Page 1

Jólin 2012 Jólablað Keflavíkur

Fyrirmyndarfélagið Keflavík 41. árgangur


Aðalstjórn Íþrótta- og leikjaskóli Keflavíkur Íþrótta- og leikjaskóli Keflavíkur fyrir börn á aldrinum 6 – 10 ára var nú á forræði fimleikadeildar Keflavíkur. Styrkur kom frá Íþrótta- og tómstundaráði Reykjanesbæjar. Umsjónarmaður skólans var Heiðbrá Björnsdóttir. Viðurkenningar veittar á aðalfundi félagsins 2012 Veittar voru viðurkenningar (starfsmerki) fyrir stjórnarsetu. Gullmerki var veit Guðjóni Axelssyni aðalstjórn. Gullmerki Keflavíkur er veitt fyrir 15 ára stjórnarsetu. Tvö silfurmerki voru veitt þeim Ólafi Birgi Bjarnasyni og Hjörleifi Stefánssyni knattspyrnudeild. Silfurmerki Keflavíkur er veitt fyrir 10 ára stjórnarsetu. Fimm bronsmerki voru veitt þeim Ágústi Pedersen og Kjartani Steinarssyni knattspyrnudeild, Sigurbjörgu Róbertsdóttur sunddeild, Ingvari Gissurarsyni skotdeild og Erni Garðarssyni taekwondódeild. Bronsmerki Keflavíkur er veitt fyrir 5 ára stjórnarsetu. Starfbikar félagsins var veittur Sigmari Björnssyni. Eitt heiðursmerki úr gulli var veitt Helga Hólm. Tvö heiðursmerki úr silfri voru veitt þeim Jóni Ben Einarssyni unglingaráði körfuknattleiksdeildar og Smára Helgasyni unglingaráði knattspyrnudeildar.Starfsmerki UMFÍ var veitt þeim Ólafíu Ólafsdóttur og Sigrúnu Sigvaldadóttur knattspyrnudeild.

félagsins hvetur okkar fólk til að taka þátt í mótinu. Undanfarin ár hefur aðalstjórn greitt þátttökugjöldin fyrir okkar iðkendur.

15. Unglingalandsmót UMFÍ Selfossi 2012

3. Landsmót UMFÍ 50+ Vík í Mýrdal

Unglingalandsmót UMFÍ var haldið á Selfossi um verslunarmannahelgina. Mikill hugur var hjá mótshöldurum og margar uppákomur í gangi. Mótið heppnaðist vel í alla staði. Keppnishópur okkar hefur aldrei verið svona stór eða 112 og stóðu þeir sig allir vel. Keflavík átti næstfjölmennasta liðið á mótinu, en heimamenn voru fjölmennastir. Keflavík var útnefnt sem fyrirmyndarfélag mótsins sem er mikill heiður fyrir okkur sem félag. Aðalstjórn vill þakka keppendum og sérstaklega unglingalandsmótsnefnd fyrir hennar framlag. Vel að verki staðið.

3. Landsmót UMFÍ 50+ verður haldið dagana 7.–9. júní 2013 í Vík í Mýrdal. Fyrsta mótið var haldið á Hvammstanga 2011 og í sumar sem leið var annað mótið haldið í Mosfellsbæ og tókst einstaklega vel. Mótið er sérstaklega ætlað fólki 50 ára og eldra. Framkvæmd mótsins er í höndum Ungmennafélags Íslands og Ungmennasambands Vestur Skaftafellssýslu í samstarfi við Mýrdalshrepp. Landsmót UMFÍ 50+ er tilvalinn vettvangur til að hittast, etja kappi og eiga góða stund saman.

38. Sambandsráðsfundur UMFÍ á Klaustri 2012

Keflavík stóð fyrir göngu á Keili 15. september. Það voru átta vaskir aðilar sem gengu á Keili í fallegu veðri. Gangan er liður í verkefninu Fjölskyldan á fjallið sem UMFÍ stendur fyrir og sambandsaðilar taka þátt í. Minnum á vefinn ganga.is, en þar er hægt að sjá gönguleiðir víðsvegar um landið og annan fróðleik.

Sambandsráðsfundur UMFÍ var haldinn á Kirkjubæjarklaustri 12. til 13. október 2012. Sambandsráðið er skipað stjórn og varastjórn UMFÍ ásamt formönnum sambandsaðila eða varamönnum þeirra. Einar Haraldsson sótti fundinn af hálfu Keflavíkur. 27. Landsmót UMFÍ á Selfossi 2013 Landsmót UMFÍ er klárlega stærsti viðburður hreyfingarinnar hverju sinni, en þau eru haldin á fjögurra ára fresti. Mótið verður haldið á Selfossi 4. – 7. júlí 2013. Á Landsmótum er keppt í mörgum greinum íþrótta auk ýmissa starfsíþrótta eins og dráttarvélarakstri, starfshlaupi, línubeitingu auk annarra greina. Fjöldi keppenda er um 2000 og þeir sem koma og fylgjast með eru frá 12.000 til 20.000, en hefur mest farið upp í 25.000 manns árið 1965 á Laugarvatni. Það sem gerir þetta mót að stórviðburði á Íslandi er hinn mikli fjöldi keppenda og áhorfenda auk mikillar fjölbreytni í keppnisgreinum. Þeim sem kunna að hafa áhuga að taka þátt fyrir hönd Keflavíkur íþrótta- og ungmennafélags er bent á að setja sig í samband við framkvæmdastjóra félagsins. Allir á landsmót UMFÍ 2013. 16. Unglingalandsmót á Höfn 2013 Unglingalandsmót UMFÍ verður haldið á Höfn um verslunarmannhelgina 2013. Unglingalandsmótin, sem eru ein af skrautfjöðrum Ungmennafélagshreyfingarinnar eru haldin árlega og ætíð um verslunarmannahelgina. Unglingalandsmótin eru fyrst og síðast íþrótta- og fjölskylduhátíð þar sem unglingarnir eru í fyrirrúmi en þátttakendur eru á aldrinum 11 – 18 ára. Ýmiskonar verkefni eru einnig í boði fyrir yngri sem eldri þannig að engum á að leiðast á unglingalandsmóti. Fyrir þá sem velja unglingalandsmótið er það tryggt að þeir koma í vímuefnalaust umhverfi. Aðalstjórn

Stjórn Keflavíkur íþrótta- og ungmennfélags 2012. Efri röð frá vinstri: Sveinn Adólfsson, Þórður M. Kjartansson, Guðjón Axelsson, Bjarney S. Snævarsdóttir. Fremri röð frá vinstri: Birgir Ingibergsson, Kári Gunnlaugsson, Einar Haraldsson og Sigurvin Guðfinnsson.

Fjölskyldan á fjallið

Íþróttamaður Keflavíkur 2011 Íþróttamenn Keflavíkur voru heiðraðir og íþróttamaður Keflavíkur 2011 útnefndur í hófi þann 28. desember 2011 í félagsheimili félagsins. Pálína María Gunnlaugsdóttir er Íþróttamaður Keflavíkur 2011. Hver verður það í ár ????? Forvarnardagurinn Forvarnardagurinn er haldin í 9. bekk í grunnskólum landsins að frumkvæði forseta Íslands í samvinnu við Samband íslenskra sveitarfélaga, Íþrótta- og Ólympíusamband Íslands, Ungmennafélag Íslands, Bandalag íslenskra skáta, Reykjavíkurborg, Háskóla Íslands og Háskólann í Reykjavík. Verkefnið er stutt af Actavís. Keflavík hefur tekið fullan þátt í þessu verkefni frá upphafi. Fulltrúar Keflavíkur fóru í grunnskólana í Keflavíkurhverfi. Einar Haraldsson fór í Heiðarskóla og Sigurvin Guðfinnsson í Myllubakkaskóla, en þar heiðruðu forsetahjónin auk forseta ÍSÍ nemendur og aðra með nærveru sinni. Blakdeild innan Keflavíkur Áhugasamar ungar konur hafa sýnt því áhuga að stofna blakdeild innan félagsins. Stefnt er að stofnfundi á þessu ári og að deildin fari á fulla ferð á næsta ári. Með tilkomu blakdeildar eru deildir félagsins orðnar átta. Betra félag / Betri deild Keflavík íþrótta- og ungmennafélag varð fyrst allra fjölgreinafélaga til að hljóta viðurkenningu ÍSÍ sem fyrirmyndarfélag. Allar deildir félagsins hafa hlotið gæðavið-

Útgefandi: Keflavík íþrótta- og ungmennafélag Ábyrgðarmaður: Einar Haraldsson • keflavik@keflavik.is, 421 3044 Umbrot og prentun: Stapaprent ehf. • stapaprent@simnet.is, 421 4388

2

Jólablað 2012

urkenningu ÍSÍ. Þessi viðurkenning er mikils virði fyrir hverja deild og félagið í heild sinni. Það fullvissar foreldra, styrktaraðila og bæjaryfirvöld um að íþróttastarfið innan Keflavíkur sé rekið eftir ákveðnum gæðakröfum, sem er gott fyrir okkur foreldra sem eigum börn sem stunda íþróttir innan Keflavíkur. Okkar deildir hafa verið að endurnýja handbókina og fá nýja vottun frá ÍSÍ, en vottunin er til fjögurra ára í senn. Innheimtu og skráningarkerfi Aðalstjórn gerði samning við Dynax um afnot af innheimtu- og skráningarkerfi Nóra. Öllum deildum félagsins stendur til boða að nýta sér kerfið og eru flestar deildir að nota Nórakerfið. Með tilkomu þessa nýja innheimtuog skráningarkerfis þá eru skil á greiðslum og skráningum betri. Heimasíða Keflavíkur Keflavík heldur úti heimasíðu í samstarfi við Dacoda. Í júlí á þessu ári fór ný uppfærð síða í loftið. Á síðunni er dagatal og þar getur fólk fylgst með því sem er að gerast í félaginu hverju sinni. Einnig er að finna allar deildir félagsins og upplýsingar um þær. Fréttir frá deildum birtast á forsíðunni og einnig inni á svæði viðkomandi deildar. Undir aðalstjórn er hægt að fylgjast með starfi aðalstjórnar. Fundargerðir eru settar þar inn ásamt öðrum upplýsingum. Slóðin er www.keflavik.is. Tölvupósturinn er vistaður hjá Netsamskipti og póstfangið er keflavik@ keflavik.is. Breytt þjóðfélag og forsendur til reksturs íþróttafélaga og deilda Skjótt skipast veður í lofti og á það við um efnahagsástandið hér á landi. Þessar breytingar koma við okkur sem erum að halda úti íþróttastarfi hér í bæ. Minni tekjur frá okkar stuðningsaðilum og minni aðgang að fjármagni. Deildir okkar hafa tekið á þessum málum með því að skera niður. Ekki stendur til að skera niður í yngriflokka starfinu því það er mikilvægt að halda því úti og jafnvel að efla það enn frekar. Nú skiptir máli að standa saman og standa með sínu félagi. Í raun er undravert hversu sjálfboðaliðum í stjórnum deilda félagsins hefur tekist vel að bregðast við breyttu rekstrarumhverfi á undanförnum árum. Almennt er mjög vel staðið að reksri einstakra deilda félagsins sem hafa sjálfstæðan fjárhag undir yfirstjórn aðalstjórnar. Aðalstjórn félagsins leggur sig fram við að halda fjármálum alls félagsins í góðu horfi og reynir að hindra að eytt sé umfram tekjur. Aðalstjórn Keflavíkur íþrótta- og ungmennafélags sendir öllum bæjarbúum, félagsmönnum og öðrum velunnurum félagsins óskir um gleðileg jól og farsældar á komandi ári um leið og við þökkum öllum sem lagt hafa félaginu lið á liðnum árum. Áfram Keflavík Einar Haraldsson formaður Keflavíkur


Jólablað 2012

3

MJÓDD SALAVEGUR HVERAFOLD AKUREYRI HÖFN SELFOSS GRINDAVÍK REYKJANESBÆR BORGARNES EGILSSTAÐIR


Lokahóf Barna- og unglingaráðs knattspyrnudeildar 2012

Iðkendur á lokahófi.

V

etrarstarfið fer af stað eins og undarfarin ár með foreldrafundum og dags fótboltamótum fyrir alla flokka bæði stúlkna og drengja. Áhugi á þessum mótum er mjög mikill og er biðlisti á öll mótin sem eru haldin á laugardögum í Reykjaneshöllinni frá lok október fram í miðjan desember. Faxaflóamót í flestum flokkum eru hafin og eru leikir bæði fyrir og eftir áramót. Þjálfarar þetta tímabilið verða þeir sömu og á síðasta tímabili og eru þeir átta talsins. Uppskeruhátíð barna- og unglingaráðs knattspyrnudeildar Keflavíkur var haldið í íþróttahúsinu við Sunnubraut, laugardaginn 22. september. Á hátíðinni var farið yfir knattspyrnuárið og voru veittar viðurkenningar til fjölmargra efnilegra knattspyrnumanna. Einnig voru veitt verðlaun til þeirra sem voru með bestu mætingu og sköruðu fram úr í hverjum flokki fyrir sig. Verðlaun voru einnig veitt til þeirra sem sköruðu fram úr yfir alla yngri flokkana. Góður árangur náðist í mörgum flokkum og áttum við mörg lið í úrslitum og ber þar hæst að 3. flokkur C og 5. flokkur D varð Íslandsmeistari, þá voru fjölmargir leikmenn bæði strákar og stelpur kallaðir til æfinga og keppni með yngri landsliðum Íslands. Á síðasta ári æfðu um 450 strákar og stelpur í 10 flokkum með Keflavík og hvetjum við alla unga knattspyrnumenn bæði stúlkur og stráka að koma og æfa knattspyrnu. Hér að neðan má sjá lista yfir alla verðlaunahafa þetta sumarið.

6. flokkur yngri

3. flokkur yngri

5. flokkur

Besta mæting: Birkir Freyr Andrason, 100%

Mestu framfarir: Benedikt Jónsson Besta mæting: Guðmundur Marinó Jónsson og Hermann Snorri Hermannson, 97% Besti félaginn: Eiður Snær Unnarsson Leikmaður ársins: Anton Freyr Hauksson

Mestu framfarir: Dominika Inga Klimaszewska og Lovísa Rós Samúelsdóttir Besta mæting: Álfrún Marta Árnadóttir, 97% Besti félaginn: Viktoría Sól Sævarsdóttir og Elva Margrét Sverrisdóttir Leikmaður ársins: Árdís Inga Þórðardóttir og Sveindís Jane Jónsdóttir

VERÐLAUNAHAFAR STRÁKAR

4. flokkur eldri

7. flokkur yngri Besta mæting: Helgi Thor Jóhannesson, 93.33%

7. flokkur eldri Besta mæting: Axel Ingi Jóhannesson og Stefán Jón Friðriksson, 97.79%

4

Jólablað 2012

6. flokkur eldri Besta mæting: Fannar Freyr Einarsson, 100%

5. flokkur yngri Mestu framfarir: Ólafur Þór Gunnarsson Besta mæting: Óli Þór Örlygsson, 100% Besti félaginn: Róbert Andri Andrésson Leikmaður ársins: Gunnólfur Björgvin Guðlaugsson

5. flokkur eldri Mestu framfarir: Hreggviður Hermannsson og Snorri Þorsteinsson Besta mæting: Axel Fannar Sævarsson, 100% Besti félaginn: Guðni Ívar Guðmundsson Leikmaður ársins: Eyþór Atli Aðalsteinsson

4. flokkur yngri Mestu framfarir: Eggert Gunnarsson Besta mæting: Ólafur Ingi Jóhannsson, 91% Besti félaginn: Ársæll Björnsson Leikmaður ársins: Ingimundur Aron Guðnason og Sigurbergur Bjarnason Mestu framfarir: Andri Snær Sölvason Besta mæting: Andri Már Ingvarsson og Tómas Óskarsson, 91% Besti félaginn: Jón Arnór Sverrisson Leikmaður ársins: Samúel Þór Traustason og Tómas Óskarsson

3. flokkur eldri Mestu framfarir: Arnór Smári Friðriksson Besta mæting: Patrekur Örn Friðriksson, 97% Besti félaginn: Aron Freyr Róbertsson Leikmaður ársins: Leonard Sigurðsson

ALLIR FLOKKAR Mestu framfarir: Fannar Orri Sævarsson Besti félaginn: Adam Sigurðsson Besti markvörður: Sindri Kristinn Ólafsson Besti varnarmaður: Jón Tómas Rúnarsson Besti miðjumaður: Einar Þór Kjartansson Besti sóknarmaður: Guðmundur Juanito Ólafsson Besti leikmaðurinn: Samúel Kári Friðjónsson Landsliðsviðurkenning: Samúel Kári Friðjónsson

VERÐLAUNAHAFAR STELPUR 7. flokkur Besta mæting: Anna Lára Vignisdóttir og Kamilla Ósk Jensdóttir, 96%

6. flokkur Besta mæting: Berglind Rún Þorsteinsdóttir og Bríet Björk Sigurðardóttir, 93%

4. flokkur Mestu framfarir: Hafdís Fanney Guðlaugsdóttir Besta mæting: Sigríður Eva Tryggvadóttir, Stella Björk Einarsdóttir og Þóra Kristín Klemensdóttir, 96% Besti félaginn: Lilja Björk Ólafsdóttir Leikmaður ársins: Marín Veiga Guðbjörnsdóttir

3. flokkur Mestu framfarir: Guðný Hanna Sigurðardóttir Besta mæting: Guðný Hanna Sigurðardóttir, 90.44% Besti félaginn: Thelma Rún Matthíasdóttir Leikmaður ársins: Marín Rún Guðmundsdóttir

ALLIR FLOKKAR Mestu framfarir: Sigríður Eva Tryggvadóttir Besti félaginn: Tinna Björg Gunnarsdóttir Besti markvörður: Auður Erla Guðmundsdóttir Besti varnarmaður: Þóra Kristín Klemensdóttir Besti miðjumaður: Berta Svansdóttir Besti sóknarmaður: Birgitta Hallgrímsdóttir Besti leikmaðurinn: Sólveig Lind Magnúsdóttir


Óskum viðskiptavinum gleðilegra jóla og farsæls komandi árs.

Þökkum viðskiptin á árinu sem er að líða

TSA

ehf.

Brekkustíg 38 • 260 Reykjanesbær Íslandsmeistarar 5c-3c.

Sendum öllum Suðurnesjamönnum okkar bestu óskir um gleðileg jól og farsælt komandi ár

TOYOTA

Reykjanesbæ Njarðarbraut 19 • 260 Reykjanesbær Sími 420 6600 • Fax 421 1488

Verðlaunahafar stúlkna á lokahófi.

Óskum viðskiptavinum gleðilegra jóla og farsæls komandi árs.

Þökkum viðskiptin á árinu sem er að líða

Njarðarbraut 11a - 260 Njarðvík

Verðlaunahafar drengir á lokahófi.

Getraunir 1x2 Stöndum vörð um Íslenskar Getraunir!

Sendum öllum Suðurnesjamönnum okkar bestu óskir um gleðileg jól og farsælt komandi ár

Munum að styðja við okkar félag með að merkja við 230

Þeir sem tippa hjá Íslenskum Getraunum og merkja við 230 eru um leið að styðja við bakið á barna og unglingastarfi Knattspyrnudeildar Keflavíkur.

Tippað á netinu Mestur hluti seldra raða fer fram á netinu. Slóðin er 1x2.is. Þar spila fjölmargir, annaðhvort einir eða sem hópur. Við hvetjum þá auðvitað til að merkja við 230. Barna & unglingaráð Knattspyrnudeildar Keflavíkur

Jólablað 2012

5


2012 telst vera eitt besta ár í 12 ára sögu Taekwondodeildar Keflavíkur

Á

rið 2012 telst vera eitt besta ár í 12 ára sögu taekwondodeildar Keflavíkur. Deildin er handhafi allra Íslandsmeistaratitla liða og iðkendur innan hennar eru handhafar langflestra einstaklingstitla. Einnig komst deildin í langþráð framtíðarhúsnæði og því má með sanni segja að hún hafi blómstrað þetta árið. Í byrjun janúar var haldið annað bikarmótið í bikarmótaröð TKÍ . Í fyrsta mótinu sem haldið var í nóvember 2011 var Keflavík stigahæsta liðið og var annað mótið framhald af því. Liðið fékk 23 gull, 13 silfur og 15 brons og áttum við 3 af 4 stigahæstu keppendunum í samanlögðu, þ.e. bæði formum og bardaga. Þriðja og seinasta bikarmótið var svo haldið í apríl og hélt Keflavík sigurgöngu sinni áfram. Þar áttum við stigahæstu keppendurna í samanlögðu í bæði drengja- og stúlknaflokki. Stóðum við síðan uppi sem heildarsigurvegarar á bikarmótaröðinni og erum því bikarmeistarar félaga. Þetta er þriðja árið í röð sem Keflavík hreppir þennan titil. Íslandsmótið í bardaga var haldið á Ásbrú í mars og tókst það með eindæmum vel. Yfirdómari Alþjóða taekwondosambandsins (WTF) var með námskeið fyrir keppendur og dómara fyrir mótið og var svo yfirdómari mótsins. Reyndist þetta dýrmæt reynsla fyrir alla þá sem tóku þátt, hvort sem það voru keppendur eða aðrir sem komu að mótinu. Keppnin var hörð en svo fór að lokum að Keflavík stóð uppi sem sigurvegari og voru því Íslandsmeistarar í bardaga 2012. Einnig áttum við keppanda mótsins í karlaflokki, en það var Jón Steinar Brynjarsson, en hann átti líka bardaga mótsins. Þetta var einnig þriðja árið í röð sem Keflavík vinnur þennan titil. Í maí var haldið svartabeltispróf og var meistari okkar, Paul Voigt ( 5.dan), fenginn til að gráða iðkendur sem tóku prófið. Í ár voru það 5 iðkendur; Ástrós Brynjarsdóttir, Karel Bergmann Gunnarsson, Svanur Þór Mikaelsson, Sverrir Örvar Elefsen og Þröstur Ingi Smárason sem þreyttu prófið og stóðust það

Á Norðurlandamóti í Svíþjóð. með prýði og fengu 1. poom, en það er svartabeltið fyrir iðkendur undir 16 ára aldri. Það má til gamans geta að allir þessir iðkendur eru ungir að aldri, en sá yngsti er 12 ára og sá elsti 14 ára. Því er hægt að segja að framtíðin sé mjög björt hjá félaginu. Samhliða svartabeltisprófinu voru haldnar æfingabúðir sem voru fjölsóttar af öðrum taekwondodeildum og þóttust heppnast mjög vel. Keflavík átti eina fulltrúa Íslands, Kristmund Gíslason, á heimsmeistaramóti unglinga sem haldið var í Egyptalandi í apríl. Stóð hann sig frábærlega og lenti í 5.-8. sæti í sínum flokki. Erum við mjög stolt af honum og á hann möguleika á að gera enn betur í framtíðinni, þar sem hann er einungis 17 ára. Norðurlandamót var haldið í Svíþjóð í maí og fóru Armbeygjuáskorun.

