30 MIN.

TOEGANG IS GRATIS VIR FEESMARK-KAARTJIEHOUERS

CHECKERS LIPLEKKER-TEATER IN DIE FEESMARK

23 TOT 30 MAART 10:30, 12:00, 13:30, 15:00 EN 16:30 • 31 MAART 11:00

MET Herman Lensing en vriende

Kaart van feeskern

KINDERVERMAAK

Ondersteun deur die ATKV

Klein KKNK-teater

Familieteater en -vermaak kry ’n nuwe tuiste! Die Klein KKNK-teater is ’n spesiale, goed toegeruste teatertent in die Feesmark. Toegang vir besonderse teaterproduksies is gratis vir alle Feesmark-kaartjiehouers. Plek in die teater is beperk en sodra dit vol is vir een vertoning, moet die geesdriftige gesin vir ’n volgende vertoning terugkom. In die Klein KKNK-teater kan kinders van alle ouderdomme die wonderwêreld van teater ervaar. Tot en met drie kinderteaterproduksies word daagliks aangebied – wat ook heerlike ontvlugting en vermaak vir volwassenes bied. Ouderdomsgroepe word as ’n riglyn aangedui, soos die program noukeurig saamgestel is om vir spesifieke en alle ouderdomme te voorsien. In dié magiese area word ander sessies soos boekvoorlesings deur bekendes, poppekas en speletjies ook aangebied. Elke middag om 13:00 bied Lapa ’n spesiale leessessie by die speelarea vir kinders aan. Die Feesmark bied verder ’n pretpark soos wat ’n mens net by feeste kry! Ure se musiekvermaak wag op die Feesmark-verhoog, ondersteun deur Huisgenoot en Castle Lager, lekkers en ander lekkernye is te kies en keur by die honderde stalletjies.

TOEGANG TOT DIE FEESMARK IS GRATIS VIR KINDERS

ONDER SEWE MET OUERBEGELEIDING EN KOS

SLEGS R30 PER DAG VIR KINDERS

TUSSEN SEWE EN 13 JAAR OUD.

Bounced

FISIEKE TEATER

MET Azola Mkhabile, Siphenathi Siqwayi, Sipho Kaloko en Buhle Stefane REGIE Jennie

Reznek OORSPRONKLIK GESKEP DEUR Jennie

Reznek en Jayne Batzofin, in samewerking met die geselskap CHOREOGRAFIE Jennie Reznek en geselskap VERHOOGBESTUURDER Themba

Stewart VERVAARDIGER Magnet Theatre

Bounced is ’n prettige, energieke en speelse produksie wat jong gehore gaan vermaak. Dit verken die dinamiek van vier vriende se wêrelde wat bymekaarkom.

Van uitputtende laagtepunte tot die hoogste hoogtes, word die gehoor gelei deur ’n kleurvolle reis en gevra om vrae te vra oor wie lei, wie volg en wie uitgelaat word. Die vier jong akteurs werk met die uiterste sensitiwiteit en humor om die fyn balans tussen menslike interaksie en die magstryd wat in groepe van alles groottes en soorte kan bestaan, bloot te lê. Bounced gaan haarfyn te werk om te wys dat pret wat gedeel word altyd dubbel so lekker is.

Nie-verbaal • Gesin (2 tot 7 jaar) • 35 min. Ingesluit by Feesmark-kaartjie Klein KKNK-teater in die Feesmark

28 MAART 16:30 • 29 MAART 10:30 • 30 MAART 10:30

Die rooi ballon

BEWEGINGSTEATER

MET Craig Morris en Casey Sewbaran

REGIE Toni Morkel TEKS Barry

Kornhauser MUSIEK Tony Bentel en Craig Morris KLANKBAAN Cassy

Sewbaran VERHOOGBESTUURDER

Babs Sewbaran VERVAARDIGER

National Children’s Theatre

Die rooi ballon vertel die storie van ’n nors ou man wat sy verjaarsdag alleen vier, tot daar ’n magiese rooi ballon by sy venster verskyn. Hy is aanvanklik gestel op sy kluisenaarsmaniere, maar alles verander vir die ou man wanneer hy verplig word om sy huis met dié lewendige ballon te deel, wat hom speels uit sy knorrigheid lok. Met die bekroonde Craig Morris in die rolverdeling het The Red Balloon ’n Silwer Ovation-prys by die Nasionale Kunstefees in 2023 gewen.

NIE-VERBAAL • GESIN (ALLE OUDERDOMME) • 60 MIN.

INGESLUIT BY FEESMARK-KAARTJIE KLEIN KKNK-TEATER IN DIE FEESMARK

23 MAART 16:30 • 25 MAART 16:30 •

26 MAART 13:30 • 27 MAART 16:30 •

28 MAART 10:30

Dinosourusse kan nie lees nie

KINDERTEATER

Aangebied deur ATKV-tak Gemeenskapsteater

MET Neels Vorster, Lydia Jaquire en Megan Rossouw REGIE Christi-Ann Lombard

VERHOOGBESTUURDER Franzèl du Plessis

Emmie en haar vreemde oupa Bas het ’n reuseprobleem! Wat maak ’n mens met ’n dinosourus in jou slaapkamer? En hoe kry ’n mens daardie dinosourus weer terug by sy huis? Dinosourusse kan nie lees nie is geskryf deur die bekende teatermaker en aktrise Ilne Fourie en word deur die ATKV-tak Gemeenskapsteater aangebied. Met kleurvolle karakters en lekker

loslit-liedjies neem die kinderteaterstuk jonk en oud op ’n verbeeldingsvlug. Interaktief en kreatief, met ’n lessie daarby: Lees is baie belangrik en baie lekker.

Let wel: Sitplekke in die Klein KKNKteater is onbespreek en plek is beperk. Maak seker jy is vroegtydig daar vir die vertonings om teleurstelling te voorkom.

AFRIKAANS • GESIN (6 TOT 10 JAAR) • 55 MIN. INGESLUIT BY FEESMARK-KAARTJIE KLEIN KKNK-TEATER IN DIE FEESMARK

29 MAART 13:30 • 30 MAART 16:30

Elephants Come Home

DRAMA

Ondersteun deur die Nasionale Lotery-kommissie MET Noxolo Magadla, Zizipho Gcasamba, Marvin Safoor en Siyawandisa Badi REGIE, TEKS EN VERHOOGBESTUURDER Heather Gielink VERVAARDIGER Jungle Theatre Company

Elephants Come Home vertel die storie van ’n olifantfamilie wat verlore is sonder hul wyse matriarg. Hulle sukkel om die stemme van hul voorouers en hul plek in die wêreld te vind en vertrek op ’n emosionele en lewensveranderende reis – wat ’n weerspieëling van ons eie uitdagings is om die wonde van die verlede te genees en noodsaaklike bande te herbou. Terwyl die olifante en mense se lot vervleg, ontdek hulle dat deur hul pynlike geskiedenis dapper te konfronteer, kan hulle die weg baan vir oplossings, groei en hernude verhoudings. Die opvoering word gevolg deur ’n werksessie.

ENGELS, AFRIKAANS EN XHOSA • GESIN (10 TOT 13 JAAR) • 40 MIN. INGESLUIT BY FEESMARK-KAARTJIE

Kosblik

DEBUUT • KOMEDIE

Ontwikkel deur die Laerskool Durbanville

MET leerlinge van Laerskool Durbanville

TEKS Christie van Niekerk REGIE

Christie van Niekerk en Veronica

Geldenhuys VERVAARDIGER Laerskool Durbanville

Vir die wat dit teëkom, is die kosblik ’n alledaagse ritueel. Wat sou gebeur wanneer die kositems binne-in kosblikke stemme kry? In skooltasse – tussen pouses – word daar gefokus op die spanning oor wat gaan gebeur as die deksel gelig word. In Christie van Niekerk se Kosblik akademiese boffins, “die gallery”, se reis om hul hipotese te ondersoek: Is kos bang om geëet te word, of is daar dalk iets anders wat hulle meer bevrees maak?

het verskeie pryse en benoemings gekry by die Tygerberg Eisteddfod, die Parel Vallei Playhouse Dramafees en die Montague Nasionale Jeugkunstefees, waaronder vir beste regie en beste byspeler.

AFRIKAANS EN ENGELS • GESIN • 30 MIN. INGESLUIT BY FEESMARK-KAARTJIE KLEIN KKNK-TEATER IN DIE FEESMARK

26 MAART 16:30 • 27 MAART 13:30

Loop speel

SPEELSESSIE

Karoo Kaarte bied ’n interaktiewe werksessie vir kinders aan waarin jong feesgangers voorgestel word aan gewilde Klein Karoo-speletjies: skaloeloe, drieblikkies, gaatjie en kennetjie. Tydens die werksessie word deelnemers aangemoedig om hul eie weergawes van elke speletjie

Ons is hier!/On est là!

KOMEDIE

Ondersteun deur ASSITEJ SA en ASSITEJ België, befonds deur die regering van Vlaandere en die Wallonie-Bruxelles International

MET Sibusiso Khambule en Sjaka S. Septembir

REGIE EN CHOREOGRAFIE Jordi L. Vidal

VERVAARDIGER Jordi L. Vidal Company en Skobbejakkals

Twee baie teenoorgestelde mans ontmoet op pad strand toe. Met die teer, avontuurlustige en snaakse ontmoeting, word hulle gedwing om deur hul verskille te werk. Hulle leer hoe om hul vooroordele te bowe te kom en bou saam brûe vir ’n beter lewe. ’n Roerende verhaal vol verrassings en humor ontvou voor ons wanneer ’n onverwagse vriendskap posvat. Hierdie aandoenlike produksie is ontwikkel deur ASSITEJ SA en ASSITEJ België se Letsema/Collaborate-projek. Ouers wat die produksie saam met hul kinders gesien het, is dit eens: “Almal in Suid-Afrika moet dit sien!” ’n Unieke en spesiale samekoms van verskillende kulture.

HOOFSAAKLIK NIE-VERBAAL MET AFRIKAANS EN ZOELOE • GESIN (ALLE OUDERDOMME) • 45 MIN. INGESLUIT BY FEESMARK-KAARTJIE

KLEIN KKNK-TEATER IN DIE FEESMARK

29 MAART 16:30 • 30 MAART 13:30 • 31 MAART 10:30

Rondomtalie

POPPETEATER

MET Anna Davel, Schoemé Steenkamp en PuppeTrix se poppekas-karakters MUSIEK EN REGIE Anna Davel LIRIEKE Jaco Jacobs SAMESTELLING Anna Davel en Schoemé Steenkamp VERVAARDIGER Anna Davel

Dis tyd om die stokkerige arms en bene goed los te maak, die stemme warm te maak en lekker saam te sing, dans, lag en kuier. Anna Davel vertel stories en sing haar gunstelingkinderliedjies en Schoemé Steenkamp van PuppeTrix bring vir Trix en al die poppekas-storiekarakters saam vir ’n vertoning vol avonture. Sien uit na musiek van die Ghoema- en Tempo-benoemde CD vir beste kinderalbum In die land van Kammalielie, asook nuwe liedjies van die kinderrympiekoning Jaco Jacobs se bundel en CD Rondomtalie. Die boek is ’n samestelling van 30 van Jacobs se beste kleuterverse, met musiek geskryf deur Anna Davel. Beide die boek en CD is beskikbaar tydens die vertoning, uitgegee deur Lapa Uitgewers.

AFRIKAANS • GESIN (2 TOT 7 JAAR) • 50 MIN.

INGESLUIT BY FEESMARK-KAARTJIE KLEIN KKNK-TEATER IN DIE FEESMARK

27 MAART 10:30 • 28 MAART 13:30 •

31 MAART 13:30

Maak jou eie boek

WERKSESSIE

Aangebied deur Odette Graskie

Sluit aan by Odette Graskie en maak jou eie boek! Die boeke gaan geskep word rondom die tema van “my favourite things”. Dit is ’n prettige sessie om jou kreatiwiteit uit te leef. Alle materiaal word ingesluit, maar deelnemers is welkom om ook hul eie materiaal saam te bring, spesifiek met die tema in gedagte.

