O TRANVÍA NÚMERO FLOR
Guia Risari Federico Delicado
Laura sempre contaba historias incribles.
Falaba dun tranvía no que sucedían cousas extraordinarias.
Ninguén a cría, agás Omar, un rapaz reservado e melancólico.
–Estraño a miña casa –dicía el–. Estraño o país onde nacín.
–Queres volver a velo? –preguntoulle Laura un día.
–Mais, como? –respondeu el cos ollos moi abertos.
–Esta tarde espérame ás tres na parada do tranvía.
Iremos xuntos.
Omar asentiu e ás tres en punto estaba con Laura agardando o tranvía.
–Cando vai chegar? –preguntou impaciente.
–Depende... –respondeu ela sen dar máis detalles.
–De que? –insistiu el.
–Do Sol, creo.
Unha raiola acariñou a súa fronte e nese intre chegou troupeleando un vello tranvía de cor laranxa.
Omar tentou ler o seu número, pero no seu lugar había unha flor.
ISBN: 978-84-1343-349-3