Ungir iðkendur.

6

Jólablað 2012

7 keppendur á vegum félagsins. Stóðu þau sig öll með stakri prýði og komu heim með 2 silfur og 5 brons. Í lok maí var svo uppskeruhátíð þar sem hið öfluga foreldrafélag sá um veitingar. Veitt voru verðlaun í hverjum hópi fyrir sig og voru það Helgi Rúnar Þórarinsson, Klara Davíðsdóttir, Bjarni Júlíus Jónsson, Sverrir Örvar Elefsen, Jónas Guðjón Óskarsson og Helgi Nikulás Vestmann sem hlutu þau. Nemandi ársins í öllum hópum var svo valinn Ágúst Kristinn Eðvarðsson. Keppt var í taekwondo í fyrsta sinn á Unglingalandsmóti UMFÍ um verslunarmannahelgina og sendu Keflvíkingar nokkra keppendur til leiks. Stóðu þau sig vel að vanda og hlutu 4 gull, 3 silfur og 5 brons.


Á Sandgerðisdögum og Ljósanótt var deildin með fjáröflun og nokkrir iðkendur voru með sýningar. Gengu bæði sýningarnar og fjáröflunin vel og megum við vera stolt af bæði iðkendum og foreldrum þeirra fyrir áhuga og fórnfýsi í þágu félagsins. Í október rættist svo langþráður draumur deildarinnar að komast í sitt eigið húsnæði. Umræður hafa staðið yfir í nokkur ár en á haustmánuðum komst loksins skrið á málið og í október var skrifað undir samning um leigu á húsnæði við Iðavelli 12, en því deilum við með Júdódeild Njarðvíkur. Hlökkum við mikið til að halda áfram okkar góða starfi á nýjum stað þar sem hægt er að búa til þá aðstöðu sem okkur hefur lengi vantað. Í byrjun nóvember fór svo seinasta stórmót ársins fram, Íslandsmótið í formum. Keflavík stóð uppi sem sigurvegari á því móti í fyrsta sinn, en liðið var með jafn mörg stig og Ármann sem lenti í öðru sæti, en Keflvíkingar voru með fleiri gullverðlaun. Í heildina fékk félagið 10 gull, 8 silfur og 5 brons. Sannarlega glæsilegur árangur. Um miðjan nóvember fer svo fram sterkt alþjóðlegt mót, Scottish Open, og sendir Keflavík 7 keppendur á það mót, en þau munu keppa fyrir hönd Íslands. Er það mikill heiður að eiga svona marga í landsliðinu sem keppa á alþjóðlegu móti. Seinasta mót ársins mun svo fara fram í lok nóvember, en það er fyrsta bikarmót Taekwondosambands Íslands og mun það vera haldið hjá okkur Keflvíkingum. Þar stefnum við á sigur eins og á öllum þeim mótum sem við tökum þátt í. Taekwondodeild Keflavíkur hefur því átt gott ár og má með sanni segja að deildin sé sú besta á landinu. Með tilkomu nýs húsnæðis er hægt að gera enn betur og stefna margir keppendur á okkar vegum á góðan árangur erlendis sem hérlendis og því hlökkum við til ársins 2013. Stjórn Taekwondodeildar Keflavíkur.

Á Norðurlandamóti í Svíþjóð.

Æfingabúðir með Master Paul Voigt.

DYNAMO REYKJAVÍK

Óskum

Suðurnesjamönnum gleðilegra jóla og farsæls komandi árs. Þökkum árið sem er að líða. Sími 420 2500

www.skolamatur.is

Skólamatur ehf. | Iðavellir 1 | 230 Reykjanesbær

Óskum viðskiptavinum gleðilegra jóla og farsæls komandi árs.

Þökkum viðskiptin á árinu sem er að líða

Óskum viðskiptavinum okkar, sem og Suðurnesjamönnum öllum gleðilegra jóla og farsældar á komandi ári Þökkum viðskiptin á árinu sem er að líða Vinur við veginn Jólablað 2012

7


Hátíð ljóss og friðar VÍS ÓSKAR LANDSMÖNNUM GLEÐILEGRA JÓLA

ENNEMM / SÍA / NM55408

Um leið og við þökkum viðskiptavinum okkar samfylgdina á árinu óskum við öllum landsmönnum gleðilegra jóla og farsældar á komandi ári.

Sýnum alúð og aðgát um hátíðirnar og pössum vel hvert upp á annað. VÍS - þar sem tryggingar snúast um fólk.

VÍS | Hafnargötu 57 | 230 REYKJANESBÆ | SÍMI 560 5390 | VIS.IS

Kertaljós og skreytingar þarf að umgangast með varúð Tryggið eldvarnir heimilisins, reykskynjarar, slökkvitæki og eldvarnarpakkar í miklu úrvali.

PIPAR\TBWA • SÍA • 123247

Tilvalið í bílinn eða ferðavagninn

Eldvarnarpakki 1

Eldvarnarpakki 2

Eldvarnarpakki 3

Eldvarnarpakki 4

Eldvarnarpakki 5

Tilboðsverð í vefverslun

Tilboðsverð í vefverslun

Tilboðsverð í vefverslun

Tilboðsverð í vefverslun

Tilboðsverð í vefverslun

14.668 kr.

20.937 kr.

13.398 kr.

7.205 kr.

14.177 kr.

Listaverð 22.741 kr.

Listaverð 32.460 kr.

Listaverð 20.772 kr.

Listaverð 11.171 kr.

Listaverð 21.980 kr.

Vefverslun með öryggisvörur á oryggi.is

Sími 570 2400 · oryggi.is Stöndum vaktina allan sólarhringinn

8

Jólablað 2012


4. flokkur drengja Norway-Cup

D

rengirnir í 4. flokk fóru í ferð til Noregs og tóku þar þátt í móti sem heitir Norway-cup, sem haldið er í Osló. Farið var með 3 lið á mótið (2 U-13 og 1 U-14 Lið) og voru 40 drengir með í ferðinni ásamt 4 fararstjórum og 2 þjálfurum sem sáu um drengina á milli leikja og í leikjum. Farið var af stað föstudaginn 27. júlí og komið heim sunnudaginn 5. ágúst. Mótið sjálft byrjaði á sunnudeginum 29. júlí og fengum við því smá tíma til að kanna umhverfið í kringum okkur og skólann sem gist var í (Nordseter skole). Flest liðin spiluðu einn leik á dag svo var tíminn notaður til að skoða sig um í Oslo. Síðustu tveir dagarnir voru svo notaðir til að fara í miðbæinn að skoða sig þar um, ásamt því að farið var út í eina eyjuna fyrir utan Osló á sólarstönd. Öll liðin okkar stóðu sig frábærlega og drengirnir voru stilltir og prúðir utan vallar sem innan og voru klúbbnum okkar Keflavík til sóma.

Keflavík U-14 liðið okkar fór taplaust í gegnum fyrsta riðilinn og með markatöluna 8-1 og fóru þar af leiðandi í A-úrslit en duttu út í 64 liða úrslitum (af 128 liðum) eftir ósanngjarnt 1-0 tap á móti Langesund IF. Keflavík U-13 -1 Lenti í erfiðum riðli og endaði í 3ja sæti í riðlinum og fóru í B-úrslit. Þar komust þeir í 32ja liða úrslit (af 64 liðum)og duttu út eftir tap á móti Vestre FK. Keflavík U-13-2 fór taplaust í gegnum riðilinn sinn með markatöluna 15-2 og fóru í A-úrslit. Þeir enduðu á að detta út í 16 liða úrslitum (af 128 liðum) eftir 2-1 tap á móti Fjellhamar FK1 þar sem skorað var gullmark þegar 1 mín. var eftir af framlengingu í mögnuðum leik sem fer í sögubækurnar. Einnig var Arnór Breki Atlason næstmarkahæsti maður mótsins í þessum aldursflokki með 8 mörk skoruð. Með kveðju Jói, Addi og Óskar.

Keflavík U-13-2

Óskum viðskiptavinum gleðilegra jóla og farsæls árs.

Þökkum viðskiptin á árinu sem er að líða.

Iðavöllum 6 • Sími 421 4700 • www.vikuras.is

Keflavík U-13-1

Sendum öllum Suðurnesjamönnum okkar bestu óskir um gleðileg jól og farsælt komandi ár

Þökkum samstarfið á árinu sem er að líða

Keflavík U-14

Jólablað 2012

9


Liðsmynd fyrir leik á móti Tindastól

Kvennafótboltinn - meistaraflokkur og 2. flokkur

S

umarið 2012 var kvennalið Keflavíkur skipað tiltölulega ungum leikmönnum, flestum uppöldum í Keflavík. Meistaraflokkur lék í B-riðli 1. deildar og 2. flokkur í A-riðli. Í Lengjubikar komst meistaraflokkur í fjögurra liða úrslit og í bikarkeppninni féll liðið út í 2. umferð eftir mjög góðan leik á heimavelli og naumt tap gegn Þór/KA, núverandi Íslandsmeisturum. 2. flokkur komst í 8 liða úrslit í bikar og tapaði þar naumlega fyrir Breiðablik. Íslandsmótið raðaðist einkennilega upp því júní var undirlagður af ferðalögum v/útileikja en síðan fór liðið varla af bæ það sem eftir lifði sumars. Ekki var úr stórum hópi að spila í sumar og t.d. voru lykilleikmenn mikið frá vegna veikinda og meiðsla. Því varð raunin sú að oftast var meirihluti liðsins leikmenn úr 2. flokki og því hópur af yngri leikmönnum með mikið leikjaálag þetta sumarið. Þrátt fyrir góða baráttu var árangur sumarsins ekki eins og vonast var til. Það var mikil markaþurrð hjá liðinu en af sama skapi varðist liðið vel og einungis 2 efstu liðin í riðlinum fengu á sig færri mörk. Jafnt-

Hættuleg hornspyrna á móti BÍ/Bolungarvík.

10

Jólablað 2012

eflin fóru illa með okkur og meistaraflokkur lauk leik í 6. sæti B-riðils með 15 stig og markatöluna 17-21. 3 sigrar, 6 jafntefli og 5 töp. 2. flokkur sem sigraði B-riðil með yfirburðum í fyrra mátti hinsvegar sætta sig við að lenda á botni Ariðils þetta árið eftir að Þróttur dró sig úr keppni. Æfingaferðin þetta árið var mjög vel heppnuð en dvalið var í sumarbústað eina helgi. Hafa m.a. borist sögur af stórkostlegu skemmtiatriði þjálfara sem vakti mikla kátínu. Það voru þjálfarinn Snorri Már Jónsson og aðstoðarþjálfarinn Sigurður Guðnason sem sýndu á sér nýjar hliðar við mikil hlátrasköll. Snorri og Siggi hafa staðið sig vel með hópinn í sumar og einnig hefur Örn Sævar Júlíusson þjálfað markmennina okkar með góðum árangri. Það var mjög gaman að fylgjast með liðinu og baráttunni í sumar. Stelpurnar lögðu sig allar fram fyrir liðið og félagið og við erum stolt af stelpunum og hlökkum til næsta sumars. f.h. kvennaráðs Hrafnhildur Ólafsdóttir

Þjálfarinn og aðstoðarþjálfarinn.


Óskum Suðurnesjamönnum gleðilegra jóla og farsæls komandi árs. Þökkum árið sem er að líða.

LÖGFRÆÐISTOFA SUÐURNESJA LÖGFRÆÐIÞJÓNUSTA SÍÐAN 1960

Fanney í leik á móti Grindavík.

Óskum Suðurnesjamönnum gleðilegra jóla og farsæls komandi árs. Þökkum árið sem er að líða.

KJG

KEÓ

Kristín Geirmundsdóttir og Kristín Erla Ólafsdóttir, tannlæknar og starfsfólk Hafnargata 45 • Sími 421 8686

Karítas fyrirliði heilsar fyrirliða Þór/KA fyrir bikarleik.

Óskum Suðurnesjamönnum gleðilegra jóla og farsæls komandi árs. Þökkum árið sem er að líða.

Haf nargötu 35 - Sími 421-6816

Hafdís skorar glæsilegt mark á móti Þór/KA.

Sendum öllum Suðurnesjamönnum okkar bestu óskir um gleðileg jól og farsælt komandi ár

Haf nargata 20 • Sími 420 4000 • studlaberg.i s

Jólablað 2012

11


7. flokkur á Sauðárkróki.

7. og 6. fl. drengja og 3.fl. kvenna 7.fl. drengja.

sigurvegarar í öllum liðum. Eins og alltaf þá voru þessir drengir til mikillar fyrirmyndar hvar sem þeir voru.

Um 40 drengir æfðu í 7. flokki. Fyrir áramót var farið í heimsóknir til annarra liða og þá var Keflavíkurmótið haldið í Reykjaneshöll. Eftir áramót var byrjað á Njarðvíkurmótinu og síðan rak hvert mótið á fætur öðru eins og KFC mótið hjá Víking. R og VÍS mótið hjá Þrótt.R.. Stærsta mót sumarsins hjá 7.fl. ár hvert er Norðurálsmótið sem haldið er á Akranesi, það mót er spilað frá föstudegi til sunnudags. Einnig var farið á Króksmótið á Sauðárkróki sem tók einnig eina helgi. Drengirnir gistu ýmist í skóla eða á tjaldstæðinu hjá foreldrum og voru félagi sínu til mikils sóma bæði innan sem utan vallar. Mjög góður árangur var á þessum tveimur síðast töldu mótum eins og öllum öðrum mótum sem drengirnir tóku þátt í.

3.fl. kvenna.

6.fl. drengja.

Heimeyjameistarar.

Það voru 45 drengir í þessum aldursflokki, byrjað var á Keflavíkurmótinu í nóvember. Hvað mótahald varðar þá er aðeins minna um þau en hjá 7.fl.,mótin eru þó mun stærri um sig. Stærsta mótið er þó Shellmótið í Vestmannaeyjum. Liðin mæta út í eyjar á miðvikudegi og er byrjað að spila á fimmtudegi og mótinu lýkur með verðlaunaafhendingu á laugardeginum,haldið var af stað upp á land með Herjólfi um kvöldið. Heilt yfir var mjög

góður árangur hjá okkar liðum, hæst bar þó sigur A-liðs sem vann sína deild og hampaði Heimaeyjarbikarnum. Riðlakeppni pollamóts KSÍ var haldin og náðum við að koma 3 liðum í úrslitakeppnina sem fram fór á nýja æfingasvæðinu okkar fyrir aftan Reykjaneshöll. Þó svo að þetta sé mót á vegum KSÍ þá eru ekki neinir sigurvegarar ,heldur fá allir keppendur þátttökupening. Suðurnesjamótið var svo haldið í lok sumars þar sem við urðum

6. flokkur.

12

Jólablað 2012

Ekki nema 15 stelpur voru í 3.flokki. Tímabilið hófst með Haust-Faxaflóamótinu sem er spilað bæði fyrir og eftir áramót. Annað Faxaflóamót hefst svo aftur í apríl og stendur yfir fram að Íslandsmótinu sjálfu sem byrjar í júní. Það var vitað fyrir að erfitt gæti verið að manna lið þegar Íslandsmótið hæfist, nema að fá stuðning frá stelpum í 4.fl., og þetta gæti reynst okkur erfitt mót. Það reyndist líka rétt þegar mótið hófst, stelpurnar eiga þó skilið mikið hrós fyrir og gáfu sig alla í hvern leik. Þá eiga stelpurnar í 4.fl. skilið mikið hrós fyrir að spila með 3.fl. þó svo að þær hafi kannski verið að spila með sínum flokki deginum áður en 3.fl. átti leik. Stelpurnar geta verið stoltar af sjálfum sér með hvernig til tókst. Nokkrar stelpur fóru í æfinga- og keppnisferð til Spánar í byrjun júní og var það mjög skemmtileg ferð (nánar um ferðina í blaðinu). Elís Kristjánsson: þjálfari 7.,6. fl. dr. og 3. fl. kv. Einar Lars Jónsson: Aðstoðarþjálfari 7. og 6. fl. dr.


Æfinga og skemmtiferð til Albir 1. dagur Við Guðný, Marta, Telma, Kara, Marín og Sigga mættum allar spenntar á Keflavíkurflugvöll þann 6. júní á leið til Spánar. Við áttum að fara kl. 6 að morgni en það varð töf á að flugvélin færi í loftið og fengum við frítt baguette í skaðabót. Lentum um hádegið á Alicante og tókum rútu til Albir. Þegar við komum á hótelið var herbergjum úthlutað og við komum okkur fyrir og skelltum okkur í hádegismat og hoppuðum svo í laugina. Eftir það kom Elli og sagði að við værum að fara í göngutúr um svæðið. Það var ansi gaman sáum fullt af búðum og allskonar sniðugt dót. Við kíktum líka á grasvöllinn, hann var ansi flottur. Hann sýndi okkur hvar gervigrasvöllurinn var og sagði að við myndum æfa þarna. Það tók um 5 mínútur að labba á völlinn frá hótelinu. Við kíktum í matvöruverslun og keyptum 8 lítra af vatni á hvern haus. Fórum með birgðirnar upp á hótel í innkaupakerru alveg týpiskir túristar. Á hverju kvöldi var dagskrá og alltaf eitthvað skemmtilegt um að vera á hótelinu.

2. dagur Vöknuðum og kíktum í morgunmatinn og fórum síðan að tana. Skottuðumst á æfingu, hún reyndist vera rosalega erfið enda 1. æfingin og við vorum ekkert búnar að venjast hitanum í loftinu. Þessi dagur var rólegur og þægilegur og við fengum að gera það sem við vildum sem eftir var dagsins. Sumar kíktu á ströndina og aðrar sóluðu sig við laugarbakkann.

3. dagur Morgunæfing sem var fín og svo seinni partinn kepptum við á móti Haukum. Fengum svo leyfi til að skoða okkur í bænum.

4. dagur Morgunæfing og skelltum okkur svo í smá göngutúr og lentum þá á mjög skemmtilegum flóamarkaði sem var rosalega gaman. Um 5 leytið var aftur æfing og svo um kvöldið var karaoke keppni og hann Elís Kristjánsson tók auðvitað lagið ‚you’ll never walk alone‘. Það var skorað á okkur í fótbolta af mörgum strákum á öllum aldri alveg frá 6 til 13 ára. Þeir voru rosalega skemmtilegir og við kenndum þeim nokkur orð í íslensku.

5. dagur Elli leyfði okkur að sleppa æfingu og við fórum strax eftir morgunmatinn með strætó á Benidorm og fórum í Terra Mitica skemmtigarðinn. Það var mjög gaman. Það var ákveðið að fara í La Marina mollið en sú ferð reyndist erfið. Við vissum ekki alveg hvernig við áttum að komast þangað, þannig að við spurðum til vegar og komumst að því að fljótasta leiðin til La Marina væri að fara með lest,en þar sem enginn skyldi ensku í Terra Mitica né í lestinni þá misskildi konan okkur og hélt að við værum að fara í bæinn La Marina þar sem við enduðum. Þetta var eins og maður getur kallað týpískur spænskur bær. Við löbbuðum um allan bæinn og reyndum að spyrja hvernig best væri að komast til Albir, en eins og fyrr þá virtist engin skilja ensku. Við fundum loksins neðanjarðarlestarstöð og vorum allar að deyja úr hungri en sjálfssalarnir komu okkur til bjargar. Þegar við vorum komnar aftur til Albir þá áttum við eftir að labba upp á hótel en eina leiðin sem við kunnum var frá McDonalds og samkvæmt henni þurftum við að labba meðfram hraðbrautinni og

Sigga, Marín, Guðný, Marta, Telma og Kara. framhjá fullt af stöðum sem bannaðir eru undir 20 ára og fólk veitti okkur mikla athygli. Í tæka tíð komumst við samt á leiðarenda.