AFRIKAANS EN ENGELS • GESIN (6 TOT 16 JAAR) • 120 MIN. R300

PRINCE VINTCENT-GEBOU (EERSTE VERDIEPING)

24 MAART 15:00

Pret met kinderkuns

WERKSESSIE EN RONDLEIDING VIR KINDERS MET Dineke Orton (feeskunskurator)

’n Opwindende en interaktiewe rondleiding met aktiwiteite vir die jongspan. Ontdek hoe elkeen verskillend na kuns kyk, hoe om te besluit waarvan jy hou en wat jy alles kan raaksien deur na iemand se kuns te kyk. Met die kuns op die mure in ons agterkop, leer ons hoe om self maklike materiaal te gebruik om ons eie dieremasker-kunswerke te skep. Almal is welkom – as jy ’n platneus-skêr kan vashou, kan jy saam kuns skep. Alhoewel toegang vir dié sessies gratis is, is die ruimte beperk en moet bywoning bespreek word.

AFRIKAANS EN ENGELS • GESIN • 90 MIN. GRATIS

PRINCE VINTCENT-GEBOU

23 MAART 15:00

MAART 15:00

MAART 15:00

15:00

15:00

MAART 15:00

15:00

Lees ook meer oor Paws and Claws, ’n deelnemende uitstalling vir ’n ieder en elk, oud en jonk. Wou jy al ooit self deel wees van ’n uitstalling? Hou jy van kuns, maar weet nie hoe om self te begin nie? Of hou jy van diere? Besoek die Prince Vintcentgebou en help ons om een groot gesamentlike kunswerk te skep! Lees meer op bladsy 159.

Rooi boeties

FISIEKE TEATER

Ondersteun deur die Nasionale Kunsteraad en die Khula Cape Foundation

MET Andile Vellem en Jori Snell

REGIE Caroline Calburn ONTWERP Jayne Batzofin VERVAARDIGER Theatre Arts

Rooi boeties is ’n speelse, nielineêre montage van woorde, fisieke beelde en klank wat op ’n sorgvuldige en verbeeldingryke maniere gebruik word om lewe te gee aan die fantasiewêreld van avontuur, vriendskap, verlies en wat dit vir kinders beteken om iets te deel. Die produksie is geskep en word opgevoer deur ’n horende en dowe speler en gebruik gebaretaal as die vertrekpunt vir die visuele en fisieke taal. Dit spreek tot babas se natuurlike vermoë om gebaretaal aan te leer.

HOOFSAAKLIK GEBARETAAL MET AFRIKAANS, ENGELS EN XHOSA • GESIN (1 TOT 3 JAAR) • 40 MIN. INGESLUIT BY FEESMARK-KAARTJIE

KLEIN KKNK-TEATER IN DIE FEESMARK

23 MAART 10:30 • 24 MAART 16:30 • 25 MAART 13:30

The Heart of the Ocean

BEWEGINGS-EN-VISUELETEATER

’n Ko-produksie van Baba Yaga Theatre en Teatret OM (Denemarke)

MET Jori Snell TEKS, REKWISIETE, KOSTUUMS

EN VERVAARDIGER Jori Snell, Baba Yaga Theatre

ARTISTIEKE ADVIES Sandra Pasini

Lank, lank gelede, voor die begin van tyd, was daar ’n meisie, ’n pelikaan en ’n saadjie. Hulle vertrek op ’n magiese reis om die eerste goue saad van die lewe met die naam “The Heart of the Ocean” te vind. Hierdie verhaal is een van vriendskap, verlies en dapperheid. Dit is ’n huldeblyk aan die kragte van die natuur en die verbeelding. Ontmoet die kreature van die woud, en word vriende met blomme, insekte en diere. Kom beleef iets van die stemming en gevoel van Costa Rica, waar die stuk aanvanklik ontwikkel en gemaak is. Betree ’n diverse oerwoud – ’n visuele en speelse ruimte gevul met sang, dans en fisieke storievertelling. The Heart of the Ocean beklemtoon die waarde en skoonheid van die natuur en die ontdekking van jou eie verbeelding. Jori Snell is ’n veelbekroonde regisseur en kunstenaar.

ENGELS • GESIN (3 TOT 7 JAAR) • 45 MIN.

INGESLUIT BY FEESMARK-KAARTJIE KLEIN KKNK-TEATER IN DIE FEESMARK

24 MAART 10:30 • 26 MAART 10:30

KAROO KAARTE

’n KKNK-projek, ondersteun deur die Jannie Mouton-stigting, Het Jan Marais Nationale Fonds, NATi, die Wes-Kaapse regering en die Oudtshoorn-munisipaliteit

die nasionale kollig te verbreed en kunstenaars uit eie bodem in te sluit.

Lees meer op bladsy 30 en 31.

Skandeer dié QR-kode vir ’n video-oorsig van Karoo Kaarte.

TEATERPROGRAM

Die Swartmerrie

DEBUUT

MET Theo Witbooi, Janion Kennedy, Chantell Phillipus, Jermaine Bruintjies en Melikhaya Blou REGIE EN TEKS

Tiffany Saterdaght en Neil Coppen

Ná die sukses van Karoo Kaarte se aangrypende teaterproduksies

Droomkraan Kronieke (2023) en Op hierie dag (2022) verlaat die teaterspan vanjaar die tradisionele teaterruimtes en skep ’n splinternuwe plekspesifieke produksie gesentreer rondom die eens fabelagtige, maar nou vervalle Oudtshoorn-spoorweg.

Lees meer op bladsy 55.

PUBLIKASIES

Domino Gents

GRAFIESE ROMAN

ILLUSTREERDERS

Colin Meyer, Diano October en Ferron Booysen KONSEP, ONTWERP EN UITLEG

Vaughn Sadie

Soortgelyk aan Elemente, die Loop speel-zines en die kinderstorieboek Spekskiet en tande tel, skep Karoo Kaarte ’n eerste grafiese roman gebaseer op ’n keur van stories en teks uit hul eerste teaterproduksie, Op hierie dag. In 2024 stel die span ’n grafiese roman bekend wat die Domino Gents illustreer, ’n trio van skreeusnaakse plaaslike karakters geskryf en geskep deur Tiffany Saterdaght, Theo Witbooi, Janion Kennedy en Danny B. Drie bejaarde here ontmoet vir hul daaglikse domino-afspraak onder die peperboom in Silvertown. Met snaakse sêgoed, liedjies en staaltjies gee hierdie woordkunstenaars lewe aan interessante mense, oomblikke en plekke van hul tuisdorp, Oudtshoorn.

VEELTALIG • GESIN GRATIS

BESKIKBAAR BY DIE C.P. NEL-MUSEUM, PRINCE VINTCENT-GEBOU, KKNK-KANTOOR EN TYDENS DIE KAROO KAARTE-STAPTOER EN DIE SWARTMERRIETEATERPRODUKSIE

© WARREN MOSES

© WARREN MOSES

VISUELE KUNS

Argief

KUNSUITSTALLING

MET onder andere Zietske Saaiman, Meiko Jaftha, Glenisha Tarentaal, Colin Meyer, Tayla Damons, Diano October en Melikhaya Blou KURATOR Vaughn Sadie

Argief is saamgestel uit die Karoo Kaarte-projekargief. Die uitstalling is geïnspireer deur kunswerke wat tydens die verskeie openbaredeelname-prosesse geskep is, asook werke wat deur die visuele kunsspan vir die vele kreatiewe uitkomste uit 2023 en 2022 gemaak is.

LEES MEER OP BLADSY 151.

Karoo Kaarte-uitstalling

KUNSUITSTALLING

Die Karoo Kaarte-uitstalling bied ’n oorsig van dié grensverskuiwende openbaredeelnamestorievertelprojek. Die ongelooflike span wat tot die sukses van die projek bygedra het, word bekend gestel, terwyl die navorsing ten toon gestel en kreatiewe prosesse belig word wat gebruik is om die argief te ontwikkel, wat ook ’n besondere bydrae tot die vele kreatiewe uitkomstes van die projek gemaak het.

VEELTALIG • GESIN • GRATIS • C.P. NEL-MUSEUM

DAAGLIKS 10:00 TOT 17:00

Muurskildery

Die Karoo Kaarte-span span kragte saam met die plaaslike visuele kunstenaar Liza Grobler om ’n openbare muurskildery te skep. Foto’s uit die C.P. Nel-museum se argief word gebruik, saam met foto’s en onderhoude van die Karoo Kaarte-argief, om ’n muurskildery te skep wat die stories van inwoners integreer, terwyl dit die diverse gemeenskappe en erfenis van Oudtshoorn vier.

VEELTALIG • GESIN • GRATIS • C.P. NEL-MUSEUM-GRASPERK

DAAGLIKS 06:00 TOT 23:00

© COLIN MEYER

© WARREN MOSES

© JADE BARRY

KAROO KAARTE-STAPTOER

Klein Karoo-ervaring

Tydens die fees in 2023 het Karoo Kaarte ’n opwindende slimfoon-app bekend gestel, wat selfbegeleide toere herverbeel en saamgesmelt het met die mondelinge geskiedenis wat tydens die projek ingesamel is. Die app is ’n interaktiewe argief van herinneringe uit mense se kinderdae en staaltjies oor verlore en openbare ruimtes van Oudtshoorn.

LEES MEER OP BLADSY 189.

Skandeer dié QR-kode om die Karoo Kaarte-app af te laai.

© JADE BARRY

WERKSESSIES

Loop speel

SPELETJIE-WERKSESSIE

Karoo Kaarte bied ’n interaktiewe werksessie vir kinders aan waarin jong feesgangers voorgestel word aan gewilde Klein Karoo-speletjies: skaloeloe, drieblikkies, gaatjie en kennetjie. Tydens die werksessie word deelnemers aangemoedig om hul eie weergawes van elke speletjie te ontwikkel.

VEELTALIG • GESIN • 60 MIN.

INGESLUIT BY FEESMARK-KAARTJIE

GRASPERK LANGS KLEIN KKNK-TEATER IN DIE FEESMARK

23 TOT 31 MAART 15:00

© JADE BARRY

WERKSESSIES

Karoo Kaartepaneelgesprek

GESPREK

MET Neil Coppen, Vaughn Sadie, Tiffany Saterdaght, Melikhaya Blou en Colin Meyer

Die KKNK se Karoo Kaarte is ’n grensverskuiwende openbaredeelnamestorievertelprojek, gestig in 2021, wat ’n reeks van kreatiewe metodes (teater en visuele kuns) en navorsingsmetodologieë gebruik om ’n multidissiplinêre kunsteprogram te skep. Sluit by hierdie bekroonde span aan wanneer hulle gesels oor die projek, die verskeie prosesse en kreatiewe uitkomstes oor die afgelope paar jaar.

AFRIKAANS EN ENGELS • GESIN • 60 MIN. GRATIS

NETWERK24-FEESKAFEE

25 MAART 12:30

Argiewe, storievertelling en kreatiewe praktyk

PANEELBESPREKING

MET Deirdre Prins-Solani (kultuur- en erfenisspesialis), Joanne Peers (onderwyser in omgewingsopleiding), Leach van der Westhuizen (onderwyser) en Poem Mooney (Oudtshoorn-digter en KKNK-vereerde)

Karoo Kaarte lei ’n gesprek oor die belangrikheid van die skep van gemeenskapsargiewe en die waarde daarvan om dit toeganklik en relevant te maak deur kreatiewe metodologieë en praktyke.

AFRIKAANS EN ENGELS • GESIN • 60 MIN. GRATIS

NETWERK24-FEESKAFEE

26 MAART 12:30

© WARREN MOSES

VISUELE KUNS

ANIMALIA

Mense het nog altyd ’n aangetrokkenheid tot diere gehad. Rotskuns oor die wêreld heen illustreer byvoorbeeld hoe diere al vir duisende jare ’n belangrike rol in die menslike kultuur gespeel het. Die term “animalia”, wat byna altyd in ’n wetenskaplike konteks gebruik word, verwys na ’n groepering wat alle diere insluit – insluitend mense. Die gebruik van hierdie term vir vanjaar se visuelekunstetema van die KKNK is om die kollig te plaas op verskeie vorme van mens-dierverhoudinge.

Deur die geskiedenis heen het mense ’n belangstelling in en verbintenis met die natuur getoon, verhoudings gevorm en uiteindelik bande met diere ontwikkel. Dit is waarskynlik dat die eerste interaksies met diere vir die mens gemik was op die hulpbronne – soos vleis, bene en velle. Omdat mense steeds saam met ander diere bestaan het, het mense ooreenkomste begin vind tussen hulself en die diere wat hulle teëgekom het. Diere is uiteindelik by kulturele seremonies ingesluit in die vorm van aanbidding, opoffering en as simbole. Die toenemende interaksies met diere het uiteindelik gelei tot vermensliking of dat menslike eienskappe aan diere toegeskryf is.

