Aquí está o mellor fogón, ese que os cociñeiros chaman imaxinación. Cociña das palabras que se come polos ollos sen garfo nin culler. Alíñanse nun momento estrelas con adxectivos e corcheas con pementos. Ao mercado a por palabras! hai milleiros de receitas para poder cociñalas.
PINZAS
F R I TA S
As pinzas son a única especie de peixes que vive fóra da auga. Hainas ben en patios, terrazas e lavadoiros; quizais porque a escuma dos deterxentes lles trae á memoria a imaxe afastada do mar. Para pescalas, abonda atar un cordel á punta dunha cana e acudirán voraces a trabalo. Non teñen espiñas nin escamas, e fritas resultan un peixe gorentoso. Convén gardalas nunha caixiña plástica.
12
Se che pillan a roupa cos seus dentes, dĂŠixancha seca.
L I Ñ A S A O R O Q U E F O RT Cóllese un caderno de follas raiadas e arríncanselle, polo menos, as liñas de cinco páxinas. Póñense a ferver durante dez minutos cun pouco de aceite, e quítaselles a auga nun escorredoiro. Quen as prefira con chourizo, só ten que escribir a palabra chourizo en cada liña. Remexer de cando en vez cun lapis do dous.
Terán que aliñarse con roquefort relado, de queixo de goma de borrar.
14