6. dagur Við byrjuðum daginn á morgunæfingu. Seinni partinn tókum við lest í La Marina „mollið“ og sumar misstu sig aðeins í búðunum. Síðan fórum við til baka og enduðum á McDonalds.

7. dagur Fórum í morgunmat og settum lokahönd á frágang og sameinuðum farangurinn í eitt herbergi. Síðan

fórum við allar í kínabúðir og versluðum svolítið þar. Eftir það fórum við aftur á hótelið, náðum í farangurinn okkar og fengum nesti. Rútan kom svo að sækja okkur og stefnan tekin flugvöllinn. Flugið var kl. 13:00 og vorum við lent í Keflavík kl. 17:00 á íslenskum tíma. Þessi ferð var æðisleg og munum við stelpurnar alltaf muna eftir þessari ferð. Viljum við þakka Ella, Hafdísi og Jónínu fyrir að taka ábyrgð á okkur og fyrir skemmtilega ferð. f.h. 3.fl. Marta Hrönn Magnúsdóttir og Guðný Hanna Sigurðardóttir

Óskum viðskipavinum okkar, sem og Suðurnesjamönnum öllum gleðilegra jóla og farsældar á komandi ári. Þökkum viðskiptin á árinu sem er að líða

SÖLUUBOÐ ÖSKJU Á REYKJANESI Sími 420 5000 Jólablað 2012

13


Sigurvegarar úr Vís Skeet mótinu.

Skotdeild Keflavíkur Á

rið 2012 hefur verið með svipuðu sniði og vanalega fyrir utan geysilegan kraft sem við settum í mótahald. Unglingastarfsemin fór smátt af stað og eru uppi væntingar um að efla það til muna á næsta ári. Æfingar eru búnar að vera á laugardögum frá 10:00 til 12:00 allt árið í Skeet en svo bættust við æfingar á mánudögum og fimmtudögum frá kl 18:00 til 20:00 eða lengur ef til þurfti frá apríl fram í október. Mótadagskráin tók heldur betur kipp frá því sem verið hefur undanfarið ár og held ég að það hafi verið haldin fleiri mót á þessu ári en á síðustu 6 árum samanlagt sem voru á undan þessu ári. Mjög góð ásókn var í þessi mót og höfum við ýtt við STÍ og ætla þeir sér að halda Íslandsmeistaramót í 300 metra markrifflagreininni næsta sumar á skotsvæðinu okkar og sóttum við um mót í Skeet líka en haglabyssumótaskráin hefur ekki verið gefin út í þessum rituðu orðum. Sex mót voru haldin í Skeet þetta árið fyrir utan áramótamótið sem verður á sínum stað um áramótin. Þrjú Benchrest mót voru haldin og eitt 22cal lr Sillhuette mót, eitt 100 metra Rimfire mót var líka á dagskránni og auðvitað þrjú 300 metra markrifflamót. Félagsgjöldin eru 8.000 kr og 2.000 kr lykilgjald, sem er mjög gott verð fyrir frábæra aðstöðu til riffils- og haglabyssuskotfimi. Slaufað var af að setja niður gáminn góða sem við áttum og hefur þess í stað verið ákveðið að bæta við riffilhúsið okkar verulega til að bæta aðstöðuna

22. cal. Benchrest mót. fyrir frístandandi skotfimi og auðvitað liggjandi skotfimi. Ætti grunnurinn að vera kominn núna fyrir áramót og byrjað verður að reisa húsið vonandi fljótlega eftir áramót. Nú vitna ég í jólagreinina frá því í fyrra þar sem ég lagði áherslu á að fá félagsmenn til að keppa fyrir félagið og er ánægður með þessi innanfélagsmót sem margir tóku þátt í og svo tveir keppendur skotdeildarinnar sem fóru að keppa á tveimur utanfélagsmótum líka og unnu

báðir sína flokka og stefnan er svo að fá fleiri til að keppa útávið fyrir hönd Skotdeildar Keflavíkur. Mjög gaman var að taka þátt í þessari vinnu í ár og vil ég þakka öllum þeim sem lögðu hönd á plóg, hvort sem það var að taka þátt í móti sem keppandi eða dómari, gerast æfingarstjóri, vinna við viðhald á skotsvæðinu okkar eða veita ráðgjöf eða einhverskonar hjálparhönd því við erum „stór“ lítil deild sem erum endalaust að blómstra og dafna. Ég sé fyrir mér að við eigum eftir að ala af okkur topp íþróttaskotmenn sem verða í fremstu röð eftir nokkur ár ef við höldum þessari stefnu áfram. Við tókum 100 metra bakstoppin og breikkuðum þau og bættum markhaldarana til muna og er áætlunin að setja samskonar markhaldara á 200 og 300 metrana. Svo má auðvitað ekki gleyma að í febrúar þá gerðist skotdeildin fyrirmyndarfélag ÍSÍ fyrst allra skot-deilda/-félaga á landinu sem er stór og mikil viðurkenning fyrir skotdeildina og ekki síður fyrir félagið okkar Keflavík sem er þá með allar sínar deildir viðurkenndar sem fyrirmyndarfélag ÍSÍ og er í fararbroddi með það á landsvísu. Ég hlakka til næsta árs og vil ég fyrir hönd Skotdeildar Keflavíkur þakka félagsmönnum fyrir árið sem er að líða og hlakka til að sjá ykkur á æfingum og keppnum á næsta ári og minni á áramótamótið í Skeet á gamlársdag. Gleðileg jól og gott og farsælt komandi ár. F.h. Skotdeildar Keflavíkur Bjarni Sigurðsson Formaður Skotdeildar Keflavíkur.

Theodór Kjartansson einbeittur!

14

Jólablað 2012

Sigurvegarar úr K-Steinarsson Skeet mótinu.


B_YP[ScÝ[eda

5PabÔ\Pa

- með Android eða Apple iOs stýrikerfi

- frá LG, Samsung, Nokia og Apple

5PacÝ[eda^VQ^a×cÝ[eda - frá öllum helstu framleiðendum

?aT]cPaPa^V UYÝ[]^cPcÍZX - frá HP og Canon

BYÚ]eÝa_

<h]SPeÐ[Pa

- í öllum stærðum og gerðum

- frá Canon, Sony og Nikon

Komdu og líttu við í verslun okkar í Reykjanesbæ og skoðaðu fjölbreytt úrval af tilvöldum jólagjöfum, hvort sem þú ert að leita að smáum, stórum, mjúkum eða hörðum. Starfsfólk okkar aðstoða þig við að finna það sem þér hentar. CYPa]PaVÝcd&~!"AThZYP]TbQÍ~BÔ\X###((~fff^\]XbXb

Þitt vefumsjónarkerfi www.dacoda.is

Jólablað 2012

15


Leikmannahópur Keflavíkur 2012 ásamt þjálfurum og aðstoðarmönnum.

Knattspyrna - Meistaraflokkur karla

Fótboltasumarið 2012

Þ

að má segja að fótboltasumarið 2012 hafi byrjað í nóvember 2011 þegar æfingar hófust. Með nýja menn í brúnni lögðum við af stað inn í undirbúningstímabilið. Það þurfti enga frekari kynningu á nýju þjálfurunum en flestir ef ekki allir Kefl- Ómar Jóhannsson. víkingar þekktu þá vel. Zoran Daníel Ljubicic og Gunnar Oddsson eiga ófáa leiki að baki fyrir Keflavík auk þess að hafa sinnt þjálfun fyrir félagið. Miklir reynsluboltar þar á ferð sem komu með nýjar áherslur inn í liðið frá síðustu árum. Þeim til halds og trausts var svo hinn síungi Sævar Júlíusson. Sinnti hann, eins og árið á undan, því öfundsverða hlutverk að þjálfa markmennina. Annars var fótboltinn hafður í fyrirrúmi á æfingum fram að jólum og nokkuð létt yfir öllu. Hópurinn var ekki mikið breittur frá því á tímabilinu á undan. Ákveðið var að gefa yngri uppöldum leikmönnum aukin tækifæri, í það minnsta á undirbúningstímabilinu. Þeir nýttu það ekki verr en svo að nokkrir af þeim spiluðu lykilhlutverk í liðinu í sumar. Getum við Keflvíkingar verið stoltir

Breiðablik - Keflavík

16

Jólablað 2012

Leikmenn ársins, Eydís Ösp Haraldsdóttir og Jóhann Birnir Guðmundsson. af því að við vorum eitt af þeim liðum á landinu sem spilaði með hvað flesta uppalda leikmenn í sumar. Vonandi virkar það hvetjandi fyrir alla þá ungu leikmenn sem eru á leið upp yngri flokka

Keflavíkur, sem og allt það góða fólk sem stendur að þjálfun og öðrum þáttum yngri flokkanna. Má segja að þetta ár hafi verið mikilvægt að því leiti að gefa yngri leikmönnum reynslu en töluverð

Guðmundur Steinarsson á Laugardalsvelli.


Sendum öllum Suðurnesjamönnum okkar bestu óskir um gleðileg jól og farsælt komandi ár

Liðið þakkar stuðninginn.

Hafsteinn Guðmundsson. kynslóðaskipti eru í gangi um þessar mundir. Liðið er frekar tvískipt en annars vegar samanstendur það af ungum og efnilegum leikmönnum í kringum tvítugt og yngri. Hinsvegar eru það svo leikmenn um þrítugt og eldri. Þrátt fyrir að nú sé mikið talað um þrítugt sem hið nýja tvítugt er það hugsanlega mikil bjartsýni að vona að þessir þrítugu eigi enn 15 ár eftir af ferlinum. Eftir áramót var svo farið á fullt. Æfingar fimm til sex sinnum í viku með hinum sívinsælu útihlaupum og styrktaræfingum. Þó var fótboltinn alltaf í aðalhlutverki og mikið lagt upp úr því að bæta spil liðsins. Svo voru menn mjög metnaðarfullir þegar talið barst að æfingaferð. Áttu menn erfitt með að ákveða hvert skyldi halda. Spánn, Tyrkland og Portúgal voru vinsælar uppástungur og þeir allra metnaðarfyllstu minntust á Bandaríkin. Það fór síðan þannig að farið var á Vík í Mýrdal síðustu helgina fyrir mót, söfnunin hafði ekki gengið sem skyldi. Er skemmst frá því að segja að aðstaðan og allt viðmót þar var til fyrirmyndar þó að nokkrar gráður hafi vantað upp á Spánarhitann. Ekki er hægt að tala um vorið sem leið án þess að minnast eins merkasta manns í knattspyrnusögu Keflavíkur. Hafsteinn Guðmundsson, oft nefndur faðir knattspyrnunnar í Keflavík og ekki að ósekju, féll frá í apríl sem leið. Hann sinnti nánast öllum hlutverkum innan liðsins allt frá því að koma að stofnun ÍBK til þess að þjálfa, spila og sinna formennsku. Þá var hann dyggur stuðningsmaður liðsins allt til æviloka. Hafsteinn var sannur Keflvíkingur og nafn hans mun aldrei gleymast. Lengjubikarinn var spilaður um vorið og var gengið þar ágætt. Þrátt fyrir að falla út í átta liða úrslitum í framlengdum leik gegn Breiðablik voru menn nokkuð sáttir með

spilamennskuna. Það var því svolítið skrítið að okkur fannst að vera spáð falli í nánast öllum íþróttamiðlum landsins. Virtist lítið mark tekið á spilamennskunni um vorið en meira horft í kristalskúlu sem sagði til um úrslit sumarsins. Við settum okkur nokkuð raunhæf markmið að eigin mati sem engu að síður voru nokkuð metnaðarfyllri en að rétt sleppa við fall. Í raun má segja að slæmt gengi á heimavelli hafi verið það eina sem kom í veg fyrir að þau markmið hefðu náðst og gott betur. Það ætti að vera eðlileg krafa hjá öllum þeim sem koma að fótboltanum að gera betur á heimavelli á næsta ári. Ef við hinsvegar snúum dæminu við hlýtur árangurinn á útivelli að vera ákveðið gleðiefni sem byggja má á. Við hófum sumarið ágætlega þar sem frábær sigur á grönnum okkar í Grindavík stóð uppúr í fyrstu leikjunum. Gengið var svolítið upp og niður, góðir sigrar unnust en slæm töp sáust einnig. Nokkrum sinnum vorum við komnir í góða stöðu í deildinni til þess að blanda okkur af alvöru í efri hlutann en náðum ekki að fylgja því eftir. Það gladdi hinsvegar að sjá unga leikmenn springa út og voru þeir meðal annars verðlaunaðir fyrir með pepsíkössum í gríð og erg. Þá hélt Arnór Ingvi, einn af okkar efnilegri leikmönnum til Noregs á lán snemma í ágúst. Hann var síðan kosinn efnilegasti leikmaður liðsins á lokahófi Keflavíkur að tímabilinu loknu. Yngri leikmenn liðsins voru ekki þeir einu sem létu ljós sitt skína í sumar. Jóhann Guðmundsson fór fyrir hópi þeirra eldri og spilaði eitt sitt besta tímabil fyrir Keflavík. Endaði sumarið á því að hann var valinn besti leikmaður tímabilsins á lokahófi Keflavíkur. Þá lofaði hann einnig skemmtilegustu afmælisveislu allra tíma og er öllum boðið. Guðmundur Steinarsson, markahæsti leikmaður Keflavíkur allra tíma, skoraði að sjálfsögðu mark ársins þegar hann nennti ekki að hlaupa með boltann nær markinu og skaut frá miðju á útivelli gegn Fram. Hann liggur nú undir felld og ákveður framtíð sína í boltanum en vona ég eins og allir Keflvíkingar að hann haldi áfram að spila fyrir okkur. Að lokum er vert að minnast alls þess frábæra fólks sem kom að liðinu í sumar með einum eða öðrum hætti. Fólk sem vann óeigingjarnt starf fyrir klúbbinn oftar en ekki í sjálfboðavinnu, áhorfendur, styrktaraðilar, fjölskyldur og vinir. Þrátt fyrir að allir hafi vonast eftir betra lokasæti í deildinni, ekki síst við leikmenn, erum við þakklátir öllum þeim sem lögðu hönd á plóginn. Ef ekki er gott fólk í kringum liðið næst aldrei neinn árangur. Með því að byggja á því góða frá því í sumar mun það næsta verða enn betra.

Óskum Suðurnesjamönnum gleðilegra jóla og farsæls komandi árs. Þökkum árið sem er að líða.

hópferðir • áætlun

G ró f i n 2 - 4 • S í m i 4 2 0 6 0 0 0 • w w w. s b k . i s

Sendum öllum Suðurnesjamönnum okkar bestu óskir um gleðileg jól og farsælt komandi ár

Hafnargata 36 • 230 Reykjanesbæ • Sími 440 2450

Sendum öllum Suðurnesjamönnum okkar bestu óskir um gleðileg jól og farsælt komandi ár

Með jólakveðju fyrir hönd meistaraflokks Keflavíkur, Ómar Jóhannsson.

Jólablað 2012

17


Óskum íþróttafólki svo og öðru Suðurnesjafólki

gleðilegra jóla

og farsældar á nýju ári

ÍS-SPOR VERÐLAUNAGRIPIR

S í m i 5 8 8 3 2 4 4 - i s s p o r. i s

Óskum félagsmönnum og fjölskyldum þeirra gleðilegra jóla og farsæls komandi árs

Krossmóa 4a - Sími 535 6025

Óskum félagsmönnum og fjölskyldum þeirra gleðilegra jóla og farsæls komandi árs

Flugeldasala Knattspyrnudeildar Keflavíkur

Verkalýðs- og sjómannafélag Keflavíkur og nágrennis Krossmóa 4a - Sími 421 5777

Óskum Suðurnesjamönnum gleðilegra jóla og farsæls árs.

Þökkum viðskiptin á árinu sem er að líða.

Hringbraut 108, K-húsið

Nýjar og spennandi vö r u r Opnum 28. desember Opið 28., 29. og 30 desember milli kl. 10:00 og 22:00 Opið gamlársdag milli 10:00 og 16:00

Við teystum á Íbúa Reykjanesbæjar að styðja vel við bakið á okkur Flugeldasala Knattspyrnudeildar Keflavíkur Hringbraut 108, K-húsið

Njarðarbrau t 1 5 • w w w. n y s p r a u t u n . i s

18

Jólablað 2012


VERKFRÆÐISTOFA SUÐURNESJA

Verkfræðistofa Suðurnesja óskar Suðurnesjamönnum gleðilegra jóla og farsæls komandi árs

Magnús Torfason

Gleðileg jól Áfram Keflavík

Bestu óskir um

GLEÐILEG JÓL Með von um hamingju og velsæld á nýju ári Starfsfólk HS Orku hf Jólablað 2012

19


Keflvísku frjálsíþróttamennirnir Björn Jóhannsson og Guðfinnur Sigurvinsson:

Fengu enga þjálfun en unnu afrek í flestum greinum frjálsíþrótta

Þ

egar skyggnst er um öxl í sögu frjálsíþrótta í Keflavík vekur það furðu og aðdáun hversu marga og góða íþróttamenn bærinn átti, ekki síst þegar litið er til þeirra aðstæðna sem menn bjuggu við varðandi keppnisvelli og æfingasvæði. Fjöldi ungra manna æfði af kappi og fjöldi íþróttamóta voru haldin. Sem dæmi má nefna að árið 1953 hélt UMFK tíu íþróttamót sem 22 félagar tóku þátt í og þar sem þeir settu nær jafnmörg Suðurnesjamet í flestum greinum frjálsíþrótta. Keflvískir frjálsíþróttamenn tóku þátt í flestum opinberum stórmótum og stóðu sig ávallt með prýði. Á meistaramóti Íslands í frjálsum íþróttum á Akureyri í ágúst 1953 voru átta keppendur á vegum UMFK og Keflvíkingar fengu þar sinn fyrsta Íslandsmeistara í kringlukasti, Þorstein Löwe. Á árunum frá 1955 til 1960 voru frjálsíþróttamenn úr Keflavík og Njarðvík vel þekktir á landsvísu. Ekki brugðust unglingarnir heldur. Á meistaramóti Íslands fyrir unglinga 16-20 ára unnu Keflvíkingar þrjá Íslandsmeistaratitla. Valbjörn Þorláksson vann tvær greinar, hástökk og stangarstökk, og Gunnar Sveinbjörnsson vann í kúluvarpi og varð auk þess annar í þríþraut. Í hópi unglinganna sem gerðu garðinn frægan á þessum tíma voru m.a. Björn Jóhannsson og Guðfinnur Sigurvinsson. Guðfinnur varð síðar bæjarstjóri í Keflavík 1988-90 og tók þá við af Vilhjálmi Ketilssyni. Í bæjarstjóratíð þeirra náðist stórmerkir áfangar í íþróttamálum bæjarins með tilkomu sundmiðstöðvarinnar og B-salarins. Hvorutveggja olli byltingu í íþróttalífi bæjarins. Sundmiðstöð Keflavíkur var tekin í notkun 3. mars 1990 og þá fór í hönd viðburðaríkt og glæsilegt tímabil í sundlífi Keflvíkinga. Jafnframt gáfu bæjaryfirvöld íþróttahreyfingunni í Keflavík íþróttavallarhúsið við Hringbraut. Körfuboltinn fékk einnig góðan stuðning bæjaryfirvalda á þessum tíma. Við náðum nýlega tali af þeim Birni og Guðfinni og báðum þá að rifja upp með okkur nokkra stórviðburði í sögu íþróttaiðkunar í Keflavík. Guðfinnur ríður á vaðið og segir okkur frá því hvernig allt byrjaði. “Við Björn fórum að stunda íþróttir þrettán ára gamlir. Þetta var haustið 1949 þegar við vorum í fyrsta bekk í gagnfræðaskóla. Þá um haustið skipulögðum við keppni milli fyrsta og annars bekkjar í gaggó, 13 og 14 ára gamalla unglinga. Björn sá um

20

Jólablað 2012

skipulagninguna og skráði allt skilmerkilega niður. Tvö mót voru haldin á skólaárinu, haustmót og vormót. Keppt var í ýmsum greinum frjálsíþrótta og þrír keppendur úr hvorum bekk. Þarna kom margt ágætra manna við sögu. Í 60 m hlaupi var Guðjón Ólafsson fyrstur, Sigurður Egilsson annar en Björn í þriðja. Guðjón var afburða íþróttamaður og hefði getað náð langt en hann vildi ekki leggja íþróttir fyrir sig. Við kepptum líka í 100 metra hlaupi, langstökki, spjótkasti, þrístökki og kúluvarpi. Í

spjótkastinu varð Páll Jónsson, betur þekktur sem Palli Gústu, fyrstur. Björn komst í annað sæti og Páll Axelsson í þriðja. Í kúluvarpi vann Sigurður Egilsson en Björn vann í þrístökki, stökk 10.24. Þetta var ótrúlega fínn árangur hjá 13 ára strákum. Eldri bekkurinn sigraði þarna um haustið en á vormótinu snerist dæmið alveg við og yngri bekkurinn náði betri árangri. Þessi mót urðu kveikjan að frjálsíþróttum í Keflavík. Síðan komu hingað menn sem urðu landskunnir íþróttamenn, flestir 10 árum eldri en við. Meðal þeirra voru kappar eins og Hólmgeir Guðmundsson, Böðvar Pálsson, Einar Ingimundarson, Þorvarður Arinbjarnarson, Vilhjálmur Þórhallsson, Högni Oddsson og fleiri.”