Terwyl vroeë verhoudings meer gefokus was op die dier as gebruiksware vir die mens, het die rol van die verhouding met diere verander en ontwikkel, met mense wat hulle ook as geselskapsmaats begin beskou het. Bande tussen diere en mense ontwikkel steeds. Vandag is die verhoudings met diere baie uiteenlopend – van diere wat in diens van die mens staan en as ’n produk ingespan word (d.w.s. vir klere, kos, vermaak en navorsing) tot die mees geliefde gesinstroeteldier.

Alhoewel baie van hierdie bande positief kan wees (dink aan mense se liefde vir troeteldiere, of rehabilitasie en bewaring), kan ander problematies wees. Kunstenaars en kurators is aangemoedig om die onderwerp te interpreteer op enige manier na goeddunke. Dit sluit in die ondersoek na die mens-dier-band of die mensdier-afhanklikheid. Die verskeie ooreenkomste en verskille tussen dier en mens word ook ondersoek. Sulke ondersoeke raak aan bykomende temas, soos menswaardigheid en menslikheid. Negatiewe eienskappe van menslike gedrag, veral gewelddadige en impulsiewe gedrag, word gebrandmerk as dierlik. Andersyds word positiewe eienskappe van dieregedrag dikwels vermenslik. Is hierdie gedeelde eienskappe ’n aanduiding van ’n oppervlakkige skeiding wat tussen dier en mens gehandhaaf word, of is dit bloot geïsoleerde en toevallige ooreenkomste?

Sommige uitstallings ondersoek die simboliese betekenisse wat dikwels aan verskillende diere geheg word, soos gesien in sprokies, verskillende mitologieë sowel as dierlike ikonografie soos waargeneem in die kunsgeskiedenis. Die uitstallings hoef egter nie per se op diere te fokus nie. Die verkennings van mensgedrewe kwessies, kenmerke en idees is ook deel van die oorkoepelende tema.

Mense het ingewikkelde en veelvlakkige bande met diere, en deur hierdie verhoudings te verken, kan daar lig gewerp word op wat dit beteken om mens te wees. – Dineke Orton, visuelekunskurator

Animalia

VISUELEKUNSKURATOR

Dineke Orton

VEELTALIG • GESIN GRATIS

PRINCE VINTCENT-GEBOU

23 MAART 11:00 TOT 18:00

24 TOT 30 MAART 09:00 TOT 18:00

31 MAART 09:00 TOT 14:00

SCAN THIS QR CODE FOR THE VISUAL ARTS PROGRAMME IN ENGLISH

VEREERDES

Colbert Mashile

Feeskunstenaar

Hy het as kind enige moontlike oppervlak gebruik om op te teken en ná skool in Bosbokrand in Mpumalanga is hy Pretoria toe om openbare administrasie te studeer. Maar in die Jakarandastad het die jong Colbert Mashile vir die eerste keer kunsgalerye ontdek en net geweet: Dít is wat ek wil doen; ek wil ’n kunstenaar word.

Sy pad het hom eers na die Johannesburg Kunsstigting geneem en daarna het hy ’n graad in skone kunste aan die Universiteit van die Witwatersrand verwerf.

“My jeug het beslis ’n invloed op my werk,” sê Colbert, wat ’n ateljee in Johannesburg het, maar in Hoedspruit, Mpumalanga, woon. “Ons het nie boeke, TV of elektrisiteit gehad nie. Al wat ons gehad het, was radio en die stories waarna ons in die aande geluister het. Baie van hierdie stories was gegrond op volksverhale en my verbeelding is daarmee gevorm.” Die diversiteit van kuns in Suid-Afrika maak hom opgewonde.

“Suid-Afrika is ’n kokende pot van kreatiwiteit. Ons wil die hele tyd waag en ondersoek. Van die noorde tot in die suide, in stede en op die platteland.”

Die mense wat hom van sy studentejare tot nou ondersteun, is iets wat hom na aan die hart lê. “Mense wat toe ek ’n student was gehelp het dat ek die nodige kunsbenodighede gehad het. Dié wat gehelp het, en steeds help, dat ek kan uitstal, asook my medekunstenaars in die townships en elders.”

Wat kan feesgangers van die uitstalling by die KKNK verwag?

“Dit is ’n diverse versameling wat werk uit verskillende tye in my lewe insluit. Daar is ook nuwe werk wat ek vir die fees maak. Van die werk mag dalk nie soos van my ander werk lyk nie, maar dit is juis daardie diversiteit waarvan ek hou.”

Colbert se werk is deel van verskeie privaat versamelings en hy het al hier en in die buiteland uitgestal, as solo-kunstenaar én as deel van groepuitstallings. Hy is die ontvanger van etlike kunspryse, insluitend die Absa Atelier-prys in 2000, en het kunstenaarsverblyf by onder meer die McColl Center in Charlotte, in Noord-Carolina in Amerika, gehad.

The Dreams of Yonder, Untethered

SOLO-UITSTALLING

MET Colbert Mashile (feeskunstenaar) GALERY Everard Read

Boerbokke in truie, bobbejane wat op rusbanke lê en kekkelende hiënas wat manies glimlag. Colbert Mashile se werk word vir drie dekades reeds deur ’n versameling van diere gekenmerk. Die kunswerke in hierdie uitstalling is geen uitsondering nie. Soms lyk dit asof hulle karakters is wat vermenslik word en hier is om aan ons ’n boodskap oor ons wêreld te gee. In ander gevalle is hulle slegs elemente in surrealistiese samestellings van items. Is die vark met ’n aktetas een of ander Orwelliaanse simbool vir groot besighede, of slegs ’n deel van ’n fantastiese toneel uit ’n klug? Dit is vir jou, die kyker, om te ontrafel.

“Ek word 04:00 wakker en het al hierdie beelde in my kop nadat ek geslaap het. Ek probeer sin maak daarvan en verf dit. My kuns het nie ’n narratief nie,” verduidelik Colbert. Dit is ongetwyfeld so dat skeppings van alle soorte sy psige en droomlandskappe binnedring. Dit het beslis ’n onmiskenbare invloed op sy kuns –selfs al is dit slegs daar in die vorm van intuïsie. “Boerdery, fauna en die natuurlike wêreld is belangrik vir my,” sê Colbert. Beide wilde en mak diere was deel van sy jeug in Bosbokrand, Mpumalanga, sowel as in sy huidige landbou-onderneming, terwyl dit ook neerslag vind in sy ryk, kreatiewe wêreld waar hy met akriel, Indiese ink, pastel en houtskool werskaf.

VEELTALIG • GESIN

A Re Tshamekeng (Kom ons speel)

SOLO-UITSTALLING

MET Malebogo Molokoane (Absa L’Atelier Gerard Sekoto-wenner in 2022) KURATOR dr. Paul Bayliss (senior spesialiskurator van die Absa Galery en Museum)

Malebogo Molokoane se werk is ’n artistieke verkenning van die verwikkeldheid van emosionele gebare en gesigsuitdrukkings. Sy skep onvergeetlike, prettige bordspeletjies en inheemse speletjies met ’n verskeidenheid glastegnieke, soos glasblaaswerk, om dit in ’n oond te vuur of in ’n oond te giet, kralewerk en sandgietwerk. Die vertaling van die titel, A Re Tshamekeng, is “Kom ons speel”.

Malebogo beeld die diepte van menslike emosies op slim maniere uit deur parallelle te trek tussen die geografiese lae van die grond en die lae van die vel. Haar artistieke praktyk word in die besonder beïnvloed deur haar onlangse ervarings, wat die nuanse van haar lewenspad en daaglikse interaksies in hoofsaaklik wit omgewings weerspieël. Deur haar uitdagende speletjies nooi sy kykers uit om te reageer op die rou en eerlike uitdrukkings wat in die laag van glas vasgevang is en moedig hulle aan om te besin oor hul eie lewensreise en om die herskeppende krag van spel te omarm.

VEELTALIG • GESIN

Argief

KAROO KAARTE-KUNSUITSTALLING

MET onder andere Zietske Saaiman, Meiko Jaftha, Glenisha Tarentaal, Colin Meyer, Tayla Damons, Diano October en Melikhaya Blou KURATOR Vaughn Sadie

Argief is saamgestel uit die Karoo Kaarte-projekargief. Die uitstalling is geïnspireer deur kunswerke wat tydens die verskeie openbaredeelnameprosesse geskep is, asook werke wat deur die visuelekuns-span vir die vele kreatiewe uitkomste uit 2023 en 2022 gemaak is. Vaughn Sadie ondersteun die Karoo Kaarte-span deur ’n kuratorsproses, wat die rol van collage en illustrasie verken om die projekargief vir die publiek te onthul.

VEELTALIG • GESIN

GRATIS

PRINCE VINTCENT-GEBOU

Becoming Animal

GROEPUITSTALLING

MET Bevan de Wet, Diana Hyslop, Heidi Mielke, Leanne Olivier, Richard Specs

Ndimande, Rosemarie Marriott, Sifiso Themba, Wilma Cruise KURATORS Richard Specs

Ndimande en Dineke Orton

“Om dier te word” verwys na die idee om in ’n dier te transformeer, hetsy deur fisieke eienskappe of in karakter. Maar wat beteken dit om iets anders te word? Volgens die Franse denkers Gilles Deleuze en Félix Guattari is “om dier te word” ’n tussenin-toestand. Om dier te word, is om van ’n vaste gevoel van wie jy is te gaan na iets wat aanhou beweeg en verander. Iets “onstabiel”. Volgens hulle moet die mens ontmens om dier te word. Dit is iets wat “die dier aan die mens voorstel deur ’n uitkoms of wyse van ontvlugting aan te dui waaraan die mens nooit self sou gedink het nie”. Miskien is dit ’n manier om diere beter te verstaan en om nader aan die natuur te beweeg.

Hierdie idee word verken op vars, opwindende en kontrasterende maniere deur ’n merkwaardige groep kunstenaars, wat verskillende materiale gebruik, insluitend brons, taksidermie en olieverf.

VEELTALIG • GESIN GRATIS

PRINCE VINTCENT-GEBOU

Dier-baar

SOLO-UITSTALLING

MET Theo Paul Vorster

Ek hou baie van die driedimensionele kwaliteit om in die linoblok te kerf en unieke kunswerke te skep met lynwerk, helder kleure en ’n tematiese benadering. My werk vertoon altyd magiese kleur en energie en lok die kyker na ’n wêreld gevul met speelse drama.

Hierdie uitstalling is ’n versameling van mediums wat linoblokke, linodrukke, monotipes, argiefdrukke en beeldhouwerk insluit. Die werk handel oor ’n wêreld gebaseer op dié rympie: “If you go down to the woods today, you’ll be in for a big surprise.” Dit is ’n speelse verwysing na die woud en dinge wat daar gebeur waarvan ons onbewus is. Die werke is ’n metafoor van wat ons elke dag in ons eie omgewing beleef, aangebied in ’n tong-in-die-kies-styl. Dit verwys opsigself na hoe ons die alledaagse verfraai om dit meer draaglik te maak.

VEELTALIG • GESIN

GRATIS

PRINCE VINTCENT-GEBOU

Drawing as Movement

SOLO-UITSTALLING

MET Odette Graskie GALERY Berman Contemporary

Drawing as Movement is ’n uitbreiding van ’n jaar lange projek waarin ek mense geteken het tydens interaktiewe tekengeleenthede. Dit het my geleer van toestemming en die magsbalans tussen diegene wat geteken word en die tekenaar, oor spel en intimiteit. Teken is ’n manier om fyner op te let en om die emosies van die deelnemers in daardie vlietende oomblikke raak te sien en vas te vang.

My werk gee aan daardie oomblikke ’n langer lewe, die geleentheid om dit oor te dra tot in die hede. Dit word relevant vir die werk om oor die land heen te reis, want daardie bande wat met mense gevorm word, kry ’n bykomende fisieke bewegingselement. Die verskillende vorme en die verwringing van die papier in die installasies veronderstel beweging en verandering. Elke keer wat ’n werk opnuut geïnstalleer word, tree daar ook ’n herbesinning in, die geleentheid om opnuut te sien en weer te droom.

