ХАТЛОН
Харгӯшпарварӣ соҳаи сердаромад аст
QR-CODE Рӯзномаи «Хатлон»
@ruznomai_khatlon @ruznomai_khatlon khatlon.tj@mail.ru
Дар ин шумора:
Манзилҳои Сешанбе, 8 июни солинав 2021, №33 (3322)
ХАТЛОН Саҳ.
2
3
Соли 90-уми нашр
Тоҷикистон, ба пеш!
Пирӯзии Рузномаи «Хатлон» ҳунармандони Хатлон
Соли 90-уми нашр
4
№33 (3322), 08.06.2021
Дар масириkhatlon.tj@mail.ru дӯстӣ @ruznomai_khatlon
@ruznomai_khatlon
1
Корҳои сохтмонии Маҷмааи бисёрсоҳаи тиббӣ дар ноҳияи Қубодиён ба анҷом расиданд. Ин маҷмааи муҳташам, ки аз маркази саломатӣ, беморхонаи касалиҳои сироятӣ ва дигар шуъбаҳо иборат , хоҳад буд, дар асоси муоҳидаи байнидавлатӣ миёни Ҳукуматҳои Ҷумҳурии Тоҷикистон ва Ҷумҳурии Ӯзбекистон бунёд гардида, рӯзҳои наздик расман мавриди ифтитоҳ қарор хоҳад гирифт.
j t . a m o n z u r n o www.khatl
Нашрияи мақомоти иҷроияи ҳокимияти давлатии вилояти Хатлон
Ҳамкориҳои гуногунҷанбаи тиҷоративу иқтисодӣ яке аз омилҳои муҳимтарини таҳкиму густариш пайдо кардани муносибатҳои дӯстии байни Тоҷикистону Ӯзбекистон маҳсуб меёбанд ва мо азми қотеъ дорем, ки онҳоро минбаъд низ густариш диҳем. Моро зарур аст, ки бо дарназардошти хусусиятҳои ба ҳам монанди иқтисодиёти кишварҳоямон, ҷиҳати ба роҳ мондани робитаҳои боз ҳам беҳтар дар миёни сохторҳои хоҷагидориамон, иқдомҳои муассир анҷом диҳем. Эмомалӣ Раҳмон, Президенти Ҷумҳурии Тоҷикистон Чӯпон Бадали ВАНҶӢ
Ӯзбеку тоҷик Ду ҷону як бадан, ӯзбеку тоҷик, Ду нақши як чакан, ӯзбеку тоҷик. Ду ҳарфи як сухан, ӯзбеку тоҷик, Ду боғи як чаман, ӯзбеку тоҷик. Ду халқу як салом, ӯзбеку тоҷик, Ду халқу як калом, ӯзбеку тоҷик. Ду халқу як таом, ӯзбеку тоҷик, Ду халқу як маром, ӯзбеку тоҷик. Ду чашму як назар, ӯзбеку тоҷик, Ду роҳу як сафар, ӯзбеку тоҷик. Ду нахлу як самар, ӯзбеку тоҷик, Ду боби як асар, ӯзбеку тоҷик.
Дар Бохтар доираҳои тиҷоратии Тоҷикистону Ӯзбекистон ба ҳам меоянд Пагоҳ, 9 июн, дар шаҳри Бохтар дар доираи сафари Президенти Ҷумҳурии Ӯзбекистон (10-11 июн) ба Ҷумҳурии Тоҷикистон, баргузории Форуми муштараки сармоягузории Тоҷикистону Ӯзбекистон дар назар дошта шудааст.