Teygja betur á fótunum! Björn tekur nú við: „Það gekk allt út á vinnu á þessum árum og við æfðum aldrei fyrir mót. Það voru engir venjulegir unglingar sem stóðu í þessu, ýmist í skóla eða fullri vinnu. Það stóð aldrei neinn yfir okkur og sagði hvað við ættum að gera. Leiðsögnin var engin. Ég fékk einu sinni tilsögn á móti í Hafnarfirði frá Sigurði Friðrikssyni. “Þú átt að teygja betur á fótunum!” sagði hann við mig þegar við vorum í langstökkinu. Þetta er eina leiðsögnin sem ég hef fengið á mínum íþróttaferli sem er reyndar heldur gloppóttur. Ég fór að ráðum Sigurðar í næsta stökki og stökk þá lengra en allir hinir. Valdimar Örnólfsson kom síðan í næsta stökki og bætti það um sex sentimetra.“


Og Björn heldur áfram: „Árið 1951 komumst við í samband við Íþróttabandalag drengja sem var stofnað í nóvember 1948. Við gengum í bandalagið og margir kornungir íþróttamenn úr Keflavík, sumir rétt yfir fermingu, tóku þátt í mótum á vegum þess. Bandalagið hélt tvö mót á ári og keflvísku drengirnir kepptu þar í flestum greinum frjálsíþrótta. Þeir voru reyndar víðar að af Suðurnesjum, þarna var t.d. Sigurður Þorbergsson úr Leirunni. Keppendum var skipt í flokka, A., B. og C. eftir aldri. í A-flokknum eru 16 ára drengir, 15 ára í Bflokknum og 14 ára og yngri í C-flokknum. Eftir 16 ára aldur voru menn ekki lengur gjaldgengir í bandalaginu. Þarna kepptu þó nokkuð margir úr Keflavík og árangurinn var yfirleitt frábær. Íþróttabandalag drengja samanstóð af mörgum félögum, öll af Suðurog Suðvesturlandi. Starfsemin var mjög víðtæk, og þeim sem að því stóðu til sóma. Einn maður var okkur mjög innanhandar um stofnun félagsins. Það var Eðvald Hinriksson Mixon, frægur og síðar umdeildur maður. Hann byggði upp félagið með ströngum aga líkt og tíðkaðist í þýska æskulýðsssambandinu fyrir stríð. Mixon var drengjum innan handar um alla skipulagningu. Hann var ákveðinn og þeir báru virðingu fyrir hon-

um. Bandalagið hélt tvö frjálsíþróttamót á ári í Reykjavík í frjálsum og keppendur voru á annað hundrað. Við stofnuðum sunddeild hér í bandalaginu, héldum sundmót og fengum keppendur úr Reykjavík. Síðan var hafist handa að stofna knattspyrnudeild og skákdeild hér í bænum en þessu var öllu algjörlega haldið utan við ÍSÍ.“

Óskum Suðurnesjamönnum gleðilegra jóla og farsæls komandi árs. Þökkum árið sem er að líða.

Fínn árangur Keflavíkurdrengja Guðfinnur segir okkur að skipulagningin á mótum hjá fyrrnefndu íþróttabandalagi hafi verið góð. Gefin var út afrekaskrá og upplýsingarit. “Afrekaskráin frá 1951, þegar við vorum 15 ára, sýnir hver árangurinn hjá okkur var samanborið við Reykvíkinga. Keflvíkingar komust í sex efstu sætin, m.a. Sigurður Eyjólfsson og Eiríkur Ólafsson. Björn Jóhannsson var efstur í 12 greinum, þ.á.m. langstökki, hástökki, 100, 400 og 800 metra hlaupum, þrístökki og kúluvarpi. Hann náði öðru sæti í kringlukasti. Ég náði sjálfur ágætum árangri. Á meistaramótinu 1951 tók systir Björns, Sigríður Jóhannsdóttir, einnig þátt. Bjössi var þá 15 ára og hún 14. Hún keppti í hástökki kvenna og komst í annað sæti.” “Allt er þetta rétt og satt,”skýtur Björn inn í. “Ég hljóp þarna 400 m grindahlaup og hafði

Afreksfólk Keflvíkinga í sundi á sjötta og sjöunda áratugnum.

Jón Björn Sigtryggsson, Sturla Þórðarson, Benedikt Jónsson, Kolbeinn Viðar Jónsson og starfsfólk tannlækningastofunnar Tjarnargötu 2, 230 Keflavík

Óskum Suðurnesjamönnum gleðilegra jóla og farsæls árs.

Þökkum viðskiptin á árinu sem er að líða.

Sendum öllum Suðurnesjamönnum okkar bestu óskir um gleðileg jól og farsælt komandi ár

Hér var gott og notalegt samfélag

B

æjarstjórnin sem sat á árunum 19861990 reyndist íþróttahreyfingunni hér ómetanlegur bakhjarl. Á þessum árum var B-salurinn, nýr íþróttasalur við Sunnubraut tekin í notkun, og glæsileg 2000 fermetra Sundmiðstöð Keflavíkur var vígð 3. mars 1990. Hún var kostuð að langmestu leyti af Keflavíkurbæ. Byrjað var að steypa sundmiðstöðina upp 1986 og var henni lokið á fjórum árum. Guðfinnur Sigurvinsson var bæjarstjóri á þessum tíma og sagði okkur nánar frá þessu merku atburðum. „Hér var gott og notalegt samfélag, það heyrðum við á fólki sem flutti hingað og undi sér vel. Mikið var að gerast á íþróttasviðinu. Körfuknattleikslið ÍBK hafði nýlega unnið frækilegan sigur á KR-ingum í Íslandsmeistaramótinu. Stúlkurnar létu sitt ekki eftir liggja og urðu Íslands- og bikarmeistarar annað árið í röð. Auk þess náðist afbragðs góður árangur í flestum yngri flokkum félagsins. Mér þótti ánægjulegt að geta afhent körfuknattleiksdeildinni 200 þúsund krónur að gjöf fyrir hönd bæjarstjórnar í viðurkenningarskyni fyrir góðan árangur á keppnistímabilinu. Búið var að hanna sundmiðstöðina þegar við tókum við bæjarstjórninni með hreinum meirihluta 1986 en engin framkvæmdaáætlun lá fyrir .

Við settum kraft í að ljúka þessu og það tókst ágætlega. Hafsteinn okkar Guðmundsson var tillögugóður að vanda og starfaði þétt með meirihlutanum að þessum málum. Hannes Einarsson, byggingarmeistari, var formaður bæjarráðs og studdi allar þessar framkvæmdir dyggilega. Gamli íþróttasalurinn var svo vel nýttur að ákveðið var að fara í að byggja Bsalinn og það tókst ágætlega líka. Hann var formlega tekinn í notkun við hátíðlega athöfn 4. september í nýbyggðri viðbyggingu 650 fermetrum auk geymslu við íþróttahúsið við Sunnubraut. Með honum vænkaðist hagur íþróttafólks í Keflavík verulega því erfitt var orðið að fá tíma í gamla salnum og dæmi um að menn færu til Sandgerðis til æfinga. Helgi Hólm var formaður bygginganefndar og dreif verkið áfram af krafti þannig að salurinn var tilbúinn á einu ári. Salurinn kostaði rúmlega 30 milljónir kr. og lagði Keflavíkurbær fram tæpan helming þeirrar fjárhæðar. Annarra tekna til byggingarinnar var aflað m.a. með fjárframlögum frá Íþróttabandalagi Keflavíkur með lottótekjum. Framlag bæjarins vóg þyngst og segir Helgi Hólm að ævintýrið hefði ekki verið framkvæmanlegt með þessum hætti hefði ekki komið til góð samvinna við bæinn.”

ELDVARNIR EHF. Slökkvitækjaþjónusta Suðurnesja

Iðavöllum 3 • 230 Keflavík • Sími 421 4676

Við Suðurnesjamenn í Rafholti óskum Suðurnesjamönnum gleðilegra jóla og farsæls komandi árs.

Jólablað 2012

21


Sigríður Jóhannsdóttir hástökkvari.

Átta keflvískir íþróttamenn kepptu í fjögurra héraða keppninni á Akureyri 1958. aldrei séð grindur áður. Þeim var raðað þarna upp og ég bara lagði af stað og hélt áfram. Við vorum þrír keppendur og ég náði öðru sæti. Við komum heim með sitt hvorn silfurpeninginn, ég og hún systir mín.” “Við fórum á landsmótið á Eiðum 1952,” segir Guðfinnur. “Það var full rúta, við vorum um 30 manns frá Keflavík. Á leiðinni austur stoppuðum við á Grímstöðum á Fjöllum og fengum okkur

snæðing. Þetta var ægilegt kalt sumar og þeir voru búnir að byggja útilaug á Eiðum þar sem sundfólkið átti að keppa. Þarna voru Inga Árnadóttir, sunddrottning Suðurnesja til margra ára, Guðbjörg Árnadóttir og fleiri sundfólk frá okkur. Austfjarðarhitinn frægi og umtalaði átti að velgja laugina en það klikkaði illilega. Það var 4-5 stiga hiti í lauginni og þegar þær voru að stinga sér heyrði maður öskrin í þeim langar leiðir og þær voru strax komnar

REYKJANESBÆR

Sendir öllum bæjarbúum hugheilar óskir um gleðileg jól, gott og farsælt nýtt ár

Minnum á dagskrá kirkjunnar um aðventu og jól. Sjá nánar www.keflavikurkirkja.is

þar sem einnig eru upplýsingar um annað starf í kirkjunni. Kirkjuvegi 25 • 230 Keflavík • Sími 420 4300 • Fax 420 4305 • www.keflavikurkirkja.is

22

Jólablað 2012

Erna Sigurbergsdóttir í langstökki. upp á bakkann. Við fundum ekki eins mikið fyrir þessu sem vorum að hlaupa, gátum alltaf hlaupið okkur til hita. Þetta mót tókst samt ágætlega og töluvert af fólki að keppa. Í minningunni standa þó upp úr drengjahlaup Ármanns og víðavangshlaup ÍR sem við tókum þátt í. Ég fór í Samvinnuskólann og var þar að æfa allan tímann, náði ágætum árangri, varð annar eftir Svavari Markússyni sem var yfirburða hlaupari. Eftir skólann fór ég að vinna hjá kaupfélaginu hérna og síðan fórum við Sigurður Eyjólfsson að stunda verslunarrekstur, aðeins 19 ára gamlir. Þá datt ég út úr íþróttunum því það gríðarmikið að gera hjá okkur, ekki síst vegna þess að við vorum mjög hógværir í allri álagningu á vörum, lögðum t.d. ekki flutningsgjald á vörur og seldum þarafleiðandi miklu meira en hinar búðirnar. Það var enginn tími fyrir íþróttir lengur. Björn hefði hins vegar orðið tugþrautarmaður hefði hann haldið áfram.”

Taldir fullorðnir um fermingu „Við vorum bara ósköp venjulegir menn,“ segir Björn. „Á þessum tímum voru menn taldir fullorðnir um fermingu og fóru bara að vinna. Ég sá í Faxa einu sinni að það var fundið að því við mig að ég gæfi mér ekki nógu mikinn tíma til æfinga. Þetta var árið 1954 á sama tíma og ég var að steypa upp þetta hús frá grunni hér við Hringbrautina og uppi á velli í fullu starfi. Allar mínar frístundir fóru í húsið. Það var fundið að því að unglingar gæfu sér lítinn tíma til æfinga, en á sama tíma var litið á íþróttir sem dundur fyrir fullorðið fólk. Clausen bræður og fleiri íþróttamenn á heimsmælikvarða urðu að hætta í íþróttum rétt rúmlega tvítugir. Svona var hugsunin gagnvart þessu, þetta var bara leikur meðan þú hafðir tíma til að leika þér.“ „Við vorum góðir félagarnir í flestum greinum,“ segir Guðfinnur. „Sextán ára gamlir fórum við á sveinameistaramóti Íslands þar var keppt í 6 greinum og einu boðhlaupi. Bjössi varð hlutskarpastur í fjórum greinum af sex. Ein grein varð útundan hér með tímanum og það var stangarstökkið. Ástæðan var alvarlegt slys sem hafði orðið úti í Garði þegar Ágúst Hallmann Matthíasson, seinna landsþekktur sem „lamaði íþróttamaðurinn“, fjölhæfur og efnilegur íþróttamaður, varð fyrir alvarlegu slysi á æfingu sem batt enda á feril hans. Við vorum svo heppnir í Keflavík að fá liðsstyrk utanfrá, Valbjörn Þorláksson og Högni Gunnlaugsson gerðu garðinn frægan hér, urðu báðir Íslandsmeistarar í stangarstökki fyrir Keflavík.“


Stærsti dagurinn Og Björn heldur áfram: „Valbjörn var mikill fótboltamaður en frekar latur. Við skoruðum á hann að fara frekar í frjálsar en fótboltann því í fótbolta ertu hálfgert „nóboddí“ nema þú sért stjarna. Báðir þessi stangastökkvarar voru þannig að þeir máttu ekki sjá bolta fara framhjá nema sparka í hann. Valbjörn vandist af því en Högni aldrei. Hann fór í boltann og varð mjög góður þar. Svo náðu KR-ingarnir í Valbjörn og buðu honum vinnu í Sundhöll Reykjavíkur. Við fórum aldrei í fótbolta, fannst það ekki gaman, líklega of miklir einstaklingshyggjumenn. Þjálfarar voru ekki til á þessum tíma. Stærsti dagurinn var þegar við fórum á drengjameistaramótið 1954. Okkur gekk vel þar, unnum fjórar greinar. Ég keppti við Dagbjart Stígsson, sem var einn af okkar bestu íþróttamönnum, en hann hljópst seinna undan merkjum blessaður og fór frá okkur til annars félags. Reykjavíkurfélögin gerðu í því að draga til sín þá sem þeim leist vel á með atvinnutilboðum, þar á meðal Dagbjart. Á mótinu 54 var ég aðeins á undan honum. Árið eftir snerist dæmið við og Dagbjartur varð fyrstur en síðan skaut ég honum aftur ref fyrir rass 1956. Á unglingamótinu 1955 náðum við Guðfinnur góðum árangri og árið eftir unnum við margar greinar. Ég hef aldrei byrjað í íþróttum og aldrei hætt vegna þess að ég hef aldrei stundað þetta af einhverju viti, myndi nútíminn segja. Enginn sagði okkur til í gamla daga, vinnan var látin ganga fyrir öllu á sjó og í landi. Maður kom þarna stundum við og kastaði kúlu en fór svo að byggja. Á árunum 1957-58 var byrjað að ganga á æfingasvæðið og farið að gera þar skrúðgarð. Að komast á Melavöllinn var eins og að komast á Ólympíuleikvanginn. Ég hélt samt áfram, fór á landsmót á Laugum 1961 og keppti 1966 á meistaramóti í sleggjukasti og komst í þriðja sæti. Þann dag fékk mér frí í vinnu. Ég keppti síðan aftur 1975 og komst í annað sæti í sleggjukasti. Árið 1982 byrjuðum við með íþróttir fyrir eldri menn. Þá var ég farinn að eldast nokkuð en síðan hef ég tekið þátt í meistaramótum og vormóti öldunga sem eru haldin árlega í Reykjavík og Hafnarfirði. Ég er búinn að kasta sleggjunni þrisvar á þessu ári og get fylgst með því hvað dregur af manni með hverju árinu. Ég kasta bara á mótum, en æfi þetta ekki. Ég náði öðru sæti í sleggju á þessu ár og er býsna ánægður með það.

Fótboltinn verður allsráðandi „Eins og Bjössi benti á fengum við enga þjálfun,“ segir Guðfinnur. „Við hættum að verða verulega virkir þegar við vorum að komast á besta aldur því þá var aðstaðan nánast horfin. Það var ekki einu til gryfja. Það var gaman að fylgjast með landsmóti UMFÍ hér í Keflavík 1984. Keppendur á mótinu voru 1235 talsins og komu frá 26 héraðssamtökum og ungmennafélögum. Keppt var í 11 íþróttagreinum: blaki, borðtennis, frjálsum íþróttum, glímu, handknattleik, júdó, knattspyrnu, körfuknattleik, skák, starfsíþróttum og sundi. Auk þess var keppt í þremur sýningargreinum, íþróttum fatlaðra, siglingum og golfi. En síðan hnignar frjálsíþróttum hér í bænum, körfuboltinn kom inn, handboltinn var stundaður um hríð en lifði ekki lengi og fótboltinn varð loks allsráðandi.“ „Það var gerður ágætis völlur fyrir landsmótið 1984,“ segir Björn. „Því miður varð það þó ekki til að efla frjálsíþróttalífið. En sundið var í stöðugri sókn og get sagt þér litla sögu af því. Ég var sjálfur töluvert mikið í kringum sundið með Guðmundi Sigurðssyni. Guðmundur var svo brattur að hann fór í Olíusamlagið fyrir jólin og fékk því framgengt að með þeirra tilstyrk að þrír verðlaunapeningar voru veittir fyrir hverja grein. Sundvallarforstjóranum var ekki mjög hress með þetta því þá var búið að taka möguleikann frá fótboltanum að fá þessa peninga. Svona var nú sviðið! Þeir áttu það sem þeir vildu, þessir fótboltahlunkar. Það fékk

Björn Jóhannsson var einn af fremstu frjálsíþróttamönnum Suðurnesja á sjötta áratugnum.

aðeins ákveðin grein að þrífast og vantaði sárlega forystumenn fyrir frjálsar íþróttir. Forystan lognaðist út adf þegar aðstaðan fór. Gömlu jassarnir sem höfðu verið í fararbroddi fóru bara í golfið í staðinn.“ Eðvarð T. Jónsson.

Guðfinnur Sigurvinsson í startholunum. Myndin er tekin á landsmóti UMFÍ á Akureyri 1955.

Gjafakort Íslandsbanka Með gjafakorti Íslandsbanka getur þú verið viss um að gjöfin þín hitti í mark. Eins og önnur greiðslukort gildir það jafnt í verslunum um allan heim og á netinu. Þú færð kortið í fallegum gjafaumbúðum og þarft ekki að gera annað en að velja upphæðina.

Gjafakortið færðu í öllum útibúum Íslandsbanka

Við bjóðum góða þjónustu

islandsbanki.is | Sími 440 4000

Jólablað 2012

23


Gleðileg jól

farsælt komandi ár, þökkum viðskiptin á árinu sem er að líða TRÉSMIÐJA

E H F

BÓKHALDSÞJÓNUSTAN SÆVAR REYNISSON VIÐSKIPTAFRÆÐINGUR

Iðavöllum 12 • 230 Keflavík Sími 421 4445 • Fax 421 2442

Hafnargötu 25 - 230 Reykjanesbæ Hafnargötu 27 - Sími 421 1420

Sími 421 3322

Brautarnesti Hringbraut 93b

Rafverktaki

Guesthouse www.alex.is

VÍSIR

Félag skipstjórnarmanna á Suðurnesjum

Tækniþjónusta SÁ ehf.

stapaprent

Prentþjónusta í 27 ár

Grófin 13c • 230 Reykjanesbær • Sími 421 4388 • Netfang stapaprent@simnet.is

Keflvískir afreksmenn í 80 ár

Jólagjöf

í þ ró t t a m a n n s i n s

Ítarleg umfjöllun um íþróttalífið í Keflavík prýdd fjölda mynda Fáanleg í Félagsheimili Keflavíkur Sunnubraut 34

- Sími 421 3044 & 897 5204

Iðkendur Keflavíkur munu ganga í hús og bjóða bókina til sölu. Takið vel á móti sölufólki okkar, verð aðeins kr 2000,-

24

Jólablað 2012


Stuðningur

skiptir öllu máli Sælir kæru Keflvíkingar. Ég er strax farin að hlakka til næsta tímabils hjá okkur í boltanum því það er svo mikið af jákvæðum hlutum að gerast í kringum félagið og liðið okkar. Ég skemmti mér vel á síðasta tímabili og mér fannst liðið spila almennt mjög skemmtilegan fótbolta. Allir leikmenn að uppskera eftir æfingar um veturinn og margir að eiga sitt besta tímabil, enda alltaf að koma meiri reynsla í hópinn. Við vorum ekki langt frá því að vera í baráttu um evrópusæti meiri hlutann af tímabilinu. Það er óhætt að segja að spennandi tímar séu framundan hjá okkur í boltanum. Svo mikið af ungum og efnilegum leikmönnum að skila sér upp úr góðu yngri flokka starfi Keflavíkur sem eru mikil verðmæti fyrir félagið. Ánægjulegt að sjá okkar leikmenn valda í landslið en það hefur verið töluvert um það undanfarið. Er samt alltaf jafn hissa að sjá ekki fleiri og sérstaklega úr meistaraflokki, en kannski er ég aðeins hlutdræg þar en þó ekki. Við erum með skemmtilega blandaðan leikmannahóp af bæði ungum og reynslumiklum leikmönnum sem eru tilbúnir að klæðast Keflavíkurbúningi með merki Keflavíkur á hjartanu. Ég

er allavegana mjög stolt af öllum leikmönnum sem spila í okkar búningi, hversu ungir, gamlir, litlir, stórir, kvenkyns eða karlkyns þeir eru. Það er nú bara þannig að félagið rekur sig ekki á neinu og það fer gríðarlega mikill tími stjórnar í að afla peninga til rekstursins. Auðvitað vill maður alltaf sjá meira til að geta gert betur svo að við getum líka varið tíma okkar í skemmtilegri hluti. Mörg fyrirtæki hér í bæjarfélaginu hafa verið einstaklega liðleg og öflug að létta undir með ýmsum hætti og erum við óendanlega þakklát þeim fyrirtækjum. Knattspyrnudeildin er aðeins farin að sjá til sólar eftir hrunið, en við höfum stigið varlega til jarðar og verið skynsöm í mörgum málum. Það er gríðarlega óeigingjarnt og ómetanlegt það sjálfboðastarf sem margir einstaklingar leggja á sig með störfum fyrir knattspyrnuna í Keflavík. Þetta er fólk sem starfar í stjórnum, ráðum, kringum liðin, á leikjum, mótum og við mörg önnur verkefni sem koma til. Þetta góða fólk getur borið höfuðið hátt og verið gríðarlega stolt af sér. Það leggur svo sannarlega af sér til samfélagsins með þessu starfi. Þetta starf má alls ekki vanmeta.