VEELTALIG • GESIN

’n Gegewe perd, ’n tert en ander diere

SOLO-UITSTALLING MET Evert Esterhuizen

Wilde diere hoef nie definieer te word deur die kakie- en vuilgroen uitrustings van wildbewaarders en kleure van grondpad-Land Rovers nie. Met hierdie uitstalling word daar bietjie met die Groot Vyf en ander wilde dierasies se voorkoms gespeel om hulle meer fabulous te maak. Daar word ook gekyk na hoe dit lyk wanneer sogenaamde dierlike eienskappe op mense van toepassing gemaak word: Hoe lyk ’n varkerige metroman of ’n katterige tert? Die simbiotiese verhouding tussen troeteldier en mens word ondersoek – hoe hulle deel is van die mens se wel en wee en hoe ons hul wêreld vorm. Dierlikheid in Afrikaanse metafore kom ook onder die loep.

Die bogenoemde word bekyk deur die lens van die mens se intrinsieke liefde en afhanklikheid van ontwerp – ten opsigte van wat in die natuur voorkom sowel as die invloed wat onder meer helder kleure, herhaling en natuurlike patrone op die mens se gemoed het. Ons het genoeg donkerte in die wêreld. . . Dalk is dit tyd om onsself te omring met lighartigheid, energie, skitterende kleure en patrone!

VEELTALIG • GESIN GRATIS PRINCE VINTCENT-GEBOU

Sculpting from the Heart

SOLO-UITSTALLING

MET Johan Steyn GALERY Art@Africa

Johan Steyn skep tradisionele bronsbeelde gebaseer op die legende van Minki van Afrika, soos vertel deur Louis Steyn – die kunstenaar se oupa en ’n wildbewaarder in die Krugerwildtuin in die 1930’s. In die vele stories wat hy aan sy kinders vertel het, het Minki interaksie met verskeie wilde diere gehad. In sy oorvertelling van hierdie stories, vang Johan Minki en die suikerbekke vas, wat verband hou met die Laeveld. Die suikerbekkie is ’n simbool van hoop en ’n herinnering daaraan dat ons steeds tyd het om op te tree. In Minki en die breëkoparend is Minki op ’n reis na die Kaapse kus terwyl die reeks Minki en die seester verband hou met die seelewe aan die Kaapse kus.

Om ’n kind met ’n dier te sien, herinner ons daaraan dat die mensdom ’n verantwoordelikheid het om dit wat oor is te bewaar sodat die nageslag dit ook kan geniet. Minki is nie net ’n kampvegter vir die natuur nie, maar ook ’n kampvegter vir ons interne wêreld. Daar is ook bedreigde spesies binne-in ons.

VEELTALIG • GESIN GRATIS

PRINCE VINTCENT-GEBOU

The Artist’s Pet

GROEPUITSTALLING

MET Adela Friedmann, Amé Bell, Billie McNaughton, Cornelia Stoop, Freek Steenberg, Ina Marx, Janet Dixon, Katherine Bull, Katharine Meeding, Katja Abbott, Matthew Blackburn, Nina Torr, Owen Claasen, Steven Bosch en Yvette Hess KURATOR Janet Dixon

Ons almal wil hê iemand moet vir ons wag wanneer ons ná ’n uitputtende en stresvolle dag by die huis kom. Iemand wat opgewonde is oor ons aankoms en ons liefdevol groet. Iemand wat geduldig luister en ons aanmoedig om ratte te verwissel en aan te beweeg na die volgende deel van die dag. Troeteldiere doen dit alles. Baie mense beskou hul troeteldiere as hul kinders of ’n deel van die familie. Honde en katte is veral gewild, maar die lys van gekoesterde diere is baie langer. Dink aan perde en ponies, voëls, knaagdiere soos muise en hamsters en verskeie reptiele. Selfs visse en insekte kan waarskynlik kwalifiseer. Wat ook al die spesie, hierdie is alles diere waarna ons omsien – en waarvoor ons omgee. Hulle leef tussen ons. Ons gee hulle individuele name.

Die groep kunstenaars wat deel van hierdie uitstalling vorm, beeld verskeie geliefde diere uit deur verskeie mediums: van keramiek tot verf en drukkuns. Deur hul oë word die lonende verhouding uitgebeeld wat ons met troeteldiere het, en word dit duidelik watter belangrike rol hulle in ons lewens speel.

VEELTALIG • GESIN GRATIS

PRINCE VINTCENT-GEBOU

23 MAART 11:00 TOT 18:00 •

24 TOT 30 MAART 09:00 TOT 18:00 •

31 MAART 09:00 TOT 14:00

Blitskurses in linosnee

WERKSESSIE

AANGEBIED DEUR Theo Paul Vorster

Hierdie werksessie is vir diegene wat die wêreld van reliëfblokdruk wil verken, of net iets nuuts wil probeer – niekunstenaars en kunstenaars is welkom. ’n Reeks eenvoudige metodes word saam verken, om pragtige beelde op papier te skep, wat uiteindelik jou eie wonderlike werk word om huis toe te neem. Die werksessie sluit in alle kunsmateriaal, tee, koffie, gebottelde water en ligte versnaperinge. Linosnygereedskap vir die klas word voorsien, maar deelnemers is welkom om hul eie te bring.

Drukkunstegnieke, die bepaling van die grootte en die voorbereiding van papier vir drukwerk, die skep of oordrag van beelde na lino, demonstrasies oor die gebruik van snygereedskap, die sny van ’n linoblok, hoe om die ink aan te bring, en ’n demonstrasie van die gebruik van kleur en hoe om met die linoblok te druk, is alles ingesluit by die werksessie.

AFRIKAANS EN ENGELS • GEEN O.13 • 180 MIN.

R680

PRINCE VINTCENT-GEBOU (EERSTE VERDIEPING)

24 MAART 10:30 • 25 MAART 10:30 • 27 MAART 10:30

Tekenervaring met Odette Graskie

WERKSESSIE

MET

Odette Graskie

Hierdie tekenervaring is ’n interaktiewe geleentheid met Odette Graskie. Odette nooi die gehoor om deel te neem wanneer sy portrette teken. ’n Opvoerende tekengeleentheid as ’n visuele kunsvorm ondersoek idees van bemiddeling, vertroue, die konvensies van portretkuns en die verhouding deur onderlinge oogkontak tussen vreemdelinge. Met ’n groter fokus op die vaslegging van die oomblik van die verbintenis tussen die kunstenaar en die model, word die natekening van die gelykenis ondergeskik gestel aan die emosionele en speelse lae betrokke by die interaksie. Die tekening word ’n vergestalting van die vlietende oomblik tussen die model en die kunstenaar.

Die portrette word deel van die kunstenaar se versameling sketse, wat verwerk en met die hand saamgestel word vir latere gebruik in saamgestelde beeldhouwerke. In ruil vir hul deelname, gee die kunstenaar aan diegene wat uitgebeeld word ’n fotografiese afdruk (van ’n beperkte oplaag) van een van haar kunswerke.

AFRIKAANS EN ENGELS • GESIN • 60 MIN. GRATIS

PRINCE VINTCENT-GEBOU (EERSTE VERDIEPING)

23 MAART 11:00 • 25 MAART 11:00

Visuelekuns-rondleidings

RONDLEIDING

MET Dineke Orton (feeskunskurator)

Dineke Orton, die KKNK se kunskurator, tree om 11:00 op uitgesoekte dae in gesprek met die visuele kunstenaars en kurators wat by die fees uitstal. Elke rondleiding fokus op ’n spesifieke tema as lens waardeur die uitstallings ondersoek kan word.

SONDAG 24 MAART • Op watter betekenisvolle maniere verskyn diere in kuns?

DINSDAG 26 MAART • Die waarde van speelsheid en positiwiteit, of erns en bedagsaamheid in kuns.

DONDERDAG 28 MAART • Op watter maniere help kuns ons om goed op ander maniere te sien?

SATERDAG 30 MAART • Wat maak ons mens? En anders van ander diere?

AFRIKAANS EN ENGELS • GESIN • 75 MIN. GRATIS

PRINCE VINTCENT-GEBOU (VERTREK VANAF COLBERT MASHILE SE UITSTALLING OP DIE GRONDVERDIEPING)

24 MAART 11:00 • 26 MAART 11:00

28 MAART 11:00 • 30 MAART 11:00

Paws and Claws

DEELNEMENDE UITSTALLING KURATOR Dineke Orton

Wou jy al ooit self deel wees van ’n uitstalling? Hou jy van kuns, maar weet nie hoe om self te begin nie? Of hou jy van diere? Besoek die Prince Vintcent-gebou en help ons om een groot gesamentlike kunswerk te skep! Hierdie deelnemende uitstalling is vir ’n ieder en elk, oud en jonk. Ons fokus op allerhande diere en die verskillende maniere waarop ons hulle kan teken. Geen vooraf ondervinding is nodig nie. Daar is ook inspirasie in die vertrek om kreatiwiteit aan te wakker.

VEELTALIG • GESIN GRATIS PRINCE VINTCENT-GEBOU

23 MAART 11:00 TOT 18:00 •

24 TOT 30 MAART 09:00 TOT 18:00 •

31 MAART 09:00 TOT 14:00

KUNSKWARTIER BY KKNK 2024

Volg die Kunskwartier se kunsroete Nadat jy die kunsuitstallings in die Prince Vintcent-gebou besoek het, maak ’n draai by die uitstallings as deel van die Kunskwartier, waar plaaslike kunstenaars en galerye hul werk uitstal. Jy sal hier ’n kaleidoskoop van uiteenlopende kunsuitstallings vind. Feesgangers kan regstreeks by die onderskeie kunstenaars of galerye koop.

Annie’s Art bied aan:

The Miracle Is You

KUNSKWARTIER

“Waarom op ’n ster wens as jy die Stermaker ken?”

QUEEN’S HOTEL SE KONFERENSIESAAL, BARON VAN REEDESTRAAT 084 666 0777

DAAGLIKS 08:30 TOT 20:30

Annie’s Art bied

aan: Laat daar LIG wees

KUNSKWARTIER

Ek nooi jou om te voel hoe LIG voel, te kyk hoe LIG lyk en te onthou jy het LIG nodig.

BARON VAN REEDESTRAAT 47 (HOEK VAN KERK- EN BARON VAN REEDESTRAAT) 084 666 0777

DAAGLIKS 08:30 TOT 20:30

Bottega Kunsgalery

KUNSKWARTIER

Besoek Bottega Kunsgalery vir ’n retrospektiewe uitstalling van Johan Coetzer se kunswerke oor 45 jaar, asook ’n keurversameling kuns en keramiek van bekende kunstenaars.

ORANJESTRAAT 46

072 321 7802

DAAGLIKS 09:00 TOT 18:00

Op die ingewing van die oomblik

KUNSKWARTIER

’n Spontane oomblik vasgevang in tyd

Nou, en tot in ewigheid

Die weer onthou wat dit sal bring ’n lewensgroot herinnering

HANS BLIGNAUT GALERY PLATO COFFEE SHOP

BARON VAN REEDESTRAAT 39 • 064 904 6653

DAAGLIKS 09:00 TOT 18:00

Lisl Barry Open Studio

KUNSKWARTIER

Once again local Oudtshoorn artist Lisl Barry is opening her studio to share her work, hanging under the working title of Something Along the Lines. There is a dynamism of line work, patterning and, as always, a strong tie to nature. The canvases are predominantly done in oil but often worked in with linocut printing and gold leaf depending on the line of direction the pieces take.

LISL BARRY’S ART STUDIO

PRINCE VINTCENT BUILDING (SECOND FLOOR, CORNER CHURCH AND BARON VAN REEDE STREET)

DAILY 10:00 TO 17:00

GESPREKKE

Ondersteun deur die Het Jan Marais Nationale Fonds

Stilte: ’n Leerskool

WERKSESSIE

MET Johannes de Villiers

In ons waansinnige tye voel dit behoorlik of mens se kop draai. Almal smag na stilte, maar hoe kan jy stilte om jou en binne jou gemoed bewerkstellig?

In hierdie praktiese leerskool leer Johannes de Villiers, aanbieder van RSG se Die blydskapnavorser en skrywer van Kalmte in die malle gejaag, jou ’n paar tegnieke om jou rasende gedagtes tot bedaring te bring en rus in jou gemoed te vind. Kaartjies sluit koffie in.

AFRIKAANS • GESIN • 120 MIN.