Ду дасту як дуо, ӯзбеку тоҷик, Ду дарду як даво, ӯзбеку тоҷик. Ду меҳру як вафо, ӯзбеку тоҷик, Ду тору як наво, ӯзбеку тоҷик. Ду шохоби як об, ӯзбеку тоҷик, Ду ҷому як шароб, ӯзбеку тоҷик. Ду хайру як савоб, ӯзбеку тоҷик, Ду боли як уқоб, ӯзбеку тоҷик. Ду халқу як шиор, ӯзбеку тоҷик, Ду тори як дутор, ӯзбеку тоҷик. Ду нақши як нигор, ӯзбеку тоҷик, Ду маргу як мазор, ӯзбеку тоҷик. *** Ду китфу як саранд, ӯзбеку тоҷик, Ду болу як паранд, ӯзбеку тоҷик. Раҳи ҳамсоядорӣ боз шуд боз, Ду дасти як даранд, ӯзбеку тоҷик. Ду қоши сарбасар, ӯзбеку тоҷик, Ду пову як камар, ӯзбеку тоҷик. Набуду нест дар олам чу онон, Шабеҳи ҳамдигар, ӯзбеку тоҷик. *** Ду халқу ду ватан, як расму оин, Мутааллиқ ба як мазҳаб, ба як дин. Худоё, ваҳдати моро нигаҳ дор, Зи чашми душманон, омин, омин! А. Хатлонӣ
Дӯстӣ Дӯстӣ-ин оини аҷдоди аҳли олам аст, Дӯстӣ сармояи бахту нишоти одам аст. Ваҳдати поянда бод андар замини дӯстӣ, Осмони дӯстӣ покиза аз абри ғам аст. Ин ҷаҳон зебанда аз созу ҳавои дӯстӣ, Рақси дилҳоро бубин андар навои дӯстӣ. Халқи тоҷик аз азал бо дӯст дорад эҳтиром, Устувору бовиқор андар вафои дӯстӣ. Дӯстӣ –ин оини аҷдоди аҳли олам аст, Дӯстӣ сармояи бахту нишоти одам аст. Санги хоро мум гардад аз тавони дӯстӣ, Гул кунад хори муғелон дар замони дӯстӣ. Эй бародар, мулки моро бингарӣ бо чашми нек, Регу сангаш чун гувоҳе аз макони дӯстӣ. Дӯстӣ –ин оини аҷдоди аҳли олам аст, Дӯстӣ сармояи бахту нишоти одам аст.
Нахуст, ҳайати меҳмонони ӯзбекистонӣ аз намоишгоҳи маҳсулоти саноатию кишоварзии вилояти Хатлон дидан мекунанд. Дар қисмати ифтитоҳии чорабинии мазкур, ки дар Кохи фарҳанг ва маркази иттилоотии шаҳри Бохтар сурат мегирад, муовини якуми Сарвазири Ҷумҳурии Тоҷикистон Давлаталӣ Саид, муовини Сарвазири Ҷумҳурии Ӯзбекистон, вазири сармоягузорӣ ва савдои хориҷии Ҷумҳурии Ӯзбекистон Сардор Умурзаков, раиси вилояти Хатлон Қурбон Ҳакимзода иштирок ва суханронӣ менамоянд. Инчунин, дар форум иштироки вазири кишоварзӣ ва иштироки раисони якчанд вилояти Ӯзбекистон, соҳибкорон ва роҳбарони ширкатҳои тиҷоратии кишвари ҳамсоя пешбинӣ шудааст. Дар Форуми муштараки сармоягузории Тоҷикистону Ӯзбекистон имкониятҳои сармоягузории ду кишвари дӯсту ҳамҷавор - Тоҷикистону Ӯзбекистон муаррифӣ гардида, дар ҷараёни он маросими баимзорасонии ҳуҷҷатҳои дуҷониба низ сурат
мегирад. Сипас, вохӯриҳо дар формати В2В ва G2В/ баимзорасонии санадҳои дуҷониба доир мешаванд. Доираҳои тиҷоратии ду кишвар имкониятҳои тавсеаи тиҷорати мутақобила, ташкили интиқоли маҳсулоти гуногун ба бозорҳои Тоҷикистон ва Ӯзбекистон, инчунин татбиқи лоиҳаҳои муштараки сармоягузорӣ бо иштироки сармояи хусусиро дар соҳаҳои хӯрокворӣ, бофандагӣ, кимиёвӣ, кишоварзӣ, чарм ва пойафзол, саноати электротехникӣ, технологияҳо ва таҷҳизоти саноатӣ, масолеҳи сохтмонӣ ва ғайра баррасӣ хоҳанд кард. Мулоқоти навбатии доираҳои соҳибкории ду кишвари ҳамҷавор дар маркази маъмурии вилояти Хатлон - шаҳри Бохтар бозгӯи таваҷҷуҳи доираҳои тиҷоратии ду давлат ба густариши тиҷорати мутақобилаи молҳо ва хидматҳо, ба роҳ мондани робитаҳои тиҷорӣ дар соҳаҳои афзалиятноки гуногуни тиҷорат, инчунин сармоягузорӣ ба лоиҳаҳои мушта-