Góður stuðningur.

Keli Keflvíkingur og Þorsteinn Magnússon formaður. Eitt af því skemmtilegra sem gerðist þetta sumarið er stofnun á Pumasveitinni Jr. og endurkoma Kela Keflvíkings. Þarna eru á ferðinni aldeilis flottir ungir drengir sem eru tilbúnir að styðja liðið sitt fram í súrt og sætt. Þeir uxu með hverjum leik og var gaman að heyra trommurnar, sönginn og klöppin aftur. Það er bara þannig að það er alltaf skemmtilegra á leikjum þegar áhorfendur eru duglegir að mynda stemmingu

og hvetja liðið sitt áfram. Við megum ekki gleyma því að fótbolti er skemmtun og það er svo miklu skemmtilegra að taka þátt í leiknum og vera jákvæður á allan hátt. Það skilar sér alltaf til leikmanna á vellinum. Leikmenn eru mjög ánægðir með tilkomu Pumasveitarinnar Jr og það er enginn spurning að þeir verða öflugir næsta sumar. Þess vegna vil ég hvetja alla stuðningsmenn að fjölmenna á sem flesta leiki á næsta tímabili og taka undir með Pumasveitinni í þeim tilgangi að styðja við liðið okkar á vellinum. Við erum öll hluti af uppbyggingunni sem er í gangi. Það er eitthvað stórkostlegt að fara að gerast í knattspyrnunni í Keflavík, vilt þú ekki örugglega vera með?? Stuðningur þinn skiptir öllu máli ! Bestu kveðjur Hjördís Baldursdóttir.

Takk fyrir stuðninginn í sumar!

Þ

að er óhætt að segja að keppnistímabilið 2012, skilji eftir sig blendnar tilfinningar. Fyrir mótið misstum við frá okkur einn af okkar betri fótboltamönnum, Guðjón Árna, í raðir FH – inga. Við bættust, Jói Ben, Grétar Atli, Gregor Mohar og Denis Selemovic, Gunnar Oddsson. við nokkuð þéttan hóp sem að mestu er skipaður uppöldum drengjum í bland við öndvegis pilta úr öðrum landshlutum. Aldurssamsetning hópsins var sérstök að því leitinu til að stórhluti hans var skipaður mönnum í kringum 20 ára aldurinn og svo vorum við með á hinum endanum annan hóp sem samanstóð af mönnum um og yfir þrítugt. Fáir á hinum svokallaða „prime“ aldri en nokkrir þó. Stóra markmiðið var að bæta einstaklingana fótboltalega, auka liðsheildina og fá menn til að hafa gaman að því að spila. Hópurinn svaraði kallinu með sóma, flestir bættu leik sinn á árinu, liðsheildin varð öflugri og á köflum var þetta feykilega gaman. Undirbúningstímabilið gekk stóráfallalaust fyrir sig, lítið um meiðsli og menn æfðu vel. Við tókum þátt í Fótbolti.net mótinu og Lengjubikarkeppninni. Vorleikirnir gáfu ákveðna mynd af liðinu sem gat á góðum degi unnið hvaða andstæðing sem var en gat líka tapað fyrir öllum, stöðugleikan vantaði. Hópurinn fór um miðjan apríl í stutta æfingaferð austur að Vík í Mýrdal og dvaldi hópurinn þar í góðu yfirlæti. Æft var á grasi og hópurinn hristur saman enda skammt í mót. Þessi ferð okkar á slóðir eldfjalla og jökla skilaði tilætluðum árangri og má segja að Pepsídeildin

2012 hjá okkur hafi spilast í takt við andstæður náttúruaflana. Á köflum vorum við funheitir og spiluðum frábæran fótbolta en svo komu líka kaflar þar allt var pikk-frosið og lítið gekk upp. Hvað stóð upp úr í sumar? Frábærir útisigrar gegn Grindavík, Fram, Breiðablik, Stjörnunni og ÍBV.....stórglæsileg mörk a´la Gummi Steinars.....hvernig getur það verið að sá frábæri leikmaður sé að hætta í boltanum, Gumminn á nóg eftir? Arnór Ingvi var í hörku formi .......Sammi og Elías héldu áfram að bæta á sig unglingalandsleikjum. Sigurbergur Elísson komst aftur inn á knattspyrnuvöllinn, meiðslalaus og sýndi góð tilþrif. Hornafjarðar Fransi lét til sín taka á miðjunni. Jói Guðmunds var á köflum hreint magnaður. Stríðsmaðurinn Einar Orri spilaði sitt besta tímabil. Við héldum hreinu í 6 leikjum. Hver voru vonbrigðin? Slök spilamennska á heimavelli situr í manni, við misstum af of mörgum stigum átakalaust. Síðustu 3 umferðirnar, hafandi það í huga að við vorum í sömu stöðu og Blikarnir á þeim tímapunkti. Eins voru það vonbrigði að fá ekki að njóta Arnórs og Gregors í seinni hlutanum. Að mínu mati voru þeir fremstir á meðal jafningja hjá okkur í fyrri umferðinni. Arnór vakti athygli erlendra liða og var verðskuldað boðinn lánssamningur í norsku úrvalsdeildinni en Gregor, hinn grjótharði, meiddist og fór til síns heima í kjölfarið. Valsleikirnir, Selfoss leikurinn úti, Fylkir heima, KR úti, voru allt leikir sem fara rakleiðis hólfið í minnisbankanum sem ber nafnið „svona á ekki að gera hlutina“. Þegar til baka er litið þá er ljóst að það eru miklu fleiri jákvæðir en neikvæðir punktar í þessu hjá okkur. Við gengum hálf súrir frá borði í haust með 27 stig í vasanum. Við erum reynslunni ríkari og árinu eldri sem er gott fyrir yngri hópinn en kannski pínulítið verra fyrir þann eldri. Við erum með mikið af hæfileikum í ungu mönnunum, erum jafnframt með heilmikla reynslu og

Áfram Keflavík. knattspyrnulega getu í eldri mönnunum. Fyrir fótboltamanninn er mikilvægt að hafa í huga „þú ert aldrei betri en síðasti leikur sem þú spilaðir“. Þessi staðreynd á að vera mönnum hvatning til þess að leggja sig ávallt fram, fótbolta tungumálið er talað inn á vellinum en ekki utan hans. Stuðningsmenn Keflavíkur eru með þeim bestu á landinu, þeir gera kröfur en þeir standa líka með sínum mönnum þegar í harðbakkann slær. Takk fyrir stuðninginn í sumar! Puma jr. komu skemmtilega inn í restina og glæddu leikina miklu lífi. Ég vill jafnframt þakka stjórn knattspyrnudeildarinnar sem og samstarfsmönnum fyrir skemmtilegt og lærdómsríkt sumar. Á næsta ári eru 40 ári síðan Íslandsbikarinn kom til Keflavíkur síðast. Hver veit nema að nýtt fótboltavor sé á næsta leiti í Keflavík. Gunnar Oddsson.

Jólablað 2012

25


Annáll þessi er fyrir tímabilið 2011 – 2012 - en tímabilinu lauk með lokahófi í maí síðastliðnum

Þ

að er ávallt við hæfi þegar körfuknattleikstímabilinu lýkur að renna aðeins yfir árangur og stöðu yngri flokka deildarinnar og veita iðkendum félagsins viðurkenningar fyrir góða frammistöðu og árangur og ljóst að víða leynast efnilegir afreksmenn innan deildarinnar. Stærsta einstaka verkefni Barna- og unglingaráðs KKDK á hverju tímabili er framkvæmd Nettómótsins sem við höldum ávallt í góðu samstarfi við UMFN og er stærsta körfuboltamót sem haldið er á Íslandi ár hvert. Þetta mót halda félögin síðan í góðri samvinnu við stærstu bakhjarla mótsins sem eru Reykjanesbær og Samkaup. Auðvitað koma síðan fjölmörg önnur fyrirtæki að þessu með dýrmætum stuðningi og velvilja við okkur. Mótið hefur stækkað hratt á undanförnum tveimur árum og aldrei verið stærra en í ár þegar við héldum 21. mótið á jafnmörgum árum. 1.200 þátttakendur - 24 félög - 188 keppnislið - 447 leikir - 5 íþróttahús 13 vellir - 10 bíósýningar - 430 pizzur - 1000 næturgestir á 7 stöðum Á Ljósanótt höfum við einnig tekið þátt í fjáröflun s.l. þrjú ár með UMFN og mun það samstarf halda áfram, en þessi sameiginlegu verkefni vinnum við undir nafninu KarfaN sem er sameiginlegt fjáröflunar- og hagsmunafélag barna- og unglingaráða Körfuknattleiksdeilda Keflavíkur og Njarðvíkur. Barna- og unglingaráð KKDK hefur einnig séð um miðasölu og veitingasölu á heimaleikjum meistaraflokks karla og kvenna og hefur það starf verið ánægjulegt og myndað mikla samheldni og stemmingu innan raða unglingaráðs þó vissulega hafi það aukið álagið. Meðal nýjunga á tímabilinu voru morgunæfingar sem við buðum uppá fyrir áhugasama iðkendur í 8. bekk og eldri, tvisar í viku og stjórnaði Einar Einarsson æfingunum. Voru þær vel sóttar og nokkuð ljóst að framhald mun verða á þessum valkosti næsta vetur.

7. flokkur drengja.

26

Jólablað 2012

– Þjálfari Rannveig Kristín Randversdóttir 5. bekkur drengja – Þjálfari Björn Einarsson Í mb 11 ára (6.b) 7. og 8. bekk er keppt í fjórum umferðum, eða fjórum helgarmótum þar er fjórða umferð A-liða úrslitamót þar sem efsta liðið verður Íslandsmeistari. Þau mót eru haldin á heimavelli þess liðs sem bestum árangri hefur náð í fyrstu þremur umferðunum.

Minnibolti 11 ára drengja

MB ll ára drengja

MB 11 ára stúlkna. Við í unglingaráði viljum færa öllum þjálfurum bestu þakkir fyrir tímabilið auk þess fá allir þeir áhugasömu foreldrar sem lögðu hönd á plóginn með ýmsum hætti miklar þakkir. Alls sendi barna- og unglingaráð KKDK 15 lið til keppni á Íslandsmótið tímabilið 2011-2012 og 9 lið í bikarkeppni yngri flokka. Krakkar í 1. – 5. bekk keppa ekki á Íslandsmóti en þau hafa verið dugleg við að sækja önnur mót sem í boði eru fyrir þennan aldurshóp. Flest

fóru þau á Orkumót KR og Actavismót Hauka. Mörg fóru á Sambíómót Fjölnis, Jólamót Nettó&ÍR og Póstmót Breiðabliks og öll fóru þau að sjálfsögðu á Nettómótið sem er mót mótanna.

Þjálfarar 1.-4. bekkur stúlkna – Þjálfari Helena Jónsdóttir 1.-4. bekkur drengja – Þjálfari Elentínus Margeirsson 5.-bekkur stúlkna

7. flokkur stúlkna.

Hófu leik í A-riðli og t.d.var keppnin svo jöfn í riðlinum að KRingar sem unnu fyrsta mótið, töpuðu öllum í 2. umferð og féllu í B-riðil. Keflvíkingar unnu þrjá og töpuðu einum í öllum fjórum mótum vetrarins og sá árangur dugði peyjunum heldur betur í lokamótinu og tryggði þeim þar með Íslandsmeistaratitilinn í þessum aldursflokki. Glæsilegt hjá strákunum sem voru 8. flokkurinn hjá Keflavík til að verða Íslandsmeistarar í þessum aldursflokki en Keflavík varð síðast Íslandsmeistarar í mb. 11. ára drengja fyrir 12 árum. Strákarnir kepptu einnig á Nettómótinu, Orkumóti KR, Actavismóti Hauka og enduðu veturinn á að fara á mót hjá Þórsurum á Akureyri nú á dögunum. Þjálfari Björn Einarsson Mestar framfarir: Elvar Snær Guðjónsson Besti varnarmaðurinn: Arnór Sveinsson Besti leikmaðurinn: Arnór Sveinsson

Minnibolti 11 ára stúlkna A-lið Hófu leik í A-riðli og náðu að vinna alla leikina örugglega í fyrsta mótinu nema Grindavík sem þær unnu með einu stigi. Þær skáru sig þó enn frekar frá hinum liðunum þegar leið á mótið og fóru taplausar í gegnum allt tímabilið og urðu Ísandsmeistarar með glæsibrag þegar þær unnu Grindavík í lokaleik mótsins 40-16. Stelpurnar kepptu einnig á Nettó-


Þjálfari Jón Guðmundsson Mestar framfarir: Ásta Sóllilja Jónsdóttir Besti varnarmaðurinn: Irena Sól Jónsdóttir Besti leikmaðurinn: Kristrún Björgvinsdóttir

mótinu, Orkumóti KR, Actavismóti Hauka og Jólamóti ÍR og Nettó. Þjálfari Rannveig Kristín Randversdóttir Mestar framfarir: Eva María Lúðvíksdóttir Besti varnarmaðurinn: Kamilla Sól Viktorsdóttir Besti leikmaðurinn: Elsa Albertsdóttir

10. flokkur karla Ekki var sent lið til leiks í 10. flokki drengja þetta tímabilið þar sem þótti sýnt fram á að ekki yrði nægjanlegur fjöldi iðkenda til staðar til að halda úti keppnisliði í þessum flokki, en aðeins einn virkur iðkandi tilheyrði þessum aldurslokki í vetur og lék hann með 11. flokki.

7. flokkur drengja Hófu leik í A-riðli og voru m.a. í hörku baráttu við tvö KR lið allt mótið. Unnu alla leiki í 1. umferð en unnu síðan tvo af fjórum í hinum mótunum. Þeir enduðu í öðru sæti í lokamótinu sem tryggðu þeim silfurverðlaunin á Íslandsmótinu eftir mikla baráttu. Þjálfari Björn Einarsson Mestar framfarir: Arnar Þór Þrastarson Besti varnarmaðurinn: Stefán Ljubicic Besti leikmaðurinn: Þorbjörn Arnmundsson

8. flokkur stúlkna A og B lið.

10. flokkur stúlkna Hófu leik í A-riðli og áttu frábært tímabil þar sem þær töpuðu ekki leik og urðu Íslands- og Bikarmeistarar með miklum yfirburðum í sínum flokki. Fjórar stúlkur úr þessum flokki voru valdar til að keppa með U16 á Norðurlandamóti yngri landsliða sem fer fram í Solna í Svíþjóð í maí: Bríet Sif Hinriksdótti, Elínóra Guðlaug Einarsdóttir, Sandra Lind Þrastardóttir og Sara Rún Hinriksdóttir. Þjálfari Jón Guðmundsson Mestar framfarir: Elínóra Guðlaug Einarsdóttir Besti varnarmaðurinn: Sandra Lind Þrastardóttir Besti leikmaðurinn: Sara Rún Hinriksdóttir

7. flokkur stúlkna Hófu leik í A-riðli og áttu glæsilegt tímabil. Töpuðu ekki leik og urðu verðskuldaðir Íslandsmeistarar í sínum flokki. Einnig léku þær sem b-lið Keflavíkur í 8. flokki og enduðu á að fara á methraða upp úr c-riðli í a og enduðu þar með silfurverðlaun um hálsin. Þjálfari Björn Einarsson Mestar framfarir: Þóranna Kika Hodge-Carr Besti varnarmaðurinn: Birta Rós Davíðsdóttir Besti leikmaðurinn: Katla Rún Garðarsdóttir

8. flokkur drengja Hófu leik í A-riðli og léku þar í öllum mótunum. Keppnin var nokkuð jöfn í riðlinum að KR liðinu undanskildu sem fór taplaust í gegnum veturinn en okkar drengir voru yfirleitt að vinna tvo leiki af fjórum í hverju móti. Í lokaumferðinni enduðu þeir í 3. sæti þannig að segja má að bronsið hefði verið þeirra, væri það yfir höfuð veitt. Þjálfari Björn Einarsson Mestar framfarir: Arnór Ingi Ingvason Besti varnarmaðurinn: Andri Már Ingvarsson Besti leikmaðurinn: Marvin Harrý Guðmundsson

8. flokkur stúlkna Hófu leik í A-riðli og höfðu mikla yfirburði í sínum aldursflokki á tímabilinu. Einnig sendum við 7. flokk stúlkna sem b-lið í mótið hjá 8. flokki en þær hófu leik í c-riðli og voru taplausar þar til þær mættu a-liðinu í úrslitaleik um Íslandsmeistaratitilinn í lokamótinu. A-liðið steig ekki feilspor í þeim leik og landaði sannfærandi sigri og félagið fór heim með allar medalíurnar sem í boði voru þetta árið.

11. flokkur drengja

9. flokkur drengja. Þjálfari Björn Einarsson Mestar framfarir: Kristrós Björk Jóhannsdóttir Besti varnarmaðurinn: Elfa Falsdóttir Besti leikmaðurinn: Thelma Dís Ágústsdóttir Í 9. flokki og eldri (þ.e.a.s. fyrir utan dr.fl og ul.fl þar sem keppt er í deildarkeppni) er einnig keppt í fjórum umferðum, eða fjórum helgarmótum, þar sem fjórða umferðin er haldin á heimavelli þess liðs sem bestum árangri hefur náð í fyrstu þremur umferðunum. Fjögur efstu liðin í þeirri umferð komast síðan í undanúrslit og sigurvegarar þar leika til úrslita. Þessir leikir eru leiknir á tveimur helgarmótum sem KKÍ heldur í lok leiktíðar og er umgjörð og stemming þessara móta jafnan stórglæsileg. Fyrri úrslitahelgin í ár var leikin í Njarðvík og sú seinni í DHL höll þeirra KRinga. Bikarúrslit yngri flokka voru síðan leikin í Vodafone höllinni í umsjón Vals, en einungis 9. flokkur og eldri eru gjaldgeng í bikarkeppnina.

9. flokkur drengja Hófu leik í B-riðli og höfnuðu í öðru sæti, unnu þrjá og töpuðu einum. Í annari umferð unnu þeir alla og prjónuðu sig aftur á nýjan leik upp í A-riðil. Stoppið þar var stutt því ekki

náðu drengirnir að vinna leik í 3. umferð A-riðils þannig að þeir léku 4. og síðustu umferðina í B- riðli þar sem þeir unnu og enduðu í 2. sæti og þurfa því að hefja næstu leiktíð í Briðli. Í bikarkeppninni gerðu drengirnir sér lítið fyrir og komust alla leið í úrslitaleikinn gegn liði Grindvíkinga. Úrslitaleikurinn var vel leikinn hjá strákunum þó svo færi að lokum að Grindvíkingar hefðu sigur 54-60, en þeir urðu jafnframt Íslandsmeistarar í þessum flokki. Þjálfari Guðbrandur Stefánsson Mestar framfarir: Guðmundur Ólafsson Besti varnarmaðurinn: Eiður Snær Unnarsson Besti leikmaðurinn: Sigurþór Ingi Sigurþórsson

9. flokkur stúlkna Hófu leik í A-riðli og áttu frábært tímabil þar sem þær töpuðu ekki leik og urðu Íslands- og bikarmeistarar með miklum yfirburðum í sínum flokki. Fimm stúlkur úr þessum flokki hafa verið valdar til að keppa með U15 á alþjóðlegu móti í byrjun júní. Þetta eru þær: Elfa Falsdóttir, Irena Sól Jónsdóttir, Kristrún Björgvinsdóttir, Laufey Rún Harðardóttir og Telma Dís Ágústsdóttir.

Hófu leik í B-riðli og léku þar 3 af fjórum mótum vetrarins þar sem þeir álpuðust niður í C riðil í 2. umferð. Í bikarkeppni yngri flokka töpuðu þeir gegn Haukum í 2. umferð 60-78. Pétur Guðmundsson hóf leik með flokkinn í vetur en varð frá að hverfa þegar hann var ráðinn þjálfari meistarflokks Hauka. Þá tók Jón Norðdal við og kláraði tímabilið með strákunum. Mestu framfarir: Aron Ingi Albertsson Besti varnarmaðurinn: Birkir Örn Skúlason Besti leikmaðurinn: Aron Freyr Kristjánsson

Stúlknaflokkur Er skipaður nokkrum stúlkum úr ´94 og ´95 árgangnum og auk þess léku nokkrar stelpur úr 10. flokki stórt hlutverk þar í vetur. Hófu leik í A-riðli og töpuðu ekki leik í öllum fjórum fjölliðamótum vetrarins. Í undanúrslitum mættu þær liði Grindavíkur og sigruðu 6749. Í úrslitaleiknum mættu þær síðan liði UMFN og eftir mikla dramatík og eina framlengingu þurftu okkar stúlkur að játa sig sigraðar þrátt fyrir að vera taplausar í Íslandsmótinu fram að þessum leik en lokatölur urðu 75-81. Í bikarkeppninni féllu stelpurnar úr leik í 1. umferð gegn liði Vals á útivelli, 60-72.