R220

SURVAL BOUTIQUE OLIVE ESTATE

29 MAART 09:00 • 30 MAART 09:00

Visuelekunsgesprek

GESPREK

MET dr. Paul Bayliss, Evert Esterhuizen, Janet Dixon, Theo Paul Vorster en Johan Steyn GESPREKSLEIER Dineke Orton (feeskunskurator)

Sluit by ons aan vir ’n gesprek oor visuele kuns. Die paneel bespreek dié tema: “Is daar kuns in kunsmatige intelligensie (KI)?”

AFRIKAANS EN ENGELS • GESIN • 75 MIN.

GRATIS

PRINCE VINTCENT-GEBOU (COLBERT MASHILE SE UITSTALLING OP DIE GRONDVERDIEPING)

29 MAART 11:00

NETWERK24 NUUS MET SPIES-GESPREKKE

Kan nuwe leiers nuwe rigting bring?

PANEELGESPREK

MET Mmusi Maimane (leier van Build One South Africa), Songezo Zibi (leier van Rise Mzansi), Marius Fransman (leier van People’s Movement for Change) en Michael Beaumont (nasionale voorsitter van ActionSA) GESPREKSLEIER Mia Spies

Kiesers het vanjaar meer opsies as ooit tevore ten opsigte van politieke verteenwoordiging in die parlement. Die kiesstelsel van die laaste drie dekades se dae is getel met nuwe partye en onafhanklike kandidate wat ook meeding om kiesers se kruisies.

AFRIKAANS EN ENGELS • GESIN • 60 MIN. NETWERK24-FEESKAFEE

27 MAART 12:30

Die Onderhoud met Mia Spies: Dana Snyman

MET Dana Snyman en Mia Spies

Suid-Afrikaners se grondpadstories: Die joernalis en skrywer Dana Snyman het al Suid-Afrika deurkruis om landsburgers se stories te vertel, en het nes Johannes Kerkorrel tot dié gevolgtrekking gekom: “Ons survive met ’n helse lot pyn in hierdie land.” Hy deel die stories van hartseer, humor en hoop wat hy teëgekom het.

AFRIKAANS EN ENGELS • GESIN • 30 MIN. NETWERK24-FEESKAFEE

27 MAART 17:00

Word die groot vyf bedreig?

PANEELGESPREK

MET Mia Spies

Buiten vir die ANC wat sedert 1994 die septer in Suid-Afrika swaai, is daar ook enkele partye uit opposisie-geledere wat die speelveld oorheers. Wat gaan die topvyf-partye doen om steeds aan kiesers hoop te gee?

AFRIKAANS EN ENGELS • GESIN • 60 MIN. NETWERK24-FEESKAFEE

28 MAART 12:30

Is daar ’n politieke tuiste vir Afrikaanssprekendes?

MET Mia Spies

Mia Spies vra verskeie partye of daar plek is vir Afrikaanssprekende kiesers in hul party. Sy fokus ook op wat die partye doen om inklusief te wees en moedertale sowel as die kunste te bevorder.

AFRIKAANS EN ENGELS • GESIN • 60 MIN. NETWERK24-FEESKAFEE

29 MAART 12:30

Die Onderhoud met Mia Spies: Dr. Theuns Eloff

MET Theuns Eloff en Mia Spies

Vyf jaar hardepad lê vir Suid-Afrika voor. So meen die onafhanklike politieke ontleder Theuns Eloff. Wat lê aan die ander kant van die gordels intrek en vasstaan? Eloff vertel watter rigting hy glo die land gaan inslaan ná die algemene verkiesing.

AFRIKAANS EN ENGELS • GESIN • 30 MIN. NETWERK24-FEESKAFEE

28 MAART 17:00

Die Onderhoud met Mia Spies: ’n Paar van Afrikaans se snaaksste siele

MET Mia Spies

Ons huil van die lag! Een ding is seker: Suid-Afrikaners het is ’n goeie humorsin. Ongeag hoe goed of sleg dit gaan, almal weet ’n grappie of ’n video sal binnekort volg. Afrikaans se snaaksste siele gesels oor die land, sy mense en dit waaroor ons maar lag, al kan ons eintlik huil.

AFRIKAANS EN ENGELS • GESIN • 30 MIN. NETWERK24-FEESKAFEE

29 MAART 17:00

DIE BURGER PRAAT SAAM

Dit is verkiesingsjaar in 2024 en Jody Hendricks, van RSG-faam, het ’n program saamgestel wat die soeklig op nasionale en plaaslike politiek laat val. Ander brandpunte en sake van die dag oor belangrike landskwessies word ook bespreek. Kom kies jou toekoms en praat saam by hierdie gewilde gespreksreeks.

AFRIKAANS EN ENGELS • GESIN • 60 MIN. NETWERK24-FEESKAFEE

23 TOT 31 MAART 08:30

Kies jou toekoms –Gemeenskapsfokus op verkiesing

Chad Louw (ANC), dr. Corné Mulder (Vryheidsfront Plus) en Tertuis Simmers (DA)

Jody Hendricks

Vir wie gaan die mense op Oudtshoorn stem en hoe gaan die keuse die toekoms van die dorp beïnvloed? Dié Klein Karoo-dorp is bekend vir wipplank-politiek en mag wat gereeld skuif tussen verskeie politieke partye. Ons bespreek die verwagtinge van die burgers en die plan vir die toekoms van die dorp.

AFRIKAANS EN ENGELS • GESIN • 60 MIN. GRATIS

23 MAART 08:30

Vrygeborenes (‘born frees’): Kies jou toekoms

MET Mercy Kannemeyer (skrywer, teatermaker, regisseur en meningsvormer), Ashley Jade Swartz (BA-student aan die Universiteit van Wes-Kaapland en betrokke by ’n welsynsorganisasie in Porterville), dr. Rudi Buys (uitvoerende dekaan van die DaVinci Business Institute en akademiese hoof van NetEd Group) en Helene Badenhorst (prokureur en ondervoorsitter van die Oudtshoorn Besigheidskamer) GESPREKSLEIER Jody Hendricks

Ons bespreek hoe die sogenaamde “born frees”, burgers wat ná 1990 gebore is, die uitdagings, geleenthede en toekoms van Suid-Afrika sien. Onderwerpe soos onder meer basiese dienste, toegang tot hoër onderwys en werkloosheid word bespreek. En ons vra of hulle steeds die bagasie van die verlede dra wat hul ouers gedra het.

AFRIKAANS EN ENGELS • GESIN • 60 MIN. • GRATIS

24 MAART 08:30

Die ’94-vraagstuk en die toekoms van die land.

. .

MET Roelf Meyer (voormalige minister en Kodesaonderhandelaar) en dr. Allan Boesak (teoloog en voormalige vryheidsvegter) GESPREKSLEIER

Jody Hendricks

Suid-Afrika se demokrasie is 30 jaar oud. Ons besin oor die uitkoms van die destydse onderhandelinge. Was dit die beste vir Suid-Afrika en is dit steeds relevant wanneer ons die toekoms van die land bespreek?

AFRIKAANS EN ENGELS • GESIN • 60 MIN. • GRATIS

25 MAART 08:30

Beïnvloed die media jou keuses en hoe jy die toekoms van die land sien?

MET Willem Jordaan (redakteur van Die Burger), Kenneth Makatees (bedryfsbestuurder van die SAUK in die Wes-Kaap), Marianne Thamm (mederedakteur van The Daily Maverick) en Ivor Price (joernalis en spesialis in media-innovering) GESPREKSLEIER Jody Hendricks

Daar is baie geskryf en reekse gemaak oor die rol wat beide sosiale en tradisionele media gespeel het om mense se keuses te beïnvloed tydens die 2016-verkiesing in die VSA. Met die oog op ons eie verkiesing later vanjaar word daar gevra wat is die rol en verantwoordelikheid van die media in ’n verkiesingsjaar? Gaan sosiale media ’n faktor wees? Moet die media byvoorbeeld standpunt inneem oor ’n spesifieke party of leier?

AFRIKAANS EN ENGELS • GESIN • 60 MIN. • GRATIS

26 MAART 08:30

Die aanbod van leierskap in Suid Afrika en hoe dit die toekoms kan beïnvloed

MET prof. Francis Petersen (rektor en visekanselier van die Universiteit van die Vrystaat), prof. Loretta Feris (onderhoof van akademie by die Universiteit van Pretoria) en Doris Viljoen (direkteur by die Instituut vir Toekomsstudies aan die Stellenbosch Besigheidskool en senior lektor in toekomsstudies) GESPREKSLEIER Jody Hendricks

Baie Suid-Afrikaners smag na doeltreffende en etiese leierskap, op regeringsvlak asook in die private en openbare sektor. Maar is daar leiers wat werklik die mas kan opkom? Ons vra wat is die uitdagings en geleenthede vir leiers om ’n positiewe verskil te maak en hoe dit van populistiese leierskap verskil.

AFRIKAANS EN ENGELS • GESIN • 60 MIN. GRATIS

27 MAART 08:30

Die moontlikheid en gevolge indien die ANC onder 50% steun kry

MET dr. Oscar van Heerden (senior navorsingsgenoot by die Universiteit van Johannesburg se Sentrum van Afrikadiplomasie en -leierskap, dr. Leslie van Rooi (senior direkteur: sosiale impak en transformasie van die Universiteit Stellenbosch) en dr. Pieter Mulder (voormalige adjunkminister van landbou, bosbou en visserye en oudleier van die VF Plus) GESPREKSLEIER Jody Hendricks

Politieke ontleders verskil oor die moontlikheid dat die ANC se steun vanjaar tot onder 50% sal daal. Wat sal die gevolge hiervan vir die land wees?

Sal ’n koalisieregering beter dienste aan burgers kan lewer? Wie gaan met wie saamwerk in dié moontlike koalisie?

AFRIKAANS EN ENGELS • GESIN • 60 MIN. GRATIS

28 MAART 08:30

Moet Suid-Afrika standpunt inneem as daar internasionaal oorlog plaasvind?

MET prof. Jo-Ansie van Wyk (kenner van internasionale politiek verbonde aan Unisa), Lionel Louw (geestelike leier en kenner op die gebied van maatskaplike werk) en Jaco Kleynhans (hoof: internasionale skakeling van Solidariteit) GESPREKSLEIER Jody Hendricks

Rusland en Oekraïne. Israel en Palestina. Hoe moet Suid-Afrika se internasionale beleide geïnterpreteer word? Hoe besluit ons wie is reg en wie is verkeerd?

As ons kant kies, hoe kan dit ons toekoms en ekonomie beïnvloed? Hierdie vraagstukke en ander word deur die paneellede bespreek.

AFRIKAANS EN ENGELS • GESIN • 60 MIN. GRATIS

29 MAART 08:30

Afrikaans vir almal

Aangebied in samewerking met Son MET Merlyn van der Rheede (projekbestuurder by die Afrikaanse Taalraad), dr. Diana Ferrus (bekroonde skrywer en digter) en Eugene Shitikulu (werksaam in die mediabedryf) GESPREKSLEIER Jody Hendricks

Meer mense praat nou Afrikaans as ooit vantevore, selfs ook “inkommers”. Jy kan deesdae enige Chinese winkelkompleks besoek en jy sal minstens een Chinese persoon kry wat Afrikaans praat. Daar is selfs Somaliërs wat Afrikaans praat en as tolke in die hof werk. Daar is soveel mense wat die taal aangryp, ons sien dit ook op sosiale media. Die paneel bespreek Afrikaans as taal vir almal, die verskillende variëteite van die taal en hoe Afrikaans van streek tot streek verskil.

AFRIKAANS EN ENGELS • GESIN • 60 MIN. GRATIS

30 MAART 08:30

Laat jou kliënte

Die rol en toekoms van die kunste in ’n demokratiese Suid Afrika

MET verskeie kunstenaars en kunsteadministrateurs GESPREKSLEIER Jody Hendricks

Die kunste het gedurende apartheid standpunt ingeneem en ’n groot rol daarin gespeel om mense bewus te maak van die ongeregtighede. Hoe het dit in ’n demokratiese Suid-Afrika verander, gegewe die uitdagings en probleme in die land? Moet die kunste nie meer standpunt inneem nie? En hoe lyk die toekoms van die kunste in Suid-Afrika?

AFRIKAANS EN ENGELS • GESIN • 60 MIN. GRATIS

31 MAART 08:30

Clickatell bemagtig wêreldwye handelsmerke soos FlySafair met innoverende WhatsApp-oplossings.

