Aspaldi zebiltzan abereak peskizan ilargia nola dastatuko. Geza ote zen, edo gazia? Zatitxo bat dastatu nahi zuten. Gauetan zerura begira egoten ziren. Tente jarrita lepoa luzatzen zuten, baita zango-besoak ere, harrapatu nahirik. Alferrik zen guztia, abere handienak ere ezin zuen ukitu.
Halako batean, dortoka txikia mendi gorenera igo zen, handik ilargira iritsi ahal izateko.
Gain hartatik ilargia hurbilago zegoen; baina hala ere, dortokak ezin izan zuen ukitu.
Orduan, elefanteari egin zion dei.