Jólablað 2012

27


10. flokkur stúlkna.

9. flokkur stúlkna.

Unglingaflokkur kvenna Í ul.fl.kv. var leikið í einni 7 liða deild og unnu stelpurnar 8 leiki og töpuðu 4 sem skilaði þeim 2. sæti. Í undanúrslitum léku þær gegn Haukum sem urðu í 3. sæti með sama vinningshlutfall og sigruðu 73-63. Í úrslitum léku þær gegn sterku liði Snæfells sem varð í efsta sæti deildarinnar og svo fór að lokum að Keflavík hafði sigur í úrslitaleiknum 105-94 og þar með Íslandsmeistaratitil, eftir hreint ótrúlegan leik sem var tvíframlengdur með tilheyrandi sárum, tárum og dramatík í hæsta gæðaflokki. Í bikarkeppninni féllu stelpurnar úr leik í undanúrslitum á útivelli gegn liði Vals líkt og stúlknaflokkur, 49-58. Þrjár stúlkur úr þessum flokki voru valdar til að keppa með U18 á Norðurlandamóti yngri landsliða sem fór fram í Solna í Svíþjóð í maí: Anita Eva Viðarsdóttir, Lovísa Falsdóttir og Ingunn Embla Kristínardóttir sem hefur verið í körfuboltaakademíu í Danmörku í vetur. Pétur Guðmundsson hóf leik með stelpurnar í vetur en varð frá að hverfa þegar hann var ráðinn þjálfari meistarflokks Hauka. Þá tók Rannveig Randversdóttir við með Fal Harðarson til halds og trausts og saman stýrðu þau liði stúlkna- og ul.fl. út tímabilið.

Mestu framfarir: Bríet Sif Hinriksdóttir Besti varnarmaðurinn: Soffía Rún Skúladóttir Besti leikmaðurinn: Lovísa Falsdóttir

Drengjaflokkur Í drengjaflokki var leikið í tveimur öflugum 9 liða riðlum og lék Keflavík í B-riðli. Þeir léku 16 leiki og unnu 15 og töpuðu 1 sem tryggði þeim 1. sæti riðilsins, einum sigri fyrir ofan lið KR. Í 8 liða úrslitum léku þeir á heimavelli gegn 4. efsta liði A-riðils, Fjölni sem þeir gersigruðu 112-61. Í undanúrslitum léku þeir gegn liði Breiðabliks sem höfðu orðið í 2. sæti B-riðils og unnið lið Hamars/Þórs í 8 lið úrslitum. Eftir ágætan fyrri hálfleik þar sem drengirnir leiddu 46-35 í hálfleik, hrundi leikur liðsins í þeim síðari þar sem Breiðablik tók öll völd á vellinum og fór með sigur 85-78. Keflavík hafnaði því ásamt Njarðvík í 3.-4. sæti af 18 liðum þar sem KR ingar urðu Íslandsmeistarar. Í bikarkeppni yngri flokka féllu drengirnir úr leik í undanúrslitum gegn KR á útivelli, 101-92.

Unglingaflokkur karla Í Ul.fl.ka. voru sömu drengir í lykil-

Óskum Suðurnesjamönnum gleðilegra jóla og farsæls komandi árs. Þökkum árið sem er að líða.

11. flokkur drengja. hlutverkum að viðbættum 4 drengum í þeim aldurflokki. Leikið var í einni 10 liða deild og höfnuðu drengirnir í 6. sæti með 5 sigra í 15 leikjum. Einungis 4 efstu liðin í deildinni komust í úrslitakeppni. Í bikarkeppninni féllu drengirnir út í 1. umferð þegar þeir lágu líkt og drengjaflokkur fyrir liði KR á útivelli. Einn piltur úr þessum hópi var valinn í U18 ára sem leikur á NM yngri landsliða sem fór fram í Solna

í Svíþjóð í maí, en það er Valur Orri Valsson Einar Einarsson stýrði liði drengjaog ul.fl. í vetur Mestu framfarir: Andri Daníelsson Besti varnarmaðurinn: Ragnar Gerald Albertsson Besti leikmaðurinn: Valur Orri Valsson Fh. Barna – og unglingaráðs. Skúli Jónsson, ritari.

Óskum Suðurnesjabúum gleðilegra jóla og farsælldar á komandi ári.

Þökkum viðskiptin á líðandi ári.

Viðskiptalausnir Hólmgarði2c • 230 Keflavík • Sími 420 9000

28

Jólablað 2012


Hvers vegna að safna fyrir mótum erlendis fyrir unglinga í íþróttum?

Í

Keflavík hefur skapast sú hefð í körfuboltanum að fara til útlanda með iðkendur, árið sem þeir verða 15 ára. Brottfall er mikið í íþróttum á þessum árum og með því að hafa gulrót haldast iðkendurnir lengur í iðkunn íþrótta. Mikil fjáröflun er að baki þegar farið er erlendis með íþróttamenn og voru krakkarnir hetjur að safna á ýmsan hátt. Foreldrar og krakkarnir unnu til dæmis á Ljósanótt og á Nettómótinu, og ennig með ýmis konar sölu. Eftir miklar pælingar og marga fundi ákváðum við að sameina sól, keppni í körfu og fallegustu borg Evrópu í einn pakka. Við flugum til Barcelona þann 15. júní og þaðan fórum við í strandbæinn Lloret de Mar. Hann er um það bil klukkutíma fyrir utan borgina. Þar kepptu 12 strákar og 7 stelpur fyrir hönd Keflavíkur á Eurobasket körfuboltamóti. Með hópnum voru tveir þjálfarar.Guðbrandur Stefánsson var með strákana og Jón Guðmundsson var með stelpurnar. Foreldrar voru alls 10 auk annarra

Stúlkurnar með bikarinn. Þær urði í fyrsta sæti. Frá vinstri: Kristrún, Elva Lísa, Karen, Laufey Rún, Irena Sól, Ásta og Nína Karen.

voru týnd í tvo tíma og allir orðnir áhyggjufullir þar sem drengurinn gat ekki verið án gleraugna. Við fórum oft á ströndina og að sjálfsögðu var spilaður körfubolti í íþróttahúsi án loftkælingar –prófið það. Bara það að geta klárað leikinn var afrek hjá Íslendingum sem ekki eru vanir að spila í steikjandi hita. Það var upplifun fyrir krakkana okkar. Einnig kepptu strákarnir einn leik úti og unnu krakkarnir okkar gullið að sjálfsögðu. Við héldum heim þann 23.júní (strákarnir) með viðkomu í Barcelóna. Stelpurnar ásamt fjölmennum hóp aðallega súperhressra mæðra voru nokkrum dögum lengur. Í Barcelóna skoðuðum við nokkra fræga staði og versluðum að sið Íslendiga á Römblunni en það er aðalverslunargatan. Margir voru á því að fara aftur í þessa fallegustu borg Evrópu að margra mati. Álfheiður Jónsdóttir körfuboltamamma

Drengirnir á leið í keppni.

Hópurinn með gullverðlaunin.

Einn pabbinn að láta fiska snyrta á sér fæturnar.

fjölskyldumeðlima. Sumir lengdu fríið um nokkra daga í þessari sólarparadís sem Spánn er. Við vorum á alveg frábæru hóteli, Hótel Cleopatra. Góður matur og stutt í allt í þessum vinalega smábæ. Við fórum

í vatnagarð, þar misstu tveir strákar gleraugun sín og við gerðum rólyndu spánverjana brjálaða þegar við fórum út í lendingarlaug rennibrautarinnar að leita að gleraugunum. Gleraugu annars stráksins fundust strax en hin

Á bæjarrölti.

Sendum öllum Suðurnesjamönnum okkar bestu óskir um gleðileg jól og farsælt komandi ár

Mömmurnar í bleiku.

Smiðjuvöllum 6 • 230 Keflavík • Sími 421 3500 • www.bilasp.is

Jólablað 2012

29


Körfuknattleiksdeild Keflavíkur

Keflavíkurdrengir glaðbeittir á svip eftir sigur á Tindastól í Poweradebikarnum í Laugardalshöll. Ljósmynd: Sport.is

Saga, hefð, sjálfstraust og hroki

S

aga körfubolta sem keppnisíþróttar er ekki löng í Keflavík. Skipulagðar æfingar hafa verið stundaðar hjá Keflavík í tæpa þrjá áratugi. Árangur félagsins á þessum stutta tíma verður að teljast stórkostlegur. Keflavík hefur þannig unnið fleiri Íslands- og bikarmeistaratitla en nokkuð annað félag í íslenskum körfubolta frá upphafi, ef litið er til allra yngri flokka og meistaraflokka félagsins. Í meistaraflokki karla er Keflavík í fjórða sæti yfir landið en í meistaraflokki kvenna og í yngri flokkum karla- og kvenna er Keflavík í efsta sæti. Fyrir tímabilið 2011-2012 var ljóst að bæði karlaog kvennalið Keflavíkur stóðu á tímamótum. Mikil endurnýjun hafði átt sér stað og því voru ungir uppaldir leikmenn farnir að banka á dyrnar og jafnvel spila stóra rullu. Þrátt fyrir þessar miklu breytingar þótti ekkert sjálfsagðara en að setja stefnuna á toppinn. Sagan, sigurhefðin, sjálfstraustið og dass af keflvískum hroka leyfði ekki annað. Með þetta að leiðarljósi héldu karla- og kvennalið Keflavíkur inn í tímabilið. Uppskeran var þó ef til vill ekki eins og lagt var upp með, og þó. Karlaliðið endaði uppi sem bikarmeistari eftir sigur á Tindastól 9795 í úrslitaleik Powerade-bikarsins í Laugardalshöll þar sem liðið leiddi frá upphafi til enda. Sjötti bikarmeistaratitill karlaliðsins staðreynd. Liðið þurfti hins vegar að sætta sig við tap í 8-liða úrslitum Iceland Express deildarinnar gegn Stjörnunni. Árangur karlaliðsins má því teljast viðunandi, sér í lagi, í ljósi þeirrar miklu blóðtöku sem liðið varð fyrir milli ára, þar sem m.a. fimm fastamenn í liðinu annað hvort hættu eða fóru annað. Kvennaliðið, sem unnið hafði tvöfalt árið áður, og spáð var góðu gengi olli hins vegar nokkrum vonbrigðum. Liðið náði ekki að verja bikarmeistaratitilinn frá því árinu áður og þrátt fyrir að enda uppi sem deildarmeistari í Iceland Express deildinni, féll liðið úr leik gegn Haukum í 4-liða úrslitum. Ýmislegt jákvætt var þó að gerast hjá kvennaliðinu þar sem hver ung stjarnan á fætur annarri virtist vera að spretta fram.

Gulli safnað á bikarhillu körfuboltaparsins Leikmenn Keflavíkur söfnuðu að sér einstaklingsverðlaunum á tímabilinu 2011 til 2012. Þar ber

30

Jólablað 2012

auðvitað hæst þegar Pálína Gunnlaugsdóttir hlaut nafnbótina Íþróttamaður Keflavíkur og Íþróttamaður Reykjanesbæjar fyrir árið 2011. Síðastliðið vor, að tímabilinu loknu, var hið árlega lokahóf körfuknattleiksdeildar Keflavíkur haldið þar sem Magnús Þór Gunnarsson og Pálína Gunnlaugsdóttir hlutu nafnbótina bestu leikmennirnir og Valur Orri Valsson og Sara Rún Hinriksdóttir voru valin efnilegust. Þessi fjögur ásamt hinum stóra og stæðilega Almari Guðbrandssyni skipuðu þannig úrvalslið Keflavíkur tímabilið 2011-2012. Þetta voru þó ekki einu einstaklingsverðlaunin sem fóru á bikarahilluna hjá hinu myndarlega körfuboltapari Pálínu Gunnlaugsdóttur og Magnúsi Þór Gunnarssyni á tímabilinu. Á lokahófi Körfuknattleikssambands Íslands var Pálína einnig valin besti leikmaðurinn auk þess að vera í úrvalsliði tímabilsins. Þá var Magnús Þór valinn í úrvalslið tímabilsins karlamegin og ljóst að smíðakunnátta kappans mun nýtast vel við hillusmíð undir allt þetta gull sem safnast hefur.

Svipurinn á Magnúsi Þór Gunnarssyni segir eflaust allt sem segja þarf um þær tilfinningar sem brutust út í leikslok þegar ljóst var að Keflavík hafði farið með sigur af hólmi í Poweradebikarnum.

Uppaldir leikmenn reynslunni ríkari og útlitið bjart

Fyrirliðinn Magnús Þór Gunnarsson og aðstoðarfyrirliðinn Gunnar Hafsteinn Stefánsson smelltu blautum kossi á bikarinn við afhendingu í Laugardalshöll. Ljósmynd: Sport.is

Þegar þessi orð eru rituð er tímabilið 2012 til 2013 hafið. Markmiðið fyrir núverandi tímabil var að gera betur en á síðasta tímabili. Stefnan nú sem endranær var sett á toppinn! Keflavíkurliðin í ár eru að mestu skipuð sömu leikmönnum og á tímabilinu áður, að útlendingum undanskildum. Ungu uppöldu leikmennirnir eru árinu eldri og reynslunni ríkari. Karlaliðinu barst liðstyrkur í ungum leikmanni frá Breiðablik að nafni Snorri Hrafnkelsson og Darrel Lewis, reynslumiklum leikmanni frá Bandaríkjunum með íslenskt ríkisfang. Kvennaliðinu barst einnig mikill liðstyrkur í Bryndísi Guðmundsdóttur landsliðskonu og uppalinni Keflavíkurstúlku og Ingunni Emblu Kristínardóttur, sem farið hefur mikinn í upphafi tímabilsins og virðist rísandi stjarna í íslenskum körfubolta. Þegar hér er komið við sögu er karlalið Keflavíkur á uppleið eftir erfiða byrjun og kvennaliðið taplaust á toppi deildarinnar. Útlitið ætti því að vera nokkuð bjart og ágætt tilefni til að fólk sé bjartsýnt á framhaldið.


Sara Rún Hinriksdóttir skorar hér úr sniðskoti í leik gegn Snæfelli en Sara Rún er ein hinna ungu og stórgóðu leikmanna Keflavíkur.

Enginn árangur næst án aðstoðar bakvið tjöldin Áður en fingurnir eru teknir af lyklaborðinu má ég til með að minnast á þá aðila sem sjaldnast fá umfjöllun eða klapp á bakið. Hér á ég við styrktaraðilana. Ljóst er að Keflavík hefði aldrei náð þeim árangri sem náðst hefur undanfarin ár án aðkomu góðra og dyggra styrktaraðila. Á það jafnt við um einstaklinga sem og fyrirtæki, stór sem smá. Körfuknattleiksdeild Keflavíkur er þakklát fyrir alla þá styrktaraðila sem hafa veitt félaginu hjálparhönd og hefur ríkt mikil ánægja með alla þá, sem með einum eða öðrum hætti, hafa lagt hönd á plóginn. Í kjölfar bankahruns varð körfuknattleiksdeild Keflavíkur fyrir gríðarlegu tekjutapi líkt og önnur íþróttafélög landsins. Fyrirtæki drógu saman í styrkveitingum og þá minnkaði bæjarfélagið einnig fjárframlög til körfunnar. Nú virðist sem horfurnar séu að verða betri og höfum við orðið vör við meiri jákvæðni. Má í raun segja að vindurinn sé að snúast í meðvind eftir að hafa verið í fangið um hríð. Tækifærin eru því að myndast til að snúa vörn í sókn!

Pálína María Gunnlaugsdóttir við afhendingu á íþróttamanni Reykjanesbæjar en hún hefur svo sannarlega sankað að sér gulli síðastliðið ár.

Sigursælasta körfuboltalið á Íslandi Körfuknattleiksdeild Keflavíkur bindur vonir við að sem flestir leggist á árarnar með liðinu í vetur og á komandi árum. Mikilvægt er að sem flestir aðstoði við að standa vörð um og bæta við þann árangur sem Keflavík hefur náð í gegnum tíðina. Árangur sem talar sínu máli hjá sigursælasta körfuboltafélagi á Íslandi. Já, við skulum ekkert vera að fela það neitt – Keflavík er sigursælasta körfuboltalið á Íslandi! Við eigum rétt á því að benda á söguna. Við eigum rétt á því að tala um sigurhefðina. Við eigum rétt á því að bera höfuðið hátt og vera með sjálfstraust. Já, og við eigum rétt á því að vera með smá keflvískan hroka. Af hverju? Jú, því við erum sigursælasta körfuboltalið á Íslandi! F.h. stjórnar KKDK Sævar Sævarsson

Úrvalslið Keflavíkur 2011-2012 ásamt Hermanni Helgasyni formanni og Birgi Má Bragsyni varaformanni.

Mei mí beibísitt? Lí

fl

MARTA EI

Mei mí beib ísitt? KIN

2012

og Geg h g or n ju st it ð ei nn mi bó Eg ðu k! ge ð rt ss frá o

ÔiaWh Ikkhd[i`Wcddkc

RÍKSDÓTT

JÓLABÓ

eg

Sími 421 4777

IR

Mei mí beibísitt?

n

gn

.

]b[_b[]hW`ŒbW e]\Whi©bZWh| aecWdZ_|h_

Æskuminnin

úr bítlabæn

gar

um Keflavík

§×<:?7gDE9;ǪJ>F?5DD@?@8ÇD<C:7DE@7F»Ò<FC7CÎEE2

Jólablað 2012

31


Glæsileg aðstaða Fimleikadeildar Keflavíkur

F

imleikadeild Keflavíkur fékk glæsilegt húsnæði afhent í janúar 2010. Fyrir þann tíma hafði deildin aðstöðu í svokölluðum B -sal íþróttahússins við Sunnubraut. Á þeim

tíma þurfti í byrjun hvers æfingatíma að taka út hvert einasta áhald og stilla því upp í salnum og í lok dags þurfti að taka allt saman aftur og setja í geymsluna.

Keflavíkurstúlkurnar að taka við bikar á Möggumótinu.

Möggumótið 2012

L

augardaginn 10. nóvember fór fram vinamót í Íþróttaakademíunni. Mótið kallast Möggumót og er haldið til heiðurs stofnanda deildarinnar, Margréti Einarsdóttur. Fimleikadeild Keflavíkur hefur ekki haldið þetta mót síðan flutt var í nýtt húsnæði. Hingað til hefur þetta mót verið fyrir keppendur í 6. þrepi en nú í ár ákvað deildin að bjóða upp á 5. þrep og 5. þrep létt. Að þessu sinni var einungis hægt að bjóða stúlkum á þetta mót. Ástæðan fyrir því er að deildin á ekki keppnisáhöld fyrir stráka. Stefnt er að því að halda Möggumótið árlega og vonir eru bundnar við að hægt verði að bjóða strákum á Möggumótið að ári liðnu. Hins vegar var haldið keyrslumót á föstudeginum fyrir þá stráka sem eru að æfa hjá Fimleikadeild Keflavíkur og eru að stíga sín fyrstu skref í keppnisæfingum. Foreldrum og vinum var

32

Jólablað 2012

boðið að horfa á og gerðu þeir sínar æfingar eins og um keppni væri að ræða. Að móti loknu fengu allir strákarnir viðurkenningar. Möggumótið hófst klukkan 8:00 um laugardagsmorguninn og því var lokið um kl: 18:00 en mótið skiptist í þrjá hluta. Keppt var í 6-7 manna liðum þar sem 5 hæstu einkunnir úr hverju liði töldu til úrslita. Einungis voru gefin verðlaun fyrir fyrsta sætið en allir keppendur fengu viðurkenningar fyrir þátttökuna. Í fyrsta hluta var keppt í 6. þrepi, í öðrum hluta var keppt í 6. þrepi og 5. þrepi létt og í síðasta hlutanum var keppt í 5. þrepi og var því þrepi aldurskipt í yngri og eldri. Í 5. þrepinu voru svo krýndir Möggumeistarar 2012 úr báðum aldurshópunum. Fjöldi keppanda var í kringum 260. Þau lið sem tóku þátt í mótinu voru Grótta, Gerpla, Ármann, Fjölnir, Stjarnan og Björk.