Skandeer die QR-kode en sien wat moontlik is!

Gebruik die volgende besonderhede om die transaksie te prosesseer:

Kaartnr.: 2222 4200 0000 1113

Verval:

KKNK BOEKSTORIES

Die KKNK se Boekstories bied daagliks insig in die prosesse en denkwyse van verskeie skrywers. Kom leer meer en ontmoet van jou gunstelingskrywers hier.

AFRIKAANS EN ENGELS • GESIN 45 MIN. • GRATIS NETWERK24-FEESKAFEE

Hoekom stotter ons pa’s so?

MET Anelia Heese (uit Berlyn) GESPREKSLEIER Bun Booyens

Dis ’n eerste: ’n Afrikaanse boek oor diensplig deur ’n vrou geskryf en daarby is sy in haar dertigs. Agterop Anelia Heese se boek word dit só opgesom: Sy vra ongemaklike vrae om haarself en ander – veral jonger – Suid-Afrikaners te help sin maak van diensplig en die nadraai daarvan. Soos wie nou eintlik die vyand was, en wat dit beteken om jou land te dien. Sy verduidelik in ’n onderhoud sy het besef daar moet nog soveel onverwerkte pyn wees, want in die boeke wat sy gelees het, is net gefokus op recces se heldedade. Anelia Heese gesels met ons vanuit Berlyn.

23 MAART 10:00

Vers & kapittel II

MET Daniel Hugo GESPREKSLEIER Marlene Malan

Vir Daniel Hugo “was skryf en lees nog altyd ’n vreugde vir die gees”. Hy is al ’n halfeeu lank besig met boeke maak en tekste ontleed. In hierdie tweede samestelling van sy onderhoudende stukke oor die digkuns en vertaalwerk, word tekste in vier kategorieë saamgevoeg: Artikels, rubrieke, resensies en onderhoude wat met hom gevoer is oor sy eie digbundels en vertalings uit Nederlands. Die vers staan sentraal in sy lewe, en sy insigte word met vers en kapittel bewys.

23 MAART 11:15

Die middag reën roet

MET Kobus Grobler GESPREKSLEIER

Daniel Hugo

Dis die jaar 1973. Jaco, ’n tienerseun, voel vasgevang in die kleindorpse omgewing waarin hy grootword. Van hul huis se dak af sien hy hul huishulp, Maria, se elokashini aan die buitewyke van die dorp, die plek waarheen sy pa hom verbied het om te gaan. Hy sukkel om met dié ruwe man, die held wat hy so desperaat nodig het, te praat en om sy onverdraagsaamheid teenoor hom, sy ma en Maria se mense te verstaan. Hy sukkel daarmee dat sy broer hom ’n sissie noem. Geleidelik begin hy verstaan dat dinge nie altyd swart of wit is nie.

23 MAART 14:00

Anoniem

MET Chanette Paul GESPREKSLEIER Elna van der Merwe

Chanette Paul se splinternuwe roman is op die rakke. Dis die storie van Lula Prins wat op Heydendal ’n nuwe lewe begin. Maar anoniem. As sy haar gewete verkrag. As sy die universele wet uittart wat bepaal dat boontjie sy loontjie kry. Vier jaar lank lyk dit asof sy skotvry daarvan afgekom het tot sy, as manuskripontwikkelaar vir Belletrie Uitgewers, ʼn manuskrip ná drie herskrywings finaal afkeur. Vir die tweede keer is sy aandadig aan iemand se dood. Dié keer die onkonvensionele, disleksiese Kriek Kruger se broer. En Kriek is vasberade om uit te vind wie sy broer tot selfdood gedryf het.

24 MAART 10:00

Fokofpolisiekar

MET Hunter Kennedy GESPREKSLEIER Annie Klopper

Twintig jaar en tagtig liedjies van Fokofpolisiekar in een bundel! Dis al die lirieke vanaf die eerste album, As jy met vuur speel sal jy brand (2003), tot Fokofpolisiekar se nuutste album, Dans deur die donker (2023). Die lirieke is geskryf deur Hunter Kennedy, met bydraes deur Francois van Coke. Hunter gesels op die Boekstories-verhoog met Annie Klopper en sy sal weet wat om hom te vra, want sy is die skrywer van Biografie van ’n bende: Die storie van Fokofpolisiekar.

24 MAART 11:15

Waaraan dink poëte?

MET Poem Mooney GESPREKSLEIER ds. André Boezak

Poem Mooney, digter en oudonderwyser van Oudtshoorn, droom van ’n huis van Bokkeveld-skalieklip wat hy vir hom bou. Hier wil hy alleen wees sodat hy in stilte kan hoor wat die muse hom in die oor fluister. Buitendien hou hy van alleenwees. In sy verse besin hy oor ons wat genaelstring is aan ons land, oor die Kaap wat snot en trane huil teen sy hotelvenster, oor verval, nostalgie, versugting, die mense rondom hom. . . Hy noem sy verse vroegmôre-geheueflitse en onthoukiekies.

24 MAART 14:00

© HANS VAN DER VEEN

In gesprek met Wendy Maartens

MET Wendy Maartens GESPREKSLEIER Elna van der Merwe

Die bedrywige Wendy Maartens het ’n verbeelding so groot soos die hemelruim. So beskryf sy haarself: “ ’n Skrywer, openbare spreker en versamelaar van eg Suid-Afrikaanse volksverhale, legendes, rympies en ware stories.” Kom luister hoe gesels sy oor haar skryfwerk, onder meer oor haar drie nuutste pennevrugte: Psalms vir kleingoed, Siembamba: Ek lees singsing self en Jakkals en Wolf: Ses lekkerlagstories van twee geliefde skarminkels!.

26 MAART 10:00

Dieper as drome

MET Marko van der Colff GESPREKSLEIER

Elna van der Merwe

Dieper as drome is die bekende akteur Marko van der Colff se debuutroman. Marcus Moore verlaat sy armoedige ouerhuis in Skotland ná ’n gewelddadige voorval. Sy oë is vol blink klippies en hy klim op ’n skip na Suid-Afrika. Sy droombestemming is Kimberley en later die woelige Goudstad. Hy leer legendariese fortuinsoekers, swendelaars en selfgemaakte magnate soos Barney Barnato ken. Hy skuur ook skouers met historiese figure soos Olive Schreiner, Cecil John Rhodes en Paul Kruger. Dit handel oor ’n fassinerende tyd in Suid-Afrika se geskiedenis en dis ook ’n tydlose liefdesverhaal.

26 MAART 11:15

Leë blikkies vol liefde

MET Fiona van Kerwel GESPREKSLEIER Lyntjie Jaars

“Opvoeders sê gereeld dat leerders nie genoeg lees nie, of dat hulle nie altyd verstaan wat hulle lees nie, maar ek glo kinders lees vandag bietjie anders. En daarom moet opvoeders lees anders benader.” So skryf Fiona van Kerwel in haar voorwoord tot Leë blikkies vol liefde Haar droom is dat alle leerders die kans sal kry om op ’n vriendelike manier met Afrikaans om te gaan – daarom is die kortverhale in die bundel so toeganklik geskryf deur die bydraers, onder andere Sisca Julius, Vincent Oliphant, E.K.M. Dido en Diana Ferrus.

26 MAART 14:00

Leo

MET Deon Meyer

GESPREKSLEIER Hannes van Wyk

Drie jaar moes ons wag, maar hier is Bennie Griessel terug! Uiteindelik wink daar ’n troudag vir hom en sy geliefde Alexa, maar sal hy hierdie afspraak kan hou? Daar is soveel tergende raaisels: ’n Student wat dood gevind word in die berg by Stellenbosch, ’n oudrecce wat vermoor word (is dit ’n boodskap en aan wie?), ’n mooi veldgids wat gaan deelneem aan die grootste geldrooftog ooit en staatskapers wat ondersoeke saboteer. . . In Leo is boewe soos Igen en Christina byna net so fantasties soos die helde en dit maak die spanning net soveel erger. Die storie vloei soos ’n rivier in vloed.

27 MAART 10:00

Phoebe:

’n Lewe saam met Jakes Gerwel

MET Rachelle Greeff

“Phoebe Gerwel se boek was vir my ’n verrassing. Ek het gemeen ek het ’n redelike idee van die omvang van apartheid se boosheid. Totdat Phoebe haar grootwordwêreld, ’n klipgooi van my eie, oopgepraat het. Haar Grassy Park en my Tokai is tien minute van mekaar, maar kon destyds (en nou?) net sowel op verskillende vastelande wees. Al het ons dieselfde taal gepraat, dieselfde kos geëet. Sy het my ook ’n kopskuif oor geestesstoornisse present gegee. Weer eens dag ek ek weet, want ek lewe immers self met ’n angsstoornis, en depressie is geen vreemdeling in my huis nie. Totdat sy my in die binnekamers van haar bipolariteit geneem het. Hiervoor eer ek haar.” – Rachelle Greeff, skrywer van die biografie Phoebe: ’n Lewe saam met Jakes Gerwel

27 MAART 11:15

Derick Hougaard

MET Brenden Nel GESPREKSLEIER

Jody Hendricks

Die ware storie van die Liefling van Loftus word uitmuntend deur die joernalis Brenden Nel vertel. Al weet jy nie veel van rugby nie, sal die verhaal van die sukses en ondergang van die begaafde rugbyspeler jou aan die hart gryp. Toe sy sportloopbaan deur beserings kortgeknip is, het hy die bewondering van sy duisende aanhangers, wat vir hom soos ’n verslawing was, gemis. Ander verslawings het sy lewe oorgeneem. Nel wonder tereg watter invloed die harsingskuddings wat hy as skoolseun opgedoen het op sy brein en gedrag gehad het.

27 MAART 14:00

Soekenjin

Kabous Meiring

Soekenjin is ’n kontemporêre digbundel oor die “internet van dinge”. Dit is verse oor die soeke na liefde, na die self, na betekenis, na die regte woord en na banale inligting op die internet. En oor die aanspraak wat daagliks op ons aandag gemaak word en ons soms op vreemde afdraaipaadjies lei. In hierdie opwindende bundel word die leser oorrompel met verbindings, net soos ons daaraan gewoond geraak het om via die internet aan almal anders verbind te wees. Daar is niemand anders wat soos Bibi Slippers met tegnologie in die Afrikaanse digkuns omgaan nie.

28 MAART 10:00

Bloedsomer

’n Albaster in ’n slagoffer se hand is al leidraad wat Petunia Moraleng, Sidney Gilroy se wonderlike nuwe speurder, het om te gebruik as hoofondersoeker in haar eerste saak op Mooibaai. Die Vrystaatse vlaktes lê nog diep in haar are en sy moet bontstaan om speursers. Hendriks gelukkig te hou. Met uitsonderlike intrige, spanning en selfs humor wys Gilroy met Bloedsomer, sy vierde spanningsroman, waarom hy so gewild en gerekend is. Sy debuut, Klikbek, is vir verskeie pryse benoem, die opvolg, Middernag, is met die kykNET-Rapportfilmprys bekroon en Vlam is vir ’n ATKVWoordveertjie benoem. Nie sleg vir ’n digitale spesialis wat vir die lekkerte skryf nie.

28 MAART 11:15

MET Bibi Slippers GESPREKSLEIER

MET Sidney Gilroy GESPREKSLEIER Elna van der Merwe

Die bardo van Biko April

MET Sjaka S. Septembir

Aan die einde van die vorige eeu voorspel Y2K die einde van die wêreld. Biko April is 27 en hy is down and out, tog vasbeslote om die oewer van sy 28ste verjaardag te haal voor alles vergaan. Sy rolmodelle in die kunstewêreld van Kaapstad verleen net beperkte bystand. Daarby is die advies van sy twee alter ego’s, Jan Jakkals en Christiaan, nie juis betroubaar nie. Met liefde en selfdood as die belangrikste temas lê die roman (soms surrealisties) Biko se innerlike bloot en verweef dit met sy worsteling met depressie, ook sy wroeging oor verliefdheid, vriendskap en eensaamheid – en natuurlik sy groot passie: Om te skryf.