рак дар соҳаи коркарди маҳсулоти кишоварзӣ, истеҳсоли масолеҳи сохтмонӣ, маҳсулоти кимиёвӣ, истеҳсоли шароб, маҳсулоти хӯрокворӣ мебошанд. Дар Форуми мазкур, ҳамчунин раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон С. Қодирзода ва раиси Палатаи савдо ва саноати Ҷумҳурии Ӯзбекистон А. Икрамов суханронӣ менамоянд. Қобили зикр аст, ки Тоҷикистон ва Ӯзбекистон тасмим гирифтаанд, ки гардиши савдои дуҷонибаро то ба 1 миллиард доллари амрикоӣ расонанд. Дар чор моҳи соли равон гардиши савдои дуҷониба байни Тоҷикистон ва Ӯзбекистон 30 фоиз афзоиш ёфта, 133 миллион доллари амрикоиро ташкил дод. Бо вуҷуди пандемия соли 2020 робитаҳои тиҷоратӣ қатъ нагардиданд. Тӯли ду соли охир мубодилаи тарафайни мол бидуни ҳисобу китоби хидматрасонӣ беш аз 10 баробар афзуд. Дар ин бобат восита ва хидматҳои нақлиётӣ, маҳсулоти бофандагӣ ва пластмассавӣ, техникаҳои маишӣ мавқеи асосӣ доранд. Муоҳидаҳо дар бораи ҷамъбандии техникаҳои кишоварзӣ, истихроҷи маводи сохтмон, маҳсулоти тайёри бофандагӣ, хӯрокворӣ ва ғайра татбиқ мегарданд. Ҳамкорӣ дар соҳаи энергетикӣ мустаҳкам мешавад. Ӯзбекистон ба Тоҷикистон гази табиӣ медиҳад, ҳаҷми воридоти неруи барқ аз Тоҷикистон меафзояд. Барои ҳамкориҳои самарабахши кишварҳои мо бобати вусъат додани гузаргоҳҳои нақлиётӣ ва байналхалқии транзитӣ имкониятҳо мавҷуданд. Ба шарофати иродаи қатъии сиёсӣ ва саъю кӯшишҳои муштараки президентҳои Тоҷикистон ва Ӯзбекистон солҳои охир ҳамкориҳои васеъмиқёси байни ду кишвар дар тамоми соҳаҳо бо суръат ривоҷ меёбанд. Ба мақсади мунтазам идома додани ин ҷараёни мусбат ва ба дараҷаи сифатан нав бардоштани муносибатҳои муфиди тарафайни кишварҳои мо, бо даъвати Президенти Тоҷикистон рӯзҳои наздик (10-11 июни соли ҷорӣ) ташрифи расмии Президенти Ӯзбекистон муҳтарам Шавкат Мирзиёев ба Ҷумҳурии Тоҷикистон дар назар аст. Дар ҷараёни ин сафар мушаххас сохтани самтҳои нави шарикии стратегии кишварҳои мо, ҳамчунин вусъат додани робитаҳои бисёрҷанба дар пояи лоиҳа ва барномаҳои азими муштарак пешбинӣ мегардад. Носирҷон Маъмурзода, “Хатлон”
Тасвиби қарори раиси вилоят оид ба дастгирии истеъдодҳо Раиси вилояти Хатлон Қурбон Ҳакимзода бо тасвиби як қарор Барномаи вилоятии дарёфт ва рушди истеъдодҳо барои солҳои 2021-2025 ва нақшаи чорабиниҳои амалигардонии онро тасдиқ намуд.
Барномаи мазкур бо мақсади дарёфт, дастгирӣ, рушди хонандагони боистеъдод ва фароҳам овардани шароити мусоиди таълимию тарбиявӣ ҷиҳати ташаккули таҳсили муттасили ҷавобгӯ ба талаботи таълимӣ ва амалӣ намудани қобилиятҳои эҷодии истеъдодҳо дар вилояти Хатлон таҳия гардидааст. Қобили зикр аст, ки дар доираи «Барномаи давлатии дарёфт ва рушди истеъдодҳо барои солҳои 2015-2020» дар тамоми шаҳру навоҳии вилоят марказҳои дарёфт ва рушди истеъдодҳо таъсис дода шуда, ҳаракати олимпӣ ташаккул ёфт. Агар дар соли 2016 дар вилоят танҳо се олимпиадаи фаннӣ (даставӣ, номӣ, анъанавӣ) баргузор шуда, 1344 хонанда иштирок намуда бошад, пас, дар соли 2021 шумораи олимпиадаҳо ба 21 адад бо иштироки 6329 хонанда расид.
Обшорон соҳиби бунгоҳи тиббӣ шуд Бахшида ба 30-солагии Истиқлолияти давлатии Тоҷикистон бо маблағгузории Ҳукумати Ҷумҳурии Тоҷикистон дар деҳаи Обшорони шаҳри Кӯлоб як бунгоҳи тиббии муҷаҳҳаз бо муосиртарин дастгоҳи соҳавӣ сохта ба истифода дода шуд. Ҳамзамон дар ин рӯз бо ҳузури мутахассисони соҳибтаҷрибаи тиб зиёда аз 50 навзод аз амалиёти хатна гузаронида шуданд.