Þetta hafði mikil áhrif á starf deildarinnar og einnig í sambandi við fjölda iðkenda, því ekki var hægt að taka inn alla sem vildu æfa fimleika þar sem plássið var af skornum skammti. Eftir að við fengum aðstöðuna í Íþróttakademíunni afhenta hefur margt gerst. Iðkendafjöldi hefur margfaldast, fleiri námskeið verið í boði, fjölbreyttari þjálfun, aukinn árangur og margt fleira. Fullorðinsfimleikar eru sívinsælir þar sem gamlir iðkendur, foreldrar og aðrir sem hafa áhuga á fimleikum koma og æfa undir stjórn reyndra þjálfara. Strákafimleikar, þar sem strákar leggja stund á áhaldafimleika, hafa verið mjög vinsælir. Fyrsti hópurinn sem hóf æfingar hjá okkur er byrjaður að keppa og stóðu sig þar með ágætum. Það eina sem okkur vantar eru 3 áhöld til þess að geta boðið strákunum upp á viðeigandi þjálfun. Þegar þessi áhöld eru komin í hús getum við farið að halda FSÍ mót. Parkour eða „götufimleikar“ er nýjasta æðið meðal unglingsstráka hér í bænum. Þeir koma hingað og læra að gera ýmis konar hopp, stökk og brellur sem erfitt er að lýsa með orðum. Krakkafimleikarnir standa alltaf fyrir sínu, þar sem 2ja, 3ja og 4 ára börn stíga sín fyrstu skref í fimleikum á laugardagsmorgnum. Við erum með tvo erlenda þjálfara þá Ardalan Nik Sima sem er áhaldaþjálfari frá Nýja Sjálandi og Henrik frá Danmörku sem er hópfimleikaþjálfari. Þeir, ásamt okkar frábæru íslensku þjálfurum, mynda stöðuga heild sem sækir ákaft fram á við. Eftir að við fluttumst yfir í Íþróttaakademíuna hefur árangur iðkenda ekki látið standa á sér. Við erum orðin samkeppnishæf við stóru félögin á landinu. Fleiri iðkendur frá okkur eru að komast upp um þrep og eins og staðan er í dag erum við með nokkrar stelpur í hverju þrepi, þ.e. nokkrar í 1., 2. og 3. þrepi og svo fjölmargar í 4. og 5. þrepi. Nýjung hjá okkur í ár er að stelpurnar í afrekshópunum okkar fara í ballettíma hjá Brynballet. Það mun án efa hjálpa stelpunum okkar mikið í æfingum þeirra. Fimleikadeildin hefur framkvæmdarstjóra í fullu starfi. Það hefur haft mikil áhrif á metnað og faglegt starf hjá deildinni. Nýr framkvæmdarstjóri var ráðinn hjá Fimleikadeild Keflavíkur nú í ágúst, en það er Eva Berglind Magnúsdóttir. Stjórn Fimleikadeildar Keflavíkur hlakkar mikið til samstarfs við Evu Berglindi, en hún hefur alist upp með fimleikadeildinni og hefur þetta sanna Keflavíkurhjarta. Við stefnum hærra, bæði í áhaldafimleikum og hópfimleikum. Þó nokkuð er um það að hópar utan af landi nýta húsið til æfinga, en einnig koma hópar erlendis frá enda þykir Íþróttaakademían í Reykjanesbæ með betri fimleikahúsum á landinu. Landsliðið okkar í fimleikum kemur einnig reglulega til æfinga í okkar glæsilegu fimleikaaðstöðu. Undanfarin 2 ár hefur menntahelgi hópfimleikana verið í okkar aðstöðu, þar sem það þykir svo frábært að geta verið með bóklegt og verklegt námskeið á sama staðnum. Ráðstefnusalurinn nýtist vel á þessum menntahelgum. Í ljósi umræðna og frétta nýlega um að bæjaryfirvöld víða um land hafi ekki staðið sig nógu vel þegar kemur að uppbyggingu fimleikaaðstöðu, langaði okkur að vekja athygli á þeirri frábæru aðstöðu sem Fimleikadeild Keflavíkur hefur í Íþróttaakademíunni. Við erum öll þakklát fyrir þetta framtak Reykjanesbæjar og munum sýna það m.a. með því að nýta aðstöðuna eins og best verður á kosið og efla fimleikastarfið til muna á næstu árum. F.h. Fimleikadeildar Keflavíkur Halldóra Björk Guðmundsdóttir


Keflavíkurstúlkur á fyrstu árum félagsins.

Viðtal við Heiðrúnu Rós Þórðardóttur:

Evrópumeistara í hópfimleikum 2012 Laufey og Gulla með flottar fimleikastelpur.

Stofnun

Fimleikafélags Keflavíkur

A

ðdragandinn að stofnun Fimleikafélags Keflavíkur var sú að ein stjórnarkona ÍBK Ragnhildur Ragnarsdóttir fór að keyra dóttur sína og vinkonu hennar á fimleikaæfingar í Reykjavík. Ragnhildur kynnist síðan Lovísu Einarsdóttur formanni Fimleikasambands Íslands á ársþingi ÍSÍ og ber það undir hana að gaman væri að stofna fimleikafélag í Keflavík. Lovísa þekkti Margréti Einarsdóttur frá fyrri tíð en þær æfðu saman fimleika. Ragnhildur hafði samband við Margréti og var hún strax til . Þá var farið af stað með að aðlaga lög og reglur að smærra fimleikafélagi með dyggri aðstoð Lovísu. Haft var samband við frábærar konur sem vildu leggja hönd á plóg og stofnfundur var haldinn haustið 1985. Það mæddi mikið á Margréti sem var bæði fyrsti formaður og aðalþjálfari félagsins. Á þessum árum vann hún á vöktum og á milli þess sem hún þjálfaði fimleikahópana og restin af stjórninni skiptist á að aðstoða hana á æfingum. Einnig nýtti Margrét sambönd sín inni í fimleikafélög á stór Reykjavíkursvæðinu og fékk t.d. Hlín Árnadóttur þjálfara frá Fimleikafélaginu Björk í Hafnarfirði og dóttur hennar til að koma og þjálfa hjá FK. Bæjarfélagið styrkti félagið til að byrja með, með því að bjóða upp á frítt æfingahúsnæði en enga fjárstyrki. Til að geta rekið félagið varð stjórnin að halda vel á spilunum, því að einu fjármunirnir sem félagið hafði, var það sem kom inn af æfingagjöldum. Fyrstu árin fóru æfingarnar fram í íþróttahúsi Myllubakkaskóla og var notast við þau íþróttaáhöld sem voru til í húsinu. Þrátt fyrir skort á fjármagni var fimleikafélagið vel rekið af hagsýnum konum og var fjárfest í fimleikaáhöldum eftir efnum og aðstæðum. Fyrsta fimleikaáhaldið sem félagið fjárfesti í var jafnvægisslá, klædd með svampi, sem Sigurbjörn Sigurðsson (Bói í Duus) smíðaði. Það tók félagið nokkur ár að safna fyrir dýnum og tækjum

sem þurfti til fimleikaiðkunnar. Margrét var driffjöður félagsins og með sinni bjartsýni og áhuga komst það klakklaust yfir erfiðasta hjallann og lagði grunninn að því stórkostlega starfi sem er hjá Fimleikadeildinni í dag. Til að byggja upp sjálfstraust félagsins og fimleikastúlknanna lét Margrét þær taka þátt í fimleikamótum sem hún vissi að þær gætu staðið sig með reisn. Á fyrsta mótinu mættu stúlkurnar okkar í mislitum leikfimisklæðnaði sem þær áttu sjálfar. Stjórnin lagði áherslu á að láta hanna fimleikabúninga og merki fyrir félagið og fyrstu árin kepptu iðkendur í fallegum rauðum og hvítum búningum. Stjórnin lagði áherslu á að kynna það starf sem fram fór í félaginu og bauð foreldrum iðkenda og bæjarbúum á æfingar. Þetta var undanfari jólsýninga FK, sem flestir þekkja í dag. Til að sýningarnar yrðu sem glæsilegastar lagði stjórnin dag við nótt að sauma búninga á fimleikastúlkurnar til að lífga upp atriðin á sýningunum og erum við stoltar af því að rauðu og hvítu jólapilsin sem við saumuðum eru enn í notkun hjá deildinni eftir öll þessi ár. Fimleikadeild Keflavíkur hélt boðsmót þann 10. nóvember s.l.. Mótið kallast Möggumót og er haldið til heiðurs einum af stofnendum og aðaldriffjöðrum félagsins. Fimleikadeildin hefur ekki haldið þetta mót síðan flutt var í nýtt húsnæði og erum við spenntar yfir því að þessi hefð hefur verið endurvakin. Stjórnin lagði mikla áherslu á hópfimleika til að halda stúlkunum lengur í fimleikum og mikil ánægja að Heiðrún Rós Þórðardóttir „okkar“ er Evrópumeistari í hópfimleikum í ár, en hún fæddist 1985 sama ár og Fimleikafélag Keflavíkur var stofnað. Fyrir hönd fyrstu stjórnar: Inga María Ingvarsdóttir Laufey Kristjánsdóttir

Hvað varst þú gömul þegar þú byrjaðir að æfa fimleika? Ég var 5 ára þegar ég byrjaði fyrst í fimleikum. Hætti svo 18 ára en byrjaði aftur þegar ég var 23 ára og þá fóru hlutirnir að gerast. Náði miklum framförum á stuttum tíma þar sem ég hafði mjög mikinn metnaðað til að ná langt. Hvað var til þess að þú byrjaðir að æfa fimleika? Jane Petra frænka var alltaf að passa mig, hún var í fimleikum sem varð til þess að ég valdi fimleika. Hvernig var aðstaðan þegar þú byrjaðir að æfa fimleika? Aðstaðan var allt allt önnur en hún er í dag. Fimleikarnir voru inni í b-sal á Sunnubrautinni, það var engin gryfja og öll áhöld mjög gamaldags. Lærði t.d arabastökk flikk á grænni dýnu sem er mikið notuð í skólaleikfiminni. Hvernig stóð á því að þú fórst í fimleikaskóla í Danmörk? Hafði heyrt um Ollerup fimleikalýðháskólann áður þar sem stelpur úr bænum höfðu farið í hann og voru mjög ánægðar með sína dvöl þar. Svo eftir að við fengum íþróttaakademíuna urðu miklar framfarir hjá mér í fimleikum og mig langaði bara til að prufa einhvað nýtt. Hafði mjög gott af því að fara ein út, þroskast, læra nýtt tungumál, kynnst fullt af nýju fólki og læra meira um fimleika og þjálfun. Hvernig fannst þér að vera í Danmörk í fimleikum og hvernig standa Danir sig miðað við okkur? Mér fannst bara mjög gaman að fimleikunum úti í Danmörku. Danirnir æfa ekki eins mikið og við hér heima. Það eru færri æfingar og æfingarnar eru styttri, eða ég var allavega vön því að æfa í 3 klst. í senn áður en ég fór út en þarna úti voru æfingarnar í 1 1/2 -2 klst. Danirnir standa sig nokkuð vel í fimleikum. Dönsku strákarnir eru ROSALEGA góðir enda unnu þeir Evrópumótið 2012 en stelpurnar eru ekki eins góðar, þær lenntu í 5. sæti á Evprópumótinu og voru ekki mjög sannfærandi. Enda æfa þær ekki jafn stíft og við hér heima og gera mun minna þrek. Fimleikar eru meira svona “for sjov” (til gamans) þarna úti. Hér er miklu meiri vilji til að ná lengra og vinna stórmót ;)

Jólablað 2012

33


Sundárið 2012

Á

Sigurlið ÍRB á AMÍ

rið 2012 var gott ár hjá Sunddeild Keflavíkur. Eins og undanfarin ár vorum við í samstarfi með vinum okkar í Sunddeild umfn og hefur það samstarf gengið vel og saman erum við með eitt besta sundlið landsins sem skilaði okkur yfirburðarsigri á Aldursflokkameistaramóti Íslands (AMÍ) 2012. Við höfum náð að snúa við rekstri deildarinnar og í fyrsta skipti í nokkur ár komum við út á sléttu. Mikið aðhald hefur þó verið hjá okkur og þurftum við að sameina hópa og fækka aðeins í okkar annars frábæra þjálfaraliði, sem að ég fullyrði að ekkert lið á landinu getur státað sig af eins góðum þjálfurum og við gerum í dag. Sundárið hefur verið með svipuðu sniði og undanfarin tvö ár. Við héldum lokahóf annað árið í röð þar sem veitt voru verðlaun fyrir mætingu og árangur ársins 2011 og tókst það mjög vel. Við gefum út fréttabréf einu sinni í mánuði þar sem sundmenn mánaðarins eru valdir í öllum flokkum og í öllum laugum og kemur það út á heimasíðu okkar www.keflavik.is/sund. Að gefa út svona blað er mikil vinna og vil ég þakka þeim sem koma að því kærlega fyrir því þarna er góð leið fyrir foreldra og sundmenn að fylgjast með því mikla starfi sem við höldum úti. Æfingardagarnir voru á sínum stað en þá koma okkar yngstu sundmenn og fá að æfa í Vatnaveröld. Þar fá þau að sjá aðra þjálfara og að

kynnast því að æfa í stóru lauginni okkar því oft hefur það verið þeim erfitt að koma úr litlu hverfislaugunum okkar og byrja að æfa í stóru lauginni og hafa þessir æfingardagar mælst virkilega vel fyrir. Davíð Hildiberg Aðalsteinsson var útnefndur sundmaður Keflavíkur 2011. Davíð Hildiberg átti frábært sundár. Hann æfir núna í Arizona í Bandaríkjunum og stundar nám við háskóla þar. Hæstu FINA stigin sín hlaut hann fyrir 100m baksund í 50m laug á Íslandsmeistaramótinu í apríl. Hann fékk 736 stig fyrir þá grein, þar sem 1000 stig eru heimsmetið. Hann fékk einnig yfir 700 FINA stig í bæði 50m og 200m baksundi og í því síðarnefnda setti hann nýtt ÍRB met í karlaflokki. Hæstu stigum í 25m laug náði hann á metamóti ÍRB en þar fékk hann 668 stig fyrir 100m baksund. Davíð var hluti af landsliði Íslands sem fór á Smáþjóðaleikana. Davíð vann silfur í 100m baksundi á Smáþjóðaleikunum og brons í 200m baksundi. Hann var einnig baksundsmaðurinn í sveitinni sem fékk gull á leikunum í 4x100m fjórsundi og var einnig í sveitunum sem fengu silfur fyrir 4x100m skriðsund og 4x200m skriðsund. Davíð var einnig hluti af hópnum sem vann AMÍ í ár. Hann vann einnig bikar á Landsbankamóti ÍRB fyrir stigahæsta 200m sundið. Í lok janúar var farið með okkar elsta hóp, afrekshópinn, í keppnisferð til Sheffield á Eng-

landi til að keppa á Meistaramóti N-Bretlands (Great Britain Northern Region Championships). Sundmenn okkar stóðu sig mjög vel og voru flestir okkar sundmenn að bæta tímana sína og margir náðu að komast í úrslit í sínum sundum. Ferðalagið gekk í alla staði vel og var góð stemning í hópnum okkar. Í apríl var svo komið að Íslandsmeistaramótinu í 50 metra laug. Mjög góður árangur náðist á mótinu þó svo að Davíð Hildiberg Aðalsteinsson hafi verið eini Keflvíkingurinn sem varð Íslandsmeistari en hann vann til þrennra gullverðlauna og hann fékk einnig brons í einni grein. Jóna Helena Bjarnadóttir fékk ein bronsverðlaun, Jóhanna Júlía Júlíussdóttir fékk tvö silfur og Íris Ósk Hilmarsdóttir fékk tvenn bronsverðlaun. Birta María Falsdóttir setti svo nýtt Íslandsmet í Telpnaflokki í 800 metra skriðsundi. Sundmaður mótsins hjá okkur var Árni Már (æfir í U.S.A.) en hann sýndi frábæra vinnu og jákvæðan liðsanda á mótinu. Árni var aðeins 0.01 frá sínu eigin Íslandsmeti sem hann setti í Beijing í 50 skrið og bætti hann ÍRB metið í bæði 50 og 100 bringu og náði boðstíma á Ólympíuleikana. Annar sundmaður sem æfir hér heima hjá okkur á einnig skilið sérstakt hrós fyrir frammistöðu sína en það er Birta María. Birta María bætti alla sína tíma en Íslandsmetið hennar í 800 skrið var meiriháttar og með því náði hún lágmörkum á Mare Nostrum, NÆM

Jóhanna Júlía.

Birta María með Ólafsbikar.

Anthony. Unglingaþjálfari ársins.

34

Jólablað 2012


og Andorra-fyrstu landsliðsverkefnin hennar. Strax daginn eftir mótið héldum við langsundmót ÍRB til þess að nýta til fulls alla þá miklu vinnu sem lögð hefur verið í æfingar fyrir ÍM50 síðustu vikur og það borgaði sig svo sannarlega. Birta María náði öðru Íslandsmeti í Telpnaflokki í 1500 skrið og bætti tíma sinn um næstum því 30 sekúndur og Sunneva Dögg var nálægt gamla metinu. Aleksandra Wasilewska bætti sitt eigið ÍRB Stúlknamet aftur og Kristófer Sigurðsson synti vel í 800 skrið og náði að bæta eldra ÍRB met í Piltaflokki sem liðsfélagi hans, Jón Ágúst átti. Hin unga Eydís Ósk stóð sig vel og bætti Njarðvíkurmet. Í byrjun maí keppti svo Sigmar Björnsson á Garpamótinu sem fram fór í Vestmannaeyjum. Sigmar Björnsson, dómari ársins á síðasta ári, hélt áfram að sýna styrk sinn á Garpamótinu. Sigmar vann gull í 50, 100 og 200 bringu í flokki 50-54 ára og silfur í 100 fjórsundi, til hamingju Sigmar. Um miðjan maí héldum við hið árlega Landsbankamót ÍRB. Mótið tókst í alla staði vel. Mótið byrjaði á föstudegi en þá fá okkar yngstu sundmenn að njóta sín og er jafnan mikið fjör í lauginni. Í lok dags var svo farið í hinn sívinsæla sjóræningjaleik sem ávallt vekur mikla lukku. Á laugardeginum og sunnudeginum taka svo eldri sundmenn við en í aldursflokknum 12 ára og yngri er keppt í 25 metra laug en 13 ára og eldri keppa í 50 metra laug. Mörg mótsmet féllu í ár og nokkur aldursflokkamet voru einnig sett á mótinu. Í lok móts hjá 13 ára og eldri vorum veitt verðlaun fyrir stigahæstu sund en í kvennaflokki var Íris Ósk með stigahæsta sundið í 200 metra baksundi. Mikil stemning var á mótinu í ár eins og undanfarin ár og er þetta mót gríðarlega vinsælt þar sem yfir 500 sundmenn voru þarna samankomnir frá alls 14 félögum. Eins og áður fóru yngri hóparnir í bíó á milli hluta og hefur það mælst vel fyrir. Til að halda mót af þessari stærðargráðu er nauðsynlegt að hafa samstilltan hóp foreldra en við hjá sunddeildinni eru heppin að hafa frábært fólk sem skilar þessari vinnu ár eftir ár með miklum sóma. Við viljum þakka öllum sem lögðu hönd á plóginn; foreldrum, starfsfólki Vatnaveraldar, starfsfólki Myllubakkaskóla og okkar helstu styrktaraðilum, Landsbankanum, Reykjanesbæ, Nettó og Sigurjóni í Sigurjónsbakarí. Eftir að móti lauk var svo glæsilegt lokahóf og uppskeruhátíð ÍRB í hátíðarsal FS. Þangað mættu yfir 200 manns til kvöldverðar og fjölmargar viðurkenningar og verðlaun voru afhent. Veitt voru verðlaun eftir hvatningarkerfi ÍRB og einnig voru verðlaunaðir sundmenn hvers aldursflokks fyrir sig. Í lok maí var haldið Lágmarkamót ÍRB og setti Jóhanna Júlía Júlíusdóttir þar nýtt glæsilegt íslenskt met í flokki stúlkna 15-17 ára en hún er sjálf aðeins 16 ára. Hún synti 200m flugsund á 2.16,90 sem er aðeins 0,18 sek frá Íslandsmetinu í opnum flokki. Fyrstu helgina í júní fóru fimm sundmenn frá okkur á þriðja Smáþjóðameistaramót sem haldnir voru í Andorra. Þar sem mótið fór fram í 1500 m hæð yfir sjó þurftu sundmennirnir að glíma við það að hafa minna súrefni en þeir eru vanir, svipað og þeir sem fara og æfa í mikilli hæð til þess að auka flutningsgetu blóðsins á súrefni. Þrátt fyrir þetta stóð okkar fólk sig vel og skilaði góðum úrslitum. Jóhanna Júlía vann gull í hópi yngri sundmanna í 100 flug og vann silfur í 200 fjór, 400 fjór og 200 flug og vann einnig silfur með boðssundsveitinni í 4x100 fjórsundi. Baldvin vann gull í flokki yngri sundmanna í 100 og 200 flug og í 400 fjór. Íris Ósk vann gull í flokki yngri sundmanna í 100 bak. Hún vann einnig silfur í 50 og 200 bak. Birta María vann brons í flokki yngri sundmanna í 800 skrið og var fjórða í 200m og 400m skrið og sjötta 400m fjór. Sunneva Dögg sem átti 4 frábæra bestu tíma vann brons í flokki yngri sundmanna fyrir 400 skrið og var fjórða í 800 skrið og fimmta í 200 skrið

Davíð Hildiberg. Sundmaður Keflavíkur.