28 MAART 14:00

Twa die tydloper

MET Anoeschka von Meck

GESPREKSLEIER Frieda le Roux

Twalie is die enigste meisiekind onder die eksentrieke Albrechts wat in ’n dorre landskap om oorlewing veg. Hulle is ’n geharde, eenkant-gesin vol geheime. Twalie se pa verwerp haar en haar ma maak haar gedurig stil. Dan red die Namavrou Letgoed haar uit ’n sandstorm en leer haar die geheime van Die Poort, wat tydens die heuningmaan ’n magiese plek word. Hier maak die tyd soms ’n deur agtertoe oop. Die meesterstoriespinner en skepper van onder meer Vaselinetjie en Annerkant die longdrop weef weer ’n storie wat jou verbeelding saam met hare op ander paaie sal laat loop.

29 MAART 10:00

The End of Eden

MET Adam Welz

GESPREKSLEIER Hans van der Veen

Wat het veroorsaak dat ’n megatrop van sowat 211 000 saiga-wildsbokke in 2015 binne vyf dae in Kazakstan gevrek het? Wat het al die langer droogtes en verwoestende storms te doen met varswatervelsiekte wat al meer onder dolfyne oor die wêreld heen voorkom? Dis die soort kwessies wat Adam Welz bekyk in sy baanbrekerboek The End of Eden, wat op klimaatineenstorting fokus. “Dit is ’n ontstellende en belangrike boek, ’n kalm beskrywing van ’n katastrofe, asof Vermeer besluit het om ’n verskriklike gruwel in ‘stadige aksie’ te skilder.” So skryf The New York Times hieroor.

29 MAART 11:15

The Thabo Bester Story

MET Daniel Steyn

GESPREKSLEIER Kabous Meiring

Die storie van die sogenaamde Facebook-verkragter, die minnares en die ontsnapping uit sel 35 het die land aan die gons gehad. Marecia Damons en Daniel Steyn, die joernaliste wat dié bedrogspul die eerste keer onthul het, vertel die volle verhaal van Thabo Bester, sy minnares, die bekende dr. Nandipha Magudumana, se vroeë lewens en hul onwaarskynlike liefdesverhouding, sy vervalste dood en die medepligtigheid van werknemers in Suid-Afrika se gebroke gevangenisstelsel.

29 MAART 14:00

Steeds bly die liefde

MET Beryl Botman

“Ná ’n stormagtige jaar van aanpassing, besluitneming en verandering behoort die daaropvolgende jare baie beter te verloop. Of is dit te veel gevra? Die verhoudings met die stief- en skoonfamilie versleg en die kloof raak al dieper.” Ondanks haar pogings om regverdig te wees, veral oor ’n eiendom in die boedel, maak die saak ’n draai in die hooggeregshof. Hieroor en oor haar nuwe lewe skryf Beryl Botman in haar opvolg op Sedert die dood ons skei (2022) wat sy geskryf het ná die skielike afsterwe van haar man, prof. Russel Botman, destyds rektor van die Universiteit Stellenbosch.

30 MAART 10:00

Minder as water

MET Morné Malan

GESPREKSLEIER Bibi Slippers

Dié wonderlike storie speel af op Bitterwater, ’n dorpie wat mens laat dink aan Lekkersing en Eksteenfontein in die Noord-Kaap. Konst. Cheslin Fielies het sy hande vol met ds. Lodewyk van Helsdingen, die “mal ou Dopper-sendeling” wat meer as een keer kaalstert en gewapen met sy Mauser die strate invaar. Die domineesvrou, Miriam, is “byna stokblind van die katarakte, maar dié hoor mos nou weer allerhande dinge”. Hulle is net ’n paar van die verruklike karakters wat Minder as water ’n boek maak wat jy nie kan neersit nie.

30 MAART 11:15

Die staaltjiemeester: Poem Mooney se skatkis vol stories

IMPROVISASIE-TEATER

Moontlik gemaak deur die Universiteit Stellenbosch se Afdeling Sosiale Impak en Transformasie

MET Poem Mooney en vriende

Die KKNK vereer vanjaar vir Poem Mooney, die bekende storieverteller van die Klein Karoo, vir sy waardevolle bydrae tot kuns en kultuur. ’n Groep akteurs, onder meer van die Universiteit Stellenbosch, gaan die stories wat Poem geskep en oorvertel het in die vorm van vermaaklike “playback theatre” (improvisasie-teater) vertolk. ’n Paar van sy goeie vriende vertel ook ’n storie of twee oor hom. Deel in die viering van Poem se ongelooflike storieskat en word opnuut herinner aan die waarde van stories en aan die redes waarom ons stories vertel – vir vermaak en om die wêreld effe anders deur ander se oë te sien.

AFRIKAANS • GESIN • 60 MIN. • GRATIS

KYKNET-LEEFAREA (GRASPERK VOOR ABSA BURGERSENTRUM)

24 MAART OM 15:00

De Rust Koktyls-kalender

BEKENDSTELLING

MET Maryna Cotton en Sarel van Staden

GESPREKSLEIER Coenie de Villiers

De Rust Koktyls is ’n baie spesiale kalender, met ’n besonderse storie. Dit is ’n versameling ongewone portrette van De Rust-inwoners en talle stories van dié Klein Karoo-dorp, wat nie net spreek tot hoe spesiaal die mense van De Rust is nie, maar ook dien as getuienis van die veerkragtigheid van die Suid-Afrikaanse platteland. ’n Groep brawe mans van De Rust het alle inhibisies en vooroordele geïgnoreer en die ongemak verduur om net in hulle Adamsgewaad voor die kamera te staan ten bate van gemeenskapsprojekte.

AFRIKAANS EN ENGELS • GESIN • 120 MIN. • GRATIS NETWERK24-FEESKAFEE

25 MAART 10:00

© RYAN DAMMERT

TEATERGESPREKKE

Sluit aan by die geselskappe van uitgesoekte teaterproduksies by hierdie jaar se KKNK vir meer inligting oor die agtergrond, praktiese en kreatiewe aspekte én ’n dieper insig oor hulle werk by hierdie jaar se fees.

Roem: ’n Musiekverhaal

TEATERGESPREK

MET Deon Meyer, Coenie de Villiers, Nicole Holm en die geselskap

Die saadjie vir die storie van Roem is al 17 jaar gelede by Deon Meyer geplant, maar as ’n musiekspel. Met die bekroonde spanningsverhaalskrywer se onlangse samewerking met die uitstaande musikus en sanger Coenie de Villiers aan teaterproduksies met die Karoo as tema, snoer hulle nou kragte saam om albei vir die eerste keer hul hand aan ’n musiekblyspel te waag. Ons gesels met die skeppers oor hoe dit gestalte gekry het, en die uitdagings, terwyl die geselskap insig bied in die proses om dit op die planke te kry.

AFRIKAANS EN ENGELS • GESIN • 45 MIN. GRATIS

KYKNET-LEEFAREA (GRASPERK VOOR ABSA BURGERSENTRUM)

23 MAART OM 15:30

Veelhoek

TEATERGESPREK

MET Jana Cilliers, Marthinus Basson en Ludwig Binge

Die aktrise Jana Cilliers, een van vanjaar se KKNK-vereerdes, het met Veelhoek haar eerste toneelstuk as skrywer aangepak. Dit is ’n persoonlike verhaal waarin sy in gesprek tree met haar neef Barnard Gilliland wat jonk dood is, maar reeds die aandag getrek het met sy debuutdigbundel, Veelhoek. Dit is 60 jaar ná sy dood en Cilliers besin oor die veelhoekigheid van die mens se bestaan en hoe daar raakpunte is oor die dekades heen. Sluit aan vir ’n gesprek oor die verkenning van verlies en verlange en hoe teater ’n magiese kuur bied.

AFRIKAANS EN ENGELS • GESIN • 45 MIN. GRATIS

KYKNET-LEEFAREA (GRASPERK VOOR ABSA BURGERSENTRUM)

25 MAART OM 15:30

Patmos en Die vegetariër

TEATERGESPREK

MET Willem Anker, Jaco Bouwer, Tinarie van Wyk Loots en Marlo Minnaar

Die regisseur Jaco Bouwer en skrywer Willem Anker kom al ’n lang pad (onder meer Skrapnel en Samsa-masjien). Anker keer vir die eerste keer in tien jaar terug met ’n oorspronklike drama na die verhoog, Patmos, wat by die KKNK debuteer, terwyl hy die vertaling en verwerking van Han Kang se Man Booker International-pryswenner van 2016, The Vegetarian, gedoen het (wat by die US Woordfees gedebuteer het). Twee uiteenlopende produksies wat opwindende en uitdagende teater bied. Saam met lede van die geselskap word daar diep gedelf in die aard van metaforiese teater. En mens mag maar vra wat maak die Anker-Bouwersamewerking so gedug (soos talle pryse getuig).

AFRIKAANS EN ENGELS • GESIN • 45 MIN. GRATIS

KYKNET-LEEFAREA (GRASPERK VOOR ABSA BURGERSENTRUM)

27 MAART OM 15:00

Die stoele

TEATERGESPREK

MET Marthinus Basson, Chris van Niekerk en die geselskap

Die skrywer van Die stoele, Eugène Ionesco, het eens gesê: “Alle teater is absurd.” Die geselskap gesels oor die waarde van klassieke werke en ondersoek die waarde van absurde teater in vandag se tye. Daar word ook gekyk na die belangrikheid om vertalings te doen en op te voer, met Nerina Ferreira wat juis een van die voorste vertalers was en wat ’n beduidende bydrae tot die Afrikaanse vertaalde dramaskatkis, onder meer, gehad het.

AFRIKAANS EN ENGELS • GESIN • 45 MIN. • GRATIS

KYKNET-LEEFAREA (GRASPERK VOOR ABSA BURGERSENTRUM)

28 MAART OM 15:30

Fietsry vir dommies

TEATERGESPREK

MET Tiffany Saterdaght en Eldon van der Merwe

Iewers tussen die verwagtinge van mense en die drome van jongmense, tree die werklikheid uiteindelik in. Tiffany Saterdaght se Fietsry vir dommies put inspirasie uit die drome en realiteite van grootword in die platteland en werp ’n blik op dié eiesoortige uitdagings. Geleefde stories word vertel, wat ook universeel is. Gesels saam oor hoe stories gestalte kry, want jy gaan jouself herken.

AFRIKAANS EN ENGELS • GESIN • 45 MIN.

GRATIS

KYKNET-LEEFAREA (GRASPERK VOOR ABSA BURGERSENTRUM)

29 MAART OM 15:00

Braam en die engel

TEATERGESPREK

MET lede van die geselskap

Braam en die engel, geskoei op Marietjie de Jongh se gelyknamige boek, is ’n multidissiplinêre magiese familiedrama wat gehore landwyd gaande het. Die geselskap verduidelik hoe belangrik dit is dat gehaltewerk geskep word wat vir die hele gesin geskik is. Daar word ook gefokus op die uitdagings rondom die verwerking van ’n boek vir die verhoog wat sterk steun op die verbeelding.

AFRIKAANS EN ENGELS • GESIN • 45 MIN.

GRATIS

KYKNET-LEEFAREA (GRASPERK VOOR ABSA BURGERSENTRUM)

30 MAART OM 15:00

© GYS LOUBSER

© PIETER LOMBAARD

KLEIN KAROOERVARINGS

Fat-Buffel-Bastardoestafel

Kom drink van die wyne van Fat Bastard en proe van die oes – in ’n wonderlike omgewing waar jy kan luister na die aandklanke van die Klein Karoo. Dit is die perfekte afsluiting ná ’n bedrywige feesdag.

AFRIKAANS EN ENGELS • GEEN O.18 • 120 MIN.

R550

OLIFANTLAPA BY BUFFELSDRIFT GAME LODGE

27 MAART 19:00 • 28 MAART 19:00

Olifant-ervaring en buffetontbyt

AANGEBIED DEUR Buffelsdrift Game Lodge

Geniet ’n buffet-ontbyt in die restaurant en beleef ’n wonderlike ervaring saam met die drie grootpote Malaika, Bulelo en Jabari. Word meegevoer deur die aangrypende verhaal van drie wees-Afrika-olifante wat ’n gelukkige tuiste by Buffelsdrift Game Lodge gevind het. Persoonlike interaksie met die olifante en hope fotogeleenthede is deel van dié ervaring.

AFRIKAANS EN ENGELS • GESIN • 120 MIN.

R495

BUFFELSDRIFT GAME LODGE

23 TOT 31 MAART 07:30

Historiese wandeltoer

TOER

AANGEBIED DEUR Roydin Engelbrecht van RJ Tours

Op dié gemaklike staptoer word daar besoek afgelê by belangrike argitektoniese geboue op Oudtshoorn. Een hiervan is die NG Moederkerk waar bouwerk in 1860 begin het en in 1879 voltooi is. Dra gemaklike stapskoene en warm klere.