Дар маросими баистифодадиҳии бинои бунгоҳи тиббӣ аҳолии деҳа иштирок намуда, онҳо аз дастгириҳои пайвастаи Ҳукумати мамлакат ва ғамхориҳои бевоситаи Пешвои миллат муҳтарам Эмомалӣ Раҳмон изҳори қаноатмандӣ намуданд.
Вусъати ободонӣ дар Сангтӯда Ба ифтихори 30-солагии Истиқлолияти давлатии Ҷумҳурии Тоҷикистон дар Ҷамоати деҳоти “Сангтӯда”-и ноҳияи Данғара бунёду навсозии 27 иншооти таъйиноти гуногун ва барои хоҷагии халқи деҳот муҳим ба нақша гирифта шудааст.
Ба иттилои раиси ин ҷамоат Б. Қодиров, то имрӯз 16 иншоот бунёду навсозӣ гардида, иншооти дигар то моҳи сентябри соли равон марҳила ба марҳила мавриди истифода қарор мегиранд. Дар доираи омодагиҳо ба ҷашни Истиқлол аз ҳисоби маблағҳои буҷетӣ ва Бонки ҷаҳонӣ чанде пеш сохтмони маркази саломатӣ дар деҳаи Навобод бо сифати баланд ба анҷом расида, 12 нафар табибону ҳамшираҳои шафқат бо кор таъмин шуданд.
Таъминоти оби нӯшокӣ дар маркази ноҳияи Хуросон Дастрасии сокинони маркази ноҳияи Хуросон ба оби тозаи нӯшокӣ таъмин гардид. Дар ин бора аз мақомоти иҷроияи ҳокимияти давлатии ноҳияи Хуросон ба рӯзномаи “Хатлон” иттилоъ доданд.
Бо ибтикори мақомоти маҳаллӣ дар ҳамкорӣ бо ташкилоти ғайриҳукуматии «Обёрии Кавсар» лоиҳаи махсус барои фароҳам овардани дастрасии сокинони ноҳияи Хуросон ба оби ошомиданӣ татбиқ гардида, дар доираи он аз масофаи 12 километр то ба маркази ноҳия аз чашмаи табиии мавзеи Чинортут хати обгузар расонида шуд. Оби интиқолёбанда ба воситаи қубурҳои пластикии қутраш 50 миллиметра ба ҳавзи захирашавии ғунҷоишаш 600 метри кубӣ рехта, пас аз он ба манзилҳои сокинони маҳал тақсим карда мешавад.
“Бешаи палангон” шомили феҳрасти ЮНЕСКО мешавад? Ҳукумати Ҷумҳурии Тоҷикистон таҳияи санадро барои ба рӯйхати мероси ҷаҳонии ЮНЕСКО шомил кардани мамнуъгоҳи табиии «Бешаи палангон» шурӯъ кардааст, гузориш медиҳад «АП».
Мақоми мавзеи мероси ҷаҳонӣ барои дарёфти як зумра имтиёзҳо ҳам дар самти муҳофизати табиат ва ҳам дар самти дастгирии ҳамаҷонибаи мамнуъгоҳ мусоидат мекунад. Инҳо, пеш аз ҳама, баланд шудани эътибор, афзалиятнокӣ барои ҷалби маблағҳо, рушд додани шаклҳои алтернативии истифодабарӣ, масалан, туризми экологӣ ва боз бисёр чизҳои дигар мебошанд. «Бешаи палангон» мамнуъгоҳи нодири сайёра аст, ки дар ҳудуди се ноҳияи вилояти Хатлон — Дӯстӣ, Ҷайҳун ва Қубодиён воқеъ аст. Дар соли 1938 ба он мақоми мамнуъгоҳ дода шудааст. Масоҳати мамнуъгоҳ тақрибан 50 ҳазор гектарро ташкил медиҳад. Мамнуъгоҳ ягона гӯшаи Замин аст, ки дар он маҷмааи тӯғайзори биёбонӣ боқӣ мондааст.
Хабарҳои бештар дар www. khatlon-ruznoma.tj Чоршанбе, 09.06.2021
Шабона +22+24 с Рӯзона +38 +400 с 0
Панҷшанбе, 10.06.2021
Шабона +22+24 с Рӯзона +39 +410 с 0
Ҷумъа, 11.06.2021
Шабона +21 +230 с Рӯзона +38 +400 с
Манбаъ: www.meteo.tj