Íris Ósk. og 400 fjór. Það var flottur árangur sem krakkarnir voru að ná og mikil og góð reynsla sem krakkarnir fengu þarna. Jóhann Júlía hélt svo áfram ferðalaginu og keppti á Marin Nostrum mótaröðinni sem var haldin í Canet og stóð hún sig mjög vel þar sem hún synti í 200 metra flugsundi. Í ár héldum við AMÍ í Reykjanesbæ. Mótið tókst í alla staði vel. Það er skemmst frá því að segja að liðið okkar var með mikla yfirburði á mótinu og vann yfirburðarsigur. Við hlutum 1749 stig en gefin eru stig fyrir fyrstu 8 sætin í hverri grein og vorum við með 790 fleiri stig en það lið sem endaði í 2. sæti. Þessi árangur kom í sjálfu sér ekki á óvart því eins og áður sagði þá erum við með mjög hæfa þjálfara í öllum flokkum og er sú mikla vinna sem búin er að vera undanfarin ár að skila sér. Ég ætla ekki að fara yfir alla þá Aldursflokkameistara sem við eignuðumst þar sem það tæki langan tíma. Á lokahófinu sem við héldum í Stapa fengum við nokkur einstaklingsverðlaun. Íris Ósk Hilmarsdóttir var stigahæsta Telpan í flokki 13-14 ára og Eydís Ósk Kolbeinsdóttir var stigahæsta Meyjan í flokki 12 ára og yngri. Birta María Falsdóttir hlaut Ólafsbikarinn sem veittur er fyrir besta afrek í ákveðnum greinum þegar tekið er tillit til aldurs en þessi bikar er gefinn í minningu Ólafs Þórs Gunnlaugssonar sundmanns og sundþjálfara. Í lok Júní fóru þrjár sundkonur frá okkur í æfingarferð með landsliðinu og var farið til Bath í Englandi. Þetta voru þær Jóhanna Júlía, Birta María og Íris Ósk. Þarna æfðu þær í 10 daga með A-landsliðinu sem var að undirbúa sig fyrir Ólympíuleikana og var þetta frábær reynsla sem þær fengu þarna. Í kjölfarið á þessum æfingarbúðum fór Jóhanna Júlía til Antwerpen í Belgíu þar sem hún keppti á Evrópumeistaramóti unglinga. Jóhanna stóð sig

mjög vel og synti á mjög góðum tíma í 200 metra flugsundi. Jóhanna átti mjög gott ár þar sem hún keppti fyrir hönd Íslands á fjórum alþjóðlegum mótum og stóð sig allsstaðar vel. Til hamingju Jóhanna Júlía. Birta María og Íris fóru á Norðurlandamót Æskunnar í byrjun júlí. Íris Ósk átti frábært mót en hún synti í 50 m, 100 m og 200 metra baksundi. Það er skemmst frá því að segja að Íris Ósk varð Norðurlandameistari Æskunnar í 200 metra baksundi þegar hún synti á 2.23.22 sem er hennar besti tími. Glæsilegt Íris og til hamingju. Birta María stóð sig einnig vel en hún synti í 200 m, 400m og 800m skriðsundi og voru þær báðar að synda á sínum bestu tímum. Meirihluti sundmanna í afrekshópum ÍRB ferðaðist til Danmerkur í byrjun ágúst í 7 daga æfingabúðir. Hópurinn sem samanstóð af 31 sundmanni og 5 starfsmönnum flaug til Billund áleiðis til Esbjerg þar sem gist var á Dan Hostel og fóru æfingar fram í 50 m sundlaug sem var tveimur húsum neðar við sömu götu. Hostelið, maturinn og laugin voru frábær og hentuðu algjörlega okkar þörfum. Tvær sundæfingar voru á dag fyrir utan fyrsta daginn og daginn sem við fórum í Legoland en þá daga var ein æfing. Áherslan í æfingabúðunum var sett á tækni og var unnið með öll sundtök, snúninga og start. Hverri æfingu fylgdi DVD mynd þar sem farið var yfir allt sem yrði gert á næstu æfingu. Þetta var gríðarlega árangursrík og skemmtileg æfingarferð og við sáum mjög miklar framfarir á þessari viku. Erla Sigurjónsdóttir var valin í landslið fyrir Ísland-Færeyjar keppnina sem fór fram í október. Hún synti bæði í boðsundi og 100m flugsundi og synti mjög vel. Ísland vann keppnina og er gaman að sjá hve mikið af okkar fólki er að komast í hin ýmsu landsliðsverkefni. Íslandsmótið í 25 metra laug var haldið í Hafnarfirði 16.-18. nóvember þar sem sundmenn okkar stóðu sig mjög vel. Íris Ósk Hilmarsdóttir stóð sig mjög vel og byrjaði á að tvíbæta telpnametið í 200 metra baksundi. Hún jafnframt endaði í öðru sæti í því sundi. Fyrir það sund fékk hún 692 FINA stig sem er mjög gott. Hún varð einnig Íslandsmeistari í 100 metra baksundi. Glæsilegt Íris Ósk. Jóhanna Júlía Júlíusdóttir varð Íslandsmeistari í 200 metra flugsundi og í öðru sæti var Erla Sigurjónsdóttir, glæsilegt hjá þeim. Kristófer Sigurðsson átti mjög góð sund á þessu móti og náði hann yfir 700 FINA stigum í 400 metra skriðsundi. Frábært hjá honum. Telpnasveitin okkar stóð sig einnig vel og sló tvö íslensk telpnamet á mótinu, bæði í 4 x 100 metra skriðsundi og svo einnig í 4 x 100 metra fjórsundi.0Sveitina skipa Þær Íris Ósk, Birta María, Sunneva Dögg og Laufey Jóna. Það er of langt mál að telja upp alla þá sem komust á pall og fengu verðlaun á mótinu en heilt yfir var frábær árangur á þessu móti og mega sundmenn og þjálfarar vera stoltir af árangri þeirra. Fjöldi sundmanna náði að tryggja sér í landsliðsverkefni eftir mótið og munu þau synda fyrir Íslands hönd á NMU í Finnlandi nú í desember. Anthony Kattan yfirþjálfari var svo á lokahófi SSÍ eftir mótið kosinn unglingaþjálfari ársins og er hann vel að því kominn. Til hamingju Anthony. Við tókum einnig þátt í mörgum smærri mótum eins og Gullmóti KR, Stórmóti SH, Ármansmóti og fleiri mótum þar sem sundmenn okkar komu allstaðar vel fyrir, stóðu sig vel og voru sjálfum sér og félagi okkar til mikillar sóma. Hægt er að sjá úrslit þessara móta hér http://keflavik.is/sund/keppni/ urslit/. Með sundkveðju Falur Helgi Daðason formaður Sunddeildar Keflavíkur.

Jólablað 2012

35


Æfingaferð til Danmerkur M eirihluti sundmanna í afrekshópum ÍRB ferðaðist til Danmerkur nú síðsumars í 7 daga æfingabúðir. Hópurinn sem samanstóð af 31 sundmanni og 5 starfsmönnum flaug til Billund áleiðis til Esbjerg þar sem gist var á Dan Hostel og fóru æfingar fram í 50 m sundlaug sem var tveimur húsum neðar við sömu götu. Hostelið, maturinn og laugin voru frábær og hentuðu algjörlega okkar þörfum. Æfingabúðirnar voru undirbúnar með 5 daga æfingabúðum í Vatnaveröld þar sem sundmenn voru gerðir klárir fyrir vikuna sem var framundan. Tvær sundæfingar voru á dag fyrir utan fyrsta daginn og daginn sem við fórum í Legoland en þá daga var ein æfing. Áherslan í æfingabúðunum var sett á tækni og var unnið með öll sundtök, snúninga og start. Hverri æfingu fylgdi DVD mynd þar sem farið var yfir allt sem yrði gert á næstu æfingu. Þetta skipulag hámarkaði þær framfarir sem við sáum þessa viku og lögðu sundmenn mikla vinnu í alla þá þætti sem farið var yfir. Þetta var gríðarlega árangursríkt og skemmtilegt og við sáum mjög miklar framfarir á þessari viku. Hamingjuóskir til ykkar allra sundmenn. Hvað skemmtun varðar voru búðirnar frábærar, ég held ég hafi aldrei verið hluti af búðum þar sem hlegið var eins mikið og keppnin eins áköf. Krakkarnir skemmtu sér ekki aðeins vel í frítímanum í lauginni á stökkbrettum og fljótandi þrautabraut heldur líka utan laugar. Krökkunum var skipt í þrjú lið, Vínrautt, Hvítt og Blátt. Hver hópur var með sinn fararstjóra, Hörpu, Önnu eða Sigurþór og svo var hvert lið með tvo liðsstjóra sem voru Jóhanna Júlía og Kristófer, Jón Ágúst og Berglind og svo Erla og Sveinn Ólafur. Liðsstjórarnir lögðu heilmikið á sig og fengu stuðning frá öðrum eldri sundmönnum í hópunum. Fararstjórarnir voru einfaldlega yndislegir og ánægjulegt að vinna með þeim. Sú mikla vinna sem þeir lögðu á sig, rósemi þeirra, hversu mikið þeir nutu þess að taka þátt í upplifuninni og öruggur stuðningur þeirra skipti sköpum í því að

Íþrótta- og ungmennafélag óskar íþróttafólki svo og öðru Suðurnesjafólki gleðilegra jóla og farsældar á nýju ári

36

Jólablað 2012

gera þessa viku árangursríka. Bestu þakkir til þeirra! Þegar vikan var hálfnuð fórum við til Billund í Legoland. Dagurinn byrjaði með úrhellisrigning sem í fyrstu dró aðeins kjarkinn úr okkur en þegar allir voru komnir í gular regnslár vorum við tilbúin að njóta dagsins. Sólin braust svo fram úr skýjunum um klukkutíma síðar og allir skemmtu sér konunglega. Flestir í hópnum eyddu einhverjum tíma með öllum hinum í hópnum á einhverjum tímapunkti, eignuðust nýja vini og kynntust hvert öðru betur. Starfsfólkið var ekki skilið útundan og það var frábært að vera með þessu skemmtilega unga fólki. Ísinn frá Ben and Jerry´s sló sérstaklega í gegn!!! Fimm áskoranir voru lagðar fyrir liðin þrjú. Í tveimur áskorunum, ÍRB Idol og ÍRB so you think you can dance, fengu liðin æfingatíma til þess að undirbúa tvö atriði og náðu þau að gera ótrúlega sniðug og frumleg atriði eftir aðeins þriggja tíma undirbúning. Hinar þrjár áskoranirnar voru ÍRB Fear Factor, Weetabix áskorunin og Berrocca (froðu) áskorunin. Hörð keppni var í þeim öllum og vann hver hópur a.m.k. eina áskorun og sást vel hve miklir keppnismenn krakkarnir allir eru.

Á kvöldin horfði liðið á sundkeppni Ólympíuleikanna í flottu herbergi með stóru tjaldi og skjávarpa. Þar urðum við vitni að einhverjum af bestu sundum sem synt hafa verið. Ég vil nota tækifærið og þakka aðstoðarþjálfaranum mínum henni Hjördísi fyrir þessa ótrúlegu viku. Hjördís skildi algjörlega markmið búðanna og hellti sér út í þessa áskorun að fullu. Stöðuglyndi hennar og áhugi er dýrmætur og ég met framlag hennar til liðsins mikils. Þetta eru sennilega bestu æfingabúðir sem ég hef fengið þá ánægju að vera hluti af. Tæknilegar framfarir voru gríðarlegar. Sundmenn víkkuðu út sinn þægindaramma bæði í lauginni og utan hennar þar sem margir „feimnir“ sundmenn slógu til og voru með í áskorununum og sigruðust á sumu því sem þeir óttuðust. Krakkarnir voru glaðir langmestan hluta ferðarinnar og þó þreyta orsakaði einstaka smá árekstra var fljótt unnið úr þeim málum og þau gleymd og grafin. Þetta er nú allt hluti af því að þroskast. Bestu þakkir til allra sem komu að þessari ferð. Ég get ekki beðið eftir nýja tímabilinu með þessum frábæra hópi sundmanna. Anthony Kattan.


Keflavík valið fyrirmyndarfélag á 15. Unglingalandsmóti UMFÍ.

Unglingalandsmót UMFÍ 2012

F

immtánda Unglingalandsmót Ungmennafélags Íslands var haldið um verslunarmannahelgina á Selfossi þann 3. - 5. ágúst 2012. Keflavík átti 112 keppendur en þátttakendur á mótinu voru á þriðja þúsund og hafa aldrei verið fleiri. Á föstudeginum var mótið formlega sett og gekk undirritaður stoltur inn á leikvanginn með keppendum sem allir voru klæddir í Keflavíkurpeysu. Unglingalandsmótseldurinn var tendraður af Marín Laufey Davíðsdóttur, glímudrottningu, en ávörp fluttu Helga Guðrún Guðjónsdóttir, formaður UMFÍ, forseti Íslands hr. Ólafur Ragnar Grímsson og Katrín Jakobsdóttir, menntaog menningarmálaráðherra.Tjaldsvæði Keflavíkur var orðið sneisafullt á föstudeginum af húsakynnum keppenda, foreldra og einnig afa og ömmu sem létu sig ekki vanta í stuðningshópinn en allt var þetta undir stjórn Ólafs Ásmundssonar sem sá um að allt gengi vel fyrir sig. Fjölmargar greinar voru í boði á mótinu og gátu keppendur skráð sig í hvaða grein sem var hvort sem um var að ræða liðaeða einstaklingsgreinar. Dagarnir byrjuðu snemma en voru fljótir að líða því margt var að gera fyrir utan að taka þátt í keppninni sjálfri. Dagarnir enduðu svo með kvöldvökum, með hinum ýmsum uppákomum fyrir ungu kynslóðina. Mótshaldarar eiga mikið hrós skilið fyrir skipulagningu, allt gekk upp meira að segja veðrið. Mitt hlutverk var að fylgja syni mínum, sem spilaði með 6. flokk í körfubolta, á þessu móti og náðu þeir að verða unglingalandsmótsmeistarar. Einnig vorum við í stuðningsliði hjá frænkum okkar sem spiluðu í körfubolta fyrir Keflavík. Allir voru mjög ánægðir með mótið og sumir voru á sínu þriðja móti í röð sem ég skil vel því þeir sem eiga unglinga ættu að prufa að fara á unglingalandsmót þó það sé ekki verið að keppa, það eru aldrei of margir í stuðningsliðinu. Á sunnudagskvöldinu var marserað ásamt öllum ungmennafélögum frá tjaldsvæði og inn á leikvang til að slíta mótinu. Eftir góða skemmtidagskrá var Keflavík útnefnt fyrirmyndafélag mótsins sem er mikill heiður

Óskum Suðurnesjamönnum gleðilegra jóla og farsæls komandi árs. Þökkum árið sem er að líða.

EM EINAR MAGNÚSSON ÞORVALDUR H. BRAGASON TANNLÆKNAR OG STARFSFÓLK S KÓ L AV E G I 10 • 2 3 0 K E F L AV Í K

Óskum Suðurnesjamönnum gleðilegra jóla og farsæls komandi árs. Þökkum árið sem er að líða.

Stofnað 1971

Verktakar • Ráðgjöf

fyrir alla Keflvíkinga sem komu að þessu móti. Þessa viðurkenningu fékk félagið fyrir að sína góða hegðun innan sem utan vallar á mótinu og megum við vera stolt af okkar krökkum sem stóðu sig afburðar vel í öllum keppnisgreinum og einnig okkur sem fylgdum þeim eftir. Það var eftir því tekið að þeir sem stóðu fyrir utan völlinn og hvöttu krakkana áfram en voru ekki með neina neikvæðni þó ekki hafi allt gengið upp hjá þeim. Ólafur Ásmundsson tók við veglegum bikar fyrir hönd Keflavíkur íþrótta- og ungmennafélags undir lófaklappi allra viðstaddra á svæðinu. Mótið endaði síðan á svakalegri flugeldasýningu sem ætlaði engan endi að taka. Ég vona að við í Keflavík höldum áfram á þessari braut og fjölmennum á næsta mót sem haldið verður á Höfn í Hornafirði verslunarmannahelgina 2013. Guðjón M. Axelsson.

Sími 421 2884 • rekan@rekan.is

Óskum Suðurnesjamönnum gleðilegra jóla og farsæls komandi árs. Þökkum árið sem er að líða.

Jólablað 2012

37


Badmintondeild:

Ekki gengur allt eftir eins og maður hefði helst viljað

O

kkar óskir um meiri velgengni og aukin fjölda iðkenda á nýju ári gengu því miður ekki eftir og heldur fækkaði í okkar röðum frekar en hitt. En auðvitað er þetta eitthvað sem er nú ekki alveg óþekkt í rekstri svona jaðaríþróttar. Þar sem maður finnur tilfinnanlega fyrir minnstu sveiflum og hver og einn þátttakandi vegur svo þungt. Við héldum þó okkar striki og vorum með æfingafjölda eins og við höfum verið með til þessa. Þjálfarar voru þeir sömu og áður þær Karen og Margrét með Stefán sér við hlið. Á aðalfundi deildarinnar varð sú breyting á að Jónas Þorsteinsson sem verið hefur formaður deildarinnar síðastliðin ár óskaði eftir að láta af formennsku sökum annarra starfa, en lýsti samt vilja til að halda sæti í stjórninni. Ekki fór nú embættið langt því sonur hans Stefán tók við keflinu, aðrar breytingar urðu nú ekki í deildinni. Fjöldi iðkenda var nú kominn í sögulegt lágmark og eina sem hægt var að gera var að vona að haustið mundi verða líflegra. Með þetta var farið í sumarfrí í lok apríl. Haustið kom en án þess að í okkar raðir bættust iðkendur, eins og við hefðum vonað. Ekki var hægt að hefja æfingar í byrjun september eins og venja hefur verið, því ekki vantaði bara iðkendur, því núna vantaði líka þjálfara. Stjórn deildarinnar sá á þessum tímapunkti ekki fram á annað en að deildin þyrfti að taka sér frí, alla vega þessa haustmánuði. Og var nánast komin að því að kasta inn handklæðinu, þegar í ljós kom að vilji var hjá nokkrum eldri iðkendum að hefja æfingar. Var nú allt sett á fullt við að finna tíma, því við höfðum látið þá frá okkur tímabundið fram að áramótum. Við

fengum tíma í Heiðarskóla á laugardögum, og það sem af er hausti hefur þátttaka verið framar vonum, alla laugardaga allir vellir fullnýttir. Þó ekki hafi verið hægt að bjóða uppá þjálfun eins og við hefðum helst viljað, hafa þær mæðgur Stefanía og Ýr séð um tilsögn til þeirra sem þarna hafa mætt. Þess má geta að Stefanía hefur réttindi til þjálfunar og hefur áður gripið inní fyrir deildina. Nú er heldur bjartara yfir þó betur megi ganga. Þetta haust var allt reynt til þess að við gætum haldið okkar venjubundna byrjendamót, sem verið hefur akkerið í okkar starfi árum saman því mikill fjöldi þátttakenda hefur sótt okkur heim svo skipt hefur ekki bara tugum heldur hundruðum þegar best lét. Og var einna fjölmennast í þessum geira. Þetta haust fór þó svo að við náðum ekki að höfða til þessa hóps og urðum að fella þetta niður, þetta þótti okkur mjög miður, við bindum vonir við að

1CLBSK©΋ÞPÒRR?DÒJIG©΋©)CLJ?T΋I© og landsmönnum öllum bestu óskir um

GLEÐILEG JÓL ! Megi nýja árið færa ykkur QGEP?©΋©JCGI©ME©QR?Pdž

HS Veitur hf 38

Jólablað 2012

það verði bara þetta haust sem svo muni vera að ekki sé stór hópur sem hér spilar badminton. Það er enn okkar trú sem að þessari íþrótt stöndum að hún eigi erindi inní þá flóru íþrótta sem hér er iðkuð í Reykjanesbæ og sendum hér með ákall til allra sem leitt hafa hugann að því að hefja æfingar, að láta nú vita af sér svo hægt verði á vormánuðum að keyra af stað enn á ný með öflugu starfi svo ekki tapist þessi íþrótt alveg niður. Við í stjórn Badmintondeildarinnar viljum svo senda þakkir til allra sem stutt hafa við bakið á okkur í gegnum tíðina og sendum öllum bæjarbúum okkar bestu jóla- og nýjársóskir. Æfingatími: Laugardaga: 12:30-14:30 í Heiðarskóla. F.h. badmintondeilar Keflavíkur Dagbjört Ýr Gylfadóttir.


Skemmtun fyrir alla fjölskylduna OPIÐ: 6:45 - 20:00 virka daga, 8:00 - 18:00 um helgar

frítt fyrir börn

H V Í TA H Ú S I Ð / S Í A – 1 2 - 2 3 5 5

fjölskyldusundlaug

Gleðileg jól Við þökkum íbúum Reykjanesbæjar fyrir viðskiptin á árinu. Óskum bæjarbúum öllum gleðilegra jóla og farsældar á komandi ári. Jólakveðjur, Linda og Pálmi, Aðalskoðun Reykjanesbæ.

Aðalskoðun - Holtsgötu 52 - Reykjanesbæ - sími 590 6970 - www.adalskodun.is

Jólablað 2012

39


Jólagjöf sem hentar öllum Með gjafakorti Landsbankans er ekkert mál að gefa réttu jólagjöfi na. Þú ákveður upphæðina og viðtakandinn velur gjöfi na. Gjafakortið fæst í næsta útibúi.

Landsbankinn

landsbankinn.is

410 4000

Profile for Keflavik

Jólablað 2012  

Jólablað 2012  

Profile for keflavik
Advertisement