AFRIKAANS EN ENGELS • GESIN • 120 MIN. R130

VERTREK VANAF NG MOEDERKERK (H.V. HOOGEN KERKSTRAAT) EN EINDIG BY BEANS CAFÉ (KERKSTRAAT)

23 TOT 31 MAART 08:00

Karoo Kaarte-staptoer

KLEIN KAROO-ERVARING

Tydens die fees in 2023 het Karoo Kaarte ’n opwindende slimfoon-app bekend gestel, wat selfbegeleide toere herverbeel en saamgesmelt het met die mondelinge geskiedenis wat tydens die projek ingesamel is. Die app is ’n interaktiewe argief van herinneringe uit mense se kinderdae en staaltjies oor verlore en openbare ruimtes van Oudtshoorn. Nuwe gebiede van belang word in 2024 tot die app bygevoeg en ’n reeks begeleide staptoere word aangebied. Elke staptoer is ’n unieke ervaring terwyl gehore deur die verskillende woonbuurte van Oudtshoorn begelei word, met verskillende Karoo Kaartespanlede wat hul eie persoonlike stories en staaltjies oor die dorp verweef met die herinneringe van medeinwoners waarmee daar vir die projek onderhoude gevoer is. Deelnemers benodig toegang tot ’n slimfoon met data om die Karoo Kaarte-app af te laai. Oorfone is nie noodsaaklik nie, maar gaan die ervaring verbeter. Die roete is ongeveer 3 km lank.

VEELTALIG • GESIN • 90 MIN. R80

VERTREK VANAF C.P. NEL-MUSEUM-MUURSKILDERY

23 MAART 09:00 (BONGOLETHU, THUSONG-SENTRUM)

•

24 MAART 09:00 (OUDTSHOORN-SAKEKERN) • 25 MAART 09:00 (BRIDGTON, DIE OUKAS) • 26 MAART 09:00 (BRIDGTON, DIE LAEVELD)

• 27 MAART 09:00 (BONGOLETHU, THUSONG-SENTRUM) •

28 MAART 09:00 (OUDTSHOORN-SAKEKERN) • 29 MAART 09:00 (BRIDGTON, DIE OUKAS) • 30 MAART 09:00 (BRIDGTON, DIE LAEVELD)

• 31 MAART 09:00 (OUDTSHOORN-SAKEKERN)

Skandeer dié QR-kode om die Karoo Kaarte-app af te laai.

Olyf tot olyfolie

TOER EN PROE

AANGEBIED DEUR Precilla Steenkamp en Megan Stuurman van De Rustica

“Jy sal nooit weet hoe ’n slegte olyfolie proe voordat jy ’n goeie een geproe het nie.”

De Rustica se Estate Collection Coratinaolyfolie is in 2023 as die wêreld se beste olyfolie aangewys by die Evooleum-kompetisie in Spanje. Hierdie toer en proe bied ’n warm, vriendelike en leersame ervaring waar deelnemers leer hoe olyfolie verbou, geoes en produseer word. Of jy nou ’n fynproewer van olyfolie is of nie – dit is ’n fantastiese toer vir elkeen wat meer van die bekende De Rustica Olive Estate wil sien. ’n Kort video bied insig in die geskiedenis van die olyfbedryf in SuidAfrika, waarna ’n professionele en ervare toergids die groep vergesel na die olyfboord en meer inligting verskaf oor die landgoed, die olyfbome en verskillende kultivars. Gaste besoek ook die olyfmeule, wat ’n insiggewende toer van die Alfa Laval-pers insluit. ’n Unieke proe-ervaring van olyfolie is iets wat jy nie gou sal vergeet nie. Verskillende style van olyfolie van verskillende oesjare en variëteite word geproe. Daar is nie ’n beter manier om meer oor die geheime van olyfolie te leer as by De Rustica Olive Estate nie.

AFRIKAANS EN ENGELS • GESIN • 60 MIN. R100

DE RUSTICA OLIVE ESTATE, OUDEMURAGIE-PAD, DE RUST (35 KM BUITE OUDTSHOORN)

23 MAART 11:00 & 14:00 • 24 MAART 11:00 •

25 MAART TOT 30 MAART 11:00 & 14:00

The Accidental Baker’s Sourdough Workshop

BAK-WERKSESSIE AANGEBIED DEUR

The Accidental Baker

In hierdie werksessie stel

The Accidental Baker jou bekend aan die basiese beginsels van suurdeegbak. Dit sluit tegnieke in wat in hul bakkery gebruik word, waaronder om brode te knie, te fermenteer, te vorm en te bak, asook hoe om ’n suurdeegplantjie te maak en in stand te hou, hoe om jou deeg te maak en te vorm, en baie nuttige wenke om die perfekte brood te bak. Vir meer inligting, besoek @ theaccidentalbaker_co op Instagram.

ENGELS • GESIN • 270 MIN. R1 150

THE ACCIDENTAL BAKER, WESOEWERSTRAAT 23, CALITZDORP

26 MAART 09:00 • 28 MAART 09:00

3-Slaapkamer per kwotasie

GRATIS BARON VAN REEDESTRAAT

DAAGLIKS VANAF 10:00 TOT LAAT

BARON VAN REEDESTRAAT

Die hartklop van die KKNK

Maak tussen jou tyd in die teaters en die Feesmark ’n draai in Baron van Reedestraat waar fees ’n kuur vir elke kwaal wag. Musiek, gesels, lag en ander verrassings word daagliks op die Baron van Reede-verhoog aangebied. Wees op die uitkyk vir kleurvolle optredes deur straatkunstenaars wat jou gaan verstom. Alhoewel die hele aanbod gratis aangebied word, word kykers aangemoedig om soos met die tradisie van ouds vir die straatkunstenaars ’n paar rand in die hoed te gooi.

Lucky Pakkie is nou in Baron van Reedestraat (lees meer op bladsy 92). Luister en eem deel aan al die gesprekke wat gratis in die Netwerk24-feeskafee aangebied word, waaronder Die Burger Praat Saam se diskoersreeks, Netwerk24 se Nuus met Spies, Boekstories met skrywers, interessante bekendstellings en vele meer. Die Boekeparadys verkoop nie net al die nuutste leesstof nie, maar bied ook allerlei winskopies. Span uit by die kykNET-leefarea waar teatergesprekke aangebied word en hope geleenthede om saam met die kykNET-span te kuier.

Smul ook aan eetgoed by die kosstalletjies, koel af met ’n koue lafenis by die kroeg en ontspan in die koelte.

Verwag ’n verrassing om elke hoek en draai!

VERSKAFFERS

Acker & Maloney Ing. | Geoktrooieerde rekenmeesters

Alert Patrol Sekuriteit

Blond Productions

Brand Public Agency

Cape Medics EMS

Daisy Business Solutions

Distinctive Choice

Dryland Africa

Eben en Theo Barnard Elektries

Hans van der Veen

Herotel

J&E Communication

Merl Structures

Oudtshoorn-munisipaliteit

Philip Goets Versekeringsmakelaars

Premier Air and Power Solutions

Sekuriteitsdienste

Tegnies vir teaterproduksies

Bemarkingsvennoot

Mediese dienste

Drukkers

Tente en drapering

Bedryfsvennoot

Elektries

KKNK-fotograaf

WiFi-gebiede

Radio’s

Verhoë en takelwerk

Venues en logistieke ondersteuning

Versekering

Lugverkoeling

ProWorx Signs | Drukwerk, kentekens en naamborde

PSP Timbers

Queen’s Hotel

Split Transport

Super Rent

Top Loos

Van der Berg Vervoer

W. Heuer Musikhaus

Webtickets

William de Bruin

Grondbedekking

Kannalandkamer

Stelvervoer

Voertuie

Chemiese toilette

Toerusting

Klaviere en stemwerk

Kaartjieverkope

Kroegmeubels

Kunste Onbeperk NPC

Hugo Theart | Uitvoerende hoof en artistieke direkteur

Lizané Basson | Algemene bestuurder

J.C. Aucamp | Bemarkingsbestuurder

Daventia Kennedy | Marktekoördineerder

Nicolette van der Merwe

Colleen Swartz

Inligtingskoördineerder

Finansiële beampte

Ondersteuningspersoneel

Adrian Patrick

Tydelike personeelkoördineerder

Astrid van Ster | Administratiewe beampte

Glenisha Tarentaal

Daleen Witbooi

Eloise-Denise Oktober

Zandria van Rooyen

Hendrik Hendricks

Bernard le Roux

Afrika Tarentaal

Amanda Duvenhage

Programassistent

Administratiewe beampte

Administratiewe beampte

Administratiewe beampte

Nutsman

Dryland Africa (Logistiek)

Dryland Africa (Logistiek)

Dryland Africa (Logistiek en gasvryheid)

Henco Rademeyer | Dryland Africa (Logistiek)

Yolandi Ellis

Francisca Deck

Christa Greyling

Laretha Blom

Michelle Carolus

Cornis Serfontein

Pieter-Jan Kapp

William de Bruin

Thomas Theron

Doret Vlok

Kobus Spies

Jan Brits

J.K. van Wyk

Genevieve Maya

Marguerite Robinson

BrandPublic

Dryland Africa (Administratiewe beampte)

Tydelike restaurante en depot

Bestuurder: Voorportaal

Assistent: Markte

Assistent: Voorportaal

Bestuurder: Inrigting van terreine

Bestuurder: Tegnies

Bestuurder: GOS

Koördineerder: Akkreditasie

Logistieke beampte

Logistieke koördineerder: Visuele kuns

Koördineerder: Feesvervoer

Hyskraanoperateur

Agterverhoog-gasvryheid

Feesgids: Taalversorging

Feesgids: Grafiese ontwerp

DIE WENSPAN

Programkoördineerders

Dineke van der Walt | Kurator: Visuele kuns

Elna van der Merwe | KKNK Boekstories

Jody Hendricks | Die Burger Praat Saam-diskoersreeks

Lanèl van der Kolff | Straatteater

Llandi Beeslaar en Stephanie Gericke | Lucky Pakkie en straatkuns

Nation Events | Feesmark-verhoog

Elrine Lottino | Baron van Reedestraat-verhoog

Schoemé Steenkamp | Kinderteater

Bemarkingsveldtog

Sentient Creative Direkteure

Crispin Sonn (voorsitter)

Chris Macpherson

Ismail Mahomed

Denver Moses

Theresa Olivier

Mariné van Brakel

Christo van der Rheede

Olga Wyngaard

Hugo Theart (uitvoerende hoof en artistieke direkteur)

Beskermhere

Patrice Motsepe

Franklin Sonn

Ton Vosloo

Christo Wiese

KKNK as deel van die Feesteforum verbind tot bevordering van diversiteit en inklusiwiteit

Die Feesteforum verstaan en erken dat sistemiese rassisme en diskriminasie bestaan en dat dit op verwikkelde wyses uitspeel in gemeenskappe. Dit is inherent deel van die Suid-Afrikaanse storie en raak byna alle gemeenskappe op makro- en mikrovlak.

Kunstefeeste is ’n integrale deel van die poging om hierdie ongelykhede tussen en marginalisering en onderdrukking van sekere groepe te takel. As Feesteforum is dit deel van ons missie om kunstenaars en gehore byeen te bring om oop, veilige en kreatiewe platforms te skep vir vrye en diverse artistieke uitdrukking.

Ons is verbind tot die samestelling van inklusiewe programme en die aanbied van werk wat die stories van verskeie gemeenskappe vertel, en ook die skep van geleenthede vir gesprekke wat die gebreke onder die loep neem.

Daarom is ons verder verbind tot die ontwikkeling van gehore wat inklusiwiteit en diversiteit as prioriteite beskou, en nooi u as feesganger uit om hierdie waardes te omarm, maar ook aktief die fees as ’n geleentheid te beskou om by ons aan te sluit in die stryd teen ongelykheid en rassisme. Saam kan ons ’n gemeenskap van diverse mense skep wat verskille omarm en daardeur ook mekaar vier. Soos die kunste vir ons die weg aanwys.

Die Feesteforum, onder die voorsitterskap van NATi, bestaan uit verteenwoordigers van die KKNK, die Toyota US Woordfees, die Suidoosterfees, Momentum Beleggings Aardklop, die Vrystaat Kunstefees en Innibos.